Gëzim Gashi me rrëfim inspirues në DiasporaTalks: Nëse dyert ku ju trokitni nuk hapen, krijoni një derë tuajën

I lindur më 29 qershor të vitit 1990, vetëm pak ditë para se Kosova të deklaroi pavarësinë nga parlamenti i Serbisë, Gëzim Gashin qysh në ditët e para të jetës e përcolli një dramë jetësore.

Ky vendim i Kosovës shkaktoi gjenocid, ku më pas ushtarët serbë shkuan në spital ku Gëzimi i posalindur ishte ende me nënën e tij, e kjo e fundit nga frika thirri bashkëshortin dhe vëllain e saj për ta marrë dhe e larguan nga dritarja. Është pikërisht kjo histori që Gëzimin e ka inspiruar gjatë gjithë jetës e sot ai vazhdon të inspiroj njerëz nga e gjithë bota, shkruan KultPlus.

I rritur në Suedi, Gëzim Gashi u bë i pari shqiptar që hapi një institut të shkollës së mesme në Shtetet e Bashkuara (OCS Institute of Arts and Innovation) dhe përmes kompanisë së tij të suksesshme të marketingut ka punuar me kompani legjendare si Walt Disney Company dhe Quincy Jones Productions ku ai shërben si Këshilltar menaxhimi.

Gezim Gashi, një sipërmarrës i drejtuar nga qëllimi, mentor, folës, menaxher i marketingut, autor bestseller dhe partner në Institutin OCS për Artet dhe Inovacionin në Los Angeles, Kaliforni, së fundi ka sjell librin e tij debutues “Unlocked: The Power of You”, ku e ka kanalizuar historinë e tij personale të suksesit në një libër vetë-ndihmë.

Ai ishte folës edhe në Universitetin e Harvardit, por kthimi në vendlindje për të mbetet një ndër qëllimet kryesore.

Së fundmi, Gashi u bë pjesë e #DiasporaTalks organizuar nga ICK Kosova. Në këtë prezantim, të pranishmit panë një djalë shumëdimensional, por i veshur me një modesti të paparë.

Historinë e tij frymëzuese, Gëzimi e ndau me të pranishmit në këtë event, të cilët u ndanë të ngazëllyer me gjithë fjalët inspiruese që ai i përcolli.

Nga jeta prej refugjati e deri të libri i tij debutues në Amerikë, Gashi ka ndarë sekuenca nga jeta dhe karriera duke dhënë shembull se jeta mbi të gjitha është një dramë e bukur që duhet jetuar në të gjitha mundësitë dhe shfrytëzuar përtej asaj që e mendojmë.

Rruga drejt botimit të librit

Kisha një moment që më ndryshoi jetën. Duke qenë shqiptar nga Kosova, i rritur në Suedi ku të gjithë kishin flokë bionde, sy blu, padyshim që ndonjëherë ndjehesha jo rehat sepse nuk isha si gjithë të tjerët. Por, më kujtohet kur isha 10 vjeç që i thashë mamasë sime që po mendoja të shkoj në Amerikë, mamaja ime më uli dhe më tregoi gjithë historinë time se si i shpëtova gjenocidit serb. Dhe kjo histori dukej vërtet si një film. Ajo më bëri të kuptoj se kam një qëllim dhe kjo ishte edhe pika ku më erdhi ideja për librin. Unë besoj se kam një qëllim dhe se ka një arsye që jam këtu. Kur mamaja ma tregoi atë histori, më bëri vërtet të patrembur. Që atëherë, kam qenë gjithmonë i pasionuar për të bërë shumë gjëra. Unë nuk vij nga asnjë pasuri, nga asnjë lidhje me njerëz apo asgjë, kështu që më duhej të gjeja diçka në të cilën besoj dhe t’ia tregoja botës.

Pasi ideja e librit u pëlqye dhe unë sigurova një marrëveshje botimi, libri arriti të botohet më 29 nëntor dhe më pas debutuam numër një në Amerikë. Pas kësaj, thjesht po shkon lart e më lart.

Libri flet më shumë për zhvillimin individual dhe gjërat që kam kaluar. Librin vendosa ta nxjerrë përmes “Amazon” sepse 50 për qind e librave në Amerikë po shiten atje, dhe më pas ne bëmë shumë marketing përmes mediave sociale.

Jeta në Suedi

Në shkollën ku kam shkuar, mbaj mend që një ditë, njëra nga mësueset na vendosi një e nga një të gjithëve para klasës, ku duhej të tregonim se çfarë duam të bëjmë kur të rritemi. Kur erdhi radha ime unë thash që dua të shkoj në Amerikë dhe fola për të gjitha gjërat që dua të bëj. Të gjithë heshtën dhe më shikuan çuditshëm, ata nisën të flasin me njëri-tjetrin sikur unë të isha i çmendur. Ishte një energji e keqe në klasë. Atëherë mësuesja ime e muzikës më nxori nga klasa dhe më tha ta takoja më vonë. Ajo padyshim e pa se si më trajtuan mua, kjo ndodhë edhe për faktin se vjen nga një vend tjetër, kështu që më takoi pas mësimit dhe erdhi me një portofol me revista, me CD dhe gjithçka tjetër dhe pastaj më uli dhe më tregoi për një tjetër emigrant, Rami Yacoub i cili kisha arritur shumë gjëra dhe tani sapo ka bërë një album për Beyoncen. Kështu që mora Ramin si shembull. Pastaj i kam shkruar në ‘MySpace’ dhe i tregova historinë time dhe ai më pyeti se çfarë mund të bëj për ty, kështu që ne qëndruam në kontakt dhe tani pas shumë kohësh ai fluturoi nga Amerika për të qenë me mua në Kosovë për katër ditë dhe ai sapo u largua dje, kjo ishte çmenduri për mua dhe mbaj mend se si e kaloja çdo verë në Kosovë dhe gjithmonë mendoja se çfarë kishte arritur.

E pyeta se çfarë të shtyu të besosh tek unë dhe ai më tha: Historia jote dhe mënyra se si u afrove e fole me mua, më bëri të besoja se ka diçka këtu.

Tani, unë besoj se gjëra të mëdha mund të bëhen përmes mediave sociale. Dhe unë besoj se gjëra të mëdha ndodhin kur frymëzoni njëri-tjetrin. Unë kurrë nuk kam zgjedhur rrugën drejt mundësive, por kam zgjedhur gjithmonë njerëz që besojnë në të njëjtin mision si unë.

Përfundimi në industrinë e argëtimit

Ky libër ka të bëjë më shumë me një zhvillim personal dhe të kuptuarit se ne kemi një mision, kemi një qëllim, por edhe të kontrollojmë narrativen tonë. Për shembull, në këtë libër unë tregoj se nëna ime më dha rrëfimin tim. Kaloj shumë kohë me nxënësit e mi dhe ata më thonë që prindërit e tyre u thonë “Mos e bëni këtë”, “Ne nuk besojmë në ty”, dhe unë e di sa i bekuar jam, por nga ana tjetër kjo është pse në këtë libër unë vërtet u përpoqa të punoja shumë për të gjetur mënyra se si dikush mund të fillojë të bëjë pyetje sepse në këtë libër ka shumë përgjigje. Është një libër “self-help”.

Rëndësia e ndërtimit të marrëdhënieve të shëndetshme

Është shumë e rëndësishme të ndërtoni një marrëdhënie të shëndetshme e cila mund të kthehet në diçka që mund të zhvillohet në biznes. Unë gjithmonë përpiqem të përqendrohem në takime autentike, ashtu si me ju këtu. Por nuk mund të duket si oportuniste, dhe më kujtohet Quincy Jones kur më tha “Mos harroni se gjëja më e rëndësishme në këtë industri është të jesh etik, sepse kjo është ajo që të bën vërtet të paharrueshëm.” Ai ka qenë aktiv në industrinë e muzikës për më shumë se tridhjetë vjet dhe nëse do të kishte pasur gjëra joetike, nuk mendoj se mund të qëndronte aq gjatë në këtë industri. Pra, gjithçka ka të bëjë me të qenit autentik, por edhe të dish të bësh gjënë e duhur.

Ndryshimet/ Dallimet mes Suedisë dhe Amerikës

Mendoj se ndihem shumë mirë në Amerikë, sepse kultura e tyre është shumë e ngjashme me ne. Kur vendosim diçka, është si të flasim me murin dhe ata janë gjithashtu të tillë. Kjo është arsyeja pse unë jam shumë mirë në Amerikë. Por të gjithë miqtë e mi suedezë që u shpërngulën në Amerikë, e kanë të vështirë sepse në Suedi ekziston një energji që nuk është e sinqertë. Ne jemi mësuar të jemi të mirë me të gjithë, por industria nuk funksionon kështu. Nuk mund të jesh besnik ndaj të gjithëve, duhet të zgjedhësh besnikërinë tënde dhe vetëm ti mund të vendosësh vetë, ndaj mendoj se për mua ishte vërtet një luftë në Suedi sepse ata thoshin një gjë, dhe unë e dëgjoja ndryshe në një vend tjetër.

Kontrollimi i rrëfimit tonë

Pra, ne e kemi këtë punëtori që e bëj me studentët e mi dhe është gjithashtu mbi librin. Unë po shoh një brez që është shumë i dëshpëruar dhe ata ndihen jo mjaftueshëm mirë, ndihen sikur duhet të bëjnë disa gjëra për të marrë pëlqime dhe shumë prej tyre mendojnë se duhet të bëjnë diçka për t’u pranuar në shoqëri. Kur ne u rritëm, shoqëria jonë nuk ishte në mediat sociale, por kjo është ajo që ata mendojnë që të mund të përshtaten në mediat sociale.

Për shembull, nëse hyjmë në një debat dhe ndihem sikur jam pothuajse i keq me ju, duhet t’ju them se nuk jam një person i poshtër, por ndjenjat e mia janë lënduar sepse më keni bërë diçka që nuk është e drejtë. Gjëja më e rëndësishme është se ky është identiteti im dhe unë kam zgjedhur identitetin tim. Kam zgjedhur të jem optimist, pasionant dhe besnik dhe të kem një karakter që i sjell dobi brezit të ri.

Ju duhet ta shihni jetën si një qiell blu me diell, dhe kur vijnë stuhitë dhe retë, ato janë vetëm të përkohshme.

Kur ndihem i shqetësuar mbyll sytë dhe mendoj qiellin blu me diell dhe më pas shoh retë, por gjëja më e bukur është kur shoh retë që po largohen. Kjo është një imagjinatë që bëj për veten time, por po më ndihmon shumë.

Disney Channel

Unë isha 24 vjeç dhe fillova të punoja në një shkollë muzikore në një qytet të vogël në Suedi, ku u bëra shef i marketingut dhe më pas sapo shihja studentët, shihja rastet e tyre dhe si ëndërrimtar, përpiqesha të mendoja gjithmonë sa më lartë që mundesha, ndaj u përpoqa të mendoj për një bashkëpunim të dobishëm dhe pyeta veten se ku duhet të aplikoj. E dija që nxënësit e shkollës së mesme shikonin Disney Channel dhe ata gjithmonë donin të ishin veçmas aty, kështu që kisha një ide për të gjetur gjashtë studentë dhe të bënim një shfaqje. Pastaj, kontaktova dikë dhe i tregova idenë dhe ata u interesuan dhe thanë nëse do të mund të shkonim në Londër. Ne shkuam atje dhe takuam disa njerëz dhe u desh të qëndronim para tyre për të luajtur në fushë dhe njerëzit e Mbretërisë së Bashkuar me të vërtetë nuk dhanë asnjë shprehje fytyre, kështu që unë vërtet nuk e dija se çfarë po ndodhte.

Pas një jave na thanë se duhet ta fillojmë këtë dhe na dhanë udhëzime me një aparat fotografik. Krejt papritur në natën e Vitit të Ri, ata thanë se do të fillonim xhirimet në janar. Dhe unë u befasova vërtet. Ne xhiruam një episod “pilot” në janar dhe më pas në maj e publikuan në Disney Channel dhe me të vërtetë eci shumë mirë e suksesshëm.

Kjo ishte para se të shkoja në Amerikë.

Gjithmonë e kam ditur se do të shkoj në Amerikë dhe e kam ditur që puna është ajo që do të mund ta bëjë këtë. Kështu, kur lashë punën time në Suedi në vitin 2017, unë thjesht ndoqa intuitën time.

Këshilla më e mirë

Unë mendoj se këshilla më e mirë që dikush më ka dhënë është të mos ndryshosh veten për të arritur diçka të suksesshme.

Mendoj se ajo që më mban të motivuar është se thjesht e di qëllimin tim dhe e di që dua të bëj diçka të madhe në jetë dhe këtë e ndjej çdo ditë.

“Libri im ka të bëjë me gjetjen e qëllimit”

Unë ndaj disa gjëra dhe gjithashtu ndaj disa nga historitë e miqve të mi në libër kështu që vërtet u përpoqa të bëja një libër edukativ që nuk është shumë larg të qenit thjesht opinione.

Unë gjithashtu e di se sa e rëndësishme është të përpiqesh të tregosh histori reale dhe autentike.

Mediat sociale

Përmes mediave sociale lidhem me njerëzit dhe gjithmonë përpiqem të dërgoj ‘email’ dhe të flas me njerëzit. Kjo është mënyra se si u futa në lajmet e NBC dhe thjesht vazhdoj edhe nëpër tjera mediume dhe nuk ndaloj asnjëherë.

Edhe nëse marr një “jo”, tani unë jam ai që kam ndërtuar një rrëfim për mua se meritoj një “po” kështu që edhe nëse nuk beson dikush, ndihem sikur është përgjegjësia ime që t’ju bëj të besojnë në mua.

Nuk mund të kesh ego sepse po e bën për një mision dhe është një mision më i madh se vetvetja.

I famshëm apo jo i famshëm

Nuk ndihem i famshëm dhe them se shpresoj të jem një njeri ndikues sepse janë dy gjëra të ndryshme. Ju jeni ose i famshëm ose njeri me ndikim. Unë dua të jem shembull dhe është e vërtetë që kënaqem sa herë që përmendet emri im.

Por, unë definitivisht nuk ndihem i famshëm.

Krejt në fund të kësaj bisede inspiruese për të pranishmit, Gashi dha edhe një mesazh të fuqishëm. Duke u nisur nga përvoja personale ai u shpreh se nëse dyert ku ju trokitni nuk hapen, atëherë krijo derën tënde. Mos u dorëzo asnjëherë. Lufto për ëndrrat dhe puno shumë në atë drejtim. / KultPlus.com

Video e plotë:

Gashi në takim me Ramën: Biseduam për Prishtinën tonë të bukur dhe mënyrën se si të ndërtojmë ura të bukura bashkë

Gëzim Gashi, sipërmarrësi dhe autori ‘bestselling’ i librit ”Unlocked: the power of you”, i cili jetën e zhvillon mes Suedisë dhe Amerikës, këto ditë po qëndron në Prishtinë ku dje është takuar edhe me Kryetarin e Komunës së Prishtinës, Përparim Rama, shkruan KultPlus.

Përmes një postimit në ”Instagram”, Gashi njoftoi edhe për çka biseduan.

“Dje pata kënaqësinë të takohem me Kryetarin e Prishtinës, Përparim Rama. Biseduam për Prishtinën tonë të bukur dhe mënyrën se si të ndërtojmë ura të bukura bashkë. Rama ka një energji të jashtëzakonshme dhe ide shumë të mira. Jam i ngazëllyer për kapitullin e ri të Prishtinës. Faleminderit kryetar, po pres me padurim që të takohem me juve edhe herave të tjera”, thuhet në postimin e tij.

Gjatë këtij takimi, Gashi i dhuroi të parit të Prishtinës edhe librin e tij debutues i cili pritet të përkthehet shumë shpejt edhe në gjuhën shqipe. /KultPlus.com

Gëzim Gashi flet për librin “Unlocked: the power of you” në NBC News: Historia ime gjatë luftës në Kosovë, inspirim për rrugëtimin tim

Muajin e kaluar, historia e jetës së Gëzim Gashit, sipërmarrësit dhe autori ‘bestselling’ të librit ”Unlocked: the power of you”, i cili nga një i mbijetuar i luftës së fundit në Kosovë, ka arritur të jetojë ëndrrën amerikane, mori vëmendjen e gazetës prestigjioze New York Post të cilët i dedikuan një artikull të veçantë duke u rikthyer në rrënjët e tij e deri sot, ku ai po shijon suksesin e librit të tij debutues, shkruan KultPlus.

Por ende pa kaluar muaji, Gashi është ftuar nga prestigjiozja NBC News me seli në New York për të folur për librin e tij ”Unlocked: the power of you”.

Duke folur për librin e tij, ai tha se mund t’ju ndihmojë shumë njerëzve që ta gjejnë veten e tyre dhe atë se çka duan të jenë.

“Ideja e ‘Unlocked: the power of you’ është se unë besoj se ne duhet të gjejmë narrativen tonë dhe duhet ta pretendojmë atë dhe unë mendoj që mund ta bëjmë atë përmes tregimit dhe ne duhet ta kuptojmë se mënyra se si ne flasim për veten tonë, mënyra se si ne mendojmë për veten tonë me të vërtetë e përcakon edhe njeriun që do të bëhemi“, u shpreh Gashi duke thënë më tutje se libri i tij është një udhërrëfyes për lexuesin që të kuptojnë tregimin dhe narrativen e tyre, ta pretendojnë atë dhe ta përdorin si një superfuqi.

Më pas, Gashi tregoi edhe historinë e tij, e për të cilën është njoftuar nga nëna e tij kur ai ishte vetëm 10-vjeç, e që atëherë e ka përdorur këtë histori si inspirim për të arritur çdo gjë në jetën e tij.

“Unë kam lindur më 29 qershor të vitit 1990 dhe më 2 korrik të vitit 1990 në Kosovë ndodhën shumë gjëra pasi Kosova deklaroi pavarësinë nga parlamenti i Serbisë. Dhe ajo çka ndodhi shkaktoi gjenocid ku më pas ushtarët serbë erdhën në spital kur unë isha ende një i sapolindur dhe nëna ime është dashur ta thërrasë babanë tim dhe vëllain e saj për të më marrë mua dhe ata erdhën dhe me larguan nga dritarja. Kur kemi arritur në fshat gjyshja ime ishte gëzuar për mua që isha gjallë dhe që Kosova u bë republikë, e aty vendosi që emri im të jetë Gëzim”, tha Gashi, duke treguar historinë e tij, e cila e ka inspiruar gjatë gjithë jetës.

Më poshtë KultPlus ua sjell intervistën e plotë të Gëzim Gashit për NBC News:

New York Post shkruan për Gëzim Gashin: Nga Kosova në Los Anxhelos, ky refugjat i kohës së luftës tani po jeton ëndrrën amerikane

Jeta Zymberi

Historia e jetës së Gëzim Gashit, sipërmarrësit dhe autorti ‘bestselling’ të librit ”Unlocked: the power of you”, është rrëqethëse dhe inspiruese njëkohësisht.

Nga një i mbijetuar i luftës së fundit në Kosovë, Gashi sot ka arritur të jetojë ëndrrën amerikane dhe gjithë këtë po e përkthen në një qëllim të vetëm! Edukimin e brezave të rijnë.

Rrugëtimi i tij dhe suksesi i padiskutueshëm, ka tërhequr edhe vëmendjen e gazetës prestigjioze New York Post të cilët i kanë dedikuar një artikull të veçantë djalit kosovar duke u rikthyer në rrënjët e tij e deri sot, ku ai po shijon suksesin e librit të tij debutues.

Ky lajm e ka bërë shumë të lumtur edhe vetë autorin Gëzim Gashi i cili është shprehur që kjo është një tjetër ëndërr e realizuar për të.

“Libri im është ‘BUZZ BOOK OF THE WEEK’ në edicionin e së dielës të New York Post në Amerikë. Këtu janë dy foto të mikut tim që mban revistën me artikullin tim. Çfarë ëndrre e realizuar!”, shkruan Gashi.

New York Post në artikullin dedikuar Gashit, ndër të tjera shkruan se autori e ka gjetur qëllimin e tij në mentorimin e talenteve.

31-vjeçari Gëzim Gashi po jeton ëndrrën e tij si një sipërmarrës në Los Angeles. Ai e përshkruan jetën e tij si “të magjepsur”.

Gashi lindi në Prishtinë, Kosovë, në vitin 1990. Vetëm tre ditë më vonë pasi u shpall Deklarata Kushtetuese – gurthemel i pavarësisë së Kosovës nga Serbia, duke shkaktuar një pushtim ushtarak, shkruan New York Post, transmeton KultPlus.

Ushtarët serbë sulmuan spitalin ku po qëndronte Gëzimi i porsalindur. U përhapën thashethemet se një gjenocid po ndodhte dhe ushtarët u bënin fëmijëve injeksione për t’i sëmurë – ose më keq. Nëna e tij u kap nga paniku kur një infermiere tha se ushtarët serb po shkonin drejt katit të tyre dhe kishin barrikaduar dyert e spitalit. Pikërisht atëherë ajo thirri të shoqin dhe vëllain e saj dhe u tha të shkonin në spital.

E përballur pa zgjidhje tjetër, nëna e dëshpëruar e hodhi të porsalindurin nga dritarja e katit të dytë në krahët e vëllait të saj. Nëna e tij doli fshehurazi nga spitali disa çaste më vonë për t’u ribashkuar me familjen. Dy vjet më vonë, familja u arratis në Suedi si refugjatë dhe nëna e Gashit u kujdes për ta mbrojtur atë nga e kaluara e tij e zymtë. (Vite më vonë, është e vështirë të dihet saktësisht se çfarë ndodhi brenda spitalit, por deri në vitin 1999, 8,000 shqiptarë të Kosovës ishin vrarë dhe shumë prej tyre janë ende të zhdukur edhe sot e kësaj dite.)

Gashi nuk kishte asnjë ide për historinë e tij të pabesueshme në Kosovë.

Kur ai mbushi 10 vjeç, nëna e tij vendosi se ishte koha që ai të mësonte për historinë e tij të jashtëzakonshme.

“Ajo histori vetëm më bëri të kuptoj se kam një qëllim për të përmbushur”, tha Gashi. “Me kalimin e viteve, kuptova se qëllimi im ishte edukimi për brezin e ri.”

Ndërsa ishte në Suedi, ai vendosi të vazhdonte në mentorimin e yjeve në lulëzim. Në atë kohë ai iu bashkua Akademisë së Muzikës dhe Biznesit, duke ndihmuar në zbulimin e zërave të rinj në industri si producent, mentor dhe zbulues talentesh. Menjëherë pas kësaj, ai u rekrutua për të çuar talentin e tij në Los Anxhelos. Në vitin 2019, ai u transferua në qytetin e ëndrrave të tij për të nisur angazhimin e tij në Institutin e Arteve dhe Inovacionit në Oaks Christian School, ku aktualisht drejton programin e mentorimit të departamentit. Kohët e fundit, Quincy Jones firmosi me një nga studentët e tij.

Gashi synon t’i mësojë lexuesit se si të çlirojnë fuqinë e ëndrrave të tyre.

Rrugëtimi i Gashit nga Kosova në Los Anxhelos i ka sjellë atij angazhime të ndryshme, ku para pak kohe ai u bë një nga folësit në Universitetin e Harvardit dhe ka frymëzuar shumë njerëz. Tani, ai e ka kanalizuar historinë e tij personale të suksesit në një libër që hyn në grupin e librave inspirues, “Unlocked: The Power of You”.

“Ndërsa libri im tregon historinë time, ai gjithashtu flet me lexuesin dhe i ndihmon ata të gjejnë qëllimin e tyre”, tha ai për The Post. Gjatë gjithë kohës, ai u mëson lexuesve se si të çlirojnë fuqinë e ëndrrave të tyre, të ndërtojnë elasticitet, të bashkëpunojnë në mënyrë krijuese dhe më shumë.

“Ka shumë njerëz që jetojnë me një perceptim se kush duhet të jenë, por besoj se ne duhet të pretendojmë narrativën tonë,” tha Gashi. “Libri im ka të bëjë me gjetjen e qëllimit tuaj.”

”Unlocked: the power of you”  është libri debutues i Gashit që është botuar në Shtetet e Bashkuara të Amerikës dhe Gashi për KultPlus ka konfirmuar se gjatë muajve të verës libri do të promovohet edhe në Kosovë. / KultPlus.com

Gëzim Gashi promovon librin e tij në Universitetin e Harvardit

Sipërmarrësi dhe autori ‘bestselling’ i librit ”Unlocked: the power of you”, Gezim Gashi, është gati të zhvillojë një turne të librit në Universitetin e Harvardit, shkruan KultPlus.

Përmes një postimi në llogarinë zyrtare në “Instagram”, Gashi ka treguar për promovimin e librit, takimin dhe ligjëratën që ka pasur me studentët e njërit prej universiteteve më të zhvilluara në botë.

“Ndalesa e parë përpara fillimit të turneut të librit në Universitetin e Harvardit”, ka shkruar Gashi duke thënë se ishte një kënaqësi e veçantë të ndajë historinë e tij dhe të flas për librin me të gjithë studentët.

Ai ka shpërndarë edhe disa fotografi nga aktivitetet e zhvilluara.

”Unlocked: the power of you”  është libri debutues i Gashit që është botuar në Shtetet e Bashkuara të Amerikës, libër që futet në grupin e librave inspirues. /KultPlus.com

Gezim Gashi së shpejti ligjëron në “Harvard” me Shoqatën e Studentëve Shqiptarë

Sipërmarrësi dhe autori ‘bestselling’ i librit ”Unlocked: the power of you”, Gezim Gashi së shpejti do të zhvilloj një ligjëratë me Shoqatën e Studentëve Shqiptarë në Universitetin e Harvardit në Amerikë, përcjell KultPlus.

Me datën 2 prill ai do të rrëfejë se si duhet të zbulohet suksesi i juaj nëpërmjet metodës së tregimit.

Ngjarja do të mbahet në “Boylston Hall 110 – Fong Auditorium” brenda Universitetit të Harvardit, duke filluar nga ora 18:00.

“Mezi pres të vij në @harvard dhe të takoj të gjithë studentët. Shihemi me 2 prill”, ka shkruar Gashi në rrjetet sociale. / KultPlus.com

”Unlocked: the power of you”, libri inspirues i Gëzim Gashit, një jetë prej refugjati e deri te themelimi i Institutit të Arteve në Los Angeles

Epitetin e refugjatit e kishte përjetuar qysh i vogël, i cili bashkë me familjen e tij kishin shkuar për Suedi, por ky rrugëtim për Gëzim Gashin ka shërbyer në anën e duhur të medaljes, pasi që, përvojat e tij, sukseset dhe realizimi i ëndrrave mes Suedisë dhe Shteteve të Bashkuara të Amerikës, janë përmbledhë me një libër, libër ky që po konsiderohet si një ndër librat më të shitur në Amazon.

Ardianë Pajaziti

”Unlocked: the power of you”  është libri debutues i Gashit që është botuar në Shtetet e Bashkuara të Amerikës, libër që futet në grupin e librave inspirues. Sipas tij, edhe pse i botuar pothuajse në pjesën e fundit të vitit që po lëmë pas, doli të jetë si libri që po zgjon interesim te lexuesit.

Jeta prej refugjati, shkollimi i tij në Suedi, lëvizja e tij e më vonshme prej Suedisë drejt SHBA-ve, masterclass të ndryshëm nëpër institucione të rëndësishme, duke përfshirë edhe Harvard, udhëheqja e Fondacionit të Mbretëreshës Silvia të Suedisë, themelimi i Institutit të Inovacionit dhe Arteve, me qendër në Los Angeles, urë lidhëse mes producentëve të famshëm në nivel botërorë dhe Festivalit „Sunny Hill“ në Kosovë, janë copëza inspiruese që kanë ndikuar te Gëzim Gashi, që në një periudhë relativisht të gjatë,  ti shkruaj në letër, e krejt këto letra të rrumbullakojnë librin, libër që tashmë ka përmbushë ëndrrën e vetë Gezim Gashit.

Gëzim Gashi shprehet të jetë i befasuar me këtë sukses të madh, ku sipas tij, mbi të gjitha nuk e priste gjithë këtë sukses. „Mbi një vit e gjysmë isha i thelluar në guacën e këtij libri, deri sa e kam përfunduar“, kujton Gashi përkushtimin mbi këtë libër, por, sipas tij, gjithçka mori tjetër dimension, pas suksesit të madh në Amazon në Shtetet e Bashkuara të Amerikës, duke u ranguar si libri më i shitur. „Ishte një moment kaq i veçantë për mua dhe familjen time, një ditë që nuk do ta harroj kurrë“, ka thënë Gashi.

Suksesi i këtij libri të Gashit është inspirim i jetës së tij prej refugjati, ku lëvizjet e tij prej Kosovës në Suedi, më pas në SHBA, ishin shtysë që përvojën e tij jetësore ta ndajë edhe me të tjerët, me qëllim që të inspirojë dhe të ndihmojë edhe të tjerët.

„Duke qenë një refugjat nga Kosova, dhe i rritur në Suedi, e më pas edhe zhvendosja drejt Shteteve të Bashkuara të Amerikës, më bëri që këtë përvojë dhe këtë njohuri ta ndaja me gjithë të tjerët“, tregon Gëzim Gashi, i cili shpjegon më titje se libri ”Unlocked: the power of you”  është një libër për të ndihmuar vetveten, për gjetjen e qëllimeve, që sipas Gashit, kur njeriu gjen qëllimin e tij, atëherë edhe suksesi është më i madh.

Libri i referohet 12 hapave për gjetjen e çelësit për vetveten, dhe se si të nxirret potenciali më i madh, e që libri padyshim është bazuar në sukseset e mëhershme të Gëzim Gashit edhe në fusha të tjera, suksese që më pas kanë reflektuar në këtë libër.

Si themelues i Institutit të Inovacionit dhe Arteve OSC, që është i vendosur në Los Angeles, për Gëzim Gashin ishte baza kryesore në këtë libër, e që vetë Gëzimi këtë arritje e vlerëson si arritjen më të madhe të deritanishme. “U emocionova shumë kur e mësova një fakt, sepse isha shqiptaro-suedezi i parë që bëja një gjë të tillë në SHBA. Jam krenar për këtë, sepse dua ti dëshmoj brezit të ri, se kur kemi ëndrra, mund të shkojmë aq larg sa edhe duam”, ka thënë Gashi.

Libri ”Unlocked: the power of you”  është libër që nuk i dedikohet moshave, por të gjithë atyre që duan të provojnë ëndrrën e tyre, e sidomos për ata që e ndjenjë se nuk janë duke e bërë punën e duhur, sipas Gashit mund të jetë një libër orientues që mund të ndezë shkëndija të së ardhmes.

Libri i Gëzim Gashit së shpejti do të ofrohet për shitje edhe në Kosovë, Shqipëri, Maqedoninë e Veriut dhe Malin e Zi, por fillimisht do të ofrohet në treg vetëm në gjuhën angleze. Kurse sipas autorit, ky libër pritet të vjen edhe në gjuhën shqipe, përgjatë vitit 2022.


Mbretëresha Silvia e Suedisë e ka zgjedhur Gëzim Gashin si udhëheqës të Fondacionit të saj me ShBA

Duke përfshirë jetën e Gëzim Gashit dhe familjes së tij, se si përfunduan si refugjat nga Kosova në Suedi, dhe se krejt kjo histori ka bërë që Gëzim Gashi të jetë ai që është sot, ai  tregon edhe për rolin tjetër që së fundi i është besuar, drejtimi i Fondacionit të Mbretëreshës Silvia nga Suedia, fondacion që e udhëheqë për Shtetet e Bashkuara të Amerikës, dhe Gashi tregon se një besim i tillë është nder për të, pasi që me punëtoritë e tij që i zhvillon me të rinjtë në SHBA, bën aktivitete të ndryshme për ti parandaluar të rinjtë nga droga dhe përfundimi i tyre në rrugë.

https://www.instagram.com/p/B9jhN84hmzf/?utm_source=ig_embed&ig_rid=1e77774a-1650-4a32-83bb-ee60b66e90fc

Gëzim Gashi ka edhe një sukses tjetër, atë të paraqitjes para studentëve të Harvard, i cili me një masterclass, ai ka folur për rrugëtimin e tij si sipërmarrës. “Ishte Erza Muqolli që është bashkëngjitë në këtë paraqitje, e cila është paraqitur me zoom. Ishte një arritje e madhe të prezantojë Erza Muqollin, si një prurje të madhe për tregun muzikor amerikan”, ka shpjeguar Gëzim Gashi, i cili ka treguar se pas këtij prezantimi në Harvard, ai është duke bashkëpunuar ngushtë me Erzën dhe babin e saj, punë që ka për synim përfshirjen e Erzës në tregun amerikan.  “Por nuk mund të them asgjë për momentin, për shkak të kontratave ligjore, por premtoj se KultPlus,  do të jetë mediumi i parë që do të ketë ekskluzivitetin e këtij bashkëpunimi”, ka thënë më tej Gashi.  


Gëzim Gashi dhe Erza Muqolli me prezantimin e tyre në Harvard

Dhe, jo vetëm Erza Muqolli po përgatitet për bashkëpunime të mëdha. Po nëpërmjet Gëzim Gashit dhe Sunny Hill Festival, festival ky i Dua Lipës në Kosovë, tashmë janë përzgjedhë disa talentë nga Kosova, që do të shkojnë për shkollim në Institutin e Inovacionit dhe Arteve në Los Angeles. “Mezi po pres që të sjellim këta talentë në Los Angeles, situata pandemike ka ndikuar që të vonohemi”, ka thënë ai, i cili për fund ka treguar se në vitin 2022 do të fokusohet te libri i tij, ku tashmë ka vazhduar takimet me lexuesit nëpërmjet turneve nëpër Amerikë, kurse ai bashkë me ekipin e tij, po planifikojnë që të vijnë edhe në Kosovë e Shqipëri./ KultPlus.com

Me librin e tij debutues në SHBA, Gezim Gashi zë vendin e parë në ‘Amazon’

Gezim Gashi i cili tash e sa kohë ka korrur sukses të madh nëpër botë, ka bërë të ditur përmes një statusi në rrjetin social Facebook se libri i tij i titulluar ”Unlocked: the power of you”, ka zënë vendin e parë në kompaninë ‘Amazon’ në ShBA, përcjell KultPlus.

Librin i tij debutues u publikua më 29 nëntor të këtij viti, me ç’rast libri i titulluar ”Unlocked: the power of you”, u bë i disponueshëm në Amazon në mbarë botën si dhe në libraritë në ShBA, përfshirë këtu edhe bibliotekën prestigjioze ‘New York Library’.

”Unlocked: the power of you” është një libër që përfshihet në kategorinë ‘self-help books’ dhe ka të bëjë me mënyrën se si të plotësoni 12 hapa për gjetjen e çelësit për veten tuaj të vërtetë dhe se si të nxjerrim potencialin e juaj më të madh.

Libri ende nuk ka një datë të planifikuar për botim në Kosovë, por është menduar se do të botohet gjatë vitit 2022. Po ashtu, Gezimi pritet të zhvillojë një turne nëpër botë, e njëra ndër ndalesat e tij patjetër që do të jetë Prishtina.

Teksa autori ndante historinë e tij të jashtëzakonshme duke filluar nga ikja e gjenocidit në Kosovë e deri tek të folurit në Universitetin e Harvardit si shqiptari-suedez i parë që krijoi një institut arti dhe argëtimi në Los Anxhelos, e po ashtu si një mentor global i muzikës dhe këshilltar i menaxhimit, Gezim Gashi harton rrugën drejt suksesit dhe përmbushjes personale.

Historia e Gezimit dëshmon se zhbllokimi i vetes sonë autentike nxjerr potencialin tonë më të madh në një botë pa kufij, e sidomos tani pas pandemisë. / KultPlus.com

Mbretëresha Silvia e Suedisë zgjedhë Gezim Gashin si udhëheqës të Fondacionit të saj me ShBA

Gezim Gashi i cili tash e sa kohë ka korrur sukses të madh nëpër botë, ka bërë të ditur përmes një statusi në rrjetin social Facebook se Mbretëresha Silvia e Suedisë e ka zgjedhur atë si udhëheqës të Fondacionit të saj me ShBA. Një organizatë kjo e themeluar nga Mbretëresha Silvia së bashku me Organizatën Botërore të Shëndetit (WHO – World Health Organization), përcjell KultPlus

Gashi tashmë ka punuar me mentorë në USA për një kohë në rolin e tij si drejtor programi, ku lehtëson programimin e studentëve dhe të rinjve me cilësi të lartë. Kjo përfshin, por nuk kufizohet vetëm në, frymëzues dhe motivues të lidershipit të të rinjve dhe programeve peer-to-peer, duke u fokusuar në talentet e lindura të të rinjve dhe duke siguruar një platformë për t’i bërë zërat e tyre të dëgjohen, ndërkohë që i angazhojnë të rinjtë në aktivitete pozitive dhe krijuese. fuqia për t’u bërë avokatët e tyre dhe për të jetuar një jetë të shëndetshme dhe produktive.

Jo vetëm kaq, Gashi gjithashtu do të zgjerojë rrjetin ekzistues të të rinjve të Fondacionit dhe do të krijojë marrëdhënie me organizata, kompani dhe shkolla të tjera me mendje për programim krijues dhe motivues të lidhur me të rinjtë në Shtetet e Bashkuara.

Në vitin 2019, Gezim Gashi u bë shqiptari dhe suedezi i parë që filloi një gjimnaz në SHBA – Instituti Prestigjioz i Arteve dhe Inovacionit OCS në Los Angeles. Ai ka punuar në disa projekte shkollore me disa artistë botërorë, përfshirë legjendarin Quincy Jones dhe superstarin, Dua Lipa. Pak para pandemisë, Gezim pati nderin të mbante masterklasën e tij për studentët sipërmarrës në Universitetin e Harvardit me famë botërore në Boston. Gezim tani është një debutues me librin e tij të parë të vetë-ndihmës “Unlocked: The Power of You” i cili do të dalë në treg më 29 nëntor 21 në SHBA. / KultPlus.com

Fotografia: Martina Wärenfeldt

Shqiptari Gezim Gashi së shpejti publikon librin e tij debutues në SHBA

Gezim Gashi do të publikoj librin e tij debutues më 29 nëntor të këtij viti, me ç’rast libri i titulluar ”Unlocked: the power of you”, do të jetë i disponueshëm në Amazon në mbarë botën si dhe në libraritë në ShBA, përfshirë këtu edhe bibliotekën prestigjioze ‘New York Library’, shkruan KultPlus.

”Unlocked: the power of you” është një libër që përfshihet në kategorinë ‘self-help books’ dhe ka të bëjë me mënyrën se si të plotësoni 12 hapa për gjetjen e çelësit për veten tuaj të vërtetë dhe se si të nxjerrim potencialin e juaj më të madh.

Libri ende nuk ka një datë të planifikuar për botim në Kosovë, por është menduar gjatë vitit 2022. Po ashtu, Gezimi pritet të zhvillojë një turne nëpër botë, e njëra ndër ndalesat e tij patjetër që do të jetë Prishtina.

Teksa autori ndante historinë e tij të jashtëzakonshme duke filluar nga ikja e gjenocidit në Kosovë e deri tek të folurit në Universitetin e Harvardit si shqiptari-suedez i parë që krijoi një institut arti dhe argëtimi në Los Anxhelos, e po ashtu si një mentor global i muzikës dhe këshilltar i menaxhimit, Gezim Gashi harton rrugën drejt suksesit dhe përmbushjes personale.

Historia e Gezimit dëshmon se zhbllokimi i vetes sonë autentike nxjerr potencialin tonë më të madh në një botë pa kufij, e sidomos tani pas pandemisë. / KultPlus.com

Shqiptari Gezim Gashi nënshkruan marrëveshje për botimin e librit të tij debutues në SHBA

Jeta Zymberi
Fotografia: Martina Wärenfeldt

Muaji Mars i këtij viti e solli shqiptarin Gezim Gashi me një ligjëratë para studentëve nga e gjithë bota në Universitetin prestigjioz “Harvard”. Rrugëtimi i tij nga një refugjatë në një djalë të suksesshëm, ka bërë që rrëfimi i tij të jetë inspirues për dëgjuesit, shkruan KultPlus.

Gashi, një emër i suksesshëm në industrinë e muzikës në Los Angeles dhe duke qenë shqiptari i parë që është një ndër themeluesit e shkollës së artit në Amerikë, duket sikur pasion e ka të sfidojë veten.

Situata e krijuar nga pandemia, e ka bërë Gashin të gjejë veten edhe në një fushë tjetër të artit.

Falë ditëve të pandemisë, Gashi tashmë po sjell në treg librin e tij debutues. Ky libër i cili pritet të publikohet në vitit 2021, vjen pas marrëveshjes së nënshkruar me botuesin, me Agjencinë Kanadeze TSPA.

“Jam shumë i entuziazmuar që po nxjerr në treg një libër. Shumë shpejt do të ndaj me publikun titullin e librit, kopërtinën dhe të gjitha detajet tjera”, ka thënë Gashi i cili tutje nis dhe shpalos për KultPlus rrugëtimin e tij se si erdhi deri të ideja për librin.

“Unë isha në NYC dhe sapo i kisha thënë lamtumirë nënës dhe motrës sime që më vizituan në qytet, përpara se SH.B.A. të shpallnin një emergjencë kombëtare për shkak të Covid-19. NYC shpejt u bë një “qytet fantazmë” dhe të qenit vetëm në banesën time më bëri të kthehem te shkrimet për të gjetur paqen. (E cila është padyshim hera e parë që ka ndodhur ndonjëherë.) Kjo ishte diçka që me të vërtetë më pëlqente ta bëja, 30 minuta në një orë çdo mbrëmje para se të flija dhe vazhdova ta bëja atë në Los Angeles, NYC (Verë 2020) dhe Suedi”, tregoi Gashi për KultPlus procesin e të shkruarit.

Ndërsa disa javë më parë, ai e ndjeu se këto shkrime duhet t’i ndajë me publikun.

“Disa javë më parë, me të vërtetë e ndjeva – kjo është diçka që duhet ta ndaj … Ky do të ishte një libër i shkëlqyeshëm! Dhe … Më në fund mund t’ju them se – Unë kam nënshkruar një marrëveshje botimi me Agjencinë Kanadeze TSPA dhe do të nxjerr librin tim të parë në 2021! Jam kaq i emocionuar.”

Libri synon të përcjellë një mesazh tek lexuesit, e Gezimi nisur nga rrugëtimi i tij jetësorë beson që ky mesazh vjen i qartë dhe i fuqishëm.

“Përmes librit tentoj të përcjell një mesazh të qartë. Si të keni besim në vetveten dhe si të arrini sukses. Unë vijë nga Akllapi, ndërsa jam lindur në Prishtinë, ndërsa në Suedi kemi migruar me familje në vitin 1992. Sukseset dhe puna më kanë sjell në Amerikë, ku mundohem që çdo ditë të jap më të mirën time që ta bëj edhe vendin tim krenarë”, thotë Gashi. 

Krejt për fund, ai ka treguar që do të jetë i përmbushur vetëm në momentin që libri do të vijë edhe në gjuhën shqipe e për të cilën gjë është duke punuar.

“Libri do të vijë edhe në shqip, jam i bindur. Agjencia TSPA ka punuar me shumë best selling author në Amerikë dhe janë duke bërë një punë të mrekullueshme që librin tim ta promovojnë sa më shumë në SHBA. Ky libër pritet të prezantohet në gjithë botën dhe uroj që pas përfundimit të Covid-19 të dal të takoj sa më shumë njerëz. Por, për momentin dua të ju them të gjithëve që shkoni ëndrrës pas, mbani shpresa dhe jetoni secilën ditë në mënyrën më të mirë”, ka përfunduar kështu Gashi.

Të gjithë ju që dëshironi të jeni sa më të informuar në lidhje me librin e Gashit, mund të regjistroheni këtu: https://gezimgashi.typeform.com/to/L5iVek4N / KultPlus.com

Gezim Gashi me ligjëratë në “Harvard”, prezanton Erza Muqollin, e krahasojnë me Celine Dion

Jeta Zymberi

Një emër i suksesshëm në industrinë e muzikës në Los Angeles dhe duke qenë shqiptari i parë që është një ndër themeluesit e shkollës së artit në Amerikë, Gezim Gashi rrugëtimin e tij nga një refugjatë në një djalë të suksesshëm e ka shpalosur para studentëve nga e gjithë bota në Universitetin prestigjioz “Harvard”, shkruan KultPlus.

Të larguar nga Kosova gjatë kohës së luftës, ai bashkë me familje u shpërngulën në Alvesta të Suedisë dhe tash historinë e tij e ka ndarë në universitetin më prestigjioz në botë, në “Harvard”.

Gashi e ka vlerësuar këtë si një përvojë të veçantë duke pasur parasysh se si është rritur dhe sa shumë është ushqyer me ëndrra që sot po i bëhen realitet.

“Ligjërata ime para studentëve nga e gjithë bota në Universitetin prestigjioz “Harvard” është një ëndërr e bërë realitet. Para studentëve kam folur për rrugëtimin tim, nga refugjatë nga Kosova në Suedi e deri te vlerësimi i George W Bush (që edhe ai ishte student aty ku po ligjëroja). Gjithashtu kam folur për shkollën e muzikës që e kam hapur në Amerikë, si dhe rreth mbështetjes që po e marr nga industria e muzikës në US”, ka treguar në pika të shkurtra Gashi rreth asaj se çfarë ka shpalosur para të pranishmëve.

Por përveç ligjëratës, Gashi ka vendosur që përpara studentëve nga e gjithë bota të prezantoj edhe yllin shqiptar Erza Muqollin e cila po mahnit të gjithë me zërin e saj magjikë.

Erza Muqolli gjatë kësaj ligjërate është lidhur me Skype, ku përmes ekranit ajo ka folur në gjuhën shqipe për suksesin dhe ëndrrat e saj.

“Erza ka folur për ëndrrat e saj, ndërsa unë duke e vlerësuar vokalin që ajo ka, e kam krahasuar atë me Celine Dion dhe Mariah Carey dhe studentët ishin të të njëjtit mendim. Të gjithë po mahniten me zërin e saj”.

Ky prezantim i dy shqiptarëve në “Harvard” është një tjetër sukses që flet shumë për punën dhe arritjet e tyre. / KultPlus.com

View this post on Instagram

Still can’t get over yesterday at @harvard

A post shared by Gezim Gashi (@thegezimgashi) on

Ylli shqiptar, Erza Muqolli prezantohet në ‘Harvard’ nga Gezim Gashi

Jeta Zymberi

Gezim Gashi, i pari shqiptar në botë që ka hapur shkollë të artit në Amerikë dhe një emër i suksesshëm në industrinë e muzikës në Los Angeles, po vazhdon të punojë fort në rrugën që ka zgjedhur, shkruan KultPlus.

Përderisa të gjithë e ëndërrojnë shkollimin në Universitetin më prestigjioz në botë “Harvard”, Gashi është i ftuar për të ligjëruar para studentëve nga gjithë bota. Kjo padyshim që është një arritje e madhe për të duke pasur parasysh se si është rritur dhe sa shumë është ushqyer me ëndrra që sot po i bëhen realitet.

“Kjo është e pabesueshme për mua. Momente të tilla më kujtojnë mënyrën se si jam rritur. Kam qenë një refugjat gjatë luftës në Kosovë me ëndrra të mëdha. Bashkë me familjen time u shpërngulëm në Alvesta të Suedisë dhe tash më duhet të ndaj historinë time në universitetin më prestigjioz në botë, në “Harvard”, ishte shprehur Gëzim Gashi për KultPlus.

Por përveç ligjëratës, Gëzim Gashi ka vendosur që përpara studentëve nga e gjithë bota të prezantoj yllin shqiptar Erza Muqollin e cila po mahnit të gjithë me zërin e saj magjikë.

Erza Muqolli gjatë kësaj ligjërate do të lidhet me skype, ku përmes një ekrani gjigant ajo do të flas për suksesin e saj para të pranishmëve.

Gashi ka ndarë lajmin edhe në rrjetet e tij sociale duke u shprehur tejet i emocionuar për këtë prezantim të Erzës.

“Kaq i emocionuar të njoftoj se Erza Muqolli po bashkohet me mua në Universitetin e Harvardit në 9 Mars! Erza është vetëm 14 vjeç dhe është me origjinë nga Kosova, por ka lindur dhe jeton në Francë. Erza ka brenda vetës elementin që të bëhet një artiste e madhe dhe unë jam shumë i entuziazmuar që ajo do të jetë me mua në Harvard!”, ka njoftuar Gashi.

Përndryshe, Muqolli e cila ka arritur një sukses të madh sidomos në Francë, pritet të shndërrohet në një yll edhe përtej Francës.

Ligjërata nga Gëzim Gashi ku do të prezantohet edhe Erza Muqolli, do të mbahet më datë 9 mars 2020, në Universitetin e Harvardit.  /KultPlus.com

https://www.instagram.com/p/B9DxW1vhiAI/

Fondacioni “Sunny Hill” hap konkurs për të rinj nga Kosova për masterklasë në ShBA


Fondacioni “Sunny Hill” është në partneritet me Institutin e Arteve dhe Inovacionit OCS për të pritur 3 artistë të rinj nga Kosova për një kurs 4-javor dhe masterklasë në Los Angeles – California, përcjellë KultPlus.

Fondacioni “Sunny Hill” është në kërkim të këngëtares, producentit dhe interpretuesit më të mirë të ri në Kosovë.

Nëse jeni midis moshës 13 dhe 17 vjeç dhe besoni se keni një karrierë në industrinë e muzikës dhe tashmë po bëni diçka në lidhje me të, ju duhet të aplikoni këtu. Nëse shkruani këngë origjinale ose prodhoni kopertina të artistëve të tjerë ose jeni një interpretues, mund të shkoni në LA, menjëherë në shkurt të vitit 2020

Pasi të plotësoni formularin dhe të ngarkoni materialet tuaja, tregoni diçka për ju me disa fjalë: pse duhet të zgjedheni për këtë kurs dhe çfarë ju veçon nga të tjerët.

Talentet e reja do të zgjidhen nga Alyssa Lein Smith nga Quincy Jones Productions, Ulla Sjöström nga Musikmakarna dhe Mary Kay Altizer nga OCS Institute of Art and Innovation. Ata do të kalojnë 1 muaj në Los Angeles, 2 javë do ti dedikohen krijimit të shkrimit të këngëve, prodhim, interpretim në Institutin e ri të OCS të Arteve dhe Inovacionit në Westlake Village dhe 2 javë të tjera do të shfrytëzohen në kryeqytetin argëtues të botës në Hollywood të organizuara nga Gezim Gashi i cili do të jetë mentori dhe kujdestari ligjor për 3 fituesit.

 Fituesit do të kalojnë kohën me Alyssa Lein Smith dhe do të ekspozohen në A&R të Quincy Jones Productions, si dhe do të marrin një klasë unike dhe master brenda në industrinë e argëtimit.

Turneu në studio dhe takimi me Rami Yacoub, kantautor dhe producent, hit-krijues për Ariana Grande, One Direction, Demi Lovato. Talentet e rinj të Kosovës do të takojnë Ulla Sjöström dhe Musikmakarna, shkolla numër një e shkrimeve të këngëve në botë, një klasë masteri se si të merrni mjetet dhe njohuritë për të shkruar këngë bashkëkohore.

Afati i fundit për aplikime është 20 janar 2020.

Ky është linku ku mund të aplikoni: http://sunnyhillfoundation.org/project/sunny-hill-foundation-is-looking-for-the-best-songwriter-producer-and-performer-in-kosovo/?fbclid=IwAR0gJF8VvcYRmOksnPDUOtk0pT0diosGbZBDmLq1XjRhiWH60P8O1YT8Ncw / KultPlus.com

Shqiptari Gezim Gashi, nga një refugjat tashmë me ligjëratë në Universitetin prestigjioz “Harvard”

Jeta Zymberi

Duket sikur jeta e vështirë prej një refugjati është shndërruar në forcë për shumë shqiptarë që gjatë kohës së luftës në Kosovë morën rrugën në vende të ndryshme të botës për të pasur një jetë më të sigurt, shkruan KultPlus.

Shumë nga këta persona sot gëzojnë një jetë me plot suksese e madje disa edhe me një famë të madhe botërore, çka ka bërë që shqiptarët të ndihen krenarë me këta emra.

Një ndër ta është edhe djali nga Kosova, Gezim Gashi. Ai është shqiptari i parë në botë që ka hapur shkollë të artit në Amerikë. Ai është një prej emrave më të njohur shqiptar në botën e artit në Suedi dhe emër i suksesshëm në industrinë e muzikës në Los Angeles.

Por, degëzimet e suksesit për të po shtohen çdo ditë e më shumë.

Përderisa të gjithë e ëndërrojnë shkollimin në Universitetin më prestigjioz në botë “Harvard”, Gashi është ftuar për të ligjëruar para studentëve nga gjithë bota. Kjo padyshim që është një arritje e madhe për të duke pasur parasysh se si është rritur dhe sa shumë është ushqyer me ëndrra që sot po i bëhen realitet.

“Kjo është e pabesueshme për mua. Momente të tilla më kujtojnë mënyrën se si jam rritur. Kam qenë një refugjat gjatë luftës në Kosovë me ëndrra të mëdha. Bashkë me familjen time u shpërngulëm në Alvesta të Suedisë dhe tash më duhet të ndaj historinë time në universitetin më prestigjioz në botë, në “Harvard”, është shprehur Gëzim Gashi për KultPlus.

Gashi për dy vitet e fundit ka zhvilluar markën për shkolla dhe kompani të tjera në Suedi dhe Evropë dhe përmes punës së tij ka marr fokusin e Forbes dhe Huffington Post.

“Ndihem shumë krenar të ndaj historinë time dhe të njihem për atë që unë bëj për gjeneratën e re. Jam krenar që jam shqiptar dhe fakti që i bëj njerëzit e mi krenarë është shumë e rëndësishme për mua. Mezi po pres të marr pjesë në Harvard dhe të ligjëroj para studentëve nga e gjithë bota”, ka thënë Gashi.

Ligjërata nga Gëzim Gashi do të mbahet më datë 9 mars 2020, në Universitetin e Harvardit.  /KultPlus.com

Gezim Gashi i ftuar në darkën e prestigjiozes “Forbes” dedikuar Quincy Jones

Revista prestigjioze amerikane “Forbes” ka mbajtur mbrëmjen speciale vjetore ku të ftuar kishte njerëz të rëndësishëm në biznesin botëror, shkruan KultPlus.

Kjo mbrëmje ju dedikua në veçanti producentit më të njohur në botë, Quincy Jones, si njeriu me më së shumti Grammy Awards në histori.

Në këtë mbrëmje ishte ftuar edhe shqiptari Gezim Gashi, pasi ai është bërë shqiptari i parë që ka hapur shkollë të artit në Amerikë.

Madje këtë vit Gashi ishte në Kosovë, ku bashkë me Dua Lipën u shfaqën në konferencën zyrtare të Festivalit “Sunny Hill” ku edhe njoftuan për bashkëpunimin mes tyre.

Aty u deklarua se Sunny Hill Foundation në bashkëpunim me Oaks Christian School dhe Institute of Arts and Innovation, përfaqësuar nga Gëzim Gashi, në vitin 2020 do të dërgojnë tre të rinj nga Kosova për në Amerikë, si pjesë e Quincy Jones Production dhe Institute of Arts and Innovation.

Gashi për dy vitet e fundit ka zhvilluar markën për shkolla dhe kompani të tjera në Suedi dhe Evropë dhe përmes punës së tij ka marr fokusin e Forbes dhe Huffington Post. Gashi po studion aktualisht Ndërmarrësin në Shkollën e Biznesit të Harvardit. / KultPlus.com

Shqiptari Gezim Gashi në Emmy Awards, shfaqet përkrahë Tamra Simmons

Të dielën mbrëma është zhvilluar edicioni i 71-të i ndarjes së çmimeve Emmy (Primetime Emmy Awards) në Microsoft Theater të Los Angelesit. “Game of Thrones”, “Fleabag” dhe “Chernobyl” ishin fituesit e mëdhenj.

Në këtë eveniment të madh ishin prezent fytyrat më të njohura të artit në botë. Por, në mesin e tyre ishte edhe shqiptari Gezim Gashi, shkruan KultPlus.

Gëzimi gjatë kësaj mbrëmje ka parakaluar në tepihun e kuq teksa në një foto të shpërndarë në rrjetet sociale ai shihet përkrahë producentes së njohur botërore Tamra Simmons,

Gezim Gashi është një emër që po përmendet në botë për punën e tij të madhe me talentet e rijnë në muzikë dhe ai gjithashtu është shqiptari i parë në botë që ka hapur shkollë të artit në Amerikë.

Gashi për dy vitet e fundit ka zhvilluar markën për shkolla dhe kompani të tjera në Suedi dhe Evropë dhe përmes punës së tij ka marr fokusin e Forbes dhe Huffington Post. Gashi po studion aktualisht Ndërmarrësin në Shkollën e Biznesit të Harvardit. / KultPlus.com

George Bush vlerëson shqiptarin e parë që hap shkollë të muzikës në Amerikë

Jeta Zymberi

Emri i Gezim Gashit po lartësohet çdo ditë e më shumë. Kjo falë punës së tij të madhe e cila po sjell çdo ditë e më shumë sukses, shkruan KultPlus.

Një ndër artistët më të njohur në Suedi, ai tashmë ka arritur që të jetë shumë i suksesshëm edhe në Amerikë. Gashi dy vitet e fundit ka zhvilluar edhe markën për shkolla dhe kompani të tjera në Suedi dhe Evropë të titulluat ‘By Gezim Gashi’ duke bashkëpunuar me shkollat më me nam në Amerikë dhe jo vetëm.

Gezim Gashi u bë shqiptari i parë që hap shkollë të muzikës në Los Angeles dhe Atlanta, por ai nuk e ka ndërmend të ndalet.

Mbrëmë në Los Angelos, është organizuar një event nga Oaks Christian School dhe Gezim Gashi  të cilët bashkë po e hapin shkollën Institute of Arts and Innovation në gusht të këtij viti. Ky event kishte një qëllim krejt të veçantë, krijimin e një fondi për të ju dal në ndihmë të gjithë atyre talenteve që nuk kanë mundësi të shkollohen. Gashi ka treguar për KultPlus se shuma e grumbulluar në këtë mbrëmje ishte 1 milion dollarë dhe ai u shpreh tejet i lumtur që këto mjete do të ju ndahen talentëve të rinj për shkollim.

Në këtë event ishin të pranishëm shumë artistë, biznesmen e figura të njohura të cilët dhanë kontributin e tyre për këta të rinj.

Ndër të pranishmit ishte edhe ish – Presidenti i SHBA-së George w. Bush dhe Laura Bush, ndër përkrahësit më të mëdhenj të Pavarësisë së Kosovës.

Gezim Gashi është vlerësuar në mënyrë të jashtëzakonshme nga George W. Bush, i cili e ka vlerësuar punën e tij që po e bënë me talentët e rinj.

Gjatë takimit të tyre, Bush dhe Gashi, ndër të tjera ata kanë folur edhe për Kosovën.

“Në momentin që i kam treguar George W. Bushit që unë vij nga Kosova dhe gjithë rrugëtimin tim dhe largimin nga lufta, ai ka reaguar me një ëoë dhe u shpreh shumë  i lumtur që kam arritur këtu ku jam. Më ka vlerësuar shumë për punën që po bëj, ndërsa për mua ka qenë një ndjenjë si në ëndërr momenti kur ai më ka dhënë dorën dhe vlerësimet që i kam dëgjuar nga ai, ishte një moment shumë domethënës për mua”, ka thënë Gashi për KultPlus.

https://www.instagram.com/p/Bv9My-lgqdw/?fbclid=IwAR3GFEkx49CzKx21eYmt2gLQPHFj5RaDnahZzorySVyDDjtR0g1J12_QaT8

Ai gjithashtu tregoi së sa falënderues i është shprehur ish-presidentit të SHBA-së për përkrahjen që i ka dhënë Kosovës.

“Bush ishte një njeri i mrekullueshëm, në momentin që e falënderova për ndihmën që i ka dhënë shtetit tonë ai u ndje shumë i mirë”, tregoi krejt për fund Gashi.

Gashi, është një sipërmarrës i përhershëm dhe student i Harvard Business, ka zhvilluar markë për shkollat ​​muzikore që po udhëheqin dhe për kompanitë e tjera në Suedi, Evropë dhe Shtetet e Bashkuara. Puna e tij inovative është njohur nga revista Forbes dhe Huffington Post. /KultPlus.com

Shqiptari Gezim Gashi hap shkollë të muzikës në SHBA, lajmin e jep ditën e Pavarësisë së Kosovës

Jeta Zymberi

Pas lajmit të madh javë më parë për sukseset e shqiptarit Gezim Gashi i cili u bë shqiptari i parë që hap shkollë të muzikës në Los Angeles, tashmë na vijnë lajmet e tjera gjithmonë e më befasuese, shkruan KultPlus.

Gezim Gashi është shqiptari më i njohur në Suedi sa i përket botës së artit, por sukseset e tij tashmë kanë shpërthyer në Amerikë e tutje. Gashi ka konfirmuar për KultPlus se tashmë po e hap shkollën e dytë për muzikë në Atlanta dhe këtë lajm emocionues ai ka vendosur ta ndajë me të gjithë pikërisht ditën e djeshme, ditën e Pavarësisë së Kosovës, duke dashur kështu që urimi i tij të jetë përmes punës dhe sukseseve në të mirë të vendit.

Familja e tij u largua nga Kosova për në Suedi në vitin 1992, ata punuan pa ndalur atje, por Gashi dy vitet e fundit ka zhvilluar edhe markën për shkolla dhe kompani të tjera në Suedi dhe Evropë të titulluat ‘By Gezim Gashi’ duke bashkëpunuar me shkollat më me nam në Amerikë dhe jo vetëm.

By Gezim Gashi tashmë ka bashkëpunuar edhe me Landmark Christian School në Fairburn, GA, për të zhvilluar dhe nisur një platformë muzikore unike në Atlanta për studentët e interesuar në industrinë e muzikës, The Landmark Music Academy, do të hapet këtë vit në Atlanta, GA.

Fillimi i Akademisë së Muzikës paraqet një marrëdhënie emocionuese midis udhëheqësve të shkollës dhe industrisë, duke kombinuar platformën përfundimtare të një rrjeti profesional me një arsimim të pasur, relevant dhe të dobishme. Kjo ofertë tërheq brezin më të ri të talenteve muzikore në Atlanta të Landmark, duke i zhvilluar ata për një të ardhme dinamike në industrinë e muzikës.


Momentalisht kjo shkollë është duke bashkëpunuar me kompaninë suedeze, By Gezim Gashi, për zhvillimin e platformës muzikore. Gashi, një sipërmarrës i përhershëm dhe student i Harvard Business, ka zhvilluar markë për shkollat ​​muzikore që po udhëheqin dhe për kompanitë e tjera në Suedi, Evropë dhe Shtetet e Bashkuara. Puna e tij inovative është njohur nga revista Forbes dhe Huffington Post.

Gashi thotë: “Unë jam i ngazëllyer për këtë udhëtim të mahnitshëm në Atlanta! Industria e muzikës është e madhe këtu dhe së bashku me këtë Akademi muzikore shumë të rëndësishme do të krijojmë një platformë unike për industrinë muzikore të Atlanta”.

Drejtori i shkollës, Dr. Jason McMaster thotë që: “Akademia e Muzikës primare e ka nisjen e zbulimit të artistëve të rinj.

“Jemi të kënaqur të japim një program të tillë inovativ për gjeneratën e ardhshme dhe ky është vetëm fillimi. Gezim Gashi është një nga më të mirët në fushën e tij dhe është një talent i mrekullueshëm, unë jam shumë krenar që e kam atë si pjesë të këtij projekti të ri në arsim “, komenton McMaster.

https://www.instagram.com/p/Bt-1PBQAlHm/

Akademia e Muzikës ofron udhëzime të përditshme vokale dhe instrumentale, performancë, shkrim, prodhim muzikor, regjistrim digjital dhe klasa biznesi në fushën e marketingut dhe të markës për këtë industri gjithnjë në ndryshim.

Gezim Gashi, po punon fuqishëm në rrugën që ka nisur dhe sukseset e tij po bëjnë krenarë të gjithë shqiptarët. /KultPlus.com

https://www.instagram.com/p/Bt_pCHCgSEY/

Gezim Gashi, shqiptari i parë që hap shkollë të muzikës në Amerikë



Jeta Zymberi
Foto: Martina Wärenfeldt

Gezim Gashi është shqiptari më i njohur në Suedi sa i përket botës së artit. Emri i tij është përcjellë gjithmonë me lajme të mëdha dhe me suksese kryesisht në botën e muzikës. Ai u largua nga Kosova për në Suedi si fëmijë në vitin 1992, për t’u shndërruar sot në një yll atje, shkruan KultPlus.

Por, Gashi nuk u mjaftua vetëm me suksesin e tij në Suedi, ëndrrat e tij ishin më të mëdha. Ai mori rrugën për në Los Angeles për të vazhduar rrugëtimin e nisur e për t’u futur në industrinë më të madhe të muzikës, atje ku edhe debutoi me disa këngë shumë të suksesshme.

Por tashmë ai befason me një tjetër lajm shumë të madh.

Gezim Gashi bëhet shqiptari i parë në botë që po hapë një shkollë të artit në Amerikë.

Gashi për dy vitet e fundit ka zhvilluar markën për shkolla dhe kompani të tjera në Suedi dhe Evropë dhe përmes punës së tij ka marr fokusin e Forbes dhe Huffington Post. Gezim Gashi po studion aktualisht Ndërmarrësin në Shkollën e Biznesit të Harvardit dhe tani po bëhet suedezi dhe shqiptar i parë që po nis zhvillimin e  një shkollë të mesme në Shtetet e Bashkuara të Amerikës.

Kompania e tij “By Gezim Gashi” në bashkëpunim me Oaks Christian School do të  hapin Institutin e ri të Arteve dhe Inovacionit në Los Angeles, CA.

https://www.instagram.com/p/Bs5-dAGhI9S/

“By Gezim Gashi” dhe Oaks Christian School shprehen të lumtur që po prezantojnë Institutin e ri të Arteve dhe Inovacionit(IAI). Sipas tyre, IAI do të përgatisë studentët e artit  për t’i përvetësuar programet e kolegjeve dhe  për tu bërë pjesë e tregut.

Që nga fillimi i gushtit të vitit 2019, IAI do të ofrojë fillimisht tri drejtime: Songwriting, Production Music dhe Film. Në vitet që vijnë, IAI planifikon të ofrojë drejtime shtesë që kanë të bëjnë veçanërisht me performim dhe me artet pamore. Masterklaset, ligjëratat dhe puna praktike do të shoqërohen me botën reale të ndërmarrësisë, marketingut dhe brendeve. Mentorimi etik i artistëve dhe edukimi i individualizuar, së bashku me praktikat reale të botës dhe mundësitë sipërmarrëse, do të jenë pikat kryesore të këtij Instituti të Ri të Arteve dhe Inovacionit. Një program i ri i konviktit për banim do të hapet këtë vjeshtë në Oaks Christian School, duke bërë të mundur që studentët nga SHBA-të dhe e  gjithë bota të jenë pjesë në IAI.

https://www.instagram.com/p/BsA4TWqg413/

 Oaks Christian School është renditur si një nga shkollat ​​më të mira private në SHBA. Nxënësit e shquar nga kjo shkollë janë: Jaden Smith, Gigi Hadid, Sofia Richie, Phil BickFord, Colin Ford, Rachel Mattheës dhe shumë të tjerë.

Nëse ju ose dikush që njihni është i interesuar të jetë pjesë e kësaj historie emocionuese, ju tashmë mund të aplikoni për tu bërë pjesë e saj. /KultPlus.com

View this post on Instagram

Me singing "It's A Man's Man's Man's World" ❤

A post shared by Gezim Gashi (@thegezimgashi) on