Etiketë: dua lipa

Bebe Rexha e emocionuar: Dua, tashmë kemi fituar – vajza shqiptare mos ndaloni së ndjekuri ëndrrën

Posted on by Kult Plus

Bebe Rexha është gëzuar jashtëzakonisht shumë që ajo dhe Dua Lipa janë nominuar për Grammy, e edhe më shumë e gëzon fakti se të dyja janë shqiptare.

Në një postim në Twitter ajo ka shkruar se tashmë ato kanë fituar, derisa ka bërë thirrje për të gjitha vajzat shqiptare dhe atyre në botë, që të mos ndalen për të realizuar ëndrrat e tyre, transmeton Koha.net.

“Dy vajza shqiptare të nominuara për 2 Grammy. Në zemrën time tashmë kemi fituar. Për të gjithë vajzat shqiptare, dhe të gjitha vajzat në botë, gjithçka është e mundur, vazhdoni të ndiqni ëndrrat dhe të thyeni formën”, ka shkruar ajo.

Bebe Rexha e Dua Lipa janë në garë për Artisten më të mirë, kurse Lipa edhe për vallëzimin më të mirë./KultPlus.com

Lipa: Do ta përfaqësoj Kosovën dhe Britaninë në Grammy

Posted on by Kult Plus

Këngëtarja kosovaro-britanike, Dua Lipa ka treguar për Billboard sa krenare është me faktin që ka marrë dy nominime për Grammy Awards.

“Është nominimi më i rëndësishëm që mund të marrësh. Kaq shumë artistë që unë i kam pasur inspirim tërë jetën janë nominuar, dhe jam kaq e lumtur. Fakti që jam nga Kosova dhe e shoh sa shumë rëndësi ka për njerëzit atje, e bën edhe më të çmendur gjithë këtë. Ndjej se po e përfaqësoj veten, por edhe Britaninë e Madhe dhe Kosovën. Është një moment i madh krenarie për mua”, ka thënë Lipa për Billboard, transmeton KTV-ja.

Ajo tregoi se ka pirë shampanjë që në mëngjes për të festuar arritjen e madhe. Këngëtarja e hitit New Rules është nominuar për Artisten e re më të mirë, dhe Best Dance për këngën “Electricity”. Grammy Awards është ceremonia kryesore muzikore e vitit në SHBA./KultPlus.com

Rita Ora uron Bebe Rexhën për nominimin në Grammy, por jo edhe Dua Lipën

Posted on by Kult Plus

Rita Ora ka shfrytëzuar instagram-in për të uruar këngëtaren shqiptare Bebe Rexha për dy nominimet e saj në garën prestigjioze Grammy, shkruan KultPlus.

Mirëpo këngëtarja në postimin e saj nuk ka përmendur edhe shqiptaren tjetër të nominuar, Dua Lipën. Lipa është nominuar për kategorinë artisti i ri më i mirë si dhe në kategorinë për vallëzimin më të mirë.

Në anën tjetër në kategorinë për artisti i ri më i mirë është nominuar edhe këngëtarja Bebe Rexha. Ajo po ashtu është nominuar edhe për kategorinë bashkëpunimin më i mirë country.

“Shume urime në muajin shkurt”, ka shkruar Ora duke aluduar në ndarja e çmimeve “Grammy Awards” më 10 shkurt të vitit 2019, ceremoni e cila do të transmetohet drejtpërsëdrejti në “CBS”./ KultPlus.com

Dua Lipa për “Vogue”: Femrat janë duke e pushtuar botën

Posted on by KultPlus

Këngëtarja shqiptare me famë botërore, Dua Lipa, pranoi vet pak ditë më parë se ka realizuar një prej ëndrrave më të mëdha në jetën e saj.

Ajo ka pozuar për revistën e famshme britanike “Vogue”, me ç’rast ka dhënë edhe një intervistë rreth karrierës së saj disa vjeçare.
https://www.instagram.com/p/Bq7tmdLh6mb/
Në një video të shkurtër të publikuar së fundmi në Instagram, Lipa ka treguar një pjesë të intervistë, ku ndër to ka cekur një prej sukseseve më të mëdha në karrierë, siç është albumi i saj i parë.

“Krenaria ime më e madhe është të bëj albumin tim të parë, më jep shumë mundësi, kam zgjedhje që të shoh shumë vende të botës, ne më të vërtetë jemi duke parë që femrat, kanë bërë gjëra të mëdha, shumë të mëdha, femrat janë duke e pushtuar botën”, ka thënë Dua gjatë intervistës.

“Duke biseduar për të qenit femër sot”, ka shkruar këngëtarja në mbishkrimin e videos së publikuar në Instagram.
https://www.instagram.com/p/BrDkmSMhT7a/
E njëjta ka marrë pëlqime dhe komente të shumta nga ndjekësit e saj, kryesisht komplimente për dukjen e saj glamuroze në setin e ri fotografik.

Përndryshe, ajo ka qenë shumë e angazhuar kohëve të fundit me koncerte, ndërsa ishte e pranishme në eventin “Jingle Ball”, të organizuar nga iHeart Radio. /KultPlus.com

Dua Lipa, artistja më e dëgjuar në Britaninë e Madhe

Posted on by Kult Plus

Dua Lipa është artistja më e transmetuar në Britaninë e Madhe këtë vit, sipas statistikave të Spotify dhe Apple Music.

‘One Kiss’ në bashkëpunim me Calvin Harris, ishte kënga e dytë më e transmetuar në të dy aplikacionet, pas ‘God’s Plan’ të Drake.

Albumi i Duas, titulluar me emrin e saj, ishte i treti më i transmetuar në Mbretërinë e Bashkuar dhe i katërti globalisht, në Spotify.

Këngëtarja është shpallur ylli i kopertinës së “Vogue” për muajin kanar.

Apple dhe Spotify janë dy shërbimet më të mëdha të transmetimit të muzikës, me më shumë se 139 milionë abonentë./A.T.SH/ KultPlus.com

Dua Lipa në numrin special të “Vogue”

Posted on by KultPlus

Këngëtarja kosovare me famë botërore, Dua Lipa, është pjesë e numrit të muajit janar të revistës prestigjioze “Vogue”.

Lajmin e ka bërë të ditur vetë këngëtarja përmes një postimi në rrjetin social, Instagram.

Ajo ka postuar ballinën e kësaj reviste teksa ka falënderuar gazetën për përzgjedhjen e saj për numrin e janarit.

“Jam tejet e lumtur për përzgjedhjen time dhe është diçka që do ta mbaj afër zemrës”, ka shkruar ajo në postimin e saj.

Në numrin special të “Së ardhmes”, “Vogue” i dedikohet dikujt që bën revolucion si talent i ri në industrinë e modës dhe më tej./KultPlus.com
https://www.instagram.com/p/Bq7tmdLh6mb/

Dua Lipa e Bebe Rexha nderohen nga “Variety”

Posted on by Kult Plus

Dy këngëtaret me origjinë shqiptare, Dua Lipa dhe Bebe Rexha, kanë krijuar një marrëdhënie shumë të ngushtë me njëra-tjetrën kohë e fundit.

Dy yjet e muzikës shihen pothuajse në çdo ngjarje muzikore bashkë dhe mbështesin njëra-tjetrën.

Së fundmi, Dua dhe Bebeja janë shfaqur së bashku në ndarjen e çmimeve të Variety Hitmakers Brunch 2018 pasditen e së shtunës (1 dhjetor) në West Hollywood.

Bebe Rexha u vlerësua me çmimin e rëndësishëm “Tekstshkruesja e vitit” ndërsa Dua Lipa u nderua me “Artistja më e suksesshme e vitit”.

Lipa, që u paraqit në një fustan që zbulonte shumë pjesë të trupit të saj, ndau me publikun çfarë ka mësuar nga fansat e saj dhe dëgjuesit në mbarë botën.

“Asnjëherë mos bëni kompromise. Gjithmonë bëni atë në çka besoni, bëni vetëm gjëra për të cilat ndiheni komod, gjëra me të cilat jeni krenar t’ua vëni emrin tuaj”, ka thënë këngëtarja.

Artistja tjetër me prejardhje shqiptare, Bebe Rexha, u emocionua shumë derisa e mori çmimin.

“E jetojmë jetën dhe ndonjëherë dëshirojmë më shumë, më shumë, më shumë e më shumë. Dua të besoj se ky është një çmim Grammy… nëse nuk nominohem, ky do të jetë Grammy im”, tha tekstshkruesja që theu rekorde me këngën “Meant to Be”, duet me Florida Georgie Line.

“Dikur e krahasoja veten me shumë njerëz, dhe gjëja e vetme për të cilën ndihem krenare më së shumti është aftësia ime e shkrimit të teksteve. Është gjëja e vetme që do ta kem përgjithmonë”, potencoi ajo, transmeton Koha.net.

Ndërkaq, Dua publikoi në rrjetet sociale një foto ku shfaqet duke përqafuar Beben. Dy këngëtaret duken shumë mike njëra-tjetrën dhe janë bërë të pandashme./ KultPlus.com

Dua Lipa pjesë e The iHeartRadio Jingle Ball Tour

Posted on by Kult Plus

Dua Lipa, ka performuar të premten mbrëma në një event të organizuar nga The iHeartRadio Jingle Ball Tour në Inglewood, California, shkruan KultPlus.

Kosovarja, Lipa është paraqitur me një veshje ngjyrë të gjelbër, ndërsa mediat ndërkombëtare kanë komentuar performancën e sa si një stuhi.

23-vjeçarja Dua Lipa, ndau skenën edhe me Camila Cabella, Calvin Harris, Cardi B dhe Shawn Mendes.

The iHeartRadio Jingle Ball Tour është një seri koncertesh të organizuara në prag të Krishtlindjeve. Kjo ka filluar qysh në vitin 1995 dhe vazhdon ende traditën. / KultPlus.com

Dua Lipa me një video ku bën shqiponjën uron ditën e flamurit shqiptar (VIDEO)

Posted on by KultPlus

Si sot, 106 vjet më parë Shqipëria e shpalli pavarësinë nga Perandoria Osmane.

Ishte 28 nëntori i vitit 1912 kur në Vlorë, Ismail Qemali ngriti flamurin kuqezi në shenjë të krijimit të shtetit shqiptar.

E duke nisur nga kjo në Kosovë dhe Shqipëri qytetet janë dekoruar me simbole shqiptare teksa kanë ardhur edhe urimet e para për këtë festë të personaliteteve të njohura.
https://www.instagram.com/p/BqulUZ3Bufe/
Në mesin e tyre janë edhe yjet shqiptare të botës së muzikës, kinematografisë dhe artit.

Padyshim që këtë ditë të shënuar nuk e ka harruar edhe Dua Lipa, e cila ka përzgjedhur disa imazhe të bukura të mbështjell me flamurin kuqezi.
https://www.instagram.com/p/BqulUZ3Bufe/
“Urime dita e flamurit. Me shumë dashuri. Urime pavarësinë Shqipëria”, ka shkruar ndër të tjerash në llogarinë personale në Instagram, Lipa, teksa shfaqet në krah të të dashurit, Isaac Carew.

Ndryshe, 23-vjeçarja është duke punuar në projekte të reja muzikore që do t’i sjell në albumin e dytë muzikor. /KultPlus.com
https://www.instagram.com/p/BqulUZ3Bufe/

Dua Lipa ka një mesazh për shqiptarët (VIDEO)

Posted on by KultPlus

Këngëtarja me famë botërore, Dua Lipa është një emër që çdo ditë na bën të ndihemi krenarë në botë.

Javën e kaluar Dua ishte e ftuar speciale në koncertin që u mbajt në Romë për nderë të ditëlindjes së Skënderbeut.

Së bashku me të ishin edhe shumë emra të njohur shqiptarë dhe padyshim që nuk munguan edhe disa mesazhe të Duas për shqiptarët.

Në një interviste të shkurtër nga gazetari Drini Zeqo gjatë eventit në Romë, këngëtarja foli për ndjenjën e të qenit pjesë e një eventi të tillë.

“Shumë mirë, një moment shumë i veçantë edhe ndjehem shumë mirë që jam sot këtu, jam shumë krenare që marr pjesë në një event të tillë”, tha Dua.

“Ju dua shumë dhe pa suportin tuaj nuk do të isha këtu sot”, shton më tej këngëtarja. /KultPlus.com

Lorik Cana shkruan për Dua Lipën (FOTO)

Posted on by KultPlus

Në koncertin recital që u mbajt të hënën, në Teatrin “Argentina” të Romës, është mbajtur një koncert recital për nder të 550 vjetorit të vdekjes së heroit kombëtar, Gjergj Kastrioti – Skënderbeu.

Mes të pranishmeve, ishin edhe Inva Mula, Ramë lahaj, Elhaida Dani, Ermal Meta, Dua Lipa e Erza Muçolli të cilët interpretuan këngë kryesisht me motive shqiptare.

Artistja me famë ndërkombëtare, Dua Lipa, këndoi kolonën e famshme zanore “Homesick”, ndërsa ndodhej bashkë me familjen e saj në këtë koncert.
https://www.instagram.com/p/BpXKIRMnRWc/
Në prapaskenat e shfaqjes, ajo ka pasur rastin të takohet me kolegët e saj shqiptarë, dhe të shkëmbejë fotografi me ta, raporton Telegrafi.

Futbollisti i njohur shqiptar, Lorik Cana, është ai i cili vendosi që në rrjetin social Instagram të publikojë së fundmi një fotografi, ku shfaqej bashkë me Duan.

Cana duket të ketë qenë i lumtur që ka pasur fatin të takohet me artisten shqiptare, ndërsa është shprehur në mbishkrimin e fotografisë se ndjehet krenar me të, ashtu si çdo bashkëkombës i tij.

“Si të gjithë shqiptarët, fans i madh i Dua Lipës, krenar me ty”, janë fjalët e Lorik Canës në mbishkrimin e fotografisë, e cila ka marrë mijëra pëlqime dhe komente nga ndjekësit e tij, ndër to edhe vet pëlqimin e Duas. /KultPlus.com

https://www.instagram.com/p/BqfKm8IgzKv/

Elhaida Dani shkruan për Dua Lipën: Dua, të dua, sa krenare me ty

Posted on by KultPlus

Të hënën më 19 nëntor, në teatrin “Argentina” në Romë të Italisë, është mbajtur një koncert recital, në nderim të heroit kombëtar shqiptar, Gjergj Kastrioti – Skënderbeu.

Ky koncert u mbajt në nderim të 550 vjetorit të vdekjes së tij, teksa të pranishëm në koncert ishin figura të shumta shqiptare, ndër ta edhe zërat më të mirë të kombit.

Dua Lipa, Inva Mula, Ramë Lahaj, Ermal Meta e Elhaida Dani janë vetëm disa nga këngëtarët që interpretuan para publikut.

Këngëtarja shqiptare e suksesshme në Itali, Elhaida Dani, e cila interpretoi këngën e famshme italiane “Adogia”, ka pasur rastin që në prapaskenë të takohet me artisten e famshme shqiptare, Dua Lipën.

Dani ka publikuar në llogarinë e saj zyrtare në Instagram dy fotografi, ku shfaqet gjatë takimit të saj me Duan.
https://www.instagram.com/p/BqZzT79hhSX/
Në mbishkrimin e fotografisë, Elhaida i bën një dedikim të veçantë këngëtares shqiptare, duke i thënë se e do ashtu siç është edhe domethënia e emrit të saj.

“Dua, të dua, sa krenare me ty”, ka shkruar Elhaida Dani në Instagram, ndërsa dukej e buzëqeshur pranë artistes Lipa në fotografi.

Ndërkohë, Dua Lipa mori pjesë në këtë koncert së bashku me të gjithë familjarët e saj, ndërsa ka interpretuar para publikut kolonën e njohur zanore “Homesick”. /KultPlus.com
https://www.instagram.com/p/BqaObZmBkrH/

“Dua më shumë Shqipërinë” dhe “Lule borë” nën interpretimin e yjeve shqiptarë (VIDEO)

Posted on by Kult Plus

Mbrëmë në Romë, artistët shqiptarë të njohur në gjithë botën, në një mbrëmje të veçantë u mblodhën për të kujtuar heroin shqiptar Gjergj Kastrioti Skënderbeu, shkruan KultPlus.

Kjo mbrëmje solli Inva Mulën, Dua Lipën, Ermal Metën, Erza Muçollin, Genc Tukicin, Elhaida Danin, Lorik Canën, Olen Cesarin, Eno Peçin dhe Ramë Lahaj, si asnjëherë më parë.

Po sjellim dy video, ku yjet shqiptarë kënduan shqip në Teatrin Argentina, të gjithë së bashku./ KultPlus.com

Dua Lipa: Dashuria për rrënjët po rritet më shumë se mendoja

Posted on by Kult Plus

Dua Lipa së bashku me yjet shqiptare që po lenë nam në botë, mbrëmë kanë performuar në Romë në nderim të figurës së Gjergj Kastriotit Skënderbeut, shkruan KultPlus.

Dua Lipa atje ka interpretuar këngën “Homesick”, ndërsa është ngjitur në skenë edhe për të interpretuar së bashku me Inva Mulën, Ermal Metën, Ramë Lahajn, Erza Muqolli e artistë të tjerë.

Sot, ajo ka ndarë një postim me fansat e saj, përmes të cilit ka shprehur krenarinë për rrenjët e saj.

“Pas një koncerti të bukur përkujtimor për Gjergj Kastriotin Skënderbeun ku performova bashkë me shumë artistë shqiptarë shumë të talentuar … dashuria ime për rrënjët e mia dhe për vendin prej nga unë vij po rritet edhe më shumë sesa mendoja se ishte edhe e mundur”, ka shkruar ndër të tjera Dua Lipa./ KultPlus.com

Shqiptarët magjepsin Romën me interpretimin e tyre në nderim të Skënderbeut

Posted on by Kult Plus

Emrat më të mëdhenj shqiptarë që po bëjnë bujë në botë me zërat e tyre, sot kanë pushtuar teatrin “Argentina” në Itali, atje ku janë mbledhur nën moton “Tok së bashku për Skënderbeun”, shkruan KultPlus.

Inva Mula, Dua Lipa, Ramë Lahaj, Erza Muqolli, Elhaida Dani dhe Ermal Meta tashmë janë ngjitur në skenën e teatrit “Argentina” në Itali, për të interpretuar këngë të njohura shqipe e në gjuhë të tjera.

Më poshtë mund të ndiqni performancat e tyre në skenë, të cilat janë publikuar nga Lorik Cana.

https://www.instagram.com/stories/lorikcana/?hl=en

Ky koncert mbahet në moton “Të Bashkuar në kujtim të Skënderbeut”./ KultPlus.com

Dua Lipa: Është nderë të jem në qytetin e Vatikan-it për të festuar 550 vjetorin e heroit tonë

Posted on by Kult Plus

Ylli botëror, Dua Lipa po qëndron në Romë së bashku me shumë yje të tjerë shqiptarë ku do të interpretojnë për nder të 550 vjetorit të Gjergj Kastriotit- Skënderbeut, shkruan KultPlus.

Lipa ka ndarë këtë moment të madh me gjithë fansat e saj pasi që ka publikuar disa fotografi nga atje, duke e shprehur krenarinë dhe privilegjin që do të interpretoj në këtë përvjetor historik.

“Është një nder i madh që jam e ftuar në qytetin e Vatikanit për të festuar 550 vjetorin e heroit tonë shqiptar Gjergj Kastrioti Skënderbeu dhe për të përmbushur Shenjtërinë e Tij, Papa Francis”, ka shkruar Lipa në Instragram.

Ky manifestimi bëhet në kuadër të vitit Mbarëkombëtar të Skënderbeut, me kërkesë të kreut të Misionit Diplomatik të Shqipërisë në Selinë e Shenjtë, Majlinda Dodaj, Papa Françesku do të takojë përfaqësues të popullit shqiptar në Vatikan, të cilët do të shoqërohen nga autoritet e larta të Qeverisë shqiptare dhe nga liderët e të gjitha besimeve fetare. Gjithashtu të pranishëm do të jenë edhe artistë shqiptarë me famë botërore.

Pas takimit me Papën në ora 20:30 do të vazhdojë koncerti madhështor “Të Bashkuar në kujtim të Skënderbeut”./ KultPlus.com

‘New Rules’ e Dua Lipës u dëgjua 1 miliard herë në platformën Spotify

Posted on by KultPlus

Këngëtarja e njohur ndërkombëtarisht, Dua Lipa po shënon historinë!

Me sukseset e saj të pandalshme ajo dita-ditës po len gjurmë në historinë e muzikës në nivel ndërkombëtar.

Hiti i saj “New Rules” u dëgjua 1 miliard herë në platformën e muzikës Spotify, duke u bërë kënga e dytë nga një artiste femër që e arriti këtë.

Mëngjesin e sotshëm, lajmin e mirë me fansat e ndau vetë këngëtarja. “Mirëmëngjesi! 1 miliard dëgjime në Spotify! Shumë dashuri dhe respekt për të gjithë ju që po e dëgjoni këtë këngë… Faleminderit faleminderit! Kjo është shumë e mirë’, shkroi Dua sipër fotografisë.

“New Rules” e Duas u publikua në korrik të vitit të kaluar dhe deri më tani arriti mbi 1.5 miliard klikime në kanalin zyrtar në Youtube. / KultlPlus.com

Dua Lipa fiton çmim në BAMBI Awards (VIDEO)

Posted on by KultPlus

BAMBI Awards është një nga ngjarjet më të mëdha dhe më të vjetra të ndarjes së çmimeve në Gjermani.

Në këtë ngjarje sonte po marrin pjesë emra të njohur ndërkombëtar.

E njëra ndër to është edhe këngëtarja shqiptare me famë botërore, Dua Lipa, e cila ka rrëmbyer vëmendjen e të gjithëve me dukjen e saj glamuroze në tapetin e kuq.

Por, Lipa tashmë edhe ka rrëmbyer çmimin në Kategorinë Ndërkombëtare Bambi 2018.

Çmimet BAMBI ndahen çdo ditë për të arriturat e artistëve, kryesisht atyre që janë të njohur në tregun e muzikës gjermane. /KultPlus.com

https://www.youtube.com/watch?v=yHwAqcTUqlc&feature=share

Dua Lipa mahnit me dukjen e saj glamuroze në BAMBI Awards (FOTO)

Posted on by KultPlus

Është një nga ngjarjet më të mëdha dhe më të vjetra të ndarjes së çmimeve në Gjermani.

Bëhet fjalë për evenimentin e njohur BAMBI Awards 2018, në të cilin po marrin pjesë emra të njohur nga arena ndërkombëtare.

E njëra ndër to është edhe këngëtarja shqiptare me famë botërore, Dua Lipa, e cila ka rrëmbyer vëmendjen e të gjithëve me dukjen e saj glamuroze në tapetin e kuq.

Çmimet BAMBI ndahen çdo ditë për të arriturat e artistëve, kryesisht atyre që janë të njohur në tregun e muzikës gjermane.

23-vjeçarja i ka mahnitur të gjithë, teksa është paraqitur me një fustan të gjatë, ngjyrë krem.

Një unazë e hijshme argjendi në gishtin e saj dhe manikyri i zi përshtateshin më së miri me dukjen e këngëtares së hitit “One Kiss”.

Modeli i saj me flokë të shkurtra dhe vathët e argjentit, i dhanë asaj një pamje edhe më tërheqëse.

Pas kësaj ngjarje, Dua do të niset për në Romë, ku do të fillojë provat për koncertin gjigant për Skënderbeun, që do të mbahet më 19 nëntor. /KultPlus.com
https://www.instagram.com/p/BqQX494BO0P/

G4shi për Dua Lipën: Madhështore, krenar me ty

Posted on by KultPlus

Reperi i njohur shqiptar, G4shi, gjatë verës së këtij viti ishte i pranishëm në Kosovë.

Për herë të parë, ai pati mundësinë që të performojë para publikut të Kosovës, dhe këtë e bëri në mbrëmjen e dytë të festivalit “Sunny Hill”.
https://www.instagram.com/p/BqAKNeOl-4Y/?utm_source=ig_embed
G4shi ka treguar se ka një simpati të veçantë ndaj shqiptarëve tjerë të suksesshëm, në veçanti ndaj artistes Dua Lipa.

Së fundmi, ai publikoi në rrjetin social Instagram disa fotografi, ku shfaqej bashkë me Duan, në prapaskenat e festivalit “Sunny Hill”, teksa valvitnin flamurin kombëtar.

“Madhështore, krenar me ty Dua Lipa”, ka shkruar ai në mbishkrimin e fotografisë.
https://www.instagram.com/p/BqP6EDVF3sv/?utm_source=ig_embed
Ndërkohë, pëlqimet dhe komentet e shumta nga fansat nuk kanë munguar, shumë prej të cilëve i kanë uruar artistët për sukseset e tyre.

Përndryshe, së fundmi, G4shi publikoi për publikun projektin e tij më të ri muzikor, “No face no case”. /KultPlus.com

Dua Lipa në CNN: Kosovarët nuk e praktikojnë islamin, por kanë traditë myslimane

Posted on by KultPlus

Ylli shqiptar i muzikës në Britani, Dua Lipa, ishte e ftuar për intervistë në televizionin CNN, ku rrëfeu eksperienca interesante nga jeta e saj dhe shprehu mendime për çështje të ndryshme.

Në një pjesë të intervistës, ajo foli edhe për përkatësinë fetare të kosovarëve.

Dua thotë se kosovarët nuk e praktikojnë islamin, por më shumë kanë traditë myslimane, transmeton Insajderi.
“Janë tradita familjare. Edhe unë praktikoj të njëjtat tradita myslimane”, ka thënë Dua.
Ajo ka folur edhe për refugjatët nëpër botë, duke treguar se edhe vetë ajo ishte refugjate në Angli.

“Askush nuk e lë vendlindjen me dëshirë. Unë e di se çfarë do të thotë pasi e kam përjetuar duke ardhur në Britani të Madhe. Kam qenë me fat që kam ardhur në Londër dhe kam plotësuar ëndrrat. Unë e di që ka shumë fëmijë që mund të përjetojnë këtë ndjenjë”, ka ylli shqiptar.

Më tej, ajo u pyet nga gazetarja Becky Andresonin nëse zgjedh më para Prishtinën apo Londrën.

Dua Lipa në mesin e shumë yjeve në videon e UNICEF-it për të Drejtat e Fëmijëve

Posted on by Kult Plus

20 nëntori shënohet si Dita Ndërkombëtare e të Drejtave të Fëmijëve, ditë në të cilën synohet të promovohet mirëqenia e fëmijëve kudo në botë. Me këtë rast UNICEF-i organizoi një peticion “Go Blue” përmes së cilit iu bëhet thirrje liderëve botërorë të vendosin fëmijët në krye të agjendës.

Përveç Duas, Aktorja e njohur Millie Bobby Brown u bashkua me ambasadorët, aktorin e njohur britanez, Orlando Bloom, aktorin e njohur të filmit “Taken”, Liam Nesson, Lilly Singh, blogere dhe artistët Blue Man Group. Në videon e realizuar, pjesëmarrëse është edhe këngëtarja e njohur shqiptare me famë botërore, Dua Lipa. Ajo shpërndu këtë video në llogarinë e saj, ku ka shkruar: “Çdo ditë të drejtat e fëmijëve mohohen në çdo vend të botës.

Në Ditën Botërore të Fëmijëve iu bëjmë thirrje liderëve botërorë t’i vendosin fëmijët në krye të agjendës”. Videoja e shkurtër shfaq yllin 14-vjeçar që ndryshoi emrin e saj Millie Bobby “Blue” për të shënuar eventin – “Go Blue”. Përveç ekipit të saj, Millie iu bën thirrje edhe personave të tjerë t’i bashkohen peticionit, duke u veshur ose përdorur ngjyrën e kaltër si përkrahje për Të Drejtat e Fëmijëve.

Millie Bobby Brown tha se Dita Botërore e Fëmijëve bart mesazh serioz. “Është dita kur fëmijët inkurajohen të flasin se çka është e rëndësishme për ta si; edukimi, siguria, hapësira për të luajtur dhe për të mësuar dhe hapësira pozitive”, dhe shtoi se duke e përkrahur këtë iniciativë i kërkojmë botës të krijojë një të ardhme të ndritshme për fëmijët, transmeton rtv21.tv. Siç tregon storia, shikuesit i shohin yjet derisa i përgjigjen thirrjes së Millie.

Liam Nesson gatuan cupcake të kaltërta përderisa e ripërsërit skenën e famshme të filmit “Taken”, Dua Lipa është në studio duke e riincizuar tekstin e hitit të saj “Be The One”, Orlando Bloom është në xhirime me emrin e tij Orlando “Bluem” dhe Lilly Singh është në shtëpi duke përgatitur pije(smoothie) të kaltër./ KultPlus.com

Dua Lipa konfirmon pjesëmarrjen në koncertin e madh për bamirësi në Angli

Posted on by Kult Plus

Së shpejti, në Britani të Madhe do të mbahet një koncert i madh për bamirësi për të pastrehët i organizuar nga organizata “Streets of London”.

Për këtë koncert janë shprehur të gatshëm që të marrin pjesë shumë artistë, ku në mesin e tyre edhe pjesëmarrjen e ka konfirmuar edhe këngëtarja shqiptare me famë botërore, Dua Lipa, transmeton Koha.net.

Koncerti do të mbahet muajin e ardhshëm në stadiumin “Wembley Arena”, në Londër.

Përveç Lipës, në koncertin për bamirësi për të pastrehët kanë konfirmuar se do të marrin pjesë edhe Ellie Goulding, Bastille, Mabel, Sigrid, Grace Carter, Jax Jones dhe Dermot Kennedy.

“Streets of London” e organizon këtë koncert të madh çdo vit për pesë vite me radhë dhe deri tani ka mbledhur mbi 300,000 funte./ KultPlus.com

Anulohet koncerti i Dua Lipës në muzeun Abu Dhabi

Posted on by KultPlus

Një koncert i Dua Lipës për të shënuar përvjetorin e parë të muzeut Louvre Abu Dhabi u anullua për shkak të stuhisë së madhe të shiut. Dua Lipa duhej të performonte në muze, por pas erërave të forta dhe shiut që përfshiu Abu Dhabin, koncerti nuk u zhvillua.

“Për shkak të motit aktual të keq në Abu Dhabi, ne kemi anuluar koncertin e Dua Lipës. Shëndeti dhe siguria e vizitorëve tanë është prioriteti ynë,”-thuhet në një deklaratë në faqen zyrtare të muzeut në Twitter.
https://www.instagram.com/p/BqFFnhWhR_7/
Ndërsa fansat duhet të ruajnë biletat e tyre deri në një njoftim të dytë për zhvillimin e koncertit.

Gjithashtu edhe Dua bëri njoftimin me anë të një postimi në rrjetin e saj social “Instagram”/KultPlus.com
https://www.instagram.com/p/BqDEJDoh3n8/