Arkeologët kanë zbuluar mbetjet e një fshati ndoshta 8,000-vjeçar të ndërtuar mbi një liqen të lashtë – fshati më i hershëm i njohur i çdo lloji në Evropë – në liqenin e Ohrit, i cili shtrihet në kufirin e Shqipërisë dhe Maqedonisë së Veriut.
Janë gjetur qindra pemë që arkeologët besojnë se kanë formuar themelet e një fshati parahistorik.
Studiuesit nuk mund të vlerësojnë ende madhësinë origjinale të vendbanimit, por dhjetëra mijëra trungje të gjetura nën ujë tregojnë se fshati ishte relativisht i madh.
Albert Hafner, një arkeolog nga Universiteti i Bernës në Zvicër, i cili udhëhoqi gërmimet, tha për Live Science se zhytësit gjetën trungjet pranë fshatit shqiptar Lin në bregun perëndimor të liqenit të Ohrit.
Hafner udhëhoqi projektin EXPLO për disa vite, duke studiuar liqenet në Ballkan në kërkim të gjurmëve të kolonëve nga Anadolli, tani Turqia, në Evropë gati 8,000 vjet më parë. Ata konsiderohen të jenë njerëzit e parë që sollën bujqësinë në Evropë nga e gjithë Mesopotamia.
Profesor Hafner shpjegoi se shumë liqene të mëdhenj në rajonin e Ballkanit kishin gjurmë të qarta të migrimit të hershëm nga Anadolli.
“Gërmimet e fundit përdorin teknika të sofistikuara si datimi shumë i saktë i radiokarbonit dhe dendrokronologjia, të cilat mund të përcaktojnë se kur janë prerë trungjet duke parë unazat e pemëve,” tha Hafner për Live Science.
Njerëzit e lashtë ndoshta tërhiqeshin nga liqenet për ujin dhe bimët e tyre. Por pse njerëzit parahistorikë zgjodhën t’i ndërtonin shtëpitë e tyre mbi pirgje apo shtylla mbi një liqen apo moçal nuk është e qartë – edhe pse kjo praktikë mund të shihet në të gjithë Evropën, nga Ballkani në Balltik, shkruan TRT Balkan.
Hafner beson se në kushte normale do të ishte e lehtë të kalosh mes shtëpive me kanoe./konica.al/KultPlus.com
Ka vdekur në moshën 67-vjeçare Arleen Sorkin, aktorja e njohur për rolet e saj në “Days Of Our Lives” dhe si aktorja origjinale e zërit të Harley Quinn.
Lajmi e ka dhënë aktori i zërit Neil Kaplan, përmes një postimi në Tëitter, shkruan DailyMail, transmeton Klankosova.tv.
“Ma theu zemrën kur dëgjova se zëri origjinal i Harley Quinn, Arlene Sorkin ka vdekur”, është shprehur ai.
Lajmi për vdekjen e saj vjen pasi vdekjes së yllit të “The Price Is Right”, Bob Barker, në moshën 99-vjeçare./KlanKosova/KultPlus.com
Turistët e shumtë kanë mbushur rrugicat dhe kalanë e qytetit të Beratit këtë sezon veror dhe sidomos në këto ditë të fundit të gushtit.
Drejtoresha e Turizmit dhe Aktiviteteve në bashkinë e Beratit, Silvi Merdani tha sot për ATSH-në se “nga janari deri në 20 gusht Berati ka tërhequr 640 mijë vizitorë, një shifër e lartë si asnjë vit më parë”.
Sipas saj, fluksi më i lartë ka qenë në muajt maj-gusht.
“Pjesa më e madhe e turistëve vijnë nga vende të ndryshme të Evropës, por edhe nga Azia , SHBA , Kanada dhe Australia. Në krye të listës janë turistët nga Gjermania, Polania, Spanjat, Franca, Italian etj”, tha Merdani.
Berati ka një sërë pikash turistike që zgjojnë interesin e turistëve disa prej të cilave janë Qendra Historike e qytetit, Kalaja, Gorica Mangalemi qe kanë pasuri UNESCO, Muzeu Ikonografik Onufri, Qendra Mesjetare, objektet e kultit Bizantin dhe Xhamitë e vjetra të periudhës Otomane.
Vitet e fundit turistët kanë treguar interes edhe për atraksionet e eko-turizmit, fshatrat turistik Roshnik, Sinjë , Drobonik, kantinat e verës, aktivitetet rafting në Lumin Osum, ngjitje në malin e Tomorit, hedhje me parashuta nga Mali Shpirag, kanoe në liqenet e Tomorit, ecje me biçikletat malore në rrethinat e Beratit, vizitë në Kanionet e Osumit, pjesëmarrje në turret e gastronomisë në agrobizneset në fshatrat turistikë etj.
Në të gjithë qarkun e Beratit numërohen rreth 486 monumente kulture dhe kjo ka një impakt të jashtëzakonshëm, sidomos në rritjen e fluksit të turizmit kulturor sidomos vitet e fundit.
Kalaja e Beratit është një nga monumentet që tërheq edhe më shumë turistë. Ajo është ngritur sipas një plani në formë trekëndëshi. Kjo kala, po të shihet nga poshtë, duket si pjesë e kodrës./atsh/KultPlus.com
Kantautori shqiptar, Vlashent Sata, i cili jeton dhe vepron në Paris, i ka dhënë çdo herë publikut këngë të cilat përçojnë emocione e përshkruajnë një ndjenjë. Muzika e tij është mjaft e veçantë, si për nga teksti ashtu edhe nga zëri i tij karakteristik, shkruan KultPlus.
Një muzikë e tillë përplot me ndjeshmëri është edhe kënga ‘Frymë’, në të cilën kantautori përshkruan dhimbjen dhe dashurinë e pakusht për babain dhe humbjen e tij.
KultPlus më poshtë ju sjellë tekstin dhe videon e këngës:
Me pas ditë se ish’ kènë
i fundit përqafim
t’kisha rrok pak ma shumë,
pak ma shumë,
pambarim.
Me pas ditë se ish kènë
e fundit puthja jote n’ ballë
S’kisha lujtë,
skisha bza,
i vogël isha ba…
Thu s’ kisha ni kaq shumë mall, sot…
Me t’ pasë pranë t’ tana i kisha dhanë!
Me t’ shikju’ tuj fol’ tuj lujt’ me mu!
Sa zgjat edhe nji frymë ma shumë me t’ pas
Ti t’m’kishe këndue njat kang’ t’vogël…
Nuk kam ditë me tkuptu
Mbylli syte me të pa ty
e sa mke dasht’
Dorën n’zemër me t’ni ty
Sa gjithmonë je privu për gjithshka
Asnji kang
në qofte se mujshe me m’gzu’ mu’
smundet me mjaftu’
Thojnë nji ditë
Dashninë tande
dhe une kam me e provu
kam me ja kallxu’
kur t bahem ne jete me fmi,
kam me u ba edhe une
nje bab si ti…
Veç sot,
Me t’ pasë pranë t’ tana i kisha dhanë!
Me t’ shikju’ tuj fol’ tuj lujt’ me mu!
Sa zgjat edhe nji frymë ma shumë me t’ pas
Ty t’kisha këndue njat kang’ t’vogël…/ KultPlus.com
George Wilhelm Friedrich Hegel, ishte i biri i një nëpunësi te thjeshtë te financave mbretërore. Liceun e mbaroi me 1788 dhe u anetaresua ne seminarin e Tubingenit ku studioi ne deget filozofi dhe teologji.
Ai ndante dhomën e konviktit me Fridrih Holderingun (1770-1834) dhe Fridrih von Shelingun (1775-1854). Hegeli e dha provimin perfundimtare me 1793 dhe me pas dha mësime private ne Berne deri me 1797. Nga ky vit e deri me 1800, ai dha leksione private ne Frankfurt-mbi-majn. Vdekja e babait i beri te mundur te shtinte ne dore nje trashëgimi te mjaftueshme për tu vendosur ne Jene. Atje, me 1801, mbrojti tezen e tij. E nisi si mesues privat, por me 1805 te gjithë e njihnin si profesori i jashtezakonshem i filozofise. Per dy vjet, Hegeli perfundoi vepren e tij te njohur “Phanomenologie des Geistes” (Fenomenologjia e Shpirtit).
Pak para se kjo veper te shihte driten e botimit me 1807, Hegeli mori drejtimin e gazetes se Bambergut “Bamberger Zeitung”. Ai mbajti nga viti 1808 deri me 1816, ai mbajti postin e rektorit te liceut artistik te Nurembergut. Rreth kesaj periudhe daton edhe vepra e tij e dyte “Wissenschaft der Logik” (Shkenca e Logjikes). Hegeli u martua me 1811 me Mari von Tuher e cila do te behej nena e dy femijeve te tij. Vepra e radhes mbante titullin “Enzyklopadie der philosophien Wissenschaften Grundrissen” (Enciklopedia e shkurtuar e Shkencave Filozofike) dhe nen titull shkruhej “Profesori i universitetit te Haidelbergut G.W.F. Hegel”. Dy botime me te plota pasuan ne ne vitet 1827 dhe 1830. Krahas karrieres didaktike, ne kete periudhe, Hegeli botoi (ne bashkepunim me nje reviste) studimin e tij “Heidelberger Jahrbucher” (Analet e Haidelbergut). Me 1818, ai u fut si profesor ne Universitetin e Berlinit ku zevendesoi Fihten. Leksionet e tij u bene menjehere te famshme. Nder deget qe jepte Hegeli rreshtohen:
Logjika
Historia
E Drejta dhe Feja
Antropologjia
Psikologjia
Filozofia e Natyrës
Filozofia e Artit
Historia e Filozofisë
Historia Botërore
Shkolla e krijuar rreth tij dote ushtronte nje ndikim te madh ne opinionin publik dhe qarqet intelektuale ne vitet 1820. Nje organ i shperndarjes se mendimit Hegelian ishte dhe “Jahrbucher fur wissenschaftliche Kritik” (Analet e Kritikes Shkencore)qe dote botohej per here te pare me 1827. Megjithate, ajo qe mbahet si vepra me e rendesishme e Hegelit qe botuar para 6 vitesh dhe titullohej “Grundlinien der Philosphie des Rechts” (Parime te Filozofise te se Drejtes). Ky ishte nje traktat filozofik-politik mbi teorine e shtetit. Njekohesisht, ishte i pari dhe i vetmi cikel konferendash berlineze te botuara nen kujdesin e vete Hegelit. Ai i vizitonte rregullisht qendrat me te medha intelektuale te Europes. Me 1830, mori postin e rektorit te Universitetit te Berlinit. Gjithesesi, ai nuk e mbajti kete post gjate. Me 14 nentor 1831, Hegeli nderroi jete. Ai u varros prne Fihtes ne varrezen protestante te kishes se Berlinit. Shume nga mendimet dhe parimet qe u botuan me vone ne “Vepren e Plot te G.W.F. Hegel” ishin ne te vertete leksione qe u botuan nga studentet pasi Hegeli nuk i la te shkruara.
Filozofia e Hegelit
Merita kryesore filozofike e Hegelit është krijimi i nje sistemi teresisht te ri dhe te thjështë te mendimit filozofik. Ai e konkretizonte : “…une them nje pohim. Ky pohim quhet ndryshe edhe teze. Bashkebiseduesi im me kundershton dhe ky kundershtim interpretohet si antiteze. Nese ne ulemi dhe nxjerrim nje perfundim te perbashket me konsensus ,ajo qe del quhet sinteze e dy mendimeve te meparshme…” Sot ne e shohim se sa i dobishem është ky parim, pasi vetem kompromisi nuk e bllokon ecurine e gjerave dhe nxjerr ne pah me te miren e te dyja paleve. Duhet pasur parasysh se ne kohen e Hegelit, ekzistonte nje rivalitet i madh mes empiristeve dhe racionalisteve. Edhe pse gjeografikisht, Hegeli gjendej ne gjirin e racionalisteve, ai nuk u fut as ne kampin e tyre, as ne ate te moralisteve. Shumica mund ta quajne Hegelin nje pozitivist te bazuar te historia.
Veprat më të njohura
Phanomenologgie des Geistes (Fenomenologjia e Shpirtit) – 1807
Wissenschaft der Logik (Shkenca e Logjikes) – 1808-16
Heidelberger Jahrbucher (Analet e Haidelbergut) – 1818
Enzyklopadie der phiosophien Wissenschaften Grundwissen (Enciklopedia e shkurtuar e Shkencave Filozofike) – Botimi I me 1821, botimi II me 1827, botimi III me 1830.
Grundlinien der Philosophie des Rechts (Parime te Fiolozofise te se Drejtes) – 1821
Jahrbucher der wissenschaftliche Kritik (Analet e Kritikes Shkencore) – 1827
PriFest ka prezantuar programin e filmave të metrazhit të mesëm të edicionit të sivjetë, përcjell KultPlus.
Në vijim gjeni postimin e plotë të PriFest:
Prezentojmë filmat garues në programin e filmave të Metrazhit të Mesëm. Dy premiera botërore dhe dy ndërkombëtare. Filma emocionues nga katër vende evropiane në këtë format unik filmik.
SI NE VAJ – nga Aulona Mustafa, Zvicër/ Premierë Ndërkombëtare(25 min).
Nadie, një e ve e re, jeton nën vëzhgimin e vazhdueshëm nga kunatat e saj. Një autoportret që i shfaqet asaj nga e kaluara, e vë në pikëpyetje mënyrën e saj të jetesës.
A BIG WALL – nga Maarten Loix Belgjikë /Premierë Ndërkombëtare (42 min). Një vit pasi babai i tyre vdiq, një astrofizikan dhe vëllai i tij, një ndërmjetës sigurimesh, fillojnë procedurën për të shitur një pjesë të vogël të tokës që kanë trashëguar.
DENISE EST MORTE CE SOUIR – nga Loïc Vanelle, Francë/ Premierë Botërore (35 min). Merlin, arkëtar, komunikon me të vdekurit në supermarketin e tij. Natalie dëshiron të dëgjojë mendimet e fundit të shoqes së saj Denise.
TUNNEL AT THE END OF THE LIGHT – nga Pető Szabolcs, Hungari/ Premierë Botërore (49 min).
Përmes fatit individual të një njeriu, filmi ynë i pavarur artistik tregon se si do të jetë jeta jonë në një të ardhme jo shumë të largët, kur bota jonë është shumë e ndryshme në gjithçka, përveç pamjes. Një njeri, duke u fshehur, mundohet të gjejë lirinë në një botë shtypëse. Nëpërmjet historisë së tij, ne reflektojmë nëse është e mundur të mbetemi njerëzor në një botë të tillë./KultPlus.com
Rritja e pandalshme e turistëve që po e zgjedhin Shqipërinë konfirmohet edhe nga të dhënat e Institutit të Statistikave (INSTAT).
Raporti i fundit i INSTAT-it tregon se numri i shtetasve të huaj që kanë hyrë në territorin shqiptar gjatë muajit korrik shënoi rritje me 26.2 %, duke arritur në 1 770 724, pjesa m♪7 e madhe e të cilëve europianë.
Referuar INSTAT-it, numri i shtetasve të huaj që vizituan vendin tonë me origjinë Europën, gjatë korrikut llogaritet 1 694 657.
Nga Amerika u regjistruan 45 821 shtetas, ndërsa lindja e Mesme 14 805 shtetas.
Vetëm gjatë këtij sezonit turistik veror, nga majii deri në fund të korrikut numërohen 3 482 836 shtetas të huaj që vizituan vendin tonë.
Autoritetet në vend kanë deklaruar se numri i pushuesve që kanë zgjedhur Shqipërinë këtë vit, si destinacion ka kaluar priitshmëritë, ndërsa një raport i Organizatës Botërore të Turizmit e renditi vendin tonë të parin në Europë për 3 muajt e parë të këtij viti për rritjen e numrit të turistëve. Ndërsa në botë, vendi ynë renditet në vendin e tretë pas Katarit dhe Arabisë Saudite.
Jo vetëm bregdeti, por edhe Tirana dhe Alpet janë destinacionet e preferuara.
Në total, mbi 5.2 milionë të huaj vizituan Shqipërinë nga janari deri në fund të korrikut. /KultPlus.com
Poezi nga William Butler Yeats Përktheu Orjela Stafasani
Kur të jesh plakur, thinjur dhe përgjumur të jesh, përkulur pranë zjarrit këtë libër ngadalë lexo, për shikimin e butë që patën sytë e tu ëndërro dhe për hijet e tyre të thella që më s’do t’i kesh.
Sa shumë të tjerët t’i deshën çastet madhështore dhe dashuruan bukurinë tënde, rrejshëm a vërtet, por veç një burrë pas shpirtit tënd pelegrin u tret dhe ta deshi fytyrën që e ndryshuan brengat njerëzore.
Dhe duke u përkulur në vatrën e oxhakut, murmuron, pak trishtueshëm, se si iku kjo Dashuri dhe fluturoi përmbi male, atje në lartësi, duke fshehur fytyrën e saj mes yjesh. / KultPlus.com
Këngëtarja e njohur, Rita Ora ka reaguar pas videos e cila po qarkullon, ku ajoështë provokuar nga audienca me një flamur serb.
Ajo në një deklaratë për medie ka thënë se flamuri i ishte dhënë nga një fans dhe nuk e ka dikur se cilit shtet i përket.
Rita Ora është shprehur se e ka kuptuar që flamuri ishte i Serbisë, pasi ka dalë nga skena.
Tutje, Rita Ora tha se është shqiptare krenare dhe se qëllimi i saj nuk ishte mosrespekti ndaj popullit të saj.
“Mbrëmë gjatë performancës në Festival SZIN në Hungari, mu dha një flamur nga një fans i ri. Prej ndriçimit direkt në sy e në skenë, nuk pashë qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo hungarez”.
“Përderisa i mbështes të githë fansat e mi, nga të gjitha vendet dhe kulturat, dua të bëjë shumë të qartë se jam një shqiptare krenare e Kosovës, dhe nuk ishte qëllimi im të mos respektoja trashëgimin time, ose të mërzisja popullin tim ose familjen time”, është shprehur tutje ajo./KultPlus.com
Shumica e kineastëve shqiptarë patjetër i kanë kushtuar një film burrneshave. Një temë tërësisht shqiptare, e cila ka tërhequr vëmendjen e mbarë botës, që nga televizionet e deri tek kinemaja.
Megjithëse këto tema, që nga gjakmarrja e deri tek burrneshat, e kanë plotësuar misionin e vet për ti rrëfyer shikuesit të huaj një pjesë të kulturës sonë, sërish vazhdojnë të riprodhohen e përsëriten.
Edhe filmi më i ri i regjisorit Andamion Murataj titulluar “Burri i shtëpisë”, frymëzohet nga disa burrnesha dhe historitë e tyre jetësore.
Murataj është larguar nga Shqipëria që në vitet ’90. Një gjë për të është pandryshueshme sa herë që kthehet, që vendi ynë është gjithmonë në ndryshim.
Për një artist duket se Tirana dhe Shqipëria ka shumë për të ofruar si një shoqëri në zhvillim, me drama dhe karaktere ëndërrimtarë dhe interesantë. Kjo pasyshim është lënda e duhur për një kinema të mirë./TopChannel/KultPlus.com
Rregullat historike të BE-së për përmbajtjen e paligjshme digjitale hynë sot në fuqi me gjigantët e internetit si Google, Amazon dhe rrjeti social X, i njohur më parë si Twitter, duke rrezikuar gjoba të mëdha me vlerë deri në 6% të xhiros vjetore në mbarë botën për shkelje.
Akti i Shërbimeve Digjitale të Bashkimit Evropian (DSA) zbatohet për 19 motorë kërkimi dhe platforma shumë të mëdha me më shumë se 45 milionë përdorues aktivë.
Kompanitë do të duhet të heqin më shpejt pornografinë e fëmijëve dhe propagandën terroriste dhe gjithashtu ta bëjnë më të lehtë për përdoruesit që të raportojnë përmbajtje të tillë.
Tregjet online si Amazon tani janë të detyruara të heqin produktet e falsifikuara ose lodrat e rrezikshme në masën më të mirë të mundshme dhe të informojnë konsumatorët nëse një produkt i paligjshëm është blerë.
Për më tepër, kompanitë duhet t’i raportojnë rregullisht Komisionit Evropian për shkallën në të cilën platformat e tyre rrezikojnë shëndetin mendor ose lirinë e shprehjes.
Duke përshëndetur rregullat e reja, komisioneri i Tregut të Brendshëm të BE-së, Thierry Breton tha në një video në X se ekipi i tij do të ishte shumë rigoroz për të kontrolluar nëse platformat sistematike janë në përputhje.
Elon Musk, zotëruesi i X, dhe marrësi i paralajmërimeve të shumta publike të BE-së për detyrimet rregullatore, i tha Breton se kompania e tij “po punonte shumë për këtë”.
Nëntëmbëdhjetë platformat dhe motorët e kërkimit të përfshira fillimisht janë Zalando, Wikipedia, Booking.com, Tik Tok, X, Facebook, Amazon Marketplace dhe App Store i Apple, si dhe Alibaba AliExpress, Google Play, Google Maps, Google Shopping, Instagram, LinkedIn, Pinterest, Snapchat, YouTube dhe motorët e kërkimit Google dhe Bing. /KultPlus.com
Ylli legjendar televiziv Bob Barker, i cili drejtoi emisionin me lojëra “The Price Is Right” për 35 vjet, ka vdekur në moshën 99 vjeçare. Barker vdiq në shtëpinë e tij të shtunën në mëngjes, tha për publicisti i tij Roger Neal. Pas disa muajsh prezantuesi do të festonte 100 vjetorin e lindjes.
I lindur në vitin 1923, Barker u rrit në Dakotën e Jugut dhe Misuri përpara se të regjistrohej përfundimisht në Marinën e Shteteve të Bashkuara gjatë Luftës së Dytë Botërore. Pasi u kthye në shtëpi për të ndjekur kolegjin në Universitetin Drury, ai filloi që të merrej me radion.
FOTO: Bob Barker shfaqet në “The Price is Right” në CBS Television City në Los Angeles, Kaliforni, 9 qershor 2005.
Në mesin e viteve 1950, Barker filloi të prezantonte “Truth or Consequences” pasi Ralph Edwards e pikasi atë në radio. Ai e drejtoi emisionin për 18 vjet. Më pas, në shtator të vitit 1972 ai filloi të prezantonte “The Price is Right”, një emision loje të cilën e drejtoi për dekada të tëra.
“Isha 48 vjeç dhe nuk kisha asnjë mendim për pjesën tjetër të jetës sime. Ishte thjesht një shfaqje tjetër me të cilën mendova se do të argëtohesha dhe do të paguhesha mirë,” tha ai në 2007.
“Epo, është një premisë e fuqishme. Kur ne nxjerrim diçka për konkurrentët për të konkurruar, në shtëpi, ata po mendojnë, ‘Oh, kjo është shumë e lartë’ ose, ‘Oh, kjo është shumë e ulët, [ose] ‘Kjo është një ofertë e mirë”, tha Barker për ABC News në 2007. “Çfarëdo që ata po mendojnë, ata po përfshihen.’
Barker fitoi 19 çmime Daytime Emmy, duke përfshirë 14 për prezantues të shquar të shfaqjes së lojës, si dhe një çmim për arritje të jetës nga Daytime Emmys në 1995./KultPlus.com
Njëzet e tre filma janë në garë për Luanin e Artë në edicionin e 80-të të Festivalit të Filmit në Venecia, i cili fillon të mërkurën dhe fituesit e të cilit do të zbulohen më 9 shtator:
BASTARDEN nga Nikolaj Arcel me Mads Mikkelsen, Amanda Collin, Simon Bennebjerg, Kristine Kujath Thorp, Gustav Lindh (Danimarkë, 127’)
DOGMANnga Luc Besson me Caleb Landry Jones, Jojo T. Gibbs, Christopher Denham, Clemens Schick, Grace Palma (Francë, 114′)
THE BEAST nga Bertrand Bonello me Léa Seydoux, George MacKay (Francë/Kanada, 146′)
OFF-SAISON nga Stéphane Brizé me Guillaume Canet, Alba Rohrwacher, Sharif Andoura, Lucette Beudin (Francë, 115′)
ENEA nga Pietro Castellitto me Pietro Castellitto, Giorgio Quarzo Guarascio, Benedetta Porcaroli, Chiara Noschese, Giorgio Montanini, Adamo Dionisi, Matteo Branciamore, Cesare Castellitto, Sergio Castellitto (Itali, 117′)
MAESTRO nga Bradley Cooper me Carey Mulligan, Bradley Cooper, Matt Bomer, Maya Hawke, Sarah Silverman, Josh Hamilton, Scott Ellis, Gideon Glick, Sam Nivola, Alexa Swinton, Miriam Shor (SHBA, 129′)
PRISCILLA nga Sofia Coppola me Cailee Spaeny, Jacob Elordi, Dagmara Dominczyk (SHBA/Itali, 110’)
FINALMENTE L’ALBA nga Saverio Costanzo me Lily James, Rebecca Antonaci, Joe Keery, Rachel Sennott, Alba Rohrwacher, Willem Dafoe (Itali, 140’)
COMANDANTE nga Edoardo De Angelis me Pierfrancesco Favino, Massimiliano Rossi, Johan Heldenbergh, Silvia D’Amico, Arturo Muselli, Giuseppe Brunetti, Gianluca Di Gennaro, Johannes Wirix, Pietro Angelini, Mario Russo, Cecilia Bertozzi, 12’I, Pa.
LUBO nga Giorgio Diritti me Franz Rogowski, Christophe Sermet, Valentina Bellè, Noemi Besedes, Cecilia Steiner, Joel Basman (Itali/Zvicër, 181′)
ORIGJINA nga Ava DuVernay me Aunjanue Ellis-Taylor, Jon Bernthal, Niecy Nash-Betts, Vera Farmiga, Audra McDonald, Nick Offerman, Blair Underwood, Connie Nielsen, Emily Yancy, Jasmine Cephas-Jones, Finn Wittrock. Myles Frost (SHBA, 130′)
THE KILLER nga David Fincher me Michael Fassbender, Tilda Swinton, Charles Parnell, Arliss Howard, Kerry O’Malley, Sophie Charlotte, Sala Baker, Emiliano Pernía, Gabriel Polanco (SHBA, 118′)
MEMORY nga Michel Franco me Jessica Chastain, Peter Sarsgaard, Brooke Timber, Merritt Wever, Elsie Fisher, Jessica Harper, Josh Charles (Meksikë/SHBA, 100′)
AKU WA SONZAI SHINAI(E KEQJA NUK EKZISTON) nga Ryusuke Hamaguchi me Hitoshi Omika, Ryo Nishikawa, Ryuji Kosaka, Ayaka Shibutani, Hazuki Kikuchi, Hiroyuki Miura (Japoni, 106′)
ZIELONA GRANICA (KUFIRI I GJELBER) nga Agnieszka Holland me Jalal Altawil, Maja Ostaszewska, Tomasz Włosok, Behi Djanati Atai, Mohamad Al Rashi, Dalia Naous (Poloni/Francë/Republikë Çeke/Belgjikë, 147’)
DIE THEORIE VON ALLEM nga Timm Kröger me Jan Bülow, Olivia Ross, Hanns Zischler, Gottfried Breitfuss, David Bennent, Philippe Graber (Gjermani/Austri/Zvicër, 118’)
POOR THINGS nga Yorgos Lanthimos me Emma Stone, Mark Ruffalo, Willem Dafoe, Ramy Youssef, Christopher Abbott, Suzy Bemba, Jerrod Carmichael, Kathryn Hunter, Vicki Pepperdine, Margaret Qualley, Hanna Schygulla (Mbretëria e Bashkuar11,
EL CONDE nga Pablo Larraín me Jaime Vadell, Gloria Münchmeyer, Alfredo Castro, Paula Luchsinger (Kili, 110′)
FERRARInga Michael Mann me Adam Driver, Penélope Cruz, Shailene Woodley, Sarah Gadon, Gabriel Leone, Jack O’Connell, Patrick Dempsey (SHBA, 130′)
ADAGIO nga Stefano Sollima me Pierfrancesco Favino, Toni Servillo, Valerio Mastandrea, Adriano Giannini, Gianmarco Franchini, Francesco Di Leva, Lorenzo Adorni, Silvia Salvatori (Itali, 127′)
KOBIETA Z… nga Małgorzata Szumowska dhe Michał Englert me Małgorzata Hajewska-Krzysztofik, Joanna Kulig, Bogumila Bajor, Mateusz Wieclawek (Poloni/Suedi, 132’)
HOLLY nga Fien Troch me Cathalina Geeraerts, Felix Heremans, Greet Verstraete, Serdi Faki Alici, Els Deceukelier, Maya Louise Sterkendries, Robby Cleiren, Sara De Bosschere (Belgjikë/Holandë/Luksemburg/Francë, 103’)/KultPlus.com
Është bërë hapja solemne e edicionit të tretë të manifestimit tradicional kulturor – shkencor “Drita e Gonxhes”, ku mori pjesë edhe kryeministri Albin Kurti, i cili ka bërë homazhe edhe te shtatorja e “Nënë Terezës”, në sheshin që mban emrin e shenjtores në Prishtinë.
Kurti tha se 26 gushti i sivjetmë i ka bërë bashkë për të hapur aktivitetet në Kosovë të manifestimit kulturor dhe shkencor “Drita e Gonxhes”.
Ai tha se 26 gushti është data e saj e lindjes, kurse 27 gushti është data e pagëzimit të saj nga Don Zef Ramaj.
Në fjalën e tij, Kurti foli për biografinë e Nënë Terezës, teksa tha: “Anjeze Gonxhe Bojaxhiu ka lindur sikur sot, plot 113 vite më parë, më 1910 në Shkup, atë botë kryeqendra e Vilajetit të Kosovës. Ishte vajza e Nikollë Bojaxhiut, i lindur në Prizren në një familje të ardhur nga Fani i Mirditës dhe i nënës Drane Barnaj nga Novosella e Gjakovës. Vajzë shqiptare e një patrioti, e cila lindi në periudhën osmane dhe që ishte fëmijë kur vendi i saj u pushtua nga fqinjët, gjatë Luftës së Parë Ballkanike dhe Luftës së Parë Botërore. Pas vdekjes së babës Kolë kur ajo ishte pothuajse 9 vjeçare, Anjeze Bojaxhiun e rriti nana Drane, sikur edhe vëllaun dhe motrën e saj, Lazërin dhe Agen”.
Kurti tha se figura e Nënë Terezës si Tereza e Kalkutës dhe si Shën Tereza, vazhdon të frymëzojë miliona njerëz në mbarë botën, “teksa fjalët e saj tashmë janë kthyer në postulate të sjelljes së shpirtrave njerëzorë mes tyre”.
Duke uruar që aktivitetet e këtij manifestimi të shkojnë mirë dhe mbarë, si në Prishtinë ashtu edhe në Shkup e në Tiranë, kryeministri u shpreh me shpresë që “Drita e Gonxhes” të përhapë dritë nga shembulli që Gonxhe Bojaxhiu, Nënë Tereza dha me jetën e saj për njerëzoren e secilit ndër ne./KultPlus.com
Agjencia e njohur ndërkombëtare e lajmeve, “Reuters”, i ka kushtuar një artikull të veçantë zhvillimit të Tiranës dhe transformimit të Piramidës.
Në artikull evidentohet nisma e bashkisë se Tiranës për ta kthyer atë që dikur ishte muzeu i diktatorit Hoxha në qendrën më të madhe teknologjike në Ballkan, ku fëmijët do të mund të mësojnë kodim.
Shkrimi i plotë
Një muze i ndërtuar në Shqipëri në vitet 1980 për të nderuar diktatorin shumëvjeçar komunist Enver Hoxha, i njohur ndryshe si Piramida, po shndërrohet në një qendër trajnimesh kompjuterike për të rinjtë, duke hequr gjurmën e fundit të së kaluarës së izoluar dhe represive të vendit.
Ndërtesa dikur shfaqte pasuritë personale dhe fotografitë e mëdha të Hoxhës, i cili e shkëputi Shqipërinë nga bota e jashtme nën sundimin e ashpër stalinist për 40 vjet, duke zgjeruar shkrim-leximin dhe kujdesin shëndetësor, por duke lënë shumicën e shqiptarëve në varfëri të regjimentuar.
Tani ish-muzeu, i ridizajnuar nga arkitekti holandez Winy Maas, po përgatitet të presë qindra të rinj shqiptarë të etur për trajnime në teknologjinë kompjuterike dhe kodimin, pjesë e përpjekjes së qeverisë për lidhje më të ngushta me Bashkimin Evropian.
Arkitektët, të cilët përfshinin vajzën e Hoxhës, Pranvera, e projektuan ndërtesën në formën e një piramide që lavdëronte liderin si një faraon të stilit egjiptian.
Muzeu u përfundua në vitin 1988, tre vjet pas vdekjes së Hoxhës dhe dy vjet para rënies së sundimit të izoluar komunist, duke i lënë vendin demokracisë.
Leon Cika, një nga kuratorët origjinalë të muzeut, tha se në kohën kur ai përfundoi, ndërsa regjimet e dominuara nga sovjetikët në të gjithë Evropën Lindore po fillonin të shkatërroheshin, ai ndjeu se do të ishte “lopata e fundit për një monument të komunizmit” në Shqipëri.
Në të vërtetë, pas rrëzimit anarkik të komunizmit në kombin jugor të Ballkanit, krahët si piramidë të ndërtesës, të ruajtura gjatë rinovimit, u përdorën nga fëmijët si rrëshqitje në mungesë të këndeve të lojërave.
Pamja e jashtme e rinovuar rrethore përbëhet nga shkallët që vizitorët vendas dhe të huaj i ngjitin për të fituar një pamje panoramike të kryeqytetit Tiranë, i cili është shndërruar në një qytet modern dhe plot gjallëri.
Brendësia kubistike përmban atë që duken si grupe kontejnerësh të grumbulluar, të cilat do të shërbejnë si klasa, duke u ngritur disa kate në kupolën origjinale të qelqit.
Shqiptarët ishin të ndarë për vite me radhë se si ta përshtatnin ndërtesën në përputhje me demokracinë e tyre në zhvillim, me disa të hidhëruar për trashëgiminë represive të Hoxhës që kërkonin që ajo të rrafshohej dhe të tjerë donin ta ruanin atë si një ikonë arkitekturore.
Në vitet pasuese, aty u ngrit një klub nate, një stacion televiziv dhe madje u vendosën edhe zyrtarë të NATO-s gjatë ndërhyrjes së aleancës për të ndalur luftën në Kosovën fqinje në vitin 1999.
“Ishte një monument arkitektonik si asnjë tjetër”, tha Ilda Qazimllari, drejtoreshë e investimeve në zyrën e kryebashkiakut të Tiranës
Nga ana tjetër, shton ajo, ideja fillestare ishte që të kishim një mauzole për të kujtuar Hoxhën dhe kjo është arsyeja pse njerëzit donin të fshinin simbolin e vetëm të mbetur nga koha komuniste./KultPlus.com
Një incident tronditës, i cili mund të përsëritet shumë herë në të ardhmen, është regjistruar nga shkencëtarët në Antarktidë.
Deri në 10,000 zogj pinguinë perandorë ngordhën kur akulli ku ata jetonin u shkri. Pinguinët ishin të vegjël dhe ende nuk i kishin zhvilluar pendët e tyre të papërshkueshme nga uji për të notuar në oqean, kështu që ata u mbytën ose u ngrinë deri në vdekje.
Ngjarja, siç raportohet nga BBC, ka ndodhur në fund të vitit 2022 në perëndim të Antarktidës, në një zonë pranë detit Bellingshausen dhe është regjistruar nga satelitët.
Një kombinim i erërave dhe ujit të ngrohtë reduktoi mbulimin e akullit të detit.
Shkencëtari britanik thotë se zhdukja ishte një pararojë e gjërave që do të vinin. Më shumë se 90% e kolonive të pinguinëve perandorë parashikohet të jenë gati të zhdukura deri në fund të shekullit, sepse akulli sezonal i detit po tkurret për shkak të ngrohjes globale. Nëse akulli nuk është i gjerë ose i trashë, zogjtë janë në telashe.
Zogjtë e rritur dalin në akullin e detit rreth marsit, ndërsa dimri afrohet në hemisferën jugore. Ata çiftëzohen, vendosin vezët e tyre dhe ushqejnë të vegjlit derisa të vijë koha për të shkuar në oqean, rreth dhjetorit deri në janar. Kjo do të thotë që për tetë deri në nëntë muaj duhet të ketë akull deti.
Megjithatë, studiuesit panë që akulli shpërtheu nëntorin e kaluar, përpara se zogjtë të dilnin në det ose të kishin zhvilluar pendët.
Shkencëtarët monitoruan pesë koloni në detin Bellingshausen me satelitët Sentinel-2 të BE-së, të njëjtët që monitorojnë zonat e djegura. Shkencëtarët mund të vëzhgojnë aktivitetin e pinguinëve nga jashtëqitjet e tyre në akull, pasi njolla kafe është e dukshme nga Hapësira.
Tkurrja e akullit
Akulli i Antarktikës ka qenë në tkurrje të madhe që nga viti 2016, dhe shtrirja totale e ujit të ngrirë rreth kontinentit ka rënë në nivele të reja rekord.
Dy nivelet më të ulëta ishin në 2021-22 dhe 2022-23, kur deti nuk kishte pothuajse asnjë akull.
Por edhe në anën tjetër të planetit, në Arktik, akulli i detit ka qenë në rënie të vazhdueshme për dekada.
Pinguinët perandorë janë aktualisht të listuar si një specie “gati e kërcënuar”, megjithëse është paraqitur një propozim për t’i cilësuar ata si specie “të cenueshme”, për shkak të rrezikut që sjell ngrohja e klimës për mënyrën e tyre të jetesës./alsatm/KultPlus.com
Meta, kompania mëmë e Facebook dhe Instagram është shprehur se për përdoruesit në Europë postimet Story dhe Reels do të shfaqen në rend kronologjik ndërsa rezultatet e kërkimeve nuk do të personalizohen.
Ky ndryshim vjen vetëm pak ditë përpara se Akti i Shërbimeve Dixhitale të Bashkimit Europian të fillojë të veprojë mbi faqet e mëdha të internetit, përfshirë Facebook dhe Instagram që konsiderohen “platforma të mëdha online”.
Meta ka thënë se 1000 njerëz janë duke kërkuar një zgjidhje që do të lejojë kompaninë të jetë brenda kornizave të legjislacionit të ri. Një prej kërkesave është që platformat e rrjeteve sociale të krijojnë sisteme që nuk bazohen te profilizimi.
“Po i japim komunitetit europian mundësinë që të shohë dhe zbulojë përmbajtje në Reels, Story, Search dhe hapësira të tjera në Facebook e Instagram të cilat nuk përzgjidhen nga Meta duke përdorur këto sisteme”, u shpreh kompania.
Meta specifikon se përdoruesit mund të shohin në rend kronologjik, nga më e reja te më e vjetra, përmbajtjen e postuar vetëm nga njerëzit që ndjekin. Rezultatet e kërkimeve do të bazohen vetëm në kërkesat e përdoruesit, jo në atë që algoritmi mendon se i nevojitet.
Threads, platforma e re e Meta, nuk funksionon në Bashkimin Europian për shkak të rregullave strikte të privatësisë në bllokun e 27 shteteve anëtare./alsatm/KultPlus.com
1. Dashuria fillon në shtëpi, dhe nuk është se sa bëjmë ne … është sa dashuri vendosim në çdo veprim
2. Gëzimi i thellë i zemrës është si një magnet që tregon rrugën e jetës
3. Vuajtjet tona janë përkëdheljet e mira të Zotit, duke na thirrur që t’i drejtohemi Atij dhe të na bëjnë të pranojmë që nuk jemi ne që kontrollojmë jetën tonë, por është Zoti që kontrollon dhe ne mund t’i besojmë plotësisht
4. Unë nuk kërkoj ar për sukses, kërkoj lumturi
5. Falja është një vendim, jo një ndjenjë, sepse kur falim nuk e ndiejmë më ofendimin, nuk ndiejmë më inat. Fal, duke falur do ta kesh shpirtin tënd në paqe dhe ai që të ofendoi do ta ketë atë
6. Nëse i gjykoni njerëzit, nuk keni kohë t’i doni
7. Ne e dimë shumë mirë se ajo që po bëjmë është veç një pikë në oqean. Por nëse ajo pikë nuk do të ishte atje, oqeanit do t’i mungonte diçka
8. Ju kurrë nuk do të jeni aq të zënë sa të mos mendoni për të tjerët
9. Dashuria, për të qenë autentike, duhet të na kushtojë
10. Jetoni thjesht që të tjerët të jetojnë thjesht
11. Nuk mund të ndaloj së punuari. Unë do të kem gjithë përjetësinë për të pushuar
12. Ka gjëra që do të dëshironit të dëgjonit dhe nuk do t’i dëgjoni kurrë nga personi që dëshironi t’idëgjoni prej tyre. Por mos u bëj aq i shurdhër sa të mos i dëgjosh nga ai që i thotë nga zemra e tij
13. Ne nuk duhet të lejojmë që dikush të largohet nga prania jonë pa u ndjerë më mirë dhe më të lumtur
14. Revolucioni i dashurisë fillon me një buzëqeshje. Buzëqeshni pesë herë në ditë dikujt me të cilin vërtet nuk doni të buzëqeshni. Ju duhet ta bëni atë për paqe
15. Për të bërë një llambë është gjithmonë e ndezur, ne nuk duhet të ndalemi së vendosuri vaj mbi të
16. Mos i jepni vetëm të tepërtat, jepni zemrën tuaj
17. Paqja fillon me një buzëqeshje
18. Çdo punë e dashurisë, e kryer me gjithë zemër, gjithmonë do t’i sjellë njerëzit më pranë Zotit
19. Gëzimi është forcë
20. Në dashuri është vendi ku gjendet paqja
21. Jepni derisa të dhemb dhe kur ju dhemb jepni edhe më shumë
22. Nuk mund ta ndryshoj botën vetëm, por mund të hedh një gur nëpër ujë për të krijuar shumë valëzime
23. Dhënia e dashurisë për dikë nuk është kurrë një garanci se ai do të të dojë edhe ty; Por mos prisni që ata t’ju duan, thjesht shpresoni që dashuria të rritet në zemrën e tjetrit. Dhe nëse nuk rritet, jini të lumtur sepse u rrit në tuajat
24. Gëzimi është një rrjet dashurie në të cilin mund të kapen shpirtrat
25. Uria për dashuri është shumë më e vështirë të eleminohet sesa uria për bukë
26. Nëse nuk mund të ushqeni njëqind njerëz, ushqeni vetëm një
27. Fryti i heshtjes është lutja. Fryti i lutjes është besimi. Fryti i besimit është dashuria. Fryti i dashurisë është shërbimi. Fryti i shërbimit është paqja
28. Nëse nuk kemi paqe në botë, është për shkak se kemi harruar që i përkasim njëri-tjetrit, se ai burrë, ajo grua, ajo krijesë është vëllai ose motra ime.
29. Ajo që kërkon vite për t’u ndërtuar mund të shkatërrohet brenda natës; le të ndërtojmë gjithsesi.
30. Shumë herë mjafton një fjalë, një vështrim, një gjest për të mbushur zemrën e atij që duam
31. Paratë mund të blejnë vetëm gjëra materiale, të tilla si ushqim, veshje dhe strehim. Por duhet diçka më shumë. Ka të këqija që nuk shërohen me para, por vetëm me dashuri
32. Ka shumë njerëz të gatshëm të bëjnë gjëra të mëdha, por ka shumë pak njerëz të gatshëm të bëjnë gjëra të vogla.
33. Dashuri derisa të dhemb. Nëse dhemb është një shenjë e mirë
34. Nëse jeni i përulur, asgjë nuk mund t’ju dëmtojë, as lavdërimi, as turpi, sepse ju e dini se çfarë jeni
35. Unë mund të bëj gjëra që ju nuk mund t’i bëni, ju mund të bëni gjëra që unë nuk mund t’i bëj; së bashku mund të bëjmë gjëra të mëdha
36. Mungesa e dashurisë është varfëria më e madhe
37. Ekzaminimi ynë i ndërgjegjes është pasqyra në të cilën ne shohim arritjet dhe vështirësitë tona. Kjo është arsyeja pse ne duhet ta përballojmë atë me sinqeritet dhe dashuri
38. Shkenca më e madhe në botë, në qiell dhe në tokë; eshte dashuri
39. Dashuria është virtyti më i mirë i një personi
40. Jini besnikë ndaj gjërave të vogla, pasi në to qëndron forca
41. Ekziston një gjë shumë e bukur: ndarja e gëzimit të dashurisë
42. Puna pa dashuri është skllavëri
43. Dashuria nuk mund të mbetet në vetvete. Nuk ka kuptim. Dashuria duhet të marrë masa. Ky aktivitet do të na çojë në shërbim
44. Le të takohemi gjithnjë me buzëqeshje, buzëqeshja është fillimi i dashurisë
45. Ne nuk kemi nevojë për armë dhe bomba për të sjellë paqe, ne kemi nevojë për dashuri dhe dhembshuri
46. Ajo që ka rëndësi është sasia e dashurisë që ne i kushtojmë punës që bëjmë
47. Që dashuria të jetë e vërtetë, duhet të na kushtojë. Duhet të na dëmtojë. Duhet të na zbrazë nga vetja
48. Dashuria është një frut që piqet në të gjitha stinët dhe është brenda mundësive të të gjitha duarve.
49. Disa njerëz vijnë në jetën tonë si bekime. Disa vijnë në jetën tonë si mësime
50. Pemët, lulet, bimët rriten në heshtje. Yjet, dielli, hëna lëvizin në heshtje. Heshtja na jep një perspektivë të re
51. Disiplina është ura midis qëllimeve dhe arritjeve
52. Fjalët e mira mund të jenë të shkurtra dhe të lehta për tu thënë, por jehonat e tyre janë vërtet të pafundme.
53. Unë jam vetëm një laps i vogël në dorën e shkrimeve të Zotit
54. Përhap dashurinë kudo që të shkosh
55. Ne mësojmë përmes përulësisë, të pranojmë poshtërimet me gëzim
56. Ne nuk mund të bëjmë gjithnjë gjëra të mëdha, por gjithmonë mund të japim diçka nga vetja
57. Ndonjëherë mendojmë se ajo që bëjmë nuk ia vlen. Por gjithmonë është dikush që do ta vlerësojë atë.
58. Si mund të ketë shumë fëmijë? Kjo është si të thuash se ka shumë lule
59. Dashuria është një fryt sezonal në të gjitha kohërat dhe brenda mundësive të të gjitha duarve
60. Ne kurrë nuk do të dimë të gjitha të mirat që mund të bëjë një buzëqeshje e thjeshtë/Warbletoncouncil/KultPlus.com
Ai e kalon shpirtin si një thikë dhe unë i sondoj peisazhet herë i zymtë, herë i vrerosur ku korbecë të zinj katran krrokin kaq me zë të lartë sa të gërvishtin muret e zemrës. Kalon nëpër kopshte të këndshme zbukuruar me margarita të bardha dhe ngrohur nga një diell i vakët pranverë. Por kur linfa e saj Arrin kulmin shpërthen gjethja njolloset. Tampon i vetëm për të tillë plagë…/ KultPlus.com
Muharrem Qena njihet si një nga artistët më të njohur shqiptar. I lindur në Mitrovicë në vitin 1930. Ai përndryshe njihet edhe si njëri ndër themeluesit e skenës teatrore në Kosovë, shkruan KultPlus.
Qena gjatë karrierës së tij shkroi këngë, kompozoi, aktroi dhe ishte regjisor i shquar i më se 200 shfaqjeve teatrale.
“A thua”, “Mallëngjimi”, “Oj hanë”, “Kaçurrelja”, “Lamtumirë” etj janë disa prej këngëve më të njohura të tij.
“Pa ty”, që është njëra nga më të famshmet e Qenës, të cilënKultPlus e sjell për audiencën e saj/ KultPlus.com
Festivali i Teatrove do të nisë nesër në qytetin e Ferizajt, në edicionin e tij të 53-të. Me këtë rast, do pasurohet edhe 151 vjetori i themelimit të këtij qyteti.
Festivali ndryshe cilësohet edhe si një e treta e historisë së qytetit, raporton Klan Kosova.
Ndonëse në kushte jo aq të mira të organizimit për shkak të mos financimit nga ana e Ministrisë së Kulturës edhe në edicionin e 53-të me radhë, organizatorët e këtij festivali ia kanë dalë mirë në bashkëpunim me Komunën dhe njerëzit e kësaj fushe.
Shfaqjet që do të marrin pjesë në këtë ngjarje kulturore janë kryesisht të teatrove shqiptare.
Ndërsa e para që do t’i prijë nëntë shfaqjeve tjera në teatrin nikoqir të festivalit “Adriana”, është shfaqja “Gënjeshtari”, me autor Carlo Goldon e regji të Ilir Bokshit, që e trajton hipokrizinë, mashtrimin, sinqeritetin dhe shumëçka tjetër.
Juria e përbërë nga: Mentor Zymberaj, Getorabë Mulliqi-Bojaj dhe Ilirjan Himaj, do të vlerësojnë shfaqjet në fjalë në kategoritë e caktuara, me çmimet tradicionale.
Festivali do të zgjasë nëntë ditë me radhë, nga 27 gushti deri me 4 shtator. /Klankosova.tv/KultPlus.com
