Elgit Doda vjen me një klip dhe bashkëpunim të ri interesant

Këngëtari shqiptar, i cili premton shumë për të ardhmen e muzikës në Shqipëri, Elgit Doda, duket se shumë shpejt do të na paraqesë projektin e radhës.

Me një foto në instagram, Elgiti na prezanton me bashkëpunëtorin e këngës së tij të re dhe ndoshta me pamjet nga xhirimi i klipit.

Dario Zela është artisti që së shpejti do të performojë këngën e re me Elgitin. Nga pamjet duket që Dario është në një moshë shumë të re, por mbetet për t’u parë suksesi i këngës.
Pas këngës “Asaj”, e cila është publikuar në muajin prill, urojmë që projekti i ri i Elgit Dodës të ketë të njëjtin impakt. / KultPlus.com

CONAD ushqim me cilësi dhe çmime me levërdi

Tregu në Kosovë ka oferta të llojllojshme të produkteve ushqimore, por konsumatori kosovar për arsye të kritereve në rritje të përzgjedhjes së ushqimit për tryezën e tyre është gjithnjë në hulumtim për cilësi dhe leverdi, se si do të shtrohet tryeza e tyre. Nëse po ushqehemi shëndetshëm dhe me produkte të cilësisë së kërkuar?!

Alternativa më e mirë në tregun e Kosovës pa dyshim është marketi CONAD, zinxhir marketesh italiane në tërë botën, e cila gjendet edhe në Prishtinë, që për familjet kosovare ofron produktet me cilësinë më të mirë Italiane. CONAD, përpos që dallon me emrin që bartë, me shtetin prej nga vijnë produktet, 100 % dallon edhe me produktet që ofron, pasi ato janë ekskluzive dhe nuk ofrohen në asnjë market tjetër në Kosovë.

Është i vetmi market që produktet ushqimore të ofruara për kosovarët janë të cilësisë së njëjtë, të destinuara edhe për tregun e Bashkësisë Evropiane, pasi e gjithë gama e produkteve në Romë, Milano e San Paolo, për konsumatorin tonë, gjendet dhe në Prishtinë dhe kanë po të njëjtën origjinë, përmbajte dhe cilësi.

Andaj, duke u nisur nga këto specifika: brendi italian, ushqim trefish i kontrolluar sipas standardeve evropiane, produkte eksluzive, çmime të volitshme, dhe mbi të gjitha siguri për një ushqim të shëndetshëm, në CONAD, qytetarët e Kosovës mund të gjejnë zgjidhje me mbi 4300 artikuj të ndryshëm, që vijnë ekskluzivisht nga Italia.

Prandaj qytetarët e Kosovës, për një tryezë të pasur, për një tryezë të shëndoshë dhe me shumëllojshmëri, në CONAD pos tjerash mund të gjejnë ushqim për fëmijë prej moshës 0 deri në 36 muaj, mbi 100 lloje djathërash tradicionale italiane, mëlmesa të ndryshme me aroma e me shije pikante, proshuta italiane duke përfshirë markat e njohura si: Milaneze, Crudo, Cotto si dhe sallamëra italiane.

Brendi i njohur CONAD ka zhvilluar një linjë produktesh biologjike që është e përshtatshme për ata që kujdesen për ushqimin e tyre duke kërkuar ushqime sa më të shëndetshme e natyrale dhe mbrojnë shëndetin e tyre dhe ambientin që i rrethon, pa hequr dorë nga kënaqësitë e shijimit.

Por nuk duhet të harrojmë edhe ushqimin e detit, ushqim mjaft i shëndetshëm dhe me kualitet shumë të lartë. Tregu i Kosovës nuk ofron një cilësi të mirë të ushqimit të detit, por në CONAD, duke iu referuar edhe përvojës italiane, ofron fruta deti të freskëta, të marinuara, të ruajtura në frigorifer të ftohjes së ulët, si: kallamari, karkaleca, oktopod, skampi, etj, kurse për ata që nuk janë shumë të familjarizuar me përgatitjen e këtyre produkteve, ka edhe fruta të gatshme për shërbim.

Dhe jo vetëm me këto produkte përfundon shërbimi i CONAD, pasi që, nëse dëshironi të keni një veçanti nga shtëpitë e tjera, atëherë patjetër duhet të zgjidhet CONAD, duke pasë mundësi të furnizimit edhe me produkte të amvisërisë, si dhe produkte ekskluzive higjiene si Dixan, Dash etj. Me këto oferta do të bindeni vetëm atëherë pasi ti dërgoni këto produkte në shtëpi dhe të vlerësoni cilësinë e tyre. Patjetër që do të ktheheni sërish në CONAD. “Artistë në cilësi, dhe mjeshtër në levërdi”.

Për përkrahje financiare të projekteve për botimin e librave për vitin 2017

Republika e Kosovës
Republika Kosova-Republic of Kosovo
Qeveria-Vlada-Government

Ministria e Kulturës, Rinisë dhe Sportit/Ministarstvo za kulturu, omladinu i sport
Ministry of Culture, Youth and Sports

Departamenti i Kulturës/Departman za kulturu/Department of Culture
Në pajtim me nenin 3 e 21 të Ligjit për Veprimtarinë Botuese dhe Librin, duke u bazuar në nenet 12, 13, 14, 15, 16, të Rregullores Nr. 02/12 për Punën e Këshillit të Librit, me qëllim të promovimit dhe përkrahjes se librit, Ministria e Kulturës, Rinisë dhe Sportit, publikon

FTESË PUBLIKE
Për përkrahje financiare të projekteve për botimin e librave për vitin 2017 me Nr Konkursi: MKRS-DK-DLB 03/2017

 

Data e shpalljes:17.01.2017

Dosja e plotë e konkursit mund të kërkohet përmes postës elektronike në adresën:
http://www.mkrs-ks.org
KONKURSI PËR PËRKRAHJEN FINANCIARE TË PROJEKTEVE TË BOTIMIT TË LIBRIT PËR VITIN 2017
Përkrahja financiare u jepet botuesve për veprat e pabotuara të të gjitha gjinive letrare, përfshirë:
 veprat nga krijimtaria letrare e Kosovës;
 përkthime të veprave kulmore të letërsisë së huaj,
 kompletet e veprave të zgjedhura të autorëve të spikatur.
Të drejtën për konkurrim e kanë botuesit e regjistruar për këtë veprimtari në Kosovë, që përmbushin këto kritere:
 Prezantimi i dëshmisë së të drejtës së autorit,
 Dy dorëshkrime ( një kopje fizike dhe një elektronike ) të titujve konkurrues
 Paraqitja e një vlerësimi profesional nga shtëpitë botuese (arsyetim narrativ)
 Paraqitja e kërkesës me shkrim bashkë me specifikimin detaj të mjeteve buxhetore të planifikuara për realizimin e botimit
 Subjektet nuk duhet të kenë obligime të pakryera ndaj Ministrisë nga vitet paraprake,

Në këtë konkurse nuk mund të përkrahen:
 tekstet shkollore,
 doracakët dhe udhëzuesit
 publikimet komerciale;
 botimet që nuk i plotësojnë standardet e kulturës së librit.
Projektet e pakompletuara nuk do të shqyrtohen.
Projektet me dokumentacionin e kërkuar dorëzohen, në dy kopje, nga data 17/01/2017 deri më, 20/02/2017 në ora 16:00, në Arkivin e Ministrisë së Kulturës, Rinisë dhe Sportit, zyra nr. 022 – për Departamentin e Kulturës Adresa: MKRS, 10.000 Prishtinë, Rruga “Nëna Tereze”, nr. 35.

GKA, hapë ekspozitën ‘Bota e fëmijëve’

Të premten, më 23 qershor, Galeria Kombëtare e Arteve në Tiranë do të prezantojë për publikun e saj ekspozitën “Bota e fëmijëve”.

Kjo ekspozitë i kushtohet një publiku të veçantë, jo vetëm të rriturve artdashës, por në veçanti krijuesve të vegjël.

Në këtë ekspozitë do të prezantohet krijimtaria e përzgjedhur e katër artistëve si Abdurrahim Buza, Agim Faja, Guri Bulollari dhe Ledia Kostandini, autorë të jashtëzakonshëm, plot fantazi, veprat e të cilëve dinë të flasin në gjuhën e të rriturve e të vegjëlve.

Nën kurimin e Esmeralda Dalipi dhe Bujana Demiraj, kjo ekspozitë vjen përpara publikut si një “ditar” me ilustrime të realizuara ndër vite, në teknika të ndryshme, nga autorë të specifikave të ndryshme.
Është vendosja e Abdurrahim Buzës, piktorit më të rëndësishëm realist të shekullit XX-të, përballë Guri Bulollarit, një piktor autodidakt të pa ndikuar nga arsimimi akademik, që e bën këtë ekspozitë unike të llojit të saj.

Është prezantimi I krijimtarisë së Agim Fajës, ilustrues dhe krijues i teksteve letrare për më shumë se 50 vjet në Shqipëri, me mbi 100 libra të ilustruar për fëmijë dhe të rritur, përkrah Ledia Konstandinit, artiste e gjeneratës së re, e cila ilustron përmes mediumit të ri dixhital manual, që e bën këtë ekspozitë një burim kurioziteti për çdo moshë.
Konferenca për mediat do të mbahet ditën e premte dt. 23 qershor ora 10.00.
Ekspozita hapet të premte 23 qershor ora 11.30 të paradites./ KultPlus.com

Era Istrefi letër komunitetit LGBT: Mos lejoni askënd t’ua ndalojë dashurinë

Për muajin e komunitetit LGBTI, Billboardi kërkoi nga një numër i madh yjesh që të shkruajnë një letër për këtë komunitet.

Në mesin e yjeve që ishte ftuar për të shkruar letër ishte edhe Era Istrefi, letra e së cilës është publikuar në faqen zyrtare të Billboardit.

“Bota mund të jetë e ashpër për komunitetin LGBTI, sidoqoftë, ky realitet i hidhur mund t’u jap atyre superfuqi për shndërrimin e këtij planeti në vend më kreativ, argëtues dhe të mençur. Faleminderit për frymëzimin e pafund dhe ngjyrat që ia jepni universit”, ka shkruar Era Istrefi.
“Njëherë kam njohur një fans timin që ishte nga komuniteti LGBTI, i cili mendonte vetëvrasjen sepse askush nuk e kuptonte në Kosovë. Ai më ka thënë se muzika ime e frymëzon që të vazhdojë tutje dhe takimi me mua në vitin e kaluar gjatë paradës në NYC [New York City] i dha atij shpresë. Si rezultat i performancës sime Sinful Colors dhuroi një pjesë të të ardhurave për projektin e Trevorit të ngjyrosjes së thonjve. Trevor është linjë ndihmëse telefonike 24/7 për të rinjtë e komunitetit LGBTI, e që për mua ka rëndësi të madhe. Jam e lumtur që do të performoj përsëri në Pride NYC, në të cili ndo të lansojë koleksionin tim me ngjyra të thonjve në bashkëpunim me Sinful Colors”, ka shkruar krijuesja e hitit “Bon Bon”.

“Mos lejoni askënd t’ua ndalojë dashurinë. Dashurojeni veten dhe këdo për të cilin u rrah zemra. Përtej gjinisë, racës dhe kombit”. / KultPlus.com

Ismail Kadare, javën tjetër në Itali flet mbi frikën dhe guximin

Shkrimtari Ismail Kadare do të jetë i ftuar në fund të këtij muaji në Itali.

Shkrimtari do të jetë pjesë e organizimit kulturor La Milanesiana – një organizim që zgjatë rreth 1 muaj në disa qytetet të Italisë inicuar nga Elisabetta Sgarbi.

Me datë 26 dhe 28 qershor Kadare do të jetë pjesë e seksionit letrar të këtij organizimi, shkruan KultPlus.
Kadare do të jetë i pranishëm në panelin letrar mbi frikën dhe guximin të shkruash në një vend që nuk është origjina jote, bashkë me Janine di Giovanni dhe Tahar Ben Jelloun. Ngjarja do të ndodhë në Piccolo Theatro Grassi në Milano të Italisë.

La Milanesiana 2017 ka të ftuar rreth 140 artistë të fushave të ndryshme, përfshirë librin, muzikën, arkitekturën, filmin e filozofinë.

Pos Milanos, ngjarja do të zhvendoset edhe në Torino, Florence, Bormio dhe Verbania. / KultPlus.com