Petrit Çarkaxhiu, i njohur si vokalisti i grupit ‘Jericho’ së fundi ka sjellë këngën ‘Emri yt mirësi’, me të cilën ka marrë pjesë në festivalin e 61-të të këngës në RTSH, përcjell KultPlus.
Kjo këngë vjen pas disa projekteve solo që ka sjellë artisti përfshirë këtu këngët ‘Natë e gatë’, ‘Vajza e tokave të diellit’, ‘Dul Behari’ dhe ‘Drenushë e trembur’.
Në vijim KultPlus ua sjell tekstin dhe videon e këngës ‘Emri yt mirësi’:
“EMRI YT MIRËSI”
Një jetë po rrjedhte në një pikë lot Dy sy te mbyllur që bëjnë dritë plotë Një zemër u mbush përmallim sot E dashura e shpirtit tim
Fytyra t’është e njomë si borë e bardhë N’mëngjes kur dielli e shkëlqen si ar Cfarë është kjo dashuri kur ti m’shikon Mëshira botën ma mbulon
REF:
Emri yt mirësi, mirësi, e mira mirësi Emri yt mirësi, mirësi, e mira e mirë…
Sot erdha t’këndoj një uratë për ty I mbylla sytë që të të shoh në sy Të solla lule të rrinin me ty Por lulet po qelnin nga ti
Si ujë kur shpërthen nga një shkëmb i rëndë Po çanin tokën lulet në çdo vend Je drita që më ndriçon në çdo anë Si det mëshire që nuk thanë
REF:
Emri yt mirësi, mirësi, e mira mirësi Emri yt mirësi, mirësi, e mira mirësi./ KultPlus.com
Kjo që dikur na ishte një murgatë, Po ngjeshet rreth oborrit me mundim, Sikur kërkon të mbyllë ndonjë plagë… Të tjerë njerëz vijnë për strehim. Të qetë rrojnë, larg zhurmës botë. Nëpër këto udhë enden me ngadalë. Takohen, ndahen, risht ndodhen përballë, Sikur parajsës bredhin, ku s´bën ftohtë. Për lulet përkujdesen nëpër lehe, Të varfër e të gjunjëzuar. Dhe kur s´i sheh ndonjë, kanë një shprehje Të përmalluar, të hutuar, Për këtë njomështi e këtë bar, Një ledhatim të ndrojtur e të ngrohtë. E kuqja e trëndafilit kërcellhollë, Sikur thërret me zë kërcënimtar, Sikur kudo të shtrijë do sundimin, Dhe mbi këta që ngrihen që pa gdhirë, Po nuk arrin të shfaqë si për mendimin: Sa i mirë bari i njomë që ka mbirë!/ KultPlus.com
(Original Caption) Portrait of German poet Rainer Maria Rilke, 1906. He is shown seated, holding an open book.
Muzeu Historik Kombëtar çeli sot ekspozitën me titull “Shqipëria dhe shqiptarët në tablotë e autorëve evropianë të shekullit XIX”.
Kjo ekpozitë përmban 45 riprodhime të tablove, ku shqiptarët hynë gjerësisht në tablotë e piktorëve të huaj veçanërisht në vitet e para të shekullit XIX.
Këto tablo janë një pjesë e asaj krijimtarie të madhe të piktorëve evropianë të shekullit XIX, të cilët krahas ekzotizmit përmes figurave, kompozimeve dhe ngjyrave dhanë edhe dramacitetin, tragjizmin apo atë lirizëm të pakët që mund të ekzistonte në atmosferën e rëndë të një pushtimi perandorak.
Në fjalën e tij pëshëndetëse, drejtori i Muzeut Historik Kombëtar, dr. Dorian Koçi, e cilësoi ekspozitën në fjalë si një aktivitet kulturor të veçantë, në të cilën Shqipëria del në pah në krijimtarinë e udhëtarëve të huaj, pavarësisht se nuk ekzistonte ende politikisht. Sipas dr. Koçit, piktorë të huaj britanikë apo francezë, qëndruan në oborrin e Ali Pashë Tepelenës, për të vizituar më pas qendra të tjera urbane. Këto punime gjenden në muze të rëndësishëm të hapësirës europiane, si në muzetë britanikë, apo në Muzeun e Luvrit.
Dr. Koçi përfundoi duke e vënë theksin se jemi në vitin ku xhubleta u bë pjesë e trashëgimisë kulturore botërore, dhe në faktin që pikturat e ekspozitës janë të shoqëruara edhe me objekte të fondit etnografik të Muzeut Historik Kombëtar. /atsh/ KultPlus.com
Prokuroria Themelore e Pejës ka ndarë mirënjohje për Kaltrina Zenelin pas zbulimit dhe publikimit të pamjeve që shfaqnin sulmin që po i bëhej një banoreje në shtëpinë e pleqve “Orenda” në Pejë.
“Mirënjohje për guximin dhe kontributin e dhënë në paraqitjen e rastit “Orenda” si dhe inkurajimin e qytetarëve për raportimin e rasteve në Prokurori” thuhet në të, njofton Klankosova.tv
Zeneli thotë se nuk do të hezitojë të lajmëroj raste teksa u bën thirrje qytetarëve që ta bëjnë të njëjtën.
“Zakonisht kur njeriu merr mirënjohje, është i lumtur. Unë realisht nuk e di se si po ndihem. Në momentin që e morra isha e gëzuar, por tani nuk e di a t’i gëzohem kësaj mirënjohje. Ndoshta vepra të cilën e raportova nuk më lejon ta gëzoj njësoj si do i gëzohesha një mirënjohje tjetër, për ndonjë temë tjetër”. “Gëzimin ma zbeh edhe fakti që një mirënjohje e tillë po ndahej për herë të parë nga Prokuroria e Shtetit (Pejë). Jo se do më lumturonte fakti që do duhej të ndahen më shumë mirënjohje të tilla, se për tu ndarë një mirënjohje e tillë do duhej të ndodhte një rast i tillë, e unë uroj me gjithë zemër që këso lloj rastesh të mos përsëriten më kurrë, por do më lumturonte nëse njerëzit do gjenin guximin për të raportuar, sepse e dimë mirë që nuk ishte e nuk ka qenë rast i vetëm në shoqërinë tonë. Unë vetëm i dhash dritë një zëri i cili sot e asaj dite edhe për mua mbetet anonim”.
“E uroj që raste të tilla të mos mbeten më anonime, e njerëzit të kenë guxim të dalin hapur dhe të raportojnë.Këtë mirënjohje ia dedikoj personit që më dërgoi videon. Unë nuk do hezitoj të jap zë edhe herë tjetër, por uroj që mos të kem nevojë ta bëj më” ka shkruar Zeneli në Facebook./KultPlus.com
Fituesit e edicionit të parë të konkursit për kompozitorët e rinj “Çesk Zadeja”, Serxhio Beqo, Kris Sopiqoti dhe Jetmir Zaganjori u vlerësuan sot me certifikata në ceremoninë e ndarjes së çmimeve ku e pranishme ishte edhe ministrja e Kulturës, Elva Margariti.
Juria e cila përzgjodhi dhe vlerësoi fituesit përbëhej nga Thoma Gaqi, Pascal Pistone dhe Mircea Holiartoc.
Motivacioni për fituesin e çmimit të parë, Serxhio Beqo ishte “njeh shumë mirë instrumentacionin. Ka zhvilluar një tematikë kompozicionale të denjë. Ka shfrytëzuar materialin bazë të isopolifonisë së jugut dhe ka zhvilluar mirë teknikën seriale. Ka përmbajtje muzikore. Ndjeshmëria artistike është në nivel të lartë duke premtuar perspektivën e një kompozitori të suksesshëm në të ardhmen”.
Kompozitori Kris Sopiqoti, fitues i çmimit të dytë me veprën “Recalls” u shpreh se konkursi përbën mundësi të mirë për nxitjen e më të rinjve në fushën e kompozicionit. Ai tha se me këtë mundësi që jepet, veprat nuk rrinë në sirtar, por ngjiten në skenë duke iu ofruar publikut.
Në ceremoninë e ndarjes së çmimeve në Teatrin Kombëtar të Operas dhe Baletit, publiku pati mundësinë edhe të shijojë veprat fituese në koncertin kushtuar Fondit për Kompozitorët e Rinj “Çesk Zadeja”, edicioni i parë 2022.
Juria Ndërkombëtare ka vlerësuar veprat e paraqitura në interes të fondit muzikor kombëtar të krijimtarisë, për degëzimin e kompozitorëve të rinj, përmes zhanreve dhe formave të ndryshme të muzikës skenike.
Ky ishte një konkurs që u zhvillua në nderim të figurës qendrore të fondit muzikor shqiptar, ikonës shqiptare të muzikës, kompozitori Çesk Zadeja, me rastin e 95- vjetorit të lindjes dhe 25-vjetorit të ndarjes nga jeta. /ATSH /KultPlus.com
Fundi i ndarjes së fjalëkalimeve do të vijë së shpejti në Netflix – dhe do të jetë një sfidë si për shikuesit ashtu edhe për gjigantin e transmetimit, transmeton KultPlus.
Kompania e ka shtyrë këtë moment prej vitesh. Studiuesit brenda Netflix Inc. identifikoi ndarjen e fjalëkalimit si një problem madhor për të ngrënë abonimet në vitin 2019, thonë njerëzit e njohur me situatën, por kompania ishte e shqetësuar se si ta trajtonte atë pa i tjetërsuar konsumatorët.
Netflix nuk ndoqi një plan për të goditur gjerësisht praktikën deri këtë vit, pasi humbjet e abonentëve u rritën.
Në një mbledhje kompanie jashtë Los Anxhelosit në fillim të këtij viti, bashkë-shefi ekzekutiv Reed Hastings u tha drejtuesve të lartë se bumi pandemik kishte maskuar shtrirjen e çështjes së ndarjes së fjalëkalimeve dhe se ata kishin pritur shumë gjatë për t’u marrë me të, sipas njerëzve. të cilët ishin në takim.
Më shumë se 100 milionë shikues të Netflix tani e shikojnë shërbimin duke përdorur fjalëkalime që ata marrin hua—shpesh nga anëtarët e familjes ose miqtë, thotë kompania. Netflix ka thënë se do t’i japë fund asaj marrëveshje duke filluar nga viti 2023, duke u kërkuar njerëzve që ndajnë llogari të paguajnë për ta bërë këtë.
Kompania pret të fillojë të nxjerrë ndryshimin në SHBA në fillim të vitit. /KultPlus.com
Gazetari britanik Ryan Herman ka shkruar një libër pas një udhëtimi në shumë stadiume futbolli në të gjithë botën duke vlerësuar 100 më të mirat.
Herman e fillon librin e tij të ri, “Remarkable Football Grounds”, me një deklaratë që mund të habisë shumë tifozë që po ndjekin Kupën e Botës FIFA 2022: Ndonjëherë vetë loja, thotë ai, nuk është pjesa më interesante e tregimit.
“Është gjithçka që ndodh rreth tij,” tha Herman për CNN.
Për shumë, është i njohur si “groundhopping” – udhëtimi në stadiumet e futbollit anembanë botës për të marrë emocionin e jo vetëm ndeshjeve, por edhe vendet ku luhen ato.
Është një nënkulturë për të cilën Herman thotë se janë abonuar një ‘grup i vogël njerëzish’.
“Më pëlqen fakti që futbolli shërben si një mënyrë për të shkuar diku që përndryshe nuk do ta vizitonit”, tha Herman.
“Remarkable Football Grounds” i çon lexuesit në disa nga vendet më mahnitëse në botë ku luhet sporti, duke shfaqur foto dramatike dhe detaje për çdo lokalitet që edhe fansat më të devotshëm mund të mos i kenë dëgjuar.
Gspon, në Alpet Zvicerane me rreth 2000 metra, fusha mund të arrihet vetëm me teleferik që mund të transportojë deri në 10 persona ose pas një shëtitjeje prej 45 minutash.
Ai rrëfen histori të pronarëve të klubeve eksentrikë, përplasje politike dhe detaje historike befasuese, eksploron arkitekturën e teknologjisë së lartë të stadiumeve moderne dhe nxjerr në pah historitë e fshehura pas fushave të gjetura në vende jashtëzakonisht të bukura dhe ndonjëherë të papritura.
Ndër të preferuarat e Hermanit:
Blandy Park në Pontycymer, Uells, ku punëtorët në ish-fshatin e minierave përdornin kazma dhe lopata për të kthyer një vendgrumbullimi për mbetjet shtëpiake dhe të minierave në një katran.
Qyteti i Imotskit në majë të kodrës, Kroaci, ku stadiumi Gospin Dolac u ndërtua pranë një liqeni që bëhet gjithashtu një fushë futbolli, në rastet kur thahet në muajt e verës.
Kopertina e librit përmban stadiumin norvegjez Henningsvaer, i vendosur në një nga disa ishuj në një fshat peshkimi, ku një ekip i të rinjve luan në atë që FIFA e përshkroi vitin e kaluar si një “fushë e me pamje të përsosur”.
Gjatë muajve të verës, në fushë shkëlqen drita e pafundme e ditës.
Libri përfshin gjithashtu disa nga vendet e Kupës së Botës 2022 të Katarit, të cilat shkaktuan polemika në prag të turneut.
Herman thotë se ishte e rëndësishme të përfshiheshin stadiumet e Katarit, duke pasur parasysh rëndësinë e turneut si pamja e jashtme e Stadiumit 974.
Dhe sistemi i ftohjes brenda stadiumit Al Janoub.
Në pika të ndryshme, Herman u referohet disa stadiumeve si tempuj ose katedrale.
“Futbolli nuk ka të bëjë vetëm me Kupën e Botës. Futbolli bashkon njerëzit… Kaq shumë njerëz janë të ndarë tani për arsye të ndryshme,” tha ai, “por ata janë të bashkuar nga futbolli”, përfundon ai. /Top Channel /KultPlus.com
Akademia e Shkencave të Shqipërisë ka ndarë sot çmimet shkencore kombëtare vjetore. Me çmimin “Petrit Radovicka”, u vlerësua vepra “Relievi strukturor i Shqipërisë” me autor Gjovalin Grudën.
Çmimi u dha me motivacionin: “Studim monografik themelor në fushën e gjeomorfologjisë së Shqipërisë dhe gjeografisë fizike në tërësi, që trajton për herë të parë relievin strukturor të vendit tonë; e mbështetur në metodat shkencore më bashkëkohore, që sigurojnë nivelin e saj të lartë; shkruar me përgjegjësi, pas një përvoje jetësore njohjeje të terrenit specifik e të ndërlikuar të vendit”.
Çmimi “Aleks Buda” iu dha veprës “Parashqevi Qirjazi dhe viti i saj 1919” me autore Teuta Toskën me motivacionin: Studim që përmban kërkim të thelluar për jetën dhe veprimtarinë e intelektuales dhe veprimtares Parashqevi Qirjazi, duke sjellë fakte dhe dëshmi historike e gjuhësore që bëhen të njohura për herë të parë; mbështetur në të dhëna arkivore e në botime të rralla; vepër me trajtime të munguara deri më tani, që do të shërbejë si nxitje për studimet të tjera.
Ndërsa Anastas Angjeli dhe Adrian Civici u vlerësuan me çmimin “Eqrem Çabej” për veprën e tyre “Kriza ekonomike në kohën e koronavirusit”, vepër e cila u vlerësua si “Triptik studimor që bashkon veprat “Kriza ekonomike në kohën e koronavirusit”, “Përballë krizës – sfidat e teorisë dhe politikave ekonomike” dhe “Drejt një krize të re – energjia, inflacioni, rritje çmimesh, çoroditje e tregjeve”, me objekt zhvillimet dhe përballjet e ekonomisë shqiptare në rrethana të jashtëzakonshme, në kushtet e pandemisë dhe të krizave të ricikluara, që përmban analiza të qarta të situatave kritike që ka kaluar Bota dhe vendi, me rekomandime të vlefshme për institucionet qeverisëse dhe me vlerësime paralajmëruese për përballjen me të ardhmen”. /atsh /KultPlus.com
Busti i Mit’hat Frashërit i vendosur pranë Liqenit Artificial në Tiranë është shkatërruar gjatë natës.
Sikurse shihet nga pamjet e publikuara, busti është thyer e rënë në tokë, ndërsa është shkatërruar edhe pallka e mermerit, cila duket qartë se është sulmuar.
Busti i Mit’hat Frashërit është vepër e skulptorit Agim Rada, e cila u vendos në Tiranë në tetor të vitit 2018.
Busti i Mithat Frashërit u vendos krah vëllezërve Frashëri tek Kodrat e Liqenit, në një ceremoni të veçantë më 12 tetor të atij viti. /Top Channel /KultPlus.com
Zëri më i madh i muzikës arriti në ekrant e Cineplexx me biografinë triumfuese të Whitney Houston, I Wanna Dance with Somebody me titull të bazuar nga hiti i yllit të vitit 1987-të I Wanna Dance With Somebody (Who Loves Me).
Naomi Ackie in TRISTAR pictures I WANNA DANCE WITH SOMEBODY
I Wanna Dance With Somebody ndjek jetën e Houston nga fillimet e saj modeste si një vajzë e korit të New Jersey deri te një nga artistet më të shitura dhe më të shpërblyera të të gjitha kohërave, Whitney Houston: I Wanna Dance with Somebody e çon audiencën në një udhëtim frymëzues, prekës – dhe kaq emocionues – nëpër gjurmët e Houston.
“Biografia e Whitney Houston do t’u përgjigjet të gjitha pyetjeve rreth këngëtares së ndjerë” thotë producenti ekzekutiv, Clive Davis. Producenti ikonë i këngëve – i cili ka jetuar mjaftueshëm për të zbuluar Houston në një klub në Newark, për të prodhuar këngëtaren më të vlerësuar të të gjitha kohërave dhe për të mbikëqyrur filmin biografik të Houston një dekadë pas vdekjes së saj tragjike – donte të shfaqte Houston si një artist, para së gjithash.
Jeta dhe karriera, me performanca spektakolare dhe një kolonë zanore të hiteve më të dashura të ikonës siç nuk i keni dëgjuar kurrë më parë përfaqësohet nga aktorja Naomi Ackie ndërsa rolin e producentit Clive Davis përfaqësohet nga aktori i njohur Stanley Tucci.
Për më tepër informata rreth orareve vizitoni webfaqen e Cineplexx, ndërsa biletat mund t’i bleni përmes aplikacionit Cineplexx KS apo direkt në kinema prej orës 15:30.
Të enjten mbrëma është bërë ndarja e çmimeve nga Bienalja e Arkitekturës 2022.
Çmimi kryesor iu nda profesorit të mirënjohur Xhelal Llonçarit.
Lajmin e ka bërë të ditur sot, kryetari i kryeqytetit, Përparim Rama.
“Me kënaqësinë më të madhe, çmimin e nderit të Bienales së Arkitekturës 2022 – “Bashkim Fehmiu”, ia dorëzova profesorit të mirënjohur, Xhelal Llonçari.
Filharmonia e Kosovës ka përmbyllur vitin me një koncert të mrekullueshëm, shkruan KultPlus.
Për këtë ka shkruar edhe Ministri Hajrulla Çeku, i cili ka vlerësuar mbrëmjen si shumë të suksesshëm, njësoj sikurse gjithë vitin e Filharmonisë së Kosovës
Postimi i plotë:
“Filharmonia e Kosovës me koncertin përmbyllës të një viti të jashtëzakonshëm pune.
Interpretim i mrekullueshëm, në drejtimin e mjeshtrit bullgar Svilen Simeonov dhe me paraqitjen e violinistes virtuoze Sihana Badivuku, një repertor nga Straussi deri tek kolonat zanore të filmave ikonikë të kompozuar nga mjeshtri italian Ennio Morricone”, thuhet në postimin e tij. /KultPlus.com
Drejtoria e Përgjithshme e Arkivave (DPA) nga një institucion veçse arkivor do të transformohet drejt një kompleksi të mirëfilltë kulturor. Projekti u paraqit mbrëmjen e djeshme në një aktivitet ku kishte të ftuar zyrtarë por edhe shumë studentë të rinj, që i sollën gjallëri këtij institucioni që po shkon drejt një qendre shumëfunksionale edukimi, duke i bashkëngjitur asaj një Muze Arkivor, një teatër/kinema të hapur dhe një hapësirë studimi rekreative.
Në këtë aktivitet qenë të pranishëm zëvendëskryeministrja dhe ministrja e Infrastrukturës dhe e Energjetikës, Belinda Balluku, kreu i DPA-së, prof. asoc. dr. Ardit Bido, historianet Valentina Duka, Pranvera Dibra, Esmeralda Kolaneci dhe një grup akademikësh.
Drejtori Bido zbuloi idetë thelbësore që qëndrojnë pas ndërmarrjes së këtij projekti, disa prej teknikave interaktive të Muzeut Arkivor, si edhe ridimensionimin e hapësirës së jashtme të godinës së DPA-së me dy shërbime të reja.
Aktiviteti vijoi me fjalën e rastit të zëvendëskryeministres Balluku, e cila nënvizoi se Arkivat janë thelbësore për një shtet serioz, i cili duke iu referuar dhe mësuar nga e shkuara, do të bënte në të ardhmen atë që duhet. “Digjitalizmi është një kërkesë e përditshme, të cilës i jemi përgjigjur. Të mos harrojmë se të rinjtë janë ata që sjellin inovacionin. Mënyra se si ju jetoni, na detyron ne më të rriturve që t’ju përgjigjemi, duke sjellë modernizimin në disa sektorë”, u shpreh Balluku.
Në ambientet e Muzeut Arkivor, që pritet të hapë dyert së afërmi, vizitorët jo vetëm do të mund të mësojnë mbi të kaluarën e vendit, por do të arrijnë të vihen në kontakt me të. Muzeu do të ketë ekzibitorë elektronikë dhe joelektronike, të cilët do të tregojnë të kaluarën historike përmes një komponenti arkivor. Ndërsa, në formën e një ombrelle elektronike, do të shfaqen në pjesën e sipërme të dhëna mbi veprimtarinë e institucionit. Krahas kësaj ekspozite të përhershme, i është kushtuar një hapësirë e caktuar edhe ekspozitave të përkohshme, të cilat do të trajtojnë fenomene shoqërore, periudha dhe figura historike.
I njëjti temp novator ka prirë edhe idenë për krijimin e hapësirës së studimit në natyrë dhe teatrit/kinemasë së hapur prej 150 vendesh. /atsh /KultPlus.com
Legjenda e Santa Claus, babagjyshit të Krishlindjve që ne njohim sot, mund të gjurmohet qindra vjet tek një murg me emrin Shën Nikolla.
Besohet se Nikolla lindi diku rreth vitit 280 Pas Krishtit në Patara, afër Myra në Turqinë e sotme. Shumë i admiruar për devotshmërinë dhe mirësinë e tij, Shën Nikolla u bë personazh i shumë legjendave.
Thuhet se ai dha tërë pasurinë e tij të trashëguar dhe udhëtoi nëpër fshat duke ndihmuar të varfërit dhe të sëmurët. Një nga historitë më të njohura të Shën Nikollës është koha kur ai shpëtoi tre motra të varfra nga shitja në skllavëri nga babai i tyre duke u siguruar një pajë në mënyrë që të martoheshin.
Përgjatë shumë viteve, popullariteti i Shën Nikollës u përhap dhe ai u bë i njohur si mbrojtësi i fëmijëve dhe marinarëve. Dita e tij e festës festohet në përvjetorin e vdekjes së tij, 6 dhjetor. Kjo tradicionalisht konsiderohej një ditë me fat për të bërë blerje të mëdha ose për t’u martuar.
Nga Rilindja, Shën Nikolla ishte shenjtori më i popullarizuar në Europë. Edhe pas Reformës Protestante, kur nderimi i shenjtorëve filloi të dekurajohej, Shën Nikolla mbajti një reputacion pozitiv, veçanërisht në Hollandë. / KultPlus.com
Mbrëmë është mbajtur nata finale e Festivalit të 61-të të Këngës në RTSH, shkruan KultPlus.
Mes shumë befasive dhe performancave magjike që mbërthyen me emocione të veçanta të pranishmit dhe shikuesit e këtij edicioni, performanca nga dy balerinë mori vëmendje unike.
Kledi Kadiu dhe Anbeta Toromani së bashku me Ansamblin Kombëtar kërcyen vallët popullore shqipe në një skenë me reputacion për të treguar madhështinë e tyre.
Pas performancës, Kledi ka reaguar përmes një postimi në rrjete sociale, duke thënë se ishte një emocion i papërshkruar.
Postimi i plotë:
“Per ne te dy dje ishte nje emocion i papershkruar, qe rrallë here e kemi perjetuar. Te kercësh vallet tona popullore, ne skenën madheshtore dhe para nje publiku te mrekullueshëm, ishte nje nder i jashtezakonshem per ne. Nuk mund te themi asgjë me teper, se sa nje falenderim nga zemra per @arbanao dhe Ansamblin Kombëtar që na besoj këtë nder te madh qe t’indajmë me ju keto perla te traditës kombëtare.përfitojme nga rasti t’ju urojmë nga zemra kudo që jeni Gëzuar festat e fundvitit”.
Ndërkaq, KultPlus iu sjellë edhe një pjesë nga performanca e tyre. /KultPlus.com
Shteti i Nju Jorkut , së bashku me Xhorxhian, Kentakin, Misurin, Marylandin, Karolinën e Veriut dhe Oklahomën, kanë shpallur gjendjen e jashtëzakonshme në pritje të stuhive të paprecedentë të dimrit që media amerikane i ka quajtur tashmë një ”bombë ciklonike”.
Temperaturat e ngrirjes priten të arrijnë (minus 20 gradë Celsius) në disa zona malore të Wyoming.
Mbi 2 000 fluturime tashmë janë anuluar duke rritur shqetësimin mes miliona amerikanëve që udhëtojnë për festat e Krishtlindjeve.
Erërat e forta, reshjet e shumta të borës dhe i ftohti do të sjellin temperatura të ngrirjes gjatë Krishtlindjeve për miliona njerëz, ndoshta temperaturat më të ftohta në 40 vitet e fundit, duke shkaktuar shumë shqetësime.
Meteorologët kanë folur për një ngjarje klimatike që ndodh një herë në një gjeneratë.
Më shumë se 90 milionë amerikanë në 37 shtete janë nën paralajmërimet e motit dhe rreth 80 për qind e Shteteve të Bashkuara të Amerikës mund të përjetojnë temperatura nën zero, madje edhe në jug.
“Stuhitë e dimrit dhe i ftohti që priten në SHBA janë të rrezikshme”, tha dje presidenti amerikan Joe Biden, i cili u bëri thirrje të gjithëve të ndjekin këshillat. /atsh /KultPlus.com
Në garën e zbulimit të talentëve “The Voice of Albania” ku pat marr pjesë edhe Albina Kelmendi, përgjatë garës ajo kishte përzgjedhë për trajnere këngëtaren e famshme Elsa Lila, shkruan KultPlus.
Në “The Voice of Albania”, Albina Kelmendi ishte shquar për një zë të fuqishëm dhe për një stil prej rokereje, po pas kësaj gare, Kelmendi ka ndryshuar zhanrin e muzikës dhe është e kërkuar shumë nëpër dasmat e Kosovës.
Dhe në garën e fundit të edicionit të 61-të të Festivalit të RTSH-së, pikërisht Albina Kelmendi fitoi garën për të përfaqësuar Shqipërinë në Eurovizion, e trajnerja e atëhershme Elsa Lila u shpërblye me vendin e parë nga juria profesionale./ KultPlus.com
Elsa Lila, këngëtarja e njohur shqiptare triumfoi mbrëmjen e djeshme, duke u shpallur fituesja e çmimit të parë nga votat e jurisë së Festivalit të 61 të Këngës në RTSH.
Ajo u rikthye në këtë festival pas 25 vitesh me këngën “Evita” me të cilën rrëmbeu edhe çmimin e parë.
Pas këtij momenti të rëndësishëm Elsa i falënderoi të gjithë për përkrahjen, ku zbuloi edhe muzën e frymëzimit që ishte vajza e saj.
“Ndiej shumë në këtë moment! Dhe e kam shumë të vështirë ta përmbledh, gjithnjë lëmsh dhe një histori që më rikthen pas në vite.
Gjithë kjo falë jush, inspirimit tuaj, dashamirësisë së jurisë dhe një orkestre të mrekullueshme, falë një stafi të palodhur dhe vajzës sime që më dha kaq inspirim!
Ju falënderoj nga zemra për emocionet që më keni dhënë gjatë Festivalit. Jam shumë e lumtur që ju e pëlqyet këngën, e perceptuar dhe jam e lumtur që edhe pse nuk kanë kaluar as dy ditë, ju e këndoni“, deklaroi artistja në skenën e madhe.
Kënga “Evita” është një dedikim për të bijën e saj, e cila në fakt ndodhej në skenë duke ndjekur me plot emocion performancën e nënës së saj.
Madje, kamerat e fokusuan të bijën e këngëtares dhe ishte rritur kaq shumë. / KultPlus.com
Duke hequr dorë nga shërbimet e kompanisë së saj të menaxhimit në fillim të këtij viti, kantautorja Dua Lipa duket se nuk ka asnjë arsye për keqardhje, transmeton KultPlus.
Për llogaritë e sapo paraqitura shënohet se londinezja shqiptare nga Kosova i ka shtuar pasurisë së saj edhe 4 milionë funte.
Kompania e saj Dua Lipa Limited tani ka 21.6 milionë funte të grumbulluara – nga 17.5 milionë funte një vit më parë.
Në shkurt u zbulua se Dua u nda nga kompania e menaxhimit që e ndihmoi atë të shndërrohej në një sensacion global, pas një mosmarrëveshjeje për të ardhurat.
Këngëtarja, e cila nënshkroi për Tap Management me bazë në Londër në vitin 2013 ndërsa punonte si kamariere në bar koktej, i habiti shefat e saj kur tha se nuk donte më që ata ta përfaqësonin atë.
Tani, babai i saj, Dukagjin Lipa, është edhe menaxheri i saj.
Lipa, një fituese e trefishtë e çmimeve Grammy, ka kontratë edhe me Warner Music dhe ka marrëveshje fitimprurëse me firma duke përfshirë Evian, Yves Saint Laurent dhe Versace. Ajo gjithashtu ka marrëveshje me mediat sociale për të promovuar pijen “vërtet “Truly”, një pije alkoolike. /KultPlus.com
Nëse dhomat e shpirtit tim do vizitoje Çfarë pretendon se do shikoje? Cilin përbindësh mendon se fsheh? Po të zhgënjej, por nuk më njeh. Nuk ka nevojë për të trokitur Hyr, shih, kërko, mbet’ e habitur. Mure të zbrazët lyer pa ngjyra Fotografi, por pa fytyra. Diku e hedhur afër shtratit Është nje kuti e tersit, e fatit. E mbushur plot është me kujtime.
Brenda gjithë historia ime. Janë fjalët që kam thënë aty, gjithkush që njoha, përfshi ty. Gjithçka që bëra, e që vetëm i ëndërrova Vendet ku shkela, ku jetova. Janë zënkat tona dhe mëritë Janë puthjet netëve pa dritë. Veset e mia që aq urreve Mërgimi i ngadaltë i reve.
Dënimet që vuajta për ty Herët kur s’të pash në sy. Jetët që pa ty jetova Të tjera femra që dashurova. Janë dhe sekretet që s’të kam thënë E amanetet që të kam lënë.
Fëmijet që kurrë nuk më lindën Epshet që vrava se nuk mu bindën. Ka letra, që për ty i shkrova Në zarfet që kurrë s’ti dërgova. E nëse gjithcka përmbys do kthesh Sekretin më të madh do gjesh. E kam fshehur në fund fare Po s’e zbulove, s’ke pare gjë fare.
Nxirre mes duarsh në shtrëngim Atë më të shtrenjtin sendin tim. Balsamin që plagët shëronte kur kjo djall jete më kafshonte. Para fytyrës ngadalë afroje Dhe mbylli sytë, pastaj zbuloje. E kur ngadalë ta kesh zbuluar. Veç një pasqyrë do gjesh në duar. Do shohësh veten, reflektim Se ti , ishe thesari im! / KultPlus.com
Një veteran nga Vietnami hyri në një dyqan pijesh alkoolike në Massachusetts në një ditë të ftohtë dhjetori, transmeton KultPlus.
Ai luajti llotarinë, siç kishte bërë për më shumë se 20 vjet.
Intuita e tij i tha: mos bli vetëm një biletë, ble gjashtë. Dhe mos përdorni vetëm ndonjë numër, përdorni të njëjtat numra në secilën biletë.
Me fat, numrat e Raymond Roberts erdhën dhe kishin vlerë 390,000 dollarë (324,000 £) secili si çmim në para.
Roberts zgjodhi të merrte një shumë të përgjithshme për pesë nga biletat – duke fituar gati 2 milion dollarë (1.6 milion £) në total.
Për biletën e gjashtë, ai zgjodhi opsionin e pensionit – që do të thotë se ai do të marrë gjithashtu 20 pagesa vjetore prej 25,000 dollarë.
Lotaria jep një shumë të caktuar për tërheqjen e saktë të pesë topave, siç bëri Roberts, që do të thotë se janë të mundshme fitore të shumta me të njëjtat numra.
Numrat fitues që zgjodhi zoti Roberts ishin një kombinim i sajuar me kujdes i ditëlindjeve dhe datave të përvjetorit. I kishte përdorur në bileta të tjera lotarie, në ditë të tjera, por nuk kishe nxjerrë asnjë gjë.
Veterani, i Fall River, 50 milje (80 km) në jug të Bostonit, mori fitimet e tij më 15 dhjetor. /KultPlus.com
Festivali i Këngës në RTSH mbrëmë mbylli edicionin e 61-të me shpalljen e këngës fituese, që dhe do të përfaqësojê Shqipërinë në Eurovision, shkruan KultPlus.
Është këngëtarja Albina Kelmendi me familjen që me këngën ‘Duje’ rrëmbeu fitoren e këtij festivali, fitore kjo që erdhi nga votat e publikut.
Përkundër faktit që Albina mori një përkrahje të madhe nga mediat dhe populli, kishte edhe shumë kritike e njerëz të artit që nuk e vlerësuan këngën “Duje” si të duhurën për Eurovison.
Një reagim të tillë e bëri sot edhe drejtoresha e KultPlus, Ardianë Pajaziti.
Sipas Pajazitit, ishte fat për Albinën që këtë vit fituesi shkoj më vota të publikut, sepse kënga ishte e masës dhe masa e votoi.
“Fat per Albina Kelmendin qe kete vit fituesi shkoj me vota te publikut, kenge e mases dhe masa e votoi”, shkruan Pajaziti.
Kujtojmë që këngëtarja Elsa Lila u shpall fituese me votat e jurisë, por megjithatë Shqipëria këtë vit do të përfaqësohet në Eurovision nga Albina Kelmendi bashkë me familje. / KultPlus.com
