‘Ëndërrat e Hamletit’ nga Mentor Zymberaj shfaqet në Egjipt, merr çmimin e parë për muzikën më të mirë

Shfaqja ‘Ëndërrat e Hamletit’ me regji të Mentor Zymberajt ka shënuar një tjetër sukses ndërkombëtar pasi u shfaq në Festivalin Alexandria International Theater Festival në Egjipt, përcjell KultPlus.

Lajmin e ka bërë vetë regjisori dhe njëkohësisht edhe aktori i shfaqjes përmes një postimi në Facebook, duke njoftuar se kjo shfaqje ka marrë çmimin e parë për muzikën më të mirë të shfaqjes.

Sukses i madh i shfaqjes ËNDËRRAT E HAMLETIT në Festivalin /Alexandria International Theater Festival, në Egjipt!
– Nominimi për Çmimin – Aktori mē i mirē i Festivalit( Mentor Zymberaj nominohet ne mesin e tre aktorëve më të mirë të Festivalit.)
– Shfaqja “ Ëndërrat të Hamletit” nominohet për Çmimin – Zgjedhje Kreative!
– Çmimi i Parë për Muzikën më të mirë të shfaqjes( Kompozitori Andin Reshat Randobrava)
”, ka shkruar Zymberaj.

“Ëndërrat e Hamletit” është realizuar në kuadër të Shtëpisë Teatrore Filmike ‘AKT; dhe ITI-Qendra në Kosovë.

Regjinë dhe interpretimin e shfaqjes e ka realizuar aktori dhe regjisori, Mentor Zymberaj. Ndërsa tekstin e ka shkruar artistja Nina Mazur.

Skenografia vjen nga Zeni Ballazhi, kompozitor i muzikës është Andin Randobrava, dizajnues i dritave është Skender Latifi dhe asistent regjie është Mirak Zymberaj./ KultPlus.com

“Ëndrrat e Hamletit” vlerësohet me çmimin për regjinë më të mirë në ‘Cairo International Festival of Monodrama’ në Egjipt

Drama ‘’Ëndrrat e Hamletit’’ ka fituar një nga çmimet më të rëndësishme, “Regjia më e mirë”, në Festivalin Ndërkombëtar “Cairo Festival of Monodrama” në Egjipt, shkruan KultPlus.

Në festivalin e mbajtur në Kairo të Egjiptit, drama e cila është e bazuar në veprën e Shekspirit “Hamleti, Princi i Danimarkës”, me tekst të shkruar nga Nina Mazur dhe regji e interpretim të Mentor Zymberaj arriti një sukses tejet të madh, duke rrëmbyer këtë çmim.

Vetë Zymberaj e ka cilësuar këtë çmim si sukses të madh të shfaqjes “Ëndrrat e Hamletit”.

Çmimi – REGJIA MË E MIRË në Festivalin Cairo International Festival of Monodrama në Kairo, Egjipt!

Sukses i madhë i shfaqjes ËNDËRRAT E HAMLETIT!“, ka shkruar Zymberaj.

‘’’Ëndrrat e Hamletit” është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës. Premiera e kësaj shfaqje është dhënë më 31 mars të vitit 2018 në Teatrin ‘’Dodona’’. / KultPlus.com

Lufta e Kosovës përmes filmit po përcillet nëpër botë, ‘Sofra e Varrit’ do të shfaqet edhe në Mal të Zi

Filmi i shkurtër artistik “Sofra e Varrit” me skenar të Mentor Zymberaj dhe regji të Mirak Zymberaj ka arritur edhe një sukses tjetër ndërkombëtar, shkruan KultPlus.

Pas suksesit në Festivalin Ndërkombëtar të filmit “Artkino” në Moskë të Rusisë, selektimit në Festivalin “The Palace International Short Film Festival” në Sofje të Bullgarisë, fitimit të çmimit kryesor në kategorinë “Best Short Film” në ‘INONU Film Festival’ në Turqi, tani filmi është ftuar për Festivalin “Green Montenegro International Film Festival”.

Edhe një tjetër sukses për filmin nga Kosova i cili trajton temën e luftës 1999 në Kosovë dhe pasojat, fatet e njerëzve dhe luftën e heroizmat e pakompromise për të shpëtuar njëri tjetrin.

Ndërkaq lajmin e ka bërë të ditur vetë Mentor Zymberaj nëpërmjet një postimi në rrjetet sociale:

Edhe një sukses tjetër i filmit SOFRA E VARRIT në regji të Mirak Zymberaj.
Nesërmbrëma shfaqet në Festivalin Green Montenegro International Film Festival. / KultPlus.com

‘Ëndërrat e Hamletit’ në Festivalin Ndërkombëtar të Monodramës, “Cairo” në Egjipt

‘Ëndërrat e Hamletit’ në Festivalin Ndërkombëtar të Monodramës, “Cairo” në Egjipt prezanton Kosovën në mesin e shumë shfaqjeve teatrore ndërkombëtare, përcjell KultPlus.

“Ëndërrat e Hamletit” është realizuar në kuadër të Shtëpisë Teatrore Filmike ‘AKT; dhe ITI-Qendra në Kosovë.

Regjinë dhe interpretimin e shfaqjes e ka realizuar aktori dhe regjisori, Mentor Zymberaj. Ndërsa tekstin e ka shkruar artistja Nina Mazur.

Skenografia vjen nga Zeni Ballazhi, kompozitor i muzikës është Andin Randobrava, dizajnues i dritave është Skender Latifi dhe asistent regjie është Mirak Zymberaj.

Ndërkaq, lajmin e ka bërë të ditur vetë aktori Mentor Zymberaj i cili thotë se shfaqja po thyen rekordet e sukseseve në arenën ndërkombëtare.

“ËNDËRRAT E HAMLETIT vazhdon suksesin në rrugëtimin e saj artistik. Ftohet në Festivali – CAIRO INTERNATIONAL MONODRAMA FESTIVAL, në EGJIPT.
Shfaqje që po thyen rekordet e sukseseve në Arenën Ndërkombëtare”, ka shkruar ai. / KultPlus.com

Lufta e Kosovës përmes filmit po përcillet nëpër botë, “Sofra e Varrit” fiton çmimin kryesor në ‘INONU Film Festival’

Filmi i shkurtër artistik “Sofra e Varrit” me skenar të Mentor Zymberaj dhe regji të Mirak Zymberaj ka arritur edhe një sukses tjetër ndërkombëtar, shkruan KultPlus.

Filmi i shkurtër artistik i titulluar “Sofra e Varrit” ka fituar çmimin kryesor në kategorinë “Best Short Film” në ‘INONU Film Festival’ në Turqi.

Ky është edicioni i 14-të i këtij festivali prestigjioz ndërkombëtar.

Edhe një tjetër sukses për filmin nga Kosova i cili trajton temën e luftës 1999 në Kosovë dhe pasojat, fatet e njerëzve dhe luftën e heroizmat e pakompromise për të shpëtuar njëri tjetrin.

Ndërkaq lajmin e ka bërë të ditur vetë Mentor Zymberaj nëpërmjet një postimi në rrjetet sociale:

Filmi SOFRA E VARRIT në regji të Mirak Zymberaj vlerësohet me Çmimin kryesor – Best Short Film, në INONU Film Festival ne Turqi ( edicioni XIV)

Urime filmit në rrugëtimin artistik!

Urime artistëve pjesëmarrës! / KultPlus.com

Plagët tona si popull dalin në pah nga brendësia e artistit Mentor Zymberaj, monodrama “Arka” i sjell në një dimension tjetër

Era Berisha

Një sakrificë e personazhit i cili për vëllaun e tij të vogël bënë pothuajse çdo gjë të mundur vetëm që ai të shërohet ose të paktën që të jetë pranë tij në momentet më të dhimbshme, shumë shpejtë merr një kahje krejt tjetër. Kjo sakrificë del të jetë asgjë tjetër pos një “rebelim i kotë”, me ç’rast është krijuar edhe thelbi kryesor mbi të cilin mbrëmë premiera e monodramës “Arka” nga Mentor Zymberaj ka gjetur shtëpinë pikërisht në skenën e Teatrit Dodona, shkruan KultPlus.

Në momentin kur ora shënoi fiks 19:42, dritat e ngrohta të vendosura anash në hapësirë po zbeheshin dalëngadalë derisa terri kaploi gjithë të pranishmit. Salla e mbushur me prezencën e audiencës fillimisht u përplas me një imazh që lehtazi ka zgjuar kujtime të shumta. Një arkë e mbuluar me një çarçaf të bardhë mu në mes të skenës, përcolli një ndjenjë të familjaritetit. Pa asnjë zhurmë të vetme, qetësia absolute ishte elementi që ka rrethuar daljen në skenë të aktorit Mentor Zymberaj, shprehjet e së cilit vinin këndshëm në pah nga drita verbuese që i binte mbi fytyrë.

Një emocion i dhimbshëm në sytë e tij paralajmëroi për një histori të vështirë por mjaft të njohur për popullin tonë. Fjalët: ‘E di nanë, që t’ka marrë malli‘, ishin ato që thyen heshtjen në skenë. Nën dritën e llambës të vendosur lartë mu mbi pozitën e arkës, personazhi që erdhi nën aktrimin e veçantë të Mentor Zymberaj, ka rrëfyer brengat e shumta, pra ato të cilat kanë rënduar fort shpirtin, zemrën dhe mendjen e tij deri në një pikë të papërballueshme.

Qysh në fillim, kujtime nga më të ndryshmet të këtij personazhi zunë vendin e tyre preciz. “Ora e shtëpisë“,“Fotografitë“,“biçikleta“,“Hajmalia“,“këmisha e babës“, “Kravata e maturës“, janë vetëm disa nga faktorët që luajtën rolin e rëndësishëm dhe tejet të saktë në rrjedhën e shfaqjes. Ndërsa, përpos elementeve të lartpërmendura, atëherë kur ‘fyelli i gjyshit‘ nxirret nga arka dhe aktori Zymberaj nis interpretimin mbresëlënës, shumë shpejt na shfaqet një dimension befasues që në fakt kjo monodramë përmban.

Nëse dhimbja, vuajtja dhe dëshpërimi do të shndërroheshin në formën e njeriut, atëherë roli i Zymberajt, do të kishte marrë lehtësisht vendin e tyre. Personazhi të cilin ai e portretizon dhe e mban gjallë për gjatë gjithë kohës, shpalos pamundësinë për të mbajtur në jetë të vëllain gjashtë vjeçar që i ka vdekur nga një sëmundje e rëndë. Ai si një student i shkëlqyer i arteve, e kaloi gjithë rininë në dheun e huaj, duke kaluar Evropën ilegalisht por që për të kjo mbetet thjesht një “rebelim i kotë“.

Dalëngadalë, ai ulet mbi arkë, vendos duart dhe kokën mbi të, teksa një dritë e kuqe rrethon gjithë skenën, duke sinjalizuar për një tjetër rrëfim, por kësaj radhe të nënës së tij, e cila po ashtu nuk ishte më gjallë. Nga një copë letre, ai merr vesh për gjithë situatat që ka humbur derisa ai ishte larg shtëpisë. Babai i tij kishte vdekur menjëherë pas të vëllait, duke mos mundur të përballonte vdekjen e të birit, motra e tij ishte zhdukur diku larg për të sjellë në jetë veprat e pabotuara të babait të saj në mënyrë që vepra gjeniale e tij të respektohej, ndërkohë që nëna e tij e sëmurë nuk mundi t’i bëjë ballë sëmundjes që e kishte gjymtuar pa prezencën e asnjërit nga familja e saj.

Kështu krejt në fund, një vijë melodike muzikore fut rrënjët në mbylljen e kësaj shfaqjeje. Personazhi ka qenë shumë specifik e po ashtu ka pasur shumë ndryshime nga pësimet e njëpasnjëshme. Duke marrë parasysh kontaktin me arkën dhe gjithë çka ka përjetuar familja e tij, krejt në fund ai shndërrohet në palaçon e vëllaut të vet. Andaj, kjo është ajo simbioza që e ndërlidh fillimin, zhvillimin dhe fundin e kësaj shfaqje.

“Arka“ solli përjetimet që flenë nëpër qoshet e kujtimeve të shumicës nga ne. Kjo monodramë përpos frymës origjinale që mban dhe një skenari brilant që zhvillohet nëpër tri segmente, me pjesëmarrjen e qëlluar të Igballe Qenës në vokal dhe solistes Yllka Kuqi si dhe precizitetin e udhëheqësve teknik si Bedri Maloku dhe Fadil Bekteshi, ka përthekuar një publik të tërë, duke i dërguar ata nëpër vazhdën e emocioneve të ndryshme që ndonjëherë edhe binin ndesh me njëra-tjetrën.

Autor, regjisor dhe aktor i monodramës “Arka“ është vetë Mentor Zymberaj. Asistent regjie është Mirak Zymberaj, kostumografia vjen e punuar nga Mrikë Zymberaj si dhe realizimi i muzikës nga kompozitori Astrit Pallaska. Po ashtu, regjistrimi i vokalit është bërë nga dirigjenti Memli Kelmendi.

Kjo monodramë është shkruar që disa vite. Ideja për ta realizuar ka qenë shumë më herët. Është botuar në mesin e katër monodramave më të suksesshme të Mentor Zymberajt, që s’ka qenë e inskenuar. Tash është inskenuar dhe është barazuar me të tjerat. Koncepti i regjisë ka zgjatur rreth katër apo pesë muaj, në bashkëpunim me idenë se si të plasohet dhe që dy muaj janë mbajtur ditët e provave derisa është realizuar.

Për të treguar më shumë rreth shfaqjes si dhe procesit të realizmit, për KultPlus foli aktori Mentor Zymberaj.

“Pasi që jam edhe autor, gjithmonë ideja si artist është se çfarë duhet të thuhet dhe se cila temë është më aktuale. Besoj që këto shkrimet tona nganjëherë kanë qenë të imponuara për shkak të nevojave që i kemi në familjet tona, në mënyrë që të ndihmojmë njëri-tjetrin, andaj më është dukur që kjo temë është mjaft e afërt, e ndjeshme por edhe e nevojshme për popullin tonë, duke marrë parasysh dhe pasojat që na ndodhin neve si familje. Mendoj që kjo temë është mjaft e nevojshme që të konsumohet, të shihet prej popullit tonë së pari e pastaj në vende të tjera të botës“, thotë ai.

Sipas tij, si autor ai beson se në njëfarë forme ia ka arritur qëllimit, pastaj koncepti regjisorial si regjisor, për të ka qenë shumë më i lehtë për shkak të idesë autoriale.

“Kur je në treshen autoriale, nuk është e lehtë sepse lufta është në tri segmente. Plasohet ideja si autor, pastaj gjetja e një koncept të bukur dhe atraktiv regjisorial dhe në anën tjetër ndërtohet karakteri për të cilin dhe jam i thirrur. Kështu që, forma ime e punës është pak më specifike sepse punoj kryesisht vetëm. Tema është krejtësisht origjinale dhe idetë më kanë rrjedh gjithmonë nga brendësia, pra prej plagëve tona, prej temave tona që ka nevojë populli ynë. Kështu që jam shumë i kënaqur sepse ekziston një origjinalitet në realizim“, shpalos Zymberaj.

“Është gjetë një ritëm i bukur i shfaqjes që të dëgjohet, të thuhet por edhe të luhet”, përfundon Zymberaj.

/ KultPlus.com

Mentor Zymberaj pjesë e grupit të ekspertëve të Festivalit Ndërkombëtar të Monodramës në Ukrainë

Sot në Monoteatrin Kut-Tv (online) fillon Festivali Ndërkombëtar i Monodramës në “Vidlunja” në Klemenitsky, Ukrainë, përcjellë KultPlus.

Në edicionin e 24-të të këtij festivali, pjesë e grupit të ekspertëve që vlerësojnë monodramat pjesëmarrëse është edhe aktori Mentor Zymberaj.

Në mesin e grupit të ekspertëve të festivalit janë: Vasili Nevolov (Ukrainë); Angelina Rosca-Ichim ( Moldavi) si dhe Mentor Zymberaj (Kosovë).

Ndërkaq, lajmin e ka bërë të ditur vetë Zymberaj i cili ka uruar festivalin për këtë realizmin në një kohë lufte.

“Urojmë realizim e Festivalit në Ukrainë, Presidente dhe drejtuese Artistike e të cilit është Nina Mazur dhe drejtor Volodimir Smotritel, i cili Festival edhe pse në kohë lufte, gjenë forcë të jetësoj edicionin e 24-të”, ka shkruar ai. / KultPlus.com

Ndahen çmimet e Festivalit Ndërkombëtar të Monodramës në Kosovë “MonoAKT”

Në natën solemne të ndarjes së çmimeve të Festivalit Ndërkombëtar të Monodramës në Kosovë “MonoAKT”, juria e Festivalit në përbërje të Nina Mazur (Ukrainë/Gjermani), Sllobo Marunoviç (Mal i Zi), Sonja Jovanovski (Maqedoni), ndau këto çmime:

“MonoStripi” më i mirë – Albina Krasniqi

“MonoPerformansa” më e mirë – Jehona Gashi

Çmimi Special – Nikolina Majdak (Kroaci)

Çmimi Special – Nimon Muqaj (Kosovë)

Çmimi Special – Anna Petrova (Bullgari)

Aktorja më e mirë – Martina Petreva (Bullgari)

Aktori më i mirë – Agron Shala (Kosovë)

Regjisori/ja më i/e mirë – Nevena Miteva ( Bullgari)

Monodrama më e mirë – “Më pyesin ku je” (Itali)

Çmimi për Vepër Jetèsore – Xhevat Limani- Gjergj Kastrioti Skënderbeu (USA). / KultPlus.com

“Ëndërrat e Hamletit” prezantohet suksesshëm në Festivalin Ndërkombëtar të Monodramës, ‘Armmono’

“Ëndërrat e Hamletit” pati nderin të përzgjidhet në Edicionin Jubilar – XX të Festivalit “ARMMONO” në mesin e shumë monodramave nga e mbarë bota, festival ky që zgjati nga 17 deri më 22 maj 2022 në kryeqytetin e Armenisë, Yerevan, shkruan KultPlus.

Shfaqja “Ëndërrat e Hamletit” u vlerësua lartë nga artdashësit nga Armenia si dhe pati kritika nga artistët ndërkombëtarë duke e cilësuar shfaqjen si ndër më të mirat në Festival.

Ky konsiderohet të jetë një sukses i radhës i shfaqjes që deri më tani ka marrë pjesë dhe është vlerësuar me shumë çmime prestigjioze në shumë vende të botës si: Ukrainë, Rumani, Egjipt, Moldavi, Dagestan, Bullgari, Maqedoni, Armeni, Kosovë etj.

“Ëndërrat e Hamletit” është realizuar në kuadër të Shtëpisë Teatrore Filmike ‘AKT; dhe ITI-Qendra në Kosovë.

Regjinë dhe interpretimin e shfaqjes e ka realizuar aktori dhe regjisori, Mentor Zymberaj. Ndërsa tekstin e ka shkruar artistja Nina Mazur.

Skenografia vjen nga Zeni Ballazhi, kompozitor i muzikës është Andin Randobrava, dizajnues i dritave është Skender Latifi dhe asistent regjie është Mirak Zymberaj. / KultPlus.com

MKRS ndan çmimet vjetore për teatër, Mentor Zymberaj dhe Jeton Neziraj marrin çmimet për prezantim të suksesshëm ndërkombëtar

Në ditën Botërore të Teatrit, Ministria e Kulturës, Rinisë dhe Sportit ka ndarë çmimet vjetore për teatër, përcjell KultPlus.

Këtë vit juria është përbërë nga Majlinda Bregasi , Vlora Merovci Berisha, Qendresa Jashari, Afrim Spahiu dhe Kushtrim Mehmeti.

Çmimin për prezantim të suksesshëm ndërkombëtar këtë vit e morën dy artistë, Mentor Zymberaj dhe Jeton Neziraj.

“Duke marrë parasysh se ky çmim ka si kriter numrin e performancave dhe vlerësimet e suksesshme jashtë vendit, kandidatët kanë përmbushur të dyja këto kritere. Njëri me numrin e performancave dhe tjetri me numrin e çmimeve nëpër konkurse ndërkombëtare, ndaj secili e Meriton vlerësimin më të lartë nga shteti i tyre për prezantim ndërkombëtar.” – tha kryetarja e jurisë, Majlinda Bregasi./ KultPlus.com

Lufta e Kosovës përmes filmit po përcillet nëpër botë, ‘Sofra e Varrit’ do të shfaqet edhe në New York

Filmi i shkurtër artistik “Sofra e Varrit” me skenar të Mentor Zymberaj dhe regji të Mirak Zymberaj ka arritur edhe një sukses tjetër ndërkombëtar, shkruan KultPlus.

Pas suksesit në Festivalin Ndërkombëtar të filmit “Artkino” në Moskë të Rusisë dhe selektimit në Festivalin “The Palace International Short Film Festival” në Sofje të Bullgarisë, tani filmi është ftuar për Festivalin “The 4th Meihodo International Youth Visual Media Festival” në New York.

Edhe një tjetër sukses për filmin nga Kosova i cili trajton temën e luftës 1999 në Kosovë dhe pasojat, fatet e njerëzve dhe luftën e heroizmat e pakompromise për të shpëtuar njëri tjetrin.

Këtë vit MIYVMF po fokusohet në tre kategori: Film me metrazh të gjatë, Dokumentar dhe Video muzikore./KultPlus.com

“Sofra e Varrit” me skenar të Mentor Zymberaj dhe regji të Mirak Zymberaj, sot prezantohet në Festivalin Ndërkombëtar të Filmit në Moskë


Filmi i shkurtër artistik i titulluar “Sofra e Varrit” me skenar të Mentor Zymberaj dhe me regji të Mirak Zymberaj, sot prezantohet në Festivalin Ndërkombëtar të Filmit “ARTKINO” në Moskë, Rusi, përcjell KultPlus.

Ky është edicioni i 13-të i këtij festivali prestigjioz ndërkombëtar.

Gjithashtu, skenaristi dhe aktori Mentor Zymberaj është ftuar të zhvilloj një punëtori apo ‘MASTER CLASS’ online para shfaqjes së filmit.

Filmi “Sofra e Varrit” është realizim i Shtëpisë Teatrore Filmike ‘AKT’. / KultPlus.com

Shfaqja ‘Ëndërra e Hamletit’ shënon sukese ndërkombëtare, Zymberaj fiton çmim

Shfaqja “Ëndërra e Hamltetit” ka shënuar suksese në arenën ndërkombëtare, ku regjisori Mentor Zymberaj ka fituar çmimin “Jaccues Lacarier Grand Prix 20211” në Festivalin Ndërkombëtar Teatror “Actor of Europe”, shkruan KultPlus.

Njoftimin për çmimin e fituar, Zymberaj e bëri përmes një postimi në “Facebook”, ku edhe falënderoi ekipin realizues për çmimin e fituar.

Kjo shfaqje është e bazuar në veprën e Shekspirit “Hamleti, Princi i Danimarkës”, me tekst të Nina Mazur dhe regji e interpretim të Mentor Zymberaj.

Zërat: Selman Lokaj, Igballe Qena, Veton Osmani, Dora Xhemajli, Edlir Gashi, Ermal Sadiku, Andin Randobrava, Valmir Krasniqi e Mikel Markaj.

“Ëndrrat e Hamletit” është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës. /KultPlus.com

May be an image of text

‘Ëndërrat e Hamletit’ në Festivalin Ndërkombëtar të Teatrit “Ostrovsky Fest”

‘Ëndërrat e Hamletit’ në Festivalin Ndërkombetar të Teatrit “Ostrovsky Fest” prezenton Kosovën në  konkurenë zyrtare në mesin e shumë shfaqjeve teatrore ndërkombetare.

‘Ëndërrat e Hamletit’ pos vlerësimit të lartë artistik nga kritika, juria, mediat dhe audienca e Festivalit, ne fund u shperblye me dy çmime kryesore te Festivalit:

– Aktori më i mirë i Festivalit për Mentor Zymberaj si dhe Çmimi i Shikuesve per shfaqjen dhe aktorin Mentor Zymberaj.

Kjo shfaqje po vazhdon suksesin edhe në festival të tjera si në Ukrainë, Rumani, Dagestan, Maqedoninë e Veriut, Moldavi e Rusi në tëcilat povashtu u vlerësua dhe u nderua me çmime ndërkombëtare./KultPlus.com

Regjisori Mentor Zymberaj vlerësohet lartë në Rusi

Regjisori i dramës ‘Ëndrrat e Hamletit’, Mentor Zymberaj është vlerësuar në Festivalin Ndërkombëtar të Monodramës në Vladimir të Rusisë, shkruan KultPlus.

Lajmi është bërë i ditur nga vetë Zymberaj nëpërmjet një postimi në Facebook i cili ka shkruar se ky është edhe një tjetër sukses i shfaqjes në arenën ndërkombëtare.

Ëndërrat e Hamletit vlerësohet lartë në Festivalin Ndërkombëtar Teatror në Vladimir të Rusisë! Edhe një sukses i radhës i shfaqjes në Arenën Ndërkombëtare!”, ka shkruar ndër të tjera regjisori.

‘’’Ëndrrat e Hamletit” është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës. Premiera e kësaj shfaqje është dhënë më 31 mars të vitit 2018 në Teatrin ‘’Dodona’’. / KultPlus.com

‘Ëndrrat e Hamletit’ përfaqëson Kosovën në Rusi, Zymberaj: Kosova po prezentohet në programin zyrtar të festivalit

Drama ‘Ëndrrat e Hamletit’ me regji dhe interpretim të Mentor Zymberaj prezentohet dhe përfaqëson Kosovën në Festivalin Ndërkombëtar të Monodramës në Vladimir të Rusisë, shkruan KultPlus.

Në një prononcim për KultPlus Mentor Zymberaj ka thënë se është shumë i rëndësishëm përfaqësimi në këtë festival sepse tashmë dhe Kosova bënë pjesë në mesin e shteteve tjera në programin e këtij festivali.

“Përfaqësimi në këtë festival është mjaft i rëndësishëm pasi që pos prezentimit dhe selektimit të shfaqjes si vlerë artistike, prezentohet edhe Kosova në mesin e shteteve tjera në programin zyrtar të festivalit”, ka pohuar ai.

Krahas pjesamrrjes në këtë festival drama ‘Ëndrrat e Hamletit’ në nëntor të vitit që po lënë pas ka fituar çmimin kryesor ‘Monodrama më e mirë e festivalit’ në Festivalin Ndërkombëtar SITFY në Egjipt.

Gjithashtu shfaqja ‘ Ëndrrat e Hamletit’ ka triumfuar edhe në festivale tjera ndërkombëtare në vende si Rumani, Bullgari, Ukrainë, Dagestan, Egjipt dhe Moldavi.

‘Ëndrrat e Hamletit’ është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës. Premiera e kësaj shfaqje është dhënë më 31 mars të vitit 2018 në Teatrin ‘’Dodona’’./ KultPlus.com

Festivali MonoAKT sjellë monodramat dhe ekspertët ndërkombëtarë në Kosovë

Së shpejti fillon edicioni 11-të i Festivalit Ndërkombëtar i Monodrames në Kosovë  MonoAKT, shkruan KultPlus.

Në ketë edicion marrin pjesë monodrama nga disa vende të Evropës si nga Kroacia, Azerbexhani, Maqedonia, si dhe në konkurencë është edhe Kosova me dy monodrama. Ndërsa në konkurencen e MonoStripit konkurojnë 15 aktorë të rinjë.

Ketë vit në juri ndërkombëtare është përzgjedhur: Nina Mazur (Ukraina/Gjermania), Liviu Dospinescu (Kanada), Emin Emini (Kosova).  Kurse në kuader të festivalit do të ketë edhe ekspert të ftuar si mysafirë, ku do të organizohet konferenca me temë për zhvillimin e monodrames që do të udhëhiqet pikërisht nga këta ekspert ndërkombëtar të teatrit.

MonoAKT do të mbahet  në Teatrin ‘Istref Begolli’ në Pejë, në teatrin Dodona si dhe në Skenën e Fakultetit të Arteve. Realizator është shtëpia teatrore filmike AKT, themeluar dhe drejtuar nga Mentor Zymberaj. Festivali është mbështetur nga ITI dhe MKRS dhe Komuna e Pejës.

Festivali fillon me 23 qershor e do të zgjasë deri me 26 po të këtij muaji./KultPlus.com

Shfaqja “Ëndrrat e Hamletit” mori pjesë në Festivalin Ndërkombëtar të Teatrove në Dagestan

Shfaqja “Ëndrrat e Hamletit” ishte pjesë e Festivalit Ndërkombëtar të Teatrove në kryeqytetin e Dagestanit në Makhachkala, shkruan KultPlus.

Kjo shfaqje ishte shfaqja e parë pjesëmarrëse në këtë festival e cila solli para publikut një shfaqje në gjuhën shqipe. Shfaqja u vlerësua dhe u cilësua në të gjitha segmentet artistike të realizimit.

“Ëndrrat e Hamletit mori epitetin si shfaqja më e mirë e Festivalit së bashku me shfaqjen nga Gjeorgjia. Vlerësimi u dha në Konferencën për Media e cila u organizua në fund të Festivalit. Pas këtij cilësimi dhe vlerësimi të lartë nga kritika profesionale në përbërje të: Nikolay Zhegin (Moske), Gulizar Sultanova (Dagestan), Nina Mazur (Gjermani), Alexander Mjagchekov (Moske), Valery Podgorodinsky (Moske), pasoi edhe një nderim në përmbylljen Solemne edhe mirënjohja e veçantë nga Ministria e Kulturës së Dagestanit për aktorin dhe regjisorin Mentor Zymberaj”, tregoi vet regjisori Zymberaj për KultPlus.

“Ëndrrat e Hamletit” e cila shfaqje-monodrame u dha këtë vit si Premiere e Shtëpisë Teatrore Filmike AKT dhe ITI-Qendra në Kosove. Kjo shfaqje mori pjesë edhe në Festivalin Ndërkombëtar të Monodramës në Ukraine ku mori dy çmime.

“Ëndrrat e Hamletit” është realizuar duke u bazuar në veprën e Shekspirit “Hamleti”, Mbreti i Danimarkës”. Autor është Nina Mazu, aktorë dhe regjisor Mentor Zymberaj, skenografia dhe kostumet janë realizuar nga Zeni Ballazhi, muzika nga Andin Randobrava, dizajni i dritave nga Skender Latifi, udhëheqës teknik është Albert Gashi ndërsa koordinator të shfaqjes janë Kaltrine Zeneli dhe Mirak Zymberaj./ KultPlus.com

“Aktori në kuti” do shfaqet në Teatrin “The Playground Theatre” në Londër

Alberina Haxhijaj

Shfaqja “Aktori në kuti” do prezantohet në Teatrin “The Playground Theatre” në Londër më 13 e 14 shtator 2018, shkruan KultPlus.

Me rastin e Vitit Jubilar , 10 Vjetorit të shfaqjes “Aktori në kuti” vazhdon prezantimi dhe pjesëmarrja në skenat ndërkombëtare.

“Aktori në kuti” në shenjë të këtij përvjetori, më 22 prill u shfaq në Festivalin Ndërkombëtar të Monodramës në Bacau të Rumanisë e cilësuar shfaqje nderi e festivalit si dhe në manifestimin mbarëkombëtar “140 Vjetorin e Lidhjes së Prizrenit” më 13 qershor.

Gjate 10 viteve shfaqja “Aktori në kuti” mori pjese dhe u prezantua në mbi 20 festivale kombëtare dhe ndërkombëtare duke marrë çmime dhe nominime po ashtu.

“Aktori në kuti” është realizim i Shtëpisë Teatrore Filmike AKT, ndërsa teksti, regjia dhe interpretimi nga Mentor Zymberaj.

Shfaqja “Aktori në kuti” tregon historinë e një aktori i cili e braktisë Teatrin Kombëtar të vendit të tij dhe merr rrugën e aktorit shëtitës. Ai për më shumë se tri vite shëtit nëpër rrugë duke dhënë më shumë se 700 shfaqje.

Ai një ditë nuk mbërrin në qytetin antik për ku ishte nisur, por në një zonë të minuar lufte. Dëshiron të kthehet nga ka ardhur por shpejtë i mbyllet shtegu. Mbetet i izoluar mu në mesin e zonës së minuar me kutin e tij të vogël të cilën e ka skenë por edhe bujtinë, kuzhinë, gardërobë. Atë ditë rastis të ketë edhe ditëlindje, e feston mu në “zonën e minuar” duke i ofruar “zonës së vdekjes” pjesë nga Shekspiri, Molieri, Çehovi dhe në fund monologun e tij jetësor ku vet është autor. ”Zona e Ftohte” vazhdon kërcënimin ndaj artistit duke ia rrëmbyer dhe duke ia hedhur në ajër copë-copë edhe “partneren” e vetme, Xhulijetën!…Mallëngjehet për kukullën e tij, partneren e vetme. Betohet se kurrë më nuk do ta luaj atë pjesë teatrore…Akuzon “Luginën e Vdekjes” për pasojat që ua bënë njerëzimit./ KultPlus.com

“Ëndrrat e Hamletit” po vjen me premierë në Dodona

Kjo shfaqje është e bazuar në veprën e Shekspirit “Hamleti, Princi i Danimarkës”, me tekst të Nina Mazur dhe regji e interpretim të Mentor Zymberaj, shkruan KultPlus.

Premiera e kësaj shfaqje është më 31 mars në Teatrin “Dodona”, kurse skenografinë dhe kostumet i ka bërë Zeni Ballazhi, me muzikë të Andin Randobrava, dizajni i dritave, Skënder Latifi, udhëheqës teknik- Albert Gashi, me koordinatorë Kaltrinë Zeneli dhe Mirak Zymberaj.

Zërat: Selman Lokaj, Igballe Qena, Veton Osmani, Dora Xhemajli, Edlir Gashi, Ermal Sadiku, Andin Randobrava, Valmir Krasniqi e Mikel Markaj.

“Ëndrrat e Hamletit” është realizim i Shtëpisë Teatrore Filmike AKT & ITI-Qendra në Kosovë, në bashkëpunim të teatrit Dodona dhe Komunës së Prishtinës./KultPlus.com

Mentor Zymberaj përfaqësoi Kosovën në “Çmimet e Evropës për Teatër” 2017-të

Me rastin e “Çmimit të Evropës për Teatër” edicioni XVI, i mbajtur në Romë nga 12 deri me 17 dhjetor 2017, për herë të parë ishte përfaqësimi zyrtar nga Kosova, gjegjësisht përfaqësim i artit skenik shqiptarë.

Ftesa për përfaqësimin nga Kosova, i ishte dërguar Mentor Zymberaj themelues i ITI-Qendra në Kosovë (Instituti Teatror), shkruan KultPlus.

Ky event ndërkombëtar për teatër ndër kryesorit në Evropë, u realizua në shumë aktivitete teatrore si: Hulumtimet dhe zhvillimet teatrore në Evropë dhe Qendrat e ITI; pjesëmarrja e gazetarëve dhe kritikës teatrore në ndarjen e Çmimeve Speciale nga Asociacioni i tyre; pjesëmarrja e autoreve, aktorëve, regjisoreve fitues në “Çmimet e Evropës për Teatër” dhe takimi i tyre me gazetarë e kritikë teatror; prezantimet e shfaqjeve fituese në “Çmimet e Evropës për Teatër”; si dhe Solemniteti i Ndarjes së Çmimeve si akti final i “Çmimet e Evropës për Teatër” 2017, edicioni XVI.

Pos çmimeve të ndryshme teatrore që u ndanë, çmimi kryesor “Çmimi i Evropës për Teatër” u takoi dy artistëve: Jeremy Irons dhe Isabelle Hubert. Ky event përfundoi me pjesëmarrjen e komunitetit artistik nga Evropa por edhe më gjerë, si dhe nga Institucionet shtetërore italiane dhe evropiane.

Pjesëmarrja e parë zyrtare i përfaqësimit të Kosovës ishte e një rëndësie të veçantë në zhvillimet teatrore në Kosovë por edhe më për artin skenik shqiptarë./ KultPlus.com