Në 100 këngët e javës më të mira në Britaninë e Madhe, në top pesëshe janë Dua Lipa dhe Rita Ora.
Dua Lipa zë vendin e katërt me këngën “New Rules”, ndërkaq Rita Ora në vendin e pestë me Aviciin “Lonely Together”, transmeton Koha.net. Lipa e Ora ka disa herë që renditen ndër të parat në UK Top 100.
Të dyja vazhdojnë t’i prekin majat botërore me talentin e tyre./ KultPlus.com
Dua Lipa nuk e mohon origjinën e saj si shqiptare nga Kosova. Këngëtarja me famë botërore ka thënë sot në një intervistë me revistën amerikane Time, se e reprezenton Kosovën në botë.
Në këtë intervistë, Dua Lipa shpjegon lidhjen e saj me Kosovën. Thotë se periudha katër vjeçare kur ka jetuar në Kosovë, e ka bërë atë të kuptojë se sa shumë e do vendin e saj.
“Kam lëvizur në Kosovë në moshën 11-vjeçare, dhe kam jetuar aty deri në moshën 15-vjeçare. Ka qenë kjo periudhë e qëndrimit tim në Kosovë, që me të vërtetë më ka bërë të kuptoj se sa shumë e doja”, ka thënë Lipa për revistën Time.
Lipa tregon për mbështetjen e madhe, siç thotë ajo, që e merr nga shqiptarët në Kosovë dhe në Shqipëri, raporton Insajderi.
“Ndjehem se unë e reprezentoj Kosovën në njëfarë mënyre. Ata kanë qenë mbështetës të mëdhenj të çdo gjëje që kam bërë, sidomos kur publikova këngën e parë ‘New Love’ – jam i sigurt se të gjitha shikimet e para të këngës kanë ardhur nga Kosova dhe Shqipëria”, ka thënë Lipa.
“Sepse janë vende të vogla dhe të gjithë të përkrahin dhe me të vërtetë të mbështesin. Deri në këto ditë, ata kanë qenë përkrahës të mëdhenj të punës time”.
Dua Lipa ka zënë vendet e para të ‘chart’-eve botërore me krijimin e saj të fundit “New Rules”. / KultPlus.com
Mediumi prestigjioz “Time” ka publikuar një artikull të veçantë për këngëtaren kosovare me famë botërore, Dua Lipa, duke e quajtur atë “Zëri i ri i muzikës pop”.
“Time” ka nisur artikullin me arsyet përse Dua Lipa nuk ishte paraparë të bëhej yll botëror, duke thënë kujtuar se “kur ishte fëmijë në shkollë i ishte thënë se nuk di të këndojë dhe largimin nga Britania e Madhe drejt Kosovës”.
Megjithatë, siç shkruan “Time”, kthimi i madh u bë më 2015 kur Dua Lipa me këngën e saj të parë “Be the One” u bë ndër zërat më të fuqishëm të rinj në muzikë.
Në artikull theksohet se albumi i parë i këngëtares i vetë-titulluar është dëgjuar më shumë se 1.4 miliardë herë në mediume online.
Tani ajo do të marrë pjesë si këngëtare kryesore në festivalet si Glastonbury dhe është e ftuar në koncertet e Bruno Marsit. “Është shumë argëtuese – adrenalina, çmenduria. Nuk ka asgjë sikur kjo”, ka thënë ajo.
“Time” ka shkruar edhe për fondacionin e Dua Lipës në Kosovë, që synon të përkrahë programet e artit për fëmijë.
Kënga e fundit e Dua Lipës “New Rules” ka qenë hit ndërkombëtar madje në Britani të Madhe dhe shumë tregje botërore doli e para në top-lista. / KultPlus.com
Kënga e re e Dua Lipës “New Rules” është një remix i pa pritur. Atë e “interpreton” presidenti amerikan, Donald Trump.
“Fkajack” ka postuar në Twitter një video 38 sekondëshe, në të cilën janë bërë bashkimi i fjalimeve të Donald Trumpit gjatë fushatës së tij, raporton NME.
Më poshtë mund ta dëgjoni këtë remix të “New Rules”./ KultPlus.com
ESCUPI UN PULMON HAHAHHAHAHA pic.twitter.com/ruD0JHeKlk
— lambi 🇨🇴 (@LOUISFORR0) September 30, 2017
Përfaqësuesi i Bullgarisë në Eurovisionin e këtij viti Kristian Kostov ka kënduar cover këngën “New Rules” të këngëtares kosovare Dua Lipa.
Interpretimi i Kostov është pëlqyer nga fansat, përderisa një reagim nga Dua nuk ka pasur ende.
Po ju sjellim videon më poshtë. / KultPlus.com
https://www.youtube.com/watch?v=AxBf3Vzm1rc
Dua Lipa ka publikuar në rrjetet sociale disa momente nga performanca e saj e mbrëmshme në koncertin e radhës në Londër.
Ajo ka performuar në teatrin “Brighton Dome”, dhe nga pamjet vërehet që publiku nuk ka munguar, përderisa salla ka qenë e mbushur plot e për plot.
Nga atmosfera e krijuar, shihet mjaft qartë se Dua ka elektrizuar skenës për të pranishmit.
“New Rules” mbetet hiti i saj i padiskutueshëm, dhe njëherësh edhe kënga më e pëlqyer e fansave të saj për momentin.
“Nata e mbrëmshme ishte magjike”, ka shkruar Dua në mbishkrimin e një prej videove në rrjetin social Instagram. / KultPlus.com
Kjo ngjarje e madhe do të mbahet më 12 nëntor, shkruan KultPlus.
Këngëtari shqiptar Ermal Meta është nominuar në “MTV EMA 2017”, shkruan KultPlus. Sipas faqes zyrtare të këngëtarit shqiptar Ermal Meta ai në këtë listë të fuqishme të nominimeve është nominuar në kategorinë “Vepra më e mirë italiane”, me këngën Vietato Morire”.
Kundërkandidatë të kësaj gare, Ermal Meta ka artistët italianë: Francesco Gabbani, Thegiornalisti, Fabri Fibra dhe Tiziano Ferro. Kjo ngjarje e madhe do të mbahet më 12 nëntor./KultPlus.com
“Shumë e emocionuar që miqtë e mi ‘off bloom dhe Grace Carter do të jenë me mua në turneun evropian. Shihemi së shpejti”, ka shkruar Dua Lipa, në rrjetin social Facebook, ku edhe ka publikuar datat e turneut evropian, shkruan KultPlus.
Dua këtë turne do ta nis në Brighton më 5 tetor ndërsa do të vazhdoj edhe në disa qytete tjera britanike.
Siç ka paralajmëruar edhe vetë ajo, do të jetë e shoqëruar nga grupi “off bloom” si dhe Grace Carter./ KultPlus.com
https://www.facebook.com/dualipaofficial/photos/a.779999248752661.1073741826.123471471072112/1443072615778651/?type=3&theater
Këngëtarja shqiptare Dua Lipa ka njoftuar për një show të dytë në kryeqytetin e Republikës së Irlandës, Dublin.
Ky koncert do të mbahet në vitin 2018, pasi për koncertin e planifikuar më 10 prill biletat ishin shitur për pak sekonda.
Tani ajo ka vendosur të ketë edhe një mbrëmje në Dublin dhe do të këndojë edhe më 9 prill në kuadër të turneut për vitin 2018.
Ky sukses i madh i Dua Lips vjen pas hitit “New Rules” që po vazhdon të dominojë në top-listat irlandeze, duke kaluar kështu javën e pestë në krye të top-listave, shkruan Albinfo.
Edhe albumi i saj i parë është në top-dhjetëshe të albumeve në gjashtë javët e fundit. / KultPlus.com
Këtë vjeshtë, të gjithë ata që jetojnë jashtë vendit, kryesisht në New York apo gjenden atje për vizitë, kanë një arsye më shumë për të shkuar në koncerte. Artistët më të njohur shqiptar në Amerikë janë në turne dhe këto janë datat kur ata do të mbajnë koncert në New York, një vend ku komuniteti shqiptar është mjaft i madh.
Më 20 shtator, reperi i njohur G4SHI ka mbajtur koncert në Brooklyn të NY, në eventin “The Genius of Rap Caviar”. Ndërsa atë e pret edhe një koncert tjetër më 21 tetor në “Shoreline Amphitheatre”, në Kaliforni në kuadër të “Rolling Loud Festival”, një festival i cili i kushtohet muzikës Hip Hop, pra një zhanër që G4shi e kultivon, madje shquhet si një nga hip hop artistët më të mirë.
Siç dihet, G4shi, së fundmi ka nënshkruar kontratë me labelin e njohur “Roc Nation”, pas shumë ofertave që kishte nga kompani të ndryshme muzikore dhe tashmë ka zgjedhur shtëpinë e njohur të udhëhequr nga Jay Z. Këngëtari është duke punuar edhe në projekte të reja muzikore, të cilat pritet t’i publikon gjatë muajve të ardhshëm, raporton Express i KTV-së.
Më 12 tetor, Njomëza mban koncert në Brooklyn tek “Baby’s All Right”, një bar mjaft i njohur atje. Njomëza këngëtarja me prejardhje shqiptare, tash e tre vjet po ndërton karrierë muzikore në Amerikë dhe është pjesë e kompanisë muzikore, “REMember Music”. Njomëza ka lindur në Chicago të Amerikës, nga prindër shqiptarë.
Ajo ka nisur të këndojë në moshën pesë vjeçare ndërsa në moshën 14 vjeçare ajo e formoi bendin muzikor “Scarlett”. Ajo gjithashtu njihet për bashkëpunim me Scrillex. Ka vetëm dy ditë që këngëtarja e ka publikuar videon e këngës, “Sad For you”, një këngë prej EP me të njëjtin titull. Me këtë video po tregon se nuk vjen me si “e re” në tregun muzikor, por si një artiste e kompletuar.
Me 6 nëntor, Bebe Rexha mban koncert në Manahttan, tek Terminal 5. Në këtë koncert shiten dhe bileta VIP ku keni mundësi ta takoni dhe të bëni foto me Beben. Këngëtarja do të performojë edhe në Las Vegas në një koncert ku do të interpretojnë edhe yjet të tjerë si, Coldplay, The Weeknd, Lorde, Kings of Leon, Pink, Miley Cyrus dhe Big Sean, David Guetta etj.
Më 24 nëntor, Dua Lipa, mban koncert po ashtu në Manhattan. Këngëtarja po vazhdon të qëndrojë në maje të toplistës Billboard. Ajo e kryeson grafikun e artistëve në zhvillim për të dytën javë rresht. E lumtur nga ky fakt, Dua ka shpërndarë këtë status me një falënderim të veçantë. Kujtojmë që këngëtarja shqiptare, ka arritur ti kryesojë top listat në Britani të Madhe me këngën e saj të fundit “New Rules”.
Dua Lipa, ylli i ri në botën e muzikës, së fundi është bërë edhe imazh ekskluziv i fushatës reklamuese të koleksionit vjeshtë/dimër 2017-2018 të markës së njohur “Patrizia Pepe”. Përmes një video të publikuar mbrëmë, Dua shfaqet mjaft joshëse dhe me shumë stil, e veshur nga brendi Patrizia Pepe.
Po në këtë video reklamuese Dua e këndon edhe këngën “Bang Bang”, këngë kjo e krijuar nga Dua ekskluzivisht për brendin e njohur amerikan. / KultPlus.com
Dua Lipa, ylli i ri në botën e muzikës, së fundi është bërë edhe imazh ekskluziv i fushatës reklamuese të “AW 17/18 Patrizia Pepe”, në Nju Jork, shkruan KultPlus.
Përmes një video të publikuar mbrëmë, Dua shfaqet mjaft joshëse dhe me shumë stil veshur nga brendi Patrizia Pepe, po në këtë video reklamuese Dua këndon edhe këngën “Bang Bang”, këngë kjo e krijuar nga Dua ekskluzivisht për brendin e njohur amerikan.
“Ne po ri-afirmojmë lidhjen tonë të ngushtë me botën e muzikës duke bashkëpunuar me Dua Lipën, shikoni koleksionin tonë të ri dhe shikoni filmin e plotë”, janë shprehur nga brendi në fjalë. / KultPlus.com
Dua Lipa i ka publikuar tashmë datat e koncerteve të turneut të saj, me titull “Dua Lipa: The Self-Titled Tour”.
Turneu ka për qëllim promovimin e albumit debutues të këngëtares, dhe do ta dërgojë atë në më shumë se 20 qytete të ndryshme të botës.
Koncerti i parë besohet se do të zërë vend në Brighton të Anglisë më 5 tetor, ndërsa turneu do të përfundojë më 17 shkurt të vitit të ardhshëm në Seattle të SHBA-së.
Në këtë projekt madhor të muzikës, Dua, do të shoqërohet edhe nga ylli Bruno Mars dhe grupi “Coldplay”./ KultPlus.com
“Look What You Made Me Do”, e cila u publikua në natën e VMAs, u kthye menjëherë në këngën më të komentuar e më të dëgjuar të momentit, duke kaluar edhe “Despacito”-n.
Kënga dhe videoklipi thyen edhe rekordet e mëparshme të vendosura nga Adele me “Hello” për klikueshmërinë dhe renditjen në chart-e.
“LWYMMD” u rendit në vend të parë në Britaninë e Madhe duke u kthyer në këngën e parë të Taylor Swift që arrin diçka të tillë. E duke qenë se para Taylor ishte Dua Lipa ajo që mbante vendin e parë, këngëtarja shqiptare kaloi një pozicion më poshtë.
Por Dua Lipa nuk fal, transmeton vizionplus. Ditën e sotme “New Rules” është kthyer sërish në vend të parë duke mposhtur Taylor Swift e duke e kaluar në vend të dytë./ KultPlus.com
BBC bashkon Rita Orën me Dua Lipën
Dy këngëtaret e njohura shqiptare, Rita Ora dhe Dua Lipa do të performojnë në skenën e njëjtë më 22 tetor.
Bashkë i ka bërë ceremonia e ndarjes së çmimeve “BBC Radio 1 Teen Awards”.
Pjesëmarrjen e kanë konfirmuar dy këngëtaret përmes postimeve në rrjetet sociale.
Dy këngëtaret me prejardhje shqiptare e me famë botërore asnjëherë nuk janë parë së bashku. / KultPlus.com
Dua Lipa para disa ditësh doli në ballinën e revistës italiane GRAZIA. “Unë jam ylli momental dhe do të më dashuroni edhe ju” ishte titulli i tekstit ku protagoniste është vajza nga Prishtina.
Ndërsa tashmë janë plasuar edhe fotografitë nga fotosesioni i realizuar për Grazia Italia ku Dua ka mahnitur me dukjen e saj, shkruan KultPlus.
Secili nga prezantimet tërheq vëmendje më shumë se tjetri dhe thjesht të bënë që më të vërtetë të dashurohesh në të. KultPlus ju sjellë fotografitë nga ky fotosesion. / KultPlus.com
Dua Lipa edhe këtë herë ka siguruar pozitën e parë në toplistën britanike.
Lipa ishte në konkurrencë me këngën e saj të re “New Rules”, me këngën e re të Justin Bieber & BloodPop, me këngën “Friends”, transmeton Koha.net.
Megjithatë, zyrtarisht Lipa është sërish në vendin e parë edhe këtë javë.
Calvin Harris me Pharell Williams, Katy Perry dhe Big Sean me këngën “Feels” është në vend të tretë, ndërkaq Pink me këngën “What About Us” në vendin e katërt. / KultPlus.com
Dua Lipa ka nxjerrë tanimë albumin e saj, por megjithatë ka ende këngë të cilat janë pjesë e këtij albumi, por nuk janë përfshirë në të.
Phil Cristie nga Warner Bros UK ka treguar se janë së paku edhe dy këngë të reja nga Dua Lipa të cilat do të lansohen shumë shpejtë.
“Ajo ka shumë pak këngë, dhe kënga e gjashtë e saj është e para në Angli. Është shumë e çuditshme. Megjithatë ne jemi ende në fillimet tona” ka treguar Cristie, kryesori nga label-i me të cilin punon Dua.
Dua së fundmi ka thyer rekordin e Adele dhe është ngjitur në pozitën e parë në Angli, me hitin “New Rules”. / KultPlus.com
Dua Lipa, këngëtarja shqiptare që ka filluar ta ‘pushtoj’ botën, dje ka festuar ditëlindjen e saj të 22-të.
Lipa ka postuar një video ku sjellë momente nga atmosfera e festës së saj si dhe fryrja e qirinjve.
Pas fryn qirinjtë ajo i falënderon të gjithë për surprizën si dhe këtë vit e quan si “vit të artë”.
“Kaq me fat dhe mirënjohëse për të gjitha këto gjëra të magjishme dhe njerëzit që janë në jetën time. Ndihem si vajza më me fat në botë. Ju faleminderit dhe ju dua”, ka shkruar ajo në Instagram./ KultPlus.com
Mediumi amerikan Buzzfeed ia ka kushtuar një tekst këngëve dhe karrierës së këngëtares shqiptare, Dua Lipa, duke u bërë thirrje amerikanëve që ta dëgjojnë më shumë e t’i japin shans yllit të muzikës.
Buzzfeed shkruan se Dua Lipa gjatë karrierës së saj ka nxjerrë në treg shumë këngë që konsiderohen hite të jashtëzakonshme, si ‘Be The One’ e ‘Blow Your Mind’. Megjithatë, sipas tyre, amerikanët nuk kanë ditur të çmojnë talentin e yllit 22 vjeç, siç ka ndodhur në Britaninë e Madhe.
“Kur ‘Be The One’ e Dua Lipës kishte dështuar në Amerikë, nuk thamë asgjë pasi e dimë që amerikanët janë të prirur të mos i çmojnë gjërat e reja që dalin në treg”, shkruan faqja amerikane.
Sipas tyre, është koha që amerikanët ‘të zgjohen nga gjumi’ e të hyjnë në botën artistike të talentit të Dua Lipës, dhe këtë mund ta bëjnë përmes këngës së saj të re, ‘New Rules’, të cilën Buzzfeed e konsideron si ‘kënga e verës’, pasi që edhe renditet në pozitën e parë si kënga më e dëgjuar në Britani. Por, kjo nuk ndodh në Amerikë, pasi atje, kjo këngë e Lipës renditet vetëm e 81-ta. / KultPlus.com
Linku: https://www.buzzfeed.com/mjs538/dua-deserves-better?utm_term=.fyoJNxkGj#.ojD50KLXB
Këngëtarja Dua Lipa, vajza e sukseseve, sot feston ditëlindjen.
Ndonëse ende e re në moshë, ajo ka arritur të përjetojë suksese të mëdha në karrierën e saj, madje këto ditë ajo është duke përjetuar kulmin e sukseseve, kjo falë këngës së saj të fundit ‘New Rules’, shkruan KultPlus.
Dua sot feston ditëlindjen e 22-të e rrethuar me miq, por urimin më të veçantë ajo e mori nga babai i saj Dukagjin Lipa i cili kishte përzgjedhur një foto nga fëmijëria e Duas ku të dy duken shumë të lumtur.
“Buzëqeshja dhe qeshja jote gjithmonë e ndriçojnë ditën time. Ne e bëjmë këtë mirë së bashku. Gëzuar ditëlindjen dashuria ime”, ka shkruar Dukagjini poshtë kësaj fotografie. / KultPlus.com
Dua Lipa ka mahnitur audiencën me koncertin e saj të mbrëmshëm në Tokio të Japonisë.
Këngët e kosovares e kanë ndezur atmosferën në Summer Sonic Festival, ndërsa sot ajo do të performojë në Osaka.
“Një prej koncerteve më të mira për mua” ka shkruar Lipa në Instagram derisa ka postuar fotografi të atmosferës. Duke se japonezët janë të dashuruar me këngët e Dua Lipës, shkruan KultPlus.
Nga data 22 shtator Dua do ti bashkëngjitet në turne Bruno Marsit. / KultPlus.com
Dua Lipa këtë javë ka siguruar pozitën e parë në toplistën britanike, duke i dhënë fund dominimit të meshkujve që prej vitit 2015.
Këngëtarja me prejardhje nga Kosova është e para femër që kur Adele me këngën ‘Hello’ zuri këtë pozitë në tetorin e vitit 2015.
“New Rules” është kënga e parë e Duas që arrin pozitën e parë, ndërsa dy këngët tjera “No Lie” dhe “Be The One” arritën të siguronin topdhjetëshen e këngëve më të mira në Britani, transmeton Koha.net.
“Faleminderit për përkrahjen e New Rules – zyrtarisht jemi në vendin e parë! Faleminderit që e keni shpërndarë me shokë, që e keni dëgjuar e shkarkuar! Ju dua, kjo do të thotë shumë për mua”, ka thënë Dua Lipa.
Presidenti i studios së famshme muzikore Warner Bros. Records UK, ka shtuar: “Talenti i Duas kurrë nuk ka qenë në dyshim. Të jesh numër një në këtë fazë është një arritje e madhe në rrugëtimin e saj për t’u bërë pop-yll. Është rezultat i tre vjet pune të madhe dhe kreativiteti nga Dua dhe ekipi i Tap Managmentit, dhe krejt WB Recordsit”. / KultPlus.com
Dua Lipa është emri që më së shumti po përmendet në media, kjo falë punës dhe sukseseve të saj, shkruan KultPlus.
Kënga “New Rules” e ka shndërruar artisten kosovare në një yll të përmasave të mëdha, ku vetëm për 1 muaj kjo këngë arriti 100 milionë klikime në YouTube. Por, kësaj radhe nuk bëhet fjalë për muzikën e saj.
Dua Lipa ka angazhime edhe jashtë muzikës. Ajo ka publikuar imazhe nga fushata e re promovuese për brendin Patrizia Pepe.
Dua edhe më herët ka qenë imazh i kompanive të mëdha botërore, por kësaj radhe ajo ka mahnitur me dukjen e saj shkëlqyese. / KultPlus.com
Dua Lipa merr një nominim tjetër të rëndësishëm nga BBC.
Dua Lipa është nominuar sot për Best British Solo Act në kuadër të Teen Awards 2017.
Lipa ka marrë nominimin në organizimin e BBC Radio 1, ndërsa në këtë kategori ajo i bashkëngjitet Stormzy, Ed Sheeran, Harry Styles dhe Rag`n`bone Man.
Votimi për fituesin zhvillohet në internet ndërsa është i hapur deri me 20 gusht, pra edhe pak ditë. Votimi ndodhë vetëm brenda Anglisë.
Fituesi dihet me datë 22 tetor kur edhe mbahet ceremonia e organizuar nga BBC Radio 1. / KultPlus.com