Faik Konica është një nga personalitetet më në zë të kulturës dhe letërsisë shqiptare. Prozator dhe poet, publiçist dhe estetist, kritik letrar dhe përkthyes, ai me veprën e tij të shumanshme pasuroi dhe ngriti në lartësi të reja fjalën shqipe dhe mendimin letrar shqiptar.
“Na thonë, se qetësia mbretëron në Shqipëri; e besojmë. Na thonë, se për tre javë do ndodhet eksperti i financave në Shqipëri, gëzohemi. Na thonë, se qeveria do blerë dhjetë aeroplanë dhe japim me duart plot. Na thonë, se për pak kohë Shqipëria do të bëhet oksidentale, duartrokitim. Na thonë, se qeveria e shpëtoj shtetin nga një rrezik i madh, thërrasim me tërë fuqinë: “rroftë qeveria kombëtare!” Na thonë se fluturoi gomari… ne e besojmë”!, kishte shkruar Konica/KultPlus.com
T’i kam falë të tana rrenat e vogla e të mëdha, Të nevojshmet e të panevojshmet që i baje n’ emën të betejës së impresionimit.
Ta kam falë secilën përpjekje lakuriqe që të më mbroje prej dramave të jetës, Tu e pretendu kalorësin shpëtimtar të ndjenjave gjithqysh të trazueme të mia, pa dashtë të dije se drama ishte vetë kjo.
Të kam falë për të tana pamundësitë njerëzore me përmbushë personin tim vetmitar.
Një nga figurat më frymëzuese për gruan kosovare dhe jo vetëm është karriera dhe sfidat që ka kaluar Majlinda Kelmendi.
Ajo së fundmi, për “Jahjaga Foundation”, ka shkruar një letër të hapur për çdo vajzë dhe grua që gjendet në vështirësi apo ka nevojë për një shenjë që ajo do t’ia dalë.
Të dashura vajza,
Për çdo rrugë që e zgjidhni ta ndiqni në jetë, kam vetëm dy gjëra për t’ua thënë: punoni shumë dhe mos hiqni dorë edhe atëherë kur gjërat duken të pamundura.
Zhgënjime do të ketë. Edhe dyer të mbyllura dhe grupe njerëzish që do t’ua bëjnë rrugën vështirë të kalueshme. Mirëpo kjo është e bukura. Çdo sfidë e kaluar shndërrohet në mësimin e radhës.
Mblidhni vështirësitë dhe shndërrojini në forcë. Guxoni të ëndërroni dhe vraponi fuqishëm pas ëndrrës tuaj.
Dikur shpresoja që të mos jem e vetmja medaliste e artë e Kosovës. Nga Tokio u kthyem edhe me dy medalje të arta. Tani Kosova i ka tri. Nuk mund të isha më e lumtur e më krenare se kaq, meqë Nora e Distria u bënë të arta nga olimpiada e fundit.
Besoj fuqishëm që unë kam qenë vetëm e para e shumë medaljeve të arta që do të vijnë për Kosovën.
Petrit Halilaj ishte 12 vjeç kur trupat serbe u zhvendosën në fshatin e tij në Kosovë, duke e detyruar familjen e tij të ikte dhe më pas duke i djegur shtëpinë e tyre deri në themel. Duke grumbulluar aq sa mundën në një traktor, ata u nisën për në shtëpinë e gjyshit të tij. Kur edhe ai fshat u pushtua, ata u zhvendosën përsëri, duke ikur nga streha në strehë derisa arritën në një kamp në Shqipëri, ku qëndruan gjatë pjesës tjetër të luftës 15-mujore midis Serbisë dhe Kosovës.
Pikërisht aty, në pranverën e vitit 1999, Halilaj u takua me psikologun italian, i cili do t’i ndryshonte jetën. Në çadrën (në të cilën ai jetonte me nënën, gjyshin dhe katër vëllezërit e motrat) mbërriti lajmi se Giacomo “Angelo” Poli po i jepte letra dhe stilolapsa me majë çdo fëmije që donte të vizatonte. Nuk kaloi shumë kohë ai po shpërndante imazhe aq të fuqishme, sa sekretari i përgjithshëm i atëhershëm i OKB-së, Kofi Annan, kërkoi ta takonte gjatë një vizite në kamp.
“Unë jam rritur me Kofi Annanin. Ai ishte më i madh se ‘Star Wars’ për mua, ndaj i thashë mamasë sime: ‘Nuk mund t’ia tregoj atij një foto të vogël të formatit A4’”, kujton Halilaj për “The Guardian”, transmeton Zeri.info.
Së bashku ata arritën të përdornin një pjesë të kartonit të përdorur për dyshemenë e tendave, në mënyrë që ai të mund të rivizatonte një imazh të një masakre në një fshat. Plani fillestar ishte t’i jepte fotografinë Annanit, por mendimi i Halilajt ndryshoi nga këmbëngulja e gjyshit të tij se vizita nuk ishte më shumë se një pjesë e teatrit politik. Kështu, ndërsa imazhi u transmetua në mbarë botën, vetë fotografia mbeti në Shqipëri, ku Halilaj e rizbuloi vetëm disa dekada më vonë.
Një vit pas përfundimit të luftës, familja u kthye në Kosovë. Halilajt iu dha një bursë për një shkollë arti në Itali, duke ia hapur atij kështu një rrugë që tani e çon në galerinë e arteve “Tate St Ives” (Cornwall, Angli) për shfaqjen e tij të parë solo në Mbretërinë e Bashkuar. Megjithëse vizita e Angelos në kamp zgjati vetëm dy javë, ishte fillimi i një miqësie të përjetshme. Të dy punuan së bashku për të gjetur një sens adoleshenti në 35 vizatimet e prodhuara gjatë atij dyjavëshi, të cilat janë baza e instalacionit “Tate” të Halilajt. Një dhomë dokumenton fëmijërinë e tij: jo vetëm që përfshin një video të Annanit duke përkëdhelur kokën e Halilajt teksa ia tregon fotografinë, por edhe një fotografi të Andrew Testas që e zbuloi vite më vonë në faqen e internetit të “New York Times”, kur ai ishte i vogël, i shtypur mes dy grave të veshura trash, teksa pret në radhë për ushqim në kamp. Trashësia e tyre, thekson ai, është rezultat i shumë shtresave të ndjesisë me ngjyra që i mbronin nga i ftohti i egër dhe tani luan një rol të veçantë në artin e tij.
Vetë instalacioni është një pyll i magjepsur me imazhe, ku papagajtë dhe pallonjtë fluturojnë mbi tokën e copëtuar të varreve masive dhe të djegin në mendjen e një djali 13-vjeçar, i cili disi arriti të krijonte shpëtimin e tij nga trauma e luftës. Teksa instaluesit i varin batanijet në tavan, artisti vrapon rreth e rrotull, duke futur pendët aty-këtu – penda të pallonjve, pulave, flamengove – “për ata që duan t’i shikojnë nga afër”, transmeton Zeri.info.
“Kur flasim për luftën në Kosovë, nuk po flasim për një situatë historike që është zgjidhur”, thotë Halilaj. Por është roli i artistit të gjejë një alternativë ndaj “diplomacisë së mërzitshme”.
Në fund Halilaj thotë se “peizazhi është ai që mbetet dhe na jep ëndrrat për të ardhmen. Pra, për mua kjo ekspozitë nuk është vetëm fragmente të vitit 1999, por edhe fragmente të së ardhmes”.
Petrit Halilaj për instalacionin e tij në “Tate”
Batanija
“Kjo mbulesë kuqeverdhë ishte mbi trupin e një foshnje tremuajshe që u vra në fshatin Obri, shumë afër vendit ku jetonim. Unë nuk e kam vënë fëmijën në foto, sepse për mua është imazh i një masakre. Nuk doja t’i tregoja viktimat, sepse jemi shumë të bombarduar nga imazhet e luftës. Në fillim na thanë se ushtarët nuk do të lëndonin kurrë fëmijët. Vrasja e këtij fëmije dhe e gjithë familjes së tij ishte momenti kur fillova të jetoj me frikën e përditshme”.
Shtëpia e djegur
“Në një pjesë tjetër të instalacionit mund të shihni shtëpinë tonë të verdhë dhe të kuqe përpara se të ndodhte gjithçka, por këtu ajo po digjet me themel. Nuk ka mbetur asgjë prej saj tani. Në sfond mund të shihni një ushtar dhe një buldozer, por në plan të parë janë zogjtë me ato ngjyrat e para që Angelo na dha. Është një mënyrë për t’ia kthyer atij atë që na ka dhënë si fëmijë: letër dhe ngjyrë dhe hapësirë për imagjinatën tonë. Ishte një dhuratë kaq e mrekullueshme”, transmeton Zeri.info.
Palloi
“Zogjtë për mua përfaqësonin ngjyrën dhe gëzimin e imagjinatës sime, edhe në vendet më të këqija. Prapa tij mund të shihni hijen e një ushtari me thikë. Varet nga ju se në cilën drejtim do të ktheheni: keni ose shpalosjen e luftës, ose shpalosjen e ëndrrave”.
Djali i vogël
“Ky djalë i vogël është figura e vetme që kam marrë direkt nga vizatimi që kam bërë për Kofi Annanin. Në atë ai qëndron në njërën anë, me një tank që ecën, duke parë një masakër. Nuk doja ta fusja atë në mes, sepse nuk është një autoportret, por një foto e të gjithëve ne”.
Ekspozita e Petrit Halilajt “Shumë vullkane mbi këtë pendë të gjelbër” do të jetë e hapur deri më 16 janar në “Tate St Ives”. /Zëri/ KultPlus.com
Shfaqja teatrale “Zërat e Anës” e realizuar nga regjisorja shqiptare, Valbona Xibri do të shfaqet në teatrin e Breshia-s, më datën 9 nëntor.
“Zërat e Anës” është një performancë teatrale për monoaktore dhe frymëzohet nga jeta e gazetares ruse, Anna Politkovskaja, e vrarë më 7 tetor 2006, në Moskë.
Regjisorja Valbona Xibri vite më parë e ka realizuar dhe shfaqjen “Burrnesha”, të cilën e shfaqi nëpër vende të ndryshme të botës, por edhe në Prishtinë në kuadër të “Femart”.
Në shfaqjen e radhës “Zërat e Anës”, puna e saj bazohet në një studim të gjatë të personazhit si person dhe gazetare, e konsideruar fajtore vetëm për faktin që përpiqet t’i tregojë botës të vërtetën për krimet në Çeçeni, shkeljen e të drejtave të njeriut në Rusi, abuzimet me pushtetin dhe korrupsionin në të gjitha nivelet e shoqërisë.
“U ndjeva shumë e intriguar nga kontrastet e një gruaje kaq të ditur, të bukur, interesante dhe të dhembshur, si dhe nga guximi i saj i jashtëzakonshëm për të kërkuar të vërtetën me çdo kusht.
Duke mbledhur sa më shumë material, tentoj të ndërtojë një vepër që funksionon si mozaik pjesësh që përbëjnë historinë personale të një gruaje të fortë, por dhe të brishtë; të një bije, nëne dhe gruaje që nuk do jetojë mjaft për t’u bërë gjyshe.
Serioziteti i paparë, këmbëngulja, por edhe prirja natyrale për të ndihmuar më të dobëtit, janë të gjitha tipare që të bëjnë të mendosh Anën si një person të veçante. Objektiv i saj i vetëm ishte të përshkruante besnikërisht realitetin”, thotë Xibri.
Këto të vërteta do ta shndërrojnë atë nga një kroniste e distancuar në një gazetare të përfshirë në aspektin emocional e që i drejton vetes pyetje etike.
Ajo nuk ndihej një heroinë as kur kalonte orë të tëra në të ftohtë, duke u sjellë ujë pengjeve të teatrit të Dubrovkës në Moskë, as kur pësoi tentativë helmimi në avionin që po e çonte në Beslan për të ndjekur sekuestrimin e shkollës, as kur ajo u mor në pyetje me dorë të rëndë nga ushtria ruse dhe u privua nga sendet personale.
Ndihej thjesht një person që kishte pasur fatin të zgjidhte një profesion dhe donte ta bënte mirë deri në fund. Performanca tregon Anën nga afër, nëpërmjet ngjarjesh reale dhe të imagjinuara. Trajton kryesisht botën e saj të brendshme, të padukshmen, dhe në skenat e shkurtra që pasojnë njëra-tjetrën rikthehen ngjarjet më të rëndësishme të jetës së saj: fëmijëria, pasioni për poezitë e Marina Cvetaevës, të cilat ajo i lexon shpesh në momente të vështira dhe madje edhe nën bomba, fundi i një martese, fëmijët, puna, arrestimi, Beslani, helmimi, qeni i saj Van Gogh, copëza e tokës ku ëndërron të prodhojë perime bio për të bijën shtatzënë, një bebe që mezi po e pret. Mbesa e saj, që do t’i takojë të rritet pa gjyshen.
Shfaqja ndërtohet mbi tekste të shkurtra, këngë live dhe projeksione video dhe fotografi. Në skenën e zbrazët, të ndriçuar nga dritat që nxjerrin në pah në mënyrë thelbësore dhe të qartë gjendjen shpirtërore te personazhit, lind portreti i një gruaje të fortë dhe të indinjuar, të vendosur, por edhe të lodhur, lozonjare dhe ironike, e pambrojtur dhe këmbëngulëse, e pakorruptueshme dhe aspak indiferente ndaj dhimbjes të të tjerëve. Ajo nuk është e vetme në skenë: rrethohet me tinguj dhe figura, gjashtë thasë me të cilët ndërvepron dhe krijon atmosferë, një fjongo të kuqe të gjatë që merr kuptim të ri në çdo skenë, por mbi të gjitha e rrethon veten me emocione.
Unë besoj se çdo kënd e kuptojmë më mirë kur mishërohet në skenë, kur bëhet real dhe njerëzor, ironik dhe pasionant, vezullues, ëndërrimtar dhe rebel. Një personazh fillojmë ta kuptojmë kur shohim dhe dëgjojmë se si sillet në jetën e përditshme, kur e shohim të vërtetë duke kërcyer apo qeshur. E qeshura e saj ushton ende në kokën time.
Vetëm atëherë realizojmë se sa shumë e donte jetën dhe vazhdojmë të pyesim veten pse disa njerëz nuk janë në gjendje të ndalojnë në vend që të vazhdojnë të ecin drejt vdekjes. Vjen një moment kur kupton se ajo që mbetet përgjithmonë është shpirti, një mesazh, një energji që na lidh dhe me të cilën mund të ndryshojmë diçka.
“Zërat e Anës”, në regjinë e Valbona Xibrit, do të luhet nga aktorja që luajti dhe shfaqjen “Burrnesha”, Marina Ivashchenko. KultPlus.com
Sot, më 28 tetor, në ambientet e KultPlus Caffe Gallery në Prishtinë, përkujtohet jeta dhe vepra e poetit dhe e profesorit të ndjerë Enver Gjerqeku.
Për veprën dhe jetën e Enver Gjerqekut do të flasin profesorët: Milazim Krasniqi dhe Sali Bashota.
Aktiviteti fillon në orën 17:00 ku edhe ftoheni të merrni pjesë.
Ky aktivitet është i dyti me radhë në kuadër të projektit “Ora e Shkrimtarit2” e PEN Qendrës së Kosovës. Të martën PEN Qendra ka përkujtuar poetin, profesorin dhe veprimtarin e ndjerë Latif Berisha. / KultPlus.com
Siparantum Choir është duke shënuar suksese të njëpasnjëshme si brenda dhe jashtë Kosovës, shkruan KultPlus.
Së fundi, nga organizatorët është njoftuar se ky kor do të merr pjesë në Olimpiadën më të madhe të muzikës korale, ku edhe Kosova do të përfaqësohet për herë të parë në këtë garë korale.
KultPlus ju sjell të plotë njoftimin e Siparantum Choir.
Kur ëndërra bëhet realitet …
#SiparantumChoir për të herë të parë në hisotrinë e muzikës korale të vendit tonë, Siparantum do të përfaqëson Kosovën në garën – Olimpiadën më të madhe të muzikës korale në botë, WORLD CHOIR GAMES 2021. Në WCG këtë vit do të garojnë mbi 300 kore nga e gjithë bota.
Kori garon në Open Competition, në kategorinë “Contemporary Music” e cila do të mbahet në sallën e njohur koncertale, Queen Elizabeth Hall, Antwerp (Home of Royal Flemish Philharmonic). Kori do të jetë poashtu pjesë e dy koncerteve të tjera, Friendship Concerts që do të mbahen në vendët më të njohura si; Handelsbeurs, Antwerpen dhe Cathedral of Our Lady, Antwerp.
Ndërsa me datën 3 nëntor, dirigjenti i korit tonë Memli Kelmendi do të jetë në takimin gjeneral të këshillit botëror të koreve, World Choir Council, ku njëherit përfaqëson shtetin tonë Kosovën (nga 2019), brenda rrjetit më të madh koral në botë.
Për nder të Javës Ndërkombëtare “Njeriu me shkop të bardhë”, Iniciativa e Pavarur e të Verbërve të Kosovës, në Bibliotekën Kombëtare të Kosovës, ka promovuar sot revistën “Fuqia e Fjalës”, botimi i dytë.
Kjo revistë e cila është në shkrimin Braille, flet për rëndësinë dhe historikun e shkopit të bardhë, pjesën shkencore, artistike dhe aktivitetet e organizatës. Pjesëmarrës në këtë promovim ishin ministri i Kulturës, Hajrulla Çeku, autori i revistës, Halil Kurmehaj, kryetari i Organizatës Iniciativa e të Verbërve, redaktorja Vera Pelaj e shumë pjesëtarë të tjerë të komunitetit të të verbërve dhe bashkëpunëtorë të tjerë.
Ministri Çeku vlerësoi botimin e një reviste kaq domethënëse për komunitetin e të verbërve dhe shoqërinë tonë, ndërsa tha “Ne duhet të angazhohemi shumë që vendi ynë të ofroj mundësi të barabarta për të gjithë, këtë po mundohemi ta bëjmë edhe në Ministrinë e Kulturës, në të gjitha fushat” dhe shtoi “Në programin tonë kemi aktivitete të shumta për personat me nevoja të veçanta duke përfshirë këtu fuqizimin e Bibliotekës së të verbërve “Syri ynë” të cilës do ti rritet buxheti dhe ai do të orientohet për digjitalizimin e librave të alfabetit braille, rritjen e botimit në audio dhe në kopje fizike të titujve të librave ekzistues”.
Ministria e Kulturës, Rinisë dhe Sportit, përmes thirrjeve publike në kuadër të departamenteve të kulturës, rinisë, sportit e trashëgimisë, mbështet vazhdimisht organizatat për persona me aftësi të veçanta dhe pamje të dobësuar./ KultPlus.com
Kur “Apple” lansoi serinë e saj audio të quajtur Fitness + për përdoruesit e Apple Watch, në fillim të këtij viti, pa dyshim mori vlerësime pozitive nga përdoruesit. Vetë përvoja (e cila u krijua për të inkurajuar përdoruesit të ecin më shpesh) u lejon abonentëve të dëgjojnë histori të ndryshme gjatë shëtitjeve të tyre, të gjitha të ofruara nga fytyra të famshme, të cilët regjistronin seanca ndërsa ecnin vetë. Dhe ndërsa Dolly Parton dhe superylli i NBA, Draymond Green ishin të gjithë pjesë e formacionit fillestar të “Time to Walk”, kantautorja me famë botërore Bebe Rexha është një nga të famshmet më të reja që ka marrë pjesë.
32-vjeçarja tregoi se si ecja ndikon pozitivisht në mirëqenien e saj emocionale. “Të ecësh do të thotë qetësi, qetësi. Me të vërtetë më ndihmon me shëndetin tim mendor, ankthin tim…më qetëson”, tha Rexha gjatë rrëfimit të saj 13-minutësh, i cili u regjistrua teksa ajo shëtiste në Hollivud Reservoir në Los Angeles, Kaliforni.
Në momentet e para të shëtitjes së saj, Rexha shpjegoi se si u “fiksua” pas kompozimit dhe krijimit të muzikës në moshën 17-vjeçare, madje duke lënë pas përfundimin e shkollës së mesme për t’u fokusuar në përpjekjet e saj krijuese, shkruan Shape.
Ajo gjithashtu detajoi ditët e para të karrierës së saj, duke përfshirë pengesat profesionale dhe se si ecja jashtë e ndihmoi të ecte përpara. “Unë isha në shtëpi për tre muaj, nuk pranoja të largohesha. Babai im shkonte fjalë për fjalë në dhomën time të gjumit, më kapte dorën dhe më thoshte: ‘Le të dalim nga shtëpia’, dhe ai më detyronte të shkoja në një shëtitje me të”, tha Rexha gjatë episodit të saj në “Time to Walk”.
“Dhe më kujtohet rruga që do të bënim. Unë jam mirënjohëse për babin tim për shumë gjëra, por e vetmja gjë për të cilën jam gjithmonë falënderuese për të është në atë kohë kur isha në errësirën time dhe motivimin më të ulët, ai thjesht më kapte dorën dhe më ftonte të dilnim bashkë.
Artistja shqiptare shtoi se ndërsa ishte në pikën më të ulët, ajo kërkoi në internet për citate dhe gjeti një kuotë ku shkruhej: “Ne ndalojmë së kërkuari përbindëshat që janë nën shtrat kur kuptojmë se janë brenda nesh” – nga ky edhe lindi frymëzimi për krijimin e hitit global “The Monster”.
“Për mua, kjo me të vërtetë goditi një akord sepse kisha të bëja me shumë faj dhe vetëgjyqësi, duke i thënë vetes: ‘Uau, ne mund të ishim vërtet armiqtë tanë më të këqij”, tha ajo gjatë ecjes. E ndjerë e frymëzuar, Rexha bashkëpunoi me kolegët e saj tekstshkrues të asaj kohe për finalizimin e kësaj kënge. Kënga, e titulluar “The Monster”, më vonë iu shit artistëve globalë Eminem dhe Rihanna në vitin 2013 dhe fitoi një çmim ‘Grammy’ dy vjet më vonë.
“Është kaq e pabesueshme se si një situatë e errët mund të çojë në diçka kaq të mrekullueshme dhe kaq të bukur. Asnjëherë nuk e dini se ku do të çojë diçka”, tha Bebe Rexha gjatë rrëfimit për aplikacionin Fitness +.
Vitet e fundit, këngëtarja shqiptare ka publikuar këngë solo, duke përfshirë këngën “I’m a Mess” të vitit 2018 dhe bashkëpunime me artistë të tjerë, veçanërisht “Meant to Be” të vitit 2017 me Florida Georgia Line.
Siç shpjegoi artistja e lindur në New York, muzika është “terapia” e saj. “E kam shumë të vështirë edhe sot e kësaj dite të komunikoj se si ndihem. Unë kam prirjen të mbaj shumë gjëra në kuti. Dhe është qesharake se si shumë fansa do të vijnë tek unë ose njerëz që dëgjojnë muzikën time dhe më mbështesin dhe do të jetë si: ‘Kjo këngë më ndihmoi të kaloj një ndarje’. Dhe është qesharake sesi terapia ime përfundoi duke u bërë terapi e njerëzve të tjerë. Unë mendoj se kjo është gjëja më interesante”, tha ajo.
Edhe pse Rexha ndan shpesh ngjarjet e saj të përditshme me 10.7 milion ndjekësit e saj në Instagram, ky rrëfim për “Time to Walk” është diçka e re për fansat e saj për të eksploruar. Në fakt, ata potencialisht mund të frymëzohen nga këmbëngulja e yllit të popit për të mos hequr dorë kurrë nga ëndrrat e saj.
Adele e do kaq shumë Celine Dion, saqë ajo mban një çamçakëz të përtypur nga këngëtarja e famshme. Gjatë “73 Pyetjeve” të Vogue në YouTube, Adele rrëfeu se një pjesë e çamçakëzit të Dion është pasuria e saj më e çmuar.
“James Corden, i cili është miku im, por gjithashtu bën ‘Carpool Karaoke’, e dinte se sa fanse e saj isha. Dhe kështu ai e bëri atë të pështyjë çamçakëzin në një copë letër dhe ta kornizojë për mua. Dhe është sendi që më bën më krenare!” shpjegoi këngëtarja me një buzëqeshje.
Ajo më vonë tha se “My Heart Will Go On” e Dion është kënga që ajo ka interpretuar më shumë gjatë gjithë jetës së saj.
Adele i bëri një vizitë idhullit të saj në vitin 2018, duke marrë pjesë në një nga shfaqjet e saj në Las Vegas pasi Dion u shërua nga një periudhë e tmerrshme me grip.
“Nuk isha në gjendje t’i bëja të gjitha shfaqjet e mia, por ishte e emocionuar që Adele erdhi në njërën prej tyre… Unë e dua shumë atë”, shkroi Dion në një foto në prapaskenë në atë kohë.
Instituti Albanologjik së fundmi ka ribotuar një libër të vitit 1951 më këngë popullore shqiptare të Kosovës, por ajo që ka ngjallur reagim në publik është mënyra se si i janë referuar Republikës së Kosovës.
Në kopertinën e librit është e shkruar “Kangë popullore shqiptare të Kosovës – Metohisë” duke iu referuar me terminologji serbe Republikës së Kosovës.
Lidhur me këtë ka reaguar edhe profesori universitar, Blerim Latifi, duke thënë se kjo do të futet në Dosjen e pretendimeve të Kishës Ortodokse Serbe për eksterritorialitet kishtar në Kosovë.
“Në vitin 2021, Instituti Albanologjik i Kosovës boton tituj të tillë, duke iu përmbajtur terminologjisë zytare serbe për Kosovën. Sigurisht, kjo do të futet në Dosjen e pretendimeve të Kishës Ortodokse Serbe për eksterritorialitet kishtar në Kosovë, tani që po afrohet pjesa më e rëndë e Dialogut Kosovë-Serbi, pjesa e marrëveshjes përfundimtare”, ka shkruar Latifi në rrjetin social “Facebook”.
Gazeta Express ka tentuar që të kontaktojë me drejtorin e Institutit Albanologjik të Kosovës, Hysen Matoshi, por ai ka qenë i paqasshëm./ KultPlus.com
Halyna Hutchins, kameramanja që vdiq kur aktori Alec Baldwin qëlloi me armë në një set filmi, është mbajtur mend si “një artiste e jashtëzakonshme”.
Revista American Cinematographer e kishte emëruar atë një nga yjet e saj në rritje në vitin 2019, dhe më parë ajo ka punuar në filmin e pavarur superhero të vitit 2020 Archenemy.
Drejtori i Archenemy, Adam Egypt Mortimer i tha BBC News se fakti që ajo do të vdiste në një set ishte “me të vërtetë i pabesueshëm”.
“Halyna ishte një artiste e jashtëzakonshme që sapo po fillonte një karrierë, mendoj se njerëzit me të vërtetë kishin filluar ta vërenin”, tha ai.
Halyna Hutchins lindi në vitin 1979 në Ukrainë dhe u rrit në një bazë ushtarake sovjetike. Ajo studioi në Universitetin e Kievit, ku u diplomua për gazetari ndërkombëtare.
Ajo punoi për produksione dokumentare britanike në Evropën Lindore përpara se të vendoste të bënte filma vetë dhe të transferohej në Los Angeles.
Në vitin 2013 ajo kreu doktoratën atje në Konservatorin e Institutit Amerikan të Filmit.
Kohët e fundit ajo ka punuar si kameramane për filmin “Archenemy”.
Sylë Maxhera është një personazh krejt atipik në skenën artistike, dhe tashmë gjithashtu muzikore të Kosovës.
Me banim në kryeqytetin e Spanjës, në Madridin perandorak ku muzika dhe arti ngaherë kanë gjetur mjedisin e duhur për t’u harlisur dhe për t’i dhënë botës disa nga tingujt dhe meloditë më të shquara në shekujt e fundit, Sylë Maxhera ka krijuar një përvojë të vyer në fushën e muzikës gjatë dhjetëvjeçarëve të shkuar, gjersa tani muzika e kompozuar dhe kënduar prej tij, përqafon artdashësit shqiptarë falë këngës së porsa publikuar prej këtij artisti, me titull “Qaj pwr tw”.
Kjo baladë Rock vjen me ritme të rrëmbyera dhe plot energji jetësore, duke shpërfaqur frymëzimin e pashtershëm të kantautorit, për të ndihmuar në zbutjen e dhimbjes në çdo këndvështrim, për këdo, përkundër dallimeve ndërnjerëzore, mbase duke synuar shërimin falë muzikës dhe tekstit poetik të kësaj kënge, që është shkëputur nga përmbledhja me poezitë e këtij poeti këngëtar e muzikant, e botuar në muajin shtator të këtij, me titull “Hyj nga dera”.
Sylë Maxhera, sportist me bagazh të gjerë suksesesh, i cili ka nderuar Kosovën nga Gjermania në Spanjë, gjatë karrierës së tij sportive, dhe ambasador i kulturës së shqiptarëve të Kosovës në Spanjë, tashmë përvijohet edhe në dimensionin muzikor në artin e lëvruar prej tij, dhe doemos kënga e tij e re, “Qaj për të”, përbën hapin e mëtejshëm të suksesshëm në rrugëtimin e tij jetësor artistik./ KultPlus.com
Doza përforcuese e vaksinës së Pfizer, është 95.6% efektive në parandalimin e Covid-19. Në këtë përfundim kanë arritur studimet e zhvilluara në dy laboratorë nga kompanitë Pfizer dhe Biontexh, testuar tek 10 mijë njerëz mbi moshën 16 vjeçare. Vaksina iu dha si dozë e tretë, njerëzve që kishin kompletuar regjimin prej dy dozash. Sipas kompanive, doza kishte rikthyer mbrojtjen kundër sëmundjes në nivelet e 95.6 për qind, krahasuar me ata që nuk e kishin marrë dozën përforcuese.
Kompanitë thonë se kanë në plan t’ia dorëzojnë informacionet FDA-së amerikane, Agjencisë Europiane të Barnave dhe rregullatorëve të tjerë. Mosha mesatare e pjesëmarrësve në studim ishte 53 vjeç. Një sërë shtetesh kanë nisur tashmë aplikimin e dozës së tretë për të forcuar imunitetin që sipas të dhënave bie me kalimin e muajve. Në SHBA doza përforcuese po jepet për grupmoshën mbi 65 vjeçare dhe persona të tjerë të rrezikuar, ndërsa ne Izrael po aplikohet tek e gjithë popullsia mbi 12 vjeç./KultPlus.com
Dua Lipa u njoftua të enjten si një nga marrëset e Çmimeve të Lidershipit të Shquar 2021 në Këshillin Atlatanik.
Ylli 26-vjeçar i muzikës pop do të prezantohet në një gala mbrëmje çmimesh më 10 nëntor në auditoriumin ‘Andrew W. Mellon’ në Uashington, DC., sipas një njoftimi nga organizatorët, shkruan DailyMail.
Gala mbrëmja do të shërbejë gjithashtu për të festuar 60-vjetorin e Këshillit Atlantik, i cili promovon udhëheqjen konstruktive të Shteteve të Bashkuara së bashku me aleatët globalë.
“Përfituesit e çmimeve të Lidershipit të Dalluar 2021 përfaqësojnë më të mirën e marrëdhënieve transatlantike”, tha Frederick Kempe, president dhe CEO i Këshillit Atlantik, në një deklaratë.
“Në një moment historik gjatë të cilit sfidat e paprecedentë kërkojnë liderë të jashtëzakonshëm, është privilegj të përshëndes një grup kaq të jashtëzakonshëm të nderuarish”, shtoi ai.
Dua e lindur në Londër do të nderohet me Çmimin e Drejtuar të Artistëve të Shquar për karrierën e saj muzikore dhe për angazhimin e saj ndaj kauzave filantropike, përfshirë fuqizimin e brezit të ardhshëm të udhëheqësve dhe muzikantëve ballkanikë.
Këngëtarja fituese e çmimeve “Grammy” ka lindur në Londër nga prindër shqiptarë të Kosovës dhe u zhvendos me familjen e saj në vitin 2008 në Prishtinë pasi Kosova shpalli pavarësinë përpara se të kthehej në Londër për të ndjekur karrierën e saj si këngëtare.
Këshilli Atlantik në njoftimin e tij përmendi punën e Duas me fondacionin e saj “Sunny Hill” që synon të përmirësojë jetën në Kosovë.
Duas në gala mbrëmje do t’i bashkohet edhe Vjosa Osmani, 39-vjeçe, presidentja e pestë e Republikës së Kosovës, e cila do të mbajë fjalë të veçanta.
Këshilli Atlantik gjithashtu do t’i japë çmimin e tij të shquar të lidershipit ndërkombëtar Ursula von der Leyen, Presidente e Komisionit Evropian.
Albert Bourla, kryetar dhe CEO i Pfizer, së bashku me Ugur Sahin dhe Ozlem Tureci, bashkëthemelues të BioNTech, do të marrin gjithashtu Çmimin e Lidershipit të Shquar të Biznesit për arritjen e tyre novatore të vaksinës së parë në botë për COVID-19.
Çmimet e vitit 2021 do të mirëpresin krerët aktualë dhe të mëparshëm të shteteve, personalitete të huaja, ambasadorë, anëtarë të Kongresit dhe administratën e Bidenit, komandantët ushtarakë, udhëheqësit e biznesit ndërkombëtar dhe mediat.
Dua fitoi çmimin Grammy për “Artisten e re më të mirë” në vitin 2019 dhe gjithashtu çmimin “Kënga më e mirë ritmike” për këngën “Electricity” në bashkëpunim me Silk City.
Ajo publikoi albumin e saj të dytë “Future Nostalgia” në vitin 2020 dhe fitoi çmimin “Grammy” për albumin më të mirë pop në fillim të këtij viti./diaspora shqiptare/KultPlus.com
Aktori i njohur, Alec Baldwin u bë pjesë e një tragjedie teksa xhironte për filmin e tij të ri, “Rust”. Baldwin, aksidentalisht qëlloi me armën që supozohej të përdorej për skenën, duke lënë të vdekur drejtoreshën e fotografisë dhe duke plagosur regjisorin e filmit.
Sipas autoriteteve të Santa Fe, Baldwin i cili luan dhe është njëkohësisht producent i filmit, ka shkrepur armën duke shkaktuar një incident që përfundoi fatal.
Autoritetet konfirmojnë se drejtoresha 42-vjeçare e fotografisë Halyna Hutchins, ashtu edhe regjisrori Joel Souza, 48, janë qëlluar nga aktori Alec Baldwin.
“Hutchins, u dërgua menjëherë me helikopter në spitalin e Meksikës, ku ndërroi jetë pak pas arritjes, e ndërsa regjisori mori ndihmën e parë nga ambulanca dhe aktualisht është nën kujdesin e tyre. Hetimet qëndrojnë të hapura.”- tregojnë autoritetet për The Guardian.
Nga të dhënat e para, thuhet se aktori ka shkuar me vullnet të plotë të flasë me hetuesit dhe është parë i tronditur pas ngjarjes së ndodhur.
Supozohej që arma të përdorej kur të ishte bosh, por hetuesit janë ende duke kërkuar për detajet që do t’i çojnë tek shkaku i aksidentit.
Xhirimet e filmit “Rust” pritej të vazhdonin deri në fillim të nëntorit. Filmi flet për historinë e një djali 13-vjeçar që pas vdekjes së prindërve duhet të kujdeset për veten dhe vëllain. Adoleshenti arratiset bashkë me gjyshin e tij (të larguar prej vitesh) pasi u dënua për vrasjen aksidentale të një fermeri vendas./ KultPlus.com
Ai rrëmbeu zemrat e shikuesve si lojtari më i moshuar me numrin 001 në “Squid Game.
Aktori 77-vjeçar O Yeong-su ka rrëfyer se sa shumë ka ndryshuar jeta e tij që nga publikimi i serialit shumë popullon të Netflix. Ai u tregua i sinqertë edhe për anën e errët të famës. Mësohet se ai ka refuzuar një sërë ofertash që i janë bërë për tu shfaqur në reklama të ndryshme
Yeong-su tha se shumë njerëz po përpiqen ta kontaktojnë saqë i është dashur që vajza e tij ta ndihmojë.
“Ndihem sikur po notoj në ajër. Më bën të mendoj. Unë duhet të qetësohem, të organizoj mendimet e mia dhe të mbaj veten në tokë tani.
Shumë njerëz më kanë kontaktuar dhe për shkak se nuk kam një menaxher për të më ndihmuar, është e vështirë për mua të përballoj volumin e thirrjeve dhe mesazheve që kam marrë. Kështu që vajza më ka ndihmuar.
Gjërat kanë ndryshuar mjaft. Edhe kur dal në një kafene apo diku tjetër, tani duhet të jem i vetëdijshëm se si u shfaqem të tjerëve. Më ka bërë të mendoj: “Të jesh i famshëm është gjithashtu i vështirë” – tha aktori.
Yeong-su është një aktor veteran i cili ka luajtur filma për gati 6 dekada kur filloi karrierën e tij në 1963.
“Shoqëria jonë shpesh pranon vetëm vendin e parë, sikur të gjithë të tjerët nuk kanë rëndësi. Sikur ekziston vetëm vendi i parë, dhe vendi i dytë është i pakuptimtë. Por edhe pse vendi i dytë humbi nga vendi i parë, vendi i dytë gjithashtu mundi vendin e tretë. Pra, të gjithë janë në fakt një lloj fituesi.
Unë nuk kam tani ndonjë ambicie të madhe. I madh apo i vogël, kam marrë shumë gjëra teksa jetoj jetën time. Tani, dua të lë pas ato gjëra që kam marrë. Për ta thënë thjesht, le të themi që ju shkoni në një mal dhe shihni një lule. Kur jemi të rinj, këputim lulen dhe e marrim për vete.
Por kur të arrish moshën time, e lë atje saktësisht ashtu siç është, dhe kthehesh për ta parë përsëri më vonë. Njëlloj është edhe me jetën. Duke i lënë gjërat pikërisht ashtu siç janë edhe pse nuk është e lehtë” – tha ai.
“Squid Game” është zyrtarisht seriali i ri më i ndjekur i Netflix duke tërhequr 142 milionë njerëz në muajin e tij të parë.
Drama koreane ka shtuar 4.4 milionë abonentë të rinj në Netflix, duke rritur abonimet globale në 213.5 milionë. Vetëm ky serial rriti fitimet e kompanisë me 1.4 miliardë dollarë, gati dyfishin e sasisë që platforma mori në tremujorin e tretë të vitit 2020. lapsi.al/ KultPlus.com
Është ndarë nga jeta aktorja e njohur shqiptare, Filika Dimo. Lajmin e ka dhënë Teatri “Aleksandër Moisiu” Durrës përmes një postimi në Facebook. “Me hidhërim të thellë njoftojmë ndarjen nga jeta të aktores Filika Dimo e cila prej disa vitesh jetonte në Belgjikë” thuhet në postim.
Kujtojmë këtu qe Filika Dimo u lind në Durrës me 1 gusht të vitit 1939. U diplomua në departamentin e aktrimit në Institutin e Lartë të Arteve në Tiranë. Pas studimit, ajo filloi të punojë në Teatrin Popullor në Tiranë. Pjesën më të madhe të aktivitetit e ka pasur në Teatrin “Aleksandër Moisiu” ku ka punuar si aktore e roleve kryesore në shumë verpa dramatike krahas aktorëve të tjerë durrsakë si Nikolin Xhoja, Spiro Urumi, Kadri Pirro, Marta Burda, Lazër Vlashi, Gaqo Spiro etj.
Ajo bëri debutimin e saj në kinematografi në vitin 1959 me rolin e vogël të Shpreses në filmin Furtuna. Ajo luajti në 4 filma të tjerë artistikë. Filmi qe e bëri më të njohur dhe më të vlerësuar atë si aktore, është filmi televiziv me 2 seri i RTSH-së “Koha nuk pret”, me rolin e Beatrice Shmid, një rol epokal nga më të realizuarit në kinematografinë shqiptare të roleve me spiunazh, rol i cili ka mbetur në kujtesë për interpretimin brilant. Bashkëshortja e skenografit të madh të Teatrit “A.Moisiu”, Zef Ujkaj./KultPlus.com
Një protestë e pazakontë është zhvilluar në rrugët e Seulit ku mijëra qytetarë të veshur sipas personazheve të serialit të njohur të Netflix “ Squid Game” kërkuan më shumë të drejta dhe kushte më të mira në punë .
Të veshur me kostume rozë dhe maska me simbole të bardha rrethi, katrorë ose trekëndëshi ashtu si personazhet e serialit që ka bërë xhiron e botës, ata i ranë daulleve dhe kërcyen. Kjo protestë u shtri në 13 qytete të ndryshme të Koresë së Jugut.
Rreth 12,000 efektivë policie ishin vendosur për të bërë të mundur që protesta të mos kishte incidente.
Protestuesit të cilët kërkuan rritje të pagës minimale thanë se luftojnë çdo ditë si personazhet e filmit për të mbijetuar.
Punëtorët punojnë mesatarisht 44.6 orë në javë ne Korenë e Jugut më shumë se numri i orëve mesatare javore të punës që kanë vendet anëtare të OECD”, Organizata për Bashkëpunim dhe Zhvillim Ekonomik.
Protesta është konsideruar e jashtëligjshme nga autoritetet koreane pasi ata kanë shkelur kufizimet e COVID-19. Presidenti Korean Moon Jae-in gjithashtu inkurajoi punonjësit e sindikatave që të mos mblidhen në një përpjekje për të parandaluar përhapjen e COVID-19./KultPlus.com
Si sot më 21 tetor 1991 është ndarë nga jeta kompozitori, dirigjenti dhe etnomuzikologu shqiptar Lorenc Antoni.
Antoni ka lindur në Shkup më 21 tetor 1901. Ai studioi në Fakultetin Filozofik në Shkup dhe muzikën e ka mësuar privatisht në qytetin e lindjes dhe në Beograd.
Veprimtarinë muzikore e fillon së pari si dirigjent koresh. Jo shumë vonë fillon të kompozojë edhe pjesë të ndryshme, veçanërisht për orkestra mandolinash dhe tamburash, të cilat i udhëhiqte. Bashkë me kompozime fillon të merret njëkohësisht edhe me mbledhje të folklorit dhe me etnomuzikologji, kurse veprimtarinë si pedagog muzike e fillon më vonë. Këto katër veprimtari Lorenc Antoni i zhvilloi në Shkup deri në vitin 1941.
Në prill të vitit 1941 zhvendoset në Kosovë, më parë në Ferizaj e pastaj në Prizren duke u marrë me muzikë.
I vetmi dirigjent i korit shqiptar atëherë ishte Lorenc Antoni. Fondi tepër i vogël i muzikës korale që kishte kompozuar qysh para lufte i shërbeu për të filluar punën me kore. Për punën e mëtejshme iu desh të krijojë një literaturë korale të re. Për nevojat e korit të Shoqërisë Kulturale Artistike “Agimi” në Prizren, të cilin e udhëhoqi deri në gjysmën e vitit 1956, kompozoi një varg pjesësh korale.
Më 1948, kur u hap shkolla e parë e muzikës në Prizren, Lorenc Antoni qe drejtori i parë i saj deri më 1956. Pas kalimit në Radio Prishtina, si redaktor i muzikës popullore, udhëheq shumë kohë edhe korin e saj. Më se 40 vjet ka dirigjuar kore të ndryshme në Shkup, Ferizaj, Prizren e Prishtinë e gjithkund ka korrë suksese të dukshme.
Antonit iu desh që ta hapë vetë ta rrugën e vështirë të shkencës dhe të artit muzikor dhe të zgjidhë shumë e shumë probleme lidhur me jetën muzikore. Kontributi i tij është aq më i vlefshëm dhe merita e tij është po aq e madhe.
Në AQSH ruhet një përmbledhje e krijimtarisë së Lorenc Antonit e botuar nga shtëpia botuese “Prosveta” të Beogradit, në vitin 1957./KultPlus.com
Filmi “Zgjoi” i regjisores kosovare, Blerta Basholli, është dhënë premierë tashmë në shumë vende të botës. Në nëntor edhe Komuniteti Shqiptar në Australi do të ketë mundësinë të ndjek filmin e shumë vlerësuar “Zgjoi”.
Filmi “Zgjoi” (Hive) do shfaqet në Sydney nga data 5 Nëntor, biletat janë në shitje dhe mund të gjenden në www.sff.org.au
Filmi Zgjoi ka fituar tri nga çmimet më të rëndësishme të festivalit më të madh të pavarur të filmit, “Sundance”, në Shtetet e Bashkuara të Amerikës si dhe shumë çmime në Festivale të tjera të filmit.
Regjisorja Blerta Basholli rrëfen se frymëzimi i saj për filmin ishte jeta e zonjës Fahrije Hoti, e cila portretizon një histori të zakonshme, mirëpo shumë të gjallë dhe të fortë./ diaspora shqiptare/KultPlus.com
Përmes rrjetit social, Instagram, Celine ka zbuluar se për shkak të problemeve me shëndetin është detyruar të shtyjë të gjitha koncertet e parashikuara për t’u mbajtur në Las Vegas.
”Ekipi im dhe unë kemi punuar për shfaqjen tonë për tetë muajt e fundit dhe të mos jesh në gjendje të këndoj këtë nëntor më trishton përtej shpjegimit. Më vjen veçanërisht keq për zhgënjimin e të gjithë fansave që bënë planet e tyre për të ardhur në Vegas. Tani më duhet të përqendrohem që të bëhem më mirë. Unë dua t’i kapërcej të gjitha këto sa më shpejt të jetë e mundur”, u shpreh këngëtarja.
Dion është vënë shpesh në qendër të vëmendjes për peshën e saj duke nxitur aludimet se vuan nga ndonjë sëmundje. Mirëpo, në një intervistë për BBC, ajo deklaroi se rënia e saj drastike nga pesha vjen për shkak të baletit./ KultPlus.com
Ish presidentja e Kosovës Atifete Jahjaga tash e sa kohë po viziton bizneset që udhëhiqen nga gratë, shkruan KultPlus.
Ajo së fundi ka vizituar punëtorinë e Ergyle Gjurgjialo në Prizren, e cila është një ndër gratë e pakta në Kosovë që e punojnë plisin.
Përgjatë vizitës, Jahjaga ka vënë një plis në kokë, përderisa ka parë nga afër zhvillimet e këtij biznesi.
KultPlus më poshtë ju sjell postimin e plotë të Jahjagës.
Znj. Ergyle Gjurgjialo tradicionalen e ka në zemër! Me plis në kokë e me sofër shtruat ashtu si e do rendi tek shqiptarët na priti në punëtorinë e saj në Prizren.
Si një ndër gratë e pakta e thuajse e vetmja në Kosovë, ajo tashmë 35 vite punon plisin – kapelen identifikuese të shqiptarëve ndër shekuj.
Ergylja kjo trimëresh, nuk ndalet as edhe një ditë së punuari plisin, me fanatizëm e shumë dashuri, në mënyrë që tradita jonë të mbetet gjallë./ KultPlus.com
Nga 21 tetori, në Cineplexx do të fillojnë të shfaqen 2 super-filma të rinj, dhe një nga ta është prej filmave më të përfolur këtë vit.
Nga data 21 tetor, në Cineplexx do të keni mundësi t’i shihni disa nga premierat më të fundit botërore. Filmi më i pritur i kësaj jave është super-filmi Dune, me një kast super-aktorësh, nën regjinë e Denis Villenueve.
Detajet e të dy filmave që do të fillojnë të shfaqen këtë javë mund t’i gjeni më poshtë:
Dune
Përshtatja e romanit të trilluar shkencor të Frank Herbert, për djalin e një familje fisnike, të cilës iu besua mbrojtja e pasurisë më të vlefshme dhe elementit më jetësor në galaktikë. Në regji të filmit është regjisori i mirënjohur Denis Villenueve, ndërsa kasti i aktorëve përfshin disa nga emrat më të njohur të industrisë, përfshirë këtu Timothee Chalamet, Jason Mamoa, Josh Brolin, Stellan Skarsgard, Rebecca Ferguson, e të tjerë.
Ron’s Gone Wrong
Historia e Barney, një gjimnazist i çuditshëm dhe Ron, pajisja e tij e re folëse në këmbë, e lidhur në mënyrë dixhitale. Mosfunksionimet e Ronit të vendosura në sfondin e epokës së mediave sociale i nisin ata në një udhëtim për të mësuar rreth miqësisë së vërtetë.
Biletat për këta filma mund t’i blini çdo ditë prej orës 14:00 në Cineplexx, ose përmes aplikacionit Cineplexx KS. Më shumë informata rreth filmave mund t’i gjeni në webfaqën e Cineplexx. https://www.cineplexx-ks.eu/filma/programi-i-filmave/)
