Filmi ‘Galaktika e Andromedës’ vazhdon rrugëtimin në ‘Sofia International Film Festival’

Filmi i metrazhit të gjatë ‘Galaktika e Andromedës’ nga regjisorja More Raça po vazhdon të ketë suksese të njëpasnjëshme. Kësaj radhe, ky film do të marrë pjesë në Festivalin Ndërkombëtar të Filmit në Sofje, shkruan KultPlus.

Në faqen zyrtare të festivalit ndër të tjera shkruhet se ‘Galaktika e Andromedës’ është një film i ngrohtë i ndërtuar për marrëdhënien babë-bijë me një stil vizual krijues qët ë lë përshtypje dhe të tërheqë për talentin që posedon regjisorja.

Andromeda Galaxy is officially selected at Sofia International Film Festival. “Awarded in San Sebastian and nominated…

Posted by More Raça on Tuesday, February 23, 2021

Filmi Galaktika e Andromedës ka për subjekt Shpëtimin, një baba të vetëm, mbi të cilin rëndojnë problemet sociale dhe dilema të mbetet apo jo kujdestar i vajzës së tij./ KultPlus.com

https://www.actualno.com/cinema/13-vpechatljavashti-regionalni-filma-v-balkanskija-konkurs-na-25-ija-sofija-film-fest-news_1562715.html?fbclid=IwAR0f9lB9oKI3LB855LQ79zLMfP-Far7DeMK1E7gvvBuMGFU0i-F7EGLED9w

“Galaktika e Andromedës” dhe “Exil” pjesë e festivalit të filmit të Triestës në Itali

Festivali i 32-të i Filmit në Trieste i cili do të zhvillohet nga 21 deri më 30 janar 2021, drejtuar nga Fabrizio Grosoli dhe Nicoletta Romeo, ka nisur të zbulojë disa nga titujt e filmave që do të jenë pjesë e festivalit, shkruan KultPlus.

Midis filmave artistikë në garë, dy kanë për regjisorë shqiptarë.

“Galaktika e Andromedës” i regjisores More Raca dhe “Exil” nga regjisori Visar Morina janë bërë pjesë e konkurrencës zyrtare të Festivalit të Filmit të Triestës në Itali.

Raca dhe Morina janë dy prej regjisorëve shqiptarë më të suksesshëm të momentit ku çdo ditë po na bëjnë krenarë me sukseset e tyre në kinematografi. https://www.triestefilmfestival.it/en/news-en/tsff32-a-first-glance-at-the-programme/?fbclid=IwAR1Dnv03J_r6VQLzNogy-VYWw2R7FhTLCVcWNAerK5bUUxWJugExqEedHLk / KultPlus.com

Filmi ‘’Galaktika e Andromedës’’ i More Raçës vazhdon rrugëtimin në Francë

Filmi i metrazhit të gjatë ‘’Galaktika e Andromedës’’ nga regjisorja More Raça po vazhdon të ketë suksese të njëpasnjëshme. Kësaj radhe, ai do të shfaqet në Francë përkrah filmave evropian, shkruan KultPlus.

Festivali i filmit ‘’Les Arcs’’ do të shfaq filmin shqiptar në programin ‘Hauteur’.

Regjisorja More Raça për KultPlus është shprehur se ndjehet tejet e lumtur për këtë sukses të radhës të filmit të saj dhe se filmin e presin edhe të reja të tjera, të cilat do t’i bëj publike më vonë.

‘’Ky është një program shumë i veçantë i festivalit sepse shfaq dhjetë filma evropian dhe autorial që trajtojnë tema shumë të rëndësishme dhe provokojnë mendjen e audiencës’’, thekson Raça për programin në të cilin do të shfaqet filmi.

Tutje, ajo tregon se ‘’Galaktika e Andromedës’’ do të zë vend përkrah filmave të dëshmuar në kinematografitë e popujve të ndryshëm.

‘’Andromeda do të shfaqet bashkë me filma tjerë të shkëlqyer dhe që kanë pas rrugëtim të suksesshëm ne festivalet më prestigjioze’’, ka shtuar regjisorja e filmit.

‘’Galaktika e Andromedës’’ është dëshmuar nëpërmjet pjesëmarrjeve në Festivalin e Filmit në Sarajevë, Kajro dhe tanimë edhe në Francë. / KultPlus.com

Filmi “Galaktika e Andromedës” i More Raçës, nominohet në Festivalin e filmit në Kajro

Pas pjesëmarrjes në Festivalin e Filmit në Sarajevë, ‘’Galaktika e Andromedës’’ po vazhdon rrugëtimin e tij suksesshëm. Filmi i metrazhit të gjatë është nominuar në festivalin e kategorisë A, në Festivalin Ndërkombëtar të Filmit në Kajro, shkruan KultPlus.

Regjisorja e këtij filmi, More Raça për KultPlus është shprehur se ndjehet e lumtur për suksesin e  radhës të filmit, pasiqë Festivali Ndërkombëtar i Filmit në Kajro është festival prestigjioz ku janë zgjedhur filma shumë të suksesshëm dhe të dëshmuar në festivalet botërore.

“Jemi jashtëzakonisht të lumtur që pas premierës botërore në kategorinë kryesore të festivalit të Sarajevës marrim pjesë në një festival prestigjioz të kategorisë A”, u shpreh Raça.

Tutje regjisorja theksoj se filmi “Galaktika e Andromedës” është në programin ‘’International critics’ week’’ dhe garon për dy çmime që ndahen për këtë kategori.

Ky film është i pari i metrazhit të gjatë për regjisoren More Raça, teksa në rolet kryesore luajnë: Sunaj Raça, Juli Emiri, Elda Jashari, Avni Dalipi, dhe Don Raça.

Filmi me producent Sunaj Raçën është bashkëprodhim i Kosovës me Spanjën dhe është financim i Qendrës Kinematografike të Kosovës. /KultPlus.com

More Raça organizon ’Javën ndërkombëtare të filmit të grave’, promovon regjisoret

Medina Pasoma

Prishtina do të mirëpres “Javën ndërkombëtare të filmit të grave”, një festival ky që i shtohet listës së festivaleve në vend, mirëpo me një fokus krejt të veçantë.

Gruaja do të jetë ajo që do të zërë vend në dy pozicione në kuadër të ‘’Javës ndërkombëtare të filmit të grave’’, si protagoniste kryesore dhe si person i cili dirigjon gjithë procesin e transmetimit të rrëfimit nëpërmjet mediumit të filmit, shkruan KultPlus.

Ky aktivitet i ri kulturor i cili do të sjell gjallëri në kryeqytet do të mbahet përgjatë datave 23-30 nëntor, duke e bërë Prishtinën virtualisht cak të kineasteve nga vendet e ndryshme si Italia, Greqia, Argjentia, Lebanoni dhe shumë të tjera.

Përgjatë javës do të shfaqen 19 filma të shkurtë, 2 deri në 3 prej tyre brenda ditës, të cilët fokusin tematik dhe regjisurën do ta kenë për dhe nga gratë. Ndërkaq ajo që e bën edhe më të veçantë do të jetë karakteri garues i organizimit, ku për filmin më të mirë do të dhurohet çmimi me emrin e regjisores së parë shqiptare, ‘’Xhanfise Keko’’.

Iniciatorja e kësaj nisme, regjisorja More Raça, për KultPlus theksoj se ideja dhe dëshira për realizimin e këtij organizimi i kishte lindur qysh moti, sa herë që ajo kishte marrë pjesë në festivale të ndryshme ndërkombëtare.

‘’Gjithmonë kam dalur me përvoja interesante dhe bashkëpunime për projektet e mia nga këto festivale. Ka qenë shumë inkurajuese kur kam takuar filmbërëse nga e gjithë bota dhe kemi diskutuar rreth sfidave dhe ideve tona. Këtë frymë kam dashur ta sjell edhe në këtë festival’’, shpjegon Raça.

Për organizimin i cili së shpejti do të gjallëroj jetën kulturore nëpërmjet filmave të shfaqur virtualisht, përgatitjet kishin filluar para disa muajsh. Anipse situata pandemike bëri që kjo javë filmike të mos organizohet me të gjitha planifikimet, sërish ajo do t’i dhuroj audiencës bindjen dhe kurajon se arti triumfon.

‘’Jemi të lumtur që kemi një program shumë interesant, divers dhe me vlera të mëdha artistike, filma që trajtojnë tema të rëndësishme, zëra të rinj që premtojnë shumë’’, shprehet More Raça.

Përderisa lista e filmave dhe anëtarët e jurisë do të bëhen me dije për publikun këtë të premte, ajo që do të karakterizoj këtë organizim do të mbetet qasja feministe, gjegjësisht promovimi i kultit të gruas nëpërmjet subjekteve të filmave.

‘’Filmat trajtojnë problematikat e gruas në shoqëritë ku jetojnë autoret e filmave. Temat janë nga më të ndryshmet si dhuna në familje, aborti, migrimi, shëndeti i gruas dhe fuqizimi i vajzave’’, thekson organizatorja Raçi.

Portretizimi i këtyre problematikave do të përdor artin si mjet për t’i shprehur ato, mirëpo, secili nga këta filma ka dimensione të reales dhe me të vërtetë një grua e botës ka frymuar me to.

‘’Janë filma të cilat portretizojnë gruan në sfidat dhe momentet e fitores, filma që vijnë nga realiteti dhe peripecitë e gruas’’, sqaron regjisorja.

Mirëpo, realiteti nuk do të shfaqet vetëm nëpërmjet artit por, edhe përmes rrëfimit. Gratë të cilat e kryen regjisuren e këtyre ‘’problematikave’’, do të shpalosin rrugëtimet e tyre subjektive.

‘’Gjithashtu publiku do të ketë mundësinë të dëgjoj rrëfimet e kineasteve dhe përmes filmit të njoftohet me realitete të reja’’, u shpreh More Raça.

Sipas regjisores Raça mesazhi mes kombinimit grua dhe film qëndron te krijimi i hapësirës për këtë kategori të shoqërisë dhe dhurimit të vëmendjes për këto rrëfime, duke krijuar ura lidhëse mes filmit dhe audiencës.

Publiku do t’i qaset gjithë këtyre gërshetimeve artistiko-reale nëpërmjet faqes në facebook të këtij organizimi: https://www.facebook.com/filmweekprishtina ./KultPlus.com

Regjisorja More Raça ftohet në Sarajevë bashkë me emra të njohur të kinematografisë, flet për rrugëtimin e saj artistik

Regjisorja shqiptare More Raça ftohet në Sarajevo Talents bashkë me emra të njohur të kinematografisë botërore, shkruan KultPlus.

Raça e cila do të prezantojë filmin e saj ‘Galaktika e Andromedës’ ne kategorinë kryesore te Sarajevo Film Festival është ftuar gjithashtu në Sarajevo Talents si eksperte për të folur para kineastëve të rinj që janë përzgjedhur në programin SarajevoTalents 2020.

Ajo do të flas për rrugëtimin e saj në realizimin e filmit të gjatë ‘Galaktika e Andromedës’. Si ekspert këtë vit ne Sarajevo Talents përveç Moresë janë emrat e njohur të kinematografisë botërore, siç janë aktori danez i njohur për filmin ‘The Hunter’ Mads Mikkelsen, Michel Hazanavcius, regjisori i filmit të mirënjohur ‘The Artis’, fitues i çmimit Oscar. /KultPlus.com

‘Galaktika e Andromedës’ dhe ‘Exil’, në kategorinë kryesore në Festivalin e Sarajevës

‘Galaktika e Andromedës’, filmi debutues nga More Raça dhe ‘Exil’ nga Visar Morina do të jenë pjesë e kategorisë kryesore në edicionin e sivjetëm të Festivalit të Sarajevës që do të mbahet nga data 14 deri më 21 gusht.

Më rastin e publikimit të programit të Festivalit të Sarajevës, Ministrja e Kulturës, Rinisë dhe Sportit, Znj. Vlora Dumoshi i uroi regjisorët dhe ekipet e realizuese përmes një videotelefonate të përbashkët.

“Më gëzoi lajmi që dy filmat ‘Galaktika e Andromedës’ nga More Raça dhe ‘Exil’ nga Visar Morina do të jenë pjesë e kategorisë kryesore të Festivalit të Filmit në Sarajevë.
Uroj nga zemra dy regjisorët kosovarë dhe ekipet realizuese të të dy filmave për këtë arritje të rëndësishme për ta si regjisorë dhe për kulturën e Kosovës në përgjithësi.
Pata nderin që si ministre e kulturës, rinisë dhe sportit të jem pjesë e premierës evropiane të filmit Exil në festivalin e madh të filmit Berlinale, në shkurt të këtij viti, dhe i gëzohem premierës rajonale të këtyre dy filmave që është hap tjetër i rëndësishëm për promovimin tonë kulturor.

Nga pozita e ministres dhe nga pozita ime personale gëzohem që filmat që ka financuar MKRS-ja përmes QKK-së, kanë arritur sukses në kinematografinë evropiane. MKRS-ja do të përkrahë gjithmonë iniciativa dhe projekte filmike që kanë kualitet të nivelit evropian, dhe me anë të të cilëve prezantojmë shtetin dhe kulturën tonë në arenën ndërkombëtare”, u shpreh ministrja Dumoshi.
Duke u bazuar në rezultatet pozitive të filmave të autorëve vendas dhe atyre të bashkëprodhuara ministrja Dumoshi është koshiente që duhet të punohet në drejtim të rritjes së buxhetit dhe mbështetjes së sektorit të industrisë së filmit në Kosovë.

Kjo do të jetë premierë e rëndësishme për regjisoren e re More Raça. ‘Galaktika e Andromedës’ filmi im i parë i metrazhit te gjatë në festivalin prestigjoz prej më të mëdhenjëve në rajon Sarajevo Film Festival, lajm shumë i gëzueshëm për mua si autore dhe për ekipin e filmit. Uroj gjithë ekipin realizues për këtë sukses të madh” u shpreh regjisorja More Raça.

Përderisa ‘Exil’-i kishte premierën botërore në festivalin e madh të Sundance në SHBA, dhe atë evropiane në Berlinale në shkurt të këtij viti, kjo do të jetë premiera rajonale e filmit nga regjisori kosovar Visar Morina.
Në filmin ‘Galaktika e Andromedës’ në rrolet kryesore luajnë: Sunaj Raça, Juli Emiri, Elda Jashari, Avni Dalipi, dhe Don Raça. Filmi me producent Sunaj Raçën është bashkëprodhim i Kosovës me Spanjën.
Që të dy filmat janë financuar nga Qendra Kinematografike e Kosovës. / KultPlus.com

‘Galaktika e Andromedës’ i More Raçës fiton çmimin Glocal in Progres

Filmi debutues i More Raçës “Galaktika e Andromedës” fiton çmimin Glocal in Pogress në kuadër të festivalit ndërkombëtar të San Sebastianit në Spanjë, përcjellë KultPlus.

Filmi Galaktika e Andromedës ka për subjekt Shpëtimin, një baba të vetëm, mbi të cilin rëndojnë problemet sociale dhe dilema të mbetet apo jo kujdestar i vajzës së tij.

Me rastin e marrje së çmimit regjisorja u shpreh: “Filmi është prit jashtëzakonisht mire nga producentët dhe kompanitë me prestigjioze të filmit. Jemi shumë të kënaqur nga kjo pjesëmarrje, është një konfirmim i madh për vlerën e filmit dhe rrugëtimin e suksesshëm në festivale.”

Filmi është prodhim i shtëpisë filmike Arena me producent Sunaj Raçën, dhe është subvencionuar nga Qendra Kinematografike e Kosovës. / KultPlus.com

Regjisorja e suksesshme More Raça sfidohet edhe me film të gjatë, së shpejti përfundojnë xhirimet e “Galaktika e Andromedës”

Ekipi i filmi të gjatë artistik “Galaktika e Andromedës” me skenar dhe regji të More Raçës, dhe producent Sunaj Raçën ka filluar fazën e parë të xhirimeve në muajin shkurt dhe tash ka rifilluar fazën e dytë finale që do të përfundojnë me 14 Maj 2019.

Filmi Galaktika e Andromedës ka për subjekt Shpëtimin, një baba të vetëm, mbi të cilin rëndojnë problemet sociale dhe dilema të mbetet apo jo kujdestar i vajzës së tij.

Filmi është prodhim i shtëpisë filmike Arena, dhe është subvencionuar nga Qendra Kinematografike e Kosovës./KultPlus.com

‘Ajo’ i More Raçës në konkurrencë zyrtare në ‘International Short Film Festival Oberhausen’

Filmi “Ajo” i regjisores kosovare More Raça është  selektuar për të qenë pjesë e konkurrencës zyrtare në Festivalin e Kategorisë A , ‘International Short Film Festival Oberhausen’, shkruan KultPlus.


‘International Short Film Festival Oberhausen’ është ndër festivalet më të vjetër dhe më të rëndësishëm të filmit të shkurtër. Ne këtë festival kanë aplikuar 5000 filma dhe janë pranuar vetëm 90 filma. Film AJO është konkurrent në kategorinë Children’s and Youth Films.

Filmi “Ajo” me regji të More Raçen, ka për producent Sunaj Raçën  ndërsa flet për dhunën në familje, guximin e një vajze të vogël për të shpëtuar vetën dhe nënën e saj.

Në film luajnë aktorët Aurita Agushi, Sunaj Raça, Diella Valla, Florist Bajgora, Bekim Mulaj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës. / KultPlus.com

“Ajo” i More Raçës fiton çmimin Sema Fener Award

Filmi “Ajo” me regji nga More Raça ka fituar një tjetër çmim prestigjioz, shkruan KultPlus.

Sema Fener Award ka shkuar për filmin “Ajo” në Festivalin Ndërkombëtar të Filmave të Shkurtër për Ndryshimin e Perspektivës.

Sema Fener i cili është i përfshirë në teknikën e filmit, është i njohur për mbështetjen e saj për filmbërësit e rinj dhe filmat e shkurtër dhe e ndan këtë mbështetje me filmat që marrin pjesë në Festivalin Ndërkombëtar të Filmave të Shkurtër për Ndryshimin e Perspektivës.

Në filmin “Ajo” luajnë aktorët: Aurita Agushi, Sunaj Raça, Diella Valla, Florist Bajgora dhe Bekim Mulaj.

Filmi “Ajo” me producent Sunaj Raçën flet për dhunën në familje, guximin e një vajze të vogël për të shpëtuar vetën dhe nënën e saj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës. / KultPlus.com

More Raça: Duhet të merremi me gratë, sepse ato janë të diskriminuara në këtë shoqëri

Arbër Selmani

More Raça është një regjisore e re e cila merret me gruan në dimensione të ndryshme. Filmat e saj trajtojnë gruan shqiptare, përditshmërinë e saj, dhunën ndaj saj, syrin e alivanosur të plot grave shqiptare, pafuqinë e tyre në shoqërinë patriarkale. Filmi i saj i fundit – “Ajo”, sjellë prapë gruan. Morea, as në të 30-tat e saj, tanimë ka marrë disa çmime dhe ka rrëmbyer vendin e saj në programe të ndryshme rreth regjisorëve e kinematografëve të rinj. Në këtë intervistë të fundvitit për KultPlus, Morea tregon pse ky obsesion me gjendjen e gruas në Kosovë, projektin e ri për filmin e metrazhit të gjatë dhe hobin e saj, sportin.

KultPlus: Do ta nisim këtë intervistë me filmin e fundit “She” (Ajo). Një realitet i hidhur shqiptar. Na trego pse kjo temë, dhe pse kaq e lidhur Morea me tema që kanë të bëjnë me gratë?

More Raça: Këto janë tema të cilat më intrigojnë nga vetë fakti se gratë përballen me probleme të rënda jetësore në shoqërinë tonë. Mendoj se ne duhet të merremi me tema të tilla të cilat për subjekt dhe kryefjalë kanë gruan në shoqërinë tonë, shoqëri ku gruaja është shumë e diskriminuar.

KultPlus: Po ky film ka qenë afër edhe nominimit për Oscar? Cfarë përgjegjësie është kjo për Morenë si regjisore?
More Raça: Filmi është përzgjedhur si një nga nëntë finalistët në festivalin prestigjioz Manhattan Short Film Festival, kështu edhe ka fituar të drejtën për aplikim në ceremoninë Oscars 2019, ku futen filmat më të mire të vitit. Për mua si regjisore është një sukses i madh, pasi në këtë ngjarje kanë konkurruar mbi 4 mijë filma nga e gjithë bota dhe një tregim shqiptar si filmi “She” ka arritur të triumfojë suksesshëm.

Aurita Agushi dhe Diella Valla në “AJO”

KultPlus: Në anën tjetër, presim debutimin tënd në filmin e metrazhit të gjatë? Kur do të ndodhë kjo tek Morea?
More Raça: Filmin me metrazh të gjatë do të fillojmë ta xhirojmë së shpejti, në fillim të muajit prill dhe gjithsesi që ky do të jetë impenjimi dhe angazhimi im më i madh dhe absolutisht kryesor gjatë vitit 2019-të.

KultPlus: Përpos si regjisore, çka janë të tjerat aktivitete, qefe dhe hobe të kohës së lirë në jetën e Moresë?
More Raça: Hobi im është noti, prandaj Morea pos si regjisore ka dëshirë të merret edhe me not. Kam filluar të merrem me not që nga mosha e re pasi mami im është trajnere noti dhe më ka nxitur e motivuar të merrem me këtë sport që është shumë i mirë dhe i padiskutueshëm për shëndetin e njeriut.

KultPlus: Sot ka plot regjisorë të rinj, madje edhe të moshës tënde të cilët kanë suksese? A ka mbështetje institucionale sa duhet për zhvillimin e regjisorëve të rinj, marrë parasysh sukseset e tyre?
More Raça: Regjisorët kanë mbështetje, çdo vit shihet që po përmirësohen edhe kushtet për zhvillimin e kinematografisë në vend andaj edhe këto rezultate nuk janë të rastësishme, vijnë padyshim nga puna e mirë e krijuesve kosovarë por edhe nga mbështetja institucionale që sigurisht pritet të jetë edhe më e madhe, pasi realizimi i projekteve serioze kinematografike ka një kosto të lartë financiare.

KultPlus: Berlinale Talents – na trego pak për këtë sukses tjetër, si aplikove dhe çfarë nënkupton kjo për karrierën e Moresë, inkuadrimi në këtë program të rëndësishëm të Berlinales?
More Raça: Është një nderë dhe sukses i madh përzgjedhja në Berlinale Talents 2019 – një program që u kushtohet talenteve të reja dhe i cili ndihmon shumë në karrierën e pjesëmarrësve. Ky është një sukses për krejt filmbërësit në Kosovë. Pranimi im në një event kaq të madh botëror ku konkurrenca është shumë e madhe, me rreth 4 mijë regjisorë e artistë që aplikojnë vit pas viti, tregon që ka filmbërës të mirë dhe me potencial, të cilat do të luajnë rol në kinematografinë e Evropës në vitet e ardhshme dhe do t’i japin risi regjisë filmike.

KultPlus: Cilët janë regjisorët nga bota të cilët i pëlqen Morea?
More Raça: Disa nga regjisorët e mi të preferuar janë Abbas Kiarostami, Jafar Panahi, Jane Campion, Andrea Arnold, Debra Granik dhe Haifa Al Mansour.

Në filmin “AJO” luajnë Aurita Agushi, Sunaj Raça, Diella Valla, Florist Bajgora dhe Bekim Mulaj.

KultPlus: Dhe për fund, cilat janë planet për vitin 2019? 
More Raça: Siç e thashë, këtë vit do të jem tërësisht e fokusuar në filmin tim të parë të metrazhit të gjatë.

More Raça, pjesë e ‘Berlinale Talents 2019’ nën diskutimin “Si të dështojmë më mirë”

Nga 3mijë e 401 aplikant sa kanë konkurruar në Berlinale Talents, regjisorja More Raca është përzgjedhur në Berlinale Talents 2019, shkruan KultPlus.

Tematika e këtij edicioni të sivjetshëm është “Si të dështojmë më mirë”. Në edicionin e 17-të, Berlinale Talents po kërkon gabime. Nga 9 deri më 14 shkurt 2019, rreth 250 talente, rreth 130 ekspertë dhe mentorë, dhe audienca e Berlinit do të raportojnë për situatat nëpër të cilat kaluan e që penguan në procesin e tyre krijues duke i shtyrë që të marrin shtigje të ndryshme nga ato që synonin fillimisht. Përafërsisht 100 seminare, biseda dhe diskutime do të ndodhin në HAU Hebbel am Ufer.
Si menaxheri i programit Florian Weghorn është shprehur: “Ne të gjithë bëjmë gabime. Është koha që ne të marrim frymë thellë, të jemi të sinqertë me njëri-tjetrin dhe të pyesim se kush ka të drejtë që të gjykojë. Le të debatojmë hapur për atë që është ‘e drejtë’ dhe për atë që supozohet që është e gabuar”.

Një total prej 3,401 regjisorë kanë aplikuar për Talentet e Berlinale 2019 (2018: 3,191). Përqindja e aplikanteve femra u rrit në 44% – një përmirësim i vazhdueshëm në krahasim me vitin e kaluar. Për Berlinale , 250 pjesëmarrës nga Berlinale Talents 2019 – prej tyre profesionistë të fushave të ndryshme, produksion, skenaristë, regjisorë, kritikë të filmit e të tjerë- do të përzgjidhen dhe do të ftohen në Berlin./ KultPlus.com

‘Ajo’ nga More Raça, një reflektim mbi rrugëtimin e grave të cilat ikin prej dhunës

Arbër Selmani

Lajmet për dhunën e ushtruar ndaj grave po shtohen dita-ditës, njëjtë si barra e zemrës së qytetarit i cili lëngon prej dhimbjes kur dëgjon se gruaja kosovare vendin më të rrezikshëm e ka pikërisht brendësinë e shtëpisë së saj.
Megithatë, shpesh një grua largohet, merr zemër dhe zgjedhë diçka më të mirë, ose veç merr rrugë të cilën nuk e njeh por e ndjen se nuk ka dhunë në atë drejtim.

E njëjtë është gruaja në filmin “Ajo” nga More Raça. Vajza e saj e largon nga babai dhe vëllau, ndërsa nëna e lumtur bashkë me vajzën në veturë largohen për një jetë më të mirë. Nëna e ka fytyrën me shenja nga goditjet e dhunës, derisa vajza në fund të filmit ka arsye të buzëqeshë. Burri është i tmerrshëm, e djali është viktima që pajtohet me të atin. Por ka një shpëtimtare, e cila e kupton më së miri zemrën, trupin dhe fizikun që dhemb të nënës së saj të pafat.

Aurita Agushi, Sunaj Raça, Florist Bajgora dhe Diella Valla janë katër aktorët e filmit “Ajo” me regji nga More Raça, i cili mbrëmë u shfaq në Qendrën Informative dhe Kulturore të Bashkimit Evropian në kryeqytet, në kuadër të dhjetorit që në këtë Qendër po shënohet si muaji i grave të suksesshme kosovare, në fushën e artit dhe kulturës.

Filmi 12-të minutësh tregon për dhunën në familje, një inspirim i radhës i regjisores e cila sapo është kthyer nga Amerika, atje ku e promovoi filmin e saj dhe e cila pret që ndoshta ky film të mund të nominohet në listën e ngushtë të filmave të shkurtër në ceremoninë Oscars.
“Unë e kam ndje obligim me e përdorë artin tim për të mirën e shoqërisë, për me ngritë debate, dhe gjithmonë kam dashur me sjellë në ekran histori të parrëfyera. Filmi “Ajo” për mua ka qenë një proces i ndjeshëm dhe i dhimbshëm sepse gjatë shkrimit të skenarit kam takuar gra që janë viktimë e dhunës, disa prej tyre edhe kanë nisur një jetë të re dhe janë larguar” tregoi në bisedën e zhvilluar pas filmit regjisorja More Raça.

Filmi ka nisur mbarë, ndërsa është shfaqur për 15 ditë në rreth 350 kinema rreth e qark Shteteve të Bashkuara të Amerikës. Më pas filmi fitoi në Mahnattan ndërsa para pak ditësh morri çmimin special të jurisë në Kajro, në një festival të kategorisë A. Historia shqiptare kësisoj shndërrohet në histori universale, e dhuna ndaj gruas kosovare bëhet dhuna ndaj secilës grua. Sepse në fakt, të rrahësh një grua duket sikur ke goditur secilën grua që merr frymë në këtë botë.
“Fundi i lumtur i filmit tregon se ka shpresë. Unë gjithmonë e kam pyetur veten se pse këto gra nuk ikin, nuk largohen, por gjithmonë ka arsye e rrethana të ndryshme. Në film së paku vjen një fund me buzëqeshje. Unë dua poashtu me këtë film të reflektoj mbi atë se sa bën ky shtet dhe kjo shoqëri për këtë rrugëtim të largimit të këtyre grave, dhe sa i sigurtë është ky rrugëtim” tregon tutje More Raça, regjisore e filmit “Ajo” dhe disa filmave të tjerë të cilët gjithmonë lidhen me gruan kosovare dhe me realitetin rreth saj.

Gjatë filmit janë përdor kuadro të fytyrës të cilët qëndrojnë të tillë për disa minuta, dhe sipas Moresë kjo vjen sepse ajo dëshiron që audienca të futet thellë në personazhet gra brenda filmit dhe në emocionet e tyre.
“Unë si i vogël jam mësu me e pa gruan dhe femrën si pjesë timen, prandaj shpesh e kam problem me e kuptu edhe rolin tim në film, se si dikush pajtohet me një trajtim të tillë ndaj gruas” tregon në anën tjetër Florist Bajgora, aktor në këtë film, në rolin e djalit të familjes i cili është dukshëm një viktimë e mentalitetit por nuk bën zë dhe pajtohet me trajtimin që po i bëhet nënës së tij.

E pranishme në diskutim ishte edhe Aurita Agushi, aktore në film, e cila barti mbi vete fuqinë e tërë filmit duke qenë gruaja e heshtur që flet me zë më shumë se me gojë. Ajo tregon se ndihet e lumtur që ka punuar në këtë film i cili po pritet mirë dhe ka marrë hovin e tij nëpër botë.
“Më ka pëlqyer skenari dhe e kam lexuar me shumë kujdes. Sidomos titulli “Ajo” më intrigoi shumë sepse nuk e dija kush ishte ajo. Ajo mund të isha unë ose edhe secila në këtë audiencë. E kam përcjellë suksesin e filmave të mëhershëm të Moresë dhe më pas më pëlqeu të isha pjesë në këtë film, i cili trajton një problematikë të shoqërisë kosovare, problematikë aktuale dhe shumë shqetësuese” tregon Agushi.

Gjatë diskutimit Agushi tregoi edhe për përvojën e saj në Oscars, kur ajo ishte pjesë e filmit “Shok” i cili u nominua në listën e ngushtë për Ceremoninë Oscars në vitin 2016-të.

Sot, me fillim prej orës 16:00, në Qendrën Informative dhe Kulturore të Bashkimit Evropian do të diskutohet mbi gruan kosovare dhe diplomacionë kulturore, me Nita Dedën, Vjosa Berishën, Arta Aganin, Zana Hoxha Krasniqin, Donika Rudin dhe Besa Luzhën. / KultPlus.com

“Ajo” shfaqet në festivalin prestigjioz AFI, More Raça pjesë e grave kineaste në Hollivud

Sarandë Selimi

“Ajo” filmi i regjisores kosovare More Raça, është prezantuar në festivalin prestigjioz AFI – American Film Institut në Hollivud, shkruan KultPlus.

Filmi i Raçës, është shfaqur sot para një audience të madhe, ndërsa vetë regjisorja, ka ndarë me KultPlus, disa fotografi nga atje.

“Filmi është pritë shumë mirë dhe gjithçka ka shkuar siç duhet. Jam e kënaqur me krejt këtë” ka thënë More Raça për KultPlus.

“Ajo”, sipas regjisore Raça, është përkrahur edhe nga Caroline Baron – producente e Bel Canto, Capote, Mozart in the Jungle dhe fituese e Globit të Artë.

Regjisorja kosovare More Raça, përveç kësaj në kuadër të AFI është pjesë edhe e kampanjës Audi #driveprogress, kampanjë kjo e cila promovon gratë kineaste.

“Ajo” deri më tani ka marrë pjesë në shumë festivale botërore, po ashtu edhe në festivale të cilat dhanë dritën jeshile për Akademinë Oscar.

Filmi ‘Ajo’ me skenar dhe regji nga More Raça dhe producent Sunaj Raça flet për dhunën në familje, guximin e një vajze të vogël për të shpëtuar vetën dhe nënën e saj. Në filmin Ajo luajnë: Aurita Agushi, Sunaj Raça, Diella Valla, Florist Bajgora, Bekim Mulaj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës.

AJO gjithashtu është në garë për nominim në OSCAR pas përzgjedhjes si njëri ndër finalistët e Manhattan Short Film Festival./ KultPlus.com

‘Ajo’ i More Raçës me premierë në Festivalin e Kairos

Filmi ‘Ajo’ është përzgjedhur në konkurencë zyrtare në seksionin Cinema of Tomorow në festivalin e kategorisë A Cairo International Film Festival.

Filmi ‘Ajo’ me skenar dhe regji nga More Raça dhe producent Sunaj Raça flet për dhunën në familje, guximin e një vajze të vogël për të shpëtuar vetën dhe nënën e saj. Në filmin Ajo luajnë: Aurita Agushi, Sunaj Raça, Diella Valla, Florist Bajgora, Bekim Mulaj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës.

AJO gjithashtu është në garë për nominim në OSCAR pas përzgjedhjes si njëri ndër finalistët e Manhattan Short Film Festival./ KultPlus.com

“AJO” i More Raçës në konkurrencë zyrtare në festivalin kualifikues për Oscar

Filmi “AJO” i regjisores More Raça tashmë është futur në konkurrencë zyrtare në AFI Fest i cili mbahet në Los Angeles, festival ky garues për Oscar, shkruan KultPlus.

Regjisorja More Raça ka njoftuar për këtë selektim dhe është shprehur e lumtur për këtë lajm.

“I am so happy for this amazing news. AJO is officially selected at AFI Fest presented by Audi in Los Angeles (Oscar Qualifying). Deeply thankful to everyone who was part of the film”, ka shkruar Raca në Facebook.

Festivali do të mbahet nga data 8 deri më 15 nëntor në Los Angeles.

Filmi “Ajo” me skenar dhe regji nga More Raça dhe producent Sunaj Raça flet për dhunën në familje, guximin e një vajze të vogël për të shpëtuar veten dhe nënën e saj.

Në filmin “Ajo” luajnë Aurita Agushi, Sunaj Raça, Diella Valla, Florist Bajgora, Bekim Mulaj. Filmi është prodhim i shtëpisë filmike Arena i subvencionuar nga Qendra Kinematografike e Kosovës. / KultPlus.com

“AJO” i More Raçës edhe në një festival kualifikues për Oscar

Filmi “AJO” është nja nga dhjetë filmat e shkurtër të përzgjedhur ne konkurrencë zyrtare në “Alice Nella Citta” seksion paralel i Festa del Cinema di Roma, i cili mbahet ne Romë të Italisë nga 18 deri më 28 Tetor, shkruan KultPlus.

Regjisorja More Raça gjithashtu do te jete pjesë e programit From Short to Feature ku do të prezantoj filmin e saj të metrazhit të gjatë para kompanisë prestigjioze italiane “Leone Film Group”, kompania e familjes se Sergio Leone.
Filmi “Ajo” me skenar dhe regji nga More Raça dhe producent Sunaj Raça flet për dhunën në familje, guximin e një vajze të vogël për të shpëtuar vetën dhe nënën e saj.

Në filmin “Ajo” luajnë: Aurita Agushi, Sunaj Raa, Diella Valla, Florist Bajgora, Bekim Mulaj. Filmi është prodhim i shtëpisë filmike Arena i subvencionuar nga Qendra Kinematografike e Kosovës./ KultPlus.com

Filmi “Ajo” i More Raçës fiton të drejtën për aplikim në OSCAR

Filmi Ajo është një nga nëntë filmat finalist në festivalin Manhattan Short Fiilm Festival që do të mbahet nga 27 Shtator deri më 7 tetor 2018. Filmi do të shfaqet në 350 qytete të botës, në gjashtë kontinente, shkruan KultPlus.

Në këtë festival të rëndësishëm çdo vit konkurrojnë 2000 filma prej të cilëve nëntë përzgjidhen finalist të festivalit.

“Filmat finalist shfaqen për një javë në kinema në Los Angeles dhe fitojnë të drejtën e konkurrimit në Oscar”, tha regjisorja për KultPlus.

Filmi “Ajo” me skenar dhe regji nga More Raça dhe producent Sunaj Raça flet për dhunën në familje, guximin e një vajze të vogël për të shpëtuar vetën dhe nënën e saj.

Nw film luajnë: Aurita Agushi, Sunaj Raça, Diella Valla, Florist Bajgora, etj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës.

Në edicionet e mëparshme të Manhattan Short Film Festival finalist ishin dy filma të cilët u nominuan për çmimim Oscar, filmi Shok dhe Bear Story./ KultPlus.com

“Home” shpërblehet me dy çmime në festivalin “For Rainbow” në Brazil

Filmi “Home” me regji të More Raçës e muzikë të Florent Boshnjakut është shpërblyer me dy çmime në festivalin e filmit “For Rainbow” i cili është mbajtur në Brazil, shkruan KultPlus.

Në kuadër të festivalit më të madh të diversitetit “For Rainbow” ky film ka arritur të triumfoj në dy kategori si “Filmi më i mirë internacional” dhe në kategorinë “Muzika më e mirë origjinale” ku muzika e këtij filmi është prodhim i kompozitorit Florent Boshnjaku.

Festivali “Rainbow” është një nga hapësirat më të rëndësishme për debat dhe përhapjen e respektit për pluralitetin seksual dhe gjinor në Brazil.

‘Home’ deri më tani është shpërblyer edhe me shumë çmime të tjera ndërkombëtare. Ndërsa në kastën e aktorëve janë: Xhejlane Tërbunja, Sunaj Raça, Kumrije Hoxha, Bekim Mulaj, Florentina Ademi, Veton Osmani, Albulena Bardhi, Mirsad Ferati, Don Raça, Gani Morina./ KultPlus.com

“Glory” filmi më i mirë në TIFF, “Home” i More Raçës, filmi më i mirë shqiptar

Mbrëmë përfundoi edicioni i 15-të i Tirana International Film Festival-TIFF, shkruan KultPlus.

Kësisoj me përfundim të festivalit u bë edhe ndarja e çmimeve për më të mirët e këtij edicioni.
Juria e filmave të metrazhit të gjatë në përbërje të Denis Côté nga Kanadaja dhe Dritan Huqit nga Shqipëria ndau çmimet si në vijim:

Filmi më i mirë

“Glory” by Kristina Grozeva and PetarValchanov |2016 | Bulgaria, Greece | 97′

Regjisori më i mirë

Gentian Koçi
“Daybreak” |2017 | Albania, Greece | 85′

Skenari më i mirë

Edon Rizvanolli
“Unwanted” by EdonRizvanolli |2016| Kosovo | 85′

Kinematografia më e mirë

“Vesselin Hritov”
Directions by Stephan Komandarev |2017 | Bulgaria, Germany, Macedonia | 103′

Editimi më i mirë “Luc Barnier”

Dražen Kuljanin
“A Balkan Noir” by Dražen Kuljanin|2017 | Sëeden, Montenegro | 74′

Filmi më i mirë i gjatë Evropian

“Beneath the Silence” by Erez Mizrahi, Sahar Shavit |2016 | Israel | 112′

***
Juria e filmave dokumentarë në përbërjet të Altin Raxhimi nga Shqipëria, Visar Vishka nga Maqedonia dhe Mateo Cingu nga shqipëria ndanë cmimet si në vijim:

Dokumentari më i mirë

“On the Edge of Lifeby” nga Yaser Kassab| 2017 | Syria | 45′

Dokumentari më i mirë i gjatë

“The Charro of Toluquillaby” José Villalobos Romero| 2016 | Mexico | 90′

Dokumentari më i mirë i mesëm

“On the Edge of Lifeby” Yaser Kassab| 2017 | Syria | 45′

Dokumentari më i mirë i shkurtër

“The Gold Rushby” Raúl de la Fuente| 2017 | Spain | 24′

Dokumentari më i mirë Evropian

“Mr. Gay Syriaby” Ayse Toprak | 2017 | Turkey | 84′

***
Juria e filmit të shkurtër fiktiv në përbërje të Hila Chessen (Israel), Laurent Rouy (France) dhe Ergys Meta (Albania) ndau çmimet si në vijim:

Filmi më i mirë i shkurtër fiktiv

“Retouch” by Kaveh Mazaheri | 2017 | Kaveh Mazaheri | 20′

Filmi më i mirë i shkurtër fiktiv Evropian

“Red Light” by Toma Waszarow | 2016 | Bulgaria, Croatia | 21′

***
Juria e Animacionit dhe Video Artit, e përbërë nga Alban Muja (Kosovo), Albert Malltezi (Albania) and Fani Zguro (Albania) nda këto çmime:


Filmi më i mirë i animuar i shkurtër

“The Bridge Over the River” by Jadëiga Koëalska | 2016 | Sëitzerland | 6′

Video më e mirë Art&Experimental

“The Copyist” by Tamás Köszegi | 2016 | Hungary | 8’

***
Juria e studentëve e bërbërë nga by Kamuran Goranci (Kosovo) and Suela Bako (Albania) nda këto cmime:

Filmi më i mirë studentor

“Millimeterle” by Pascal Reinmann | 2016 | Sëitzerland | 15′
***
Në jurinë Albanian bënë pjesë Irina Gurova(Bulgaria) dhe Goce Kralevski(Macedonia) të cilët ndanë këto cmime:

Filmi më i mirë shqiptar

“Home” by More Raça | 2016 | Kosovo | 23′

SPECIAL MENTION

“The Remigrant” by Astrit Alihajdaraj | 2017 | Kosovo | 20′

Filmi më i mirë nga Ballkani

“Fluffy” by Lee Filipovski| 2016 | Serbia | 24′

Filmi më i mirë debutues

“The Children Will Come” by Ana Jakimska | 2017 | Macedonia | 19′
Juria e Medias: Blerina Goce, Dorina Topallaj and Sabina Veizaj (Albania) ndanë këto cmime:

Cmimi i medias

“Glory” by Kristina GrozevaandPetarValchanov| 2016 | Bulgaria, Greece | 97′
Dhe në fund çmimi i audiencës shkoi për
“Raffi” by Arend Agthe | 2015 | Germany | 97′./ KultPlus.com

‘Home’ merr çmimin ‘Skenari më i mirë’ në Liban

Filmi ‘Home’ i regjisores More Raça, së fundmi është shpërblyer në festivalin Baalbeck’s International Short Films Festival në Liban.

‘Home’ i cili poashtu vjen me skenar nga More Raça, ka marrë çmimin ‘Skenari më i mirë’, në këtë festival, shkruan KultPlus.

Ky festival është mbajtur në Baalback, ku morën pjesë filma nga shumë shtete të botës.

“Ky çmim është i rëndësishëm duke e pas parasysh që filmi është nga Kosova, dhe ka marrë pjesë edhe në atë pjesë të botës ku arti kinematografik është shumë i zhvilluar dhe kineastët janë të shpërblyer me çmime prestigjioze botërore”, ka thënë More Raça, për KultPlus.

‘Home’ deri më tani është shpërblyer edhe me shumë çmime të tjera ndërkombëtare. Ndërsa në kastën e aktorëve janë: Xhejlane Tërbunja, Sunaj Raça, Kumrije Hoxha, Bekim Mulaj, Florentina Ademi, Veton Osmani, Albulena Bardhi, Mirsad Ferati, Don Raça, Gani Morina./ KultPlus.com