Nga shtatori, Gjermania lejon dozë përforcuese të vaksinës kundër COVID-19

Mjekëve gjithashtu do t’iu lejohet të injektojnë një dozë përforcuese për njerëzit me sistem imunitar të dobësuar.

Nga muaji shtator Gjermania do të ofrojë dozë shtesë të vaksinës kundër COVID-19 tha Ministria e Shëndetësisë të hënën (2 gusht), pas shqetësimeve që ka shkaktuar përhapja e variantit Delta të koronavirusit.

Ministri i Shëndetësisë i Gjermanisë, Jens Spahn dhe 16 ministrat e landeve u pajtuan se të moshuarit që janë në rrezik nga infektimi do të mund të marrin një dozë përforcuese të vaksinës, përcjell Albinfo.ch.

Zyrtarët e morën vendimin në bazë të informacioneve për një “rënie të shpejtë të përgjigjes imunitare ndaj sëmundjes” te disa grupe njerëzish, raporton ReL.

Ministria tha se ekipet e vaksinimit duhet të dërgohen në shtëpitë e kujdesit dhe pleqve për të ofruar dozë përforcuese Pfizer/BioNTech ose Moderna, pavarësisht se me cilën vaksinë janë imunizuar fillimisht banorët e këtyre qendrave.

Një dozë përforcuese do t’i ofrohet gjithashtu kujtdo që ka marrë vaksinat me dy doza AstraZeneca ose një dozë të vetme Johnson & Johnson, thuhet në dokumentin e lëshuar nga ministria.

Zyrtarët e lartë të Shëndetësisë në Gjermani ranë dakord të hënën për të inkurajuar vaksinimin midis adoleshentëve nga 12-17 vjeç.

Ministrat theksuan se imunizimi është vullnetar, por thanë se vaksinimi i fëmijëve dhe adoleshentëve mund të “kontribuojë ndjeshëm në një kthim të sigurt në shkolla pas pushimeve verore”.

Edhe pse në krahasim me vendet fqinje, Gjermania aktualisht po shënon nivele relativisht të ulëta të rasteve të reja me COVID-19, numri është rritur shumë javët e fundit kryesisht për shkak të variantit më ngjitës Delta./albinfo.ch/KultPlus.com

Ky është shteti i parë në Evropë që s’do të paguajë punonjësit në rast se nuk vaksinohen

Të gjithë punonjësit e shëndetësisë në Francë duhet të jenë të vaksinuar kundër Covid deri në shtator, ose ndryshe rrezikojnë të mos paguhen. Presidenti Emmanuel Macron ka thënë gjithashtu se që nga muaji tjetër, do të duhet të shfaqen lejet e shëndetit për të hyrë në vende si dyqane, bare, kinema dhe udhëtime me tren në distanca të gjata në Francë.

“Unë jam i vetëdijshëm për atë që po kërkoj nga ju dhe e di që ju jeni gati për këtë angazhim, kjo është pjesë, në një farë mënyre, e ndjenjës tuaj të detyrës,” tha presidenti në një fjalim televiziv të hënën. Vaksinat e detyrueshme do të aplikohen për këdo që bie në kontakt me njerëz të pambrojtur dhe prandaj vlen për të gjithë ata që punojnë në spitale, klinika dhe institucione kujdesi, pavarësisht nga roli i tyre.

Lejet e shëndetit në Francë, janë përdorur tashmë për të hyrë në disa vende, të tilla si klube nate të cilat u rihapën për herë të parë në fundjavë. Sidoqoftë ato do të zgjerohen për të përfshirë më shumë vende duke përfshirë festivale, teatro dhe spitale nga 21 korriku, dhe do të zbatohen për çdo njeri mbi 12 vjeç.

Rastet po rriten në Francë, me variantin Delta që shkakton një rritje të shtrimeve në spital. Të premten, një panel shkencëtarësh që këshillojnë qeverinë franceze për çështjet shëndetësore paralajmëruan për një valë të katërt në muajt e ardhshëm dhe thanë se deri në 95% të njerëzve mund të kenë nevojë të vaksinohen për të kontrolluar përhapjen./ KultPlus.com

Ky vend raporton viktimën e parë nga COVID-19 për vitin 2021

Australia raportoi viktimën e parë nga koronavirusi për këtë vit. Gjithashtu dhe numrin më të lartë të rasteve të reja për vitin 2021, 77 të tillë në Uellsin e Ri Jugor, që po përballet me një valë të re përhapjeje të nxitur nga varianti Delta.

Autoritetet paralajmërojnë se shifrat pritet të rriten ndjeshëm në qytetin më të madh të Australisë, Sidnej, që aktualisht ndodhet në një izolim të ashpër.

Duke marrë shkas nga kjo përhapje, masat kufizuese pritet të mbesin në fuqi për më shumë kohë nga sa ishte parashikuar.

Australia raporton 52 persona të shtruar në spitale, 15 pacientë janë në terapi intensive, ku 5 prej tyre kanë nevojë për ventilator. Viktima e parë e këtij shteti, që prej dhjetorit të kaluar, ishte një e moshuar 90-vjeçare. / Gazeta Express / KultPlus.com

Ministria e Shëndetësisë me një njoftim të rëndësishëm për qytetarët që do vaksinohen

Procesi i vaksinimit të personave mbi moshën 65 vjeçare do të vazhdojë gjatë vikendit, por do të vaksinohen vetëm ata që do të thirren nga Ministria e Shëndetësisë, përcjell KultPlus.

Kjo ministri ka njoftuar se vaksinimi për komunën e Prishtinës do të vazhdojë në sallën “1 Tetori”, derisa në komunat e tjera të vendit do të bëhet në lokacionet e caktuara nga Drejtoritë Komunale për Shëndetësi.

Në qendrën e vaksinimit në Prishtinë – salla “1 Tetori” do të vaksinohen qytetarët të cilët sot gjatë ditës janë kontaktuar nga Ministria e Shëndetësisë, sipas aplikimit të tyre në platformën e vaksinimit kundër COVID-19 e-Kosova dhe sipas terminit të caktuar.

Vaksinimi në komuna gjatë dy ditëve të ardhshme do të bëhet sipas ftesave të marra dhe termineve të caktuara për qytetarët nga njësitë e vaksinimit sipas listave në dispozicion të krijuara nga ana e tyre dhe përmes platformës e-kosova.

Vaksinimi do të bëhet vetëm për qytetarët që pranojnë thirrjen dhe japin konfirmimin për marrjen e vaksinës në qendrën e vaksinimit në komunat e tyre.

Ministria e Shëndetësisë bën të ditur gjithashtu se gjatë ditës së sotme deri në ora 17:00 me vaksinën kundër COVID-19 janë vaksinuar rreth 3100 qytetarë të Kosovës.

Kjo ministri ka njoftuar se gjatë këtij muaji dhe në fillim të muajit që vjen pritet ardhja edhe e kontigjenteve tjera të vaksinave.

Më poshtë është lista e qendrave aktuale të vaksinimit kundër COVID-19 në Kosovë.

/ KultPlus.com

Dhjetëra alpinistë evakuohen nga Everesti për shkak të shpërthimit të Covid-19

Shpërthimi Covid-19 në kampin bazë të malit Everest ka bërë që dhjetëra alpinistë të evakuohen nga kampi. Kjo vjen pas zbulimit të rastit të parë  të virusit në kamp.

Situata me sa duket është përkeqësuar, pasi njoftohet se ka mbi 30 alpinistë të cilët janë detyruar të evakuohen me helikopter.

Një alpinist britanik i cili u dërgua  në një spital të Kathmandu ku edhe rezultoi pozitiv për Covid-19, ka thënë se  masat e distancimit fizik nuk po zbatoheshin siç duhet në mal.

Ekspedita e planifikuar të zgjaste për dy muaj, u ndërpre kur Steve Harris u diagnostikua me Edemë Pulmonare në Lartë, një formë fatale e  sëmundjes.

“Unë fillimisht u diagnostikova me HAPE në kamp dhe u dërgova më pas në Namche Pazar për t’u shëruar.’’

“Unë nuk u pyeta  dhe as nuk mu ofrua të bëja një test për Covid-19. Pas katër ditësh në Namche, unë u dërgova  me helikopter në spital në Kathmandu ku u testova dhe u konfirmova pozitiv për Covid-19 dhe pneumoni dhe kalova një javë në kujdes intensiv,’’ tha ai për DailyMail.

“Tashmë  kam dal nga spitali, por jam ende duke  qëndruar i izoluar në një hotel pasi  jam akoma pozitiv për Covid-19,” tha Steve.

Ai shtoi se para evakuimit  kishte  fjalë se  Covid-19 ishte përhapur  në kamp, por asgjë nuk ishte konfirmuar./ KultPlus.com

Mijëra persona marrin pjesë në festivalin e muzikës në Wuhan, qytetin e origjinës së Covid-19

Mijëra njerëz morën pjesë në ditën e parë të Festivalit të Muzikës “Wuhan Strawberry” të shtunën, më 1 maj.

Vitin e kaluar ky festival në Wuhan u detyrua të mbahej  në internet për shkak të kufizimeve të Covid-19.

Një nga organizatorët i tha Reuters se numrat ishin të kufizuar këtë vit, duke shtuar se rreth 11,000 persona morën pjesë në ditën e parë të festivalit.

Njerëzit në Wuhan, ku u shfaq për herë të parë Covid-19, jetuan përmes më shumë se dy muaj kufizimesh të rrepta gjatë bllokimit të parë të shkaktuar nga koronavirusi në botë.

Që nga ajo kohë, qyteti ka qenë pothuajse plotësisht pa virus, sipas të dhënave zyrtare.

“Vitin e kaluar ne në Wuhan vuajtëm nga koronavirusi,” tha studenti 23-vjeçar dhe banor i Wuhan,

“Nuk ka qenë e lehtë për të arritur këtu ku jemi sot. Njerëzit këtu kanë bërë përpjekje të mëdha dhe kanë paguar një çmim të madh. Kështu që ndihem shumë i ngazëllyer që jam këtu në festival,” Tha Gao.

Ngjarja dy-ditore bashkon këngëtarë dhe grupe të njohur dhe jo shumë  të njohur vendas nëpër tre faza në parkun Garden Expo të Wuhan.

Ngjarjet e “Strawberry Music Festival” po mbahen në qytete të tjera, përfshirë Pekinin, gjatë festës kombëtare. Të pranishmit erdhën në Wuhan nga i gjithë vendi, si 29-vjeçari Zhang Hongkai, nga Shijiazhuang në provincën Hebei.

“Kjo është hera ime e parë në një ngjarje si kjo që mbahet jashtë,” tha Zhang. “Më pëlqen shumë atmosfera”.

Kina kontinentale raportoi 16 raste të reja Covid-19 të premten, tha autoriteti kombëtar shëndetësor i vendit.

Të gjitha rastet e reja ishin infeksione të importuara me origjinë jashtë shtetit, tha Komisioni Kombëtar i Shëndetësisë në një deklaratë.

Numri i përgjithshëm i rasteve të konfirmuara Covid-19 në territorin e Kinës tani është 90,671, ndërsa numri i të vdekurve mbetet i pandryshuar në 4,636, shumë prej të cilëve ishin banorë të Wuhan.

Kina kreu rreth 11.6 milion vaksina kundër Covid-19 të premten, më 30 prill  duke e çuar numrin e përgjithshëm të administruar në më shumë se 265 milion, sipas të dhënave të lëshuara nga Komisioni Kombëtar i Shëndetësisë të Shtunën./ KultPlus.com

Me masat e reja – ky është vendimi për dasmat

Qeveria e Kosovës ka marrë vendim për masat e reja anti-Covid në të gjithë territorin e Kosovës.

Sipas vendimit të ri të Qeverisë, mbajtja e dasmave dhe e të pameve për të vdekurit ndalohet pavarësisht numrit të pjesëmarrësve.

Në anën tjetër, lejohet mbledhja me më pak se 30 persona në mbledhje të ndryshe, seminare, trajnim etj…

Lejohen të grumbullohen më shumë se 30 persona vetëm në rast të mbledhjes së Qeverisë, mbledhjeve të Kuvendit dhe mbledhjeve me interes të vecantë publik.

Ky është vendimi i Qeverisë lidhur me dasmat dhe funeralet:

  1. Ndalohen të gjitha grumbullimet me rrezikshmëri të lartë të shpërndarjes së infeksionit, me më shumë se 30 persona (mbledhjet, seminaret, trajnimet). Pavarësisht numrit të personave, mbajtja e pritjes për ngushëllim/krye shëndoshë dhe organizimi i dasmave ndalohet.
  2. Përjashtim nga pika 18, bëjnë mbledhjet e Kuvendit të Kosovës, mbledhjet e Qeverisë, apo mbledhjet me interes të veçantë publik, të cilat lejohen pavarësisht numrit të personave.
  3. Lejohen funeralet vetëm me pjesëmarrje të familjes së ngushtë, jo më shumë se 30 persona./ KultPlus.com

Qeveria e Kosovës vendos masat e reja anti-Covid-19

Qeveria e Kosovës mori vendim për masat e reja anti-Covid 19.

Sipas vendimit, kufizimi i lëvizjes do të vazhdojë të jetë nga ora 22:30 deri në 05:00.

Gastronomia do të lejohet të punojë deri në orën 22:00 ndërkaq shërbimi “dërgesë me porosi” lejohet të funksionojë edhe pas orës 22:30, pas pajisjes me leje të veçantë nga sistemi EDI (ATK).

Po ashtu, institucionet publike dhe private të të gjitha niveleve të arsimit vazhdojnë mësimin sipas udhëzuesit përkatës për sektorin e arsimit.

Konviktet lejohet të punojnë sipas rregullit një student në një dhomë.

Të gjitha institucionet publike dhe private të të gjitha niveleve të arsimit, iu lejohet ta vazhdojnë aktivitetin e tyre në mënyrë të rregullt duke respektuar masat për parandalimin  e përhapjes së pandemisë.

Ndërkaq, përjashtim nga kufizimi i lëvizjes, bëjnë:

Rastet e natyrës urgjente (për të kërkuar ndihmë mjekësore, blerje të barnave, për të ofruar kujdes ose ndihmë mjekësore, për të shmangur dëmtimin ose për t’i shpëtuar një rreziku lëndimi).

Qarkullimit për personelin shëndetësor, të sigurisë, dhe operatorët që kryejnë punë dhe shërbime publike.

Operatorëve ekonomikë që sigurojnë funksionimin e zinxhirit të furnizimit (përfshirë transportin e mallrave/shërbimeve), por me kusht që të pajisen me leje të veçantë nga sistemi EDI i Administratës Tatimore të Kosovës.

Masat e reja anti-COVID do futen në fuqi nga e hëna me 19 prill./ KultPlus.com

Gruaja 104-vjeçare rumune, më e vjetra e vaksinuar në Bukuresht

Zoea Baltag, 104-vjeçe, mori dozën e dytë të vaksinës kundër COVID-19 Pfizer, duke u bërë personi më i vjetër në kryeqytetin rumun, Bukuresht, që është vaksinuar plotësisht.

E shoqëruar nga anëtarët e familjes, Zoea Baltag, e lindur në vitin 1916 në Pallatin e Fëmijëve në Bukuresht, mirëpriti marrjen e dozës së dytë të vaksinës dhe vuri në dukje se kjo ishte mënyra e vetme për të luftuar COVID-19, raporton AP.

“Vaksina është mënyra e vetme për të hequr qafe këtë virus. Me të vërtetë më ka marrë malli për stërnipin tim, dua ta shoh të rritet. Nuk mund të isha me nipërit e mbesat e mia, sepse isha e izoluar deri më tani në mënyrë që të mos i rrezikoja që të infektohen me virusin. Të gjithë në familje tani janë vaksinuar dhe tani mund të kalojmë pushimet së bashku,” tha ajo./ KultPlus.com

Në Serbi u vaksinuan edhe punëtorë shqiptarë, fotografia e stjuardesave bëhet virale

Punëtorë nga Shqipëria kanë shfrytëzuar mundësinë e vaksinimit kundër koronavirusit në Serbi. Të shtunën aty ka nisur vaksinimi i punëtorëve nga të gjitha shtetet e rajonit, mundësuar nga Oda Ekonomike e Serbisë.

Në mesin e të vaksinuarve ishin stjuardesat e kompanisë ajrore shqiptare “Albawings”. Një fotografi e tyre në Serbi është bërë virale në mediat serbe.

“Për ne ishte e rëndësishme sepse ishte e vetmja mundësi, momentalisht për t’u vaksinuar, duke qenë se jemi pjesë e në kompanie ajrore, dëshironim të kishim mundësi që stafi ynë të ishte qind për qind i vaksinuar dhe duke qenë se në Shqipëri aktualisht nuk mundësohet për këtë kategori që ne përfaqësojmë, gjetëm mundësinë që të vinim këtu në Beograd”, ka deklaruar një stjuardesë për REL.

Ndërkohë, një punëtor i Aeroportit të Tiranës ka thënë se organizimi ishte në rregull.

“Mendoj që është një mundësi e mirë për ta bërë, kjo tregon edhe seriozitetin e shtetit të Serbisë, pa diskutim edhe fuqinë e saj si shtet”, ka thënë ai pasi kishte marrë vaksinën e AstraZenecas.

Në Serbi të shtunën ka nisur vaksinimi kundër COVID-19 i punëtorëve të bizneseve të shteteve të Ballkanit. Për vaksinim janë paraqitur mbi 7.500 punëtorë nga Shqipëria, Maqedonia e Veriut, Bosnja dhe Hercegovina dhe Mali i Zi. Vaksinimi kundër koronavirusit po bëhet nën organizimin e Odës Ekonomike të Serbisë e cila në bashkëpunim me Qeverinë e Serbisë ka siguruar 10.000 doza të vaksinës AstraZeneca.

Oda Ekonomike e Kosovës më herët kishte njoftuar se ka refuzuar të marrë pjesë për vaksinë në Serbi për “arsye parimore”, megjithatë nga Oda Ekonomike e Serbisë kanë thënë se disa biznesmenë nga Kosova janë paraqitur tek ata për vaksinim. Kosova është i vetmi vend në Evropë që nuk ka nisur procesin e vaksinimit kundër koronavirusit./ KultPlus.com

Vaksinimi i mjekëve kosovarë në Kukës (FOTO)

Kryeministri i Shqipërisë, Edi Rama, i ka postuar disa fotografi ku shihen pjesëtarë të personelit mjekësor të Kosovës duke u vaksinuar në Kukës kundër COVID-19, shkruan KultPlus.

“Jena1. Vaksinimi i bluzave të bardha të Kosovës në Kukës”, ka shkruar Rama në Facebook.

Më poshtë gjeni fotot./ KultPlus.com

45 portrete të përfunduara për 45 ditë për punonjësit e spitalit

Artistja nderon 45 punonjës të Spitalit Universitar ‘Duke’ në Karolinën e Veriut duke pikturuar portret e tyre.

Maria Bennett Hock, arriti të realizojë 45 portrete për 45 ditë, për të nderuar punonjësit e spitalit për punën e tyre gjatë kësaj kohe pandemie.

Në pamundësi për t’i takuar personalisht punonjësit, artistja u kërkoi punonjësve t’i dërgojnë nga një fotografi pasi ata përfundonin orarin e punës, për të përcjellur emocion duke portretizuar lodhjen e tyre nga puna e pandalshme.

Ajo arriti që çdo ditë të përfundonte nga një portret, dhe tha se puna që bëri ishte shumë emocionuese, duke e bërë atë të qante secilën herë që i shikonte sepse i kujtonte se çfarë po ndodhte në botë.

Portretet i’u dhuruan stafit në një ceremoni “Tako Artistin” më datën 10 mars. / KultPlus.com

Pacientët që kanë kaluar Covid 19 rehabilitohen në një minierë kripe

Një minierë historike kripe, e njohur gjithashtu si një nga tërheqjet kryesore turistike të Polonisë, u ofron pacientëve që kanë vuajtur nga COVID-19 një mundësi për t’u rehabilituar në 135 metra nën tokë.

Resorti Shëndetësor i Minierës së Kripës “Wieliczka” siguron kujdes pulmonologjik, laringologjik dhe alergologjik për personat që luftojnë për të shpëtuar nga efektet e mbetura të virusit.

Një nga dhomat e saj strehon një sanatorium të specializuar, ku krijohet një mikroklimë unike falë qarkullimit në ajër të grimcave minerale që dalin nga kripa, një temperature e qëndrueshme rreth 13-14,5 gradë Celcius dhe lagështisë së lartë të ajrit.

“Ajri shërues ka një efekt pozitiv si në gjendjen shpirtërore, ashtu edhe në gjendjen e të gjithë trupit”, thonë mjekët.

“Ajri i minierës është pa ndotës dhe alergjenë”, tha dr. Anna Pelkoëska, një alergologe dhe nëndrejtoreshë për çështjet mjekësore në vendpushimin shëndetësor.

“Asnjë pastrues ajri nuk mund të sigurojë cilësinë e ajrit që kemi nën tokë”, shtoi ajo.

Seancat e terapisë mbahen çdo ditë, nga e hëna në të premte, dhe pacientët qëndrojnë në sanatoriumin nëntokësor ku janë nën mbikëqyrjen e vazhdueshme të një mjeku, fizioterapisti dhe një infermiereje.

Trajtimet zgjidhen individualisht, në varësi të gjendjes shëndetësore të pacientit./ata/ KultPlus.com

Mbi 4.200 punëtorë të arsimit me Covid-19, në shkolla mungojnë maskat dhe dezinfektues

Mbi 4.200 punëtorë të arsimit janë infektuar me virusin Covid-19, që nga paraqitja e rasteve të para në Kosovë. Ndërkohë, shpeshherë ka mungesë të maskave dhe dezinfektuesve nëpër shkolla.

Kështu ka thënë përfaqësuesit i Sindikatës së Bashkuar të Arsimit, Shkencës dhe Kulturës, Ymer Ymeri, i cili ka folur edhe për marrëveshjet e fundit, siç është marrëveshja kolektive, si dhe ajo me kryeministrin në detyrë, Avdullah Hotin.

Gjysëmvjetori i dytë i këtij viti shkollor në nivelin fillor dhe të mesëm ka filluar më 18 janar. Prej asaj date shumë nxënës dhe mësimdhënës janë infektuar duke ndodhur kështu dhe mungesa e tyre në mësim.

Ymeri tha se frikësohen se rritja e numrit të infektuarve që ka ndodhur gjatë ditëve të fundit, do të ndikojë edhe në rritjen e numrit të infektuarve nga personeli arsimor.

“Numër të saktë nuk kemi por mund të themi se punonjës të arsimit, duke i përfshirë edhe mësimdhënësit dhe punëtorët e tjerë të cilët janë të angazhuar drejtpërdrejtë në procesin mësimor, kemi mbi 4,200, kemi frikë që rritja e numrit të infektuarve ditëve të fundit, do të ndikoj edhe në rritjen e numrit të infektuarve nga personeli arsimor, dhe kjo mund ta qoj ndonjë shkollë tek varianti C, pra tek mësimi online, variant i cili është më pak frytdhënës sesa variantet e tjera. Mbesim me shpresë që mësimdhënësit dhe nxënësit të ruajnë distancën, të vendosin maskat dhe të përdorin dezinfektues”, tha ai për KosovaPress.

Ymeri tha se ani se Ministria e Arsimit kishte ndarë buxhetin për mjetet higjenike dhe për pagesat shtesë, prapë nëpër shkolla ka mungesa të maskave dhe shumë shpesh edhe të dezinfektuesve.

 “Jemi të zhgënjyer në drejtoritë komunale të arsimit, kanë pasur një buxhet të aprovuar nga Qeveria e Kosovës me propozimin e Ministrisë së Arsimit, edhe për mjetet higjenike por edhe për pagesat shtesë të mësimdhënësve që mbajnë orë përtej normave. Nuk e kanë shfrytëzuar asnjërën, shpeshherë ka mungesë të maskave nëpër shkolla, ashtu qysh e parasheh Instituti i Shëndetësisë, shumica e mësimdhënësve dhe nxënësve i përdorin maskat e veta, dezinfektues shumicën e rasteve ka nëpër shkolla, por kemi edhe raste kur nuk ka”, tha ai

Ymeri u ndal edhe te nënshkrimi i marrëveshjes kolektive në mes SBASHK-ut dhe Ministrisë së Arsimit, ku tha se është në procedurë të shtypjes. Sipas tij, arsyeja e mos publikimit të marrëveshjes është bërë për të mos ndikuar në fushatën zgjedhore. /express/ KultPlus.com

Mënyra e re e jetës që solli Covid-19


Si u përjetua në Europë virusi që mori miliona jetë

Askujt nuk ja priste mendja që viti 2020 do të sillte një mënyrë të re jetese. Pandemia e Covid-19 solli rregulla, duke filluar që tek larja e duarve , mbajtja e maskës, takimet e kufizuara me familjarët si dhe distancimin shoqëror.

Shtetrrethimet ishin ato të cilat u pritën me shumë protesta në të gjithë botën, për të cilën njerëzit e quajtën shkelje të të drejtave.

Izolimi në Spanjë ishte ndër më të ashprit në Europë, për të moshuarit dhe familjet me të ardhura më të ulëta. Spanjollët janë një shoqëri e mësuar me bashkëpunim dhe komunikim shoqëror. Kostoja ekonomike ishte shumë e lartë, po ashtu edhe ndikimi në shëndetin mendor të qytetarëve.

Italianët ishin të parët që u prekën nga virusi, të parët që panë sistemin shëndetësor afër kolapsit dhe shumë humbje jete. Por respektimi i madh i masave në valën e parë të pandemisë filloi të ndryshonte me valën e dytë ku u panë edhe protesta të shumta kundër kufizimeve të reja.

Tensione pati edhe në Gjermani por shumica e gjermanëve ishin pro masave kufizuese. Qeveria e këtij shteti ndoqi një strategji shumë të mirë të testimit të popullatës.

Suedia është ndër të paktat vende që shmangu vendosjen e shtetrrethimit dhe e ndërtoi strategjinë e saj kryesisht rreth udhëzimeve për respektimin e distancimit shoqëror. Publiku u pajtua në fillim por ndërsa rastet u rritën gjatë valës së dytë.

Në fund të vitit 2020 një ligj i ri pandemik bëri që të izoloheshin një pjesë e madhe e popullsisë , duke mbyllur dyqanet dhe transportin publik madje edhe kufijtë.

Bashkimi Europian nuk ishte i përgatitur mire. Kjo shkaktoi kaos në furnizimet mjekësore dhe kolaps në vendet e varfra . Aktualisht problemi aktual mbetet vaksinimi pasi po shikohet një shpërndarje e pabarabartë dhe jo e drejtë e vaksinave të miratuara. Kjo për shkak se një pjesë e madhe e vendeve të pasura kanë marrë më shumë doza duke lënë pas kombet e varfra që deri më tani nuk kanë vaksinuar as çerekun e popullsisë. /express/ KultPlus.com

Arti në formën e zemrës jep dashuri dhe shpresë në vendet e goditura nga COVID-19

Gjatë pandemisë, Donald Verger i ka dhënë më shumë krijimtari fotografive të tij, duke i vënë fokus formës së zemrës.

Fotografitë e tij me krijimet në formë zemre të bëra me kristale shumëngjyrëshe janë vënë në shkolla dhe spitale të cilat janë goditur nga COVID-19, në SHBA.

Shumë artistë janë prekur po ashtu nga pandemia, megjithatë ata po gjejnë mënyra për t’u kthyer, shkruan AP.

Përpjekjet e Vergerit shfaqin kontributin e tij të vogël për t’i dhënë njerëzve një buzëqeshje apo një moment qetësie, krahas izolimit që kanë përjetuar për shkak të koronavirusit.

Ai ka dërguar rreth 25,000 kartolina prej zemre në shkolla dhe spitale. Punonjësit më pas u japin ato stafit, studentëve dhe pacientëve.

Tash vonë, ai ka dhuruar 10,000 kartolina me mbishkrim “Dashuri” në to. 10,000 të tjera kishin mbishkrimin “Shpresë”. /Koha/ KultPlus.com

Gashi: Mërgimtarëve po iu kërkoni teste, e këta që po i mbledhni nëpër tubime a po i testoni?

Aktorja Yllka Gashi ka shprehur mendimin e saj rreth gjendjes aktuale në Kosovë, mes situatës pandemike dhe tubimeve politike përgjatë fushatës parazgjedhore, shkruan KultPlus.

“Mërgimtarëve po ju lypni teste PCR, e kta tjerët që po i mledhni masovikisht nëpër tubime a po i testoni?! As maskat nuk po i mani ju vet, shumica e politikanve që po lypni vota prej popullit, po prini me shembull t’keq, midis pandemisë”, ka thënë Gashi.

Ajo ka përmendur rastin e Biden, i cili edhe përgjatë fushatës ka respektuar vënien e maskës dhe distancën fizike.

“Ju që s’keni as jod e fasha sterile nëpër spitale i rrezikoni njerëzit nëpër tubime e po ua rononi gjendjen edhe ma shumë punëtorëve mjekësor veq për interesat e juja personale e apetitin politik”, ka thënë Yllka Gashi.

“Se për Kosovë që nuk ja u nin’ fort moti e kemi kuptu. Me kto standarde të dyfishta e me këtë paftyrësi jeni ba të gërditshëm. Marre!”, ka përfunduar aktorja. / KultPlus.com

Qeveria s’i dëgjon ekspertët, lehtësohen masat

Pavarësisht se kryesuesi i Bordit Këshilldhënës, Lul Raka, doli kundër lehtësimit të masave, Qeveria e Kosovës ka vendosur vetë duke mos dëgjuar këshillat e ekspertëve. Të enjten, Qeveria në detyrë ka zyrtarizuar lehtësimin e masave duke hequr ora policore për qytetarët në qytetet në zonë të kuqe.

Siç ka njoftuar Qeveria në detyrë, me kërkesë të kryeministrit në detyrë, Avdullah Hoti, është miratuar vendimi për masat e reja të përgjithshme për mbrojtjen nga pandemia COVID-19.

Në njoftim thuhet se masat janë marrë në bazë të rekomandimeve të dhëna nga Instituti Kombëtar i Shëndetësisë Publike. Megjithatë, vetëm pak minuta më herët, mikrobiologu Raka ka thënë se ai dhe ekspertët tjerë në Bordin Këshilldhënës nuk janë kontaktuar fare për këto masa. Ai kishte dalë kundër lehtësimit duke thënë se pas shtrirjes së variantit britanik të virusit, çdo “lehtësim politik i masave” mundëson përhapjen e infeksionit duke kërcënuar shëndetin publik.

Kundër vendimit të Qeverisë paraprakisht doli edhe Federata Sindikale e Shëndetësisë së Kosovës. Duke e quajtur skandaloz lehtësimin, ajo u shpreh se kjo po bëhet për apetite politike. Ajo vuri në pah se asnjë nga partitë s’po reagon pasi lehtësimi u përshtatet atyre për fushatën e 14 shkurtit.

Me kërkesë të Kryeministrit në detyrë të Republikës së Kosovës, Avdullah Hoti, në pajtim me Rregulloren e Punës së Qeverisë, është mbajtur mbledhja korresponduese\elektronike, e 63-ta me radhë, në të cilën është shqyrtuar dhe miratuar vendimi për masat e përgjithshme dhe specifike për mbrojtjen nga pandemia Covid-19.

Në bazë të rekomandimeve të dhëna nga Instituti Kombëtar i Shëndetësisë Publike të Kosovës dhe duke marrë parasysh dispozitat e Ligjit për parandalimin dhe luftimin e pandemisë Covid-19 në territorin e Republikës së Kosovës, Qeveria e Kosovës ka miratuar vendimin për masat si dhe obligimet e institucioneve për zbatimin e këtyre masave.

Me këtë vendim, për komunat të cilat janë në zonat e kuqe, është hequr ora policore, pra nuk do të ketë më kufizim të lëvizjes së qytetarëve. Studentët do të vazhdojnë ligjëratat në objektet e fakulteteve, me prani fizike dhe jo online. Ndërsa, të gjithë operatorëve ekonomik në komunat që janë në zonën e kuqe, do t’iu lejohet të punojnë deri në ora 22:00.

Në vazhdim gjeni vendimin e plotë për masat e përgjithshme dhe specifike për mbrojtje nga pandemia Covid-19.

MASAT PËR TËRË TERRITORIN E REPUBLIKËS SË KOSOVËS

Hyrjet e qytetarëve të huaj dhe vendorë në Kosovë

Qytetarët e huaj që hyjnë në Kosovë, përfshirë edhe ata me leje qëndrim të përkohshëm ose përhershëm në Kosovë, që vijnë nga vendet me risk të lartë sipas listës zyrtare të ECDC-së, duhet të kenë test RT-PCR negativ për Covid-19 të bërë në 72 orët e fundit, në bazë të parimit të reciprocitetit.

Përjashtim nga pika 1 më lartë bëjnë:

Nëse qytetari i huaj hynë në Kosovë përmes aeroportit apo përmes pikave kufitare tokësore dhe largohet nga Kosova brenda 3 ore përmes aeroportit ose pikave kufitare tokësore, me kusht që në hyrje të nënshkruajnë deklaratën se do ta lëshojë Kosovën brenda 3 ore;

Qytetarët e huaj që punojnë si transportues profesionistë (vozitësit), me kusht që të respektojnë protokollin për transport ndërkombëtarë për mbrojtje nga Covid-19;

Qytetarët e huaj që kalojnë nëpër Kosovë përmes transportit të organizuar me autobus ose me linjë të rregullt ndërkombëtare, transit, me kusht që të nënshkruhet deklarata se do ta lëshojnë territorin e Kosovës brenda 5 orësh;

Diplomatët e huaj të akredituar në Kosovë si dhe familjarët e tyre;

Të gjithë qytetarët e Kosovës (përfshirë edhe ata me vendbanim në një shtet tjetër), gjatë hyrjes në Kosovë duhet të paraqesin vërtetim për test RT-PCR negativ të bërë më së largu 72 orë para hyrjes në Kosovë, në të kundërtën duhet të vetë-izolohen për 7 ditë.

Përjashtim nga pika 3 më lartë bëjnë qytetarët e Kosovës (përfshirë edhe ata me vendbanim në një shtet tjetër) që kanë dalë jashtë Kosovës në 24 orët e fundit.

Organizimi i punës së institucioneve publike dhe organizatave/bizneseve private

Institucionet publike dhe organizatat/bizneset private pa përjashtim obligohen të mbikëqyrin në baza ditore shëndetin e stafit në përputhje me “Manualin për mbrojtje nga përhapja e Covid-19”, përfshirë matjen e detyrueshme të temperaturës për të gjithë gjatë hyrjes në objekte.

Me rekomandim të mjekut përkatës të lëmisë, punëtorët me sëmundje kronike (sipas qarkores zyrtare të lëshuar nga Ministria e Shëndetësisë e përgatitur për këtë qëllim), gratë shtatzëna dhe gratë gji dhënëse lirohen nga paraqitja në punë, si në institucionet publike ashtu edhe në ato private, ndërkaq punëdhënësit udhëzohen, për aq sa është e mundshme, të krijojnë kushtet për angazhimin e tyre në punë nga shtëpia.

Obligohen institucionet publike dhe private të mbajnë dezinfektues për duar dhe maska për fytyrë në vende të qasshme në hyrje të objektit, të cilat mund të shfrytëzohen nga punëtorët e institucioneve dhe vizitorët.

Obligohen institucionet publike dhe private që në hyrje të çdo objekti të vendosin shenja të dukshme të rregullave të sjelljes për mbrojtje nga Covid-19 (përfshirë shenjën e ndalimit të hyrjes në objekt pa maska, respektim të distancës etj.) në përputhje me “Manualin për mbrojtje nga përhapja e Covid-19”.

Obligohen përgjegjësit e institucioneve publike, ndërmarrjeve private dhe të çfarëdo subjekti tjetër, të ndërmarrin masa të rrepta për parandalimin e përhapjes së infeksionit brenda institucioneve të tyre, duke bërë dezinfektim të vazhdueshëm dhe duke ndërmarrë të gjitha masat e nevojshme në përputhje me “Manualin për mbrojtje nga përhapja e Covid-19”.

10. Të gjitha Institucionet publike (qendrore dhe lokale) si dhe organizatave, bizneseve dhe subjekteve private u lejohet të organizojnë ceremonitë festive me leje të veçantë nga MSH duke u bazuar në Manualin për mbrojtje nga përhapja e Covid 19.

Organizimi i procesit arsimor

11. Procesi arsimor në të gjitha institucionet e arsimit të lartë, publik dhe privat, si dhe provimet, punët praktike dhe laboratorike të organizohen sipas plan-programit të institucioneve përkatëse në përputhje me “Manualin për mbrojtje nga përhapja e Covid-19”.

12. Veprimtaria e çerdheve publike dhe private vazhdon sipas vlerësimit dhe mbikëqyrjes nga autoritetet komunale, bazuar në “Manualin për mbrojtje nga përhapja e Covid-19”, përfshirë matjen e temperaturës së fëmijëve dhe stafit në baza ditore gjatë hyrjes në objekte.

13. Konviktet dhe mensat punojnë duke respektuar manualin për mbrojtje dhe përhapjen nga Covid-19.

14. Të gjitha institucioneve arsimore në të gjitha nivelet e arsimit, publik dhe privat, iu ndalohet organizimi i aktiviteteve jashtë mësimore, siç janë ekskursionet, shëtitjet grupore, ahengjet e ndryshme të stafit mësimor dhe nxënësve-studentëve dhe të ngjashme.

Organizimi i shtabeve emergjente komunale dhe shërbimeve shëndetësore komunale

15. Komunave iu kërkohet të mbajnë të aktivizuar plotësisht shtabet emergjente komunale për të mbikëqyrë zbatimin e masave, gjendjen shëndetësore të qytetarëve të infektuar me Covid-19 dhe çështje të tjera, si dhe të koordinohen me nivelin qendror përkatës.

16. Shtabeve emergjente komunale, drejtorive për shëndetësi dhe QKMF-ve iu kërkohet të mbikëqyrin dhe ofrojnë shërbimet e nevojshme shëndetësore për së paku 2 javë për personat e infektuar me Covid-19 dhe do të raportojnë në baza ditore në QRSHP-IKSHPK.

17. Komunave iu kërkohet të ofrojnë shërbimet shëndetësore shtëpiake për të gjithë të sëmurët kronikë dhe për personat mbi moshën 65 vjeç.

Masat për personat mbi moshën 65 vjeç

18. Ministria e Punës dhe Mirëqenies Sociale, në përputhje me situatën e krijuar dhe sipas rekomandimeve të IKSHPK-së dhe MSH-së, udhëzohet të lirojë të gjithë përfituesit e skemave sociale dhe pensionale që menaxhohen nga MPMS-ja nga paraqitja e rregullt në zyrat përkatëse për qëllime të evidentimit siç kërkohet me ligjet përkatëse.

19. Qytetarëve që qëndrojnë në shtëpitë për të moshuar u ofrohen të gjitha shërbimet shëndetësore, sociale dhe vizitat e rregullta shëndetësore nga QKMF-të.

Masat për aktivitetet publike

20. Në hapësira të mbyllura ndalohet grumbullimi i qytetarëve në numër prej më shumë se 50 persona, ndërsa në sheshe publike, parqe, vende publike, qendra rekreative dimërore dhe të ngjashme, lejohet grumbullimi deri në 80 persona me përjashtim të rasteve të lejuara me këtë vendim.

21. Të gjitha tubimet publike të organizuara në hapësira publike të të gjitha formave, ndalohen në jo më shumë se 80 persona, me përjashtim të rasteve të lejuara me këtë vendim.

22. Seminaret dhe punëtoritë e të gjitha institucioneve publike dhe private, lejohen të organizohen sipas manualit për mbrojtjen nga përhapja e COVID19 dhe konform pikës 24 të këtij vendimi.

23. Ndalohet organizimi i dasmave dhe ahengjeve familjare.

24. Ndalohen ceremonitë dhe veprimtaritë fetare, përveç me pjesëmarrjen e familjes së ngushtë, përjashtim nga pika 24 më lartë bëjnë ceremonitë e veçanta fetare që organizohen me leje të veçantë të Ministrisë së Shëndetësisë bazuar në rekomandimet e IKSHPK-së.

Masat për aktivitetet biznesore

25. Lejohet veprimtaria e tregjeve publike të automjeteve dhe kafshëve deri në 40% të sipërfaqes së kapaciteteve të hapësirave.

26. Therja e kafshëve lejohet vetëm në ambientet e autorizuara për këtë qëllim.

27. Lejohet ushtrimi vetëm i veprimtarive si në vijim (sipas kodeve NACE të përcaktuara nga ARBK – Ministria e Tregtisë dhe Industrisë):

Sektori shëndetësisë,

Sektori i sigurisë dhe drejtësisë,

Sektori publik (administratë qendrore dhe komunale),

Sektori i prodhimit,

Sektori i bujqësisë dhe blegtorisë,

Sektori i ndërtimit,

Transporti i mallrave,

Sektori i produkteve ushqimore,

Sektori i shërbimit/distribuimit.

MASAT SPECIFIKE SIPAS KOMUNAVE

28. Komunat kategorizohen në tri grupe, bazuar në rrezikun nga përhapja e infeksionit:

Komunat me rrezik të ultë – deri në 75 persona të infektuar për 100,000 banorë brenda një jave (me ngjyrë të gjelbër),

Komunat me rrezik të mesëm – nga 76-150 persona të infektuar për 100,000 banorë brenda një jave (me ngjyrë të verdhë),

Komunat me rrezik të lartë – mbi 150 persona të infektuar për 100,000 banorë brenda një jave (me ngjyrë të kuqe).

29. Në baza javore, çdo të premte, IKSHP-ja dhe MSH-ja publikojnë shifrat e të infektuarve sipas komunave dhe bëjnë kategorizimin e komunave sipas nivelit të rrezikut të përshkruar në pikën më lartë.

30. Masat për komunat me rrezik të ulët (deri në 75 persona të infektuar për 100,000 banorë brenda javës):

Operatorët ekonomik lejohen të punojnë nga 05:00-22:00,

Qendrat tregtare lejohen të punojnë nga 05:00-22:00,

Shërbimet e hotelerisë dhe gastronomisë lejohen të punojnë nga 05:00-22:00, ndërkaq pas orës 22:00 punojnë me shërbim “merr me vete” dhe “porosi me dërgesë”,

Transporti publik lejohet të punoj duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”,

Taksitë lejohen të punojnë me një (1) pasagjer prapa ose deri në tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”,

Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë deri në orën 22:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,

Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,

Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”,

Pavarësisht pikave 35.6, 35.7 dhe 35.8 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.

31. Masat për komunat me rrezik të mesëm (prej 76-150 persona të infektuar për 100,000 banorë brenda javës):

Operatorët ekonomik lejohen të punojnë nga 05:00-22:00.

Qendrat tregtare lejohen të punojnë nga 05:00-22:00.

Shërbimet e hotelerisë dhe gastronomisë lejohen të punojnë nga ora 05:00 deri në ora 22:00, ndërkaq pas orës 22:00 punojnë me shërbim “merr me vete” dhe “porosi me dërgesë”.

Të gjitha institucionet publike dhe private këshillohet të reduktojnë stafin bazuar në specifikat e tyre dhe “Manualin për mbrojtjen nga përhapja e Covid-19”;

Transporti publik lejohet të punojë duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”;

Taksitë lejohen të punojnë me një (1) pasagjer prapa ose tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”;

Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë vetëm deri në orën 22:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,

Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,

Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”.

Pavarësisht pikave 34.7, 34.8 dhe 34.9 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.

Masat për komunat me rrezik të lartë (mbi 150 persona të infektuar për 100,000 banorë brenda javës:

Operatorët ekonomik lejohen të punojnë nga 05:00-22:00.

Qendrat tregtare lejohen të punojnë nga 05:00-22:00.

Shërbimet e hotelerisë dhe gastronomisë lejohen të punojnë nga 05:00-22:00, ndërkaq pas orës 22:00 punojnë vetëm me shërbim “porosi me dërgesë”.

Institucionet publike dhe private obligohen të punojnë vetëm me staf esencial, i cili staf përcaktohet me vendim të secilit institucion në veçanti;

Transporti publik lejohet të punojë duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”;

Taksitë lejohen të punojnë me një (1) pasagjer prapa ose tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”;

Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë vetëm deri në orën 21:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,

Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,

Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”.

Pavarësisht pikave 35.9, 35.10 dhe 35.11 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.

OBLIGIMET E INSTITUCIONEVE PËR ZBATIMIN E MASAVE

33. Obligohet Ministri i Shëndetësisë që në rast nevojë të nxjerrë udhëzime për sqarimin e pikave të këtij vendimi.

34. Obligohet Ministri i Shëndetësisë, AUVK dhe Policia e Kosovës, që në bashkëpunim me shtabet emergjente të komunave, të mbikëqyrë zbatimin e këtij vendimi dhe të dorëzojnë në Zyrën e Kryeministrit raport javor (çdo të premte deri në orën 16:00).

35. Obligohet Ministri i Shëndetësisë, SHSKUK dhe IKSHP të dorëzojnë në Zyrën e Kryeministrit raportin javor (çdo të premte deri në orën 16:00) për zbatimin e masave, gjendjen në institucionet shëndetësore, gjendjen epidemiologjike si dhe parashikimet për dy javët në vijim.

36. Obligohet Ministri i Shëndetësisë që, bazuar në Ligjin nr. 07/L-006 për Parandalimin dhe luftimin e pandemisë Covid-19, të nxjerrë vendime operacionale varësisht prej situatës epidemiologjike dhe rekomandimeve të IKSHP-së.

Obligohet Policia e Kosovës dhe inspektoratet përgjegjëse të mbikëqyrin zbatimin e masave dhe vendimeve të tjera në zbatimit të Ligjit Nr.07/L-006 për Parandalimin dhe luftimin e pandemisë në territorin e Republikës së Kosovës.

38. Për shkelësit e masave, organet kompetente obligohen të shqiptojnë masat ndëshkimore sipas Ligjit nr. 07/l-006 për Parandalimin dhe luftimin e pandemisë Covid-19 në territorin e Republikës së Kosovës dhe ligjeve të tjera në fuqi.

39. I vetmi autoritet që mund të interpretojë këtë vendim është Ministria e Shëndetësisë, ndërkaq çdo institucion tjetër mund të ofrojë sqarime për grupet respektive që preken nga ky vendim vetëm pas miratimit të atij sqarimi nga ana e Ministrisë së Shëndetësisë.

40. Ministria e Shëndetësisë obligohet të publikojë në faqen zyrtare të saj Qarkoren lidhur me sëmundjet kronike, për të cilat sëmundje personat sipas pikës 8 të këtij vendimi lirohen nga paraqitja në punë.

41. Shfuqizohet vendimi i qeverisë nr. 09/58 i datës 14.01.2021.

42. Vendimi hyn në fuqi ditën e nënshkrimit dhe vlen deri në një vendim tjetër. / Koha/ KultPlus.com

Muzetë franceze kërkojnë me ngulm rihapjen

Kritikat e muzeve në Francë po rriten kundër një mbylljeje që ata vlerësojnë se nuk e meritojnë. Peticione dhe propozime konkrete janë depozituar në zyrën e Ministrisë së Kulturës për rihapjen e tyre sa më shpejt, të paktën pjesërisht.

“Për një orë, një ditë, një javë apo një muaj, na lini të rihapim portat, edhe pse duhet t’i mbyllim në rast të një kufizimi tjetër!”

E tillë është kërkesa e formuluar këtë javë nga 100 drejtorë dhe presidentët e qendrave të artit, të udhëhequr nga Emma Lavigne, nga ”Palais de Tokyo”, në Paris.

Me presidenten e Fondit të Ndihmës së Industrive Kulturore ArtNova, Frédéric Jousset dhe gazetaren Florence Belkacem, ajo i dërgoi sot dhjetë propozime ministres franceze të Kulturës, Roselyne Bachelot, të cilat japin rrugë lehtësisht të arritshme.

Si të gjitha vendet kulturore në Francë, muzeumet janë mbyllur që nga fundi i tetorit. Dhe shpresat për një rihapje në mes të dhjetorit, më pas në fund të janarit nuk janë konfirmuar. Ekspozitat e kushtueshme mbeten pa vizitorë dhe ndonjëherë duhet të ripaketohen pa u parë.

Kërkesat e muzeve duan të jenë të vetëdijshëm për rreziqet e përhapjes së Covid: kërkuesit thonë se ata janë të gatshëm të respektojnë një protokoll të përforcuar shëndetësor. Ata janë të gatshëm të hapin vetëm një pjesë të dhomave të tyre, në orare të caktuara.

Francezët dhe veçanërisht të rinjtë, argumentojnë nënshkruesit e peticionit, kanë një nevojë urgjente, për shëndetin e tyre mendor, për të rizbuluar veprat e bukura për t’i rezistuar depresionit, dhe kështu ta bëjnë këtë periudhë të vështirë një dimër kulturor dhe mësimor.

Ato bazohen në përvojat e rihapjes, veçanërisht në Itali dhe Spanjë./ata/ KultPlus.com

Simptomat e kancerit po anashkalohen nga frika prej COVID-19

Të dhënat më të reja, të publikuara nga organizata britanike e bamirësisë “The Less Survivable Cancers Taskforce”, kanë sugjeruar se vetëdijesimi për simptomat e kancerit është rrezikshmërisht i ulët dhe se COVID-19 e ka përkeqësuar edhe më shumë situatën veçse kritike

Ekziston shqetësim përherë më i madh në Mbretërinë e Bashkuar se personat që përballen me llojet më vdekjeprurëse të kancerit janë duke i anashkaluar simptomat dhe po i shtyjnë kontrollet mjekësore për shkak të frikës se mund të shkaktojnë ngarkesë më të madhe për shërbimet shëndetësore të vendit.

Të dhënat më të reja, të publikuara nga organizata britanike e bamirësisë “The Less Survivable Cancers Taskforce”, kanë sugjeruar se vetëdijesimi për simptomat është rrezikshmërisht i ulët dhe se COVID-19 e ka përkeqësuar situatën tashmë kritike.

Për John dhe Pam Elliott, 2020-a ishte viti më i gjatë ndonjëherë, jo vetëm për shkak të COVID-19, por edhe për shkak të kancerit.

Ajo që Johni mendonte se ishte thartirë e stomakut dymbëdhjetë muaj më parë, ishte në fakt një tumor në ezofagun e tij. Pas gjashtë trajtimeve me kimioterapi dhe një operimi, Johni ia doli ta çrrënjoste tërësisht kancerin.

“Po përjetoja reagime në lukth dhe thartirë, ngase përherë kam qenë një prej atyre personave që pëlqejnë ta hanë shpejt ushqimin”, ka thënë Johni.

Kërkimi i hershëm i ndihmës mjekësore ia shpëtoi jetën, por kjo nuk është gjëja që të gjithë e bëjnë.

Besohet se vetëm 12 për qind e personave me kancer në ezofag mund të shërohen. Diagnostikimi i hershëm është çelësi, por gjatë pandemisë përherë e më pak njerëz me llojet më vdekjeprurëse të kancerit janë duke kërkuar ndihmë mjekësore.

“Mendoj se kanë shqetësime, e dini, se e ngarkojnë shërbimin shëndetësor”, ka thënë Anna Jewell, udhëheqëse e organizatës së bamirësisë “The Less Survivable Cancers Taskforce”. “Mendoj se njerëzit janë edhe të shqetësuar se mos preken nga COVID-19 nëse shkojnë në spital. Janë shumë të shqetësuar, mendoj, nga përhapja e virusit, nga përhapja e variantit të ri të koronavirusit”.

Spitalet në Britaninë e Madhe vazhdojnë të përballen me vështirësi në luftimin e COVID-19, teksa shërimi i pacientëve të sëmurë varet ekskluzivisht nga ofrimi i njohurive më të provuara në shkencën e mjekësisë.

Por, pavarësisht rrethanave të vjetra dhe të reja, këshilla kryesore mjekësore për rastet e kancerit vazhdon të jetë: “Mos i anashkaloni simptomat dhe shkoni për t’u vizituar te mjeku”.

“Mos e shtyni”, ka thënë Johni.

Është ky një paralajmërim prej një personi që e kupton mirë urgjencën. /Koha/ KultPlus.com

Covidi po lë edhe pasoja neurologjike, belbëzimi njëra prej tyre

Një pjesë e personave që i kanë mbijetuar sëmundjes Covid-19 kanë përjetuar edhe efekte të konsiderueshme neurologjike, thuhet në një raport të ri.

Një mësues 40 vjeç nga Teksasi i Shteteve të Bashkuara, i cili për shumë vjet ka komunikuar me nxënësit e vet pa probleme, thotë se e gjeti veten duke belbëzuar për herë të parë në jetë.

“Kuptova që disa nga fjalët nuk ndihej se janë në rregull në gojën time, e keni parasysh?”, tha Patrick Thorton, mësues i matematikës.

Ai u infektua me koronavirus në gushtin e vitit të kaluar dhe pati simptoma tipike: dhimbje koke, plogështi, dhimbje në gjoks, shkurtim të frymëmarrjes, pezmatim të fytit që ia humbi zërin, shkruan Daily Mail.

Por edhe kur ishte në rrugë për t’u shëruar, pa që diçka nuk ishte në rregull. “Zëri m’u kthye, por (Covidi) ma dëmtoi gojën. Kjo ishte e tmerrshme”, thotë mësuesi amerikan.

Për muaj të tërë është raportuar se koronavirusi e sulmon trurin, me ç’rast njerëzit e infektuar rrezikohen më shumë nga sulmet në tru dhe në disa raste pësojnë encefalit.

Ka edhe raportime për raste të psikozave ose sondazhe për pasoja afatgjata të koronavirusit. Sipas një hulumtimi me 153 pacientë në Britani, një e treta e tyre raportuan simptoma neurologjike si ënjtja e trurit dhe probleme me kujtesën të ngjashme me demencën.

Një e mbijetuar tjetër e koronavirusit, Amanda Wood nga Indianapolis, ka filluar të belbëzojë pas infektimit me koronavirus në marsin e vitit të kaluar.

Qelizat e turit dhe lidhjet mes tyre, që u mundësojnë dërgim komandash gjatë veprimeve të përditshme si të folurit, mund të dëmtohen lehtë nga inflamacioni. Covid-19 njihet për reagimin inflamator që nxit në organizëm. /express/ KultPlus.com

Arti që lehtëson vaksinimin për COVID-19

Kur të hapet qendra e vaksinimit në Bottrop, njerëzit do të jenë në atë çfarë duket e rrallë në këto ditë: një ekspozitë skulpturore në mes të një salle të gjerë

Një diçka e ngjashme si formë njerëzore me ngjyrë trëndafili rri në dysheme; diçka që duket sikur kthetrat e një ariu nga një skulpturë guri; një lloj gjysmë-tubi dhe blloqe të mëdha mermeri.

Gereon Krebber, skulptor dhe profesor në Akademinë e Arteve në Düsseldorf, e ka shndërruar një pjesë të sallës së madhe me hekur e beton të qendrës së vaksinimit në Bottrop në peizazh skulpturor.

Disa javë para se njerëzit të vijnë për t’u vaksinuar, qyteti i Bottropit në Gjermaninë Perëndimore e ka gjetur veten papritur me një hapësirë të re për skulpturën.

Projekti ka marrë vëmendje, për shkak se sikur gjithandej vendit, ngjarjet kulturore janë anuluar dhe institucionet janë mbyllur. Nuk bën përjashtim as Bottropi, në të cilin mbahet një festival vjetor i organos dhe një tjetër për teatrin e kukullave. Edhe muzeu “Josef Albers”, që mban emrin e mësuesit të Bauhasit, është mbyllur.

Hapësira e gjerë në qendrën e vaksinimit ishte tamam për banorin e qytetit, Gereon Krebber, i cili do të duhej t’i shpaloste skulpturat e tij në zgjatimin e ri të muzeut. “Ne në Bottrop kemi atë që kemi”, ka thënë për DW zëdhënësi i qytetit, Alexander Pläsken.

Kështu një hapësirë e re arti në qendrën e vaksinimit është një rastësi e bukur, edhe nëse qendra nuk i ka hapur ende dyert për shkak të mungesës së vaksinave. Ekipet mobile të vaksinimit po vizitojnë qendrat e pensionimit për të dhënë dozat e para të vaksinimit.

Por veprat artistike në qendrën e vaksinimit mund të kenë një efekt, sigurisht jo kundër virusit, por mbase ato do të ndihmojnë që njerëzit ta heqin mendjen për pak çaste nga gjendja e rëndë.

“Doja të gjeja imazhe të diçkasë që është në nivel mikroskopik, por që nuk është e dukshme”, ka thënë Krebber, mbi imazhet për kërcënimin e padukshëm e vdekjeprurës.

Skulpturat e tij janë një përzierje formash amorfe e arkitektonike, që nuk duhet të vijnë si befasi në dritën e faktit që ai studioi me dy artistë që punojnë në gjuhët kundërshtuese, Tony Cragg dhe Hubert Kiecol.

Krebber ka thënë për DW-në se ai e sheh veten si “skulptor i mosmarrëveshjeve”, por ka theksuar se nuk do të jetë si “ilustrator i pandemisë”. Ai merret me analogjitë, dhe dëshiron që njerëzit t’i shohin veprat e tij për ta përjetuar prekshmërinë e tyre.

“Ky është vërtet një vend i vështirë”, ka shtuar Krebber, objektet e të cilit kontrastojnë me optikën goxha biznesore të sallës. Sigurisht se ato përmbushin të gjitha kërkesat për të frenuar rreziqet nga zjarri.

Për arsye të sigurisë nga zjarri, Krebberit iu desh të mbulonte dyshemenë e sallës me një shtrojë plastike – por ajo funksionoi për bukuri me sendet artistike, duke i bërë ato të dukeshin si të ishin në një pjatë artistike.

Bottropi s’është i vetmi qytet gjerman që i shpalos veprat artistike në një qendër vaksinimi: qyteti bavarez i Straubingut ka vendosur në mure vepra të artistëve të ndryshëm. Arti mund të ndihmojë të kuptohet stresi mendor që u shkaktua gjatë krizës së koronavirusit, thotë Krebber, duke shtuar, “por ju mund të kaloni skaj tij dhe të mos ia hidhni sytë. Kjo është e bukura e tij!”. / Deutsche Welle/ Koha/ KultPlus.com

Kamala Harris vaksinohet kundër Covid-19

Nënpresidentja e zgjedhur e Shteteve të Bashkuara, Kamala Harris, u bë politikania e fundit amerikane që mori vaksinën kundër koronavirusit.

Harris mori të martën vaksinën e krijuar nga kompania Moderna, ndërsa ngjarja u transmetua drejtpërdrejt në televizion.

“Mezi e ndjeva”, tha Harris, pasi u injektua në krahun e majtë.

“Dua t’i inkurajoj të gjithë që të marrin vaksinën, është relativisht pa dhimbje, është e sigurt. Unë kam besim te shkencëtarët”, tha ajo.

Disa politikanë amerikanë, përfshirë presidentin e zgjedhur, Joe Biden, nënpresidentin Mike Pence dhe kryetaren e Dhomës së Përfaqësuesve, Nancy Pelosi, e kanë marrë tashmë vaksinën.

Biden dhe Harris do të marrin detyrën më 20 janar dhe po përpiqen të krijojnë besim tek imunizimi.

Dy vaksina, njëra nga Moderna dhe tjetra nga kompanitë Pfizer dhe BioNTech, janë aktualisht duke u shpërndarë në të gjithë SHBA-në, pasi ato janë miratuar nga rregullatorët shëndetësorë.

Shtetet e Bashkuara janë vendi më i prekur në botë nga koronavirusi.

Afro 20 milionë njerëz janë infektuar atje dhe mbi 335,000 kanë vdekur.

Në të gjithë botën, koronavirusi ka infektuar mbi 81 milionë njerëz.

Prej tyre, mbi 1.7 milion kanë vdekur dhe mbi 46 milionë janë shëruar./ KultPlus.com

8 motra katolike kanë vdekur brenda 1 jave në Wisconsin

Në më pak se dy javë, tetë motra katolike  vdiqën nga Covid-19 në një shtëpi pensioni në Wisconsin këtë muaj, shkruan The New York Times, përcjell KultPlus.

Ato ishin arsimtare, mësese të muzikës dhe linguiste, të cilat shërbenin pa ndalur për pjesën e shoqërisë që vuante nga varfëria.

Shtëpia ku ato qëndronin ishte shndërruar në një residence për gratë e moshuara, teksa e para nga tetë motrat vdiq më 9 dhjetor. Të tjerat pasuan të marten, të premtën e kështu me radhë tha zëdhënsja e kësaj shtëpie, Trudy Hamilton.

Mosha e tyre varionte nga 91 deri në 88 vjeç.

“Ishte mjaft tronditëse për një kohë të shkurtër. Biografitë e tyre të plota nuk ishin në dispozicion menjëherë, ndërsa administratorët po përpiqeshin të merreshin me humbjen e zymtë të kaq shumë njerëzve që vdisnin në një periudhë kaq të shkurtër kohore”, tha Hamilton.

Tutje ajo theksoi se ekspertët thonë se të moshuarit janë më të prekshëm nga virusi.

“Motrat jetuan bashkërisht, ashtu si banorët që jetonin në shtëpi pleqsh, të cilat janë goditur veçanërisht nga pandemia”, shtoi Hamilton. /The New York Times/ KultPlus.com