Katedralja e Shën Demetrit Megalomartir në Horën e Arbëreshëve arrihet përmes një shkalle të vonë në stilin barok. Fasada tregon dy mozaikë të shkollës Monreale të vitit 1960 që përshkruajnë Krishtin në fron të rrethuar nga figurat e Shën Gjergjit dhe Shën Dhimitrit.
Ndërtesa ka tre anije, të ndara nga dy rreshta me shtatë kolona mermeri. Një ikonostas imponues prej druri mbulon tre absidat. Absida kryesore, fillimisht e kthyer nga lindja sipas kanunit bizantin, u zhvendos drejt perëndimit në rindërtimin e shekullit të 16-të. Midis 1641 dhe 1644 Pietro Novelli pikturoi afresket në absidat.
Në qendër përfaqësohet Lartësimi i Trinisë, në të djathtën Krishti duke u ngjitur në qiell. Në rreshtin e majtë ekziston një pikturë e madhe vaji në kanavacë (D’Antoni A., 1845) që përshkruan Shën Nikollën duke u dhënë mallrat e tij të varfërve. Vepra më e vjetër me rëndësinë më të madhe artistike është Ikona e Krishtit me Marinë nga shkolla Sienese e vitit 1500, e vetmja e pikturuar me tempera vezë.
Në murin e djathtë, në lidhje me hyrjen kryesore, është varri i At G. Guzzetta, një nga njerëzit më të shquar të Horës. Pas restaurimeve të reja (1960) kori u shndërrua dhe u zgjerua dhe qemeri i fuçisë së naosit qendror u zëvendësua me një çati me kafe me zbukurime ari. Shenjat e dy stileve janë të dukshme në kishë: një perëndimore, i përfaqësuar nga afresket nga Novelli dhe nga piktura të ndryshme në kanavacë; tjetri oriental, i vërtetuar nga ikonostasi dhe ikonat e vendosura në korridoret anësore. Kohët e fundit katedralja është zbukuruar me afreske të reja./ KultPlus.com
Mbretëresha Elizabeth II festoi sot 69-vjetorin e ngjitjes së saj në fron pa shumë bujë duke qëndruar jashtë syve të publikut, në kështjellën Windsor për shkak të pandemisë së koronavirusit.
“Në këtë ditë në vitin 1952, mbretëresha hipi në fron pas vdekjes së babait të saj, mbretit George VI”, sipas familjes mbretërore, në një postim në Twitter.
Mbretëresha ka kaluar një pjesë të madhe të pandemisë në Windsor me princin Philip dhe me një grup të vogël të stafit të besuar.
Babai i saj, mbreti George VI, vdiq më 6 shkurt në Sandringham.
Sipas Shoqatës Britanike të Shtypit, vitin e ardhshëm do të ketë një ditë shtesë pushimi, kur mbretëresha të festojë jubileun e saj të platinit./atsh/ KultPlus.com
Alina Fejzo është interpretuese dhe fotografe, e cila jeton në Holandë. Alina ka përfunduar studimet në Akademinë e Dancit në Rotterdam, Codarts dhe për arkitekturë dhe dizain në Fermo të Italisë.
Ajo aktualisht jep lëndën e improvizimit dhe teknikave moderne në teatrin e muzikës në Universitetin Codarts. Balerina shqiptare, dje ka performuar në livestream në festivalin Korzo.
Performanca u ndoq online nga të apasionuarit pas baletit. Një koreografi e vendosur në disa shkallë në lartësi 4.5 metra, e cila vjen e ngushtohet në majë. Shkallët simbolizojnë botën e paqendrueshme. Balerinët nëpërmjet kërcimit tregojnë përpjekjet që duhet të bëhen në tokë për të mbietuar./ KultPlus.com
Kush nuk e mban mend rolin e plakës tek ‘Kthimi i Ushtrisë së Vdekur’, rol që e ngriti Liza Laskën në piedestalin e aktorëve më të çmuar shqiptarë.
Liza Laska lindi më 6 shkurt të vitit 1926 në Vlorë, Shqipëri, aktore shqiptare që mban titullin “Artiste e merituar”.
Filmat e luajtur prej saj janë të shumtë “Një ditë e mrekullueshme” (2002), “Vdekja e burrit”, (1991), “Kthimi i ushtrisë së vdekur”, (1989), “Familja ime”, (1987) “Teta Kalina”, “Dhe vjen një ditë”, (1986) “Nena e Llano Bletes”, “Gurët e shtëpisë sime” (1985) etj..
Shkollimin e parë e mori në qytetin e lindjes. Ajo filloi jetën artistike si aktore e Teatrit të Vlorës dhe më pas luajti për herë të parë në filmin “Malet me blerim mbuluar” në 1971 dhe që hapi rrugën e saj për shumë interpretime të tjera në ekran.
Aktorja ndërroi jetë më 31 gusht 2014. Gjatë viteve të fundit “Artistja” e Merituar ka hedhur në letër kujtimet e saj, për t’i lënë pas për brezat që vijnë. Në një intervistë për median, aktorja është shprehur se ‘Kënaqësia më e madhe e aktorit është respekti dhe dashuria e publikut, ai nuk barazohet me asgjë. Kur eci rrugës, më thonë: O labja jonë, o nëna e Vlorës”./diapsorashqiptare/ KultPlus.com
“Ju më doni siç do pema erën; për ju ndjej në zemër diçka të madhe dhe të ëmbël, diçka prekëse dhe mirënjohëse që s’do të shuhet; ty e gjora grua që të kam bërë aq shumë të qash e që do të doja që ti aq shumë të buzëqeshje, ty shpirtmirës që fashon lebrozin, megjithëqë lebra s’ka nevojë të fashohet ndërsa lebrozi zemërohet nganjëherë, të uroj gjithçka që unë s’e kam, qetësinë e shpirtit, besimin te vetja dhe gjithçka që të bën të jetosh e kenaqur. Të uroj krasitjen e gjithë gjembave të jetës dhe rrugina të shtruara me rërë, me lule mbjellë anash, me zhurma rrëkesh, gugurima pëllumbash ndër degë dhe fluturime shqiponjash mes reve”
( Paris, 31 dhjetor 1851, e mërkurë, ora 2)/ KultPlus.com
Aktori i ndjerë, Paul Walker ishte i dhënë pas shpejtësisë dhe makinave luksozeve, jo vetëm në filmin“Fast and Furious”, por edhe në jetën reale.
Pasioni i tij më i madh, shpejtësia, i mori edhe jetën.
Ai zotëronte një koleksion automjetesh, i cili përfshinte makina, motoçikleta dhe kamion.
Megjithëse 8 vite pas vdekjes së tij makina e tij BMW M1, paraardhëse e BMW i8 e cila është një makinë e rrallë e unike është shitur në një ankand për 500.000 dollarë.
Walker e bleu makinën në vitin 2011 si pjesë e koleksionit të tij “AE Performance”.
Kujtojmë që Paul vdiq në mënyrë tragjike në moshën 40-vjeçare, më 30 nëntor 2013, pas një aksidenti me makinë në Kaliforni./ KultPlus.com
Përfaqësues të komunitetit shqiptar duke interpretuar valle tradicionale shqiptare në festivalin e mbajtur me rastin e 100 vjetorit të vetëqeverisjes së Australisë.
Aktiviteti i mbajtur gjatë javës 31 maj- 6 qershor 1959 përfshiu shumë aktivitete etno-kulturore si dhe një ceremoni të madhe për natyralizimin e 629 qytetarëve të rinj australian
Rreth 300 emigrantë interpretuan vallet e tyre tradicionale në “Festivalin e Emigracionit”.
Më poshtë gjeni foto e këtij manifestimi./ KultPlus.com
Veshjet kombëtare shqiptare janë ndoshta krenaria më e madhe e këtij kombi.
Kush i vesh, e kupton mirë emocionin që japin veshjet kombëtare, të cilat për vite kanë karakterizuar shqiptarët dhe trevat e ndryshme shqiptare.
Në përvjetorin e 7-të, të vdekjes së Vaçe Zelës, këngëtares së madhe shqiptare, KultPlus ju sjell një fotografi të saj ku ajo është e veshur në kostum tradicional shqiptar.
Vaçe Zela mbetet ndër zërat më të mirë ndër tërë shqiptarët.
E lindur në Lushnjë, ajo mbetet krenaria e kombit shqiptar por edhe një grua me personalitet dhe me emocion hyjnor. E kur e shohim në veshje të tillë, fytyrë-krenare, veç e duam më shumë këtë Artiste të Merituar të Popullit.
Tipet kryesore të veshjeve popullore shqiptare për burra janë: kostumi me fustanellë, kostumi me këmishë të gjatë e dollamë (cibun), sipër kostumi me tirq dhe ai me poture (pantallona të shkurtra deri te gjuri). Pra, në Shqipëri, burrat kanë mbajtur si veshjet në formën e një fundi të gjerë, ashtu edhe ato në formë pantallonash, por të parat kanë dalë nga përdorimi më herët se të tjerat. Pjesët më të zbukuruara ishin jelekët dhe xhamadanët e kostumit festiv. Burrat shqiptarë mbanin edhe stoli të ndryshme argjendi, si jastekë gjoksi, sumbulla dekorative tek jelekët, unaza, pipa e kuti cigaresh, por mbi të gjitha, armët e brezit e të krahut, që ishin gjithnjë të stolisura pasurisht.
Për gra, tipet kryesore të veshjeve, ishin: kostumi me xhubletë (një fund në formë këmbane), kostumi më këmishë të gjatë e xhokë shajaku sipër, kostumi me dy futa të vendosura mbi këmishën e gjatë, njëra përpara e tjetra prapa dhe kostumi me mbështjellëse (një fund i hapur, i mbledhur tek beli me rrudha ose pala). / KultPlus.com
Kryeministri Edi Rama inspektoi sot punimet për rikonstruksionin e teatrit bashkiak të Gjirokastrës.
Gjatë një turi të zhvilluar sot në jug të vendit, Rama pa edhe punimet që po kryhen në këtë teatër, në të cilin nuk ishte investuar që prej vitit 1970 kur ishte ndërtuar.
Kreu i bashkisë së Gjirokastër, Flamur Golemi informoi se punimet për rilindjen e teatrit bashkiak të Gjirokastrës nisën në dhjetor të vitit që lamë pas dhe deri tani janë kryer 45% e vëllimit të punimeve.
“E keni cilësuar frigoriferi i qytetit. Teatri ka përfunduar në vitet ‘70 dhe nuk është bërë asnjë investim, përkundrazi janë zënë edhe hapësirat përreth. Me një investim prej 12 milionë lekësh nga bashkia e qytetit dhe 36 milionë lekë nga JACA ne bëmë të mundur ndërhyrjen përmes një projekti të hartuar nga Fondi Shqiptar i Zhvillimit në vitin 2017. Do të ketë ndërhyrje rrënjësore, pasi godina kishte dëmtime edhe strukturore, por edhe në hapësirat përreth teatrit. Teatri pritet të jetë gati brenda 2-3 muajve”, deklaroi Golemi.
Projekti parashikon rivitalizimin e gjithë hapësirës duke krijuar edhe një shesh publik, duke qenë se i mungon qytetit. /ata/ KultPlus.com
“Muzeu i ri Etnografik është pjesë e projektit prej katër muzesh që do t’i shtohen ofertës turistike të Gjirokastrës, së bashku me Muzeun Kadare, Muzeun e Armëve dhe Muzeun e Burgut të Kalasë. Falë projekteve të arkitektit të famshëm spanjoll Jesus Hernandez (autor i Muzeut Marubi në Shkodër), këto hapësira do të marrin një jetë të re”.
Kështu u shpreh sot Kryeministri Edi Rama i shoqëruar nga ministri i Brendshëm Bledi Çuçi dhe kryetari i bashkisë së Gjirokastrës, Flamur Golemi, gjatë inspektimit të punimeve që po kryhen për rikonstruksionin e këtij muzeu.
Kryeministri Rama tha se “muzeu do të transformohet komplet nga pikëpamja muzeale. Edhe shtëpia e Kadaresë do kalojë në një muzealizim komplet. Muzeu Etnografik do jetë një muze që do të ketë përmasë kombëtare siç është muzeu i Marubit dhe ai Mesjetar në Korçë”, – theksoi Rama.
Kryetari i bashkisë së Gjirokastrës Golemi tha se “jemi në vazhdën e ndërhyrjeve në rrjetin muzeal. Kjo zonë ka marrë qasje tjetër që me ndërhyrjet që do bëhen, ka edhe hotele me standarde vërtet të larta”.
Inxhinieri i firmës që po kryen punimet u shpreh se “ky muze do të kthehet në një muze të hapur, pasi do të ketë pika qëndrimi ku njerëzit mund të qëndrojnë, të lexojnë. Është pjesë e ndërhyrjeve të programit të financuar nga kredia e Bankës Botërore për zhvillimin urban e turistik”.
Muzeumet në qytetin e Gjirokastrës mirëpresin vizitorë vendas dhe të huaj në çdo stinë. Muzeu i Armëve, Etnografik apo “Shtëpia Kadare” janë qendra të rëndësishme për nxitjen dhe zhvillimin e turizmit. Përgjatë vitit 2020 muzeumet u vizituan nga rreth 8 mijë turistë, kryesisht vendas, por edhe nga shtete të ndryshme./ata/ KultPlus.com
Një vendim për ndalimin pothuajse total të abortit në Poloni ka hyrë në fuqi dhe ka filluar zbatimin nga 3 shkurti. Ky vendim gjykate kishte nxitur protesta të mëdha në tetor të vitit të kaluar. Aborti tani lejohet vetëm në rastet e përdhunimit dhe incestit ose kur shtatzënia kërcënon jetën e nënës.
Në kundërshtim të këtij vendimi në qytetet polake përsëri u zhvilluan protesta javën e kaluar. Vendimi shkaktoi zemërim tek mbështetësit e të drejtës për abort, por qeveria konservatore e Polonisë, e cila ka lidhje të forta me kishën e fuqishme katolike të vendit, po mbështet vendimin.
Gjykata arsyetoi vendimin e saj me faktin se “një fetus është një qenie njerëzore” dhe për këtë arsye meriton mbrojtje sipas kushtetutës së Polonisë e cila siguron të drejtën për jetë.
Në anën tjetër grupet që mbështesin vendimin për ndalim thonë se bëhet fjalë për të drejtat e fëmijëve. “Ne jemi shumë të lumtur që ky gjykim është publikuar. Është një hap i madh drejt realizimit të të drejtave të njeriut për të gjitha qeniet njerëzore,” i tha BBC-së Karolina Pawlowska nga qendra e së drejtës ndërkombëtare Ordo Iuris.
“Unë dua që ne të kemi të drejtat tona themelore, të drejtën për të vendosur në lidhje me trupat tanë, të drejtën për të vendosur se çfarë duam të bëjmë, nëse duam të lindim fëmijë dhe në cilat rrethana dëshirojmë të kemi fëmijë,” u tha një protestuese, Gabriela Stepniak, agjencisë së lajmeve Reuters.
Kryetari i Bashkisë së Varshavës – Rafał Trzaskowski postoi kundërshtimin e tij ndaj vendimit në platformën Twitter, duke u bërë thirrje grave të refuzojnë vendimin.
Edhe para këtij vendimi Polonia veçse kishte disa nga ligjet më kufizuese të abortit në Evropë. /qika/ KultPlus.com
Nxitur nga temperaturat e ngrohta në Shqipëri, mijëra shtetas shqiptarë nga Kosova kanë vendosur të udhëtojnë drejt Shqipërisë për të kaluar fundjavën.
Gjatë ditës së sotme mbi 12 mijë kosovarë dhe mbi 4500 mjete kanë kaluar kufirin në doganën e Morinës, ndërkohë që për të hyrë në territorin shqiptar pritjet zgjasin deri në 30 minuta.
Për të përballuar fluksin, policia kufitare po punon me 5 sportele dhe procedurë të përshpejtuar, por radha mbetet sërish shumë e gjatë.
Vetëm këtë javë kanë hyrë në Shqipëri, rreth 20 mijë shtetas kosovarë, të cilët thonë se kufiri mes dy vendeve nuk duhet të ekzistojë. /express/ KultPlus.com
Shoqata Sindikale e Teatrit Kombëtar të Kosovës përmes një komunikate ka shprehur se nuk është pjesë e organizimit të reagimit të përfaqësuesve të Teatrit Kombëtar të Kosovës, Filharmonisë së Kosovës dhe AKKV “Shota“ dhe Asociacioni i Teatrove Publike të Qyteteve të Kosovës, të cilët dje u shprehën se vota e tyre shkon për ata që garantojnë ligjin për krijuesit dhe performuesit e artit, shkruan KultPlus.
“Shoqata Sindikale e Teatrit Kombëtar të Kosovës, si subjekti i vetëm sindikal i çertifikuar në Teatrin Kombëtar të Kosovës shprehë habinë, që individë të caktuar të inkriminuar dhe pa legjitimitet bëjnë kushtëzime elektorale, bazuar në idetë dhe propozimet e SHSTKK-së, përfshirë miratimin e Ligjit për Krijuesit dhe Përformuesit e Artit, të cilin subjekti ynë e ka në programin dhe statutin e tij, të miratuar që në vitin 2016”, thuhet në komunikatë.
Tutje, Shoqata në fjalë shprehet se për ta janë të dëmshme praktikat e deri tanishme të politizimit të institucioneve të kulturës, përfshirë Teatrin Kombëtar të Kosovës për interesa meskine të disa individëve, kurse vazhdimin e qasjes se tillë e kualifikon të papranueshme.
“Shoqata jonë Sindikale pret nga partitë fituese të zgjedhjeve, të shfuqizojnë një ser aktesh dhe vendimesh antiligjore në këto institucione dhe të instalojnë mekanizma për sundimin e ligjit, përgjegjësisë, llogaridhënjes (praktikë e munguar deri me tani), si parakusht për mbarëvajtjën normale të punës së stafit dhe veprimtarisë artistike”, vazhdon Shoqata Sindikale e TKK-së.
“Vetëm pas vendosjes së ligjshmërisë dhe vënjën para përgjegjësisë të individëve të ngarkuar me përgjegjësi penale dhe shkelje ligjore, mund të pretendohet edhe miratimi i ligjeve dhe normativave shtesë, përfshirë ligjin e ideuar kohë më parë nga ne, për Krijuesit dhe Përformuesit e Artit”, përfundon reagimi i tyre.
Dje Këshilli organizativ sindikal i përbërë nga përfaqësuesit sindikal të: Teatrit Kombëtar të Kosovës, Filharmonisë së Kosovës dhe AKKV “Shota“ dhe Asociacioni i Teatrove Publike të Qyteteve të Kosovës, përmes një komunikate kanë bërë me dije se vota e komunitetit artistik do të shkojë për ata që garantojnë ligjin për krijuesit dhe performuesit e artit, kjo pasiqë kërkesat e tyre ka kohë që neglizhohen dhe një nga arsyet vjen pikërisht nga ndërrimi i shpeshtë i qeverive në vend. / KultPlus.com
14 shkurtin si ditën e dashurisë globalisht dhe ditën e zgjedhjeve në Kosovë, e ka shfrytëzuar artisti ‘I am I’ për ta realizuar një performancë artistike lidhur me të, shkruan KultPlus.
I ndodhur në sheshin ‘Skënderbeu’, I am I nën kombinimin e kutisë së votimit, pankartave, thënie rreth e rrotull tij si dhe çokolladës, ka përçuar mesazhin e tij.
“Kësaj radhe vota jonë do të jetë valentini jonë”, “Your LOVotE is Saint”, “Dashuria është votë”, “Voto për program, jo për propagandë”, “LoVotE Changes your life” janë disa nga idetë të cilat artisti i përçon për gërshetimin e dy simbolikave në një ditë.
Kjo nuk është hera e parë që artisti ‘I am I’ po i kthen aktualitetet politike në frymëzime dhe revoltë artistike. / KultPlus.com
Coldplay po përgatiten për të realizuar albumin e tyre të nëntë, dhe të parin në dy vitet e fundit.
Albumi do të titullohet “Music Of The Spheres” dhe këngët për albumin siç raportohet janë përgatitur gjatë mbylljes për shkak të pandemisë me koronavirus.
Grupi përbëhet nga Chris Martin, Jon Bucklan, Guy Berryman dhe Will Champion ndërkohë që ditëve të fundit është përfolur edhe për jetën personale të vokalistit të grupit Chris Martin.
Thuhet se ai dhe aktorja Dakota Johnson po bashkëjetojnë pas një lidhje tri vjeçare. /KultPlus.com
Janë bërë 7 vite që nga vdekja e ikonës së skenës shqipe, Vaçe Zelës, por vitet do të mbeten të mangëta për të numëruar jetëgjatësinë e artit të saj, shkruan KultPlus.
Ajo e filloi karrierën e saj në moshë të re dhe në vitin 1962 ishte e para që fitoi Festivalin e Këngës. Me këngën “Fëmija i parë”, ajo dëshmoi se një idhull i muzikës po lindte atë mbrëmje të 26 dhjetorit të vitit 1962.
Repertori i saj është shumë i pasur; numërohen me dhjetëra këngë popullore, të lehta, kantata, balada, etj. Ajo ka dhënë një kontribut të rëndësishëm edhe në muzikën e filmit, ku ka interpretuar shumë këngë si pjesë e muzikës së filmave.
Fituese 12 herë e festivalit, Vaçja fitoi famë gjatë kohës komuniste dhe iu dha titulli ‘Artist i Merituar’ në vitin 1973 dhe ‘Artist i Popullit’ në vitin 1977.
Vaçe Zela është larguar përfundimisht prej skenës në vitin 1992. Ajo ishte e martuar me Pjetër Rodiqin dhe së bashku ata kanë vajzën Irma. Që nga viti 2002 Zela ka jetuar me burrin e saj në Bazel të Zvicrës, për të marrë kujdes më të mirë shëndetësor.
Ajo është e vetmja femër shqiptare e nderuar në të gjallë me Urdhrin “Nderi i Kombit” më 24 dhjetor 2002 nga presidenti Alfred Moisiu me arsyen: “Për vlerat e rralla si Artiste e Shquar, me popullaritet të jashtëzakonshëm, për interpretimin mjeshtëror të këngës së muzikës së lehtë dhe asaj popullore, për pasurinë e vyer që krijoi në shkollën shqiptare të interpretimit muzikor”.
Për nder të këngëtares, viti 2009 u shpall nga Ministria e Turizmit, Kulturës, Rinisë dhe Sporteve si “Viti Vaçe Zela”. Së fundi, edhe një rrugë në Tiranë mban emrin e saj.
U nda nga jeta më 6 shkurt 2014, në Bazel të Zvicrës.
Kanë thënë për të:
Dritëro Agolli: “Unë mund të them pa asnjë lëkundje se Vaçe Zela, si artiste e madhe, hapi një epokë të re në të kënduarin e këngës shqiptare dhe u bë nismëtare e një kulture moderne në këtë fushë.”
Nexhmije Pagarusha: “Nuk kam parë shkëlqim më të bukur që del nga shpirti i njeriut se tek Vaçe Zela.”
Osman Mula: “Vaçe Zela ishte një këngëtare e madhe me zemër të madhe. Krijoi një botë të sajën. Ajo qëndroi me të dyja këmbët në tapetin e këngës shqiptare, si këngëtarja e krahasuar me një simfoni pambarim të së ardhmes. Vaçe Zela ishte një këngëtare potente, në vokalin e së cilës morën jetë shumë zhanre këngësh. Dhe në secilin syresh ajo dha maksimumin.”
Avni Mula: “Vaçja kishte një inteligjencë natyrale. Ia ka bërë “hyzmetin” këngës në të gjitha vështrimet. Dhe, gjithmonë ia ka arritur qëllimit. Vaçja ishte edhe njeri i sakrificës. E vendosur në atë që kërkonte të bënte. Madje, ishte kurajoze, trime. Për këto cilësi çdo këngëtar duhet t’ia ketë zili. Në shpirt ishte thellësisht humane, demokrate në mendime. Edhe si njeri ishte e drejtë, e dashur. Me kontributin që i solli këngës shqiptare, Vaçja mbeti një artiste e madhe, një patriote e vërtetë”.”
Ferdinand Deda: “Ishte fat për ne njerëzit e artit, të kishim mes nesh një këngëtare si Vaçe Zela, për vokalin e saj të shkëlqyer në të gjitha komponentët. Kishte një forcë të madhe interpretative, që lidhej me shkallën e lartë të frymëzimit artistik. Përdorte një mjeshtëri të veçantë të kënduari, ku gjenin vend ngjyrime të shumta. Ishte njeri i thjeshtë dhe mjaft i dashur, por edhe e ashpër kur s’i përfilleshin kërkesat.
Luan Zhegu: “Vaçja ishte e lindur si talent. Me punë u bë një këngëtare e veçantë në llojin e vet, një zë brilant. Ajo shpalosi prirjen e saj në një kohë kur mungonin mjetet auditive moderne. Vaçja këndoi gjithmonë “dal vivo”. Kjo mënyrë e të kënduarit i jepte vokalit të saj një amplitudë të madhe. Ishte e vendosur në përzgjedhjen e këngëve, në kërkesat artistike. Madje e sertë dhe në konflikt me “drejtuesit”, sa herë që ata nuk e kuptonin. Kishte nuhatje të dukshme për skenën, si vend i shenjtë. Vetveten, shikuesit i kishte mbi të gjitha. Kjo bëri që vokali i Vaçe Zelës të lartësohej në përmasat që kërkoi.”
Rikard Ljarja: “Vaçe Zelën e kam njohur në vitin 1961. Kemi qenë bashkëstudentë në shkollën për aktorë. Kemi qenë në një klasë. Vaçja ka qenë një tip i jashtëzakonshëm sepse ishte e formuar si artiste në atë moment që erdhi në kursin tonë. Kanë kaluar vite, vite vite… Ajo nuk arriti të bëhej aktore sepse Zoti a natyra, i kishte dhënë një dhunti të jashtëzakonshme, një zë vërtet të jashtëzakonshëm./KultPlus.com
Kryetari i Shoqatës së Gastronomëve të Kosovës, Petrit Kllokoqi është deklaruar rreth tubimeve të partive politike gjatë fushatës zgjedhore të zgjedhjeve të parakohshme parlamentare që do të mbahen me 14 shkurt.
Kllokoqi thotë se heshtja e tyre ndaj politikës nuk është frikë por maturi e çdo gastronomi.
Ai ka thënë se edhe gastronomet do të mund të organizojnë protesta, të hapin klubet, të organizojnë festivale dhe se gjitha këto nuk kanë asnjë dallim nga fushatat, por që një gjë të tillë nuk e bëjnë dhe se do të ndjekin vetëm rrugët demokratike.
Por Kllokoqi thekson se në rast se mendohet që pas zgjedhjeve të mbyllet vendi me arsyetimin e rritjes së numrit të infektuarve, atëherë protesta nuk do të ketë të ndalur. Me këtë ai ka bërë thirrje që të mendohet për shumë sektorë të cilët luftën e kanë me ekzistencën e jo me pushtetin.
“Heshtja jonë ndaj politikës nuk është frikë, besoj se është maturi e çdo Gastronomi, edhe ne mundemi me organizu protesta, edhe ne mundemi me i hapë klubet, edhe ne mundemi me organizu festivale, edhe ne mundemi me i nisë dasmat, se asgjë dallim nga fushatat eketorale të partive politike nuk kanë. Ne thjesht po dojmë me u kënaq me pak, me na lon me punu edhe me jetu … subvencionet që janë nda janë shumë joserioze, mirëpo vetës jeni t’u ia bo, se populli VOTON, na gjykojmë. Duke besuar në demokraci ne do t’i shtjerrim të gjitha rrugët demokratike të diskutimit me çdo institucion përgjegjës shtetëror, për me e ngrit zërin për hallet tona, veç për një gjë të jeni të bindur, po ju shkoj mendja me na mbyll pas zgjedhjeve me arsyetimin e rritjes së numrave ku vetë politika është shkaktari më i madh, protestat nuk do t’kenë të ndalur. Andaj, mendoni edhe për neve dhe plot sektorë tjerë që luftë e kanë ekzistencën, jo pushtetin, kur i bëni kalkulimet për vete”, ka shkruar Kllokoqi. /express/ KultPlus.com
Rezidenca 12 milionë funtash e George Clooney u rrethua nga uji pas reshjeve të mëdha në fshatin e tij, shkruan The Sun.
Rruga automobilistike e aktorit hollywood-ian u përmbyt dhe kopshti i tij, duke përfshirë një fushë tenisi, të cilat ishin përmbytur në ujë me baltë.
Clooney, 59 vjeç, ka shpenzuar miliona në pronën e e tij të shekullit 17 pranë brigjeve të lumit Thames në Berkshire, ku ai jeton me gruan Amal, 43 vjeçe.
Aty pranë, përmbytjet kanë shkaktuar dëme edhe për ish-të preferuarën e “Strictly”, Debbie McGee, 62 vjeçe.
Shtëpia e saj u pa e rrethuar me ujë nga përmbytja dje, duke e bërë gati të pamundur afrimin nga rruga.
Reshjet e mëdha të shiut kanë parë bërë gjithashtu që makinat të përpiqen të dalin nga rrugët e përmbytura në Mountsorrel, Leics. /Lajmi.net/ KultPlus.com
Një fshat në Indonezi është përfshirë nga vërshimet, por ajo që bie në sy është ngjyra e kuqe e ujit, duke e krijuar përshtypjen e pakëndshme të derdhjes së gjakut. Megjithatë, nuk ka asgjë për t’u frikësuar.
Mijëra përdorues të rrjeteve sociale publikuan fotografi dhe video të fshatit Jenggot, në pjesën qendrore të ishullit Java, i cili është prekur nga vërshimet. Ngjyra e kuqe e ujit është shkaktuar nga ngjyra që përdoret për ngjyrosjen e rrobave.
Ky fshat ndodhet afër qytetit Pekalongan, i njohur për prodhimin e batikut, metodë tradicionale indoneziane për përdorimin e dyllit për t’u rezistuar ngjyrave me bazë uji, shkruan Reuters, transmeton Gazeta Express.
Nuk është e pazakonshme që lumenjtë në Pekalongan të marrin edhe ngjyra të tjera. Uji me ngjyrë të gjelbër e mbuloi një fshat në veri të këtij qyteti gjatë vërshimeve muajin e kaluar.
Shefi i agjencisë për fatkeqësi, Dimas Arga Yudha, konfirmoi se fotografitë që po qarkullojnë në internet janë të vërteta.
“Vërshimet e kuqe janë si pasojë e ngjyrës batik, që është prekur nga ujërat. Ajo do të zhduket kur të përzihet me shi më vonë”, tha ai. /express/ KultPlus.com
Wikimedia ka organizuar një konkurs ndërkombëtar fotografik të quajtur “Wiki Lovers Foklore”. Synimi i saj është dokumentimi i kulturave të ndryshme anëembanë botës.
Shqiptarëve, si në Shqipëri dhe në Kosovë u bëhet thirrje të futen në arkivat e tyre të fotove ose të vizitojnë muze, vende me përmbajtje folklorike ose historike dhe t’i ngarkojnë ato në “Wiki Loves Folklore in Albania and Kosovo” (kliko këtu).
Qëllimi themelor i konkursit është të mbledhë fotografi të larmishme kulturore e njerëzore për të ilustruar artikujt në enciklopedinë e lirë botërore “Wikipedia” dhe projektet e tjera të organizatës së Wikimedia-s.
Wiki Lovers Foklore
Fotografitë duhet të përputhen me tematikën e folklorit: të paraqesin pamje nga festivale folklorike, valle, kuzhinë, veshje tradicionale ose rutinë e jetës së përditshme duke theksuar kulturën popullore shqiptare.
Afati kohor për dorëzime është 1 shkurt 2021 deri më 28 shkurt 2021. Do të jepen çmime dhe certifikata për tre fotografitë më të mira ku vendi i parë fiton 50 euro, i dyti, 30 dhe i treti 20 euro.
Të gjithë mund të marrin pjesë, pavarësisht moshës, kombësisë dhe vendit ku jeton. Mjafton që të pranoni t’i publikoni fotot tuaja nën licencën Attribution-ShareAlike 4.0 International (ç BY-SA 4.0).
Që të merrni pjesë në këtë konkurs, duhet të keni një llogari në Wikimedia Commons, të bëni fotografi të kulturës popullore shqiptare ose të Shqipërisë dhe Kosovës dhe t’i ngarkoni fotografitë në Commons. Mos harroni të shtoni Kategorinë:Imazhe nga Wiki Loves Folklore 2021 në Shqipëri. /dp/ KultPlus.com
Këngëtarja shqiptare, Rita Ora kohëve të fundit është përballur me kritika rreth stilit të saj të veshjes.
Për këtë çështje, Ora ka folur në një intervistë për “The Sun”, e cila ka thënë se nuk i intereson se çka thonë të tjerët.
“Unë mendoj se stili është diçka shumë personale. Nëse dikujt nuk i pëlqen diçka që unë veshi është në rregull, nuk kanë pse ta pëlqejnë”, ka deklaruar 30 vjeçarja.
Artistja me prejardhje nga Kosova, ka shtuar se për të është e rëndësishme të ndihet mirë me veten.
“E rëndësishme është që unë të ndihem mirë me veten. Kjo është krejt çka më intereson rreth stilit tim. Nuk më intereson se çka mendojnë të tjerët”, ka përfunduar Rita. / KultPlus.com
Halim Begeja njihet si jurist që dha kontribut të madh në çështjet kombëtare të Shqipërisë, shkruan KultPlus.
Begeja që në moshen 15-vjeçare u bë pjesëtar aktiv në formacionin e “S.K.Tiranës” me të cilin ai fitoi tre tituj kampion i Shqipërisë. U bë pjesë e ekipit kombëtar që prej vitit 1936 nën drejtimin e hungarezit Samo Singer.
Më 16 shtator 1942, Halimi merr pjesë në Konferencën e Pezës, si përfaqësues i Rinisë Nacionaliste dhe i deleguari personal i Mit’hat Frashërit. Ai përpiloi “Traktin për Demokracinë”, dokument që në historiografinë e luftës ka hyrë me emrin “Dekalogu i Ballit Kombëtar”.
Ky dokument paraqitet nga Halimi, miratohet nga organizata e Ballit Kombëtar dhe shpallet publikisht më 28 nëntor 1942. Në qershor 1944 shkon në Kosovë, si zv.komandant i batalionit “Besnik Çano”, ku luftoi për tre muaj rresht. Në vitin 1944 largohet nga Shqipëria dhe vendoset në Neë York, ku vazhdoi aktivitetin e tij politik kundër komunizmit. Halim Begeja ishte anëtar themelues i komitetit “Shqipëria e Lirë” dhe sekretar i këtij komiteti.
Gjithashtu ai u zgjodh Sekretar i përgjithshëm i Ballit Kombetar dhe se bashku me Vasil Andonin, Halit Maçin, Nexhat Peshkëpinë e të tjerë, botuan për disa dekada gazetën “Flamuri” të Ballit Kombëtar. Më vonë me shpenzimet e veta botoi në New York gazetën “Zëri i Ballit Kombëtar.”
Me këtë frymë vazhdoi veprimtarinë e tij kudo që ishte, në Evropë dhe SHBA. Vuante nga veshkat dhe u detyrua që të bënte transplant. Për këtë ishte Jusufi, i vëllai, i cili erdhi nga Franca në New York dhe i dhuroi veshkën e vet , me të cilën Halimi jetoi edhe tre vjet të tjera. Vdiq në New york në vitin 1977 pa e parë vendin dhe familjen e tij. / KultPlus.com
Para 22 viteve, më 6 shkurt të vitit 1999 i filloi punimet Konferenca e Rambujesë. Ky takim, i cili u mbajt në afërsi të Parisit të Francës, synoi zgjidhjen e krizës në Kosovë. Iniciues të konferencës, që zgjati deri më 23 shkurt, ishte Grupi i Kontaktit, ndërsa ndërmjetës ishin Kristofer Hill nga SHBA-të, Boris Majorski nga Rusia dhe Volfang Petrich, përfaqësues i shteteve të BE-së.
Delegacioni i Kosovës kishte pranuar parimisht propozim-marrëveshjen për zgjidhjen e krizës në Kosovë, të cilën e kishte propozuar Grupi i Kontaktit. Delegacioni serb, sado që parimisht pranoi këtë propozim-marrëveshje, mbrojti qëndrimin që trupave të NATO-s të mos u lejohet kalimi nëpër Serbi dhe forcat ndërkombëtare në Kosovë të jenë në kuadër të Kombeve të Bashkuara.
Edhe rrethi i dytë i bisedimeve që filloi më 15 mars në Paris përfundoi pa sukses.
Delegacioni kosovar dhe ai serb kishin nënshkruar më 18 mars marrëveshje të ndryshme. Delegacioni i Kosovës kishte nënshkruar marrëveshjen e ofruar nga bashkëbiseduesit ndërkombëtarë, ndërkohë që delegacioni serb kishte nënshkruar projektmarrëveshjen politike-marrëveshjen për vetëqeverisjen në Kosovë. As tentimi i fundit, më 22 mars 1999 i të dërguarit special të SHBA-ve, Richard Hollbruk nuk ishte i suksesshëm. Ai nuk ia doli ta bind presidentin e atëhershëm të Jugosllavisë Sllobodan Millosheviq, që ta pranojë marrëveshjen për Kosovën dhe vendosjen e trupave ndërkombëtare.
Më 24 mars 1999, aeroplanët e NATO-s filluan bombardimin e trupave ushtarake dhe paramilitare të Serbisë. Bombardimet përfunduan më 6 qershor 1999 me nënshkrimin e Marrëveshjes së Kumanovës që parashihte tërheqjen e trupave jugosllave nga Kosova dhe vendosjen e trupave paqësore ndërkombëtare. Më pas, Këshilli i Sigurimit i OKB-së miratoi rezolutën 1244 me të cilën u vendos protektorati, prania ndërkombëtare në Kosovë, UNMIK si mision civil dhe KFOR si mision ushtarak. Më 17 shkurt 2008, Kosova shpalli pavarësinë. / KultPlus.com
Kuleta e Paul Grisham-it kishte humbur para një kohe aq të gjatë në fund të botës, saqë ai e kishte harruar krejt. Pesëdhjetë e tre vjet më vonë, burrit 91 vjeç nga San Diego iu kthye prapë kuleta e humbur.
Në kuletë, mes tjerave, ndodheshin kartela identifikuese e forcave detare, leja e vozitjes dhe një kartë me udhëzime se si duhet të veprohet në rast të sulmit bërthamor, biologjik apo kimik, shkruan The Guardian.
Grisham ishtë bërë pjesë e forcave detare më 1948. Ai u bë teknik i motit dhe më pas parashikues i motit. Më 1967, ai u dërgua në Antarktik si pjesë e operacionit “Deep Freeze”, që e kishte për qëllim përkrahjen e shkencëtarëve civilë. Në atë kohë, ai ishte në të tridhjetat, i martuar dhe kishte dy fëmijë.
Kuleta u gjet në vitin 2014 prapa një dollapi gjatë shkatërrimit të një ndërtese në stacionin McMurdo në Ishullin Ross. Për ta gjetur pronarin e saj u nevojitën shumë e-mail-a, mesazhe në Facebook dhe letra të shkëmbyera mes një grupi detektivësh amatorë.
Grishamin e gjeti Sarah Lindbergh përmes Shoqatës së Shërbimit Detar të Motit. Babai i saj, Stephen Decato, kishte punuar për një agjenci që bën hulumtime në Antarktik. Ata gjetën edhe një kuletë tjetër, të cilën ia kanë kthyer familjes së një burri që vdiq më 2016. /express/ KultPlus.com
