Së shpejti nisë seriali “Tre vllaznit”, Istrefi: Fillimisht do të xhirojmë 12 episode dhe shpresojmë të vazhdojmë

Me personazhe të dashur dhe aktrim të nivelit të lartë, në ditët e sotme serialet “sitcom” janë bërë pjesë e pandashme e njerëzve që duan humorin dhe kanë nevojë të qeshin vazhdimisht. Një serial i tillë shumë shpejt do të jepet edhe në Kosovë, me emrin “Tre vllaznit”, shkruan KultPlus.

E njohur ndryshe edhe si “komedi situatash”, forma e artit të argëtimit “sitcom” përfshin një kast të vazhdueshëm personazhesh në një sërë episodesh.

Në një prononcim për KultPlus, regjisori Shkumbin Istrefi njoftoi se ky serial ka tematikë jetën dhe përditshmërinë e tre vëllezërve që jetojnë në një shtëpi.

“Seriali si tematike bosht ka jetën dhe përditshmërinë tre vëllezërve që jetojnë në një shtëpi. Konfliktin e mentaliteteve të tyre”.

Aktorët të cilët do të luajnë në këtë serial janë Ilir Tafa, Valmir Krasniqi dhe Lum Veseli, e gjithashtu, pritet që në aktrim të rikthehet edhe ikona e muzikës, Sabri Fejzullahu.

Edhe Teuta Krasniqi, Fatos Kryeziu, Shengyl Ismaili, Veton Osmani, Arbnesha Gravoci Nixha e disa të tjerë pritet të jenë pjesë e këtij seriali.

“Fillimisht do t’i xhirojmë 12 episode, e po shpresojmë të vazhdojmë”, u shpreh Istrefi, duke treguar se gjithashtu janë edhe 300 episode të shkruara.

Producent i këtij seriali do të jetë Zijad Mehic, i cili është i njohur për krijimtarinë e tij me filmat Fuse (2003), All for Free (2006) dhe Borderline Lovers (2005).

Regjisori bën me dije se ky serial planifikohet të shfaqet në televizionin ATV, por sigurisht do të ketë qasje edhe përmes rrjeteve sociale.

Ndërkaq, sitcomet nëpër botë karakterizohen nga përleshje verbale dhe konfilikte të zgjidhura me shpejtësi. /KultPlus.com

Jehon Gorani në rolin e mafiozit kryesor në serialin ‘Diamonds’ të Netflixit

Aktori shqiptar, Jehon Gorani, i cili jeton dhe vepron tash e 20 vite si aktor në Belgjikë, do të luajë në një sërial të prodhuar nga kompania e famshme “Netflix” me titull “Diamonds”, shkruan KultPlus.

Seriali dramë me tetë pjesë do të vijë nga bashkëkrijuesit e ‘Fauda’ dhe ‘Line In The Sand’, Yuval Yefet dhe Rotem Shamir, të cilët do të drejtojnë gjithashtu serialin.

Në një prononcim për KultPlus, Gorani tregon se rolin e tij e ka fituar në vitin 2021, por pandemia COVID-19 ka ndikuar që xhirimet të shtyheshin.

“Rolin e kam fituar qysh në vitin 2021, por xhirimet janë shtyer për shkak të pandemisë. Seriali pritet të transmetohet në Netlifx më vonë këtë vit (në varësi të rrethanave)”.

“Këtu bëhet fjalë për një familja hebreje, e cila është e zhytur në nëntokën e Antwerpit, qendrës më të madhe të diamanteve në botë. Një nga anëtarët e familjes nuk dëshiron të jetë pjesë e bizneseve të ndyra andaj edhe largohet nga fmilja, por pas një tragjedie familjare ai obligohet të rikthehet dhe merr përsipër biznesin familjar, duke hyrë kështu në ujërat e trubullta”, thotë Gorani.

I pyetur se si erdhi te ky bashkëpunim, Gorani për KultPlus ka thënë se profili i tij ka qenë i përshtatshëm.

“Unë jam si aktor në Belgjikë tash e 20 vite, profili im ka qenë i përshtatshëm për rol andaj edhe jam kontaktuar nga produksioni”.

Ai do të luajë rolin e mafiozit kryesor, i cili kontrollon portin e Antwerpit.

Drama mafioze është bashkëprodhim nga Keshet International dhe kompania belge e prodhimit De Mensen, derisa regjisori Rotem Sahir është i njohur edhe për serialin “Fauda”, i cili është gjithashtu prodhim nga Netflix. /KultPlus.com

Seriali ‘Besa’ po kompleton sezonën e dytë, sonte jepet episodi i fundit

Në botë kurdo që përmendet besa, dihet se fjala është për shqiptarët. Popull, ky i cili shquhet për këtë virtyt i cili është mbajtur në piedestal për shekuj me radhë, transmeton KultPlus.

Seriali “Besa”, i cili ka të bëjë me Uros Peric një biznesmen i vogël nga Beogradi. Ai vret një vajzë të një bosi mafioz shqiptar në një aksident automobilistik. Për të shpëtuar familjen e tij, ai detyrohet të kryejë krime për mafian. serial, me fjalët e vet aktorëve i ka thyer barrierat ndërkulturore në Ballkan të cilat ndër vite thuajse arritën të prekin qiellin.

Në këtë serial marrin pjesë aktorë nga Kosova, Maqedonia e Veriut, Sërbia, Kroacia, Shqipëria, etj.

Sezona e dytë e këtij seriali pritet që të përfundojë sonte, kur edhe do të shfaqet episoda e fundit me fillim nga ora 21:00. Platforma “Grey” është vendi ku edhe mund të shikohet ky serial. /KultPlus.com

”Friends” rikthehet në ekranin amerikan

”Friends”, seriali më i famshëm amerikan, feston përvjetorin e 25 duke u kthyer përsëri në ekranin amerikan, përcjellë KultPlus.

Intervista me aktorë, sezonet dhe prapaskenat e serialit do të transmetohen në qindra kinema të Amerikës për tre netë radhazi, në datat 23, 28 shtator dhe më 2 tetor të këtij viti.

Serialin në kinemanë amerikane e solli “Fathom Events” dhe ”Warner Bros”.

”Friends” është një komedi amerikane, prodhuar nga NBC gjatë periudhës 1994 – 2004. Seriali bën fjalë për një grup shokësh, që jetojnë në Manhattan të New York City, që të gjashtët kanë shumë të përbashkëta, por edhe shumë kontraste. Tematika e këtij seriali kryesisht flet për shoqërinë, situatat qesharake dhe afeksionin ndaj të tjerëve. Ka qenë një prej serialeve që ka marrur shumë kritika pozitive, dhe shpejt u bë një ndër serialet me më së shumti shikueshmëri dhe ndikim jo vetëm në Amerikë, por në tërë botën.

 Në këtë serial humoristik bëhet fjalë për gjashtë shokë të pandashëm nga njëri tjetri. Që të gjashtët kanë shumë të përbashkëta, por edhe shumë kontraste. Tematika e këtij seriali kryesisht flet për shoqërinë, situatat qesharake dhe afeksionin ndaj të tjerëve. ”Friends” ka qenë i nominuar për 63 çmime Emi. / KultPlus.com