Peizazhi pas Mona Lizës së Leonardo da Vinçit ka ndezur debate të pafundme, me disa historianë arti që këmbëngulin se pamja e sfondit është imagjinare dhe e idealizuar, ndërsa të tjerë flasin për vendndodhje specifike në Itali.
Tani një gjeologe dhe historiane e artit e Rilindjes beson se më në fund ka zgjidhur misterin e një prej pikturave më të famshme në botë. Ann Pizzorusso kombinoi dy fushat e saj të ekspertizës për të zbuluar se Leonardo da Vinci pikturoi disa tipare të njohura të qytetit Lecco, në brigjet e liqenit Como në rajonin e Lombardisë në Italinë veriore.
Pizzorusso ka krahasuar urën, vargmalin dhe liqenin e Leonardos të parë në pikturën e Mona Lizës me urën e tij Azzone Visconti të shekullit të 14-të, Alpet jugperëndimore me pamje nga zona dhe liqeni Garlate, i cili dihet se është vizituar nga piktori i famshëm 500 vjet më parë.
Ngjashmëritë janë të pamohueshme, tha ajo. “Jam shumë e emocionuar për këtë.”
Teoritë e mëparshme të vitit 2011 thanë se ura dhe rrugët në sfond janë nga Bobbio, një qytet i vogël në Italinë veriore, ndërsa një teori e vitit 2023 thoshte se ishte një urë e vendosur në provincën e Arezzo në Itali.
“Ura me hark ishte e përhapur në të gjithë Italinë dhe Evropën dhe shumë ishin shumë të ngjashme. Është e pamundur të përcaktohet një vendndodhje e saktë vetëm nga një urë. Të gjithë flasin për urën dhe askush nuk flet për gjeologjinë.
Gjeologët nuk shikojnë pikturat dhe historianët e artit nuk shikojnë gjeologjinë,” tha Pizzorusso.
“Historianët e artit kanë thënë se Leonardo ka përdorur gjithmonë imagjinatën e tij, por ju mund t’ia tregoni këtë foto çdo gjeologu në botë dhe ai do të thotë atë që them unë për Lecco-n. Edhe një jo gjeolog tani mund t’i shohë ngjashmëritë.”
Ajo vuri në dukje se shkëmbinjtë në Lecco janë gurë gëlqerorë dhe se Leonardo i pikturoi shkëmbinjtë e tij në ngjyrë gri-të bardhë. Më tej, ajo shtoi se, ndryshe nga qyteti Lecco, as qyteti i Bobbio dhe as Arezzo nuk kanë liqen./KultPlus.com
Në 12 Maj 1812, në Highgate, Angli, lindi Edward Lear, poet dhe illustrues, autor, piktor që vizatoi çdo gjë që pa në rajonin e Mesdheut (Shqipëri, Greqi) dhe të gjitha i përfshiu në librat e tij me përshkrime udhëtimesh.
Në 1848 Lear nisi një udhëtim përmes Greqisë për në Stamboll. Udhëtimi i tij morri një kthesë të papritur, kur ambasadori britanik në kryeqytetin osman arriti t’i siguronte dokumentet për të vazhduar përmes disa zonave të perandorisë. Duke marrë rrugën përmes Selanikut dhe Manastirit, ai udhëtoi në Ohër, Strugë, Elbasan, Tiranë, Krujë, Lezhë dhe Shkodër. Më pas vazhdoi drejt jugut në Kavajë, Berat, Ardenicë, Apoloni, Vlorë, bregdetin e Himarës, Tepelenë, Gjirokastër dhe më tej në Janinë. Shumë nga peizazhet dhe skicat që bëri gjatë udhëtimit regjistrojnë një dokumentim të përpiktë të Shqipërisë së mesit të shekullit XIX.
Pas kthimit në Angli ai botoi “Ditarët e një peizazhisti në Shqipëri” (1851). Talenti origjinal si peizazhist, gjallëria e përshkrimeve në librat e udhëtimit dhe korrespondenca e shumtë e bënë Lear-in një nga udhëtarët më të dashur të shekullit XIX. Por, me librin e tij “Nonsense”, Lear fitoi famë si poet limerik, zhanër vargjesh të pakuptimta që shpesh shoqërohen me vizatime ilustruese. Vargu Limerik (nga emri i qyteti në Angli) është formë poetike autentike angleze. / KultPlus.com
Fitues i edicionit të 68-të të Festivalit Evropian të Këngës “Eurovizion 2024” është shpallur përfaqësuesi nga shteti i Zvicrës Nemo me këngën “The Code”. Ndërsa vendin e dytë e ka fituar Kroacia me këngën “Rim Tim Tagi Dim” të Baby Lasagna, kurse vendin e tretë Ukraina me këngën “Teresa&Maria” nga dyshja Alyona Alyona & Jerry Heil.
Kënga “The Code” ka arritur të siguroj bindshëm fitoren e “Eurovizon 2024” pasi u shpall fituese duke siguruar votat e jurisë dhe ato të publikut.
Në finalen e madhe të festivalit garuan 25 vende pjesëmarrëse. Vendet dhe këngët finaliste të “Eurovizion 2024” ishin:
Ukrainë | alyona alyona & Jerry Heil – Teresa & Maria Gjermani | ISAAK – Alëays On The Run Luksemburg | TALI – Fighter Izrael | Eden Golan – Hurricane Lituani | Silvester Belt – Luktelk Spanja | Nebulossa – ZORRA Estoni | 5MIINUST x Puuluup – (nendest) narkootikumidest ei tea me (küll) midagi Irlandë | Bambie Thug – Doomsday Blue Letoni | Dons – Holloë Greqi | Marina Satti – ZARI Mbretëria e Bashkuar | Olly Alexander – Dizzy Norvegji | Gåte – Ulveham Itali | Angelina Mango – La Noia Serbi | TEYA DORA – RAMONDA Finlanda | Windoës95man – No Rules! Portugali | iolanda – Grito Armenia | LADANIVA – Jako Qipro | Silia Kapsis – Liar Slloveni | Raiven – Veronik Gjeorgji | Nutsa Buzaladze – Firefighter Austri | Kaleen – We Will Rave.
Shqipëria këtë vit u prezantua nga këngëtarja Besa Kokëdhima me këngën “Titan”, e cila pavarësisht se pati një paraqitje dinjitoze nuk arriti të çoj Shqipërinë në finale.
Finalja e madhe e Edicionit të 68-të të Eurovisionit u mbajt në Malmo Arena, në Suedi. Përderisa në të dyja netët paraprake të Eurovizion 2024, u dhuruan emocione të forta me shumë ngjyrime të traditave dhe kulturave së vendeve pjesëmarrëse. / KultPlus.com
Një 72-vjeçar me një pemë gjigante para shtëpisë e biznesit të tij në Britani refuzon ta presë atë sipas udhëzimeve të zyrtarëve të bashkisë, por ka shpenzuar shumë për ta krasitur në mënyrë që ajo të mos pengojë kalimin e autobusëve në rrugën para saj.
“Pema ka qenë përherë pjesë e panoramës, atë e njohin të gjithë, aq më shumë shoferët e autobusëve që duhet t’i shmangen”, thotë ai për mediat pas publikimit të gjerë të çështjes.
“Ata të bashkisë mund të zemërohen por unë nuk dua të prishem me fqinjët e mi që e pëlqejnë të gjithë pemën, veçanërisht fëmijët”.
Burri thotë se gjithsesi pema krasitet çdo vit, ndërsa kësaj radhe punëtorët duhej të përdornin vinça për të kryer prerjet masive.
“Unë dhe familja ime jemi shumë të lidhur me pemën, e kemi dashur gjithmonë pasi është pjesë e kopshtit të shtëpisë time e gjithashtu e panoramës lokale.
Më tej ai shtonte: “Është gjithashtu e dobishme për shpërndarësit e porosie për të gjetur vendndodhjen pasi thjesht i themi ‘kërko për shtëpinë me pemën e madhe përpara’”, shkruan Daily Mail, transmeton Top Chanel.
“Nuk e kuptoj sesi dikush mund të mos e pëlqejë”.
“Fqinjët dhe vendasit janë të kënaqur me të kështu që unë nuk e pres”, shton ai.
Edhe fqinji i tij John Moss, i cili ka jetuar pranë saj prej 18 vjetësh tha: “Pema është kthyer në një objekt bisedash dhe në një njëfarë atraksioni lokal. Por tashmë krasitja e saj ka arritur shumën 500 paundë pasi kërkon mjete të specializuar, siç thotë punonjësit”.
“Ata kanë lënë një hapësirë për dritën e rrugës, dhe me krasitjen e fundit nuk pengon kalimin e autobusëve. Kjo është nga pemët më tërheqëse dhe nuk do të duroja që ta prisnin”.
“Unë kam jetuar këtu prej 18 vitesh dhe sigurisht që ajo është zmadhuar por nuk kam dëgjuar kurrë ankesa për të, përveçse tani nga zyrat e bashkisë. Ajo ka qenë gjithmonë një atraksion”.
“Shoferët e shpërndarjes gjithmonë e shikojnë atë për të gjetur destinacionin”, thotë fiqnji, ndersa nuk kuptohet nëse bashkia do te heqë dore nga ‘interesi’ i saj per rrëzimin e pemes./KultPlus.com
Presidentja e Republikës së Kosovës, Vjosa Osmani gjatë vizitës zyrtare në Teksas, ka takuar kryetarin e qytetit Wylie, Mathew Porter.
Presidenca ka njoftuar se në një ceremoni të mbajtur Collin County, presidentja Osmani para anëtarëve të Këshillit të Qytetit, nxënësve dhe mërgatës shqiptare ka mbajtur një fjalim për rëndësinë e raporteve të Kosovës më SHBA-të.
“Kryetari Porter në shenjë miqësie ia ka dhuruar presidentes Osmani flamurin e Teksasit, ndërkaq Presidentja ia ka dhuruar atij flamurin e Kosovës. Në këtë ceremoni është përuruar pllaka me emrin e Nënë Terezës, propozim të cilin e ka bërë këshilltari i qytetit me prejardhje nga Peja, Gino Mulliqi. Emrin e humanistes dhe shenjtores shqiptare do ta mbajë një nga rrugët në rajonin Collin County”, thuhet në njoftim.
Gjithashtu, presidentja Osmani gjatë vizitës zyrtare në Teksas ka takuar një grup nxënësish dhe mësimdhënësish nga “Imagine International Academy”, të cilët ndër vite kanë grumbulluar donacione për eliminimin e minave në Kosovë.
Ky projekt është realizuar në bashkëpunim me organizatën HALO Trust, duke u fokusuar në heqjen e minave të vjetra tokësore në Kosovë
Në takim me ta, presidentja Osmani i ka falënderuar për kontributin dhe në shenjë mirënjohjeje ua ka ndarë një mirënjohje.
Javët Kulturore Ndërkombëtare që nisën me Javën e Evropës do të vijojnë me Francën.
Kryeministri Edi Rama ndau videon prezantuese të Javës së Kulturës Franceze, e cila do të çelë siparin më 13 maj për të përfunduar më 19 maj.
Kryeministri Rama shkruan se Franca është vendi i delikatesës, kulturës, artit e inovacionit.
“Vazhdojmë magjinë e Javëve Kulturore me Francën, vendin e delikatesës, kulturës së pasur, artit dhe inovacionit”, shkruan Rama.
Magjia e Javëve Kulturore Ndërkombëtare do të vijojë nga 13-19 maj me Francën me koncerte, ekspozita, shfaqje dhe argëtim. Java Kulturore Franceze vjen me një program të kuruar të muzikës, kulturës dhe spektaklit.
Gjatë kësaj jave, më 13 maj tek Piramida do të çelet ekspozita e skulpturës “Richard Orlinski”. Po në 13 maj në ambientet e Piramidës do të hapet “KubFranceTirana”, ndërsa Dj Dylan Dylan më 13 maj dhe 16 maj tek Piramida do të performojë për adhuruesit e muzikës.
Të pasionuarit pas lojërave do të kenë mundësi të marrin pjesë në aktivitetin e lojërave “Krijuar në Francë” më 14 dhe 15 maj tek Piramida, më 15 maj do të organizohet “Dita Alumini” Francë po tek Piramida.
Ndërsa shfaqja “Ilotopie” do të shfaqet më 15 dhe 16 maj tek Liqeni Artificial.
Edicioni i tretë i Javëve Kulturore Ndërkombëtare çeli siparin më 1 maj dhe do të zhvillohet deri në nëntor. JKN nisi me “Javën e Evropës” vijon me Francën, Greqinë, Italinë, Izraelin, Brazilin, Hungarinë, Holandën, Turiqinë, Mbretërinë e Bashkuar, Kinën, Gjermaninë, Japoninë, SHBA, Austrinë, Spanjën, Malin e Zi, Meksikën e Kosovën.
Edicioni i parë i JKN-së filloi si një nismë e ish-Ministrisë së Kulturës në vitin 2022, me dëshirën për të përçuar vlerat dhe traditat e për të nxitur shkëmbimin kulturor dhe frymëzuar inovacionin.
Nëpërmjet këtij projekti vendet njihen më mirë, forcohen marrëdhëniet me partnerët ndërkombëtarë, si dhe rritet oferta e aktiviteteve kulturore në Shqipëri për të gjitha shijet dhe moshat. JKN e shndërron skenën e aktiviteteve kulturore në vend në një arenë ndërkombëtare shumëkulturore dhe shumëdisiplinore./atsh/ KultPlus.com
Emisioni i famshëm muzikor rikthehet në formën e një koncerti. Koncert që bëri bashkë në një buqetë harmonike zëra të njohur të muzikës së lehtë si Aleksandër Gjoka e Redon Makashi, emra të pedagogeve të kantos si Zina Zdrava apo Sonila Kurti dhe emra të tjerë premtues si Elisa Skarra, Paolina Pajollari, Dea Amoniku , Kejtlin Gjata, David Kerri, Aria Kolaveri e të tjerë.
Ishin vitet ’80 dhe “Koha në Pentagramin tim” me regji të Osman Mulës e drejtim artistik te kompozitorit Gjergj Leka ishte jo vetëm oazi muzikor, por edhe skena që spikaste talentet e rinj që më vonë do të ktheheshin në emrat më të dashur e popullorë të muzikës së lehtë shqiptare.
Gjergj Leka ishte nga ata artistë, që me talentin e tij dhe fuqinë e televizionit – për të shkuar te publiku i gjerë i menjëhershëm dhe intim – u bë i dashur për publikun dhe i dhuroi disa nga këngët më të paharrueshme, jo vetëm për atë brez.
U desh të zhdukeshin përbindëshat që te kjo tokë të vije ti… është varg i njohur për veshët e dëgjuesve të brezit të ri nga kënga “Në parkun që mbuluan fletët”, të cilën Leka e kompozoi dhe këndoi pikërisht në emisionin e famshëm, me vargjet e shkrimtarit Ismail Kadare.
“Ndoshta janë vargjet më të bukura që janë shkruar ndonjëherë për dashurinë”, do të shprehej kantautori në një ringjallje të emisionit televiziv muzikor. Kësaj here në formë koncerti, organizuar nga Leka dhe me mbështetje nga Bashkia Tiranë në sallën e Liceut Artistik, një vend nostalgjik për shumë artistë të këngës dhe po aq djep për talentet e reja. Një falënderim për mbështetjen që bashkia u jep nismave të tilla muzikore, që erdhi në formën e një kënge nga Gjergj Leka, që ishte ideatori dhe shtylla kryesore e këtij koncerti.
Koncert që bëri bashkë në një buqetë harmonike zëra të njohur të muzikës së lehtë si Aleksandër Gjoka e Redon Makashi, emra të kantos dhe pedagoge që përgatisin sot të rinjtë drejt muzikës serioze si Zina Zdrava apo Sonila Kurti dhe emra të tjerë premtues si Elisa Skarra, Paolina Pajollari, Dea Amoniku , Kejtlin Gjata, David Kerri, Aria Kolaveri e të tjerë.
Një koncert- tribut për shumë figura që gdhendën historinë e muzikës moderne shqiptare si Vaçe Zela me këngën “Moj e bukur Arbëri” , “Valsi i Lumturisë” apo këngë të tjera ikonike, tashmë pjesë e pasurisë kulturore dhe kujtesës kolektive si “Fqinja”, “Mësueset e fshatit”, “Pranvera me një lule s’vjen” apo “Ç’po dremit liqeni i kaltër”.
Përmes këtij koncerti, Leka nderoi edhe tekstshkruesit e poetët që kanë krijuar disa nga vargjet më të bukura të këngëve, duke e parë si një përbërës të rëndësishëm po aq sa tingujt. Ai vuri re me keqardhje që sot mungojnë penat e shquara si e Jorgo Papingjit apo Zhuljana Jorganxhi.
Ai gjithashtu, me humor, i kërkoi ndjesë poetes Adelina Mamaqi, pasi pak e dinë se pas vargjeve të këngës “Ç’po dremit liqeni i katërt” është pena e saj, duke e ngatërruar shpesh me atë të Lasgush Poradecit.
Ky koncert, i cili do të vijë i transmetuar në kanalin “News 24” solli edhe këngë shumë të dashura të pas viteve ’90, si “ Ditë Dimri” e “Zemra e një gruaje”, kënduar nga Aleksandër Gjoka i shoqëruar në piano nga Leka, ndërsa këngëtari ndau grimca kujtimesh nga fillimet e karrierës, por edhe tek të famshmet Këngët e Liqenit si një prej përfaqësuesve të atij grupi instrumentistësh dhe këngëtarësh që mblidheshin buzë liqenit dhe këndonin.
Gjoka solli në version a cappella një prej më të njohurave si “Anxhela”. Leka do ta lironte pianon për Redon Makashin, i cili po ashtu solli në version ndryshe këngën e tij “Ekziston”. Redon Makashi i njohur për baladat e tij romantike u ndal në fillimet e karrierës, duke nënvizuar si të rëndësishme epokën e “Koha në Pentagramin tim”.
Si një kantautor që kujdeset të kultivojë shijet e mira muzikore tek publiku, përmes këngëve që mbajnë firmën e tij, emisionit të përvajshëm “Na ishte njëherë muzika” dhe sipërmarrjeve si reality shoë “Talent Story” apo festivaleve të përvitshme si “Festa e Këngës shqiptare”, Leka u dha vend edhe prodhimeve të reja, të dala nga këto nisma si “Trokas” nga Elisa Skarra, e cila u shpall fituese e të rinjve, në edicionin e vitit të kaluar të “Festa e Këngës shqiptare” dhe “Në pyje vjeshta ndezi zjarre” nga Paolina Pajollari, po ashtu konkurrente në këtë festival, që këtë vit do të shënojë edicionin e tij të gjashtë. Me këngën “Korça ime”, Leka u bëri një homazh të gjithë artistëve të këtij qyteti, nga muzika, letrat e kinematografia, duke i përkundur spektatorët mes tingujsh jo vetëm të paharruar, por të dëshiruar aq shumë edhe nga brezat e rinj. Disa prej tyre i sjellin përmes vokaleve, të tjerë marrin shijen e mirë të një kohe kaluar me kombinimet e pafundme e magjike të pentagramit./TemA/ KultPlus.com
Doni të viheni në punë? Provoni disa nga këto këshilla produktiviteti prej mendjeve më të ndritura dhe influencuese në botë.
1 – Si shumë prej nesh, Beethoven e fillonte ditën duke bërë kafe. Ai insistonte në përdorimin e 60 fasuleve për çdo filxhan.
2 – Benjamin Franklin flinte herët e zgjohej herët edhe në vitet e tij të fundit. Mëngjeset e tij konsistonin në lexim dhe shikim për rreth një orë brenda banjove me avull. Më pas vishej e shkonte në punë.
3 – Shumë shkrimtarë e artisë të famshëm siguroheshin të hanin mëngjes. Viktor Hygo preferonte vezët e ziera.
4 – Përpara se Frojdi të shkonte në zyrë, rruante mjekrën tek berberi i tij.
5 – Agatha Christie nuk kishte kurrë një tavolinë. Ajo shkroi 80 novela, 19 drama dhe një numër veprash të shumta kudo që ulej.
6 – Ernest Heminguej shkruante në këmbë.
7 – Thomas Volfe gjithashtu shkruante në këmbë duke përdorur frigoriferin e tij si tavolinë pasi ishte 2 metra i gjatë.
8 – Disa e përdorin Starbucks vetëm për të pirë kafe, ndërsa Rainbow Rovell, autor i novelës “Elanor and Park” e shkruajti të gjithë librat e tyre në këtë zinxhir kafenesh.
9 – Richard Wright i ka shkruar të gjithë veprat e tij në stolin e parkut Fort Greene në Bruklin.
10 – Maya Angelou është e paaftë të shkruajë në mjedise të bukura. Ajo preferon të punojë në dhoma hotelesh e motelesh.
11 – Frank Lloyd Wright nuk punonte dot në presion. Ai nuk mund të punonte nëse nuk e kishte dizajnin e tërë në kokën e tij.
12 – Truman Capote tha për Paris Review: “Nuk mund të mendoj nëse nuk rri shtrirë”. Të njëjtën gjë tha edhe Proust.
13 – Kur kompozitori Igor Stravinsky ndjehej i bllokuar, ai ulej me kokë poshtë për të qartësuar mendjen
14 – Woody Allen futet në dush shumë herë në ditë kur ka nevojë për ide.
15 – Pianisti klasik Glenn Gould agjëronte në ditët që regjistronte muzikë. Ai mendonte se e bënte mendjen e tij më të mprehtë.
16 – Poeti gjerman Friedrich Schiller insistonte se era e mollëve të kalbura në sirtarin e tavolinës stimulonte krijimtarinë e tij.
17 – Shpeshherë, mjafton të fokusohesh. Shkrimtari Jonathan Franzen punonte në kompjuter duke vendosur tapa në vesh.
18 – Stephen King shkruan çdo ditë të vitit me një qëllim për të arritur 2000 fjalë në ditë. I duhen 5 orë për ta bërë këtë.
19 – Duke filluar nga viti 1950, Vladimir Nabokov shkroi draftet e para për kartat e indeksit. Ai i korigjon paragrafët dhe kapitujt me një riorganizim të shpejtë.
20 – Kur Anthony Trollope përfundoi së shkruari një libër, ai filloi menjëherë një tjetër. / KultPlus.com
Avni Mula është këngëtar dhe kompozitor i famshëm shqiptar. Avni Mula lindi në Gjakovë në vitin 1928. Karrierën e tij e nisi si solist në Teatrin e Operës dhe Baletit në Shqipëri. Pas vetes la një veprimatri të bujshme dhe shumë këngë të famshme mbajnë firmën e tij.
KultPlus sot ju sjell këngën “Vajza me kaçurrela” të interpretuar nga Avni Mula:
Po ecja që më natë mes shkrepave pa udhë Takova tek burimi një vajze tu mbush ujë I thash se mu dogj xhani moj vajzë me kaçurrela Pak uje partizanit, te lutem nga bucela (X2)
Ajo nuk tha një fjale dhe uji i fresket rrodhi Shikimin vale vale mu duk se vajza më hodhi Në sytë e mi e ne faqe kur ngrita dy bucela Më ra një tufë manushaqe te verdhat kaçurrela
Shkembyem buzëqeshje dhe djersa krejt mu ter Mu shkrin tere malet dhe udha mu bë det Dhe ika nëpër pyje mes pritave me tela S’më hiqeshin prej syve të verdhat kaçurrela (x2)/KultPlus.com
Mbrëmë në Galerinë “Luckan” në Helsinki në Finlandë, u hap ekspozita personale e piktorit Haki Xhakli me titullin “Jehona e qëndrueshmërisë”.
Ekspozita përmban 26 piktura me vlera unike, që paraqesin cikle të ndryshme të periudhave para, gjatë dhe pas luftës në Kosovë.
Fjalën e rastit në hapje, përveç autorit Xhakli, e mori edhe kuratori Larrie Griffis, producent dhe përgjegjës për kulturë në qendrën kulturore “Luckan”, i cili foli për rëndësinë e ekspozitës dhe bashkëpunimin me artistët ndërkombëtarë, siç është rasti i Kosovës, si dhe për krijimin e urave të bashkëpunimit mes vendeve.
“Krijimtaria ime shpreh ndërveprimin e thellë me kulturën dhe historinë tonë, duke paraqitur bukurinë dhe vendosmërinë e popullit tim për të përballuar sfidat dhe vuajtjet. Me simbole të thella dhe ngjarje të lashta, pikturat e ekspozuara këtu në Helsinki përshkruajnë trashëgiminë tonë dhe shpirtin tonë të palëkundshëm, por edhe të ardhmen e ndritur”, ka thënë Xhakli
Ekspozita do të qëndrojë e hapur për vizitorë në qendrën kulturore Luckan Helsinki, deri me 30 maj.
Kryevepra operistike “Flauti Magjik” është ngjitur në skenën e teatrit “Aleksandër Mosiu” në Durrës.
E kompozuar nga Wolfgang Amadeus Mozart në vitin 1791, përralla e mbushur me simbolikë, magji, aventurë, me personazhe mistikë dhe meloditë e përjetshme, mblodhi rreth vetes spektatorë të grupmoshave të ndryshme.
Për artistët kjo ishte një përgjegjësi e dyfishtë. Nga një anë sjellja në jetë e partiturës së përjetshme të Mozartit me aftësi dhe saktësi, e nga ana tjetër përshtatja edhe me më të voglin e spektator.
Dritan Lumshi, dirigjent: I kemi sjellë diçka që të jetë shumë më pranë publikut. Të bëhet emë e kuptueshme dhe më afër tyre.
Ada Gurra, regjisore e Teatrit të Operas dhe Baletit: Është një mesazh shumë i bukur për fëmijët të cilët duhet gjithmonë të kuptojnë që e vërteta dhe të jesh i sinqertë dhe i pastër gjatë jetës tënde do të çojë gjithmonë drejt suksesit.
Artur Vera, solist: Ka qenë intensivisht prova për ta sjellë në shqip për fëmijët, të jetë sa më i kuptueshëm dialogu mes personazheve, por pastaj edhe pjesën e muzikuar ta bëjmë sa më të afërt për ta.
Albertina Del Bo, artiste: Ka qenë një eksperiencë fanatastike dhe një kënaqësi e madhe të punuarit me një grup të tillë artistësh. Jam ndjerë shumë e mikpritur dhe shumë e mbështetur. Do të kthehem me kënaqësi sërish në Shqipëri për të kënduar.
Një realizim i Teatrit Kombëtar të Operas dhe Baletit, shfaqja erdhi për artdashësin durrsak për dy ditë rresht, e pas kësaj do të ngjitet në skenat e tjera të qyteteve./TemA/ KultPlus.com
Universiteti i Prishtinës “Hasan Prishtina” ka njoftuar se gjashtë fakultete të UP-së kanë kontribuuar në hartimin e projektit për restaurimin/rinovimin e Teatrit Kombëtar të Kosovës.
“Projekti për restaurimin/rinovimin e tërësishëm të ndërtesës së Teatrit Kombëtar të Kosovës u hartua nga profesionistë të fakulteteve të ndryshme të Universitetit të Prishtinës”, thuhet në njoftimin e UP-së.
Përveç restaurimit/rinovimit që do të bëhet, projekti parasheh edhe hapësira të reja dhe kushte të dinjitetshme për aktorët dhe stafin, në veçanti për publikun e gjerë.
Projekti tashmë ka marrë pëlqimin përfundimtar nga Komisioni i Institutit për Mbrojtjen e Monumenteve.
“Stafi i UP-së është vazhdimisht i angazhuar dhe mbetet i përkushtuar për të kontribuar me ekspertizën e tyre në interes publik”, ka njoftuar UP-ja.
Qyteti bregdetar i Vlorës çeli zyrtarisht sezonin e ri turistik 2024. Edhe pse vizitorët në Vlorë kanë qenë të shumtë përgjatë gjithë vitit, duke shijuar kulinarinë e qytetit bregdetar, por edhe peizazhet e mrekullueshme të Labërisë, sot përmes disa aktiviteteve festive bashkia e Vlorës zyrtarizoi nisjen e sezonit turistik.
Vlora, qyteti ku kryqëzohet detit Adriatik dhe Jon, ofron jo vetëm turizëm detar, por edhe malor, si dhe atë të aventurës. Po ashtu, pjesë e ofertës turistike janë muzetë, kultura, kulinaria, tradita e ruajtur dhe promovuar me mjaft kujdes.
Bashkia e Vlorës me rastin e sezonit të ri turistik organizoi disa ceremoni dhe aktivitete të ndryshme festive. Pas një festivali sportiv është çelur panairi “Vlora jonë”, panair i vlerave dhe pasurive që nga kulinaria, zejtaria e deri te prezantimi i trashëgimisë kulturore.
“Ky është një promovim i Vlorës me të gjitha vlerat e saj, jo vetëm për t’i dhënë gjallëri qytetit bregdetar por edhe për të mirëpritur pushues e turistë”, tha kryebashkiaku Ermal Dredha.
“Vlora është një nga destinacionet kryesore dhe ne kemi pritshmëri shumë më të larta këtë vit. Presim që sfida të jetë edhe më e madhe por kjo nuk na tremb”, tha Dredha.
Pjesë e festës ishin përfaqësues të gastronomisë dhe kulinarisë që shprehen për një eksperiencë pozitive. Ndërsa festa tërhoqi edhe shumë të huaj që janë më pushime këto ditë në qytetin bregdetar.
Mbrëmë u zhvillua edhe koncerti i madh me këngëtarë nga Vlora dhe Tirana, aktivitete këto që kanë çelur zyrtarisht sezonin turistik 2024 edhe pse turistët në Vlorë e kanë filluar sezonin që në muajin mars./atsh/KultPlus.com
Dje ka hapë dyert edicioni i tretë i Panairit të Librit “Kamza Lexon”, në Kamzë të Shqipërisë, panair që ka sjellë tituj nga shtëpi të ndryshme botuese, shkruan KultPlus.
Në këtë edicion janë realizuar edhe takime me tema të ndryshme, ku mes tjerash është diskutuar edhe për rolin e medieve në letërsi, panel që ka mbledhë drejtues të medieve që japin kontribut në mbështetje të letërsisë dhe artit në përgjithësi.
Paneli që u udhëhoq nga Liridon Mulaj, kishte në përbërje: Ardianë Pajaziti nga KultPlus, Bujar Hudhri nga ExLebris, Anna Latannzi dhe Albert Vataj, të dy poashtu nga fusha e medies.
Në këtë panel u vu në pah domosdoshmëria e mbështetjes së medieve për letërsinë, sikurse që u vlerësua roli i medieve që tashmë veç mbështesin artin dhe kulturën: KultPlus që është me seli në Prishtinë dhe ExLibris me seli në Tiranë.
Bujar Hudhri si drejtues i ExLibris ka thënë mes të tjerash se promovimi i librit në një medium të shtypur sikurse është ExLibris, është me rëndësi të madhe, ku sipas tij një rëndësi të madhe ka edhe ballina e kësaj gazete, sepse ballina është edhe një matës i cilësisë.
Kurse drejtoresha e KultPlus, Ardianë Pajaziti ka treguar para të pranishmëve për rolin e KultPlus me një shtrirje gjjthëkombëtare, ku përpos qe mbështetet libri, ajo ka thënë se promovim dhe mbështetje gjen edhe fusha e teatrit, filmit, trashëgimisë…
Përpos rolit të gazetës, Pajaziti ka folur para të pranishmëve edhe për dy shtyllat e tjera të KultPlus: “Ta zbardhi ftyrën” dhe “KultStrofa”, projekte këto që tashmë po hyjnë në vitin e shtatë dhe që e para sjell artistët më të suksesshëm shqiptarë nga shtetet e jashtme, kurse e dyta ka karakter garues të poezisë në nivel mbarëkombetar.
Liridon Mulaj rolin e Ardianë Pajazitit e ka krahasuar me luftën e Don Kishotit, por që në këtë rast Don Kishot, sipas tij është një grua.
Anan Latannzi ka folur për rëndësinë e promovimit të letërsisë shqipe në gjuhën italiane, gjë që e bën nëpërmjet punës së saj në Itali. Përderisa Albert Vataj ka thënë se secilit t’i jepet mundësia dhe hapësira, e pastaj lexuesi të vlerësojë se nëse është apo jo pjesë e letërsisë.
Kamza Lexon në këtë edicion që ka përfshirë shumë panele e shumë diskutime është mbyllë sot me prezantimin e librit “Girl of Monday”, libër që ka përmbledhë disa poetë shqiptarë./ KultPlus.com
Berati është veshur këtë fundjavë me ngjyrat e festivalit “Retro”, ku admiruesit e mjeteve klasike kanë pasur mundësi të prekin nga afër magjinë e mjeteve të viteve 60-‘70-’80, me targa të personalizuara.
Ngjyrat festive dhe mjetet klasike “Retro” kanë tërhequr turistë, vizitorë dhe qytetarë të qytetit të një e mbi një dritareve. Kreu i Bashkisë së Beratit, Ervin Demo ka publikuar foto nga atmosfera festive.
“Një superatmosferë sot në Beratin që gëlonte nga admiruesit e makinave retro. Qytetarët, vizitorët e turistët pushtuan pedonalen në të cilën sot nuk bënin vetëm shëtitje apo shijonin një kafe, por qëndronin gjatë në këmbë dhe bënin foto pafund”, shkruan Demo.
“Të mëdhenj e të vegjël të apasionuar pas të bukurës që s`e zbeh koha, shijuan festën “Kodikët e Retros”. Fëmijët? Për ata kishte edhe animatorë, lojëra dhe facepainting në një festë që do të zgjasë deri nesër në orën 13:00”, përfundon Demo.
Festa RETRO këtë fundjavë është zhvendosur në Berat. Nga 10-12 maj, vizitorë, turistë dhe qytetarë do të kenë mundësi të shohini nga afër koleksionin klasik të mjeteve të viteve ‘60-‘70-’80. Përtej paradës së automjeteve Retro, gjatë orëve të mbrëmjes do të zhvillohen afër projeksionet shumëngjyrëshe mbi muret e Portës së Pashait.
Një rrjet i ri social që synon popullsinë më të re, Nospace, do të laçohet në qershor të këtij viti, shkruan “Business Insider”. Ata e quajnë veten “rrjeti social më social” sepse thonë se prioriteti i tyre është ndërveprimi mes përdoruesve, sesa publikimi i përmbajtjes virale.
Nospace është krijuar nga Tiffany Zhong, e cila vetë është anëtare e “Gjeneratës Z”, dhe siç tha kompania, tashmë janë 500 mijë persona në listën e pritjes.
Aplikacioni do të inkurajojë përdoruesit të ndajnë mendimet e tyre për gjëra të përditshme. Aplikacioni bazohet kryesisht në postimet me tekst, dhe ekziston gjithashtu mundësia që përdoruesit të kalojnë në opsionin për të parë vetëm postimet e miqve të tyre. Çdo profil mund të modifikohet – ngjyra e llogarisë, sfondi dhe fonti.
“Përdoruesit mund të jenë aq të çuditshëm ose autentikë sa të duan”, ka thënë Zhong. Qëllimi i rrjetit të ri social është t’u tregojë përdoruesve të rinj se si ishte koha kur MySpace dhe Facebook ishin mjetet më të njohura (dhe pak a shumë të vetmet) për të krijuar lidhje dhe njohje përmes internetit.
“Mos harroni se sa argëtues ishte interneti përpara reklamave dhe algoritmeve? Ne e bëjmë dhe duam ta kthejmë atë”, thuhet në përshkrimin e aplikacionit në AppStore.
Edicioni i 68-të i Eurovision sonte e zhvillon natën finale, në një mbrëmje ku pritet të dëgjohen 26 këngët garuese. Shfaqja fillon në orën 21:00 dhe zhvillohet në Malmo të Suedisë, ndërsa transmetohet drejtpërdrejt nga RTK dhe RTSH.
Shqipëria u përfaqësua këtë vit nga Besa Kokëdhima me këngën “Titan” e cila performoi në natën e dytë gjysmë finale, por nuk arriti të shkoj në finale, transmeton RTSh.
Këngët pjesëmarrëse në garë:
Suedi | Marcus & Martinus – Unforgettable
Ukrainë | alyona alyona & Jerry Heil – Teresa & Maria
Gjermani | ISAAK – Alëays On The Run
Luksemburg | TALI – Fighter
Holandë | Joost Klein – Europapa
Izrael | Eden Golan – Hurricane
Lituani | Silvester Belt – Luktelk
Spanja | Nebulossa – ZORRA
Estoni | 5MIINUST x Puuluup – (nendest) narkootikumidest ei tea me (küll) midagi
Përderisa artisti i njohur, Salvador Dalí ia mbylli sytë jetës në mëngjesin e 23 janarit të vitit 1989, veprat e tij mbetën pas për të përçuar një dritë artistike, shkruan KultPlus.
I njohur për frymën e tij surrealiste, pikturat e Dalít padyshim që sot janë kthyer në ikonë të epokës së rëndësishme të historisë së artit pamor.
Veprat e tij shprehin një shumëdimensionalitet të formës, mendimit, idesë, mesazhit e revoltës që ai përfaqësonte në qenien e tij.
Salvador Dalí, shkrepëtiu në ritmin e kohës dhe mbeti i pavdekshëm nëpërmjet brushave të tij, e që KultPlus ua sjell veprat më të njohura të tij:
Këngëtaret ukrainase, Alyona Alyona dhe Jerry Heil në “Eurovizion” kanë shkuar me misionin për të mbledhur mbi 250.000 dollarë për të rindërtuar një shkollë në jug të Ukrainës, të dëmtuar nga sulmet ruse.
Sipas të dhënave zyrtare, më shumë se 3.500 institucione arsimore në Ukrainë janë dëmtuar dhe pothuajse 400 janë shkatërruar.
“Ne duam ta rindërtojmë sepse ne vërtetë besojmë se duke rindërtuar të shkuarën, ne mund të ndërtojmë të ardhmen për fëmijët ukrainas, të cilët do të rindërtojnë shtetin pas kësaj lufte”, tha Heil gjatë konferencës për media në Eurovision, transmeton Klankosova.
Festivali i Këngës, Eurovision po mbahet në Malmo, pasi Suedia fitoi më 2023. Ndërsa, finalja mbahet më 11 maj./KultPlus.com
Magjia e Javëve Kulturore Ndërkombëtare do të vijojë nga 13-19 maj me Francën me koncerte, ekspozita, shfaqje dhe argëtim pa fund.
Ministri për Ekonominë, Kulturën dhe Inovacionin, Blendi Gonxhja ndau në rrjetet sociale videon promovuese të kësaj jave kulturore.
“Franca është vendi i delikatesës, kulturës së pasur, artit dhe inovacionit. Nga data 13-19 Maj, bëhuni pjesë e aktiviteteve që do të gjallojnë në forma artistike, kulinarie, lojërash, cirku dhe teknologjie. Këto ditë premtojnë të jenë njëra më e bukur se tjetra. Festojmë kulturën, përqafojmë inovacionin”, theksoi Gonxhja.
Java Kulturore Franceze vjen me një program të kuruar të muzikës, kulturës dhe spektaklit.
Gjatë kësaj jave, më 13 maj tek Piramida do të çelet ekspozita e skulpturës “Richard Orlinski”. Po në 13 maj në ambientet e Piramidës do të hapet “KubFranceTirana”, ndërsa Dj Dylan Dylan më 13 maj dhe 16 maj tek Piramida do të performojë për adhuruesit e muzikës.
Të pasionuarit pas lojërave do të kenë mundësi të marrin pjesë në aktivitetin e lojërave “Krijuar në Francë” më 14 dhe 15 maj tek Piramida, më 15 maj do të organizohet “Dita Alumini” Francë po tek Piramida.
Ndërsa shfaqja “Ilotopie” do të shfaqet më 15 dhe 16 maj tek Liqeni Artificial.
Edicion i tretë i Javëve Kulturore Ndërkombëtare çeli siparin më 1 maj dhe do të zhvillohen deri në nëntor. JKN do të mbushë salla, teatro, galeri arti, sheshe dhe qytete me programe të pasura aktivitetesh nga 20 shtete.
JKN nisi me “Javën e Evropës” vijon me Francën, Greqinë, Italinë, Izraelin, Brazilin, Hungarinë, Holandën, Turiqinë, Mbretërinë e Bashkuar, Kinën, Gjermaninë, Japoninë, SHBA, Austrinë, Spanjën, Malin e Zi, Meksikën e Kosovën.
Edicioni i parë i JKN-së filloi si një nismë e ish-Ministrisë së Kulturës në vitin 2022, me dëshirën për të përçuar vlerat dhe traditat e për të nxitur shkëmbimin kulturor dhe frymëzuar inovacionin.
Nëpërmjet këtij projekti vendet njihen më mirë, forcohen marrëdhëniet me partnerët ndërkombëtarë, si dhe rritet oferta e aktiviteteve kulturore në Shqipëri për të gjitha shijet dhe moshat. JKN e shndërron skenën e aktiviteteve kulturore në vend në një arenë ndërkombëtare shumëkulturore dhe shumëdisiplinore./atsh/KultPlus.com
Mua nuk më duhet një kuti e rëndomtë, më duhet një sarkofag Me lara tigri dhe me fytyrë sipër kapakut. I rrumbullt, si hëna që ta shihnin të gjithë ç’përposh. Dua t’i shoh të gjithë ata, kur të vijnë, Duke depërtuar përmes gurëve memecë dhe rrënjëve. Tashmë i shoh, – fytyra të zbehta, të largëta, si yjet. Tanimë ata janë një hiç, madje as foshnja. I përfytyroj pa nëna e baballarë, si zotat e parë. Ata pyesin, në duhet t’isha vallë.
Prej fundjavës sime duhet të ziesh reçel, si prej frutash! Pasqyra ime mbulohet mjegullishtë. Edhe një hukamë tjetër dhe në të nuk mbetet pasqyrim. Lulet dhe fytyrat lëbardhen asisoj, sa shndërrohen në çarçafë.
Nuk ia kam besën. Ai zhduket, si avull Në ëndrra përmes vrimës së syve ose gojës. Unë nuk mund ta ndaloj. Një dite të bukur ai nuk do kthehet. Gjërat janë sajuar tjetërsoj. Ata mbeten, madhështitë e tyre të veckla Të ngrohura janë me përçikje të shpeshta. Kur më mërdhijnë këmbët, Syri blu i bruzit tim më ngroh. M’i jepni kotruvet e bakërta, jepuni kutive me pomadë Të shpleksin rreth meje lulet kundërmuese të natës. Ata do të më mbështjellin në fasha, ata do ta vënë zemrën time Në një bohçe të pastër te këmbët e mia. Zor se do ta njoh veten. Ka me qenë errët. Dhe drita e këtyre vogëlimave është më e mrekullt se fytyra e Ishtar-it* ./KultPlus.com
Mbrëmë me një ceremoni në galerinë Luckan në Helsinki, Finlandë u hap ekspozita personale e piktorit Haki Xhakli me titullin “Jehona e qendrueshmerisë”.
Ekspozita përmban 26 piktura me vlera unike, që paraqesin cikle të ndryshme të periudhave para, gjatë dhe pas luftës në Kosovë.
Fjalën e rastit në hapje, përveç autorit Xhakli e morën edhe kuratori Larrie Griffis producent dhe përgjegjëse për kulturë në qendrën kulturore Luckan, i cili foli për rëndësinë e ekspozitës dhe bashkëpunimin me artistët ndërkombëtarë siq është rasti i Kosovës dhe krijimin e urave të bashkëpunimit mes vendeve.
“Krijimtaria ime shpreh ndërveprimin e thellë me kulturën dhe historinë tonë, duke paraqitur bukurinë dhe vendosmërinë e popullit tim për të përballuar sfidat dhe vuajtjet. Me simbole të thella dhe ngjarje të lashta, pikturat e ekspozuara këtu në Helsinki përshkruajnë trashëgiminë tonë dhe shpirtin tonë të palëkundshëm, por edhe të ardhmen e ndritur.” ka thënë Xhakli
Autori me këtë ekspozitë të re, rrethon histori të ngrohta të rezistencës dhe shpresës nëpërmjet pikturave të tij. Kjo ekspozitë ofron një udhëtim emocionues në botën artistike të Xhaklit, duke ftuar vizitorët të reflektojnë mbi kuptime të thella dhe të shpresojnë, edhe në kohë të sfidave.
Ekspozita do të qëndrojë e hapur për vizitorë një muaj deri me 30 maj./KultPlus.com
Aktori dhe këngëtari holandez Joost Klein është skualifikuar nga finalja e madhe e Eurovision Song Contest ndërsa policia suedeze heton akuzat për sjellje të papërshtatshme, tha Unioni Evropian i Transmetuesve.
Duke hyrë me këngën ”Europapa”, një nderim për prindërit e tij të ndjerë, reperi dhe këngëtari 26-vjeçar nga Holanda ishte kualifikuar në finalen e madhe mbrëmjen e së enjtes në Malmo Arena në Suedi.
Një deklaratë nga Unioni Evropian i Transmetuesve (EBU) tha se ”artisti holandez Joost Klein nuk do të konkurrojë në finalen e madhe të Eurovizionit të këtij viti”.
”Policia suedeze ka hetuar një ankesë të bërë nga një anëtare femër e ekipit të prodhimit pas një incidenti pas performancës së tij në gjysmëfinalen e së enjtes. Ndërsa procesi ligjor merr rrjedhën e vet, nuk do të ishte e përshtatshme që ai të vazhdonte në garë. Dëshirojmë të bëjmë të qartë se, ndryshe nga disa raportime në media dhe spekulime të mediave sociale, ky incident nuk ka përfshirë ndonjë interpretues apo anëtar tjetër delegacioni. Ne mbajmë një politikë të tolerancës zero ndaj sjelljeve të papërshtatshme në ngjarjen tonë dhe jemi të përkushtuar të ofrojmë një mjedis pune të sigurt për të gjithë stafin në konkurs. Në dritën e kësaj, sjellja e Joost Klein ndaj një anëtari të ekipit konsiderohet në shkelje të rregullave të konkursit”, thotë EBU.
Finalja e madhe e Eurovisionit të 68-të do të vazhdojë me 25 këngë pjesëmarrëse.
Mediat suedeze dhe holandeze të lajmeve kanë raportuar se ai është duke u hetuar pas një incidenti që përfshin një punonjës të prodhimit televiziv./KultPlus.com
