Autor: KultPlus

Pranverë e ftohtë kosovare

Posted on by KultPlus

Pranverë e ftohtë kosovare
Me të ikur, me të vrarë, me varre…
Pranverë kësisoj u harrofsh fare.

Poezi nga Petraq Kolevica

Bie shi,
Fryn erë e ftohtë,
Rrjedh shi,
Rrjesh gjak
E rrjedhin lotë.
Qumësht gjinjësh
I rrjedh nuses që shtëngon
Foshnjën e ftohtë në zemër.
E ku t’i gjesh emër
Gjithë kësaj gjëme të saj?
Qiell pa skaj
Gjëmon
Dhe shi lëshon.
Mbi trupa të njomë fëmijësh,
Përmbi çembere të vejash,
Mbi koka me borë thinjash.
Mbi kaçurrela të rejash.
Rrjedh shi
Përmbi fëmijë të mekur
Nga të qarët.

Rrjedh shi
Përmbi të vdekur.
Përmbi të vrarët.
Ç’pranverë qënka kjo
Moj botë?
Ç’pranverë?
Me shi,
Me erë të ftohtë!
Rrjedh shi
I vrullshëm,
I ngadaltë.
Njerëz te unshëm
Ecin nëpër baltë.
Prindër pa fëmijë;
Fëmijë, pa prindër.
Grua pa burre
Bijë, pa baba.
Pleq të sëmurë
Ecin, ecin… Po ja!
Tek ngasin,
Rrëshqasin,
Bien, qytetarët,
Po prapë ngrihen,
Ecin përsëri Kosovarët.

Dhe rrallë e më rrallë
Kthejnë kryet
Të shohin pyjet,
Tokën e pakë.
Shtëpitë në flakë
Dhe mullarët.
Dhe prapë shi
E madje breshër.
Te ftohtët u futet në eshtër
Dhe fjalë… fjalë…
Në veshët vjen e shpon një gënjeshtër.
Ngadalë!
Kush tha?
Ata?
E shka do t’bahet me na?
Rrjedh shi,
Rrjedh gjak
E rrjedhin lotë,
Të vrullshëm,
Të ngadaltë.
Njerëz të unshëm
Ecin nëpër balte.
S’ka tokë më,
Po llucë, baltë.
Ku të varrosin të vdekurit.
Të vrarët?
Po si ti gjejnë rrugët Kosovarët,
Në këtë botë të mugët? /KultPlus.com

Pranverë 1999

Salla koncertale – bosht i jetës muzikore

Posted on by KultPlus

[…për ambientin tonë kulturor ende nuk është e qartë dallimi në mes sallës koncertale dhe sallave të tjera si tipi i sallës universale apo sallës së operës (!)]

Shkruan:Rafet Rudi

Salla koncertale – bosht i jetës muzikore

Vlerësim për gjendjen e vërtetë të jetës muzikore të një ambienti kulturor, mund të merret më së miri përmes sallave koncertale. Edhe sot (por edhe gjatë historisë), shpeshherë salla e caktuar koncertale është bosht rreth të cilës zhvillohet jeta muzikore. Ajo, në mënyrë vendimtare, e kushtëzon nivelin dhe forcën kulturore të një mesi. Rëndësia e saj mund të jetë shumëfish më e madhe sesa që në dukje ka. Ta zëmë, informatat për një periudhë historike munden më me saktësi dhe në mënyre më komplete të gjenden në arkivat e sallës sesa në arkiva apo biblioteka shtetërore. Sallat, thjeshtë, mund të kenë peshën e një muzeu prestigjioz. Pikërisht për shkak të kësaj fuqie reale kulturore pronarët e sallave të tilla i kushtojnë rëndësi parësore ruajtjes së traditës dhe formimit të renomesë së sallës.

Kultivimi i renomesë së sallës

Ta zëmë në përvjetorin (të njëqindtë) e inaugurimit të Sallës në zë Carnegie Hall të New York, u botuan publikime të ndryshme për punën e sallës, u botuan seri të ndryshme disqesh; u organizuan cikle të posaçme të koncerteve etj. Gjatë sezonit festiv kujdes i posaçëm i kushtohet angazhimit të emrave eksluzivisht me renome botërore. U muar vesh se krejt kjo shfrytëzohet që të ngritet nami i sallës.
Përmes angazhimit të emrave të mëdhenj ata e ndërtojnë por edhe e ruajnë me fanatizëm pikërisht në këtë mënyrë. Në Europë e cila i kushton rëndësi të madhe ruajtjes së traditës, salla dhe renomea e saj është çështje edhe e prestigjit (dhe në këtë element ajo ndryshon edhe nga Amerika ku në këtë drejtim bëhet një politikë më tolerante dhe më fleksibile).

Në ç’masë ruhet mëvetësia e sallës tregon edhe fakti se shpeshherë fizionomia programore e tyre specializohet qoftë në kuptim të zhanrit, qoftë edhe të orientimit stilistik(!) Kështu, një sallë e caktuar kultivon vëtëm muzikë estrade, tjetra vetëm muzikë klasike, ose salla e caktuar specializohet vetëm për muzikë kontemporane, tjetra për muzikë baroku, klasike, romantike etj. Formohet një traditë e qëndrueshme dhe ajo mbrohet gati me fanatizëm. Ta zamë, salla e njohur Olympia e Parisit e cila kultivon muzikën e popullarizuar (muzikën e lehtë estradeske) e tipit të një Edith Piaf, Iv Montan, etj., më 1969 tenton ta ndryshojë fizionominë, të etabluar me kohë, me organizimin e koncertit të pianistit të famshëm György Cziffra dhe të disa emrave të tjerë të muzikës klasike. Por publiku (i këtyre emrave të mëdhenjë të muzikës klasike) i cili është mësuar që ata ti shohë në sallat e tjera standarde, nuk i ka vizituar koncertet, spjegimi ka qenë i thjeshtë, “në sallën në të cilën mban koncerte edhe një Johnny Holliday ose Charles Aznavour etj.(!), nuk dëshiron të dëgjojnë një koncert të muzikës serioze”.

Natyrisht, kjo neve, nga perspektiva jonë, e një mesi, në të cilën ruajtja e traditës për objektet (kjo vlenë edhe për thesarin kulturor) kulturore nuk është e thelluar dhe ku rrethanat nuk kanë mundësuar që “një sallë koncertale” (çfarëdo qoftë ajo) tek ne t’a fitojë identitetin e vet, kjo është e çuditshme. Së këndejmi ne jetën muzikore e zhvillojmë në objekte që nuk kanë biografi të veten.

Mosnjohja e termit “sallë koncertale”

Vendi kryesor që ne e trajtojmë si “sallë koncertale” (Salla e Kuqe e Pallatit të Rinisë) nuk i plotëson asnjë prej kushteve për një sallë koncertale. Pastaj në këtë sallë organizohen edhe gjëra që nuk i takojnë një salle të vërtet koncertale (ta zëmë, pos koncerteve të të gjitha zhanreve, mbahen tubime politike, svilatet mode, ajo ndonjëherë shërben për panaire shitjeje librash bile edhe panaire të ushqimeve bujqësore (!).

Pse gjendja është kështu, natyrisht nuk është vështirë që të gjenden arsye, meqë ato janë të shumta. Megjithatë burim inicial pse kjo gjendje është sepse për ambientin tonin kulturor ende nuk është e qartë dallimi në mes sallës koncertale dhe sallave të tjera si tipi i sallës universale apo sallës së operës (!) etj. Koncertet simfonike dhe kamertale nuk mbahen në mënyrë cilësore në sallat universale (që janë të dedikuar edhe për variete) apo në podiume të operës. Natyrisht se mund të mbahen, tekefundit ato mund të mbahen edhe në vende të hapura edhe në stadiume, por gjiri i tyre i natyrshëm është vetëm salla koncertale. Kjo mosnjohje është vërejtur shumë mirë në përpilimin e “strategjisë kulturore” në Ministrinë tonë, lidhur me ndërtimin e një salle koncertale, ku këto ngatrime kanë qenë tejet të theksuara deri në banalitet.

Tërë këtë galimacias e sforcojnë në një anë udhëheqësit e politikës tonë kulturore, në anën tjetër gazetarët diletant që me një pakujdesi operojnë me tema dhe me nocione që nuk i njohin, por kësaj i kontribuojnë edhe vetë muziktarët meskin që plasojnë “vizione” naive personale dhe janë ata në të vërtet, që nuk lejojnë që të qartësohen gjërat.

Ndërtimi i objekteve kapitale në mese të ngritura kulturalisht, zakonisht iu prinë një kultivimi i një “masës kritike” për një realizim të till. Gjërat strategjike nacionale nuk bëhen me vizione provincialiste, lokale, partiake etj. Duhet të ekzistojë një pajtueshmëri (koncezus) në mes shtresave të interesuar dhe shtresave vendimmarrëse – pra, të puntorëve kulturor, establishmentit politik dhe shtetëror, por edhe opinionit të gjërë. Ndoshta, gjeneratës më të vjetër mund t’iu kujtohet ndërtimi i sallave koncertale qendrore në Zagreb dhe në Ljublanë – sallat “Vatroslav Lisinski” dhe “Cankarjev dom”). Ato janë ndërtuar me pregaditjet dhjetëvjeçare, në arritjen e “pikës kritike” të senzibilizimit të opinionit. Përfundimisht, kur këto projekte janë konsideruar dhe trajtuar prej të gjithëve si arritje kulminante nacionale dhe shtetërore, është marrë vendimi për ngritjen e tyre. Pikërisht për shkak të flijimit të madh nacional, ato sot mund të konsiderohen si arritje e respektueshme edhe për ambientin kulturor të Europës perendimore.

Për një sallë koncertale në Prishtinë

Pyetje në fund do të ishte se në ç’fazë ne gjendemi, mendimi im është që medoemos institucionet tona duhet të zhvillojë një debat me ekspertët (jo vetëm “ekspertët” meskin dhe partiak) e të gjitha fushave ku do të qartësohen gjërat, dhe pastaj të fillohet me marrjen e vendimeve të mëdha. Mendoj në ambientin tonë kulturor, edhepse ndonjëherë e artikuluar në mënyrë të plogësht, është duke u formuar një kërkesë e qartë, për ndërtimin e një salle koncertale.

Koncertet që janë duke u organizuar me artistë të vendit dhe të huaj, koncertet të rangut europian që janë duke u mbajtur në festivalet ndërkombetare që tash disa vite organizohen këtu, ekzistimi i Filharmonisë së Kosovës, publiku i mrekullueshëm me të cilën artistët nga bota vazhdimisht befasohen, artistët tanë të rinj, instrumentistët tanë e forcojnë këtë kërkesë. Ambienti ynë muzikor e meriton një sallë koncertale./KultPlus.com

Ibrahim Rugova, nuk pati nevojë ta paguante askënd, që të shkruante libra për të

Posted on by KultPlus

Shkruan: Ndue Ukaj

Ibrahim Rugova, sa qe gjallë, nuk pati nevojë ta paguante askënd, që të shkruante libra për të, për të fituar nder dhe lavdi.

Ai, sa qe gjallë, nuk u mposht kurrë. Ai, edhe për së vdekuri, vazhdon t’ i tremb kundërshtarët e tij të politikës.

Rugova, nderin dhe lavdinë e fitoi me punë, dije dhe dashuri të vërtetë për vendin. Dhe, këto vlera e virtyte, ia pranoi dhe ia vlerësoi e gjithë bota e përparuar. Në këtë mënyrë, ai e shkroi librin e tij, në zemrat qindra mijëra shqiptarëve, që e mbajnë për Atin e pavarësisë së Kosovës.
Prandaj, të tentosh ta përbaltësh atë, është njësoj si të tentosh ta pështysh diellin./KultPlus.com

Sonte “Natën, Má” në Teatrin Metropol të Tiranës, Ilire Vinca rolin kryesor

Posted on by KultPlus

Drama e skenaristes amerikane Marsha Norman “Natën, Má” ka rikthyer si regjisore Ema Andrean. Premierra me regji të Andreas do të jetë nga sonte e deri më 6 maj në skenën e Teatrit të Metropolit, pra plot 13 ditë .

Puna për veprën ka disa kohë. Ema Andrea ka zgjedhur që të interpretojnë në rolet kryesore aktoret Ilire Vinca dhe Egla Cenon. Është hera e parë që kjo vepër ngjitet në skenën e një teatri në Tiranë, ndërsa më parë është vënë në skenën e Prishtinës.

Vepra tregon fatin e një nëne dhe bijës së saj Xhesit. Pjesa nis me rrëfimin e Xhesit e cila duhet ti thotë së ëmës që në mëngjes do të vdesë.

Si do ndihej një nënë nëse fëmija i thotë qartë, ftohtë, vendosur, me bindje dhe pa emocion që mbrëmja që po kalojnë bashkë, është mbrëmja e fundit! Që kur të thotë natën e mirë, do hyjë në dhomën e vet dhe do vrasë veten. Xhesi është një grua e divorcuar e cila jeton me të ëmën. Asgjë deri tani nuk i ka ecur siç duhet ndaj ajo ndjehet e humbur. Prej kohësh vuan nga një depresion kronik. Thelma është nëna e saj, e cila duhet të përballojë depresionin e së bijës.

Shfaqa sjellë dramën fituese të çmimit Pulitzer dhe të çmimit të Teatrit Botëror nga autorja Marsha Norman.

Muzikën për këtë shfaqje e ka bërë Bojken Lako, muzikantë do jenë Endi Aron Cekani, Rei Kondakçiu, skenografina e shfaqjes është realizuar nga Enjo Shehi kurse identiteti vizual Vincenzo Giannattasio.

Shfaqja do të ngjitet në skenë sonte, më 20 prill, dhe do të shfaqet deri më 6 maj, nga ora 19:00 në Teatrin Metropol të Tiranës.

Thënie nga Osho: Jeta fillon aty ku merr fund frika

Posted on by KultPlus

“Nëse e dashuron një lule, mos e këput.
Sepse nëse e këput, ajo vdes dhe puhson së qëni ajo që dashuron.
Kështu që, nëse e do një lule, lëre të jetë.
Dashuria nuk është zotërim.
Dashuria është vlerësim”.
“Përjetoje jetën në gjithë mënyrat e mundshme…
e mirë-e keqe, e hidhur-e ëmbël, errësirë-dritë,
verë-dimër. Përjeto gjithë dualitetet.
Mos ki frikë nga eksperienca, sepse
sa më shumë eksperiencë që të kesh, aq
më i pjekur do të jesh”.

“Trishtimi jep thellësi. Lumturia jep lartësi. Trishtimi jep rrënjë. Lumturia jep degë. Lumturia është si një pemë që ngjitet drejt qiellit, dhe trishtimi është si rrënjët që shkojnë poshtë në tokë. Të dyja nevojiten, dhe sa më lart të hskojë një pemë, aq më thellë shkon, njëkohësisht. Sa më e madhe pema, aq më të mëdha rënjët. Në fakt, janë gjithmonë në proporcion. Ky është ekuilibri i saj”
“Të jesh krijues do të thotë të jesh në dashuri me jetën. Ti mund të jesh krijues, vetëm nëse e do jetën mjaftueshëm, sa që të duash t’i rrisësh bukurinë, të duash të sjellësh pak më shumë muzikë, pak më shumë poezi, pak më shumë vallëzim”

“Miqësia është dashuria më e pastër. Eshtë forma më e lartë e dashurisë, aty ku nuk kërkohet asgjë, nuk ka kushte, ku njeriu thjesht jep dhe e shijon”
“Jeta fillon aty ku merr fund frika”
“Hiq dorë nga ideja për t’u bërë dikushi, sepse ti je tashmë një kryevepër. Nuk mund të përmirësohesh. Vetëm duhet që ta kuptosh kush je”
“Duke rënë në dashuri, ti mbetesh fëmijë; duke u rritur në dashuri, ti maturohesh. Me kalimin e kohës, dashuria bëhet jo një marrëdhënie, por një gjendje e qenies tënde. JO se je në dashuri – ti tani je vetë dashuria”.
“Kurajo është një marrëdhënie dashurie me të panjohurën”./KultPlus.com

Kjo është lista e ngushtë e The Man Booker International Prize 2018

Posted on by KultPlus

Juria e këtij çmimi ka bërë të ditur titujt e librave si dhe emrat e të nominuarve e që janë: “Vernon Subutex” i Virginie Despentes (Francë), “The White Book” i Han Kang (Korea e Jugut), “Wa (Spanjë), “Frankenstein in Baghdad” i Ahmed Saadaëi (Irak) dhe “Flights” i Olga Tokarczuk (Poloni).

Gjashtë shkrimtarë nga gjashtë vende të ndryshme të botës tashmë kanë hyrë në garën e ngushtë për të fituar çmimin prestigjioz të letërsisë “The Man Booker International Prize 2018”.Juria e këtij çmimi ka bërë të ditur titujt e librave si dhe emrat e të nominuarve e që janë: “Vernon Subutex” i Virginie Despentes (Francë), “The White Book” i Han Kang (Korea e Jugut), “World Goes On” i László Krasznahorkai (Hungari), “Like a Fading Shadoë” i Antonio Muñoz Molina (Spanjë), “Frankenstein in Baghdad” i Ahmed Saadaëi (Irak) dhe “Flights” i Olga Tokarczuk (Poloni).

Përmes këtij çmimi, që jep një fitues të vetëm çdo edicion, puna e përkthyesve shpërblehet në mënyrë të barabartë, me vlerë monetare prej 50,000 funtesh, që ndahen midis autorit dhe përkthyesit. Përveç kësaj, çdo autor dhe përkthyes që është nominuar do të marrin 1,000 euro secili. Për këto nominime që juria ka zgjedhur sivjet janë shqyrtuar 108 libra.

Javë më parë, kur u bë publikua lista e parë me 13 shkrimtarët potencial për të fituar këtë çmim, Lisa Appignanesi, kryetare e panelit gjykues të çmimit ndërkombëtar të “Man Booker 2018” është shprehur e kënaqur që lista finale e të nominuarve ka sjellë një diversitet autorësh.

“Analizimi i propozimeve për çmimin ndërkombëtar të ‘Man Booker’ ka qenë një aventurë joshëse. Ne kemi udhëtuar nëpër vende, kultura e imagjinata deri sa kemi arritur në këtë listë, që mund të ishte një listë edhe më e gjatë. Kjo listë prezanton një pasuri talentesh e formash të ndryshme dhe disa shkrimtarë pak të njohur në gjuhën angleze më parë.

Ka shkrimtarë të mëdhenj dhe ne shpresojmë që lexuesit të marrin sa më shumë kënaqësi në zbulimin e punës së tyre, ashtu siç bëmë edhe ne”, ka thënë Appignanesi. Çmimi “Man Booker” bashkë me çmimin “Man Booker për Fiksion” shpërblejnë më të mirët e globit që botohen në Mbretërinë e Bashkuar.

Ky çmimi sponsorizohet nga Man Group, një firmë aktive për menaxhimin e investimeve, e cila gjithashtu sponsorizon çmimin “Man Booker për Fiksion”. Fituesi i çmimit “Man Booker Prize” do të shpallet më 22 maj, në një darkë në Muzeun Victoria & Albert në Londër.

Më parë me këtë çmim të rëndësishëm të letërsisë është vlerësuar dhe shkrimtari ynë Ismail Kadare, ndërsa dy vjet më parë libri i tij “Kamarja e turpit” ishte sërish kandidat për këtë çmim nën përkthimin e John Hodgson, përgatiti Express. (b.an)

Luan Bajraktari me ekspozitë në Vjenë, hapë një “BÜRO X” brenda ambienteve të Ambasadës

Posted on by KultPlus

Në ambientet e Ambasadës së Republikës së Kosovës në Vjenë, është hapur mbrëmë ekspozita e Luan Bajraktarit, e titulluar “BÜRO X”.

Luan Bajraktari ka treguar përvojën e tij në lidhje me këtë ekspozitë, duke iu referuar edhe ambientit ku është hapur, ku sipas tij, ka qenë një hapësirë jo lehtë e menaxhueshme. “Vetëm hapësira ku kam prezantuar ekspozitën më ka bërë që të mendoj dy muaj më herët se si të prezantohem në këtë ambient”, ka thënë Bajraktari për KultPlus, i cili ka shpjeguar më tutje se krejt sfida ka qenë se me cfarë projekti të prezantohet që të funksionojë me hapësirën.

“Kam vendosë që të prezantohem me ekspozitën “BÜRO X”, që prezantimi të jetë në harmoni me hapësirën por edhe hapësira me prezantimin, pastaj kam punuar që kjo ekspozitë të ketë një lidhje të fortë edhe me personat që punojnë aty, që të ndërlidhet me hyrjet dhe daljet brenda një institucioni”, ka thënë Bajraktari, i cili ka njoftuar se kjo ekspozitë ngërthen mediume të ndryshme.

Kurse për kuratorin e kësaj ekspozite, Lulzim Zeqiri, Bajraktari i ngre monument gjërave të vogla, dhe frymëzimin e merr nga mënyra e jetës në ambientet e vendlindjes. “Me gjasë të nisura nga kujtimet e fëmijërisë këto forma artistike janë rezultat i kërkimit të një përgjigjeje për natyrën njerëzore. I frymëzuar nga mënyra e jetës në ambientet e vendlindjes, ai i bënë monument gjërave të vogla të cilat kishin rëndësi të madhe për ekzistencën e tij” ka thënë Zeqiri. I kënaqur me këtë ekspozitë ka mbetur edhe Ambasadori i Republikës së Kosovës në Austri, Sami Ukelli, që bëri hapjen zyrtare të saj./KultPlus.com

KONKURS za nagrade koje dodeljuje Ministarstvo kulture, omladine i sporta u oblasti vizuelnih umetnosti

Posted on by KultPlus

REPUBLIKA E KOSOVËS
REPUBLIKA KOSOVA
REPUBLIC OF KOSOVA

QEVERIA E KOSOVËS / VLADA KOSOVA /GOVERNMENT OF KOSOVA

MINISTRIA E KULTURËS, RINISË DHE SPORTIT
MINISTARSTVO ZA KULTURU, OMLADINU I SPORTA
MINISTRY OF CULTURE,YOUTH, SPORTS

Departamenti i Kulturës / Departman za Kulturu / Department of Culture

U svrhu razvoja, unapređenja i promovisanja vizuelne umetničke kreativnosti, a u skladu sa Uredbom br. 14/2016 o dodeli Nacionalne nagrade za životno delo „Muslim Mulliqi“ i godišnje nagrade za dostignuća u oblasti vizuelnih umetnosti, objavljuje Ministarstvo kulture, omladine i sporta:

KONKURS
Za nagrade koje dodeljuje Ministarstvo kulture, omladine i sporta u oblasti vizuelnih umetnosti.

Pozivaju se svi zainteresovani da predlože kandidate za dodelu Nacionalne nagrade za životno delo „Muslim Mulliqi“ i godišnje nagrade za dostignuća u oblasti vizuelnih umetnosti, koji su svojim umetničkim stvaralaštvom ostavili duboke tragove u oblasti vizuelnih umetnosti.

Nacionalna nagrada za životno delo „Muslim Mulliqi“.
• Ova nagrada se dodeljuje izuzetnim ličnostima u oblasti vizuelne umetnosti za profesionalno postizanje, vrednovanje i poseban doprinos unapređenju vizuelne umetnosti. Nagrada se može dodeliti nakon smrti autora.

• Nagrađeni dobitnici mogu biti svi stvaraoci vizuelne umetnosti.

• Nagrada se dodeljuje samo građanima/državljanima Republike Kosovo.

Godišnja nagrada za dostignuća u oblasti vizuelnih umetnosti:
• Godišnja nagrada za dostignuća u oblasti vizuelne umetnosti dodeljena je istaknutim stvaraocima za dostignuća u odnosu na prethodnu godinu.

• Godišnja nagrada za dostignuća u oblasti vizuelne umetnosti – data je za ove žanrove:
1. za sliku;
2. za skulpturu;
3. za grafiku;
4. za keramiku;
5. za crtanje;
6. za grafički dizajn;
7. za umetničku fotografiju;
8. za video i konceptualnu umetnost;
9. za performans;

• Ocenom profesionalnog žirija, godišnja nagrada za dostignuća u oblasti vizuelne umetnosti može se dodeliti za dva stvaraoca.
• U posebnim slučajevima, kada se proceni da radovi ne ispunjavaju profesionalno-profesionalne kriterijume, Profesionalni žiri ne dodjeljuje godišnju nagradu za odgovarajuću kategoriju.
• Nagradu se dodeljuje samo građanima Republike Kosovo.

Konkurs za nacionalnu nagradu za životno delo „Muslim Mulliqi“ i Godišnju nagradu za dostignuća u oblasti vizuelne umetnosti moguć je u vidu predloga od strane:
1. Akademija nauka i umetnosti Kosova;
2. Nacionalna galerija Kosova;
3. Fakulteti umetnosti javnih i privatnih univerziteta Republike Kosovo;
4. Profesionalna udruženja (asocijacije) vizuelne umetnosti.

• Evaluaciju i odluku za dodelu nagrade donosi profesionalni žiri sastavljen od 3 člana.

• Predlog pomenutih institucija treba da sadrži: pismeno obrazloženje, biografiju nominovanog i drugi prateći materijal za nominovanog, ukoliko je to relevantno za odgovarajuću nagradu.

• Institucije koje se bave imenovanjem treba da donesu fotografiju dela u tri (3) kopije, a ne nužno i CD sa snimljenim materijalom ili bilo koji drugi vizuelni dokumentarni materijal.

• Predlog mora potpisati šef institucije / udruženja / asocijacije koja ima pravo na predlog.

• Pisani predlog mora biti poslat najkasnije u roku od 30 dana od dana objavljivanja takmičenja, pri arhivi MKOS-a, za Departman za kulturu, u Kancelariji br. 022 (Adresa: MKOS, 10.000 Priština, ulica „Majka Tereza“br. 35).

Predlozi sa dokumentacijom koja nije kompletna neće biti razmatrani.

KONKURS për çmimet që i ndanë Ministria e Kulturës, Rinisë dhe Sportit në fushën e Artit Pamor

Posted on by KultPlus

REPUBLIKA E KOSOVËS
REPUBLIKA KOSOVA
REPUBLIC OF KOSOVA

QEVERIA E KOSOVËS / VLADA KOSOVA /GOVERNMENT OF KOSOVA

MINISTRIA E KULTURËS, RINISË DHE SPORTIT
MINISTARSTVO ZA KULTURU, OMLADINU I SPORTA
MINISTRY OF CULTURE,YOUTH, SPORTS

Departamenti i Kulturës / Departman za Kulturu / Department of Culture

Me qëllim të zhvillimit, avancimit, dhe promovimit të krijimtarisë të artit pamor, dhe në pajtim me Rregulloren NR. 14/2016 për Dhënien Çmimit Kombëtar për Veprimtari Jetësore “Muslim Mulliqi” dhe Çmimit Vjetor për të Arriturat në Fushën e Artit Pamor, Ministria e Kulturës, Rinisë dhe Sportit shpall:

KONKURS
Për çmimet që i ndanë Ministria e Kulturës, Rinisë dhe Sportit në fushën e Artit Pamor.

Ftohen të interesuarit që të propozojnë kandidatët për Çmimin Kombëtar për Veprimtari Jetësore “Muslim Mulliqi” dhe Çmimit Vjetor për të arriturat në fushën e Artit Pamor, që u jepen krijuesve të dalluar, të cilët me krijimtarinë e tyre artistike kanë lënë gjurmë të thella në fushën e Artit Pamor.

Çmimi Kombëtar për Veprimtari Jetësore “Muslim Mulliqi”.
• Ky Çmim u ndahet personaliteteve të shquara në fushën e artit pamor për të arriturat profesionale, për ngritjen e vlerave dhe për kontributin e veçantë në avancimin e artit pamor. Çmimi mund të jepet edhe pas vdekjes së autorit.

• Laureat të Çmimit mund të jenë të gjithë krijuesit e fushë së artit pamor.

• Çmimi mund ti ndahet vetëm shtetasve të Republikë së Kosovës.

Çmimi Vjetor për të Arriturat në Fushën e Artit Pamor
• Çmimi vjetor për të arriturat në fushën e artit pamor u jepet krijuesve të dalluar për të arriturat gjatë vitit paraprak.

• Çmimi vjetor për të arriturat në fushën e artit pamor – jepet për këto gjini:
1. për pikturë;
2. për skulpturë;
3. për grafikë;
4. për qeramikë;
5. për vizatim;
6. për dizajn grafik;
7. për fotografi artistike;
8. për video art dhe art konceptual;
9. për performancë;

• Me vlerësimin e Jurisë Profesionale, Çmimi vjetor për të arriturat në fushën e artit pamor mund t`u jepet dy krijuesve.
• Në raste të veçanta, kur vlerësohet se veprat nuk plotësojnë kriteret artistike – profesionale, Juria Profesionale nuk jep Çmim vjetor për kategori përkatëse.

• Çmimi mund ti ndahet vetëm shtetasve të Republikë së Kosovës.

Konkurrimi për Çmimin Kombëtar për Veprimtari Jetësore “Muslim Mulliqi” dhe Çmimit Vjetor për të Arriturat në Fushën e Artit Pamor mund të bëhen përmes propozimeve nga:
1. Akademia e Shkencave dhe e Arteve të Kosovës;
2. Galeria Kombëtare e Kosovës;
3. Fakultet e arteve të universiteteve publike dhe private të Republikës së Kosovës;
4. Asociacionet (shoqatat) [profesionale të artit pamor.

• Vlerësimin për ndarjen e çmimeve e bënë Juria Profesionale e përbërë nga 3 anëtarë.

• Propozimi që bëhet nga institucionet e lartpërmendura duhet të përmbajnë: Arsyetimin me shkrim, CV-in e të nominuarit si dhe materialet tjera përcjellëse për të nominuarin, nëse janë relevante për çmimin përkatës.

• Institucionet nominuese duhet të sjellin foton e veprës në tri (3) kopje dhe jo domosdoshmërish CD-në me incizim, ose ndonjë material tjetër vizual dokumentues.

• Propozimi duhet të firmoset nga titullari i institucionit/asociacionit/shoqatës që ka të drejtën e propozimit.

• Propozimi me shkrim duhet të dërgohet jo më larg se 30 ditë nga dita e shpalljes së Konkursit, në Arkivin e MKRS-së, për Departamentin e Kulturës, në Zyrën nr. 022 (Adresa: MKRS, 10.000 Prishtinë, Rruga “Nëna Terezë” nr. 35).

Propozimet me dokumentacion jo të kompletuar nuk do të shqyrtohen.

Ekskluzive: Kur fisnikët shqiptarë e vizituan Vjenën në vitin 1917, Imzot Kacorri i printe delegacionit (FOTO)

Posted on by KultPlus

Në mesin e prillit të vitit 1917, një delegacion prej 34 shqiptarësh, të ftuar nga komandanti i forcave ushtarake austriake qe gjindeshin në territoret shqiptare, gjenerali Ignaz Freiherr Trollmann, vizitoj kryeqytetin perandorak austriak Vjenë.

Nga Pjeter Logoreci

Delegacioni që arriti në Austri me 17 prill, u prit në stacionin qëndror hekurudhorë nga shumë personalitete ushtarake dhe diplomatike perandorake, si gjeneralet Trollmann e Myrdacz, gjenerali Ritter von Gross, konsulli Rudnay si dhe gazetari i njohur perandorak Leo Freundlich (i cili ka shkruar e dokumentuar të detajuara momentet e vizitës së delegacionit shqiptar gjatë gjithë kohës, të cilat janë referenca ime në këtë shkrim).

Qellimi i ardhjes së përfaqësuesve shqiptare ishte një takim nderimi me perandorin e ri Karl, si dhe për të bërë homazhe tek varri i perandorit Franz Josef.

Delegacioni, në përberje të cilit ishin burrat më në zë(prijës) nga të gjithë territoret shqiptare, bëri pershtypje të madhe nëqytet. Prijësit e fisem malësore shqiptare të veshur me kostumet e tyre kombëtare, shumëngjyrëshe, të qendisur me fije arit, ndiqeshin me vemendje nga vjenezët, gjatë vizitave të tyre të shumta në pikat më të spikatura të qytetit.Njerzit ishin të befasuar nga pamja kranare e burrërore e këtyre burrave shtatëlartë me mustaqe kreshnikësh që njiheshin deri atë herë vetëm në shkrimet apo veprat e publikuara nga studiusit albanologë austriak. Turma kureshtare njerzish mbushnin trotuaret, kur delegacioni kalonte në makina luksoze, pajtonet karakteristike vjeneze apo në ndonjë vagon special tramvaji, për të shijuar bukuritë e qytetit më në zë europian. Grupi shoqërohej nga Profesorët Gjergj Pekmezi dhe Kolë Rrota që jetonin e punonin në Vjenë.

Në arkivat e ministrisë së jashtme të kohës së perandorisë Austro – Hungareze, gjinden informacione konfidenciale, të cilat janë dërguar (në shifër) nga konsulli austriak në Shqiperi Kral, ministrit të jashtëm kontit Ottokar Czernin, në Vjenë. Dokumentet janë lista që përmbajnë emrat e të ftuarve, e ku për secilin të ftuar, gjindet një pershkrim i shkurtër biografik i bërë nga konsullatat austriake në Shqipëri. Dokumenti i parëështë dërguar nga Shkodra dhe mband datën 10 prill 1917. Listat jane te formuluara sipas ndarjeve te rretheve apo qyteteve:

Bezirku I – RRETHI I SHKODRES

Musa Efendi Juka, Kryetar Bashkie i Shkodres, rrjedh nga një familje e përmendur shkodrane. Në kohën e turkut ai ishte nënpunës i lartë i finanzave në vilajetin e Shkodres. Mbas pushtimit të qytetit nga malazezët (1913) u largua për në Konstantinopel, por me pas u kthye përsëri në Shkoder ku ndihmoj shumë në përhapjen e politikës së turqve të rinj. Për këtë arsye, mbas pushtimit të dytëtë qytetit nga malazezët (1915), u mbajt në burg për një muaj. Eshtë Kalorës i urdhërit të Franz Josefit.

Kol Ujka , tregtar ( ka zevendësuar Gjon Cobën i cili për arsye shëndetsore ka lajmëruar mos marrjen pjesë në grup) Gjon Coba, vjen nga një familje e njohur katolike shkodrane. Babai i tij ishte për 40 vjet përkthyes i konsullatës së pergjithëshme austriake në Shkoder, punë të cilën e ka kryer me nder. Ai ka mbajtur me ne lidhje të ngushta e për këtë në vitin 1915 u internua nga malazezët e Podgoricës. Ai është si babai i tij, një tregëtar i madh.

Hassan Efendi Bekteshi, rrjedh nga një familje e vjetër shkodrane. Eshtë tregëtar i madh. Gjyshi i tij, ishte në kohën e vezirit Mustafa Pasha “Kuluktishibash”, postëkomandant i Shkodres, babai i tij ishte “Bylykbash”, perfaqësues i malesive në Shkoder. Hasan Efendi është politikisht në anen tonë. Në vitet 1914/1915 ndihmoj politikën e turqve të rinj, që vepronte kundër Essad Pashës, prandaj u kap dhe u burgos nga malazezët per një muaj.

Vat Marashi, Bajraktar i Shkrelit. Mudir (administrator)i Pulaj në kohë të turkut dhe të fuqive nderkombëtare. Ai kishte lidhje shumë të mira me autoritetet turke, por pas qëndrimit të njeanshëm poshtërues të turqve u vendos në krah të malësorve. Në pushtimin e parënga malazezët u internua si mbeshtetës i turqve. Ai është një politikan i mirëfilltë dhe një orator i talentuar.

Gjelosh Gjoka, Vojvoda i Kastratit, bashkëpunetori ynë i sinqertë. Ishte në sherbim të princit Wied në Durrës e mbas ikjes së tij u kthye në Kastrat përseri. Kur ushtritë malazeze kaluan kufirin shqiptar ai largohet për në Shkoder (1915). E gjithë pasunia e tij u plackit dhe u dogj në mungesë të tij. Eshtë mbajtës i kryqit të arit për merita.

Abdi Kola, Bajraktari i Shoshit

Hasan Ahmeti, Vojvoda i Postripës

Për Lezhën:

Mano Bey Mehmed Bey, rrjedh nga një familje shumë e vjetër dhe e permendur nga Lezha. Babai, gjyshi si edhe ai vetë ishin Mudir të malsisë së Lezhës. Familja e tij është pronare e madhe tokash.

Ded Coku nga Bregu i Matit,vjen nga fisi Klementi (Nikci), ishte perpara shumë i pasur, por e humbi një pjesë te pasurisë (tokave)për shkak të rebelimit të tij kundër pushtetit osman, luftës kundër rebelleve të Shijakut dhe kundër Essad Pashës. Ai është nacionalist i flakët shqiptar dhe perkrahës i hapur i Austro Hungarisë. Ka luftuar ne anën tonë kundër armiqve të perbashkët. Eshtë mbajtës i Kryqit të artë për merita të vecanta.

Mehmed Bey nga Lezha

Bezirku III – Për Pukë e Mirditë

Kapitan Nue Gjoni, vëllai i kapitanit të Mirditës Marka Gjoni, kushëri i Prenk Bib Dodës. Pasardhës i familjes së permendur Gjon Markaj nga Oroshi. Përkrahës i monarkisë Austro Hungareze. Mori pjesë në luftimet kundër rebelve të Shijakut, kundër serbëve dhe Essad Pashës.

Zef Ndoci, Vojvoda i Spacit ( i biri i Ndoc Ndrecës, komandant i Mirditës në kohë të turkut). Ka qënë për shumë vjet mësues në shkollën e famullisë së Spacit. Mori pjesë aktive në qëndresën kundër turqve, në luftën kundër serbëve dhe kundër Essad Pashës të cilit i shkaktoj dëme të mëdha. Shqiptar nacionalist dhe simpatizant i monarkisë Austro Hungareze. Mbajtës i kryqit të artë për merita të vecanta.

Zejnel Aga Ibalja, Vojvoda i Iballës, nga një familje shumë e permendur dhe e pasur. Ai luftoj bashkë me Bajram Bey Currin kundër serbëve dhe Essad Pashës në krah të prinzit Wied. Eshtë i njohur për miqësinë me ne.

Bezirku i IV

Muharrem Pengili nga Kruja, përpara Mufti, tashti Naib-Mufti në Krujë. Një klerik shumë i njohur dhe shumë burrëror muhamedan.

Ahmed Bey nga Mati, përfaqësues e trashëgimtar i fisit zotërues të Matit, Zogolli që trashëgoj nga rregjimi turk ofiqin Kajmakam. Luajti një rol të rëndësishëm në autonominë e Shqipërisë. Luftoj kundër serbëve dhe ishte një kundërshtarë i Essad Pashës. Vuri në dispozicion të ushtrisë tonë kur hymë në Shqipëri, 4000 – 5000 luftëtarë vullnetarë të cilët luftuan në frontin pranë Vjosës. Eshtë nderuar me urdhërin më të lartë të Kaiserit Franz Josef.

Bezirku i V – Rrethi i Tiranës

Mussa Maci, perpara ishte Kryetar Bashkie, familje me zë, tregtar dhe qytetar tiranas me ndikim shumë të madh në Tiranë.

Xhelal Bey, nga familja e Toptanve, kushëri por kundërshtar i Essad Pashës. Pronar i madh tokash. Politikan dhe burrë i mencur.

Për Durrësin

Izzeddin Beshiri, ishte perpara Nën- Perfekt e tashti Kryetar Bashkie i Durrësit. I ri në moshë, por shumë inteligjent dhe i gatshëm të ndihmojë kudo. Vjen nga një familje e mirë. Bashkëpunëtor i zellëshëm i administratës tonë qysh në fillim të okupimit. Mban kryqin e artë me kurorë për merita të vecanta.

Monsignor Nikollë Kacorri, Protonotar Papnuer, famullitarë i Durrësit, nacionalist dhe mbështetës i monarkisë Austro Hungareze. Prift i përkushtuar. Burrë me inteligjencë e personalitet të vecantë.

Për Kavajen

Kassim Bey, nga një familje e permendur. Shumë i pasur, Kryetar Bashkie i Kavajës.

Shehziver Bey, nip i Eliaz Pashës nga Dibra – Ohri. Nip i të shumë njohurit e të nderuarit nga Shqipëria e mesme Aqif Pashës. Ka ndihmuar gjatë ardhjes së trupave tona dhe bullgare me vullnetare. Në gjashtë muajt e parë të vitit që shkoj ishte Perfekt i Elbasanit. Eshtë i dekoruar si kalorës i Franz Josefit.

Për Elbasanin

Lef Nossi, i besimit ortodoks, nga një familje e pasur tregëtare kristiane, me gjithë rrezikun e madh në kohë të qeverisë turke, ka organizuar njerzit, shumica nga banorët ortodoks të Elbasanit, për një levizje nacionale shqiptare. Ishte minister për postë dhe telegraf në qeverinë e Ismail Qemal Beyt dhe sekretar i pergjithëshëm në të njëjtën ministri në kohë të Wiedit.

Irfan Bey nga Elbasani, nip i Aqif Pashës

Për Berat e Skrapar

Sami Bey Vrioni, pjestar nga familja e vjetër Vrioni që janëzotërues tokash e pasanikët latifondistë më të mëdhenjtë në zonën e Devollit. Eshtë dhëndërri i Essad Toptanit, ishte Administratori i oborrit (Hofmarschall) te Prinz Wied-it.

Mehmed Essad, një klerik mohamedan shumë i përmendur, përpara ishte myftiu i Beratit, tashti drejtues i seminarit muhamedan aty.

Demeter Lavda, i besimit ortodoks grek, burrë i përmendur dhe tregëtare i njohur.

Për Lushnjën

Ahmed Bey Resuli, vjen nga një familje e vjetër dhe e përmendur, shumë i pasur.

Emin Vokopola, një burrë me shumë autoritet, shumë i njohur dhe pasanik.

Për Fierin

Kahreman Bey Vrioni, kushëri i afërt i Samy Bey Vrionit, i pasur dhe i nacionalist. Luftoj si oficier kundër rebeleve dhe Essad Toptanit, ka arritur suksese të mëdha në këtë luftë duke i prirë trupave tona, është i besuari jonë dhe është Kalorës i urdhërit të Franz Josefit.

Bezirku i VI – Zhuri – Peshkopija

Elez Jussuf, është një burrë shumë i njohur dhe me autoritet në zonat e Drinit nga Dibra. Eshtë i besuari ynë, bëri qëndresë ndaj disa grupeve në Diber duke propaganduar influencën gegë. Kundërshtoj hapur propagandën e partisë së Essad Toptanit. Luftoj në krye të vullnetarve kundër serbëve deri në tërheqjen e tyre. U vu në sherbim të forcave tona dhe ka fituar për merita lufte urdhërin e lartë si oficier i Franz Josefit.

Salih Spahija nga Luma, është përfaqësues i familjes më të rëndësishme në Lumë, ka luftuar kundër Serbve, është nënprefekt në administraten tonë. Ka shumë influencë.

Për Krasniqin

Hysni Bey Curri, nip i Bajram Bey Currit. Në kohën e reformave në Maqedoni (1914), bashkë me Bajram Currinishte ndjekës i Hysni Hilmi Pashës, inspektorittë komisionit të reformave. Në kohën e revolucionit të Kosovës (1910) bashkë me Bajram Currin mori pjesë në qëndresen e shqiptarve kundër qeverisë turke. Në të njëjtën kohë mori pjesë në cdo levizje e qëndresë kundër sllavëve si dhe në luftimet e Princit Wied në Durrës.

Sali Mani Bunjaj, është pjestar i një familje të njohur dhe të pasur. Ka qënë dhe është kurdoherë një ndjekës i Bajram Currit.

Hasan Bey Prishtina, është një nga njerëzit më të përmendur, nacionalist dhe me influencë në të gjitha zonat verilindore që janë shqipfolëse. Ishte minister në qeverisjen e princit Wied

Delegacioni në shoqerinë e gjeneralit Trollmann vizitoj shumë objekte të artit, të kulturës e të historisë së perandorisë. Viziten e parë e bëri tek Dhoma e Thesarit të perandorisë prej ku më pas në Museun e Artit ku patën rastin të njihen e të kundrojnë nga afër armët dhe perkrenaren e heroit tonë kombëtare Gjergj Kastrioti që ndodhet në dhomën e koleksionit të armëve. Një vizitë tjetër e rëndësishme ishte edhe nëkatakombet e kishës së Kapucineve ku ndodhen varrezat e pjestarëve të familjes perandorake dhe sarkofagu i Kaiserit Franz Josef, i cili kishte pak muaj që kishte vdekur (21 nentore 1916). Këtu u vendos një kurorë me lule dhe u mbajtën fjalime falenderuese, nga Gjergj Pekmezi dhe Hasan Prishtina,në nderim të perandorit të vdekur. Ditët e tjera, u mundësuan vizita në Museum ushtarak, Katedralen madhështore të Shën Stefanit në qendër të qytetit, e më pas u bë edhe audienza ku delegacioni ynë u prit nga Perandori Karl dhe Perandoresha për rreth 45 minuta. Në emër të shqiptarve zotëri Xhelal Toptani i dhuroj princeshës së vogel tre vjecare, një fustan të qendisur me fije ari, punë dore e nënave shqiptare. Nga takimi me perandorin, shqiptarët të hypur ndër 10 makina ushtarake, vizituan bashkinë e Vjenës ku u pritën me nderime nga kryetari Dr. Weiskirchner.

Sipas programit te vizitës, delegacioni shijoj dhe bukurinë e “vallëzimit të kuajve të racës” në shkollën spanjole të kuajve të oborrit perandorak, më pas u njoh me koleksionet e pashëmbullta e unikale të muzeut të natyrës, të cilin perandori e kishte ndertuar për të kënaqur ndjesitë e tija dhepër ti treguar botës fuqinë dhe pasurinë e perandorisë.
Gjëja me interesante në ditën e tretë të ardhjes, ishte shkuarja e grupit në operan e famëshme të Vjenës ku atë natë luhej “FIDELIO”. Për shumë pjestarë të delegacionit kjo ishte një risi që nuk kishin pasur mundësi më perpara ta shijonin.

Me 20 prill, shqiptarët u priten në ministrinë e mbrojtjes (të luftës) ku kembyen me ministrin falenderime e lavde reciproke e më pas delegacioni vizitoj kështjellën e Schönbrunnit me bukuritë e saj që e rrethojnë. Në orët e vona të natës një pjesë e delegacionit ishte parashikuar të largohej nga Vjena në drejtim të atdheut e për to u organizua nga autoritetet një festë percjellje.
Në programin javor ishte edhe një takim me femijët shqiptarë të cilët shkolloheshin në Vjenë e qëjetonin në një konvikt të vecantë vetëm për to, në Krottenthalergasse.
Ajo që bëri pershtypje në festen madhështore të lamtumirës ishte fjala që mbajti komandanti i forcave austriake në Shqipëri, gjenerali Trollmann i cili pershëndeti fisnikët shqiptar për ndihmën e madhe të dhënë për organizimin e ndihmave, të ushtrisë e vullnetarve. Në fund të fjalës së tij ai thirri në gjuhën shqipe: RROFTE SHQIPNIA…

Mbrapa e mori fjalën Imzot NIKOLLE KACORRI, i cili tha që shqiptarët ishin më se të kënaqur për pritjen e bërë në këtë qytet të mrekullueshëm për nga bukuria e kultura. Në emër të gjithë të deleguarve ai falenderoj për pritjen e ngrohtë që u bëri atyre PERANDORI dhe autoritetet e tjera të shtetit e të qytetit. Në fund Imzot Kacorri me fjalë të ngrohta falenderoj dhe i dëshëroj gjithë të mirat gjeneralit Trollmann për simpatinë që ai ushqente për popullit shqiptar, urim që u brohorit nga të gjithë të pranishmit pjestarë të delegacionit. Delegacioni shqiptar u nis për në atdhe me 23 prill 1917.
Shenim: Imzot Kacorri vdiq pas afro nje muaji ne Wien (29 maj 1917)…/KultPlus.com

Lorik Halilaj dhe ngjashmëria e tij me zërin e Johnny Cash (VIDEO)

Posted on by KultPlus

Gili Hoxhaj
Lorik Halilaj është i ri në moshë por që me zërin, kitarën e pianon e tij, shpesh merr përsipër të luaj edhe këngë të artistëve më të vjetër, shkruan KultPlus.

Përmes zërit e kitarës, ai së fundmi ka realizuar një pjesë të këngës së Johnny Cash “I walk the Line”. Kjo këngë veçohet për muzikalitetin e vokalit depërtues dhe të thellë, ndërsa përmes zërit të Lorik Halilaj, vërehet një ngjashmëri e jashtëzakonshme e interpretimit me këngëtarin e njohur amerikan.
Fusha e studimit të Lorik Halilaj është krejt e ndryshme me muzikën, të cilës ia kushton një pjesë të madhe të kohës së tij. Ai tregoi për KultPlus se familja e tij ka qenë gjithnjë dëgjuese e muzikës së kohës së rock and rollit, jazz- pop –it etj dhe si e tillë ka kontribuar shumë në rritjen e pasionit të tij për muzikën.

“Interesimi im që të merrem me muzikë është formuar atëherë kur e mora një dhuratë prej prindërve që ka qene një tastierë, lodër e vogël. Atëherë kam qenë vetëm 12 vjeçar dhe aty kam pasur mundësinë që t’i mësoj akordet dhe meloditë e para”, tregoi Lorik Halilaj, i cili shtoi se hera e parë kur brenda tij do të shpërthente pasioni i tij për t’iu përkushtuar më seriozisht muzikës, ka qenë momenti kur ka luajtur në piano për herë të parë, në moshën 15 vjeçare.

Zëri i artistit të njohur amerikan Johnny Cash ka qenë një nga zërat e këngëtarëve të parë që do të dëgjonte Loriku si fëmijë. Arsyeja përse ai ka zgjedhur të sjellë një pjesë nga kënga “I walk the Line”, është fakti se këtë këngë e ka dëgjuar me vite dhe si e tillë ia kthen nostalgjinë e fëmijërisë.
“Për arsye se ka qenë njëra ndër këngët e mia të preferuara të tij edhe krahas shume kohëve nostalgjike prej fëmijërisë që mi kujton i është përshtatë vokalit tim shumë”, tregoi Loriku.

Krejt në fund po ju sjellim edhe këtë version të shkurtër të këngës “I walk the Line”, interpretuar nga Lorik Halilaj./ KultPlus.com

“Bekimi i Plisit të Moisiut”, sjellë copëza jete të aktorit Çun Lajçi (FOTO)

Posted on by KultPlus

“Bekimi i Plisit të Moisiut” është libri më i ri i Çun Lajçit që u promovua sot në Bibliotekën Kombëtare të Kosovës. Ky libër me një gjuhë të thjeshtë të një njeriu nga Rugova arrin që të komunikojë me lexuesin duke i treguar shumë momente nga gëzimet e hidhërimet e jetës së aktorit Çun Lajçi.

Gili Hoxhaj

Jeta e tij në skenë, në shumë personazhe e marrëdhënia e tij me shumë njerëz, e sjellë këtë libër me gjallëri duke ndërfutur shumë copëza të jetës së tij. Si i tillë, ky libër është i bazuar në detaje nga memoria e aktorit dhe është një homazh për të gjithë njerëzit që kanë kaluar në jetën e tij.

Në mesin e të pranishmëve, sot pjesëmarrësit treguan për rëndësinë e librit dhe vlerat e autorit. Para kësaj, me plisin e tij në kokë e fyellin në duar, ai solli një performancë artistike përmes recitimit të një nga poezitë e tij. E gjithë ceremonia e përurimit të këtij libri u udhëhoq nga poeti Agim Doçi, i cili fillimisht lexoi një letër të kryeministrit Ramush Haradinaj, që ishte shkruar për të përuruar këtë libër. Doçi pati shumë fjalë e emocione gjatë përurimit të librit ndërsa shtoi se veprimtaria e autorit Çun Lajç duhet vlerësuar si pasuri kombëtare.

“Lus që Çuni të mos i kuptoj vlerat e veta se ndryshe nuk do i kishte folur shumëkujt që nuk i di vlerat e Çun Lajçit. Ai është memoria e dëshmorëve dhe heronjve të kombit”, u shpreh Doçi gjatë promovimit të librit.

Nazmi Rrahmani tha se Çun Lajçi përmes këtij libri sjellë një mozaik të përgjithshëm të punës, jetës dhe qëndrimeve të tij. Ai po ashtu tha se aktori përmes këtij libri arrin dy qëllime që të tregojë rrugëtimin e tij gjatë jetës dhe kontaktet me njerëzit dhe që lexuesin ta dërgoi në ato ngjarje e momente qe nuk kanë qenë vetëm të tij, por edhe të gjitha gjeneratave të asaj periudhe.
“Me rrugëtimin e tij jo vetëm artistike me rolet e luajtura nga vepra të ndryshme, ai ka diçka tjetër, diçka më plotësuese që nganjëherë gjatë punës dhe jetës së tij nuk është vërejtur, prandaj ndalet tash dhe i shkruan këto kujtimet të cilat e plotësojnë figurën e njeriut dhe aktorit të njohur Çun Lajçi”, tha Rrrahmani gjatë fjalës së tij, ndërsa shtoi se këto copëza të jetës e kujtojnë një dhjetëvjeçare të viteve 90-ta.

Pas tij, fjalën e mori shkrimtari Besnik Mustafai i cili tha se beson se ky libër është një kontribut shumë i dobishëm, pasi që kujtimet e tij të shkruara përbëjnë pasuri kombëtare dhe të gjithë personalitetet me standarde të tilla duhet t’i shkruajnë kujtimet e tyre. “Për mua është aktori më i madh shqiptar që është gjallë dhe më besoni si një shkrimtar, si një njëri i letrave po e them se është edhe një shkrimtar shumë i mire” , tha ndër të tjera Mustafai, duke shtuar se edhe përse ky libër sjellë disa copëza të ndara mund të lexohet si një roman pasi që marrëdhëniet dhe tregimet kanë një koherencë brenda vetes.

Ky libër është botuar nga Shtëpia Botuese “Buzuku”, andaj për botuesin e këtij libri, Abdullah Zenelin, botimi i librit të autorit Çun Lajçi është një privilegj. Ai tutje tregoi një detaj nga libri i parë, se si mes bisedash e kishte inkurajuar Lajçin që ato që po i tregon të ulet dhe t’i shkruaj.
“Kur e botova librin e parë ma tregoi një detaj që ishte margaritar dhe para se të arrij kulmin e asaj që më thoshte i thash “Ndal” dhe u habit, i thash “Ndal, ulu dhe shkruaj dhe pastaj flasim”, dhe me siguri nga respekti dhe mbështetja morale ai i hyri punës një pas një deri tek libri që u kurorëzua sot, faleminderit Çun që ky detaj ndikoi që ta shkruaj në libër”, tregoi botuesi Abdullah Zeneli.
Mes fjalëve të tij, Zeneli ftoi aktoren Safete Rugovën për ta nderuar aktorin me një buqetë të luleve.

“E filluam karrierën para 50 viteve, me ndjenja atdhedashurie u rritëm dhe u edukuam gjithë jetën, si kolege e falënderoj Çunin për të gjitha ato role e personazhe që i dhuroi teatrit, ndërsa si lexuese e falënderoj për të gjithë këta libra që i solli viteve të fundit”, u shpreh aktorja Rogova, për aktorin Çun Lajçi.

Krejt në fund fjalën e mori autori i librit, Çun Lajçi i cili tha se sot në kokë mban plisin, sepse dëshiron t’i respektoj rrënjët e tij. Ai tha se përmes këtij libri ka thënë gjithçka që s’ka mundur të thotë në skenë.

“Jo pse jam më patriot se ata që na udhëheqin, jo se jam më pak trim, por që vi prej një rraje që kemi pasur me çka të krenohem e kam trashëguar prej babai tim, që të eci në shputat e mija pa e marr parasysh a do të më qohet pluhuri mbrapa”, tha aktori Çun Lajçi. Ai tutje tha se ky libër nuk është thjeshtë një autobiografi dhe se nuk e ka filluar si autobiografi, po për të treguar se në jetë ka mësuar shumë nga të tjerët.

Krejt në fund para se të pranishmit të takoheshin me autorin për ta uruar për librin, ai emocionoi të pranishmit me një pjesë të librit. Rrëfimi i tij tregonte për jetën e tij prej aktori në moshën 22 vjeçare, ku pak momente para se të sjellë para publikut rolin e Hamletit në Teatër, merr njoftimin e vdekjes së nënës së tij, të cilën ditën e nesërme do ta gjente poshtë varrit të mbuluar nga bora. / KultPlus.com

Artistët shqiptarë të Vjenës me një mbrëmje artistike, mjetet e grumbulluara do të shkojnë për Bekim Lumin

Posted on by KultPlus

Artistët shqiptarë që jetojnë dhe veprojnë në Vjenë të Austrisë do të prezantohen me një mbrëmje artistike, shkruan KultPlus.

Kjo mbrëmje artistike i dedikohet regjisorit kosovar Bekim Lumi, i cili po përballet me një sëmundje të rëndë, ku mjetet nga kjo mbrëmje do të shkojnë pikërisht në fondin e Bekim Lumit.

Artistët pjesëmarrës në këtë mbrëmje janë: Lorika Ismajli (Soprano), Flaka Goranci (mezzo soprano), Valentina Dubovci (recitim), Visar Kasa (Vokal & Piano), Ferdi Fanaj (violinë), Mennan Bërveniku (piano) dhe Astrit Alihajdaraj, ku ky i fundit do të prezantojë filmin e tij të shkurtë “The Remigrant”.

Përpos këtij filmi, në këtë mbrëmje do të prezantohet edhe interpretimi i veprave më të njohura shqiptare dhe atyre ndërkombëtare, duke përfshirë edhe këngët “Baresha”, “E dehur jam” dhe këngë të tjera të njohura.

Mbrëmja do të mbahet të martën, në Brick-5 Fünfhausgasse 5 1150 në Vjenë, kurse hyrja për të parë këtë mbrëmje është vetëm 10 euro./KultPlus.com

Romani “Psycho” do të promovohet edhe në Shkup

Posted on by KultPlus

Romani psiko-triler “Psycho” i Ilir Muharremit tashmë i njohur për publikun, do të promovohet më 19 prill në librarinë e Çarshisë në Shkup. Në promovim, publiku mund të zhvilloj edhe debat rreth romanit dhe mund t’i bëjë pyetje autorit. Për librin do të flas studiuesi i artit Faruk Buzhala.

Një roman i një zhanri të tillë në Kosovë vjen për herë të parë dhe ngjarja në roman është kjo: Ideja e romanit të tij “Psycho” qe e zhvillon përmes personazhit të tij boksier i karrierës e nxjerr atë jashtë ‘ringut’ letrar të letërsisë shqipe duke iu kundërvy absurdeve me absurd përmes sportivitetit deri të kanibalizmi. Kryepersonazhi i cili me plot dëshirë identifikon veten me Mike Taysoni-n, rrëfen jetën e tij në një bar nate i ulur në banak dhe karshi tij qëndron një kameriere jo shumë e bukur. Mirëpo, ai është boksier i dështuar, pasi që gjen kënaqësi në bixhoz, ai humb tërë pasurinë. Nga ky dështim, gruaja e tij divorcohet dhe ikën me të dy fëmijët e saj. Kjo ndikon shumë në personalitetin e tij, dhe ai strehohet në shishen e qelqtë të alkoolit. Gradualisht fillojnë t’i shfaqen simptomat e psikopatisë dhe devijimi i personalitetit, por në një rrëfim intim me vajzën e banakut, ai tregon për fëmijërinë e tij. Ai kishte torturuar kafshët, dhe i vetmuar me orë të tëra rrinte pranë zjarrit. Simptomë e një psikopati të vërtetë. Ai shtiret si i ndjeshëm, por nuk është i ndjeshëm dhe nuk duhet t’i besohet, por vajza në banak i bindet sepse psikopatët kanë shumë talent t’i bindin të tjerët. Ajo rrëshqet në rrëfimet e “ëmbla” të tij. Gjatë dialogut, ai herë-herë me vështirësi mbanë raporte të mira me të, sepse psikopatët çalojnë shumë.

Promovimi i këtij libri në Shkup do të mbahet prej orës 18:00./KultPlus.com

“Tinguj nga bjeshkët e Rugovës” u prezantuan në Köln të Gjermanisë

Posted on by KultPlus

Shoqata kulturore URACult e.V. në Köln në këtë fundjavë organizoi një koncert klasik, ku muzikantë të shquar dhe pedagogë të Fakultetit të Muzikës së Universitetit “Haxhi Zeka” në Pejë, sollën një program të larmishëm me vepra të kompozitorëve shqiptarë nga Kosova dhe Shqipëria.

Nën moderimin e pianistit dhe dirigjentit Desar Sulejmani, pianistet Syzana Jakupi, Mimoza Pajaziti – Drançolli, mexosopranoja Besa Berberi, flautistja Dardane Nallbani, klarinetisti Fatbardh Gashi e oboisti Arsim Kelmendi prezantuan para publikut shqiptaro – gjerman në Altes Pfandhaus në Köln një program të larmishëm me vepra të muzikës së dhomës nga Bashkim Shehu, Rafet Rudi, Rauf Dhomi, Isak Shehu, Viçens Gjini, Trimor Dhomi, Drinor Zymberi, Valton Beqiri.

Ky ishte koncerti i dytë i radhës, që shoqata kulturore URACult organizon me muzikë klasike në Köln. Synimet e kësaj shoqate janë bashkëpunimet e vazhdueshme mes artistëve nga vendet shqiptare në Ballkan dhe komunitetit shqiptaro – gjerman që jeton dhe është integruar prej vitesh në Gjermani.

Edhe koncerti i fundit afroi një game të gjerë veprash dhe stilesh kompozicionale, të cilat zgjuan interes dhe vëmendje të veçantë tek të pranishmit. Edhe një herë kultura shqiptare nga të dy anët e kufirit politik mundësoi ngritjen e urave të bashkëpunimit, arriti të tregoj vlerat e saja universale për të qenë e denjë me simotrat e saja evropiane. URACult dëshmoi edhe një herë me organizimin e aktiviteteve të ngjashme në lëmin e kulturës, se është një përcjellës dhe mbështetës i palodhshëm i zhvillimeve më të mira artistike shqiptare në Gjermani./KultPlus.com

KONKURS për Çmimin Kombëtar për Vepër Jetësore “Bekim Fehmiu” dhe “Çmimin vjetor për Kinematografi”

Posted on by KultPlus

REPUBLIKA E KOSOVËS
REPUBLIKA KOSOVA
REPUBLIC OF KOSOVA

QEVERIA E KOSOVËS / VLADA KOSOVA /GOVERNMENT OF KOSOVA

MINISTRIA E KULTURËS, RINISË DHE SPORTIT
MINISTARSTVO ZA KULTURU, OMLADINU I SPORTA
MINISTRY OF CULTURE,YOUTH, SPORTS

Departamenti i Kulturës / Departman za Kulturu / Department of Culture

Me qëllim të zhvillimit, avancimit, dhe promovimit të krijimtarisë filmike, dhe në pajtim me Rregulloren NR. 04/2012 për Ndarjen e Çmimeve për Kinematografi, Ministria e Kulturës, Rinisë dhe Sportit shpall:

KONKURS

Për çmimet që i ndanë Ministria e Kulturës, Rinisë dhe Sportit në fushën e Kinematografisë.
Ftohen të interesuarit që të propozojnë kandidatët për Çmimin Kombëtar për Vepër Jetësore “Bekim Fehmiu” dhe “Çmimin vjetor për Kinematografi” që u jepet krijuesve të dalluar, të cilët me krijimtarinë e tyre kanë lënë gjurmë të thella në fushën e kinemtografisë.

Çmimi Kombëtar për Vepër Jetësore ”Bekim Fehmiu”.
• Ky Çmim u ndahet personaliteteve të shquara të fushës së kinematografisë për suksesin, të arriturat gjatë karrierës, risitë dhe kontributin e veçantë në avancimin e kinematografisë. Ky Çmim mund ti jepet edhe pas vdekjes së autorit.

• Laureat të çmimit mund të jenë: producentet, regjisoret, skenaristët, aktorët, drejtoret e fotografisë, skenografët, kostumografët, kompozitorët, animatorët dhe krijuesit që në mënyrë kreative kontribuojnë në kinematografi.

• Çmimi mund ti ndahet vetëm shtetasve të Republikë së Kosovës.

“Çmimi Vjetor për Kinematografi”
• Ky çmim i ndahet çdo vit, autorit për veprat filmike të realizuara gjatë vitit paraprak kalendarik.

• Çmimi Vjetor për Kinematografi, sipas vendimit të jurisë, ndahet çdo vit vetëm në njerën nga këto kategori: producenti më i mirë, regjisori më i mirë, skenaristi më i mirë, aktori/a më i/e mirë, drejtorit të fotografisë, skenografi më i mirë, kostumografi më i mirë, kompozitori më i mirë dhe animatori më i mirë.

• Çmimi mund ti ndahet vetëm shtetasve të Republikë së Kosovës.

Konkurrimi për çmimet për Kinematografi mund të bëhet personalisht ose përmes propozimit nga:
1. Akademia e Shkencave dhe e Arteve të Kosovës;
2. Qendra Kinematografike e Kosovës;
3. Produksionet Filmike të regjistruara në Kosovë;
4. Shoqatat e Filmit të regjistruara në Kosovë;
5. Fakulteti i Arteve në Universitetin e Prishtinës.

Vlerësimin për ndarjen e çmimeve e bën juria profesionale e përbërë nga 5 anëtarë.

Propozimi që bëhet nga institucionet e lartpërmendura duhet të përmbajnë: Arsyetimin me shkrim, CV-in e të nominuarit dhe materialet tjera përcjellëse audiovizuele për të nominuarin.

Propozimi duhet të firmoset nga titullari i institucionit/asociacionit që ka të drejtën e propozimit.

Propozimi me shkrim duhet të dërgohet deri më 11. Maj 2018, në Arkivin e MKRS-së, për Departamentin e Kulturës, në Zyrën nr. 022 (Adresa: MKRS, 10.000 Prishtinë, Rruga “Nëna Terezë” nr. 35).

Propozimet me dokumentacion jo të kompletuar nuk do të shqyrtohen.

Shpella e Gadimës, shpella e vetme e mermerit në Evropë

Posted on by KultPlus

KultPlus ju sjellë pak histori nga Shpella e Gadimës e cila gjendet në fshatin Gadime në afërsi të Lipjanit.

Ajo është e gjatë 1500 metra, mirëpo për turistët është i mundshëm shikimi i vetëm 1300 metrave të para të shpellës, pasi që për pjesën tjetër të shpellës ende nuk janë të mundshme kalimet.
Shpella e Gadimës është shpella më e njohur në Kosovë dhe aktualisht është e vetmja e përgatitur për vizitorë në Kosovë. Pasuri e shpellës, që e bënë të veçantë është prezenca e aragoniteve të cilat si stoli shpellore janë dukuri të rralla.

Kristalet e këtyre stolive në shpellë paraqiten në galerinë e Aragoniteve të cilat karakterizohen me forma dhe drejtime të ndryshme të shtrirjes të cilat shpellën e bëjnë posaçërisht interesante dhe tërheqëse.

Në aspekt hidrologjik shpella e Gadimës është e pasur me ujëra nëntokësore. Në të njëjtin horizont paraqiten të gjitha llojet e ujërave të shpellave: ujërat e kondensuar, pikues, rrjedhës dhe qëndrues duke e shndërruar shpellën e Gadimës në objekt të veçante në aspekt hidrologjik.

Shpella e Gadimës paraqet fenomen karstik unik jo vetëm në Kosovë por edhe më gjerë. Në shpellë si duket ka edhe disa dukuri tjera natyrore siç është liqeni madhësia e të cilit mund të jetë 15 deri 25 metra. Mendohet që liqeni, kur të rregullohet, të kalohet me varka. Pjesa poshtë liqenit quhet Fyti i Shpellës.

Kristalet e rralla që gjenden në këtë shpellë nuk gjenden në shumë vende botërore prandaj këto kristale kanë vlerë evropiane. Nga madhësia e rritjes së kristalit në një cm për 30,000 vjet kjo rrjedh se shpella është e vjetër 80,000 vjet.

Në shpellë gjenden shumë simbole të formura nga këta kristalë: Peshku, Mjekra e Skënderbeut, Gjarpri, Romeo e Zhulieta etj./KultPlus.com

Gjilani me pulla postare, Haziri e vlerëson si ditë historike (FOTO)

Posted on by KultPlus

Kryetari i Komunës së Gjilanit, Lutfi Haziri, ka pranuar zyrtarisht pullat postare me pamje të qytetit nga ana e kryeshefit ekzekutiv të Postës së Kosovës, Sejdi Hoxha.

Haziri me këtë rast e falënderi Postën e Kosovës që e ka zgjedhur Gjilanin për ta promovuar emisionin e ri të pullave postare.

“Është nder i veçantë për Gjilanin që tashmë e kemi pullën postare dhe ju falënderoj shumë për këtë. Mund të them se kjo është ditë historike për qytetin tonë”, tha Haziri.

Kryeshefi ekzekutiv i Postës së Kosovës, Sejdi Hoxha, tha se theksoi se në pullat postare janë dy pamje të Gjilanit, ajo e vitit 1925 dhe e vitit 2018, si simbolikë e të resë me të vjetrën.

“Në kuadër të emisionit të pullave postare me komunat si Postë e kemi përzgjedhur Gjilanin për promovim. Pullat janë simbol i mirë sepse e prezantojnë qytetin dhe vlerat kudo në botë. Urime juve dhe gjithë qytetarëve të Gjilanit”, ka thënë Hoxha./KultPlus.com

MKRS mbështet me 4.500 euro promovimin e frankofonisë në Kosovë

Posted on by KultPlus

MKRS ka nënshkruar sot një memorandum bashkëpunimi me Alenacën Franceze të Prishtinës.

Në njoftimin për media theksohet se qëllimi i këtij memorandumi është mbështetja financiare për projektet e “Promovimit të Frankofonisë në Kosovë” dhe bashkëpunimin në fushën e aktiviteteve për promovimin e Frankofonisë në Kosovë.

Sipas këtij memorandumi, Ministria e Kulturës, Rinisë dhe Sportit për Aleancën Franceze në Kosovë ndan 4,500 euro.

Kryetarja e Aleancës Franceze të Prishtinës Dafina Bytyqi, falënderoi Ministrinë e Kulturës, Rinisë dhe Sportit për mbështetjen.

Parapagimi për RTK-në, refuzohet nga qytetarët e Kosovës

Posted on by KultPlus

Për shkak se Radio Televizioni i Kosovës nuk ka gjetur mënyrë përkatëse afatgjate të financimit përveç mjeteve që i ndanë Kuvendi i Kosovës, është shqyrtuar mundësia që mjetet e nevojshme të sigurohen përmes parapagimit mujor e që do të realizohej duke e ngarkuar edhe më shumë faturen e rrymës e cila, për shumë qytetarë është bërë e papërballushme aq më parë që qytetarët, për vite të tëra janë plaçkitur duke e paguar energjinë elektrike për serbët e veriut e që deri me tani, përkundër zotimeve, nuk janë kompensuar.

Këshilli për Mbrojtjen e të Drejtave e të Lirive të Njeriut përmes një komunikate për media thotë se sigurimi i buxhetit përmes parapagimit detyrues është zbatuar para luftës në Kosovë, në kohën kur RTP ka qenë transmetuesi i vetëm publik dhe nuk ka pasur mundësi të tjera për informim përveç RTP-së.

Qytetarët i kanë deklaruar KMDLNj-së se ngarkimi i tyre me parapagim për financim të RTK-së është i padrejtë dhe ngarkim i dyfishtë, indirekt dhe direkt. Mënyra indirekte është përmes Buxhetit të Kosovës (taksat e qytetarëve të Kosovës) dhe direkte, përmes parapagimit duke u fryrë faturat e rrymës, për nevoja të RTK-së.

“Qytetarët e Kosovës, në tregun informativ kanë mundësi të përcaktohen për alternativa tjera që sipas tyre ofrojnë programe më të mira dhe për çka paguajnë detyrime në baza mujore. Në pakon e ofertave të transmetuesve kabllovike, për të cilat paguhen shërbimet është mundësia që të përcillet edhe RTK, për ata që kanë interesim andaj nuk është e drejtë, është e palogjikshme, kundër të drejtave të konsumatorit, si njëra ndër të drejtat e njeriut që qytetarët të detyrohen ta paguajnë parapagimin për RTK-në, kundër vullnetit të tyre”, thuhet në komunikatën për media.

Sipas KMDLNJ-së, eshtë krejtësisht normale dhe e drejtë që qytetarët të përcaktohen se cilën ofertë informative- mediale e përkrahin dhe për këtë e paguajnë parapagimin mujorë apo vjetor. Sipas tyre, nëse vendoset që RTK të sigurojë mjete financiare përmes detyrimit të paguajnë prapagimin si ngarkesë shtesë e faturave të rrymës, kjo do të paraqiste futje të dhunshme e duarve të RTK-së në xhepat e qytetarit, do të ishte e kundërligjshme, e dënueshme dhe lehtësisht ( sigurisht) do të rrëzohej në Gjykatën Kushtetuese.

KMDLNJ konstaton se RTK nuk menaxhohet si duhet, ka mbipopullim të madh të të punësuarve kryesisht në baza politike dhe nepotiste ku joprofesionalizmi e ka ngulfatë profesionalizmin andaj programet që emitohen në këtë medium publik nuk janë konkuruese me programet e televizoneve tjera .

Sipas Këshillit, RTK duhet të nxirret nga ndikimi 100% i politikës, duhet të krijojë hapësirë për profesionistë të fushave të ndryshme sikur edhe të ulë numrin e të punësuarve, në përputhje me nevojat reale për këtë medium publik. RTK duhet të jetë medium që do të sigurojë mjete financiare duke shitur prodhimet e saj ne tregun e mediave dhe jo të japë mjete të panevojshme për blerje te lajmeve, informatave apo filmave që u ka kaluar arsyeshmëria e përdorimit e të cilat aspak nuk e rrisin shikueshmërin apo që bëjnë përmirësime cilësore të programeve. Dhe që janë me çmime shumë të larta.

KMDLNj e kundërshton fuqishëm çdo përpjekje që parapagimi për RTK-në përmes faturave të rrymës të legalizohet sepse konsideron këtë formë si plaçkitje ordinere, kundërligjore dhe kundër të drejtave të njeriut.

“Komisioni paralamentar për media i Kuvendit të Kosovës nuk mund të jetë rregullator e as mbikëqyrës i punës së RTK-së sepse një pjesë e këtij Komisioni ka konflik të hapur interesi dhe raporte nepotiste”, thuhet në komunikatë.

Sipas KMDLNJ-së, RTK mund të arsytojë kërkesën për mjete shtesë buxhetore vetëm nëse e rrit cilësinë e programeve, nëse vendosë rregull në punësim, nëse profesionalizohet dhe përfundimisht nëse lirohet nga ndikimi politik. Cdo përpjekje që t’i zgjatet jeta një gjendjeje të tillë do të jetë zgjatje e agonisë informative dhe programore që pashmangshëm shpie te legalizimi i joprofesionalizmit, nepotizmit dhe korrupcionit, aktiv dhe pasiv./Insajderi.com

Ky është “Ferrari” i Bebe Rexhës (VIDEO)

Posted on by KultPlus

Këngëtarja shqiptare sapo ka prezantuar Ferrarin e saj, shkruan KultPlus.

Po nuk bëhet fjalë për ndonjë makinë të re të Bebes, por është kënga e saj më e re që sapo është lansuar e që e ka titulluar me “ I’m A Ferrari”.

Këngën e saj e ka sjellë me audio, por në të njëjtën kohë ka sjellë edhe tekstin e kësaj kënge.
KultPlus ju sjellë këtë këngë, e cila është kënga e dytë që ka lansuar brenda një dite, duke përfshirë edhe këngën 2 Souls on Fire.


Romani “Dushkaja” i Jusuf Buxhovit, nesër do të promovohet në Gjakovë

Posted on by KultPlus

Nesër, në Gjakovë, në Bibliotekën e Qytetit, në orën 12:00, promovohet romani i Jusuf Buxhovit “Dushkaja”, shkruan KultPlus.

Këtë promovim, autori ua kushton shkrimtarëve të brezit që i takoi: Ali Podrimja dhe Teki Dërvishi në shenjë të nderimit të veprës së tyre të madhe letrare.

Promovimi i “Dushkajës”, në ditët në vijim, do të bëhet edhe në Prshtinë, Prizren, Pejë, Gjilan, Ferizaj, Mitrovicë, Viti dhe disa qendra të tjera. /KultPlus.com

MKRS mbështetë Fondacionin “Ibrahim Kodra” me dhjetë mijë euro

Posted on by KultPlus

Në kabinetin e ministrit të Kulturës, Rinisë dhe Sportit, Kujtim Gashi, është nënshkruar edhe një memorandum bashkëpunimi me “Ibrahim Kodra-Swiss Foundation”, shkruan KultPlus.

Qëllimi i këtij memorandumi është mbështetja financiare për aktivitetet e arkitektëve të rinj nga Kosova me rastin e pjesëmarrjes në ngjarjen kolaterale “New Urbanistic” në Bienalen e Arkitekturës së Venedikut për vitin 2018, për promovimin dhe përkrahjen kulturore, gjatë vitit 2018.
Sipas këtij memorandumi, Ministria e Kulturës, Rinisë dhe Sportit për “Ibrahim Kodra Swiss Foundation” ndan mjetet financiare në vlerë prej 10 mijë euro.

Kryetarja e këtij fondacioni Maria Pacolli, falënderoi Ministrinë e Kulturës, Rinisë dhe Sportit për mbështetjen e dhënë duke theksuar se kjo mbështetje financiare ka rëndësi të veçantë për arkitektët e rinj të cilët do të jenë një përfaqësim i denjë në Bienalen e Arkitekturës së Venedikut për vitin 2018./KultPlus.com