Me qindra e mijëra njerëz janë bashkuar në rrugë për të parë fishekzjarrët dhe për të festuar Vitin e Ri 2018 në Britaninë e Madhe. Ndërkohë rreth 10 mijë njerëz kanë blerë bileta për ta shijuar këtë ngjarje, në të cilën krahas fishekzjarrëve kanë dëgjuar edhe këngën e Dua Lipës “Be the one”, përcjellë KultPlus.
Më shumë se 10,000 fishekzjarrë ndriçuan qiellin në çdo ngjyrë. Kjo ngjarje zgjati rreth 12 minuta, ndërsa “The London Eye”, ishte elementi kryesor rreth të cilit ndriçonin fishekzjarrët.
Në ngjarjen e këtij viti u dëgjuan zërat e këngëtareve femra, për të shënuar kështu edhe 100 vjetorin e dhënies së votës nga gratë. Në mesin e shumë këngëtareve, në këtë ngjarje të njohur botërore nuk ka munguar as zëri i këngëtares nga Prishtina, Dua Lipa. Këngëtarja Lipa ka paraqitur në Instagramin e saj një pjesë të transmetimit të hitit të saj “Be The One”, dhe ka ndarë me fansat emocionet e saj lidhur me këtë ngjarje.
“Be The One u lëshua gjatë ndezjes së fishekzjarrëve në Londër, ndërsa unë ndihem si një nënë krenare. Përshëndetje 2018”, ka shkruar këngëtarja në rrjetin e saj Instagram.
Po ashtu gjatë kësaj ceremonie festive janë dëgjuar edhe këngë të Aretha Franklin, Annie Lennox, Florence Welch dhe Ariana Grande. /KultPlus.com
Këngëtarja shqiptare, Dua Lipa brenda një kohë të shkurtër, ka arritur të jetë një nga emrat më të njohur në mbarë botën. Dua duket sikur është krijuar për muzikën, të cilën e ka përcjellë me pasion që nga fëmijëria e saj, e duke e vazhduar më intensitet më të shtuar në moshën 14 vjeçare, kur ajo filloi të publikoi “cover”-et e parë, me këngë të artistëve të tjerë në YouTube. Sot, jo shumë vite pas, ajo ka arritur që të lë prapa shumë nga emrat e njohur, duke u bërë këngëtarja më e dëgjuar e këtij viti, sipas Spotify, shkruan KultPlus.
KultPlus, në këtë fundvit ju sjellë rrugëtimin e saj të spikatur përgjatë këtij viti, që e ngjiti atë drejt majave të toplistave muzikore. The Guardian shkruan se këngëtarja, Dua Lipa me hitin e saj muzikor “New Rules” duket sikur dha një mesazh inspirues për një ushtri të tërë të grave të reja. Ajo gjatë këtij viti me këtë popullaritet, arriti të lë nën hije edhe emra tashmë të ngulitur thellë në muzikën ndërkombëtare. Ajo la prapa Beyoncén dhe Rihannan, Ariana Grande e Taylor Swift, e shumë emra të tjerë të njohur. Mbi të gjitha Dua Lipa, në këtë vit që po lëmë pas, mori edhe çmimin “Artistja më e mirë e re” në ceremoninë e çmimeve të MTV EMAs. Ajo edhe pse nuk ishte e pranishme në këtë ceremoni gjeti mënyrën ideale që përmes një video të falënderoj të gjithë fansat e saj, të cilët nuk i kursyen fjalët e madhe për vajzën nga Prishtinë, Dua Lipa.
Shqiptaren tashmë e njohur si ylli britanik i pop-it, shifrat e fundvitit të Spotify, e nxorën si këngëtaren më të dëgjuar gjatë vitit 2017 në Britani. Edhe këngëtare të cilat tashmë janë ndërtuar në skenën muzikor, kanë dhënë mjaft nga puna e tyre këtë vit, por Lipa, me vetëm 22 vite mbi supet e saj, tashmë është duke u parë si një zë i vërtetë i gruas së re britanike: e pavarur, e ftohtë dhe në komandën e seksualitetit të saj.
Dua, e rritur në Britani të Madhe, ajo në moshën 13 vjeçare u zhvendos me prindërit e saj shqiptarë në shtëpinë e tyre të mëparshme në Prishtinë. Pak kohë më vonë, ajo u kthye përsëri në Londër për të ndjekur ëndrrën e saj për muzikë, ku dhe filloi të postonte “cover”-et e saj përmes platformës së YouTube. Pas kontratës së saj me Warner Bros, erdhën edhe këngët e saj origjinale, të cilët depërtuan më shumë shpejtësi. Debutimi i Duas me “Be The One” e renditi emrin e saj në pozitën e 9-të para dy vitesh, mirëpo me këtë vit ajo shënoi kulmin e suksesit.
“Dukej sikur këngëtarja ishte në kërkim të momentit,” thotë eksperti i toplistave, James Masterton. “Nuk është rastësi që kënga e radhës u bë hiti i saj më i madh”.
Në korrik të këtij viti ajo solli “New Rules”, duke shijuar suksesin më të madh të saj, të debutimit si këngëtare.
Dua, gjithmonë ka folur me guxim për feminizmin dhe rëndësinë e inkurajimit të fanseve të saj, pikëpamje të cilat edhe i ka shkrirë edhe në këngët e saj. “New Rules”, është himni i saj muzikor, përmes të cilit ajo ofron një plan veprimi për këdo që përpiqet të rindez gjërat me një ish të dyshimtë. Ajo arrin kulminacionin e këngës gjatë interpretimit të pjesës: “If you’re under him, you ain’t getting over him”. Publikimi i videos e çoi më tutje idenë e solidaritetit femëror, duke u shfaqur me një grup vajzash të renditura njëra pas tjetrës, dhe duke ua larguar telefonat secilës që do ta kontaktoj ish-in e saj.
Kompletimi i kësaj kënge, u duk shumë elegant dhe aspak artificial, prandaj arriti të bëhet një ‘bombë’ virale. Deri më tani, videoja ka arritur 843 milion shikime, duke u renditur në mesin e videove më të mira në YouTube të vitit 2017.
Albumet e muzikës pop shpesh mund të shihet si një mendim jo i duhur, dhe fakti që debutimi i Lipës u shty për tri herë, dukej një shenjë e keqe. Megjithatë, shitjet mbeten të qëndrueshme, duke arritur në 1.2 milion shitje në mbarë botën, një shifër jashtëzakonisht e lartë. Martin Talbot, kreu i Official Charts Company, theksoi se rreth gjysma e këtyre shitjeve ishin shitje të bëra në mënyrë fizike, “duke e gdhendur atë si më shumë se vetëm një njeri i famshëm”.
Pritet që Dua Lipa, në vitin që po vjen do të sjellë edhe këngën e saj të shtatë, e cila tashmë do të depërtoj edhe më suksesshëm nga këngëtarja shqiptare.
“Nuk ka qenë kurrë një problem për të motivuar Duan”, insiston menaxheri i saj Ben Mawson.
“Ajo është shumë e lumtur me suksesin e saj, por edhe më e etur për sukseset të reja në vitin 2018”, shkruan “The Guardian”, përcjellë KultPlus.
Baza që ka shtruar Dua Lipa në këtë vit të suksesshëm, nuk mund të ekzagjerohet. Nëse janë dashur dy vite që Lipa të vijë këtu, kolegët e saj që kanë disa vite në skenë, në çdo vit ecin me përpjekjet e tyre për të arritur kulmin e karrierës. Dua tashmë ka shtruar rrugën e saj të suksesit, drejt të cilës po ecën me hapa gjithnjë e më të fuqishëm. Mbi të gjitha Dua Lipa, në këtë vit dëshmoi se edhe “rregullat e reja” janë bërë që të thyhen.
E për ta përmbyllur këtë vit ashtu siç është më së miri e mrekullueshmja Dua Lipa, ishte e pranishme në emisionin e gatimit të bashkëkombasit të saj Action Bronson. Aty Dua Lipa, foli shqip, vallëzoi me këngë shqipe e poashtu gatoi pite, midis Amerike. / KultPlus.com
Këngëtaren shqiptare, Dua Lipa, këto Krishtlindje e kanë gjetur në shtëpinë e saj të re dhe me një dhuratë fantastike për fansat e saj. E rehatur në divan, me pizhama dhe bredhin e ndriçuar, këngëtarja ka uruar gjithë fansat e saj për Krishtlindje.
“Krishtlindjet e para në këtë shtëpi, ndihem e rritur tashmë, Gëzuar të gjithëve”- ka shkruar Dua Lipa.
Në muajin mars, ajo zbuloi se kishte blerë një shtëpi të re, shtëpinë e saj të parë, si vajzë e rritur. Këngëtarja më famë botërore duket se nuk mjaftohet vetëm me urimin, ajo ka rezervuar një surprizë të madhe për fansat e saj, me rastin e festave të fundvitit.
“Për të gjithë dashurinë, suportin dhe gjithë gjërat e mrekullueshme që ju keni bërë për mua këtë vit, unë kam vendosur të lancoj #Dualiveries për 12 ditët e Krishtëlindjeve duke nisur nga sot. Hyni në dualiveries.com të fitoni një dhuratë cdo ditë. Ju dua.” – shkruan këngëtarja. Tashmë, mjafton të hyni në www.dualiveries.com dhe mund të jeni ju një prej 12 fituesve./KultPlus.com
Këngëtarja Dua Lipa që po konsiderohet si ylli i vitit 2017 ka folur për Billboard për suksesin e saj në muzikë dhe për stilin e këngëve të saj, përcjellë KultPlus.
Ajo ka thënë se shumë nga këngët e saj janë këngë që mund të vallëzosh me to,mirëpo, sipas saj, nëse dëgjohet lirika e këngëve të saj, po me të njëjtat këngë mund edhe të qash. Billboard e ka quajtur Dua Lipën si një senzacion global./KultPlus.com
Hapet Ekspozita kushtuar Migracionit Shqiptar, iniciativë e Ministrit të Shtetit për Diasporën Pandeli Majko, në bashkëpunim me Muzeun Kombetar, shkruan KultPlus.
Të pranishëm në ceremoninë e hapjes së ekspozitës, e cila tregonte nëpërmjet një panoramimi fotografik historikun e migrimit të diasporës shqiptare që pas largimit të Skënderbeut e deri në ditët e sotme, ishin përfaqësues të diasporës shqiptare, diplomatë, historianë, personalitete të botës së artit.
Fjalën e hapjes e mbajti drejtori i Muzeut Historik Kombëtar Dorian Koçi.
“Në kuadër të 18 dhjetorit, “Ditës Ndërkombëtare të Emigracionit”, Muzeu Historik Kombëtar në bashkëpunim më Ministrin e Shtetit për Diasporën çel ekspozitën “Unë jam shqiptar”, ku përfshihen materiale fotografike dhe objekte muzeale, që kanë të bëjnë me disaporën shqiptare. 18 dhjetori është caktuar nga Asambleja e Përgjithshme e Kombeve të Bashkuara si “Dita Ndërkombëtare e Emigracionit”.
Kurse Inva Mula, sopranoja shqiptare me famë botërore tha “Gjithçka që unë e kisha marrë nga Tirana ime, nga shkolla ime shqiptare nga muzika, nga kompozitorët dhe nga pedagogët tanë të shkëlqyer. Kjo ëndërr e cila vazhdon dhe në ditët e sotme, u bë ajo që unë krenohesha që isha shqiptare, kudo në botë. Që në fillimet e karrierës time, tek të gjithë konkurset ndërkombëtare që fitova, filluan të mos përmendnin më emrin tim, por të më thonin “shqiptarja”, sepse pata fatin të isha shqiptarja e parë, e cila dola nga një botë shqiptare, e cila ishte komplet e panjohur atje ku unë isha në botën e perëndimit. Në fillim më vinte çudi që unë isha kjo përfaqësuesja shqiptare, pastaj më vinte mirë që Shqipëria u bë e njohur nga arti, nga muzika dhe pas meje erdhën plot artistë të shkëlqyer dhe sot ne jemi krenar të gjithë që jemi shqiptarë dhe jemi në të njëjtat valë me të gjithë artistët ndërkombëtarë. Sot Shqipëria nuk njihet vetëm nga Inva, por nga plot talente, të cilët na bëjnë krenarë”, ka thënë ajo.
Në fjalën e tij Kryetari i Bashkisë së Tiranës Erion Veliaj tha “Në fillim dua të falënderoj Ministrin e Shtetit për Diasporën Pandeli Majkon, i cili e ka kuruar me shumë kujdes projektin e Ekspozitës kushtuar diasporës shqiptare. Një pjesë e agjendës sonë aktive, për të promovuar Tiranën, kanë qenë dhe vizitat me Kryetarë të Bashkive të Kryeqyteteve të ndryshme Europiane. Ajo që kam konstatuar me kënaqësinë më të madhe, duke filluar nga Ankaraja ku ishim së fundmi, ku Kryetari i Bashkisë ishte shumë krenar për shoqatën “Sami Frashëri” dhe deri në Belgjikë, ku hapëm panairin e Krishtlindjeve, ku Tirana kishte një pavion të veçantë dhe ku Kryetari i Bashkisë së Brukselit ishte krenar për Shoqatën “Faik Konica”, me “Vatrën” në Amerikë dhe me një pafundësi organizimesh, në fakt të japin idenë që ne jemi një vend me disa dhjetra-milionë banorë, për të kuptuar që jemi shumë pak, por që prej rrethanave të ndryshme historike, jemi shpërndarë kudo në botë dhe jemi krenarë që jemi shqiptarë”, ka përfunduar Veliaj./KultPlus.com
Këngëtarja shqiptare Dua Lipa ka treguar për një ëndërr që së shpejti do ti bëhet realitet, shkruan KultPlus.
Dua Lipa do të performojë në ceremoninë e ndarjes së cmimeve “Brit Aëards 2018”.
“Nuk mund ta besojë. Ëndrra po bëhet realitet!!!! Unë do të performojë në Brit Aëards më 21 shkurt”, ka shkruar Dua Lipa./KultPlus.com
Prestigjiozja Independent ka bёrё njё vёshtrim mbi tё arriturat e yjeve nё nivel ndёrkombёtar pёrgjatё vitit 2017, dhe yjet qё kanё shёnuar sukses pёrgjatё vitit i ka pёrmbledhё nё tre emra: Ed Sheeran, Dua Lipa dhe Taylor Swift, pёrcjellё KultPlus.
Duke pёrshkruar suksesin e secilt, Independent ka shkruar pёr Dua Lipёn si kёngёtarja mё e dёgjuar femёr pёrgjatё vitit 2017.
Po sipas kёtij shkrimi thuhet se askush nuk do ta kishte imagjinuar se ky zё i njё gruaje tё re britanike do tё lё anash edhe yjet botёrore si Beyonce e Katy Perry./KultPlus.com
Dua Lipa, ylli i muzikës ndërkombëtare talentin për muzikë e ka shfaqë qysh e vogël, shkruan KultPlus.
Ajo shihet si e vogël duke kënduar në Sallën e Kuqe, e cila bashkë me një vajzë tjetër këndon një këngë që i dedikohet mësueses.
Dua Lipa solli një interpretim të mahnitshëm të hiti të saj “New Rules”, në një transmetim të drejtpërdrejtë në eventin e Krishtlindjeve “Jingle Bell Ball 2017”, në Londër, shkruan KultPlus.
“Secili person në atë turmë këndonte së bashku me Duan ndërsa ajo interpretonte rregullat e rëndësishme për ne”, shkruan radiostacioni muzikor “Capital Fm”.
“Viti 2018 do të jetë edhe më i suksesshëm për këtë grua të fuqishëm”, shkruan tutje Capital Fm.
“New Rules” e Lipës e lansuar në korrik deri tani ka 745 milionë klikime vetëm në YouTube, ndërsa suksesi i saj e ka shpallur Dua Lipën si femrën më të dëgjuar në Britani të Madhe sivjet./ KultPlus.com
Dua Lipa po shndërrohet në një nga këngëtaret më të suksesshme të skenës ndërkombëtare , shkruan KultPlus.
Ajo sapo ka njoftuar se albumi i saj debutues tashmë është shpërblyer me pllakatin e artë, shkruan KultPlus.
“Albumi i debutues tani i artë, dhe kam shitur 4 milionë kopje në Britani të Madhe. Nuk po ‘çmendem’, ju po!!! Faleminderit, ju dua”, ka shkruar Dua Lipa në rrjete sociale. Dua Lipa deri më tash ka shitur 4 milionë kopje të albumit në Britani të Madhe./KultPlus.com
Vitin 2018 revista gjermane Nylon e fillon me këngëtaren shqiptare Dua Lipa.
Ylli i hitit “New Rules” është në ballinën e kësaj reviste për muajin janar 2018.
Dua Lipa është këngëtarja më e dëgjuar në Britani të Madhe në “Spotify” për vitin 2017, duke lënë prapa yje të muzikës si Beyonce, Rihanna, e Taylor Swift./ KultPlus.com
Tabloidi britanik “Metro” ka publikuar një artikull për këngëtaren me prejardhje nga Kosova, Dua Lipa.
“Metro” në këtë artikull tregon për prejardhjen e Lipës dhe ngritjen e saj në skenën botërore të muzikës.
Kënga “New Rules” është dëgjuar në Spotify rreth 464 milionë herë, derisa “Scared To Be Lonely” 453 milionë herë.
“Metro” e cilëson Dua Lipën si figurë e premtuese e skenës britanike dhe ka raportuar se këngëtarja me prejardhje nga Kosova vlen 3 milionë dollarë ose 2.2 milionë funte.
Sivjet ajo ka mposhtur Rihannan, Ariana Granden, Taylor Swiftin dhe Beyoncen për të marrë pozitën e parë si këngëtarja më e dëgjuar në Britani të Madhe./ KultPlus.com
Prestigjiozja amerikane “Time” e ka përzgjedhur këngën “New Rules” të Dua Lipës si këngën më të mirë të vitit 2017.
“New Rules” e Lipës e lansuar në korrik deri tani ka 745 milionë klikime vetëm në YouTube, ndërsa suksesi i saj e ka shpallur Dua Lipën si femrën më të dëgjuar në Britani të Madhe sivjet.
“Asnjë vit nuk ka pasur nevojë për ‘rregulla të reja’ (New Rules) si 2017-a, dhe e lindura në Kosovë dhe e rritur në Londër i renditi ato në një hit viral që ngulitet në kokë”, ka shkruar “Time” si përshkrim të kësaj kënge.
Këngëtarja e shqiptare Dua Lipa, ka lënë prapa emra të mëdhenj si Beyonce dhe Taylor Swift, duke u bërë këngëtarja më e dëgjuar në platformën britanike Spotify, shkruan BBC, transmeton KultPlus.
Hitet e suksesshme të yllit të pop-it përfshijnë “New Rules”,e cila është dëgjuar për 464 milionë herë në mbarë botën. Kurse hiti i saj “Scared To Be Lonely”, është dëgjuar gjithsej 453 milionë herë në këtë platformë.
KultPlus ju përcjellë listën e pesë femrave më të dëgjuara në “Spotify”, në Britaninë e madhe:
1.Dua Lipa
2.Rihanna
3. Ariana Grande
4. Taylor Swift
5. Beyonce
Prestigjiozja “The Guardian” ka përfshirë këngën “New Rules” të Dua Lipës ndër dhjetë këngët më të mira të vitit.
Në përzgjedhjen e mediumit britanik kanë votuar më shumë se 50 persona nga redaksia e “The Guardian”.
“New Rules”, e publikuar më 7 korrik, deri tani ka grumbulluar rreth 745 milionë klikime në YouTube.
Në listën e “The Guardian” ajo është në pozitën e tetë. Kjo është lista e 100 këngëve më të mira, sipas “The Guardian”
Shkolla ku Dua Lipa ka ndjekur mësimet po e nderon ish nxënësen duke lëshuar këngën e saj çdo mëngjes për nxënësit e shkollës.
Dua Lipa, që është shndërruar në një yll të pop-it ndërkombëtar po kryeson listat ndërkombëtare, është një ish-nxënëse në Shkollën Fillore të Fitzjohn-it në Hampstead. “New Rules” e këngëtares 22-vjeçare tani luhet çdo ditë në sesionin e përditshëm “Wake Up Shake Up”, që organizohet për fëmijët më të vegjël në fillim të ditës. Ideja e sesionit është që përmes vallëzimit dhe këngës të aktivizohen nxënësit pasi që të mbërrijnë në shkollë, që në këtë mënyrë ata mund të jenë më të përqendruar për orët mësimore.
Rob Earrey, drejtori i i kësaj shkolle thotë se e mban mend Lipën si nxënëse të klasës së gjashtë duke shtuar se ndihet krenar me arritjet e saja. “Ne jemi jashtëzakonisht krenar për arritjet e Duas dhe sukseset që ka arritur”, ka thënë ai shkurt për revistën londineze Camden New Journal. Pas suksesit të këngëtares kosovare me hitin e saj “New Rules” , ndërsa ajo së fundmi ka realizuar edhe disa turne të suksesshme me këngëtarin Bruno Mars dhe Coldplay./KultPlus.com
Dua Lipa po dëshmohet të jetë një aktiviste e madhe e mbrojtjes së të drejtave të komunitetit LGBTI.
Bukuroshja nga Prishtina performoi në Maryland mbrëmjen e 28 nëntorit para publikut amerikan. Këngëtarja aktivitetin e njëjtë e bëri edhe në një nga koncertet e fundit ku shpalosi flamurin e komunitetit LGBTI.
Dua ndryshe nuk ka marrë asnjë nominim për çmimet Grammy, duke u konsideruar kështu kjo një befasi, shkruan telegrafi. Ajo po shkon sigurt drejt një miliard klikimeve me projektin “New Rules” të publikuar kohë më parë./ KultPlus.com
Këngëtarja kosovare me famë botërore Dua Lipa, në kuadër të turit të saj të titulluar “The self”, të dielën ishte në Çikago, aty ku mahniti publikun me performancën e saj, shkruan KultPlus.
Dua, përmes fotografive ka paraqitur atmosferën në këtë koncert, ku edhe ka falënderuar fansat e saj në Çikago, përmes rrjetit social Facebook.
Fotografitë janë realizuar nga Pixie Levinson./ KultPlus.com
Dy yjet shqiptare të muzikës ndërkombëtare Rita Ora dhe Dua Lipa do të jenë në mesin e shumë emrave të njohur që do të interpretojnë në eventin e veçantë për Krishtlindje “Top of the Pops”, përcjellë KultPlus.
BBC One do të transmetojë dy edicionet festive ku do të përfshihen edhe emra të mëdhenj si Ed Sheeran, James Arthur, Clean Bandit, The Script, Bastille.
Fearne Cotton dhe Reggie Yates janë ata që do udhëheqin këtë mbrëmje. Ata do të paraqesin një event special, ku në një orë do të festojnë hitet më të mëdha dhe më pas ngjarjet më të suksesshme të vitit.
Cotton ka thënë: ” Udhëheqja e dy e këtij eventi ku përfshihet festimi i festave të fundviditit është padyshim një nga pikat kryesore të Krishtlindjeve dhe diçka që unë mezi pres çdo vit”.
Kurse Yates shtoi se “Krishtlindjet thjesht nuk do të ishin njësoj pa “Top of the pops” dhe se tashmë kjo është bërë një traditë vjetore që unë mezi pres”, ka thënë Yates./ KultPlus.com
Këngëtarja Dua Lipa është duke shënuar sukses të madh sa i përket paraqitjeve të saja në shtete të ndryshme, shkruan KultPlus.
Së fundi ajo është prezantuar me një koncert në Meksikë e cila është pritur mjaftë mirë nga publiku i atjeshëm.
Në video shihet publiku duke përcjellë këngën e Dua Lipës dhe duke kënduar bashkë me të./KultPlus.com
Këngëtarja nga Kosova, tashmë me famë botërore, Dua Lipa, mbrëmë ka marrë çmimin “Këngëtarja më e mirë e re” në ceremoninë MTV EMAs 2017-të, shkruan KultPlus.
Urimet për Duan nuk kanë munguar, ku ndër ta është edhe urimi nga kryetari i Londrës Sadiq Khan, i cili ka thënë që qyteti i Londrës ka disa prej talenteve më të mëdhenj të muzikës në botë.
“Qyteti ynë i ka disa prej talenteve më të mëdha të muzikës botërore. Është gjë e bukur të shohësh londinezen Dua Lipa duke e fituar çmimin për Artisten e re më të mirë në “MTV EMA”, ka shkruar Khan në Twitter.
Këtë ceremoni të madhe të muzikës e udhëhoqi këngëtarja tjetër nga Kosova Rita Ora ndërsa me çmim doli edhe këngëtari shqiptar Ermal Meta./ KultPlus.com
Sonte është mbajtur ceremonia e MTV EMA 2017- dhe mund të konsiderohet si viti i shqiptarëve sa i përket kësaj ceremonie,shkruan KultPlus.
Me nikoqire Rita Ora, e cila për disa orë ka shkëlqyer me pamjen, performancën dhe udhëheqjen e saj, e cila nga afër përcillej edhe nga e ëma, kjo ceremoni rezultoi të ketë më shumë shqiptarë në këtë mbrëmje.
Këngëtarja tjetër shqiptare Dua Lipa është shpërblyer në këtë mbrëmje me cmimin si artistja më e mirë e re, kurse Ermal Meta është shpërblyer si këngëtari më i mirë në gjuhën italiane.
Përpos Rita Orës që ishte edhe nikoqire e mbrëmjes, këta dy të fundit nuk ishin të pranishëm, për shkak të angazhimeve të tyre në muzikë./KultPlus.com
Dua Lipa e cila ka marë çmimin si artistja më e mirë e e re në MTV, duke mos qenë e pranishmë në ceremoni, ajo ka zgjedhë që nëpërmjet një videoje të falënderojë për këtë çmim, shkruan KultPlus.
Për më shumë mund ta përcillni videon./KultPlus.com
