Java e filmit në Mitrovicë, në terasën e 7Arte, do të hapet sot me filmin ‘Vera Andrron Detin’ me skenar të Doruntina Bashës dhe regji të Kaltrina Krasniqit.
Sinopsisi: ‘Përditshmëria e qetë e Verës (64) çrregullohet nga vetëvrasja e papritur e burrit të saj që hapë rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyn Verën të marrë fatin e familjes në duart e saj.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazish gjinore thellë të rrënjosura në shoqëri edhe në ditët e sotme’.
Filmi shfaqet dot me fillim nga ora 20:00. / KultPlus.com
Nën organizimin e Komunitetit Shqiptar të Selanikut, filmi kosovar fitues i shumë medaljeve ndërkombëtare “Vera andrron detin” do të shfaqet në dy kinematë e njohura verore të Bashkisë Neapoli-Sykies të Selanikut, përcjell KultPlus.
Për të gjithë të interesuarit, filmit do të shfaqet sipas programit të mëposhtëm:
Kinema “Παράδεισος”, zona Strembeniotis, Neapoli, më datë 3 – 6 gusht, ora 21:15 dhe në Kinema “‘Αλσος”, kodra e Alsos, Sykies, datë 7 – 9 gusht, ora 21:15.
Me skenar nga Doruntina Basha dhe regji të Kaltrina Krasniqit, filmi është mbështetur nga Qendra Kinematografike e Kosoves, Agjencia e Filmit e Maqedonisë së Veriut dhe Qendra Kombëtare e Kinematografisë.
Sa i përket ngjarjes së filmit, Vera është një përkthyese e gjuhës së shenjave në moshë të mesme, e cila bën një jetë të mirë: një grua me një gjykatës të famshëm, një nënë mbështetëse dhe një gjyshe e kujdesshme. Paqja e saj prishet nga vetëvrasja e papritur e të shoqit e ndjekur nga një paradë e padëshiruar, kërcënuese e të afërmve që pretendojnë pronësinë e shtëpisë së familjes së tyre në fshat. Kur fillesat e një skeme të botës së krimit fillojnë të dalin në sipërfaqe, bota e Verës do të përballet me rrezikun dhe do të duket e gatshme të shembet. Frika dhe mosbesimi do ta detyrojnë Verën të marrë në duart e saj fatin e familjes.
Aktorët në rolin kryesor janë Teuta Ajdini Jegeni, Astrit Kabashi dhe Alketa Sylaj. / KultPlus.com
Filmi me regji të Kaltrina Krasniqit, “Vera Andrron Detin”, do të shfaqet në Uells gjatë marsit në kuadër të festivalit ‘Wales one World’, përcjell KultPlus.
Njoftimi është bërë përmes një postimi në faqen zyrtare të filmit.
Në vijim gjeni njofimin:
Ne do të shkojmë në Uells këtë mars!
Filmi ynë do të shfaqet si pjesë e edicionit të 22-të të Festivalit të Filmit #WalesOneWorld.
Sipas përzgjedhësve:
“Një performancë qendrore e paharrueshme ndriçon këtë dramë të mirëndërtuar dhe suspensive.”
Filmi me regji të Kaltrina Krasniqit, “Vera Andrron Detin”, do të shfaqet në Nju Jork më 5 mars në kuadër të festivalit ‘Athena Film Festival’, përcjell KultPlus.
Njoftimi është bërë përmes një postimi në faqen zyrtare të filmit.
“Të dashur miq në qytetin e Nju Jorkut, ne kemi kënaqësinë t’ju informojmë se filmi ynë do të shfaqet në edicionin e 13-të të Athena Film Festival më 5 Mars 2023”, thuhet nw postim./KultPlus.com
Filmi kosovar i metrazhit të gjatë artistik “Vera andrron detin” me regji të Kaltrina Krasniqit, është shpërblyer me çmimin e “Best Debute Film”, në edicionin e 21-të të Festivalit Ndërkombëtar të Filmit të Shkurtër “Magma”, në Sicili të Italisë, të mbajtur përgjatë datave 7-19 nëntor 2022, përcjell KultPlus.
“Vera andrron detin” do të shfaqet në Romë në kuadër të Balkan Film Festival, më 30 nëntor 2022.
Ndërsa projekti i ardhshëm i regjisores Kaltrina Krasniqi dhe skenaristes Dori Basha, “Zbardhje”, është njëri nga 11 projektet e përzgjedhura në mesin e 500 aplikimeve në nivel botëror, i cili do të marrë mbështetjen e Hubert Bals Fund të Fesitvalit Ndërkombëtar të Filmit në Rotterdam të Holandës. / KultPlus.com
Filmi kosovar “Vera Andrron Detin” me regji të Kaltrina Krasniqit, fitues i shumë çmimeve të rëndësishme ndërkombëtare, do të ketë premierën edhe në “Balkan Film Festival” në Romë, shkruan KultPlus.
“Të dashur miq në Romë, Vera Dreams of the Sea shfaqet javën e ardhshme në kuadër të Festivalit Ballkanik të Filmit në Romë. Ky festival tash e disa vite ka shërbyer si platformë për promovimin e filmave dhe kineastëve të rajonit tonë. Regjisorja jonë Kaltrina Krasniqi do të jetë aty për të prezantuar filmin”, thuhet në njoftim.
“Vera andrron Detin” ka fituar dy çmime në Festivalin e Venedikut përveç kësaj ky film ka arritur të marr shpërblime në festivale të tjera si në Festivalin e Filmit në Wiesbaden, Festivalin Ndërkombëtar të Filmit dhe Forumin për të Drejtat e Njeriut në Gjenevë, në Festivalin Ndërkombëtar të Filmit në Tokio të Japonisë e shumë të tjerë.
Sa i përket ngjarjes së filmit, Vera është një përkthyese e gjuhës së shenjave në moshë të mesme, e cila bën një jetë të mirë: një grua me një gjykatës të famshëm, një nënë mbështetëse dhe një gjyshe të kujdesshme. Paqja e saj prishet nga vetëvrasja e papritur e të shoqit e ndjekur nga një paradë e padëshiruar, kërcënuese e të afërmve që pretendojnë pronësinë e shtëpisë së familjes së tyre në fshat. Kur fillesat e një skeme të botës së krimit fillojnë të dalin në sipërfaqe, bota e Verës do të përballet me rrezikun dhe do të duket e gatshme të shembet. Frika dhe mosbesimi do ta detyrojnë Verën të marrë në duart e saj fatin e familjes.
Filmi është me skenar nga Doruntina Basha dhe me producent Shkumbin Istrefi. Aktorët në rolin kryesor janë Teuta Ajdini Jegeni, Astrit Kabashi dhe Alketa Sylaj.
Kjo përrallë tërheqëse, si thriller nga regjisorja Kaltrina Krasniqi është “e mbushur me një atmosferë ogurzezë… [është një] debutim i mrekullueshëm, prekës dhe i interpretuar në mënyrë të shkëlqyer… Vera, e luajtur sinqerisht dhe pa frikë Teuta Ajdini, është në ekran pothuajse çdo moment, cilido qoftë një arritje pasi pak filma marrin një grua nga kjo fazë e veçantë e jetës dhe klasës shoqërore si heroinë të tyre… Kjo histori e nuancuar, nervozuese [është] po aq një portret personazhi, aq edhe një film kritik shoqëror”, shkruan Variety.
Festivali do të mbahet nga 29 nëntor deri më 04 dhjetor në Romë (Casa del Cinema). / KultPlus.com
“Ekrani është një medium magjik. Ka një fuqi të tillë që mund të ruajë interesin teksa përcjell emocione dhe gjendje shpirtërore që asnjë formë tjetër arti as nuk mund të shpresojë t’i trajtojë”. Është një nga thëniet më të famshme që vjen nga regjisori Stanley Kubrick, dhe një e tillë padyshim që vlen edhe për kinematografinë kosovare e cila ka vënë vulë të konsiderueshme në kinematografinë botërore, shkruan KultPlus.
Duke filluar nga loja e aktorëve, zgjuarsia e regjisorëve, shkrepjet e mahnitshme e deri tek shpalosja e historive të ndryshme shqiptare e jo vetëm, filmi është aset që po promovon më së shumti Kosovën nëpër vende të ndryshme të botës. Dy nga filmat më të suksesshëm këtë vit janë “Vera andrron detin” me regjinë e Kaltrina Krasniqit dhe skenarin nga Doruntina Basha dhe “Virgjëresha Shqiptare” me skenar të Katia Kittendrof e regji të Bujar Alimanit, që kanë triumfuar nëpër festivale të ndryshme, përfshirë këtu edhe Festivalin Ndërkombëtar të Filmit në Prishtinë, ‘PriFest’.
Në këto dy projekte filmike që kanë pasur sukses të jashtëzakonshëm nëpër botë, kanë qenë pikërisht edhe dy rolet e ndryshme që kanë ardhur nën aktrimin e Astrit Kabashit, ato që kanë treguar dukshëm për një pasion për interpretimin, element kyç i të qenurit një aktor i mirë. Por aktori Astrit Kabashi kapërcen edhe një hap tutje me portretizimin e bindshëm tek dy rolet e tij. Ai komunikon ndryshe me audiencën. Kabashi përcjell emocion të papërshkrueshëm, i shfaq mahnitshëm synimet e personazheve përmes lëvizjeve fizike, të folurit e sidomos shprehjeve të fytyrës. Por, nuk mjafton vetëm me kaq.
Është ajo shkrirja e tij në të dy rolet, që e bënë publikun ta “urrej” personazhin që ai e luan, e kjo sidomos vërehet tek roli i Ahmetit në filmin “Vera andrron detin”, ku ai shantazhohet e detyrohet për të kërkuar medoemos “pasurinë” e vetme të lënë nga kushëriri i tij i ndjerë, ani pse nuk i takon atij që ta marr atë, por që konsiderohej se prona duhet të trashëgohet nga një mashkull i familjes. Pabarazia gjinore është karakteristika kryesore që e fut kokën në këtë histori dhe Ahmeti (Astrit Kabashi), këtë e sjellë më së miri. Ndërsa, tek filmi “Virgjëresha Shqiptare”, rolin që e luan Kabashi është ai i axhës së ‘Burrneshës’, me ç’rast iu nënshtrohet rregullave të Kanunit. Ai e kryen vrasjen e vajzës së tij dhe ajo ftohësi e portretizuar është ajo nëpërmjet së cilës audiencës i dhurohet një akullsi vizuale.
Aktori Astrit Kabashi dukej se është përhumbur plotësisht në të dy rolet dhe “besonte” se personazhet ishin të gjallë ose të paktën kjo është ajo se me çfarë përballen sytë e publikut. Historitë në të dy filmat janë histori që nuk janë të padëgjuara më parë. Andaj, aktrimi i Kabashit ka sjell momente intime dhe detaje që të bëjnë të besosh se nuk je duke e shikuar aktorin, por je ulur dikur afër një familjeje shqiptare dhe po e sheh realitetin në të cilin kanë jetuar e që mund të jetë dhe aktual. Aktori Kabashi ka përcjellë me sukses ndjenjat e synuara dhe shkathtësia e aktrimit të tij në ndërlidhje me llojllojshmërinë e paraqitjes së karaktereve, është patjetër një nga dhuntitë e tij më të çmuara.
Ndërkaq, në një intervistë për KultPlus, aktori Astrit Kabashi ka folur rreth rrugëtimit të tij nëpër “Vera andrron detin” dhe “Virgjëresha Shqiptare”, ka treguar emocionet dhe ka ndarë mendimet e tij për të dyja këto role.
“Vera andrron detin”
“Po kam pasur fatin të jem pjesë e dy projekteve filmike që pas një rrugëtimi të gjatë dhe të suksesshëm u shfaqën para publikut vendas në Kosovë në festivalin “PriFilm” në Prishtinë. E është gjithmonë kënaqësi kur filmi shfaqet në kinematë tona, sepse edhe është obligim, pasi që këta filma bëhen nga taksat e këtij publiku. Pyetet edhe për ndjesinë time kur filmi ka rrugëtim te suksesshëm, dhe në fakt aty edhe duhet të jetë qëllimi i këtyre projekteve, përveç ndjesisë së mirë, gjithmonë duhet menduar edhe për një përfaqësim të denjë në festivalet botërore dhe të mos mendohet lokalisht”, ka thënë Kabashi.
Sipas tij, me regjisoren Kaltrina Krasniqi ai është njoftuar edhe më herët dhe ka punuar me të në filmin “Relax”, me ç’rast ka qenë një eksperiencë e mirë, ndërsa kur edhe është ofruar roli, ai nuk ka hezituar aspak. Për sa i përket filmit “Virgjëresha shqiptare”, Kabashi është kontaktuar fillimisht nga producentja Anita Elsani me të cilën ka punuar më herët edhe në filmin “Der Schubling” dhe nga producenti Besnik Krapi, pastaj edhe nga regjisori Bujar Alimani, ku pastaj e ka pranuar rolin.
“Virgjëresha Shqiptare”
Për realizmin e dy roleve dhe vështirësive potenciale të hasura gjatë dy rrugëtimeve, aktori Kabashi thotë se ekzistojnë shumë faktorë që nuk varen vetëm nga vetë ai, por që kanë ndikim në performancën e tij si artist.
“Nuk mendoj që ka role të lehta për t’u realizuar, qoftë ai rol epizodik apo rol kryesor. Gjithmonë varet sa ti do t’ia bësh vetes të lehte. Nëse do lehtë dhe mirë, atëherë duhet shumë punë e mund. Çdo herë varet edhe sa jep mundësi skenari, e që është punë që nuk varet vetëm nga ti por nga shumë faktor, si regjia, montazhi, dritat, kamera, grimi, partneri e të tjera”, thotë Kabashi.
Ai tutje tregon se duke marr gjithmonë parasysh kontekstin kohor në të cilin zhvillohen ngjarjet, të dy rolet në të dy projektet filmike, nuk ngjasojnë aspak me njëra-tjetrën, por ngjashmëria e vetme që kanë është patriarkati, e që aktori Kabashi e konsideron si një fatkeqësi që burrat gjithmonë kanë vendosur.
“Vera andrron detin”
Kujtojmë se ”Vera Andrron Detin” pati premierën botërore në Festivalin e Venedikut, ku u bë filmi i parë kosovar i metrazhit të gjatë që u paraqit në këtë festival, me ç’rast pati rrëmbyer dy çmime. Po ashtu, filmi ”The Albanian Virgin” pas premierës botërore në edicionin e 37-të të Festivalit Ndërkombëtar të Filmit në Varshavë, në kategorinë zyrtare të konkursit ndërkombëtar, ka fituar dy çmime kryesore, “Çmimin Special të Jurisë” si dhe “Çmimin Ekumenik”. Filmi “Virgjëresha Shqiptare” po ashtu ka triumfuar edhe në Festivalin e Filmit në Ostend, duke fituar “Çmimin e Publikut”, ndërsa aktorja Rina Krasniqi me rolin e saj në “Virgjëresha Shqiptare” është shpërblyer me ‘Special Mention’ në Festivalin Ndërkombëtar të Filmit në Cabourg.
Këto suksese të shumta të kinematografisë kosovare, aktori Kabashi i ka cilësuar si vlerësime që dëshmojnë për punën e mirë që është krijuar. Ai tutje thekson se duke pasur parasysh se në cilat festivale janë shpërblyer këto filma, motivi është shtuar në masë të madhe edhe për punët e projektet e tjera të radhës që do vijnë.
“Virgjëresha Shqiptare”
Krejt për fund, aktori Kabashi na shpalos se së fundmi ka punuar një film me regjisorin Ilirian Himaj, film ky që si duket, është në përfundim e sipër. Ndërsa, për momentin, ai është duke xhiruar një serial jashtë vendit, e që gjithashtu po pritet që të shfaqet së shpejti.
“Mendoj që kinematografia e Kosovës është në momentin e saj më të mirë. Por, jo gjithmonë kjo punë varet nga artistët, sidomos në kinematografinë tonë që financohet direkt nga buxheti i shtetit, andaj nëse do të ketë financim, patjetër që do ketë edhe film të mirë, siç edhe është dëshmuar”, thotë Kabashi i cili e përmbyll intervistën me faktin që prodhimi i filmit është një promovim i pakrahasueshëm i Kosovës.
“Deri tash prodhimin më të mirë që e ka shteti i Kosovës është filmi.”
Një seri imazhesh të treguara njëra pas tjetrës të jepnin iluzionin e një lëvizje të pandërprerë tek syri dhe të merrte aq afër vetës, saqë kishe ndjesinë që edhe ti je pjesë e filmit, apo fotografia që shfaqej në ekranin e madh dukej që ishte pjesë e hapësirës ku t’i ishe ulur dhe krejt lehtësisht mund të zgjatje dorën e të prekësh atë.
Kjo ishte ndjesia e parë që të jepte “Vera andrron detin”, film me regji të Kaltrina Krasniqit dhe skenar të Doruntina Bashës, i cili pas premierës kombëtare në PriFilm Fest, dje u shfaq në Cineplexx për gazetarët, ndërsa nga sot do të fillojë të shfaqet edhe nëpër kinematë tjera në Kosovë, Maqedoni e Shqipëri, përcjell KultPlus.
Pasi në sallë gazetarët kishin zënë vendin e tyre, pa humbur kohë, “Vera andrron detin” u shfaq në ekran. Pamja e parë që na përplaset për fytyre ishin valët e detit dhe tingulli që krijohet nga kjo lëvizje që për shumë kënd është pamja më e bukur dhe tingulli më i këndshëm. Kështu konsiderohej të ishte edhe për personazhin kryesorë, Verën (Teuta Ajdini-Jegeni) por në fakt deti kthehet në një ankth që tregohet përmes mjeshtërisë së fotografisë, nga lëvizja e trembur e shputave të këmbëve që ja nxjerrin gjumin Verës sa herë e ëndërron detin.
E zhytur në një atmosferë të tensionuar, Vera është një portret intim por edhe universal i një gruaje e cila lufton një realitet të vrazhdë të pabarazisë gjinore thellë të rrënjosura në shoqëri edhe në ditët e sotme.
Gjuha e shenjave është pasuria e vetme që nëna e saj ja kishte lënë trashëgimi dhe Vera ndihet me fat që e trashëgoi pasi që falë saj ajo arriti të gjejë punë si përkthyese e gjuhës së shenjave të cilën në film e praktikon pa marr vëmendje por thjeshtë një punë e përditshme që është pjesë e jetës së Verës por që thellë ndërlidhet shumë edhe me karakterin e saj.
Një grua e shkolluar që jetën e bën në një banesë bashkë me burrin e saj, gjykatësin e njohur, Fatmir Gashin (Xhevat Qorraj) e ku shpesh për vizitë ju vjen vajza e vetme e tyre Sara (Alketa Sylaj) bashkë me mbesën e tyre Hanën (Arona Zyberi), vajzën e këndshme që duket sikur është lezeti i vetëm në atë shtëpi.
Biseda e fundit mes Verës dhe Fatmirit ishte rreth shtëpisë që e kishin në fshat e ku pritej të kalonte autostrada. Vera e lumtur që shtëpia kishte një kandidat, shprehet që me ato para t’i blejnë Sarës një banesë dhe me pjesën tjetër të shkojnë në det në Fatmirin, i cili pas këtyre fjalëve nuk bëri asnjë reagim të vetëm, e kjo menjëherë të jepte ndjesinë se diçka e mirë nuk pritej të ndodhte. Por kjo mbeti vetëm një ëndërr e Verës pasi vetëm pas pak çasteve, përmes gishtave të gjakosur që dalin jashtë derën se banjës në banesën e çiftit, tregohet se Fatmiri tashmë ka bërë vetëvrasje e kështu nga ai moment ka ndryshuar përgjithmonë rrjedhën e jetës së familjes.
Vetëvrasja e Fatmirit qysh në fillim vjen në rrethana të pakuptueshme bashkë me fshehjen e këtij akti që ndodhë në bashkëpunim mes Verës dhe Basriut (Refet Abazi), avokatit të familjes si dhe mikut të ngushtë të Fatmirit.
E vetme, Vera tashmë duhet të përballet me patriarkatin. Një prej familjarëve të familjes, Ahmeti (Astrit Kabashi), kërkon që shtëpia të vihet në emër të tij sepse sipas tij dhe burrave të fshatit, Fatmiri ja kishte lënë shtëpinë atij dhe tashmë duhej vetëm nënshkrimi i Verës.
Duke mos pasur një tjetër fakt, përveç fjalës së burrave të fshatit, Vera gjendet në një udhëkryq ku cigarja dhe heshtja janë shoqëruesit e saj të vetëm, deri sa nisin ta shoqërojnë edhe me makina e telefonata të çuditshme duke dashur ta frikësojnë. Këto kërcënime e shantazhe shkojnë deri në atë pikë, saqë tentojnë ta vrasin Sarën, vajzën e vetme të Verës, duke e goditur me makinë. Për fat të mirë Sara i shpëton kësaj tentative dhe këtu ndodhë kthesa tjetër, ku Vera merr rrugën për në fshat e ku pa bërë zë, nënshkruan atë copë letër që desh i mori vajzën.
Bota e krimit që ju kanos Verës, erdhi si rezultat i lojës së bixhozit që Fatmiri kishte bërë gjatë jetës. Përkundër që Vera ishte në dijeni për këtë fakt, një video ja sjell para syve disa pamje që sigurisht nuk do të donte t’i shihte asnjëherë, por që i vijnë në ndihmë për të zbuluar gjithë zinxhirin e krimit që nis nga avokati, personi që Vera i besoi qysh në fillim, e deri te ndërtuesit e autostradave.
Përkundër rezistencës së saj që pasuria t’i takojë vajzës, gjithçka shkoi huq dhe njëkohësisht na vë para faktit se kjo dukuri vazhdon edhe sot në shoqëri dhe gratë vazhdojnë të jenë të shtypura dhe të mos kenë të drejtë mbi pronën.
Vera, një grua që përkundër e shkolluar dhe një karakter i fortë që lufton në heshtje me patriarkatin, e shpalos një tjetër anë të kësaj dukurie, që fjala e burrit është më e fuqishme dhe as shkollimi e karakteri i fortë nuk arrijnë të dalin mbi një shoqëri që vazhdon ta trajtojë gruan si një qenie që nuk ka të drejta të barabarta.
Krejt ky rrëfim vjen në një harmoni unike ndërmjet formës dhe përmbajtjes. Këndi i kamerës është jetik në këtë tregim dhe të ndihmon për ta çuar historinë përpara dhe të kuptojmë marrëdhëniet midis personazheve dhe marrëdhëniet e personazhit me mjedisin e tyre.
Imazhet e filmit shpesh të merrnin aq shumë vëmendjes saqë krejt lehtësisht shmangnin shpërqendrimin e shikuesit nga linja e historisë.
Krijuesja e filmit, Kaltrina Krasniqi, ndër të tjera shpalos edhe pjesë të fuqishme të saj, prerjen dhe bashkimin e pamjeve, duke i dhënë edhe më shumë forcë historisë dhe duke i dhënë efektin e dëshiruar te shikuesit.
Me një mjeshtëri të jashtëzakonshme, filmi arrin të na formësojë kuptimin dhe emocionin e personazhit përmes imazheve dhe këndit të fotografisë.
Detajet, pamjet nga afër, gishtat e dorës, apo këmbës, pozicionin nga prapa apo fytyra krejt afër kamerës përdorën për të sjell në detaje emocionet e personazhit. Kjo ndërlidhje duket të jetë një prej elementeve më të fuqishme të filmit i cili përkundër që nuk ka shumë ngjyra, në aspektin e zhvillimeve ato nuk mungojnë.
“Vera andrron detin”, i cili premierën botërore e pati në ‘Festivalin e Venedikut’ në vitin 2021, dje në Cineplexx solli para gazetarëve regjisoren Krasniqi, skenaristen Basha, aktoren Alketa Sylaj dhe drejtoreshën e fotografisë, Sevdije Kastrati, të cilat në një konferencë iu përgjigjen pyetjeve të gazetarëve.
E para që mori fjalën ishte skenaristja, Doruntina Basha e cila foli për detajet e rafinuara të të shprehurit duke thënë se pas aspektit vizual, është gjuha një prej aspekteve më të rëndësishme të filmit, sepse e komunikon të gjithë nivelin tematik e ideor të filmit, e në këtë rast ajo përmban gjithë rrafshin fiksional të filmit.
“Skenari ka filluar të shkruhet diku rreth vitit 2014 dhe ka filluar krejt spontanisht si një ide, si një shtytje për të shkruar një film për Verën, një grua rreth moshës 65-vjeçare e cila e ka një profil profesional shumë specifik, është interpretuese e gjuhës së shenjave dhe ideja ka qenë me e pa se kush është një grua e tillë në një ambient patriarkal dhe konservativ si shoqëria kosovare dhe prej aty ka lindur tregimi”, shprehet Basha duke dhënë detaje për zanafillën e filmit, nga e cila më pas edhe janë zhvilluar edhe të gjitha idetë e tjera rreth ‘Vera andrron detin”.
Ndërkaq regjisorja Krasniqi, foli për premierën që filmi pati në ‘Festivalin e Venedikut’ ku ishte edhe fitues i dyfishtë, duke e cilësuar si një hap tejet të rëndësishëm dhe që i hapi një derë shumë të madhe nga e cila u hapën edhe shumë dyer të tjera të mëdha më pas.
“Gjatë premierave kemi pasë mundësinë me u taku edhe me audienca të ndryshme të vendeve të ndryshme dhe në princip, patriarkati nuk është specifik për Kosovë, nuk jeton patriarkati veç në Kosovë edhe në Ballkan, shoqëritë globalisht janë patriarkale mirëpo i kanë kulturat e veta dhe specifikat e veta kulturore edhe ato e bëjnë ndoshta pak më të veçantë mënyrën se si kulturat zakonisht flasin për patriarkatin”, thotë Krasniqi duke bërë thirrje që të mos limitohet patriarkati në gjeografi specifike sepse askush sipas saj nuk guxon ta ketë atë legjitimitet.
Po ashtu, ajo thotë se në shikim të parë, Vera dhe historia e saj nuk tregojnë që vijnë nga një vend specifik në Ballkan, sepse gratë sidomos ato të gjeneratave më të vjetra, historikisht janë ballafaquar me situata të ngjashme.
Ndërkaq, Krasniqi foli edhe për shfaqjen e filmit në rajon duke u shprehur e lumtur që më në fund ky projekt do të shfaqet në Kosovë, Shqipëri e Maqedoni.
“Nuk e di si do të kalojë nëpër kinema për shkak se kinematografia jonë është e re dhe me secilin film ne mësojmë se çka po shikon audienca dhe çka po i intereson, kështu që do të jetë një test shumë interesant ta shohim në këtë aspekt”, u shpreh mes tjerash regjisorja.
Krasniqi nuk la pa e përmendur edhe gjuhën e shenjave, të cilën Vera e ka të trashëguar dhe e interpreton tejet natyrshëm, por që regjisorja thotë se ka qenë sfidë për të ta paraqesë këtë veti vetëm si një punë që Vera e bën dhe jo si elementi kryesor i saj si njeri.
“Është e rëndësishme se si një person që gjithë jetën e ka kaluar duke interpretuar jetën e dikujt që nuk ka zë, përfundon si dikush që ka zë dhe nuk e përdorë atë gjuhë për ta bërë një zgjidhje shumë të madhe dhe në fakt edhe për t’i kaluar pritshmëritë edhe ndaj vetes”, shtoi si përfundim regjisorja e filmit.
Përveç Verës, rol tjetër në këtë film është edhe ai i Sarës, vajzës së Verës, e cila interpretohet nga aktorja Alketa Sylaj. Ky film, sipas Sylajt ka bërë që ajo ta jetojë një prej ëndrrave që secili aktor ka, ta luajë rolin e aktores edhe në film.
E krahas kësaj ajo flet edhe për veçantitë e rolit të Sarës, rol ky i cili e bëri të reflektojë edhe në jetës e saj reale, marrëdhëniet me nënën dhe limitet që ajo i ka vënë vetes dhe njerëzit në përgjithësi.
“Sara ka nevoja të tjera, ka një lidhje me nënën e saj që e bën shumë interesant filmin edhe ajo marrëdhënie ka ndikuar edhe në jetën time, me e pa marrëdhënien me nënën time edhe raportin e Sarës me Verën, është shumë interesant me pa që shpesh harrojmë çka kanë kalu prindërit tanë edhe pse është një periudhë e shkurtër dhe është interesant me e pa atë raport nga i cili mëson shumë ma shumë për veten dhe për limitet që ti ja ke kriju vetes edhe pa vetëdije”, shprehet aktorja.
Ndërkaq, drejtoresha e fotografisë, Sevdije Kastrati, rrëfen sfidat dhe vështirësitë e realizimit të filmit dhe portretizimit të Verës dhe historisë së saj, e të cilën thotë se i përket një çështje me të cilën njerëzit në Kosovë janë rritur.
“Kemi punuar shumë me Kaltrinën për të paraqitur vizualisht këtë botë dhe kemi diskutuar shumë se si me e paraqit botën e brendshme të Verës, si e shohim ne Verën, çka është Vera, kush është Vera. Janë shumë shtresa të ndryshme që është vështirë me u shprehë me fjalë mirëpo i kemi shprehur në film”, deklaroi Krasniqi e cila më tutje tha se ky film nuk ka shumë ngjyra, ngjyrat janë të ngurta mirëpo shfaqja ka shumë ngjyra sepse ka shumë dinamikë përmes të cilës paraqitet gjendja e brendshme e Verës.
Kujtojmë që ‘Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri.
Në film luajnë: Teuta Ajdini-Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, Ernest Malazogu, Selman Jusufi, Armend Baloku, etj. Drejtoreshë e fotografisë: Sevdije Kastrati; Producent: Shkumbin Istrefi./ KultPlus.com
Filmi “Vera Andrron Detin” tashmë është i disponueshëm edhe në platformën për filma dhe seriale, “HBO max”, shkruan KultPlus.
“Vera Andrron Detin” bëri hapjen e Festivalit të Filmit “PriFest”, derisa së shpejti do të shfaqet edhe në Cineplexx.
Ky film ka si personazh kryesor Verën, përditshmëria e qetë e e së cilës, çrregullohet nga vetëvrasja e papritur e burrit të saj që hap rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi./ KultPlus.com
Një histori e pazakontë, krejtësisht e rrallë por e veçantë në llojin e vetë, ka qenë njëra ndër pikat kryesore që ka kulmuar mbrëmë në hapjen e Festivalit Ndërkombëtar të Filmit në Prishtinë, ‘PriFest’, me rastin e premierës së filmit kosovar, tashmë të suksesshëm “Vera andrron detin” nën regjinë e Kaltrina Krasniqit. ‘PriFest’ sivjet shënon edicionin e katërmbëdhjetë por për herë të parë pa drejtoreshën e festivalit, Vjosa Berisha e cila vdiq më 23 qershor të këtij viti. Andaj, ky edicion do të jetë në kujtim dhe nderim të saj, shkruan KultPlus.
Pak para se ora të shënonte 20:00, ishte pamja para objektit të Kino Armatës ajo që po tërhiqte vëmendjen e të gjithë atyre që kalonin pranë. Tapeti i kuq i shtruar, reflektorët në ngjyra të ndryshme që ngjasonin me ngjyrat e sivjetshme të festivalit, muzika live që buronte lehtazi nëpër atmoferë, ishin vetëm disa nga copëzat e shumta që kryeqytetit po i sjellin një frymë të shumëpritur. Artdashës të shumtë mbushën vendin dalëngadalë, teksa hapësira u mbush pothuajse qosh më qosh. Ndërkaq, premiera e filmit “Vera andrron detin” u bë e mundur që të shijohej në dy hapësira; në Kino Armatë dhe Kino ABC.
Pas shumë përqafimeve, buzëqeshjeve, shkrepjeve të fotografive në ambientin e jashtëm, kishte ardhur koha që filmi të jetësohej në Prishtinë. Salla në Kino Armatë u mbush plot dhe të gjithë zunë vendin e tyre nëpër ulëse. Pas ca momenteve, në skenë doli aktori Armend Smjali i cili në rolin e moderatorit, bëri hapjen zyrtare të këtij edicioni. Ai nuk la pa e përmendur edhe lumturinë që e posedonte për prezencën e drejtoreshës së “Odesa Film Festival”, Anna Machukh, të cilën e përshëndeti dhe i tha në emër të popullit të Kosovës, që “ne qëndrojmë me Ukrainën, jemi me ta dhe njerëzit e tyre, si dhe jemi të lumtur që ajo sonte ndodhet me ne.”
Tutje, një performancë që zuri vend brenda hapësirës, qe pjesa më e ndjeshme që emocioni të pranishmit. Nga reflektorët e llojllojshëm që portretizonin ngjyrat e këtij edicioni të festivalit, dhe që mrekullueshëm binin direkt mbi personazhet në skenë, interpretimi i aktorit Armend Smajli, i cili shoqërohej këndshëm nga violinisti Visar Kuçi dhe kitaristja Tringa Sadiku, solli momente poetike që rezultoi në rrëqethjen e audiencës. Audiencë kjo që tashmë veçse ishte rrethuar me kujtimin për Vjosa Berishën, fotografitë e së cilës përshkonin muret në sallë, teksa buzëqeshja e saj plot rrezatim që ëmbëlsisht portretizohej, ngjalli ndjenja të panumërta. Kujtimi dhe nderimi për të, vazhdonte të rrjedhë njashtu si lumi në shtratin e tij të vrullshëm, plot mallëngjim por asnjëherë në mbarim.
Gjithashtu, një pikë tjetër e kësaj nate ishte edhe pjesëmarrja e korit të njohur “Siparantum” që me vokalin e gjithsecilit në skenë, pushtuan atmosferën me një vijë melodike që erdhi aq butësisht por në një mënyrë tejet të veçantë. Të veshur në të zeza, ata arritën që njëzëri të nderojnë figurën e Vjosa Berishës, e cila në ato momente padyshim që do të ishte krenare për punën e palodhshme të secilit pjesëmarrës.
Në anën tjetër, nuk kanë munguar as edhe fjalimet në nderim të saj por edhe në kuadër të hapjes së edicionit të 14-të të Festivalit Ndërkombëtar të Filmit në Prishtinë, ‘PriFest’.
Kryetari i Komunës së Prishtinës Përparim Rama, ka thënë se ‘Prishtina Film Festival’ e shndërron qytetin e Prishtinës në një parajsë të vërtetë.
“Kënaqësi dhe moment shumë emocional me qenë sonte këtu pa Vjosën. Unë jam rrit me Vjosën, afër Vjosës dhe kam lind në një ndërtesë me të. Kam shumë momente që i kujtoj prej vegjëlisë. Vjosa, gruaja e jashtëzakonshme që krijoi e zhvilloi ‘PriFilmFest’, këtë festival të mrekullueshëm të filmit që na e nderon kryeqytetin tash e katërmbëdhjetë edicione. Përgjatë edicioneve të mëparshme, festivali ka pruar filmat më cilësorë nga vende të ndryshme si dhe kineastë, regjisorë e aktorë të famshëm nga vende si Amerika, Australia, Britania, e po ashtu edhe nga rajoni ynë”, thotë Rama.
Sipas tij, sivjet, me nismën e Vjosës, festivali ka shkuar edhe një hap tutje, në kuadër të ‘Odesa Film Festival’ që po e hap edicionin këtu në Prishtinë.
“Sonte jemi të nderuar nga prania e ukrainasve në këtë edicion të përbashkët. Si kryetar, mund të them që këto festivale të mahnitshme po ndihmojnë që të shfaqin imazhin tonë më së miri. Ajo që e bënë këtë festival kaq madhështor është që nuk kufizohet vetëm me projektimin e filmave por ofron edhe trajnime, ligjërata, punëtori. ‘PriFilmFest’ na e kthen qytetin në një parajsë të vërtetë për të gjithë adhuruesit e artit të shtatë”, përfundon ai.
Kurse, ministri i Kulturës, Rinisë dhe Sportit, Hajrulla Çeku është shprehur tejet i lumtur që festivali po nis rrëfimin e katërmbëdhjetë me radhë.
“U bënë plot katërmbëdhjetë vite me ‘PriFilmFest’ dhe tre muaj pa Vjosa Berishën. Është një prej festivaleve më të suksesshme nis rrëfimin e katërmbëdhjetë sonte pa personin që e bëri atë një nga ngjarjet më të mira kulturore në vend. ‘PriFest’ është tregimi për energjinë dhe punën e madhe të kineastëve tanë dhe takimin me botën. Është edhe tregimi për aktivisten e palodhshme kulturore. Në momente si këto, fjalët dinë të jenë të varfër andaj nuk do ta zgjasë. Po e mbylli një dedikim për Vjosën por këtë dua ta bëj duke e përgëzuar Fatosin që na mblodhi sonte këtu në hapjen e edicionit të 14-të. Kjo besoj është mënyra më e mirë për ta kujtuar e falënderuar Vjosën, për gjithë kontributin e saj për kulturën e vendit tonë. Qoftë i përjetshëm kujtimi për jetën dhe veprën e Vjosa Berishës. Qoftë jetëgjatë ‘PriFest’”, ka thënë Çeku.
Figurën e Vjosa Berishës, e nderuan edhe kryetari i Bashkisë së Tiranës, Erion Veliaj si dhe drejtoresha ekzekutive e bankës ‘Raiffeisen’, Anita Kovacic.
Ndërkaq, fiks kur ora shënoi 21:18, nisi edhe premiera e filmit “Vera andrron detin”. Errësira mbizotëroi vendin, teksa pamja e parë gjeti vendin në ekran. Një peizazh që bashkon detin dhe qiellin në një horizont që duket i pakufishëm, përthekoi të pranishmit brenda një qetësie dhe ndjenjës së paqes.
Personazhi kryesor, Vera, (Teuta Ajdini-Jegeni) është një përkthyese e gjuhës së shenjave, burri i të cilës është një gjykatës i njohur. Ajo është një nënë e një vajze të vetme dhe një gjyshe e dashur për mbesën. Papritmas jeta e saj merr një kahje tjetër kur burri i saj, Fatmir Gashi (Xhevat Qorraj), bën vetëvrasje, akt ky që shoqërohet me pikëpyetje të vazhdueshme. Qysh në fillim, fshehja e veprimit të tillë synohet nga Basria (Refet Abazi), avokati i familjes si dhe mik i ngushtë i Fatmirit. Reputacioni i Fatmirit kësisoj mbetet i palëkundshëm.
Situata të padëshirueshme sa vijnë e shtohen, teksa misteret fusin kokën në sipërfaqe. Krejt çka Vera ka në vlerë tash është veç një shtëpi në fshat, pronësia e së cilës vihet në një pretendim. Familjarët e afërt, në veçanti Ahmeti (Astrit Kabashi) me doemos kërkon që ajo shtëpi të vihet në emër të tij, ngaqë sipas tij dhe gjithë burrave të fshatit, fjala e të ndjerit, Fatmir Gashit, ka qenë se shtëpia i takon Ahmetit dhe se ajo fjalë duhet të respektohet.
Por se çka fshihet pas sekreteve dhe deklaratave pa dëshmi, Vera është e vendosur që ta zbulojë. Një botë krimi është ajo që del nga fshehtësia dhe ndjek pas Verën, rrezikon jetën e vajzës së saj, Sarës, e njëkohësisht ndikon edhe në jetën e mbesës, Hanës. Fati i tyre bie në pëllëmbën e dorës së saj. E vetme dhe e frikësuar, Vera tash duhet të përballet me realitetin e vrazhdë ku pabarazia gjinore i ka futur thellë rrënjët në shoqëri.
Lufta për të siguruar pjesën e trashëgimisë që i takon vajzës së saj, qe e kotë. Duke u përballur me kufijtë e këtij fenomeni, ajo humb të drejtat e pronësisë. Është një histori që prek shumicën e historive të familjeve në shoqërinë tonë dhe besimi se gratë do të mbeten përjetësisht të varura ekonomikisht nga burrat, është tejet i dukshëm edhe në ditët e sotme. Regjisorja Kaltrina Krasniqi vë në pah rrëfimin e një karakteri që nuk shtypet lehtazi, nuk dorëzohet por mban kokën lart e lufton kundër shoqërisë së pasluftës. Një shoqëri ku gratë nuk kanë të drejtë mbi fjalën e burrit, nuk mund të kërkojnë të drejta për diçka që i përket atyre por mbi të gjitha, një shoqëri e cila gruan e sheh si një qenie që në përditshmëri ka vetëm ca detyra të caktuara brenda katër mureve të shtëpisë.
Nënshtrimi i Verës pason kur ajo zbulon se sa thellë ka futur duart korrupsioni dhe se sa e rëndë është pesha e patriarkatit shtypës dhe kërcënues mbi supet e saj. Fuqia e aktores Teuta Ajdini-Jegeni në një ndërlidhje me skenarin nga Doruntina Basha, thjesht është sa magjepsëse aq edhe reale. Midis modernitetit dhe traditës, filmi qëndron në këmbë dhe arrin të shpalos portretin e një gruaje që mundohet të gjejë balancën midis dy qosheve drastike.
Në anën tjetër, përgjatë gjithë situatave të tensionuara në film, meloditë e violinës nga Petrit Çeku janë të mahnitshme. Tingujt janë ato që të shpojnë në shpirt e të rrëmbejnë pas ekranit, si dhe të bëjnë që akoma më shumë të ndjesh sharrimin e Verës drejt një nënshtrimi të detyrueshëm. Ndërkohë, kuadrot e gjera, të ngrohta e herë të ftohta, në të shumtën e rasteve fiksojnë Verën dhe rrethanat e saj. Pavarësisht përballimeve të cilat ajo i has përgjatë rrugëtimit, ajo arrin që me zgjuarsi të zhvillojë një bisedë me avokatin e familjes, në një kafene ku prezentë janë vetëm personat e shurdhër, me ç’rast arrin t’i bëjë ballë gënjeshtrave të vazhdueshme, me vetëm një incizim në dorën e saj që ndërron komplet rrjedhën dhe na ofron një fund ndryshe nga e zakonshmja.
Pas shfaqjes së filmit, ishin duartrokitjet dhe brohoritjet në publik ato që zhurmuan sallën në Kino Armatë. E në mesin e tyre ishte edhe ekipi i filmit ‘Vera andrron detin’, anëtarët e të cilit ngadalë dolën në skenë.
“Ka qenë shumë bukur me pa që qyteti ku unë jam rritë, ka ardhur sonte. Unë jam çik e Prishtinës dhe e kam emrin Kaltrinë. Kjo është kinemaja ku unë e kam pa filmin e parë në jetën time kur isha gjashtë vjeç dhe më ka pruar shkolla ime në atë kohë. Më kujtohet që e kam parë një film rus të animuar dhe ka qenë shumë magjik. E sot i kam katërdhjetë vjet dhe po kthehem në këtë kinema prapë. “Vera andrron detin” e ka pas premierën tash e një vjet në festivalin e Venedikut, dhe jam shumë e lumtur që më në fund po e ndaj me publikun e qytetit tim. Natyrisht që jam shumë e emocionuar. Ne kemi udhëtuar në krejt botën dhe po vazhdojmë të udhëtojmë, por është shumë bukur që e ndaj sonte me ju”, thotë regjisorja Krasniqi.
Ajo tregon se e pranishme në sallë është edhe nëna e saj, Vera, e cila filmin e ka parë për herë të parë.
“Gjëja më e bukur është që me mua është edhe ekipi që ka qenë me mua aq afër meje dhe aq të dashur për shtatë vjet sepse nuk është shumë e popullarizuar që të tregohet një tregim për një grua që i ka gjashtëdhjetë vjet por ata më besuan që ky tregim është shumë me rëndësi dhe më kanë shtyrë për shtatë vjet. Po ashtu, Vjosa Berisha i ka bërë disa gjëra të cilat janë shumë të rëndësishme për skenën tonë. Ajo i ka themeluar disa themele që janë të vlefshme jo vetëm për filmin por për krejt skenën artistike, sepse Vjosa ka qenë gjithmonë një menaxhere shumë e mirë kulturore. Andaj, ne prej këtij viti e tutje ia kemi borxh Vjosës që ky festival të jetojë. Qyteti jonë e meriton me qenë në hartën e qyteteve më të bukura të kinemasë”, përfundon Krasniqi.
Kurse, sot në një konferencë për media për të treguar më shumë rreth rrugëtimit të filmit ‘Vera andrron detin’, të pranishëm ishin regjisorja Kaltrina Krasniqi, aktorët Teuta Ajdini-Jegeni dhe Refet Abazi, si dhe producenti Shkumbin Istrefi.
“Ka qenë shumë me rëndësi për mua për të parë një rrëfim të treguar nga një person në të gjashtëdhjetat. Nuk është një perspektivë që është shqyrtuar nga shumë regjisorë, andaj dhe ka qenë një nga aspektet kryesore që më ka shtyrë e motivuar që unë të vazhdoj ta bëj.” – Kaltrina Krasniqi
“Ky udhëtim ka qenë sa i lehtë aq edhe i vështirë, dhe anasjelltas. Vera është një personazh nga i cili kam marrë shumë por unë si Teutë edhe Verës i kam dhënë aq njëjtë. Është një personazh e cila ka shumë të përbashkëta me shumë gra në të gjithë botën dhe mund të them se që në fillim kur mu nda roli, e ndjeva shumë të afërt dhe në shumë pjesë të skenarit, e gjeta edhe veten time. Prandaj them se vështirësi nuk kam pasur për ta përjetuar, thjesht e luajta ashtu siç e ndjeva dhe së bashku me Kaltrinën, e gjetëm një gjuhë të përbashkët.” – Teuta Ajdini-Jegeni
“Ky film, është një film i çikave. Ky film është një ndër përvojat më të mira të miat dhe unë jam ndjerë jashtëzakonisht bukur gjatë xhirimit, pikësëpari për arsye se ne aktorët dëshirojmë që të takojmë shpesh regjisorë që e dinë se çfarë kërkojnë dhe duan. Kaltrina është një nga regjisoret që nuk jep urdhra si zakonisht, ajo thjesht magjeps me mënyrën e tregimit që ajo dëshiron të rrëfejë. Ajo të bënë bashkautor në rrëfimin e saj dhe të respekton autonominë krijuese si aktor. Po ashtu, ka pasur edhe një energji të jashtëzakonshme përgjatë xhirimit.” – Refet Abazi
“Është shumë vështirë të prodhohet një film sepse rruga asnjëherë nuk përfundon në prodhimin e tij, por është në distribuimin nëpër shfaqje. Kemi pasur punë intensive në financimin, përgatitjen dhe xhirimin e këtij projekti. Projekti ka filluar në vitin 2014, në vitin 2015 jemi financuar nga QKK-ja, pjesërisht, dhe kam pasur fatin të gjejë ko-producent shumë të mirë që e kanë dashur projektin e kanë dhënë gjithçka nga vetja. Mirëpo, filmi nga momenti që pati premierën në Venedik, ka shëtitur në gjithë botën dhe kemi marrë shumë çmime e që na e japin një kënaqësi për gjithë këtë punë që e kemi bërë.” – Shkumbin Istrefi
Kujtojmë se ”Vera Andrron Detin” pati premierën botërore në Festivalin e Venedikut, ku u bë filmi i parë kosovar i metrazhit të gjatë që u paraqit në këtë festival, me ç’rast ka rrëmbyer dy çmime.
Në film luajnë: Teuta Ajdini-Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, Ernest Malazogu, Selman Jusufi, Armend Baloku, etj. Drejtoreshë e fotografisë: Sevdije Kastrati; Producent: Shkumbin Istrefi.
‘Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri. / KultPlus.com
Filmi me regji të Kaltrina Krasniqit, “Vera Andrron Detin”, është shpërblyer me çmimin ‘Special Mention’ në Festivalin e Filmit ‘Fünf Seen’ në Mynih të Gjermanisë, përcjell KultPlus.
“Vera Andrron Detin’ shpërblehet me #Përmendje Speciale në Fünf Seen Filmfestival”, ka shkruar Krasniqi në një postim.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazisë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi./ KultPlus.com
Filmi me regji të Kaltrina Krasniqit, “Vera Andrron Detin”, do të shfaqet në edicionin e 46-të të Festivalit Ndërkombëtar të Filmit në Hong Kong, shkruan KultPlus.
Siç ka njoftuar vetë filmi përmes një postimi në rrjete sociale, ky ka qenë një muaj shumë i veçantë për ta.
Filmi do të shfaqet si pjesë e seksionit “Global Vision” të këtij viti në kuadër të festivalit në Hong Kong.
Frymëzuar nga lufta e nënës së saj të divorcuar, debutimi me karakter narrativ i Krasniqit është një portret intim i një gruaje që lufton kundër një shoqërie të pamëshirshme patriarkale. E ndërprerë nga vetëvrasja e të shoqit, Vera, një përkthyese e gjuhës së shenjave në moshë të mesme, ngatërrohet në një skemë të botës së krimit për të marrë shtëpinë e tyre në fshat. Sa një studim hetues i personazheve, aq edhe një kritikë shoqërore, kjo histori nervoze, por prekëse, pohon qëndrueshmërinë e grave ndaj dëmtimit kolateral. /KultPlus.com
Filmi i gjatë artisitk “Vera andrron detin” i regjisores Kaltrina Krasniqi, do të shfaqë premierën britanike në edicionin e 74-t të Festivalit Ndërkombëtar të Filmit në Edinburg të Skocisë. Premiera do të jetë pjesë e “The Chamber”, dedikuar “Quality arthouse for the culturally curious” dhe do të shfaqet në gjuhën shqipe.
Ndërsa, ndër pesë filmat nga katër kontinente, në Institutin e Arteve Bashkëkohore të Londrës – ICA, siç informoi sot Qendra Kinematografike e Kosovës do të shfaqet premiera e filmit debutues “Në kërkim të Venerës” i regjisores Norika Sefa.
Në kinemanë e ICA-s, “Në kërkim të Venerës” do të jetë pjesë e serisë Summer Exclusives, seri kjo e cila ekspozon gjerësinë dhe ambicien e gjuhëve të reja kinemase botërore.
““Në kërkim të Venerës” poashtu nuk është shfaqur në Mbretërinë e Bashkuar dhe përmes Summer Exclusives, audienca do të ketë mundësinë që ta zbuloj atë përmes ekranit të kinemasë së ICA-s.”, bëri të ditur QKK.
Që të dy filmat janë mbështetur nga Qendra Kinematografike e Kosovës dhe deri më tani, “Vera andrron detin” ka shfaqur premierën botërore në Festivalin e Filmit të Venedikut dhe ndër shumë çmime në festivale të ndryshme, ka fituar çmimin Grand Prix të Tokios. Ndërsa, “Në kërkim të Venerës”, në mesin e shumë festivaleve dhe çmimeve, ka shfaqur premierën në Festivalin e Roterdamit, ku edhe është shpërblyer me çmimin special të jurisë. /KultPlus.com
Filmi me regji të Kaltrina Krasniqi “Vera andrron detin” do të shfaqë premierën në Britani të Madhe, përcjell KultPlus.
Lajmi është bërë i ditur në faqen zyrtare të filmit.
“Shumë e emocionuar për të ndarë lajmin se ‘Vera andrron detin’ do të ketë premierën e saj në Festivalin Ndërkombëtar të Filmit në Edinburg të Skocisë! Në këtë edicion të 74-të, ne prezantohemi si pjesë e vargut të Dhomës kushtuar “Shtëpisë së artit cilësor për kureshtarët kulturalisht”, thuhet në postim./ KultPlus.com
Skena e filmit në Kosovë ka pasur një dekadë të mrekullueshme.
Shumë tregime nga kinematografa, veçanërisht nga regjisoret gra, kanë debutuar me sukses me vepra që ofrojnë një vështrim tjetër të vendit të Kosovës në krijim.
Jemi shumë të kënaqur që “Vera Dreams of the Sea” do të prezantohet në një program të kuruar me përpikëri që fokusohet në Kosovë në edicionin e 22-të të festivalit të filmit New Horizons këtë korrik.
Disa prej çmimeve që “Vera Dreams of the Sea” ka fituar deri tani:
Gothenburg IFF 2022 – debutimi më i mirë Festivali Ndërkombëtar i Filmit në Tokio 2021 – Çmimi i madh i Jurisë Selanik IFF 2021 – Çmimi Special i Jurisë /KultPlus.com
Filmi “Vera andrron detin” po vazhdon që të korr suksese të mëdha nëpër festivale të ndryshme, shkruan KultPlus.
Së fudmi, filmi me regji të Kaltrina Krasniqit ka fituar çmim në Festivalin e 21-të Ndërkombëtar të Filmit Evropian “Cinedays”.
Nën sloganin “Shihesh më mirë nga lart”, këtë vit festivali i hapësirave jostandarde për shfaqje nëpër Shkup bashkoi më shumë se 15 dashamirës të filmave evropianë.
U shfaqën 50 filma dhe kurioziteti ishte përzgjedhja ekskluzive Gala, ku u shfaqën filmat nga Festivali i Filmit në Kanë i mbyllur së fundmi.
GOLDEN SUN
“Golden Sun” për filmin më të mirë për “Vera andrron detin” e regjisores Kaltrina Krasniqit.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazisë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri.
Me shfaqjen e filmit “Nuk do të jesh vetëm” të regjisorit Goran Stolevski, përfundoi Festivali i 21-të Ndërkombëtar i Filmit Evropian “Cinedays”./ KultPlus.com
Filmi i metrazhit të gjatë “Vera andrron detin”, me skenar të Doruntina Bashës dhe regji të Kaltrina Krasniqit mbrëmjen e së mërkurës pati premierën e tij para publikut në Shkup, transmeton KultPlus.
‘Vera andrron Detin’ u shfaq në kuadër të Festivalit të Filmit Evropian.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri. / KultPlus.com
Filmi Kosovar ‘Vera andrron detin’ në regji të Kaltrina Krasniqit është filmi që do të hap edicionin e 14-të të PriFest.
‘Vera andrron detin’ pati premierën botërore vitin e kaluar në Festivalin Ndërkombëtar të Venedikut, dhe është shfaqur me sukses tanimë në 20 festivale në mbarë botën në konkurrencë zyrtare dhe ka fituar 6 shpërblime të rëndësishme, nga të cilat edhe çmimin filmi më i mirë në festivalin prestigjioz të Tokios.
“Është bërë traditë tanimë që PriFest-in t’a hapim me një premiere të filmit nga Kosova. Na gëzon fakti që filmi të cilin e promovuam në edicionin e vitit të kaluar teksa po pregatitej për Venedik dhe I cili ka qenë pjesë e best pitch, do ta sjellim për publikun Kosovarë në PriFest. Promovimi dhe përkrahja e filmave vendor dhe filmbërësve tanë është një nga objektivat kryesore të festivalit, prandaj jemi shumë të lumtur që përsëri këtë vit kemi një premierë të filmit nga Kosova, aq më shumë të një regjisore debutante Kosovare, si Kaltrina Krasniqi. Vala e Re e kinemasë kosovare po vazhdon, dhe ne jemi mbështetës krenar të saj”, tha Vjosa Berisha, drejtore e PriFest-it.
Filmi ‘Vera andrron detin’ shtjellon një temë shumë të rëndësishme lidhur me pronën dhe të drejtat e grave në pronë.
Vera është një grua në moshë mesatare që punon si përkthyese e gjuhës së shenjave, e cila ka një jetë të mirëstrukturuar: është bashkëshorte e një gjykatësi të mirënjohur, nënë mbështetëse, dhe gjyshe e dashur. Qetësia e saj prishet nga vetëvrasja e papritur e bashkëshortit të saj, e cila pasohet nga një paradë e padëshiruar dhe kërcënuese e familjarëve me pretendime për pronësi mbi shtëpine e familjes së tyre në fshat. Kur fillojnë të shfaqen fijet e një skemës së nëntokës, bota e Verës do të ballafaqohet me rrezik dhe do të duket qe është pranë kolapsit. Frika dhe mosbesimi do ta detyrojnë Verën ta merr fatin e familjes në duart e saj. E zhytur në një atmosferë kërcënuese, VERA ANDRRON DETIN është një portretizim intim por universal i një gruaje që duhet të ballafaqohet me realitetin e kundërshtimit të çështjeve gjinore me rrënjë të thella të cilat mbizotërojnë në kohët tona.
Filmi ‘Vera andrron detin’ është bashkëprodhim mes Kosovës, Maqedonisë së Veriut dhe Shqipërisë. Regjia: Kaltrina Krasniqi, skenari: Doruntina Basha, producent: Shkumbin Istrefi, ko-producentë: Ognen Antov, Dionis Papadhimitri, Kaltrina Krasniqi. Drejtore e fotografisë: Sevdije Kastrati. Montazhi: Vladimir Pavlovski, Kaltrina Krasniqi. Muzika: Petrit Ceku, Genc Salihu. Në rolet kryesore: Teuta Jegeni Ajdini, Alketa Sylaj, Refet Abazi, Astrit Kabashi.
PriFest shënon edicionin e 14-të këtë vit dhe do të mbahet në data 26-31 korrik. / KultPlus.com
Filmi i njohur “Vera Andrron Detin” ka fituar çmimin për filmin më të mirë në konkursin kryesor të festivalit të filmit ‘goEast’, përcjell KultPlus.
Filmi kosovar me regji të Kaltrina Krasniqit dhe skenar të Doruntina Bashës po korr tashmë suksese të njëpasnjëshme.
Ndërkaq, lajmin e bëri të ditur regjisorja Kaltrina Krasniqi, nëpërmjet një postmi në rrjetin social Facebook.
“E lumtun që e ndaj kët’ moment me ty, Teuta❤️🌊 #veradreamsofthesea shpërblehet #Filmi më i mirë në konkursin kryesor të #goeastfilmfestival2022 🌊”, ka shkruar Krasniqi.
Ky film ka si personazh kryesor Verën, përditshmëria e qetë e e së cilës, çrregullohet nga vetëvrasja e papritur e burrit të saj që hap rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi./ KultPlus.com
Filmi kosovar me regji të Kaltrina Krasniqit, “Vera Andrron për Detin”, është rikthyer sërish në Gjermani këtë muaj, shkruan KultPlus.
Përmes një njoftimi në rrjete sociale nga vetë faqja e filmit është njoftuar se “Vera Andrron Detin” do të marrë pjesë në Festivalin e Filmit “Wiebaden”.
Ky festival është shtëpia e kinemasë së Evropës Qendrore dhe Lindore për dekada.
“Prandaj, ne jemi të kënaqur t’i bashkohemi në festival këtë vit”, thuhet në njoftim.
Në film përditshmëria e qetë e Verës çrregullohet nga vetëvrasja e papritur e burrit të saj që hapë rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazisë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri. / KultPlus.com
“Vera Andrron Detin” ka fituar dy çmime në Festivalin Ndërkombëtar të Filmit dhe Forumin për të Drejtat e Njeriut që po mbahet në Gjenevë, shkruan KultPlus.
Dy çmimet që i ka fituar kanë të bëjnë me çmimin më të lartë në pjesën e filmave më të mirë ndërkombëtar dhe çmimin e jurisë për të rinjtë.
“Falenderojmë festivalin, jurinë dhe publikun e jashtëzakonshëm për këtë vlerësim! Dhe Gjenevë, shpresojmë të shihemi së shpejti përsëri”, shkruhet në njoftimin e tyre në “Facebook”.
Në film përditshmëria e qetë e Verës çrregullohet nga vetëvrasja e papritur e burrit të saj që hapë rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazisë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri. / KultPlus.com
Filmi “Vera Andrron Detin” me regji të Kaltrina Krasniqit do të vazhdojë aventurën e tij në Zvicër, shkruan KultPlus.
Festivali Ndërkombëtar i Filmit dhe Forumi për të Drejtat e Njeriut në Konkurrencën Fiction do të japë premierën e filmit kosovar.
“Më 9 mars, regjisorja Kaltrina Krasniqi do të jetë atje për ta prezantuar filmin. Shihemi së shpejti”, shkruhet në postimin e tyre.
Në film përditshmëria e qetë e Verës çrregullohet nga vetëvrasja e papritur e burrit të saj që hapë rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazisë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri. / KultPlus.com
Filmi kosovar ‘Vera Andrron Detin’ me regji të Kaltrina Krasniqit dhe skenar të Doruntina Bashës ka fituar çminin për Debutimin Ndërkombëtar në ‘Ingmar Bergmab Competition’, përcjell KultPlus.
Për suksesin e këtij filmi, Ministria e Kulturës, Rinisë dhe Sportit ka uruar gjithë ekipin përmes një postimi në “Facebook”.
“Vera Andrron Detin” nga regjisorja Kaltrina Krasniqi triumfon në Göteborg Film Festival. Edhe një sukses për kinematografinë e vendit tonë. Filmi kosovar “Vera Andrron Detin” me regji të Kaltrina Krasniqit dhe skenar të Doruntina Bashës ka fituar çminin për Debutimin Ndërkombëtar në ‘Ingmar Bergmab Competition’. Shumë urime për regjisoren Kaltrina Krasniqi dhe gjithë ekipin e filmit”, shkruhet në postimin e MKRS-së.
Ky film ka si personazh kryesor Verën, përditshmëria e qetë e e së cilës, çrregullohet nga vetëvrasja e papritur e burrit të saj që hap rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi./KultPlus.com
Filmi kosovar ‘Vera Andrron Detin’ me regji të Kaltrina Krasniqit dhe skenar të Doruntina Bashës ka fituar çminin për Debutimin Ndërkombëtar në ‘Göteborg Film Festival’, përcjell KultPlus.
“Çmimi për Debutimin Ndërkombëtar të Ingmar Bergman sivjet iu dha Vera Dreams of the Sea nga Kaltrina Krasniqi. Çmimi konsiston në një qëndrim në Bergmangårdarna në Fårö dhe një vizitë personale në Arkivin Bergman në Stokholm.” – thuhet në njoftimin e faqes zyrtare të këtij festivali.
Ky film ka si personazh kryesor Verën, përditshmëria e qetë e e së cilës, çrregullohet nga vetëvrasja e papritur e burrit të saj që hap rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi./KultPlus.com
