Autor: KultPlus

Regjisori Ismet Sijarina në rrjetin social Facebook ka treguar zhgënjimin e tij me audiencën kosovare.

Ai është regjisor i filmit “Nëntor i Ftohtë”. Ky film që ka dy javë që po shfaqet në kinemanë “Cineplex”, e nuk e ka arritur shikueshmërinë e duhur, ani pse kinematë botërore u mbushën plotë për të shikuar filmin “Nëntor i Ftoftë”.

Ai ka shprehur pakënaqësi me mos përkrahjen e filmit të tij dhe shikueshmërinë e ulët, ani pse sipas tij, kinematë botërore u mbushën për ta parë atë.

‘Nentor i ftohte ka hyre ne javen e dyte prej kur ka filluar te ndahet me audiencen lokale, ne Cineplex.
I falenderoj krejt ata, qe ju rezistuan Blockbuster-ve, te reklamuar maksimalisht nga te gjitha mediat dhe e shikuan filmin “Nentor i ftohte”, i cili pati nje rrugetim shume te suksesshem nderkombetar.
Filmi jone, perveq mbeshtetjes se kolegeve permes rrjeteve sociale, fatkeqsisht nuk gjeti mbeshtetjen e duhur nga askush.
Ne gjysmen e dynjase i mbushem mega-kinemate, po kur te zbritsh ne Kosove, t’a kallxojn vendin.
Tybe edhe s’keni faj, u çum na e kishe po bojm filma!
E keni edhe njo 2-3 dite, MOS GABONI ME SHKU ME PA!!!
Nderkohe, filmi tanime i ka te konfirmuara dhjetra festivale tjera te medha ane e kend botes, rrjedhimisht edhe pse te injoruar nga brenda, do te vazhdojme te jemi te respektuar e te duartrokitur gjithandej neper bote.

Diten e mire!’

Edhe artistë të ndryshëm kanë bërë thirrje për ta parë filmin i cili ende po shfaqet në Cineplexx. / KultPlus.com

Besnik Krapi, aktor dhe producent filmi është emëruar të premten, me 23 nëntor, Drejtor i Prishtina Film Forum – plaformës regjionale të industrisë së filmit në kuadër të PriFest – Prishtina International Film Festival.

Ky vendim erdhi nga menaxhmenti i PriFest pasi Fatos Berisha, Kryesuesi i deritashëm i PriFORUM vendosi që të tërhiqet nga kjo pozitë për të vazhduar angazhimin e tij në zhvillimin e pjesës artistike të festivalit duke mbetur Drejtor Artistik i tij. Berisha e lë këtë pozitë pas një udhëheqje 10 vjecare që me sukses arriti t’a ngris PriFORUM në një platformë të rëndësishme për industrinë e filmit në Kosovë dhe rajon që ofron shumë përkrahje dhe është shndërruar në një vendtakim të rëndësishëm për filmbërësit Kosovar me përfaqësues të industrisë së filmit nga rajoni dhe Europa.

Vjosa Berisha, Drejtor Gjeneral i PriFest tha: “- Gëzohem që Besniku iu bashkua ekipit të PriFest duke marrë një përgjegjësi që të udhëheq një seksion të rëndësishëm të PriFest. Besniku ka qenë përkrahës i madh dhe mik i PriFest që nga fillimi. Duke qenë se kam punuar në projekte të tjera me te më parë, e njoh profesionalizmin e tij, vizionin dhe ambicjen. Kjo më bën konfidente që PriFORUM do të jetë në duart e një personi kompetent që do të vazhdojë të ndërtojë një rrugë të suksesshme për PriFORUM ashtu siç ka qenë nën menaxhimin e Fatosit deri tani. I gëzohem punës që do t’a bëjmë së bashku në PriFest si ekip duke ndarë idetë për ndërtimin e mëtutjeshëm të kësaj platforme industriale dhe duke realizuar një festival të suksesshëm që luan rol të rëndësishëm për shtetin tonë të ri dhe industrinë e filmit.”

Besnik Krapi ndihet i lumtur dhe I gatshëm të marrë detyrën e re: “- Më duhet të them se përveç se jam i nderuar me ftesën për të qenë udhëheqës i PriForum jam jashtëzakonisht i kënaqur dhe në të njejtën kohë ndjej përgjegjësi të madhe për angazhimin tim në këtë pozitë. E them këtë sepse PriFest e në veçanti PriForum ka qenë dhe është një ndër faktorët e rëndësishëm në zhvillimin e industrisë tonë duke ofruar program, ekspertë dhe një derë të cilën Kosova dhe filmbërësit Kosovar e kane mëse të nevojshme për shkak të limiteve në perfaqësimin e prodhimit tonë ndërkombëtarisht. Shpresoj që me punën dhe kapacitetet e mia do të mund të kontriboj mjaftueshëm në rrugën të cilën Vjosa dhe Fatosi e kane filluar dhe arritën t’a ndërtojnë për një dekadë edhe përkundër vështirësive që i kanë pasur vazhdimisht. Shihemi në edicionin e 11të të PriFest i cili që tani duket se do të ketë mjaft risi dhe mundësi për filmbërësit vendor por dhe nga regjioni.”

Fatos Berisha i gëzohet ardhjes së Besnikut në udhëheqje të PriFORUM: “- Jam i lumtur që po ia dorëzoj detyrën e udhëheqjes së Prishtina Film Forum-it një kineasti i cili e njeh mirë industrinë filmike të vendit dhe rajonit, dhe i cili, jam i bindur se me energjinë dhe idetë e reja do të shtyej përpara këtë platformë regjionale filmike.”

E udhëhequr me sukses për 10 vite nga Fatos Berisha, platforma regjionale e zhvillimit të industries së filmit – PriFORUM është zhvilluar në kuadër të PriFest, duke u shndërruar në vendtakimin kryesor për filmbërësit, aktorët dhe profesionistët tjerë të industrisë së filmit nga Kosova dhe rajoni. Duke u pasuruar çdo vit me aktivitete, workshope, masterklasa, trajnime, dhe duke sjellur shumë ekspert ndërkombëtar të industrisë së filmit në Kosovë. PriFORUM ka arritur të bëhet një pjesë e rëndësishme e festivalit PriFest që ofron shumë përkrahje dhe mundësi promovimi ndërkombëtar për industrinë e fimit në Kosovë.

Edicioni i 11të i PriFest do të mbahet në korrik 16-22, 2019.

Biografia e Besnik Krapit

Besnik Krapi është njëri nga producentët më premtues në Kosovë. Në 2010 ai themeloi kompaninë e tij të produksionit të filmit duke prodhuar filma të shkurtër, dokumentarë dhe së fundi ka përfunduar filmin e tij të parë të metrazhit të gjatë “Fusha e mëllenjave” (prodhim i Kosovës me bashkëprodhues Britaninë e Madhe dhe Shqipërinë). Momentalisht është në fazën e zhvillimit të filmit të dytë të metrazhit të gjatë “Looking for Venera” nga Norika Sefa. Besniku ka punuar ne shumë bashkëprodhime në rajon dhe jashtë, përfshirë këtu filmin “Shok” të nominuar për Oskar nga Jamie Donoughue. Si producent i ri ka arritur të punojë me shumë regjisor të njohur përfshirë këtu Isa Qosja (Skype), Jamie Donoughue (Shok), Blerta Zeqiri (Martesa), Fatos Berisha (Cirku Fluturues), Florenc Papas (Open Door), Antoneta Kastrati (Zana), Edon Rizvanolli (Unwanted).

Dokumentari “Prizreni, Qyteti i Burimeve dhe Bukurisë” prodhuar nga Zastava Film në vitin 1972 me regji nga Zvonimir Saksida dhe i restauruar nga Instituti Nacional Audio-Vizuel i Frances – INA ende shfaqet në ekspozitën “Përnjëherë e mjegullt dhe e pashmangshme: Modernitetet 1945-1989” te Lumbardhi e cila do të jetë e hapur deri të dielën më 25 nëntor nga ora 10:00 deri në ora 18:00.

Saksida ishte regjisor dhe skenarist i njohur, i lindur në Slloveni ndërsa vdiq në Beograd në vitin 1998. Mes punëve tjera të tij janë edhe ‘Transport Equipments’, ‘Diverzanti’, ‘Diverzije na void in pod vodo’, ‘Krivajino gradbenistvo’.

Ekspozita ‘Përnjëherë e Mjegullt dhe e Pashmangshme: Modernitetet 1945—1989’ ka një qasje ndërdisiplinare: duke realizuar intervista të historisë gojore; mbledhur dhe arkivuar burime vizuele dhe eksploruar strategji të ekspozimit të historisë shoqërore, kulturore dhe ekonomike të Prizrenit. Duke lokalizuar proceset e modernizimit dhe hapur trashëgiminë socialiste për lexime nga perspektiva të shumta, ekspozita eksploron kulturën dhe punën nga këndvështrimi i punëtorëve, duke i ruajtur kompleksitetet historike dhe shamngur reprezentime të thjeshtësuara të së kaluarës socialiste.

Ekspozita bazohet në hulumtimin e realizuar përgjatë Prizren Urban Memoryscapes, projekt tetë-mujor i formësuar si platformë edukative që pajisi dhjetë pjesëmarrës me metoda të hulumtimit të trashëgimisë kulturore dhe ekonomike. / KultPlus.com

Filmi “Mali i harrum” me skenar dhe regji nga Ardit Sadiku vjen këto ditë nëntori premierë për publikun. Mbrëmjen e datës 29 nëntor premiera e filmit do të jetë në Cineplexx dhe në kinema Millennium në Shkodër. Në filmin e regjisorit Ardit Sadiku, tregohet se pasiguria ekonomike dhe humbja e pronës krijojnë jo pak probleme. Filmi ka në role aktorë nga Shqipëria dhe Kosova, pasi që është koproduksion mes Kosovës dhe Shqipërisë. Koproducent nga Kosova është Latif Hasolli njëherësh edhe Drejtor Fotografie i filmit.

Regjisori tregon se është një projekt kinematografik, që ka punuar jo pak dhe tashmë është në prag të premierës së filmit të tij më të fundit që vjen me titullin “Mali i harrum”.Në një reagim të tij para premierës së filmit regjisori Ardit Sadiku shprehet se vetë nga titulli, audienca do kujtohet për malin dhe do gjejë veten ose një të afërm, duke kaluar të njëjtat eksperienca.

“Humbja e pronës, ikja e brezit të vjetër dhe ardhja e brezit të ri janë një nga pikat kryesore të filmit. Dua që publiku të marri substancë dhe të ndihet i vlerësuar. Nuk kam bërë film që ta shikojë elita franceze, por kushdo”, shprehet mes të tjerave regjisori Ardit Sadiku. Por realizimi i filmit sigurisht që ka pasur vështirësitë e tij dhe kjo për regjisorin ka sjell një punë të madhe deri në përfundim të projektit. “Kam pasur vështirësi në pas prodhim sidomos me audio, ku duhej të krijonim dhe të regjistronim ambiente natyre, dhe efekte nga më të ndryshmet, kemi punuar goxha shumë, por ja kemi dalë me sukses kjo dhe fale punës së mjeshtrit të sound, Engert Keçi”, vijon regjisori Ardit Sadiku. Mbrëmjen e 29 nëntorit filmit vjen premierë në kinema dhe regjisori Sadiku tregon se për të shkruar skenarin gjithçka nisi kur takoi një të moshuar. “Ai nuk po gjete rehati pasi kishte mbetur pa shtëpi si rezultat i humbjes së pronës. Për shkrimin e skenarit më bënë përshtypje problemet e njerëzve, si pamundësia për të marrë vendime, pasiguria ekonomike, që i shkakton ankth dhe keqmenaxhimi i marrëdhënieve. Kjo temë lidhet me humbjen e pronës dhe u intrigova për ta realizua për një audiencë filmi”, tregon regjisori.

Aktorët në role

Filmi “Mali i harrum” sjell në role Xhevat Qorraj, Fatlume Bunjaku, Kastriot Shehi, Merita Gjyriqi, Agron Disdari, Igballe Qena, Agron Shala, etj. Në qendër të filmit “Mali i harrum” bëhet fjalë për një të moshuar në pension, që e gjen vendin jashtë shtëpisë nga djali tij i papunë. Pasi e humb pronën mbështetet te vajza edhe te dhëndri. Ata udhëtojnë në Alpe, ku dhëndri ka shtëpinë, por në një përpjekje për të gjetur edhe paqen shpirtërore. Regjisori Ardit Sadiku është kujdesur dhe për detaje të tjera të filmit të tij. “Filmi i vendos ngjarjet në ambient, me arkitekture tradicionale shqiptare për t’iu përshtatur asaj, që kisha menduar në film” tregon regjisori, që ka në role aktorë nga Kosova dhe Shqipëria. Regjisori shprehet se aktorët janë përzgjedhur me qëllim të jetësimit të skenarit sa më mirë, pasi është shkruar në dialektin geg. “Aktorët janë nga Veriu i Shqipërisë dhe Kosova për shkak dhe të skenarit në dialektin geg, pra personazhet ti përshtaten skenarit dhe ambientit”, pohon regjisori Sadiku. Vështirësitë nuk janë të pakta me filmat edhe pse sipas tij është një punë, që i fal kënaqësi. “Puna me filmat aq sa është e bukur është edhe e vështirë, por unë e shoh si detyrë më shumë se sa punë”, vijon regjisori Ardit Sadiku. Një vit më parë në Tiranë regjisori Ardit Sadiku solli premierën “Jetë Mes Ujërave”, që pati në role aktorë të njohur, por dhe emra të rinj.

Nga Julia Vrapi / KultPlus.com