“T’padashtun” nga Edon Rizvanolli, shkon në Santa Barbara International Film Festival

Filmi i metrazhit të gjatë “T’padashtun” me skenar e regji nga Edon Rizvanolli, është përzgjedhur për tu shfaqur gjatë edicionit të 33-të të Santa Barbara International Film Festival në Kaliforni, shkruan KultPlus.

Lajmin e ka bërë të ditur vetë skenaristi dhe regjisori Rizvanolli, i cili është shprehur shumë i lumtur për këtë gjë.

“Jam i lumtur qe “T’padashtun” eshte perzgjedhur per tu shfaqur gjate edicionit the 33te te Santa Barbara International Film Festival”, ka shkruar Rizvanolli në rrjetin social Facebook. http://sbiff.org/2018-sbiff-films/

Ky film sjellë në rolet kryesore Adriana Matoshin dhe Jason de Ridder si dhe në role të vijnë aktorët: Besnik Krapi, Shkumbin Istrefi, Bislim Mucaj, Xhejlane Tërbunja… filmi është mbështetur nga Qendra Kinematografike e Kosovës./ KultPlus.com

Kosova gjatë vitit 2017 ishte e pranishme në 5 festivale të kategorisë ‘A’

Filmat e mbështetur nga QKK, ndër vite kanë pasur suksese të shumta në festivale ndërkombëtare, duke qenë të pranishme edhe në shumë festivale të kategorisë ‘A’.

Vetëm brenda këtij viti filmat kosovar kanë pasur premierë në 5 festivale të kategorisë ‘A’, gjë që shënon suksesin më të madh deri më tani.

Duke filluar me filmin ‘T’padashtun’ nga Edon Rizvanolli i cili u dha premierë në Karlovy Vary International Film Festival dhe në International Film Festival në Indi Goa, pastaj filmi ‘Rooftop Story’ nga Gazmend Nela i cili pati premierën në Montreal World Film Festival, filmi shkurtër ‘Një Muaj’ nga Zgjim Terziqi që u shfaq premierë në Cairo International Film Festival si dhe filmi i metrazhit të gjatë ‘Martesa’ nga Blerta Zeqiri që pati premierën në Tallinn Black Nights Film Festival, gjithashtu festival i kategorisë ‘A’, nga ku triumfoi me dy çmime, çmimi i kritikës ‘Fipresci Award’ si dhe çmimi special për ansamblin më të mirë të aktorëve.


Këta filma përveç premierës u shfaqen edhe në festivale tjera ndërkombëtare, pa lënë anash edhe filmat e vitit 2016, të cilët vazhduan shfaqjen në festivale të ndryshme si: filmi ‘Home Sweet Home’ nga Faton Bajraktari, ‘Eho’ nga Dren Zherka, ‘Home’ nga More Raça etj./KultPlus.com

Propozimi i Kosovës për Oscar – ‘T’padashtun’ është shfaqur në LA Screenings

Filmi ‘T’padashtun’ nga Edon Rizvanolli është shfaqur në LA Screenings me datë 3 nëntor nën ombrellën e European Film Promotion (EFP), e cila çdo vit fokusohet në shfaqjen dhe promovimin e filmave evropian të propozuar për Akademinë Oscar, shkruan KultPlus.

Ky film do të shfaqet edhe sot në Chapman University ku do të jetë prezent edhe regjisori Edon Rizvanolli. ‘T’padashtun’ është dramë e cila merret me pasojat dhe traumat e shkaktuara nga lufta e vitit 1999 në Kosovë. Filmi trajton ngjarjen e një adoleshenti i cili jeton me nënën e tij kosovare në Amsterdam dhe që rikthimi i traumave të nënës së tij ia rrotullojnë botën. Në rolet kryesore janë Adriana Matoshi dhe Jason de Ridder.

Nga 92 filmave që garojnë për kategorinë ‘Filmi më i mirë i huaj’, 28 prej tyre do të shfaqen në kuadër të LA Screening të organizuar nga European Film Promotion. Prej këtij numri rekord të propozimeve, vetëm 9 nga 92 do të kalojnë në rrethin e ngushtë dhe në fund të janarit 2018 do të publikohen 5 filmat që do të nominohen për këtë kategori.

European Film Promotion është e mbështetur nga Creative Europe – Media Program e Bashkimit Evropian dhe nga organizatat anëtare të EFP-së, ku bënë pjesë edhe QKK-ja./KultPlus.com

Kosova me dy filma në Hagë

Në Hagë të Holandës, çdo vit mbahet festival i filmit “Eastern neighbours film festival”, ku shfaqen filma prej Evropës Juglindore.

Kosova edhe këtë vit është pjesë në këtë festival. Këtë vit ky festival ka filluar më 26 tetor dhe do të zgjasë deri më 5 nëntor.

Këtë vit Kosova paraqitet me dy filma: filmi kosovaro-gjerman “Echo” i regjisorit Dren Zherka dhe filmi kosovar-holandez “Lord of the house” i regjisorëve Danielle Bremer dhe Edon Rizvanollit, transmeton albinfo.ch./ KultPlus.com

‘T’padashtun’ merr rrugë për në Goa të Indisë dhe Kairo

Propozimi i Kosovës për Oscars – ‘T’padashtun’ nga Edon Rizvanolli do të shfaqet në dy festivale të kategorisë ‘A’ në nëntor të këtij viti, përcjellë KultPlus.

Filmi do të jetë pjesë e Festivalit Ndërkombëtar të Filmit në Indi, Goa, dhe në Festivalin Ndërkombëtar në Kairo të Egjiptit.

Ky është edicioni i 48-të i festivalit ndërkombëtar të filmit në Indi, Goa dhe konsiderohet si një ndër festivalet më të rëndësishme në Azi ndërsa Festivali Ndërkombëtar në Kairo mbanë edicionin e 39-të sivjet dhe është festivali më i vjetër në Arabi, Afrikë dhe Lindjen e Mesme.

‘T’padashtun’ është dramë e cila merret me pasojat dhe traumat e shkaktuar nga lufta e vitit 1999 në Kosovë. Filmi trajton ngjarjen e një adoleshenti i cili jeton me nënën e tij kosovare në Amsterdam dhe që rikthimi i traumave të nënës së tij ia rrotullojnë botën. Në rolet kryesore janë Adriana Matoshi dhe Jason de Ridder.

Filmi do të shfaqet edhe në edicionin e 66-të të Festivalit Ndërkombëtar të Filmit Mannheim-Heidelberg në Gjermani, festival ky i njohur për prezantimin e regjisorëve debutant përpara publikut gjerman ku do të jetë në konkurrencë ndërkombëtare pastaj në festivalin Cinedays në Maqedoni në konkurrencën Cinebalkan dhe në TIFF të Shqipërisë në konkurrencën ndërkombëtare. / KultPlus.com

“T’padashtun” edhe në Pejë

Me 6 dhe 8 tetor, prej ora 19:00, në Kinemanë Jusuf Gervalla në Pejë, vjen filmi T’padashtun” me regji të Edon Rizvanollit. Filmi “T’padashtun” gjatë muajit shtator është zgjedhur si propozimi zyrtar i Kosovës për çmimet Oskar, në kategorinë e filmit më të mirë të huaj, shkruan KultPlus.

Ky film është dramë e cila merret me pasojat dhe traumat e shkaktuara nga lufta e vitit 1999 në Kosovë. Filmi flet për një djalë të vetmuar adoleshent që jeton me nënën e tij kosovare në Amsterdam dhe që vazhdimisht hyn në telashe, ndërsa e kërkon pranimin e saj. Rikthimi i traumave të nënës së tij të shkaktuara nga lufta, të cilat ajo i’a mban të fshehura, ia rrotullojnë botën e tij përmbys.
Në rolet kryesore janë Adriana Matoshi dhe Jason de Ridder./KultPlus.com