India kaplohet nga pandemia, shënon rekord botëror të rasteve

Vala e dytë e koronavirusit në Indi vazhdoi ta kaplojë shtetin me popullsinë e dytë më të madhe në botë. Të martën, atje u regjistruan hiç më pak se 161 mijë e 736 raste për 24 orë.

Kështu, numri i përgjithshëm i rasteve shkoi në 13.69 milionë persona. Kjo shifër e bën Indinë vendin e tretë më të prekur në botë, menjëherë pas Shteteve të Bashkuara dhe Brazilit.

Përpos infektimeve, gjatë kësaj periudhe u regjistruan edhe 879 viktima të reja dhe numri i përgjithshëm i të vdekurve nga pandemia e koronavirusit në Indi shkoi në 171.058, shkruan Reuters, transmeton Gazeta Express.

Shifra ditore e rasteve e ka kaluar kulmin e valës së parë të pandemisë, e cila u shënua në shtatorin e vitit të kaluar. Për këtë arsye, autoritetet në shumë shtete kanë urdhëruar masa të reja izoluese për ta parandaluar përhapjen e mëtejme të virusit.

India ka një ndër shifrat më të larta të personave të vaksinuar për Covid. Sidoqoftë, shifra prej dhjetëra milionësh është akoma modeste në krahasim me numrin e përgjithshëm të popullsisë – 1.35 miliard. / KultPlus.com

41 vjet më parë, Nënë Tereza u nderua me çmimin e lartë civil në Indi

Më 25 janar 1980 Nënë Tereza ka marrë çmimin më të lartë civil në Indi, Bharat Ratna për punën e saj humanitare. Shenjtorja shqiptare, emri origjinal i së cilës ishte Agnez Gonxhe Bojaxhiu u largua nga shtëpia në moshën 18-vjeçare dhe shkoi në Indi ku nisi aktivitetin e saj humanitar.

Atje themeloi kongregacionin fetar katolik, Misionaret e Bamirësisë, në vitin 1950.

Nënë Tereza u shua në moshën 87 vjeçare më 5 shtator 1997, ndërsa u shenjtërua më 5 shtator 2016.

Kur mori çmimin Nobel për Paqe në vitin 1979 ajo bëri këtë apel: “Shkatërrimtari më i madh i paqes së sotme është thirrja e një fëmije të pafajshëm ende të palindur. Nëse një nënë vret fëmijën që mban në barkun e saj, atëherë çfarë mbetet për ty dhe mua?

Ndërsa çmimi Bharat Ratna në Indi është çmimi më i lartë civil. Instituti, më 2 janar 1954 nisi të jepte çimet për njohjen e shërbimeve të jashtëzakonshme pa dallim race, feje, gjinie e pozicioni. Fillimisht ishte i kufizuar në arritjet në art, letërsi, shkencë e shërbime publike por më pas kriteret u zgjeruar duke përfshirë “çdo fushë të përpjekjeve njerëzore” në dhjetor të 2011. / KultPlus.com

Dielli “në duart” e artistit indian

Sulabh Lamba, 21-vjeçari nga Rewari, në Indi, ka sjellë fotografi mbresëlënëse me iluzione optike të diellit.

Ai ka shkrepur fotografi të perëndimit të diellit, me të cilin krijon skenarë të ndryshëm.

Ai ka mijëra ndjekës në Instagram.

Më poshtë mund të shikoni artin e tij dhe trikët e tij të mençura me diellin./ KultPlus.com

https://www.instagram.com/p/CDMTggQpSqh/?utm_source=ig_embed

Festivali i Rërës mbledh në Indi artistë nga e gjithë bota

Me qindra vendas dhe turistë u mblodhën në plazhin Chandrabhaga në Indi ku prej të dielës ka nisur Festivali Ndërkombëtar i Artit të Rërës.

Skulpturat e rërës u gdhendën nga rreth 100 artistë nga e gjithë bota, përfshirë Danimarkën, ShBA-në, Afrikën, Irlandën dhe Rusinë, transmeton Koha Jonë njoftimin.

“Është dita ime e parë këtu, kështu që në fillim do të hedh një sy përreth. Njerëzit janë shumë miqësorë dhe entuziastë për artin dhe këtu është edhe një sit i bukur, kështu që më pëlqen është shumë”, u shpreh Peter, një artist pjesëmarrës.

Festivali pesëditor përfshin artistë që shfaqin talentin e tyre përmes skulpturave me tema të ndryshme.

Në të njëjtën kohë, po zhvillohet Festivali Konark i cili feston kulturën dhe traditën e pasur të qytetit të Odishës përmes shfaqjeve shumëngjyrëshe me tempullin Konark duke ofruar sfondin në skenë. / KultPlus.com

Vritet ish-ndihmësi i Nënë Terezës

               

Një vullnetar bamirësie, që ka punuar me Nënë Terezën në Indi, ka vdekur pas një sulmi në Swansea.

Mediat britanike bëjnë me dije se Mark Bloomfield, 54 vjeç vdiq në spital të shtunën, pasi dyshohet se u sulmua në një lokal në qytet.

Familja e tij tha se ai ishte një ndihmës i veçantë i humanists shqiptare.

“Si ndihmës i veçantë i Nënë Terezës në Kalkutë, ai ishte një kontribues thelbësor për misionin e saj dhe për ata që ajo kujdesej.

Në Indi, ai organizoi kampe të lira të kataraktit kirurgjikale dhe themeloi shkolla që i jepnin mundësi edukimit të vajzave. Ai do të mbahet mend për të gjithë këtë dhe më shumë nga nëna e tij dhe tre vëllezërit e motrat”, thuhet në njoftimine familjes.

Një 61-vjeçar është vënë në pranga, si i dyshuari kryesor për vrasjen e tij. Më herët, policia ndaloi një 21-vjeçar dhe një 50-vjeçare, të cilët po hetohen në gjendje të lirë.

Nuk dihen ende shkaqet që mund të kenë çuar në vrasjen e ndihmësit special të Nënë Terezës./Gazeta Liberale / KultPlus.com

TELEMMGLPICT000204644024_trans_NvBQzQNjv4BqRrJEQoVsdrBtWPU7gE9Effjzq3GklGZMRaMsOULfbtA
_107999973_markbloomfield1
unnamed-file-1-730x440

“Bisedë për jetën” në dy festivale në Indi

Filmi i metrazhit të shkurtër “Bisedë për jetën” me regji të Agim Abdula e producent Bunjamin Kurtishit, është pranuar në dy festivale në Indi, shkruan KultPlus.

Ky film, do të marrë pjesë në Delhi International Film Festival – Neë Delhi, INDI dhe AFC Global Fest, Kolkata – INDI.
Ky film është prodhuar nga produksioni “Galaktika Pictures”, ndërsa tashmë ky produksion shumë shpejt sjellë edhe dy filma të tjerë të shkurtër si: “The Beginning” dhe “Conscience”./ KultPlus.com