Uta Ibrahimi kalon kohë me fëmijët në Ditën Ndërkombëtare të Mjedisit

Dita Botërore e Mjedisit 2022 është dita më e madhe ndërkombëtare për mjedisin dhe shënohet çdo vit më 5 qershor, shkruan KultPlus.

Udhëhequr nga Programi i Kombeve të Bashkuara për Mjedisin (UNEP) dhe mbahet çdo vit që nga viti 1973, ai është bërë platforma më e madhe globale për shtrirjen mjedisore. Ajo festohet nga miliona njerëz në mbarë botën.

Për këtë ditë, Uta Ibrahimi ka ndarë një foto me disa fëmijë duke kaluar kohë në natyrë.

“Ditën Botërore të Ambientit – World Environment Day’ e kalova bashk me fëmijë nga Komunat e Prizrenit, Dragashit e Shtërpcës, me Festivalin ‘Toka e fëmijëve’, projekt i Utalaya Foundation. E ku ka ma mirë se me fëmijë?! Me nda eksperienca, me bo lonëra në natyrë, me i mësu për malet, ngjitjet, e ma së shumti me fol për ambientin. Qështu, zemra mal”, shkruan Ibrahimi. /KultPlus.com

Uta Ibrahimi ngjitet në majën Makalu 8485m: Kjo është gjysma e projektit të madh ‘14 Majat e Himalayave- Utalaya’

Alpinistja Uta Ibrahimi përmes një postimi në Facebook ka njoftuar se me datën 12 maj ka ngjitur me sukses Majën Makalu 8485 metra, përcjell KultPlus.

Ajo njofton se kjo ngjitje është gjysma e projektit të saj të madh ‘14 Majat e Himalayave- Utalaya’.

Në vijim gjeni postimin e saj:

O njerëz të mirë, e dij që nji kohë të gjatë kam qenë jasht rrjeteve sociale dhe komunikimit me botën ..

Për krejt këto javë kam qenë në shpinë tem të dytë, në vargmalin e Himalayave, duke e ndjek andrrën tem e të popullit tem, ngjitjen nëpër çatitë e botës, 14 Majat e Himalayave.

Këtë herë, me datë 12 Maj ngjita me sukses Majën Makalu 8485m / maja e pestë më e larta në botë.

Për mua kjo ngjitje është më e veçanta sepse ishta ngjitja e 7 prej 14, e këtu është gjysma e projektit të madh ‘14 Majat e Himalayave- Utalaya’.

I pata premtu vetës, që nëse do të ngjes gjysmën e 14-tave, do ta vazhdoj deri në fund .. ❤️

Shihemi në 8K e tjera,

Shumë dashni nga larg, më vonë më shumë informata./ KultPlus.com

Uta Ibrahimi mbështetet nga MKRS, gati për t’u ngjitur në majën e pestë më të lartë në botë

Alpinistja më e suksesshme në histori të Kosovës, Uta Ibrahimi, është gati për ngjitjen e saj të radhës në majën “Makalu”, maja e pestë më e lartë në botë, shkruan KultPlus.

Përmes një postimi në “Facebook”, Ibrahimi ka shkruar se në këtë rrugëtim do ta ketë përkrahjen e Ministrisë së Kulturës, Rinisë dhe Sportit.

Postimi i saj i plotë:

“Para disa dite pata kenaqesine me e taku zv. Ministren e Sportit, znj. Daulina Osmani.
Biseduam per shume mundesi te bashkepunimeve ne te ardhmen, e gjithashtu e falemderova per perkrahjen e Ministria e Kulturës, Rinisë dhe Sportit per ngjitjen e radhes ne Makalu, si vazhdimesi e ekspeditave të ngjitjes në 14 Majat e Botes.
Maja Makalu eshte maja e pesta në botë, ndersa per mua do te jete e shtata ne radhen e 8000 metershave.
Shpresoj shume qe edhe kesaj here do ta valvoj flamurin e Kosoves ne maje te Botes, e te kthehem mire e te vazhdojme bashk drejt rrugetimin te ngjiteve te tjera ne 8000″.

Përpos takimit me MKRS-në, Ibrahimi këtë vit është takuar edhe me kryetarin e Komitetit Olimpik, Ismet Krasniqin. /KultPlus.com

Dokumentari i Uta Ibrahimit po rrugëton nëpër festivale botërore, së shpejti edhe në Kosovë (VIDEO)

Dokumentari i realizuar për Uta Ibrahimin po shfaqet nëpër festivale të ndryshme botërore, derisa shumë shpejt do të vijë edhe në Kosovë, shkruan KultPlus.

Përmes një postimi të bërë në rrjete sociale, është publikuar edhe një video e shkurtër e dokumentarit që përshkruan rrugëtimin e alpinistes, teksa kjo e fundit përpiqet të bëhet personi i parë nga Kosova që ngjitet në majën më të lartë në botë, Everest.

“Për ne si regjisorë, historia e Utës kapërcen aventurën dhe sportin. Jo vetëm sepse Uta vjen nga Kosova dhe u rrit gjatë një konflikti të ashpër etnik, por edhe sepse, si një grua nga Kosova, asaj i është dashur të luftojë për sponsorizim dhe njohje gjatë gjithë jetës së saj. Uta tani ka ngjitur gjashtë nga 14 majat e botës 8000 metra dhe qëllimi i saj është të ngjitet në pjesën tjetër. Askush, mbi të gjithë ne, nuk do të habitej nëse ajo e arrinte këtë më shpejt se sa vonë”, thuhet në njoftimin e regjisorëve.

Por ky film i shkurtër, i prodhuar nga Vest Media në bashkëpunim me Fondacionin Utalaya, ka të bëjë me ngjitjen e saj në Everest, atë që e vendosi atë në hartën brenda dhe jashtë vendit.

Duke përdorur pamjet që janë xhiruar me Utën, familjen dhe miqtë e saj në Kosovë, të kombinuara me pamjet personale të Utës të filmuara gjatë ekspeditës, mendohet që të jetë një histori që do të frymëzojë gratë dhe vajzat e reja anembanë botës. /KultPlus.com

Uta Ibrahimi nuk ka të ndalur, paralajmëron ngjitjen në malin e pestë dhe të nëntë më të lartë në botë

Alpinistja e njohur, Uta Ibrahimi, e cila njihet për energjinë dhe pozitivitetin e madh që posedon, së fundi ka lajmëruar se do të fillojë ngjitjen edhe në ‘Makalu’, që njihet si mali i pestë më i lartë në botë si dhe në ‘Nanga Parbat’ që njihet si mali i nëntë më i lartë në Tokë, shkruan KultPlus.

Lajmin e ka bërë të ditur Ibrahimi përmes një postimi në llogarinë e saj personale në Facebook.

“Ju lutemi, mbështesni ekspeditën time Utalaya 14×8,000 dhe së bashku mund të bëjmë histori”, ka shkruar ajo.

Më poshtë KultPlus ua sjell postimin e saj të plotë:

Ngjitja e 6 nga 14 majat me te larta te botes, te merr shume nga vetja e koha. Të bën shpesh të vësh në dyshim motivimin, e qëllimin.

Këtë vit, unë do të tentoj ngjitjen në #Makalu dhe #NangaParbat …

Ju lutemi, mbështesni ekspeditën time Utalaya 14×8,000 dhe së bashku mund të bëjmë histori.

Përgjithmonë falënderues, përgjithmonë krenare.

Uta / KultPlus.com

Uta Ibrahimi: Të prezantoj Kosovën sa më mirë ka qenë dhe vazhdon të jetë misioni im i ngjitjeve në 14 majat më të larta në tokë

Uranik Emini

Për shekuj me radhë, njerëzit janë magjepsur nga malet e shumë prej tyre madje edhe janë tmerruar nga ta. Sporti i alpinizmit përfshin në vete ngjitjen e majave të ndryshme të botës, gjë që mund të jetë e rrezikshme e jo edhe shumë e preferueshme për shumë njerëz, megjithatë një rast i tillë nuk është Uta Ibrahimi, e cila hoqi dorë nga “jeta” e saj e kaluar për të filluar sportin e alpinizmit, e madje për të hyrë edhe në librat e rekordeve, shkruan KultPlus.

Thënia “Bëni një karrierë të asaj që ju pëlqen të bëni. Suksesi do të vijojë”, doli të jetë e vërtetë për alpinisten Uta Ibrahimi ,e cila në të kaluarën ka qenë drejtoreshë e marketingut nëpër kompani të ndryshme të Kosovës, por lidhja e madhe me natyrën rezultoi që ajo të ndjek zemrën e saj dhe realisht të pushtojë majat më të larta të botës.

Si filloi të merrej me sportin e alpinizmit, si ishte jeta e saj në të kaluarën, cilat janë vështirësit më të mëdha që ajo ka hasur, arritjet e jashtëzakonshme dhe jeta personale, Uta Ibrahimi në një intervistë për KultPlus rrëfen shumëçka për karrierën e saj të bujshme, duke mos harruar edhe misionet e së ardhmes.

E ke përmendur që karrierën profesionale e ke filluar në 2011, mirëpo përpara saj çfarë ka qenë duke bërë Uta realisht? Si lindi pasioni për të filluar me “Hiking”?

Uta Ibrahimi: E vërtetë. Ju edhe shumë të tjerë mundeni me mendu që është shumë vonë me fillu diçka të re në atë moshë. Në vitin 2011 kam qenë 28 vjeç. Ecjet ditore, të shkurtëra, nëpër male dhe natyrë kam bërë edhe para vitit 2022, me familje po edhe me shoqëri. Ndërkaq, me klube bjeshkatare, më saktësisht me Arben Islamin apo “Hiking Njeri” ka qenë po ashtu ky vit.

Çka kam qenë duke bërë përpara? Shumë përpara, unë kam lind e jam rrit në Gjilan. Shkollën fillore dhe të mesme e kam përfundu atje. Gjithashtu, kam qenë bashketbolliste e Klubit “Drita” për 7-8 vite. Sporti gjithmonë më ka pëlqy shumë. Ëndrra ime ka qenë me vazhdu me u marrë me basketboll edhe profesionalisht, mirëpo në atë kohë, nuk kam pas shumë mundësi me e zgjedh një rrugë të tillë. Kështu, pasi përfundova shkollimin e mesëm, erdha në Prishtinë dhe fillova fakultetin ekonomik, ofertën me fillu punën si asistente e lëndëve të Makroekonomisë dhe Marketikungut për dy vite ma ofruan vetë universiteti. Më pas nëpër kompani kogja të njohura si drejtoreshë e departamenteve të marketingut. Kam punuar punë shumë të mira dhe lezetshme, deri në vitin 2015 kur e ngjita Malin e Bardhë apo Mount Blanc dhe vendosa t’i lë të gjitha punët dhe t’i përkushtohem një profesioni të ri të punës, atë si guide dhe ngjitjes nëpër malet e vendit, rajonit dhe pse jo edhe botës. 

Pasioni – gjithmonë më ka pëlqy me u marrë me sport. Çfarëdo. Edhe futboll shpesh. E gjithashtu natyra dhe dashnia për drunjtë e lumejtë, ka ardh qysh në moshën e vogël, kur me prindërit, motrat e vëllaun, pushimet verore gjithmonë i kemi kalu nëpër tenta dhe kampe të ndryshme. E Hiking, ka qenë vetëm vazhdimësi e asaj që e kam fillu që e vogël, vetëm se deri në atë kohë, nuk kam pas shumë informacione se si mundem me fillu diçka të tillë.

Të bëhesh personi i parë që arrin të ngjitet në majën më të lartë në botë nga Kosova, është diçka e jashtëzakonshme. Si u ndjeve kur ndodhi kjo gjë?

Uta Ibrahimi: Jam ndje njeri më i lumtur në botë. Kurrë as edhe një ndjenjë tjetër deri më tani nuk e ka zëvendësu ndjenjen e arritjes në çatinë e botës, e lindjen e diellit me pa prej atje. Thjesht, zemrën në kuptimin e plotë të fjalës e kam pas plotë e përplotë.

Fakti që ti je një grua, e bën karrierën tënde edhe më të jashtëzakonshme. Kjo pasi gruaja në Kosovë është në diskriminim e sipër dhe arritjet “vëhen në hije”, cili është mesazhi i juaj për të gjithë gratë?

Kohë të ndryshme, kam dhënë mesazhe të ndryshme për gratë. Ndoshta edhe duke kalu nëpër faza të jetës, e gjithashtu duke punu shumë që me ndryshu këtë mentalitet.

Mendoj qe në Kosove për çka ne mburremi më së shumti është për gratë e Kosovës. Kur ndalem me mendu se cilët janë emrat e njerëzve që nime kanë bë dicka për këtë vend, as edhe nje burrë nuk më bjen në mend.

Me këtë fakt, mendoj qe diskriminimu na ka ba ma të forta. Nime na kanë dhanë krah.

Une personalisht para tentimit për në ngjitjen e Majës Everest, kam pas marrë komente prej më të ndryshmëve, e tani mendoj që ato veç më kanë bë më të fort, edhe më kanë ndihmu me arrit qëllime të medha.

Mesazhi per grate:

Gratë duhen me i përkrah gratë. Vetëm atëherë diskrimini s’ka me ekzistu.

Ushtrimet për një sport sikurse futbolli ndodhin në një fushë ose diku tjetër. Por, çfarë përfshijnë ushtrimet e një personi që merret me “Hiking”, pra, si ushtrojnë alpinistët?

Uta Ibrahimi: Ushtrimet që unë i bëj janë shumë të laramanishme. Bëj vrapim malor gati çdo mengjes me grupin “X Trailers” në Germi. Kur nuk jam në Kosovë, vrapoj kudo tjeter. Gjithmonë, kah do që shkoj, e kam një çantë me veshje të vrapit.

Pastaj, CrossFit – me Crossfit Prishtina. Verës bëj biçikletë, e rock climbing, dimrit bëj ski edhe ice climbing, edhe normalisht seanca e tretë e ditës është yoga, para gjumit.

Zakonisht flej në orën 21.30 edhe zgjohem në orën 5.30. Ushqehem shumë mirë, edhe tentoj me pas disipline.

Normalisht gjatë ditës punoj me Fondacionin Utalaya edhe gjatë fundjavës punoj si guide për Butterfly Outdoor Adventure. Shumë shpesh edhe bëj punë vullnetare – përmes prezantimeve nëpër shkolla dhe çerdhe, etj.

Eksperiencat e vazhdueshme me “Hiking” kanë ndikuar që ju të përjetoni aventura të ndryshme, por cilën e veçoni ju më së shumti?

Uta Ibrahimi: Eksperiencat nëpër male e maja të nalta qesin në pah vetëm vlerat e mira e të bukura që i ke. Ato te cilat ti nuk je krenar që i ke, ngadal ngadal ju vazhdoni t’i eliminoni. Kështu gjithmonë kam thënë që malet të tjetërsojnë, e sidomos “Himalayat” më kanë ba me kuptu se sa te vegjël jem, e sa të pa rëndësishme janë gjërat e pa rëndesishme, zënkat, inatet, xhelozitë, etj. Malet per mu nuk janë vetëm sfida fizike, po shumë sfida psiqike. E kjo, të transformon si njeri. Te bon njeri ma të lumtun. E të bon me ju dijtë rëndësinë edhe gjerave shumë të vogla në jetë.

Ke hapur librin e rekordeve dhe historisë disa herë për Kosovën, a ka qenë ky një synim i menduar qysh kur ke filluar karrierën?

Uta Ibrahimi: Jo asnjëherë nuk e kam nis ecjen në mal për me shënu rekorde apo histori per vendin. Ecjen e kam fillu vetëm për me jetu ma ndryshe, më shëndetshem. Me qenë ma afer ma natyrën e malet, me vetën. 

Po sikur idea të kishte qenë më shënu rekorde, atëherë edhe kur e kam përfundu Everestin, kam mundur edhe me u ndal, sikurse plotë alpinistë nepër botë. Por unë e kam vazhdu, dhe jo vetëm në ngjitjet në Himalaya, por secili njeri që më percjell pak në rrjete sociale e dinë që unë malet e sportin e bëj në baza ditore, dhe jo vetëm për rekorde.

Viti 2020 dhe 2021 ka qenë shumë ndryshe për të gjithë njerëzit, si ishte për ty viti me COVID-19? Si shkuan ngjitjet, a u anulua gjithçka? Pra, eksperiencat e juaja gjatë dy viteve të fundit?

Uta Ibrahimi: Në vitin e parë të pandemisë gjithcka është anuluar për mua. Pavarësisht që ka pas ngjitesa që kanë vazhdu ekspeditat, mirëpo unë kam dasht me i respektu rregullat e udhëtimeve, edhe kërkesën e nanës natyrë, e me e lanë me marrë pak frymë.

Mendoj që ka qenë nje pazuë e domosdoshme për tokën. Mendoj që secilit prej neve, na ka bë mirë ajo kohë, ku secili kemi pas kohë me reflektu, me pushu prej intensitetit, prej zhurmave, etj.

Personalisht kam qëndruar kryesisht në Kosovë, duke bërë vrapime çdo ditë, kam be rekorde në vrapime, kam bërë gara në vrapime ultra 100 më shumë kilometra, etj.

Ndërsa, në vitin e dytë, kur filloi gjithçka me u kthy si ma parë, edhe unë u ktheva në ekspedita dhe e ngjita Majën Annapurna 8091 metra, si maja me vdekjet me te medhaja në historinë e Himalayave, e më pas edhe Majën Lenin 7134 metra, etj.

E gjithashtu në vitin 2021, gjatë kohës sa isha në ekspedita në Himalaya, në kampin bazë të. Dhalagirise, në mes të akullnajave në 4600 metër lartësi mbidetare, e mora lajmin e humbjes së babait, njerit ma të dashtun të jetës, shokut ma te mirë në jetë, e përkrahësit ma te madh të jetës time. Ky lajm përveç që mka trondit, e m’ka mërzit jashtëzakonisht shumë, m’ka ndryshu ne përceptimin e jetës, e planeve për të ardhmen.

Ke marrë pjesë dhe je ftuar në shumë vende të botës dhe rrjedhimisht ke bërë edhe promovimin e Kosovës në shumë vende, madje në mënyrën më dinjitoze të mundshme. Si e vlerëson këtë?

Uta Ibrahimi: Jam e ftuar, vizitoj vende të ndryshme – kryesisht aty ku ka male, bej prezantime për Kosovën, për historinë, kulturën, jetën e njerëzve këtu. Shumë shpesh përceptimet e njerëzve kanë ndryshu tepër shumë në momentet që kemi diskutu. Edhe mendoj që kjo është një punë që e bëj për vendin tem, sepse me të vertetë besoj që Kosova është vend shumë i bukur, me shumë potencial, me shumë njerëz të mirë, dhe njerëzit rreth e rreth botes duhen me e kuptu.

Kjo, ka qenë dhe vazhdon të jetë një mision i imi i ngjitjeve në 14 majat më të larta të tokës, ku nëpërmjet ngjitjeve, une dua të promovoj vendin dhe në të njejtën kohë t’i inspiroj gjeneratat e reja në Kosovë për ta parë jetën më ndryshe, me më shumë ngjyra.

Komiteti Olimpik i Kosovës nuk ka të përfshirë “alpinistët” si pjesë të tyre, e së fundmi ke zhvilluar një takim me ta. Për çfarë biseduat?

Uta Ibrahimi: Ka qenë hera e parë që jam taku me Kryetarin e Komitetit Olimpik, Ismet Krasniqi dhe sekretarin e përgjithshëm, Besim Aliti. Pas sa viteve ngjitje nepër majat e botës.

Më kanë prit shumë mire. Jam njoftu më detajisht me procedurat dhe punën e Komitetit Olimpik. E kam kuptu që alpinizmin në formën që unë e bëj ( pasi që nuk është garë), nuk hyn në listën e sporteve garuese dhe nuk është pjesë e garave olimpike. Por prapë, nuk duhet me u anashkalu mundësia e takimeve më të shpeshta, apo edhe ndihmesave në përkrahje financiare të ekspeditave të mia etj. Por pavarësisht kësaj, se çka unë kam postu në rrjtete em ia sociale, me të vërtet nuk ka pas kurrëfar prapavije mbrapa, krejt çka kam dasht është të sjellë debat në mes të KOK apo edhe Federatës Bjeshkatare të Kosovës. 

Së fundmi ke qenë pjesë e Festivalit “Erzurum”, e fillove këtë vit me një vend shumë të ftohtë. Por, cila do të jetë e ardhmja e juaj, apo maja e re që do ta ngjitësh?

Uta Ibrahimi: Çdo vit, gjatë dimrit tentoj me gjetë një vend më të afërt edhe me ushtru në ngjitje në akull – sikurse kjo e Erzurumit.

Këto ngjitje më ndihmojnë në përgratitjet e mia drejt Majave 8000 metra, e përveç tjerash atje takoj njerëz nga bota e profesionit të njejte dhe normalisht ndajmë eksperienca të ngjitjeve, ideve peër projekte të përbashkëta, etj. kështu që këto ekspedita janë gjithmonë të mirëseardhura.

E ardhmja është Maja Makalu 8643 metra, Maja e 5 me e nalta në botë. Dhe tani jam në fazën e parë të gjetjës së fondeve.

Fondet janë gjithmone problematike. Une nëpër secilën ekspeditë kam punu shumë që me i siguru financat për ekspedita. Së fundi jam në një fushatë për shtijen e kapelave dhe bandave me brendin Utalaya 14×8000 , ku secili qe po e blen kapelen po e ndihmon ngjitjen në Makalu.

Si një eksperte dhe profesioniste e jashtëzakonshme në fushën e alpinizmit, cilat janë këshillat e juaja për të rinjtë ose njerëzit që aktualisht merren me këtë fushë?

Uta Ibrahimi: Mos me harru sigurinë për vetën, me shpërnda sa ma shumë te të tjerët dhe me bo maksimumin që me e rujt natyrën.

Majat e botës janë bërë diçka e zakonshme për ty, por a ke menduar (ose a ka pasur momente) që ndonjëherë të largohesh nga ky profesion?

Uta Ibrahimi: Ka pas momente, sidomos kur e kam humb babain. Kur flas për sakrificë, shpesh njerëzit nuk e kuptojnë se për çka e kam fjalën. Eh, nuk po flas që mungoj nëpër evente të tjera në jetë, por edhe kur nuk je afër atëherë kur njerin ma të dashtun të jetës nuk kam arrit me e taku, edhe një herë përpara se me shku në botën tjetër. /KultPlus.com

Uta Ibrahimi përfundon aventurat në Festival ‘Erzurum’: Ishe fantastik kësaj radhe

Alpinistja kosovare, Uta Ibrahimi, ka përfunduar aventurën e saj në Festivalin “Erzurum”, shkruan KultPlus.

Përmes një postimi në llogarinë zyrtare në “Facebook”, Ibrahimi i ka dhënë lamtumirën këtij festivali.

“Mirëupafshim Erzurum, ishte fantastik kësaj radhe. Ditën e fundit duke u ngjitur në Ice Park e sfidova vetën edhe në një shkallë më lartë dhe tani nuk frikësohem që të udhëheqi në një rrugë. Tani është koha që të kthehem në shtëpi dhe të trajnohem për Himalaya 2022”.

Në fund ajo gjithashtu falënderoi të gjithë që ndihmuan atë në këtë Festival.

“Utalaya partnerët e mi në ngjitje në akull dhe ngarje së bashku për 3000 km, janë më të mirët”, shtoi ajo.

Ibrahimi ka shkruar disa herë histori për Kosovën në ngjitje të majave më të larta të botës. /KultPlus.com

Uta Ibrahimi vazhdon aktivitetet e saj në Turqi: Po shijoj akullin, por jo të ftohtin

Uta Ibrahimi është duke marrë pjesë në Festivalin e ngjitjes së akullit “Erzurum”, shkruan KultPlus.

Përmes një postimi në llogarinë zyrtare në “Facebook”, Ibrahimi ka bërë me dije se është duke kaluar kohë të mirë.

“Rruga e preferuar e ditës së sotme në Festivalin e ngjitjes së akullit Erzurum, edhe pse litari është i mirë, prapë me shumë vështirë për të kaluar aty”, shkruan ajo.

May be an image of 1 person and nature

Bashkangjitur me këtë postim, Ibrahimi ka përfshirë edhe një fotografi me qen, ku thotë se edhe ai ishte pjesë e ekipit.

“Po shijoj shumë akullin, por jo aq shumë të ftohtin”, ka shkruar në fund ajo.

Erzurum, i cili është rreth 1900 m mbi nivelin e detit, ka qenë një vendbanim që në periudhat e para të historisë. /KultPlus.com

May be an image of 2 people and outdoors

Uta Ibrahimi: Në Kosovë, Komiteti Olimpik i Kosovës nuk i ka fare në listat e tyre alpinizmin dhe bjeshkatarinë

Alpinistja kosovare, Uta Ibrahimi, së fundmi përmes një postimi në rrjetin social Facebook, ka reaguar rreth mos përfshirjes së alpinizmit dhe bjeshkatarisë në listat e Komitetit Olimpik të Kosovës, përcjell KultPlus.

“Para dy jave në shtetin fqinjë – Maqedoni, janë shpërbly sportista e alpinista për secilën arritje që e kanë ba .. e mos te harrojmë që Kosova ka mjaftueshëm alpinista që kanë ba mjaftueshëm jo veq në Kosovë por edhe në botë”, ka shkruar Ibrahimi.

KultPlus ju sjell postimin e plotë të saj:

Nëpër krejt shtetet e botës, e edhe shtetet fqinje, në çdo fund-vit Komitetet Olimpike apo edhe Federatat Bjeshkatare mbedhen dhe shpërblejnë sportistët, të fushave të ndryshme, e tu mos e lan anash asnjiher alpinizmin – ngjitjet në vend apo ngjitjet nëpër maja të nalta!

Mirënjohjet janë njifar motivimi, shtyse, për sportista. Na japin zemër me vazhdu ma shumë, edhe vitin tjetër, e tjetrin e kështu me radhë!

Në Kosovë, Komiteti Olimpik i Kosovës nuk e kanë fare në listat e tyne alpinizmin / bjeshkatarinë .. personalisht, përveq shares në FB, skam pas as takime e as ftesa në asnjërën prej organizimeve të tyre.

A duhet me na konsideru si sportista?! A duhet me na shpërbly? A duhet edhe Federata Bjeshkatare Alpiniste e Kosovës – FBAK me ba organizime të tilla? A duhet Federata me u aktivizu edhe me shty alpinizmin në listën e sportiseve në Komitet sikurse sportet e tjera?!

Para dy jave në shtetin fqinjë – Maqedoni, janë shpërbly sportista e alpinista për secilën arritje që e kanë ba .. e mos te harrojmë që Kosova ka mjaftueshëm alpinista që kanë ba mjaftueshëm jo veq në Kosovë por edhe në botë.

Ky postim është bë veq per me sjell debat konstruktiv, e me u mundu qe ndoshta bashkarisht me u permiresu.

Fotoja nga Ekspedita e Annapurna 8091. / KultPlus.com

uta

Uta Ibrahimi ndanë rutinën e saj të veçantë të mëngjesit

Alpinistja kosovare, Uta Ibrahimi, ka ndarë një përvojë shumë interesante nga rutina e saj e mëngjesit, e cila është ndryshe nga shumica e njerëzve, shkruan KultPlus.

Përmes një postimi në llogarinë zyrtare në “Facebook”, Ibrahimi ka bërë të ditur se është një njëri i mëngjesit dhe i pëlqen të vrapoj.

“Unë jam njeri i mëngjesit. Më pëlqen të zgjohem herët dhe të dal jashtë. Dal për vrap, kurdo, shkallë, shteg.. diçka që më sfidon fizikisht dhe gjithashtu më bën mendjen të fokusuar për gjithë ditën!”, shkroi ajo.

Ibrahimi konsiderohet të jetë njëra ndër alpinistet më të sukesshme që ka pasur ndonjëherë Kosova, ku ka ngjitur disa prej majave më të larta dhe më të rrezikshme në botë siç janë Mali Everest e gjithashtu edhe majen Annapurna. /KultPlus.com

May be an image of 1 person, standing, footwear, tree and outdoors

Utalaya inspiron të rinjtë për dashurinë ndaj natyrës, 20 të rinj në punëtorinë e turizmit malor

Me përkrahje të Ministrisë së Kulturës, Rinisë dhe Sportit, është organizuar trajnim dy ditor në bjeshkatari, yoga, praktikat e kampingut, aktivitete rekreative në natyrë, punëtori për turizmin malor dhe punën e guidës me të rinj të zonave të ndryshme të Kosovës.

Trajnimi është implementuar nga Fondacioni Utalaya, dhe ka pasur për qëllim angazhimin e të rejave dhe rinjve në aktivitete sportive/rekreative në natyrë përmes ecjes malore.

Ky aktivitet u realizua në dy faza: (1) prezantimin online dhe përzgjedhjen e të rinjve; (2) realizimi i projektit ne terren, ku 20 nxënës patën mundësinë të ndjekin trajnimin në fshatin Zaplluzhë, në afërsi të Maleve të Sharrit./ KultPlus.com

“Run for Sharr”, dokumentari që shpërfaqë shkatërrimin e Parkut Kombëtar “Mali i Sharr”

Run for Sharr”, dokumentari që shpërfaqë shkatërrimin e Parkut Kombëtar “Mali i Sharr”.

Mbrëmë në Kino Armata është mbajtur shfaqja e dokumentarit “Run for Sharr”. Realizimi është bërë bërë nga Fondacioni “Utalaya” dhe ËËF Adria ndërsa është xhiruar në gusht të vitit 2021 gjatë maratonës 4-ditore me qëllim të mbrojtjes dhe promovimit të Parkut Kombëtar “Mali Sharr”.

Protagonistja e mbrëmjes, vrapuesja dhe alpinistja e njohur, Uta Ibrahimi, bashkë me alpinistë të tjerë, gjatë maratonës 4-ditore kanë kapur bukuritë e malit duke nxjerrë në pah pasojat e sjelljes së papërgjegjshme që kanë çuar deri në degradim të Parkut.

Uta Ibrahimi pas shfaqjes së dokumentarit tha që ai duhet të shërbejë për të mbrojtur Sharrin nga shkatërrimi që po i bëhet.

“Ndërtimet në zonën e mbrojtur, ndërtimi i hidrocentraleve pa kurrfarë planifikimi, prerja e drunjve e gjuetia ilegale duhet të ndalen”, tha ajo duke bërë me dije se vetëm në 5 vitet e fundit janë prerë 20 mijë metra kub dru.

Në këtë mbrëmje morën pjesë edhe ministri Kulturës, Rinisë dhe Sportit, Hajrulla Çeku, kryetari i Kuvendit të Kosovës, Glauk Konjufca dhe zëvendësministrja e Kulturës, Rinisë dhe Sportit, Daulina Osmani.

Pjesëmarrja e ministrit Çeku dhe përfaqësuesve të tjerë të institucioneve në shfaqjen e këtij dokumentari vjen si përkrahje e projekteve të tilla përmes të cilave tregohet rëndësia e aktiviteteve rekreative në natyrë duke dhënë mesazh të qartë se mbrojtja e natyrës është qenësor për zhvillimin e një vendi./ KultPlus.com

Dokumentari ‘Run for Sharr’ do të prezantohet sonte

Në ambientet e Kino Armatës në Prishtinë, në mbrëmjen e sotme do të prezantohet dokumentari “Run for Sharr”, që vjen në bashkëpunim me Fondacionit Utalaya dhe WWF Adria, shkruan KultPlus.

Në këtë dokumentar do të prezantohen xhirimet katër ditore, të cilat janë realizuar në gusht të këtij viti, ku edhe është mbajtur maratona 4-ditore,  me qëllim të promovimit të rëndësisë së Parkut Kombëtar Sharri në Kosovë.

“E shoqëruar nga alpinistë të tjerë, Uta Ibrahimi, alpiniste dhe vrapuese e njohur ka kapur bukurinë e malit dhe ka nxjerrë në pah pasojat e sjelljes së papërgjegjshme ndaj burimeve natyrore”, thuhet në njoftimin e organizatorëve.

Në kuadër të prezantimit të dokumentarit, do të jetë edhe një panel diskutimi, ku edhe do të prezantohet rëndësia e Maleve të Sharrit.

Kjo ngjarje do të mbahet prej orës 19:00./ KultPlus.com

Uta Ibrahimi fiton ‘medaljen e Artë’ në Kirgistan për ngjitjen në Majën Lenin 7134 metra

Alpinistja kosovare, Uta Ibrahimi ka fituar medaljen e Artë në Kirgistan për ngjitjen në Majën Lenin 7134 metra.

Njoftimin e ka bërë vetë Ibrahimi përmes një postimi në Facebook

“Kosova merr edhe një medalje të Artë, për herë të parë, por këtë herë në Kirgistan, për ngjitjen në Majën Lenin me 7134 metra 🥰 … e faqet e mia, njifar ngrimje e djegje të vogël 🧿

Paramendojeni në secilën ngjitje me marr kaj medalje, mu kish thy qafa”, ka shkruar Uta Ibrahimi./KultPlus.com

‘Utalaya Foundation’ shpërndanë 1000 libra në Mitrovicë

Utalaya Foundation, sot ka kurorëzuar punën për krijimin e librit dy-gjuhësh për fëmijë, me aktivitete të ndryshme me fëmijët e komuniteteve të ndryshme të Kososovë, aktivitet ky i cili ka zënë vend në Mitrovicë, përcjell KultPlus.

Dy karakteret kryesore të librit, Uta Ibrahimi dhe @Miljana Bulatovič, dy gra shumë të zonja, njëra alpiniste e tjetra artiste, përveç që frymëzojnë gjeneratat e reja me veprimtarinë e tyre, ato vazhdimisht angazhojnë fëmijët e komuniteteve të ndryshme në aktivitete që ndihmojnë zhvillimin e tyre mendor dhe fizik përmes sportit e artit, si dhe kultivojnë në ta vlera universale si paqja, toleranca ndër-etnike, të lexuarit, kuptuarit.

Edhe sot Uta e Miljana dhanë fjalimet e tyre motivuese para fëmijëve, lexuan rrëfimin e librit “Ngjyrat e natyrës me Utën dhe Miljanën” për ta, u përgjigjën pyetjeve të tyre, si dhe i dhuruan secilit fëmijë librin me autografin e tyre si dhe materialet tjera promovuese.

Utalaya Foundation, ndër të tjera ka shpërndarë 1000 libra tek OJQ, Qendra, Shkolla, Librari dhe entitete tjera në Mitrovicë.

Ndërkaq, në njoftimin e shpërndarë në rrjetin social Facebook, Uta Ibrahimi thekson se ky libër synon të nxit imagjinatën, kuriozitetin, respektin për njerëzit, natyrën e kafshët si dhe të ndihmojë fëmijët të mësojnë gjuhë të reja e të fitojnë shprehi të punës. Por mbi të gjitha libri i shumëngjyrshëm vjen për ti gëzuar ata, gjë që u dëshmua nga entuziazmi dhe hareja e të vegjëlve. / KultPlus.com

Një qershori i gjen fëmijët e Kosovës me një libër të ri për fëmijë nga Uta Ibrahimi

Fjala është për librin ‘Ngjyrat e Natyrës me Utën dhe Miljanën’, projekti më i ri nga Fondacioni Utalaya, mbështetur nga UNMIK. Ky libër synon të promovojë dy-gjuhësine, tolerancën etnike, natyrën dhe mbrojtjen e saj si dhe sportin e artin si terapi mendore e fizike.

Personazhet e librit janë dy gra të cilat frymëzojnë me punën e tyre, ato janë: Uta Ibrahimi- alpiniste nga komuniteti Shqiptar dhe Miljana Bulatović- artiste nga komuniteti Serb, dhe rrëfimi përfshin ngjarjet a aventurat që zhvillohen në mes Utës e Miljanës të cilat takohen rastësisht në Mitrovicë, ku nis një shoqëri e veçantë. Kjo shoqëri spontane shërben si shembull i rrënimit të paragjykimeve dhe tregon se sa shumë gjëra të bukura mund të realizohen në një shoqëri që e përkrah të mirën dhe njëri tjetrin pavarësisht dallimeve racore, etnike apo fetare.

Me këtë libër synohet që të ndërtohet besimi mes komuniteteve si dhe të përçohen mesazhe edukative, paqësore dhe dashmirëse për Kosovën dhe komunitetet që jetojnë në të.

Libri do të shpërndahet falas nëpër qendra e organizata që punojnë me fëmijë nga grupe të margjinalizuara por edhe shkolla dhe qendra edukative e kulturore në Mitrovicë.

Ky është libri i dytë për fëmijë që krijohet nga Fondacioni Utalaya, dhe kjo organizatë shprehet të jetë shume ë motivuar për të vazhduar me projekte tjera që lidhen me botimin e librave për fëmijë.

Për më tepër në lidhje me projektet e Utalaya vizitoni: https://www.facebook.com/utalaya/
https://utalaya.com/ / KultPlus.com

‘Nëna më tha shko drejt majes, e zemra më thojke shko te nana’

Sfidat e rrugëtimi i Uta Ibrahimit nëpër majet më të larta të botës, asnjëherë nuk ka qenë i lehtë. Së fundi, Ibrahimi humbi edhe babain e saj, shkruan KultPlus.

Përmes një statusi në rrjetin social Facebook, Ibrahimi ka treguar për momentin kur e ka kuptuar për humbjen e babai të saj, e ndër të tjera ka shpalosur edhe sfidat e të qenurit një alpiniste e pothuajse gjithmonë larg familjarëve.

Më poshtë gjeni statusin e plotë të Ibrahimit.

Pas ngjitjes dhe suksesit në Majen Anapurna, e vendosa me vazhdu ma tutje edhe ne ngjitjen ne Majen Dhaulagiri …

U ndijsha mire, edhe e forte … baba e nana veq kishin bo ma mire, mas Covidit .. e kisha shpirtin e qete edhe pse ngjitja ne Annapunra ishte shume e veshtire fizikisht dhe mentalisht …

Gjeta perkrahjen e shume njerzve per me vazhdu ma tutje … edhe pse ende nuk i kisha siguru mjetet financiare, me publikimin neper rrjete sociale dhe me ndihmen e Federates Bjeshkatare te Kosoves dhe disa Shoqatave Bjeshkatare ne Kosove, u sigurua 20% i mjeteve … e me pas edhe 20% tjeter nga shoqesia ime dhe organizata te tjera … ( do ta publikoj listen ne ditet ne vazhdim).

Ishim tu e prit motin e mire, per me shku drejt majes … edhe pse ende nuk jane fiksuar litaret .. por kishim te gjithe energji te mire, kisha shume shpresa qe do te ja dalim majes se bashku … e gjithashtu isha e sigurt qe gjithcka ne shpi eshte mire …

Kur e mora lajmin per vdekjen e babes, ishim bashk ne tent me shoqen time meksikane Viridiana me te cilen u bam si motra dhe e kem perkrah njona tjetren ne secilin gezim e dhimbje per keto dy muaj …

E para qe dojsha me bo me gjith zemren ke me mujt me kthy kohen veq 1 dite ma perpara, e me ja ni zanin veq edhe nji here … e tani ja nisa menjiher me mendu se qysh me u kthy … e tek vone dikur mendova, nashta edhe mundem me nejt edhe me vazhdu ekspediten ..
Ke teper e veshtire me vendos cka me ba … nana me tha shko drejt majes, e zemra me thojke shko te nana … e gjithashtu, e dijsha qe bibi jem kish dasht qe une me e njek andrren tem …
Me vendos me u kthy, perveq qe e humba mundesine me e ngjit nje maje shpejt e mire, gjithashtu isha e obligume ndaj donatoreve per pagesen qe e kishin ba, e gjithashtu ende jam e obligume me pagu edhe 50% te pageses tjeter, te cilat as nuk i kom e as skom qysh me i siguru me ..

Me vendos me vazhdu ma tutje, per 2 dite qendrimi ne Kamp Baze, s’ma thojke as zemra e as menja!
Kisha qef me mujt me ja lon kete vendim dikujt tjeter .. ja nisa me ju lut qjellit, gureve edhe malit!
Dhaulagiri, ne mengjes ne diten kur e lash, ishte e mbyllun me mjegull edhe e merzitun … mu dok qe po e bashkendjen me mu!

Sa isha tu fol me telefon satelitor me Mingmen nga kompania e Helikopterave – me tha qe ka me sjell ushqime ne Kamp Baze dhe nese du me u kthy, mundem me u kthy me helikopter ne Kathmandu — por tha, nuk mundet me u nis sepse moti eshte i keq gjithkah neper male .. dhe shpresat per me ardh ishin shume te vogla! …
U gezova qe vendimin tem, ja lash nones natyre … edhe sa isha tu fol me Vi-ne, veq ja nisi me rrezu djelli … edhe per 40 min erdh helikopteri ne kamp dhe u ktheva ne Kathmandu!
Tash, sa po pres qe neser me u kthy ne shpi, po mendoj se cili u kan vendimi i duhun!

Gajte dites se djeshme, edhe sot, kam marr mijra mesazhe, nga shoqe e shok, edhe nga njerez te tjere, te cilet ose e kan njoft Bibin tem, ose veq e kane pa ne fotografite e mia, apo veq e kane percjell jeten tem … e disa prej tyne, kane qene mesazhe qe une jam e forte edhe mundem me vazhdu ekspediten … e duhet me shty veten .. etj …
E shume te tjera kane qene mesazhe qe kane ndje dhimbjen bashk me mu, e qe bibi jem asht krenar me cka bej, e shume prej tyne qe une duhet me qene krenare se cfare bibi kom pas, … e qe, krejt ne fund nuk e paskna dijt qe paskna qaq shume njerez, qe perveq qe e gezojne suksesin tem, edhe e ndjejn dhimbjen tem!
E krejt keto mesazhe, m’kan bo me kuptu qe Bibin tem edhe veprat e tij duhet me ja kujtu tu kesh, se qashtu ka qene Bibi jem!
I lumtun, i gzum, i qeshun, gjithmone i ka konsideru krejt njerzt ne rreth, ska dasht kurr kerkujt me i bo keq, gjithmone mka msu mos me fol keq per njerez, gjithmone e gjejke nje arsyetim per nje veprim jo te mire te dikujt, e sa here ma zbutke egon edhe me bojke me e nal veten! E qe na ka msu me dasht natyren, me mbjell bashqen, me e rujt teshen e huj, me e vleresu njersen e njerzve … e ma e shumta, me e dasht jeten edhe me ju gezu cdo momenti ne jete ❤

Kurr nuk e harroj, pasi e paten largu nga puna gjate viteve 90′, e shume mundimeve per mbijetese deri sa u rritem e ja nisem me punu … e ja nisa me kuptu ma shume per jeten .. me pat than: Qika jem, mas 90′, s’jemi tu e jetu jeten, po jemi tu e harxhu – e tha mos harro, qe jeta duhet me u jetu!
E une, gjithmone jom mundu me i njek mesimet e tij … Me jetu jeten, me i njek andrrat e mia.
Bibi jem, edhe pse ne fillimet e mia ne ngjitjet ne Himalaya, ka refuzu me me perkrah, per shkak te frikes se ka me me humb, ai edhe Ana, jane dy njerzt qe mu m’kan ba qe une me luftu, me i mri majat e botes, me i bo krenar ata edhe vendin tem!
Tash, sa po pres me u nis per Kosove, hala po mendoj se a asht kjo cka une duhet me ba, a asht Bibi i gezum qe une po kthehna apo isha dasht me vazhdu ngjitjen!
Jam shume e sigurt qe mali ka me kon aty, edhe qaq sa ekziston kjo toke, por, menja jem edhe zemra jem sot ka shume nevoje per Anen tem, e motrat e mia, edhe torin tem! E ma se shumti, njerzt e mi, vendi jem ka nevoje une me kon gjalle edhe e shnosh!

Edhe per fund, ju faleminderit shume qe keto dy dite m’keni shkru, ma keni zbut dhimbjen edhe m’keni kallxu qe duhna me u bo e forte se qashtu ka qef Bibi jem me na pa, e ju qe e keni njoft, ma keni kujtu se sa krenare po ndihna per veprat e Bibit tem ❤
Ju boft shnet e jete!
Uta,

(Teksi është publikuar pa ndërhyrje). / KultPlus.com

Pas ngjitjes dhe suksesit në Majen Anapurna, e vendosa me vazhdu ma tutje edhe ne ngjitjen ne Majen Dhaulagiri … U…

Posted by Uta Ibrahimi on Saturday, May 1, 2021

Uta synon ngjitjen e radhës me alpinistet më të mira të botës, i duhen 13 mijë euro për “Dhaulagiri”

Uta Ibrahimit i është dhënë mundësia për ekspeditën e radhës, e cila është ftuar bashkë me shtatë gratë më të mira të botës që të ngjitet në majën e “Dhaulagirl”, dhe kjo ngjitje njëherësh e bën që kosovarja Uta Ibrahimi të bëhet ballkanasja e parë që ngjet shtatë majat më të larta në botë, shkruan KultPlus.

Mirëpo, për këtë ngjitje alpinistes kosovare i duhet ndihmë e shpejtë financiare, në vlerë prej 13 mijë eurove, pasi që ekspedita do të nisë pas një jave.

KultPlus ju sjell kërkesën e Federatës Bjeshkatare Alpiniste e Kosovës për këtë ekspeditë.

Te dashur shok e shoqe, Faleminderit krejt qe jeni mbledh se bashku, per me e ndihmu vazhdimin e ekspeditava. Kane mbet edhe pak dite, e kam nevoje edhe për shume mbeshtetje … Nji thanje e vjetër … pika pika, mbushet pusi ❤️Ju faleminderit me shume dashuri ❤️🇽🇰🇦🇱Postimi nga Federata Bjeshkatare Alpiniste e Kosovës – FBAK Kërkesë për mbështetje të alpinistes tonë, Uta Ibrahimi!!! Të dashur miq, Uta Ibrahimi këto ditë ka ngjitur majën e saj të 6-të, nga 14 majat më të larta 8000 metërshe në botê, majën Annapurna në Himalaje, dhe edhe një herë na ka bërë krenarë si Kosove dhe si komunitet e Federatë Bjeshkatare. Sot kemi kuptu qe Utës iu ka ofruar një mundësi pas kthimit nga Annapurna, gjatë qëndrimit në kampin bazë. Ajo është ftuar të ngjitet edhe në majën e 7-të, Dhaulagiri, t’i bashkëngjitet një ekspedite prej shtatë grave nga më të mirat në botë. Çka vlen të theksohet, është se Uta është ne kampin bazë, dhe e aklimatizuar, kështu që shpenzimet për ketë ekspeditë do të jenë shumë herë më të vogla se po ta bënte veçmas ketë majë. Ekspedita fillon për një javë dhe koha është shumë e shkurtër kështu që nevoja për ta ndihmuar, është shumë urgjente. Kjo ngjitje do ta bënte Utën ta thyejë rekordin ekzistues, dhe të bëhet e para nga Ballkani që ka ngjitur 7 majat më të larta në botë. Kostoja e kësaj ekspedite është rreth 12-13,000 Euro dhe Uta nuk ka mundësi të ngrisë fonde nga vendi ku është. Ne si Federatë po mundohemi të bëjmë çfarë është e mundur, për t’ia mundësuar këtë ngjitje pra, ju lusim që aq sa keni mundësi të kontribuoni në xhirollogarinë në vijim si dhe ta shpërndani këtë postim sa më shumë. Për me shume detaje shihni faqen e Utës ne linkun https://utalaya.com/ Xhirollogaria: 2020-0001-7141-6535 Teb Bank Për pagesa jashtë vendit: Përfituesi: Flutura Ibrahimi Banka e përfituesit: TEB Sh. A. Prishtinë, Kosovë Swift/BIC code: TEBKXKPR IBAN i përfituesit: XK052020000171416535./ KultPlus.com

MKRS: Uta e majave të maleve, nuk u dorëzua përkundër vështirësive

Ditën e djeshme u bë e ditur se Uta Ibrahimi përfundoi ngjitjen në majen Annapurna, ndër majat më të rrezikshme në Himalaje, duke u bërë kështu alpinistja e parë shqiptare që ngjiti atë maje, shkruan KultPlus.

Sot, përmes një postimi në faqen zyrtare, MKRS ka uruar Ibrahimin për punën e saj të madhe, përkundër vështirësive.

”Uta e majave të maleve!

Uta Ibrahimi ka përfunduar ekspeditën e ngjitjes në majën Annapurna me lartësi 8091m, e cila është ndër majat më të rrezikshme për ngjitje në Himalaje, Nepal.

E përgëzojmë Utën për përfundimin e kësaj ekspedite sfiduese. Ekspedita e saj ishte disaditore dhe përkundër vështirësive gjatë ngjitjes – ajo nuk u dorëzua. Me këto suksese Uta bëhet alpinistja e parë shqiptare që ngjitet në Annapurna.

Alpinistja synon të ngjitë 14 majat e Himalajave me lartësi mbi 8000m. Kjo ishte maja e gjashtë që Uta e ka ngjitur në kuadër të nismës së saj.

Utës i urojmë shumë suksese në ngjitjet e ardhshme”, thuhet në postimin e MKRS. / KultPlus.com

Uta Ibrahimi shënon edhe një rekord, bëhet alpinistja e parë shqiptare që ngjitet në Annapurna (FOTO)

Uta Ibrahimi bëhet alpinistja e parë shqiptare që ngjet majën e Annapurnes.

Ajo aktualisht është duke zbritur nga maja e Annapurnes pas shumë përpjekjeve të vështira për ngjitje.

Lajmin e bëri të ditur trajneri i saj Xhim Begeja përmes një postimi në Facebook.

“Anapurna 8090metra mposhtet… në këto momente Uta është në maje dhe po zbret”, tha Begeja.

Vlen të ceket se Annapurna është një ndër masivet më të rrezikshme në Himalaje.

Utës i shtohet maja e gjashtë nga tentimi i saj për t’i ngjitur 14 majat me lartësi mbi 8000 metra./klan/ KultPlus.com

‘Google’ liston Uta Ibrahimin si një ndër gratë më të suksesshme në botë

Alpinistja Uta Ibrahimi, vajza e parë nga Ballkani e cila ka ngjitur pesë majat e Himalajeve është listuar e 138-ta në listën e ‘Google’, listë kjo e krijuar në nderim të Hitorisë së Muajit të Gruas, shkruan KultPlus.

‘Vitin e kaluar, bota ka kërkuar në Google për ‘gruan e parë’ më shumë se kurrë më parë’, ka shkruar Google në kanalin zyrtar në Youtube. Google poashtu ka shtuar se gratë e kësaj liste janë ato që kanë thyer barriera e kanë inspiruar të tjerat.

Ndërkaq, lajmi u bë i ditur nga vetë Uta, e cila përmes një postimi në rrjetin social Facebook ka njoftuar ndjekësit e saj se edhe ajo është në mesin e shumë grave të tjera të suksesshme.

‘Mirëmëngjesi … në mesin e shumë grave të tjera edhe unë në Majen Everest, në videon e Goggle tu e festu Javën e Grave’, ka shkruar ajo. / KultPlus.com

Uta Ibrahimi paralajmëron ngjitjen e radhës me zero përkrahje financiare: Kur të kryhet, mos jeni krenarë

Alpinistja Uta Ibrahimi, vajza e parë nga Ballkani e cila ka ngjitur 5 majat e Himalajeve, po vazhdon rrugëtimin e saj deri në përfundimin e projektit të saj për ngjitjen në 14 Majat më të larta të tokës, shkruan KultPlus.

Në muajin janar, Uta u prit në takim nga Ministrja Vlora Dumoshi e cila i kishte ofruar mbështetjen e saj dhe të MKRS-së për rrugëtimet e saj drejt çative të botës, por këto premtime mbetën vetëm pjesë e atij takimi.

Përderisa ka njoftuar për ngjitjen  e radhës në MAJËN Anapurna – 8091, si maja e trembëdhjetë nga më të lartat në tokë dhe si më e rrezikshmja, Uta ka njoftuar që për këtë sfidë të re ka 0 përkrahje financiare pavarësisht premtimit që i është bërë nga Dumoshi.

Tutje, Uta ka kërkuar që në përfundim të kësaj ekspedite institucionet e vendit të mos jenë krenarë e të mos mburren me suksesin sepse vetëm sa po ja vështirësojnë.

Ky është postimi i plotë i Ibrahimit:

M’kan mbet edhe pak ditë për me u nis drejt ngjitjes së radhës, në Majen Anapurna 8091, si maja e trembëdhjetë nga më të nalta në tokë, edhe si ma e rrezikshmja .. për me e vazhdu projektin e ngjitjes së 14 Majave ma të nalta të Tokës.

Pak parase mu nis, i hina pak arkivsës … i gjeta këto dy video nga Ekspedita e ngjitjes në Lhotse South Face, njëra prej ngjitjeve ma teknike në Himalaya.

Këtu jam dikun afër 8000 metrave. Po më dridhet pak barku edhe komt … edhe mu, kur po e shoh tash … edhe kur po e dij se çka po më pret.

Po, pavarsisht krejt sfidave edhe pëkrahjes financiare 0 për këtë ekspeditë deri më tani ( edhe pse premtimet nga Ministrja Vlora Dumoshi.

nuk munguan në takim – e që sigurisht ky takim është bë veq për qëllime të PR dhe jo tamon pëkrahjes … unë nisem me 13 Mars, për me e vazhdu projektin ma madhor të alpinizmit…

Deri sa ti ngjes krejt, qofsha shnosh e mirë … e shpresoj që ndonjeher në të ardhmen problemi ma të madh – Financimin e Ekpseditave, nuk kom me e pas barr sikurse në secilën ekspeditë.

E kur të kryhet krejt, ju lutna mos jeni krenar e as mos u mburrni, sepse veq ma rond ma keni ba! / KultPlus.com

Dumoshi takohet me Uta Ibrahimin, i premton mbështetjen e MKRS-së

Ministrja Vlora Dumoshi ka takuar sot Flutura Ibrahimin, më shumë të njohur si Uta e Maleve, vajzën e parë nga Ballkani e cila ka ngjitur 5 majat e Himalajeve.

Ibrahimi e njoftoi ministren më shumë për vazhdimësinë e projektit të saj ‘14 Majat më të larta të tokës’ dhe ekspeditat e radhës në Anapurna, Makalu dhe K2 majën më të rrezikshme në botë.

Ministrja tha se Uta do të ketë mbështetjen e saj si ministre dhe të MKRS-së për rrugëtimet e saja drejtë çative të botës, ku besoj sërish do të valojnë flamuj tonë. / KultPlus.com

Filmi për Uta Ibrahimin ‘Her Story’, shpallet Filmi më i mirë i shkurtër për malet

Alpinistja Uta Ibrahimi ka shënuar edhe një sukses të radhës, por kësaj here në filmimin ‘Her Story’, që dokumenton përvojën e saj në majën më të lartë në botë, shkruan KultPlus.

Uta vite më parë u bë simbol i maleve, pasi u bë gruaja e parë shqiptare që shkeli majën më të lartë në botë, Everest.

Filmi “Her Story” që portretizon dokumentimin e përvojës së saj të ngjitjes në Everest, sot është shpërblyer me çmimin “Filmi i shkurtër më i mirë për malet”, në Festivalin e Filmit në Stamboll.

Lajmi është bërë i ditur nga vetë Uta Ibrahimi nëpërmjet një postimi në Facebook ku ka shkruar se ndihet e lumtur që edhe një ëndërr e saj po bëhet realitet.

çfarë dite e bukur … Unë jam aq e lumtur që historia ime po fiton njohje ndërkombëtarisht. Ja një ëndërr tjetër që po bëhet realitet në Festivalin e Filmit në Stamboll. Filmi i shkurtër ‘Historia e saj’ i cili përshkruan përvojën time në Himalajet dhe qëllimin tim për të ngjitur 14×8000 (të katërmbëdhjetë kulmet e botës), u vlerësua me çmimin ‘Best Short Mountain Film Aëard”, ka shkruar Ibrahimi.

what a beautiful day … I am so happy that my story is gaining recognition internationally. Here’s to another dream…

Posted by Uta Ibrahimi on Wednesday, January 6, 2021

Kjo njëherësh shënon edhe hapat e parë të njohjes së përvojës së Utës globalisht./KultPlus.com