Blerta Basholli për mediumin zviceran: Përfundova studimet me bursë në Amerikë, nuk isha prej atyre fëmijëve të pasur

Regjisorja e filmit më të suksesshëm në histori të kinematografisë së Kosovës, Blerta Basholli, ka zhvilluar një intervistë me gazetaren Tanya Konig për revistën Swizz Art Biz, përcjell KultPlus.

“Publiku reagoi për ndershmërinë e filmit”

Ishin fjalët e para të Bashollit në këtë intervistë, duke treguar se nuk ishte e fokusuar për të treguar luftën e Kosovës, por më shumë në ngjarjen se një grua ka zhvilluar biznes nga asgjëja.

“Gjithkush prej nesh është ndjerë i vogël në ndonjë moment, qoftë ajo kohë si një i ri apo për shkak të nacionalitetit tuaj, ngjyrës së trupit ose orientimit seksual. Shpresa ime ishte që publiku të mund të simpatizonte Fahrije Hotin”, ka thënë Basholli.

Regjisorja e filmit që shkroi histori në Festivalin e Filmit “Sundance”, duke fituar tre çmimet kryesore, vazhdon tutje duke treguar aventura e filmit “Zgjoi” në Zvicër.

“Në Cyrih kishte shumë publik shqiptarë. Disa nuk ishin të kënaqur me mënyrën se si portretizoheshin disa burra. Gjithsesi më falënderuan dhe thanë se ndonjëherë e vërteta dhemb, por duhet thënë. Filmi filloi shumë mirë në Kosovë dhe aktualisht është filmi më i shikuar”.

Foto : Astrit Ibrahimi

“Filmin erdhën tshihnin dy kosovarë të cilët prej 35 vitesh jetojnë në Zvicër dhe nuk kanë qenë kurrë më parë në kinema”

E pyetur se pse është kaq e rëndësishme përfaqësimi në një vend të huaj, 39 vjeçarja thotë se kur jeni në një vend të huaj, ndiheni të vogël. “Kjo është arsyeja pse njerëzit duan që të publikohen gjëra të mira për origjinën e tyre, njerëz të shumtë u çuditen me faktin që një film nga Kosova po shfaqet në Zvicër. Në audiencë ishin edhe dy kosovarë të cilët prej 35 vitesh jetojnë në Zvicër dhe nuk kanë qenë kurrë më parë në kinema. Ata më falënderuan për portretizimin e një gruaje me të cilën mund të identifikoheshin. Për mua ishte një përmbushje, sepse ky audiencë nuk është e lehtë për t’u arritur”.

Fahrije Hoti është një grua me shumë pak mbështetje në film, por megjithatë edhe burrat e kanë ndihmuar atë që të arrij sukses në zhvillimin e një biznesi. Gazetarja tutje shtroi pyetjen nëse nga filmi dëshironte të përcjellte mesazhin “gratë e mira – burra të këqij”, por Basholli thotë se ne nuk duhet të shohim vetëm njerëzit e këqij. Në film shohim edhe personazhe pozitivë meshkuj, si pronari i supermarketit që ndihmon Fahrijen. As vjehrri nuk është personazh negativ. Ai përpiqet të jetë sa më mbështetës që mundet. Ai është i kapur edhe pas traditës, por në të njëjtën kohë ka dëshirë ta ndihmojë atë. Situata nuk është e lehtë as për të, edhe ai ka humbur djalin. Natyrisht, nuk munguan as ata që e ofenduan Fahrijen në publik dhe e gjuanin me gurë. Kur filmi u shfaq në qytetin fqinj, disa u ndjenë të ofenduar. Por në përgjithësi, publiku e vlerësoi filmin sepse tregon emancipimin dhe qëndrueshmërinë e Fahrijes.

Sa i përket rolit të Fahrijes pas zhdukes së bashkëshortit të saj në shoqëri, nuk ishte i “vdekur”. Njerëzit presin që një e ve të mbyllet në shtëpi, të mos veshë grim ose rroba me ngjyra të ndezura dhe të vajtojë humbjen e burrit të saj. Sapo dikush nuk e bën këtë, personi blasfemohet. Fahrijes i thanë të mos punonte si e ve. Por kjo nuk ishte një opsion për të. Ajo gjithmonë donte të punonte, edhe kur burri i saj ishte ende gjallë. Nëse ai do të ishte gjallë, ata ndoshta do ta kishin ndërtuar biznesin së bashku. Dhe megjithëse nuk studioi kurrë, ajo nuk mund të identifikohej si shtëpiake. Pas luftës, ajo gjithashtu duhej të merrte më shumë përgjegjësi dhe të luante rolin e gruas dhe burrit në shtëpi në të njëjtën kohë. Këtë e bëri edhe për hir të fëmijëve të saj, përndryshe do të ishte çmendur dhe kjo nuk do t’i ndihmonte askujt. Natyrisht që dhimbja e humbjes është ende aty, edhe pas më shumë se 20 vitesh Fahrije Hoti pret kthimin e bashkëshortit.

“Gjatë shkrimit të skenarit, unë dhe Yllka Gashi u bëmë nëna”

Gjatë shkrimit të skenarit, Blerta Basholli dhe Yllka Gashi, protagonistja e filmit, u bënë nëna. “Ne u përpoqëm të kuptonim se si ndiheshe që duhet të rrisësh fëmijët e tu vetëm gjatë luftës. Është e vështirë të rritësh fëmijë në një shoqëri kur burri zhduket në të njëjtën kohë. Ne ndamë edhe përvojat tona të luftës, duke u munduar të empatizojmë Fahrijen”.

Basholli përmend edhe faktin se është rritur në një shoqëri patriarkale dhe kjo gjë shpesh herë e ka penguar atë në punën e saj, megjithatë në fund ia ka dalur që të arrijë majat e botës.

“Në një moment thjesht lodhesh dhe kupton se ndonjëherë duhet të bësh më shumë se një grua. Një shembull është në familje: nuk u diskriminova nga familja ime, por duke u rritur dëgjova gjëra të tilla si “a mund ta pastrosh këtë sepse si grua duhet të jesh në gjendje”. Gjithashtu qëndrimi se gratë duhet të jenë gjithmonë të rregullta dhe të afta të gatuajnë. Në një moment e kupton se nuk mund t’i bësh të gjitha. Ndryshova ngadalë gjërat në jetën time”, thotë ajo.

“Viti 2021, ishte një vit për kineastet, shënuam suksese ndërkombëtare”

Katër vitet e fundit e kanë parë Kosovën duke paraqitur filma për Oscar përmes tre regjisorëve kosovarë, e madje “Zgjoi” duke shkruar edhe histori. “Këta filma tani kanë qenë të suksesshëm sepse janë filma të mirë. Një juri ndërkombëtare i përzgjodhi këto nga hyrjet më të mira. Viti 2021 ishte i veçantë: Katër filma nga regjisore gra kosovare u shfaqën në festivale ndërkombëtare, përfshirë në Roterdam dhe Kanë, dhe filmi i Kaltrina Krasniq, Vera Dreams of the Sea, fitoi Çmimin e Madh në Tokio. Filmi im fitoi në Sundance dhe në shumë festivale të tjera. Ishte një vit për kineastet”.

E pyetur në qoftë se zgjedhja e Fahrijes ishte e qëllimshme, ajo rrëfeu edhe historinë e njohjes dhe gjithçka tjetër.

“Zgjedhja e një gruaje si personazhi kryesor nuk ishte një vendim i vetëdijshëm. Ne e takuam Fahrijen 10 vjet më parë, atëherë askush nuk e pyeste veten nëse gratë përfaqësoheshin mjaftueshëm – madje as në Hollywood. Thjesht doja ta shfaqja karakterin e saj të fortë në ekranin e madh dhe e zgjodha për shkak të historisë së saj. Ndoshta publiku tani ka reaguar, sepse gratë në fakt nuk janë të përfaqësuara sa duhet në mbarë botën. Jo vetëm Kosova është shoqëri patriarkale. Në vende si Zvicra, SHBA apo vende të tjera demokratike dhe të zhvilluara, ka gjithashtu shumë punë për t’u bërë kur bëhet fjalë për të drejtat e grave”.

Diaspora dhe remitancat e saj të dërguara ndër vite, kanë ndihmuar shumë familje që realisht ta mbajnë vetën gjallë nga ato para.

“Dikush mendon se diaspora fiton para lehtë dhe mirë. Kur isha refugjat në Gjermani gjatë luftës, takova dajën dhe kushërinjtë e mi dhe kuptova se sa e vështirë ishte për ta të fitonin para të mjaftueshme në një vend të huaj. Aty kuptova se ata nuk janë thjesht njerëz të pasur, por punojnë shumë për këto para për të mbajtur familjet e tyre të mëdha dhe për të dërguar para në Kosovë. Prindërit dhe vëllai im gjithashtu punuan shumë. Ne kemi ndihmuar njëri-tjetrin në kohë të vështira”.

Foto: Alex Boom

“Unë nuk isha një nga fëmijët e pasur që shkoi në shkollë”

Blerta Basholli ka përfunduar studimet në Amerikë, konkretisht në qytetin e New Yorkut, por nuk ishte aspak një nga fëmijët e pasur aty.

“Kam marrë një bursë nga dekani për tarifat e shkollimit. Unë jetoja me të dashurin tim që tani është burri im. Ai punonte në SHBA, gjë që na e bëri jetën pak më të lehtë. Më lejuan të punoja vetëm 20 orë në javë. Punoja në bibliotekën e shkollës dhe për një fotograf shqiptar që punësoi bashkëshortin tim”.

E pyetur për projektin e radhës, ajo tregon se ka të bëjë me një histori të moshës së rritur të bazuar në përvojën e saj si e re në Kosovën e pushtuar.

“Jam në fazën e shkrimit dhe tashmë kemi siguruar fonde nga Zvicra për zhvillimin e skenarit. Në Kosovë praktikisht nuk keni financim në këtë fazë. Ishim vërtet me fat dhe është hera e parë që paguhem për të shkruar”, rrëfen ajo.

‘Zgjoi’ tregon historinë e vërtetë të Fahrije Hotit, një e ve nga fshati Krushë e Madhe, e cila bëhet një sipërmarrëse pasi burri i saj u zhduk gjatë luftës së Kosovës në vitet 1990. Ajo bashkon forcat me të vejat e tjera në fshat dhe prodhon specialitetin ballkanik paprika, ajvar, të cilën gratë e shesin në një supermarket. Ajo që tingëllon e thjeshtë kërkon guxim dhe shumë bindje. Gratë përjetojnë rezistencë të madhe nga burrat në fshat dhe gratë gjithashtu duhet të binden se nuk vajtojnë vetëm burrat e tyre në shtëpi.

‘Zgjoi’ është filmi i parë artistik i shqiptarit kosovar Blerta Basholli dhe ka fituar disa çmime. Tani është një nga 15 filmat në garë për një nominim për Oscar. /KultPlus.com

Tom Holland mund të drejtojë ceremoninë e çmimeve ‘Oscars’

Edicioni i 94-të i “Oscars” pritet që të drejtohet nga aktori Tom Holland, i cili shprehu interesim së fundmi për të organizuar këto çmime, shkruan Hollywood Reporter, transmeton KultPlus. Çmimet e 94-ta të Academy Awards, të planifikuara për t’u transmetuar në ABC më 27 mars, do të jenë të parat që nga viti 90, në 2018, që do të ketë një mikpritës.

Kjo do të jetë hera e parë që këto çmime do të kenë një organizator, pasi për shkak të pandemisë një gjë e tillë nuk ka qenë e mundur.

Çmimet Oscars do të transmetohen në “ABC” më 27 mars, atëherë edhe kur do të jetë mbrëmja gala.

Jimmy Kimmel, folësi rezident i ABC-së në orët e vona të natës, priti çmimet Oscar në 2017 dhe 2018, me 26.62 milionë njerëz që ndjeken transmetimin e fundit televiziv.

Vlerësimet për Oscar-et e 2019-ës pa mikpritje në fakt u rritën në 29.56 milionë, përpara se të bien në 2020 në 23.64 milionë dhe më pas të bien vitin e kaluar në 10.40 milionë.

Gjatë një interviste të fundit me The Hollywood Reporter, Tom Holland, ylli i Spider-Man: No Way Home, filmi më i madh i pandemisë, shprehu interes për organizimin e çmimeve Oscar, dhe THR ka mësuar se Akademia e ka kontaktuar atë për të eksplorojnë atë mundësi. /KultPlus.com

Audience during the 92nd Annual Academy

Nicole Kidman, Yllka Gashi e Lady Gaga në një listë, Gashi: Zemra më bëhet mal

Shtëpia e parashikimeve për çmime të ndryshme ndërkombëtare, duke përfshirë edhe Oscars, “Variety”, sot ka përfshirë aktoren Yllka Gashin në mesin e 15 aktoreve që do të përfshihen në listën e ngushtë për Çmimet e Akademisë Britanike të Filmit (BAFTA), me ç’rast ka reaguar edhe aktorja Yllka Gashi nëpërmjet një postimi në rrjetet sociale, shkruan KultPlus.

“Ta shoh emrin tim, të filmit “Zgjoi”, të Blerta Bashollit e produksionit Ikonë, e emrin e Kosovës në këso listash, më duhet ta pranoj që zemra më bëhet mal nga gëzimi e krenaria, por edhe nga mirënjohja e falenderimi që e kam për ata me të cilët kam pasur fatin e mirë ta bëjmë këtë film”, ka shkruar Gashi.

KultPlus ju sjell postimin e plotë të saj:

Mediumi i mirënjohur amerikan “Variety” që bën parashikimet e nominimeve për çmimet më prestigjioze në botë, paraqet edhe emrin tim për mundësinë e futjes në listën e gjatë të nominimeve për çmimet BAFTA në Britani të Madhe, në mesin e plot aktoreve me renome ndërkombëtare si Nicole Kidman, Frances McDormand, Olivia Colman, Penelope Cruz, Jessica Chastain, Kristen Stewart etj.

Ta shoh emrin tim, të filmit “Zgjoi”, të Blerta Bashollit e produksionit Ikonë, e emrin e Kosovës në këso listash, më duhet ta pranoj që zemra më bëhet mal nga gëzimi e krenaria, por edhe nga mirënjohja e falenderimi që e kam për ata me të cilët kam pasur fatin e mirë ta bëjmë këtë film.

Ky është nder shumë i veçantë edhe nëse mbetet vetëm parashikim medial!

Me ose pa nominim, sepse as nuk dua të mendoj shumë e të preokupohem me diçka që nuk është në dorën time e nuk varet nga unë, fat të madh e nder jetësor e konsideroj mundësinë që e kam pasur ta portretizoj një grua të jashtëzakonshme siç është zonja Fahrije Hoti e të punoj me një regjisore të mrekullueshme e tepër punëtore që më inspiron çdo ditë si Blerta Basholli dhe me produksionin Ikonë që janë shumë meritor për çdo sukses që e kemi pasur deri tash!

Nicole Kidman
Niamh Algar
Emilia Jones
Jessica Chastain
Yllka Gashi
Lady Gaga
Jodie Comer
Alana Haim
Olivia Colman
Penelope Cruz
Tessa Thompson
Kristen Stewart
Jasmine Batchelor
Frances McDormand
/ KultPlus.com

Kur suksesi ndahet përgjysmë me dhimbjen, Yllka Gashi: Humbja e babait më ka bërë t’i përjetoj sukseset me modesti

Intervistoi: Jeta Zymberi
Fotografia: Artan Korenica

Rreth dy dekada më parë bëri hapin fillestar drejt aktrimit. Ishte vetëm 17 vjeçare ku u bë pjesë e një audicioni që ishte një shkëndijë së artit shqiptar po i shtohej një artiste krejt e veçantë. Dhe nuk u desh shumë kohë që ajo të dëshmonte diçka të tillë, pasi shumë shpejt bëri debutimin e saj të parë televiziv në serialin “Familja Moderne”. Tutje jetësoi edhe disa role në film e teatër, por viti 2015 e gjeti me një vendim të ri. Ajo bashkë me familje u larguan drejt Shteteve të Bashkuara të Amerikës ku jeton edhe sot. As atje nuk qëndroi larg aktrimit, por shkëlqimin e saj të merituar e arriti pas gati një dekade ku me artin e saj shpërthej kufijtë.

Yllka Gashi e cila është e njohur për mbështjelljen e plotë të personazheve të saj, duke kapur nuancat, modelet e të folurit dhe personalitetet e tyre, është shumë e kujdesshme edhe në përzgjedhjen e roleve. Në rolet e saj në teatër, film e seriale, ajo është transformuar në njerëz kaq të ndryshëm duke fituar kështu dashurinë e publikut gjatë rrugës. Ndërsa një nga cilësitë më mbresëlënëse të aktores është aftësia e saj për të mbajtur vëmendjen tuaj pa sforcim, për t’u dukur sikur aktrimi në një film është gjëja më e natyrshme që një person mund të bëjë.

E thjeshtë e modeste që suksesi vetëm sa e ka bërë më falënderuese e më të përkushtuar, Yllka këtë vit ka pushtuar zemrat e publikut e kritikëve me nam botërorë me rolin e saj në filmin “Zgjoi”.

Tek “Zgjoi”, ajo banon plotësisht në një figurë të botës reale – këtë herë në atë të zonjës Fahrije Hoti. Bazuar në historinë e vërtetë të Fahrije Hotit, gruas luftarake që ngriti biznesin e ajvarit në Krushë të Madhe, për Yllkën, siç potencon ajo, ky rol ishte nder jetësorë.

Performanca e saj në këtë film tashmë i ka dhënë asaj çmime dhe ka marrë vlerësime të mira nga kritikët.  Madje gazeta amerikane ‘The Austin Chronicle’ shkroi se “performanca e Yllka Gashit është një nderim për një grua që ndryshoi jetën në heshtje, pa u bërë kurrë një shenjtore”.

Yllka bëri një kërkim të gjerë rreth jetës së zonjës Hoti përpara se të fillonin xhirimet. Ajo takoi personalisht atë e ëndërroi përreth një dekade jetësimin e këtij roli. Por, kur “Zgjoi” erdhi në jetë, ai erdhi për të bërë histori për kinematografinë kosovare. Në “Sundance Film Festival” u shpall fitues i trefishtë. Rrugës deri më sot ku filmi mori vëmendjen botërore si filmi i parë i gjatë nga Kosova që ka hyrë në listë të ngushtë për çmimin “Oscar”, ai ka marrë edhe dhjetëra çmime të tjera, duke u bërë pothuajse çdo muaj lajm në mediat botërore.

Por gjithë këtë sukses Yllka nuk e gëzoi me shumë entuziazëm. Ishte dhimbja për humbjen e babait që asaj i krijoi një zbrastësi të madhe dhe sikur balancoi emocionet. Por ajo është e lumtur që të paktën babai arriti të shoh suksesin e filmit në Sundance çka e bëri edhe shumë krenarë.

Për rrugëtimin e saj, gjithë këtë sukses të filmit “Zgjoi” ku ajo bart në supe rolin kryesorë, për ndjesinë, sfidat, triumfet e gjithçka tjetër, ajo përgjigjet plot përkushtim e sinqeritet në një intervistë për KultPlus.

Fotografia: Fadil Berisha

KultPlus: Një prej aktoreve më të dashura për publikun shqiptar, sot ka marrë dashurinë e botës, si ndihet Yllka pas gjithë këtij suksesi me filmin “Zgjoi”?

Yllka: Faleminderit për fjalët e bukura e për vlerësimin së pari! Ndjehem e lumtur dhe shumë e nderuar!   

KultPlus: Ka kohë që nuk ishit pjesë e skenës kosovare, pasi që prej vitesh jetoni në Amerikë. Por duket se u kthyet në kohën e duhur dhe me projektin e duhur. Si e pritet ftesën e regjisores Blerta Basholli për të qenë pjesë e filmit “Zgjoi”?

Yllka: Ideja për ta bërë “Zgjoi-n” daton që nga viti 2011. Atë kohë ishim duke punuar bashkë me Blertën në një projekt tjetër, derisa ajo bëhej gati për filmin e diplomës në NYU. Kur e pat ndarë me mua idenë për ta takuar znj. Fahrije e nëse ajo pajtohet, atëherë edhe për të bërë një film për të dhe unë ta luaj atë, përgjigjja ime e menjëhershme ka qenë PO! Shumë gjëra kanë ndodhur ndërmjet vitesh prej 2011 deri në 2019 kur e kemi xhiruar filmin, mirëpo ne të dyja- i kemi qëndruar besnike njëra tjetrës dhe idesë fillestare duke e ushqyer ëndrrën e njëjtë që së bashku ta bëjmë këtë film.

KultPlus: Nga momenti që të është propozuar roli e deri te takimi me zonjën Fahrije Hotin, çka të sillej nëpër mendje?

Yllka: Të dyja kanë ndodhur në të njëjtën kohë pothuaj. Së pari ka qenë ideja ta takojmë zonjën Fahrije e të flasim me të, pastaj brenda asaj jave e kemi kontaktuar  dhe kemi shkuar në Krushë. Kam qenë shumë kureshtare ta takoj personalisht znj. Fahrije sepse duke e ditur tragjedinë që e kane kaluar gratë e Krushës dhe duke qenë konsumatore e produkteve të tyre disa vite radhazi, gjithmonë kam pasur respekt, simpati, e dhembshuri për to. E pas takimit me to, ato më kanë inspiruar tej mase.

KultPlus: Po pas takimit, sa besoje që do ta portretizoje këtë grua në mënyrën e duhur dhe në fund pasi përfunduan xhirimet, cili ishte komenti që ia bëre vetes?

Yllka: Në takimin e parë, ne jemi mahnitur me znj. Fahrije. Me karakterin e saj, me dinjitetin e stoicizmin që e karakterizon, por edhe me ngrohtësinë e mikpritjen e saj. Ka qenë takim i gjatë dhe mbaj mend që u patëm emocionuar shumë nga rrëfimi i saj dhe sakrificat e sprovat nëpër të cilat ajo e gratë e Krushës kanë kaluar. Që nga atëherë, për mua u bë ëndërr ta luaj këtë grua të jashtëzakonshme në film e mision të nderoj figurën e saj. E kam ëndërruar e pritur këtë rol për gati 10 vite, kam menduar për të, për jetën e saj, për sfidat me të cilat është përballur dhe mënyrën se si i ka kaluar ato, prandaj kur filluan xhirimet nuk ka pasur as pengesë e as vështirësi që më është dukur e pakalueshme ose e pamundur. Ajo energji më ka përcjellë gjatë gjithë xhirimeve dhe është reflektuar në punë, por edhe ka ndikuar te pjesa tjetër e ekipit si shtysë e motiv. Përgjegjësia për ta bartur në supe personazhin e dramën e jetës së znj. Fahrije padyshim që ka qenë e madhe, mirëpo e kam pasur besimin e plotë në vendimet e Blertës dhe bashkërisht jemi munduar që ta bëjmë më të mirën. Pas xhirimeve, ishte ndjenjë e plotësimit, se një mision u krye me sukses edhe pse e dija që Blertën e producentët i pret një fazë e re e punës në postproduksion të filmit.

KultPlus: “Zgjoi” është filmi i parë kosovar që ka arritur një sukses të tillë, por njëkohësisht përmes këtij filmi ju shpalosët para botës talentin dhe shpirtin tuaj artistik, a e keni menduar që një ditë do ta përjetoni gjithë këtë sukses?

Yllka: Po e them me modesti por me bindje të plotë po. Sepse thellësisht besoj që secilit artist që punon me përkushtim i vjen koha e vet, i vjen koha e shkëlqimit dhe mundësia ta marr vëmendjen e duhur. Ky sukses nuk ka ndodhur brenda natës, është punuar e investuar në të për një kohë shumë të gjatë. Dhe gjithsesi është edhe fat i madh! Edhe më parë sa kam jetuar e punuar në Prishtinë, jam angazhuar në projekte – seriale televizive, filma apo shfaqje teatrale- që kanë pasur sukses, shikueshmëri e disa prej tyre edhe janë shpërblyer ndërkombëtarisht. Natyrisht, “Zgjoi” ka bërë histori dhe nuk krahasohet, mirëpo sukseset, çmimet e popullariteti nuk janë ndonjë risi për mua dhe nuk më kanë ndikuar ndonjëherë në ndryshim të karakterit apo etikes së punës. Sukseset janë stimulues e motivues i mirë, por nuk janë gjithçka e as nuk të përkufizojnë si njeri, si artist ndoshta po, por jo edhe si njeri! Për “Zgjoin” nga fillimi e kam pasur një parandjenjë të fortë që do të jetë film i mirë sepse rrëfimi është i tillë dhe Blerta ka punuar me pasion e këmbëngulësi të jashtëzakonshme disa vite me radhë, pastaj producentët Ylli, Valoni e Agoni janë angazhuar me përkushtim në çdo aspekt të organizmit e të parapërgatitjeve për xhirim e për postproduksion. Kameramanin Alex Bloom e kemi pasur shumë të mirë, montazherin Enis Saraçin gjithashtu, ekipin e aktorëve të jashtëzakonshëm, ekipi i filmit kanë punuar me shumë vullnet e pa përtesë, xhirimet na kanë shkuar mbarë e me lehtësi, pra të gjithë kanë investuar që puna të kryhet mirë. Kështu që e kam ditur se nga gjithë ajo punë e ai përkushtim, rezultati do të jetë i mirë patjetër. Jam e gëzuar që kam pasur fat e mundësi të jap kontribut në këtë film e ta gëzojmë bashkërisht këtë sukses!

KultPlus: Filmi po vazhdon të shfaqet nëpër kinema, si në Kosovë, Evropë e Amerikë, madje në Kosovë ka thyer rekord shikueshmërie, jeni mësuar tashmë me këtë sukses apo ende po ju përcjellin emocione të forta?

Yllka: Secili prezantim që e kemi bërë ka ardhur  me emocione të veçanta sepse jemi takuar me njerëz të ri të cilët e shihnin filmin për herë të parë dhe emocionet e përshtypjet e tyre ishin të sinqerta. Është ndjenjë shumë e veçantë kur i dëgjon komentet  pas shfaqjes së filmit ose e sheh publikun të përlotur duke dalur nga salla dhe e kupton që kanë bashkëndjerë me personazhin e filmin.

KultPlus: Me rolin tuaj në filmin “Zgjoi” ju keni fituar tri çmime si aktorja më e mirë në tre festivale të mëdha botërore, sa janë të rëndësishme çmimet për ju?

Yllka: Çmimet janë të mirëseardhura padyshim, posaçërisht kur vijnë nga festivale prestigjioze e me traditë sepse aty konkurrenca është e madhe dhe nuk ka kompromis. Është nder kur të çmohet puna e sakrifica që e ke bërë për një projekt të caktuar. Disi të duket që po vuloset merita jote dhe që ja ka vlejtur barra qiranë për krejt mundin e bërë, mirëpo çmimet nuk janë gjithçka dhe nuk janë gjithmonë synim. Për mua është shumë me rëndësi që puna të bëhet mirë dhe pos punës, edhe procesi të shkojë mbarë sepse mund të bësh një rol të mirë e të kesh fat të marrësh çmime, mirëpo nëse nuk ke kaluar mirë gjatë kohës sa e ke punuar atë rol dhe nuk ke krijuar miqësi e raporte të shëndosha të punës, të cilat do të sjellin punë e bashkëpunime të reja apo nuk kë mësuar diçka nga ajo përvojë, disi edhe shpërblimet që mund të vinë janë më të zbehta. Mirëpo, kur puna bëhet mirë e procesi shkon mbarë dhe pastaj ajo shpërblehet edhe me çmime, kënaqësia është e plotë e më domethënëse!

KultPlus: Ambasadorët më të mirë shteti i Kosovës i ka artistët, së fundmi këtë e dëshmuat edhe ju pasi përdorët zërin tuaj për të kërkuar nga Spanja njohjen e Kosovës shtet, si u prit kërkesa juaj, kishte reagime?

Yllka: Thënë të drejtën, unë nuk e kam menduar aspak çfarë pasojash apo reagimesh mund të ketë ajo kërkesë dhe nuk e kam bërë si deklaratë pompoze politike. Artistët ndoshta edhe duhet të qëndrojnë larg politikës, mirëpo artistët poashtu janë ata që kanë zë e ndikim e platforma më të fuqishme se sa diplomatët e politikanët. Për mua ajo kërkesë ka qenë organike dhe e sinqertë dhe më është dukur moment i përshtatshëm që ta shpreh një dëshirë e ëndërr të përbashkët tonën. Të gjitha gazetat në Spanjë por edhe këto vendoret pastaj e bënë lajm atë deklaratë. Për mua ai moment ka qenë i veçantë në karrierën time padyshim, mirëpo nga zemra e shumë sinqerisht  kam dashur që atë çast gëzimi personal t’ia kushtoj popullit e vendit tim!

KultPlus: Në premierën e filmit në Amerikë nuk mungoi as Presidentja e Republikës së Kosovës Vjosa Osmani dhe Dua Lipa e cila edhe përkrahi filmin duke e shpërndarë para mijëra ndjekësve të saj në rrjete sociale, si e vlerësuat këtë veprim të Duas?

Yllka: Oh Dua!!! Dua është dashuri e madhe si emri që ka! Mua më pëlqen shumë muzika e saj dhe jam fanse e Dua-s nga dita e parë. Ajo është shumë inspiruese! Dua Lipa është shembull i shkëlqyeshëm se si është një yll i vërtetë, që para së gjithash mbetet njeri modest e me këmbë në tokë. E lindur e e rritur në Londër, me karrierë shumë të suksesshme, sensacion ndërkombëtar që i ka arritur majat e suksesit me punë e talent, Dua para së gjithash mbetet  një vajzë e dashur, e bukur brenda e jashtë, e ëmbël, e afërt e modeste dhe shumë e lidhur me familjen e saj. Jemi me fat që ajo është e jona dhe me krenari këtë fakt e tregon para miliona fansave të saj në botë. Ajo na ka nderuar pa masë bashkë me prindërit e saj dhe jemi shumë mirënjohës e falënderues për përkrahjen e tyre! Gjithashtu presidentja e Kosovës – Vjosa Osmani na ka nderuar me përkrahjen e saj që nga suksesi në Sundance për çfarë e falënderojmë e jemi mirënjohës!

KultPlus: Fotografia ku shiheni bashkë, ju, presidentja Vjosa Osmani, këngëtarja Dua Lipa dhe regjisorja Blerta Basholli, është përcjellë me reagime të shumta nga publiku të cilët janë shprehur shumë krenarë për sukseset e vajzave shqiptare, po ju si e shihni rrugëtimin e tyre duke përfshirë edhe vetën këtu, jeni krenare? 

Yllka: Krenare dhe shumë e lumtur, por edhe tejet mirënjohëse për dashurinë e respektin dhe për përkrahjen e jashtëzakonshme që na e kanë dhënë publiku! Kur gratë bëhen bashkë duke e përkrahur njëra tjetrën, bota bëhet vend më i mirë e jeta më e bukur!

KultPlus: Me filmin “Zgjoi” ju jeni shprehur që keni realizuar ëndrrën e fëmijërisë, cila është ëndrra e radhës që prisni ta realizoni?

Yllka: Ah, ka shumë!

KultPlus: Cila ka qenë kritika më e mirë dhe ajo më pak e mirë që keni marrë për rolin tuaj në filmin “Zgjoi”?

Yllka: Ajo që po më kujtohet tash sepse ka ndodhur rishtazi është komenti shumë dashamirës i Kongresmenit Elliot Engel i cili ishte i pranishëm në New York në premierën e filmit në Film Forum dhe kur e mori fjalën të na uroj për punën tonë, në fund tha “You deserve the Academy Award for your acting!”.

KultPlus: ‘Zgjoi’ është filmi që Kosova ka përzgjedhur për Oscars, tashmë të gjithë bashkë me ju jemi në pritje të publikimit të nominimeve ‘Oscars’, e ku përfundimisht do të kuptohet nëse ky film do ta përfaqësojë Kosovën në akademinë e çmimeve më të njohur në gjithë botën. Por duke qenë pjesë e filmit, kuptohet qe emocionet më të forta i bartni ju. Çfarë prisni realisht nga kjo garë?

Yllka: Është fat i madh që kemi hyrë në listën e ngushtë dhe tash jemi në konkurrencë me 14 filma të tjerë, disa prej tyre shumë të suksesshëm e me regjisorë që tashmë janë të shpërblyer me Oscar në karrierën e tyre. Është luftë e ashpër dhe shumë e vështirë. Është edhe punë fati se ka shumë anëtarë të Akademisë të cilët do të votojnë dhe shijet janë të ndryshme. Më afër nominimit Kosova nuk ka qenë kurrë, kjo është e sigurtë. Do të ishte nder i jashtëzakonshëm nëse nominohemi sepse për ne ky tashmë nuk është qëllim personal por ka kaluar në qëllim më të madh, posaçërisht duke e parë gëzimin e krenarinë, motivimin e shpresën që këto suksese po lënë tek njerëzit tanë. Mendoj që e meritojmë të paktën të nominohemi sepse filmi është shpërblyer dhjetëra herë deri tash në festivale të ndryshme nëpër botë e nga juri të ndryshme. Gjithashtu edhe kritikat kanë qenë pozitive si nga kritikët e filmit e njerëzit e industrisë, poashtu edhe nga publiku i thjeshtë por, prapë po e them ka shumë konkurrencë dhe lufta tash bëhet e pamëshirshme sepse vetëm pesë filma arrijnë të nominohen. Çka më gëzon e nderon është fakti që me e pa nominim në Oscars, “Zgjoi” ka bërë histori në Sundance si filmi i parë më i shpërblyer në kategorinë e filmave ndërkombëtar dhe për të kanë shkruar gazetat më prestigjioze në botë si New York Times, Vogue, Variety, Deadline, Indiewire, LA Times, Screendaily, Cineuropa, Austin Chronicles e shumë të tjera duke e përmendur Kosovën, luftën e fundit, masakrat në Krushë dhe suksesin e znj. Fahrije Hoti. E në dashtë Zoti e paçim fat, nominimi në Oscars do të ishte një tjetër sukses e nder i madh për të gjithë!

KultPlus: A keni pasur oferta për projekte të reja, nëse po a mund të zbuloni diçka?

Yllka: Po, ofertat nuk kanë munguar asnjëherë fatbardhësisht. Kam qenë unë ajo që është dashur t’u them jo disa projekteve për shkaqe të ndryshme, të largësisë, kohës së papërshtatshme të xhirimeve etj. Por tash ofertat janë shtuar edhe më shumë dhe kjo më gëzon pa dyshim. Jam në bisedime për dy projekte, por ende në fazë të hershme dhe nuk guxoj të bëjë asgjë publike.

KultPlus: Si ka ndikuar në jetën tuaj suksesi që po përjetoni kohëve të fundit?

Yllka: Më ka gëzuar padyshim, mua, familjen e të afërmit e mi. Ka hapur dyer të reja e mundësi të reja. Mirëpo, unë këtë vit kam humbur babain tim kështu që, edhe sukseset e gëzimet i kam përjetuar disi më me rezervë pas asaj. Gëzohem që ai e ka parë filmin e ka qenë shumë krenar për çmimet në Sundance dhe përkrahës e motivues i madh i imi gjatë tërë jetës… mirëpo humbja e tij, ka lënë zbrazëti në jetën time dhe në të njëjtën kohë më ka shërbyer edhe si barometër që t’i përjetoj gjërat me modesti e pa ndonjë ekzaltim të tepruar. Pos kësaj jeta ime është e thjeshtë dhe modeste. Suksesi nuk ma ka ndryshuar fokusin e as përkushtimin ndaj asaj që për mua është e shenjtë e kjo është familja ime. Unë ende merrem ekskluzivisht me vajzën time Ninen, me punët e obligimet e nënës e të gruas, pastroj, gatuaj e planifikoj çfarë do të bëjmë në vikend. Natyrisht krejt këto, duke pasur shumë takime e intervista online me angazhime extra për punë. Kam pasur edhe udhëtime të shpeshta që nga shtatori, të cilat kanë qenë të mirëseardhura si mini aventura, mirëpo në cep të mendjes gjithmonë e kam familjen time, posaçërisht Ninen sepse jemi të lidhura dhe e kam të vështirë të jem larg saj dhe nuk ka gjë në botë që më përmbushë më shumë se koha e kaluar me të!

KultPlus: Kujt ja dedikon Yllka gjithë këtë sukses?

Yllka: Shumë njerëz janë meritor për sukseset e mija dhe u jam mirënjohëse përgjithmonë për ndihmën, dashurinë, kontributin, këshillat e durimin. Familjes time -prindërve, motrave, vëllait, burrit tim Albianit e vajzës sime Nines- së pari e më së shumti sepse ata më kanë përkrahur e motivuar në çdo hap të jetës dhe jam mirënjohëse përjetësisht! Pastaj edhe atyre të cilët janë meritor në këtë sukses e me të cilët e kemi bërë krejt këtë punë – ekipit të filmit, në veçanti Blerta Bashollit e Yll Ukës! Por, pa e harruar gruan që na ka inspiruar e vazhdon të na inspirojë znj. Fahrije Hoti dhe gratë heroina të Krushës! Edhe publikut, publikut të mrekullueshëm që pa kushte na ka përkrahur, i ka mbushur sallat e kinemave kudo dhe është gëzuar bashkë me ne!

KultPlus: Krejt për fund, po flasim për mirënjohjen që e more së fundi nga qyteti i Stamfordit ne Connecticut, dhe ju deklaruat se para gjashtë viteve, nëpër ato rrugë, ju me vajzën tuaj keni bërë vetëm shëtitje, pa menduar se pas gjashtë viteve do të nderoheni nga ajo komunë, pasi jemi edhe në fund vit, këtë pjesë e ndërlidhim me dëshirat e të rinjve, Yllka, thjeshtë na trego, sa guxojmë të ëndërrojmë?

Yllka: Sa të kemi qejf e imagjinatë! Ëndrrat e shpresat janë ato që na e mbajnë shpirtin gjallë e të ri gjithmonë! Janë motivuesi më i mirë për punë! Ëndërroni çka t’ua do loçka e zemrës e punoni me vullnet që ato ëndrra të jetësohen e të bëhen realitet edhe mos u dorëzoni para sfidave sepse sa më shumë sfida që tejkaloni me dinjitet aq më i kënaqshëm e domethënës bëhet suksesi!

‘Arushi’ i cili e ndihmoi të shkruajë histori, Arona Zyberi ëndërron dyert e mëdha të botës së kinematografisë

Uranik Emini

Të realizoni ëndrrën e juaj të madhe duke qenë vetëm një fëmijë i vogël është diçka e jashtëzakonshme, e këtë fat dhe arritje të madhe ka realizuar vajza e vogël me emrin Arona Zyberi, e cila u bë shumë e dashur për publikun në ekspeditën e saj në Itali me kastën e aktorëve të filmit “Vera Andrron Detin”, shkruan KultPlus.

Aktorja më e re në moshë në këtë film, tregon në një intervistë për KultPlus se fillimisht ka qenë pjesë e një projekti së bashku me Teuta Krasniqin, e nga aty ka dëgjuar që po kërkohet një fëmijë i vogël për të luajtur në një film me regji të Kaltrina Krasniqit.

“Mami kishte dëgjuar për audiconin dhe më ka njoftuar mua, e më pas edhe kemi vazhduar aty”, thotë Zyberi.

Kur ishte në moshën shtatë-vjeçare, Arona filloi aventurën e saj për të qenë pjesë e një filmi të madh dhe kësisoj aplikoi e u pranua të bëhej pjesë e kastës së këtij projekti.

Arona Zyberi, the girl who stepped on the red carpet of Vencia

“Fillimisht regjisorja më ka pyet që ta bind mamin me ma ble një arush, e unë i kam thënë që nuk e kam arushin e bardhë dhe duhet me ma ble një të tillë”.

Ka mjaftuar pjesa e një arushi që Arona të jetë pjesë e një filmi me suksese ndërkombëtare tanimë, “Vera Andrron Detin”.

“Ata e kanë lajmëru mamin në telefon dhe më ka njoftu mami që e kom fitu rolin. Kam qenë duke i bërë detyrat dhe e kam marrë lajmin si në befasi. Kam dashtë me ia bo befasi, por në fund nuk doli”, e thotë ajo me shumë ngazëllim në fytyrë.

Mirëpo, përpara se ta fitonte rolin, Arona ndau një vlerë të jashtëzakonshme që ajo posedon në karakterin e saj.

 “Aty ka pasur edhe fëmijë të tjerë e unë nuk kom besu që kam me marrë rolin. Kur kam dalë prej audicionit unë i kam tregu edhe fëmijëve të tjerë për ato se çfarë më pyetën pasi nuk besoja se mund ta fitoja rolin, e kur kam fituar më kanë uruar”.

Pasi ka arritur të fitojë këtë audicion dhe është bërë pjesë e kastës së filmit, Arona tregon se kishte filluar xhirimet në moshën tetë-vjeçare, por për arsye se disa skena kërkonin qëndrimin në një vend, ishin pak të mërzitshme për të.

May be an image of 1 person, sitting, airplane and indoor

 “Në moshën tetë -vjeçare e kam filluar aktrimin, xhirimet kanë ndodhur në disa vende e jo vetëm në një lokacion. E kemi filluar në shtëpi e më pas kemi lëvizë, përveç Kosovës edhe në Shqipëri. Për pjesën time kanë qenë 11 ditë xhirime, e për të tjerët më shumë. Kanë zgjatë më shumë se që e kam pritë, e pak të lodhshme. E kam pasë një rol me qëndru shtritë duke fjetur dhe është dukë vetëm një këmbë, nuk më ka pëlqy edhe shumë kur kam qëndruar veç në një vend”.

Vajza me një karrierë në aktrim tanimë, pohon se bashkëpunimi me një regjisore siç është Kaltrina Krasniqi ka qenë shumë i mirë dhe madje është gëzuar shumë kur e ka përzgjedhur në film.

Marrëdhëniet e krijuara në film kanë ndikuar që Arona të bëjë disa shoqe të reja në jetën e saj.

 “Me Teutën e kam një marrëdhënie më të mirë në film sesa me nënën edhe pse në film kam dashuri për të dyja, por me gjyshen kam bërë më shumë skena dhe është kujdesur më shumë për mua”.

May be an image of child, standing, outdoors and text that says '1578 MOSTRA INTERNAZIONALE D'ARTE CINEMATOGRAFICA LA BIENNALE DI VENEZIA 1.09 11.09 2021 LABIENNALE.ORG ARMANI CAMPARI beauty Cartier'

Përshtatja e jetesës për një film është paksa e vështirë, kjo për shkak që një fëmijë ka edhe angazhime të tjera në jetë, por shkolla e ka mirëkuptuar një gjë të tillë.

“Ka pasur disa ditë kur nuk kam qenë në shkollë për shkak të filmit, por në fund filmi ka qenë shumë i mirë. Kur e kam përfunduar filmin, në shkollë dhe në klasë isha njeri i famshëm”.

Derisa nëna e saj shpjegonte nga afër se si ishte pjesa e shkollimit të Aronës, aty ishte e përfshirë edhe pjesa e vizitës në Venecia, si një gjë e jashtëzakonshme e që ndodhë shumë rrallë nëpër Festivale të Filmit.

Prezantimi dhe pjesëmarrja e Aronës në festival ishte magjike për vetë faktin që presidenti i festivalit ishte në emocion dhe ngazëllim kur e pa atë.

May be an image of one or more people, people standing, indoor and text that says 'Mostra Internazionale d'Arte cinematog Biennale di Vene'

“Çdo aktorë ka qenë në lot pas përfundimit të filmit në Venecia, duke më përfshirë edhe mua. Eksperienca në Itali shumë e mirë, njerëzit në rrugë na ndalnin dhe gjithnjë po na komplimentonin për filmin, ndjenjë e veçantë”.

Ajo gjithashtu tregon se gjatë ekspeditës në Itali ka marrë edhe komplimentin që është aktorja më e mirë, gjë për të cilën është ndjerë shumë mirë.

“Kam qef me shku edhe në festivalet e tjera dhe shpresoj që më ftojnë edhe atje i gjithë ekipi”.

Hera e parë kur Kosova dërgoi dy fëmijë të vegjël për të bërë paraqitje në tapetin e kuq në një festival të madh të filmit ishte në edicionin e 88-të të Oscar, kur aktorët Andi Bajgora dhe Lum Veseli bënë paraqitjen e tyre në tapetin magjik.

E rrethuar nga një numër i madh i aktorëve eminent të skenës shqiptare, Arona shihet e buzëqeshur dhe në disponim të mirë në disa fotografi që u publikuan gjatë ecjes në tapetin e kuq në Festivalin e Filmit në Venecia.

 “Regjisorja më ka tregu që ka ndodhë shumë rrallë një përfaqësim i tillë. Jam ndje krenare që kemi përfaqësu Kosovën, jam ndje krenare përveç me filmin por edhe me veten. Jam ndje shumë mirë kur është përfundu filmi dhe eksperienca në Venecia, shumë persona na kanë uru për filmin. Shpresoj që edhe personat e tjerë kanë me marrë pjesën e këshillës që me bo çka të dëshirojnë dhe me arritë gjithçka”, ka thënë në vazhdim dhjetë vjeçarja.

May be an image of one or more people, people standing and outdoors

Rreth karrierës dhe të ardhmes së saj, Zyberi thotë se do të vazhdojë tutje të merret me film në qoftë se ka role për fëmijë, por tani ajo thotë se ka më shumë filma të dhimbshëm sesa për fëmijët.

E pyetur se ku e gjen veten më mirë, në aktrim apo balet, Arona thotë se këto dyja dallojnë shumë mes veti.

“Aktrimi shumë më i vështirë pasi duhet të kesh talent, edhe baleti është i vështirë por unë mendoj që në aktrim është më vështirë”.

Dëshira e madhe e Aronës për vitin 2022 është që filmi ku ajo merr pjesë të vijë në Kosovë dhe klasa e saj ta shohë këtë pjesë.

 “Po pres me padurim që të shfaqet filmi, dua t’i bëj ftesë të gjithë klasës me ardhë e me e pa e gjithë filmin, është dëshirë e imja”.

No description available.

Përveç aktrimit, ajo ka marrë pjesë edhe në disa reklama të ndryshme, derisa me KultPlus, Arona ndan edhe ëndrrën e saj më të madhe.

“Ëndrra ime është të bëhem e famshme, por jo ta lavdëroj shumë vetën. Kam dëshirë të bëhem një aktore e famshme, ose këngëtare ose edhe një mjeke”.

Mesazhi i Aronës për fund ishte që gjithmonë të ndjekni ëndrrat e juaja dhe të mos i leni diku tjetër, sepse në fund ato realizohen.

Mbështetja e vazhdueshme e prindërve ka ndikuar që një fëmijë i vogël siç është Arona të arrijë diçka të jashtëzakonshme dhe të marrë pjesë në një festival kaq prestigjioz.

Ndërkaëq, filmi “Vera Andrron Detin” është një portret intim por edhe universal i një gruaje e cila lufton një realitet të vrazhdë të pabarazisë gjinore thellë të rrënjosura në shoqëri edhe në ditët e sotme’. Ky film pritet që gjatë janarit të vitit 2022 të fillojë të shfaqet edhe në Kosovë. /KultPlus.com

Vera Andrron Detin”, me çmimin “Grand Prix” në festivalin e Tokios - Kultura
May be an image of child, standing and outdoors

Shtëpia e parashikimeve, Variety përfshinë ‘Zgjoin’ në mesin e filmave të nominuar për “Oscars”

Kur kanë mbetur edhe më pak se një muaj për të filluar votimet për filmat që do të nominohen për çmimet “Oscars”, parashikimet po bëjnë bujë të madhe, shkruan KultPlus.

Filmi me regji të Blerta Bashollit “Zgjoi” është përfshirë në mesin e filmave të nominuar për “Oscars” në kategorinë e “Filmave më të mirë ndërkombëtar” nga shtëpia e parashikimeve “Variety”.

Në mesin e “Drive My Car”, “Flee”, “I’m Your Man” dhe “The Worst Person in the World”, gjendet në parashikim edhe filmi “Zgjoi” për t’u nominuar për Oscars këtë vit.

‘Zgjoi’ paraqet historia e vërtetë e Fahrijes (Yllka Gashit), e cila, si shumë gra të tjera në fshatin e saj patriarkal, ka jetuar me shpresë të zbehur dhe pikëllim në rritje që kur i shoqi u zhduk gjatë luftës në Kosovë. Për të siguruar familjen e saj në vështirësi, ajo mbledh gra të tjera në komunitetin e saj për të nisur një biznes që shet ajvarin me salcë me piper të kuq. Së bashku ata gjejnë shërim dhe ngushëllim duke menduar për një të ardhme pa burrat e tyre.

‘Zgjoi’ fitoi 3 çmime në festivalin ‘Sundance’, duke u bërë filmi i parë që fitoi të trija çmimet kryesore në historinë e këtij festivali. Pas këtij festivali ‘Zgjoi’ mori pjesë edhe në shumë festivale të tjera ku mori çmime të shumta.

8 shkurti është data përfundimtare kur do të bëhen të ditur emrat e filmave të nominuar, derisa më 27 mars do të mbahet edhe mbrëmja gala e Akademisë së Filmit. /KultPlus.com

‘No Time To Die’ dhe ‘Dune’ në krye të filmave të përzgjedhur për ‘Oscars’

Filmat “No Time To Die” dhe “Dune” kryesojnë në raundin e parë të filmave të përzgjedhur për ceremoninë e 94-të të çmimeve Oscar.

Të dy filmat u përzgjodhën në katër kategori pasi shpalljes së 10 filmave.

Dalja e fundit e aktorit Daniel Craig në rolin e James Bond, “No Time To Die”, u zgjodh për grimin, stilin, muzikën (kënga origjinale), tingullin dhe efektet vizuale.

Kategoritë e tjera të shpallura ishin filma me metrazh të gjatë dokumentar, filma me metrazh të shkurtër, filma artistik ndërkombëtar, film i shkurtër të animuar dhe film me metrazh të shkurtër live.

Disa filma të tjerë janë përzgjedhur në dy kategori.

Filmi gjysmautobiografik i Kenneth Branagh “Belfast”, me protagonist Jamie Dornan, u zgjodh për zërin dhe muzikën (kënga origjinale) për ”Down To Joy”.

“Spiderman: No Way Home”, me aktorë Tom Holland dhe Zendaya, gjithashtu mori dy nominime për efekte zanore dhe vizuale.

”Web-blockbuster” ishte një hit i cili në fundjavat e dhjetorit, arkëtoi rreth 600 milionë dollarë në mbarë botën.

Ai u mund vetëm nga “Avengers: Infinity War”, i cili fitoi 640 milionë dollarë në mbarë botën dhe “Avengers: Endgame” që fitoi 1,2 miliardë dollarë.

Tre filma të tjerë të Marvel-it janë nominuar për efektet vizuale: “Black Widow”, “Eternals” dhe “Shang Chi: Legend Of The Ten Rings”.

“The Power Of The Dog” i Netflix, me aktorë Benedict Cumberbatch, Kirsten Dunst dhe Jesse Plemons, u zgjodh për muzikën, figurën dhe zërin./KultPlus.com

Lista e ngushtë e filmave për nominimet për ‘Oscars’

Akademia e Arteve dhe Shkencave të Filmit shpalli sot listën e ngushtë në 10 kategori për edicionin e 94-të të Academy Awards, transmeton KultPlus.

Është shpallur lista e ngushtë për kategoritë: Dokumentar i metrazhit të gjatë, Dokumentar i shkurtër, Film ndërkombëtar i metrazhit të gjatë, grim dhe stil flokësh, muzikë (rezultati origjinal), muzikë (këngë origjinale), film i shkurtër i animuar, Film i shkurtër Live Action, efekte zanore dhe vizuale.

Më poshtë gjeni listën e ngushtë për nominimet për ‘Oscars’:

Dokumentar i metrazhit të gjatë:

“Ascension”
“Attica”
“Billie Eilish: The World’s a Little Blurry”
“Faya Dayi”
“The First Wave”
“Flee”
“In the Same Breath”
“Julia”
“President”
“Procession”
“The Rescue”
“Simple as Water”
“Summer of Soul (…Or, When the Revolution Could Not Be Televised)”
“The Velvet Underground”
“Writing with Fire”

Film dokumentar i shkurtër:

“Águilas”
“Audible”
“A Broken House”
“Camp Confidential: America’s Secret Nazis”
“Coded: The Hidden Love of J. C. Leyendecker”
“Day of Rage”
“The Facility”
“Lead Me Home”
“Lynching Postcards: “Token of a Great Day””
“The Queen of Basketball”
“Sophie & the Baron”
“Takeover”
“Terror Contagion”
“Three Songs for Benazir”
“When We Were Bullies”

Filmi ndërkombëtar i metrazhit të gjatë:

Austria, “Great Freedom”
Belgium, “Playground”
Bhutan, “Lunana: A Yak in the Classroom”
Denmark, “Flee”
Finland, “Compartment No. 6”
Germany, “I’m Your Man”
Iceland, “Lamb”
Iran, “A Hero”
Italy, “The Hand of God”
Japan, “Drive My Car”
Kosovo, “Hive”
Mexico, “Prayers for the Stolen”
Norway, “The Worst Person in the World”
Panama, “Plaza Catedral”
Spain, “The Good Boss”

Grimi dhe stili i flokëve:

“Coming 2 America”
“Cruella”
“Cyrano”
“Dune”
“The Eyes of Tammy Faye”
“House of Gucci”
“Nightmare Alley”
“No Time to Die”
“The Suicide Squad”
“West Side Story”

Muzika (Rezultati original):

“Being the Ricardos”
“Candyman”
“Don’t Look Up”
“Dune”
“Encanto”
“The French Dispatch of the Liberty, Kansas Evening Sun”
“The Green Knight”
“The Harder They Fall”
“King Richard”
“The Last Duel”
“No Time to Die”
“Parallel Mothers”
“The Power of the Dog”
“Spencer”
“The Tragedy of Macbeth”

Muzika (Kënga origjinale)

“So May We Start?” from “Annette”
“Down To Joy” from “Belfast”
“Right Where I Belong” from “Brian Wilson: Long Promised Road”
“Automatic Woman” from “Bruised”
“Dream Girl” from “Cinderella”
“Beyond The Shore” from “CODA”
“The Anonymous Ones” from “Dear Evan Hansen”
“Just Look Up” from “Don’t Look Up”
“Dos Oruguitas” from “Encanto”
“Somehow You Do” from “Four Good Days”
“Guns Go Bang” from “The Harder They Fall”
“Be Alive” from “King Richard”
“No Time To Die” from “No Time to Die”
“Here I Am (Singing My Way Home)” from “Respect”
“Your Song Saved My Life” from “Sing 2”

Film i animuar i metrazhit të shkurtër

“Affairs of the Art”
“Angakusajaujuq: The Shaman’s Apprentice”
“Bad Seeds”
“Bestia”
“Boxballet”
“Flowing Home”
“Mum Is Pouring Rain”
“The Musician”
“Namoo”
“Only a Child”
“Robin Robin”
“Souvenir Souvenir”
“Step into the River”
“Us Again”
“The Windshield Wiper”

Film i shkurtër Live Action:

“Ala Kachuu – Take and Run”
“Censor of Dreams”
“The Criminals”
“Distances”
“The Dress”
“Frimas”
“Les Grandes Claques”
“The Long Goodbye”
“On My Mind”
“Please Hold”
“Stenofonen”
“Tala’vision”
“Under the Heavens”
“When the Sun Sets”
“You’re Dead Helen”

Zëri:

“Belfast”
“Dune”
“Last Night in Soho”
“The Matrix Resurrections”
“No Time to Die”
“The Power of the Dog”
“A Quiet Place Part II”
“Spider-Man: No Way Home”
“tick, tick…BOOM!”
“West Side Story”

Efektet vizuele:

“Black Widow”
“Dune”
“Eternals”
“Free Guy”
“Ghostbusters: Afterlife”
“Godzilla vs. Kong”
“The Matrix Resurrections”
“No Time to Die”
“Shang-Chi and the Legend of the Ten Rings”
“Spider-Man: No Way Home”./KultPlus.com

‘Pa vend’ kualifikohet për kategorinë e filmit të shkurtër në Oscars 2022

“Pa vend” me regji të Samir Karahodës ka arritur të marrë çmimin kryesor IMDB Pro Short Cuts në njërin ndër festivalet më të rëndësishëm në botë, TIFF Toronto Film Festival/TIFF.

Me këtë çmim “Pa vend” zyrtarisht kualifikohet për kategorinë e filmit të shkurtër Oscars 2022.

Sipas jurisë së Festivalit gara u dallua nga një përzgjedhje e fortë e filmave.  

Filmi “Pa vend” i zhanrit docu-fiction përcjellë përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve./KultPlus.com

Shtyhet ceremonia e çmimeve ‘Oscars’

Ndarja e çmimeve ”Oscar” do të mbahet më 27 mars 2022, një muaj më vonë sesa ishte planifikuar, dhe do të kthehet në vendin e vet tradicional, në teatrin Dolby të Hollywood-it, njoftoi sot Akademia e Arteve dhe Shkencave të Filmit, përcjell KultPlus

Pas vlerësimeve të bezdisshme për Oskarët e pazakontë të këtij viti, të prekur nga pandemia – të cilat u mbajtën në një stacion treni në Los Anxhelos – shtyrja shmang përplasjet e mundshme të kushtueshme me Super Bowl dhe Lojërat Olimpike Dimërore.

Ngjarja më e madhe e futbollit amerikan zhvillohet në Los Anxhelos vitin e ardhshëm më 13 shkurt, ndërsa ekstravaganca globale e sporteve dimërore do të mbahet në Pekin nga 4-20 shkurt.

Por ndikimi i COVID-19 – i cili transformoi sezonin e çmimeve të Hollywood-it vitin e kaluar, duke mbyllur kinematë, duke shtyrë dhjetëra filma të mëdhenj dhe duke detyruar shumë ceremoni të hynin në internet – gjithashtu vazhdon të ndihet.

Tradicionalisht Akademia e Arteve dhe Shkencave të Filmit kërkon të paktën një ‘vrapim’ shtatë-ditor në teatrot e Los Anxhelos për filma që të jenë të ligjshëm për çmimin më të madh të Hollywood-it.

Me ekranet e mëdha të mbyllura, ato rregulla u relaksuan vitin e kaluar, në atë që u pa gjerësisht si një nxitje për filma në platforma streaming si Netflix dhe Prime Video Amazon.

“Ky vit, i cili është ende i ndikuar nga pandemia, kërkesat e kualifikimit për çmimet e 94-të të Akademisë do të jenë në përputhje me shtesat e bëra për sezonin e 93-të të Çmimeve”, thuhet në deklaratë, përcjell tutje KultPlus.

Filmat e lëshuar në kinematë në pesë qytete të mëdha jashtë Los Anxhelos do të mbeten të pranueshëm dhe ndryshimet janë vendosur të shtrihen në Oskarët e vitit pasardhës, dhe potencialisht më tej.

Sidoqoftë, me kinematë amerikane të rihapura tani dhe prodhimi i filmit duke përshpejtuar përsëri, vendimi i vitit të kaluar për të zgjatur dritaren e kalendarit në të cilin filmat mund të lëshohen dhe akoma të kualifikohen për Oskar nuk do të përsëritet.

Filmat që dëshirojnë të garojnë për Oskarin e vitit të ardhshëm duhet të dalin në treg deri më 31 dhjetor. / KultPlus.com

Redi Hasa, violonçelisti shqiptar që mori pjesë në ‘Oscar’

Violonçelisti shqiptar Redi Hasa ishte pjesë e Oscar-it 2021. Muzika e dy filmave, “Nomadland” të Chloe Zao dhe  “The Father” të Florian Zeller, që triumfuan në këtë edicion të 93-të të Oscar-it mban firmën e kompozitorit dhe pianistit italian Ludovico Einaudi, i cili për realizimin e dy projekteve bashkëpunoi dhe me violonçelistin shqiptar.

Muzika e “Nomadland”, filmit që u vlerësua më tre Oscar, si “Filmi më i mirë”, “Regjia më e mirë” dhe “Aktorja më e mirë protagoniste”, është kompozuar nga Einaudi edhe është interpretuar në piano prej tij, në violinë ngaFederico Mecozzi dhe në violonçel nga Redi Hasa, pjesë të shkëputura nga “Seven Days Walking”, “Elements” dhe  “Divenire” të Einaudi-t.

Ndërsa për “The Father”, që triumfoi në Oscar për kategorinë e “Aktorit më të mirë protagonist”, Ludovico Einaudi ka firmosur kolonën zanore me gjashtë pjesë të marra nga “Seven Days Walking” dhe ka kompozuar një pjesë origjinale në titullin “My Journey” (Udhëtimi im).

Por, kush është violonçelisti me famë ndërkombëtare Redi Hasa?

Redi Hasa (1977, Tiranë) lind në një familje muzikantësh në Tiranë. Rrugëtimin me violonçelin e ka nis në moshën 7-vjeçare, në shkollën e muzikës “Kongresi i Përmetit” në Tiranë. Është larguar nga Shqipëria në vitin 1998 për të ndjekur studimet në Leçe të Italisë. Ka bashkëpunuar me këngëtaren italiane Maria Marzotta, edhe prej shumë kohësh bashkëpunon me kompozitorin dhe pianistin me famë botërore Ludovico Einaudi, rokerin Robert Plant dhe Led Zeppelin.

Bashkëpunimet e tij janë të shumta, si me Officina Zoè, Xanti Yaca, Orkestra Salento, Manigold, Adria, Band Adriatica, Admir Shkurtaj Trio, “L’Orchestra Popolare Italiana”, duke bashkëpunuar me artistë si Mbreti Naat Veliov, Orkestra e Koçanëve, Ambrogio Sparagna, Claudio Prima, Emanuele Coluçia, Eva Quartet, Enzo Pagliara dhe shumë të tjerë. /shqiptarja/ KultPlus.com

Fitoi çmimin Oscar, fjalimi i aktorit bëhet viral

Daniel Kaluuya fitoi çmimin “Oscar” si “Aktori më i mirë në rol joprotagonist” me rolin e tij si Fred Hampton, në filmin “Judas and the Black Messiah”.

Në fjalimin e tij, aktori falenderoi bashkëpunëtorët e tij dhe shprehu mirënjohje edhe për prindërit.

“Duhet të festojmë për jetën. Po marrim frymë, po ecim. Është e pabesueshme. Është e pabesueshme. Mami, babi im, ata bënë seks! Është e mrekullueshme. Dhe ja, unë jam këtu.”, deklaroi aktori.

Në ato momente kamerat u fokusuan tek e ëma, e cila qeshi e sikletosur pas fjalëve të të birit.

Me këtë deklaratë aspak të pazakontë, aktori arriti të marrë vëmendjen e të gjithëve të pranishmëve dhe të bëhet trend në Twitter./a2/ KultPlus.com

Dua Lipa: Fondacion i Elton John grumbulloi 3 milionë dollarë për të prekurit nga SIDA

Për herë të parë në histori, ndeja e famshme e organizuar nga Elton John që zakonisht mbahet para ceremonisë së shpërblimeve ”Oscars”, është mbajtur pa audiencë, në mënyrë virtuale, përcjell KultPlus.

Kjo ngjarje u është dedikuar personave të prekur nga SIDA dhe paratë e mbledhura nga kjo ngjarje do të shkojnë pikërisht në ndihme të këtyre personave.

Ndërkaq Dua Lipa e cila natën e mbrëmshme ka performuar për herë të parë më këngëtarin e njohur botëror, Elton John, nëpërmjet një postim në Facebook ka bërë të ditur se mbrëmë janë mbledhur 3 milionë dollarë për të prekurit nga HIV/AIDS.

“Natën e kaluar Fondacioni i SIDA-s Elton John grumbulloi 3 MILION $ për të luftuar HIV / AIDS. Ju falënderoj të gjithëve për donacionet. Faleminderit Elton John & David Furnish që më keni ftuar!!!!, ka shkruar ndër të tjera Lipa./ KultPlus.com

Last night the Elton John AIDS Foundation raised $3 MILLION to fight HIV/AIDS❣️thank you to everyone for tuning in!…

Posted by Dua Lipa on Monday, April 26, 2021

13 veshjet më të mira nga tapeti i kuq në Oscars 2021 (FOTO)

Ky është i dyti vit radhazi për ndarjen e çmimeve në Oskar, ku mungojnë mikpritësit tradicional, me përjashtimin e emrave më të mëdhenj në film, të cilët ishin në Teatrin Dolby dhe Union Station në Los Angeles për të dhënë çmime.

Por, edhe pse shumica e ceremonive të ndarjes së çmimeve vitin e kaluar kanë kaluar pa tapeta të kuq, për shkak se nuk do të kishte mysafirë për të ecur poshtë tyre, të pranishmit kësaj radhe ishin: të nominuarit, të ftuarit dhe prezantuesit, të cilët morën pjesë fizikisht, me ç‘rast yjet ishin inkurajuar të paraqiten personalisht, shkruan BBC, transmeton KultPlus.

KultPlus ju sjell 13 pamjet më të mira nga Çmimet e 93-të të Oscar.

1.Regina King, e cila ka veshur një fustan të zakonshëm me supe të palosura dhe të guximshme të stilit të viteve 1980, në një ngjyrë blu të zbehtë të markës Louis Vuitton.

2. Çifti Paul and Liz Raci – Ylli i ‘Sound of Metal’, Paul Raci ishte me humor të lartë së bashku me gruan e tij Liz Hanley Raci, e cila gjithashtu dyfishohet si agjentja e aktorit 73-vjeçar.

“Gruaja ime ka qenë agjentja ime për 20 vjet tani dhe ajo ka qenë atje duke luftuar për mua,” tha i nominuari i aktorit dytësor për revistën People. Raci është i rritur si djali dëgjues i dy prindërve të shurdhër, dhe ai flet rrjedhshëm gjuhën e shenjave duke folur dhe nënshkruar përgjigjet e tij, teksa po bisedonte me gazetarët në tapetin e kuq.

3. Fennell e ktheu Los Anxhelosin në Emerald City

Regjisorja britanike Emerald Fennell, erdhi në një mënyrë të veçantë sepse ajo është shtatzënë me fëmijën e saj të dytë. Fustani i saj voluminoz me lule nga marka Gucci, me ngjyrë rozë dhe gjelbër, erdhi në një gërshetim të bukur së ngjyrave verore.

4. Nderime prekëse për basketbollistin, Kobe Bryant

Martin Desmond Roe dhe Travon Free, të cilët fituan veprimin më të mirë live për filmin e tyre ‘’Dy të Huajt e Largët’’, erdhën me një veshje që fokus kryesor kishe nderimin prekës dhe delikat për Kobe Bryant. Roe dhe Free kanë veshur kunjat sportive të markës Dolce & Gabbana, me bizhuteri të numrave 24 dhe 2, numra këta të fanellës së Bryant dhe vajzës së tij.

5. Maria Bakalova zbaton ‘distancimin shoqëror’ me fustanin e fryrë të bardhë

Ylli ka veshur një fustan të gjerë gjashtë metra nga marka Louis Vuitton, e cila përmban 100 metra tyl të lehtë, të shoqëruar me një dekolte të thellë V të zbukuruar me diamante e cila dukej tepër joshëse dhe mahnitëse. 

6. Të tre femrat e nominuara për aktoren më të mirë vendosën një standard ari

Aktorja Viola Davis është dukur e mrekullueshme me një fustan të markës Alexander McQueen të dizajnuar nga Sarah Burton, ndërsa bashkë-nominuesit e saj Andra Day dhe Carey Mulligan, zgjodhën fustane të artë me çarje të lartë, të dizajnuara përkatësisht nga Vera Wang dhe Valentino.

7. Alan Kim është konsideruar fituesi i vërtetë i sezonit të çmimeve

Nëntë vjeçari nuk është vetëm një nga yjet e Breakout të Minari, por edhe ylli ‘Breakout’, i të gjithë Çmimeve të Akademisë. Kim siguroi një nga momentet e hershme virale të natës, kur ai u filmua duke kërcyer në tapetin e kuq me një kostum elegant.

8. Celeste ka vjedhur zemrat tona

Celeste eci në tapetin e kuq duke mbajtur një çantë anatomike të zemrës së kuqe, të furnizuar nga Gucci.

9. Burrat kishin qëndrime të ndryshme ndaj veshjeve shumëngjyrëshe

Dy nga të nominuarit kryesorë të aktrimit britanik, Daniel Kaluuya dhe Riz Ahmed të cilët sollën një veshje ‘tuxedo’. Kurse Leslie Odom Jr, erdhi në një qasje pak më shumëngjyrëshe, me kostumin e artë të plotësuar me bizhuteritë Cartier.

10. Udhëtime me stil të shkëlqyeshëm përtej Atlantikut

Glenn Close dhe Olivia Colman në të vërtetë nuk ishin në të njëjtin kontinent. Close ishte fotografuar e veshur me një fustan blu Armani në Los Angeles, ndërsa Olivia Colman kishte veshur një fustan të kuqërremtë me mëngë të gjata në qendrën britanike të Akademisë në Londrën BFI.

11. Crip Camp zotëruan tapetin e kuq

Producentët e Crip Camp, të nominuar për filmin më të mirë dokumentar dhe të vlerësuar për përfaqësimin e tyre të aftësisë së kufizuar. Bashkë-drejtorët Nicole Newnham dhe Jim LeBrecht, kishin përkatësisht një fustan të bukur krem dhe një ansambël blu të marinës të bërë me porosi.

Skena e Oskarëve e këtij viti kishte një devijim, për t’u siguruar që përdoruesit e karrocave nuk kishin asnjë problem të dilnin për fjalimin e tyre të pranimit.

12. Chloé dhe Swankie ndanë vëmendjen e vëmendjes

Fituesi i regjisorit më të mirë Chloé Zhao eci në tapetin e kuq së bashku me Swankie, një nga yjet e filmit të saj, Nomadland.

13. Ne nuk jemi të denjë për Laura Dern

Si një nga fituesit e vitit të kaluar, Laura Dern u kthye këtë vit me një fustan të lezetshëm ‘Oscar de la Renta’, me ç’rast dhuroi tre mesazhe të njëkohshme: Laura Dern është një nga gratë më të veshura të Hollywood-it, Laura Dern nuk do të ftohet në festën pas dhe veshja e mjellmës së Bjork nga Oskaret e vitit 2001 ishte shumë më përpara nga koha e saj sesa është kuptuar.

Të pranishmit dolën me veshje interesante për 93-vjetorin e Oscar Awards, një natë kjo e madhe që rezultoi në elegancë, shkëlqim dhe një shpërthim ngjyrash. / KultPlus.com

‘Another Round’, Filmi më i Mirë i Huaj në ”Oscars”

Filmi ”Another Round” i regjisorit Thomas Vinterberg, mbrëmë në ceremoninë e çmimeve ”Oscars”, u shpall fitues i çmimit për Filmin më të Mirë të Huaj, përcjell KultPlus.

”Another Round” trajton një temë që ndërlidhë katër shokë, të katërt profesorë në një shkollë të cilët testojnë një teori se nëse mbajnë një sasi të ccaktuar të alkoolit në gjak, jetët e tyre do të përmirësohen. / KultPlus.com

Another Round (2020) Mads Mikkelsen Credit: Henrik Ohsten/Samuel Goldwyn Films

“Quo Vadis, Aida?” ku luan Alban Ukaj, nuk arrin të triumfojë në “Oscar”

Është mbajtur edicioni i 93-të i “Academy Awars” ku fituesit ishin të shumtë, por çmimin për filmin më të mirë e ka marr “Nomadland” i regjisores kineze Chloe Zhao, shkruan KultPlus.

Pjesë e kësaj gare ishte edhe filmi “Quo Vadis, Aida?” i regjisores nga Bosnje e Hercegovina, Jasmilla Zhbaniq, i nominuar për Çmimin Oscar në kategorinë për filmin më të mirë. Në këtë film luan edhe aktori shqiptar Alban Ukaj, por filmi nuk ka arritur të dalë fitues në garën për filmin me të mirë ndërkombëtar në “Oscar”, përkundër që pritshmëritë ishin të mëdha. Këtë çmim prestigjioz e ka fituar filmi “Another Round” nën regji të Thomas Vinterberg.

Regjisorja e këtij filmi Jasmila Zhbaniq, në një intervistë të mëhershme ka folur më shumë rreth filmit të saj, ku është shprehur se nominimi për Oscar është vetë fitorja.

”Pas filmit Aida, bota kurrë nuk do ta harrojë Srebrenicën”, ka potencuar regjisorja e filmit.

Filmi “Quo Vadis, Aida”, është i bazuar në një ngjarje të vërtetë, të një përkthyeseje ndërkombëtare e cila ka shërbyer në atë periudhë në Bosnje dhe Hercegovinë. Në këtë film, aktori shqiptar, Alban Ukaj luan në rolin e përkthyesit Tarik. / KultPlus.com

Frances McDormand, aktorja më e mirë në ‘Oscars’ 2021

Për rolin e saj në filmin ‘Nomadland’, i cili poashtu fitoi çmimin kryesor si filmi më i mirë mbrëmë në ceremoninë ‘Oscars’, Frances McDormand, protagonistja kryesore në këtë film, u shpall fituese edhe e çmimit për aktoren më të mirë femër, përcjell KultPlus.

“Nomadland” flet për një grua që jeton në një furgon në Amerikën Perëndimore pas telasheve financiare, një udhëtim në tentativë për të gjetur vetveten.

Ky film ka prirë me çmime në ceremoninë e sivjetme të “Bafta Film Awards”. / KultPlus.com

‘Nomadland’, fitues i çmimit kryesor në ceremoninë e Oscars 2021

Mrbrëmë në ceremoninë e përvjetme të ‘Oscars’, filmi ”Nomadland” nga Chloe Zhao fitoi çmimin krysor për filmin më të mirë, përcjell KultPlus.

Ajo çfarë e bërë më të veçantë këtë çmim, është fakti se Zhao njëherit i ka bërë edhe një kthesë historisë kinematografike, duke u bërë gruaja e parë me ngjyrë që e merr këtë çmim.

“Nomadland” flet për një grua që jeton në një furgon në Amerikën Perëndimore pas telasheve financiare, një udhëtim në tentativë për të gjetur vetveten.

Ky film ka prirë me çmime në ceremoninë e sivjetme të “Bafta Film Aëards”. / KultPlus.com

Historia e çmimeve Oskar, detaje interesante dhe gabime

Që nga themelimi i çmimeve prestigjioze të Akademisë Amerikane të Arteve dhe Shkencave të Filmit në vitin 1929, çdo ceremoni ka pasur momentet, anekdotat dhe surprizat e veta të paharrueshme.

Fituesi më i ri i Oskarit është Shirley Temple në moshën pesë vjeç, i cili mori një çmim nderi për fëmijë në vitin 1934.

Laureati më i vjetër është Christopher Plummer, i cili fitoi një Oskar në vitin 2012 në moshën 82-vjeç në kategorinë e rolit më të mirë mashkullor në filmin “Beginners”.

Fituesi më i vjetër i çmimit si aktori më i mirë është Henry Fonda, i cili mori çmimin në vitin 1982 për “On Golden Pand”. Fonda atëherë ishte 76-vjeç.

Aktorja më e vjetër është Gloria Stewart, e cila fitoi Oskarin për filmin “Titanik” në 1987 në moshën 87-vjeç.

Lisa Minnelli është ndryshe nga aktorët e tjerë pasi ajo fitoi një Oskar – një çmim që prindërit e saj morën më herët. Minnelli mori çmimin si aktorja më e mirë në filmin “Cabaret” të vitit 1973. Nëna e saj, Judy Garde e famshme fitoi Oskarin e nderit në vitin 1939, dhe babai i saj Vincent Minnelli për regjisorin më të mirë në vitin 1958.

Ylli që fitoi më shumë Oskar është Catherine Hepburn – 1934, 1968, 1969 dhe 1982. Ajo u pasua nga aktori Daniel Day Lewis me tre Oskar.

Walt Disney Studio fitoi një rekord prej 26 çmime Oskar, katër prej të cilëve ishin çmime nderi.

Një nga ngjarjet e pakëndshme është dhënia e Oskarit në vitin 2017, kur filmi “La La Land” gabimisht u shpall filmi më i mirë.

Gabimi shpejt u korrigjua dhe çmimi iu dha fituesit të vërtetë, filmit “Moonlight”, por ekipi i muzikalit “La La Land” tashmë kishte dalë në skenë dhe kishte marrë urime. Gabimi ndodhi pasi prezantuesit iu dha zarfi i gabuar.

Oskarët jepen në 24 kategori, duke përfshirë filmin më të mirë, regji, aktori kryesor dhe aktorja kryesore, aktori më i mirë në rol dytësor dhe aktorja më e mirë, skenari më i mirë origjinal, skenari më i mirë i adaptuar, filmi i huaj më i mirë, dokumentar dhe i animuar, si dhe muzika më e mirë dhe speciale efektet.

Çmimi është një statujë e praruar e bërë nga Britania mbi një bazë të zezë metali, e gjatë 34 centimetra dhe peshë 3.85 kilogramë.

Në çdo ceremoni vjetore, jepen rreth 50 statuja, për të cilat duhen të paktën tre muaj për t’u bërë.

Oskarët përfundojnë sezonin e çmimeve të filmave në botë. Para Oskarëve, çmimet e Akademisë Britanike të Arteve të Filmit dhe Televizionit (BAFTA), si dhe çmimet e Shoqatës së Producentëve të Amerikës (PGA), Shoqata e Regjisorëve Amerikanë (DGA) dhe Globi i Artë. Këto çmime shpesh janë tregues të besueshëm se kush mund të fitojë një Oskar prestigjioz.

Cilët janë të preferuarit e këtij viti?

Akademia Amerikane e Arteve dhe Shkencave të Filmit ka shpallur listën e aktorëve dhe të famshmëve që do të presin sonte ceremoninë e 93-të të Akademisë në Los Anxhelos. Midis yjeve janë Harrison Ford, Brad Pitt, Halle Berry, Stephen Soderber, Joaquin Phoenix, si dhe regjisori i filmit “Parasite”, i cili fitoi çmimin kryesor vitin e kaluar – Oskarin për filmin më të mirë. Të gjithë të nominuarit duhet të jenë fizikisht të pranishëm në ceremoni.

Filmi “Mank” me protagonist Gary Oldman u bë i preferuari për Oskarin pasi u nominua në më shumë se 10 kategori. Filmi “Nomadland”, i cili fitoi katër BAFTA, u nominua në gjashtë kategori.

“The Father”, “Judas and the Black Messiah”, “Minari”, “Nomadland” dhe “Trial of the Chicago 7” kanë nga gjashtë nominime secili./insajderi/ KultPlus.com

Dua Lipa performon sonte në ndejën para akademisë ‘Oscars’

Këngëtarja shqiptare me famë botërore, Dua Lipa është e ftuara speciale e ikonës së muzikës Elton John, në ndejën që do të mbahet para zhvillimit të ceremonisë së ndarjes së çmimeve ‘Oscars’, shkruan KultPlus.

Elton John, përmes fondacionit të tij ka ftuar edhe shumë artistë të tjerë, të cilët do të performojnë në këtë ngjarje, ndërkaq paratë e mbledhura do të shkojnë në ndihmë të personave të prekur nga sëmundja e Sidës.

“Jeni të ftuar në ndejën e çmimeve të Akademisë për të ndihmuar Fondacionin kundër Sidës të Elton Johnit. Përdorni kodin DUA 80 për një zbritje 80 %”, ka shkruar Dua në Facebook. / KultPlus.com

Tetë filmat e nominuar si më të mirët në ‘Oscars’ për vitin 2021 (VIDEO)

Viti që lamë pas i gjeti kinematë kryesisht të mbyllura dhe shumë filma i shtyen datat e tyre të lansimit për shkak të pandemisë, ndër ta kishte shumë filma të rinj që bënë jehonë tek shikuesit, ndezën biseda dhe morën vëmendjen e votuesve të Oskarit.

Tetë filmat e nominuar për fotografinë më të mirë në ceremoninë e Oskarëve të së dielës pasqyrojnë gamën e larmishme të filmave të njohur këtë sezon çmimesh, duke trajtuar tema të rëndësishme dhe në kohë të tilla si raca, sulmet seksuale, imigracioni dhe lidhjet familjare, shkruan WWD, transmeton KultPlus.

Më poshtë gjeni tetë filmat më të përfolur që tashmë janë nominuar për ‘Oscar’.

The Father

Një burrë, teksa demenca i përkeqësohet, dyshon te familja dhe vetja dhe refuzon ndihmën duke humbur kontrollin mbi realitetin.

Judas and the Black Messiah

Historia e vërtetë e vrasjes së kryetarit të Partisë Black Panther, aktivistit Fred Hampton, pasi dikush bëhet pjesë e lëvizjes me urdhër të FBI-së.

Mank

Skenaristi i alkoolizuar Herman J. Mankiewicz përpiqet të përfundojë skenarin për “Citizen Kan.

 Minari

Një familje koreane që lëviz në Arkansas në kërkim të ëndrrës amerikane.

Nomadland

Pasi humb gjithçka, një grua vendos të jetojë si nomade.

Promising Young Woman.

Asgjë në jetën e Cassie-t nuk është ashtu si duket.

Sound of Metal

Drama e një bateristi heavy metal që humbet papritur dëgjimin.

The Trial of the Chicago 7

Filmi bazohet te gjyqi famëkeq i vitit 1969 për shtatë të pandehur të akuzuar nga qeveria federale për komplot dhe më shumë. / KultPlus.com

Regjisori i ‘Parasite’ flet kundër dhunës anti-aziatike dhe rolin e filmit në trajtimin e kësaj teme

Bong Joon-ho ka folur kundër dhunës anti-aziatike dhe asaj që krijuesit në industrinë e filmit mund të bëjnë për t’u përballur me çështje sociale.

Duke adresuar sulmet e fundit në SHBA,përfshirë edhe të shtënat masive në 16 mars në Atlanta që la tetë persona të vdekur, regjisori i Parasite pranon se ai ka një perspektivë të jashtme, duke folur nga shtëpia e tij në Kore, por thotë:

“Si dikush që është pjesë e njerëzimi, si person, është mjaft e frikshme të shikosh krimet e urrejtjes kundër aziatiko-amerikanëve dhe lëvizjen BLM. ”

“Unë mendoj për atë që industria e filmit mund të bëjë në këtë kohë,” shton ai, në intervistën e transmetuar në Universitetin Chapman të Kalifornisë, përcjell KultPlus.

“Mirëpo përmes filmave, krijimi i një filmi kërkon shumë kohë dhe shumë para; është një njësi e madhe që nuk mund t’i përgjigjet me të vërtetë shpejt çështjeve që po ndodhin aktualisht në shoqëri ”.

Sidoqoftë, ai thotë se mendon se krijuesit “mund të jenë më të guximshëm” kur bëhet fjalë për t’u marrë me çështje shoqërore bashkëkohore: “Ata nuk duhet të kenë frikë të ballafaqohen me to.”

Si një shembull i mirë i krijimit të filmit që qëndron kundër padrejtësisë shoqërore, Bong veçon filmin e Spike Lee-ut Do The Right Thing, i cili, siç sugjeron Lee në filmin e tij të shkurtër 3 Brothers, përfshin paralele shqetësuese me vrasjet e George Floyd dhe Eric Garner .

“Roli i një krijuesi”, thotë Bong, “jo domosdoshmërisht për të parashikuar se çfarë do të ndodhë në shoqëri, por për të përdorur depërtimin tuaj për të portretizuar çështjet që aktualisht po ziejnë nën sipërfaqen e shoqërisë që mund të shpërthejnë me vonë”. / KultPlus.com

Oscar 2021, kandidatët do të jenë të pranishëm si “punëtorë thelbësorë”

Në një letër, Akademia ka hartuar një sërë rregullash në funksion të edicionit të 93-të që do të mbahet në 25 Prill.

Përpara ceremonisë së ndarjes së çmimeve Oscar, të planifikuar në 25 Prill, Akademia e Arteve dhe Shkencave të Filmit i dërgoi një letër kandidatëve dhe të ftuarve të tyre, duke i siguruar që mund të marrin pjesë personalisht pasi konsiderohen “punëtorë thelbësorë”. Organizimi i çmimeve specifikon që ky status u jep kandidatëve disa përjashtime nga kufizimet e parashikuara për pandeminë, por i detyron ata të bëjnë karantinë dhe teste molekulare.

Për të garantuar siguri maksimale, edicioni i 93-të i Oscar-eve është organizuar si një set filmik dhe do të zhvillohet kryesisht në Union Station në Los Angeles me disa aktivitete në vendin tradicional të Teatrit Dolby.

 “Ata që janë përfshihen në prodhimin e Oscar-eve, si dhe të nominuarit dhe i ftuari i tyre, kualifikohen si punëtorë thelbësorë, dhe për këtë arsye u lejohet të udhëtojnë në dhe nga qendra e qytetit gjatë fazës së përgatitjes së Oscar-eve, duke përfshirë, ceremoninë e ndarjes së çmimeve”, lexohet në letrën e Akademisë. Në veçanti, të ftuarit duhet të arrijnë në Los Anxhelos deri më 17 prill nëse vijnë nga vendet jashtë dhe me rrezik të lartë dhe deri më 20 prill nëse vijnë nga Shtetet e Bashkuara, ose vendet me rrezik të ulët.

 “Nëse arrini në Los Anxhelos nga jashtë territorit të Kalifornisë, duhet të qëndroni në karantinë për 10 ditë pas mbërritjes tuaj dhe nuk mund të ndërveproni me askënd gjatë atyre 10 ditëve përveç personave në familjen tuaj, domethënë me njerëzit me të cilët jetoni” shpjegon Akademia.

Të gjithë aplikantët dhe të ftuarit duhet të kenë minimumi dy teste molekulare negative të kryera nga Akademia dhe një total prej tre testeve gjatë javës që paraprin Oscar. Secili prej aplikantëve dhe të ftuarit e tyre duhet të paraqesin planin e udhëtimit dhe karantinës për miratim deri më 8 prill, me ndryshime të mundshme deri më 12 Prill./a2/KultPlus.com

Ceremonia “Oscar” do të zhvillohet pa prezantues

Për shkak të pandemisë së koronavirusit, edicioni i 93-të i ceremonisë së shpërblimeve prestigjioze “Oscar”, do të zhvillohet pa prezantues.

Organizatorët e kësaj ngjarjeje madhore të kinematografisë, po bëjnë përpjekje të vazhdueshme të sigurojnë emra të njohur të skenës për t’i ndarë shpërblimet e kategorive të ndryshme, gjatë ceremonisë së organizuar pjesërisht në formatin e rregullt, dhe e cila transmetohet live më 25 prill.

Sipas portalit “Deadline”, Akademia e Arteve dhe Shkencave si dhe organizatorët e ceremonisë po shpresojnë se që gjatë gjithë natës, prezantuesit e profilit të lartë t’i shpërndajnë çmimet në skenë në bazë rotacioni.

Kjo risi në formën e organizimit vjen një javë pasi të gjithë personat e nominuar, ishin paralajmëruar se pjesëmarrja përmes formatit online nuk ishte opsion i këtij edicioni të ceremonisë.

Ceremonia do të ngjasojë me një shesh-xhirim aktiv, me ç’rast do të ndiqen masa të caktuara anti-Covid dhe në një letër dërguar gjithë atyre që janë pjesë e listës së ngushtë të nominimeve, organizatorët ua kanë shpjeguar në detaje përpjekjet e tyre të madha, për ta organizuar një mbrëmje të sigurt dhe të këndshme për të gjithë.

Të ftuarit të cilët nuk jetojnë në Los Angeles do të pranojnë udhëzime specifike, të cilat do të dallojnë nga ato të personave që tashmë janë banorë të këtij qyteti, por të nominuarve që nuk kanë mundësi ta ndjekin ceremoninë për shkak të planifikimit ose shqetësimit të vazhdueshëm për të udhëtuar si pasojë e pandemisë, u është thënë se nuk do të mund të bëhen pjesë e shout përmes platformave online.

Organizatorët i kanë inkurajuar fituesit që të bëjnë fjalime personale por t’i mbajnë ato sa më të shkurtra, si dhe i kanë shprehur shpresat që ceremonia ta sjell një ndjenjë normaliteti dhe humori të mirë. Po ashtu i janë referuar kodit të veshjes, duke theksuar se veshja e thjeshtë dhe e rastësishme nuk do të mirëpritet.

Përveç listës dukshëm më të vogël të mysafirëve të pranishëm në sallë, organizatorët kanë njoftuar se ngjarjet, “Oscar Nominees Luncheon” e cila tradicionalisht mbahet pak ditë para këtij shou dhe “Governor’s Ball” që zë vend pas ceremonisë shpërblyese, janë anuluar për këtë vit.

Edicioni i 93-të i ngjarjes më të rëndësishme kinematografike në botë, do të mbahet më 25 prill 2021 dhe do të transmetohet live në kanalin “ABC”, dhe në më shumë se 225 shtete të botës. / KultPlus.com

Mandatory Credit: Photo by Chris Pizzello/Invision/AP/Shutterstock (10108210s) An Oscar statue is pictured at the press preview for the 91st Academy Awards Governors Ball, in Los Angeles. The 91st Academy Awards will be held on Sunday, Feb. 24. at the Dolby Theatre in Los Angeles 91st Academy Awards – Governors Ball Press Preview, Los Angeles, USA – 15 Feb 2019