Cineplexx sjell eventin Kids Fest ku të gjithë fëmijët mund t’i shikojnë top filmat si Minions 2, Sonic The Hedgehog 2, Turnig Red dhe shumë të tjerë për vetëm 2 Eur. Eventi do të zgjasë çdo ditë deri më 28 shtator në të dy lokacionet e Cineplexx, në Prishtinë dhe Prizren. Për këtë event do të rikthehen edhe disa nga titujt e mëdhenjë që fëmijët mund ti shikojnë për herë të parë apo t’i rishikojnë filmat e preferuar.
6 filmat të cilët do të shfaqen gjatë këtij eventi janë:
Minions: The Rise of Gru
Gru është një fans 12-vjeçar i grupit “The Vicious 6”, një grup super-antagonistësh. Së bashku me ekipin e tij të sapogjetur të Minions, të udhëhequr nga Kevin, Stuart, Bob dhe të sapoardhurit, Otto, Gru harton një skemë për t’u bërë një antagonist i njohur.
Pasi që u vendos në Green Hills, Sonic do që të tregojë se e ka atë që duhet për të qenë një hero i vërtetë. Prova e tij vjen kur Dr. Robotnik kthehet me një partner të ri, Knuckles, të cilët po kërkojnë një emerald mistik që ka fuqinë të shkatërrojë qytetërimin. Sonic bashkohet me ndihmësin e tij, Tails, dhe së bashku ata nisin një udhëtim global për të gjetur emeraldin përpara se të bjerë në duart e gabuara.
Ngjarja e filmit Turning Red, nga Pixar dhe Disney flet për Mei Lee një vajzë 13-vjeçare e cila është e ndarë mes të qenit vajza e bindur e nënës së saj dhe njëkohësisht duke u përballuar me kaosin e rinisë së saj. Si të mos mjaftonte kjo, kur ajo emocionohet shumë, shndërrohet në një panda të kuqe gjigande.
Emily Elizabeth takon një shpëtimtar kafshësh magjike, i cili i jep asaj një qenush të vogël të kuq, ajo kurrë nuk e priste që të zgjohej për të gjetur një qen gjigant në apartamentin e saj. Me nënën e saj larg për punë, Emily dhe xhaxhai i saj argëtues nisen në një aventurë.
Vëllezërit Templeton, tashmë janë rritur dhe janë larguar nga njeri -tjetri, mirëpo një foshnje e re Bosi me një qasje të përparuar do t’i sjellë përseri së bashku – dhe do të frymezojë një biznes të ri familjar.
Pas një jete grabitjesh legjendare, kriminelët famëkeq Z. Ujku, Z. Gjarpër, Z. Piranha, Z. Pershkaqen dhe Znj. Tarantula më në fund janë kapur. Për të shmangur një dënim me burg, jashtëligjorët e kafshëve duhet të largojnë mashtrimin e tyre më sfidues deri më tani, duke u bërë qytetarë model. Nën mbikëqyrjen e Profesor Marmalade, banda e dyshimtë niset të mashtrojë botën se ata po bëhen mirë.
Për më tepër informata rreth orareve vizitoni webfaqen e Cineplexx, ndërsa biletat mund t’i bleni përmes aplikacionit Cineplexx KS apo direkt në kinema prej orës 15:00.
“I Wanna Dance with Somebody” është titulli i filmit që i dedikohet arritjeve të ikonës së ndjerë të muzikës Whitney Houston.
Regjinë e këtij filmi të cilin e lansoi Soni, e ka bërë Kasi Lemmons. Producent i tij është Clive Divis.
Rolin e Houston e luan aktorja Naomi Ackie.
Filmi paraqet një portret kompleks të Houston. Ai shpie audiencën në një rrugëtim inspirues dhe shumë emocionues. Në të interpretohen një radhë hitesh të këtij ylli muzike, e cila ndryshe u quajt me nofkën The Voice.
Filmi “Wanna Dance with Somebody” është planifikuar të lansohet në SHBA me 21 dhjetor 2021./21Media / KultPlus.com
Arkivoli i mbretëreshës po zhvendoset në karrocën shtetërore, e cila priste jashtë derës së ndërtesës.
Do të jetë një rrugë e shkurtër, duke kaluar Oborrin e Pallatit të Ri dhe Sheshin e Parlamentit, më pas duke “Broad Sanctuary” dhe “Sanctuary”.
Udhëtimi duhet të zgjasë rreth tetë minuta, me 142 marinarë të Marinës Mbretërore dhe gjashtë oficerë që tërheqin karrocën.
Do të ketë një roje nderi në shesh dhe një bandë Royal Marine, raporton BBC.
Në krye të procesionit janë Tubat Massed dhe Daullet e Regjimenteve Skoceze dhe Irlandeze, Brigada e Gurkhas dhe Forca Ajrore Mbretërore që numëron rreth 200 muzikantë.
Kortezhi do të marshojë me 75 hapa në minutë, një shpejtësi e rezervuar për funeralet./ KultPlus.com
Koncerti i përvitshëm me pjesë të zgjedhura operistike, “Tre Tenorët”, këtë vit është rikthyer në sallën e Teatrit të Operas dhe Baletit, duke u transformuar në “Tre Tenorët për Ukrainën”, me mesazhin “Artistët për Artistët”. Koncerti me producent Edmond Tullumanin, mblodhi në një natë, këngëtarë e muzikantë nga Ukraina, Shqipëria e vende të tjera.
Mbrëmja nisi me fjalën e producentit Tullumani dhe ambasadorit të Ukrainës në Tiranë, Volodimir Shukrov.
Tre tenorët që kënduan në TKOBAP ishin Mykhailo Malafii nga Ukraina, Klodjan Kaçani nga Shqipëria dhe Vitaliy Kovalchuk nga Ukraina, të cilët u shoqëruan nga orkestra sinfonike e përbërë me artistë shqiptarë dhe ukrainas dhe që dirigjohej nga Leonardo Quadrini, i ardhur nga Italia. Gjatë koncertit interpretuan si të ftuar, sopranoja Ramona Tullumani dhe Genc Tukiçi në piano.
Koncerti “Tre tenorët për Ukrainën” pati mbështetjen e Ministrisë së Kulturës dhe të Bashkisë Tiranë. /atsh/KultPlus.com
Brutaliteti që kishte përdorë ndaj bashkëshortes, ikja nga vendi i ngjarjes dhe mosofrimi i asnjë lloj ndihme për të plagosurën, ndikoi që ai të dënohet me burgim të përjetshëm.
Në nëntor të vitin e kaluar, një shtetas i Kosovës kishte goditur 16 herë më thikë bashkëshorten e tij në Innsbruck të Austrisë. Në gjykatën rajonale të këtij Landi, 60-vjeçari u akuzua se pas një debati që kishte me gruan e tij (v.j. 50 vjeçare nga Shqipëria) në banesën e tyre, ka rrëmbyer një thikë kuzhine dhe e qëllon atë duke i shkaktuar disa plagë, nga të cilat e plagosura nuk arriti të mbijetojë, shkruan albinfo.at.
I akuzuari e ka pranuar veprën penale. Ai ka thënë në gjyq se mosmarrëveshja kishte filluar kur gruaja e tij u përpoq ta detyronte të hante supë në mëngjes. Përveç kësaj, gruaja e tij kishte folur keq për vajzën e tij nga martesa e mëparshme. Kjo e kishte shtyrë kosovarin të humbë kontrollin dhe ta godasë me thikë bashkëshorten e tij.
Mjeku ligjor, Walter Rabl, thotë se i akuzuari pas aktit të kryer, kishte dalë duke u shëtitur në qytetin e vjetër të Innsbruck-ut, ndërkohë e kishte lënë të plagosur bashkëshorten në banesë. Për shkak të mosofrimit të ndihmës së shpejtë, ajo ka ndërruar jetë. Pas një orë e gjysmë, kosovari kthehet tek ndërtesa e banimit dhe i bie ziles së fqiut. Atë e njoftoi për rastin dhe i kërkoi të thërriste policinë, raportojnë mediat austriake.
Gjyqtarja Helga Moser ka shpjeguar në vendimin e saj se brutaliteti i tepruar i aktit, pra goditja e disahershme me thikë, ikja nga vendi i ngjarjes dhe mosofrimi i ndihmës për të shpëtuar jetën e të plagosurës, kanë qenë arsyet rënduese në masën e dënimit me burgim të përjetshëm.
Megjithatë, aktgjykimi nuk është përfundimtar momentalisht. / KultPlus.com
Në fshatin Hoçisht në Devoll gjendet shtëpia me flamur, ajo e atdhetarëve Jovan dhe Marigo Posios, gruas e cila qëndisi flamurin e pavarësisë së Shqipërisë.
Në këtë shtëpi jetoi për disa vite me radhë çifti Posio, të cilët patën një aktivitet të gjerë në këtë zonë në fushën e patriotizmit.
Në të, sot gjendet zonja Violeta Pojani, e cila është pasardhësve e rilindasve. Ajo, prej disa kohësh ka marrë iniciativën për ta kthyer këtë shtëpi në muze, ku kohët e fundit ka gjetur mbështetjen edhe të bashkisë së Devollit.
“Duke parë të gjithë veprimtarinë që nëna ime kishte kryer në këtë shtëpi, duke parë punën patriotike të dy patriotëve, Marigo dhe Jovan Posio, më lindi ideja që këtë shtëpi ta kthej në shtëpi muze”, u shpreh ajo.
Është krenari të jesh pasardhëse e një familje që ka kontribuar për këtë vend, tregon Violeta.
“Ndihem edhe krenare që e çela këtë shtëpi, që të vijnë të gjithë dashamirësit që të njohin historinë, të dinë çfarë ka bërë kjo familje”, theksoi ajo.
E mbesa e tregtarit dhe rilindasit Jovan Posios ka vendosur që vitet e pleqërisë t’ia dedikojë pikërisht historisë së tij dhe të famshmes Marigo.
Njeriu i cili po kujdeset për pjesën historike të kësaj shtëpie është historiani i njohur Niko Kotherja.
Ai tregon për Euronews Albania se në ditët e pavarësisë, shtëpia e Marigosë u kthye në punishte flamujsh dhe jo vetëm.
“Ne kemi të dokumentuar nga dëshmitë e bashkëkohësve, që shtëpia e Marigosë u kthye në punishte të madhe flamujsh, ku përveç flamujve që u stampuan me bojë ose u qëndisën, me qindra qeleshe të lebërve u stampuan me shqiponjën dykrenare”, nënvizoi historiani.
Pjesë e fotos zyrtare të pavarësisë ishte dhe bashkëshorti i Marigosë, edhe pse ai nuk ishte delegat i Korçës.
Rëndësia e kësaj shtëpie është e veçantë, pasi brenda saj ka elemente të gjallë të jetës së Jovanit dhe Marigosë, sipas historianit Kotherja.
Kjo shtëpi, synohet të jetë një nga pikat kryesore turistike të Devollit. Historiani tregon arsyen pse kjo shtëpi duhet patjetër të vizitohet.
“Dikush që mendon se e zbukuron jetën e tij me identitet kombëtar, duhet të jetë patjetër vizitor i kësaj shtëpie. Napoleon Bonaparti thotë që elementi i parë i civilizimit të një njeriu, është atdhedashuria”, deklaroi ai.
Në 110 vjetorin e pavarësisë së Shqipërisë synohet që e gjithë shtëpia të jetë funksionale për vizitorët, ku fakte të rëndësishme historike do të shfaqen në të.
Çdokush i cili kërkon të njohë një pjesë të jetës së duarartës shqiptare që qëndisi flamurin, të bashkëshortit i cili sakrifikoi për atdheun e për fëmijët e rilindësve mund të vizitojë shtëpinë muze në Hoçisht të Devollit, një fshat i cili përtej mikpritjes devollite, bashkëjetesës fetare, ushqimeve tradicionale merr dhe një tjetër vlerë, duke mbajtur në të një pjesë të rëndësishme të historisë rilindase shqiptare. / KultPlus.com
Presidentja e Republikës së Kosovës, Vjosa Osmani, do të marr pjesë në ceremoninë e varrimit të Mbretëreshës Elizabeth II.
Osmani ishte edhe pjesë e pritjes së organizuar nga Mbreti Charles III për krerë shtetesh dhe bashkëshortët e tyre nga mbarë bota, të cilët do të jenë prezent në varrimin e Mbretëreshës së Mbretërisë së Bashkuar, Elizabeth II, e cila ndërroi jetë më 8 shtator.
“Krahas Familjes mbretërore dhe liderë të tjerë botërorë, ne morëm pjesë në pritjen e Mbretit të HM në Pallatin Buckingham për të nderuar trashëgiminë e Mbretëreshës Elizabeth II të HM. Mbretëresha do të mbahet mend si një simbol i forcës dhe i qëndrueshmërisë, dhe për angazhimin e saj të palëkundur ndaj shërbimit publik”, ka shkruar Osmani.
Pas varrimit të Mbretëreshës Elizabeth II, më pas Osmani do të jetë pjesë e pritjen së organizuar nga Sekretari për Punë të Jashtme i Mbretërisë së Bashkuar, James Cleverly. / KultPlus.com
Alongside the @RoyalFamily and other world leaders, we attended HM The King’s Reception at Buckingham Palace to honour the legacy of HM Queen Elizabeth II. The Queen will be remembered as a symbol of strength & resilience, and for her unwavering commitment to public service. pic.twitter.com/VIROSO0KOl
Sa herë vjen vjeshta më merr malli për dashurinë Asnjë çast nuk ngjan si zemërimi Vargjet nuk e përfillin më melankolinë Ndoshta kështu fillon tundimi
Një ditë më mori malli për pritjen e braktisur Kur gjethet e mërzitura u vyshkën dalngadalë Askush nuk mbërrin cakun pa u nisur Nëse shpirtrat hidhërohen nga e njëjta fjalë
Malli më mori edhe për vetminë Sa herë e zinte nata duke pëshpëritur Askush s’kuptonte më zilinë Kur këputej përgjysmë pa u venitur
Sa herë vjen vjeshta më merr malli për dashurinë Ëndrrat luajnë me gjumin e fëmijërisë Nuk vdesin kujtimet pa shuar fantazinë As kur përfundon akti i nostalgjisë
Kryeminisri Edi Rama përcolli sot përmes rrjeteve sociale pamjen nga Prespa dhe Ohri përmes syrit të NASA-s, foto e cila bëri xhiron e botës në promovimin e krenarive natyrore të Shqipërisë.
“Prespa dhe Ohri përmes syrit të NASA-s që i prezanton publikut botëror këto dy liqene, ndër më të vjetrit në Europë, ekzistenca e të cilëve provohet prej të paktën 1 milion vitesh”, u shpreh ai.
”Fotoja e kapur më 19 gusht nga OLI-2 në Landsat 9 ka bërë xhiron e globit në promovimin e krenarive tona natyrore Shqipërisë”, vijoi Rama.
Liqeni i Ohrit dhe Liqeni i Prespës, dy nga liqenet më të vjetër të Evropës, shtrihen në një zonë malore përgjatë kufijve të Maqedonisë së Veriut, Shqipërisë dhe Greqisë. Liqenet kanë ekzistuar për të paktën 1 milion vjet dhe ndoshta edhe më gjatë.
Ohri është më i madhi dhe më i thelli nga të dy, me një thellësi mesatare prej 155 metrash. Prespa ka një thellësi mesatare prej 14 metrash. Gjeologët klasifikojnë 30 liqene në botë si më të lashta, në këtë kategori bëjnë pjesë Ohri dhe Prespa. Pjesa më e madhe e ujit të liqenit të Ohrit vjen nga burimet nënujore, shkruan NASA.
Në liqenin e Ohrit ndodhen 200 lloje speciesh që nuk gjenden askund tjetër, këtu bëjnë pjesë kërmijtë e pazakontë, rosat dhe trofta.
Liqeni i Ohrit mbrohet nga UNESCO-s dhe në disa raste është quajtur “Galapagos Evropian” ose një muze i fosileve të gjalla për shkak të biodiversitetit të tij të jashtëzakonshëm. /atsh / KultPlus.com
Më 19 shtator 1630, në fshatin Gur të zonës së Hasit lindi Pjetër Bogdani, i njohur në italisht si Pietro Bogdano, kleriku dhe shkrimtari më origjinal i letërsisë së hershme shqiptare.
Ai mund të cilësohet si një mjeshtër i gjuhës shqipe dhe një nga poetët më të përndritur të poezisë së stilit barok në Shqipëri dhe në Evropë në shekullin XVII. Bogdani ka hyrë në kujtesën shqiptare edhe duke qenë teologu më i madh i krishterë në gjuhën tonë.
Pjetër Bogdani shkollimin fillor e kishte marrë në Bullgari. Veprimtaria e tij si klerik fetar kishte nisur më 1651, kur kishte filluar të punoj si meshtar në Pult dhe në fshatrat e Prizrenit.
Në vitin 1656 thirret në Romë për të vazhduar studimet e larta teologjike në Kolegjin e Propagandës së fesë. Aty mëson gjuhët e Lindjes, teksa diplomoi më 1658 për teologji dhe filozofi dhe morri titullin doktor.
Më pas emërtohet ipeshkiv i Shkodrës dhe administrator i Tivarit. 1663–1664: Njihet dhe i bën shërbime Kardinal Barbarigos, i cili në atë kohë jetonte e punonte në Romë.
Më 1675 fillon rrugëtimi i librit të tij “Çeta e profetëve”, të cilën e shkruan në atë kohë dhe ia paraqet Kongregatës së Vatikanit “Propagandës së Fidesë” për botim. Pastaj, ai filloi ta përkthej librin. Veprën e tij të përgatitur për botim ai e merr me vete më 1658 kur shkoi në Venedik.
Vepra e ipeshkvit Pjetër Bogdani “Cuenus Prothetarum de Christo Salvatore Mundi” e njohur me titullin shqip “Çeta e Profetëve” shkruar në gjuhën shqipe dhe italiane u rishtyp më 1691 dhe 1702 në Venedik me titull ndryshe.
Libri “Cuneus Prophetarum”, apo sipas përkthimit të Justin Rrotës “Çeta e profetëve”, është një nga veprat më të rëndësishme të trashëgimisë sonë të vjetër letrare. Fakti që është e para vepër origjinale në gjuhën shqipe, në krahasim me veprat e autorëve paraardhës që ishin kryesisht përkthime, e bën tepër të rëndësishëm këtë libër.
Vepra “Çeta e profetëve ka në krye një seri kushtimesh e poezish shqip, latinisht, italisht, sllavisht, shkruar për nder të Pjetër Bogdani nga miq e të njohur të tij. Dy vjershat shqipe të L. Bogdanit e të L. Sumës dhe ato të vetë autorit të shpërndara në kapituj të ndryshëm të librit, me teknikën poetike përgjithësisht të sigurt janë tregues të lëvrimit të mbarë të vjershërimit shqip në këtë kohë.
Ai ishte i përkushtuar për gjuhën shqipe, të cilën e shkroi me një dashuri të madhe. Bogdani në kohën e pushtuesit osman kërkoi lejimin e librave në gjuhën amtare, teksa punoi vazhdimisht për zhvillimin e kulturës shqiptare dhe çlirimin e vendit.
Me veprat e Pjetër Bogdanit letërsia dhe gjuha letrare shqipe shënuan hapa të rëndësishëm përpara.
Murtaja ia sjell vdekjen në Prishtinë më 6 dhjetor 1689. / KultPlus.com
Kosova vlerësohet se ka resurse të kufizuara të ujit, por edhe ato, sipas Agjencisë për Mbrojtjen e Mjedisit të Kosovës (AMMK), janë keqshfrytëzuar dhe ndotur.
Në raportin “Ndikimi i Shfrytëzuesve të Rërës dhe Zhavorrit në Gjendjen Mjedisore të Lumenjve”, i publikuar në muajin gusht të këtij viti, AMMK-ja ka konstatuar se shumica e lumenjve të Kosovës janë shkatërruar në atë masë, saqë riparimi i dëmeve është i pamundur.
“Shfrytëzimi i inerteve të lumenjve i ka kaluar të gjitha limitet e mundësisë natyrore që lumenjtë të kthehen në gjendjen e mëparshme”, thuhet në raport.
Drini i Bardhë konsiderohet si lumi më i shkatërruar nga nxjerrja e zhavorrit.
Shkatërrimi i shtretërve të lumenjve, sipas raportit, ka nisur në masë të madhe nga viti 1999.
“Lumenjtë tanë, pas vitit 1999 e këndej, pa përjashtuar të kaluarën e mëparshme, i janë nënshtruar një presioni të vazhdueshëm të eksploatimit dhe shfrytëzimit nga personat fizikë dhe juridikë
Drini i Bardhë më i shkatërruari
Sipas tij, më i shkatërruari nga nxjerrja e zhavorrit rezulton të jetë lumi më i gjatë në Kosovë, Drini i Bardhë, prej 112 kilometrash.
Radio Evropa e Lirë, më 16 shtator, ka vizituar këtë lumë në pjesën ku është më së shumti i dëmtuar – në afërsi të fshatit Krushë e Prizrenit.
Makineritë duke nxjerrë zhavorr në Drinin e Bardhë.
Aty shihen shenja të makinerisë së rëndë, grumbuj zhavorri, gropa gjigande të shkaktuara nga nxjerrja e zhavorrit, si dhe dhjetëra makineri të tjera që përdoren për të thyer gurët për zhavorr.
Nxjerrja e zhavorrit nga lumenjtë është e ndaluar që nga viti 2016 përmes një Udhëzimi Administrativ. Por, pavarësisht kësaj, kamionët dhe ekskavatorët mund të shihen në afërsi të shtratit të Lumit Drini i Bardhë.
Ekipi i Radios Evropa e Lirë ka provuar të flasë me banorët e fshatrave që jetojnë buzë shtratit të këtij lumi, por ata kanë thënë se “nuk duan që të kenë punë me kompanitë që merren me nxjerrjen e zhavorrit”.
Fotografi e realizuar në Drinin e Bardhë në Krushë të Vogël në Komunën e Prizrenit.
Shumë prej tyre kanë refuzuar që fjalët e tyre të citohen, por njëri, i cili ka kërkuar që t’i fshihet identiteti, thotë se çdo ditë shihen makineri të rënda pranë shtratit të lumit.
Sipas tij, shkatërrimi lumit ka filluar menjëherë pas përfundimit të luftës në vitin 1999.
Mbeturinat shihen buzë Lumit Drini i Bardhë.
Ai thotë se policia, kohë pas kohe, ua konfiskon kompanive makineritë, por “shkatërrimi”, sipas tij, bëhet gjatë fundjavave dhe gjatë orëve të natës.
“Policia dhe inspektorët kanë qenë më herët, por tani nuk vijnë më, shumë rrallë”, thotë ky qytetar.
Në më pak se dhjetë kilometra distancë, REL ka parë më 16 shtator më shumë se dhjetë kompani që merren me nxjerrjen dhe përpunimin e zhavorrit në këtë pjesë, por nuk ka mundur të bjerë në kontakt me udhëheqësit e tyre.
Imazhet satelitore të Lumit Drini i Bardhë.
Këtë e dëshmojnë edhe imazhet satelitore si ky, të nxjerra nga platforma “Google Earth”.
Një tjetër imazh satelitor i Lumit Drini i Bardhë.
MMPH: Po mundohemi ta ndalojmë këtë aktivitet ilegal
Nga Ministria e Mjedisit, Planifikimit Hapësinor dhe Infrastrukturës e Kosovës (MMPHI) thonë për Radion Evropa e Lirë se janë duke u munduar vazhdimisht që të parandalojë degradimin e shtretërve të lumenjve.
Për këtë qëllim, MMPHI-ja thotë se po zhvillon aksione të koordinuara me institucione të tjera, përfshirë Njësitin e Policisë së Kosovës për Krimet Mjedisore.
“Këtë vit, nga zhvillimi i këtyre aksioneve janë konfiskuar disa makineri te rënda, si: ekskavatorë, kamionë e të tjerë, me të cilët janë kryer aktivitete ilegale. Aksioni është duke vazhduar dhe do të vazhdojë deri në ndalimin e plotë të kësaj dukurie të shëmtuar ilegale”, thuhet në deklaratën e MMPHI-së dhënë Radios Evropa e Lirë.
Autoritetet qendrore në Kosovë thonë se po punojnë që të ndalin degradimin e lumenjve.
Nga Policia e Kosovës thonë për REL-in se Njësiti për Hetimin e Krimeve Mjedisore, nga muaji janar e deri në fund të muajit gusht, ka iniciuar 54 raste të veprimeve të jashtëligjshme të ndotjes, degradimit apo shkatërrimit të mjedisit, përfshirë edhe rastet kur individë apo kompani janë zënë duke nxjerrë zhavorr nga shtretërit e lumenjve.
Gjatë vitit 2021, ky njësit ka iniciuar 15 raste, ndërsa më 2020 gjithsej 32 raste të shkeljeve ligjore, që përfshijnë ndotjen, degradimin apo shkatërrimin e mjedisit.
Përveç Drinit të Bardhë, nga nxjerrja e zhavorrit janë dëmtuar edhe lumenjtë e tjerë.
Shkelja e ligjit “në sy të shtetit”
Ligji për Ujëra në Kosovë përcakton që nxjerrja e zhavorrit nga operatorët e licencuar është e ndaluar më afër se 150 metra prej shtratit natyror të lumit.
Por, shumica e kompanive që merren me nxjerrjen e zhavorrit në fshatin Krushë e Prizrenit, kanë hapur gropa vetëm pak metra larg shtratit natyror të Drinit të Bardhë.
Aktivistja mjedisore, Egzona Shala – Kadiu, thotë se degradimi i lumenjve ka ndodhur me vite, sepse përgjigjja institucionale, sipas saj, ka qenë e zbehtë.
Ajo thotë se zbatimi i Udhëzimit Administrativ për ndalimin e eksploatimit të lumenjve për nxjerrjen e zhavorrit, nuk ka pasur mbikëqyrje. Andaj, shton ajo, operatorët vazhdojnë t’i shkatërrojnë lumenjtë.
“Mungon inspektimi dhe kontrollimi i duhur. Kjo është njëra ndër arsyet kryesore që gjendja e lumenjve, shtretërit e lumenjve, ekosistemet lumore dhe biosistemi rreth lumenjve janë degraduar në masë të pakontrolluar”, thotë Shala – Kadiu.
Drini i Bardhë është lumi më i gjatë në Kosovë.
Sipas saj, situatës së rënduar i ka kontribuuar edhe mungesa e inspektorëve.
“Nëse nuk gaboj, është një apo dy inspektorë në nivel qendror që merren me ujëra. Është e pamundur që një numër kaq i vogël i inspektorëve ta përcjellë situatën. Këta inspektorë janë edhe për inspektime të hidrocentraleve, të shfrytëzueseve të ujit…”, shprehet Shala – Kadiu.
E vetmja mënyrë për të vënë sadopak nën kontroll degradimin e mëtejmë të shtretërve të lumenjve, sipas Shala – Kadiut, është digjitalizimi i inspektimeve.
“Do të duhej që edhe një qytetar, shumë thjesht, pa pasur nevojë ta ndjekë procedurën e rregullt, ta bëjë një raportim me anë të fotografive, që dërgohen tek institucionet, të cilat pastaj duhet t’i marrin masat për rastin në fjalë”, thotë Shala – Kadiu.
Fotografi e realizuar në Drinin e Bardhë më 16 shtator 2022.
Radio Evropa e Lirë ka pyetur MMPHI-në edhe për projektet për rregullimin e shtretërve të lumenjve. Në listën që ky institucion ka dërguar, figurojnë 15 projekte kapitale që janë në vazhdim.
Por, në listë nuk përmendet askund lumi më i degraduar në Kosovë, Drini i Bardhë.
Projekti më i madh në këtë listë për nga vlera në euro është ai i rregullimit të shtratit të Lumit Sitnica dhe ndërtimi i kolektorit për ujërat e zeza përgjatë shtratit të këtij lumi në Komunën e Lipjanit.
Përpos Drinit të Bardhë, degradim nga aktivitetet e nxjerrjes së zhavorrit dhe nga ndotja e pakontrolluar kanë pësuar edhe Lumbardhi i Pejës, Lumëbardhi në Deçan, Ibri, Sitnica, Ereniku, Krivareka, Desivojca, Shipashnica, si dhe disa lumenj më të vegjël.
Sipas AMMK-së, sipërfaqja e degraduar e disa prej lumenjve të Kosovës arrin në gati dy mijë hektarë. / KultPlus.com
Ka shumë komponentë në funeralin e Mbretëreshës, i cili do të shpaloset gjatë gjithë ditës si në Londër ashtu edhe në Windsor. Ja çfarë pritet:
6:30 BST – Dritarja për publikun për të parë Elizabeth II të shtrirë në gjendje merr fund, pasi dyert për në Westminster Hall janë të mbyllura
8:00 – Dyert e Westminster Abbey hapen për 2000 të ftuarit e pritur – nga liderët botërorë te punëtorët e bamirësisë dhe perandori japonez
10:44 – Procesioni i parë i ditës do të niset, me mbretin Charles dhe anëtarët e tjerë të familjes mbretërore që ecin pas arkivolit të Mbretëreshës ndërsa tërhiqet nga marinarët në karrocën e armëve shtetërore nga Salla e Westminsterit në Westminster Abbey
Ora 11:00 – Nis shërbimi mortor shtetëror, raporton BBC
11:55 – Tingëllon zhurma e Postimit të Fundit, e ndjekur nga dy minuta heshtje kombëtare
12:00 – Shërbimi përfundon dhe në orën 12:15 një procesion i dytë, më i madh sjell arkivolin e saj në Wellington Arch
13:00 – Arkivoli i saj transferohet në makinën e vdekjes shtetërore dhe dërgohet në Windsor përgjatë një rruge që pritet të vijë nga turma. 15:00 – Fillon procesioni i tretë i ditës, përmes terrenit të Kështjellës Windsor deri në Kapelën e Shën Gjergjit
16:00 – Shërbesa e përkushtimit bëhet në kapelën e Shën Gjergjit
19:30 – Familja mbretërore kthehet në kishë për një shërbim varrimi privat që do të shohë Elizabeth II të varrosur së bashku me bashkëshortin e saj të ndjerë, Dukën e Edinburgut. /Express/ KultPlus.com
Pyeta valët vogëlushe; mu si krahët e një gushe përmbi supe nga një shkumë, kush më pak e kush më shumë, venë e vinë e shkojnë e shkasën dhe përhera për ty flasën.
Valëza, o valëza, farë e fis me vashëza, ku e keni shoqen tuaj? Ruaje zot nga erë e huaj!
Pyeta zoga, pyeta zogj, pyeta zemrën që m’u dogj, pyeta lulet nëpër baça, nëpër baça, që un’ plaça, muaj e vitra po të pres, vidi-vidi pëllumbeshë!
Vidi-vidi zogëza, farë e fis me zojëza, ku e keni shoqen tuaj? Një minutë e gjat’ një muaj!
Vidi-vidi pëllumbeshë! për ty qaj e për ty qeshë, për ty qesha; gjithë jeta me gjith’ lule, me gjith’ fleta, u bë fli për ata sy; çdo gëzim ta fala ty!
E çdo brengë e mbajta vetë. Tash afroi e thënë e shkretë, dhe un’ s’di ku jam, ku vete, rroj për ty e vdes për vete!/ KultPlus.com
Një nga temat më magjepsëse të historisë, është ngritja dhe rënia e qytetërimeve të ndryshme. Ndërsa në disa raste, kemi informacione të bollshme mbi evolucionin dhe rënien e tyre, fati i të tjerëve nuk është dhe aq i qartë. Pasi ka pasur shumë raste, në të cilat një qytetërim i tërë është zhdukur gati pa asnjë gjurmë.
Ja cilat janë 9 prej tyre:
1.Majat
Perandoria Maja shtrihej dikur në Meksikën, Guatemalën dhe Belizenë e sotme. Në atë kohë, Majat ishin një nga qytetërimet më të përparuara në Tokë, të njohur për aftësitë e tyre matematikore, arkitekturore dhe inxhinierike. Ky qytetërim kishte qytete të mëdha, piramidagjigante dhe rrugë të gjera.
Por vitit 900 Pas Krishtit, qytetërimi Maja përjetoi një rënie drastike. Brenda disa dekadave, popullsia u zhduk nga forca në dukje misterioze. Historianët sugjerojnë se rënia ndodhi ndoshta për shkak të ndryshimeve të rëndësishme klimatike dhe fatkeqësive natyrore në rajon, por edhe luftërave të vazhdueshme dhe urisë në qytetet e tyre.
2.Ishulli i Pashkëve (Rapa Nui)
Ky qytetërim i humbur nuk ishte shumë i madh në popullsi, por ishte shumë punëtor dhe jetonte në mënyrë komode në ishull. Ky qytetërim kishte krijuar Moai, figurat njerëzore prej guri të gdhendura nga njerëzit Rapa Nui midis viteve 1250 dhe 1500 Pas Krishtit.
Por në një moment, i gjithë qytetërimi u shemb dhe u zhduk. Eksploruesit evropianë zbuluan disa qindra vjet më vonë, se ishulli kishte pak komunitete të mbetura, me sa duket si rezultat i grumbullimit të tepërt të burimeve natyrore si palmat. Mendohet se sëmundjet kanë sjellëvdekjen e shumicës së tyre brenda disa vitesh.
3.Harapanët e qytetërimit të Luginës Hindus
Besohet se ky qytetërim u themelua për herë të parë mbi 8.000 vjet më parë, edhe pse shumica e zhvillimit të tij ndodhi rreth vitit 2500 para Krishtit. Ky qytetërim masiv u përhap në zona të Indisë, Pakistanit dhe Afganistanit të sotëm. Në kulmin e tyre, besohet se Harapanët kishin një popullsi prej mbi 5 milionë banorësh!
Ata lulëzuan deri rreth vitit 1800 Para Krishtit, kur shumica e popullsisë filloi të emigronte nga qytetet e tyre. Dikur besohej se ata u dëbuan nga një pushtim Arian. Por kërkimet e viteve të fundit, thonë së shkaktar i rënies se tyre ishte një ndryshim në ciklin e Musonit, që ndikoi shumë në aftësinë e tyre për të prodhuar të korra. Thatësirat dhe përmbytjet, mund t’u jenë shtuar ngjarje të tjera natyrore si tërmetet ose epidemitë.
4.Thonis, Egjipt
Në fillim besohej të ishte një mit, por u zbulua se ka ekzistuar vërtet në fillim të viteve 2000. Ky qytet egjiptian u zhduk nën dallgët e detit shekuj më parë. Zhytësit anë gjetur objekte të ndryshme të fshehura në baltë në brigjet e Egjiptit. Disa nga artefaktet e gjetura përfshinin copëza qeramike, bizhuteri, monedha, llamba dhe rrënoja të një tempulli.
Ekspertët besojnë se Thonis (i quajtur edhe Thonis–Heracleion) u krijua rreth 2700 vjet më parë në gjirin e sotëm Abu Kir. Ai kontrollonte shumicën e trafikut detar që hynte në Egjipt nga Evropa për tregti. Besohet se në një moment Thonis u braktis, dhe qytetet e tjera u bënë qendrat kryesore tregtare kur një sërë fatkeqësish natyrore e goditën atë. Këto ngjarje përfshinin cunami, tërmete, rritje të nivelit të detit dhe përmbytje.
5.Çatalhojuk
Ai konsiderohet shpesh si një nga vendbanimet e para urbane në botë. Ky qytetërim i humbur, i vendosur në Turqinë e sotme afro 8.000 vjet më parë, ishte i njohur për arkitekturën dhe inxhinierinë e tij unike. Banorët ecnin mbi çati, në vend se të përdornin rrugët tradicionale, pasi të gjitha ndërtesat ishin të ndërlidhura. Po ashtu, ata i varrosnin të afërmit e tyre nën dyshemenë e shtëpive të tyre. Nuk dihet me saktësi se çfarë ndodhi me popullin Çatalhojuk. Disa arkeologë mendojnë se ai u zhduk nga ndonjë sëmundje.
6.Perandoria Kmere
Ajo kishte dikur kompleksin më të madh të tempujve në botë. Kryeqyteti i tij, Angkor, kishte një sipërfaqe 402 hektarë, dhe ndodhej në qendër të Kamboxhias së sotme. Edhe pse shumë i zhvilluar, ky qytetërim ra papritur diku pas vitit 1200 Pas Krishtit. Për këtë ka shumë teoringa fatkeqësitë mjedisore, sëmundjet, deri tek ndonjë luftë e papritur. Në kulmin e tij, në Angkor banonin rreth 1 milion njerëz.
7.Kahokia
U themelua rreth 1200 vjet më parë, si një komunitet i luginës së lumenjve pranë Sent Luis në shtetin e Misurit në SHBA. Ndonëse jo aq i madh sa qytetërimet e tjera të humbura tëpërmendura në këtë listë, mendohet se kishte një popullsi prej rreth 20.000 banorësh.
Ky qytet ishte i njohur për godinat, sheshet dhe tumat e mëdha. Për shkak të vendndodhjes së saj pranë disa lumenjve, Kahokia u përdor si një qendër tregtare. Sipas ekspertëve, popullsia e braktisi pas nga një përmbytje të madhe diku rreth vitit 1200 Pas Krishtit.
8.Minoanët
Qytetërimi Minoan u themelua gati 5000 vjet më parë në ishullin e Kretës. Ky qytetërim ishte i njohur për nivelin e lartë arsimor të popullsisë së saj, që përbëhej kryesisht nga artistë, marinarë, tregtarë dhe luftëtarë. Po ashtu Minoanët njihen si qytetërimi i parë në Evropë që përdori një gjuhë të shkruar, të quajtur Linear A. Ky qytetërimi u shkatërrua diku rreth vitit 1500 Para Krishtit, fillimisht për shkak të shpërthimi të vullkanit Thera në ishullin Santoriniaty pranë. Zonat që nuk u dëmtuan nga shpërthimi, u shkatërruan nga një cunami.
9.Qytetërimi Olmek
Ka qenë i vendosur përgjatë Gjirit të Meksikës rreth vitit 1100 Para Krishtit. Ata u quajtën Olmek sepse jetojnë në Olman ose “vendi i pemës së gomës”. Olmekët ishin të njohur për arkitekturën e tyre që përfshinte ndërtesa dhe statuja guri. Ata kishin ndërtuar me sukses ujësjellësa brenda qyteteve të tyre, një arritje mbresëlënëse për kohën.
Mjerisht ky qytetërim nisi të shembej rreth vitit 400 Para Krishtit. Të dy qytetet e saj kryesore u braktisën. Pavarësisht mungesës së provave të bollshme, ekspertët besojnë se një fatkeqësi natyrore si thatësira apo një shpërthimi i madh vullkanik mund të ketë shkaktuar një rënie drastike të të korrave të tyre. Por mund të ketë pasur një luftë brutale midis Olmekëve dhe komuniteteve të tjera lokale. / ancient origins/ KultPlus.com
Alain Robert, alpinisti i lirë i quajtur “Spiderman francez”, u ngjit në një rrokaqiell 48-katësh në Paris të shtunën, duke përmbushur një synim që i kishte vënë vetes pasi mbushi moshën 60 vjeç, shkruan Reuters, transmeton KultPlus.
I veshur me të kuqe, Roberti ngriti krahët lart ndërsa arriti në majë të ndërtesës 187 metra (613 këmbë) Tour TotalEnergies, e cila ngrihet mbi zonën e biznesit La Defense të kryeqytetit francez.
“Dua t’u dërgoj njerëzve mesazhin se të jesh 60 nuk është asgjë. Mund të bësh ende sport, të jesh aktiv, të bësh gjëra përrallore,” tha Roberti, ditëlindja e 60 të cilit ishte muajin e kaluar.
“Ia premtova vetes disa vite më parë se kur të mbushja 60 vjeç, do të ngjitesha përsëri në atë kullë, sepse 60-ta simbolizon moshën e pensionit në Francë dhe mendova se ishte një prekje e bukur,” i tha ai Reuters.
Roberti, i cili gjithashtu donte të përdorte ngjitjen për të rritur ndërgjegjësimin për nevojën për veprim të ndryshimit të klimës, ishte ngjitur tashmë në kullën TotalEnergies në shumë raste.
Ai filloi të ngjitej në vitin 1975, duke u stërvitur në shkëmbinjtë pranë vendlindjes së tij Valence në Francën jugore. Ai filloi ngjitjen e vetme në vitin 1977 dhe shpejt u bë një alpinist më i mirë./ KultPlus.com
Milan Kundera është një shkrimtar çek që shkoi në mërgim në Francë në 1975, duke u bërë një shtetas francez i natyralizuar në vitin 1981.
Kunderas iu hoq shtetësia çekosllovake në vitin 1979; ai mori nënshtetësinë çeke në vitin 2019. Ai “e sheh veten si një shkrimtar francez dhe këmbëngul se vepra e tij duhet të studiohet si letërsi franceze dhe të klasifikohet si e tillë në libraritë”.
Për kënaqësinë e lexuesve tanë ne kemi sjellë një përzgjedhje të thënieve më të bukura nga librat dhe punimet e shkrimtarit.
Por kur të fortët ishin shumë të dobët për të lënduar të dobëtit, të dobëtit duhej të ishin aq të fortë sa të largoheshin.
Dy njerëz të dashuruar, të vetëm, të izoluar nga bota, kjo është aq e bukur.
Nuk mund të matet dashuria e ndërsjellë e dy qenieve njerëzore me numrin e fjalëve që shkëmbejnë.
Kur zemra flet, mendja e sheh të pahijshme të kundërshtojë.
Burimi i frikës është në të ardhmen dhe një person i çliruar nga e ardhmja nuk ka asgjë për t’u frikësuar.
Dashuria është malli për gjysmën e vetes që kemi humbur.
Budallallëku i njerëzve vjen nga të paturit një përgjigje për gjithçka, risia në gjithë këtë është të paturit një pyetje për gjithçka.
Dëshira jonë për rregullsi përpiqet ta kthejë botën e njerëzve në mbretërinë e inorganikes, në të cilën gjithçka ecën përpara dhe vepron sipas një rendi jopersonal. Dëshira për rend është, në të njëjtën kohë, një dëshirë për vdekje. Sepse jeta është një ndryshim i përhershëm i rendit.
Një person që dëshiron të largohet nga vendi ku jeton është një person i palumtur.
E vetmja gjë që ajo tha kur ai e liroi nga përqafimi i tij ishte: “Ti nuk e di sa e lumtur jam që jam me ty”. Kjo ishte ajo që natyra e saj e rezervuar e lejoi të shprehte.”
Ne kurrë nuk mund të dimë se çfarë të dëshirojmë, sepse, duke jetuar vetëm një jetë, nuk mund ta krahasojmë atë me jetët tona të mëparshme dhe as ta përsosim në jetët tona të ardhshme.
Sepse në këtë botë çdo gjë është e falur paraprakisht dhe për këtë arsye gjithçka lejohet në mënyrë cinike.
Nuk ka perfeksion, vetëm jetë.
Dashuritë janë si perandoritë: kur ideja mbi të cilën bazohen shkatërrohet, ato gjithashtu zbehen.
E vetmja marrëdhënie që mund t’i bëjë të lumtur të dy partnerët është ajo në të cilën sentimentalizmi nuk ka vend dhe asnjëri nga partnerët nuk pretendon për jetën dhe lirinë e tjetrit.
Nuk do ta dimë kurrë pse e acarojmë njëri-tjetrin, çfarë është ajo që na bën të sjellshëm apo qesharak. Imazhi ynë është misteri ynë më i madh.
Një libër i ndaluar në vendin tuaj do të thotë pafundësisht më shumë se miliarda fjalë të nxjerra nga universitetet tona.
Lufta e njeriut kundër pushtetit është lufta e kujtesës kundër harresës.
Sepse nuk ka asgjë më të rëndë se dhembshuria. As dhimbja jonë nuk peshon aq e shumë sa dhimbja që ndjen me dikë, për dikë, një dhimbje e intensifikuar nga imagjinata dhe e zgjatur me njëqind jehona.
Ekziston një pjesë e caktuar e të gjithëve ne që jeton jashtë kohës. Ndoshta ne bëhemi të vetëdijshëm për moshën tonë vetëm në momente të jashtëzakonshme dhe shumicën e kohës jemi pa moshë.
Shansi dhe vetëm shansi ka ë një mesazh për ne. Çdo gjë që ndodh nga nevoja, gjithçka që pritet, e përsëritur ditë pas dite, është e heshtur. Vetëm rasti mund të na flasë.
Po, është një fakt i njohur për ty: je si vdekja, merr gjithçka.
Unë nuk isha hipokrit, me një fytyrë të vërtetë dhe disa të rreme. Kisha disa fytyra sepse isha i ri dhe nuk e dija kush isha apo doja të isha.
Të qeshësh është të jetosh thellë.
Njeriu është përgjegjës për injorancën e tij.
Të jetosh është të jesh i lumtur: të shohësh, të dëgjosh, të prekësh, të pish, të hash, të urinosh, të defekosh, të zhytesh në ujë dhe të shikosh qiellin, të qeshësh dhe të qash.
Në sipërfaqe, një gënjeshtër e kuptueshme; poshtë, e vërteta e pakuptueshme.
Për fat të mirë, gratë kanë aftësinë e mrekullueshme për të ndryshuar kuptimin e veprimeve të tyre pas ngjarjes.
Ndonjëherë ju vendosni për diçka pa e ditur pse, dhe vendimi juaj vazhdon nga fuqia e inercisë. Çdo vit bëhet më e vështirë të ndryshosh.
Tomas nuk e kuptoi në atë kohë se metaforat janë të rrezikshme. Metaforat nuk duhen anashkaluar. Një metaforë e vetme mund të lindë dashuri.
Lumturia është dëshira për përsëritje.
Testi i vërtetë moral i njerëzimit, testi i tij themelor…përbëhet nga qëndrimi i tij ndaj atyre që janë në mëshirën e tij: kafshëve.
Sa më e madhe të jetë paqartësia, aq më e madhe është kënaqësia.
Të rebelohej kundër lindjes së një gruaje asaj i dukej po aq budallallëk sa të krenoheshe me të.
Vlera e një qenieje njerëzore qëndron në aftësinë për të zgjeruar veten, për të dalë jashtë vetes, për të ekzistuar me dhe për njerëzit e tjerë.
Pa e kuptuar, individi e kompozon jetën e tij sipas ligjeve të bukurisë edhe në kohët e fatkeqësisë më të madhe.
Unë kam një vullnet të fortë për të të dashur në përjetësi.
Disa tinguj të lehtë, me një melodi melankolike, nisin të thyejnë ngadalë heshtjen nëpër qelitë e burgut të Burrelit, një natë pranvere të vitit 1956. Ishte zëri i Gac Çunit, djali shkodran që po jetonte ditët e fundit të jetës së tij, në qelinë e burgut të Burrelit.
Kënga nisi të ngjallë shpirtrat e burgosur të atyre njerëzve, që po vuanin pa faj nëpër qelitë e atij burgu. Ishte kënga e fundit, melodia e fundit e djalit 20-vjeçar. I kushtohej dashurisë së tij të humbur, vajzës shkodrane me kaçurrela, që kishte mbetur imazh i largët për zemrën e djalit të burgosur. Kaçurrelat e vajzës së bukur që kishte qenë dashuria e tij platonike, që do të mbetej në mendjen dhe zemrën e tij, si një hije që endej nëpër rrugicat e bukura të qytetit, atje ku Gaci kishte jetuar ato pak vite rinie, i lirë.
Natyra t’fali, bardh – o si bora, Unë përmbas tejet, jetën e bora; Oh! Se dy sytë m’i kanë verbue, M’i kanë verbue moj kaçurrelat Kaçurrelat e tu. Aman kaçurrelat, kaçurrelat e tu!
M’i ke faqet, t’kuq – o si gjaku, Se me ty vashë m’ka xan maraku; Oh! Se marakun ma kanë shtue Ma kanë shtue moj kaçurrelat, Kaçurrelat e tu. Aman kaçurrelat, kaçurrelat e tu!
Përmes vuajtjeve që i sillte tuberkulozi, kur villte gjak e rënkonte papushim nga dhimbja, ai kompozoi aty nëpër qeli, këngën për dashurinë e humbur “Kaçurrelat e tu”. E këndoi menjëherë, duke e ndarë me bashkëvuajtësit e tij brengën për dashurinë e tij të humbur. Ishte mësues dhe kompozitor i talentuar i brezit të tij.
Gac Çunilindi në vitin 1926, në Shkodër. Kreu Seminarin Jezuit dhe Liceun e Shtetit në Shkodër. Pas diplomimit, punoi si mësues në Bajzë të Kastratit, ku dhe u arrestua me akuzën se kishte takuar të vëllanë e arratisur dhe se kishte komunikuar dhe ndihmuar dajën e tij, që ishte asokohe i arratisur si antikomunist, në malet e Dukagjinit.
Akuzohej gjithashtu, se kishte pasur lidhje me një klerik patriot, si Pader Çiril Cani, kur ai ishte me shërbim në Koplik, atje ku Gaci kishte qenë mësues.
Në akuzën e sigurimit të shtetit, thuhej se Gac Çuni nuk e kishte dashur komunizmin. …Se i kishte shkruar një letër dajës së tij në malet e Dukagjinit dhe e kishte ndihmuar atë, me ushqim e rroba për të mbijetuar nëpë ato male.
Gac Çuni dha shpirt në burgun e Burrelit, përmes dhimbjes së papërshkrueshme nga sëmundja e rëndë e tuberkulozit, për të cilën autoritetet e burgut, ndaluan ndihmën mjekësore. Dha shpirt, ashtu i drobitur nga sëmundja e rëndë, larg familjes e shoqërisë, larg “kaçurrelave të saj”./kujto.al/KultPlus.com
Presidenti i ShBA-së, Joe Biden dhe Zonja e Parë, Jill Biden, kanë shprehur ngushëllime për vdekjen e Mbretëreshës Elizabeth II, duke thënë se Madhëria e saj ishte më shumë sesa një monarkë dhe se përcaktoi një epokë.
“Në një botë me ndryshime të vazhdueshme, ajo ishte një prani e qëndrueshme dhe një burim ngushëllimi dhe krenarie për brezat e britanikëve, duke përfshirë shumë që nuk e kanë njohur kurrë vendin e tyre pa të”, thuhet në njoftim.
“Një admirim i vazhdueshëm për Mbretëreshën Elizabeth II bashkoi njerëzit në të gjithë CommonWealth. Shtatë dekadat e mbretërimit të saj historik dëshmuan një epokë përparimi të paparë njerëzor dhe marshimin përpara të dinjitetit njerëzor”.
“Ajo ishte monarkja e parë britanike me të cilën njerëzit në mbarë botën mund të ndjenin një lidhje personale dhe të menjëhershme – pavarësisht nëse e dëgjuan në radio si një princeshë e re duke folur me fëmijët e Mbretërisë së Bashkuar, ose u mblodhën rreth televizorëve të tyre për kurorëzimin e saj. Dhe ajo nga ana e saj ia kushtoi gjithë jetën shërbimit të tyre”.
Sepse të dua, i egërsuar, Po vi tek ti në këto nete. Me që ti kurrë s’më ke harruar Dhe shpirtin tënd mora me vete.
Me mua ësht’ e më përket përfare. Të mira, të liga, këtu do t’i shkojë. Prej dashuris’ sime përvëlimtare S’ka engjëll që mund të të çlirojë./ KultPlus.com
Princesha e Uellsit ka takuar zonjën e parë të Ukrainës përpara funeralit të Mbretëreshës.
Kate mbajti një audiencë me Olena Zelenska në Pallatin këtë pasdite, pak pasi gruaja e Presidentit Volodymyr Zelensky vizitoi sallën e Westminster për të parë Mbretëreshën e shtrirë.
Downing Street kishte refuzuar më parë të konfirmonte raportet se Zelenski do të udhëtonte në Britaninë e Madhe për funeralin, ndërsa burri i saj mbetet në Ukrainë duke luftuar pushtimin rus.
Presidenti Zelensky, megjithatë, gjeti kohë për të nënshkruar nga distanca një libër ngushëllimi për Mbretëreshën./ KultPlus.com
Projekti i ardhshëm i Matthew McConaughey nuk është duke u realizuar më.
Vetëm gjashtë javë larg fillimit të xhirimeve, kompania e prodhimit Skydance Media ka vendosur të mos vazhdojë para me “Dallas Sting”, një film biografik i bazuar në historinë e Bill Kinder, një trajner legjendar i futbollit për femra nga vitet e 80-ta, sipas The Hollyood Reporter.
McConaughey ishte caktuar të luante si në rolin e Kinder në këtë film.
Media raportoi se producentët e filmit thuhet se morën “akuza shqetësuese rreth aspekteve të historisë së vërtetë në të cilën u bazua drama”.
Sipas The Daily Mail, filmi u anulua pasi i hodhën akuza kundër Kinder, 83 vjeçar, për të cilat thanë se iu dërguan kompanisë së prodhimit.
Në një letër nga një burim i panjohur, Kinder u akuzua se i thërriste lojtarët me “nofka të papërshtatshme” , raportoi The Daily Mail.
Duke folur për median, trajneri i Dallasit mohoi akuzat dhe tha se letra “ishte goxha e fshehtë”. “Nuk kishte asgjë atje, asgjë nuk ka ndodhur kurrë,” tha ai.
Skydance Media nuk i është përgjigjur menjëherë pyetjeve së PEOPLE për koment, por as edhe përfaqësuesi i McConaughey.
Filmi do të rrëfente rrugëtimin e Kinder dhe ekipit të femrave “Dallas” në kampionatet botërore dhe fitoret e tyre ndaj Australisë, Japonisë, Kinës dhe Italisë, sipas The Hollywood Reporter.
Oktoberfest është kthyer në Gjermani pas një pauze dyvjeçare për shkak të pandemisë COVID-19.
Mijëra vizitorë tashmë u mblodhën në vend përpara hapjes zyrtare të festivalit më të madh të birrës në botë, të udhëhequr nga kryetari i bashkisë së Munihut, Dieter Reiter, i cili goditi fuçinë e parë me një çekiç dhe e shpalli ngjarjen të hapur.
Kryebashkiaku ka respektuar traditën dhe i ka dorëzuar filxhanin e parë të birrës kryeministrit bavarez, Markus Soeder, së bashku me të cilin ngriu dolli për një festë të qetë.
Oktoberfest, i cili do të zgjasë deri më 3 tetor, nuk përfshin masa specifike kundër COVID-19, megjithëse autoritetet kanë rekomanduar që pjesëmarrësit të bëjnë një test nëse kanë simptoma dhe të mos vijnë nëse janë të sëmurë./ KultPlus.com
MUNICH, GERMANY – SEPTEMBER 21: Revelers cheer with 1-liter-mugs of beer during the opening weekend of the 2019 Oktoberfest on September 21, 2019 in Munich, Germany. This year’s Oktoberfest, which will draw millions of visitors from all over the world, will run from October 21 through October 6. (Photo by Johannes Simon/Getty Images)
Një mozaik i zbukuruar bizantin në dysheme që tregon një shumëllojshmëri zogjsh shumëngjyrësh dhe kafshë të tjera është zbuluar rastësisht në Gaza pasi një fermer palestinez u përpoq të mbillte pemë të reja në tokën e tij, shkruan Reuters, transmeton KultPlus.
Salman al-Nabahin e zbuloi reliken gjashtë muaj më parë ndërsa punonte në kopshtin e tij të ullirit në kampin e refugjatëve Bureij, rreth një kilometër (0.5 milje) nga kufiri me Izraelin.
Duke u përpjekur të kuptojë pse disa pemë nuk kishin zënë rrënjë siç duhet, Nabahin tha se ai dhe djali i tij filluan të gërmojnë. Pastaj sëpata e djalit goditi diçka të fortë dhe të panjohur në pamje.
“Kërkova në internet… Mësuam se ishte mozaik i epokës bizantine,” tha babai i shtatë fëmijëve, i ulur pranë zbulimit të tij. “Unë e shoh atë si një thesar, më të shtrenjtë se një thesar. Nuk është personal, i përket çdo palestinezi.”
Ministria Palestineze e Turizmit dhe Antikiteteve tha se dyshemeja përfshinte disa panele mozaiku që përshkruanin kafshë dhe tipare të tjera të jetës shoqërore gjatë epokës bizantine./ KultPlus.com
Regjisori hollivudian Woody Allen ka njoftuar tërheqjen e tij nga kinematografia teksa po punon për filmin e tij të 50-të dhe të fundit në Evropë. Ishte e pashmangshme, por pak a shumë u konfirmua nga vetë ai i cili ndodhet në Spanjë, shkruan faqja wordofreel.com.
Njoftimi erdhi në një intervistë me ”LaVanguardia”. Allen deklaroi se ”nuk kishte dëshirë të bënte më filma, por se donte të shkruante një roman në vitet e tij të mëvonshme”.
Duke folur për filmin e fundit, të xhiruar në Paris dhe tërësisht në frëngjisht, Allen deklaroi se “do të jetë i ngjashëm me ‘Match Point’, emocionues, dramatik dhe gjithashtu shumë i piketuar”.
Allen mori një rekord 16 nominime për çmimin Oscar për skenarin më të mirë. Veprat e tij kryesore, të paktën për mua, do të jenë gjithmonë Annie Hall,” “Crimes and Misdemeanors,” “Hannah and Her Sisters,” “Husbands and wives,” and “The Purple Rose of Cairo.”
Grupi tjetër i artikujve thelbësorë të Woody janë “Broadway Danny Rose”, “Zelig”, “Radio Days”, “Bullets Over Broadëay”, “Midnight in Paris”, “Blue Jasmine”, “Match Point”, “Sleeper”, “Bananas dhe ”Manhattan”.
