Adriana Matoshi premton mbrojtje institucionale për Miss Universe Kosova

Tuti Sjediu, 19 vjeçarja nga Komuna e Gjilanit e cila së fundmi ka fituar titullin “Miss Universe Albania & Kosova”, pas shpalosjes se ajo në moshën 13-vjeçare është përdhunuar e trafikuar nga disa persona, ka reaguar aktorja dhe deputetja Adriana Matoshi duke theksuar se drejtësia do të vihet në vend, ndërsa ajo ka premtuar mbrojtje institucionale, përcjellë KultPlus.

Matoshi përmes një postimi në rrjetin social Facebook, ka shpërndarë një foto me Sejdiun dhe një mbishkrim ku përshkruhet historia e saj e dhimbshme.

”Një vajzë si Tuti i duhet Kosovës. E guximshme, e fortë, e dashur dhe shumë motivuese”, thotë ajo.

KultPlus ju sjell postimin e saj të plotë:

Një çikë e fortë, e cila në momentin që e fitoi titullin e më të bukurës në “Miss Univers Kosova” vendosi me e shpalosë historinë e saj te trishtë personale dhe familjare.

Qëllimi i saj nuk ishte titulli i më të bukurës, por sjellja e drejtësisë në vend!

Qysh si e mitur ajo ishte objekt i dhunës seksuale, por tani është në duar të sigurta. Duke iu falenderuar Ministrisë së Drejtësisë dhe njerëzëve të mirë që punojnë aty, drejtësia për Tutin do të arrihet.

Një vajzë si Tuti i duhet Kosovës. E guximshme, e fortë, e dashur dhe shumë motivuese. Vajzat e Kosovës do të kenë mbrojtje institucionale. Ato janë baza e një familje të shëndosh, rrjedhimisht edhe e një kombi të shëndosh. Ato do të jenë të sigurta. Ju premtoj! / KultPlus.com

Matoshi e Balje triumfojnë, shpëtojnë nga dhuna nënën me dy vajza të mitura

Aktorja e njohur dhe deputetja e Parlamentit të Kosovës Adriana Matoshi ka njoftuar për një angazhim dy mujor që ka rezultuar të jetë i suksesshëm, shkruan KultPus.

Bëhet fjalë për një grua që ka përjetuar dhunë fizike nga bashkëshorti i saj, e cila është edhe shtetase e huaj, e cila për 16 vjet ka kërkuar ndihmën e institucioneve, por si pasojë e mos përgjigjes, ajo që 16 vjet është sorollatur nëpër dyer të institucioneve.

Matoshi ka shpjeguar se vetëm dy muaj u janë dashur për të mbështetur këtë grua, e cila bashkë me vajzat e saj do të kthehet në shtetin edhe prej nga ka ardhur në Kosovë.

KultPlus ju sjell të plotë postimin e Matoshit.

Mission completed!

M.T, së bashku me dy vajzat e saja (6 dhe 10 vjeç) sot e rifituan lirinë, e drejtë kjo elementare njerzore që do të duhej të i takonte çdo njeriu në botë.

Kjo nënë, shtetase e huaj, para 16 viteve u martua në Kosovë, me shpresën që do të nisë një jetë të re të lumtur e plot dashuri, por në vend të saj ajo për 16 vite përjetoi dhe mori nga bashkshorti vetëm maltretim fizik e psiqik.

Që nga viti 2014 nuk la derë pa trokitur që të ankohet për problemet e saja, po të gjitha dyertë i kishte të mbyllura, duke mos gjetë mbështetje as nga të afërmit e burrit, e as nga institucionet përkatëse. Nga frika se nuk do t’i shihte më vajzat, ajo refuzoi të largohej pa vajzat nga Kosova, duke qëndruar kështu plot 16 vite me mall e dhimbje larg familjes e vendlindjes së saj.

E gjitha do të qëndronte ashtu, sikur jo rastësisht shokut tim, A.I. i bie në dorë një video, ku shihet dhuna e shfrenuar e bashkshortit të saj ndaj njërës prej vajzave të tyre, i cili më lajmëron mua për rastin. Me urgjencë interesohem për këtë familje dhe arrijë të siguroj kontakt. Pas pak edhe takohemi me M.T., ku nën ethe e trauma më rrëfehet për tmerrin të cilin e kishte përjetuar nga bashkshorti gjatë gjithë këtyre viteve.

I premtoj ndihmë të parezervë dhe instikti i parë më dërgon në komisionin për të drejtat e njeriut, ku deputetja Duda Balje e cila është edhe kryetare e komisionit, njoftohet detajisht me gjithë historinë e kësaj nëne.

Pastaj e njoftojmë edhe Ministrinë e Drejtësisë, ku udhëzohemi prej Nazlie Bala për procedurat e mëtutjeshme.

Në ndërkohë deputetja Balje arriti ta caktoi një takim me ambasadën e shtetit të saj, nga të cilët morëm mirëkuptim dhe mbështetje të plotë për zgjidhjen e këtij problemi. Meqenëse vajzat nuk kishin dokumente të shtetit shtetase e të cilit ishte nëna e tyre, në fillim e pamë të pamundshme largimin e tyre nga Kosova, aty ku ishte vullneti i tyre të shkojnë, por ambasada përkatëse u tregua shumë mirëkuptuese dhe gjithëçka përfundoi mirë.

Pas 16 viteve dhunë fizike e psiqike, pas 8 viteve sorollatje nëpër institucione duke kërkuar dëshprimisht ndihmë, ne na u deshtën vetëm 2 muaj përkushtim që kjo katrahurë të përfundojë.

Si nënë që jam, dua ta falenderoj Ministrinë e Drejtësisë, kolegen Duda Balje, ambasadën e shtetit të saj dhe Edita Dula që gjithmonë i qendroi afër kësaj nëne në hall.

Një falenderim i veçnatë ua dedikoj deputetëve të Lëvizjes Vetëvendosje që gjithmonë ndihmojnë me të holla kur është nevoja, sikur edhe në rastin e M.T., që mundësuan blerjën e biletave për udhëtim jashtë vendit.

E për ju që e keni pritë me skepticizëm angazhimin tim në politikë dhe keni pyet se çka lypë një aktore në Parlament, ju them që ky është veç fillimi. Nuk do të ndalem derisa në vendin tim secili të jetojë i lirë, dhe me të drejta të barabarta si çdo njeri tjetër në botën e civilizuar!/ KultPlus.com

Kjo është juria e konkursit “Letër Presidentes” organizuar nga KultPlus

Fëmijëve të Kosovës ju dha mundësia që t’i drejtohen me një letër presidentes së Republikës së Kosovës, Vjosa Osmanit, përmes një konkursi të hapur nga KultPlus.

Pas mbylljes së aplikimeve ku kanë arritur mbi 100 letra në adresën e KultPlus, juria profesionale e përbërë nga shkrimtari Ibrahim Kadriu, aktorja Adriana Matoshi dhe përfaqësuesja e KultPlus, redaktorja Jeta Zymberi, janë zgjedhur edhe dhjetë letrat më të mira drejtuar presidentes përmes sëcilave fëmijët e moshave prej 10 deri 15 vjet i drejtohen presidentes duke shprehur kërkesat dhe dëshirat e tyre.

Për të shënuar këtë organizim përmes një ceremonie, KultPlus ka organizuar eventin “Letër Presidentes” ku do të jetë e pranishme edhe presidentja e Republikës së Kosovës, Vjosa Osmani ku me këtë rast fëmijët e përzgjedhur nga kjo garë do të jenë të pranishëm e do ti lexojnë letrat e tyre para presidentes.

Krejt në fund fëmijët do të certifikohen, kurse tri letrat më të mira edhe do të shpërblehen.

Eventi mbahet ditën e mërkurë, më datë 30 qershor, në ora 13:00 në KultPlus Caffe Gallery. / KultPlus.com

Matoshi me fjalim të fuqishëm në Kuvend: Filmi duhet të shpallet interes shtetëror dhe si i tillë duhet të financohet

Sot në seancën e Kuvendin të Kosovës që po vazhdon ende të mbahet, ndër të tjerë, fjalën e ka marrë edhe deputetja Adriana Matoshi e cila ka folur për kinematografinë e Kosovës, shkruan KultPlus.

Në fjalimin e saj të fuqishëm, Matoshi ka potencuar suksesin që filmat kosovar kanë pasur viteve të fundit në festivalet më prestigjioze të botës dhe njëkohësisht ka kërkuar që kinematografia të përkrahet në nivel vendi.

“Viteve të fundit, vajza dhe djemtë e kinematografisë, aktorë dhe regjisorë nga Kosova kanë shënuar rritje të suksesit në arenën ndërkombëtare të filmit. Edhe pse me buxhet të vogël, falë talentëve të shumtë, kemi filma në të gjitha festivalet më të mëdha të botës si në: Sundance, Rotterdam e Kanes”, thotë Matoshi.

Sipas saj, përfaqësimi në Kanes me dy filma nga një shtet i vogël si Kosova dhe në konkurrencë me shtetet nga e gjithë bota, është një e arritur e rrallë sepse ata po shkëlqejnë me filma të shkurtë, të gjatë dhe me dokumentarë.

“Ky talent duhet të përkrahet në nivel vendi, fillimisht duke plotësuar ligjin për kinematografi, të harmonizojnë ligjet, të cilat mundësojnë që Kosova të përfitojë fonde evropiane të filmit. Duhet të rregullohet ligji për sponsorizime, për lehtësira financiare për kompanitë e huaja që xhirojnë në Kosovë”, ka thënë Matoshi.

Për Matoshin, përmes filmit paraqitet historia jonë e vërtetë dhe promovohet një imazh më i mirë për vendin dhe arenën ndërkombëtare. Andaj, duhet të sensibilizohemi dhe tregojmë vëmendje në krijimin e kushteve dhe ofrimin e përkrahjes për ushtrimin dhe zhvillimin e veprimtarisë së tyre, coftë edhe vetëm duke ia njohur kontributin e tyre të deritashëm.

Krejt në fund, aktroja dhe deputetja Adriana Matoshi ka kërkuar që të bëhet thirrje për një seancë të jashtëzakonshme për kinematografi. / KultPlus.com

Seriali ‘Rrushe’ vjen premierë sonte, një fërgëllimë unike e zhanrit dramë/krim

Era Berisha

Në një zhanër krejtësisht ndryshe nga e zakonshmja, nën zgavrën sfiduese e ambicioze të dramës dhe krimit, shpaloset një histori me plot të papritura që do i dhurojnë një kahje tjetër zhvillimit të ngjarjes duke e vendosur kështu kastën e aktorëve të jashtëzakonshëm në një rrugëtim sa argëtues po aq edhe drithërues, me rastin e nisjes së serialit më të ri vendor të titulluar ”Rrushe”, shkruan KultPlus.

Emri i serialit “Rrushe”, vjen nga vetë fakti që është shumë i kapshëm nga publiku ku edhe shumica e njerëzve të paktën një herë gjatë jetës së tyre e kanë thirrur një person të dashur në atë pseudonim. Ndërsa, emri i personazhit kryesor siç është Vesa, e që emrin e saj përkëdhelës ia ka vendosur gjyshi i saj, Faruk Pirulli, i cili njëkohësisht është personi i saj më i dashur, befas do të ndodhi një e papritur që do të ndërrojë kahjen e ngjarjes e për çka edhe do të zbulohet se jo rastësisht emri i serialit ka këtë titull.

Seriali “Rrushe”, është i vendosur në dy periudha kohore që ndërlidhen mes vete, të tashmen dhe fundin e viteve ’90 dhe përfshin familjen Pirulli si protagonistë kryesorë, një familje e zakonshme prishtinase, apo së paku kështu duken në sytë e të tjerëve. Vesa, vajza e familjes, punon si gazetare hulumtuese. Por, një e kaluar e errët, e mistershme dhe brutale, që gjenezën e kishte në bujari e mirësi, rikthehet që t’ua ndryshojë jetërat atyre që më së paku e meritojnë. E në udhëkryq të kësaj ngjarje gjendet Vesa, për të cilën koncepti i drejtësisë dhe dashurisë do të ndryshojë përgjithmonë.

Puna në serialin “Rrushe” kishte filluar para një viti, në kohën kur të gjithë ndodheshim në karantinë dhe ideja për realizimin ka lindur nga ekipi i ‘Gjirafa Studios’, ku pavarësisht situatës pandemike, produksioni ka ndikuar pozitivisht në mobilizimin, vullnetin dhe dëshirën që stafi të krijojë diçka. Kështu, ata çdo ditë kanë mbajtur mbledhje online duke diskutuar rreth historive së gjithë secilit që i kanë ndodhur përgjatë jetës së tyre.

Përmes këtyre historive të lexuara në njërën nga mbledhjet ku nuk ka munguar humori dhe emocionet që nuk njihnin fund, aktorët kanë njohur njëri-tjetrin më mirë dhe kështu ata kanë vendosur që të takoheshin me novelistin Jeton Kulinxha, të cilit i kishte pëlqyer energjia e ekipit dhe ka filluar të shkruante skenarin së bashku me Patrik Lekaj për realizimin e një projekti të tillë që besohet se do të lë gjurmë në vend. Pas shumë diskutimeve dhe takimeve që kanë ndodhur me Kulinxhin, skenari i episodit të parë ka gjetur vend në një periudhë kohore qysh nga muaji qershor e deri në tetor.

Seriali deri më tani përmban gjithsej dy sezone me nga 10 episode, ku deri më tani janë shkruar rreth 17 episode dhe ekipi gjendet në përfundim të xhirimeve për episodet 6-10. Ndërsa, për ekzistencën e sezoneve të radhës do të vendos publiku i cili mbetet të vulos jetëgjatësinë e këtij seriali.

Për herë të parë në vend ‘Gjirafa’, sjell një veçanti të bukur ku grumbullon një kast të mrekullueshëm, mbi 80 aktorë të cilët përmes serialit do të trajtojnë tema si: krimi, korrupsioni, ndikimi i familjes tek fëmijët, roli i gruas në shoqëri, zhvillimi i karrierës, bullizmi në shkolla dhe më gjerë, tradhtia, çrregullimet mendore e shumë tema tjera për të cilat besohet se do të kenë një ndikim tek audienca.

Ky serial përfshin aktorët si: Doresa Rexha, Shkumbin Istrefi, Aurita Agushi, Andi Bajgora, Lum Veseli, Ema Koxha, Xhevat Qorraj, Armend Smajli, Eshref Durmishi, Qëndresa Jashari, Bislim Muçaj, Arta Muçaj, Agron Shala, Labinot Raci, Enver Petrovci, Ernest Malazogu, Adriana Matoshi, Çun Lajçi, Ermal Sadiku, Adrian Morina, Basri Lushtaku, Semira Latifi, Afrim Muçaj, Bujar Ahmeti, Allmir Suhodolli, Adelina Halitjaha, Eden Kastrati, Lurni Krasniqi, Donikë Ahmeti, Berat Pllana, Xhelal Haliti, Artiola Hamdia, Erta Leci, Vjosa Abazi, Shkëlqim Islami, Nexhat Xhokli, Mikel Markaj, Kastriot Saqipi, Gojrat Kqiku dhe Dashuri Rexhepi.

Prodhimi nga Gjirafa Studios sjell këtë serial me regji nga Valter Lucaj, me skenar nga Jeton Kulinxha dhe Patrik Lekaj, producente Doresa Rexha, menaxhere e produksionit Adele Gjoka, skenografia nga Enes Sahiti, drejtor i fotografisë Burim Tufa, inxhiner i zërit Gëzim Berisha, muzika nga Samer Agolli, kostumografia nga Bahtije Krasniqi, montazhi dhe ngjyrat nga Kreshnik Shala.

Valter Lucaj, regjisori i këtij serali, ka treguar për KultPlus se para pranimit të skenarit të parë për serialin ”Rrushe”, për shkak të pandemisë ai ndodhej në një periudhë të vështirë me ‘GjirafaStudios’, ku ekipit i ka ndryshuar tërësisht mënyra e të menduarit dhe punuarit.

 “Gjatë gjithë procesit për projektet që ishim duke i zhvilluar në përputhje me rrethanat e reja, në të njëjtën kohë ishim duke u munduar që të vinim deri tek ideja për të sjell diçka më ndryshe, më sfiduese dhe ambicioze. Kur e kemi lexuar dhe diskutuar rrjedhën e historisë së Rrushe-s, së bashku me vizualizim në kokën time, më ka dhuruar emocione por edhe një ndjenjë që seriali do të jetë njëri ndër projektet më të veçanta për mua dhe ashtu po del të jetë”, tha Lucaj.

Regjisori po ashtu ka theksuar se që nga fillimi i prodhimit të serialit, ata kanë pasur qëllime të sakta që të tejkalohet kualiteti ku edhe Kosova si vend të radhitet për prodhime me kualitet të lartë duke u krahasuar jo vetëm me Ballkan por edhe tutje.

 “Mesazhin të cilin e përçojmë me temat e trajtuara në këtë projekt, është që t’i mbledhim aktorët e mirënjohur në një vend duke i dhuruar kështu vlerë audiencës”, thotë Lucaj.

Sipas tij, bashkëpunimi i jashtëm me Gjirafën dhe puna në këtë kompani e ka intriguar regjisorin mjaft shumë duke pasur parasysh risitë që kanë sjell në treg dhe përkushtimin e tyre në fusha të caktuara. Prandaj, duke u bazuar në atë eksperiencë, para dy vjetëve Lucaj i është bashkangjitur ekipit të Gjirafës si producent ekzekutiv dhe regjisor duke realizuar kështu qëllimin e tij për prodhimin e një seriali me këto përmasa.

Regjisori tutje ka theksuar se vështirësitë gjatë procesit kanë qenë të shumta për shkak të projektit sfidues. Ndërkaq, për procesin e punës në tërësi ka thënë se deri tani është shumë i kënaqur me komplet punën ekipore e sidomos për dashurinë dhe vullnetin e tyre, me ç’rast puna është duke shkuar për mrekulli dhe për regjisorin konsiderohet një privilegj që po punon me secilin nga ata.

“Vështirësi ka pasur duke pasur parasysh situatën pandemike, pastaj projekti është sfidues dhe si ekip na ka frikësuar dhe shpesh herë i kemi krijuar vështirësi vetes sepse projekti është ambicioz. Por, vështirësi ka qenë edhe besimi në një projekt të tillë, menaxhimi i një ekipi kaq të madh por gjithsesi ekipi, dashuria dhe vullneti për të krijuar këtë projekt i kanë lehtësuar të gjitha punët”, shpalos regjisori.

Për Lucaj, përzgjedhja e aktorëve nuk ka qenë proces i lehtë sepse seriali ka personazhe të shumta prandaj edhe për disa role të caktuara janë mbajtur audicionet dhe për disa të tjerë janë ftuar aktorët pasi që Kosova nuk është vend i madh dhe nga puna e tij disa vjeçare, ai ka punuar edhe më herët me shumicën prej tyre.

Gjithashtu, ai ka folur edhe rreth provave për këtë serial që trajton tema dhe ngjarje të ndryshme prandaj edhe kasta e aktorëve janë të ndarë në bazë të ngjarjeve dhe provat mbahen në grupe të caktuara, gjithmonë duke pasur parasysh masat e shtruara.

 ”Veçantia më e madhe e ‘Rrushe’, është trajtimi, xhirimi dhe mënyra se si është duke u krijuar seriali me një ekip i cili mundohet të dhuroj gjithçka nga vetja, vetëm e vetëm që ky serial të realizohet në mënyrën më të mirë të mundshme. Performanca dhe përkushtimi i aktorëve janë një tjetër veçanti sepse është projekti i parë ku këta aktorë janë në një vend”, përfundon Lucaj për KultPlus.

Ndërsa, Doresa Rexha, producentja e këtij seriali dhe njëkohësisht edhe aktore, ka treguar për KultPlus se ‘Rrushe’ është projekti që e ka sfiduar atë më së shumti deri më tani e edhe nga i cili ka mësuar më së shumti.

“Sinqerisht, kur lexova titullin “Rrushe”, e paragjykova paksa, por pasi që e lexova u binda për të 500 herë që libri nuk gjykohet nga kopertina. Më ka pëlqyer jashtëzakonisht shumë dhe frikësuar deri në palcë”, thotë Rexha.

Sipas saj, duke pasur parasysh përgjegjësinë e madhe brenda ekipit të Gjirafa Video, së bashku me themeluesin e kompanisë Gjirafa, Mërgim Cahani është vendosur kërkimi për profesionistë të duhur për pozita të caktuara ku kështu janë takuar edhe me regjisorin Lucaj.

“Duke e njohur punën e Valterit, përkushtimin dhe pasionin për profesion sigurisht që ai e kishte vendin në ‘Gjirafë’. Pa Valterin si regjisor dhe pa ekipin si Adele, Kiqa, Fisi, Giza, Trashegimi, Patriku, Bled, Edon, Frasher, Bahtie, Driton, Atdhe, Besnik, Leona dhe Jeton nuk do të mundësohej ky serial”, tregon ajo.

Për Rexhën, ka qenë e vështirë menxhaimi si producente dhe aktrimi në xhirime por që dashuria, pasioni, përkushtimi dhe ndihma e regjisorit dhe ekipit, e ka bërë të mundur këtë arritje. Por edhe pse e vështirë, ajo këtë proces e ka cilësuar si njëri ndër më të bukurit që ka përjetuar ndonjëherë.

“Ekipi i GjirafaStudios jo që nuk kanë kursyer asgjë nga vetja e tyre por i kanë tejkaluar edhe limitet e tyre. Prandaj, ndjehem e nderuar dhe e privilegjuar që po bashkëpunoj më të gjithë aktorët e sidomos me: Xhevat Qorraj, Çun Lajçi, Enver Petrovci dhe Bislim Muçaj”, tregon Rexha për KultPlus.

Krejt në fund, ajo është shprehur se dashuria për profesionin dhe profesionalizmi i tyre janë shkollë për aktorë dhe të gjithë këta aktorë janë vlerë e serialit prandaj ajo ndjehet me fat që i kanë besuar këtij projekti.

Sa i përket aktorëve, dy nga ata si: Afrim Muçaj dhe Aurita Agushi, tashmë janë pjesë e serialit dhe aktualisht ndodhen në përfundim të xhirimeve.

“Ishte ftesa e producentes Doresë Rexha, e cila me prezantimin e projektit “Rrushe” në formën më të mirë të mundshme, nuk më la zgjidhje tjetër pos ti bashkohem këtij produkti ambicioz dhe shumë interesant. Pastaj, pa dyshim që ishte nder për mua ti bashkohem regjisorit Valter Lucaj dhe gjithë kastës fantastike që ka përzgjedhur ai”, thotë Mucaj.

Sipas tij, tema e serialit është njëra ndër pikat më të forta. Trajtimi dhe guximi i një teme të tillë konsiderohet maja e arsyejës që mblodhi këta aktorë ku së bashku me skenarin e mirë, regjisorin dhe produksionin profesional është menduar se ”Rrushe” do të jetë shumë e bukur për publikun.

Roli i aktorit Muçaj është menduar të jetë mjaft interesant dhe atraktiv për publikun duke pasur parasysh që nuk është i lehtë për tu interpretuar.

“Bashkim Pirulli, vëllai i vogël i familjes së madhe Pirulli, të cilin e luaj, është një personazh atdhetari i cili bashkë me “Lëvizjen Qëndresa” në krye me Mixhen Zekë (të cilin e qëndisë aktori Çun Lajçi), mundohemi për disa episode ti ofrojmë publikut pamje të atdhedashurisë dhe kontributit të shumë brezave të viteve të 90-ta, që kontribuuan në mundësinë qe ne sot të xhirojmë të lirë ‘Rrushen”’, tregon ai për KultPlus.

Për Muçaj, si çdo punë serioze dhe profesionale siç është edhe ky produkt, do të haset në pengesa gjatë rrugës por që gjithsesi ata po punojnë me një qejf të madh duke arritur synimin që ky produksion ka.

“Jam shumë i lumtur që po punoj me regjisorin Lucaj sepse energjia e tij e madhe pozitive dhe profesionalizmi ekstre, të fut në përgjegjësi të mëdha”, përfundon Muçaj për KultPlus.

Kurse, për aktoren Aurita Agushi, ftesa për të qenë pjesë e serialit ka ardhur nga vetë regjisori i cili ka punuar edhe më herët me aktoren e për çka ajo nuk ka hezituar as edhe një sekondë që të bëhet pjesë e serialit.

“Që në bisedën e parë shihej qartë se bëhej fjalë për një projekt shumë premtues që do të na bëjë krenarë të gjithëve dhe jo vetëm neve por edhe ata që do e shikojnë serialin”, tregon Agushi.

Sipas saj, kur bëhet fjala për një projekt kaq të madh, vështirësitë nuk mungojnë. Pandemia konsiderohet si vështirësia më e madhe por që me një organizim dhe profesionalizëm të jashtëzakonshëm nga ‘Gjirafa’, çdo gjë ka qenë më e lehtë për të.

Agushi do të luaj rolin e Merita Pirullit, bashkëshorte dhe nëna e tre fëmijëve. Merita është një profesoreshë arti e cila përballet me shumë sfida si në jetën personale ashtu edhe ne atë profesionale.

“Seriali është përditshmëria jonë ku secili prej nesh do ta gjejë veten në personazhet dhe skenat e Rrushe-s.  Mesazhi është që secili prej nesh duhet të bëjë pjesën e tij që Kosova të jetë vendi për të cilin të gjithë ëndërrojmë dhe duam ta shohim ashtu siç e ëndërrojmë”, përfundon Agushi për KultPlus.

”Rrushe” është seriali më i ri vendor i cili vjen premierë sonte dhe mund të ndiçet çdo të diel nga ora 20:00 në T7 si dhe online në GjirafaVideo.

Ndërkaq, disa nga pritshmëritë e ekipit janë që ky projekt të mirëpritet nga publiku as më shumë e as më pak nga sa kanë punuar e munduar ata, fillimi dhe krijimi i një projekti ku çdo anëtar të jetë krenar për punën e tij si dhe është cilësuar se ”Rrushe”, është projekti më serioz dhe më i madhi ndonjëherë në të gjitha trevat ku flitet shqip. Prandaj, për “Rrushe“ do të flitet gjithandej./ KultPlus.com

Matoshi takon Shatrollin, diskutohet rideminsionimi i Teatrit Kombëtar

Aktroja e mirënjohur Adriana Matoshi, njëherit edhe deputete në Parlamentin e Kosovës është takuar sot me Drejtorin e Teatrit Kombëtar, Naser Shatrollin, ku ështe diskutuar pëe rideminsionimin e teatrit, përcjell KultPlus.

“Sot e kishim në vizitë aktoren e teatrit dhe filmit artistik – deputeten e Parlamentit të Kosovës znj. Adriana Matoshi, e cila ishte e interesuar që të bashkrendoj me ne konkretisht për të ridimensionuar teatrin në të gjitha dimensionet.

E falenderuam për mbështetjen konkrete që me këmbëngulje shprehu para nesh, në relacion me dëshirën e madhe të saj që teatri të rritet!”, ka shkruar Shatrolli ne postimin e tij në rrjetin social Facebook./ KultPlus.com

Adriana Matoshi regjistrohet për herë të parë si deputete: Dalshim faqebardhë në të gjitha iniciativat

Adriana Matoshi është regjistruar për herë të parë si deputete e Kuvendit të Kosovës nga radhët e Lëvizjes Vetëvendosje, shkruan KultPlus.

Këtë e ka bërë të ditur Matoshi nëpërmjet një postimi në Facebook ku ka falënderuar gjithsecilin për besimin e dhënë, duke shpresuar në të njëjtën kohë për një të ardhme më të mirë për vendin.

Më poshtë mund të lexoni statusin e saj të plotë:

Për herë të parë u regjistrova si deputete e kuvendit te Kosovës!

Faleminderit për besimin e juaj,shpresoj për një të ardhme të ndritur pë t’gjithë qytetarët e vendit!

Kofshim e dalshim faqebardhë me punë të mbara e suksese në të gjitha iniciativat!/ KultPlus.com

Gazeta franceze: Dy jetët e aktores dhe deputetes kosovare, Adriana Matoshi

Gazeta franceze “Le Croix” i ka kushtuar aktores dhe tashmë deputetes kosovare, Adriana Matoshi, një portret interesant që vë në fokus jetën dhe artin e saj.

Kjo aktore, fituese e shumë çmimeve po fillon një jetë të re si deputete në gjirin e partisë reformiste Vetëvendosje. Fituese në zgjedhjet parlamentare të këtij 14 shkurti, Vetëvendosje është thirrur ta udhëheqë Kosovën, pas 20 vjet dorëvënie nga partitë e dala nga  lufta. 

“Kosova është një vend i vogël me shumë paragjykime”. Patriarkati, Adriana Matoshit, ja ka nxirë jetën ashtu si të gjitha kosovareve. Aktore dhe e shkurorëzuar, ajo shpejt u shënjua si “femër e lehtë”. Një etiketë që në rastin më të mirë, mundëson përqeshje, e në më të keqin, shantazh. Por Adrianën, asgjë nuk e ka larguar nga drejtimi i saj. Dhe, në moshën 41 vjeçare, është pak për të thënë që aktorja e sapo zgjedhur ka përjetuar shumë gjëra.

“Kur kishte ikur nga lufta në fillim të vitit 1999, Adriana gjeti strehim në kampin  Stenkovac në Maqedoninë Veriore. Atëherë ishte 19 vjeçe dhe shpejtoi të martohej me të dashurin e saj, me shpresë për të shkuar në Shtetet e Bashkuara. “Lufta përfundoi dhe s’arritëm të shkonim”. Çifti kthehet në Kosovë dhe Adriana lind të parin nga katër fëmijët e saj, të cilët tani janë 20, 16, 11 dhe 9 vjeç. “Doja të kem shumë fëmijë, në mënyrë që ata të mos ndjenin mungesën nga e cila unë kam vuajtur, si fëmijë i vetëm, nga mos pasja vëllezër apo motra”.

Prindërit e saj shitën fabrikën e tyre të vogël të këpucëve në Gjilan, në juglindje të vendit, për t’u kujdesur për pasardhësit në Prishtinë, ndërsa Adriana ndiqte ligjëratat në Fakultetin e artit dramatik. “Kur isha fëmijë në Gjilan, shkoja në bibliotekë, në teatër, në kinema. Isha e magjepsur nga ekrani i madh. Kisha 8 apo 9 vjet kur i premtova vetes se një ditë do të isha në këtë ekran të madh. Kurrë nuk e kam ndryshuar këtë mendim. Gjyshja më thoshte: “Ti je artistja ime”, por ajo vdiq para se ta pyesja – përse ?

Gjatë shtatzënësisë së katërt, Adriana humbi shikimin në njërin sy. Diagnoza: tumor në tru. “Më është dashur të lindja me operacion cezarian dhe pastaj, jam operuar. Ishte situatë shumë e vështirë, të cilën mendoja ta tejkaloja, duke menduar për filmin tim të ardhshëm. Adrianës i rikthehet shikimi. “Një rilindje e vërtetë”. Veçse jeta bashkëshortore po i dëmtohej, për të përfunduar me ndarje. “Në momentin kur karriera ime ngjitet, jeta ime private bie”, thotë ajo. 

Një film homazh femrave të përdhunuara gjatë luftës

Këto vitet e fundit, filmat kosovarë po marrin famë. Edhe Adriana Matoshi bashkë me ta! Ajo ndërlidhë xhirimet dhe grumbullon çmimet e aktores më të mirë, në Festivalin e filmit të Evropës Juglindore në Paris, Mostra në Valencia (Spanjë) dhe në Festivalin e filmit të pavarur Sundance, në (SHBA). Sidomos për filmin “Nëntori i Ftohtë” mbi shpërbërjen e Jugosllavisë, ose së fundmi në filmin “Zana”, për gratë e përdhunuara gjatë luftës, në respekt të nënës dhe motrës së regjisores, të vrara gjatë konfliktit në Kosovë. “Ky film më ka shqetësuar shumë dhe e kisha të vështirë të kthehesha në vetvete”, thotë ajo. 

Edhe pse ajo është një yll i vërtetë në vendin e saj, në Kosovë nuk jetohet nga arti i shtatë. “Në  Kosovë ka mjaft talente, por jo kushte për t’u shprehur, dhe as buxhet”. Ajo u bë menaxhere e “Dar Tea Room”, një kafene e stilit maroken. 

Aty Adriana pret shoqërinë e saj. “Në jetën time kam vuajtur prej urisë. Shqetësimi për të qenë në gjendje t’i ushqej të gjithë, më ka ndjekur me vite. Vuajtje kam pasur plot, por asnjëherë s’i kam shprehur përmes pamjes, me fytyrë të trishtuar”. Dhe kurrë ajo nuk ka menduar të heqë dorë nga filmi. 

Të dëgjohet zëri i grave në parlament 

Pikërisht këtë aktore të fortë, këtë grua të vendosur e të hapur që tani jeton me një futbollist të ri afrikan – mjaftueshëm për t’u ndeshur sërish me paragjykimet – Albin Kurti, lideri i ri kosovar i partisë reformiste Vetëvendosje, e ka kërkuar të bëhet deputete. Ashtu sikurse dhe Vasfije Krasniqi -Goodman, një e zgjedhur tjetër e kësaj partie, e përdhunuar gjatë luftës në moshën 16 vjeçare, e cila u bë zëri i grave që kishin përjetuar të njëjtin fat, dhe ndaj të cilave drejtësia nuk u përmbush kurrë. 

Partia, e cila duhet të marrë drejtimin e vendit për herë të parë, pas triumfit të saj në zgjedhjet parlamentare të këtij 14 shkurti, ka premtuar një epokë të re për Kosovën. Një ndjekje të pamëshirshme kundër korrupsionit dhe krimit të organizuar, që kanë lulëzuar mbështetur nga partitë të krijuara nga ish-guerilasit, që kanë kapur vendin qysh nga lufta. Adriana Matoshi dhe Vasfije Krasniqi-Goodman, mishërojnë fytyrat e reja të vendit të ri i cili dëshiron të marrë një nisje të re.

“Unë kurrë s’ kisha menduar të hy në këtë botë të panjohur të politikës. Më kanë kritikuar shumë në rrjetet sociale. Por pasi ishte menduar mirë, Adriana Matoshi kishte thënë se, duke pasur parasysh rolet që kishte luajtur dhe historinë e saj personale, ajo mund të bënte që zërat e grave të dëgjoheshin në Parlament. “Dua të jem në gjendje t’i mbroj të gjitha gratë që nuk mund të jetojnë ashtu siç ato do të donin”, thotë ajo. Ka shumë për të bërë për gratë që janë viktima të dhunës. Mbi të gjitha, ajo do të besojë se “është koha për t’u dhënë buzëqeshje kosovarëve”. 

Frymëzimi i saj, fryma e familjes së saj

Pa familjen e saj, Adriana Matoshi kurrë s’do të kishte mundur t’i kapërcente të gjitha pengesat e jetës për t’u bërë aktore. Prindërit braktisën jetën e tyre në Gjilan, në juglindje të vendit, për të ardhur në Prishtinë, kryeqytet, dhe për ta ndihmuar atë. “Unë dhe fëmijët e mi jemi gjithçka për ta” thotë ajo. Edhe sot, ata kujdesen për katër fëmijët e aktores. 

Nga gjyshja e saj e adhuruar, Adriana thotë se mësoi durimin dhe qëndrueshmërinë që i mundësuan, të mos dorëzohej kurrë. Dhe nga nëna e saj, ajo mban këtë forcë të brendshme, që e bëri të patundshme: “Nëna ime kishte gjithnjë besim të plotë tek unë, e bindur që unë, vet, isha aq e fortë sa të ngrija një kamion. Babai im, i shqetësuar për të ardhmen e fabrikës së tij dhe dyqanit të këpucëve, më shihte të bëhesha ekonomiste. Por nëna ime më thoshte: “Vazhdo, ec, jetoje jetën tënde!”. /albinfo/ KultPlus.com

Adriana Matoshi zyrtarisht edhe deputete e Parlamentit të Kosovës: Çka punoj e punoj me shpirt

Adriana Matoshi tashmë ka marrë dritën e gjelbër të jetë deputete e Kuvendit të Kosovës nga radhët e VV-së, e cila në total ka grumbulluar 10 mijë e 403 vota, shkruan KultPlus.

Adriana Matoshi e cila njihet si një ndër aktoret më të suksesshme të kinematografisë së Kosovës, e cila numëron edhe shumë çmime nga festivale prestigjioze, tashmë do të jetë edhe përfaqësuese e qytetarëve, e me fokus të veçantë për gratë dhe artistët.

“Jam shumë e lumtur, por në të njëjtën kohë kam edhe një përgjegjësi të madhe”, ka thënë Matoshi për KultPlus, e cila ka spikatë se është e vetëdijshme për punët e mëdha që e presin, por, sipas saj, duke e njohur përkushtimin e saj në çdo angazhim të deritanishëm, edhe angazhimi i saj si deputete do të jetë 100%.

“Çka punoj, e punoj me shpirt”, ka thënë Matoshi, e cila për lexuesit e KultPlus ka thënë se ka shumë gjëra që do të fokusohet e që e kanë preokupuar tash e shumë vite duke përfshirë edhe dhunën ndaj grave, për luftën ndaj parregullsive të shumta që janë bërë nga njerëzit kompetent, dhe shumë pika të tjera.

“Do të fokusohem edhe në drejtësi, në mënyrë që ta qojmë përpara, për aktivitete të shumta të Rinisë së Kosovës, fëmijët pa përkujdesje dhe në shumë fusha të tjera që kanë nevojë emergjente për ndryshim”, ka thënë Matoshi.

Por Matoshi e cila vjen nga bota e artit ka thënë se një fokus të madh do të ketë për zhvillimin e kulturës në vend, që sipas saj, deri tash sa i përket mbështetjes ka qenë si pika e fundit në Qeverinë e Kosovës.

“Ne jemi dëshmitarë të asaj se kultura ka qenë e para me arritje, dhe e fundit me përkrahje institucionale”, ka thënë Matoshi.

Matoshi krejt në fund ka apeluar te të gjithë qytetarët që mos të hezitojë që të kërkojnë mbështetje për të gjitha kërkesat e tyre, pasi që, sipas saj do të jetë në shërbim të popullit të saj.

“I lus që të më lodhin me kërkesa, sepse unë kam me qenë e drejtë dhe njësoj për të gjithë qytetarët e Kosovës”, ka thënë Matoshi.

Adriana Matoshi përpos që është e njohur në kinematografi, ajo është e njohur edhe për rolet e shumta në teatër dhe seriale./KultPlus.com

Matoshi: Unë aktrimin kam me vazhdu me filma dhe teatër, jo si disa në parlament

Para pak ditësh u bë e ditur se aktorja e mirënjohur Adriana Matoshi, është kandidate për deputete në radhët e Lëvizjes Vetëvendosje, shkruan KultPlus.

Ka pasur shumë komente dhe kritika, disa që e përkrahnin e disa që edhe nuk pajtoheshin me vendimin e aktores. Duke bërë që kjo e fundit të reagoj përmes një statusi në rrjetin social Facebook, ku është shprehur se aktrimin do ta vazhdoj në teatër e në filma dhe jo si disa të tjerë na parlament.

Në parlament kam me qenë zëri i popullit e do të flas për ato gjëra që i di më së miri‘, ka shkruar Matoshi. / KultPlus.com

Gjilanasja Adriana Matoshi: Do ta kem numrin 60, nëse e lexoni mbrapsht numrin 60, është numri i Gjilanit tim

Sot u bë e ditur se në listën e kandidatëve për deputetë në radhët e Lëvizjes Vetëvendosje do të jetë edhe aktorja e njohur, Adriana Matoshi.

Ajo ka reagur përmes një statusi në rrjetin social Facebook, ku ka treguar se kësaj radhe me ftesën e Kurtit, do të kandidojë edhe ajo për deputete.

Më poshtë mund të lexoni statusin e plotë të Matoshit.

Zgjedhjet e 14 shkurtit nuk janë zgjedhje të zakonshme. Ato tashmë janë referendum. Zakonisht, deri tani, kontributi im nëpër zgjedhje ka qenë vetëm nëpërmjet votimit. Këtë herë, me ftesën e kryeministrit Albin Kurti do të garoj edhe unë.
Në këto zgjedhje, në listën fituese të Lëvizjes VETËVENDOSJE! do ta kem numrin 60. Nëse e lexoni mbrasht numrin 60, pra 06 është numri i Gjilanit tim.
Falemnderit që më keni qëndruar afër e uroj që të ua zbardhi fytyrën përherë.
E juaja,
Adriana. /
KultPlus.com

Adriana Matoshi aderon në ‘Vetëvendosje’

Aktorja e njohur Adriana Matoshi, ka aderuar në Lëvizjen Vetëvendosje.

Lajmi u bë i ditur sot në faqen zyrtare të Levizjes Vetvendsoje, në rrjetin social Facebook, ku u postua lista e plotë e Referendumit.

Bashkangjitur gjeni listën e plotë të Referendumit.

Lista e Referendumit:
1 Albin Kurti
2 Vjosa Osmani Sadriu
3 Glauk Konjufca
4 Vasfije Krasniqi
5 Avni Dehari
6 Albulena Haxhiu
7 Arben Vitia
8 Donika Gërvalla
9 Gani Krasniqi
10 Shqipe Selimi
11 Liburn Aliu
12 Hekuran Murati
13 Armend Muja
14 Arbërie Nagavci
15 Adnan Rrustemi
16 Haxhi Avdyli
17 Fatmire Kollçaku
18 Mimoza Kusari Lila
19 Haki Abazi
20 Ardian Gola
21 Rozeta Hajdari
22 Xhelal Sveçla
23 Saranda Bogujevci
24 Faton Peci
25 Fitore Pacolli
26 Hydajet Hyseni
27 Hysamedin Feraj
28 Jahja Koka
29 Yllza Hoti
30 Hajrulla Çeku
31 Bajram Mavriqi
32 Besim Muzaqi
33 Doarsa Kica Xhelili
34 Fitim Uka
35 Tinka Kurti
36 Fitim Haziri
37 Arbëreshë Hyseni Kryeziu
38 Arbër Rexhaj
39 Dimal Basha
40 Burim Karameta
41 Enver Dugolli
42 Arijeta Rexhepi
43 Valon Ramadani
44 Valdet Januzaj
45 Albana Morina Xharra
46 Agon Batusha
47 Fatmir Humolli
48 Jeta Statovci
49 Alban Hyseni
50 Hysen Durmishi
51 Arta Bajralia
52 Arion Thaqi
53 Ali Tafarshiku
54 Angjelina Krasniqi
55 Artan Abrashi
56 Rrustem Leti
57 Shqipe Metaj Isufi
58 Luan Aliu
59 Labinotë Demi Murtezi
60 Adriana Matoshi
61 Avni Zogjani
62 Mirsad Shkreta
63 Arjeta Fejza
64 Nasuf Bejta
65 Gazmend Gjyshinca
66 Jetmira Vrenezi
67 Nijazi Isaku
68 Drita Millaku
69 Eman Rrahmani
70 Mefail Bajqinovci
71 Hatixhe Hoxha
72 Ekrem Mustafa
73 Fjolla Ujkani
74 Enver Haliti
75 Mentor Arifaj
76 Vendenis Lahu
77 Gegë Lleshi
78 Mimoza Shala
79 Visar Korenica
80 Gresa Bytyqi
81 Halil Thaçi
82 Mirlinda Tishukaj
83 Hysni Mehani
84 Lumnije Mikullovci
85 Milazim Salijaj
86 Bernarda Radoncic
87 Edmond Pruthi
88 Blerim Gashani
89 Liri Loshi
90 Agime Gashaj
91 Adnan Ademi
92 Rreze Duli
93 Xhafer Berisha
94 Albana Gashi
95 Alban Bajrami
96 Leonora Sfarqa
97 Shpejtim Arifi
98 Besnik Zeqiraj
99 Jehona Ferizi
100 Ilir Aliu Kapiti
101 Nazlie Bala
102 Uran Halimi
103 Jeton Lajqi
104 Nita Bakalli Istrefi
105 Abdyl Gashi
106 Driton Hyseni
107 Orges Tafilaj
108 Shenaj Shala
109 Gramos Agusholli
110 Salih Zyba. / KultPlus.com

Filmi “Zana” rrëmben çmimin e publikut në “goEast Film”

Filmi i dëshmuar edhe në arenën ndërkombëtare, “Zana” ka fituar çmimin e publikut në festivalin “goEast Film”, shkruan KultPlus.

Filmi i metrazhit të gjatë nga regjisorja Antoneta Kastrati ka arritur të zë këtë çmim në edicionin e 20-të të organizimit të këtij festivali në Gjermani. Tanimë, ky film ka fituar një shumë prej 1,500 euro, financuar nga publiku dhe nga “kulturMut”, platformë e financimit të fondeve të Fondacionit Aventis dhe Frankfurt RheinMain Kulturfonds.

Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës. / KultPlus.com

Për herë të parë flet pas kryqëzimit mediatik, Matoshi: Nuk e kam pritë këtë reagim, synuan të më shkatërrojnë pse e dua një njeri

Suada Qorraj

Ndonëse sukseset e saja janë panumërta, madje pikërisht në natën e tridhjet e një tetorit ajo kishte fituar çmimin e aktores më të mirë në festivalin e filmit “Mostra de Valencia” në Spanjë, Adriana Matoshi u bë cak i sulmeve e fryrjeve në rrjetet sociale, por edhe nga ana e mediave. E ky sulm shpërfaqi edhe një herë një nga anët e errëta të shoqërisë, racizmin e ndërtuar mbi baza etnie e ngjyre. Ishte pikërisht ky racizëm dhe kryqëzimi drejtuar aktores në rrjetet sociale që u diskutua natën e mbrëmshme në ambientet e KultPlus Caffe Gallery, shkruan KutlPlus.

Aktorja Adriana Matoshi gjatë këtij diskutimi pohoi se e dinte se lidhja e saj do të zgjonte kureshtje, mirëpo nuk ja kishte marrë mendja që do të bënte një bujë kaq të madhe. Ajo madje përmendi edhe kohën kur lojtarët Anglez nuk u mirëpritën mirë në Ballkan, e pikërisht në atë kohë secili ndihej krenar për faktin që kosovarët nuk janë një popull racist, por nuk e mendonte që do vinte ku si pasojë e racizmit do të gjykohej për zgjedhjen e saj personale.

“Pak a shumë ma ka marr mendja që ka me zgju kureshtje, sidomos tek portalet, por nuk ma ka marr mendja që një dalje e imja publike për lidhjen time personale ka me marrë bujë kaq të madhe dhe ka me u përfolë kaq shumë tek njerëzit. Më herët kur ka luajtur Anglia me Kosovën futboll në Prishtinë e di që është bërë një hallakam e madhe sa i përket racizmit dhe se nuk janë pritur mirë në ballkan, dhe janë ndje aq mirë që ne si popull nuk jemi racista. Por, kur dola unë për një sen personal veç u ngulfata, nuk ma ka marrë mendja qaq shumë që ka me shku deri diku ku se kam pritë”, theksoi Matoshi.

Aktorja ndër të tjera theksoi edhe fjalët e mira që ka marrë gjatë kësaj kohe. Sipas saj përderisa kishte të bënte me ndjenjat e saja, miratimin e prindërve dhe fëmijëve të saj, si dhe përderisa tashmë kishte lindur një dashuri mes dy personash, atëherë nuk i bënte keq askujt.

“Kam pasur përkrahje edhe prej njerëzve të ndryshëm, prej njerëzve edhe të mëdhenjë. Mesazhet që vini gjatë kësaj kohe ishin si me ma zanë frymën, se unë nuk disha a është mirë, a është keq. Por, duke u nis prej ndjenjës tem, prej shpirtit tem dhe kur i kam analizu dhe jam ulë me mendu mirë se çka kam bërë. Unë kamë rënë dakord me familjen time, me prindërit e mij, me fëmijët e mij, me veten time, edhe kam thënë kërkujna keq nuk i kam bërë. Unë jam duke e dashtë një njeri edhe ai është duke më dasht mu dhe përderisa dy vetë duhen nuk ka asnjë të keqe”, tha Adriana Matoshi.

Përgjatë këtij debati Matoshi shpjegoj se për të nuk ka qenë e lehtë të përballet me diçka që nuk e kishte imagjinuar ndonjëherë se do ti ndodhte. Ajo foli edhe për faktin se si për një moment nëna, aktorja por edhe personi i thjeshtë në rrugë ishte shuar e shndërruar brenda një dite në një objekt bullizmi.

“Nuk ish aspak e lehtë me u përballë me diçka që nuk e kisha imagjinu, nuk është lehtë kur ti nuk i ke bo kërkujt keq, nuk e ke mendu për asnjë njeri keq diçka ose nuk e le lëndu, as nuk ju ke përzi kërkujt në familje, as nuk ke shkatërru dikë. Dhe për një moment prej të gjithë atyre lëvdatave që i kam pas si aktore, si nënë, si person i thjeshtë në rrugë, për një moment krejt qajo Adriana e mirë që jam kon për ton jetën për një ditë u shu komplet. Nuk o shu te unë absolutisht se unë e kam cekë një lidhje mu nuk më ka bo as ma te mirë as ma të keqe mu më ka bo veç ma të lumtur edhe nuk kam mendu qe ka me i pengu dikujt lumturia jeme deri në atë pikë”, vazhdoi tutja aktorja.

Ndërkaq për panelistin , si dhe psikologun Fitim Uka ishte e rëndësishme realizimi i një debati të tillë, për një ngjarje të tillë që vë në pah atë se çka ne jemi si shoqëri. Sipas tij ajo se çka ka përjetuar aktorja është reflektimi i sjelljes tonë në mjediset familjare dhe edukimin racist që ju bëjmë brezave të rijnë.

“Është mirë që është realizu një debat i tillë sepse jemi lodhë prej debateve politike që na nxjerrin të mirë para ekraneve, por mandej bie një ngjarje e tillë dhe e kuptojmë se kush jemi në realitet. Me thanë të drejtën unë kisha dasht me i kërku falje Adrianës, për shkak që mendoj se jemi bashkëfajtor për atë që ka ndodhë sepse në një mënyrë apo tjetrën në mjediset tona familjare, në mënyrën se si ne sillemi dhe i përbrendësojmë disa norma e parime të caktume ne i kemi eduku brezat e rijnë që me qenë kaq racist, aq racist sa që ndërhyjnë edhe në jetën personale të dikujt deri në masën që do të jenë kriteret tona ato që duhet të përcaktojnë se kush duhet ta takojë dikë, apo kush duhet të lidhet emocionalisht me dikë tjetër.” tha Uka.

Sipas psikologut ne si shoqëri kemi tendencën që të paragjykojmë personat e gjërat që i cilësojmë të huaja, madje edhe ti portretizojmë si inferiore. E sipas tij pikërisht ky inferioritet përbën edhe thelbin e racizmit tonë.

“Përderisa jam i bindur që ne edhe në mjediset tona familjare shpesh herë edhe në shkollë por të motivum edhe prej mediave i promovojmë disa prej roleve, modeleve të cilat janë raciste edhe ksenofobe për shkak se e kemi këtë tendencën se ajo që është e huaj, ajo që është e ndryshme prej nesh gjykohet aq vrazhdë sa të tingëllojë dhe të portretizohet si inferiore ky është thelbi i racizmi, pra ne e kemi tendencën që çfarëdo individi grupi të caktuar në momentin kur ata nuk ngjasojnë me një ‘unë nuk jam krejt identik’ ti quajnë më inferiorë”, shtoi panelisti.

Tutje Fitim Uka ka thënë se janë pikërisht personat që i kanë ofruar Adriana Matoshit mbështetje ata që duhet të promovohen në media. Sipas tij ne si shoqëri kemi tendencën që të qeshim me shakatë raciste e t’ju japi edhe hapësire në televizion duke mos menduar pasojat.

“Dua të besoj që të gjithë ata njerëz që i kanë ofru ndihmë dhe mbështetje Adrianës janë ata që duhet të promovohen në media, janë ata që duhet të promovohen në kuadër të shoqërisë sepse ndonjëherë ne kemi tendencën që të qeshim me këto shakatë që janë raciste, si dhe kemi tendencën që t’ju japim hapësirë në televizion duke i promovuar në kuadër të shoqërisë dhe nuk e kuptojmë se si shpërndahen këto paragjykime kështu që është mirë me ju thonë mjaft qysh tash në mënyrë që mos me e pagu ma shrejntë në të ardhmen”, pohoi Uka.

Udhëheqësja e këtij debati aktorja Aurita Agushi përgjatë këtij diskutimi përmendi edhe faktin që pikërisht në natën kur Adrana Matoshi ishte bërë cak i sulmeve dhe i fyerjeve në rrjetet sociale, por edhe kryeqendra e artikujve të mediave, ajo kishte fituar edhe çmimin aktores më të mirë në festivalin e filmit “Mostra de Valencia” në Spanjë.

E për Matoshin marrja e këtij çmimi, ndryshe prej çmimeve tjera nuk i kishte bërë aq shumë përshtypje pikërisht për faktin që ndonëse puna e saj profesionale po ecte si mos më mirë, ishin pikërisht njerëzit që dikur i thurnin lavde, tashmë i ishin kthyer kundër dhe përqonin mesazhe negative për aktoren. Sipas saj është fatmirësi prezenca e njerëzve të mirë, të cilët kanë parë e kanë jetuar mjaftueshëm që të mos bëjnë paragjykime të tilla.

Përgjatë këtij debati u zhvillua edhe një diskutim me të pranishmit në ambientet e KultPlus Caffe Gallery, ku dhe u morën perspektiva të ndryshme rreth kësaj çështjeje. Debati “Racizmi dhe rrjetet sociale” është mbështetur nga Drejtoria për Kulturë e Komunës së Prishtinës./ KultPlus.com

Debati ‘Racizmi dhe rrjetet sociale’ mbahet sot në KultPlus Caffe Gallery

Në KultPlus Caffe Gallery organizohet sot një debat mbi racizmin dhe kryqëzimin e figurave publike në rrjete sociale.

Në këtë debat, panelistë do të jetë aktorja e njohur kosovare Adriana Matoshi dhe psikologu i njohur Fitim Uka.

Kjo mbrëmje do të moderohet nga aktorja e njohur Aurita Agushi.

Për shkak të zhvillimeve të fundit si pasojë e pandemisë dhe masave që priten të merren nga Qeveria e Kosovës, debati do të mbahet në ora 15:00 në KultPlus Caffe Gallery.

Ky event është mbështetur nga Drejtoria për Kulturë e Komunës së Prishtinës.

Për shkak të Pandemisë, ata që do të vijnë të parët do të kenë mundësi të ndjekin nga afër këtë debat. / KultPlus.com

Ndryshon ora e debatit “Racizmi dhe rrjetet sociale”

Për shkak të zhvillimeve të fundit si pasojë e pandemisë dhe masave që priten të merren nga Qeveria e Kosovës, ndryshon ora e debatit “Racizmi dhe rrjetet sociale”, shkruan KultPlus.

Në KultPlus Caffe Gallery organizohet një debat mbi racizmin dhe kryqëzimin e figurave publike në rrjete sociale. Ky debat fillon nesër në orën 15:00.


Në këtë debat, panelistë do të jetë aktorja e njohur kosovare Adriana Matoshi dhe psikologu i njohur Fitim Uka.


Kjo mbrëmje do të moderohet nga aktorja e njohur Aurita Agushi.
Debati nga Drejtoria për Kulturë e Komunës së Prishtinës.


Për shkak të Pandemisë, ata që do të vijnë të parët do të kenë mundësi të ndjekin nga afër këtë debat./ KultPlus.com

Adriana Matoshi, fituese e çmimit ‘Aktorja më e mirë’ në Mostra de València

Adriana Matoshi u shpall fituese e çmimit ‘Aktorja më e mirë femër’, në Festivalin e Filmit Mostra de València, shkruan KultPlus.

Matoshi këtë çmim e mori për rolin e saj në filmin ‘Zana’.

Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës. / Kultplus.com

Filmi ‘Zana’, pjesë e Festivalit të Filmit në Izrael

Filmi i gjatë artistik me regji të Antoneta Kastratit, i cili tashmë ka dëshmuar një sukses të madh në arenën ndërkombëtare, është bërë pjesë e Haifa International Film Festival, festival ky që mbahet në Izrael, shkruan KultPlus.

Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës.

‘Suksesi i filmit është kënaqësi, është shpërblim për punën dhe kontributin e krejt personelit që ka punu drejt realizmit të filmit’, ka potencuar Sevdije Kastrati për KultPlus.

Më poshtë gjeni linkun me informata më të detajuara rreth festivalit. / KultPlus.com

https://www.haifaff.co.il/eng/Films/7061/Zana?fbclid=IwAR2ROFXFmMITnG5YtykV8P5jDpbkFZUr8FM4aaA1fq3s9-TA1LIh-dVSG8U

Filmi “Nëntori i ftohtë” – Ballë për ballë luftës

Rreth filmit “Nëntori i ftohtë” në regji të Ismet Sijarinës, me aktorët kryesor Kushtrim Hoxha dhe Adriana Matoshi.

Ballsor Hoxha

Filmi kosovar, me filmin “Nëntori i ftohtë”, është film që ka gjetur mënyrën e trajtimit, kinematografizimit dhe të rrëfimit të dhembjes së shoqërisë sonë. Në të vërtetë ka një dilemë dhe një tragjedi në shoqërinë tonë, nëse e kemi gjetur mënyrën apo edhe rrëfimin tonë për veten tonë dhe dhembjen tonë përbrenda shoqërisë sonë dhe drejt të tjerëve. Nëse kemi bërë aq sa duhet për të rrëfyer, për të hapur plagët dhe për t’i bashkëbiseduar ato, dhe nëse kemi mundur të kalojmë megalomaninë e patriotizmit tonë të paktë për të gjetur realen e rrëfimit tonë, qoftë në perspektivë të dhembjes dhe qoftë në perspektivë të përpjekjes sonë.

Dilema është nëse rrëfimi ynë, i kinematografizuar deri më tani, ka gjetur shprehjen dhe narrativin e besueshëm, jo vetëm nga sistemi i vlerësimit të filmit ndërkombëtarisht, jo vetëm të trendit të filmit, por edhe për vetë shoqërinë tonë. Nëse vetë kinematografizimi i rrëfimit tonë i flet shoqërisë sonë? Nëse jemi ende në kërkim të një narrativi, të një rrëfimi, të një përmbajtjeje që na hapë plagët që kemi përjetuar vetëm dhe vetëm për t’i komunikuar ato. Derisa komunikimi i plagës/traumës është i vetmi mjekim i tyre.

Si duket, duhet kohë, edhe për të trajtuar e edhe për të rrëfyer realen, dhe jetën në përgjithësi në raport me tërë atë që kemi përjetuar, gjigantësinë e tragjedisë dhe vuajtjes si shoqëri. Filmi “Nëntori i ftohtë” i regjisorit Ismet Sijarina, ka gjetur një perspektivë krejtësisht origjinale, kosovare dhe krejtësisht reale të të rrëfyerit të kësaj.

Filmi “Nëntori i ftohtë” ka dy pikënisje tejet interesante: fazën e para-luftës në Kosovë, fillimet e rezistencës shqiptare në ish Jugosllavi; dhe në anën tjetër, zbritjen e perspektivës kinemtografike nga niveli gjithëkombëtar, tragjedisë kolektive, dhe megalomanisë së patriotizimit, në nivelin e një familjeje kosovare në jetët e tyre të zakonshme, në zakonshmërinë e një tragjedie të pazakonshme.

Në zanafillën e parë, faza e para-luftës, apo thënë më saktë të fillimit të luftës shqiptare jugosllave dhe serbe, në filmin e Ismet Sijarinës “Nëntori i ftohtë” është kinematografizuar në tërësinë e saj një periudhë në historinë tonë, pra të të gjithë të përfshirëve – qoftë edhe trupave serbe të ardhura në Kosovë të vrara për shkak të luftës në Kroaci dhe Bosnjë – në tërësinë e kësaj periudhe shpërfaqen prej qirinjëve dhe kusive të rebelimit dhe rezistencës paqësore tanimë të harruar në historinë tonë megalomane, e deri tek përjashtimi nga puna i shqiptarëve dhe fillimi i solidaritetit të pashembullt ndër shqiptarët e Kosovës etj.

Në anën tjetër, në zanafillën e dytë të regjisë së Ismet SIjarinës së filmit “Nëntori i ftohtë” vëzhgohet kalimi i një familjeje nga viti 1991 e deri në krisjen e kratereve të luftës nëpër tërë shoqërinë dhe strukturat e saj. Kjo familje në zakonshmërinë e saj përballet me një fat krejtësisht të pazakonshëm , dhe më të madh se vetë jeta e tyre. Derisa çdo gjë krisë dhe shndërrohet në armiqësi në shoqërinë tonë, regjisori Sijarina e vazhdon jetën e familjes së protagonistëve burrë e grua, Fadilit (Kushtrim Hoxha) dhe Hanës (Adriana Matoshi) me të gjitha përballjet ekszitenciale të tyre; me masturbimin e adoleshentit të

familjes për një serbe; me festimin e ditëlindjes së vajzës së tyre; me përpilimin e këngëve me kitarë të kryefamiljarit; me vazhdimin e marrëdhënieve serbo-shqiptare (ndërmjet të papërfshirëve në krimet serbe) e më tutje. Është jetë, që nuk ndalet dhe që ndodh pavarësisht tragjedisë dhe katastrofës kudo përreth.

Këto dy zanafilla të filmit “Nëntori i ftohtë” qysh në titull e tutje paralajmërojnë një tragjedi, në fakt, në histori, dhe në imtësitë e jetës së zakonshme. Ndërtojnë një botë, apo thënë më saktë një ndërmjet-botë, që ishte mu pak para krisjes së kraterit të luftës/luftërave jugosllave, dhe pak para krisjes së luftës së vërtetë të viteve nëntëdhjetë në Kosovë. Në të vërtetë regjisori Ismet Sijarina kujdeset që të zbulojë këtë botë, këtë kalim, këtë çarje të shoqërisë kosovare, dhe me këtë të ritheksojë të dy anët e luftës, kalimin e njeriut në pandjeshmëri absurde dhe në anën tjetër, pamundësinë e pastërtisë apo thënë ndryshe gjithëpërfshirjen e njeriut dhe shoqërisë në ëuftë, pa një mundësi veçimi, distancimi apo edhe refuzimi përfshirjeje.

Në këtë, kjo botë shpërfaq, konfliktin e njeriut përbrenda luftës, konfliktin e tij ballë përballë pandjeshmërisë së luftës, konfliktin e tij me të përbindshmen e saj, dhe me brishtësinë individuale. Protagonisti i filmit Fadili, në këtë botë e cila është duke u mbyllur brenda pandjeshmërisë së luftës, kalon nga një qytetar i zakonshëm, që shndërrohet në tradhtar dhe më tutje një prej informatorëve të krimeve serbo-jugosllave në tërë Jugosllavinë. Ky kalim i tij, dhe konflikti i tërë familjes, që vuan ndërmjet ekzistencës dhe patriotizmit; që vuan të ndodhurit në luftë dhe të domosdoshmërisë së vazhdimit të jetës; të shndërrimit të vlerës dhe izolimit të kolektiveve të armiqësuara, janë një realitet i cili krijon një botë të pandjehme, të rrezikshme, e shndërron atë në diçka që është afër vdekjes dhe ku vdekja është në ardhje e sipër. Kjo në të vërtetë është një botë e panjohur, e harruar, dhe e vuajtur nga vetë ne, por që nuk pati një refleksion rrëfimi dhe trajtimi kinematografik dhe më tutje, në tërë kulturën tonë, megjithëse është shumë me rëndësi dhe periudhë rrënjësisht e rëndësishme në qeniesimin tonë qoftë si kolektiv kosovar dhe qoftë si kolektiv shqiptarë.

Ngjarja e filmit është ngjarje e cila është trajtuar me regji të kombinuar, masive, intime, detaijste dhe të realizmit. Është ngjarje e cila përcjellë detaje si milionat e inflacionit jugosllav, “dokumentet blu” të përjashtimit të shqiptarëve nga puna, dhe kusitë dhe cingërimat me to të fillimit të rezistencës shqiptare në ish Jugosllavi. Është ngjarje e cila përvijon këtë botë përmes të ndodhurit e një familje në tërë zakonshmërinë e jetës së saj, nëpër tragjedi të përmasave të paimagjinueshme. Kjo familje “vuan” domosdonë e të jetuarit qoftë në luftë. Është kohë lufte dhe qoftë edhe patatet e lëna pranë derës së kësaj familje si shenjë e damkosjes si familje tradhtare, duhet zier për t’i ngrënë, për të mbetur mbijetuar.

Familja e protagonistit Fadili i cili duhet të vendos ndërmjet mbijetesës së fëmijëve dhe familjes, për shkak të vendit të tij të punës, me gruan Hana e cila dyshohet për kancer megjithëse lufta ndodh, me dy fëmijët e tyre me gjithë ditëlindjet e tyre dhe dashuritë dhe masturbimet qoftë edhe ndaj një serbeje, dhe babain e tij Muhamed si person me aftësi të kufizuara, personifikon dhe jep të zhveshur jetën e luftës dhe para luftës, pa megalomaninë e patriotizmit dhe pa narcisizmin e viktimës së luftës. Është të qenit ballë përballë me ekzistencën dhe rrezikun e vdekjes nga të gjitha anët, dhe jetës së rrezikuar nga të gjitha burimet e jetës.

Jeta në filmin “Nëntori i ftohtë” të regjisorit Ismet Sijarina është dhënë si brishtësi e njeriut, si konflikt i njeriut me të keqen e tij apo kolektivit, i cili shndërrohet në masë të pakokë, dhe revoltë e njeriut ndaj luftës, dhunës dhe të keqes ndaj njëri tjetrit. Në të vërtetë, duke veçuar tri skena; 1. Derisa protagonisti

pastron babain e tij me aftësi të kufizuara, dhe qanë e rrëfehet për “qyqarllëkun” e tij; 2. Derisa protagonisti Fadili i këndon gruas Hana (ADriana Matoshi) e cila fsheh nga ai dyshimin për të pasurit kancer apo tumor në gji; dhe skena derisa protagonisti Fadili jep intervistë në televizionin e Serbisë për shfrytëzimin e shërbimeve serbe si shqiptarë që është, i detyruar dhe i manipuluar dhe i abuzuar për këtë; janë skena që e krijojnë shtresën më të thellë të kësaj jete në luftë. Pamundësisë së ikjes nga lufta dhe dhuna, pamundësisë së njeriut përballë dhunës dhe luftës, dhe pamundësisë së vetë njeriut përballë të ligës së njeriut ndaj njeriut.

Janë skena të filmit “Nëntori i ftohtë” të cilat krijojnë një narrativ krejtësisht origjinal dhe origjinal kosovar, mbi brishtësinë e njeriut dhe mbi pamundësinë e jetës në luftë. Krijojnë një film mjeshtëror i cili del përballë tërë cirkut të megalomanisë së nacionalizmit dhe patriotizmit dhe krijon një përvijim i cili e zhvesh dhunën dhe e humanizon njeriun në luftë, në konflikt me ekzistencën e rrezikuar në njërën anë dhe në anën tjetër me domosdonë për të mbijetuar.

Mjeshtëria regjisoriale e Ismet Sijarinës dhe filmi në tërësi, me lojën e shkëlqyeshme të Kushtrim Hoxhës dhe të Adriana Matoshit, është zhveshja e filtrit dhe motivit të patriotizmit, dhe shprehja e etheve të luftës pa sensacionin e vrasjes vdekjes dhe tragjedisë.

Është psikologji e cila krijon një herë veçimin e kontekstit dhe kolektivit në tërësi ndaj individit, dhe më tutje e vëzhgon krisjen e po të njëjtit individ nën trysninë e kontekstit dhe kolektivit të armiqësuar, të nisur për luftë. Individi, qoftë si kryefamiljar dhe qoftë si person në vete, thyhet gjatë tërë kohës sa zgjatë filmi, është vëzhgim i thyerjes së njeriut në luftë në të vërtetë. Në dramë dhe vëzhgim tejet intim dhe real, deri në krisje të tërës. Është psikologji e ndërtuar me kujdes dhe dorë mjeshtërore origjinale kosovare që duke bartur rrëfimin në perspektivat e jetës kolektive përmes detajeve, hapë tërë humnerën e luftës dhe e shpërfaq njeriun brenda saj. Të pamundshëm, të thyeshëm, dhe të paaftë në njerëzinë e tij përballë luftës. Kjo psikologji e këtij filmi e hapë këtë botë, tanimë të harruar nën dramën permanente të kolektivit kosovar, të para-luftës së Kosovës, dhe vëzhgon njeriun në fatkeqësinë e tij, si p.sh. në skenën e përpilimit të një kënge të re të protagonistit derisa gruaja është nën dyshimin për sëmundjen e kancerit, skenë e cila hapë tutje tërë njerëzinë që ndodh brenda luftës, qoftë në të vazhduarit të njeriut të sëmuret, dhe qoftë në përpilimin e këngëve; qoftë në degradimin e tij shëndetësor, qoftë në shpresën dhe entuziazmin e tij, të pandalshëm dhe të paikshëm, qoftë edhe në luftë.

Duke iu kthyer fillimit, filmi kosovar me filmin “Nëntori i ftohtë” është film i cili flet ballë për ballë me luftën. Jo më si heroizëm dhe ngadhënjim, jo më si narcisizëm viktime, por si reale e cila përpinë një botë të tërë, një shoqëri të tërë, dhe hapë një dilemë të njeriut në universale: cilët ishim ne? Luftëtarët, apo viktimat e njëri tjetrit! / KultPlus.com

Adriana Matoshi zgjedhet aktorja më e mirë në festivalin ‘Fantaspoa’ në Brazil

Jeta Zymberi

Filmi debutues i Antoneta Kastratit, ‘Zana’, që pati premierën e tij botërore në festivalin e madh të Torontos në Kanadë dhe njëherit propozimi i Kosovës për kategorinë Best International Feature të ‘Oscars’, deri më sot ka qenë pjesë e shumë festivaleve e çmimeve ndërkombëtare, shkruan KultPlus.

Filmi ‘Zana’ është një dramë tronditëse dhe emocionuese që përcjellë një grua të re kosovare që përpiqet të bëhet nënë përderisa ballafaqohet me tmerret nga e kaluara e saj e errët e kohës së luftës. Ditën e djeshme u bë e ditur se filmi është bërë pjesë e programit ‘In Focus’ në Festivalin e Sarajevës.

Ndërsa sot, “Zana” rendit suksesin e radhës. Është aktorja Adriana Matoshi e cila ka fituar çmimin e aktores më të mirë në konkursin zyrtar Ndërkombëtar në Festivalin e Filmit “Fantaspoa” në Brazil. Me rolin e saj në filmin “Zana”, Matoshi ka dëshmuar edhe njëherë fuqinë e saj si aktore dhe shumë nga kritikët e kanë konsideruar si rolin e saj më të mirë. Njëjtë ka menduar edhe juria e festivalit në Brazil duke i ndarë këtë çmim aktores kosovare në mesin e shumë aktorëve të njohur.

Lajmin e ka bërë të ditur edhe vetë regjisorja Kastrati e cila e ka uruar Matoshin për çmimin dhe është shprehur e lumtur që ka pasur fatin të punoj me të.

“Shume urime Adriana për çmimin “Aktorja me e mire” ne Festivalin e filmit fantastik ‘Fantaspoa’ ne Brazil!!! Ju jeni aktore e mahnitshme, ndihem me fat që pata rastin të punoj me ty”, ka shkruar regjisorja.

I krijuar në vitin 2005, Festivali Ndërkombëtar i Filmave Fantastik të Porto Alegre, “Fantasopa”, është festivali nismëtar i sjelljes së filmave të zhanrit fantazi në Brazil. Fantasopa është një festival 18 ditor, që ka në dispozicion vetëm dy dhoma për shfaqje dhe ekspozon mbi 100 filma në vit.

Në çdo edicion të këtij festivali ndahen 20 çmime të ndryshme në kategori të ndryshme të këtij festivali si dhe çmimin e “arritjes në jetë”, që tashmë është ndarë për disa nga autorët më të mëdhenj të zhanrit fantastik.

Çdo vit ky festival është shtëpia e më shumë se 50 të ftuarve. Gjatë 15 viteve të saj, Fantaspoa u bë festivali më i madh i zhanrit në Amerikën Latine dhe ngjarja kryesore e filmit në qytetin e Porto Alegre dhe tani është një referencë për disa artistë si dhe një dritare e shkëlqyer e ekspozitës për filma fantastikë në Brazil. Festivali është anëtar i Federatës Evropiane të Filmit Fantastik që është “një rrjet i thurur nga 22 festivale filmash nga 16 vende, me një pjesëmarrje globale prej mbi 450 000 vizitorësh, duke e bërë atë një lojtar jetik ekonomik dhe kulturor në skenën e filmit fantastik ”. / KultPlus.com

Dumoshi: Artistët kosovarë po e prezantojnë me sukses kulturën tonë jashtë shtetit

Në kuadër të aktiviteteve për shënimin e 21 vjetorit të Ditës së Çlirimit të Kosovës, Ministrja e Kulturës, Rinisë dhe Sportit, Vlora Dumoshi, takoi aktoren Adriana Matoshi, e cila së fundi është shpërblyer me çmim si aktorja më e mirë në Festivalin e Francës “See A Paris”, për rolin e saj në filmin “Nëntori i Ftohtë”.

Ministrja Dumoshi tha se është krenari dhe lajm i mirë që kemi aktore kaq të talentuara si Adriana. Ajo i shprehu mirënjohjen për kontributin që aktorja po jep në promovimin e kulturës tonë dhe në shenjë falënderimi ministrja i ndau si dhuratë një okarinë.

“Dua t’i përkrah maksimalisht aktorët dhe ata që realizojnë dhe promovojnë vlerat tona të mirëfillta kulturore. Tashmë është një fakt i ditur se filmi po tregon sukses në arenën ndërkombëtare krahas sportit. Kësisoj, në nivel shtetëror nëse e vlerësojmë, pa dyshim se prezantimi i kulturës tonë po realizohet nëpërmjet filmit”, tha mes tjerash ministrja.

Ndërkaq aktorja Matoshi e falënderoi ministren për takimin dhe vlerësimin e bërë. Ajo tha se Kosova ka kuadro dhe di të bëj filma të mirë. Ajo foli për përvojat e veta, për filmat në të cilët është angazhuar dhe se po punon maksimalisht të përçojë mesazhe që edhe ne si vend kemi talente e profesionistë edhe në kinematografi.

Ministrja Dumoshi në fund vlerësoi se pjesëmarrja dhe prezantimi i artistëve tanë në festivale ndërkombëtare, në rastin konkret në Francë, tregon për bashkëpunimin që kanë dy vendet në kulturë.

“Dua të falënderoj Ambasadën e Francës në Kosovë dhe përmes saj qeverinë dhe popullin francez për tërë kontributin e tyre ndaj vendit tonë, sidomos në fushat që ka në përgjegjësi MKRS-ja në shumë projekte konkrete që kanë qenë në interesin e përbashkët”, tha ministrja. / KultPlus.com

Adriana Matoshi zgjedhet aktorja më e mirë në festivalin e Francës

Një ndër aktoret më të mira shqiptare, Adriana Matoshi po vazhdon ta mbajë frontin. Një çmim tjetër është shtuar karrierës së saj. Matoshi është shpërblyer me çmim si aktorja më e mirë në Festivalin e Francës “See A Paris”, për rolin e saj në filmin “Nëntori i Ftohtë” me regji të Ismet Sijarinës, shkruan KultPlus,

Lajmin e ka ndarë për publikun edhe këtë aktorja ku përvec regjisorit, ajo uron edhe vetën e saj.

“Urime Ismet, Fatmir edhe urime vetes që jemi shpërbly me cmime!”, ka shkruar aktorja.

Ky është edicioni i 5-të i këtij festivali që shfaq filmat e shteteve si Shqipëria, Bosnja dhe Hercegovina, Bullgaria, Kroacia, Greqia, Kosova, Maqedonia, Mali i Zi, Rumania, Serbia, Sllovenia dhe Turqia.

Në maj të vitit 2018, Matoshi ishte shpërblyer me çmimin aktorja më e mirë në “South East European Film Festival”, që është mbajtur në Berlin të Gjermanisë. Këtë çmim e fitoi me rolin e saj në filmin “Unwanted” me regji të Edon Rizvanollit. / KultPlus.com

Adriana Matoshi: Kur po doni me dhezë dicka, neve po na thirrni

Financimi i disa aktiviteteve të artistëve në kohë pandemie ka ngjallur shumë reagime në vend, shkruan KultPlus.

Ndër shumë personalitete nga fusha e artit që ka reaguar është edhe aktorja e njohur Adriana Matoshi.

“Komuniteti artistik osht shume i madh edhe nuk jon t’vetmit ata qe i keni subvencionu qe jetojne prej artit. Shumica prej neve artin e kemi buke te fmive e familjeve tona”, ka shkruar ndër të tjera Matoshi në Facebook.

Këtu keni statusin e plotë:

“Sa vlersohemi na artistat, e dini secili s’ka nevoje me ju shite moral as me ju shti n’gjynah hiq.

Po kur po doni me dheze diqka, na thirrni neve se e dini qe na don publiku edhe kemi ndikim ma ndryshe te popullata.
Ni shumice e madhe kqyrin me t’marr pa pare se thojne “5 minuta pune i ki krejt”.
Une shpesh nihna keq kur kom oferta t’shumta per role ose reklama, se m’doket qe jom kon shume aktive, e dikush prej kolegve t’mi nuk ka pas hapsire t’mjaftushme kete kohe. Po tani m’kujtohet qe ata nuk pranojne pagese aq t’ult se jon artista. Shpesh kolegt/et m’kan kesh neper reklama demek “Edhe mu m’thirren po nuk mi dhan sa i lypa, ti ashiqare paske pranu per pak pare”.

Tash koka bo e madhe qe artistat jon pagu prej komunes, po shume mire qe u bo e madhe.
Komuniteti artistik osht shume i madh edhe nuk jon t’vetmit ata qe i keni subvencionu qe jetojne prej artit. Shumica prej neve artin e kemi buke te fmive e familjeve tona.
Nese pernime kishit dashte, ishit ule bashke me Ministrine e Kultures edhe e kishit nda ni buxhet shume simbolik per artistat n’shenje respekti per perkushtimin e perjetshem per kete popull, per skene, e per imazh t’vendit neper bote. Sikur na si sportistat, kur fitojme çmime nderkombetare ose medalje, i theni komt me ardh me na pa sa me bo ni foto per rrjete sociale. Keni qef me ju perfaqsu krejtve, a neve kurr nuk ditet me na perfaqsu.

Ni Kolege i jemi shume i respektum e kallxon ni storje kur ka shku n’deti me gru, tha nuk na lejshin as me pushu tu ardh me bo foto e tu e tepru prej respektit. Tha vendosem me shku dikun ku ka ma pak njerz, ni burre me fmi tu e thirre e tu e njek me shku me bo foto. N’fund tha i nxerri 5€ mi dha e m’tha “une u myta tu ju pagu fmive foto me majmunin n’pllazhe, maj paret se po kom qef”.

Deri n’qit pike kemi mrri na mu vlersu sa fotografia me ni majmun.

Une per veti isha gzu edhe i kisha vlersu edhe 200€ me mi pas dhon komuna, ministria ja shteti. Disa prej kolegve ishin ni t’nenqmum edhe me 1.000€.

Po kom thon edhe para do ditve qe neve na hyp vlera veq kur t’vdesim. Qat’her asni cent nuk keni nevoje me hargju per mu per lule, akademi perkujtimore t’rrejshme e ksi ceremoni qe une nuk kom me i pa e as s’kom me ja u ni ato fjale fallc”.

‘Dashninë që nuk ma falni sa jam gjallë, haram ju koftë krejtve që e ruajnë për ditën kur kam me vdekë’

Aktorja Adriana Matoshi ka reaguar mbi fenomenin e reagimeve të masës, vetëm atëherë kur vdesin artistët. Ajo nëpërmjet një postimi ka kujtuar për sfidat e këtij profesioni, por edhe presionin e publikut. KultPlus ju sjell origjinal reagimin e aktores Matoshi.

Tan jeten ja kushtojme artit, skenes, publikut.
N’rruge duhemi me kon gjithmone tu buzqeshe me argetu secilin qytetar edhe jashte orarit t’punes. Se me bo pak me kon n’mendime ta veshin ni artikull qe ki probleme, nuk je e lumtur, shpikin naj titull. Nese jo portalet, kane me fillu me t’perqeshe ata t’cileve dje ja u ke ndreq diten BASH TI.

E jetojme 1 jete t’harrum, e kur vdesim kthehemi n’legjenda t’paharrushem me mbishkrimin “do t’kujtojme cdo dite”.

Dashnine qe nuk ma falni sa jom gjalle, haram ju koft krejtve qe e rujne per diten kur kom me vdeke./KultPlus.com