Etiketë: Dj Regard

Diplo në harmoni të përsosur me turmën, mbylli magjishëm natën finale të “Sunny Hill”

Posted on by Kult Plus

Uranik Emini

Të performosh përpara një numri të madh njerëzish është gjithnjë e vështirë, sidomos kur ju jeni njeriu kryesor dhe gjithë sytë e publikut janë te ju. Gjatë gjithë kohës duhet të keni prezicitet në matjen e nivelit të energjisë në pistën e kërcimit në mënyrë që të krijoni tranzicionin e duhur. Përkufizimi më i thjeshtë i një “DJ” është se ai luan muzikë. Megjithatë, gjërat janë më komplekse kur je përballë një turme dhe duhet të kontrollosh të gjithë njerëzit. DJ-të duhet të kujdesen deri në pikën e fundit që të përziejnë këngët dhe kështu të krijojnë edhe tranzicione muzikore për të rritur energjinë e audiencës. DJ duhet të ketë aftësinë për të bërë që muzika të rrjedhë natyrshëm dhe pa probleme në veshët e dëgjuesve, shkruan KultPlus.

Me të dalur në skenë, Diplo nuk humbi kohë duke e ngritur volumin, duke filluar një shfaqje të lehtë të tijën dhe duke i ngritur të gjithë në këmbë duke kërcyer. Interaktiviteti me audiencën ishte mjaft i ulët në fillim, por ishte e qartë se njerëzit erdhën për të kërcyer dhe dëgjuar muzikë – dhe Diplo po u jepte atyre atë që dëshironin.

Në mesin e shumë linjave që ai po thoshte gjatë mbrëmjes, Diplo u sigurua që të shfaqte dashurinë për Kosovën, duke bërtitur disa herë “të dua Kosovë”, gjë që ndikoi absolutisht në entuziazmin e publikut. Dukej sikur audienca kishte pritur kaq gjatë për t’u futur në frymën e vallëzimit dhe muzikës së mirë të Sunny Hill Festival- dhe Diplo sigurisht ia doli.

Diplo bëri të gjithë të pranishmit në natën përmbyllëse të Festivalit Sunny Hill të lulëzojnë me energjinë elektrizuese që solli në skenë, si një profesionist i vërtetë.

Ky ishte rikthimi i Sunny Hill pas tre vitesh për shkak të mbylljeve nga COVID-19, i cili ndryshoi tërësisht proceset e jetës, për një kohë relativisht të gjatë. Në këto katër ditë, sa zgjati festivali, të rinjtë e Kosovës përjetuan diçka shumë më ndryshe nga ajo që ishin mësuar.

Gjithashtu, për gjatë gjithë këtyre ditëve, Sunny Hill Festival, në krye me Dua Lipën, u munduan që gjithnjë të shtyjnë përpara kauzën e liberalizimit të vizave për Kosovën, pasi ata e shohin si një diskriminim i madh që po ju bëhet shqiptarëve. “Set Me Free” ishte një ndër thirrjet më të përsëritura në festival.

Ndërkaq, së bashku me kryesorin e natës, aty performuan edhe: Adrian, Rrrron, Bookie, Caboo, Vertigeux, Art Haliti, Jimpong, Labi Ramaj, Romeo Blanco, Burak Yeter dhe Regard. /KultPlus.com

Miqtë i thanë se nuk do të performojë asnjëherë në “Tomorrowland”, DJ Regard me këmbëngulje realizon ëndrrën e tij

Posted on by Kult Plus

Një nga DJ më të njohur edhe në nivel ndërkombëtar, DJ Regard, i cili është nga Kosova, ka shënuar së fundmi një nga arritjet më të mëdha në jetën e tij, shkruan KultPlus.

Dardan Aliu, i njohur me emrin e skenës “DJ Regard”, së fundmi ka arritur që të ketë paraqitje edhe në festivalin “Tomorrowland”.

Përmes një postimi në “Facebook”, Regard njofton se kjo është një ëndërr e fëmijërisë, që e ka realizuar tani.

Postimi i plotë:

“Wowww!!! @tomorrowland faleminderit!!! Sot shënohet një moment shumë i veçantë për mua në planin personal dhe profesional. Arsyeja ishte se 10 vjet më parë isha në një internet kafe duke parë Tomorrowland online, isha me disa miq dhe u thashë që “një ditë do të performoj atje”. Ata thanë se nuk do të ndodhë. Të performoj në Tomorrowland ka qenë gjithmonë ëndrra ime. Dhe sot ëndrra ime u bë realitet. Mesazhi është të ndiqni ëndrrat tuaja njerëz, sepse me këmbëngulje dhe përkushtim në punë ato mund të realizohen. Faleminderit të gjithë stafit që organizoi një festival kaq të mrekullueshëm dhe sigurisht ekipit tim të gjithë fansave që erdhën! Dashuri ❤️”, shkruhet në postimin e tij.

Regard do të jetë edhe pjesë e dy festivaleve të tjera në Kosovë muajin e ardhshëm. /KultPlus.com

DJ shqiptar, Regard do të performojë në festivalin “SunnyHill”

Posted on by Kult Plus

Disa prej yjeve botërore janë konfirmuar si pjesëmarrës në festivalin e muzikës “SunnyHill”, që do të mbahet në Prishtinë, shkruan KultPlus.

Skepta, AJ Tracey, Diplo dhe Elvana Gjata, Burak Yeter dhe Mahmood janë konfirmuar deri më tani si artistët pjesëmarrës në këtë festival, i cili do të mbahet më 4, 5, 6 dhe 7 gusht.

I njohur për stilin e tij unik, DJ Regard do të jetë gjithashtu njëri nga performuesit në këtë festival, që pritet të mbledhë njerëz nga e gjithë bota në kryeqytetin e Kosovës.

SunnyHill ka njoftuar gjithashtu se do të ketë edhe aristë të tjerë, emrat e të cilëve do t’i mësojmë më vonë./ KultPlus.com

DJ i njohur shqiptar me rekord klikimesh në Spotify

Posted on by Kult Plus

Platforma më e madhe muzikore, Spotify, tanimë ka publikuar statistikat vjetore për thuajse të gjithë artistët.

Viti 2021 duket të ketë qenë ndër më të suksesshmit për DJ nga Ferizaj, Dardan Aliu, i njohur si Regard.

Ai ka publikuar statistikat për këtë vit, derisa siç shihet ka qenë një nga emrat më të dëgjuar përreth botës.

Në bazë të kësaj, artisti shqiptar është dëgjuar në më shumë se 592 milionë herë nga plot 63.4 milionë njerëz.

Numri i orëve të shpenzuara në projektet e tij është 27.1 milionë në 178 vende të ndryshme.

I lumtur për sukseset e këtij viti, DJ Regard ka falënderuar të gjithë ata që e kanë përkrahur e dëgjuar.

“Faleminderit për të gjithë ata që kanë dëgjuar diskografinë time në 2021. Falënderime të mëdha për Spotify”, u shpreh më tej ai.

“Ride it”, “Secrets”, “Say my name” dhe “You” dhe “Signals”, janë disa nga hitet e Regard me miliona klikime. / KultPlus.com

Dua Lipa dhe DJ Regard nominohen për çmime të rëndësishme në ‘AMA 2021’

Posted on by Kult Plus

Është publikuar lista me nominimet e American Music Awards 2021. Olivia Rodrigo kryeson listën me shtatë nominimeve, pasuar nga Bad Bunny, Doja Cat dhe Giveon, secili me nga tre nominime.

Pjesë e listës së nominimeve janë edhe artistët me prejardhje shqiptare, me DJ Regardin, i cili shënon suksesin më të madh të tij, duke arritur të nominohet në një prej kategorive.

Ai është nominuar për çmimin “Artisti më i mirë i zhanrit dance/electronic”, gjersa gëzimin për këtë nominim e shprehu përmes një postimi në Instagram.

“Jam kaq i ekzaltuar të jem i nominuar për AMA 2021, voni tani duke këruar AMAs në TikTok, mos e humbisni AMA-në më 21 nëntor në ABC Nwetwork. Votoni në billboard.com/amasvote”, shkroi ai në mbishkrimi e fotografisë.

Në këtë kategori, Regard konkurron me emra të njohur ndërkombëtarë si: David Guetta, ILLENIUM, Marshmello, dhe Tiësto.

E nominuar është edhe këngëtarja shqiptare me famë botërore, Dua Lipa, e cila sivjet në AMA garon për tri çmime: “Artistja më e mirë pop”, “Albumi më i mirë pop” (për albumin ‘Future Nostalgia’) dhe “Kënga më e mirë pop” (për këngën ‘Levitating’).

American Music Awards 2021 do të transmetohet drejtpërdrejt nga Microsoft Theatre në Los Angeles të dielën, më 21 nëntor në orën 20:00 (EST / PST) në ABC. / KultPlus.com

DJ Regard dhe Tyga finalizojnë bashkëpunimin, publikohet me 15 tetor

Posted on by Kult Plus

DJ Regard prej vitesh ka ndërtuar një karrierë të suksesshme muzikore dhe është shndërruar ndër emrat më të kërkuar në tregun e muzikës botëror.

DJ i njohur nga Ferizaj ka realizuar disa bashkëpunime më artistët të famshëm botëror, dhe një të tillë do ta sjellë edhe këtë herë.

Regard këtë herë ka bashkuar forcat me një prej reperëve më të njohur në planet, Tyga dhe këngëtarin anglez, Kwabs.

Dardan Aliu (emri i vërtetë) ka bërë të ditur në një postim në llogarinë e tij zyrtare në Instagram se kënga mban titullin “Signals” dhe pritet të publikohet me 15 tetor.

Kënga nga tre artistët me famë ndërkombëtare mund të para-porositet qysh tani në linkun që DJ ka hedhur në Instagram. / KultPlus.com

‘Secrets’ e DJ Regard, ndër 100 këngët më të mira të vitit 2020 në Apple Music

Posted on by Kult Plus

“Secrets”, e cila u publikua këtë prill në bashkëpunim me artisten Raye, u prit dhe u vlerësua mjaft mirë nga publiku, duke rezultuar tashmë në një ndër këngët më të dëgjuara në gjithë botën, shkruan KultPlus.

Së fundmi u bë e ditur se për këtë këngë, Dardan Aliu, që tashmë është në mesin e DJ-ve më të mirë në botë, është futur në listën e 100 artistëve me ‘këngët më të mira të vitit 2020’ nga ‘Apple Music’.

“100 këngët më të mira të vitit 2020. Faleminderit nga Apple Music. Faleminderit për të gjithë dëgjuesit në Apple Music”, ka shkruar ai në rrjetin social Instagrami. / KultPlus.com

Artistët shqiptarë dominojnë në “NRJ Music Awards”, nominohen në disa kategori

Posted on by Kult Plus

Eventi i madh i ndarjes së çmimeve të muzikës në Francë, “NRJ Music Awards” është gati për një edicion të ri.

Një ngjarje disi e veçantë duke pasur parasysh situatën aktuale që po kalon Franca dhe bota për shkak të pandemisë, por gjithsesi ceremonia do të shpërblejë artistët që ishin të suksesshëm gjatë vitit.

Për këtë edicion të vitit 2020, artistët e nominuar për NRJ Music Awards janë ndarë në 14 kategori, fituesit e të cilave do të njihen gjatë gjithë mbrëmjes.

Ditë më parë u bë e ditur se DJ Regard me prejardhje nga Kosova, ishte nominuar në kategorinë “DJ më i mirë i vitit”, krah emrave të njohur të muizkës elektronike si: Calvin Harris, David Guetta, DJ Snake, Kygo, Openbach dhe Robin Schulz.

Por pas nuk mbesin as këngëtaret shqiptare me famë ndërkombëtare: Dua Lipa dhe Ava Max, të cilat në këtë event janë nominuar në më shumë se një kategori.

Këngëtarja nga Shqipëria, Ava Max, konkurron për çmimet: “Artistja më e mirë ndërkombëtare e vitit”, dhe “Kënga më e mirë ndërkombëtare e vitit” për këngën e saj shumë të suksesshme ‘Kings and Queen’.

Ndërkohë, edhe Dua Lipa është e nonminuar në tri kategori sivjet në NRJ Music Awards, në dy prej të cilave gjendet në të njëjtën kategori me Ava Max-in.

Dua është nominuar për çmimet: “Artistja më e mirë ndërkombëtare e vitit”, “Kënga më e mirë ndërkombëtare e vitit” për këngën ‘Physical’ dhe “Klipi më i mirë i vitit” për klipin ‘Physical’./ KultPlus.com

DJ nga Kosova nominohet për çmimin ‘DJ i vitit 2020’ në ‘NRJ Music Award’

Posted on by Kult Plus

NRJ Music Awards është një ngjarje e cila zhvillohet në Francë, tash e 20 vjet, shkruan KultPlus.

Në këtë ngjarje marrin pjesë artistë nga e gjithë bota, mirëpo, këtë vit në listën për Dj më të mirë të vitit është i nominuar edhe DJ nga Ferizaji, DJ Regard.

‘Regard’ që vjen nga Ferizaji, ku përmes projekteve te tij numëron jo më pak se dy bilion klikime vetëm për një vit.

Ne ceremoninë e NRJ Music Award marrin pjesë të gjithë artistët më të njohur botërorë, duke cituar emra si Beyonce, Eminem, Rihanna, Lady Gaga, Justin Bieber, Shakira, Dua Lipa, Rita Ora. / KultPlus.com

Tre artistë shqiptarë të nominuar në eventin më të madh të ndarjes së çmimeve në Spanjë

Posted on by Kult Plus

Eventi më i madh i ndarjes së çmimeve të muzikës në Spanjë, Los40 Music Awards 2020, ka publikuar listën e të nominuarëve për këtë vit.

Çmimet janë të ndara në tre kategori: Spanjolle, Ndërkombëtare dhe Latine.

Këtë vit, në ndarjen e çmimeve do të përfshihen gjithashtu edhe ‘Çmimi i Artë i Muzikës’, i cili do t’i dorëzohet të ndjerit, Pau Done-s, pas vdekjes së tij që ndodhi në qershor të këtij viti.

Së shpejti do të bëhet e ditur edhe data e ceremonisë së ndarjes së çmimeve si dhe performancat e gala mbrëmjes së këtij viti.

Këtë vit, nuk mungojnë as artistët shqiptarë që tashmë gëzojnë një famë të bujshme ndërkombëtare. Dua Lipa Lipa vitin e kaluar u shpërblye me tri çmime në këtë Festival, ndërkaq këtë vit është e nominuar në katër kategori.

Në anën tjetër, Ava Max është gjithashtu e nominuar në tri kategori. Ndërsa, Dj Regard ka arritur të nominohet për çmimin ‘Artisti ose producenti më i mirë i zhanrit Dance’. / KultPlus.com

Rita Ora, në përkrahje të Dj-it nga Ferizaji

Posted on by KultPlus

Në një koncert të organizuar për nder të Dj-it të ndjerë, Avicii, ka marrë pjesë edhe Dj nga Ferizaji, Dardan Aliu, i njohur me emrin artistik ”DJ Regard”, shkruan KultPlus.

Në po këtë koncert, ka marrë pjesë edhe këngëtarja shqiptare Rita Ora, e cila ka qenë edhe shoqe mjaft e mirë më Aviciin.

Ndërsa, në një postim në llogarinë e saj në Instagram, Rita Ora ka shprehur përkrahjen e saj për Dj-in nga Ferizaji, duke thënë se ndjehet shumë e lumtur për të gjitha sukseset e tij.

“Kosova po ngrihet. Faleminderit që erdhe të më shohësh… Jam shumë e lumtur për ty DJ Regard për të gjitha sukseset e tua! Sa më shumë nga ne aq më mirë! Vazhdo të fitosh dhe të shkëlqesh si një yll siç je!”, ka shkruar Rita Ora në Instagram. / KultPlus.com