Sonte, natë muzikore me ‘The Band’ në ROCKUZINË

Sonte në Rockuzinë do të performojë grupi ‘The Band’.

Grupi përbëhet nga muzicientë me përvojë të gjatë në skenë, e këta janë Luan Tashi, vokal/kitarë, Luan Macula në kitarë, Labinot Krasniqi në bass dhe Vedo Hasani në bateri.

Individualisht, të gjithë kanë performuar me bende të ndryshme muzikore në këto 25 vitet e fundit, ndërsa dëshira për të performuar live i bëri bashkë ata.

Sonte, në Rockuzinë, një natë energjike i pret të gjithë që do të vijnë. / KultPlus.com

Ruckuzinë sonte sjellë Flaka Krelani and Band

Sonte në Rockuzinë do të performojë Flaka Krelani and Band.

Flaka e filloi karrierën e saj në “Ethet”, ku ajo arriti deri në finale. Pas kësaj gare, ajo u bë një nga këngëtaret shqiptare më të njohura të muzikës rok. Flaka ka marrë pjesë në disa festivale muzikore të mbajtur në territore të ndryshme shqiptare. Ajo ka marrë pjesë në Top Fest, duke marrë çmimin “Best Alternative” në edicionin e katërt, dhe “Best Rock” në edicionin e tetë.

Ajo është përpjekur në garën për të përfaqësuar Shqipërinë në Eurovision katër herë. Në vitin 2008, ajo zuri vendin e dytë, dhe në pozitat Top 5 në dy vitet e ardhshme. Në vitin 2015 ajo renditet e treta me këngën e saj “S’je Për Mu”.
Flaka ka arrit që me talentin e saj dhe zërin karakteristik të tërheqë një numër të madh të adhuruesve të muzikës rok, me performanca jashtëzakonisht energjike./ KultPlus.com

Sonte në Rockuzinë do të performojë Beska & Band

Beska & Band është një formacion i përbërë nga muziktarë të njohur nga Prizreni dhe funksionon që nga viti 2008.

Pjesëtarët e këtij formacioni kanë qenë aktiv në rok skenën kosovare që nga viti 1994, duke qenë pjesë të rok grupeve të njohura kosovare, si Hard, Menkis, Minatori, Marigona, etj, si dhe pjesë të live formacioneve dhe studio projekteve të ndryshme.

Ideja e Beska&Band lindi nga vokalisti Beska dhe tastiersiti Artani të cilët më herët kishin perfomuar së bashku. Ata e ftuan kitaristin Fisnik Hoxha duke e formuar formacionin fillestar të Beska&Band, ndërsa këtij formacioni më vonë iu bashkëngjit edhe bateristi Xhemil Gjini.

Formacioni Beska&Band është pjesë e pashmangshme e ndejave dhe ka paraqitje të rregullta në klubet e natës në Tiranë, Durrës, Vlorë, Ulqin dhe në shumë qytete të Kosovës. Grupi është i inspiruar nga muzika rok, latino rok, funk dhe blues. Anëtarët e këtij formacioni janë: Besmir Shishko, Artan Elshani, Fisnik Hoxha dhe Xhemil Gjini./ KultPlus.com

Haliband sonte në Rockuzinë

Grupi i njohur Haliband sonte me performancë live në Rockuzinë.

Grupi Haliband u themelua në vitin 2002 nga Andin dhe Krenar Halimi. Në të njëjtin vit, grupi incizon këngën e parë të titulluar “I humbur në dhembjen e saj”, derisa e njëjta i prezantohet publikut me videoklip në vitin 2003.

Në vitin 2004, grupit i bashkëngjiten edhe basisti Agim Berisha dhe bateristi Petrit Riza. Në këtë formacion, Haliband fillon të performojë në kafiteri dhe klube të ndryshme në Kosovë dhe Shqipëri si Depo, Zebra, kafiteria e teatrit ODA, Charl’s Bar Tirana etj.

Pas performancave të ndryshme nëpër mbrëmje, Haliband vendos të hyjë në studio për incizime të reja, dhe brenda periudhës 2005 – 2007 incizohen këngët “Pamjet”, “Qyteti pa plan”, “Ti vjen dhe shkon”, “Rock N’ Roll”, “Hajt se bohet mire” dhe një këngë instrumentale. Të gjitha këto këngë bëhen pjesë e albumit të parë të grupit, i cili del në shitje në dhjetor të vitit 2007.

Që nga viti 2007, grupi fillon të bashkëpunojë me këngëtarin Besart Halimi dhe në këtë formacion paraqitet në mbrëmje dhe në koncerte të ndryshme brenda dhe jashtë Kosovës. Ky bashkëpunim zgjat rreth pesë vite, derisa për shkak të angazhimeve të ndryshme të anëtarëve të grupit, pas vitit 2015 Haliband paraqitet shumë më rrallë para publikut, për tu rikthyer prap në shtator të këtij viti me performancat në të vetmin lokal ne Kosovë ku luhet dhe ndëgjohet rock, në Rockuzinë, Prishtinë.

Performanca e tyre sonte në Rockuzinë, fillon nga ora 21:00. / KultPlus.com

Jericho rikthehet në Rockuzinë me një performancë magjike

Pas kërkesave te shumta nga fansat, këtë të enjte në Rockuzinë do të kthehet për herë të dytë për një performacë plotë energji grupi i njohur kosovar Jericho.

Jericho është një rock grup i formuar nga disa të rinj shqiptarë nga Kosova, në maj të vitit 1997 në Prishtinë. Ky grup njihet për muzikën dhe tekstet e tyre mjaft të veçanta.

Muzika e Jerichos është përzierje e muzikës rock, alternative, elektronike dhe muzikës tradicionale shqiptare e cila është karakteristikë e regjionit te Kosovës dhe Shqipërisë veriore. Përveç instrumenteve standarde të rokut, ata përdorin edhe instrumente orientale të cilat bëjnë pjesë në muzikën tradicionale shqiptare, siç është tupani, kavalli dhe zurna.

Tekstet e këngëve në përgjithësi janë të shkruara në dialektin gegë, i cili flitet në Kosovë, Maqedoni dhe Shqipërinë veriore, ku, shpesh përdoret edhe në poemat epike shqiptare. Të gjitha këngët e Jerichos, trajtojnë tema sociale, me theks të veçantë për problemet që populli shqiptar i ka pasur dhe vazhdon t’i ketë me qeverisjen e vendit. Një nga këngët e para si dhe ajo që i mundësoi Jerichos të ndërtoj një publik rreth vetes është ”Don’t f*** with Albanians”. Këngët e Jericho-s janë të njohura kryesisht në mesin e të rinjve shqiptarë që jetojnë në Ballkan, por janë transmetuar edhe në stacionet e ndryshme të pavarura dhe Radio alternative në të gjithë vendet ish-jugosllave.

Me rastin e 100 vjetorit të pavarësisë së shtetit shqiptar, ky grup, publikoi këngën ”Nëntor i ftohtë”. Një “nëntor i ftohtë” kur populli po festonte një shekull si shtet i pavarur. Ky titull “i ftohtë”, sipas vokalistit Petrit Çarkaxhiu, ishte si pasojë e mosinformimit dhe injorancës së popullit për këtë datë të rëndësishme, mirëpo edhe për gjendjen e atëhershme në të cilën gjendej populli shqiptar. Kjo këngë është e ndarë në tri pjesë, ku pikërisht pjesa e parë flet për 28 nëntorin e 1912-ës, ku, sipas Petritit ishte viti më i vështirë i popullit shqiptar, sidomos për ata të cilët u ndanë me forcë nga Shqipëria.

Përveç këngëve të lart përmendura, grupi “Jericho” njihet edhe për shumë këngë të tjera si: ”Zgjohu”, ”Tomlin e nonës”, ”Kur do t’pushojë kjo kangë”, ”Albanian Rhapsody” e shumë të tjera. Tani anëtarët e grupit janë në përgatitje të albumit më të ri të tyre.

Pjesëtarët e këtij rock grupi janë:

Petrit Çarkaxhiu – Vocal & Rhythm Guitar
Leonard Canhasi – Solo Guitar
Suad Jamini – Bass Guitar
Visar Rexha – Drums

“The Derps” sonte në Rockuzinë

Sonte në Rockuzinë do të peformojë grupi i njohur rok nga Mitrovica “The Derps”.

Grupi përbëhet prej Dren Nishliu vokal dhe kitarë, Erhan Mujka bass dhe Emir Ismajli beteri.

Ideja e formimit të bendit erdhi në vitin 2012, pas bashkëpunimit dhe përshtatjes muzikore në mes të Erhanit dhe Drenit që në atë kohë punonin në një projekt instrumental.


Grupi ka një repertor mjaft të gjerë dhe të gjitha këngët i performon në mënyrën e vete unike dhe shumë të pëlqyer nga publiku. 


Performanca e tyre në Rockuzinë fillon sonte nga ora 21:00./ KultPlus.com