Katër sportistë do të përfaqësojnë Kosovën në Lojërat Olimpike Speciale Botërore 2023

Katër sportistë do të përfaqësojnë Kosovën në Lojërat Olimpike Speciale Botërore 2023 që po mbahen në Berlin.

Leart Gashi, Arta Avdyli, Lirika Sadiku dhe Florent Haziri janë atleatët tanë që po marrin pjesë në Lojërat Olimpike Speciale Botërore 2023, një prej ngjarjeve sportive më të mëdha për sportistët me aftësi të kufizuara.

Në ceremoninë e hapjes morrën pjesë Presidentja e Kosovës Vjosa Osmani, zëvendësministrja e MKRS Daulina Osmani dhe ambasadori i Kosovës në Berlin, Faruk Ajeti./KultPlus.com

Kiana Kryeziu për Lojërat Olimpike: Asgjë nuk është e pamundur nëse punoni shumë, jam vajzë e re dhe vij nga një vend i vogël

Skiatorja, Kiana Kryeziu, shkroi histori duke u bërë vajza e parë nga Kosova që arrin të marrë pjesë në Lojërat Olimpike Dimërore, shkruan KultPlus.

Në garën e saj të parë, një konkurencë të fortë, Kryeziu u rendit e 49-ta nga 82 pjesëmarrëse, me kohë 1 minutë, 18.78 sekonda.

Në anën tjetër, në disiplinën e sllallomit të madh, ajo zuri vendin e 49-të nga 82 garues total me kohë 2 minuta e 42.19 sekonda.

Përmes një postimi në ”Facebook”, Kryeziu u shpreh jashtëzakonisht i lumtur për këtë arritje.

“Asgjë në botë nuk mund të matet me ndjenjën që e perjetova në lojërat olimpike, vetëm prania ime atje ishte një aritje e madhe, një eksperiencë e paharruar. Dua të falënderoj të gjithë që më ndihmuan të jem unë këtu ku jam sot, të cilët qëndruan në hije të suksesit tim të madh”.

17 vjeçarja tutje falënderoi prindërit, që e mbështetën atë sikurse në suksese ashtu edhe në eksperiencat e tjera.

“Gjithashtu, dua të falëndetoj trajnerin tim, Agim Pupovci, i cili më mori në krahët e tij dhe me shumë dedikim e fokusim më solli këtu ku jam unë tani. Si një vajzë e vogël me një ëndërr të madhe nga një vend i vogël, dua të them se asgjë nuk është e pamundur në qoftë se ju punoni shumë”, përfundoi ajo.

Kosova në këto Lojëra Olimpike, është duke u përfaqësuar edhe nga skijatori Albin Tahiri. /KultPlus.com

Ekipi i Kosovës parakalon në ceremoninë hapëse të Lojërave Olimpike “Pekini 2022”

Përfaqësuesit e ekipit të Kosovës kanë parakaluar në ceremoninë hapëse të Lojërave Olimpike ‘Pekini 2022’, përcjell KultPlus.

Ekipi i Kosovës parakaloi e 54-ta nga 91 ekipe pjesëmarrëse.

Ekipi olimpik që parakaloi në ceremoninë hapëse përbëhet nga: Albin Tahiri, flamurmbajtës, Bujar Turjaka, shef i misionit, Jeton Beqiri, zyrtar ndërlidhës për Covid 19, Musa Selimi, anëtar i Bordit Ekzekutiv të KOK-ut dhe Kushtrim Krasniqi, përgjegjës për media.

Ndërkaq, skitarja tjetër, Kiana Kryeziu, që ishte paraparë të mbante flamurin bashkë me skitarin Tahiri, nuk u lejua të marrë pjesë në ceremoni, sikurse trajneri Agim Pupovci i cili rezultoi pozitiv me Covid 19./ KultPlus.com  

149 vjet nga lindja e shqiptarit të parë fitues në Lojërat Olimpike, Spiros Louis

Si sot, në vitin 1873, lindi “maratonomaku” Spiros Louis, arbëror i Greqisë, i cili u shpall fitues në Lojërat e para Olimpike të kohës moderne, që u mbajtën në Athinë në 1896-n.

Sikurse shumë bashkëkombas të tij, Louis triumfoi duke siguruar medaljen e artë në disiplinën e Maratonës, teksa garonte jo nën flamurin e vendit të tij të origjinës, por të atij grek.

Trajektorja e përshkuar në Maratonë përllogaritet të ketë qenë 42 kilometra e 125 metra dhe me një kohëzgjatje prej 2 orësh, 58 minutash e 50 sekondash.

Gjatë ceremonisë së marrjes së medaljes, Louis u paraqit i veshur me fustanellën tradicionale të Toskërisë, variacion i së cilës ishte edhe veshja e arbërorëve të Atikës, në përputhje me prejardhjen e tij. / KultPlus.com

Koreja e Veriut transmeton Lojërat Olimpike pasi kanë përfunduar

Televizioni shtetëror i Koresë së Veriut ka transmetuar Lojërat Olimpike të Tokios dy ditë pas ceremonisë së mbylljes. Sipas raporteve të lajmeve lokale, Televizioni Qendror Korean transmetoi 70 minuta të një ndeshjeje futbolli të grave, midis Britanisë së Madhe dhe Kilit këtë javë.

Ndeshja në fakt u luajt javë më parë, më 21 korrik. Sipas NK News, loja u transmetua pa komente dhe me rezolucion të ulët, duke e lënë të paqartë se si u morën pamjet. Koreja e Veriut nuk dërgoi delegacion në Lojërat Tokio 2020, duke thënë se dëshironte të mbronte atletët e saj nga COVID-19.

Ky vend thotë se nuk ka raste të virusit, por sipas ekspertëve, kjo nuk është e mundur. Vendimi për të mos marrë pjesë i dha fund shpresave të Koresë së Jugut për të përdorur lojërat për të bashkëpunuar me Veriun.

Në vitin 2018 Koreja e Veriut dhe ajo e Jugut hynë në një ekip të përbashkët në Lojërat Olimpike Dimërore, të cilat çuan në një seri samitesh historike, raporton BBC.

A general view during the opening ceremony of the 2020 Tokyo Summer Olympics at the National Stadium in Tokyo, Japan, Friday, July 23, 2021. (KEYSTONE/Laurent Gillieron)

Kosova e 42-ta në Olimpiadë, la prapa shtete të mëdha

Falë dy medaljeve të arta, vendi ynë la pas vetes shtete të fuqishme që i kishin nga mbi 100 sportistë në Tokio.

Kosova e mbylli të dielën eksperiencën e saj të mrekullueshme në “Tokyo 2020”. Sportisti i vetëm i mbetur në Japoni, Egzon Shala parakaloi në ceremoninë mbyllëse të Lojërave Olimpike, shkruan Gazeta Express.

Vendi ynë u përfaqësua në Olimpiadë me 11 garues dhe u tregua jashtëzakonisht i suksesshëm. Kosova i fitoi dy medalje të arta falë xhudisteve Distria Krasniqi dhe Nora Gjakova.

Falë dy medaljeve të arta, vendi ynë la pas vetes shtete të fuqishme që i kishin nga mbi 100 sportistë në Tokio

Kosova e mbylli të dielën eksperiencën e saj të mrekullueshme në “Tokyo 2020”. Sportisti i vetëm i mbetur në Japoni, Egzon Shala parakaloi në ceremoninë mbyllëse të Lojërave Olimpike.

Vendi ynë u përfaqësua në Olimpiadë me 11 garues dhe u tregua jashtëzakonisht i suksesshëm. Kosova i fitoi dy medalje të arta falë xhudisteve Distria Krasniqi dhe Nora Gjakova.

Gjithashtu, i pati edhe dy vende të shtata me xhudistin Akil Gjakova dhe mundësin Egzon Shala. Me këtë rast, Kosova e mbylli aventurën e saj në Tokio në vendin e 42-të në renditjen e shteteve me medalje olimpike.

Vendi ynë me këtë rast la pas vetes shtete të fuqishme që i kishim edhe mbi 100 sportistë në “Tokyo 2020”. Kjo ishte hera e dytë që Kosova merr pjesë në Olimpiadë, pas asaj të Rios në vitin 2016. Në Brazil medalje të artë kishte fituar Majlinda Kelmendi.

E tash, Kosova në llogarinë e saj i ka tri medalje të arta. Lojërat e ardhshme Olimpike do të mbahen në vitin 2024 në Paris të Francës. Edhe aty, “Dardanët” synojnë të shkëlqejnë dhe të fitojnë medalje./KultPlus.com

Momentet epike të ceremonisë mbyllëse të Lojërave Olimpike

Foto: Getty Images

Kanë kaluar dy javë të paharrueshme që kur Lojërat Olimpike të Tokios 2020 filluan në Japoni.

Pavarësisht pandemisë së vazhdueshme të koronavirusit, e cila fillimisht vonoi Lojërat Olimpike Verore për një vit të tërë, atletët nga e gjithë bota ngritën shiritin me aftësitë e tyre mbresëlënëse dhe përkushtimin e jashtëzakonshëm, transmeton KultPlus.

Një gjë është e sigurt, kjo ngjarje nuk ishte asgjë tjetër veçse spektakolare.

Në fund të fundit, një gamë e gjerë momentesh të krijimit të historisë ndodhën gjatë Lojërave Olimpike të Tokios.

Shembull i përsosur: Allyson Felix i Ekipit USA u bë gruaja më e dekoruar në historinë olimpike të fushës me 10 medalje. Dhe gjithashtu të mos harrojmë se Simone Biles i kujtoi të gjithëve për rëndësinë e shëndetit mendor.

Gjatë Ceremonisë përmbyllëse të dielën, më 8 Gusht, pjesëmarrësit shijuan ngjarjen magjike në Stadiumin Kombëtar të Japonisë. Nga shfaqjet e jashtëzakonshme të valltarëve dhe këngëtarit japonez Tomotaka Okamoto e deri te fishekzjarret, një natë e paharrueshme./KultPlus.com

Presidentja Osmani do t’i dekorojë Krasniqin, Gjakovën dhe Kelmendin pas suksesit në Lojërat Olimimpike

Pas suksesit në Lojërat Olimpike, Presidentja e Kosovës, Vjosa Osmani do t’i dekorojë xhudistet kosovare Distria Krasniqin, Nora Gjakovën dhe Majlinda Kelmendin.

Njoftimin për KultPlus e ka dhënë, Bekim Kupina, këshilltar për Media i presidentes Osmani.

“Presidentja Osmani ka vendosur t’u ndajë një  dekoratë xhudisteve tona që lartësuan flamurin e Kosovës dhe  sportin kosovar”-ka thënë Kupina për KultPlus duke shtuar tutje se do të organizojnë një ceremoni për xhudistet kosovare bashkërisht me Ministrinë e Kulturës .

Kosova në Lojërat Olimpike Tokio 2020 është përfaqësuar nga 11 sportisë dhe 6 norma olimpike.

Në këtë ngjarje, xhudistet Distria Krasniqi dhe Nora Gjakova ia siguruan Kosovës dy medalje të arta, ndërkaq Loriana Kuka mori medaljen e bronztë.

Kosova ka tri medalje të arta në Lojërat Olimpike përfshirë të artën që Majlinda Kelmendi fitoi në “Rio 2016”./KultPlus.com

Tokio 2020: Ceremonia e mbylljes shënon fundin e Lojërave me dyer të mbyllura

Olimpiada e Tokios, e shtyrë dhe e luajtur me dyer të mbyllura për shkak të pandemisë Covid, ka përfunduar me një ceremoni në kryeqytetin e Japonisë, transmeton KultPlus.

Lojërat u zhvilluan pa spektatorë dhe atletët u ndaluan të dilnin jashtë fshatit Olimpik.

Vënia e tyre në skenë është përballur me kundërshtimin lokal dhe rreth 30 protestues u përleshën me policinë në Stadiumin Kombëtar para ceremonisë së mbylljes.

Sidoqoftë, vendasit e tjerë kanë përballuar nxehtësinë dhe paralajmërimet për të parë ngjarjet nga larg.

Tifozët morën pjesë në ngjarje në natyrë, të tilla si triathlon dhe BMX, nga mbikalimet dhe pikat e tjera të favorshme pavarësisht temperaturave që arritën në 35 gradë Celsius, më të nxehtat të regjistruara ndonjëherë në një Olimpiadë./KulPlus.com

Kush ishte shqiptari i parë fitues në Lojërat Olimpike

Komiteti Olimpik Shqiptar është krijuar në vitin 1958 dhe Shqipëria ende nuk e ka një medalje olimpike.

Shumë shqiptarë kanë fituar medalje nën flamujtë e Jugosllavisë, Greqisë, Italisë, Gjermanisë e së fundmi të Kosovës. Mirëpo, a e dinit se, në vitin 1896 kur Lojrat Olimpike moderne nisën, ishte maratonomaku Spiros Louis, arbëror i Greqisë, që nën flamurin e të fundit u konsiderua fituesi i parë i Lojrave Olimpike?

Pas 2 orë, 58 minuta e 50 sekonda nga nisja në Maratonë, ai mbërriti në Athinë duke përshkuar 42 kilometra e 125 metra. Medaljen e mori i veshur me fustanellën tradicionale të Toskërisë, variacion i së cilës ishte edhe veshja e arbërorëve të Atikës, duke respektuar rrënjët tradicionale të tij.

Në këtë foto të publikuar nga Drejtoria e Përgjithshme e Arkivave ai shfaqet me fustanellë. / KultPlus.com

Përfundon prezantimi i ekipit të Kosovës në Lojërat Olimpike “Tokio 2020”

Ka përfunduar prezantimi i ekpit të Kosovës në Loërat Olimpike ‘Tokio 2020’. Në këtë ngjarje, Kosova u përfaqësua nga 11 sportisë dhe 6 norma olimpike.

Në këto Lojëra, xhudistet Distria Krasniqi dhe Nora Gjakova ia siguruan Kosovës dy medalje të arta, ndërkaq Loriana Kuka mori medaljen e bronztë, transmeton KultPlus.

I fundit që përfundoi garën nga ekipi i Kosovës ishte Egzon Shala. Mundësi me normë olimpike u radhit në vendin e 8 -të në Lojërat Olimpike.

Pas përfundimit të garës së ekipit të Kosovës në ‘Tokio 2020’ ka reaguar edhe ministria e Kulturës, Rinisë dhe Sportit, duke e cilësuar si të sukseshëm prezantimin e ekipit të Kosovës në Lojërat Olimpike.

Postimi i plotë i MKRS-së:

Prezantimi i suksesshëm i Kosovës në Lojërat Olimpike Tokio 2020

Kosova në Lojërat Olimpike 2020 –të u përfaqësua nga 11sportistë dhe 6 norma olimpike nga 2 sa kishim në Rio 2016 –të. U trefishua pjesëmarrja e sportistëve me norma olimpike dhe nuk mund të ishim më krenar se kaq.

Sportisti i fundit që përfundoi garën nga ekipi ynë është Egzon Shala. Mundësi me normë olimpike u radhit në vendin e 8 -të në Lojërat Olimpike.

Ndërsa Kampioni i Evropës në xhudo, Akil Gjakova arriti në çerekfinale në kategorinë deri në 73 kilogramë.

Ai shënoi tri fitore që e renditin në vendin e shtatë në Lojërat Olimpike.

Xhudistja Loriana Kuka, medaliste e bronztë e Botës dhe Evropës, garoi në kategorinë -78 kg me rusen Alrksandra Babinsteva. Kjo ishte hera e parë që ajo mori pjesë në Lojërat Olimpike.

E arta Majlinda Kelmendi garoi me hungarezen Reka Pupp. Në fitore e humbje, ajo mbetet krenaria e shtetit tonë. Puna, përkushtimi dhe guximi që ka treguar do të jenë gjithmonë inspirim për gjenerata të tëra.

Xhudistet Distria Krasniqi dhe Nora Gjakova kanë dalë më të mirat në botë në kategoritë e tyre në këtë sport duke siguruar dy medalje të arta.

Drilon Ibrahimi në garën e shenjëtarisë u rendit në vendin e 46 -të dhe njëherësh ka arritur të shënojë rekord shtetëror me pjesëmarrjen në LO Tokio 2020.

Notarja jonë, Eda Zeqiri, e cila është garuesja më e re e ekipit Olimpik të Kosovës ka garuar në disiplinën 400 metra stil i lirë

Eda në përfundim të garës  me kreativitetin e saj promovoi vendin duke drejtuar gishtin tek flamuri i Kosovës.

Ndërsa notari Olt Kondirolli ka garuar në disiplinën 100 metra stil i lirë. Në konkurencë shumë të madhe, Olti shënoi rezultatin e tij më të mirë ndonjëherë duke arritur 643 pikë.

Kampionja e Kosovës, boksierja Donjeta Sadiku garoi në kategorinë 57-60 kg. Ajo dha maksimumin ndërsa u ndesh me  britanezen  Dubois Caroline, Kampione Botërore dhe olimpike për të rinjë. Donjeta është në moshë të re, dhe ëndrrën e saj për të fituar medalje Olimpike do ta ndjek në lojërat e ardhshme Olimpike.

Atleti ynë, Musa Hajdari, mbajtësi i shumë rekordeve të vendit dhe Olimpsit i Kosovës në Rio 2016, ishte pjesë e garës në disiplinën e 800 metrave duke arritur rezultatin 01:48.96.

Të gjithë këta sportistë u bënë shembull për vendin dhe inspirim për ata që duan të ndjekin rrugën e tyre.

Ne i falenderojmë të gjithë për reprezentimin dinjitoz./KultPlus.com

Lojërat Olimpike: Atletët australianë dëmtuan shtretërit dhe dhomat e tyre para se të largoheshin

Atletët australianë dëmtuan shtretërit në dhomat e hotelit të fshatit të tyre olimpik dhe bënë një vrimë në mur para se të largoheshin, thotë komiteti olimpik i vendit.

Disa atletë gjithashtu treguan “sjellje të papranueshme” gjatë udhëtimit për në shtëpi, shtuan zyrtarët, transmeton KultPlus.

Por shefi i ekipit të Australisë Ian Chesterman tha se asnjë masë disiplinore nuk do të merrej pasi atletët kishin kërkuar falje.

Ai shtoi se dëmi ishte “i vogël” dhe se “nuk ishte gjëja më e vështirë për të thyer kartonin e shtratit”.

Chesterman nuk i përmendi atletët apo sportin që ata përfaqësonin.

Por Komiteti Olimpik Australian tha se organet drejtuese kombëtare të futbollit dhe sindikatës së ragbit po hetonin raportet e sjelljes së trazuar gjatë një fluturimi në Sidnei të Premten e kaluar.

Chesterman tha: “Disa të rinj bënë një gabim – ata kishin lënë dhomat në një gjendje që ishte e papranueshme.”

Ai shtoi: “Dhomat nuk u shkatërruan plotësisht në asnjë mënyrë.”./KultPlus.com

Kurti: Në Rio morëm një medalje, në Tokio 2, të fillojë puna që në Paris të marrim 3 e më shumë

Kryeministri i Kosovës, Albin Kurti, ka folur para publikut të mbledhur në sheshin e Prishtinës për kampionet olimpike të Kosovës.

Kurti ka thënë se puna e madhe që kanë bërë kampionet janë motivim për të gjithë qytetarët e Kosovës. Ai ka pasur fjalë të mëdha edhe për kampionen e parë në histori të Kosovës, Majlinda Kelmendi.

“Mirmbrëma dhe urime të gjithëvë. Le t’iu urojmë mirëseardhja skuadrës sonë olimpike me një duartrokitje të madhe e të fuqishme sepse kanë bërë historinë në Tokio. Edhe pse Majlinda nuk mori medalje të artë në Tokio ajo ka marrë zemrat tona. Me përkushtimin e saj ajo ka hapur rrugën për atletët tonë që të ëndërrojnë më shumë e të synojnë më lartë. Ajo i solli Kosovës medaljen e parë të artë duke u bërë simbol i shpresës, duke na thënë që është gjithçka e mundur. Kampione në tatami, e kampione në jetë”, ka thënë ai.

Ai nuk e ka lënë pa thënë fjalë të mëdha edhe për kampionet e ‘Tokio 2020’, Distria Krasniqi dhe Nora Gjakova dhe nuk e ka lënë pa lavdëruar punën e trajnerit Driton Kuka.

“Në olimpiadën e parë në Rio, Majlinda solli medaljen e artë. Në Tokio morrëm dy medalje të arta. Një duartrokitje të madhe për këto kampione. Medaljet e arta aq sa kërkojnë talent, kërkojnë edhe punë e përkushtim. Kërkojnë taktiktë e strategji të përsosur. Trajneri që na ka dhënë zemër të gjithëve. Ai është trajneri i artë Driton Kuka. Tri medalje të arta nga tri gra, kjo fjali me 7 fjalë duhet të mjaftojë për të fituar çdo medalje për barazi gjinore. Falemnderit vajzave, falemnderit trajnerit. Në Rio morëm 1 medalje, në Tokio 2. Le të fillojnë përgatitjet që në Paris të marrim 3 e më shumë medalje. Ju faleminderit të gjithëve. KOSOVA është e ARTË”, përfundoi ai. / KultPlus.com

Distria Krasniqi: Shpresoj që Kosova do fitojë edhe më shumë medalje në “Paris 2024”

Kampionia olimpike, Distria Krasniqi, ka folur për media pas ardhjes në Aeroportin ndërkombëtar “Adem Jashari” në Prishtinë.

Krasniqi ka thënë se është mirënjohëse për pritjen që i është bërë dhe ka falënderuar të gjithë popullin shqiptar për përkrahjen që i është dhënë tërë kohën sa ajo ishte në Tokio.

“Jam mirënjohëse për këtë pritje kaq të ngrohtë. Ju kisha falënderuar të gjithëve, sidomos popullit shqiptar që na ka mbështetur vazhdimisht. Shpresojmë që s’kemi me mbet vetëm me këto tri medalje, por nga Parisi shpresojmë me u kthy me më shumë”, ka thënë ajo.

Distria Krasniqi ka fituar medaljen e artë dhe ishte e fituesja e dytë e Kosovës në histori. Pas saj fitoi edhe xhudistja, Nora Gjakova. / KultPlus.com

Nora Gjakova: Kjo medalje është për gjithë popullin e Kosovës

Ekipi olimpik i xhudos tashmë ka ateruar në Aeroportin “Adem Jashari”. Dy kampionet olimpike nga Tokyo 2020, Distria Krasniqi dhe Nora Gjakova tashmë kanë shkelur në tokën dardane.

Në konferencën për media, kampionia olimpike Nora Gjakova tha se kjo medalje shkon për gjithë popullin e Kosovës.

“Është një sukses i jashtëzakonshëm. I kemi tejkaluar të gjitha pritshmëritë. Dua ta falënderoj trajnerin Driton Kuka. Falënderoj familjen që gjithmonë na kanë përkrahur, si mu si Akilin. Faleminderit popullit të Kosovës. Kjo medalje është për gjithë popullin e Kosovës”, ka thënë Gajkova. / KultPlus.com

Ismet Krasniqi: Kosova në Tokio ka qenë temë e diskutimit nga e gjithë bota

Ekipi olimpik i xhudos tashmë ka ateruar në Aeroportin “Adem Jashari”. Dy kampionet olimpike nga Tokyo 2020, Distria Krasniqi dhe Nora Gjakova tashmë kanë shkelur në tokën dardane.

Në konferencën për media që po mbahet në Aeroportin Adem Jashari, ka folur edhe Presidenti i KOK-ut, Ismet Krasniqi. ai ka thënë se Kosova u njoh ndërkombëtarisht pas fitoreve të Majlinda Kelmendit në Tokio.

“Kosova me tri medalje te arta. Për mua është kënaqesi e veçantë dhe privilegj t’i prijë një ekipi të tillë që na bëri krenarë gjithë shqiptarinë. Kosova në Tokio ka qenë temë e diskutimit nga e gjithë bota. Kosovës atje iu shtua një emër: Kosova e artë. Jemi ndje krenarë. Falënderojme Majlinda Kelmendin që e ka hapur derën për sportistët e kosovës dhe i ka treguar që nëse punojnë mund të arrijnë shumë”, ka thënë ai. / KultPlus.com

Tom Daley shfaqet duke thurur gjatë finales së kërcimit me trampolinë në Lojërat Olimpike

Foto: BBC

Fituesi e medaljes së artë olimpike, Tom Daley bëri zhurmë në mesin e shikuesve të Lojërave Olimpike të dielën në finale  të kërcimit me trampolinë 3 metra për gra, ku ai shfaqet në mesin e spektatorëve përderisa thurte duke e shikuar veprimin.

Rrjetet sociale u mbushën me imazhe të 27-vjeçarit, i veshur me bluzën e tij Team Great Britain dhe maskën e detyrueshme, me gjilpëra dhe lesh vjollce në Tokyo Aquatics Centre, transmeton KultPlus.

Ky moment erdhi para raundit të tretë të zhytjeve, menjëherë pasi Shi Tingmao e Kinës përfundoi zhytjen e saj të dytë dhe asnjë zhytës britanik nuk po konkurronte.

“Aty është Tom Daley – ai ka nxjerrë gjilpërat e tij të thurjes,” tha komentatorja e BBC, Katherine Doënes, gjatë transmetimit të drejtpërdrejtë të dielën në mëngjes.

Çfarë mendoni se po krijon ai atje? Pyes veten se për kë po e bën atë kombinim ngjyrë vjollce?”

Thurja duket se ishte një lloj kapeleje, me një zbukurim krem ​​- dhe mund të jetë e destinuar për djalin e tij të vogël, Robbie – megjithëse vetë Tom ende nuk ka komentuar për krijimin e tij të fundit.

Zhytësi britanik, i cili fitoi medaljen e parë olimpike së bashku me Matty Lee në ngjarjen e sinkronizuar të platformës 10 metra të hënën e kaluar, e ka quajtur thurjen “arma e tij sekrete”.

Në fillim të javës, ai  tha se e ka krijuar për medaljen e tij, për të ndaluar gërvishjen. Çanta është e stolisur me Union Jack në njërën anë dhe flamurin japonez në anën tjetër./KultPlus.com

Peshëngritësi Erkand Qerimaj siguron vendin e parë në kategorinë B të peshës 81 kg në Lojërat Olimpike

Peshëngritësi shqiptar, Erkand Qerimaj ka siguruar vendin e parë në kategorinë B të peshës 81 kg për meshkuj në Lojërat Olimpike “Tokyo 2020”, përcjellë KultPlus.

Ai ka shkëlqyer në të treja provat në shkëputje ku më e mira ishte në 157 kg, ndërsa ka arritur të ngrejë 181 kg në shtytje, duke çuar në një total prej 338 kg në dygarësh.

Në përfundim të renditjes së përgjithshme në disiplinën 81 kg në peshëngritje për meshkuj, peshëngritësi Qerimaj zuri vendin e 9 nga 14 peshëngritës të kategorisë së tij në Lojërat Olimpike “Tokyo 2020”.

Kampioni Erkand Qerimaj sot gjatë garës kishte edhe mbështetjen e kryetarit të Bashkisë Tiranë, Erion Veliaj i cili shoqërohej nga presidenti i KOKSH, FidelYlli dhe sekretari përgjithshëm, Stavri Bello, shefi i misionit dhe anëtarë të tjerë të delegacionit Olimpik shqiptar. / KultPlus.com

Pse olimpistët kafshojnë medaljet e tyre dhe çfarë bëjnë me ato?

Pamja e një olimpisti të gëzuar që qëndron në majë të podiumit pasi fitores dhe vendosja e medaljes së artë në mes dhëmbëve po ndodh shumë shpesh.

Në Lojërat Olimpike 2020 në Tokio keni mundur ta shihni këtë shumë shpesh. Llogaria zyrtare e Tokios 2020 bërë përpjekje që t’u kujtonte njerëzve se medaljet nuk janë të ngrënshme.

Anëtari i Komitetit Ekzekutiv të Shoqërisë Ndërkombëtare të Historianëve Olimpikë, David Wallechinsky, tregoi se ky gjest është një përpjekje për të kënaqur mediat, raporton CNN, transmeton KultPlus.

Një fenomen i tillë nuk është vetëm në Lojërat Olimpike. Për çiklistin slloven Primoz Roglic, i cili fitoi medaljen e artë tregoi se medalja e kishte befasuar.

Boksieri Superstar Wladimir Klitschko e shiti medaljen e artë që ai fitoi në Lojërat Atlanta 1996 për 1 milion dollarë, me fondet që shkuan në fondacionin vëllezërit Klitschko, një bamirësi e krijuar nga ai dhe vëllai i tij Vitali për të ndihmuar fëmijët e varfër në jetën e tyre.

Notari amerikan Anthony Ervin nxori në ankand medaljen e tij të artë olimpike të vitit 2000 në eBay për të ndihmuar të mbijetuarit e cunamit të Oqeanit Indian të vitit 2004. / KultPlus.com

Në Lojërat Olimpike ‘Tokio 2020’ thyhet rekord botëror në not

Në Lojërat Olimpike të Tokios është shënuar rekord botëror në not individual. Kjo është shënuar në ditën e shtatë të Olimpiadës.

Tatjana Schoenmaker e Afrikës së Jugut e fitoi disiplinën 200 metra bretkosë në konkurrencën e femrave me kohën 2:18:95 sekonda, duke e thyer rekordin prej 2:19:11 të vendosur nga Rikke Moller Pedersen të Danimarkës. Danezja e vendosi atë rekord në Kampionatin Botëror 2013 në Barcelonë.

Shtetet e Bashkuara të Amerikës i morën dy medaljet tjera. Lilly King e mori të argjendtën me kohën 2:19:92, ndërsa të bronztën e fitoi Annie Lazor me kohën 2:20:84. / KultPlus.com

‘Dardanët’ organizohen për t’i pritur xhudistët nga Lojërat Olimpike ‘Tokio 2020’

Tifo grupi “Dardanët” do të organizojnë mirëseardhjen për ekipin e xhudos që kanë fituar dy medalje të arta në Lojërat Olimpike të Tokios.

Pas këtij suksesi historik për Kosovën, “Dardanët” i kanë ftuar të gjithë që t’iu bashkohen për të bërë një pritje madhështore për xhudistët që pritet të arrijnë të hënën në mëngjes në aeroportin “Adem Jashari”.

Nga Lojërat Olimpike “Tokio 2020”, Kosova do të kthehet me dy medalje të arta të fituara nga Distria Krasniqi dhe Nora Gjakova. / KultPlus.com

Kuka: Çfarë e arriture në radhitjen e shteteve me medalje të arta në sportin ku shtetet investojnë me miliona euro

Trajneri i xhudos në Kosovë, Driton Kuka ka reaguar pasi që xhudistët e Kosovës kanë përfunduar rrugëtimin e tyre në Lojërat Olimpike ‘Tokio 2020’, përcjellë KultPlus.

“Ende smë besohet,kemi ardh për medalje por …2 të Arta e një vend i 7 për shtetin me më pak se 2 milionë banorë.Dhe kjo sështë e tëra!”, ka shkruar Kuka. / KultPlus.com

Atleti Musa Hajdari, të shtunën nis garën në Lojërat Olimpike

Atleti kosovar do të garojë në “Tokyo 2020” të shtunën në mesnatë me kohën lokale të Kosovës, përcjellë KultPlus.

Musa Hajdari synon të lërë gjurmë në Lojëra Olimpike. Atleti kosovar është njëri prej 11 garuesve që po e përfaqësojnë vendin tonë në “Tokyo 2020”.

33 vjeçari do ta ketë rastin e tij të shtunën, kur do të garojë në disiplinën vrapim 800 metra.

Gara e tij do të fillojë në orën 02:00 pas mesnate me kohën lokale të Kosovës dhe do të mbahet në Stadiumin Olimpik të Tokios.

Hajdari do të mundohet të bëjë paraqitje sa më të mirë në këtë garë, ku konkurrenca është jashtëzakonisht e madhe. Për atletin e Roganës, kjo është hera e dytë që merr pjesë në Olimpiadë, pas asaj të “Rio 2016”.

Hajdari është njëri nga pesë garuesit e Kosovës që po merr pjesë në “Tokyo 2020” me ftesë. Ai ka arritur në Japoni disa ditë më parë, ku ka ushtruar nën urdhrat e trajnerit Zijadin Kryeziu. Hajdari është garuesi i parafundit i Kosovës që paraqitet në “Tokyo 2020”.  / KultPlus.com

Egzon Shala, garuesi i fundit i Kosovës në pritje të medaljes së tretë

Egzon Shala do të përballet në raundin e parë me mundësin bjellorus Dzianis Khramiankou në peshën e rëndë, 125 kilogramë, në Lojërat Olimpike ‘Tokio 2020’, përcjellë KultPlus.

Shorti i hedhur sot në Tokio e vuri kosovarin përballë mundësit nga Bjellorusia, në garë për medalje olimpike më 5 gusht.

Shala është garuesi i fundit i Kosovës që do të garojë në Tokio 2020 dhe do të synojë t’i ndjekë hapat e xhudisteve Distria Krasniqi dhe Nora Gjakova për t’i sjellë vendit medalje olimpike nga Japonia.

Por ai e ka vlerësuar si të pafat shortin dhe është shprehur i zhgënjyer me të.

“Është short i pafavorshëm për mua, por do të japim maksimumin tonë. Bjellorusi është fitues i turneut kualifikues evropian për Tokio 2020, por kjo nuk do të më ndalojë në ambicien për medalje”, tha Shala për Komitetin Olimpik të Kosovës. / KultPlus.com

@Kosovo Olympic Comittee