Michelle Obama tregon për shqetësimet me shëndetin mendor gjatë pandemisë

Ish-zonja e parë Michelle Obama ka folur për shqetësimet dhe depresionin gjatë kohës sa ishte e infektuar me koronavirus, duke i inkurajuar amerikanët të flasin më shumë rreth shëndetit të tyre mendor.

“Depresioni është i kuptueshëm në rrethana të tilla, gjatë kësaj kohe”, tha ajo në një intervistë për revistën ‘People’. Për këtë arsye është e rëndësishme të flasim shëndetin mendor sepse të gjithë përballen me trauma, pagjumësi dhe vështirësi në forma të ndryshme”, ka thënë Obama.

Covid-19 dhe rënia ekonomike ka sjellë probleme të shëndetit mental në Amerikë. Përmes një hulumtimi të bërë në gusht ka dalë që 41 për qind e respodentëve kanë raportuar probleme të shëndetit mendor. 1 në 3 amerikanë kanë pranuar se kanë pasur probleme me këtë dukuri ose me pagjumësi.

Obama tutje ka shtuar se është vaksinuar kundër Covid-19.

“I inkurajoj të gjithë që sapo ta kenë mundësinë të vaksinohen”, ka thënë ajo.

Ajo tutje ka shtuar se pandemia ka bërë që ajo të ketë marrëdhënie më të fortë me ish-presidentin Obama dhe me dy vajzat e saj. / KultPlus.com

Michelle Obama me emision kuzhine për fëmijë në Netflix

Ish-Zonja e Parë e Shteteve të Bashkuara të Amerikës, Michelle Obama, do të nisë një emision kuzhine në Netflix që i dedikohet publikut të ri në moshë.

Ajo do të jetë protagonistja dhe producentja ekzekutive e emisionit “waffles+Mochi”, i cili do të nisë të shfaqet më 16 mars.

Duke folur për emisionin e saj, Michelle ka sqaruar se përmbajtja do të jetë e përshtatshme për fëmijët.

Në emision do të shfaqen dy kukulla me emrat waffles dhe Mochi, ndërsa ajo do të vijë si pronare e dyqanit dhe emisioni do të tregojë rrugëtimin e tyre në përpjekje për t’u bërë kuzhinierë.

Tema e emisionit është e lidhur me sloganin e Michelle, “Let’s move” (Të lëvizim) që ka shënjuar fushatën e saj për shëndetin publik që ka pasur për qëllim luftimin e mbipeshës te fëmijët.

Ndryshe, siç transmeton CNN, Michelle dhe bashkëshorti i saj, ish-presidenti amerikan Barack Obama, kanë nënshkruar marrëveshje disavjeçare me Netflix për prodhimin e filmave dhe serialeve me emërtimin Higher Ground Productions. /Telegrafi/ KultPlus.com

Kompania filmike e çiftit Obama me prodhime të reja

Kompania filmike e Barak dhe Michelle Obamës njoftoi të premten gjashtë projekte të reja për kompaninë Netflix, duke përfshirë një histori dashurie dhe një triller për të rinjtë.

Kompania Higher Ground Productions e ish-Presidentit dhe ish-Zonjës së Parë do të përshtasë romanin e autorit britaniko-pakistanez Mohsin Hamid “Dalja në Perëndim” për ta bërë film, sipas një deklarate të Netflix-it. Libri tregon historinë e një çifti të ri që gjen dyert magjike drejt vendeve të tjera dhe që më pas e gjen veten në mes të një krize globale refugjatësh.

Projekte të tjera përfshijnë një film fantastiko-shkencor të quajtur “Sateliti”, i cili do të prodhohet me kompaninë e produksionit T Street, e drejtuar nga regjisori i serialit “Star Wars” Rian Johnson dhe producenti Ram Bergman.

Një tjetër është “Tenzing”, historia e një nepalezo-indiani, i cili arriti i pari në majën e malit Everest me zelandezin Sir Edmund Hillary.

“Gruaja e Re” është një film me metrazh të gjatë që përshkruan një grua në ditën e saj të martesës, e cila ndihet e hutuar kur afrohet një stuhi. Kompania gjithashtu po krijon dy seriale televizive.

“Vajza e Zjarrfikësit” është një triller i bazuar në një roman të shkrimtares Angeline Boulley dhe flet për një 18 vjeçare, anëtare të fisit Ojibwe, e cila merr pjesë në një hetim policor.

Seriali tjetër është një dokumentar për parqet kombëtare.

Netflix tha se projektet do të dalin gjatë viteve të ardhshme por pa dhënë data të sakta.

Barack dhe Michelle Obama nënshkruan një marrëveshje shumëvjeçare produksioni me firmën Netflix në vitin 2018.

Projektet e tyre të mëparshme me Netflixin përfshijnë “Fabrika Amerikane”, e cila fitoi një çmim Oskar në vitin 2020 për dokumentarin më të mirë./voa/ KultPlus.com

Përse Harris, Obama dhe Hillary Clinton u veshën në vjollcë në inaugurim?

Zëvendëspresidentja e zgjedhur Kamala Harris, ish-Zonja e Parë Michelle Obama dhe ish-sekretarja e shtetit Hillary Clinton, kanë dërguar gjithnjë mesazhe simbolike përmes veshjeve të tyre.

Sot, megjithatë në ditën e përurimit të Joe Biden dhe Kamala Harris, duket se të tri gratë e fuqishme bënë një deklaratë të përbashkët.

Derisa u futën në ndërtesën e Kapitolit përpara ceremonisë së sotme të betimit, secila prej tyre u shfaqën në ngjyrë të vjollcë. Zgjedhja e tri grave për ngjyrën e njëjtë – e cila është një përzierje e mirëfilltë e ngjyrave të partisë politike, e kuqja dhe blu – mund të ketë qenë me të vërtetë e qëllimshme, duke marrë parasysh kuptimin e ngjyrës për të ngjallur një ndjenjë solidariteti dhe uniteti, sipas The Hill, transmeton KultPlus.

Për momentin historik, Harris zgjodhi një fustan e pallto të tillë nga stilisti Christopher John Rogers, të cilën e kompletoi me dorëza lëkure e take të po së njëjtës ngjyrë.

Clinton zgjodhi një kostum gjithashtu të vjollcë, me një xhaketë elegante të gjatë, një shall lejla e këpucë të zeza.

Obama në anën tjetër zgjodhi një kostum me nuancë kumbulle me një rrip nga Sergio Hudson, një tjetër stilist amerikan që kujdeset vazhdimisht për dukjen e 57 vjeçares.

Ngjyra vjollcë ka një kuptim jashtëzakonisht të veçantë për Kamala Harris, pasi shpesh shfaqej e tillë edhe gjatë fushatës për të nderuar Shirley Chisholm, e cila e frymëzoi karrierën e zëvendëspresidentes së re. / KultPlus.com

Obama në datëlindjen e bashkëshortes: Çdo moment me ty është bekim

Datëlindjen e 57-të të Michelle Obamës, ish-presidenti i Shteteve të Bashkuara të Amerikës ia ka uruar me fjalë të veçanta, shkruan KultPlus.

Ai ka publikuar në rrjete sociale një urim, teksa ka pasur fjalë të përzgjedhura për bashkëshorten e tij.

“Urime ditëlindjen dashuria ime, partnerja ime dhe shoqja ime më e mirë. Çdo moment me ty është bekim. Të dua Miche”, ka shkruar Barack Obama.

Çifti Barack dhe Michelle janë martuar në vitin 1992 dhe janë prindër të dy vajzave, Malia 22-vjeçare dhe Sasha 19-vjeçare. / KultPlus.com

Washington, DC – January 20, 2009 — United States President Barack Obama first lady Michelle Obama walk in the Inaugural Parade in Washington, D.C. on Tuesday, January 20, 2009. Credit: Ron Sachs – Pool via CNP

Michelle Obama thotë se rrjetet sociale duhet ta bllokojnë Trumpin përgjithmonë

Ish-zonja e parë e SHBA-së Michelle Obama përmes një deklarate në Twitter rreth trazirave të djeshme në Kongres u ka bërë thirrje mediave sociale të bllokojnë presidentin Trump përgjithmonë nga platformat e tyre.

“Tani është koha që kompanitë e Silicon Valley të ndalojnë mundësimin e kësaj sjellje monstruoze – dhe të shkojnë edhe më larg sesa kanë bërë tashmë duke ndaluar vazhdimisht këtë njeri nga platformat e tyre”, tha ajo.

Deri më tani Trumpin e kanë bllokuar rrjetet sociale përkohësisht. /Express/ KultPlus.com

Gallup: Donald Trump dhe Michelle Obama personat më të admiruar në SHBA

Presidenti amerikan Donald Trump dhe ish-Zonja e Parë Michelle Obama janë burri dhe gruaja më e admiruar në Shtetet e Bashkuara për vitin 2020, sipas një sondazhi vjetor nga “Gallup”.

Michelle është gruaja më e admiruar për të tretin vit radhazi, ndërsa Trump mundi bashkëshortin e saj, ish-presidentin Barack Obama, për herë të parë këtë vit, me 18 % të të anketuarve që thanë se e admironin më shumë Trumpin.

Për krahasim, vetëm 15 përqind e amerikanëve thanë se admironin më shumë ish-presidentin Obama.

Përgjigjet u ndanë kryesisht përgjatë vijave të partisë, me Republikanët që thanë se admironin Trump dhe Demokratët Obaman.

Zëvendëspresidentja e zgjedhur, Kamala Harris, u listua si gruaja e dytë më e admiruar në SHBA.

Në përgjithësi, 6 % e amerikanëve e votuan presidentin e zgjedhur Joe Biden dhe 3 % specialistin kryesor për Sëmundjet Infektive, Anthony Fauci./ /atsh/ KultPlus.com

“Michelle ishte e trishtuar dhe e zemëruar”, Barack Obama tregon si e shpëtoi martesën pas presidencës

Në librin e tij të kujtimeve, “A Promised Land” (Një tokë e premtuar), ish-presidenti Barack Obama zbuloi se si të qenurit në Shtëpinë e Bardhë e tensionoi martesën e tij me Michelle Obama.

Ndërkohë, së fundmi, në një intervistë të re me People, Barack diskutoi më tej për stresin nën të cilin ishte Michelle dhe si ata e rregulluan lidhjen e tyre pas daljes nga Shtëpia e Bardhë.

Sipas Barack, problemet e tij të martesës ishin “e vërteta e kohës së tyre në Shtëpinë e Bardhë”, duke shtuar: “Michelle besonte shumë në punën që bëja, por ajo ishte më skeptike në lidhje me politikën dhe më e kujdesshme për sakrificat ndaj familjes.”

Ndërsa, ish-Zonja e Parë është më e lidhur me streset familjare dhe politike, Barack tha se është tipi që thotë: “S’ka problem. Do shkojë mirë”, pra, prirem të shqetësohem më pak”.

Sidoqoftë, Obama mendon se marrëdhënia e tyre ia doli të mbijetonte mirë për tetë vite në Shtëpinë e Bardhë.

“Unë mendoj se ne kemi dalë të plotë prej atij vendi. Patëm gëzime të mëdha në Shtëpinë e Bardhë. Nuk ka patur kurrë një moment, kur nuk e kemi kuptuar se çfarë privilegji i jashtëzakonshëm ishte të ishim atje. Më e rëndësishmja, fëmijët tanë dolën të paprekur dhe ata janë të mrekullueshëm, të mirë, kreativë dhe mendojnë për të tjerët. Pra, të gjitha këto janë një lloj lehtësimi.”

Ish-presidenti thotë se e dinte që gjërat duhej të ktheheshin në rrugën e duhur mes tij dhe Michelle.

“Gjatë kohës që ishim atje, Michelle ndjente një tension të madh. Presioni, stresi, nevoja për të rregulluar gjithçka, nevoja për të qenë “gati” në çdo moment. Ka patur raste kur mendoj se ajo ishte e irrituar, e trishtuar ose e zemëruar, por e dinte që kisha Afganistanin ose krizën financiare për t’u shqetësuar, kështu që nuk më tregonte gjë.”

Gjërat u përmirësuan sapo dy mandatet e tij u mbyllën.

“Ishte sikur kishim mbajtur frymën për shumë kohë dhe më në fund, e lëshuam. U desh pak kohë që ajo të më tregonte se si ishte ndjerë, por ajo vendosi të fliste me mua dhe më në fund, ishte në gjendje të merrte frymë dhe të relaksohej.”

Ai vazhdoi: “E dini fjalën e urtë: “Nëse mamaja është e lumtur, të gjithë janë të lumtur”. Kjo vlen shumë për familjen tonë.”

Duke shkuar më tej, ai zbuloi se Michelle “ka qenë më e relaksuar dhe më e lumtur që kur kemi lënë detyrën”, dhe “kjo na lejoi të shijonim thjesht dashurinë e thellë që vjen me një martesë kaq të gjatë, por gjithashtu të bëhemi përsëri miq”.

Vajzat, Malia dhe Sasha Obama, tani dy studente kolegji, janë gjithashtu në gjendje të pushojnë.

“Tani që vajzat tona u rritën dhe ne nuk kemi më aq shumë shqetësime për to, unë dhe Michelle mund të qeshim dhe të kalojmë më shumë kohë me njëri-tjetrin.” / KultPlus.com

Michele Obama: Ime ëmë më pati mësuar si ta përdor zërin tim

Ishte 12 nëntori i vitit 2018, kur ish zonja e parë e Amerikës, Michele Obama publikoi veprën ‘Të bëhesh’, e cila shumë shpejt u shpërnda në mijëra lexues, shkruan KultPlus.

Në këtë libër, për herë të parë, Michelle Obama përshkruan fillimet e martesës, vështirësitë për të gjetur një ekuilibër mes karrierës, familjes dhe ngjitjes së vrullshme të të shoqit në politikë.

Na zbulon debatet e tyre lidhur me mundësinë për të konkurruar për presidencën e Shteteve të Bashkuara dhe na rrëfen për popullaritetin që përjetuan dhe për kritikat që morën përgjatë fushatës elektorale.

Me finesë, sens humori dhe një sinqeritet të pazakontë, Michelle Obama përshfaq gjithë jetën e një familjeje që, krejt befasisht, u ndodh nën dritat e projektorëve dhe përballë gjithë botës, si dhe tetë vitet më domethënëse në Shtëpinë e Bardhë, ku ajo e njohu më mirë vendin e saj, por edhe vendi i saj e njohu më mirë atë.

KultPlus ju sjell një fragment nga vepra ‘Të bëhesh’ e Obamës:

Ka ende shumë gjëra që nuk i di për Amerikën, për jetën, për atë çka e ardhmja mund të të sjellë. Por njoh mirë veten time. Im atë, Fraser-i, më pati mësuar të punoj fort, të qesh shpesh dhe ta mbaj fjalën.

Ime ëmë, Marian-a, më pati mësuar si të mendoj me kokën time dhe si ta përdor zërin tim. Së bashku, në apartamentin e tejmbushur të Anës Jugore të Çikagos, më ndihmuan të zbuloja vlerat në historinë tonë, në historinë time, në historinë më të madhe të Amerikës.

Edhe kur nuk është e bukur apo e përsosur. Edhe kur është më e vërtetë nga ç’do të doje të ishte. Historinë tënde e mbart me vete, do ta mbartësh gjithnjë me vete. Është diçka që duhet ta zotërosh tërësisht e të mos e harrosh kurrë. /KultPlus.com

Michelle Obama: Martesa është një zgjedhje që t’i e bën çdo ditë, ti martohesh sepse beson tek personi tjetër

Disa ditë më parë, ish-zonja e parë e Amerikës e cila është tejet e dashur për publikun, gjatë eventit të ‘Essence Festival’, mbajti një fjalim ku këshillonte gratë dhe vajzat në gjetjen e partnerit të tyre, shkruan KultPlus.

E martuar prej 26-vitesh me Barack Obama-n, ish-zonja e parë tregoi disa sekrete të vogla që e kanë ndihmuar për një marrëdhënie të shëndetshme dhe jetëgjatë.

“Martesa është një zgjedhje që t’i e bën çdo ditë. Ti s’e bën këtë sepse është e thjeshtë. Ti martohesh sepse beson tek personi tjetër. Zonja dhe zotërinj, prandaj është kaq e rëndësishme të martoheni me dikë që e respektoni. Është e rëndësishme të martoheni me dikë që është i barabartë me ju dhe do që ju të fitoni në jetë aq sa ju doni për ta.”- u shpreh Michelle.

Për ta bërë më të thjeshtë deklaratën, ajo e paralelizoi këtë me sportet.

“Im shoq është skuadra ime. Nëse ne duam ta fitojmë këtë lojë bashkë, ai duhet të jetë i fortë dhe duhet të jetë gjithashtu dakord me forcën që do të tregoj unë. Unë s’dua një lojtar të dobët në skuadrën time, as ai s’e do këtë. Ndonjëherë, ne pranojmë dobësitë tek njëri tjetri pasi kjo duket më e thjeshtë. Bëni kujdes nga burrat ose gratë që duan thjeshtë një njeri të lehtë.”- shtoi ajo. / KultPlus.com

Michelle Obama: Unë e dua Barack-un për karakterin dhe dhembushurinë e tij

Barak dhe Michelle Obama, çifti i njohur amerikan të cilët ditë më parë u shpallën edhe dy figurat më të admiruara të vitit 2020, sot shënojnë plot 28 vite martesë, shkruan KultPlus.

Ishte Michelle, ajo që e para uroi Barack-un me fjalë prej më të mirave.

28 vite me këtë person. Dashuria ime, unë e dua @Barack Obama për për buzëqeshjen e tij, karakterin e tij dhe dhembshurinë e tij. Pra, jam mirënjohëse që e kemi atë si partner përmes gjithçka”, ka shkruar mes tjerash ajo në llogarinë e saj në Instagram. / KultPlus.com

https://www.instagram.com/p/CF5OFHkA4zk/?utm_source=ig_embed

Dalin në ankand veshjet e çiftit Obama

Disa veshje personale të ish-çiftit presidencial Barack dhe Michelle Obama do të dalin në ankand.

Këto përfshijnë një fanellë basketbolli që i përkiste ish-presidentit gjatë viteve të shkollës së mesme dhe e cila mund të arrijë deri në 200 000 dollarë.

Fanella mban numrin 23 dhe shoqërohet gjithashtu me një libër shkollor të vitit 1979, kur ai ishte në shkollën ”Punahou” në Honolulu, e cila përfshin fotografi të të riut Obama duke luajtur basketboll.

Ndërsa për Michelle, një fustan elegant mbrëmjeje i veshur gjatë një mbledhje fondesh në 2010 në Uashington do të dalë në ankand.

Është një model ”Norman Norell 1950” dhe vlerësohet midis 50 000 dhe 70 000 dollarë.

Nga shitjet e tyre familja Obama nuk do të marrë asnjë fitim, por fondet do të kalojnë për bamirësi. / atsh/ KultPlus.com

Michelle dhe Barack Obama janë njerëzit më të admiruar në botë

Ish-presidenti amerikan dhe zonja e parë, Barack e Michelle Obama kryesojnë listën e njerëzve më të admiruar në botë për burra dhe gra, sipas një anketë të këtij viti të realizuar nga YouGov.

Anketa përfshiu 45.000 njerëz në 42 vende.

Që kur nisi anketa më 2014, kjo është hera e parë që Obama mund Bill Gates dhe liderë të tjerë politikë dhe ekonomik.

Obama ndiqet afërsisht nga Gates, i cili pas ka Xi Jinping (i treti), Elon Musk (i nënti), presidenti rus Vladimir Putin (12) dhe presidenti Donald Trump i cili renditet në vendin e 15.

Një numër i madh i yjeve të sportit dhe showbizit gjithashtu janë në këtë listë, përfshirë Cristiano Ronaldon, Lionel messi, Michael Jordan, Jackie Chan dhe Keanu Reeves.

Ish-zonja Micelle Obama, e parë gjithashtu doli e para nga ‘gratë më të admiruara në botë’ duke lënë pas Mbretëreshën Elizabetë II (e treta) dhe kancelaren gjermane Angela Merkel në vendin e 12. Ish-sekretarja amerikane e shtetit Hillary Clinton u rendit e 13’ta, Greta Thunberg në pozitën 18 dhe Malania Trump e 19’ta./ KultPlus.com

Michelle dhe Barack Obama, figurat më të admiruara në botë

Ish-presidenti amerikan Barack dhe Michelle Obama janë njerëzit më të admiruar në botë, sipas një sondazhi nga ”YouGov Opinion Research Institute”, transmeton KultPlus.

Sipas ”YouGov”, kjo është hera e parë që ish-presidenti i SHBA arrin në krye të renditjes së burrave që kur filloi sondazhi “Më të admiruarit në botë”, në 2014.

Miliarderi themelues i Microsoft, Bill Gates tani renditet si njeriu i dytë më i admiruar, pasi zuri vendin e parë vitin e kaluar, ndërsa lideri kinez dhe udhëheqësi i partisë Xi Jinping është njeriu i tretë më i admiruar, sipas rezultateve të sondazhit.

Gruaja më e admiruar në botë mbetet Michelle Obama, me aktoren Angelina Jolie në vendin e dytë dhe mbretëreshën britanike Elizabeth II në vendin e tretë.

Vitin e kaluar, prezantuesja amerikane Oprah Winfrey përfundoi e dyta, Angelina Jolie e treta.

”YouGov” intervistoi 45 000 persona nga 42 vende. / KultPlus.com

Michelle Obama: Vuaj nga depresioni

Ish-zonja e parë e SHBA-së, Michelle Obama, flet mbi ndryshimet që familja e saj dhe të tjera familje, u është dashur të përballen si rezultat i pandemisë nga Covid-19.

“Unë e di që po përballem me një lloj depresioni të gradës së ulët. Jo vetëm për shkak të karantinës, por për shkak të mosmarrëveshjeve raciste dhe thjesht duke parë këtë administratë, duke parë hipokrizinë e saj, ditë për ditë, është shqetësuese”. (referuar administratës së Donald Trump)

Ajo, siç transmeton Koha Jonë, shprehet se e ka ndjerë ndikimin dhe në gjumin e saj dhe se zgjohet në mes të natës, sepse shqetësohet për diçka, ose ka një rëndim. ”Unë kam kaluar ato rënie dhe ngritje emocionale që mendoj se të gjithë i ndjejnë, ku thjesht nuk e ndjen veten dhe ndonjëherë…ka patur një javë apo më shumë, ku unë duhej të dorëzohesha në këto emocione dhe mos të isha aq e ashpër me veten”.

Për protestat “Black Lives Matter” dhe trazirat e vazhdueshme që kanë pllakosur vendin, thotë se gjithashtu kanë ndikuar në gjendjen e saj shpirtërore. ”Më duhet të them, që të zgjohem me lajme se si administrata ka reaguar ose jo, me lajmet se si një njeri me ngjyrë po dehumanizohet, po lëndohet e vritet dhe po akuzohet padrejtësisht për diçka, është e lodhshme. Më ka bërë të ndjej një peshë, që nuk e kam ndjerë prej kohësh në jetën time”. / KultPlus.com

‘Becoming’ i Michelle Obamës, tashmë edhe film


Quhet Becoming, filmi dokumentar i drejtuar nga Nadia Hallgren që tregon jetën dhe përvojat e ish-zonjës së parë Michelle Obama.

Në 6 maj filmi do të shihet në Netflix në të gjithë botën.

“Ato muaj që kam kaluar duke udhëtuar, duke takuar njerëz në qytete në të gjithë botën, më bënë të kuptoj se ajo që kemi të përbashkët është e thellë dhe e vërtetë. Në grupe të mëdha dhe të vogla, të rinj dhe të moshuar, unikë dhe të bashkuar, u takuam dhe ne ndamë histori, duke mbushur ato hapësira me gëzimet, shqetësimet dhe ëndrrat tona”, theksoi Michelle.

“Becoming” rrëfen jetën e ish-Zonjës së Parë në një kohë të ndryshimeve të thella, jo vetëm në një nivel personal, por edhe për vendin për të cilin ajo dhe burri i saj kanë bërë një shërbim me ndikim të madh për tetë vjet, brenda Shtëpisë së Bardhë.

Është një mundësi për një vështrim të ngushtë në jetën e një prej grave më të njohura në botë, ndikim i aftë të ndikojë në miliona njerëz. Filmi merr shikuesit prapa skenave, ndërsa ish-Zonja e Parë bën një turne në 34 qytete dhe thekson fuqinë e komunitetit për të bërë dallimet dhe frymën e lidhjes që vjen me ndarjen e tregimeve. /atsh/ KultPlus.com

Michelle Obama këshilla gruas

Michelle Obama nuk është vetëm bashkëshortja e ish-presidentit amerikan Barack Obama. Ajo është një avokate shumë e suksesshme, por njëkohësisht edhe një oratore mjaft e mirë, që është vënë re edhe gjatë daljeve të saj në publik.

Ndaj, nuk është e rrallë të lexosh në komentet e fjalimeve të saj në “YouTube”, fjalitë: “Nëse do të garoje për presidente, vota ime do të ishte për ty”.

Disa prej thënieve të saj më të spikatura, mbase kanë për t’ju mbetur gjatë në mendje, apo pse jo, kanë për të qenë një motiv për ditën tuaj.

“Suksesi nuk ka të bëjë aspak me sasinë e lekëve që fiton, por me ndryshimin që ti bën në jetën e të tjerëve”.

“Ti duhet të shkosh në shkollë. Ti duhet të shkosh në kolegj. Ti duhet të diplomohesh patjetër, sepse nëse ka diçka që njerëzit nuk mund ta marrin dot prej teje, është edukimi yt. Më beso që ia vlen çdo investim për edukimin tënd”.

“Le ta pranojmë tashmë. Meshkujt e fortë, ata që ia vlejnë t’i kesh idhuj, nuk e ulin një femër për t’u ndier vetë të pushtetshëm. Njerëzit që janë vërtetë të fortë, i ndihmojnë të tjerët të rriten bashkë me ta”.

“Suksesi nuk ka të bëjë aspak me sasinë e lekëve që fiton, por me ndryshimin që ti bën në jetën e të tjerëve”.

“Ti duhet të shkosh në shkollë. Ti duhet të shkosh në kolegj. Ti duhet të diplomohesh patjetër, sepse nëse ka diçka që njerëzit nuk mund ta marrin dot prej teje, është edukimi yt. Më beso që ia vlen çdo investim për edukimin tënd”.

“Le ta pranojmë tashmë. Meshkujt e fortë, ata që ia vlejnë t’i kesh idhuj, nuk e ulin një femër për t’u ndier vetë të pushtetshëm. Njerëzit që janë vërtetë të fortë, i ndihmojnë të tjerët të rriten bashkë me ta”.

“Nuk ke pse ndryshon, për të qenë e rëndësishme. Ti je e rëndësishme ashtu siç je, pa ndryshuar gjë nga vetja”.

“Gjej dhe rri me njerëz që të bëjnë të ndihesh mirë”.

“Unë nuk i lija orët e mësimit. Më pëlqente shumë të merrja nota maksimale. Më pëlqente të isha e zgjuar. Mendoj se të jesh e zgjuar, është gjëja më e bukur në botë”.

Michelle Obama i shkruan letër Bebe Rexhës

Ish-zonja e parë e Amerikës, Michelle Obama, i ka shkruar një letër këngëtares shqiptare me famë botërore, Bebe Rexha, përcjell albinfo.ch.

Në këtë letër Michelle e ka falënderuar Bebe-n për përkrahjen që kjo e fundit i ka dhënë për fushtatën “College Singing day” të vitit 2019.

Përmes kësaj letre, Michelle ka shprehur vlerësimin për Bebe Rexhën dhe dëshirën që të vazhdojnë bashkëpunimin në të ardhmen.

“Barack dhe unë urojmë gjitha të mirat për ty dhe më të dashurit tu”, përfundon letra e Michelle Obama-s, që Bebe e ka shpërndarë në Instagram.

Bebe Rexha e ftuara e nderit te Michelle Obama

Këngëtarja shqiptare me famë ndërkombëtare, Bebe Rexha është lindur dhe rritur në Shtetet e Bashkuara të Amerikës ku vazhdon karrierën e saj të suksesshme duke u kthyer në një emër të rëndësishëm në industrinë e muzikës botërore.

Rexha së fundmi ka befasuar studentët në Universitetit të Tampas në Florida, duke performuar para tyre në atë njihet si “Dita e Këndimit në Kolegje”.
Këngëtarja shqiptare ka qenë njëra ndër të ftuarit e nderit e organizatores Michelle Obama, bashkëshortja e ish-presidentit të SHBA-ve, Barack Obama, që qeverisi në SHBA përgjatë viteve 2009-2017.

Teksa është takuar dhe fotografuar me ish-zonjën e parë, Bebe Rexha publikoi një fotografi në rrjetin social nga ky takim, në mbishkrimin e së cilës i ka dhënë një epitet të veçantë Michelles.
“Me presidenten time të ardhshme, zonjën Michelle Obama”, janë fjalët e këngëtares shqiptare në mbishkrimin e fotografisë.

Mesa duket Bebe Rexha shpreson se ashtu si bashkëshorti i saj, edhe Michelle të ketë një të ardhme të ndritur në politikë./KultPlus.com

“Të bëhesh” i Michelle Obama vjen edhe në shqip

Libri i shumëpritur i Michelle Obamës tashmë është shqipëruar. “Becoming”, apo “Të bëhesh” është një libër me shifra rekord shitjesh. Vetëm në Amerikë i ka kaluar të 10 milionët. Ajo është mbase gruaja e vetme afro-amerikane që ka hyrë në të gjitha mjediset.

Ish-Zonja e Parë e Shteteve të Bashkuara të Amerikës ka shumë për të rrëfyer. Ajo e nis këtë rrëfim që në dëshirat e thjeshta të fëmijërisë e deri në të sotmen.

“Ti mund të bëhesh çfarëdo të duash të bëhesh, mjafton ta duash fort. Është pjesa e të gjithë historisë së Amerikës, e të gjithë historisë së botës dhe për më tepër mesazhet e mëdha që ajo jep kryesisht për femrat. Por sigurisht nuk është vetëm një libër që duhet të lexohet nga femrat, por nga kushdo”, tha Arlinda Dudaj.

Mbase është një lloj mode që Zonjat e Para të shkruajnë libra. Kanë shumë për të thënë apo duhet ta bëjnë atë, për aq kohë sa dritat e projektorëve kanë shkëlqyer mbi to. E kjo, jo vetëm për shkak të burrave. Michele, të paktën nuk është ky rasti. Prandaj ajo rreket të na shpjegojë shpirtin e një gruaje revolucionare, plotësisht e zonja për të vënë forcën dhe zërin në shërbim të ideve të larta.

“E themi padyshim, ishte mbështetje për burrin e saj dhe ajo e thotë gjatë të gjithë librit, por Michele Obama ka pasur sfidat e saj, sfida të caktuara qartë. E thotë në një nga pasazhet shumë të bukura të librit. Në fakt, mendoj që ky libër, përtej faktit që ne mund të flasim çdo çast për të, duhet lexuar”, tha më tej Arlinda Dudaj.

Në bazë të rrëfimit të saj të ndershëm, Michelle Obama na ve përpara sfidës se cilët jemi me të vërtetë dhe çfarë dëshirojmë të bëhemi?/KultPlus.com

Libri “Becoming” nga Michelle Obama, më i shituri i vitit 2018

Libri “Becoming” i Michelle Obamas në muajin e parë të publikimit është bërë libri më i shitur i vitit 2018.

Në këtë libër ajo diskuton gjithçka duke filluar nga presidenti Donald Trump deri te abortet e saj, si dhe dashuria për burrin e saj, ish-presidentin Barack Obama.

Libri “Becoming”, i botuar nga Crown, do të përkthehet në 24 gjuhë, transmeton kp.

Me një tirazh prej 1.8 milion kopjesh të shpërndara në SHBA dhe në Kanada botuesi Penguin Random House ka urdhëruar tashmë që të shtypen edhe 800.000 kopje të tjera. Kompania përgjegjëse për librin deklaroi se kishte shitur 725.000 kopje në 24 orët e para të shitjes dhe se me këtë rekord ky ishte bërë libri me shitjen më të madhe brenda ditës për vitin 2018.

“Becoming” po kalon ritmin e biografive të mëhershme nga zonjat e para. Në vitin 2003, “Living History” e Hillary Clinton shiti rreth 600,000 kopje gjatë javës së parë./KultPlus.com

“Becoming” nga Michelle Obama, libri më i shitur i vitit

Libri “Becoming” nga Michelle Obama është libri më i shitur i vitit në Amerikën e Veriut, për një sekond janë shitur pothuajse 9 kopje te librit.

Ky libër është publikuar të martën e kaluar,autobiografia e ish-zonjës së parë është përshëndetur ngrohtësisht nga mediat dhe publiku.

New York Times e quajti atë një “margaritar të lëmuar të një kujtimi”, Guardian tha se ishte “dinjitoze” me një “nivel freskues të ndershmërisë”. Në Amazon.com, më shumë se 200 komente i dhanë pesë yje.

Në fillim ishin 1.8 milion kopje të librit në SHBA dhe Kanada, botuesi Penguin Random House ka urdhëruar tashmë 800,000 kopje shtesë për t’u bërë, pasi ato u shitën të gjitha.

Të hënën, kompania tha se kishte shitur më shumë se 725,000 kopje në 24 orët e para të shitjes, duke e bërë atë shitësin më të madh një ditor i vitit.

Në Mbretërinë e Bashkuar, titulli ka kapërcyer vendin e dytë në Listat, duke u shitur 64,732 kopje të shtypura në pesë ditë, duke zëvendësuar vetëm The Monster Ice nga bestselling autor i fëmijëve David Walliams.

Një blerës tha “Ky libër, pa dyshim, është ngjarja më emocionuese botuese e këtij viti. Historia e saj e mrekullueshme e rritjes në Anën Jugore të Çikagos, përmes dy mandateve të saj si zonja e parë në Shtëpinë e Bardhë, na ofron të gjithëve, në këto ditë polarizimi dhe urrejtje, një shpresë alternative të re”./ KultPlus.com

Michelle Obama publikon autobiografinë e shumëpritur

Michelle Obama, avokatja dhe ish-zonja e parë amerikane nxjerr ne tregun e librave autobiografinë e shumëpritur me titull “Becoming”. Në këtë autobiografi rrëfehet shumë rreth marrëdhënies private mes Michelle dhe ish presidentit të Shteteve të Bashkuara, Barack Obama.

Në autobiografinë e saj Michelle rrëfen se si ky çift ka arritur t’i përballojë dhe t’i transformojë vështirësitë me anë të terapisë në çift. Zgjidhja për problemet e pashmangshme në jetën në çift sipas Michelle, është puna reciproke konstante me njëri-tjetrin, në funksion të mbarëvajtjes së marrëdhënies.

Një marrëdhënie është e përbërë nga alkimia e tre zonave: zona e bashkëndarjes, zona e kompromisit dhe zona që nuk ndahet bashkarisht. E para sipas Michelle përfshin idealet, objektivat dhe domethëniet ku bëjnë pjesë konceptimet në lidhje me çiftin, stilin e të jetuarit, dhe angazhimin social.

Ndërsa në zonën e kompromisit hyjnë të gjithë faktorët që në grada të caktuara mund të ndezin fitilin e debateve. Dhe në fund, zonat që nuk mund të ndahen bashkarisht, janë ato që e kanë origjinën tek interesat personale të zhvilluar përpara takimit dhe krijimit të lidhjes.

Për Michelle është shumë e rëndësishme që shprehja e diferencave në çift të shërbejë si pasurim i ndërsjelltë për secilin. Pra, mesazhi kryesor i “Becoming” është që puna në çift nuk duhet të reshtë kurrë.

Michelle Obama, gati librin e saj të parë

Edhe pse tashmë është larguar nga Shtëpia e Bardhë, ajo kujdeset që herë pas here të japë mesazhe mjaft frymëzuese dhe të ndihmojë njerëzit në nevojë.

Ajo bashkë me ish-presidentin Barack Obama dhe vajzat e saj nisën një jetë të re pas përfundimit të mandatit, jashtë vëmendjes së mediave dhe përgjegjësive politike. Por sigurisht ato nuk ndaluan me projektet e tyre dhe patën edhe një lloj reflektimi, gjë të cilën Michelle e ka pasqyruar në një projekt mjaft të madh, siç është publikimi i një libri i cili do t’i japë mundësi njerëzve ta takojnë atë.

Ka qenë vetë ajo që ka postuar në Instagram lajmin se tashmë ka përfunduar puna me librin e saj i cili do të publikohet më 13 nëntor. Ajo e ka konsideruar si një ditë mjaft të rëndësishme për të dhe është e lumtur që do të ndajë me botën periudhën jashtë Shtëpisë së Bardhë, ku ka pasur mundësi të mendojë për njerëzit, historitë dhe të gjitha eksperiencat që e bënë të jetë kjo që është sot./KultPlus.com