U bë e ditur që këngëtarja kosovare Dua Lipa është nominuar në tri kategori në VMA, duke dëshmuar kështu që sukseset nuk kanë të ndalur për të. Ndërsa para pak minutash ajo solli këngën IDGAF në versionin frëngjisht, shkruan KultPlus.
Këtë e ka bërë të ditur përmes faqes së saj në Instagram.
“Të gjithë francezët e mi të dashur, sapo kam regjistruar një version të IDGAF në të cilën këndoj frëngjisht! Ekziston edhe një version me Maitre Gims, reperi im i preferuar. Unë shpresoj se mund ta luaj shumë shpejt!”, shkruan ajo./KultPlus.com
Etiketë: dua lipa
Dua Lipa nominohet për çmimin kryesor në “Video Music Awards”
Këngëtarja shqiptare me famë botërore po vazhdon rrugëtimin e saj me hapa të suksesshëm. Ajo mbrëmë është nominuar në tri kategori në “Video Music Awards”, shkruan KultPlus.
Me hitin e saj të suksesshëm “New Rules”, ajo nominohet në kategorinë kryesore “Kënga e vitit”, me “IDGAF” për “Koreografinë më të mirë”, kurse me “One Kiss” në duet me Calvin Harris u nominua për “Vallëzimin më të mirë”.
Dua Lipa është shprehur tejet e emocionuar për këto tri nominime.
Kujtojmë se Dua Lipa ka qenë një nga këngëtaret më të nomuniara edhe në Brit Awards. / KultPlus.com
Dua Lipa
38th Brit Awards, Show, The O2 Arena, London, UK – 21 Feb 2018
Shqiptaret dominojnë në disa kategori të MTV Video Music Awards 2018
Është publikuar të hënën lista e plotë e nominimeve për MTV Music Video Awards 2018.
Të nominuarit u njoftuan për nominimin e tyre në kategoritë përkatëse në IGTV të Instagram.
Cardi B kryeson listën me dhjetë nominime, ndërsa Carters – Beyoncé dhe JAY-Z – pasojnë kryesinë me nga tetë nominime. Edhe këtë vit, nuk mungojnë shqiptaret në listën e nominimeve, pasi tre këngëtaret me famë botërore: Rita Ora, Dua Lipa e Bebe Rexha kanë arritur të nominohen në disa kategori.
Rita Ora e bëri të ditur nominimin e saj përmes një fotografie të hedhur në rrjetin social Instagram, ku tregoi se është e nominuar në dy kategori, ndërsa bënte thirrje për fansat që ta ndihmonin atë drejt marrjes së çmimit, duke votuar në faqen zyrtare të MTV VMA.
“OMG jam nominuar për 2 VMA-ja!! Ka qenë një nderë shumë i madh për të punuar me Avicii. Faleminderit MTV që keni njohur “Lonely Together”!!. Ju lutem votoni për Vallëzimi më i Mirë në VMA.mtv.com”, ka shkruar Ora në Instagram.
Rita është e nominuar në kategorinë “Best Dance (Kënga më e mirë ritmike)” për këngën “Lonely Together” në bashkëpunim me DJ-n e ndjerë, Aviciin, dhe në kategorinë “Best Visual Effects (Klipi më i mirë me efektet vizuale)”, po prapë për projektin “Lonely Together”.
Ndërkohë, artistja tjetër Dua Lipa, ka arritur që të nominohet në tri kategori: “Song of the year (Kënga e vitit)” për këngën “New Rules”, “Best Dance (Kënga më e mirë ritmike)” për këngën “One kiss” në bashkëpunim me Calvin Harris, dhe për çmimin “Best Choreography (Koreografia më e mirë në klip)”, për koreografinë në klipin “IDGAF”.
E pa nominuar nuk ka mbetur as artistja tjetër shqiptare me famë ndërkombëtare, Bebe Rexha, e cila ndonëse me prurje të shumta këtë vit ka arritur që të nominohet në vetëm një kategori – atë të “Best Collaboration (Bashkëpunimi më i mirë)”, për bashkëpunimin “Meant to be” me artistin Florida Georgina Line.
Dua Lipa me flokë të kuqe, duket ndryshe në stilin e ri (FOTO)
Këngëtarja e njohur shqiptare, Dua Lipa, vazhdon të mbetet një ndër emrat më të suksesshëm të momentit në tregun ndërkombëtar të muzikës.
Ajo do të vijë në Prishtinë më 10 gusht në kuadër të festivalit “Sunny Hill”, për të performuar para mijëra fansave shqiptarë.
Dua ka qenë shumë e angazhuar me turin e saj të koncerteve këtë muaj, teksa ka gjetur së fundmi pak kohë edhe për pushim.
Përmes rrjetit social Instagram, këngëtarja Lipa ka treguar se është kthyer në Londër, për të pushuar në shtëpinë e saj, si dhe për tu çmallur me shoqërinë dhe familjarët.
Në imazhet e fundit të publikuara në llogarinë e saj zyrtare në Instagram, Dua shfaqet edhe me një ndryshim të ri në pamje.
Ajo shfaqet me flokë të kuqe në fotografitë e fundit, duke mos e bërë shumë të qartë nëse bart paruke apo është vërtet një ndryshim i ri në pamjen e saj.
Sido që të jetë, fansat ngelën të habitur nga kjo pamje e re e këngëtares, duke mos qenë të mësuar ta shohin me një ngjyrë të tillë në flokë.
Lipa është shquar gjithmonë për pamjen e saj të ëmbël dhe paraqitjet atraktive në klipe dhe koncerte. /KultPlus.com
Rita, Dua dhe Era, tifoze të Anglisë (FOTO)
Këngëtaret shqiptare me famë botërore, Rita Ora, Dua Lipa dhe Era Istrefi, kanë bërë publike preferencat e tyre për Kampionatin e sivjetmë Botëror.
Gjatë ditës së shtunë është zhvilluar ndeshja çerekfinale ndërmjet Suedisë dhe Anglisë, të cilën e fituan Tre Luanët dhe u kualifikuan në gjysmëfinale.
Shqiptaret e famshme, përmes profileve të tyre në rrjetet sociale, kanë treguar mbështetjen e tyre për Anglinë.
Rita, e cila ndodhej në Poreç të Kroacisë, ka publikuar një video nga plazhi duke kënduar: “Futbolli po vjen në shtëpi”.
Dua e ka publikuar një video duke e shikuar ndeshjen, ndërsa e ka shoqëruar me simbolet që shpresonte për sukses.
Takimin ndërmjet Suedisë dhe Anglisë e ka shikuar edhe Era, e cila dëgjohej duke thënë: “Përpara Angli”.
Theksojmë se Era Istrefi e ka kënduar himnin e sivjetmë të Kampionatit Botëror, “Live It Up”, së bashku me Nicky Jam dhe Will Smith. /KultPlus.com
Një vit nga hiti që vulosi suksesin e Dua Lipës, fansat festojnë bashkë me të (VIDEO)
Dje është bëtë plot një vit nga publikimi i këngës se suksesshme të Dua Lipës që e ngriti atë në maje të top-listave botërore, duke e bërë këngëtaren më të dëgjuar në Spotify, shkruan KultPlus.
Derisa Dua po merr pjesë në festivalin Roskilde, një numër tejet i madh fansash shihen derisa vallëzojnë së bashku me të duke ndjekur ritmin e këngës “New Rules”, këngës që ka vulosur suksesin e këngëtares nga Kosova.
Anë e mbanë botës kjo këngë ka mbledhur mjaft dëgjues, duke e bërë emrin e Dua Lipës, një nga më të kërkuarit në industrinë e muzikës. Fama e këngëtares, Dua Lipa dëshmohet edhe në rrjetet sociale, ku ajo ka mbledhur rreth vetes plot 14 milionë fansa.
Dua Lipa pritet që në muajin gusht, të performoj për herë të dytë në Prishtinë, në Festivalin Sunny Hill, që do t’i dhuroi Prishtinës gjallëri me zëra të këngëtarëve të njohur ndërkombëtar e veror. /KultPlus.com
Dua Lipa e mahnitshme para koncertit në San Diego (FOTO)
Dua Lipa është gati për koncertin që do të mbajë në San Diego, por para koncerti ajo ka ndarë me miqtë e saj një set të fotografive të realizuara nga Pixie Levinson, shkruan KultPlus.
Dua Lipa në vazhdën e koncerteve në gusht do jetë e pranishme edhe në Prishtinë, ku do të mbajë koncert në kuadër të festivalit “Sunny Hill”./ KultPlus.com
Dua Lipa kur ishte 6 vjeç
Dua Lipa në një fotografi të rrallë në vitin 2001.
Dua Lipa ka lindur më 22 gusht në vitin 1995 në Londër. Prindërit e saj ishin vendosur atje pasi që migruan nga Prishtina në vitin 1990. Ajo ka ndjekur shkollën “Sylvia Young Theatre School” më kohë të pjesshme para se prindërit e saj të riktheheshin përsëri në Kosovë në vitin 2008.
Pasi që mbushi 14 vjet ajo filloi që të këndonte këngët e të tjerëve dhe u bë e njohur me postimin e tyre në YouTube./KultPlus.com
“New Rules” nga Dua Lipa, klipi më i shikuar në vitin 2017-të (VIDEO)
Dua Lipa, është shfaqur e entuziazmuar që videoprojekti i saj “New Rules” është shpallur klipi më i shikuar i një artisteje Britanike në vitin 2017-të, përcjellë KultPlus.
Kënga “New Rules” ka arritur këtë radhitje në tabelën zyrtare të këngëve në Britani të Madhe dhe për herë të parë në të janë përfshirë platformat online si YouTube, Apple, Tidal dhe Spotifity për të pasur kështu një pasqyrë të muzikës në internet, shkruan DailyMail.
“Posa mora lajmin që ‘New Rules’ është shpallur klipi më i shikuar i një artisteje Britanike në vitin 2017-të dhe ka 60 milion shikime vetëm në Britani të Madhe. A mund ta besoni? Unë nuk po mundem. Faleminderit shumë për mbështetjen dhe dashurinë, kjo do të thotë shumë për mua, këtë nuk do e kisha arritur pa ju”, është shprehur ajo.
Këngëtarja ka theksuar se pikërisht kënga “New Rules” ka pasur një rëndësi të veçantë për karrierën e saj si dhe ka kërkuar nga ndjekësit e saj që të vazhdojnë ta përkrahin punën e saj./ KultPlus.com
Dua Lipës i bëhet “zemra mal” me futbollistët kosovarë (FOTO)
Kanë kaluar dy ditë pas fitores së madhe të futbollistëve kosovarë në ndeshjen Kosovë- Serbi, mesazhet e urimet anë e mbarë botës nuk kanë të ndalur, shkruan KultPlus.
Këtë ndeshje me krenari e ka përjetuar edhe babai i këngëtares së njohur botërore, Dukagjin Lipa, i cili ka publikuar fotografitë e yjeve të futbollit ndërkohë ka uruar për ndeshjen e tyre duke uruar Zvicrën.
Poshtë kësaj fotografie ylli botëror, Dua Lipa ka lënë një koment të jashtëzakonshëm, ku ka shkruar “Zemra mal”, me shkronja të mëdha e duke bashkangjitur shumë zemra./ KultPlus.com
Edhe Dua Lipa emocionohet me golat e Shaqirit dhe Xhakës (FOTO)
Pas triumfit të madh të futbollistëve shqiptarë në ndeshjen Zvicër- Serbi, ka reaguar edhe këngëtarja shqiptare me famë botërore, Dua Lipa, shkruan KultPlus.
Ajo sapo ka postuar fotografinë e Xherdan Shaqirit derisa ka bërë shqiponjën në fushë pas golit të shënuar, ndërkohë ka vendosur simbolin e shqiponjes dhe dy flamuj të Kosovës dhe dy të Shqipërisë. / KultPlus.com
Fondacioni i Dua Lipës do të ndajë mbi 100 mijë euro për fëmijët e Kosovës
Dukagjin Lipa, babai i këngëtares të famshme Dua Lipa ka njoftuar se nuk kanë mbetur edhe pak javë kur edhe do të ndahen publikisht mbi 100 mijë euro për organizatat e ndryshme që merren me fëmijë dhe komunitete të nën-përfaqësuara, shkruan KultPlus.
Këtë e ka bërë të ditur nëpërmjet rrjetit social facebook, pasi që njëra nga mediet e Kosovës ka publikuar një shkrim, se fondacioni i Dua Lipës nuk ka ndihmuar ashtu sikurse ishte paralajmëruar me rastin e mbajtjes së koncertit të fundit në Prishtinë, ku edhe ishte premtuar se të hyrat nga ky koncert do të shkojnë për bamirësi.
“Nëse jo e vetmja, atëherë jemi njëra ndër iniciativat e pakta private e cila e bën një donacion në këtë vlerë. Dhe përpos fondeve direkte, për më pak se një javë, ne e kemi promovu Kosovën në disa nga mediat më të mëdha botërore. Fondacioni i ka mbajtur mjetet e ngrira, pikërisht sepse nuk ka dashur që ato t’i ndajë në kohë zgjedhjesh, kur Dua Lipa e ka pasur mundësinë e vetme për të ardhë në Kosovë. Të gjitha pohimet tona kemi me i dokumentu me detaje”, ka shkruar Lipa./KultPlus.com
The Fader: Vëmendje të veçantë ndaj koncertit të Dua Lipës në Prishtinë
Dua Lipa tash e sa kohë ka paralajmëruar koncertin që do ta mbajë në Kosovë.
Ajo do jetë e pranishme me 10 gusht në një koncert në Prishtinë “Sunny Hill Festival”, biletat e të cilit tanimë janë në shitje, shkruan lajmi net.
Për këtë së fundmi ka shkruar edhe The Fader një faqe e internetit në New York, ku i përkrah yjet e njohura.
“Babi i Dua Lipës ka ëndërruar gjithmonë të organizojë një festival në shtëpinë e tij në Prishtinë (Kosovë), “për ta vënë Kosovën në hartën kulturore”, sipas Duas. Puna e madhe dhe këmbngulja e Dukagjin Lipës, e bëri atë ëndërr në realitet. Dua Lipa dhe Action Bronson do të kryesojnë festivalin ‘Sunnyhil’, i cili do të zhvillohet në mes 10 dhe 12 gushtit në Prishtinë, Kosovë. Artistë të tjerë do shpallen deri me 17 korrik. biletat mund t’i bleni këtu.
Dua Lipa barazon një rekord të vitit 1998 të Edwin McCain
“New Rules” ka barazuar rekordin e këngës që ka qëndruar më së gjati në krye të listës së pop muzikës së Billboard.
Dua me këtë këngë që është shikuar mbi 1.2 miliard herë në YouTube, ka qëndruar për 41 javë në top listë.
Ajo në këtë formë ka barazuar rekordin e vitit 1998 të Edwin McCain me këngën “I’ll Be”.
Këto matje janë bërë përmes transmetimit të këngëve në 40 radio stacione.
Dua Lipa për dy net magjeps publikun e Miamit në Florida (FOTO)
Dua Lipa për dy net radhazi ka magjepsur publikun e Miamit ku është paraqitur me dy koncerte në kuadër të turnet të saj, gjersa po vazhdon rrugëtimin e saj të koncerteve në skenat më të njohura të botës, shkruan KultPlus.
Me qindra fansa shihen duke zgjatuar duart drejt saj derisa ajo performon hitet e saj në skenë.
“Jemi ndjerë shumë me fat që performuam në një amfiteatër hapur. Dukej sikur një mini-festival i yni. Faleminderit për gjithë dashurinë”, ka shkruar Dua Lipa në postimin e saj në Instagram./ KultPlus.com
Emrat shqiptarë që lidhën botën me trojet shqiptare dhe 140-vjetori i Lidhjes Shqiptare të Prizrenit
Sot po shënohet 140-vjetori i Lidhjes Shqiptare të Prizrenit, shkruan KultPlus.
Përgjatë shumë viteve trojet shqiptare i kanë dhënë botës emra të mëdhenj, ku përmes tyre edhe është përçuar tradita dhe kultura shqipe.
140 vite nga Lidhja e Shqiptarëve në Prizren, ndërsa Lidhja e Shqiptarëve me Botën, mund të themi lirshëm që u bë përmes këtyre emrave.
Nënë Tereza, Ismail Kadare, Rita Ora, Dua Lipa, Era Istrefi, Bebe Rexha, Ermonela Jaho, Inva Mula, Saimir Pirgu, Majlinda Kelmendi, Bekim Fehmiu, Fadil Vokrri, e shumë e shumë të tjerë i dhanë botës shumë nga kultura shqiptare.
Me këta emra shqiptarët pushtuan skena të ndryshme të operave, skena muzikore, skena teatrale e sete filmike, stadiume futbolli e ring boksi, biblioteka e panaire botërore e mbi të gjitha bota u pushtua nga dashuria e paqja përmes emrit shqiptar./ KultPlus.com
Ia hodhën flamurin rus në skenë, Dua Lipa mahnit me veprimin që bëri
Këngëtarja më e suksesshme shqiptare tash e sa kohë ka filluar turneun në vende të ndryshme.
Së fundmi, ajo ishte e pranishme në një koncert në Moskë i cili u mbajt para tre ditësh, shkruan lajmi net.
Gjersa po këndonte këngën e saj “Hotter than Hell”, një nga fansat e këngëtares ia kishte hedh flamurin rus në skenë, ajo e mori flamurin dhe më pas e largoi. Siç duket, ky gjest i fansave nuk i ka pëlqyer aspak këngëtares nga Kosova, edhe pse kjo e fundit mahniti me veprimin që bëri.
https://www.youtube.com/watch?v=hWcJykS1sWQ
Për më shumë ndiqeni videon nga minuta e 54:00. Ndryshe, Dua ditë më parë ka paralajmëruar se së shpejti do dalin në shitje biletat për koncertin që do të mbahet në Prishtinë me 10 gusht. /Lajmi.net/
Dua Lipa tregon se me kë ëndërron të ketë bashkëpunim
E famshmja Dua Lipa, ka zbuluar një sekret se me kë ka dëshirë të ketë bashkëpunim.
Bëhet fjalë për Kevin Parker, këngëtar nga Australia, transmeton Koha.net.
Artistja e “New Rules”, këtë e ka thënë gjatë një interviste para performancës së saj të fundit në hapjen e Ligës së Kampionëve të UEFA-s, mes Real Madridit dhe Liverpoolit.
Lipa, u pyet se me cilin artist (të gjallë apo të vdekur) do të donte të kishe bashkëpunim.
“E di çfarë, do të doja shumë të bëja një album me Kevin Parker nga Tame Impala. Thjesht mendoj se ai është shumë i mirë”, ka thënë Lipa.
Kujtojmë se para pak ditësh, revista e njohur Vogue, e ka listuar Dua Lipën si një prej femrave më me ndikim në botë./ KultPlus.com
Dua Lipa në mesin e femrave më me ndikim në botë
Këngëtarja nga Kosova, Dua Lipa, është përfshirë në listën e revistës “Vogue” për femrat më me ndikim në botë.
Krijuesja e hitit “New Rules” është përkrah avokates së njohur, Amal Clooney, lideres skoceze Ruth Davidson.
Në listën prej 25 femrave më të fuqishme, Dua e ka siguruar një vend shkaku i suksesit të madh brenda një viti.
Revista “Vogue” ka shkruar për këngën “New Rules” të cilën e konsideron si himn të fuqizimit të grave./ KultPlus.com
BBC, me dokumentar për këngëtaren shqiptare
I pandalshëm uragani Dua Lipa, pas finales së Championsit, vjen një dokumentar nga BBC.
Ndezi finalen në Kiev me një shikueshmëri prej 200 milionë shikuesish, konfirmoi çmimin e madh të Formula 1 në Singapor, uragani Dua Lipa nuk ka të ndalur. BBC do t’i kushtojë një dokumentar hapave galopant të artistes shqiptare.
Në artikullin kushtuar Duas, thuhet se pas sukseseve të njëpasnjëshme me dy Brit Awards dhe 1.1 miliard shikime në YouTube me këngën NewRules, këngëtarja nuk ka frikë nga figurat dhe skenat e mëdha./ KultPlus.com
“CultureTrip”: Bota është mbushur me artistë shqiptarë
Bota është e mbushur me artistë të njohur dhe të famshëm nga Shqipëria ose me rrënjë shqiptare, shkruan për “CultureTrip”, Francesca Masotti.
Zbuloni disa prej artistëve, piktorëve dhe këngëtarëve shqiptarë më të famshëm, punët e të cilëve njihen në të gjithë botën:
Onufri
Onufri është piktori i ikonave më i famshëm nga Shqipëria. Ai ishte aktiv në shekullin XVI në jug të Shqipërisë, në perëndim të Maqedonisë dhe veri të Greqisë. Mendohet se Onufri ka lindur në Berat, një qytet i bukur që ndodhet në jug të Shqipërisë. Sot, Berati ka një muze shumë interesant të Onufrit, ku vizitorët mund të mësojnë për artistin dhe të admirojnë pikturat e tij. Vepra të tjera arti të Onufrit mund të gjenden në Muzeun Mesjetar në Korçë dhe në shumë kisha përmes vendit.
Kolë Idromeno
Nikolla Kolë Idromeno, i njohur si Kolë Idromeno, ishte një piktor, artist, skulptor, kinematograf, fotograf dhe arktiekt shqiptar gjatë epokës së Rilindjes në Shqipëri (periudha historike nga viti 1870 deri në shpalljen e pavarësisë në vitin 1912). Idromeno kishte lindur në Shkodër, qyteti më i madh në veri të Shqipërisë. Ai kishte bërë studimet në Venecia në Akademinë e Arteve të Bukura, udhëtoi nëpër Europë dhe më pas u kthye në Shkodër, ku zbukuroi tavanin e Katedrales së Shën Stefanit. Shumë prej pikturave të tij tani ndodhen në Galerinë Kombëtare të Arteve në Tiranë.
Ibrahim Kodra
Ibrahim Kodra është një prej piktorëve më të famshëm shqiptarë të të gjitha kohërave. Ai studioi art në Milano dhe ishte mik me artistë të famshëm si Pablo Picasso. Punimet e tij prestigjioze ndodhen në Muzeun e Vatikanit, në Dhomën e Deputetëve në Parlamentin italian në Romë, në Galerinë e Arteve të Kosovë në Prishtinë dhe në shumë koleksione private.
Adrian Paci
Adrian Paci është një prej artistëve bashkëkohorë më të famshëm në Shqipëri dhe Europë. I lindur në Shkodër, ai u diplomua në Akademinë e Arteve në Tiranë dhe më pas vajti në Milano, Itali. Punimet e tij, që shpesh herë prekin tema si nostalgjia, ndarja dhe paraja, mund të admirohen në shumë muze dhe galeri artesh në botë. Paci ishte artisti i parë shqiptar që përfaqësoi Vendin e Shqiponjave në Bienalen e Venecias në vitin 1999.
Rita Ora
Rita Ora është një këngëtare britanike, aktore dhe modele e lindur nga pridnër shqiptarë në Prishtinë, kryeqyteti i Kosovës. Prindërit e saj u larguan nga Kosova kur ajo ishte vetëm një vjeç dhe vajtën në Londër, ku ajo u rrit me familjen e saj. Ajo u bë e famshme në vitin 2012 me këngën në bashkëpunim me “DJ Fresh”, “Hot Right Now”. Që prej asaj kohe ajo ka nxjerrë shumë hite që janë me famë botërore.
Dua Lipa
Një tjetër yll me origjinë shqiptare është e bukura Dua Lipa. Prindërit e saj migruan në Britani të Madhe në vitin 1990 për shkak të dhunës dhe shtypjeve dhe Dua u lind në Londër. Dua Lipa ka nxjerrë shumë këngë të bukura dhe të famshme në bashkëpunim me artistë të mëdhenj, si Sean Paul dhe Calvin Harris. Pa asnjë dyshim ajo është një nga artistet femër më premtuese në botë.
Oxarte ®
Anna Oxa
Ilirjana Hoxha, që njihet si Anna Oxa, është një këngëtare shqiptare, aktore dhe prezantuese televizive në Itali. Ajo u bë e famshme me pjesëmarrjet dhe çmimet e marra në festivalin prestigjoz të Sanremo, festivali më i famshëm i muzikës në Itali.
Bebe Rexha
Këngëtarja, kompozitaroja dhe producentja amerikane, Bleta “Bebe” Rexha ka rrënjë Shqiptare. Prindërit e sajë janë me origjinë etnike shqiptare nga dy qytete të ndryshme në Maqedoni. Ata vajtën në Bruklin, Nju Jork, ku Bleta lindi në vitin 1989. Ajo ka shkruar shumë këngë për këngëtarë të famshëm, përfshirë Rihanna dhe Eminem. Ajo ka publikuar gjithashtu shumë hite si “Meant to Be” dhe “I Can’t Stop Drinking About You.”
Era Istrefi
Era Istrefi është një këngëtare shqiptare dhe kompozitore e lindur në Prishtinë, Kosovë. Motra e saj Nora Istrefi është gjithashtu një këngëtare. Era Istrefi bëri debutimin e saj pesë vite më parë në vendin e saj dhe më pas në vitin 2016, ajo u bë e njohur në të gjithë botën me këngën “Bon Bon”, një këngë e shkruar në anglisht me fjali në shqip.
Ermal Meta
Ermal Meta është një këngëtar italo-shqiptar dhe kompozitor i lindur në qytetin jugor të Shqipërisë, Fier. Ai fitoi festivalin prestigjoz të Sanremos në shkurt 2018 me një këgë të bukur që i dedikohet viktimave të luftës. Ai morri pjesë edhe në festivalin e Eurovizionit duke përfaqësuar Italinë.
Action Bronson
Arian Asllani, i njohur ndryshe si Action Bronson, është një reper amerikan, yll i “reality show” dhe shef kuzhine që ka lindur në vitin 1983 në qytetin e Nju Jorkut nga një baba shqiptar mysliman dhe një nënë amerikane hebreje. Gjatë karrierës së tij, ai ka punuar me artistë të famshëm si Eminem, Wiz Khalifa, Prodigy, dhe Kendrick Lamar./ KultPlus.com
Dua Lipa e mahnitshme në reklamën e Champions League (VIDEO)
Dua Lipa dhe “New Rules” është kolona zanore e një reklame ku këngëtarja nga Kosova prezanton Champions League.
Ajo do të performojë në ceremoninë e mbylljes së Champions League, në bashkëpunim si gjithmonë me PEPSI.
https://www.youtube.com/watch?v=csEAAUNRYgE
Dua Lipa paralajmëron koleksionin e ri të modës në bashkëpunim me Nyden (VIDEO)
Dua Lipa, një nga këngëtaret më të suksesshme në industrinë e muzikës, tani po fillon edhe një rrugëtim por kësaj radhe në një fushë krejt tjetër.
Ajo më herët ka publikuar një video të shkurtër, e cila tregon për përkushtimin e saj edhe në fushën e modës për të cilën thotë se luan një rolë të rëndësishëm në jetën e saj. Ajo ka paralajmëruar koleksion të ri se bashku me Nyden, një koleksion që i përshtatet asaj dhe fansave.
“Dashuria ime e parë është muzika, por moda gjithashtu luan një rol të rëndësishëm në jetën time sepse mendoj se është thelbësore për të shprehur veten. Gjithmonë me interesojnë rrobat që pasqyrojnë forcën dhe guximin por gjithashtu përputhen edhe me kohën e tanishme. Kështu që unë jam i emocionuar që së bashku me Nyden do të krijojmë kreacionet e mija – do të jetë një koleksion që plotësisht më përshtatet mua, si në skenë, ashtu dhe jashtë saj si dhe për fansat e mi”, ka shkruar Dua Lipa në mbishkrimin e saj në Instagram./ KultPlus.com
HAT-TRICK nga Kosova për Botën
FIFA dhe UEFA do të pushtohen sivjet nga tri vajzat kosovare, shkruan KultPlus.
Era Istrefi, Rita Ora dhe Dua Lipa, janë këngëtaret tashmë me famë botërore të cilat kanë ngjitur majat e suksesit përmes zërave të tyre. Kësisoj, sivjet që të tria do të këndojnë në ndeshje futbollistike të cilat përcillen nga e gjithë bota.
Era Istrefi është zëri që do të kumbojë sivjet në gjithë Kampionatin Botëror që sivjet mbahet në Rusi. Era është ajo që do ta këndojë këngën e Botërorit bashkë me dy emra të mëdhenj siç janë Will Smith dhe Nicky Jam.
Dua Lipa dhe Rita Ora, janë vajzat nga Kosova të cilat janë rritur jashtë vendit nga vijnë e të cilat po mahnitin botën me zërat e tyre.
Dua Lipa do ta bëjë hapjen e ceremonisë finale të Ligës së Kampionëve ndërsa Rita Ora është sponsorizuar nga UEFA për turneun ‘The Girls Tour’ si pjesë e fushatës së tyre “Together #WePlayStrong”.
Tashmë si çdo herë tjetër është bërë edhe fotografia e vajzave kosovare nga faqja Images of Kosovo, me mbishkrimin HAT-TRICK./ KultPlus.com
