Festivali i filmit i Kanës do të fillojë më 16 maj dhe do të përfundojë më 27 maj, sipas cinefacts.it.
Gjithashtu këtë vit do të shohim emra të mëdhenj në festivalin më të rëndësishëm të filmit në botë, nga rikthimi i Martin Scorsese te Wes Anderson, nga Nanni Moretti te Takeshi Kitano, nga Hirokazu Kore’eda te Aki Kaurismaki deri te Wim Wenders, Marco Bellocchio, Ken Loach dhe Steve Mcqueen.
Spektakli garantohet edhe me praninë e yjeve të Hollivudit si Leonardo DiCaprio, Johnny Depp, Robert De Niro, Pedro Pascal apo Ethan Hawke.
Më poshtë janë filmat konkurrues të këtij festivali: Hapja e festivalit me filmin jashtë gare: “Jeanne du Barry” nga Maiwenn
Filmat në garë: “About Dry Grasses” nga Nuri Bilge Ceylan “Anatomy of a fall” nga Justine Triet “Asteroid City” nga Wes Anderson “Banel et Adama” nga Ramata-Toulaye Sy “Club Zero” nga Jessica Hausner “Fallen leaves” nga Aki Kaurismaki “Firebrand” nga Karim Aïnouz “Four daughters” nga Kaouther Ben Hania “Il sol dell’avvenire” nga Nanni Moretti “Jeunesse” nga Wang Bing “La chimera” nga Alice Rohrwacher “La passion de dodin bouffant” nga Tran Anh Hung “Last summer” nga Catherine Breillat “May December” nga Todd Haynes “Monster” nga Hirokazu Kore’eda “The old oak” nga Ken Loach “Perfect days” nga Wim Wenders “Rapito” nga Marco Bellocchio “The zone of interest” nga Jonathan Glazer
Jashtë gare:
“Cobweb” nga Kim Jee-woon “The Idol” nga Sam Levinson “Killers of the Flower Moon” nga Martin Scorsese “Indiana Jones e il Quadrante del Destino” nga James Mangold./KultPlus.com
Kleofina Pnishi, vajza nga Gjakova e cila tash e sa vite ka depërtuar edhe përtej kufijve me sukseset e saj në botën e pasarelave si dhe në tregun e muzikës para publikut ndërkombëtar, kësaj radhe e shohim edhe si pjesëmarrëse në Festivalin e Filmit në Kanë, shkruan KultPlus.
Këtë vit festivali i famshëm i Kanës u hap zyrtarisht për herë të 75-të, me shumë yje dhe të ftuar. Në mesin e tyre ishte dhe Kleofina e cila u shfaq e veshur me një fustan tejet elegant, fustan ky që vjen i krijuar nga disenjatorja e njohur Diana Qerimi.
Në tapetin e kuq të festivalit më të madh të filmit në botë, sot Kleofina ka shkëlqyer me veshjen e saj dhe grimin nga Dessange Paris.
Më poshtë KultPlus ua sjell disa fotografi të saj në Festivalin e Filmit në Kanë:
Kujtojmë se Pnishi në vitin 2017 është shpallur Miss Provence, ndërkaq ka qenë finaliste edhe në Miss France. Ajo po ashtu pati publikuar këngën e saj të parë me titull “Better Everyday”.
Ndër të tjera, Pnishi ka qenë pjesë e serialit “Le Mystere”. / KultPlus.com
Aktori kosovar Alban Ukaj tashmë ka parakaluar tapetin e kuq të festivalit prestigjioz në Kanë, ku ka pasur një ndër rolet kryesore në filmin “Tori dhe Lokita” me regji të Jean-Pierre & Luc Dardenne, film ky i cili u përfshi në programin konkurrues të këtij festivali, shkruan KultPlus.
Në tapetin e kuq të festivalit më të madh të filmit në botë sot aktori Ukaj ka dhënë një intervistë për mediat e pranishme atje.
I pyetur se si ka shkuar puna në set me regjisorët Jean-Pierre dhe Luc Dardenne, aktori Ukaj përgjigjet se puna me ta është një shkollë aktrimi më vete.
“Në xhirime ata janë si mësues, janë si miq të mirë dhe janë regjisorë të mëdhenj. Gjithashtu, ata janë nga intelektualët më të mëdhenj që kam takuar ndonjëherë në jetën time dhe me të vërtetë unë e bëra edhe një shkollë të re të aktrimit kur punova me ta”, thotë Ukaj.
Sipas tij, të dy regjisorët janë çdo herë ata kërkues.
“Ka një gjë që po mendoja këtë mëngjes dhe ajo është: ‘Kur punoni me këta dy regjisorë, nuk janë vërtet të rëndësishme pamjet nga afër, por e gjithë historia’. Pra, gjëja më e rëndësishme është të tregosh historinë sepse ti je pjesë e asaj historie”, thotë tutje Ukaj.
“Bëhu i sinqertë, aq sa të mundesh”, kjo është ajo që mësova nga Jean-Pierre dhe Luc Dardenne.
Ai po ashtu ka thënë se përgjegjësia e tij si artist është që ata të ngritin zërin e tyre rreth çështjeve sociale.
“Mendoj se përgjegjësia jonë si artistë është të jemi të zëshëm, të flasim për çështjet sociale dhe të flasim për çështjet politike që po ndodhin këto dy vitet e fundit, globalisht. Dhe unë pata fatin të punoj me njerëz që janë të fuqishëm dhe që ngrenë zërin për minoritetet”, tha ai.
Ndërkaq, krejt në fund i pyetur se si po ndihet në rikthimin e tij pas 13 vitesh në Festivalin e Kanës, ai shpalos se është një ndjenjë e veçantë për të.
“Është një ndjenjë e veçantë të jesh këtu pas 13 vitesh. Tani pas Covid-it dhe gjithçkaje, mund të marr frymë sërish pas dy vitesh. Ndihem i lirë dhe do të doja të kthehesha sërish. Sot dita filloi me stres, por tani jam shumë i qetë”, tha Ukaj.
Këtë vit festivali i famshëm i Kanës u hap zyrtarisht për herë të 75-të, me shumë yje dhe të ftuar.
Filmi në të cilin luan aktori Alban Ukaj, “Tori dhe Lokita” është një tregim në stilin e vëllezërve Dardenne, social dhe të angazhuar në shoqëri, për dy fëmijë, afrikanë, që kërkojnë letra në Belgjikë.
Kjo është hera e dytë që Albani shkon në Kanë me vëllezërit Dardenne. Ai mori pjesë për herë të parë në Festivalin e 61-të të Filmit në Kanë në vitin 2008 me filmin e tyre “Lorna’s Silence”. / KultPlus.com
Aktorja 56 vjeçare Viola Davis u nderua me çmimin ”Women in Motion” në edicionin e ri të festivalit të Kanës për ketë vit i mbajtur në Francë.
Përderisa e pranoi çmimin, aktorja mbajti një fjalim motivues të cilin e gjeni më poshtë:
“Kjo do të thotë të pranoj trashëgiminë time, në të cilën dua të rrëfej historinë e grave me ngjyrë. Nuk është e pranueshme që të definohemi prej burrave, të definohemi prej cilësdo strukturë pos vetës, u bë e qartë për mua për gjatë karrierës sime që duhej të isha unë ndryshimi që dëshiroja ta shihja dhe për ketë arsye filluam këtë. Dua t’i shoh gratë me ngjyrë për të bukurën e komplikuar që ato janë”, tha Davis.
Në përkrahje të Viola Davis ishte bashkëshorti i saj Julius Tennon. Po ashtu e pranishme ishte edhe regjisorja suedeze që u nderua me çmimin “Women in Motion Young talent”.
Të pranishëm në këtë mbrëmje ishin edhe shumë yje nga kinematografia botërore.
Duke filluar nga sot, yjet e listës A do të mblidhen sërish në Rivierën Franceze për të festuar një vit tjetër kinemaje ndërkombëtare në festivalin e filmit më të mbushur me yje në botë.
Festivali i 75-të Vjetor i Filmit në Kanë në qytetin turistik të Kanës në jug të Francës fillon zyrtarisht këtë të martë, më 17 maj 2022 dhe do të zhvillohet të shtunën, më 28 maj 2022. Që kur u themelua në vitin 1939, festivali ka kontribuar shumë në zhvillimin e kinemasë, duke njohur dhe nderuar meritat e filmave në rritje me shfaqje të paraqitura dhe duke festuar bukurinë dhe artin e kinemasë në shkallë ndërkombëtare. Festivali ka qenë gjithashtu një vend grumbullimi për të famshmit dhe kineastët për të shfaqur ansamblet e tyre verbuese në tapetin e kuq.
Pas ngjarjes së shtyrë dhe të zvogëluar të vitit 2021, festivali i këtij viti do të mburret me një listë edhe më të plotë të personazheve të famshëm. Përpara, shikoni gjithçka për të pritur me padurim në ngjarjen magjepsëse të këtij viti, duke përfshirë pjesëmarrësit ekskluzivë, të nderuarit e filmit dhe më shumë.
Kush do të marrë pjesë?
Si zakonisht, ata që mblidhen në tapetin e kuq përfshijnë një listë ekskluzive të personazheve të famshëm të listës A, përveç kineastëve dhe figurave të tjera të njohura të industrisë së filmit.
Cilët filma janë më të pritur?
Të nderuarit e filmit të profilit të lartë që do të shfaqen këtë vit përfshijnë Elvisin e Baz Luhrmann – një biografi surreale mbi mbretin e rock and roll-it me aktorë Austin Butler dhe Camille Dejong – si dhe ” Tre mijë vjet mall” i George Miller , një epikë fantastike me Tilda Swinton. dhe Idris Elba.
Një rregullim distopik-horror me një kastë të profilit të lartë (veçanërisht Kristen Stewart dhe Virgo Mortensen), Krimet e së Ardhmes së David Cronenberg gjithashtu do të shfaqen në festival. Komploti përqendrohet rreth një artisti të performancës (Mortensen) i cili i nënshtrohet një mutacioni sintetik drastik.
Gjithashtu shfaqet me Hirokazu Koreeda’s Broker, një dramë me protagonist Song Kang-ho nga Parasite, bazuar në kutitë e foshnjave të Koresë së Jugut: një vend ku të porsalindurit janë braktisur dhe vendosur për birësim. Drama vjen nga regjisori japonez Hirokazu Koreeda, të cilit më parë iu dha nderimi më i lartë i festivalit, Palme d’Or, për punën e tij në ” Vjedhjet e dyqaneve” në 2018.
Kush do të nderohet këtë vit?
Personat e famshëm të parashikuar në filmat e paraqitur përfshijnë Stewart dhe Mortensen për performancat e tyre rrëqethëse në Crimes of the Future, si dhe bashkë-ylltarët Swinton dhe Elba nga Three Thousand Years of Longing. Anne Hathaway, Anthony Hopkins dhe Jeremy Strong do të njihen gjithashtu për rolet e tyre kryesore në dramën historike të James Grey, Armageddon Time .
Sa i përket marrësit të çmimit të Palmës së Artë të këtij viti, aktori fitues i Oscarit, Forest Whitaker, do ta marrë këtë nder.
“Tridhjetë e katër vjet më parë, frekuentimi i Kanës për herë të parë ndryshoi jetën time dhe më siguroi se kisha marrë vendimin e duhur për t’iu përkushtuar gjetjes së lidhjes me njerëzimin përmes filmit,” tha ai në një deklaratë të mëparshme. Është gjithmonë një privilegj të kthehem në këtë festival të bukur për të shfaqur punën time dhe për t’u frymëzuar nga shumë prej artistëve më të mëdhenj në botë dhe ndihem jashtëzakonisht i nderuar që festohem si pjesë e përvjetorit të rëndësishëm të 75-të të festivalit”, tha ai.
A mund ta shikoj festivalin nga shtëpia?
Festivali do të jetë i disponueshëm për t’u transmetuar drejtpërdrejt përmes faqes së tij zyrtare dhe aplikacionit duke filluar të martën, 17 maj./21Media/ KultPlus.com
Me përfundimin e edicionit të 74-të të festivalit së filmit në Kanë, ka reaguar edhe Kryeministri i Kosovës, Albin Kurti përmes një statusi në rrjetin social Facebook, përcjellë KultPlus.
Kurti është shprehur se ai nuk ka takuar asnjë personalitet arti e kulture që nuk dinte për Kosovën. Ndërsa, për të rëndësia e artit dhe vlerat e popullit konsiderohen se po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm.
“Qeveria që e udhëheq do të jetë pranë artistëve tanë dhe do t’i përkrah ata si asnjëherë më parë”, ka thënë ai.
KultPlus ju sjell postimin e tij të plotë:
Kosova është bërë forcë ndërkombëtare në kinematografi. Nuk e takuam asnjë personalitet arti e kulture që nuk dinte për Kosovën. Samir Karahoda dhe Luàna Bajrami ishin krah për krah në Cannes me artistët më të shquar që erdhën këtu prej anekënd globit. Nga shumë mijëra filma ky Festival përzgjodhi rreth një dyzinë sosh për secilën kategori. Shumica dërrmuese e vendeve të botës nuk u kualifikuan. E Kosova kishte dy filma që u shfaqën dhe garuan. Rëndësia e artit dhe vlerat tona po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm.
Në kuadër të vizitës dyditore në Cannes takova Jerome Paillard, drejtorin e Marche dú Film të Kanës, tregut më të madh të filmit në botë; Stefan Laudyn, Drejtorin e Festivalit Ndërkombëtar të Varshavës; Nikolaj Nikitin, drejtorin e SOFA – shkolla për avancimin e filmit; Katriel Schorry, nga Fondi i Filmit të Izraelit, dhe Helge Albers, nga Fondi i Filmit të Hamburgut. I falenderova për mbështetjen e filmit dhe artistëve nga Kosova si dhe diskutuam për mundësitë e shtimit të bashkëpunimit.
Po ashtu takova edhe Ministren Franceze të Kulturës, znj. Roselyne Bachelot, me të cilën biseduam për avansimin e prodhimit të përbashkët të filmave, si dhe kryebashkiakun e Cannes, z. David Lisnard. E në fund, ishte kënaqësi të takoj Kryetarin e Jurisë sivjet, regjisorin Spike Lee, si dhe regjisorin italian Paolo Sorentino.
Qeveria që e udhëheq do të jetë pranë artistëve tanë dhe do t’i përkrah ata si asnjëherë më parë. / KultPlus.com
Filmi i ri i regjisores Julia Ducournau që sot fitoi ‘Palmen e Artë’ në festivalin e 74-të të filmit në Kanë, ”Titane” është konsideruar “një breshëri komike e natës por me djallëzinë e seksit, dhunës, ndriçimit të zhurmshëm dhe muzikës goditëse”, transmeton KultPlus.
Të gjithë në festivalin e filmit të Kanës shpresojnë të shohin diçka vërtet të egër, transgresive dhe të garantuar se do t’i shtyjnë darkën. Por sa herë që një film i tillë shfaqet në ekran, ai drejtohet pa ndryshim nga një burrë. Jo më. Julia Ducournau, shkrimtarja-regjisore franceze e ‘’Raw’’ (2016), është rikthyer me ‘’Titane’’ dhe sigurisht që do të shkaktojë më shumë fitime dhe rënkime se çdo gjë tjetër në festivalin e këtij viti.
Fantazia e bukur, e errët, e përdredhur e Ducournau është një breshëri komike e seksit, dhunës, ndriçimit të zhurmshëm dhe muzikës goditëse, me djallëzi. Është gjithashtu e pamundur të parashikosh se ku do të shkojë më pas. E vetmja skenë që përfundon në mënyrën që mund të prisni është skena hapëse, në të cilën një vajzë e vogël, Alexia, sillet në formë të çuditshme në pjesën e pasme të makinës së familjes. Ajo rreh shkelma vendin e babait të saj derisa ai kthehet për ti bërtitur asaj dhe papritmas përplaset në një pengesë betoni. Një seancë e operacionit të trurit nga afër, Alexia ka pasur një pllakë titani në kokën e saj, e cila do të ishte e mjaftueshme për të larguar këdo nga makinat. Por operacioni ka efektin e kundërt. Sapo ajo largohet nga spitali, ajo largohet nga prindërit e saj dhe përqafohet dhe puth makinën në vend të saj.
Si e rritur, ajo bën më shumë se kaq. Në një skenë që mund të jetë një parodi helmuese e ekskluzivitetit të ‘’Fast & Furious’’, kamera shfaqet rreth shfaqjes motorike të ndriçuar neoni, ku gratë e reja pozojnë. Duke treguar për operacionin e saj në tru dhe tatuazhin në gjoksin e saj që deklaron, “Dashuria është një qen nga ferri”, Alexia është një person i famshëm i vogël në këtë botë të dobët. Ajo tërheq kolegët e saj valltarë për një takim të lezetshëm si dhe një tifoz mashkull tepër të zellshëm, përparimet e të cilit shpërblehen me një kunj metalik të mprehur të bllokuar në veshin e tij.
Në këtë fazë ju mund të supozoni që ‘’Titani’’ të jetë një thriller i urryer në të cilin një vigjilent hakmarrës dërgon burra grabitqarë. Por një set i pabesueshëm përcakton se Alexia do të kasapë këdo që e kap atë në një ditë të keqe, grabitqare ose ndryshe.
Në arrati, anti-heroina jonë e përhumbur pret flokët e saj, ia thyen hundën dhe kalon veten si një djalë që u zhduk një dekadë më parë. Kthesa tjetër është se babai i fortë, por i butë i djalit, Vincent (Vincent Lindon), e merr atë me fjalën e saj. Ai e çon përsëri në stacionin e zjarrit nën komandën e tij dhe e prezanton atë me një ekip skeptik të zjarrfikësve. Për të ruajtur identitetin e saj të ri mashkullor, Alexia duhet të lidhë gjinjtë e saj me vaj dhe stomakun e saj të ënjtur, por Vincent injekton steroid në vithet e tij të mavijosura çdo natë.
Çështja është se ‘’Titani’’ është shndërruar në një histori të ngrohtë shpengimi të rrjedhshmërisë gjinore, modifikimit të trupit dhe shumë më tepër përveç kësaj.
Tregimi i tregimeve është i kthjellët dhe shtytës, kështu që ju jeni gjithmonë të qartë për atë që po ndodh. Nuk është e sigurt se cili mund të jetë mesazhi i Titanit, ose pse Ducournau ka bashkuar një përbindësh të Frankenstein nga kaq shumë ide të ndryshme, ose nëse udhëtimi i etur i Alexia lidhet me ndonjë emocion të njohur, jo-psikopatik, përveç dëshirës së madhe të prindit për tu bashkuar me një fëmijë të humbur (tema e një filmi tjetër surreal që u shfaq premierë në Kanë këtë vit, ‘Qengji’ i Valdimar Jóhannsson). / KultPlus.com
Palma e Artë në Festivalin e 74-të të Filmit në Kanë shkoi për “Titani” të Julia Ducournau. Një fitore e shoqëruar me një gafë nga presidenti i jurisë Spike Lee, i cili gabimisht shpalli fituesin në mes të ceremonisë.
Përmbyllet kështu një edicion i veçantë, i festivalit të Kanës, i cili përkoi me kthimin e publikut në kinema pas një periudhe të gjatë mbylljeje për shkak të Covid-19.
Ceremonia e mbylljes u hap mbi shënimet e “The End” nga The Doors. Të parët që u vlerësuan ishin filmat e shkurtër. Palma e Artë i jepet “Tous Les Corbeaux Du Monde”, një vepër që vjen nga Hong Kongi. Çmimi kushtuar veprës së parë, ‘Dhoma e artë’ shkon në Kroaci, ndaj “Murina” nga regjisorja Antoneta Alamat.
Emocion i madh në ceremoninë e ndarjes së çmimeve për Marco Bellocchio. Një ovacion i madh që emocionoi regjisorin i cili u përlot. “Nuk kam asgjë më shumë për të thënë, për të shtuar”, tha ai i emocionuar, ndërsa Paolo Sorrentino pranë tij i dha Palmën e Artë të nderit.
“Unë dua ta ndaj çmimin me fëmijët e mi Pier Giorgio dhe Elena, producentin Simone, i cili është pothuajse një bir i birësuar dhe Michel Piccoli i madh që unë dua ta kujtoj”, tha ai.
Më pas rifilloi seria e çmimeve tradicionale me atë për interpretimin më të mirë mashkullor që iu caktua aktorit Texan Caleb Landry Jones për “Nitram” nga Justin Kurzel. Pastaj incidenti i papritur, kur Spike Lee njoftoi gabimisht Palmën e Artë për “Titani” të Julia Ducournau, në fillim të ceremonisë.
Çmimi i Jurisë, “Prix du Jury” shkon më parë në filmat “Haberech” nga Nadav Lapid dhe “Memoria” nga Apitchapong Weerasethakul. Aktorja më e mirë u gjykua protagonistja e “The Worst Person in the World” nga Joachim Trier, Renate Reinsve.
Çmimi i skenarit i shkon autorit japonez Hamaguchi Ryusuke për filmin “Drive My Car”.
Regjisori më i mirë është Leos Carax për filmin “Annette”.
Dhe së fundmi Palma e Artë, e cila konfirmoi pritjen e pavullnetshme të Spike Lee. / A2 / KultPlus.com
Palma e artë e filmit të shkurtër shkoi për filmin “TIAN XIA WU YA (All Crows in the World)” nga regjisori TANG Yi, shkruan KultPlus.
TANG Yi mori “Palmën e Artë” në kategorinë filmit të metrazhit të shkurtër.
Kujtojmë se në këtë kategori ka konkuruar edhe filmi kosovar ”Pa vend” i regjisorit Samir Karahoda.
Filmi 15-minutësh nën regjinë e Samir Karahodës, “Pa Vend” morri vlerësimet e mjaftueshme të jurisë gjashtëanëtarëshe të përbërë nga Kaouther Ben Hania, regjisore dhe shkrimtare (Tunizi); Tuva Novotny, regjisore, shkrimtare dhe aktore (Suedi); Alice Winocour, regjisore e shkrimtare (Francë); Sameh Alaa, regjisor, producent e shkrimtar (Egjipt); Carlos Muguiro, regjisor (Spanjë) si dhe Nicolas Pariser, regjisor e skenarist (Francë).
”Pa vend” i regjisorit Samir Karahoda është bërë filmi i parë nga Kosova që është përzgjedhur në mesin e 10 filmave të shkurtë që garuan për ‘Palmën e Artë’ në garën zyrtare të festivalit më prestigjioz në botë, atë të Kanës. / KultPlus.com
Kryeministri i Kosovës, Albin Kurti, përveç pjesëmarrjes në premierën e filmit kosovar “Pa Vend” në Festivalin e Filmit në Cannes, ai sot së bashku me familjen e tij ka parakaluar edhe në qilimin e kuq të ceremonisë së ndarjes së çmimeve, shkruan KultPlus.
Mediumi francez ‘Canal +’ i ka publikuar këto pamje përgjatë momentit të parakalimit të kryeministrit Kurti, i shoqëruar nga familja e tij.
Kurti ka shkuar në premierë të filmit “Pa vend” nga Kosova për të cilin tha se mori duartorkitje të gjata nga publiku në sallën Debssy në Cannes.
“Nga 3.739 filma të metrazhit të shkurtër nga mbarë bota komiteti selektues i Festivalit të Cannes sivjet i ka përzgjedhur 10 sosh. Në mesin e tyre është edhe filmi nga Kosova “Pa vend” i regjisorit Samir Karahoda i cili sot mori duartrokitje të gjata nga publiku këtu në sallën Debussy në Cannes. Ishte kjo premiera botërore e këtij filmi kurse në fillim të muajit gusht ai do të shfaqet në Festivalin Dokufest në Prizren”, ka shkruar ai për filmin.
Kujtojmë që të premten, filmi kosovar i titulluar “Pa Vend” shkroi histori duke u bërë filmi i parë nga Kosova që dha premierë në garën zyrtare të festivalit ndërkombëtar të filmit në Cannes. / KultPlus.com
Dy muaj para hapjes së muzeut të shumëpritur të Çmimeve Oscar në Los Anxhelos, Kana hodhi sot bazat për Muzeun e saj Ndërkombëtar të Kinemasë, me një hapje të planifikuar për në vitin 2028.
“Ambicia jonë është që të kemi një Beaubourg ose një Guggenheim të kinemasë”, tha për shtypin kryetari i bashkisë, David Lisnard, pas nënshkrimit të një marrëveshje tripalëshe me Bibliotekën Franceze të Kinemasë dhe Qendrën Kombëtare të Kinemasë dhe Filmave (CNC), transmeton KultPlus.
I planifikuar në vendin e një ish-qendre sportive, pak larg Pallatit të Festivaleve, ky objekt kulturor dhe turistik synon të arrijë 400 000 vizitorë në vit.
“Punimet priten të fillojnë në 2025 dhe kostoja vlerësohet “midis 150 dhe 200 milionë euro”, shtoi Lisnard, transmeton tutje KultPlus.
Në Kanë, koleksionet e Bibliotekës së Kinemasë do të vendosen në një hapësirë të përhershme prej 2 500 metra katrorë, të plotësuara me 900 metra katrorë të kushtuara festivalit, një studio laboratorike prej 300 metra katrorë për të kuptuar fazat e ndryshme të prodhimit të filmit, një auditor dhe një hapësirë 600 metra katrorë për fëmijët.
Rreth 1 000 metra katrorë do të rezervohen për ekspozita të mëdha të përkohshme. / KultPlus.com
Kryeministri i Kosovës, Albin Kurti, pas Greqisë ka udhëtuar për në Francë ku ka marrë pjesë në premierën e filmit kosovar “Pa vend” që u dha sot në Festivalin e filmit të Kanës.
Lajmin për Klankosova.tv. e ka konfirmuar zëdhënësi i Qeverisë, Përparim Kryeziu.
“Është hera e parë që Kosova është në mesin e shteteve që garojnë për ‘Palmën e Artë’ dhe kryeministri ka shënuar së bashku me ekipin e filmit këtë moment të suksesit ndërkombëtar të kinematografisë së Kosovës”, ka thënë ai. / KultPlus.com
Krijuesit e dokumentarëve dhe aktivistët e mjedisit përfshirë adoleshenten britanike Bella Lack, të dielën thanë se shpresojnë të frymëzojnë më shumë përpjekje për ndryshimet klimatike, duke përfshirë përmes disa filmave me mesazhe shpresëdhënëse të paraqitura në Festivalin e Filmit në Kanë.
Festivali më i madh i filmit në botë, është rikthyer pas një pauze një-vjeçare dhe këtë vit ka nxjerrë në pah prodhimet me një përzgjedhje të veçantë me fokus mjedisin, transmeton KultPlus.
Festivali, i cili ka tërhequr njerëz nga e gjithë bota, duke përfshirë yje të mëdha të Hollywoodit si Adam Driver dhe Matt Damon, gjithashtu ka përdorur disa makina hibride ose elektrike për të transferuar njerëzit përreth dhe ka zëvendësuar tapetin e tij të kuq, i cili dikur ndërrohej tre herë në ditë, me material të reciklueshëm, thonë organizatorët.
Bota e filmit mund të jetë gjithashtu një shembull në mënyra të tjera, tha aktivistja 18-vjeçare Lack, e cila shfaqen në “Animal” së bashku me ekspertin e shimpanzesë Jane Goodall, në një dokumentar nga Cyril Dion të prezantuar në festival./KultPlus.com
Magjepsës si Jim Morrisoni i grupit “The Doors”, një maço tipik përkrah Tom Cruiset në filmin “Top Gun” dhe pak i vlerësuar në rolin e ngurtë të Batmanit – të cilin edhe vetë e urreu – pak aktor janë intrigues sa Val Kilmeri.
Sjelljet dhe karakteri i tij vazhdimisht kanë pasur ngritjet dhe uljet e veta.
Joel Schumacher, i cili ishte në rolin e regjisorit për filmin “Batman Forever”, e cilësoi aktorin Kilmer si psikopat dhe më shqetësuesin që ka njohur ndonjëherë. Krejt problemet e karrierës janë bërë troç në dokumentarin “Val” për jetën e aktorit që po mahnit pjesëmarrësit në Festivalin e Filmit në Kanë.
Aktori besohet se ka pasur probleme me menaxhimin e zemërimit kur ia dorëzuan dokumentet e shkurorëzimit gjatë xhirimeve të filmit “The Island of Dr.Moreau”. Filmi, përveç problemeve me motin dhe buxhetin e lartë, e kishte lodhur regjisorin John Frankenheimer.
“Kurrë nuk do të ngjitem në Malin Everest dhe kurrë më nuk do të punoj me Val Kilmerin”, kishte thënë regjisori.
Dokumentet e shkurorëzimit erdhën nga Joanne Whalley, bashkëshortja britanike, e cila dy herë e çoi në gjykatë.
Gjatë shkurorëzimit të tyre – i realizuar derisa Klimer ishte në lidhje me modelisten Cindy Crawford – aktori u akuzua për lidhje me një kameriere dhe për dështim që të sigurojë shtëpi për fëmijët e tyre.
Të mërkurën, fëmijët e tij, Mercedes dhe Jack, ishin të pranishëm në Kanë për ta promovuar dokumentarin e babait të tyre, i cili u realizua nga “Amazon Prime”.
Pjesë e dokumentarit janë incizimet e shumta të cilat i ka realizuar aktori 61-vjeçar gjatë katër dekadave. Kilmeri në këtë dokumentar flet sinqerisht për jetën dhe karrierën e tij.
Në këtë dokumentar ai duket sikur po flet nëpërmjet laringut, për shkak të pasojave të kancerit në fyt, me të cilën sëmundje u diagnostikua në vitin 2015.
Sëmundjen e tij e ka mbajtur private dhe është larguar nga jeta e Hollywoodit. I plakur dhe me një zë të cilin gazeta “New York Times” e përshkroi diçka si ulërimë e shterur, ai i ngushëllon demonët e tij të brendshëm. Ndërkaq revista e njohur “Variety” shkroi për portretin që bën bashkë talentin, inteligjencën dhe dhuntinë për ta sabotuar veten”.
I biri i një pasaniku të Arizonas, aktori ka pasur gjithmonë standarde të larta. Një aktor aq i përpiktë dhe i prirë të mishërohet me rolet e tij saqë në moshën 12-vjeçare braktisi xhirimet e reklamës për hamburger, me arsyetimin se nuk mund të gjente motivimin për rolin që kishte marrë.
Val Kilmer shpesh duket larg personit të përulur dhe spiritual që shfaqet në filmin e ri në të cilin fshin lotët sa herë flet për jetën dhe sëmundjen.
Sëmundja e kancerit e ka lodhur. Në dokumentar, në të shumtën e rasteve, rrëfimi është i titëruar për shkak se aktori mezi dëgjohet duke folur. Shpesh i biri i tij përsërit fjalët e babait. “Kam jetuar një jetë magjike dhe jam kënaqur të shumtën e kohës”, thotë ai. / Koha.net / KultPlus.com
Filmi ‘Luaneshat e Kodrës’ nga Luana Bajrami shfaqi premierën në kuadër të programit Directors’ Fortnight të Festivalit të Kanës. Ky është filmi i parë i gjatë i bashkëprodhuar nga Kosova e Franca dhe i xhiruar në Kosovë që shfaqë premierën në festivalin më të rëndësishëm të filmit në botë, përcjellë KultPlus.
Directors’ Fortnight është program shumë i rëndësishëm i Kanës që ka ndikuar shumë në kinemanë bashkëkohore dhe ka kontribuar në evoluimin e gjuhës së filmit botëror, duke shfaqur filma të regjisorëve të njohur si Werner Herzog, Rainer Werner Fassbinder, Nagisa Oshima, George Lucas, Martin Scorsese, Chantal Akerman, Jim Jarmusch, Michael Haneke, Spike Lee, Naomi Kawase, Jean-Pierre and Luc Dardenne, dhe Sofia Coppola.
‘Luaneshat e Kodrës’ është në garë për Kamerën e Artë “Camera d’or” çmim i Festivalit të Kanës për regjisorët debutues që janë pjesë e programeve të ndryshme të festivalit.
Filmi është bashkëprodhim i Kosovës me Francën, me producente Valbona Rrahmanin, dhe bashkëproducent Pascal Judelewicz.
Në rrolet kryesore luajnë Flaka Latifi, Uratë Shabani, Era Balaj, Andi Bajgora, dhe Luàna Bajrami.
Filmi është mbështetur nga Qendra Kinematografike e Kosovës dhe prodhuar nga OrëZanë Films (Kosovë), Vents Contraires (Francë), dhe Acajou Productions (Francë). / KultPlus.com
Për të dhjetin vit me radhë Qendra Kinematografike e Kosovës vazhdon të jetë prezente në festivalin e Kanës me pavijon në tregun më të madh të filmit në botë ‘Marche Du Film’. Njëherit ky do të jetë rikthim në normalitetin e festimit dhe promovimit të filmit pas pandemisë, ku vitin kaluar Kosova mori pjesë në tregun virtual të Kanës, përcjellë KultPlus.
E veçanta e këtij edicioni të 74-t është se Kosova për herë të parë ka dy filma që do ta kenë premierën në festivalin e Kanës: filmi i gjatë artistik nga Luana Bajrami “Luneshat e Kodrës” bashkëprodhim me Francën, i cili shfaqet në programin Director’s Fortnight; dhe film i shkurtë “Pa vend” nga Samir Karahoda i cili garon për Palmën e Artë.
Qendra Kinematografike e Kosovës do të promovoj filmat e fundit kosovar në kategori dhe faza të ndryshme të zhvillimit, gjithashtu do të ketë takime me partner ndërkombëtar të kinematografisë, fonde filmi, përfaqësues të festivaleve të mëdha ndërkombëtare dhe producent e distributor të ndryshëm.
Shtandi i Kosovës gjendet në Village International Riviera – Pavilioni Nr. 128. / KultPlus.com
Tri francezet, Catherine Corsini, Julia Ducournau dhe Mia Hansen-Love, si edhe hungarezja Ildikó Enyedi, si asnjëherë më parë do të jenë pjesëmarrësie në garën për “Palmën e artë” në edicionin e 75-të, të Festivalit të Filmit në Kanë, që nis me datë 6 korrik, përcjell KultPlus.
Këtë herë, Enyedi e vendos historinë e saj, në vitet 1920.
Filmi, i gjashti me metrazh të gjatë nga regjisorja hungareze, është bashkëprodhuar nga “Rai Cinema”.
Skenari, i shkruar nga vetë regjisorja, bazohet në romanin me të njëjtin titull, nga Milan Füst.
Nga vitet 1920, shkojmë në 2018-ën, me “La Fracture” nga Catherine Corsini, e vendosur në Paris, gjatë protestave të Jelekverdhëve.
Pritshmëri të mëdha edhe për “Titane”, realizimi i dytë nga regjisorja franceze Julia Ducournau, e cila, ka një film debutues të jashtëzakonshëm, siç është “Raw”.
Më në fund, Mia Hansen-Love sjell në konkurrim “Ishulli Bergman”, film që premton të jetë një lloj melodrame e mbinatyrshme. / KultPlus.com
Pas 1 viti e gjysmë në pandemi, Kana bën gati tapetin e kuq, për të pritur në gjithë shkëlqimin e saj, artistë, regjisorë e këngëtarë nga e gjithë bota. Kjo verë rikthehen në bregdetin francez, Festivalin e Filmit në Kanë, një nga eventet më të mëdha të kinematografisë botërore, që shoqërohet po ashtu me një boom për turizmin vendas.
Përgatitjet kanë nisur prej javësh. Edhe prenotimet në hotelet e famshme buzë detit po ashtu, për të parë më nga afër VIP-at e hollivudit, në garë për një “Palmë të Artë”.
Edicioni I 74-tërt i festivalit të filmit nis të martën e 6 korrikut për të kulmuar me mbrëmjen finale të 17 korrikut. Në situatë pandemie, edhe pse masa më të lehta anti-covid ende në fuqi, edhe yjet e showbizit sikurse publiku i thjeshtë, do të duhet të respektojnë rregullat, me ruajtjen e distancës fizike dhe kontroll të vazhdueshëm të temperaturës.
Tradicionalisht festivali mbahet në muajin maj dhe jo në korrik.
“E ndjeja që do ndodhte dhe fakti që jam këtu, më duket e pabesueshme”, deklaroi regjisori Joen Van Der Molen, transmeton KultPlus.
Shumë pranë teatrit ku do të mbahet festivali është ngritur një qendër vaksinimi dhe testimi. Edhe pse në Francë, maska në ambjente të jashtme nuk është e detyrueshme, për shkak të pjesëmarrjes së lartë, maskat do të mbahet edhe në ambjente të hapura, mes tyre edhe vetë VIP-at.
“Është një gjë e mire për botën, po rikthehemi dalëngadalë në normalitet dhe jemi shumë të lumtur që festivali i Kanës këtë vit do të mbahet përsëri”, u shpreh Claudine Conrilla, pronare e një kinemaje.
Këtë vit, presidenti i jurisë do të jetë regjisori dhe skenaristi fitues i cmimit Oskar Spike Lee ndërsa pretendentë kryesorë për një Palmë të Artë janë aktorët Sean Peen për rolin e tij në filmin“Flag day” dhe Ues Anderson për rolin në filmin “The French Dispatch”.
Vetëm në ditët e festivalit të filmit, pronarët e hoteleve shprehen të kënaqur me prenotimet, pasi janë rritur 100% në krahasim me një vit më parë dhe pjesa më e madhe e tyre janë turistë ndërkombëtarë. / KultPlus.com
Diku në një fshat të vogël në Kosovë, tri të reja shohin se si ëndrrat dhe ambiciet e tyre po u mbyten. Kërkimin e tyre për pavarësi asgjë nuk mund ndalojë: ka ardhur koha për luaneshat të ulërojnë. Ky është rrugëtimi që na e sjellë Luàna Bajrami përmes filmit të parë të saj. ‘Luaneshat e Kodrës’, do të jetë filmi i parë i gjatë kosovar që do ta shfaqë premierën në festivalin më të rëndësishëm të filmit në botë, atë të Kanës, përcjellë KultPlus.
“Unë jam rritur me kombësi të dyfishtë franceze-kosovare, kështu që është një nder për mua ta sjell këtë film kosovar në Festivalin e Kanës në Francë.
Jam shumë e gëzuar për njohjen dhe entuziazmin që veç i është dhënë filmit. Sidomos pasi që është filmi im i parë me metrazh të gjatë që merret me tema që janë shumë të rëndësishme për mua: rinia dhe dëshira e rinisë për liri”, u shpreh Luana, regjisorja e filmit.
‘Luaneshat e Kodrës’ është bashkëprodhim i Kosovës me Francën, me producente Valbona Rrahmanin, dhe bashkëproducent Pascal Judelewicz.
Filmi është mbështetur nga Qendra Kinematografike e Kosovës dhe prodhuar nga OrëZanë Films (Kosovë), Vents Contraires (Francë), dhe Acajou Productions (Francë).
Në rolet kryesore luajnë Flaka Latifi, Uratë Shabani, Era Balaj, Andi Bajgora, dhe Luàna Bajrami. Premiera do të shfaqet në kuadër të programit Director’s Fortnight të Festivalit të Kanës. / KultPlus.com
Regjisori holandez, Paul Verhoeven do të jetë pjesë Festivalit të filmit të Kanës me “Benedetta” me francezen Virginie Efira, që do të dalë njëkohësisht më 9 korrik në kinema, njoftoi sot festivali.
Filmi ishte parashikuar për kompeticionin prestigjioz të vitit të kaluar, para krizës shëndetësore dhe pandemisë së COVID-19 që detyroi festivalin të anulonte edicionin e tij.
Regjisori i “Basic Instinct” (1992, me Sharon Stone) dhe “Elle” (2016, me Isabelle Huppert dhe… Virginie Efira) ka arritur disa herë majat, por nuk është vlerësuar asnjëherë me çmim.
Një kineast provokues, i cili shpesh ka trajtuar çështje të seksit dhe dhunës, këtë herë ai premton një zhytje në një kongregacion fetar të Italisë së shekullit XV, të goditur nga murtaja, përmes portretit të një murgeshë lezbike në një manastir nga Toskana, i cili që në moshë të re (…) është në gjendje të bëjë mrekulli “, sipas përmbledhjes.
Përveç Virginie Efira, kasta e kësaj drame historike “frymëzuar nga ngjarje të vërteta”, xhirimet e së cilës filluan në vitin 2018, bëjnë bashkë aktorët Charlotte Rampling dhe Lambert Wilson.
“Benedetta” i bashkohet filmit të parë tashmë të konfirmuar në kompeticionin zyrtar të festivalit që do të mbahet nga 6 deri më 17 korrik “Annette” e Leos Carax, me Marion Cotillard dhe Adam Driver, që do të bëjë gjithashtu dhe hapjen e festivalit./atsh/ KultPlus.com
Edicioni i këtij viti i Festivalit të Filmit të Kanës do të shtyhet deri në korrik, për shkak të situatës së pandemisë COVID-19. Lajmi u bë i ditur të mërkurën nga organizatorët, të cilët konfirmuan se festivali do të zhvillohet midis datave 6 dhe 17 korrik të këtij viti.
Edicioni i vitit të kaluar u anulua duke u zëvendësuar me një event më modest të zhvilluar në tetor, ku u shfaqen disa filma me metrazh të shkurtër, pa përfshirë premierat kryesore dhe yjet e kinemasë, raportin Euronews.
Normalisht aktorët hollivudianë marrin pjesë në eventin që zgjat dy javë në qytetin mesdhetar, në një prej shfaqjeve kryesore të industrisë kinematografike.
Që nga përhapja e pandemisë COVID-19 qyteti i Kanës e ka humbur shkëlqimin e tij me shumë prej hoteleve dhe restoranteve të mbyllura si pasojë e kufizimeve./Albinfo.ch./ KultPlus.com
Festivali i Filmit në Kanë nuk do të zhvillohet “në formën e tij origjinale” këtë vit, për shkak të pandemisë së koronavirusit.
Organizatorët e kanë shtyrë festivalin muajin e kaluar, duke thënë se synojnë ta organizojnë atë në qershor ose korrik të këtij viti.
Por, përmes një deklarate të përditësuar, ata thanë se ky plan “nuk është më opsion”, pasi Franca i ka zgjatur këtë javë masat e izolimit deri më 11 maj.
Organizatorët nuk sqaruan se cilat mund të jenë alternativat, por thanë se shpresojnë “t’i bëjnë publike shpejt”.
“Është vështirë të supozohet se Festivali i Kanës mund të mbahet këtë vit në formën e tij origjinale”, thanë ata.
Festivali prestigjoz i Kanës fillimisht ishte planifikuar të zhvillohej nga data 12 deri më 23 maj. /KultPlus.com
Qendra e kongresit “The Palais des Festivals” në Kanë, do të duhej të ishte duke u bërë gati t’i mirëpres disa prej emrave më të mëdhenj të showbizit mbi qilim të kuq.
Por në vend të kësaj, objekti ku mbahet festivali prestigjioz i filmit i ka hapur dyert për të pastrehët, të cilët nuk kanë ku të shkojnë gjatë kësaj periudhe vetizoluese për shkak të koronavirusit, transmeton Koha.
Festivali i përvitshëm në rivierën e bukur franceze planifikohet të mbahej nga 12 deri më 23 maj, por javën e kaluar organizatorët e bënë të ditur lajmin se po e shtyjnë të ngjarje për fund të qershorit.
“I kemi afërsisht 50 dhe 70 njerëz të cilët vijnë këtu çdo natë,” ka bërë të ditur Dominique Aude-Lasset, zyrtarë i bashkisë së qytetit të Kanës.
Në hyrje të ndërtesës “The Palais des Festivales”, një punëtorë i veshur me kostum mbrojtës ua matë temperaturën të pastrehëve, para se të lejohen brenda. Atje, ata shërbehen me ushqim, kanë mundësi të lahen si dhe të argëtohen duke shikuar televizion në një zonë të përbashkët. Ndërsa shtretërit e fjetjes janë vendosur në largësi të duhur nga njëri tjetri. Po ashtu, atyre u mundësohet t’i marrin me vete edhe kafshët.
“Ne e dimë se kafshët janë shoqërues të çmuar për të gjithë njerëzit që jetojnë në rrugë,” ka deklaruar Aude-Lasset. /KultPlus.com
