Autor: KultPlus

Kryetari i Zvicrës ulet dhe shkruan në trotuar gjatë pauzës në Asamblenë e OKB (FOTO)

Posted on by KultPlus

Kryetari i Zvicrës, Alain Berset ështē dukur një njeri aq i thjeshtë sot në rrugët e New York. E gjithë bota tashmë ka parë imazhin e një kryetari i cili në pauzën e punimeve të Asamblesë së Përgjithshme të Kombeve të Bashkuara ulet në trotuar dhe mbanë shënime.

Në foton e ndarë nga EPA, Berset duket se është përqendruar më shumë tek shënimet me rëndësi sesa mënyra se ku është ulur, përcjellë kosovapost.

Ky veprim i tij lë të kuptohet se shtetet në zhvillim kanë arritur suksese falë thjeshtësis së liderëve të tyre, e kjo tregon më së miri për Zvicrën që është shtet më sigurinë më të madhe në Evropë pa anashkaluar edhe zhvillimin ekonomikë ku renditen ndër të parët.

“Shota” mblodhi të gjitha trevat shqiptare në dasmën e Gjergj Kastriotit Skënderbeut

Posted on by KultPlus

Alberina Haxhijaj

Mbrëmë në Teatrin Kombëtar të Kosovës është dhënë premiera e shfaqjes “KUMT” nga Ansambli Kombëtar i Këngëve dhe Valleve “Shota”, shkruan KultPlus. Koreografi Gjergj Prevazi ka kohë që ka marrë ftesë nga Ansambli i Këngëve dhe Valleve “Shota” për të realizuar një koreografi për trupën e saj. Së fundi ai i është përgjigjur kësaj ftese dhe së bashku me anëtarët e trupës së “Shotës” kanë punuar në koreodramën të cilën e kanë titulluar “KUMT”. Një koreodramë e cila është realizuar për të shënuar edhe 550 vjetorin e vdekjes së heroit tonë kombëtar, Gjergj Kastrioti –Skënderbeu.

Shfaqja është ndarë në dy pjesë. E para është thirrja apo lindja e një rezistence dhe bashkimi shqiptar rreth Skënderbeut, ndërsa e dyta dasma e Skënderbeut. Shfaqje zhvillohet rreth heroit kombëtar Skënderbeut, një temë kjo sipas koreografit Prevazi shumë e trajtuar por njëkohësisht një e vështirë që ti qasësh pasi që ka të bëjë me figurën e heroit tonë kombëtar.

Pikërisht këtu ka lindur edhe sfida e koreografit dhe regjisorit të shfaqjes i cili ishte në kërkim të një formati më ndryshe por që nuk do largohej nga tradita shqiptare. “Gjithmonë kam qenë i mendimit që formacionet e tilla artistike si puna e ‘Shotës’, dhe ansambleve simotra të ‘Shotës’ kudo qofshin duhet që të përballen edhe me realitetet e ditëve të sotshme dhe jo vetëm të marrin përsipër trashëgiminë tonë kulturore jo materiale në këtë rast, pra këngët dhe vallet popullore. Një qasje më bashkëkohore karshi traditës, vlerave më të mira të folklorit tonë, ka qenë një sfidë e madhe por unë gjithmonë e kam këndvështruar sipas qasjes sime personale krijuese”, u shpreh ai për KultPlus.

Koreografi i cili në punën e tij dallohet për element bashkëkohore ka dashur që këto elemente ti sjellë edhe të “Shota”. Një ndërthurje në mes të fokusit që ka ky ansamble, kultivimit të folklorit dhe ruajtjes së vlerave tradicionale, dhe konceptit bashkëkohorë.

“Në këtë kuptim jam përpjekur që ti ofrojë publikut të Prishtinës një format të ri, siç e patë edhe ju i cili sot njihet si folku-bashkëkohorë, dhe është një format relativisht i ri edhe në skenën evropiane. Ai shfrytëzon elemente të folklorit por në konceptet e sotme dhe në këndvështrimet e shoqërisë së sotme”, theksoi ai.
Për valltarin Besnik Grajçevci, i cili solli Skënderbeun, pikërisht ky koncept “folk-bashkëkohor” ka dëshmuar se ansambli ka mundësi për të ofruar më shumë nga vetja e tij.

“Më këtë shfaqje Ansambli “Shota” dhe Trupa e Ansamblit “Shota” ka treguar që ka një brumë brenda vetës dhe pranon dhe mund të jap përtej kornizave të veta të rëndomta të cilat i kemi pasur ndër vite. Më këtë shfaqje ansambli Shota ka arritur që ti thyejë të gjitha barrierat e folkut dhe përgjegjësinë që e kemi si ansambël për ruajtjen e traditave dhe kultivimin e tyre. Sot e them me përgjegjësi se kemi hyrë edhe në përgjegjësi të teatrit, vallëzimit dhe të të gjitha sferave të kulturës dhe mendoj se ia kemi dhanë hakun ashtu siç duhet”, tregoi ai për KultPlus.

‘KUMT’ është koreodramë e punuar nën udhëheqjen artistike të Ylber Asllanajt, me muzikë të realizuar nga Valton Beqiri dhe kostumografe Vesa Kraja.
Muzika e cila zë një vend të rëndësishëm sidomos në pjesën e dytë ka qenë një sfidë të cilën nuk e ka marrë vetëm “Shota” por të gjithë që kanë punuar së bashku për të sjellë këtë shfaqje, u shpreh kompozitori Valton Beqiri.

“Në pjesën e parë muzika ka qenë e kompozuar enkas për këtë shfaqje. Në këtë rast roli i kompozitorit është që të jetë sa më afër kërkesave të koreografit dhe shfaqjes në përgjithësi. Muzika është ilustrative, mirëpo edhe si e vetme kjo muzikë mund të qëndrojë dhe kjo është një e mirë e kësaj pikë muzikore. Pjesa e dytë ishte live me orkestër, një dasmë e imagjinuar e Skënderbeut, të cilin ne fatkeqësisht nuk e kemi. Një Skënderbe i cili do ti afronte të gjitha trojet shqiptar, prandaj patëm edhe këngë dhe vallet nga të gjitha trojet. Një dasmë ashtu si e paramendojmë se një Skënderbe sot do të bënte , ku do të ftoheshin të gjithë shqiptarët nga cilido vend ku ata jetojnë”, tregoi ai për KultPlus.

Kujtojmë që ‘SHOTA’, më herët në këtë vit pati edhe një premierë tjetër, më saktësisht koreodramën ‘Lulet e Marsit’ , të autorit Xhemali Berisha, e cila u realizua për nder të 20 vjetorit të “Epopesë së UÇK-së” dhe rënies heroike të komandantit legjendar Adem Jashari dhe familjes së tij./ KultPlus.com

Kur kanë shumë fruta, norvegjezët i vendosin jashtë oborrit që kalimtarët të shërbehen me to

Posted on by KultPlus

Kualiteti i jetës ndryshon nga vendi në vend, dhe në këtë pikë, norvegjezët dihet që qëndrojnë shumë mirë, shkruan KultPlus.

Një detaj se si janë edhe shumë socialë me njëri tjetrin, është vjelja e pemëve. Kur pemët u sjellin norvegjezëve shumë fruta, ata i varin ato jashtë oborrit, në mënyrë që kalimtarët të mund të shërbehen me to. Nuk është çudi pse Norvegjia njihet si vend i mirëqenies sociale./KultPlus.com

E nisi Artan Minarolli dhe e përfundoi Bujar Alimani, filmi ‘Delegacioni’ me premierë botërore në Warsaw International Film Festival

Posted on by KultPlus

Konsiderohet të jetë një ndër projektet filmike më prekëse në historinë kinematografike shqiptare, pasi që, përralla e këtij filmi ishte shkruar nga i ndjeri Artan Minarolli, dhe ky projekt, me miratimin e familjes Minarolli, ka kaluar në dorën e regjisorit shqiptar Bujar Alimani, që ky film të rrumbullakohet ashtu sikur edhe e kishte nisur Minarolli, shkruan KultPlus.

Bëhet fjalë për filmin “Delegacioni”, që tash do të prezantohet premierë në festivalin e kategorisë A në Warsaw International Film Festival që do të mbahet në Poloni.

Me rolet kryesore në këtë film luajnë aktorët: Viktor Zhusti, Ndriçim Xhepa, Kasem Hoxha, Tristan Halilaj, Bislim Mucaj, Rovena Lule, Mirela Naska, Fatlume Bunjaku, Kristaq Skrami, Mehmet Xhelili, Armando Dauti, Ilirian Ali, Samuel Vargu, Denardo Neziri, Genc Minarolli, Avdullah Gjikokaj, Artan Selimi, Gjon Kola, Armend Smajli, Gani Morina, Lulzim Zejqa, Todi Llupi, Jorgaq Tushe, Drita Turkeshi, Ilira Turkeshi dhe Selman Lokaj. Ky film është mbështetur nga Qendra Kombëtare e Kinematografisë në Shqipëri dhe asaj të Kosovës.

Kurse kolon zanore e këtij filmi është punuar nga Ilir Bajri e Turkeshi Minarolli, kolonë kjo që është kënduar nga sopranoja e famshme Inva Mula./KultPlus.com

Hekurosja e lëkurës!

Posted on by KultPlus

Bukuria natyrale është bukuria me të cilën kemi lindur. Nuk është e shkaktuar nga procedurat artificiale. Është art që varet nga vështruesi. Kemi dëgjuar shpesh të flitet për termin “hekurosje e rrudhave”, dhe pikërisht aparatura bën këtë, hekuros lëkurën në 400⁰C dhe rikthen bukurinë natyrale!

Ass. Msc. Krenar Dobroshi
Farmacist & Magjistër për Kozmetologji
Qendra dermatolgjike – estetike “estethica”
facebook.com/estethica.prishtine
044/049 344-284, 038/733-407
[email protected]

Nxehtësia e pastër është një burim i energjisë që shkakton temperaturë të lartë pa ndonjë veprim shtesë apo elemente të panevojshme. Ne në qendrën “estethica” besojmë që nxehtësia e pastër është e duhura për të sjellë bukuri natyrale.

Ҫka është Tixel?
Tixel-i është një sistem i shkëlqyer, inovativ i regjenerimit termal dhe fraksional i lëkurës me teknologji të patentuar. Trajtimi është i shpejtë (20–40 min). Operon në tri module: ablative, jo-ablative dhe hapje të kanaleve. Është aq i sigurt, sa që trajtohen edhe kapakët e syve për t’i ngritur sërish ato!
Ҫfarë është ATM?
Ablacioni Termo Mekanik është një zgjidhje unike frakcionale për trajtim të lëkurës, duke u bazuar në krijimin e mijëra vrimave në temperaturë të lartë vetëm në disa minuta. Secila nga këto vrima shkaktohet nga maja mikroskopike e kokës piramidale në temperaturë 400⁰C. Piramida e përçon nxehtësinë e pastër në thellësinë e dëshiruar në lëkurë në milisekonda optimale.
Si punon Tixel?
Prekja e piramidave shkakton reagimin dëmtim-shërim të lëkurës, duke stimuluar fibroblastet, nxitë prodhimin enorm të kolagjenit dhe elastinës. Këto reaksione bëjnë që rrudhat të zbuten shumë dhe të rigjenerohet lëkura.
Pas një muaji, lëkura e fytyrës, qafës, dekoltesë apo e duarve duket më e butë, më e tërhequr, dhe dëmtimet nga dielli vërehen të pakësuara dukshëm. Të gjitha tipet e lëkurës dhe të dy gjinitë mund të marrin trajtimin me Tixel dhe të përfitojnë shumë nga ky trajtim.
Tixel kontrollon trajtimin
Tixel mund të punoj në formë ablative, gjysmë-ablative, apo jo-ablative. Kohëzgjatja e dëmtimit termal është e kontrolluar më mënyrë shumë precize duke përcaktuar thellësinë dhe kohën e pulsit. Duke i rregulluar parametrat e trajtimit, përcaktohet agresiviteti i ablacionit, efekti termal, skuqja e lëkurës dhe koha e shërimit.

Dallimet në mes të Laserëve dhe Tixel
Përgjatë hulumtimeve shohim laser të ndryshëm që pretendojnë të jenë shumë efektiv në eliminimin e rrudhave, shenjave, akneve etj. Ka prej më të ndryshmëve, si laseri CO2, erbium, mikro-gjilpërat me radiofrekuencë etj. Laseri në përgjithësi jep regjenerim të mirë të lëkurës, por është gjithherë frika nga efektet anësore dhe koha e regjenerimit. Dallimi në thelb në mes të Tixel dhe laserëve qëndron tek energjia e përdorur. Tixel përdor vetëm nxehtësi të pastër, pa rreze laserike, ndërsa laseri përdor valë të ndryshme të rrezeve për të arritur qëllimin e njëjtë.

Kohëzgjatja e shërimit nga tixel është 1-2 ditë, ndërsa na laseri 7-10 ditë – varësisht nga agresiviteti. Rezultatet janë edhe efektive në krahasim me laser, dhe ka shumë më pak dhimbje, më pak lëkurë e vdekur dhe pothuajse 0 ditë që duhet të kalohen në shtëpi.
Laserët janë të detyruar të përdorin më shume energji, e cila dëmton stratum korneum (shtresën e sipërme të lëkurës), bën nxirjen e lëkurës e cila mund të shkaktoj nekrozë epidermale dhe dhimbje të lartë.

Steriliteti i Tixel
Ndër përparësitë tjera që e veçojnë sistemin Tixel është steriliteti. Për shkak të temperaturës shumë të lartë, aparatura çdoherë është sterile, dhe në fillim të punës vetvetiu bën sterilizimin. Pra, kemi të bëjmë me një teknologji superiore e cila në çdo puls bën sterilizimin dhe pamundëson bartjen e patogjeneve tek të tjerët për shkak të temperaturës tepër të lartë!
Për çfarë shërben Tixel.

Tixel ofron trajtime të llojllojshme, nga ato më sipërfaqësoret deri tek rrudhat e thella. Ndër aplikimet që kërkohen më shumë janë:
• Rrudhat dhe vijat e plakjes
• Tërheqja e lëkurës
• Trajtimi i kapakëve të lëshuar të syve
• Trajtimi i akneve aktive
• Trajtimi i shenjave-lesioneve të akneve
• Përmirësimi i tonit të lëkurës
• Trajtimi i lëkurës së dëmtuar nga dielli
• Trajtimi i qafës së varur-rrudhosur
• Trajtimi i strijave
• Trajtimi i duarve të plakura
• Ngushtimi i poreve të zgjeruara.




Fëmijën e parë e linda në moshën 40 vjeçare, të dytin 45 vjeçare, dhe kurrë nuk do të doja të jem përsëri një 20 vjeçare

Posted on by KultPlus

“Fëmijën e parë e linda në moshën 40 vjeçare, të dytin në moshën 45 vjeçare, xhirova filmin James Bond kur isha 50 vjeçare, dhe kurrë nuk do të doja të jem përsëri një 20 vjeçare. Kur jeni e re, ju keni një beuatie di diable (bukuri djallëzore), siç thonë francezët, një bukuri që nuk e kuptoni, të cilën nuk e keni njohur. Por kur jeni 50 vjeçare, lind një bukuri e një lloji tjetër brenda jush, bukuri që ju jep forcë. Dhe kjo forcë nuk është e lidhur me bukurinë e jashtme!”

Monica Bellucci

Nëna e një djali autik, letër kryeministrit Rama: O, si nuk kam një grusht të fortë t’i bij mu në zemër malit që s’bëzanë

Posted on by KultPlus

Nëna e një fëmije me nevoja të veçanta letër kryeministrit : Deklaruat librat falas për fëmijët me nevoja të veçanta, unë ia bleva me lekët e mia!

“Më thanë nuk i takon!”

Letër e hapur

I nderuar zoti Kryeministër! Po të shkruaj një letër për të bërë publike me ju dhe gjithë shqiptarët kalvarin e madh të vuajtjeve dhe përpjekjeve të një nëne shqiptare, të një familjeje shqiptare, me fëmijë me nevoja të veçanta.

Unë jam nëna e një fëmije autik. Po të tregoj për CV-në time, ndoshta do të më duartrokasësh. Po të të tregoj për vështirësitë që kam hasur këtu në Tiranë me djalin tim me punën dhe jetën, ndoshta do të qash.

Kam punuar mësuese më pas pedagoge e jam autore e katër librave si dhe kam kryer një specializim për psikologji.

“Ndoshta nuk është koha e CV-ve! Kështu thuhet gjithandej. Është koha e ‘miqve’!

Gjithçka funksionon me mik, para dhe ‘përdorje’.

Kur më diagnostifikuan djalin me autizëm infantil, më duhej të vendosesha në Tiranë për të trajtuar me terapi tim bir. I lashë të gjitha.

Ika ,me dhimbjen mëmësore, por me shpresë në zemër.

Ama me dhimbje…Me dhimbjen që ndieja si do e rrisja fëmijën tim autik në mes të kësaj shoqërisë sonë të vrazhdë e të brishtë.

Ishte viti 2009, kur u vendosa në Tiranë. Një ditë të hëne trokita në zyrën arsimore të Tiranës. U takova me sekretaren, me shpresën e madhe se do më mundësonte një takim me drejtoreshën e asaj kohe. Me shpresën e madhe se funksionojnë ligje si bota e zhvilluar, por edhe me shpresë se njeriu në raste të tilla është edhe human. Fytyrën nuk ia mbaj mend, por pozicionin pompoz, thonjtë e gjatë dhe cigaren në duart e saj i kam fiksuar dhe sidomos frazën përmbyllëse të bisedës.

“-Për mendimin tim rri atje ku je!”

Iknin ditët dhe punoja me tim bir me shpresën se e nesërmja do të ishte më mirë. Shpresë njeriu në këtë Mëmëdheun tonë të përbashkët që s’u bë kurrë një vend i hairit .

Të paktën shpresa ishte ilaç!

Për çudi, as miqtë, as njerëzit, as shtetin në të tilla raste nuk i ke. Ikin …përveç familjes.

E kështu me ndërrimin e pushteteve më prezantuan një mik në politikë. Dhe mikut në fakt, nuk kisha se çfarë i jepja përveç CV-së dhe aftësisë sime. Po ai më tha: “Nuk pyet njeri për CV! Mbaj mend, teksa hipa valixhet në makinë, hipa edhe ca ëndrra që në ato momente trishtimi më mbushën shpirtin me dritë. Por duke u përballur me të vërtetën, po kuptoja që isha në një vend mes betonit, zhurmës dhe egërsisë. Më kaploi një dëshpërim i madh. Po krahët e mi ishin prej ajri. Metropoli më shfaqej si xhungël. Jepnin shfaqje dhelprat, ujqërit dhe gjarpërinjtë. Më pas i shoqëronin lepujt. Shumë lepuj. Po unë kisha mall për zogjtë … Ata nuk ishin askund. Ose i kishin ndryshuar, ose i kishin vrarë. Ishte dhe është panorama e shoqërisë sonë.

E kështu fillova të punoja në një firmë italiane. E bëja për djalin tim! Çdo nënë shqiptare do e bënte. Nuk ka asgjë të punosh për të jetuar. Puna është nder. Por e kisha aq eksperiencë 8 vjet si mësuese ku mund të punoja në profilin tim. Më pas me aftësitë e mia punova pedagoge në një universitet privat. E kështu pasuan botimet e librave të mi dhe im bir shkonte në shkollë. Kur iu shoh ju, që bëni udhëtime, foto dhe qeveritarët tuaj e të gjithë deputetët që kanë prona, pasuri marramendëse sikur ua ka sjellë llamba e Aladinit, më vjen ndër mend vargu i Migjenit:

” 0, si nuk kam një grusht të fortë

t’i bij mu në zemër malit që s’bëzanë”

Pak kohë më parë kam fituar një projekt në Top Channel për fëmijët me nevoja të veçanta që kanë talente, për t’i mbështetur dhe promovuar. Do e bëj me shumë dëshirë për të treguar mbështetjen dhe mirësinë time kundrejt kësaj kategorie. I nderuar kryeministër!

Je një artist i mirë, por si kryeministër mund të bësh më shumë për shtresat në nevojë. Dyfishoje pagesën e paaftësisë, se nuk del as për pije freskuese, veshje e jo më për t’i çuar në kurse. Punësoji nënat që kanë fëmijë me specifika të veçanta. Hap një qendër me dy tre disiplina (art e sport ) se nuk i lëmë dot fëmijët tanë rrugëve ku zien pasiguria dhe pisllëqet. Nuk i lëmë dot, as në lagje se i përbuzin. Nëna e një djali autik, letër kryeministrit Rama: 0, si nuk kam një grusht të fortë
t’i bij mu në zemër malit që s’bëzanë
Ju jeni artist! Unë di që artistët kanë shpirt të bukur. Bëj diçka të mirë të mbahesh mend, se librat ia bleva me lekët e mia. Edhe pse është me nevoja të veçanta më thanë: Nuk i takon!”

Një i moshuar ndan disa nga mësimet më të mëdha mbi jetën, brilante, të dhimbshme…

Posted on by KultPlus

Është e vështirë të plakesh. Nuk do ta pranosh, por nuk e ndal dot. E bukura është se të del plotësisht nga mendja. Mendon se je ende i ri, derisa një ditë e sheh veten me thinja përpara pasqyrës. Sheh përreth fëmijët e tu të rritur dhe nipërit apo mbesat që luajnë rreth shtëpisë. Aty kupton se koha ka kaluar pa e kuptuar dhe ti nuk ke bërë dot asgjë për ta ndalur. Aty kupton se je plakur. Mirëpo je plakur nga jashtë, sepse nga brenda çdokush është aq sa e ndjen veten se është. Mos u trishtoni. Edhe plakja ka të mirat e vete. Vitet e shumta mbi supe të japin mësime të vlefshme dhe të gjithë të besojnë problemet e tyre, pasi e dinë se pjekuria dhe përvojat e tua do t’i japin këshillat më të vlefshme për të ecur të sigurtë në jetë. Këto janë disa nga mësimet që unë kam nxjerrë në jetë dhe dua që edhe ju t’i dini, nëse ende nuk i keni përjetuar, apo nuk jua kanë thënë:

1. Shumë njerëz i lëndojnë personat e mirë, sepse kërkojnë për dikë më të mirë në jetën e tyre, por gjithmonë përfundojnë me dikë më të keq dhe pastaj pendohen. Harrojnë se pendimi është i kotë, sepse askush me mend nuk rikthehet sërish me atë që e ka lënduar.

2. Gjithkush përpiqet të gjejë njeriun e duhur në jetë, por askush nuk përpiqet të jetë vetë njeriu i duhur. Askush nuk përpiqet të vetëpërmirësohet dhe të bëhet i duhuri për dikë tjetër. I kërkojmë gjërat të gatshme, pa dhënë aq sa duhet nga jeta jonë.

3. Kalon shumë kohë, ndonjëherë edhe e gjithë jeta, derisa një person e kupton realisht se ka jetuar për të kënaqur të tjerët dhe ka përfunduar disa herë i lënduar vetë. Është e trishtë, por edhe pse thuhet se njerëzit mësojnë nga dhimbjet, nuk është dhe aq e vërtetë. Njerëzve u duket e ëmbël dhimbja prej atyre që duan.


4. Nuk duhet ta besosh gjithçka verbërisht. Është e kotë. Secili ta tregon historinë, sipas këndvështrimit të vetë. Jo më kot thuhet: “Dëgjo 100 vetë dhe bëj si di vetë”. Dëgjoji gjithë versionet e mundshme të një historie, por në fund vendos vetë për atë që e beson si të drejtin.

5. Ngjyrat e vërteta të atyre që të rrethojnë, njihen gjatë stuhive më të rënda të jetës. Mos prit t’i njohësh në gëzime njerëzit rreth teje. Të tërë të afrohen, të buzëqeshin dhe të bëjnë të besosh se duan më të mirën për ty në momente të gëzuara. Ama të paktë janë ata që do të qëndrojnë me ty në vështirësi dhe akoma më të paktë ata që do të ndihmojnë të dalësh prej vështirësive.

6. Çdo gjë që ta kanë marrë dhe mendon se e meritoje, do të kthehet 10-fish tek ty. Zoti punon për ata që e meritojnë. Nëse ti meriton paqe, lumturi, shëndet, miq, familjarë dhe financa të mira, Zoti do të t’i japë ato.

7. Njerëzit më të lumtur nuk janë ata që marrin, por ata që japin. Hidhni sytë përreth. Ata që kanë zili të tjerët dhe marrin sa më shumë prej tyre, kënaqen për momentin dhe më pas trishtohen. Nuk ngopen asnjëherë. Ata që japin, janë ata më të lumturit. Njerëz të tillë lumturohen nga lumturia e të tjerëve.

Depressed elderly man lost in thought

8. Ndërkohë që koha kalon, fillon të mos interesojë aq shumë sasia, sa cilësia. Nëse më parë kërkoje të kishe sa më shumë miq, të mbaje marrëdhënie të mira me sa më tepër të afërm apo fqinj, me kalimin e kohës fillon dhe bëhesh më përzgjedhës. Në jetën tënde fillon dhe lejon vetëm ata që mund të të falin diçka.

9. Gjëja më e mirë që mund të bësh, është ta falësh atë që ka gabuar. Mos i mundo ata më tepër, pasi mjaft keq janë ndjerë, kur e kanë kuptuar gabimin e tyre. Fali dhe harroje çfarë të kanë bërë. Jeta vazhdon. Mos u kap pas së shkuarës. Fali ata që të kanë lënduar, por trego më tepër kujdes që të mos lëndohesh sërish herë tjetër.

10. Kuptimi i jetës nuk qëndron tek të bërit keq. Të bësh keq është gjëja më e lehtë që ekziston. E vështirë është të bësh mirë dhe të mbahesh mend për mirë, ndaj lëri njerëzit më mirë, nga sa i ke gjetur. Përqafoje dhimbjen. Puthe atë që po vuan. Bëhu mik me të humburin. Duaje të vetmuarin. / bota.al

Kur mësuese Fitorja tallte: Hana na ke sjellë ndonjë morr sot në klasë?

Posted on by KultPlus

Ilir Seci

Kam kenë në klasen e pestë, stina ka kenë pranverë, e mbaj mend stinën sepse ajo qe ndodhi atë ditë mu duk se e pati nxi edhe bukurine e pranveres malësore…

Edhe atë ditë si për ditë bamë rreshtimin ne oborrin para shkollës tetëvjeçare, komandatja e çetës se pionierëve e dha komandën dhe u futëm nëpër klasa…Orën e parë kishim landën e gjuhës shqipe…Lânda që e kisha ma inat e ma, nga tana landët e mesimit. Jo se nuk mesoja, sepse kam kenë nxanës shumë i mirë, por e kisha inat se me dukej sikur na e mesonim me zor nji gjuhë që nuk e fliste kurrkush ndër tanë njerezit që njihja, në rrethin familjar, në rrethin farefisnor e ma gjanë në tanë rrethin shoqnor. Gjuhën Letrare si e thirrshin. Këtë pakënaqesi ia pata shprehë njiherë babës tem…nji natë vjeshte kur baba kishte vndue kazanin me pjekë rakinë në oborr të shpisë. Asokohe kazani merrej me rend, krejt katundi kishte vetëm nji kazan prandaj duhej me e pjekë shpejt e shpejt rakinë për me ia lëshue rendin shoqit. Baba rrinte tue pjekë rakinë disa ditë e netë rresht dhe nji natë unë iu luta babes me ndejte çuet me të te kazani. Natën vone, kur ishim vetem në oborr ia diftova babës pakënaqësinë teme per gjuhen letrare. Baba u mendue pak, më kqyri drejt e tha :

-“Bir, këto gjana mos ia thuej kujt, kurrkujt tjeter. Po biro ke të drejte me kenë i paknaqun…Gjuha letrare asht vendose me detyrim. Vendim partiak, nuk asht marreveshje gjuhëtaresh as studiuesish.” Dhe aty baba me diftoi se ideja e nji gjuhe letrare ishte ne fakt ide e vjeter qysh nga rilindasit…ishte provue me u vendose ne vitet 30-te por kishte pase kundershtime dhe Mbreti Zog nuk kishte nderhy me vendose pa dvetë kënd si bani Enveri me standartin e vitit 1972…

-“Ia kanë ba me të pa drejtë Gegnisë” – tha Baba, – ”nuk na asht mohue vetëm gjuha, por na asht mohue edhe tanë ai kontribut i madh në kulturën shqiptare….kontributi i klerit katolik që mohohet krejtiskreti. As përmendet kund At Fishta që asht poeti kombetar…”
Ato fjale mu gdhenden ne mendje pse erdhen si pergjegjie e dyshimeve të mia per gjuhen standarte…Sa herë me binin ndermend ne oren e gjuhes letrare…
Mu kujtuen edhe ne orën e parë të asaj dite pranvere, kur u ulem nëpër bankat që u kërcitshin tana gozhdat. Vetem kercitja e gozhdave ndihej para fillimit të orës se gjuhes, tanë klasa heshtnin. Heshtnin sepse mesuesja e Gjuhës ishte msuesja ma e frikshme e tanë shkollës. Të tanë i trembeshin asaj. Deri edhe vetë drejtori i shkolles i trembej. Ajo bante ligjin. Sepse ajo mesuese ishte prej poshti. “Prej poshti” – në Malesi thuhej per ata qe kishin ardhe nga rrethet e jugut.

Por kjo nuk ishte arsyeja kryesore pse të tane i trembeshin msuese Fitores. Arsyeja pse të tanë i trembeshin asaj ishte se mesuese Fitorja e kishte burrin te madh në Degën e Brendshme. Kjo gja e shpjegonte friken e drejtorit dhe tanë keshillit pedagogjik. Kjo gja shpjegonte pse nderpritej e qeshuna e grupit te mesuesve sa afrohej kolegia e tyne Fitorja. Çkado me kenë tue fole mesuesit nderveti, sa afrohej kolegia e tyen Fitorja menjihere ndrrohej tema, kputej ne mes e qeshuna dhe nji nga nji të tanë mesuesve u kujtohej se kishin harrue pa krye ndonji gja, kush me shkrue diçka në ditar e kush me rishikue edhe njihere korrigjimet e provimit…Mesuese Fitorja që e kish të shoqin të madh në Degën e Brendshme jo vetem qe nuk bezdisej nga kjo gja por mesa kishim verejte ndjente knaqsi prej frikës që ngjallte. E shijonte pushtetin e dhanun prej të shojt…Pushtetin qe ia jepte Dega e Brendshme…

Dega e Brendshme…ishte ajo siperfaqja e rrethueme me plepa mbrenda mureve te nalta, ne lagjen “Partizani”. Me oborrin aq të frikshem sa na dukej sikur edhe ajri i qytetit druhej me hy mbrenda atyne mureve të Deges. Edhe ajri druhej me hy aty sepse kushdo qe hynte aty nuk mund delte ma i lirë…Edhe ajri ngjante sikur donte me ike prej aty. Këtë bindje frike e perforconin edhe plepat mbrenda oborrit te Degës që tanaherat dukeshin si të vyshkyn, sikur nuk kishin ajër sa duhet. Malsoret me ate mekanizmin e tyne mbijetues ia kishin ndrrue emnin Deges tue krijue eufemizmin “Te Plepat”…”Rri se po te çojmë te Plepat.” – ishte kercenimi që i bante femijet me u palue në gjume pa ba fjalë…
Njatë friken e femijeve qe paloheshin ne gjume sa u permendeshin Plepat ma kujtonte nxitimi i mesuesve sa afrohej kolegia Fitore…Edhe faj nuk kishin me u drue se i shoqi i saj ish i madh te Plepat…
Si gjithëherë në heshtje u hap dera dhe mesuese Fitorja shkoi te tavolina e saj. Bani apelin tue u talle me secilin nga nxanesit qe ia thirrte emnin, “Fatmir, pse ia shpie bukën dëm familjes?”, “Artan kur i ke larë sitë herën e fundit?”, “Hana na ke sjellë ndonjë morr sot ne klasë mo?”…

Mbas apelit mesuesja nxori fletoret nga çanta, kishte ba korrigjimin e hartimit te fundit…
Nji nga nji ngriti ne kambë secilin tue i diftue gabimet qe kishin ba… kur mbrrini nga mesi i kapicës se fletoreve thirri Hanën që e talli per morrat kur bani apelin…

-“Hana fletoren e hartimit tënd e kam hapur gjithë frikë se mos kishte ndonjë morr brenda.”
Heshtje…vetem nja dy vajza qe njiheshin si servile te mesueses provuen me qeshë por e qeshuna e tyne ishte ma shume si kuisje bushtrash. Shumica e klases u ndie keq…U ndiem keq sepse na e dinim qe e Ama e Hanës vuente nga nje semundje e randë dhe kishte muej qe ishte e shtrueme ne spital ne Tiranë. Edhe i shoqi i saj kish mbetë atje me gruen e femijet kishin mbete mbas se keqi. Ishin gjashtë fmijë, 5 vllazen e nji moter dhe Hana në klase te peste ishte e vetmja femen ne atë shpi…Kush me u kujdese per ta!? …Normal qe kishin me i mblue morrat. Jetonin ne nji nga katundet rreth qytetit, asokohe katundet ngat qytetit shkonin ne tetevjeçare ne qytet dhe u duhej me ba disa ore në kambe perditë, dimen dhe verë, shi e borë, hangër e pa hangër… Por keto gjana nuk i hynin në sy mesuese Fitores qe tallej pashpirtesisht me Hanën e shkretë pse ia patën gjete nji morr nji dite kur banë kontrollin e pastertise ne shkolle.

-“Hanë, pse e ke shkruar prapë “Uki” në vënd që të shkruash “Ujku?…Moj kafshë po sa herë të kam thënë mesohu te shkruash me mbaresën “u” aty ku është mbaresa “i”?”

Hana si duket e fyeme sa nuk mbante ma nga permendja e morrave, u ngrit e i tha :
-“Msuese na “uki” i thom kendej ka Malsia. Ju prej poshti i thoni “ujku” punë per ju, vazhdoni me i thane “ujku”, nuk u detyrojme me e thane si na. Secili ta mbajne te vetën.”

E pamësueme me ndigjue kundershtime, mesuesja u shtang…per disa sekonda u bukos dhe nuk diti se çka me thanë. Mbasadnej si tanë njerezit qe kane pushtetin e krijuem me frikë, u turr drejt bankes së Hanës. Rresht per disa minuta kercitën shpullat ne faqet e Hanës.

-“Moj maloke e trashe…kujt ia thua atë ti moj?, Ore o të bej une ty njeri o do të ta nxij jetën.” – ulerinte mesuejsa qe e kishte humbe fillin…
-“Perzo kur të duesh nisja se ma zi se e kam jeten s’mundesh me ma nxi.” – ia ktheu Hana…Fyemja e mesueses ia kishte prekë ndonji nerv dikund çikës malsore sepse edhe mbas tane atij rrebeshi shputash, ajo nuk po nxirrte pikë loti.
Fap, fap, fap…u shtuen shputat…

-“Do të të ngordh në dru moj korbë derisa të thuash “Ujku” – ulërinte mesuesja…
-“O pasha Tyrben e Shkelzenit edhe në kopsh si krypa në prush njet se kam me i thanë ndryshe veç “Uki”…Ti kur të duesh kop.” – ia ktheu Hana e mbledhun grusht…

Ulërimat e mesueses jehuen në tanë shkollën :
-“Çfarë bëj une këtu me keta njerez të trashë mor aman? Kemi ardhur nga ane e anes burrë e grua per t’iu qytetëruar…Dhe as per nder nuk na e dini…Malokë të trashë.”
Dhe breshni i shpullave vazhdonte tue ra në faqet e Hanës…U hap dera e klases dhe hyni drejtori…
-“Mesuese Fitore çka është problemi?”
-“Ik qërohu birbo…edhe ti si këta je.”
Drejtori kishte ngri ne derë…as ishte ai qe rrinte as ai qe ikte. Mesuesja vazhdoi me e rrahë Hanën derisa iu lodhen krahët. E Hana tane kohën nji pikë loti se qiti…
***
Do kujtime në jetë njerit i shkaktojne plagë në shpirt…plagë që me kohe sherohen por që lanë mbrapa vragë që nuk zhduken kurrë sa të jesh gjalle… E tillë ka mbetë edhe vraga e njasaj dite të nxime në nji stinë pranvere… edhe shtatëqind vjet me rrnue sa herë ndiej dikënd që flet gjuhen letrare mue gjaja e pare që më bjen në mendje asht ajo ditë…/KultPlus.com

Emri më i famshëm për pagëzimin e një vajze, 49 shtete kryesojnë me këtë emër

Posted on by KultPlus

Zgjedhja e emrit është një prej pikave më të nxehta kur pritet ardhja e një fëmije në jetë.
Dhe pyetjet që shtrohen në këtë zgjedhje janë të shumta, duke nisur nga gjatësia e emrit, nëse duhet një emër tradicional apo jo, një emër fetar apo bashkëkohor, i gjatë apo i shkurtër, si personazh libri apo filmi, etj.

Emri bëhet pjesë e personalitetit dhe në jetë është njeriu e karakteri që bëjnë emrin, sesa emri që ndikon në krijimin e një përfytyrimi mbi personin që kemi përballë.

Por a e dini se cili është emri më popullor për foshnjat femra në të gjithë botën?

Sofia është emri më i zakonshëm për vajzat në një nëntë vende të mëdha, përfshirë Meksikën, Rusinë, Kilin, Estoninë dhe Sllovakinë.

Emri dhe variantet e tij shfaqen gjithashtu në 25 emrat më të zakonshëm në dy të tretat e të gjitha vendeve që raportojnë statistikat e emrit të fëmijës.

Laura Wattenberg kreu hulumtime duke mbledhur emrat e foshnjeve nga 49 vende.
Ajo thotë se dominimi i këtij emri është mahnitës.
Emri

Një nënë që është nënë e zonja në rolin e saj, nuk është asnjëherë e lirë

Posted on by KultPlus

Honore de Balzac
“Askush nuk e dashuron një femër thjesht se është e bukur apo e shëmtuar, budallaqe apo inteligjente. Ne dashurojmë sepse thjesht dashurojmë”.

“Një ditë ke për të kuptuar se ka më shumë vlerë lumturia e dikujt tjetër, sesa lumturia jote”.

“Një bashkëshort i mirë nuk bie asnjëherë të flejë i pari në darkë dhe as zgjohet i fundit në mëngjes”.

“Sa më shumë dikush të gjykojë të tjerët, aq më pak dashuron ai person”.

“Është e thjeshtë të ulesh dhe të presësh lajme. Vështirësia qëndron tek fakti se duhet të çohësh dhe të realizosh veprime”.

“Një nënë që është nënë e zonja në rolin e saj, nuk është asnjëherë e lirë”.

“Dashuria është një lojë, ku gjithmonë do të jetë dikush që do të mashtrojë”.

“Vetmia është e këndshme, por secili ka nevojë për dikë që t’ia thotë këtë gjë”.

“Gjithë lumturia varet nga kurajoja dhe puna”.

“Është absurde të mendosh se si dikush nuk mund ta dojë një femër përgjatë gjithë jetës. Është njësoj si të mendosh se një artist i mirë ka nevojë për disa violina që të ekzekutojë një melodi”.

Ka shijuar sukseset e Kanës e Toronto International Film Festival, Liridon Rashiti tash e dëshiron edhe një film me Kosovën

Posted on by KultPlus

Gili Hoxhaj

Ani pse suksesi i tij në Kanada është i pakontekstueshëm, synimet e tij janë përtej kësaj. Prezantimi i suksesshëm në shumë projekte filmike, veçse ja ka shtruar rrugën për të kaluar kufijtë e Kanadasë. Ambiciet mund t’i mbështet tashmë në talentin e përvojën në dhjetëra projekte filimike dhe seriale telvizive atje, në disa prej tyre ku është prezantuar edhe me rol kryesor, ndërsa pas shumë vitesh në këtë fushë, ai është dëshmuar edhe në rolin e skenaristit dhe regjisorit.

I lindur në Gjilan në vitin 1991, luftën e përjetoi në moshën 7 vjeçare, ku familja e tij, si shumë të tjera në atë kohë, morën rrugën e largimit nga Kosova, për t’u zhvendosur në Montreal të Kanadasë. Në vitin 2009, ka shkruar dhe bashkëprodhuar një film “Refuge” që lidhet me historinë e Kosovës, ndërsa thotë se edhe më tutje planet e tij lidhen me mundësinë për ta prezantuar Kosovën sa më shumë me anë të projekteve të tij filmike. Liridon Rashiti, aktori i shumë roleve kryesore në Kanada dhe që ka luajtur përkrahë aktorëve më të njohur atje, thotë se me shumë kënaqësi do të luante edhe në ndonjë film shqiptarë.

Filmat ku ai ka luajtur kanë ecur në shumë festivale të ndryshme, ndërsa filmi “AvecJeff à moto” është përzgjedhur në 15 filmat më të mirë të kategorisë, në të cilën edhe është prezantuar në Kanë.
Kurse filmi “Nous avions”, ku Reshitaj ka pasur rol kryeosr, ka arritur në top dhjetëshen e TIFF (Toronto International Film Festival) ku është shperblyer me cmimin “Best canadian drama”
Pasionin e tij për aktrimin e kuptoi pak vite pas zhvendosjes në Kanada. Qysh në moshën dymbëdhjetëvjeçare kishte hetuar shkëndijat e para të këtij profesioni, që do ta përcillte gjatë viteve në vijim. Duke mos e njohur dikë që merret me këtë profesion, interneti ishte bërë shtylla ku kishte mbështetur fillimisht njohuritë për të depërtuar në skenën e aktrimit.

“I kam pasur shtatë vite kur jemi vendosur në Kanadë me familjen, pastaj jemi adaptuar atje dhe e kemi mësuar gjuhën frënge dhe atë angleze. Qysh në moshën 12 vjeçare, më është shfaqur interesimi për aktrim por s’kam ditur si t’ia filloj, ndërsa pas kthimit nga një vizitë e shkurtër në Kosovë, në moshën 15 vjeçare kam filluar të merrem më seriozisht dhe kam filluar kërkimet me anë të internetit. Në fillim kam bërë projekte falas, pasi që kam dashur të bëjë eksperiencë dhe pastaj e kam krijuar një demo të skenave ku kam luajtur dhe ua kam dërguar agjentëve për t’u prezantuar dhe pastaj më ka thirrur një agjent, dhe qysh atëherë kam filluar të shkojë në audicione në mënyrë profesionale, duke u përfshirë në role në seriale televizive, e pastaj dhe në filma”, ka thënë ai.

Sipas tij, të ushtruarit e profesionit të aktorit, ia mundëson atij që t’i ushtrojë shumë profesione. Ai tha se qëllimi i aktorit është që ta bëjë publikun të përjetojë një eksperiencë të mirë gjatë kohës sa e shikon një film.
“Gjithmonë kur më kanë pyetur se çfarë dëshiron të bëhesh, u kam thënë aktor, pasi që aty mund të bëhem qoftë doktor, avokat apo çfarëdo profesioni, mund të bëhem njeri i mirë apo njeri i keq. Qëllimi ynë është që spektatori të mësojë diçka përmes filmit apo të dalë më i qeshur prej tij, pra ta tejkalojë një moment jo shumë të mirë të jetës së tij”, tregoi Rashiti.

“Refuge” titullohet filmi i parë me skenar dhe bashkëprodhim të Rashitit, në të cilin edhe aktron. Në këtë film të realizuar në vitin 2009, ai ka dashur të fus edhe realitetin kosovarë.
“Filmi i parë që e kam bërë është “Refuge”, në këtë film kam dashur ta fus edhe historinë e Kosovës, pasi që njerëzit nga atje as që e dinë se çfarë ka ndodhur në Kosovë dhe ende e ndij nevojën për t’i treguar njerëzve se çfarë ka ndodhur në Kosovë dhe dua ta prek historinë time. Kosovën e kam në zemër dhe dua që njerëzit të dinë më shumë, pasi që njerëzit nuk e njohin shumë këtë vend”, tregon ai për KultPlus.

Ai së fundmi është i përfshirë edhe në serialin televiziv “Bluemoon”, i cili ka një shikueshmëri shumë të lartë në Kanada dhe tani do të fillojë sezonin e dytë. “Ky serial televiziv ka një shikueshmëri të lartë në Kanada pasi që janë të përfshirë shumë aktorë të njohur atje. I ka tre sezone dhe tani fillon sezoni i dytë, i cili i ka dhjetë episode dhe jam i përfshirë në të gjitha episodet të cilët zgjasin nga një orë”, tregon Rashiti.

Ai thotë që kinematografia në Kosovë po shkon duke u përmirësuar në krahasim me vitet e kaluara dhe për këtë thotë se mund të kenë ndikuar edhe bashkëpunimet me vendet e huaja. Rashiti thotë se me shumë kënaqësi do të luante në një film shqiptarë.

“Kam shumë dëshirë të punoja këtu në Kosovë, pasi që dua të punojë edhe në gjuhën shqipe. Nëse me ofrohet një rol, pavarësisht a është i vogël apo i madh do të punoja, pasi që dua të kem edhe një rol në gjuhën shqipe, pasi që është gjuha ime e parë”, tregon Rashiti.

Serialet telvizive ku ka luajtur aktori Liridon Rashiti janë “Bluemoon”, “L’honnerquitue”, “Destinees VI”, “LesBobos”, “Lessiou- bacon”, “Toute la verte II”, “Un teour si proche” dhe “Vrak la vie”. Projektet filmike ku është preznnatuar Reshitaj janë: “Nousavions”, “Diegostar”, “Lesmafiozoo”, “A moto avecJeff”, “Hate”, “Fatal bazooka”, “Refuge”, “Sëimminpoolcabaret”, “Cinq”, “La loi de ma rue” ./ KultPlus.com

Agolli: Për gruan dhe tokën lë kokën

Posted on by KultPlus

“Toka është e bukur. Ajo pjell gjithmonë , ku një herë në vit e ku dy herë. Pjell bukën që të mban në këmbë , pjell rrushin që t’i lëkund këmbët. Ajo është plot me plantacione të begata.
Po pak plantacione të begata ka gruaja? Kodra, lugina, lule…
Edhe gruaja të deh e t’i lëkund këmbët. Lind si toka.
Toka dhe gruaja kërkojnë mbrojtje ndaj pushtuesit. Prandaj unë them në një poemë :”Për gruan dhe tokën lë kokën”/ Dritëro Agolli.

Konkurs për arkeolog

Posted on by KultPlus

MINISTRIA E KULTURES, RINISE DHE SPORTIT
MINISTARSTVO KULTURE, OMLADINE I SPORTA/ MINISTRY OF CULTURE YOUTH AND SPORTS

DIVIZIONI I BURIMEVE NJEREZORF/ DIVIZION OF HUMAN RESOURCES/ DIVIZIJA LJUDSKIH IZVORA

Bazuar ne Ligjin e Punes, Nr. 03/ L-212 dhe Rregulloren Nr .05/ 2011, per Gradimin dhe Pagat e Krijuesve dhe Performuesve te Kultures dhe te Punonjesve Professional te Trashegimise Kulturore dhe Udhezimin Administrativ (MPMS) Nr.07/ 2017, per Rregullimin e Procedurave te Konkursit ne Sektorin Publik Ministria e Kultures, Rinise dhe Sportit shpall :

KONKURS

I
Titulli i punes: Arkeolog -1pozite
Institucioni : Instituti Arkeologjik i Kosoves-IAK Vendi: Prshtine
Kategoria funksionale: Krijuesit dhe Performuesit e Kultures dhe Punonjesit Profesional te Trashegimise Kulturore Grada VIII
Paga: Paga Fikse
Numri i ref erences: 39 / 2018
I pergjigjet: Drejtorit te Instituti Arkeologjik te Kosoves

Detyrat dhe pergjegjesite: Nen mbikeqyrjen e Drejtorit te Institutit Arkeologjik te Kosoves, kryen detyrat dhe pergjegjesite e meposhtme:

1. Zhvillon dhe arrin pelqimin per planet e punes dhe afatet me menaxherin dhe staf in tjeter profesiona l per zbatimin e sherbimeve ne fushen e Trashegimise Kulturore ;

Shkollimi i kerkuar, pervoja, aftesite dhe karakteristikat personale:

1. Njohuri te thelle ne fushen profesionale specifike te fituar permes arsimirnit universitar dhe trajnimeve perkatese;
2. Njohuri te ligjeve dhe rregulloreve te aplikueshme;
3. Shkathtesi ne komunikim planifikim te punes koordinirni eventual i personelit ;
4. Shkathtesi hulumtuese, analitike, vleresuese dhe formulim te rekomandimeve dhe keshillave prof esionale;
5. Shkathtesi kompjuterike ne aplikacione te programeve (Word, Excel, Power Point, Access);
6. Diplome universitare, ne shkencat shoqerore, perparesi kane drejtimet histori, arkitekture, arkeologji, minimum 2 vite pervoje pune profesionale.

II

Titulli i punes: Arkeolog -1pozite
Institucioni : Qendra Rajonale per Trashegimi Kulturore- Prizren Vendi: Prizren
Kategoria funksionale: Krijuesit dhe Performuesit e Kultures dhe Punonjesit Profesional te Trashegimise Kulturore Gracia VIII
Paga: Paga Fikse
Numri i ref erences: 40/ 2018
I pergjigjet: Drejtorit te QRTK Prizren

Detyrat dhe pergjegjesite: Nen mbikeqyrjen e Drejtorit te QRTK Prizren , kryen detyrat dhe pergjegjesite e meposhtme:

1. Zhvillon dhe arrin pelqimin per planet e punes dhe afatet me menaxherin dhe stafin tjeter profesional p r zbatimin e sherbimeve ne fushen e Trashegimise Kulturore ;
2. Bashkepunon ne menyre tc vazhdueshme me Departamentin e Trashegimisc Kulturore dhe instih1cionet tjera te Trashegimise Kulturore, per realizimin e objektivave te Qendres Rajonale per Trashegimi Kulturore Prizren ;
3. Kryen detyrat ne fushen e Trashegimise Kultuore , me nje shkalle te arsyeshme te pavaresise, me mbikeqytje dhe udhezime te kohepaskohshme;
4. Ben hulumtime dhe analiza sipas kerkeses dhe kontribuon ne hartimin e rekomandimeve per shqyrtim nga nivelet me te larta;
5. Merr pjese ne grupe punuese ne fushen e trashegimise kulturore, kur kerkohet nje gje e tille .
6. Komunikon brenda institucionit dhe jashte tij per shkembim te informatave dhe zhvillimin e punes ne fushen e arkitektures per shkak te interesit te perbashket;
7. Raporton rregullisht te mbikeqyresi rreth progresit ne lidhje me planet e punes te miratuara;
8. Kryen c;:do detyre tjeter ne fushen profesionale specifike te cilat mund te kerkohen ne menyre te arsyeshme kohe pas kohe.
2. Bashkepunon ne menyre te vazhdueshme me Departamentin e Trashegimise Kulturore dhe institucionet tjera te Trashegimise Kulturore, per realizimin e objektivave te Institutit Arkeologjik te Kosoves ;
3. Kryen detyrat ne fushen e Trashegimise Kulturore, me nje shkalle te arsyeshme te pavaresise, me mbikeqyrje dhe udhezime te kohepaskohshme;
4. Ben hulumtime dhe analiza sipas kerkeses dhe kontribuon ne hartimin e rekomandimeve per shqyrtim nga nivelet me te larta;
5. Merr pjese ne grupe punuese ne fushen e trashegimise kulturore, kur kerkohet nje gje e tille.
6. Komunikon brenda institucionit dhe jashte tij per shkembim te informatave dhe zhvillimin e punes ne fushen e arkeologjise, per shkak te interesit te perbashket;
7. Raporton rregullisht te mbikeqyresi rreth progresit ne lidhje me planet e punes te miratuara;
8. Kryen c;:do detyre tjeter ne fushen profesionale specifike te cilat mund te kerkohen ne menyre te arsyeshme kohe pas kohe.

Shkollimi i kerkuar, pervoja, aftesite dhe karakteristikat personale:

1. Njohuri te thelle ne fushen profesionale specifike te fituar permes arsimimit universitar dhe trajnimeve perkatese;
2. Njohuri te ligjeve dhe rregulloreve te aplikueshme;
3. Shkathtesi ne komunikim planifikim te punes koordinimi eventual i personelit ;
4. Shkathtesi hulumtuese, analitike, vleresuese dhe formulim te rekomandimeve dhe keshillave profesionale;
5. Shkathtesi kompjuterike ne aplikacione te programeve (Word, Excel, Power Point, Access);
6. Diplome universitare, ne shkencat shoqerore, perparesi kane drejtimet, arkeologji, histori, arkitekture, minimum 2 vite pervoje pune profesionale.

Proccdurat e konkurrimit: Konkursi eshte i hapur per te gjithe kandidatet.

Kohezgjatja e emerirnit: Emerirni eshte me afat te pacaktuar, pas perfundirnit te periudhes provuese gjashte (6) mujore.

Data e mbylljes se konkursit: Konkursi eshte i hapur pesembedhjete (15) dite pas dites se shpalljes. Data e fundit e aplikimit eshte: 22.09.2018
Aplikacionet e derguara nepermjet pastes, me pulle postare, ne diten e fundit te shpalljes, konsiderohen te vlefshme.
Paraqitja e kerkesave: Aplikacioni shkarkohet nga Ueb faqja e MKRS-se dhe dorezohet ne Zyrcn 27 te Minish·ise se Kultures, Rinise dhe Sportit, Sheshi “Nena Tereze” Nr. 44. Per informata shtese kontaktoni ne numrat 038 211 921 dhe 038 211 449, apo ne ueb-faqen http:/ / www.mkrs -ks.org /)

Shpresa Gashi nderohet me çmimin “Mbretëresha Teutë”

Posted on by KultPlus

Klubi i grave shqiptare nga Kroacia, në bashkëpunim me Shoqatën “Anima” dhe “Labeatët” nga Ulqini, kanë mbajtur këtë vit manifestimin “Ditët e Mbretëreshës Teutë” i cili për 14 vjet është organizuar në Zagreb të Kroacisë.

Gra të shquara nga mbarë bota morën pjesë në këtë manifestim tashmë tradicional. Kryetarja e Shoqatës ”Anima” Zylfije Gjoni – Duraku kërkoi që shtatorja e Mbretëreshës Teutë të vendoset në Kalanë e Ulqinit.

Kjo ide u përkrah edhe nga ministri Zenka. Ndërkaq, kryetarja e Klubit të Grave nga Kroacia, gazetarja dhe regjisorja e njohur Shenida Bilalli ndau disa çmime, medalje e mirënjohje.

Shpresa Gashit iu nda çmimi “Mbretëresha Teutë” me motivacionin: Për vlerat e veçanta si Artiste e Shquar, për interpretimin mjeshtëror të këngës klasike, artistike, shqiptare; Alida Hiskut, për kontributin e çmuar në muzikën shqiptare dhe luftën për të drejtat e njeriut dhe të gruas në veçanti si dhe përballimin e sfidave në sistemin totalitar në Shqipëri; dr. Zylfije Gjoni-Duraku, për kontributin e çmuar në integrimin e femrës shqiptare në Mal te Zi dhe mbarëkombëtar, poashtu për punën humanitare dhe kombëtare gjatë luftës në Kosovë; Stanislava Krivokapic, për kontributin e dhënë në ruajtjen e figurës së Mbretëreshës Teutë në punën e saj artistike.

Në programin që ishte përgatitur enkas për këtë manifestim interpretuan me mjeshtëri të rrallë Shpresa Gashi, Alida Hisku, Myferete Laze si dhe Kori “Nexhmije Pagarusha”. Në Risan zonjat vizituan Muzeun e Mbretëreshës Teutë dhe u pritën nga një shoqatë e gruas malazeze e cila edhe shtroi drekë për to. Aktivitetin e kanë mbështetur edhe kryetari i komunës së Ulqinit Loro Nrekic, ministri për Pakica, Mehmet Zenka si dhe Ambasada e Shqipërisë dhe ajo e Kosovës./KultPlus.com

Analfabeti politik është kaq gomar, nuk e di hajvani se injoranca e tij politike lindë prostituta

Posted on by KultPlus

Bertold Brecht

Analfabeti më i keq është analfabeti politik. Ai nuk dëgjon, nuk flet, nuk do t’ia dijë për ngjarjet politike. Ai nuk e di se kostoja e jetës, çmimi i fasuleve, i peshkut, i miellit, i qirasë, i këpucëve e i ilaçeve varen nga vendimet politike.

Analfabeti politik është kaq gomar sa krekoset dhe e fryn gjoksin duke thënë se e urren politikën.
Nuk e di hajvani se injoranca e tij politike lindë prostituta, fëmijë të lënë rrugëve, grabitës me thyerje, lindë më i keqi i të gjitha banditëve.../KultPlus.com

kangë sibile

Posted on by KultPlus

Emin Z. Emini

(Kushtim për Nënë Terezen)

në emën të atit e të birit e
t’shpirtit shejt
në tokën e shqiponjavet
në damarët e gurit
shpallja zhdrypi
bahu

mbinë
gonxhe bojëgjake
vaditun me vullnesen e hyjit
bekue me frymën e qjelles
djep drite u bane
për gjith’ gjindjen e
rruzullimit

nanë
hymni i rrnesës t’ande
emnin dashni e ka
e lume e lumja ti për vete
e t’lum’t na për ty
shejte
djelli yt mbretënoftë
amen./KultPlus.com

Shoqata e Artistëve të Teatrit të Kosovës përkrahë grevën e aktorëve

Posted on by KultPlus

Shoqata e Artistëve të Teatrit të Kosovës ka dalë me një reagim të cilët e mbështesin grevën e aktorëve dhe performuesve, si pasojë e mospërmbushjes së kërkesave. KultPlus më poshtë ju sjellë të plotë reagimin e kësaj shoqate.

Kumtesë nr. 19

(Përkitazi me grevën e aktorëve dhe punëtorëve të Teatrit Kombëtar të Kosovës – TKK për mos-rritjen e pagës bazë)
Bordi Ekzekutiv i Shoqatës së Artistëve të Teatrit të Kosovës (SHATK) ka ndjekur me vëmendje të gjitha zhvillimet rreth rritjes së premtuar të pagës bazë të aktorëve dhe punëtorëve të TKK-së që është kërkuar që nga qershori i vitit 2016 dhe në vazhdimësi.
Mostrajtimi i dinjitetshëm ndaj aktorëve dhe punëtorëve të TKK-së si nga ana e Ministrisë së Kulturës së Kosovës ashtu dhe nga ana e Kuvendit dhe Qeverisë së Republikës Kosovës, pas shumë kërkesave të bëra rreth rritjes së pagës bazë jep për të kuptuar se arti dhe krijuesit e tij nuk vlerësohen por nënçmohen pasi që kërkesat e tyre nuk trajtohen me seriozitet.
Mospërfillja e kërkesave të shumta të drejtuara ndaj MKRS-së dhe Qeverisë, shkelja e vet premtimeve të dhëna nga ana e vet Ministrisë së e Kulturës, trajtimi nënvlerësues ndaj performuesve kulturor duhet të marrë fund.
SHATK, shpreh indinjim të thellë për mosrealizimin e premtimeve dhe për mostrajtimin serioz të kësaj çështje dhe kërkon këndjellje dhe reagim të menjëhershëm nga ana e zyrtarëve kompetent të MKRS-së dhe Qeverisë së Republikës Kosovës.
SHATK përkrah grevën e nisur nga aktorët dhe punëtorë e TKK-së, deri në plotësim të kushteve të kërkuara – rritjen e pagës bazë për performuesit e kulturës. SHATK me këtë rast fton edhe publikun të tregojë mirëkuptim ndaj kërkesave të shprehura dhe solidarizim me to.
Bordi Ekzekutiv i SHATK-së i bën thirrje Ministrisë së Kulturës, Rinisë dhe Sportit që të realizojë premtimin e dhënë, e njëherit SHATK shpreh përkrahje të plotë për performuesit e kulturës deri në plotësimin e kërkesës legjitime, për trajtim të dinjitetshëm.
Prishtinë, 05/09/2018 Bordi Ekzekutiv i SHATK-së

Nga ditari i një mjeku polak: Jam i shokuar, të gjithë do të vriten

Posted on by KultPlus

Në orët e para të mëngjesit të 1 shtatorit 1939, ushtria gjermane filloi një sulm të egër përgjatë kufirit polak. Luftwaffe bombardoi aeroportet, linjat hekurudhore, bazat ushtarake, dhe çdo gjë tjetër që konsiderohej e rëndësishme për komandën dhe lëvizjen e forcave të armatosura polake. Blitzkrieg-u i parë kishte nisur.

Një orë më vonë trupat gjermane sulmuan nga veriu dhe jugu, duke synuar rrethimin e ushtrisë polake. Polakët u tërhoqën, ndërsa panë trupat gjermane t’u dilnin pas shpine. Dy ditë më vonë, në shenjë respekti ndaj detyrimeve të tyre ndaj Polonisë, Franca dhe Britanisë i shpallën formalisht luftë Gjermanisë.

Por kjo nuk pati asnjë vlerë për Poloninë. Goditja përfundimtare erdhi më 17 shtator, kur forcat sovjetike, bazuar tek një marrëveshjeje sekrete me Gjermaninë, marshuan drejt territorit polak nga Lindja. Varshava u dorëzua më 27 shtator. Dhe më 6 tetor, kapitulloi i gjithë vendi. Polonia pushoi së ekzistuari si një vend. Lufta e Dytë Botërore, sapo kishte filluar.

Ditari i një mjeku polak

Dr.Zigmunt Klukovski, ishte mjeku kryesor i një spitali të vogël në fshatin Szhebrezhin në jug të qytetit të Lublinit. Një diarist entuziast, mjeku kronikoi çdo ditë pushtimin nazist, teksa ngjarjet dramatike shpaloseshin jashtë dritares së dhomës së tij në spital.

Zbulimi i vëzhgimeve të tij, do të parathoshte vdekjen e menjëhershme. Prandaj, ai i fshehu me kujdes dorëshkrimet e tij, shpesh duke ndryshuar vendndodhjen e tyre gjatë 5 viteve të pushtimit nazist. Ditari i tij i jashtëzakonshëm u botua në Poloni më 1959, pak para vdekjes së mjekut dhe më pas u përkthye në anglisht.

11 tetor 1939

Qyteti është i mbushur me gjermanë. Ata janë të akomoduar në të gjitha shtëpitë e mëdha. Shumica e tyre janë nga Austria, dhe disa nga Vjena. Në përgjithësi gjermanët po përpiqen të pastrojnë qytetin. Për këtë punë, përdorin vetëm hebrenjtë. Këta duhet të fshijnë rrugët, të pastrojnë të gjitha çerdhet publike, dhe të mbushin të gjitha gropat nëpër rrugë.

Kudo ka njoftime në gjermanisht, që na japin një ide se çfarë mund të presim në të ardhmen.

Ne duhet të dorëzojmë të gjitha armët. Duhet të regjistrojmë të gjitha sëmundjet ngjitëse. Mbikëqyrja policore, është nga ora 10 e mbrëmjes deri në orën 5:30. Kufizimet që vlejnë për dyqanet hebraike, ndryshojnë nga dita në ditë. Ndonjëherë hebrenjve u lejohet të hapin dyqanet e tyre dhe ndonjëherë jo. Duket se shumica e urdhrave u drejtohen hebrenjve.

18 shkurt 1940

Takova një grua nga Zamojski. Sapo kishte ardhur nga Çelmo. Për disa kohë, mora disa informacione alarmante për ekzekutimin e të sëmurëve mendorë të repartit psikiatrik në Çelmo. E pyeta nëse ajo histori ishte e vërtetë. Ajo më tha se po. Të gjithë të sëmurët mendorë u qëlluan me armë automatike, por nën kërcënimin e dënimit me vdekje, personelit të spitalit i ndalohet të flasë për këtë krim. Është kaq e vështirë të besosh diçka më të tmerrshme sesa sa kjo.

21 tetor 1942

Sot planifikova të tentoj sërish të shkoj në Zamosk. U zgjova shumë herët për t’u bërë gati, por rreth orës 6 të mëngjesit dëgjova zhurmë, dhe përmes dritares pashë një lëvizje të pazakontë. Ishte fillimi i të ashtuquajturës zhvendosje gjermane të hebrenjve, në realitet një asgjësim i të gjithë popullatës hebraike në Szhebrezhin.

Nga mëngjesi i hershëm deri vonë në mbrëmje, ne përjetuam ngjarje të papërshkrueshme, ushtarë të SS të armatosur, xhandarë, dhe “policë në uniforma blu” kaluan nëpër qytet, duke kërkuar hebrenjtë. Ata u grumbulluan tek sheshi i tregut. U morën nga shtëpitë, papafingot dhe vendet e tjera ku ishin fshehur.

Të shtëna pistoletash dhe armësh e tjera u dëgjuan gjatë tërë ditës, u hodhën disa herë granata dore nëpër bodrume. Hebrenjtë u rrahën, pa bërë dallime nëse ishin burra, gra apo fëmijë të vegjël. “Në orën 3 të pasdites ishin grumbulluar më shumë se 900 hebrenj. Gjermanët filluan të lëvizin në periferi të qytetit. Të gjithë hebrenjtë do të qëllohen, dhe 400- 500 janë vrarë. Polakët u detyruan të fillonin hapjen e varreve në varrezat hebraike. Nga informacionet që morëm, rreth 2000 veta janë fshehur.

Çifutët e arrestuan, u ngarkuan në një tren në stacionin hekurudhor, për t’u zhvendosur në një vend të panjohur. “Ishte një ditë e tmerrshme, nuk mund të përshkruaj gjithçka që ndodhi, as që mund ta imagjinoni barbarizmin e gjermanëve. Jam tërësisht i shokuar, dhe nuk mund ta marr dot veten.

Kemi marrë lajme për plaçkitje që shtohen gjithandej. Në javët e fundit janë shtuar edhe rastet e përdhunimit, ndërsa kam konstatuar shumë shtatëzani. Disa ditë më pare, erdhi për vizitë gruaja e një fermeri të mirënjohur, dhe më vonë një mësuese e re.

22 tetor 1942

Në qytet, disa nga shtëpitë hebraike u vulosën nga xhandarët, por të tjerët u lanë plotësisht të hapura, ndaj pati shumë grabitje. Është turp të thuhet, por disa polakë morën pjesë në ato krime. Disa njerëz, madje ndihmuan xhandarët të gjejnë hebrenjtë e fshehur. Gjermanët vranë edhe një fëmijë të vogël hebre. Është e vështirë të përshkruhen ngjarje të tilla. Është kaq e tmerrshme, sa që është thuajse e pamundur të kuptohet.

Ligjërisht në Szhebrezhin nuk ekzistojnë më hebrenjtë. Por ende shumë prej tyre, janë duke u fshehur. Herët a vonë, të gjithë do të vriten. Shkova sot ne qendrën e qytetit. Numri i përgjithshëm i hebrenjve të vrarë – ata i quajnë me aftësi të kufizuara – është i panjohur, madje edhe specialistët më të mirë u shfarosën. Ne po nisim ta ndjejmë mungesën e mekanikëve të mirë.

Burimi: EyewitnessHistory

FTESË PËR PJESËMARRJE NË KONKURSIN“ÇMIMI PËR DIVERSITETIT KULTUROR 2018”

Posted on by KultPlus

Republika e Kosovës
Republika Kosova – Republic of Kosova
Qeveria – Vlada – Government
Ministria e Kulturës, Rinisë dhe Sportit
Ministarstvo za Kulturu, Omladinu i Sport
Ministry for Culture, Youth and Sport

Ne shënim te vitit te Trashëgimisë Kulturore Evropiane dhe ne zbatim te Strategjisë Kombëtare për Trashëgimi Kulturore, Objektivi 4 Promovimi i Trashëgimisë Kulturore respektivisht pika 4.3 Promovimi diversitetit kulturor, respektimi dhe mbrojtja e trashëgimisë dhe shprehjes kulturore te komuniteteve te Kosovës, MKRS përmes Departamenti te Trashëgimisë Kulturore ndanë Çmimin Vjetor përDiversitet Kulturor te Kosovëspër projektin me te mire qe promovon Diversitetin Kulturor te Republikës se Kosovës

FTESË PËR PJESËMARRJE NË KONKURSIN“ÇMIMIPËR DIVERSITETIT KULTUROR 2018”
Kultura si komponent thelbësor i çdo shoqërie, është pëlhurë që bashkon komunitetet dhe u jep atyre mundësi për shpërfaqjen e identitetit të tyre unik. Njohja dhe faktorizimi i diversitetit kulturor është thelbësor për të ruajtur trashëgiminë kulturore në mënyrë efikase. Përfshirja e diversitetit kulturor, sidomos nëpërmjet ruajtjes së trashëgimisë kulturore, sjell përfitime të prekshme. Përqafimi i diversitetit kulturor në përditshmëri është një forcë lëvizëse për rritjen e qëndrueshme ekonomike, si dhe çelës për të jetuar jetë të përmbushura.
Ndaj, Ministria e Kulturës Rinise dhe Sportit (MKRS) përmes Departamentit te Trashëgimisë Kulturoreju fton te merrni pjese ne konkursin për Çmimin vjetor për “Diversitet Kulturor të Kosovës”.
Me këtë konkurs ndërdisiplinor MKRS synon te festoj përpjekjet shembullore,te individëve dhe organizatave,për të shfaqur diversitetin kulturor përmes projekteve te veçanta,duke mirëpritur projektet që pozitivisht tregojnë mënyrat e shumëfishta përmes së cilave kulturat e grupeve dhe shoqërive gjejnë shprehje por edhe për mënyrat me të cilattrashëgimia kulturore e njerëzimit ruhet, kultivohet dhe përcillet te gjeneratat e ardhshme.
Përmes këtij konkursi dhe programeve të ngjashme, Ministria e Kulturës, Rinisë dhe Sportitka për qellim të rrisë ndërgjegjësimin dhe të kuptuarit e diversitetit kulturor ne Kosovë.
Do te jepet një(1) Çmimi për arritje te jashtëzakonshme.
Projekti fituese duhet të demonstrojnë kuptim të plotë të rëndësisë së diversitetit kulturor. Konkursi njeh arritjet më të mira në ruajtjen, hulumtimin, si dhe edukimin, trajnimin ngritjen e vetëdijes dhe promovimin e diversitetit kulturor te Kosovës. Vëmendje e veçantë do t’i kushtohet dimensionit gjithëpërfshirës te projekteve / hulumtimeve, duke përfshire këtu:
– Pjesëmarrjen dhe përfshirjen e grupeve etnike, religjioze, gjinore , grupeve te cenueshme dhe personave me nevoja te veçanta.
– Numrin e përfituesve
– Shtrirjen e projektit
– Aftësia e projektit për replikim
Te drejtë pjesëmarrje kanë te gjithë individët apo dhe organizatat jo qeveritare, te financuara nga fonde private, te huaja apo edhe publike, te cilët kanë zhvilluar hulumtime/studime apo projekte lidhur me Diversitetin Kulturor ne Kosove. Duke konsideruar se konkursi shpallet për të parën herë, mundësi konkurrimi kanë projektet që kanë përfunduar brenda 3 viteve të fundit (2015-2018).
Për të siguruar pjesëmarrje ne këtë konkurs, hulumtimet, studimet e projektet mund te aplikojnë vet apo edhe te nominohen nga individët apo grupet tjera te përfshira ne projekt. Aplikuesit dhe nominuesit duhet te kenë njohuri për hollësitë e projektit i cili propozohet për pjesëmarrje.
Konkursi hapet me 29.08.2018
Afati i fundit për dorëzimin e materialeve për aplikim është 26.09. 2018.

Fituesit do të shpallen gjatemuajit Tetor 2018
Të interesuarit duhet të dërgojnë:
– Formën e aplikacionit te plotësuar
– Material mbështetës: Video, foto, raportet e përfundimit te projektit, produktin e projektit (nëse ka), artikuj gazetash etj.
Adresa: Sheshi Nëna Terezë pa nr. Prishtinë – Ministria e Kulturës Rinisë dhe Sportit, për Departamentin e Trashëgimisë Kulturore
FORMA E APLIKIMIT

Emri iaplikuesit/nominuesit: __________________________________________________________ _
Kontakti : ____________________________________________________________________________
Titulli i hulumtimit, studimit, projektit te nominuar:_______________________________¬¬¬¬¬-__________

Tri vlerat dalluese te projektit dhe deklarata pse projektit i propozuar e meriton çmimin:
(deklarata duhet te përmbaj qëllimin e projektit, rezultatet e projektit dhe arsyetimin pse projekti është meritor 150-300 fjale)

1.

2.

3.

Deklarata ( 150-300 fjalë)

(Bashkangjitur Forma e Projektit)
1. TË DHËNAT E PËRGJITHSHME PERAPLIKUESIN/NOMINUESIN
1.1. Emri i organizatës/personit:
1.2. Adresa/komuna:
1.3. Kontakti (numri i telefonit, e-mail adresa):

2. TË DHËNAT E PËRGJITHSHME PER TE NOMINUARIN
2.1. Emri i organizatës/personit:
2.2. Adresa/komuna:
2.3. Personi kontaktues (numri i telefonit, e-mail adresa):

3. PËRSHKRIMI I PROJEKTIT:

3.1. Qëllimi i projektit:

3.2. Objektivat e projektit:

3.3. Rezultatet dhe treguesit:

3.4. Grupi/et e përfshira
(Përshkruani në mënyrë të përmbledhur, se cili është grupi parësor i përfshirë ne projekt dhe se si i kanë shërbyer aktivitetet e projektit.)

3.5. Qëndrueshmëria e projektit (ne fund përshkruani pak edhe aftësinë e projekti përreplikim):

3.6. Partnerët (nëse ka):

ARTPOLIS

Posted on by KultPlus

Artpolis është organizatë joqeveritare që vepron në Kosovë dhe promovon kulturën, artin dhe bashkëjetesën multietnike përmes dialogut shoqëror dhe aplikimit të teatrit si mjet për të promovuar zhvillimin social dhe kulturor. E themeluar në 2004, misioni i saj kryesor është të ndikojë në zhvillimin e një shoqërie e cila respekton vlerat kulturore të artit, kulturës dhe diversitetit shoqëror.

Vizioni i Artpolis është krijimi i një shoqëri të drejtë të bazuar në vlera feministe përmes artit dhe kulturës në rajonin e Ballkanit.

Artpolis ka identitet dhe profil të qartë në spektrin e shoqërisë civile si organizatë e cila me e punën e saj në mënyrë sistematike adreson çështje të drejtave të njeriut, siç është barazia gjinore, fuqizimi i gruas dhe feminizmi si vlera shoqërore dhe të drejta të njeriut. Ajo çka e dallon Artpolis karshi punës së organizatave tjera që merren me këtë tematikë është zgjedhja e Artpolis që të shfrytëzojë teatrin, performancat e ndryshme artistike dhe aktivitetet në rrugë si mjete për të kontribuar për një shoqëri ku respektohet diversiteti, barazia gjinore dhe feminizmi paraqet vlerë shoqërore.

Duke qenë në komunikim të vazhdueshëm me përfituesit e saj që përfshijnë artistët, gratë dhe të rinjtë nga të gjitha komunitetet etnike në Kosovë dhe duke intensifikuar aktivitetet në terren, Artpolis në mënyrë të natyrshme gjatë dekadës së fundit ka fokusuar aktivitetet e saj në këto tri shtylla.

Shtylla I – promovimi i të drejtave të njeriut, promovimi i kulturës, artit, barazisë gjinore, feminizmit dhe sfidimi i mentalitetit patriarkal në shoqërinë kosovare përmes aktiviteteve kulturore që u janë dedikuar audiencës së gjerë;

Shtylla II – rritja e mirëqenies së gruas, fuqizimi i saj dhe ballafaqimi me diskriminimin gjinor përmes aktiviteteve të fokusuara në grupe të cakut, dhe

Shtylla III- Edukimi i të rinjve përmes aktiviteteve artistike në kuadër të punës së Qendrës së Artit dhe Kulturës.

Puna e organizatës Artpolis nuk është e fokusuar vetëm në Prishtinë. Në të kundërtën, aktivitetet e saj janë të shtrira pothuajse në të gjitha komunat e Kosovës duke adresuar mungesën e aktiviteteve kulturore në nivel komunal dhe duke ofruar vepra artistike e teatrale me artistë eminent të Kosovës dhe të rajonit për qytetarët e në veçanti për të rinjtë e Kosovës. Këto vepra në fokus tematik kanë vlerat e artit dhe kulturës, respektimin e të drejtave të njeriut, promovimin e barazisë gjinore, diversitetin etnik dhe luftimin e paragjykimeve si pjesë e traditës së mentalitetit patriarkal. Përfituesit kryesorë të projekteve të ARTPOLIS janë kryesisht artistë/e, aktivistë/e, gra dhe të rinj me përkatësi të ndryshme etnike. Vullnetaret/ët, vajza e djem të të gjitha komunitete që jetojnë në Kosovë, janë pjesë e rëndësishme e aktiviteteve të Artpolis-it.

Artpolis ka një lidhje të ngushtë me mediat zyrtare të Kosovës, artistët e teatrit dhe filmit; është pjesëtare e ISPA (Internacional Performing Arts Association www.ispa.org), Rrjetit IETM, Rrjeti i Grave të Kosovës, Forumi Kulturor, CIVIKOS, Koalicionit për Shëndetin Riprodhues dhe punon me artistë dhe aktivistë me prejardhje të ndryshme etnike dhe artistike.

Aktivitetet e krijuara nga Artpolis prezantohen dhe ofrohen pa pagesë për audiencën, që prej themelimit të organizatës në vitin 2004.

Artpolis ka krijuar:

Festivali Ndërkombëtar i Artisteve dhe Aktivisteve – FEMART (8 edicione)
Festivali Teatral i të Rinjve (6 edicione)
Festivali Kombëtar për Ndryshime Sociale (2007 – 2014)
Punëtorinë: Shkolla Pranverore Feministe
Trajnimin: Edukimi i Bazuar në Teatër në Kosovë
Muzeu Virtual i Aktivisteve
Nata e Poezisë “Poezi për Fuqi”
Rrjeti i të Rinjve për Ndryshime Sociale (me prezentues nga 11 komuna) 2008 – 2011
Lidhja Regjionale e Artistëve për të Drejtat e Njeriut (2009)
48 orë HIV / AIDS Youth Film Fest (2009, 2010, 2011)
Shkollën Artistike Interaktive për të Rinj (2010)
Autobusi i trashëgimisë kulturore Evropiane në Kosovë (2010, 2011, 2012, 2013)
Krijime të eseve
Bllogje

Artpolis ka organizuar:

Forum Teatër
Shfaqje teatrore Teatër vallëzimi Stand Up komedi
Performancat në Rrugë
Dita Ndërkombëtare e Librit Promovime librash
One Billion Rising
MARshojme, S’festojme
Trajnime
Punëtori
Masterclass
Takime Informuese
Konferenca
Panele diskutimi
Raporte bazuar në hulumtimet përkatëse
Ekspozita
Ekspozita shitëse per ngritje fondesh
Koncerte
16 dite te aktivizmit
Shfaqje filmi
Perfaqesime jashtë Kosoves

Art and Community Center – ARTPOLIS Tel: + 383 38 221 512
Rr. Mujo Ulqinaku 8/8
10 000 Prishtinë, Kosovë FB: ARTPOLIS – Art and Community Web: www.artpolis-ks.com IG: artpoliscenter Vimeo: artpoliscenter

“Fokusi i organizatës sonë është promovimi i pozitës së gruas në shoqëri, duke ngritur zërin kundër çdo padrejtësie dhe dhune ndaj gruas, duke marshuar, protestuar dhe duke sjellë mesazhe frymëzuese në kuadër të aktiviteteve tona përgjatë gjithë vitit”, thotë Zana Hoxha, themeluese dhe drejtore ekzekutive e Artpolis

Zana Hoxha, themeluese dhe drejtore ekzekutive e Artpolis

13 rregullat e grave të mençura

Posted on by KultPlus

1- Gratë e mençura nuk jetojnë duke u ankuar, ato krijojnë ndryshimin.
2- Gratë e mençura janë të guximshme.
3- Gratë e mençura duan të kujdesen për bimët.
4- Gratë e mençura i besojnë intuitës së tyre dhe e respektojnë atë të të tjerëve.
5- Gratë e mençura meditojnë çdo ditë dhe janë në harmoni me jetën e tyre të brendshme.
6- Gratë e mençura mbrojnë me forcë atë që është më e rëndësishme për to.
7- Gratë e mençura ecin përpara edhe me zemër.

8- Gratë e mençura e tregojnë të vërtetën me dhembshuri.
9- Gratë e mençura i dëgjojnë trupat e tyre.
10- Gratë e mençura improvizojnë dhe luajnë.
11- Gratë e mençura nuk i luten kujt.

12- Gratë e mençura qeshin së bashku.
13- Gratë e mençura shijojnë aspektet pozitive të jetës dhe i ndajnë atë me thjeshtësi.
“Jini autentik, jini në përputhje me jetën tuaj të brendshme dhe zbuloni se çfarë doni të bëni me jetën tuaj të çmuar”.
Jean Shinoda

Kemi vetëm 18 vera që mund të kalojmë me fëmijët tanë

Posted on by KultPlus

Aferdita Bano

Pak ditë na ndajnë nga përfundimi i verës dhe mendimeve që na kanë shoqëruar gjatë këtyre muajve të nxehtë.Kush është nënë më kupton,mendimet qe mbizoteronin ishin se si do mbushnim ditët e fëmijëve tanë?Te cila gjyshe do ti linim gjatë orarit të punës?Por vera dhe pushimet janë tepër të rëndësishme sidomos për prindërit e fëmijëve të vegjël. Mu desh një verë e gjatë pa pushime për të menduar. Një shoqe mbrëmë më tha dicka që më ngriu zemrën.

–Nëse e mendon mirë kemi vetëm 18 vera qe mund të kalojmë me fëmijët tanë. Në atë moment më shtrëngoi dicka në kraharor mendova se vajza ime e madhe është 11 vjec dhe na ngelen vec 7 per te qënë të gjithë së bashku.

Edhe 7 vera të tjera për të zhytur këmbët në rërën e nxehtë e për të bërë gara noti.Edhe 7 vera të tjera për të qëndruar shtrirë mbi tapet për të parë të gjithë sëbashku filmin e mesditës , ku do ndajmë të gjithë sëbashku të njëjtën cati, do krijojmë kujtime të cilat shpresoj do ti ruajmë me dashuri.

Edhe 7 vera kanë mbetur për të eksploruar vende të reja,të përjetojmë ndjesi të reja edhe nëse nuk udhëtojmë larg qytetit tonë.7 vera kanë mbetur për tu zhytur në pishina e për të rrëshkitur në akuaparqe,për të parë filma në kinema e për të udhëtuar me anije,avione pa harruar të marrim me vete kremin e diellit dhe atë kundër mushkonjave.

Edhe 7 vera para se te më dërgojë foto nga udhetimet e saj nepër botë larg nesh me miqtë e rinj që jeta do ta përballë. Sigurisht që pavarsia e saj vec do më lumturojë por këto 7 vite e vera që do vijnë do përpiqem ti mbush plot kujtime të lumtura, sepse koha fluturon shpejt…shumë shpejt./KultPlus.com

Zëvendësohen 70 harta ku Kosova figuron pjesë e Serbisë, zviceranët kërkojnë falje

Posted on by KultPlus

Rreth 70 harta të reja të murit duhet të zëvendësohen për shkak të një gabimi, në shkollat e Gjenevës. Në to, Kosova shfaqet si një krahinë serbe e jo si një shtet i pavarur.
Rreth 70 harta të reja të murit nëpër shkollat ​​e Gjenevës, duhet të zëvendësohen për shkak të një gabimi. Në to, Kosova shfaqet si një krahinë serbe e jo si një shtet i pavarur.

Kantoni i Gjenevës ka anuluar urdhrin për kompaninë “Michelin”. “Ky është një gabim për të ardhur keq”, ka deklaruar Pierre-Antoine Preti, zëdhënës i Drejtorisë Arsimore të Gjenevës të mërkurën. Ai e ka konfirmuar një informatë përkatëse të gazetës “Le Temps”, përcjell Albinfo.ch.

Çdo vit, kantoni i Gjenevës i ndryshon pjesët e hartave të cilat janë të varura nëpër klasa. Kohët e fundit, Drejtoria Arsimore bleu 73 harta nga prodhuesi prestigjioz francez Clermont-Ferrand.

“Michelin” u zgjodh si furnizues sepse është kompania e vetme që ofron harta të plastifikuara. Kantoni i Gjenevës tani do të marrë harta nga prodhuesit e tjerë dhe do t’i plastifikojë me shpenzimet e veta, tha Preti. Kopjet me të meta janë kthyer.

Zvicra ishte një nga shtetet e para që në vitin 2008 e njohu Pavarësinë e Kosovës. Sot, më shumë se 110 shtete nga një total prej 193 shtetesh anëtare të OKB-së, Kosovën e konsiderojnë si një shtet sovran – por jo edhe Serbia, nga e cila u nda. Gjithashtu, 5 nga 28 shtetet Anëtare të BE-së refuzojnë të njohin Kosovën: Spanja, Sllovakia, Rumania, Greqia dhe Qiproja.