Edhe sivjet në Rahovec po mbahet festivali i rrushit “Hardh Fest”. Qindra e mijëra qytetarë ia kanë mësyrë këtij festivali për të shijuar verën e rakinë, por edhe për t`u argëtuar me programin që ka ky festival i rrushit. Radiotelevizioni i Kosovës sivjet është sponsor medial, dhe që përgjatë gjithë programit të saj do t`ju mbajë të informuar për zhvillimet atje.

Festivali i rrushit, Hardh Fest, këtë vit feston 10-vjetorin e themelimit që mbahet në Rahovec. Ky festival përveç pjekjes së rrushit, ngërthen në vete edhe aktivitete të tjera kulturore, e të cilat bëjnë bashkë me qindra e mijëra dashamirë të verës e rakisë, dhe kulturave të tjera.

Kryetari i komunës së Rahovecit, Smalj Latifi tha se ka shumë ma shumë prezencë të vreshtarëve dhe vertarëve e po ashtu ka edhe prodhime të ekspozuara.

“Sivjet këto prodhime janë shumë kualitative numri i këtyre që ekspozojnë wshtw shumë më i madh sikurse edhe infrastruktura është më e mirë”, tha ai.

Festivali cilësohet se ka një ndikim edhe në zhvillimin ekonomik të vendit, i cili përgjatë këtyre viteve është shndërruar në një platformë kyçe për promovimin e prodhimeve vendore, duke kontribuar në rritjen e sektorit të bujqësisë dhe verarisë në Kosovë

“Neve na gëzon fakti këtë vit ka qenë  një vit shumë i begatë për të gjitha kulturat dhe sektorët dhe nënsektorët në këtë rast edhe mbi bazën e diskutimit parashihet që mes tjerash përveç cilësisë të mirë të rrushit të verës së begatë dhe cilësia e verës do të prodhohet këtë vit do të jetë e një kualiteti më të lartë përshkak të kushteve te favorshme atmosferike por edhe njëkohësisht përkrahjes qe ne i kemi dhënë”, tha Faton Peci, ministër në Ministrin e Bujqësisë, Pylltrisë dhe Zhvillimit Rural.

Vreshtarët theksojnë se me mbështetje të shtuar nga institucionet dhe investime të qëndrueshme në teknologji moderne të kultivimit, si dhe qasje më të mirë në tregje, ata mund të rrisin prodhimin dhe të përmirësojnë cilësinë e verës.

“Sivjet rrushin e kemi të  mirë po sasi nuk kemi shumë se ka pas shumë thatësi po kualitetin e kemi shumë të mirë”, tha Vllazënim Canziba – Vreshtarë.

” Vallahin me mujt me na pru pak ujin nëpër vadë për vreshta sidomos viteve të fundit kemi pas shumë thatësi me pas mujt qëto me na pru ishim dal në Evropë me rrush kishim dal shumë mirë”, shprehet Avdurrahman Ejupi.

Gjatë këtyre tre ditëve festivali do të përfshin aktivitete të ndryshme, ekspozita të prodhimeve lokale duke i ofruar vizitorëve një përvojë të pasur me kulturë dhe me shije unike të verërave, gjithashtu në hapjen zyrtare të festivalit u ndanë dhe mirënjohje për vreshtarët më të mirë./rtk/ KultPlus.com

Ministri i Ekonomisë, Kulturës dhe Inovacionit, Blendi Gonxhja, publikoi sot kalendarin e ri artistik.

Rikthehemi në skenë. Pas një sezoni veror të gjatë, ku shëtitëm qytet më qytet. Një gamë e gjerë shfaqjesh, nga festivalet letrare tek baleti, muzika, ekspozitat dhe shfaqet për fëmijë, që sjellin për të gjithë ju emocione të paharruara”, shkroi ministri Gonxhja në rrjetet sociale.

Ai i ftoi të gjithë artdashësit të bëhen pjesë e këtij kalendari, të cilin e quajti një udhëtim magjik në botën e artit dhe shfaqjeve.

Një pjesë të madhe të këtij kalendari e zënë ngjarjet artistike të Teatrit Kombëtar të Operas, Baletit e Ansamblit Popullor.

Krahas tyre gjejmë aktivitete të Teatrit Eksperimental, Qendrës Kombëtare të Librit e Leximit me Varg Festival, vëniet në skenë të Teatrit Kombëtar e shumë aktivitete të institucioneve të tjera artistike e kulturore./KultPlus.com

Kombëtarja e Rumanisë ka arritur fitore të madhe në Prishtinë.

“Trikolorët” triumfuan 3-0 ndaj Kosovës, në një ndeshje mjaftë të lehtë për ta.

Fillimisht, rumunët nisën epërsinë në minutën e 40-të, kur Dennis Man e mposhti Aro Muric, pasi ai nuk arriti të ndalë goditjen e tij “jo shumë të fortë”.

Pas pauzës prej 15 minutash, me një ndërhyrje të dobët nga Valon Berisha, Rumania shënoi nga penalltia me anë të Marin.

Ky gol edhe i demotivoi lojtarët dardanë, të cilët nuk arritën të kthehen në lojë.

Kështu, Rumania e shfrytëzoi mundësinë dhe arriti të shënojë edhe golin e tretë më anë të Dragus.

Lajmet e këqija s’u ndalën këtu, pasi Mërgim Vojvoda u ndëshkua me të kuq në minutën e 85-të.

Kështu, Rumania e Qipro kryesojnë tabelën në grupin e Kosovës, e cila mbetet e fundit, derisa Lituania zë vendin e tretë.

Kosova do të luajë ndeshjen e dytë të shtatorit ndaj Qipros të martën në Larnaca./Express/KultPlus.com

Homazhe të shumta janë bërë për reperin amerikan Rich Homie Quan, pasi vdekja e tij u konfirmua nga autoritetet të enjten.

Artisti, i cili ishte në fillim të të 30-ave, ndërroi jetë në Atlanta, Georgia, tha Ekzaminuesi Mjekësor i Qarkut Fulton, transmeton Klankosova.tv.

Shkaku i vdekjes së tij nuk dihet, ndërsa autoritetet mjekësore lokale thanë se autopsia është planifikuar për të premten.

Rich Homie Quan, emri ligjor i të cilit ishte Dequantes Devontay Lamar, ishte një nga reperët modernë më të njohur të Atlantës./KultPlus.com

Muzikanti dhe pianisti i Jazz-it Sergio Mendes ka vdekur në moshën 83-vjeçare në Los Anxhelos, njoftoi familja e tij në një deklaratë, sipas TMZ.

Mendes ishte një muzikant brazilian me famë botërore, i cili bashkëpunoi me artistë të mëdhenj të Jazz-it si, Herb Alpert dhe Cannonball Adderley gjatë karrierës së tij gati 60-vjeçare.

Ai fitoi një “Grammy”, dy “Latine Grammys” dhe u nominua për një çmim “Oscar” në 2012 me këngën “Real in Rio” – kolona zanore në filmin e animuar “Rio”.

Grupi i tij me famë botërore “Brasil ’66” ndihmoi në popullarizimin e Bossa Nova, një stil Jazz i sambas.

Albumi i vitit 1966 “Herb Alpert Presents Sergio Mendes & Brasil ’66” regjistroi 1 milion shitje –  dhe kënga e tij në krye të listës “Mas Que Nada” u ripërpunia më vonë me grupin amerikan “Black Eyed Peas”, në 2006.

Mendes ishte subjekt i filmit dokumentar të vitit 2020 “Sergio Mendes: In the Key of Joy”. Ai filloi karrierën e tij si pianist klasik përpara se të kalonte në Jazz dhe Bossa Nova.

Ai publikoi albumin e tij debutues “Dance Moderno” në vitin 1961, dhe bashkëpunoi me muzikantët e Jazz-it Cannonball Adderley dhe Herbie Mann.

Interpretimi i tij në vitin 1967 i këngës së Burt Bacharach “The Look of Love” u bë më popullor se regjistrimi i Dusty Springfield, i cili u shfaq në filmin “Casino Royale” të James Bond të vitit 1967.

Mendes ishte i martuar me Gracinha Leporace, një këngëtare braziliane, me të cilën kishte pesë fëmijë./KultPlus.com