Dukagjin Lipa takohet me Di Caprion: Një nga djemtë më të mirë në botë

Dukagjin Lipa është takuar me njërin ndër aktorët më të famshëm në botë, Leonardo di Caprio, me të cilin edhe ka shkrepur një fotografi, shkruan KultPlus.

Babai i këngëtares shqiptare, Dua Lipa, ka vlerësuar Di Caprion si një nga djemtë më të mirë në botë.

“Duke festuar vitin 2022 me njërin nga djemtë më të mirë në botë”, ka shkruar ai në “Instagram”.

Familja Lipa është parë duke festuar me shumë atmosferë festat e fundvitit, derisa ata kanë ndarë edhe fotografi e video nga stolisja e pemës së krishtlindjeve vitin e kaluar. /KultPlus.com

Shkencëtarët emërojnë një pemë me emrin e aktorit Di Caprio

Shkencëtarët në Kopshtin Botanik Mbretëror, Kew, thonë se donin të nderonin yllin Leonardo di Caprio për ndihmën e tij në shpëtimin e një pylli, përcjell KultPlus.

Pema, së cilës i është dhënë emri zyrtar, Uvariopsis dicaprio, rritet vetëm në pyllin e Kamerunit, i njohur për biodiversitetin e tij të jashtëzakonshëm.

“Ne mendojmë se ai ishte vendimtar për të ndihmuar në ndalimin e prerjeve të pyllit Ebo,” tha Dr Martin Cheek nga Kew.

Pema “dicaprio” është bima e parë e re për shkencën që u emërua zyrtarisht nga shkencëtarët e Kew në vitin 2022, përmes botimit në revistën shkencore, PeerJ.

Pema e vogël tropikale me gjelbërim të përhershëm ka lule të verdha me shkëlqim që rriten nga trungu i saj. /KultPlus.com

Kew scientists name new tree after Leonardo DiCaprio - BBC News

“Don’t Look Up” thyen rekordin e Netflixit për shikueshmërinë më të lartë në javë

“Don’t Look Up” zyrtarisht ka thyer rekordin me shikueshmërinë më të lartë për një film në javë në historinë e Netflixit.

Në javën prej 27 dhjetorit deri më 2 janar ka marrë 152.29 milionë orë shikueshmëri në botë, ka konfirmuar platforma për Deadline.

Të dhënat e lëshuara nga Netflixi treguan se është në treshen e parë më të shikuar, pas “Bird Box” dhe “Red Notice”.

Ndërkaq, filmi “Lulli” është më i shikuari në javë sa i përket filmave që nuk janë në gjuhën angleze. / KultPlus.com

3 vite pa u takuar – Winslet ‘shpërthen’ në lot kur takon Di Caprion

Kate Winslet ka treguar se “nuk ka mundur t’i ndalë lotët” kur ajo është ribashkuar me aktorin Leonardo DiCaprio pas tri viteve.

Krejt kjo ka ndodhur shkaku i pandemisë, ku Kate (46) dhe Leonardo (47), të cilët njihen me njëri tjetrin kur ishin të ri, në moshën 20 vjeçare dhe xhiruan filmin e njohur Titanic.

“Nuk mund t’i ndalja lotët. E njoh më shumë se gjysmën e jetës sime. Sa herë unë kam qenë në New York apo ai ka qenë në Londër dhe ka opasur një mundësi që të ham darkë apo pimë kafe e ku ne jemi takuar”, ka thënë ajo për The Guardian derisa e ka takuar atë në Los Angeles.

“Ne nuk mundeshim që të largoheshim nga vendet tona. Ashtu si shumë shoqëri globale, ne i kemi munguar njëri-tjetrit për shkak të Covidit. Ai është shoku i imë, shoku i imë i ngushtë. Ne jemi të lidhur për jetë”, ka shtuar ajo. /KultPlus.com

Leonardo DiCaprio shpreson se filmi ”Don’t Look Up” do të jetë thirrje për ndryshimet klimatike

Leonardo DiCaprio ka thënë se shpreson që filmi i tij i ri ”Netflix”, ”Don’t Look Up”, do të hapë sytë e shikuesve ndaj kërcënimit të ndryshimit të klimës.

Fituesit 47-vjeçar të Oskarit iu bashkua aktorja, Jennifer Lawrence dhe shkrimtari-regjisori, Adam McKay për të biseduar rreth satirës, ​​në të cilën politikanët, mediat dhe madje edhe qytetarët e zakonshëm nuk shqetësohen edhe aq shumë për këtë.

Megjithëse filmi fillimisht u frymëzua nga dështimet e liderëve botërorë për të ndërmarrë veprime më të mëdha për të luftuar kërcënimin e ndryshimeve shkatërruese klimatike, DiCaprio theksoi gjithashtu se sa mirë funksionon ”Don’t Look Up” si një alegori për refuzimin për të luftuar Covid-19, shkruan dailymail.

DiCaprio dhe Lawrence të dy luajnë në film si astronomë që zbulojnë një kometë me një probabilitet ”100 %” për të goditur Tokën dhe për t’i dhënë fund gjithë jetës.

Por, në një pjesë nga filmi, ata shihen duke debatuar për rëndësinë e aktrimit për të shmangur katastrofën, ndërsa Presidenti i Shteteve të Bashkuara (i luajtur nga Meryl Streep) i injoron ata nga frika se aktrimi do të dëmtojë prestigjin e tij.

“Sikur ky film të kishte një fund tjetër, nuk do të ishte historia ashtu siç është dhe ne nuk do ta heqim atë, por duhej të kishte këtë fund. Është një thirrje zgjimi. Është një orë alarmi”, është shprehur aktori.

Sipas tij nëse nuk do të kishte atë fund, nuk kishte asnjë mënyrë që ata të ishin pjesë e tij. / KultPlus.com

DiCaprio e quan filmin “Don’t Look Up” një dhuratë unike për luftën ndaj ndryshimeve klimatike

Aktori hollivudian Leonardo DiCaprio e quan dhuratë filmin e tij të ri, “Don’t Look Up”, jo sepse ai filloi të punojë me një kast që përfshin Jennifer Lawrence, Cate Blanchett, Meryl Streep, Timothee Chalamet dhe Jonah Hill, por sepse filmi kap rreziqet e ndryshimeve klimatike.

“Unë mendoj se ne të gjithë e kemi parë këtë si një dhuratë jashtëzakonisht unike”, tha DiCaprio, një nga aktivistët më të zëshëm të Hollivudit për mjedisin.

“Ne donim të merrnim mesazhin atje për krizën klimatike dhe Adam me të vërtetë e goditi kodin, duke krijuar këtë narrativë”, tha ai.

I publikuar në kinematë amerikane të premten dhe në Netflix, më 24 dhjetor, “Don’t Look Up” hedh një vështrim satirik se si media dhe politikanët i trajtojnë çështjet klimatike. Komploti sheh dy astronomë të ulët (të luajtur nga DiCaprio dhe Lawrence) duke u përpjekur të paralajmërojnë botën që duket se nuk i intereson një kometë e madhe që do të shkatërrojë Tokën brenda gjashtë muajsh, shkruan Reuters, përcjell Klankosova.tv

DiCaprio tha se ai do të kërkonte të bënte një film për krizën klimatike për një kohë, por gjetja e qasjes së duhur kishte rezultuar e vështirë, deri më tani.

DiCaprio tha se ai ishte tërhequr nga filmi sepse donte të mbështeste shkencëtarët.

“Doja t’u jepja kapelën time njerëzve që ia kushtojnë jetën kësaj çështjeje, të cilët e dinë se për çfarë po flasin dhe përpiqem t’u jap atyre pak zë”, tha ai./KultPlus.com

Di Caprio zë i fuqishëm në mbrojtjen e Lumit Vjosa, kërkon mbështetje përmes peticionit

Aktori me famë botërore, Leonardo Di Caprio, po vazhdon të jetë zëri i fuqishëm për mbrojtjen e lumit Vjosa, shkruan KultPlus.

Përmes një postimi në rrjetin e tij social “Instagram”, ai ndau një video me ndjekësit e tij, më shumë se 50 milionë të tillë, ku edhe shkroi se aktivistët kanë punuar pothuajse për një dekadë që të mbrojnë këtë lum.

“Aktivistët me @blueheartrivers kanë punuar për të mbrojtur Vjosën për një dekadë dhe përpjekjet e tyre kanë fituar mbështetje globale. Nëse Vjosa do të bëhej park kombëtar, ajo do ta mbronte përgjithmonë nga kërkimet e naftës dhe digat aty pranë, ndër të tjera”.

Tutje ai shpjegoi se një Park Kombëtar i Vjosës do të tërhiqte rreth 1.5 milionë vizitorë çdo vit, do të gjeneronte rreth 20 milionë euro të ardhura çdo vit dhe do të krijonte shumë vende të reja punës.

Përmes një linku të vendosur aty, shihet edhe peticioni i krijuar për të mos lejuar kompanitë e naftës të bëjnë kërkime aty.

Ky peticion veçse ka marrë vëmendje të madhe, ku madje është nënshkruar nga më shumë se 32 mijë njerëz. /KultPlus.com

Di Caprio i drejtohet Qeverisë së Shqipërisë: Lumi ‘Vjosa’ është park kombëtar

Aktori i njohur amerikan, Leonardo Di Caprio, i cili përpos se një aktor i suksesshëm njihet edhe për luftën që e bën në lidhje me ruajtjen e ambientit, madje shpesh, ndër postimet e tij të shumëta, aktori ka shprehur edhe shqetësimin e tij në lidhje me lumin ”Vjosa”, shkruan KultPlus.

Së fundi, përmes një postimi në rrjetin social Twitter, Di Caprio ka shpërndarë një fotografi të Tiranës, në qendër të së cilës është shkruar ”Vjosa, park kombëtar tani”.

Kërkesa që lumi “Vjosa” të shndërrohen në park kombëtar ka tash e sa kohë që i bëhet Qeverisë së Shqipërisë, duke përfshirë kështu mbështetjen e yjeve me famë botërore.

“Dhënia e statusit të lumit ‘Vjosa’ si një park kombëtar do të mbrojë zonën nga digat dhe një kërcënim të ri nga shpimet e naftës dhe gazit”, ka shkruar DiCaprio. / KultPlus.com

DiCaprio e Perry nxisin Biden të mbrojë Amazonën

Njerëz të famshëm si Leonardo DiCaprio, Katy Perry dhe Joaquin Phoenix i kanë kërkuar presidentit të SHBA, Joe Biden të ndihmojë në mbrojtjen më të mirë të pyjeve të Amazonës dhe të mos nënshkruajë marrëveshje me presidentin brazilian, Jair Bolsonaro.

Në një letër të hapur të lëshuar përpara takimit të klimës virtuale të kësaj Dite të Tokës, grupi i artistëve dhe muzikantëve ndërkombëtarë shprehën shqetësimin se SHBA po negociojnë një marrëveshje mjedisore me Bolsonaro.

“Të drejtat e popujve indigjenë, të cilët janë rojat e pyllit, janë shkelur nga Bolsonaro dhe administrata e tij”, lexon deklarata.

“Ne i kërkojmë administratës suaj që të dëgjojë thirrjen e tyre dhe të mos angazhohet për asnjë marrëveshje me Brazilin në këtë kohë”, shtuan ata.

Biden ftoi udhëheqësit duke përfshirë kancelaren gjermane Angela Merkel, presidentin rus Vladimir Putin dhe atë kinez Xi Jinping në samitin online të enjten dhe të premten.

Pylli i Amazonës konsiderohet një depo jetike e karbonit dhe për këtë arsye luan një rol kryesor në mbrojtjen e klimës.

Brazili është përballur me kritika në rritje për menaxhimin e Amazonës, veçanërisht nën presidencën e Bolsonaros./ atsh / KultPlus.com

Di Caprio vazhdon thirrjen për mbrojtjen e Lumit Vjosa, kërkon nga krerët shqiptarë ti bashkangjiten nismës

Aktori i famshëm hollivudian, Leonardo Di Caprio, po vazhdon mbështetjen e tij për mbrojtjen e lumit Vjosa në Shqipëri, kësaj radhe duke ju bërë apel krerëve të shteti shqiptar që ta mbështesin këtë nismë, shkruan KultPlus.

Në një postim në Twitter, Di Caprio ka postuar filmin e lumit Vjosa ku kërkuar që të shpërndahet sa më shumë, dhe ju ka bërë thirrje Edi Ramës, Lulzim Bashës, Ilir Metës dhe Blendi Klosit që ti bashkangjiten kësaj nisme.

“Javën e kaluar, aktivistët në të gjithë Evropën i kërkuan Qeverisë Shqiptare dhe BE të mbështesin #VjosaNationalParkNoë. BE tani ka premtuar mbështetjen e saj. Ju lutemi shpërndani këtë video dhe pyesni @ediramaal @lulzimbasha_al @BlendiKlosi @ilirmetazyrtar për të ndihmuar në ruajtjen e #BlueHeartofEurope”, ka shkruar ai.

Kujtojmë se Di Caprio dhe në mars të këtij viti kishte bërë thirrje që të firmoset peticioni për mbrojtjen e lumit, nga ndërhyrjet e qeverisë, si dhe ndërtimi i hidrocentraleve. Aktori tash e një kohë, ka qenë një nga personat që kanë ngritur zërin më së shumti për këtë çështje./ KultPlus.com

Pas Leonardo Di Caprio edhe Norton bën thirrje për mbrojtjen e lumit Vjosë

Pas thirrjeve të të aktorit të njohur, Leonardo Di Caprio për mbrojtjen e lumit Vjosë, nga ndërtimi i HEC-eve, listës i është bashkuar edhe aktori Edward Norton.

Në një postim që ka bërë në rrjetet sociale, Norton, ka kërkuar mbështetjen e të gjithëve për të mos lejuar dëmtimin e lumit.

“Lumi Vjosa rrjedh i paprekur nga burimi në det dhe grupet e komunitetit lokal në Shqipëri po bëjnë thirrje që ai të mbrohet përmes krijimit të një parku të ri kombëtar. Tregoni mbështetjen tuaj, ndani filmin e Patagonia me #VjosaNationalParkNow”, ka shkruar ai. / KultPlus.com

Leonardo DiCaprio i shkruan letër Joe Bidenit

Leonardo DiCaprio i ka nënshkruar letër të hapur Presidentit të ri të Amerikës, Joe Biden duke e nxitur atë që ta konsiderojë si prioritet krizën klimatike.

Javën e kaluar, Presidenti Biden ktheu Shtetet e Bashkuara në Marrëveshjen e Parisit – një pakt ndërkombëtar për ta luftuar ndryshimin klimatik. Në vitin 2017, Donal Trump e kishte tërhequr Amerikën nga ajo marrëveshje.

“Tani është koha për ne që të ballafaqohemi me krizën klimatike”, ka shkruar DiCaprio në llogarinë e tij në rrjetin social Instagram. “Sot, unë bashkohem me udhëheqësit botërorë nga biznesi, qeveria, puna dhe lëvizja mjedisore, duke i bërë thirrje Presidentit @JoeBiden të jetë udhëheqësi i klimës që na duhet dhe që e kërkon shkenca,” shtoi ai.

Në këtë postim, DiCaprio e bashkëngjiti letrën e tij drejtuar presidentit Biden, e cila u nënshkrua nga figura të shquara të industrisë së showbizit, klimës dhe shkencës.

“Punët që na presin janë të mëdha: nevoja për ta trajtuar krizën shkatërruese globale të shëndetit dhe krizat ekonomike, dhe nevoja për të bashkuar amerikanët për ta bërë këtë, është urgjente”, shkruhej në këtë letër. “Ndërsa shërohemi nga Covid-19 dhe rindërtojmë ekonominë globale, duhet të veprojmë edhe ndaj ndryshimeve klimatike. Në fakt, këto nuk janë misione të ndara; ato janë një dhe e njëjta. Kjo është dekada më vendimtare në historinë njerëzore për t’u përballur me krizën e klimës. Ju mund të kujtoheni si ‘presidenti i klimës’ që e çoi njerëzimin larg shkatërrimit. Ju mund t’i transformoni sistemet e energjisë në botë nga lëndët djegëse fosile në energji të pastër, ndërsa gjithashtu krijoni një bollëk të vendeve të punës, duke zvogëluar ndotjen e dëmshme dhe duke trajtuar pabarazinë ekonomike, racore dhe shëndetësore në proces. Zgjedhja për të bërë udhëheqje të guximshme na lejon të rikthehemi më mirë dhe më fuqishëm, duke ecur përpara drejt një bote të re të cilën mund të krijojmë së bashku. Duke u ribashkuar me Marrëveshjen e Parisit në ditën e parë të detyrës si president, ju i keni kthyer Shtetet e Bashkuara në drejtimin e duhur. Por, siç e keni deklaruar edhe ju, kjo nuk është e mjaftueshme dhe ne duhet të bëjmë gjithçka që mundemi për ta luftuar krizën klimatike”, ka përfunduar DiCaprio.

Ylli i kinematografisë ka qenë i zëshëm gjatë gjithë karrierës së tij, për problemet lidhur me ndryshimet klimatike. Ai e themeloi një fondacion në vitin 1998 me qëllimin për “t’i mbrojtur vendet e fundit të egra të botës”

Në 2019, DiCaprio takoi aktivisten për ndryshimet klimatike, adoleshenten Greta Thunberg, duke ju drejtuar asaj si ‘udhëheqësja e kohës tonë’.

“Historia do na gjykoj për atë që bëjmë sot për të garantuar që gjeneratat e ardhshme të mund ta shijojnë të njëjtin planet të jetueshëm të cilin ne e kemi marrë të mirëqenë. Shpresoj që mesazhi i Gretës të jetë një thirrje zgjimi për udhëheqësit botërorë kudo, që koha për mosveprim ka mbaruar”, kishte deklaruar aktori i njohur hollywoodian. /Koha.net / KultPlus.com

Leonardo Di Caprio në mbrojtje të lumit Vjosa

Leonardo Di Caprio, aktori i njohur amerikan, ka publikuar fotografi të lumit Vjosa. Di Caprio sërish i është bashkuar fushatës për mbrojtjen e lumit nga ndërtimi i hidrocentraleve.

Në llogarinë e tij në Instagram, aktori publikoi një fotografi të lumit me mesazhin “Vjosa, jo diga”. Ai duket se i është gëzuar lajmit të Edi Ramës, që projekti i digës Kalivaç u refuzua dhe se zona do të bëhet një park kombëtar.

Tutje ai ka shkruar se “Parku Kombëtar i lumit Vjosa do të bëhet vendi më i madh i Evropës për ruajtjen e lumenjve që mbulon disa qindra kilometra lumenj dhe përrenj dhe mbron qindra apo edhe mijëra specie, si ngjala e Evropës në rrezik global dhe flutura e Vjosës e zbuluar së fundmi. Kjo do të ishte një arritje e madhe për Shqipërinë dhe pjesën tjetër të Evropës dhe parku mund të bëhet një model për Strategjinë e Biodiversitetit brenda kornizës së Marrëveshjes së Gjelbër”.

Ndryshe, Leonardo Di Caprio, iu bashkua nismës për mbrojtjen e lumit Vjosa, kundër ndërtimit të hidrocentaleve, rreth një viti më parë. / KultPlus.com

View this post on Instagram

A post shared by Leonardo DiCaprio (@leonardodicaprio)



Di Caprio zotohet se do ta ndihmojë kauzën e “Amerikës Afrikane ”

Aktori Leondardo Di Caprio është zotuar se do të japë donacione për organizatat Color of Change, Fair Fight Action, The NAACP dhe Equal Justice Initiative, dhe ka thënë se dëshiron të ndihmojë në ndalimin e “diskriminimit të Amerikës Afrikane”, raporton revista FemaleFirst.

Ylli 45 vjeç ka përdorur llogarinë e tij të Instagramit për të përkrahur lëvizjen Jetët e Zezakëve Vlejnë, duke shkruar se “përkushtohem se do të dëgjoj, mësoj, dhe veproj”.

“Jam i përkushtuar në përfundimin e diskriminimit të Amerikës Zezake, që ka qenë prezent për një kohë tepër të gjatë. Do t’i përkrahi individët, organizatat dhe koalicionet të cilat janë të përkushtuara në ndryshimin afatgjatë të situatës”, kishte shkruar ai.

Pastaj kishte bërë thirrje që të përcillen, të përkrahen organizatat që luftojnë dhe e përkrahin kauzën e të drejtave të barabarta të afro amerikanëve në SHBA. / KultPlus.com

Di Caprio ndihmon nismën për të prekurit e Covid-19

Leonardo DiCaprio do të ndihmojë në nismën e Fondit të Ushqimit të Amerikës, i cili tashmë ka mbledhur 12 milionë dollarë për të ndihmuar komunitetet e prekura nga koronavirusi.

Organizata tha të enjten se fondet synojnë të ndihmojnë familjet me të ardhura të ulëta, të moshuarit, individët që përballen me ndërprerje pune dhe fëmijët që mbështeten në programet e drekës shkollore.

Fondi ushqimor do të punojë me organizatat për lehtësimin e urisë Kuzhina Qendrore Botërore dhe Ushqimi i Amerikës.

DiCaprio është bashkëthemelues i Fondit Ushqimor të Amerikës me filantropin Laurene Powell Jobs. Apple dhe Fondacioni Ford gjithashtu po ofrojnë para për të ndihmuar në fillimin e nismës së re. / KultPlus.com

Leo DiCaprio dhuron 3 milion dollarë për zjarret në Australi

Nëse në fillim qëndrimi i tij ishte më shumë simbolik se konkret, tani Leonardo DiCaprio ka vendosur të bëjë diçka serioze për të ndihmuara Australinë të dalë nga situata dramatike në të cilën ndodhet, për shkak të zjarreve.

Ylli i Hollywood-it ka vendosur të japë 3 milion dollarë (rreth 4.5 milion dollarë australianë) për Australian Wildfire Fund.

Donacioni është njoftuar me një postim në Instagram dhe ka për qëllim të ‘asistojë në lëvizjet kundërzjarrit në New South Wales, dhe të ndihmojë banorët e zonës së goditur nga zjarret, si dhe në rikuperimin e faunës së egër dhe ekosistemit’.

Në të njëjtën kohë DiCaprio është i vetëdijshëm, që pavarësisht kontributit të tij, ky aksion nuk është i mjaftueshëm për të zgjidhur problemin dhe fton të gjithë të japin sa të mundin për të dhënë kontributin e tyre, për të rimëkëmbur këtë zonë. / KultPlus.com

30-të vite karrierë të Leonardo Di Caprio-s

Kur Leonardo DiCaprio fitoi një Oscar për “The Revenant”, e gjithë bota i dha një psherëtimë lehtësimi sepse ai e meritoi akordimin për performancën e tij në filma.

Di Caprio, i cili mbushi sot 45 vjeç është nominuar gjashtë herë për çmimin Oskar duke përfshirë “Aktorin më të Mirë” për The Wolf of the Wall Street, Blood Diamond, Aviator dhe “Aktori më i Mirë Mbështetës” për What’s Eating Gilbert Grape.

Në vitin 2016, aktori u bë edhe burimi i shumë shakave në internet. Me rastin e ditëlindjes së 45-të të aktorit, këtu janë disa nga shfaqjet më të mira të Leos për të cilat do t’i kishim dhënë plotësisht një Oskar nëse do të vlerësohej nga ne, thuhet në një artikull të shkruar në news18.com.

What’s Eating Gilbert Grape: Ne e dimë se aktori mori një nominim Oscar për “Rolin më të mirë Mbështetës” për këtë film, duke e bërë atë një nga aktorët më të rinj që e bëri këtë. Johnny Depp mund të ketë qenë fytyra e filmit, por ishte performanca e Leos, si vëlla i tij me aftësi të kufizuara zhvillimi që fitoi zemrat tona. Aktori ishte një i ri kur portretizoi rolin sfidues.

Gangs of New York: Nuk është sekret që Leo është muza e gjeneratës së Martin Scorsese, ashtu si bashkëpunimi i regjisorit me Robert De Niro, i cili konsiderohet të jetë një nga aktorët më të mirë të të gjitha kohërave. Udhëtimi i Leo me Scorsese, që çoi në 31 nominime Oscar mbi pesë filma artistikë, filloi me Gangs of New York.

Catch Me If You Can: Leonardo DiCaprio, që nga fillimi në karrierën e tij ai kishte punuar me James Cameron, Baz Luhrmann dhe Danny Boyle kur u bashkua me Steven Spielberg në Catch Me If You Can. Aktori luan bashkëshortin, i cili para se të mbush 19 vjeç, kishte mashtruar njerëzit me miliona dollarë.

Shutter Island: Një tjetër bashkëpunim Scorsese, një tjetër Oscar nderi që dëshirojmë t’ia kishim dhënë Leo. Filmi na mban në buzë të sediljes deri në momentin e fundit, por është Leo si Teddy Daniels që e bën filmin kaq bezdisës.

Daniels, i cili është aq i prirur për fajtor për të lënë pas dore gjendjen mendore të gruas së tij, kurrë nuk e merr veten prej saj, duke krijuar një iluzion që ndryshon realitetin për të mbrojtur veten nga e vërteta. Leo merr edhe anëtarët e audiencës në udhëtim, dhe pavarësisht nga pashpresa e të gjithëve, njeriu e gjen veten duke rrënjosur për karakterin e tij.

The Wolf of the Wall Street: Nëse po flasim për shfaqjet më të mira të Leo-s, mund të flasim për ikonën e tij më të ëmbël, Ujku i Wall Street i cili u bë burimi i memeve të panumërta dhe njoftimeve të të famshëmve, Jordan Belfort i Leos është një shitës me pakicë i pangopur dhe mashtrues që ka një fat të ngjashëm me Icarus. Leonardo DiCaprio është i qeshur dhe duhet të bëjë shumë më tepër role si ky. /21media/ KultPlus.com

Titanik, kjo është arsyeja pse Rose e la Jack-un të vdiste

Me rastin e pervjetorit te 20 të filmit, regjisori më në fund zbulon pse personazhi i luajtur nga Leonardo DiCaprio vdes në fund. Cameron gjithashtu zbulon se ai ishte grindur me Harvey Weinstein natën kur fitoi Oskarin, duke e goditur pothuajse me statujën.

James Cameron shpjegon pse Jack vdes në Titanik

Disa vjet më parë ishte vetë Kate Winslet e cila kishte thënë se si Jack mund të kishte shpëtuar veten, duke konfirmuar tezën tani famëkeqe të “Ka pasur vend për dy” te tifozëve më të zjarrtë. Regjisori i Titanikut shpjegoi se, mjerisht, e vetmja gjë që ka rëndësi është fakti se fati i DiCaprios ishte i shënuar.

Përgjigjja është shumë e thjeshtë: sepse në faqen 147 [të skenarit] thuhet se Jack vdes. Natyrisht ishte një zgjedhje artistike, dera ishte mjaft e madhe për ta mbajtur. Mendoj se është ide e çmendur që ne flasim për këtë përsëri pas 20 vjetësh. Por kjo tregon se filmi ka arritur të bëjë Jack-un një personazh kaq të dashur, që të lëndon tek e sheh që vdes. Nëse ai do të kishte jetuar, fundi i filmit do të kishte qenë i pakuptimtë. Filmi ka të bëjë me vdekjen dhe ndarjen; ai duhej të vdiste në atë mënyrë ose të goditej nga një objekt i anijes, ai duhej të vdiste. Quhet art, gjërat ndodhin për arsye artistike, jo për arsye të fizikës.

Ndër temat e trajtuara nga Cameron në intervistë,  edhe një takim me Harvey Weinstein, nuk përfundoi veçanërisht mirë për këtë të fundit. Producenti në qendër të një skandali gjigant të ngacmimit, abuzimit dhe dhunës, në fakt kishte një debat me regjisorin në natën e 31 marsit 1998, kur “Titaniku” fitoi 11 Oscar. Cameron u afrua për ta goditur atë me statujën e sapo fituar.

Kjo ndodhi në katin përdhes [të teatrit]. Muzika po luante, për të na ftuar të ktheheshim dhe të uleshim në vendet tona. Njerëzit rreth nesh thoshin: “Jo këtu, jo këtu!” Pse debatuam? Është një histori e gjatë që ka të bëjë me Guillermo del Toro dhe asaj që është trajtuar keq nga Miramax (shtëpia e themeluar nga Weinstein dhe vëllai i tij Bob) për filmin “Mimic”. Harvey erdhi tek unë për të më përgëzuar, duke thënë se sa i respektuar isha nga artistët. Aty shpërtheu grindja./KultPlus.com