Ilira Gashi, pop-ylli zviceran me mbi 50 milionë klikime në YouTube

Vështirë të ketë ndonjë këngëtar në Zvicër më të suksesshëm ndërkombëtarisht sesa Ilira Gashi (25), shkruan të dielen gazeta Blick, teksa ka përgatitur një rrëfim për tatuazhet e saja.

Këngët e kësaj këngëtareje të njohur të muzikës pop nga Berni, prindërit e së cilës janë me prejardhje nga Shqipëria dhe Kosova, janë klikuar mbi 50 milionë herë në YouTube.

Me këngën “Fading”, ajo ishte në krye të top-listave gjermane për javë të tëra.

Pas Tina Turnerit (80), Ilira është këngëtarja më e njohur zvicerane në “Spotify”.

Por, si shkruan Blick, Ilira është edhe adhuruese e madhe e tatuazheve.

“Ata janë simbole të identitetit tim krijues”, shpjegon ajo. “Një identitet i formësuar nga gratë e forta”./ KultPlus.com

Rihapet shkolla shqipe në Zvicër, Shehu: Le të mësojmë e ruajmë gjuhën tonë

Jeta Zymberi

Ruajtja e gjuhës amtare është pjesë e pashkëputur e identitetit të një personi. Në Zvicër, më saktësisht në qytetin Monthey, pas nëntë viteve pauzë është rihapur më në fund klasa shqipe në kuadër të LAPSH ( Lidhja e Arsimtarëve dhe Prindërve Shqiptarë „Naim Frashëri” në Zvicër), e cila ekziston që nga viti 1995, shkruan KultPus.

Me iniciativën e Zenun Shalës dhe bashkëpunimit të anëtarëve të tjerë të kryesisë: Dugagjin Ramosaj, Valentina Ramosaj dhe Yllka Shehut, klasa e mësimit plotësues në gjuhën shqipe ka nisur mësimin më 6 shtator.

Anëtarja e kryesisë së shkollës shqipe në Monthey-Chablais në Zvicër,

Yllka Shehu, ka treguar për KultPlus se për shkak të mos interesimit të prindërve, kjo klasë është mbyllur në vitin 2011, por ajo shprehet entuziaste që shoqëria shqiptare në diasporë tashmë janë të vetëdijesuar mjaftueshëm për rëndësinë e ruajtjes së gjuhës shqipe.

“Megjithatë, në ketë pikë luan gjithmonë rol të rëndësishëm, fillimisht, edukimi i fëmijëve nëpër familjet e tyre dhe pastaj arsimimi i tyre nëpër shkollat e gjuhës shqipe. Në fund të fundit, brezat e rinjë duhet të kenë një nxitje dhe motivim nga familja sa i përket ruajtjes së gjuhës. Nëse prindërit i japin një shtytje sado të vogël fëmijëve të tyre, atëherë besoj që këta të fundit do të dinë të çmojnë dhe ruajnë edhe më shumë gjuhën shqipe, si dhe t’ua përcjellin atë brezave të ardhshëm”, ka thënë Shehu.

Me rihapjen e klasës së parë në gjuhën shqipe, drejtuesit janë munduar që të rrisin interesimin e sa më shumë prindërve për regjistrimin e fëmijëve të tyre. Deri më tani kanë arritur që klasa të ketë gjithsej 14 nxënës të moshës 6-12.

“Shpresojmë që ky numër të rritet sa më shumë, për shkak që brezat e rinjë nuk duhet harruar asnjëherë prejardhjen, gjuhën dhe vendlindjen e tyre”, thotë Shehu.

Për të bërë hapjen e klasave shqipe (si pjesë e komunitetit), drejtuesit fillimisht është dashur që të marrim leje nga komuna e qytetit Monthey, e cila nuk ka hezituar të ju ofrojë dy klasa në kuadër të shkollës “Reposieux – Cycle d’orientation”. Përveç kësaj, komuna poashtu ka ofruar edhe një ndihmë financiare vjetore për shkollën shqipe.

Për rëndësinë e ruajtjes së gjuhës amtare nga gjeneratat e reja, sipas Shehut, prindërit luajnë rolin kryesorë.

“Një fëmijë shqiptar i lindur dhe rritur në diasporë, ndonëse mund të zotërojë pasaportë të huaj (në këtë rast zvicerane), prapë se prapë prejardhja e tij mbetet shqiptare. Prandaj, po ky fëmijë, kur di të flasë për vendin, gjuhën dhe zakonet e popullit të tij, është më shumë se krenari, jo vetëm për prindërit, por për të gjithë shqiptarët. Prindërit luajnë rol kryesor në këtë çështje. Kur prindërit mbajnë gjallë gjuhën amtare në shtëpi, ata jo vetëm që forcojnë lidhjet familjare mes tyre, por edhe i mësojnë fëmijëve të vlerësojnë dhe krenohen me kulturën dhe rrënjët e tyre.”

Anëtarja Yllka Shehu, nuk ka lënë pa përmendur edhe faktin se shumë fëmijë shqiptarë gjatë pushimeve në Kosovë ndihen të huaj për shkak se nuk e zotërojnë mirë gjuhën shqipe. Andaj ajo ka një lutje për të gjithë.

“Shumë herë  kam dëgjuar edhe shqiptarë që thonë “I huaj këtu (në Zvicër), i huaj edhe në Kosovë”! Prandaj, le të mos ndjehemi më të huaj. Le të mësojmë e ruajmë gjuhën tonë, që nesër të mos ndjehemi sikur nuk përkasim.” / KultPlus.com



Anna Oxa viziton Ambasadën e Shqipërisë në Zvicër

Këngëtarja me origjinë shqiptare, Anna Oxa, ka vizituar Ambasadën e Shqipërisë në Zvicër, shkruan KultPlus.com

Ajo ka theksuar së vazhdimisht sheh ndryshime pozitive në Shqipëri teksa ka ndarë edhe kujtimet e saj për vendin e origjinës.

“Sot kishim kënaqësinë dhe nderin që në Ambasadën e Republikës së Shqipërisë në Bern të Zvicër, të prisnim për vizitë këngëtaren e njohur me origjinë shqiptare, Anna Oxa.

Artistja e njohur, e cila jeton prej kohësh në Zvicër, shprehu kënaqësinë për këtë vizitë dhe ndau kujtime e eksperienca të kaluara në Shqipëri, ku theksoi se pas çdo udhëtimi, vëren ndryshime pozitive në vendin e origjinës, Shqipërinë”, thuhet në njoftimin e Ambasadës së Shqipërisë. / KultPlus.com

Dy kosovarë udhëtojnë me biçikletat e tyre nga Zvicra në Kosovë, arrijnë pas 11 ditësh rrugë

Shin Gjergji nga Stublla e Vitisë dhe Gjergj Zefi nga Ferizaj, kanë ardhur nga Zvicra në Kosovë. Ata i bënë 11 ditë rrugë, pasi udhëtimi i tyre ishte i pazakont.

Shini dhe Gjergji , njeri nga Stublla e Vitisë e tjetri nga Ferizaj, kanë filluar një rrugëtim te gjatë me biçikletë, nga qyteti Wili i Zvicrës për në Kosovë, me saktesishte për në fshatin Letnicë të komunës se Vitisë, aty ku është edhe Shenjtërorja e Zojës së Letnicë.

Arsye e këtij udhëtimi është, 110 vjetorit i lindjes së Nëne Terezës, por kjo për Shinin nga Stublla e Vitisë nuk është hera e pare që ka bërë udhëtime me biçikletë, ai para disa viteve kishte shtegtuar për në Lurd të Francës nga Willi i Zvicrës me një distancë prej 1180 km.

Shini për Kosova.info ka thënë se ndihet krenar me shtegtimet te cilat i ka bërë deri me tani dhe nuk do te ndalet as me ketë te cilin mbrëma e ka nise drejt Kosovës.

“Unë vite më parë një shtegtim e kam bere nga Wili deri në Lurd te Francës ku ka një distance 1.180 KM, tani jemi nisur drejt Kosovës, ne nderim të 110 vjetorit të lindjës së Shën Nënë Terezës, dhe destinacioni jonë është fshati Letnicë, në Shenjtorën e Zojës së bekuar në Letnicë, në Kosovë, aty ku Shenjta Nënë Tereze dëgjoi zërin dhe thirrjen e Zotit për me ja kushtua jetën të varfërve dhe të sëmurave, dhe ky udhëtim ka një distance prej 1.898 km, por ne do te shkojmë tani aty ku edhe filloi rrugëtimin e parë Shën Nene Tereza për ne misionin e saje human në shërbim të Zotit dhe njeriut, me ndihmën e Zotit do te arrijmë shendosh dhe mire deri ne destinacionin tonë, ka thënë Shini.

E ky nuk do te jetë shtegtimi i cili do te ndalet Shini, ai do të filloj një shtegtim edhe me të vështir, dhe pa biçikletë, e ai do te jetë nga Wili drejt Jerusalemit në Izrael, e kjo do te bëhet në këmbe, ku ky udhëtim prej një distance 3,967 km do te zgjasë 6 muaj.

Marshimet për antiracizëm përhapen në Zvicër

Protestat me parullat “Black Lives Matters” u mbajtën në disa qytete zvicerane të shtunën.

Në Bernë, një takim i paautorizuar tërhoqi më shumë se 3,000 njerëz, shumica prej tyre mbanin maska ​​dhe veshje të zeza. Në qendër të Cyrihut demonstruesit gjithashtu dhuruan rroba të zeza dhe bartnin pankarta, ku shkruhej “heshtja e të bardhëve është dhunë”. Policia fillimisht u përpoq t’i largojë ata nga marshimi për shkak të kufizimeve të shëndetit publik në vend për të luftuar pandeminë e koronavirusit. Marshimi më në fund u lejua, me kusht që të qëndronte i qetë, gjë që edhe ndodhi, sipas një reporteri nga Keystone-SDA, në vendngjarje.

Marshime të mëdha u zhvilluan në Lucern dhe Llozanë. Zvicra ndalon tubimet publike në maksimum 300 persona për shkak të pandemisë koronavirus. Kjo është fundjava e dytë me radhë që rrugët zvicerane mbushen me njerëz të indinjuar nga vdekja e afro-amerikanit George Floyd në duart e policisë në Shtetet e Bashkuara më 26 maj, përcjell albinfo.ch.

Several thousand demonstrators take part in an anti-racism demonstration, against police violence and in memory of George Floyd, during a Black Lives Matter (BLM) protest, in Geneva, Switzerland, Tuesday, June 9, 2020. (KEYSTONE/Salvatore Di Nolfi)

Në Zvicër fëmijët e vegjël lejohen t’i përqafojnë gjyshërit

Autoritetet zvicerane kanë bërë të ditur se tani fëmijët nën moshën 10 vjeçare mund të përqafojnë gjyshërit e tyre, sipas rishikimit të këshillave zyrtare për koronavirusin.

Shefi i Departamentit për Sëmundje Infektive në Ministrinë e Shëndetësisë Daniel Koch, ka thënë që shkencëtarët pohojnë se fëmijët e vegjël nuk e bartin virusin.

Sidoqoftë, ai thekson se këto takime duhet të jenë të shkurtra dhe nuk lejohet përkujdesja këta fëmijë gjatë gjithë ditës, raporton BBC, transmeton KOHA.

Zvicra është një nga disa vendet evropiane që ka filluar t’i lehtësojë masat e izolimit.

Këtë javë, kopshtet dhe floktarët, janë lejuar t’i hapin dyert e tyre. Shkollat ​​dhe dyqanet do të lejohen të rihapen brenda dy javësh.

Koch, në një konferencë shtypi këtë javë, ka thënë se këshillat origjinale për të mbajtur distancën midis fëmijëve dhe gjyshërve të tyre u bënë kur dihej më pak se si bartej koronavirusi.

“Fëmijët e vegjël nuk janë të infektuar dhe nuk mund ta bartin virusin pasi që ata thjesht nuk kanë receptorët për ta kapur sëmundjen”, ka thënë ai.