Këngëtarja me famë botërore, Dua Lipa e ka shfrytëzuar rrjetin social Instagram për ta bërë publik emrin e mysafires së parë e cila do të marrë pjesë në koncertin e saj virtual “Studio 2054”. Ajo është artistja e talentuar FKA Twigs.

Përmes postimit të saj, pop ylli me prejardhje kosovare e ndau një fotografi krahas këngëtares, të shoqëruar me mbishkrimin: “Shumë e lumtur t’iu lajmëroj se FKA Twigs do të na bashkohet në koncertin STUDIO 2054 me një performancë shumë speciale!!!

Me ta bërë publik lajmin e organizimit të koncertit virtual “Studio 2054” i cili do të mbahet në një depo, Lipa e quajti këtë ngjarje një eksperiencë e re multidimensionale e drejtpërdrejt.

Përveç artistes FKA Twigs, edhe yje të tjerë janë kontraktuar për të interpretuar në koncertin e 27 nëntorit, por emrat e tyre nuk janë publikuar ende, transmeton Koha.

View this post on Instagram

A post shared by DUA LIPA (@dualipa)

Ngjarja “Studio 2054” do të jetë një mbrëmje e mbushur me muzikë, performanca, aktrim, vallëzim dhe shumëçka tjetër. Në të, bukuroshja britaniko-kosovare pritet t’i ndërrojë disa kostume dhe skenat ku ajo interpreton do të ndryshojnë nga njëra-tjetra. Gjatë performancave ajo po ashtu do të shoqërohet nga disa muzikant, valltarë, akrobat të ndryshëm, dhe mysafirë special identiteti i së cilëve po mbahet i fshehtë.

Sa i përket këngëve që do të interpretohen në koncert, besohet se Lipa do t’i kthehet edhe hiteve të saja të mëparshme dhe natyrisht, për herë të parë do t’i performojë live disa prej këngëve të albumeve, “Future Nostalgia” dhe “Club Future Nostalgia”.

“Studio 2054” do të transmetohet live në orë të ndryshme, varësisht prej territoreve dhe biletat për të fituar qasje për ta parë shoun, tashmë janë në dispozicionin e publikut. Madje përmes një postimi të fundit në Instagram, Lipa i ka publikuar edhe emrat e shteteve të Ballkanit ku do të transmetohet kjo ngjarje muzikore, përfshirë këtu edhe Kosovën, Shqipërinë, Maqedoninë e Veriut dhe Serbinë.

Më 30 tetor Lipa e lansoi këngën e re me titull “Fever” në bashkëpunim me artisten belge, Angèle, e cila u mirëprit nga fansat e dy këngëtareve.

Ndërkaq, pop këngëtarja FKA Twigs së fundmi e bëri të ditur lajmin se e ka përfunduar albumin e ri muzikor, i cili vjen pas atij të vitit 2019, “MAGDALENE”. / KultPlus.com

Dua Lipa ka disa ditë që po e promovon koncertin e saj virtual me titull “Studio 2054”, i cili transmetohet live më 27 nëntor si dhe po i fton fansat ta shoqërojnë atë në këtë ngjarje madhështore dhe mjaft të rëndësishme për këngëtaren me prejardhje kosovare.

Koncerti do të transmetohet live në orë të ndryshme, varësisht prej territoreve dhe biletat për të fituar qasje për ta parë shoun, tashmë janë në dispozicionin e publikut. Madje përmes një postimi të fundit në Instagram, Lipa i ka publikuar edhe emrat e shteteve të Ballkanit ku do të transmetohet kjo ngjarje muzikore, përfshirë këtu edhe Kosovën, Shqipërinë, Maqedoninë e Veriut dhe Serbinë, transmeton Koha.

Nuk dihet nëse koncerti i kantautores me prejardhje kosovare dhe famë botërore do të mirëpritet në Serbi, sidomos pas debatit që Lipa pati nxitur në këtë shtet për shkak se i kishte bërë thirrje kompanisë Apple, për përfshirjen e Kosovës si shtet në hartën e saj. Ky veprim i Duas zgjoi reagime të shumta tek serbët të cilët nuk hezituan që pakënaqësinë e tyre ta shprehin në forma të ndryshme përmes rrjeteve sociale. Madje, ata e sulmuan aq ashpër me mesazhe fyese Dua Lipën, sa ajo e gjeti mënyrën më të mirë për t’iu kundërpërgjigjur, me postimin e një fotografie ku shihet flamuri shqiptarë dhe poshtë saj e shpjegon kuptimin e fjalës “Autochthonous”, që do të thotë një banor i një vendi autokton dhe jo i ardhur nga imigrantët ose kolonistët.

“Studio 2054” do të jetë një mbrëmje e mbushur me muzikë, performanca, aktrim, vallëzim dhe shumëçka tjetër. Të gjitha këto të bashkuara në një përvojë multi-dimensionale të drejtpërdrejtë.

Kështu Dua Lipa bëhet ylli i fundit i muzikës që po iu ofron adhuruesve mundësinë ta shohin duke interpretuar live në këtë kohë kur koncertet fizike janë pezulluar anembanë botës, si pasojë e koronavirusit. Ata do të ketë mundësi ta shohin idhullin e tyre duke performuar në një koncert virtual, një eksperiencë kjo e re për publikun.

Përgjatë koncertit i cili do të mbahet në një depo, Dua Lipa pritet t’i ndërrojë disa kostume dhe skenat ku ajo performon do të ndryshojnë nga njëra-tjetra. Gjatë performancave ajo po ashtu do të shoqërohet nga disa muzikant, valltarë, akrobat të ndryshëm, dhe mysafirë special identiteti i së cilëve po mbahet i fshehtë.

Sa i përket këngëve që do të interpretohen në koncert, besohet se Lipa do t’i kthehet edhe hiteve të saja të mëparshme dhe natyrisht, për herë të parë do t’i performojë live disa prej këngëve të albumeve, “Future Nostalgia” dhe “Club Future Nostalgia”. / KultPlus.com

Dua Lipa i ka ftuar fansat ta shoqërojnë në koncertin virtual me titull “Studio 2054”, i cili do të transmetohet live më 27 nëntor të këtij viti.

Kantautorja me prejardhje kosovare dhe me famë botërore, është ylli i fundit i muzikës që po iu ofron adhuruesve mundësinë ta shohin duke interpretuar live në këtë kohë kur koncertet fizike janë pezulluar anembanë botës, si pasojë e koronavirusit.

Kështu, ata do të ketë mundësi ta shohin idhullin e tyre duke performuar në një koncert virtual, një eksperiencë kjo e re për publikun.

Ngjarja “Studio 2054” do të jetë një mbrëmje e mbushur me muzikë, performanca, aktrim, vallëzim dhe shumëçka tjetër, transmeton Koha. Të gjitha këto të bashkuara në një përvojë multi-dimensionale të drejtpërdrejtë.

Përgjatë koncertit i cili do të mbahet në një depo, Dua Lipa pritet t’i ndërrojë disa kostume dhe skenat ku ajo performon do të ndryshojnë nga njëra-tjetra. Gjatë performancave ajo po ashtu do të shoqërohet nga disa muzikant, valltarë, akrobat të ndryshëm, dhe mysafirë special identiteti i së cilëve po mbahet i fshehtë.

Sa i përket këngëve që do të interpretohen në koncert, besohet se Lipa do t’i kthehet edhe hiteve të saja të mëparshme dhe natyrisht, për herë të parë do t’i performojë live disa prej këngëve të albumeve, “Future Nostalgia” dhe “Club Future Nostalgia”.

Koncerti “Studio 2054” do të transmetohet live në orë të ndryshme, varësisht prej territoreve dhe biletat për të fituar qasje për ta parë shoun, tashmë janë në dispozicionin e publikut.

Në fillim të vitit 2020, Dua Lipa e publikoi albumin e saj të dytë muzikor me titull “Future Nostalgia”, dhe vetëm disa muaj më vonë e solli edhe një version të ri të këtij incizimi, “Club Future Nostalgia”, të realizuar në bashkëpunim me producenten, The Blessed Madonna. Muajin e kaluar këngëtarja e famshme e publikoi një version të ri të hitit “Levitating”, i cili e përfshinte reperin DaBaby, duke e shënuar bashkëpunimin e radhës së Duas me artistë të shquar të skenës muzikore.

Ndërkaq, më 30 tetor Lipa e lansoi këngën e re me titull “Fever”, në bashkëpunim me artisten belge, Angèle. Kësaj kënge pritet t’i publikohet edhe një videoklip këtë të premte. / KultPlus.com

Këngëtarja shqiptare e njohur botërisht, Dua Lipa, ka lajmëruar se e ka shtyrë turneun e saj evropian për vitin e ardhshëm.

Ajo është shprehur me zemër të thyer teksa ka ndarë këtë lajm me fansat e saj, por rrethanat e shkaktuara nga Covid-19 e detyruan të marrë këtë vendim.

Turneu është shtyrë për muajin shtator dhe tetor të vitit 2021.

“Me një zemër të rënduar do të shtyj turneun tim të ardhshëm evropian për në shtator dhe tetor 2021. Ne kemi vazhduar të monitorojmë këtë situatë të paparë dhe në ndryshim, dhe është bërë e qartë se nuk është e mundur të vazhdohet me turneun në janar dhe shkurt”, ka shkruar Dua.

Tutje Dua ka njoftuar fansat që ti ruajnë biletat sepse ato mbesin të vlefshme për datat e planifikuara.

“Më mungon të jem në turne, më së shumti gjatë kësaj kohe dhe mezi pres të ribashkohem me të gjithë dhe të festojmë! Në ndërkohë ju premtoj se do të shfaqen disa gjëra zbavitëse që shpresoj se do t’ju mbajnë gjatë gjithë kohës. Qëndroni të sigurt dhe kujdesuni për veten tuaj”, shkruan Dua. / KultPlus.com