Etiketë: TIFF

TIFF ndan çmimet, dy kineaste shqiptare mes fituesve

Posted on by Kult Plus

Ka përfunduar edicioni i 20-të i Tirana International Film Festival, me mbrëmjen-gala në Kinema Millennium, ku janë ndarë çmimet për kineastët dhe filmat më të mirë, pjesëmarrës në këtë festival.

Filmi më i mirë i mirë i festivalit është shpallur filmi polak “Illusion” nga Marta Minrowicz, duke fituar cmimin “Bufi i artë”. “Bufin e argjendtë” e ka fituar “The Den” nga regjisorja Beatrice Baldacci, film Italian (90’).

Regjisori më i mirë u vlerësua Vaclac Kadrnka, për filmin “Saving one who was dead”. Filmi i Kadrnka ishte bashkëprodhim mes Republikës Çeke, Sllovakisë dhe Francës.

Me çmimin  “Skenari më I mirë” juria vlerësoi Ellie Foumbi, për skenarin e filmit “Our father, the devil”, film amerikano-francez i vitit 2021.

Mes shumë të përzgjedhurve të tjerë, të këtij festivali, do të veçojmë dy artistë, të vetmet shqiptare që morën cmime në TIFF 2022. Ato janë Keti Stamo, në kategorinë BEST Made in ALBANIAn, me filmin “Sons of Cain” (Bijtë e Kainit), si dhe Flaka Kokolli, nga Kosova, e cila u vlerësua me Best Short Film in Albanian, për filmin “Shpija”./ KultPlus.com

Fenomeni i gjakmarrjes në TIFF vjen nëpërmjet regjisores sllovene, Marija Zidar

Posted on by Kult Plus

Pasditja e TIFF-it nisi me “Reconciliation” nga Marija Zidar. Një dokumentar, bashkëprodhim mes Sllovenisë, Serbisë, Malit të Zi e Kosovës, që tregon historinë e një vajze 18-vjeçare e cila vritet në një histori gjakmarrjeje në malësinë shqiptare. Babai i saj i pikëlluar vihet nën presionin e një prifti dhe një shoqate, që jo vetëm ta falë vrasësin, por edhe të pajtohet me të, siç e kërkon Kanuni. Dokumentari është një rrëfim prekës dhe i thellë, i një shoqërie patriarkale të kapur midis të kaluarës dhe një të tashmeje të pasigurt.

Pas “Reconciliation”, në Liceun Artistik, është shfaqur “Purgatory ’90” nga Ismet Sijarina, edhe ky film dokumentar, por që konkuron në kategorinë “MADE In ALBANIAn”. Ismet Sijarina është regjisor, skenarist si edhe profesor në Universitetin e Prishtinës.

Ndërsa në kategorinë PerspecTIFF, ishte radha e një filmi thriller, “Our father, our devil” nga Ellie Foumbi. Filmi, një bashkëprodhim amerikano-francez tregon historinë e një refugjateje afrikane, ekzistenca e paqtë e të cilës tronditet nga hyrja në skenë e një prifti katolik, që rezulton të jetë edhe vrasësi i prindërve të saj.

Filmat e shkurtër që nisën të shfaqen pas orës 21, në Millennium, ishin të kategorisë LIVE ACTION dhe do të mund të kualifikohen për Oscars dhe European Film Awards./atsh/ KultPlus.com

Larmi zhanresh në Millennium dhe Liceun Artistik në ditën e katërt të TIFF

Posted on by Kult Plus

Dita e katërt e TIFF ka nisur me filmin me metrazh të gjatë të regjisorit rus, Aleksandr Khant.

“In Limbo” (103’) është një dramë e cila rrëfen historinë e dy adoleshentëve 15-vjeçarë, Sashës dhe Denit, të cilët bëjnë seks për herë të parë. Kur prindërit e Sashës zbulojnë se ajo ka humbur virgjërinë, shpërthen ferri.

Deni e Sasha largohen së bashku, në shenjë proteste ndaj prindërve e kundër shoqërisë në tërësi. Por liria e papritur iu bie në kokë. Filmi është prodhim i vitit 2021 dhe është vlerësuar në disa festivale europiane, ndërsa në festivalin ndërkombëtar të filmit në Varshavë fitoi çmimin Young Fipresci Award.

Njëkohësisht në Kinema Millennium, vazhduan shfaqjet e filmave për fëmijë edhe në Liceun Artistik “Jordan Misja”, 9 filma të animuar dhe më pas, për fëmijë më të rritur, mbi 11-vjeç u shfaqën 3 filma fiction, të seksionit PANORAMA.

Ora 12:00 shënoi nisjen e projeksioneve të filmave të shkurtër ballkanikë. Gjithsej shtatë filma fiction, nga Turqia, Maqedonia e Verit, Greqia e Serbia.

Pas tyre nisi projeksioni i “Blue Moon”i regjisores Alina Grigore, nga Rumania. Filmi i përket seksionit Perspec TIFF.

Pasdite priten të shfaqen një listë e gjatë filmash të zhanreve të ndryshme, mes të cilëve “Bijtë e Kainit” nga Keti Stamo, film dokumentar, i realizuar mes Francës, Shqipërisë e Italisë./atsh/ KultPlus.com

Shfaqet në TIFF premiera botërore e filmit “Winter Fireflies” nga Artur Gorishti

Posted on by Kult Plus

Pasditja e sotme në “Tirana International Film Festival” nisi me një film të kategorisë PerspecTIFF, “Brothers” nga regjisori kazak, Darkhan Tulegenov.

Më pas në Kinema Millennium u shfaqën 12 filma të shkurtër, të animuar, fituesi i të cilëve, do të kualifikohet për konkurim në Oscars dhe European Film Awards.

Pas filmave të animuar të cilët u shfaqën paraditen e ditës së tretë të festivalit, në Liceun Artistik “Jordan Misja”, rreth orës 17, nisi programi i filmave të kategorisë “PARADE”, mbi çështje të komunitetit LGBTQ. Nga ky seksion i festivalit u projektuan 4 filma fiksion dhe një dokumentar, të gjithë të metrazhit të shkurtër.

Filmi që tërhoqi më shumë vëmendjen, në ditën e tretë të TIFF, ishte “Winter Fireflies”, i aktorit dhe regjisorit Artur Gorishti. Filmi i metrazhit të gjatë, prej 149 minutash, dhe prodhim i këtij viti, sjell aktorë si Birçe Hasko, Luli Bitri, vetë regjisorin Gorishti, si dhe Arben e Florist Bajgora. Pjesa më e madhe e kastit, ishin të pranishëm në sallën e Kinema Millennium, ku falënderuan bashkëpunëtorët dhe bashkëbiseduan me spektatorët.

Filmi rrëfen historinë e një plaku i cili sjell ngjarje nga e kaluara për të pastruar ndërgjegjen e tij, duke i kërkuar falje vetes dhe njerëzve që ka lënduar. Për “Winter Fireflies” (Xixellonjat e dimrit) kjo ishte premiera botërore.

Përveç regjisë e aktrimit, Artur Gorishti vjen edhe si skenarist i filmit, ndërsa muzika është shkruar nga Fatrin Krajka./atsh/ KultPlus.com

Me një program tradicional i kushtohet vëmendje e posaçme fëmijëve në TIFF

Posted on by Kult Plus

Në këtë edicion të TIFF, një vëmendje të posaçme i është kushtuar programit tradicional për fëmijë, KIDs, i ndarë në dy programe për moshat nga 5-10 vjeç dhe nga 11-15 vjeç.

Ky program i pasur e i larmishëm nga të gjitha zhanret do shfaqet çdo ditë me tre programe 1-orëshe, nga ora 10-13:00, te salla e re e shfaqjeve “Tonin Harapi”, pranë Liceut Artistik. Është parashikuar që edhe fëmijët do të votojnë për filmin më të mirë sipas tyre të programit KIDs 2022.

Ky program është mundësuar nga bashkëpunimi i ngushtë me bashkinë Tiranë, Agjencinë e Industrisë Kreative dhe Ministrinë e Arsimit.

Programi KIDs i përshtatshëm për fëmijë deri në moshën 10-vjeçare, përmban 20 filma animacion. Filmat janë të metrazhit të shkurtër në mënyrë që të kenë vëmendjen e fëmijëve. Gjeografia e këtyre 20 produksioneve është e larmishme, ka filma nga vende të ndryshme të Europës por edhe nga Shtetet e Bashkuara të Amerikës, Kanadaja, Hong-Kongu e vende të tjera të Lindjes së Largët.

Ndërsa programi për fëmijë mbi 11 vjeç përmban 9 filma artistikë të metrazhit të shkurtër. Ai nis me një film që vjen nga Irani dhe vijon me filma nga Kanadaja, Izraeli, Franca etj.

Për këta filma por edhe për të tjerë, të përfshirë në seksionin “Panorama” do të ketë një juri të veçantë, e përbërë nga partnerët zyrtarë të TIFF 2022, si Jonid Jorgji nga Bashkia Tiranë, Irena Prici nga Ministria e Kulturës, Arben Lami nga QKK dhe Jona Hasija nga TOP Channel. /atsh/ KultPlus.com

Fituesit e TIFF do të mund të garojnë për “Oscars” dhe “European Film Academy Awards”

Posted on by Kult Plus

International Film Festival është përzgjedhur ndër 29 festivalet më të mira europiane, përkrah simotrave të Venecias, Kanës, Lokarnos e Berlinit, për të kandiduar filma në “European Film Academy Awards”.

Një tjetër arritje e këtij festivali është fakti se Akademia “Oscar” ka perzgjedhur TIFF, si një nga festivalet zyrtare me atributin e nominimit për “Oscar” për çmimin e filmit të shkurtër.

Filmat e metrazhit të shkurtër prej të cilëve do të dalin kandidatë për European Film Academy Awards dhe Oscars, ndahen në disa kategori, si Live Action, Animation, Documentary, VIDEO ART & EXPERIMENTAL dhe si dhe filmat studentorë, fituesit e të cilëve, do të mund të kandidojnë për t’u seleksionuar për Oscars.  

Fituesit e kategorisë “Live Action” te TIFF-it, do të mund të seleksionohen si për Oscar ashtu edhe në European Film Awards. Në këtë kategori të metrazhit të shkurtër garojnë 12 filma, dy prej të cilëve nga Kanadaja, dy nga Franca, dhe të tjerët nga Suedia, SHBA, India, Meksika, Luksemburgu, Kina, Italia e Irani. Filmat kanë një gjatësi që varion nga 15 deri në 30 minuta, dhe ashtu si edhe origjina e tyre, edhe tematika që trajtojnë është e larmishme.

Tirana International Film Festival (TIFF) këtë shtator vjen me edicionin e tij të 20-të, si një histori suksesi, që nisi në 2003 dhe tashmë mund të quhet si një nga eventet kulturore më të rëndësishme të Ballkanit dhe Europës.

Festivali, i cili do të zhvillohet nga 24 deri në 30 shtator. /atsh /KultPlus.com

TIFF, gjashtë produksione pretendentë për çmimin e dokumentarit më të mirë

Posted on by Kult Plus

Gjashtë filma janë pretendentë për të fituar çmimin e dokumentarit më të mirë, në Festivalin Ndërkombëtar të Filmit në Tiranë. Nga seleksionimi paraprak, janë përzgjedhur filma dokumentarë me një gjeografi të larmishme. Njëri prej dokumentarëve është prodhim francez e indian, “A Night of Knowing Nothing”, nga regjisorja Payal Kapadia, prodhim i vitit 2021.

Kroati Srdan Kovacevic prezanton dokumentarin “Factory to the workers”, ku në 105 minuta tregohet historia e pengmarrjes së një fabrike nga punëtorët e saj grevistë, të cilët kërkojnë të mbrohen nga një ekonomi pa rregulla.

Tek “Infinity According to Florian”, një prodhim ukraino-amerikan,i vitit 2022, regjisori Oleksiy Radynski rrëfen historinë e arkitektit 90-vjeçar Florian Yuriev, i cili mëson se një nga veprat e tij më të rëndësishme do të kthehet në qendër tregtare.

“The Balcony Movie” është filmi dokumentar i regjisorit polak Pawel Lozinski, film I xhiruar nga ballkoni i shtëpisë së autorit, i cili duke parë nga lart, vëzhgon kalimtarët, duke depërtuar në psikologjinë e jetët e tyre.

Një tjetër film dokumentar vjen nga Natasa Urban me titullin “The Eclipse”, ku tregon se si izolohen nëpër bunkerë një pjesë e popullsisë serbe nga frika e një eklipsi hënor. Filmi vjen si metaforë e ndërgjegjes jo të pastër dhe e pasojave që sjellin zgjedhjet e gabuara në politikë.

Dhe i fundit në renditjen e kandidatëve për çmimin e dokumentarit më të mirë, në TIFF, vjen “Where Are We Headed”. Dokumentari prej 63’ i regjisorit rus Ruslan Fetodow, zhvillohet në metronë e Moskës, përgjatë 1 viti, duke hulumtuar cështjet social-kulturore të Rusisë.

Filmat e edicionit të 20-të të TIFF do të shfaqen në disa lokacione; në Kinema Millennium, Open Air Cinema dhe tek Liceu Artistik.

Për herë të parë ATSH është “Official Partner” i TIFF./atsh/ KultPlus.com

‘TIFF’ do të hapë siparin me filmin dokumentar për Ennio Morricone-n

Posted on by Kult Plus

Tirana International Film Festival (TIFF) do të nisë me “Ennio”, një film dokumentar i regjisorit Giuseppe Tornatore, kushtuar Ennio Morricones, kompozitorit legjendar të kinematografisë botërore.

“Ennio” është portreti i plotë i kompozitorit më të dashur e më prodhimtar, të shekullit të 20-të, i vlerësuar gjithashtu edhe nga kritika e fitues i dy çmimeve Oscar. Ennio Morricone vjen në 156 minuta, me kompleksitetin e tij, si autori i mbi 500 kolonave zanore, të paharrueshme. Dokumentari i prezantuar në 2021, vjen në TIFF si një premierë kombëtare dhe rrëfen përmes një interviste të gjatë të Tornatores me Maestron, dëshmitë e artistëve dhe regjisorëve, si Bertolucci, Montaldo, Bellocchio, Argento, Taviani, Verdone, Barry Levinson, Roland Joffè, Oliver Stone e Quentin Tarantino.

Tornatore ka sjellë skena fiction por edhe imazhe arkivore. Dokumentari “Ennio” është gjithashtu një hetim që synon të zbulojë atë që dihet pak për Morricone. Ashtu si pasioni i tij për shahun, i cili ndoshta ka lidhje misterioze me muzikën e tij. Por edhe origjina e vërtetë e disa prej intuitave të tij muzikore, siç ndodh për klithmën e kojotës, që sugjeron temën e “The good, the ugly, the bad” apo ajo e përplasjes ritmike të duarve në disa kanaçe nga protestues në rrugët e Romës, të cilën e shfrytëzoi për të sjellë temën e bukur të “Sosenga Pereira”. Një aftësi për shpikje që konfirmohet nga dëshira e vazhdueshme për eksperimentim./ KultPlus.com

Filmat garues në kategorinë “PerspecTIFF”, në TIFF

Posted on by Kult Plus

Një nga kategoritë e garës zyrtare të Festivalit Ndërkombëtar të Filmit (TIFF) është dhe PerspecTIFF. Në të do të garojnë 7 filma të metrazhit të gjatë.

Të përzgjedhurit si kandidatë për çmimin PerspecTIFF janë: “Pas dimrit” me regji nga Ivan Bakrac (Mali I Zi), “Hëna blu” nga Alina Grigore (Rumania), “Vëllezër” nga Darkhan Tulegenov (Kazakistan), “Mëllaga” nga Cagil Bocut (Turqi), “Babai ynë djall” nga Ellie Foumbi (SHBA), “Den” Beatrice Baldacci (Itali) dhe Toubab nga Florian Dietrich (Gjermani).

Tirana International Film Festival do të zhvillohet javën e fundit të shtatorit. Festivali I filmit është një nga eventet më të rëndësishme kulturore dhe këtë vit vjen me edicionin e tij të 20-të. Kineastë nga e gjithë bota përzgjidhen si pjesëmarrës në garën e cila finalizohet me dhënien e çmimit “Bufi i Artë”.

Festivali për herë të parë do të ketë “Official Partner”, Agjencinë Telegrafike Shqiptare (ATSH).

Organizatorët krenohen që Tirana International Film Festival është përzgjedhur ndër 29 festivalet më të mira europiane, përkrahë simotrave të Venecias, Kanës, Lokarnos e Berlinit, për të kandiduar filma në “European Film Academy Awards. Një tjetër arritje e këtij festivali është fakti se TIFF është një nga festivalet zyrtare me atributin e nominimit për “Oscars”, për çmimin e filmit të shkurtër./atsh /KultPlus.com

TIFF me edicionin e tij të 20-të

Posted on by Kult Plus

Tirana International Film Festival (TIFF) këtë shtator vjen me edicionin e tij të 20-të, si një histori suksesi, që nisi në 2003 dhe tashmë mund të quhet si një nga eventet kulturore më të rëndësishme të Ballkanit dhe Europës.

Festivali, i cili do të zhvillohet nga 24 deri në 30 shtator, për herë të parë do të ketë “Official Partner”, Agjencinë Telegrafike Shqiptare.

Organizatorët krenohen që Tirana International Film Festival është përzgjedhur ndër 29 festivalet më të mira europiane, përkrahë simotrave të Venecias, Kanës, Lokarnos e Berlinit, për të kandiduar filma në “European Film Academy Awards”. Të frymëzuar nga ky vlerësim maksimal, organizatorët shprehen se kanë dhënë maksimumin që edhe edicioni i 20-të të jetë i suksesshëm. Një tjetër arritje e këtij festivali është fakti se Akademia “Oscar” ka TIFF, si një nga festivalet zyrtare me atributin e nominimit për “Oscar” për Çmimin e filmit të shkurtër.

Tiff vjen në këtë edicion me një numër rekord aplikimesh, program të pasur dhe premiera.

Komisioni Ndërkombëtar Përzgjedhës sugjeron më shumë se 100 filma të cilët do të garojnë në kategoritë: Feature (të gjitha zhanret), EYE on TIFF, Film Aksion I shkurtër, Animacion, Film dokumentar (të të gjitha gjatësive), filma studentore, Video Art & Eksperimental, Filma Ballkanike & Film shqip.

Përveç filmave që garojnë për çmimet TIFF, organizatorët I kanë kushtuar një hapësirë të veçantë programeve speciale dhe projektimeve jashtë gare, që kane lidhje me tematika me ndjeshmëri të lartë sociale, të përmbledhura në seksionin “Panorama”.

Ky edicion, sipas themeluesit e drejtorit të TIFF, Agron Domi, do të ketë një vëmendje të veçantë ndaj fëmijëve, të cilët do të mund të ndjekin filmat e përzgjedhur, të ndara në 2 nën-kategori sipas moshave; KIDs Program -10 dhe KIDs Program +11, filmat e të cilave do të projektohen pranë Liceut Artistik./ KultPlus.com

‘Zana’ merr çmimin kryesor në Tirana International Film Festival

Posted on by Kult Plus

Filmi i gjatë artistik me regji të Antoneta Kastratit është shpallur filmi më i mirë në edicionin e sivjetëm të Tirana International Film Festival, shkruan KultPlus.

Lajmin e bëri të ditur regjisorja e filmit përmes një postimi në rrjetin social Facebook, e cila uroi kastën e filmit ‘Zana’.

https://www.facebook.com/sevdije.kastrati/posts/10157837674383152

Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës. / KultPlus.com

TIFF vjen me edicionin e 18-të, hapet me premierën e filmit “Liqeni im” nga Gjergj Xhuvani

Posted on by Kult Plus

Edicioni i 18-të i Tirana International Film Festival 2020 do të hapet më 19 shtator me premierën rajonale të filmit “Liqeni im” nga Gjergj Xhuvani, përcjellë KultPlus.

Një vit pas ndarjes së papritur nga jeta, TIFF sjell për publikun filmin e fundit të Gjergj Xhuvanit, si një homazh për mikun, kolegun dhe regjisorin më të suksesshëm shqiptar të 30 viteve të fundit.

““Liqeni Im” është testamenti më i vyer artistik që Gjergji na ka lënë e neve nuk na mbetet gjë tjetër veç se ta përhapim, ta promovojmë e ta kujtojmë. Vetëm kështu mund të shpresojmë për një fat me te mire te brezit te ri, përfaqësues i të cilit është edhe Kristo, heroi i filmit”, thuhet në njoftim.

TIFF 2020 vjen nën sloganin “Picture Your Life | Create The Future”.

“Liqeni Im” flet për djaloshin Kristo i cili jeton në një fshat në buzë të Liqenit të mrekullueshëm të Prespës, një vend i veçantë ku ndahen ujerat në kufijtë e tre vendeve të Ballkanit Shqipëria, Maqedonia dhe Greqia. Për të mbajtur familjen e tij, Kristo është bërë një kontrabandues i marihuanës, duke përdorur varkën e tij dhe njohjen e mirë të ujërave të liqenit për të transportuar pako me drogë nga ana shqiptare në atë maqedonase.

Në këtë film me skenar të Gjergj Xhuvani, luajnë aktorët: Ariton Pollozhani, Tristan Halilaj, Elia Zaharia Zogu, Julinda Emiri, Luiza Xhuvani, Birçe Hasko, Miriana Deti.

 Si pjesë e programit të festivalit vjen edhe një tjetër premierë kombëtare nga regjisori i famshëm Milcho Manchevski, fitues i Venecias me “Before the Rain” dhe kandidat për Oscar. Kësaj radhe në TIFF shpalos filmin e fundit “Shelgu”, një bashkëprodhim i Banana Film Maqedoni dhe Tirana Film Institute, Shqipëri.

Në përgjithësi, në festival do të shfaqen 220 filma. Do të jenë 108 filma në competition nga të gjitha kategoritë dhe zhanret kinematografike përfshirë edhe filmin në shqip. Ndërsa 112 filma do të jenë në Non Competition section

Këtë vit në fokus të festivalit do të jetë shkolla polake e animacionit me programin NEË ËAY, një përmbledhje retrospektive e filmave më të mirë të kësaj shkolle gjatë 50 viteve të fundit të vlerësuar me çmime të rëndësishme ndërkombëtare.

Pjesë e programit të festivalit do të jenë gjithashtu edhe filmat shqiptarë si: “Exil” nga Visar Morina, “Zana” nga Antoneta Kastrati, “The Neës” nga Lorin Terezi i nominuar për Best Short Oscar qualifying. / KultPlus.com

Nominimi direkt për në OSCAR ashpërson rregullat e konkurrimit në Tirana International Film Festival

Posted on by Kult Plus

Tirana International Film Festival (TIFF) këtë vit do të zhvillojë edicionin e 16 në Tiranë. Një event, i cili tashmë është një ngjarje pasi akademia “Oscar” ka përzgjedhur Festivalin Ndërkombëtar të Filmit në Tiranë-TIFF, si një nga festivalet zyrtare të saj, që ka atributin e nominimit për “Oscar” për çmimin e filmit të shkurtër.

Për këtë edicion aplikimet janë hapur dhe për drejtorin artistik Agron Domi rregullat për pjesëmarrësit do të jenë dhe më të forta.

“Rregullat e pranimit të filmave këtë vit në TIFF sigurisht që janë më të forta, sepse duhet të jenë dhe filma premiera që nuk janë shfaqur më parë në kinema në Europë, por dhe në Ballkan. Tani ne duhet të kemi rregulla të forta për këtë kategori, sepse i kërkon akademia “Oscar” të tilla kritere dhe duhet të respektojmë ato që përmban ajo. Premiera në kemi pasur dhe më parë, por është fjala tani për premiera evropiane dhe rajonale. Të mos kenë dalë në kinema filmat, janë kushte që vihen nga akademia e çmimeve “Oscar”, tregon drejtori artistik Agron Domi, shkruan Sot News.

Festivali TIFF këtë vit vjen në edicionin e 16 dhe ka filluar vëmendja menjëherë, sipas Domit në tre javë ka pasur qindra aplikime.

“Brenda tre javëve kam marrë 400 aplikime filmash nga shtete të ndryshme. Për industrinë kinematografike kjo është një fat i madh të jetë Shqipëria në këtë zgjedhje”, vijon më tej ai.

Aplikimet për këtë edicion të 16 mbyllen më datë 2 korrik të këtij viti dhe festivali do të zhvillohet në muajin nëntor. Por drejtori artistik Agron Domi këtë herë flet jo vetëm për një garë të fortë në TIFF, por dhe pagesa për aplikimet ka ndryshuar.

“Tani ne jemi me aplikimet dhe me datë 2 korrik mbyllen për të marr pjesë në TIFF. Tashmë do të jetë një konkurrencë dhe më e fortë, megjithëse është rritur çmimi i hyrjes për të aplikuar në TIFF. Të gjithë ata që hyjnë të aplikojnë në TIFF paguajnë një kuotë për pjesëmarrjen. Por ne edhe pse e rritëm këtë vit çmimin e hyrjes sërish është shtuar numri i aplikimeve deri tani, kjo do të thotë që efekti është i madh. TIFF do të vijojë me të gjithë seksionet me filmat në konkurrim siç kanë qenë”, pohon mes të tjerave Agron Domi.


Tirana International Film Festival

Janë vetëm 84 festivale të rëndësishme ndërkombëtare, që fituesi i tyre në short category nominohet për “Oscar” animation, fiction ose documentary. Kjo i jep Tirana International Film Festival (TIFF), si i vetmi në Ballkan që mund të sugjerojë film të shkurtër për “Oscars”, një reputacion të lartë për të shfaqur premiera të filmave Europianë dhe jo vetëm. Festivali paraqet seksione konkurruese në kategoritë e mëposhtme: Feature (të gjitha zhanret e filmit); Filmi Dokumentar (të gjitha gjatësitë); Fiction ; Animacion; Video Art & Eksperimentale; Filma të studentëve; Filmat shqiptarë. “Filmat në konkurs duhet të kenë përfunduar pas janarit 2017, regjistrimet duhet të dorëzohen deri më 2 korrik 2018”, thuhet në njoftimin e faqes së festivalit. Me këtë zgjedhje nga akademia “Oscar”, TIFF është një mundësi e madhe e kinemanë shqiptare dhe asaj të rajonit. Tirana International Film Festival hyn kështu në një listë prej 85 festivaleve më të rëndësishme të botës, ku Italia për shembull që ka me dhjetëra ka vetëm festivalin e Venecias në këtë listë. TIFF vazhdon të mbetet një festival indipendent, që ka për qëllim të zbulojë e promovojë atë kinematografi europiane e botërore./ KultPlus.com

Festivali Ndërkombëtar i Filmit në Tiranë, tashmë zyrtarisht Festival Kualifikues për Oscars

Posted on by Kult Plus

Festivali Ndërkombëtar i Filmit në Tiranë ndryshe i njohur si TIFF, tashmë është festival zyrtar i Akademisë për Çmimin e filmit të shkurtër.

Lajmin për KultPlus, e ka konfirmuar drejtori i këtij festivali Agron Domi, i cili është shprehur shumë i lumtur për këtë lajm që ka ardhur nga Akademia.

“Janë vetëm 84 festivale të rëndësishme ndërkombëtare që fituesi i tyre në short category nominohet për Oscar animation, fiction ose documentary. Kjo i jep TIFF, si i vetmi në Ballkan që mund të sugjerojë film të shkurtër për Oscars, një reputacion të lartë për të shfaqur premiera të filmave Europian dhe jo vetëm”, ka thënë për KultPlus, Domi.

Pra fituesi i Festivalit Ndërkombëtar të Filmit në Tiranë, që do ta marrë çmimin për Filmin më të Mirë, do të, kualifikohet për shqyrtim në kategorinë e filmit të shkurtër për Oscars./ KultPlus.com

“Glory” filmi më i mirë në TIFF, “Home” i More Raçës, filmi më i mirë shqiptar

Posted on by Kult Plus

Mbrëmë përfundoi edicioni i 15-të i Tirana International Film Festival-TIFF, shkruan KultPlus.

Kësisoj me përfundim të festivalit u bë edhe ndarja e çmimeve për më të mirët e këtij edicioni.
Juria e filmave të metrazhit të gjatë në përbërje të Denis Côté nga Kanadaja dhe Dritan Huqit nga Shqipëria ndau çmimet si në vijim:

Filmi më i mirë

“Glory” by Kristina Grozeva and PetarValchanov |2016 | Bulgaria, Greece | 97′

Regjisori më i mirë

Gentian Koçi
“Daybreak” |2017 | Albania, Greece | 85′

Skenari më i mirë

Edon Rizvanolli
“Unwanted” by EdonRizvanolli |2016| Kosovo | 85′

Kinematografia më e mirë

“Vesselin Hritov”
Directions by Stephan Komandarev |2017 | Bulgaria, Germany, Macedonia | 103′

Editimi më i mirë “Luc Barnier”

Dražen Kuljanin
“A Balkan Noir” by Dražen Kuljanin|2017 | Sëeden, Montenegro | 74′

Filmi më i mirë i gjatë Evropian

“Beneath the Silence” by Erez Mizrahi, Sahar Shavit |2016 | Israel | 112′

***
Juria e filmave dokumentarë në përbërjet të Altin Raxhimi nga Shqipëria, Visar Vishka nga Maqedonia dhe Mateo Cingu nga shqipëria ndanë cmimet si në vijim:

Dokumentari më i mirë

“On the Edge of Lifeby” nga Yaser Kassab| 2017 | Syria | 45′

Dokumentari më i mirë i gjatë

“The Charro of Toluquillaby” José Villalobos Romero| 2016 | Mexico | 90′

Dokumentari më i mirë i mesëm

“On the Edge of Lifeby” Yaser Kassab| 2017 | Syria | 45′

Dokumentari më i mirë i shkurtër

“The Gold Rushby” Raúl de la Fuente| 2017 | Spain | 24′

Dokumentari më i mirë Evropian

“Mr. Gay Syriaby” Ayse Toprak | 2017 | Turkey | 84′

***
Juria e filmit të shkurtër fiktiv në përbërje të Hila Chessen (Israel), Laurent Rouy (France) dhe Ergys Meta (Albania) ndau çmimet si në vijim:

Filmi më i mirë i shkurtër fiktiv

“Retouch” by Kaveh Mazaheri | 2017 | Kaveh Mazaheri | 20′

Filmi më i mirë i shkurtër fiktiv Evropian

“Red Light” by Toma Waszarow | 2016 | Bulgaria, Croatia | 21′

***
Juria e Animacionit dhe Video Artit, e përbërë nga Alban Muja (Kosovo), Albert Malltezi (Albania) and Fani Zguro (Albania) nda këto çmime:

Filmi më i mirë i animuar i shkurtër

“The Bridge Over the River” by Jadëiga Koëalska | 2016 | Sëitzerland | 6′

Video më e mirë Art&Experimental

“The Copyist” by Tamás Köszegi | 2016 | Hungary | 8’

***
Juria e studentëve e bërbërë nga by Kamuran Goranci (Kosovo) and Suela Bako (Albania) nda këto cmime:

Filmi më i mirë studentor

“Millimeterle” by Pascal Reinmann | 2016 | Sëitzerland | 15′
***
Në jurinë Albanian bënë pjesë Irina Gurova(Bulgaria) dhe Goce Kralevski(Macedonia) të cilët ndanë këto cmime:

Filmi më i mirë shqiptar

“Home” by More Raça | 2016 | Kosovo | 23′

SPECIAL MENTION

“The Remigrant” by Astrit Alihajdaraj | 2017 | Kosovo | 20′

Filmi më i mirë nga Ballkani

“Fluffy” by Lee Filipovski| 2016 | Serbia | 24′

Filmi më i mirë debutues

“The Children Will Come” by Ana Jakimska | 2017 | Macedonia | 19′
Juria e Medias: Blerina Goce, Dorina Topallaj and Sabina Veizaj (Albania) ndanë këto cmime:

Cmimi i medias

“Glory” by Kristina GrozevaandPetarValchanov| 2016 | Bulgaria, Greece | 97′
Dhe në fund çmimi i audiencës shkoi për
“Raffi” by Arend Agthe | 2015 | Germany | 97′./ KultPlus.com

TIFF nderon Viktor Gjikën në 80 vjetor, në Arkivin e Filmit shfaqen katër filma të viteve ’70-’80

Posted on by Kult Plus

Arkivi Qendror Shtetëror i Filmit organizon Fokus: Viktor Gjika – një program i kuruar në kuadër të TIFF – Tirana International Film Festival.

Filmi “Rrugë të bardha” prodhim i viti 1974 me regji nga Viktor Gjika u shfaq mbrëmë për publikun për t’ia lënë pas vendin dhe tre filmave të tjerë. Në vijim për publikun do të jenë filmat “I teti në bronz” i viti 1970, “Në çdo stinë” i vitit 1980 si dhe i fundit do të jetë filmi “Njeriu me top” i vitit 1977. Regjisori i njohur Mevlan Shanaj, i cili nuk ka munguar me role në filmat e Viktor Gjikës pohon se regjisori Gjika në ekranin e madh skaliti karaktere të fuqishme në kinemanë shqiptare.

“Viktor Gjika ka krijuar historinë e shekullit 20 të shqiptarëve përmes ekranit. Në ekranin e madh skaliti karaktere të fuqishme, të cilët me anë të veprimeve artistike kanë bërë përgjithësime të pashlyeshme të shqiptarëve”, u shpreh regjisori i njohur Mevlan Shanaj.

Sipas tij para kamerës së Viktor Gjikës u shpalon mjeshtëria e emrave më të njohur të kinematografisë shqiptare ndër vite.

“Viktor Gjika foli përmes heronjve dhe njeriut të thjeshtë gjuhën e përpjekjes për rezistencë. Para kamerës së regjisorit Gjika u shpalosën mjeshtria e Sandër Prosit, Rikard Ljarjes, Bujar Lakos, Timo Fllokos, Pandi Raidhit, Robert Ndrenikës, e dhjetëra-dhjetëra të tjerë”, vijon në reagimin e tij regjisori Shanaj, i cili e vlerëson jo pak dhe shfaqjen e filmave në kinemanë e AQSHF. Edhe vetë Arkivi i Filmit fton publikun që deri më datë 9 nëntor të ndjekë filmat e regjisorit të njohur.

“Me kënaqësi ju njoftojmë se rikthehen në Arkivin Qendror Shtetëror të Filmit projeksionet në 35mm, me risinë e subtitrimeve në anglisht, për të gjithë dashamirësit e kinematografisë shqiptare. Ju mirëpresim, ju dhe miqtë e huaj, në kinemanë e AQSHF-së nga data 6 -9 Nëntor 2017, ora 17:30 në Fokus: Viktor Gjika në kuadër të TIFF. Katër filma nga mjeshtri ynë”, thuhet në njoftimin e arkivit.

Vepra filmike e Viktor Gjikës

Viti 2017 shënon atë që do të ishte ditëlindja e 80-të e regjisorit shqiptar Viktor Gjika (1937-2009). Me këtë rast, TIFF paraqet katër nga veprat e tij më të njohura në gjininë e filmit artistik, ashtu siç meritojnë të shihen, në ekran të madh dhe të projektuara në 35mm në sallën e kinemasë në AQSHF (Arkivi Qendror Shtetëror i Filmit). Këto katër tituj; “Rrugë të bardha” “I teti në bronz”. “Në çdo stinë” dhe “Njeriu me top” sipas AQSHF përfaqësojnë aftësitë e padiskutueshme të Gjikës për të bashkëpunuar me disa nga skenaristët, kinematografët dhe aktorët më të shquar të epokës së Kinostudios “Shqipëria e re”. “Secili prej tyre ka një kontribut të vazhdueshëm dhe nganjëherë kontrovers në kinematografinë e këtij vendi. Puna e Viktor Gjikës si përcaktuese e zhanrit të filmit artistik dhe kryesisht e panjohur jashtë kufijve të Shqipërisë, ende diskutohet nga kritikët e kinemasë të cilët përpiqen të kuptojnë nocionet komplekse të artit dhe kulturës në Shqipëri gjatë pesëdhjetë viteve të diktaturës”, vijon njoftimi i arkivit. I lindur në qytetin jugor të Korçës, “Parisit të Vogël” të Shqipërisë, Viktor Gjika u rrit i mrekulluar nga shfaqjet e filmave në kinemanë e qytetit të tij, Majestic (salla më e madhe në Ballkan në atë kohë). Gjatë viteve 1950, kur Shqipëria ishte në sferën e ndikimit sovjetik, Gjika përfundoi studimet në Institutin e Kinemasë VGIK në Moskë. Gjatë gjithë jetës së tij artistike, Gjika realizoi pesëmbëdhjetë filma artistikë dhe njëzet e gjashtë dokumentarë. Gjika filloi karrierën e tij si kameraman në filmin e Hysen Hakanit “Debatik” (1961) dhe Detyrë e posaçme” të Kristaq Dhamos (1963). Pas realizimit të një sërë dokumentarësh, Gjika u kthye në regji me filmin “Komisari i dritës” (1966), duke mbajtur për dy dekada një nga shtyllat e kinemasë komuniste shqiptare. Për shumë shqiptarë, tituj të njohur si “Horizonte të hairta” (1968), “Yjet e netëve të gjata” (1972), “Gjeneral gramafoni” (1978) janë kthyer në pika referimi kolektive për të rinjtë apo për më të vjetrit, duke anashkaluar kështu ideologjinë ndonjëherë të rëndë të pranishme në këto filma. Në vitin 2012, Projekti i Kinemasë Shqiptare, një iniciativë e themeluar për të sjellë vëmendjen në trashëgiminë e rrezikuar filmike shqiptare, ka punuar me kompaninë amerikane Colorlab për të financuar restaurimin e filmit “Nëntori i dytë” (1982) të Viktor Gjikës. Një nga më të kushtueshmit të realizuar në epokën e Kinostudios, ky film është një kronikë e gjerë mbi luftën e shqiptarëve për pavarësi. Premiera e filmit të restauruar pati një shfaqje triumfuese në Tiranë në njëqindvjetorin e ngjarjeve të përshkruara në epikën e Gjikës. (Marrë nga SotNews)./ KultPlus.com

Filmi i Astrit Alihajdarit në Tirana International Film Festival

Posted on by Kult Plus

“The Remigrant” me regji të Astrit Alihajdari, është filmi 18 minutësh i cili është pjesë e edicionit të 15-të të festivalit Tirana International Film Festival, shkruan KultPlus.

“The Remigrant” është filmi i cili e sjellë për herë të parë në rolin e regjisorit aktorin e njohur Astir Alihajdari. Ky film flet për shumë tema në të njëjtën kohë. Migrimi, harmonia në familje, edukimi i fëmijëve, janë disa nga temat që jetësohen përmes aktorëve: Florist Bajgora, Ilire Vinca, Veton Osmani dhe Leze Qena.

Filmi ka nis të shfaqet tani në TIFF./ KultPlus.com

Filmi ‘The Albanian Recruit’, premierë në TIFF

Posted on by Kult Plus

Film “The Albanian Recruit” është selektuar në festivalin Tirana International Film Festival pjesë e seleksionit Made in Albania, shkruan KultPlus.

Film flet për të rinjtë e rekrutuar në grupe kriminale ndërsa filmi vjen me skenar e regji të Sunaj Raça.
Në kastën e aktorëve bëjnë pjesë: Edon Mulaj, Don Raca, Bekim Mulaj, Sunaj Raça, Safete Rogova, Marko Caka, Veton Osmani…
Filmi në muajin mars pritet të shfaqen shfaq premierën amerikane në Kaliforni./ KultPlus.com