Nën hijen e Majlinda Kelmendit

Sot në Prizren janë përuruar shtatorët e liderëve të Lidhjes Shqiptare të Prizrenit, Ymer Prizreni, Avdyl Frashëri dhe Sylejman Vokshi, shkruan KultPlus.

Në përurimin e këtyre shtatorëve kanë marrë pjesë kryetari i Kuvendit të Kosovës, Kadri Veseli, kryeministri Ramush Haradinaj, zëvendëskryeministri Fatmir Limaj, presidenti i Shqipërisë Ilir Meta, kryeministri Edi Rama, dhe kryetari i Prizrenit Mytaher Haskuka. Në mesin e këtyre liderëve, Majlinda Kelmendi ka qenë e vetmja grua që ka tërhequr mbulesën e kuqe në zbulim të shtatores, ndërsa në fotografitë e shpërndara shihen të gjithë politikanët shqiptarë të rreshtuar prapa saj.

Majlinda Kelmendi prin në listën e njerëzve që e kanë ngritur më së larti flamurin e Kosovës e ka ndikuar në forcimin e identitetit të një shteti të sapoformuar. Në vitin 2014, Majlinda u shpall xhudistja më e mirë në botë në të gjitha kategoritë nga presidenti i FNXH, Marius Vize.

Në shkurt të 2016-ës, ajo fitoi medaljen e artë në Grand Slam Paris, duke e bërë këtë titullin e tretë radhazi pasi kishte fituar në 2014-ën dhe 2015-ën.Dy muaj më vonë, ajo fitoi një medalje të artë në Kampjonatin Europian të Judo në Kazan, Rusi. Në Lojërat Olimpike 2016 ajo u bë atletja e parë Kosovare që fitoj një medalje të artë, ose edhe thjeshtë një medalje, për Kosovën në Lojërat Olimpike. / KultPlus.com

“Linku i origjinës”, ekspozita personale e piktores Majlinda Kelmendi në Itali

Majlinda Kelmendi, piktorja e njohur shqiptare dhe njëkohësisht profesoreshë në Fakultetin e Arteve në Universitetin e Prishtinës hap nga ora 19:00 ekspozitën e saj personale në Galerinë Domus Romana, në Itali.

Ekspozita mbahet në Galerinë Domus Romana.

“Linku i origjinës” titullohet ekspozita e piktores Majlinda Kelmendi, e cila bart copëza të historisë. Piktorja në një intervistë për emisionin “Bon Bon” në rtv21, teksa foli për projektin në të cilin ka kohë që ka punuar, përmendi se në mesin e punimeve është një pikturë dhjetë metra, ndërsa tjerat janë nga gjashtë metra.

Kelmendi u shpreh tejet e emocionuar për ekspozimin e këtyre punimeve në Romë, që njihet si vend i artit dhe kulturës dhe ajo mendon se kjo ekspozitë do të përcjellë mesazh dhe të tregojë se arti jonë është i kohës, modern.

“Më ngacmon ideja që kemi në gjenet tona një vendosje të tillë të cilën e trashëgojmë dhe e zhvillojmë. Por edhe kushtet historike në të cilat rritemi dhe formohemi breza të tërë ndikojnë në gjenet tonat, në ndryshimin dhe formimin tonë. Pikerisht me këtë element përbëhet cikli im, të lidhjes time personale me historitë e mija”, u shpreh piktorja. Sipas saj, sado që të ecim e avancohemi, ai linku i rrjedhshmërisë duhet të vazhdojë./21Media / KultPlus.com

“Bac, çikat na e zbardhen ftyrën!” (FOTO)

“Bac, u kry” është një nga panot e famshme që u përdor si një formë komunikimi ndaj përmbushjes së amanetit të komandantit legjendar Adem Jasharit dhe të rënëve të tjerë për lirinë e vendit, shkruan KultPlus.

Bazuar në këtë, në këto ditë festive ekipi i “Image of Kosova”, ka përzgjedhur një mënyrë të veçantë për të dhënë një mesazh për ambasadoret më të mira të vendit, që po e ngritin emrin e këtij shteti, në shumë vende të botës.

Në këtë fotografi të dizajnuar nga “Image of Kosova”, shihen këngëtaret shqiptare me fame botërore Rita Ora, Dua Lipa dhe kampionia e botës, Majlinda Kelmendi, ndërsa shkruhet “Bac, çikat na e zbardhen ftyrën!”. /KultPlus.com

Grabit kohën tënde ! Tretemi dhe shkojmë kundra njeri-tjetrit

Me anë të madhështisë së shpirtit tonë të dalim nga ngushtësitë e dobësive njerëzore. Fatkeqësisht ka shumë njerëz që dalin nga shtëpitë dhe bëhen copë me punët e të tjerëve, jeta këta njerëz i rrokullis në një humnerë. Koha i kalon nëpërmjet shpirtrave të thyer dhe të copëtuar, të robëruar nga lakmia, pa asnjë pikë referimi, të pakënaqur nga vetja, duke mos pasur drejtimin e duhur, fati dhe befasia i drejton në jetë. Ky shpirt i përqendruar në ligësi, s’ka aspak vlerë dhe thellësi, por hedh poshtë ç’do gjë dhe mbi të gjitha veten e tij. Sa më larg tyre të rrimë që të ruajmë vetveten.

Veset na rrethojnë në ç’do anë,mundohen të pengojnë dhe të deformojnë të vërtetën. Nuk flasim vetëm për ata që i lexohet në fytyrë e keqja. Por shiko ata të cilët nuk e duan punën, shiko ata që flasin e mburren gjithë ditën për “zgjuarsinë e tyre”, dikush ka dëshirë veç të flasë, dikush ti dëgjoj, dikush ti mbroj, por askush nuk kërkon ti kthehet vetes.

Tretemi dhe shkojmë kundra njeri-tjetrit. Dikush adhuron këtë, dikush adhuron atë, askush nuk i përket vetes. Nuk shikojnë, brenda vetes, nuk dëgjojnë veten e tyre, nuk mund të merren me veten. O mëndje e ndritur që nuk shkëlqeve kurrë, përvetëso jetën tënde, jo të të tjerëve, se nuk u bëre kurrë zotëruesi i të ardhmes tënde, jetës tënde.

Bëj një bilanc të të shkuarës tënde, shiko ç’farë ke humbur, grabit kohën tënde. Dhe shiko që ke hedhur poshtë ç’do gjë dhe mbi të gjitha edhe veten tënde, jeta të është rrokullisur në humnerë, mashtrohesh me gënjeshtra, shpirt i thyer dhe i dërmuar që ecën në turmën e njerëzve që dalin nga shtëpia për qëllimet e tyre dhe bëhen copa me punët e të tjerëve, duke mos lënë rehat as veten e tyre. Duke u ulur në ç’do tavolinë dhe duke hyrë në çdo derë që gjejnë hapur, të mjerë që prishin gjumin e tyre që te presin zgjimin e të tjerëve.

Trego sa vlen, nëse po, mundohu dhe analizo çfarë gjëra të vlefshme mund të bësh, shiko me kujdes brenda vetes, dhe në fund jeto jetën tënde. Ki besim te vetja, mos shko në gjurmë të tërthorta të njerëzve që shkojnë pa drejtim, që përçahen në mes të rrugës, pasuro veten tënde, zotëro dëshirat, pavarëso veten sa më shpejt që të mundesh pasi do të vije një ditë që nëse nuk e ke kuptuar do të mallkosh veten, do të kap plogështia dhe do të kaploj zilia për arritjet e të tjerëve. Kush nuk jep fryte, ushqen mllefin nuk pranon suksesin dhe dëshpërohet pafundësisht. Nëse ke humbur të qenit qytetar, nëse nuk je i ditur, bëhu njeri, nëse nuk ke asnjërën i mjeri ti./KultPlus.com

Majlinda Kelmendi vjen me ekspozitën personale ‘Identitet’

Artistja Majlinda Kelmendi vjen me ekspozitën e saj personale të titulluar ‘Identitet’.

Ekspozita do të hapet në Galerinë Magaza në Rozhaje, Mali i Zi më datë 28 tetor dhe do të qëndrojë e hapur deri më 3 nëntor.

K’oncepti: Simbolikë kryqëzuese .. Pa ndërgjegjen nuk do ekzistonim . Mbi të gjitha jeta është një luftë e vërtetë për të tejkaluar përballuar situata të ndryshme dhe falë tyre ne krijojmë identitetin tonë,ne kulmin e zinxhirit ushqyes.Vetpërqëndrimi është një produkt përcaktues i karakterit të punës së artistit .

Lindim të ndryshëm.

Vetbesimi është destinacioni që nuk mund t’i shmangemi , arsye e cila transformon personalitetin tonë në një luftë të vazhdueshme me pengesa. Quhet e rëndësishme që të clirohemi nga modele të tiposura që na shterojnë atë çfarë kemi ne të veçantë prej një projektimi inteligjent…”
Përbërja e këtij subjekti të ciklit Identitet & Dialog – është i thyer i analizuar dhe i rimontuar,duke afruar kohërat e largëta për të na bërë të kuptojmë dhe të mbajmë pranë qindra rrugë të ndryshme të mendjes të arsyetuara me pretendimin dhe nevojat që përgjithmonë të kërkojmë rrugë të reja.
Lidhja e emocionit me rregullin, duke mbledhur leksionet e mëdha të së kaluarës, është brenda vetvetes simbolike kryqezuese
Nga Majlinda Kelmendi

Kritika

Pikturat e Majlinda Kelmendit

Realizimet në pikturë të profesoreshes universitare Majlinda Kelmendi drejtpërdrejt dhe në mënyrë ambicioze ndërlidhen me atë traditën e pikturës shqiptare e cila zë vend aq të rëndësishëm e të lartë në nënqiellin e përbashkët në rajon. Majlinda e shfrytëzon gjuhën inovative të piktures, e cila aktivisht komunikon me nevojat vizuele të kohës sonë dhe të asaj që ajo bartë.

Përcaktimi i saj apriori ikën nga konceptimi klasik i pikturës dhe synon qëmtimin drejt lirisë absolute të pandalshme të shpirtit përmes gjurmimit të guximshëm dhe të eksperimentimit përmes formave të ndryshme dhe përmes materialeve të ndryshme kryesisht të natyrshme. Motivet e saja janë si përjetime të akumuluara që i sjellë në formën e fragmenteve që dëshmon për ekzistencën tonë dhe kompeksitetin e jetës përgjithësisht në këto hapësira dhe në hapësira tjera. Detajet që përbëjnë veprën e saj, na kujtojnë simbolet e lashtësisë nga periudha e neolitit kur totemizmi ka luajtur rol shumë të rëndësishëm në jetën e njeriut të atëhershëm. Këto detaje që zënë pjesën qendrore të kompozicionit janë bërë me poteza të gjerë e të guximshëm në bazën reliefore, të cilët sikur se asgjë nuk ka të rastësishme, sikur e tëra ashtu është dashur të jetë. Assesi ndryshe. Në këtë mënyrë realizohet struktura dhe forma e pikturës e cila na flet me gjuhën e vetë materialit të përzgjedhur me kujdes dhe të komponuar me shumë mjeshtëri në strukturën e pikturës.

Në veprat e Majlinda Kelmendit gërshetohen spontaniteti mistik dhe ndjeshmëria lirike e potezave të tërë në frymën e shprehjes bashkëkohore pikturale, që ka për detyrë që realitetin objektiv ta paraqes skajshmërisht në mënyrë subjektive me simbole pamore universale, pra me lehtësi të pabesueshme sublimon qasjen pikturale klasike me shtresësimin e pikturës në lojë bashkëkohëse të formave e të simboleve, e përmes lojës neutrale të kompozicioneve të qarta harmonike me një ndjeshmëri të rafinuar për detajin.

Në këtë koncept ajo nëpërmjet pikturave të saja në mënyrë të qartë e të padyshimtë ndërlidhë dy përcaktuese – emocionalen dhe vizuelen. Në procesin e krijimtarisë ajo heq dorë nga gjykimi racional dhe nga strehimi i konceptimit fantazmë dhe të domethënies së gjërave që kanë karakter njerëzor. Në dukje të parë kjo është lojë e thjeshtë e ngjyrave dhe e formave që flasin për pjekurinë e saj në të gjitha aspektet të konceptimit të shprehjes bashkëkohore në pikturë. Thënë thjesht, arti është jeta e saj dhe pjesë e pandarë e qenies së saj.

Kritika për ekspozitën nga Aldemar Ibrahimoviq. / KultPlus.com