Atifete Jahjaga: Luljeta Pula ishte model i avancimit politik të gruas në Kosovë

Ish-presidentja e republikës së Kosovës, Atifete Jahjaga në një takim me gruan protagoniste të viteve të 90-ta, Luljeta Pula Beqiri, kanë biseduar rreth arritjeve në fuqizimin e gruas kosovare dhe sfidave që priten të vinë përpara, përcjellë KultPlus.

“Me punën, përkushtimin e guximin e saj ajo është bërë model i angazhimit e avancimit politik të gruas në Kosovë. Me gra të fuqishme si Luljetën mund të bëjmë shumë gjëra të mrekullueshme në fuqizimin politik të grave në Kosovë”, ka thënë Jahjaga.

KultPlus ju sjell statusin e saj të plotë:

Një takim i shkëlqyeshëm me Luljeta Pula Beqirin, me të cilën biseduam për arritjet në fuqizimin e gruas kosovare dhe sfidat që kemi përpara në këtë drejtim.
Luljeta ishte politikisht aktive qysh prej kohës së hershme të levizjes sonë kombëtare për krijimin e Kosovës shtet. Me punën, përkushtimin e guximin e saj ajo është bërë model i angazhimit e avancimit politik të gruas në Kosovë.
Me gra të fuqishme si Luljetën mund të bëjmë shumë gjëra të mrekullueshme në fuqizimin politik të grave në Kosovë. / KultPlus.com

Jahjaga: Sistemi i drejtësisë po dijka të funksionojë mrekullueshëm kur kryesit e vrasjeve janë gratë

Ish-Presidentja e Republikës së Kosovës, Atifete Jahjaga ka komentuar nëpërmjet një statusi në rrjete sociale vendimin e Gjykatës Themelore në Ferizaj për dënimin me 18 vite burgim të gruas, e cila ka vrarë të dashurin e saj, shkruan KultPlus.

Jahjaga në këtë status është shprehur se kur gratë janë kryesit e krimeve, ato marrin dënimet e duhura, ndërkaq kjo nuk ndodh njësoj kur gratë janë viktima teksa kryesit e krimeve janë burrat.

KultPlus ua sjell të plotë statusin e Jahjagës:

Gjykata Themelore në Ferizaj paska dënuar sot një grua, e cila ka vrarë të dashurin e saj në vitin 2018, me 18 vite burgim.

Sistemi i drejtësisë, pra, po dijka të funksionojë par excellence kur kryesit e vrasjeve janë gratë.

Ndërsa, kur gratë janë viktima dhe vriten nga burrat e tyre, e tërë Kosova duhet të ngrihet në protestë për t’u bërë thirrje gjykatave që t’u shqiptojnë vrasësve dënimet e merituara.

Çfarë ironie e hidhur e një populli i cili është vrarë nga okupuesit e tij me shekuj të tërë.

Lirinë dhe pavarësinë e ndërtuam mbi premisat e barazisë, drejtësisë, dhe barazisë para drejtësisë! Nuk kemi bërë asgjë nëse shkas për devijimet nga këto vlera e parime bëhet gjinia! / KultPlus.com

Në Ditën Ndërkombëtare të të Drejtave të Njeriut, Jahjaga kujton të mbijetuarat e dhunës seksuale

Presidentja e parë e Republikës së Kosovës nëpërmjet një postimi sot në Ditën Ndërkombëtare të të Drejtave të Njeriut ka kujtuar të mbijetuarat e dhunës seksuale, shkruan KultPlus.

Atifete Jahjaga ka shpërndarë një fund të kaltër të një të mbijetuare, e cila e ka pasur të veshur në ditën kur u dhunua nga serbët. Në të shkruhet “Ky fund ka një histori të mbyllur nga pranvera 1998!”.

Jahjaga e ka bërë këtë postim duke kërkuar të drejta për këtë kategori të shoqërisë, duke shkruar “Po për të drejtat e kësaj heroine?”.

KultPlus ua sjell të plotë shkrimin e Atifete Jahjagës:

Shkrim nga dora e një të mbijetuare të dhunës seksuale gjatë luftës, në fundin që kishte veshur në ditën kur është kryer krimi që ka lënë plagë të hapura në të edhe dy dekada pas.

Në Ditën Ndërkombëtare të të Drejtave të Njeriut duhet të pyesim: Po për të drejtat e kësaj heroine? / KultPlus.com

Jahjaga me ambasadorët amerikanë të Kosovës dhe Shqipërisë flet për rëndësinë e diasporës shqiptare

Ish-presidentja Atifete Jahjaga ka hapur konferencën “Diaspora Flet 2020” ku pjesëmarrës ishin edhe dy ambasadorët amerikanë të Kosovës dhe Shqipërisë, Philip Kosnett dhe Yuri Kim.

Sipas njoftimit aty u zhvillua një maratonë diskutimesh, propozime dhe reflektime mbi angazhimin e diasporës nga profesionistë shqiptarë kudo në botë.

“Reflektim mbi 20 vitet e fundit të angazhimit të Diasporës Shqiptare, se çfarë kemi mësuar nga e kaluara dhe çfarë mbart e ardhmja në 20 vitet e ardhshme dhe a kemi bërë sa duhet për të ndërtuar komunitetet tona në mënyrë sistematike, ishin disa nga pyetjet të cilat ngjallën debat të strukturuar në 5 sesionet e realizuar me temën avokimi dhe diplomacia”, thuhet në njoftim.

Gjatë një bisedimi 30 minutësh në mes të ish-presidentes Jahjaga dhe Valbona Zeneli, udhëheqëse e Departamentit të Nismave Strategjike në qendrën “George C. Marshall”, u fol për migracionin, rolin e grave në migrim, remitancat dhe nevoja për bashkërendimin e aktiviteteve në mes të diasporës dhe institucioneve të vendit amë.

Jahjaga e pyetur rreth fenomenit të migracionit u shpreh se migrimi duhet të jetë një zgjidhje dhe jo një obligim i ndikuar nga faktorët e brendshëm.

Ajo kërkoi një angazhim dhe një seriozitet nga elita politike për të trajtuar diasporën si pasuri kombëtare duke shprehur në fund përulje ndaj diasporës dhe ndihmës së saj në ndërtimin e Kosovës.

Vlerësim ndaj rolit të diasporës në etapa të ndryshme u tha edhe në panelin e dytë me temë angazhimi i diasporës 20|20 – Forcimi i bashkëpunimit. Një reflektim mbi të kaluarën, rrëfim mbi lobimin e shqiptarëve jashtë vendit, rezistencën dhe roli i diasporës sot u diskutuan përgjatë këtij paneli, ku folës ishin Avni Mustafaj, Edita Tahiri, Shenasi Rama, Afërdita Rakipi dhe Besnik Pula.

Ndërsa sa i përket përfaqësimit politik të diasporës u theksua se mungon vullneti politik për të integruar diasporën në politkëbërjen ditore dhe shtetërore. Në këtë panel u përmend edhe projektligji për Diasporën dhe votimi i tyre në misionet diplomatike.

Sipas ish-deputetit Korab Sejdiu ajo çfarë ndodhi ishte se politikanët e pozitës vendosën që ta mbanin peng këtë projektligj ngase e dinin se nuk mund të kalkulonin në votat e diasporës.

Ndërkohë, ish-kryeministri shqiptar Pandeli Majko tha se marrëdhënia me diasporën po kthehet nga sasiore në cilësore.

Liza Gashi, folëse në këtë panel theksoi se partitë politike nuk duhet të jenë prezente në diasporë por duhet të përfshijnë atë brenda programeve të veta.

Mark Gjona, Këshilltar Bashkiak i Nju Jorkut njëherësh edhe kryetari i Këshillit Kombëtar të Diasporës (KKD) tha se shtetet shqiptare duhet të koordinohen për angazhimin e diasporës si një komunitet global dhe unik.

Në këtë ditë nuk munguan edhe fjalimet inspiruese si dhe debati i frymëzuar për artin dhe diplomacinë. Ylfete Fanaj, Shpresa Loshaj, Osman Osmani, Ori Hoxha, Ermal Sulaj, Desar Sylemjani, Ariana Kosova dhe Adelajda Matuka, profesionistë nga diaspora, përmes mesazheve 5 minutëshe treguan historitë e tyre inspiruese. Ylefete Fanaj filloi fjalimin me këngën ‘moj e bukura more’ dhe u shpreh se ajo nuk jeton në një botë zvicerane të ndarë dhe një botë shqiptare të ndarë, por në një botë unike ku i sheh të përbashkëtat para dallimeve. / KultPlus.com

Dumoshi nga stadiumi ‘’Fadil Vokrri’’: Zëri i heroinave të Kosovës sot kumbon për fitoren e madhe

Ministrja për Kulturë, Rini dhe Sport, Vlora Dumoshi ka vizituar stadiumin ‘’Fadil Vokrri’’, meqë rast ka shprehur përkrahjen e saj ndaj lojëtarëve të Kosovës për lojën kundër Moldavisë, shkruan KultPlus.

Të veshur me fanela të cilat janë një kombinim mes Dardanëve dhe llogos së fushatës si përkrahje ndaj të mbijetuarve të dhunës seksuale, Dumoshi ka shpërndarë fotografi bashkë me kryeministrin Avdullah Hoti dhe ish-presidenten Atifete Jahjaga.

‘’Forca djelmoshave që sonte sfidohen në lojën kundër Moldavisë. Bashkë me Kryeministrin Hoti dhe ish-Presidenten Jahjaga sapo vizituam stadiumin “Fadil Vokrri” ku do të mbahet ndeshja e i cili sot është veshur nga “Dardanët” në mbështetje të fushatës senzibilizuese ‘Bëhu zëri im’ në përkrahje të të mbijetuarve të dhunës seksuale gjatë luftës në Kosovë’’, ka shkruar ministrja Dumoshi.

Tutje ajo ka theksuar se zëri i heroinave të Kosovës sot kumbon për fitoren e madhe.

Ulëset e stadiumit ‘’Fadil Vokrri’’ sot morrën një pamje tjetër, duke u veshur me llogot e lules Anemone, kuptimi i së cilës është shpresë për të mbijetuarit e dhunës seksuale./ KultPlus.com

Police e presidente, gjashtë fakte për Atifete Jahjagën

Atifete Jahjaga është presidentja e parë femër e Kosovës, dhe e katërta në rradhë nga presidentët e Republikës.

Jahjaga ka lindur në Gjakovë, ka përfunduar studimet në Fakultetin Juridik të Universitetit të Prishtinës në vitin 2000. Në vitet 2006-2007 ka ndjekur programe pasuniversitare për Menaxhim Policor dhe Ligjin Penal në Universitetin e Leicester-it në Mbretërinë e Bashkuar. Po ashtu ka ndjekur programin pasuniversitar për Shkencën mbi Krimin, në Universitetin e Virginia-s në Shtetet e Bashkuara në vitin 2007.

Më poshtë ju sjellim 6 fakte që noshta s’i keni ditur rreth saj:

1. Jahjaga është liderja femër më e re në botë e zgjedhur në postin e Presidentes dhe po ashtu Presidentja e parë femër në historinë moderne të Ballkanit.

2. Asnjë rast korrupsioni për Atifete Jahjagën nuk është raportuar gjatë mandatit të saj si presidente e vendit.

3. Është presidentja e parë e Kosovës që e ka mbajtur mandatin e plotë 5 vjeçar (2011-2016).

4. Thuajse në çdo konferencë, apo prezantim ndërkombëtar, Jahjaga ka përmendur luftën çlirimtare të Kosovës dhe viktimat e dhunuara gjatë luftës.

5. Ka shërbyer si zëvendës drejtoreshë e Policisë së Kosovës, duke mbajtur gradën e gjeneral majorit, grada më e lartë në mesin e grave në Evropën Juglindore.

6. Ajo njihet si ‘Presidentja e Zarfit’ për shkak se është zgjedhur nga marrëveshja e partive politike PDK-LDK-AKR, dhe emri i saj është nxjerrë nga një zarf të cilin e ka dërguar ambasadori i atëhershëm i SHBA-ve në Kosovë, Christopher Dell., shkruan Metro.

Presidenca ‘Jahjaga’ njihet për respektim të plotë të ligjit, kujdes në përdorimin e parasë publike dhe kursim të buxhetit vjetor./ KultPlus.com

Jahjaga renditet në mesin e njerëzve që ndryshuan botën, krahas saj edhe Elanor Roosevelt

Ambasada Amerikane në Kosovë e renditë ish presidenten e Kosovës, Atifete Jahjagën në mesin e atyre që ndryshuan botën për të mirë, duke e bërë bashkë në listë edhe me drejtuese tjera shtetërore si Elanor Roosevelt, përcjellë KultPlus.

Jahjaga e ka konsideruar nder dhe privilegj renditjen që i është bërë nga Ambasada Amerikane e Kosovës. Ajo është shprehur se është privilegj të renditesh në mesin e atyre që ndryshuan botën për të mirë dhe hapën rrugën që njerëzit të gëzojnë të drejta të barabarta.

“Çfarë nderi dhe privilegji që të renditesh në mesin e drejtuesve të tjerë si Eleanor Roosevlet nga #USEmbassyPristina si një nga ato që e ndryshuan botën për më mirë dhe hapën rrugën që njerëzit të gëzojnë të drejta të barabarta. #RightstoFreedom #USëithKosovo”, ka shkruar Jahjaga në Facebook.

Ndërkaq nga Ambasada Amerikane në Kosovë u tha se Jahjaga është gruaja e parë Presidente e Kosovës e cila foli për rëndësinë e pjesëmarrjes së grave dhe sfidoi mentalitetin patriarkal në politikë si dhe ndjeki kauzën e saj për të mbijetuarit e dhunës seksuale gjatë luftës. / KultPlus.com

Jahjaga takon djaloshin me koeficient të inteligjencës 145, e quan “Ajnshtajn të kohës moderne”

Ish-presidentja e Kosovës Atifete Jahjaga, sot ka pritur në takim djaloshin Lum, i cili ka koeficient të inteligjences 145, shkruan KultPlus.

Ajo shprehet se Lumi qysh nga mosha dy-vjeçare ka shfaqur nivel të inteligjencës jo të zakonshme me fëmijët e moshës së tij. Tutje Jahjaga e quan djaloshin “Ajnshtajn të kohës moderne”.

Postimi i plotë i Jahjagës:

Ishte kënaqësi e veçantë që të pres në vizitë Lumin, një djalosh kurioz i cili premton shumë për të ardhmen e vendit tonë. Lumi ka treguar inteligjencë mbi mesatare me koeficient të intelegjencës 145 dhe është pjesë e Institutit “Atomi”.

Pasuria më e madhe e Republikës së Kosovës janë fëmijët inteligjentë si Lumi. Mirëpo, na takon neve që këtë pasuri ta përkrahim duke i ofruar të gjitha kushtet e nevojshme për zhvillimin intelektual.

Lumi qysh nga mosha 2 vjeçare ka shfaqë një nivel të intelegjencës jo të zakonshme me fëmijët e moshës së tij. E fëmijët si Lumi, të cilët e di që nuk janë pak në numër, duhet përkrahur që intelegjencën e tyre ta sfidojnë në kushte dhe mundësi të duhura.

Lumi – Ajnshtani i kohës moderne, shpresoj që në të ardhmen, ta vendosësh Kosovën në harten e gjenive botëror. /KultPlus.com

Jahjaga viziton Klinën, takon gratë e komunitetit RAE

Ish-Presidetja e Kosovës, Atifete Jahjaga, ka vizituar Klinën ku ka takuar gra të komunitetit Romë, Ashkali dhe Egjiptian. Ajo ka thënë se takimi me ta ishte inspirues, shkruan KultPlus.com

“Bashkë me UNHCR, këtë herë ishim në komunën e Klinës për të biseduar me gratë e komunitetit Romë, Ashkali dhe Egjiptian të kësaj komune. Përkundër sfidave, këto gra janë forca e komuniteteve të tyre, dhe çdo takim me ato është inspirues.

Faleminderit UNHCR për organizimin dhe punën e jashtëzakonshme”, ka shkruar Jahjaga në Facebook.

Jahjaga kërkon mbështetje për viktimat e dhunës seksuale në Kosovë

Ish-Presidentja e Kosovës, Atifete Jahjaga, ka kërkuar mbështetje nga të gjitha institucionet për viktimat e dhunës seksuale gjatë luftës në Kosovë, për të iu ofruar atyre drejtësi si dhe një ri-integrim më të lehtë në shoqëri. KultPlus.com

Këto komente ajo i ka bërë gjatë pjesëmarrjes së saj në konferencën “Speak Up on Time” të organizuar nga Instituti i Mjekësisë Ligjore.

“Në konferencën “Speak Up on Time” të organizuar nga Insituti i Mjekësisë Ligjore fola për nevojën e intensifikimit të bashkëpunimit të të gjithë akterëve relavantë në mbështetjen e të mbijetuarve të dhunës seksuale gjatë luftës në Kosovë dhe ri-integrimin e tyre në shoqëri. Theksova se, për të bërë këtë, ne kemi punuar, por duhet të punojmë akoma më shumë në disa rrafshe: në aspektin ligjor, atë institucional, social, ekonomik dhe në ofrimin e qasjes në drejtësi për të mbijetuarit”, ka shkruar Jahjaga në Facebook.

Fillon fushata ‘Ma thuaj me kohë – dhuna seksuale është krim’

Instituti i Mjekësisë Ligjore në bashkëpunim me Policinë e Kosovës dhe EULEX-in, organizojnë tryezën me temën ‘Ma thuaj me kohë – dhuna seksuale është krim’, me të cilën nis fushata në lidhje me ruajtjen e provave biologjike në rastet e dhunës seksuale.

Në këtë tryezë merr pjesë edhe ish-presidentja, Atifete Jahjaga.

Fushata ka për qëllim ngritjen e vetëdijes për situatat e mundshme që i ekspozojnë kategoritë e ndjeshme në rrezikun e të qenit viktimë e dhunës seksuale/KultPlus.com

Delegacioni i Kosovës dëshmon në Parlamentin Italian për dhunën seksuale gjatë luftës

Një delegacioni i Kosovës i udhëhequr nga ish-Presidentja Atifete Jahjaga në përbërje të cilit ishin deputetët Mexhide Mjaku-Topalli, znj.Saranda Bugujevci si dhe e mbijetuara e dhunës seksuale gjatë luftës në Kosovë, Znj Vasfije Krasniqi-Goodman, të mërkurën me 26 qershor dëshmoi për krimet e dhunës seksuale gjatë luftës në dy dhomat e Parlamentit Italian, transmeton KultPlus.

Takimi i parë i delegacionit u zhvillua në Senatin e Republikës, me kryetaren e Komisionit Parlamentar të Hetimeve mbi Feminicidin (vrasje e grave) si dhe mbi të gjitha format e dhunës me bazë gjinore, senatore Valeria Valente, Ndërsa gjatë pasdites delegacioni u prit nga Komisioni për Punët e Jashtme i Dhomës së Deputetëve, ku përvec kryetares Marta Grande merrnin pjesë edhe disa anëtarë të këtij Komisioni. Ish-presidentja Jahjaga në fjalën e saj, pasi prezantoi shumë fakte rreth krimeve të luftës të kryer nga forcat serbe në Kosovë, në të dy takimet foli në emër të grave të dhunura gjatë luftës, dhe kërkoi nga Parlamenti Italian të ndihmojnë Kosovën në betejën ndërkombëtare për drejtësi të këtyre grave. Ajo kërkoi që të ushtrohet presion mbi Serbinë e cila vazhdon të mohojë krimet e luftës dhe strehon kriminelët. Zonja Jahjaga kërkoi miratimin e një Rezolute nga Parlamenti Italian ku të njihen dhe dënohen krimet e dhunet seksuale që kanë ndodhur në Kosovë gjatë luftës, dhe të ushtrohet presion mbi Serbinë rreth kësaj cështjeje. Ajo shpjegoi edhe betejën me shoqërinë Kosovare e cila deri vonë këtë temë e ka konsideruar si tabu.
Më pas në të dy takimet, foli e mbijetuara e dhunës seksuale znj. Vasfije Krasniqi Goodman, e cila me emocione të shumta shpjegoi historinë e saj. Ajo shpjegoi edhe betejat me drejtësinë ndërkombëtare në Kosovë, fillimisht me UNMIK-un i cili e kishte humbur dëshminë e saj dhe më pas me EULEX-in. Ajo tha se dy dhunuesit e saj ende nuk janë dënuar nga Gjykata, edhe pse ajo i ka denoncuar dhe se do të vazhdonte të luftonte për drejtësi. Zonja Krasniqi-Goodman kërkoi që serbët të dënohen për krimet që kanë bërë, po kështu shteti Serbi të kërkojë falje për ato krime.
Ndërsa kryetarja e Grupit të Grave Deputete znj. Mexhide Topalli Mjaku tha se në Kosovë nuk kanë ndodhur krime vetëm në vitet 1998 – 1999 por edhe më përpara duke rikujtuar represionin dhe shkeljen masive të të drejtave të njeriut nga pushteti serb për dekada me radhë. Ajo i ftoi deputetët italianë të vizitojnë Kosovën dhe për të pare realitetin nga afër.
Deputetja tjetër e Kuvendit të Kosovës Saranda Bogujevci rrëfeu historinë e vrasjes së familjes së saj dhe betejën për drejtësi që ka zhvilluar me ndihmën e shtetit britanik. Ajo kërkoi që shteti italian që është prezent në Kosovë të ndokojë që kriminelët e luftës të sillen përpara drejtësisë si dhe të ndihmojë në rehabilitimin e viktimave të dhunës seksuale.


Në Komisionin për Punë të Jashtme pasi edhe diskutime nga deputetët prezentë mes të cilave deputetja Laura Boldrini, ish-kryetare e parlamentit, e cila foli sesi ajo vetë kishte takuar me dhjetëra gra pas luftës në Kosovë që ishin dhunuar në mënyrë të vazhdueshme nga paramilitarët e Arkanit, dhe se do të angazhohej në zbardhjen e së vërtetës për këto krime monstruoze, dhe se është e vërtetë se nuk ëhstë bërë asgjë për këto krime.
Deputetë të tjerë që morën fjalën u shprehën se ishin të prekur nga dëshmitë e rënda që dëgjuan nga dy të mbijetuarat e luftës dhe i inkurajuan ato për guximin e treguar.
Edhe Ambasadorja Lama bëri një pasqyrë të shkurtër përpara këtij komisioni në lidhje me iniciativën e hapjes së gjykatës për krime luftë në Kosovë menjëherë pas luftës, por që nuk u themelua nga ndërkombëtarët me arsyetimin se do të ndikonte negativisht në armiqësimin e mëtejshëm të shqiptarëve dhe serbëve dhe vecanërisht me nënvlerësimin e krimeve të dhunës seksuale nga misionet ndërkombëtare. Ajo kërkoi që tani që ekziston një atmosferë tjetër edhe në nivelin ndërkombëtar rreth dhunës seksuale të përdorur si taktikë lufte, Italia të angazhohet në kushtëzimin e Serbisë në procesin e integrimit europian, në mënyrë që të njohë këto krime dhe të bashkëpunojë për të sjellë kriminelët përpara drejtësisë.

Këto aktivitete u realizuan nga Ambasada e Republikës së Kosovës në Itali, në kuadër të internacionalizmit të njohjes së dhunimeve seksuale në Kosovë si mjet lufte, të nënshtrimit dhe poshtërimit të popullit të Kosovës nga regjimi i Millosheviqit./KultPlus.com

Jahjaga: Madeleine Albright, njëra nga kontribuueset më të fuqishme në lirinë dhe pavarësinë tonë

Madeleine Albright, ish-sekretarja e SHBA-ve, zonja më e respektuar për shqiptarët, sapo ka arritur në Kosovë për të ju bashkuar festimeve për shënimin e 20-të vjetorit të lirisë së shtetit kosovar, ku me këtë rast ajo nesër do të mbajë një fjalim për ndërhyrjen e aleancës së NATO-s në Kosovë.

Ish presidentja e Kosovës, Atifete Jahjaga, e ka pritur në aeroport Madeleine Albright prej ku ka ndarë edhe disa fotografi të cilat i shoqëroi me një falënderim të veçantë për ish-sekretaren e SHBA-ve për gjithë kontributin e saj dhënë për vendin tonë në kohën më të vështirë. Ajo është shprehur krenare që ka pritur Albright duke e konsideruar si një nga kontribuueset më të fuqishme në lirinë dhe Pavarësinë e vendit tonë.

“Jam krenare që, njëzet vite pas çlirimit, të mirëpres në Kosovë ish-Sekretaren Amerikane të Shtetit, Madeline Albright- njërën nga kontribuueset më të fuqishme në lirinë dhe pavarësinë tonë. Vendosmëria dhe përkushtimi i Sekretares Albright për ta ndalur gjenocidin në Kosovë dhe për t’ia kthyer lirinë dhe shpresën një populli të shtypur ishin kruciale për të ardhmen e popullit tonë. Sekretarja Albright, e cila ishte e pakompromis ndaj dhunës që regjimi i Millosheviqit po ushtronte në Kosovë, sot erdhi në një Kosovë që kultivon vlerat për të cilat ajo është angazhuar- lirinë, demokracinë, tolerancën dhe paqen.

Përjetësisht mirënjohës!”, ka shkruar Jahjaga në Facebook. / KultPlus.com

Jahjaga fton qytetarët në festimin e 20 vjetorit të NATO-s në Kosovë

Ish-presidentja e Kosovës, Atifete Jahjaga, udhëheqëse e fushatës “Për lirinë tonë”, ka deklaruar se për të shënuar 20 vjetorin e hyrjes së NATO-s, janë ftuar miq të shtetit të Kosovës, ku të pranishmit do të jenë ish-presidenti i ShBA, Bill Clinton dhe ish-sekretarja e shtetit, Madeleine Albright dhe shumë personalitete të rëndësishëm.

Jahjaga në një konferencë për media ka thënë se më 12 qershor në orën 11:00, në sheshin “Skënderbeu” në Prishtinë, do të mbahet manifestimi qendror.

“Në këtë ngjarje ftojmë të jenë të pranishëm edhe qytetarët e Kosovës, sepse është një datë historike për vendin tonë”, tha Jahjaga.

Ajo shtoi se ftesa kanë dërguar edhe te të gjithë vendimmarrësit në rajon, ndër ta edhe ish-kryeministri, Sali Berisha. /rtv21 / KultPlus.com



Në mesin e grave të portretizuara në instalacionin “Rimarrje” edhe Vasfije Krasniqi Goodman

Bujar Meholli

Përmes instalacionit “Rimarrje” portretet e 99 grave dhe vajzave u vendosën në monumentin e Newbornit, dhe do të qëndrojnë nga sot  (7 qershor ) deri më datën 14 qershor. Kjo seri interaktive e portreteve feston forcën, këmbënguljen e kontributin e grave nëpër sektorë të ndryshëm për drejtësi e barazi, shkruan KultPlus.

20 vjet pas përfundimit të luftës, gratë kosovare po rivendosin rrëfimet e tyre si lidere, inovatore, edukatore, artiste e atlete.

Në mesin e grave të portretizuara në ketë instalacion janë disa nga figurat e rëndësishme si: Vasfije Krasniqi Goodman, Atifete Jahjaga, Feride Rushiti, Jeta Xharra, Fëllanza Beqiri – Hoxha, Adelina Berisha etj.

E pranishme gjatë këtij aktiviteti ishte edhe ish-presidentja e Kosovës, Atifete Jahjaga, e cila përgëzoi projektin të cilin e cilësoi si të domosdoshëm për rolin e gruas.

“Ky projekt është i domosdoshëm për rolin e gruas në Kosovë, rol të cilin e ka luajtur dekada me radhë dhe po inaugurohet në një moment shumë të rëndësishëm. Jemi vetëm disa ditë afër shënimit të 20-vjetorit të lirisë së Kosovës dhe ky projekt na pasqyron ne si shtet i ri. Jo rastësisht është vendosur përballë  monumentit të Heroinave, që po ashtu ka rëndësinë e vet për rolin e gruas në Kosovë, për angazhimin e saj, përkushtimin, e kontributin në këto dekadat e fundit dhe kjo përfaqëson më së miri se sa ka dhënë gruaja për Kosovën sepse ajo ka qenë pjesë e të gjitha proceseve në të cilat shteti ka kaluar, jo vetëm gjatë periudhës së rezistencës dhe luftës por veçanërisht edhe gjatë proceseve të shtet ndërtimit të Kosovës”, tha Jahjaga.

Ajo bashkëbisedoi me gratë dhe vajzat e pranishme në këtë ngjarje, derisa grupe fëmijësh bënë fotografi me të para monumentit të Ne7bornit, që gjatë këtyre ditëve do të ketë pamje të re dhe të veçantë./KultPlus.com

Atifete Jahjaga takon Ivanka Trump

Ish-presidentja e Kosovës, Atifete Jahjaga ka takuar këshilltaren e Presidentit Amerikan, Ivanka Trump, shkruan KultPlus.

Gjatë këtij takimi ato kanë biseduar për të mbijetuarat e dhunës seksuale gjatë luftës në Kosovë.

“Ishte kënaqësi të takoja Ivanka Trump, Këshilltare e Presidentit Amerikan, me të cilën bisedova për të mbijetuarit e dhunës seksuale gjatë luftës në Kosovë dhe nevojën për fuqizimin ekonomik të tyre”, ka shkruar Jahjaga në Facebook. Ajo gjatë kësaj ditë po ashtu ka takuar edhe ambasadorin Wolfgang Ischinger, drejtues i Konferencës së Sigurisë në Mynih./ KultPlus.com

Jahjaga: Shumë burra më thonin se e kisha vendin në kuzhinë (FOTO)

Ish presidentja e Kosovës Atifete Jahjaga, njëherit edhe presidentja e parë grua në Kosovë ka marë pjesë në eventin “Shija Shqiptare” që po mbahet në Pejë, mirëpo ajo këtë ngjarje e ka përdorë edhe për ti kujtuar burrave, se gruaja e Kosovës mund të jetë edhe e zonja në kuzhinë, edhe të jetë presidente, shkruan KultPlus.

Ajo këto komente i ka bërë nëpërmjet rrjeteve sociale, e cila ka kujtuar periudhën sa ishte presidente e vendit, ku shumë burra i shkruanin në komente se ajo e kishte vendin në kuzhinë. Më poshtë mund të lexoni të plotë reagimin e saj.

Gjatë mandatit tim si presidentja e parë grua në historinë e Kosovës, shumë burra më thonin nëpër komentet kryesisht që i shkruanin në rrjete sociale që si grua e kisha vendin në kuzhinë, që do të duhej të isha në shtëpi, duke gatuar ndonjë fli. Sonte po ua plotësoj këtë dëshirë, duke më parë në kuzhinë. Mirëpo nga këtu, nga kjo foltore i përshëndes të gjithë ata misogjinist me porosinë që gruaja e Kosovës mund t’i bëjë të dyjat – të jetë edhe e zonja në kuzhinë edhe të jetë presidente e vendit. #shijashqipate#sokolprenga#pejacity./KultPlus.com

Atifete Jahjaga takohet me Ismail Kadarenë (FOTO)

Shkrimtari Ismail Kadare është duke qëndruar në Tiranë, ku është takuar me ish-Presidenten Atifete Jahjaga.

Shkrimtari i njohur Ismail Kadare ka biseduar së bashku me Jahjagën për rimëkëmbjen kulturore në hapësirat shqiptare, shkruan KultPlus.

Këtë e ka bërë të ditur vet Atifete Jahjaga përmes një postimi në Facebook ku edhe ka publikuar fotografi nga ky takim.

“Me shkrimtarin Ismail Kadare në Tiranë biseduam për nevojën e rimëkëmbjes kulturore në hapësirat shqiptare për të rigjeneruar dhe forcuar vlerat demokratike”, ka shkruar Jahjaga në rrjetin social Facebook./ KultPlus.com

Lancohet Fondacioni “Jahjaga” (VIDEO)

Në kuadër të Javës së Gruas që po mbahet këto ditë në Prishtinë sot do të bëhet lansimi i Fondacionit Jahjaga.

Fondacioni është nismë e ish-presidentes Atifete Jahjaga dhe si qëllim ka të sjellë një qasje të re në angazhimin dhe përfaqësimin efikas dhe domethënës të grupeve të margjinalizuara.

Fondacioni do të fokusohet në këto shtylla kryesore: fuqizimin e grave, rininë, sigurinë dhe pajtimin rajonal ose ballafaqimin me të kaluarën./ KultPlus.com

Për gruan, Atifete Jahjaga e Alketa Xhafa Mripa do të flasin në Londër

Për të shënuar 8 marsin, Ditën e Gruas, Ambasada e Kosovës në Lodër, do të shfaqë dokumentarin “Mendoj për ty”, dokumentar që spikatë punën e madhe të artistes Alketa Xhafa Mripës, në projektin “Mendoj për ty”, shkruan KultPlus.

Gjithashtu të pranishmit do të kenë mundësinë që të diskutojnë me artisten kosovare, Alketa Xhafa Mripa, si dhe me ish-Presidenten e Kosovës, Atifete Jahjaga.

“Mendoj për ty” është nismë e Alketa Xhafës, kushtuat grave të dhunuara në Luftën e fundit në Kosovë. Artistja vendosin vëmendjen e të gjithëve mbi këtë temë, kur mblodhi rreth 5 mijë fustaneve nga e mbarë Kosova për ti vendosur më pas ato në Stadiumin e qytetit në Prishtinë.

Presidentja e atëhershme e Kosovës, Atifete Jahjaga ishte e para që dhuroi një fustan, duke e vlerësuar nisëm e artistes dhe duke shprehur solidaritet me viktimat. Aktualisht, artistja Alketa Xhafa është duke punuar për rikrijimin e të njëjtit instalacion në Londër, por me dedikim tjetër, kështu që çdo donacion i veshjeve është i mirëpritur./KultPlus.com

Arta Dobroshi kërcen për paqë me Atifete Jahjagën

Aktorja Arta Dobroshi e cila së fundi është duke realizuar një kampanjë kërcimi me fytyra të njohura, së fundi ka zgjedhur një fytyrë shumë të rëndësishme, që ti bashkohet kësaj kampanje, shkruan KultPlus.

“Jumping Joyfully for Wolrd Peace” i është bashkuar ish presidentja e Kosovës, Atifete Jahjaga të cilat duken mjaftë të hareshme përgjatë realizimit të kësaj fotografie që është realizuar në Prishtinë./KultPlus.com

Atifete Jahjaga në Dokufest: E ardhmja është vajzë (FOTO)

Ish Presidentja e vendit, Atifete Jahjaga, sot ka qëndruar në Festivalin e Filmit – DokuFest, i cili ka disa ditë që po mbahet në Prizren dhe i ka dhënë qytetit si gjithmonë një tjetër frymë.

“Sonte ne Dokufest, në këtë ngjarje kulturore që sjellë fansat e kinematografisë nga e gjithë bota në Prizren. Këtë herë në mbështetje të fuqishme për porosinë “E ardhmja është vajzë”.” ka shkruar Atifete Jahjaga në rrjetin social Facebook dhe ka postuar fotografitë nga vizita e saj në Dokufest. / KultPlus.com