Muaj: Qershor 2018

Hitleri e kishte shpallur Nurembergun “qytet të tubimeve të partisë naziste” më 1933, duke vendosur që roli tradicional i qytetit mesjetar, si qendër e tregtisë gjermane, artit dhe kulturës, do të siguronte një sfond të përshtatshëm për mitingjet e tij epike vjetore – siç do të ndodhte me stadiumet komunale, teatrot, liqenet dhe parqet në të cilat ishin mbajtur shumica e ngjarjeve të përvitshme.

Për të dy, edhe Hitlerin, edhe ministrin e Propagandës, Joseph Goebbels, i cili mbikëqyrte censurimin dhe distribuimin e filmit, muzikës, teatrit e arteve vizale në Rajhun e Tretë – muzika gjermane, veçanërisht opera, do të kishte impakt vital propagandistik në tubimet masive të ushtrisë naziste.

Një ekspozitë e re, e hapur në Qendrën e Dokumentimit të Mitingjeve të Ushtrisë Naziste në Nuremberg, në mënyrë grafike e tregon rrëfimin sesi shtëpia operistike “Nuremberg Opera House” dhe vendet në të cilat mbaheshin paradat e përvitshme masive të nazistëve ishin skena të dyfishta, nëpërmjet të cilave arti propagandistik ishte instrumentalizuar nga regjimi vrastar.

Titulli i ekspozitës “Hitler. Macht. Opera” është lojë me kuptim të dyfishtë të fjalës gjermane “Macht”, që përkthehet edhe si “bën” edhe “pushtet”: vetë Führeri personalisht është përfshirë në disa aspekte të inskenimit të operave që shënonin festën për lidershipin e tij. E shtrirë në 530 metra katrorë në “Sallën e madhe” të ish-lokacionit ku mbaheshin mitingjet, ekspozita e re gërsheton tekstin, imazhet, filmin dhe rikonstruksione të papërpunuara të skenës, për t’ua mundësuar shikuesve eksperiencën që të ndiejnë forcën e plotë të mjetit të fuqishëm propagandistik./ KultPlus.com

Presidenti aktual i Turqisë, Recep Tayyip Erdogan, ka shpallur fitoren e tij në zgjedhjet presidenciale, të mbajtura gjatë ditës së sotme.

Në Prizren, shumë qytetarë kanë nisur të festojnë. Ata po brohoritin emrin e Erdoganit, dhe po valëvitin flamuj të Turqisë.

Erdogan po prin me 52.79 për qind të votave, pas numërimit të 98.68 për qind të votave.

“Populli turk më ka mandatuar mua si president, sipas rezultateve jozyrtare”, ka deklaruar Erdogan.

Konferenca Ndërkombëtare e Albanologjisë, kushtuar heroit tonë kombëtar Gjergj Kastrioti Skënderbeu, nxit pasurimin e informacionit akademik dhe kulturor të historisë së vendit tonë gjatë mesjetës.

Albanologia Lucia Nadin në një pronocim për Agjencinë Telegrafike Shqiptare u shpreh se, ” kam 25 vite që i jam dedikuar studimit të Shqipërisë. Për pasojë edhe prania ime këtu nuk është vetëm për këtë event, por edhe një vazhdimësi e rreth 20-25 vite studimesh mbi Shqipërinë dhe Skënderbeun”.

Ajo shtoi se këto konferenca shkencore janë,”një rast i rëndësishëm, mbi të gjitha për të rinjtë, sepse unë e kuptoj se pasi të largohet brezi im, një gjeneratë studiuesish, nuk shoh mjaftueshëm gjak të ri. Këtu flas për Italinë, ku shumë studentë shqiptarë studiojnë në Itali, por nuk kanë zgjedhur fakultetet shoqërore, nga ana tjetër as studentët italianë nuk i zgjedhin, për shkak të problemeve me punësimin, dhe preferojnë fakultetet shkencore. Pra, mund të themi se është pak e frikshme të mendosh se kush do ta vazhdojë këtë trashëgimi”,u shpreh albanologia Nadini.

”Në ligjëratën time kam trajtuar një argument të ri që është shfaqur nga kërkimet në arkiva dhe njëkohësisht kam arritur të kontaktoj dhe të përfshij doktor Battistan që ishte dhe është i ngarkuar për të rregulluar Pallatin Ducale dhe armët që ndodhen aty. Si dhe është argumenti që ka të bëjë me konservimin dhe fabrikimin e armëve që prodhoheshin në Venecia për Skënderbeun. Pra, do të shohim dëshminë vizive të shpatës së tij, të shpatës së tij mitike, madje flitet edhe për një farkëtar që prodhonte për Skënderbeun, por edhe për faktin se prej shekujsh është ruajtur në arsenalin e Venecias një armaturë për Skënderbeun që bënte pjesë në muzeun e gjithë të mëdhenjve të historisë së Europës”,u shpreh për studimin e saj albanologia Lucia Nadin.

“Nga ana e Venecias, Skëderbeu shihej si një prej personazheve të mëdhenj të historisë botërore. Për mua, padyshim, Skënderbeu nënkupton çastin historik kur Shqipëria luajti një rol themeltar mes Lindjes dhe Perëndimit. Pra, nëpërmjet Skënderbeut dhe asaj që ndodhi pas atij, është një faqe thelbësore e historisë tonë europiane, them tonë duke përfshirë edhe Shqipërinë sepse në vitin 1 500 Shqipëria ka qenë në dokumentet e historisë gjithnjë e cilësuar si Shqipëria në Europë”,përfundoi Lucia Nadin.

Në kuadër të Vitit Mbarëkombëtar të Skënderbeut, në 550-vjetorin e vdekjes së heroit tonë kombëtar, po zhvillohet dhe Konferenca Albanologjike, e cila i jep mundësi të gjithë studiuesve të Skënderbeut për t’u njohur dhe për të shpalosur një temë të caktuar me epokën e Skënderbeut. Kjo Konferencë është e ndarë në tre seksione. Në seksionin e parë dhe seksionin e dytë, ku janë ftuar specialistë fushës, akademikë brenda dhe jashtë vendit, që ligjërojnë studimet e tyre. Në seksionin e tretë do të jenë konkluzionet.

Viti mbarëkombëtar i Skënderbeut do të mbyllet me samitin e madh të diasporës, në muajin nëntor, kur do jetë dhe seksioni i tretë i Konferencës së Albanologjisë. Në këtë muaj (nëntor) do të ketë dhe një sërë veprimtarish të mëdha. Gjithashtu do jepet “llogari” se çfarë është bërë në vitin e Skënderbeut. Të gjitha punimet do të publikohen në një moment të dytë gjatë vitit 2019.

Në këtë drejtim, qeveria ka menduar që mungesat e mëdha që ka albanologjia të jenë një lloj baze për të ngritur sa më parë një kurs për të mundësuar formimin e të rinjve në gjuhët e vjetra, arkilistik dhe paelografi, duke i dhënë frymë dhe oksigjen albanologjisë, për të ndërtuar dhe për të lënë stafetat për brezat që do vijnë./ ata

Bregdeti jugor i Shqipërisë po tërheq gjithnjë e më shumë vëmendjen e turistëve të huaj në këtë fillim sezoni turistik.

Gjatë periudhës maj-qershor 2018 vetëm në portin e Vlorës dhe Himarës kanë mbërritur rreth 651 turistë. Në të dy këto porte vijojnë të ankorohen anije turistike me turistë të huaj në bord nga vende të ndryshme të botës, si Italia, Belgjika, Finlanda, Danimarka, Hungaria, Polonia, Anglia, etj.

Drejtori i Portit të Vlorës, Admir Malaj, tha për ATSH-në se “ditët e fundit, një numër i madh turistësh kanë ardhur në portin e Himarës. Në bordin e dy anijeve turistike ‘Marina’ dhe ‘Ionian Sun’ ndodheshin turistë të rinj nga vende të ndryshme të Europës të ardhur nga porti i Korfuzit”.

“Në portin e Himarës ka mbërritur edhe një anije tjetër turistike, e cila e çon në 651 numrin e turistëve që kanë zgjedhur si destinacion turistik bregdetin jugor të Shqipërisë”, – theksoi Malaj.

Kreu i portit të Vlorës shprehet se vazhdon të rritet edhe numri i turistëve që kanë zgjedhur të udhëtojnë nga porti i Himarës drejt Korfuzit me katamaranin “Kristi”. Sipas tij, interes të lartë vijon të ketë edhe për udhëtimet drejt ishullit të Sazanit dhe gadishullit të Karaburunit.

Himara shquhet për plazhet e saj shumë të bukur, shumica me zalle, por edhe me rërë të bardhë e të imët. Spillea, është plazhi qendror i Himarës, me shumë vizitorë në verë, më tutje janë Prino, Potami, Filikuri, më në jug Llamani, Qeparoi, Borshi, brigjet e Piqernit (Buneci), Lukova dhe Kakomea.

Turisti në zonën e Himarës gjen det e qiell të pastër, brigje ranore të ngulura në shkëmb, objekte kulturore dhe historike, monumente të natyrës dhe një kulinari të veçantë detare. Himara është perla detare e Shqipërisë./ata

Kryeministri Edi Rama e ka konsideruar trofeu europian të sheshit “Skënderbej”, si një faqe të bardhë në historinë e Tiranës dhe Shqipërisë së Rilindjes Urbane.

Kryeministri, Edi Rama në fjalën e tij tha se “është legjitime që sot ta kremtoj këtë trofe të rëndësishëm dhe krejt të veçantë për Tiranën dhe Shqipërinë, bashkë me përfaqësuesit, bashkë me ekipin e arkitektëve, skuadrës realizuese dhe punëtorëve të thjeshtë dhe padyshim te ata që besuan te ky projekt që nga konceptimi deri më sot te realizimi i një vizioni të transformuar për Tiranën dhe Shqipërinë.

Më tej, Kryeministri shtoi se ky shesh për shumë e shumë dekada të historisë së vet ka qenë një shesh betejash politike.

“U kthye në një shesh betejash të tillash me kosto të humbura financiare për ta zhdukur dhe mbuluar me tamponin jeshil, që për fat të mirë i takon të shkuarës.

“Mbi historinë e këtij projekti mund të bëhet një libër i tërë, por jo vetëm unë por dhe të tjerë mund ta bëjnë librin e një rilindje urbane e sheshit “Skënderbej”. Dhe një nga frazat e përmendura nga kundërshtarët e këtij projekti, ishte një projekt kriminal i bazuar të ethet e një fitimi marramendës apo një zonë ku do të përfitonin në këtë projekt ka qenë një nga lajmet e rreme, siç është lajm i rrem kampi i refugjatëve apo të tjera lajmë të rreme që i dëgjojmë dita ditës. Është një betejë me lajmet e rreme, por koha vendosin në vend të vërtetën, sepse sheshi “Skënderbej” u kthye në faqen e bardhë të kryeqytetit dhe të Shqipërisë dhe që mori çmimin unikal të hapësirës publike më të bukur në europë për vitin 2017”,- përfundoi Kryeministri./ata

Ditëve të fundit është komentuar më shumë se asnjëherë tjetër për simbolin e Shqiponjës, kjo pasi që fotografitë e futbollistëve nga Kosova që mpshten Serbinë në ndeshjen me Zvicrën, bëri jehonë në të gjitha mediat vendore e të huaja, shkruan KultPlus.

Po ashtu me këtë rast, për të dëshmuar lashtësinë e këtij simboli, po qarkullon edhe një fotografi derisa shihet një njeri i gdhendur në gur që me duar krijon simbolin e Shqiponjës. Ky gur është gjetur në Durrës dhe thuhet se daton katër shekuj para Krishtit./ KultPlus.com

Flamujt zviceranë valëviten me bollëk në të katër anët e Kosovës, një republikë e ish bllokut jugosllav, prej më pak se 2 milionë banorësh, shkruan “20 Minutes”, përcjell Albinfo.ch.

Sigurisht që disa flamuj vërehen në kryeqytetin e Prishtinës, por ata mund të hasen edhe nëpër shumë fshatra. Sidomos në Gjilan, një qytet i 130.000 banorëve në qendër të vendit të prejardhjes së Xherdan Shaqirit.

“Këtë foto ma ka dërguar bashkëshorti im, i cili aktualisht ka udhëtuar për në Kosovë”, ka pohuar bashkatdhetarja Zejnie, me vendbanim në Renens (VD). “Nuk arrita të përmbahesha dhe e shpërndava.

Në Kosovë, skuadra zvicerane e futbollit ka fituar një rritje të madhe të simpatisë. Njerëzit janë krenarë për Shaqirin, Behramin dhe Xhakën me të tjerët.

Ata identifikohen me trajektoren e tyre sportive dhe profesionale. Në një cep të botës ku jeta e përditshme nuk është gjithmonë e lehtë, këta futbollistë sjellin një ëndërr të vogël për të rinjtë tanë”, ka deklaruar Zejnia.

Loja e mbrëmjes të së premtes kundër Serbisë do të jetë “është e vërtetë, pak e veçantë”, ka pohuar Zejnia, para se të fillojë ndeshja tashmë e përfunduar me fitore historike të Zvicrës.

Pa hyrë në detaje gjeopolitike që nuk meritojnë të përmenden këtu, rivaliteti midis Kosovës dhe Serbisë këtë veçori e spjegon qartë.

Gazeta e njohur zvicerane, Blick.ch, ka kërkuar nga lexuesit e saj që t’i dërgojnë fotografi duke festuar me shqiponjë, ashtu si Granit Xhaka e Xherdan Shaqiri.

Dy futbollistët e Zvicrës nga Kosova, Xhaka e Shaqiri, festuan me shqiponjë golat e tyre në ndeshjen ndaj Serbisë në Kampionatit Botëror.

http://insporti.com/gazeta-zvicerane-lexuesve-bejeni-shqiponjen-na-dergoni-foto/