Autor: KultPlus

Libri “Terrori i Serbisë Pushtuese…” i Nusret Pllanës edhe ekspozita e Florie Lule Bajraktarit u prezantuan në Malmo të Suedisë (FOTO)

Posted on by KultPlus

Qendra Kulturore e Kosovës në Suedi në kuadër të Takimeve të Dhjetorit, organizoi një promovim libri dhe një hapje ekspozite.

Një promovim i organizuar bukur, por peshoi rëndë në zemrat e njerëzve me përmasën e kujtimit e forcën e dhembjes. Kujtimi, jo harresa lehtësonte, paçka se dhembte shumë. Ekspozita thellonte mendjet skutave të frymëzimit e freskonte shpirtërat me magjinë e pikturimit. Promovimi i librit Terrori i Serbisë Pushtuese mbi Shqiptarët 1844 – 1999, dokumentarit Dëshmitë e Heshtura, të Dr. Nusret Pllanës, dhe i ekspozitës Drejt lirisë, të Florie Lule Bajraktarit, u cilësua ngjarje e rëndësishme kulturore me të cilën Qendra Kulturore Shqiptare me seli në Malmö, përmbylli me sukses aktivitetin e vet për vitin 2017.

Qendrën kulturore dhe promovimin e radhës e nderuan me pjesëmarrje edhe deputetët e Partisë Social Demokrate në Parlamentin suedez, zonja Hillevi Larsson dhe Adnan Dibrani. Zonja Larsson përshëndeti publikun dhe autorët e pastaj u ndal shkurtimisht në të vërtetat historike e politike të Kosovës, shikuar nga këndi i suedezës. “Jam e lumtur që Suedia nga më të parat shtete njohu pavarësinë e Kosovës”-tha Larsson. Adnan Dibrani është deputet në parlamentin suedez, i rajonit të Hallandit. “Do të flas e do ta përhap kudo në institucionet suedeze veprën e Dr. Nusret Pllanës”, premtoi Adnani. Fjalë të mira për veprën e N. Pllanës dhe veprimtarinë e Qendrës Kulturore foli edhe Besnik Hoti, zëvendës ministër i Ministrisë së Punëve të të Jashtme të Kosovës. Hoti premtoi përkrahjen e Ministrisë së Jashtme për aktivitete të tilla të mërgatës sonë kudo në botë.

Kurse, me emrin e Florie Lule Bajraktarit lidhej edhe ekspozita që u hap po këtë ditë. Ekspozita përbëhej prej pikturave më të bukura të autores e cila së bashku me piktorët si Sali Lutolli, Shyqri Gjurkaj, Rrustem Bujupi, Visar Ulaj, Sejdi Zeka e të tjerë, ka pasuruar traditën e pikturës e skulpturës shqiptare në Skandinavi. /KultPlus.com

Libri poetik i Ibrahim Kadriut edhe në greqisht (FOTO)

Posted on by KultPlus

Në Greqi, këto ditë u botua libri poetik i shkrimtarit Ibrahim Kadriu, me titull “Κλεμμενος Χρονος” (Kohë e vjedhur), shkruan KultPlus.

Librin e ka përkthyer Iliaz Bobaj, shkrimtar dhe përkthyes i njohur i cili jeton dhe krijon në Greqi, i cili njëkohësisht ka bërë edhe përzgjedhjen. Libri ka 144 faqe, shqip dhe greqisht dhe përcillet me shënime mbi autorin, ndërkaq redaktore e këtij vëllimi është Panajota Hristopullu Zalloni, kryetare e Lidhjes së Shkrimtarëve Grekë. Botues është :Shoqata e Shqiptarëve “EMIGRANTI” Patra – Greqi. /KultPlus.com

Arkitektët më të njohur botërorë ndërtojnë qytetin e ëmbëlsirave, në mesin e tyre edhe Përparim Rama (FOTO)

Posted on by KultPlus

Disa nga firmat më të mëdha të arkitekturës në botë, ku përfshihet edhe firma e arkitektit kosovar Përparim Rama kanë marr pjesë në një projekt të veçantë së fundmi, në ndërtimin e një qyteti prej ëmbëlsirave, i titulluar si qyteti i Gingerbread, shkruan KultPlus.

CNN tregon se kjo ekspozitë është hapur së fundmi në Muzeun e Arkitekturës në Londër, ku metropoli në miniaturë është e mbushur me ndërtesa bashkëkohore , pothuajse tërësisht të ngrënshme, ndërsa u ngjajnë shtëpive të dimrit.

Arkitekti i njohur nga Kosova, Përparim Rama ka thënë se ky projekt ka qenë sfidë por në të njëjtën kohë i ka dhënë atij dhe ekipit të tij shumë kënaqësi.

“Ka qenë sfide por në të njëjtën kohë dhe shumë kënaqësi që të ndihmojmë në krijimin e qytetit të Gingerbread dhe të merrnin pjesë në këtë ekspozitë të veçantë dhe kuptimplotë. Faleminderit Muzeut të Arkitekturës që na ftoi. Dhe një falënderim shkon për të gjithë anëtarët e ekipit tonë në 4M Group dhe 4M Works për kaq shumë përkushtim”, ka shkruar arkitekti Rama.

Rreth 50 kompani të specializuara në arkitekturë, inxhinieri dhe peizazh kanë pjekur dhe ndërtuar struktura për projektin. Qyteti mburret me një kështjellë, një stadium dhe tre ura, së bashku me ndërtesat publike dhe zonat e banimit. Organizatorët thanë se, përveç mbledhjes s së parave për bamirësi, projekti mund të inkurajojë publikun që të angazhohet në planifikimin urban./KultPlus.com

Elbenita Kajtazi: I urrej me shpirt të gjithë udhëheqësit e vendit tim

Posted on by KultPlus

Sopranoja e njohur shqiptare Elbenita Kajtazi e cila po shënon një sukses të madh në skena të mëdha operistike, me fokus më të madh në Gjermani, sot ka goditur udhëheqësit e Kosovës, gjithnjë duke pas në vëmendje mospërmbushjen e standardeve për liberalizimin e vizave, shkruan KultPlus.

Ajo mes të tjerash ka shkruar se pikërisht duke poseduar pasaportën e Kosovës, ajo tashmë ka humbur shumë shanse në karrierë, por përpos kësaj, ajo mungesën e lëvizjes së lirë e ka lidhur edhe me familjen e saj. Për më shumë, më poshtë mund të lexoni reagimin e saj të plotë.

Sot , si ansjëherë më parë urrej me shpirt të gjithë udhëheqësit e vendit tim të dashur Kosovës , sot e mërzitur nuk ndihem aspak krenare për vendin që kam lindur !
Prindërve të mij sot iu refuzua viza për Amerikë pa kurfar arsye , edhe pse i kanë plotësuar të gjitha kushtet dhe normal parat që paguan dyt nuk u kthyen… !!!
Ju politikan që shetitni gjithë botën jazëk ju qoft që mbani të gjithë popullin e Kosovës të izoluar!
Për shkak të pasaportës Kosovare që unë posedoj kam humbur disa nga shancat më të mrekullueshme për të kënduar në disa shtëpi operistike botërore , sepse duhet të mirresha me dokumenta!
Ndjehem e frustruar e e mërzitur jashtëmase shumë sot !
Do ta dua vendin tim me shpirt gjithmonë por edhe do jem e stërlumtur kur të posedoj pasaportën Gjermane , që më jep liri udhëtimi në gjithë botën!/KultPlus.com

Të huaj jemi

Posted on by KultPlus

Poezi e shkruar nga Ismail Kadare

Të huaj jemi ne prej kohësh
Ç’ish për t’u thënë është thënë.
Si gurët që zënë vend në tokë
Një jetë vend ne kemi zënë.

Drejt njëri tjetrit kemi mbyllur
Të gjitha rrugët edhe shtigjet
Si dy qytete mesjetarë
Me mure, heshta dhe me pirgje.

Por natën kur i lodhur truri
Portat i Mbyll me qetësi,
Ti gjen një shteg dhe futesh mbrenda
Një shteg që vetëm ti e di.

Futesh dhe si n’rrugica parqesh
Shetit mes cirkonvolucionesh.
Hyn nëpër ëndrra e shkujdesur,
Fanitesh, qesh, ma bën me dorë.

Po kur mëngjesi zë ofrohet
Nis shqetësohesh befas ti.
Dhe heshturazi del përjashta
Nga shtegu që veç ti e di.

E dita vjen. Rrjedh prap jeta
Dhe ne të dy si dhe më parë
Të ftohtë rrimë e të pamposhtur
Si dy qytete mesjetarë./KultPlus.com

Klara Buda sjellë katër libra në Prishtinë: Mes Kosovës dhe Shqipërisë duhet të hiqet dogana e librit

Posted on by KultPlus

Gili Hoxhaj

“Pëshpërimë gruaje”, “Kosova mon amour”, “Rrëfenja kuteliane” , të gjitha këto libra duke përfshirë edhe përkthimin e Klara Budës në frëngjisht “Mon village sait boire le raki”, të rrëfenjës ‘Fshati im e pi rakinë” të Mitrush Kutelit, kishin zënë vend sot në tavolinën e Bibliotekës Kombëtare të Kosovës, e që kishin sjellë autoren nga Shqipëria në Prishtinë.

Klara Buda lë valixhen e saj me një anë, e nxjerrë librat për t’i ekspozuar titujt e veprave të saj tashmë të njohura për publikun prishtinas, ndërsa fjalimin e saj fillon me një hyrje të jashtëzakonshme, që lidhet me ardhjen e këtyre librave këtu.

“Dy librat e mi “Pëshpërimë gruaje” dhe “Rrëfenja kuteliane”, që i solla nga Tirana këtu, kur i mora nga bagazhi i autobusit dhe kur u përshëndeta me shoferin, më tha se nuk ia ka vlejtur për çmimin që u pagua që ta sjellë këtë pako këtu”, ishte historia me të cilën nisi autorja Buda.

Autorja e vazhdon fjalimin duke thënë se ka një mesazh për të gjitha ata që e ëndërrojnë bashkimin kombëtar duke shtuar se disa e proklamojnë, e të tjerë e përdorin për qëllime politike. “Në radhë të parë nëse ka ndonjë doganë që duhet të hiqet në Kosovë dhe Shqipëri është dogana e librit”, mesazhi i parë që autorja Buda e theksoi sot gjatë përurimit të librave.

Kurse përkthyesi dhe njohësi i shumë gjuhëve, Elvi Sidheri tha se është e vështirë të përmblidhet me pak fjalë e gjithë vepra e autores dhe mikës së tij, ndërsa e përuroi Klarën për përkthimin në frëngjisht, veprën e një autori të madh siç është Kuteli.

Abdullah Zeneli, në emër të shtëpisë botuese “Buzuku”, që në fillim tregoi se ndihet i nderuar në praninë e Klares, mirëpo për ta përforcuar edhe më shumë këtë, ai e ndërpreu fjalimin e tij, ndërsa ftoi piktoren Zake Prelvukaj që t’ia dhuroj një tufë lule, në nderim të mikeshës nga Parisi. Ndërkaq piktorja Zake Prelvukaj e falënderoi për gjithë kontributin e autores dhe shtjellimin e problematikës së Kosovës në veprat e saj.

Zeneli, në emër të botuesit tregoi për suksesin e librit të saj “Kosova mon amour”, duke shtuar se ky libër ishte e veçanta jo vetëm e Panairit të Prishtinës por një libër mjafti i kërkuar edhe në Panairin e Frankfurtit.


“Kam qenë i pranishëm në Panairin e librit në Frankfurt” dhe ky ishte një ndër librat më të shikuar në këtë panair. Në këtë libër lidheshin Prishtina, Kosova, Franca, Shqipëria. Autorja Klara Buda cila së fundmi ka sjellur në duart e lexuesit librin “Pëshpërimë gruaje” thotë se ky libër është pjekur për njëzete vite brenda saj, të cilin e quan një mikro-roman ku përmes dashurisë së dy të rinjve, ajo ka shtjelluar një reflektim të gjatë për diktaturën në Shqipëri.

“Unë kam pasur fatin që të shkoj direkt nga Tirana në Paris dhe në vitin nëntëdhjetë kjo ka treguar që nganjëherë rastësia i bën gjërat siç do vet. Por unë nuk e pash tranzicionin as kur u ktheva, edhe pse shkova nga një vend i diktaturës totalitare në një vend të demokracisë , ndërsa para vetës kisha dy faqe se çfarë ndodhte në Shqipëri dhe çfarë shihja në Francë”, thotë autorja Buda, e cila tregon se ky rrugëtim i ka shërbyer asaj drejt një zbulim të ri dhe një kthim prapa, dhe pikërisht nga kjo ka lindur libri i saj i ri ““Pëshpërimë gruaje”.

Ajo vazhdoi të tregoj se ky roman shtjellon një revoltë, që në Shqipërinë totalitariste nuk ka mundur te bëhet një zë. Autorja Buda sot në Prishtinë, tregoi se ky roman vjen tek lexuesi me një gjuhë shumë të thjeshtë duke u përpjekur që kështu të prek edhe brezat e rinj, që të njoftohen me realitetin e atëhershëm.

Në këtë libër ajo trajton një dashuri të ndaluar që vazhdon në mes dy të rinjve, të Almës edhe Adrianit, që i përkisnin dy etniteteve të ndryshme sociale. Të gjithë ata që duan të takohen me autoren Klara Buda në Prishtinë, ajo do të mbaj edhe një takim mё 21 dhjetor, nё ora 18:30 nё Soma Book Station./KultPlus.com

Fshati më i dekoruar në Kosovë (FOTO)

Posted on by KultPlus

Konsiderohet si fshati më i dekoruar në Kosovë për shënimin e festave të fundvitit, shkruan KultPlus.


Është fshati Doblibarë në Komunë të Gjakovës, dhe dekorimet në këtë fshat kanë tërhequr vëmendjen e shumë vizitorëve.


Për të parë se si po duket ky fshat në këtë fundvit, mund të shihni fotot që ka siguruar KultPlus./ KultPlus.com

Dua Lipa: Nuk po besoj, ëndrra po bëhet realitet (FOTO)

Posted on by KultPlus

Këngëtarja shqiptare Dua Lipa ka treguar për një ëndërr që së shpejti do ti bëhet realitet, shkruan KultPlus.

Dua Lipa do të performojë në ceremoninë e ndarjes së cmimeve “Brit Aëards 2018”.
“Nuk mund ta besojë. Ëndrra po bëhet realitet!!!! Unë do të performojë në Brit Aëards më 21 shkurt”, ka shkruar Dua Lipa./KultPlus.com

Ministri Gashi prezantoi prioritetet e MKRS-së në Këshillin Kombëtar për Investime

Posted on by KultPlus

Ministri i Kulturës, Rinisë dhe Sportit, Kujtim Gashi, mori pjesë në takimin e Këshillit Kombëtar për Investime, ku në kuadër të Listës Prioritare për Projekte në Sektorin Social, foli për projektet prioritare të sektorëve që udhëheq MKRS-ja.

Në këtë takim të rëndësishëm u vlerësua në përgjithësi se Duke pasur parasysh se investimi në projekte infrastrukturore është qenësor për mirëqenien e qytetarëve të Kosovës. Gjithashtu, në kuadër të takimi u tha se investimi në projekte infrastrukturore nacionale e rajonale do ta shkurtojnë dukshëm rrugën e anëtarësimit në BE dhe rrjedhimisht do të jemi në shërbim të mirëqenies së qytetarëve tanë.

“Ministria e Kulturës, Rinisë dhe Sportit në kuadër të Listës Prioritare të Projekteve në Sektorin Social ka të përfshira tre projekte të rëndësishme infrastrukturore sikurse ndërtimi i Stadiumit Kombëtar të Futbollit; Shenjëzimi i Trashëgimisë Kulturore dhe Përmirësimi i infrastrukturës në Sektorin e Trashëgimisë Kulturore. Projektet e lartcekura janë pjesë e Programit të Qeverisë së Republikës së Kosovës dhe njëherazi prioritete të përcaktuara dhe me dokumentet tjera strategjike sektoriale”, tha ministri Gashi.

Ai më tutje shtoi se ndërtimi i Stadiumit Kombëtar i cili është paraparë të ketë vlerën e 65 milion eurove, do të ndërtohet në Sankoc, Komuna e Drenasit. “Ndërtimi i stadiumit kombëtar do ta përmirësonte dukshëm gjendjen e përgjithshme të infrastrukturës së sportit e në veçanti të futbollit. Ky është një projekt me rëndësi për zhvillimin e sportit në Kosovë, marrë parasysh anëtarësimin e Kosovës në FIFA dhe UEFA tashmë dhe njëherazi plotësimin e standardeve dhe kritereve të parapara në organizatat ndërkombëtare të sportit. Gjithashtu do të kontribuonte kësisoj dhe në promovim e shtetit dhe talentëve të rinj, në arenën ndërkombëtare me pjesëmarrje në garat Evropiane dhe Botërore”, tha ministri, duke vlerësuar se ky projekt kapital do të ketë ndikimi edhe në gjenerimin e vendeve të reja të punës dhe të hyrave buxhetore për vendin.

Ndër prioritetet tjera, ministri përmendi edhe ato që kanë të bëjnë me shenjëzimin e trashëgimisë kulturore dhe përmirësimin e infrastrukturës në fushën e trashëgimisë. Projektet në fjalë do të kenë koston e 3,5 milionë euro respektivisht 16,5 milionë. Ky projekt parasheh shënjimin e aseteve të trashëgimisë që gjenden Listën e Trashëgimisë Kulturore nën Mbrojtje të Përkohshme dhe përmirësimin e qasjes (infrastrukturës rrugore) në asetet e Trashëgimisë Kulturore anekënd Kosovës në përputhje edhe me standardet e përcaktuara nga konventat dhe kartat ndërkombëtare.

Ndërkaq, në kuadër të përmirësimit të infrastrukturës në fushën e Trashëgimisë Kulturore, ministri Gashi prezantoi disa projekte ku parashihen ndërtimet e muzeut arkeologjik, atij të paqes, ndërtimin e laboratorit për konservim – restaurim.

“Ky projekt do të ndikojë në përmirësimin e ruajtjes, mbrojtjes dhe promovimit të trashëgimisë kulturore, që njëherazi janë dhe objektivat kryesore të MKRS-së në këtë fushë si dhe është në përputhje me kodin etik të ICOM-it, legjislacionin dhe kriteret tjera ndërkombëtare, siç janë Konventat dhe Kartat Ndërkombëtare të ICOMOS-it dhe UNESCO-së e që kanë të bëjnë me fushën e Konservimit dhe Promovimit të Trashëgimisë Kulturore”, nënvizoi ministri Gashi./KultPlus.com

Bukuritë natyrore të Kosovës prezantohen në Zvicër

Posted on by KultPlus

Në qendrën e Arteve, “Ibrahim Kodra”, në Melide të Zvicrës është hapur ekspozita “Bukuritë Natyrore të Kosovës”, ekspozitë kjo që synon të forcojë dhe zgjerojë marrëdhëniet sociale dhe kulturore në mes Konfederatës Zvicerane dhe Republikës së Kosovës.
Organizimi i kësaj ngjarje u bë si rezultat i bashkëpunimit me Komunën e Melides, Ambasadën e Republikës së Kosovës në Bernë dhe Muzeun Kombëtarë të Republikës së Kosovës, ndërsa ky projekt i’u dedikua vitit 2017, i cili është shpallur nga Asambleja e 70-të e Kombeve të Bashkuara si Vit Ndërkombëtarë i Zhvillimit të Qëndrueshëm të Turizmit për Zhvillim.

Ky aktivitet u hap nga Drejtoresha e Artit të Fondacionit, “Ibrahim Kodra”, Maria Pacolli, e cila edhe prezantoi nismën e Kombeve të Bashkuara, ndërsa me një video mesazh të pranishmëve i’u adresua edhe Sekretari i Përgjithshëm i Organizatës së Kombeve të Bashkuara për Turizmin Botëror, Taleb Rifai.

Turizmi sot është bërë një katalizator i rëndësishëm i transformimit pozitiv, që mund të kontribuojë në një zhvillim të qëndrueshëm në ekonomi, shoqërim, ambient dhe fusha të tjera.

Ai, gjithashtu, mund të forcojë paqen, duke mbështetur mirëkuptimin në mes popujve, rritjen e vetëdijes së trashëgimisë së pasur në mes kulturave të ndryshme dhe duke ftuar gjithsecilin, që të vlerësojë vlerat e tij.

Në këtë ekspozitë ka marrë pjesë edhe ambasadorja e Republikës së Kosovës në Bern, Nazane Breca, e cila ka theksuar se “kultura bën një kontribut të madh, që Kosova të njihet më shumë dhe që të zbulohen thesaret e saj”.

Ekspozita, “Bukuritë Natyrore të Kosovës” në Qendrën e Arteve në Fondacionin “Ibrahim Kodra” ka prezantuar fotografitë e realizuara nga fotografët ndërkombëtarë dhe pjesëmarrësit në garën e fotografisë më të mirë për promovimin e Kosovës për vitin 2017, e cila ishte organizuar pak kohë më parë nga Ministria e Punëve të Jashtme.

Autorët e fotografive të ekspozuara në këtë ekspozitë janë si më poshtë: Aleksandra Hiltmann, Arben Islami, Erza Rudi, Jeta Abazi Gashi, Maria Pacolli, Marieke Lebet-Booij, Shkelzen Rexha, Yllka Fetahaj, Agon Nimani, Arian Mavriqi, Armend Nimani, Bleron Caka, Dea Lajqi, Sehida Miftari.

Në ekspozitë janë shfaqur edhe punime tjera artistike, duke përfshirë artistin kosovar, Sylë Mujaj. Pas përfundimit të ekspozitës është shërbyer edhe ushqim tradicional nga Kosova. Ekspozita do të mbetet e hapur deri më 14 Janar, 2017./KultPlus.com

Tenori shqiptar po shkëlqen në Zvicër

Posted on by KultPlus

Një zë të ngrohtë që buron nga zemra, një vokal me ngjyrë, në lartësinë e personazhit. Ai është brilant në notat akute dhe këtë e arrin pa asnjë sforco, shkruan prestigjiozja zvicerane “Tages Anzeiger”

“Më në fund e kuptojmë fluturën” shkruan kritika zvicerane duke iu referuar operës ‘Madame Butterfly” dhe suksesit që kjo operë po korr në Cyrih, protagonist i së cilës është tenori shqiptar me famë botërore Saimir Pirgu.

Që prej 10 dhjetorit Pirgu ngjit në skenën e Opernahaus Zyrich rolin e oficerit të marinës amerikane në tragjedinë japoneze, operën me dy akte të Puçinit, e cila ka marrë vëmendjen e gazetave dhe revistave me të njohura në Zvicër, raporton “TCH”.

“Ai këndon në mënyrë të mrekullueshme”, shkruan “Tages Anzeiger”, një ndër penat më të mprehta të kritikës zvicerane, përcjell albinfo.ch.

Tenori shqiptar Siamir Pirgu, në rolin e Pinerktornit, ka gjithçka duhet për këtë figurë.

Një zë të ngrohtë që buron nga zemra, një vokal me ngjyrë, në lartësinë e personazhit. Ai është brilant në notat akute dhe këtë e arrin pa asnjë sforco, shkruan prestigjiozja zvicerane “Tages Anzeiger”.

Por ai nuk mundet të bëjë vetëm kaq. Ai di të mbyllë edhe butësisht një “Madame Buterfly” duke marrë vëmendjen maksimale duke sjellë në skenë kombinimin perfekt, ku në rolin e Butterfly shfaqet rusja Svetlana Aksenova.

Pirgu do të interpretojë në skenën zvicerane rolin e Pinkertonit deri më 10 janar, ndërsa jehona e tij do të vijojë të dëgjohet edhe të fillimin e vitit 2018, pasi tashmë Pirgu ka siguruar Coverin e një tjetër reviste të njohur kulturore në Zvicër, imazh i së cilës do të jetë tenori shqiptar./KultPlus.com

Pianistja Lule Elezi dhe mezzosopranoja Brigitte Bergmann u prezantuan në koncertin e Krishtlindjeve në Potsdam të Gjermanisë

Posted on by KultPlus

Fotografitë: Dmitri Steiz
Me rastin e koncertit tradicional të Krishtlindjeve që u mbajt në katedralen Shën Nikolai( St. Nikolai) në kryeqytetin e Brandenburgut në Potsdam të Gjermanisë, pianistja e mirënjohur kosovare Lule Elezi së bashku me mezzosopranon nga Opera gjermane e Berlinit, Brigitte Bergmann dhe me orkestrën ushtarake të forcave të armatosura gjermane për çështje protokolare të Berlinit, mbajtën një koncert jashtëzakonisht të suksesshëm.


Në këtë mbrëmje u interpretuan vepra të njohura nga opusi krijues i kompozitorëve të mëdhenj botëror si: Giacomo Puccini, Giuseppe Giordani , Felix Mendelssohn, etj.

Bëhet e ditur për KultPlus se Katedralja Shën Nikolai ( St. Nikolai) në Potsdam ishte përplot e mbushur me mysafirë të ftuar nga jeta politike, kulturore, ekonomike… dhe artdashës të shumtë nga Potsdami dhe Berlini.

Lule Elezi ka njoftuar se ky koncert është mirëpritur jashtëzakonisht mirë, ku të pranishmit e përcollën me duartrokite të gjata, ku orkestra dhe artistet më pas interpretuan edhe disa vepra shtesë./KultPlus.com

Përse ndodhnin përmbytjet gjatë komunizmit (DOKUMENT)

Posted on by KultPlus

Një dokument i publikuar nga ana e Kastriot Dervishit flet për përmbytjet e vitit 1986 në Lezhë ku shqetësimi kryesor mbetej lagja e barutit në depot e ushtrisë.

Postimi i Kastriot Dervishit

1986/Përmbytjet në regjimin e shkuar

Ditët e fundit dëgjuam nga përfaqësues të regjimit të shkuar se gjatë diktaturës së keqe komuniste, punët ecnin vaj, nuk ndodhnin përmbytje, se hapeshin kanale, shteti funksiononte, etj. Në të vërtetë, komunikata ditore e Ministrisë së Punëve të Brendshme është plot me njoftime përmbytjesh. Nuk po paraqes njoftime të viteve të para të paslufës, pra të kohës kur u kryen punime bonifikuese nga puna detyruese e të burgosurve, por nga fillimi i vitit 1986.

Edhe atëherë me shtabe e kemi pasur punën, se metodologjia enveriste nuk shqitet kollaj nga qeverisja. Njoftimi është për Rrethin e Lezhës. Jo vetëm janë shkaktuar ato pasoja që shihen në njoftim, por është lagur edhe baruti i depove të ushtrisë, se edhe ajo copë-copë ka qenë, mezi mbante veten. Nënshkrimi i sipërm është i ministrit Hekuran Isai, i cili nuk ka lënë asnjë shënim se çfarë masash duheshin marrë, por vetëm ka konfrmuar leximin e tekstit të grupit operativ.

Independent: Viti 2017, viti i Ed Sheeran, Dua Lipa dhe Taylor Swift (VIDEO)

Posted on by KultPlus

Prestigjiozja Independent ka bёrё njё vёshtrim mbi tё arriturat e yjeve nё nivel ndёrkombёtar pёrgjatё vitit 2017, dhe yjet qё kanё shёnuar sukses pёrgjatё vitit i ka pёrmbledhё nё tre emra: Ed Sheeran, Dua Lipa dhe Taylor Swift, pёrcjellё KultPlus.

Duke pёrshkruar suksesin e secilt, Independent ka shkruar pёr Dua Lipёn si kёngёtarja mё e dёgjuar femёr pёrgjatё vitit 2017.

Po sipas kёtij shkrimi thuhet se askush nuk do ta kishte imagjinuar se ky zё i njё gruaje tё re britanike do tё lё anash edhe yjet botёrore si Beyonce e Katy Perry./KultPlus.com


E vёrteta e grave nё Shkup, 16+ (VIDEO)

Posted on by KultPlus

“Gratё”, ёshtё shfaqja premierё qё do tё prezantohet nё Teatrin Shqiptar tё Shkupit, shkruan KultPlus.

Kjo shfaqje vjen me regji tё Qёndrim Rijanit dhe po vlerёsohet si njё shfaqje shumё e guximshme,shfaqje kjo qё do tё prezantohet premierё mё 26 dhjetor.

Nё kёtё shfaqje me rolet e tyre do tё luajnё aktoret: Teuta Ajdini Jegeni, Drita Kaba Karaga, Amernis Nokshiqi,Vjollca Bekteshi Hamiti, Aida Alidemi,Xaka Jonuzi Celiku, Linda Saiti e Aida Elezi.
Kjo shfaqje ёshtё mё tekst tё Robert Thomas dhe rekomandohet pёr audiencё +16, kurse po kjo shfaqje tashmё ka lansuar edhe trailerin./KultPlus.com


Astrit Bishqemi e Migena Arllati me libёr pёr autorёt e letёrsisё shqipe pёr fёmijё e tё rinj

Posted on by KultPlus

Fjalor enciklopedik e kanё quajtur librin qё ka pёrfshirё autorёt e letёrsisё shqipe pёr fёmijё dhe tё rinj, libёr ky i cili prezanton autorёt prej vitit 1886 deri nё vitin 2017, shkruan KultPlus.

“Autorё tё letёrsisё shqipe pёr fёmijё e tё rinj (1886-2017”, vjen i punuar nga bashkёautorёt Astrit Bishqemi e Migena Arllati.

Ky libёr do tё prezantohet edhe nёpёrmjet njё promovimi, dhe promovimi i kёtij libri do tё bёhet mё 22 dhjetor, nё ora 11:00, nё Institutin Albanologjik nё Prishtinё./KultPlus.com

“Psycho”, romani më i ri triler

Posted on by KultPlus

Ky romani i zhanrit triler rrëfen për erotizmin, ironinë, humorin, ankthin, trishtimin, dëshpërimin, psikopatinë, kanibalizmin, muzikën psy-trans, shfrenimin…

Këto ditë pritet të del nga shtypi romani më i ri “Psycho”, i autorit Ilir Muharremi. Ky romani i zhanrit triler rrëfen për erotizmin, ironinë, humorin, ankthin, trishtimin, dëshpërimin, psikopatinë, kanibalizmin, muzikën psy-trans, shfrenimin…

Libri botohet nga shtëpia botuese “Artini”. Në shtije do të jetë në librarinë “Artini” në Prishtinë si dhe librarinë “Pena” në Prizren. Ilir Muharremi është autor gjashtë librave: “Djalli në qytetin tim” 1996 (poezi), “Dera e fundit e çmendurisë” 2003 (poezi), “Van Goghu kosovar”, 2010 (dramë). “Drama” (Unë me veten, Kafeneja). (dramë, komedi), “Moskuptimet”, 2016 (libër shkencor) dhe “Psycho”, 2017 (roman)/ KultPlus.com

Klara Buda promovon katёr libra nё Prishtinё

Posted on by KultPlus

Takimi me Klara Budёn ёshtё rezervuar ditёn e hёnё, nё ora 11:00 nё Bibliotekёn Kombёtare “Pjetёr Bogdani”, nё Prishtinё, sikurse edhe mё 21 dhjetor, nё ora 18:30 nё Soma Book Station.

UET, Pema dhe Ombra GVG organizojnë përurimin dhe firmosjen e librave tё autores shqiptare Klara Buda, shrkuan KultPlus.
“Pëshpërimë gruaje”, “Kosova mon amour”, “Rrëfenja kuteliane” dhe pёrkthimi i saj nё frёngjisht “Mon village sait boire le raki”, të rrëfenjës ‘Fshati im e pi rakinë” të Mitrush Kutelit do tё promovohen nё dy data dhe lokacione tё ndara.

Takimi me Klara Budёn ёshtё rezervuar ditёn e hёnё, nё ora 11:00 nё Bibliotekёn Kombёtare “Pjetёr Bogdani”, nё Prishtinё, sikurse edhe mё 21 dhjetor, nё ora 18:30 nё Soma Book Station./KultPlus.com

Jo vetёm Adelina Ismaili nё Festivalin e RTSH-sё, nё kёtё edicion do tё ngjiten shumё yje (FOTO)

Posted on by KultPlus

Mё 21 dhjetor ёshtё mbrёmja e parё e Festivalit tё RTSH-sё nё Tiranё, ku prej aty do tё zgjidhet edhe fituesi i kёtij festivali qё do tё pёrfaqёsojё Shqipёrinё nё Eurovizion, shkruan KultPlus.

Tashmё ёshtё bёrё e ditur se nё kёtё edicion, si mysafire speciale ёshtё ftuar kёngёtarja kosovare Adelina Ismaili, por duket se nuk ёshtё vetёm kjo kёngёtare qё do tё ngjitet nё skёnёn e kёtij festivali.

Tashmё ёshtё bёrё e ditur se nё kёtё edicion janё ftuar edhe kёngёtarёt: Ricardo Cocciante, Aurela Gaçe, Alban Skenderaj, Elsa Lila dhe Elhaida Dani./KultPlus.com

The Economist : Asnjë qytet në Evropë nuk ka ndryshuar më shumë se sa Tirana

Posted on by KultPlus

Një çerek shekulli më parë, Tirana ishte më shumë një kryeqytet provincial se sa një kryeqytet modern. Nën komunizmin, aty jetonin rreth 200.000 njerëz. Deri në vitin 1991 automjetet private u ndaluan, kishte pak dyqane dhe pothuajse shumë pak hapësirë për argëtim. Tani (pak edhe falë ndryshimeve kufitare) është shtëpia e 1 milion njerëzve – më shumë se një e treta e popullsisë së Shqipërisë.

Xhaxhi Eri, xhaxhi Eri dëgjohen brohoritjet nga turma e disa djemve të vegjël që nxitojnë për ta përshëndetur Erion Veliajn, kryetarin 37 vjeçar të Bashkisë së Tiranës, kryeqytetit të Shqipërisë, shkruan “The Economist”, përcjellë KultPlus.

Ai ka ardhur për të inspektuar një rrugë ku janë të vendosur gypat e rinj të ujërave të zeza, aty ku disa javë më parë kishte gropa dhe baltë. Asnjë qytet në Evropë nuk ka ndryshuar më shumë se Tirana për 25 vitet e fundit. Tani kryetari Veliaj, i cili cilësohet nga disa që të jetë edhe lider i ardhshëm i vendit, po vazhdon përsëri ta ndryshoj kryeqytetin.

Në dy vitet e para si kryetar i Bashkisë, Veliaj një anëtar i Partisë Socialiste (qendrore-majtiste), ka punuar në qendrën e këtij qyteti. Në qershor ai ka arritur të përfundoi punën në Sheshin Skënderbej, që është zemra e Tiranës. Pasi që rrethrrotullim kishte qenë shumë i zënë, makinat janë larguar duke u zëvendësuar me pemë dhe fontana. Kurse kanë filluar përgatitjet për rinovimin e piramidës së viteve çuditshme të Tiranës, e cila i përket vitit 1980 dhe tashmë është gjysmë e shkatërruar.

Një çerek shekulli më parë, Tirana ishte më shumë një kryeqytet provincial se sa një kryeqytet modern. Nën komunizmin, aty jetonin rreth 200.000 njerëz. Deri në vitin 1991 automjetet private u ndaluan, kishte pak dyqane dhe pothuajse shumë pak hapësirë për argëtim. Tani (pak edhe falë ndryshimeve kufitare) është shtëpia e 1 milion njerëzve – më shumë se një e treta e popullsisë së Shqipërisë. Qyteti gjeneron gjysmën e GDP-së së vendit, thotë Veliaj, shkruan “The Economist”.
Rënia e komunizmit nisi një fazë të çmendur të ndërtimit kudo, përfshirë edhe parkun qendror të Tiranës. Edi Rama, tani kryeministri socialist, pastroi shumë nga ndërtesat ilegale të qendrës kur ai ishte kryetar i Bashkisë. Veliaj e vazhdoi punën pikërisht aty ku ai e la.

Kur Erion Veliaj ishte dhjetë vjeçar, babai i tij vdiq dhe ai u dërgua në Greqi mbi supet e xhaxhait të tij, ndërsa ata u ngjitën në kufirin malor. Më vonë ai studioi në Amerikë dhe Britani. Ai së pari erdhi në vëmendjen e publikut me organizatën “Mjaft”, një aktivitet anti-korrupsioni që ndikoi shumë për të diskredituar qeverinë e Sali Berishës, i cili ishte kryeministër i Shqipërisë nga viti 2005 deri në vitin 2013.

Tani që është në gjysmë të rrugës se mandatit të tij, Veliaj ka filluar ndërhyrjet në periferi të Tiranës. Pothuajse të gjitha ndërtesat aty ishin të paligjshme dhe shërbimet ishin gjysmake. Disa shtëpi dhe biznese që ishin të ndërtuara në parqe dhe në zona të tjera jo të duhura tani janë shkatërruar. Për shumë njerëz në periferi kjo është hera e parë që po ata janë në kontakt me shtetin në këto 25 vitet e fundit, thotë Veliaj, shkruan “The Economist”.

Armiqtë e tij e sulmojnë atë për mos transparencë në lidhje me dhënien e kontratave dhe për përpjekjet për t’i sulmuar mediat jo miqësore, të dyja këto pretendimet që ai i mohon. I pyetur nëse dëshiron të drejtojë Shqipërinë në të ardhmen, Veliaj thotë për “The economist” se po mendon të fitoj vetëm edhe një mandat të dytë si kryetar bashkie. Momentalisht, ai nuk do të mund të ishte në një vend më të mirë, shkruan The Economist, përcjellë KultPlus. /KultPlus.com

Erzen Shkololli, pjesë e rezidencës së njohur në Çikago

Posted on by KultPlus

Artisti dhe kuratori Erzen Shkololli, është përzgjedhur ne mesin e shumë artistëve ndërkombëtarë që të marr pjesë në rezidencën e Jackman Goldwasser 2018, në Çikago, shkruan KultPlus.

Çdo vit, ky program ofron një platformë për artistët ndërkombëtarë, kombëtarë dhe lokal për të shprehur rreziqet e tyre kreative në praktikën e punës së tyre dhe për të zgjeruar rrjetet e tyre profesionale. Ky projekt i cili ka filluar në vitin 2012, ka ndikuar që artistët vizitorë të zhvillojnë punën e tyre dhe pasurojnë kontekstin e krijimit të artit në Çikago.

Erzen Shkololli momentalisht është drejtor i Fondacionit “Unë e dua Kosovën” në Prishtinë. Ka qenë gjithashtu, këshilltar kuratorial për documenta 14. Praktika e tij artistike përdorë ritualet dhe folklorin vendas për të tërhequr vëmendjen te situata specifike socio-politike dhe është ekspozuar ndërkombëtarisht në muze, siç janë: Van Abbemuseum, Eindhoven; Centre Pompidou, Paris, dhe Fridericianum, Kassel. Nga viti 2008 deri më 2009 ishte përfitues i Bursës së DAAD-së për Artistët në Rezidencë. Nga viti 2003 është anëtar i Parlamentit Europian të Kulturës./ KultPlus.com

Monodrama “Portreti i Pakryer”, javën tjetër premierë në Teatrin “Dodona”

Posted on by KultPlus

Monodrama “Portreti i Pakryer”, me autor Besim Rexhaj, me regji të regjisores Elmaze Nura, javën tjetër vjen premierë në Teatrin “Dodona”, shkruan KultPlus.

Gili Hoxhaj

Kjo shfaqje vjen nën interpretimin e aktores Aurita Agushi, ndërsa është kooproduksion me Teatrin “Dodona”. Kjo monodramë zhvillohet në dekadën e fundit të shekullit të kaluar, ndërsa paraqet një personazh me emrin Nora, e cila duke u përpjekur që të jetë vetvetja përballet me konfliktet e brendshme e të jashtme, me vetveten e me të tjerët. Ajo për dhjetë vite përpiqet ta ruaj dashurinë për njeriun e jetës së saj i cili kishte qenë një disident dhe i burgosur politik. Është letra e lamtumirës ajo që e sjellë Norën në situata kritike, të skajshme psikologjike e jetësore.

Sot gjatë një konferencë për media, autori i kësaj shfaqje Besim Rexhaj theksoi se kjo monodramë është pjesë e një trilogjie me titullin e përbashkët “Vorbulla”, të botuar në vitin 2011 ndërsa tregoi ideja e këtij projekti ka qenë shumë e mëhershme.

Kurse regjisorja Elmaze Nura tregoi se ideja e këtij projekti daton që në kohën kur ajo ka qenë studente në Fakultetin e Arteve, ndërsa theksoi se kjo monodramë prek thelbin e qenies njerëzore.
“Në ditët e sotme rrallë shohim një triologji në mënyrën se si e ka filluar profesori Besim, qysh atëherë kam qenë e njoftuar me stadet e punës, me inspirimin e tij dhe me mënyrën e punës së tij. Jam shumë e lumtur që kam hyrë në këtë projekt i cili jo vetëm që prek thelbin e qenies njerëzore por edhe thelbin e relacioneve ekonomike-sociale, familjare dhe emocionale, dhe kjo si dramë, mua më ka dhënë shumë material që unë ta trajtoj se si unë e kam parë këtë dramë dhe e kam trajtuar në një formë pak më ndryshe se realizimet e tjera, mirëpo unë kam insistuar deri në fund që kjo dramë të jetë në versionin tim”, tha regjisorja Nura.

Regjisorja Nura po ashtu tha se një zhanër të vështirë siç është monodrama ka përzgjedhur aktoren Agushi, për shkak se këtij roli i duhet kapacitetit i saj aktoresk dhe intelektual, të dëshmuar edhe në bashkëpunimet e më hershme. Vetë aktorja Aurita Agushi tregoi sot se kjo është monodrama e saj e parë, dhe e cilëson si një nga “fushëbetejat” e saj më të vështira.

“Nuk është se nuk kam dashur të bëj më herët një monodramë, por kur e vendos t’i nënshtrohesh monodramës, gjithmonë kam menduar se kush do të jetë ai ose ajo regjisore që do të më udhëheq në këtë fushëbetejë. Mendoj që erdhi koha e duhur, me njerëzit e duhur që ta provoj vetën edhe në monodramë. Bazuar në bashkëpunimet e tjera me regjisoren, unë mund t’i dorëzohem asaj me sy mbyllur, sepse ajo gjithmonë ma garanton rezultatin dhe suksesin tim si aktore”, tha aktorja Agushi.

Kurse në emër të Teatrit “Dodona”, Valdet Rama tha se ndihet i lumtur që kjo shfaqje do të punohet për publikun e këtij teatri, duke vazhduar kështu t’u ofrojnë atyre kënaqësinë e veprave të mëdha nga profesionistë të mëdhenj. Muzika e kësaj shfaqje është e realizuar nga Memli Kelmendi, ndërsa koreografia nga Agnes Nokshiqi, me skenografi të Majlinda Kelmendit e kostume të Samka Ferrit, kurse ndriçimi nga Skënder Latifi. Premiera e kësaj shfaqje vjen më 20 Dhjetor, duke filluar nga ora 19:30/KultPlus.com

Dua Lipa në Sallën e Kuqe në Prishtinë, këngë me dedikim për mësuesen (VIDEO)

Posted on by KultPlus

Dua Lipa, ylli i muzikës ndërkombëtare talentin për muzikë e ka shfaqë qysh e vogël, shkruan KultPlus.
Ajo shihet si e vogël duke kënduar në Sallën e Kuqe, e cila bashkë me një vajzë tjetër këndon një këngë që i dedikohet mësueses.

Për më shumë mund ta shihyni videon./KultPlus.com


“Shi bie në Tiranë” nga Fitnete Tuda, vjen e përpunuar nga Eni Koci feat. Genc Prelvukaj (VIDEO)

Posted on by KultPlus

Sapo është publikuar kënga “Shi bie në Tiranë”, këngë kjo e kënduar shumë vite më parë nga këngëtarja Fitnete Tuda, shkruan KultPlus.

Verzioni i ri është sjellë nga Eni Koci feat. Genc Prelvukaj. Për më shumë mund ta përcillni në video./KultPlus.com

https://www.youtube.com/watch?v=RCidik4GT2g