Një grup i grave ukrainase janë duke mësuar në çaktivizimin e minave dhe municioneve të tjera të pashpërthyera, shkruan KultPlus.
Ky mision është duke u realizuar në Pejë, dhe në këtë grup ku janë të përfshirë gra ukrainase, janë të përfshirë edhe civilë e ushtarak.
“Së bashku për një të ardhme të ndritur”, është shkruar gjatë këtij trajnimi./ KultPlus.com
Karriera brilante e Sophia Loren ka bërë që aktorja të kthehet në ikonën dhe idhullin e miliona fansave në mbarë botën. E njohur për dhjetëra role të suksesshme, Loren dëshmoi edhe një herë në moshën 86 vjeçare që është një yll i pashoq teksa aktroi në filmin e realizuar nga djali i saj Edoardo Ponti.
Në këtë film ikona italiane tregoi edhe një herë se talenti i saj është po aq i rrallë sa edhe bukuria e saj. Aktorja e famshme është e njohur gjithashtu edhe për thëniet që ka përdorur gjatë karrierës së saj, shprehje të cilat janë marrë si muzë për miliona dashamirës të saj.
Më poshtë, ne shikojmë disa nga thëniet më të mira të aktores deri më sot:
1.Çdo gjë që shihni tek unë i kam falë spagetit.
2.Kur je një nënë ti nuk je kurrë vetëm në mendimet e tua. Një nënë duhet të mendojë dy herë, një herë për veten e saj dhe një herë për fëmijën.
3.Bukuria është si ndihesh nga brenda dhe pasqyrohet në sy; bukuria nuk është diçka fizike.
4.Dy avantazhet që kam që nga lindja janë që kam lindur e zgjuar dhe kam lindur e varfër.
5.‘Sex appeal’ është 50% ajo që keni dhe 50% ajo që mendojnë të tjerët se keni.
6.Gabimet janë pjesë e detyrimeve që dikush paguan për një jetë të plotë.
7.Përparimi në një profesion të vështirë kërkon besim të zjarrtë te vetja. Kjo është arsyeja pse disa njerëz me talent mediokër, por me shtytje të madhe të brendshme, shkojnë shumë më tej se njerëzit me talent jashtëzakonisht superior.
8.Është gabim të mendosh se pasi të kesh mbaruar shkollën, nuk ke nevojë të mësosh kurrë asgjë të re.
9.Unë kurrë nuk jam përpjekur të bllokoj kujtimet e së kaluarës, edhe pse disa janë të dhimbshme. Unë nuk i kuptoj njerëzit që fshihen nga e kaluara e tyre. Gjithçka që jetoni të ndihmon për t’ju bërë personi që jeni tani.
10.Veshja e një gruaje duhet të jetë si një gardh me tela dhe me gjemba. t’i shërbejë qëllimit të saj pa penguar pamjen. /TAR/ KultPlus.com
Këtë e ka bërë të ditur zëvendësministrja e Mjedisit, Linda Çavdarbasha në Ditën Botërore të Mjedisit e cila të dielën u shënua edhe në Kosovë.
Sipas saj, përveç ndërgjegjësimit të qytetarëve problem është edhe menaxhimi.
Sipas anëtares së ekipit të KSDV-së, Fatbardha Restelica, Kosova nuk ka përparime të kënaqshme./ KultPlus.com
Organizatorët kanë njoftuar se tashmë janë bërë të gjitha përgatitjet për Javën e Krenarisë 2022, dhe se hapja zyrtare do të bëhet dot në ora 18:00, pikërisht në ndërtesën e Qeverisë së Kosovës, shkruan KultPlus.
“Hapja zyrtare e Javës së Krenarisë bëhet nën patronimin e Zyrës për Qeverisje të Mirë, të Drejta të Njeriut, Mundësi të Barabarta dhe Kundër Diskriminimit – Zyra e Kryeministrit”, thuhet në njoftimin e organizatorëve, kurse me fjalë rasti do të paraqiten si më poshtë:
– Habit Hajredini, Drejtor, Zyra për qeverisje të mirë / Zyra e Kryeministrit.
– Vjosa Osmani, Presidente e Republikës së Kosovës
– Albulena Haxhiu, Ministre e Ministrisë së Drejtësisë
– Jeffrey Hovenier, Ambasador i Shteteve të Bashkuara të Amerikës në Kosovë
– Tomas Szunyog, Ambasador i Bashkimit Evropian në Kosovë
– Tea Blakaj – Hoxha, Këshilltare e Jashtme Ligjore e Kryeministrit
– Arbër Nuhiu, Drejtor Ekzekutiv i Qendrës për Zhvillimin e
Grupeve Shoqërore (CSGD)./ KultPlus.com
E ka titulluar “Pengu” librin më të ri që është i llojit ditar, ditar që është mbajte gjatë kohës së bombardimeve të NATO-s, nga autori Adnan Merovci, që ishte edhe personi që ia ka qëndruar shumë afër presidentit Ibrahim Rugova, shkruan KultPlus.
Ky libër-ditar që do të sjell zhvillimet prej 24 mars deri më 12 qershor të vitit 1999, do të promovohet sot, dhe vjen me rastin e 23 vjetorit të çlirimit të Kosovës.
Promovimi do të mbahet në Kino Armata prej orës 12:00, kurse libri është botuar nga Shtëpia Botuese “Amerkos”.
Do të shfaqet edhe një film dokumentar po me të njëjtin titull “Pengu”./ KultPlus.com
Në KultPlus Caffe Gallery do të organizohet një bashkëbisedim me Alda Bardhylin, publiciste dhe drejtuese e Qendrës Kombëtare të Librit dhe Leximit në Tiranë, shkruan KultPlus.
Në këtë mbrëmje që do të moderohet nga Arbër Selmani, Bardhyli do të shpalosë mbi librin “Kadare-dialog me Alda Bardhylin: Kohë për rrëfim”, që tashmë është sjell si ribotim.
Poashtu në këtë mbrëmje do të diskutohet për rëndësinë e Qendrës Kombëtare të Librit dhe Leximit në Tiranë, sikurse që do të diskutohet për rëndësinë e Qendrës Kulturore “KultPlus Caffe Gallery” në Prishtinë.
Mbrëmja do të mbahet më 8 qershor në ambientet e KultPlus Caffe Gallery, duke filluar prej orës 19:00./ KultPlus.com
Shkrimtari Adil Olluri ka njoftuar se sapo ka publikuar romanin e tij të dytë, shkruan KultPlus.
“Vdekja e Omerit” titullohet romani i Ollurit i cili vjen nën ombrellën e Shtëpisë Botuese “Onufri”, dhe sipas Ollurit, romani ka për bosht vrasjen e një të riu, të fshehtat rreth saj, dëshmitë e pakta dhe dyshimet e shumta.
KultPlus ju sjell të plotë njoftimin e Ollurit, i cili ka publikuar këtë roman në prag të Panairit të Librit në Prishtinë.
Vjen në jetë romani im i dytë
“Vdekja e Omerit” është roman që do të trokasë në dyert e lexuesve dhe dashamirësve të letërsisë së tashme shqipe. Do të trokasë për t’u bërë mik shtëpie, i mirëpritur dhe i respektuar në konakun e lexuesve shqiptarë.
“Vdekja e Omerit” është romani im i dytë dhe bashkëpunimi i dytë me shtëpinë e mirënjohur botuese “Onufri”, një markë e çmueshme dhe tejet e vlershme e botimeve shqiptare, një brend i patejkalueshëm i editorësisë së librit shqip. Ka vite e vite që është bartëse e qenësishme e botimit të letërsisë shqipe. Andaj, për mua si shkrimtar është nderë botimi nga ana e kësaj familjeje të dinjitetshme editoriale. Bashkëpunimi në procesin e botimit me Enxhi Hudhrin, drejtuesen e re të këtij enti botues, ka qenë për t’u vlerësuar dhe përshëndetur.
“Vdekja e Omerit” flet kryekëput për vrasjen e një të riu, të fshehtat rreth saj, dëshmitë e pakta dhe dyshimet e shumta. Do të flasim për përfoljet dhe paragjykimet e shumta që ngjalli kjo vrasje në qytetin tonë. Po ashtu, do të përpiqemi ta krijojmë një imazh të të riut të ndjerë, Omerit, i cili do të vdesë në faqen e parë të këtij romani dhe të atit të tij, Mujës së madh, i cili do të vdesë në faqen e fundit të këtij romani.
Shumë vetë do të flasin në këtë roman, pak do të dëgjohen dhe asnjëri nuk do ta thotë të vërtetën përfundimtare, sepse një gjë e tillë nuk është dhe nuk duhet të jetë qëllim i letërsisë dhe as i këtij romani. Pra, është një rrëfim që shtron pyetje të pafundme, por nuk e jep asnjë përgjigje.
Lexim të këndshëm!/ KultPlus.com
Juria prej shtatë personash ka marrë një vendim të mërkurën e fundit, në çështjen e shpifjes të ngritur nga Johnny Depp kundër ish-bashkëshortes së tij Amber Heard, përcjell KultPlus.
Johnny Depp ka fituar çështjen e shpifjes kundër ish-bashkëshortes së tij Amber Heard dhe juria i dha atij 15 milionë dollarë dëmshpërblim.
Depp iu dha 10 milionë dollarë si dëmshpërblim dhe 5 milionë dollarë dëmshpërblim në padinë e tij për shpifje. Juria gjithashtu i dha Heard 2 milionë dollarë si dëmshpërblim.
Juria në Fairfax, Virxhinia, filloi diskutimin të premten.
Depp e paditi Heard-in për 50 milionë dollarë pasi ajo shkroi një shkrim për The Washington Post në 2018, në të cilin e quajti veten një “figurë publike që përfaqëson abuzimin në familje”. Heard kundërpaditi Depp për 100 milionë dollarë, për të fituar në fund vetëm 2 milionë.
Tashmë është publikuar një përmbledhje e dhjetë top arritjeve të Amber Heard në Gjykatë, pamje që po përcillen me shumë vëmendje nga fansat e këtyre seancave gjyqësore./ KultPlus.com
Në historinë e njerëzimit ka pasur gra të shkëlqyera që kanë luajtur rol themelor në shkencë, por pavarësisht kontributeve të tyre të jashtëzakonshme, nuk u njohën kurrë.
Disa mbetën në hije për shkak të burrave të tyre që i detyruan të tërhiqeshin qëllimisht nga puna, ndërsa të tjera gjetën vdekjen e parakohshme dhe fatkeqe. Shumë pak prej tyre arritën të vendoseshin në botën shkencore dhe të njiheshin.
Sot, KultPlus ju sjell historinë e këtyre grave mahnitëse, të cilat kanë lënë një gjurmë të rëndësishme në historinë e shkencës.
1. Hypatia
Hypatia ka lindur në mesin e shekullit IV në kryeqytetin e Aleksandrisë. Ajo punoi si filozofe dhe matematikanë, duke iu përkushtuar mësimit dhe studimit të shkencave ekzakte. Midis shumë kontributeve të saj, ajo përmirësoi modelin e astrolabes, instrumenti që përcakton pozicionet e yjeve. Në kohë kur ajo jetoi, puna e saj nuk u prit mirë nga disa grupe, duke e gjykuar si pagane. Hypatia u vra dhe prefekti perandorak Orestes dënoi vrasjen e saj, dhe më pas, veprimet e dhunshme kundër filozofëve të Aleksandrisë përfunduan. Figura e Hypatia-s njihet dhe admirohet nga gratë e shkencës, astronomisë, matematikës dhe gjithashtu nga aktivitet dhe feministët, informon abcnews.al.
2. Lise Meitner
Lise Meitner, e lindur në Vjenë në 1878, është fizikantja që ka investiguar radioaktivitetib. Ajo ishte profesorë në Institutin Kaiser Ëihelm dhe në Universitetin e Berlinit nga viti 1926 deri në 1933. Në vitin 1938 asaj iu desh të largohej nga Gjermania sespse ishte hebre. Ligjet e Nurembergut të qeverisë naziste e detyruan atë të largohej dhe më pas ajo u bashkua me stafin e Institutit Kërkimor të Institutit Manne Siegbahn në Stokholm. Lise Meitner ishte pjesë e ekipit që zbuloi ndarjen bërthamore, megjithatë, vetëm kolegu i saj Otto Hahn mori vlerësimin dhe Çmimin Nobel në Kimi. Megjithëse zbulimi i Meitner ishte shumë i rëndësishëm, merita e saj kaloi pa u vërejtur nga shkenca deri në shumë vite më vonë. Pas kësaj, emri i saj u njoh dhe vlerësua, dhe madje një asteroid (6999) dhe 2 krate në Hënë dhe në Venus janë emëruar në kujtim të saj.
3. Ada Lovelace
Ada Lovelace, e lindur në Londër në vitin 1815 është matematikanë, shkencëtare kompjuteri, shkrimtare dhe vajza e vetme e Anna Isabella dhe poetit Lord Byron. Ndarja e prindërve të saj dhe largimi i babai, shënoi një kthesë të madhe për Adën. Ada kishte shumë aspirata shkencore dhe gjithmonë dëshmonte se ishte më e dedikuar se nëna e saj, e cila pasi la letërsinë ishte matematikanë e shkëlqyer, informon abcnews.al. Në moshën 18-vjeçare, Ada u takua me matematikanin Charles Babbage,i cili e motivoi atë t’i bashkohej ekipit të tij më të famshëm “makina analitike”. Ada që jo vetëm pati sukses në këtë, por gjithashtu krijoi atë që njihet si algoritmi i parë për një makinë. Kjo zyrtarisht e bën atë programuesen e parë kompjuterike. Në fakt gjuha aktuale e programimit Ada, krijuar nga Departamenti i Mbrojtjes i Shteteve të Bashkuara, u emërua pas vdekjes së saj.
4. Jocelyn Bell Brnell
Jocelyn Bell Burnell ka lindur në Velfast në 1942. Ajo është arstrofizikanja që zbuloi sinjalin e parë radio të një pulsari, i cili është një yll që lëshon rrezatim shumë intensiv në intervale të shkurtra, të rregullta. Kjo gjetje e sukesshme gjithashtu kaloi pa njohje, pasi ishte mësuesi i saj Anthony Hewish që rrëmbeu çmimin Nobel në Fizikë në vitin 1974, pavarësisht se ajo e bëri zbulimin. Por fakti nuk kaloi pa u vërejtur nga bota shkencore, pasi shumë kolegë të saj e dënuan dhënin e çmimit për Hewish. Sidoqoftë, ky nuk ishte një lajm i keq për të pasi ajo bëri dhe shumë zbulime të tjera, më të rëndësishme sesa një çmim Nobel. Burnell është një nga shkencëtarët më me ndikim në Mbretërinë e Bashkuar dhe, natyrisht, të astrofizikës, informon abcnews.al.
5. Marie Curie
Marie Curie ka lindur në Varshavë në vitin 1867. Ajo ka qenë një shkencëtare e njohur e vlerësuar dy herë me çmimin Nobel në Fizikë dhe Kimi. Curie ishte pionere e radioaktivitetit, duke zbuluar teknika për izolimin e izotopeve radioaktive dhe 2 elementëve kimikë: poloniumit dhe radiumit. Nga këto zbulime, jeta e Marie Curie ishte e rrethuar nga radioaktiviteti. Ajo e mbante me vete elementin kimik, duke injoruar shkallën e dëmtimit të shkaktuar nga ekspozimi ndaj tij. Punën e saj shkencore, ajo e ndau me bashkëshortin Perre Curie, dhe më vonë me një nga dy vajzat, Irene-Joliot Curie, informon abcnews.al. Shumë vite pas vdekjes së Pierre, Marie filloi një romancë me shkencëtarin Paul Langevin, që i solli asaj shumë probleme, pasi ai kishte qenë i martuar ndërsa dilte me të. Megjithatë, edhe pse pati shumë paragjykime, Curie pati mbështetjen e shumë shkencëtareve, përfshirë Albert Einstein.
6. Rita Levi-Montalcini
E lindur në Torino në vitin 1909, Rita Levi-Montalcini ishte një shkencëtare e specializuar në neurologji. Ajo mori çmimin Nobel në Fiziologji ose Mjekësi. Pavarësisht kësaj, jeta e Ritës nuk ka qenë e lehtë. Ajo ka qenë studente gjatë Luftës së Dytë Botërore, dhe u përball me shumë vështirësi për shkak se ishte hebre. Në Itali, kishte ligje kundër hebrenjve të imponuara nga Benito Mussolini, kështu që Rita duhej të linte universitetin dhe të zhvendoste eksperimentet që bënte në dhomën e saj të gjumit. Atje, ajo krijoi një laborator me mikroskop dhe disa enë shtëpiake të adaptuara. Por ato vite terrori patën pasojat e tyre; qyteti i Torinos u bombardua në vitin 1941, kështu që Rita u detyrua të transferohej në një shtëpi në mal bashkë me instrumentet e saj, informon abcnews.al. Edhe atje nuk gjeti paqe dhe nuk qëndroi për shumë kohë. Pas sulmit të trupave naziste, asaj iu desh të ikte më në jug. Sapo mbaroi lufta, vitet e kërkimit të Ritës në bashkëpunim me biokimistin, Stanley Cohen dhanë rezultate: ajo arriti të izolonte të ashtuquajturin “faktori nervor i rritjes”, një proteinë thelbësore për mbijetesën e neuroneve. Ky ishte zbulimi i parë i komunikimit qelizë-qelizë.
7. Margarita Salas
Margarita Salas lindi në Spanjë në vitin 1938. Ajo mori titullin Ph.D. në Kimi, në Universitetin Complutense të Madridit. Margarita ka qenë përgjegjëse për promovimin e kërkimit spanjoll në fushën e biokimisë dhe biologjisë molekulare. Puna e saj ka spikatur për kontributin në hulumtimin e leximit të informacionit gjenetik. Studimi i Maragrite përqendrohet në virusin bakterial Phi29, i cili na ka lejuar të kuptojmë më shumë sesi sillet ADN-ja, si virusi bakterial transformon proteinat dhe si ato lidhen me njëra-tjetrën për të formuar një virus funksional. Margarita ka marrë disa çmime, duke u shpallur Studiuesja Europiane e vitit 1999 nga UNESCO. Ajo u emërua Drejtore e Institutit të Spanjës (1995-2003), e cila bashkon të gjitha Akademitë Mbretërore Spanjolle. Në dhjetor 2018, Shkolla Eliseo Godoy në Zaragoza ndryshoi emrin për të pasur Margarita Salas.
8. Irene-Joliot Curie
Lindur në Paris, Irene-Joliot Curie, vajza e Marie dhe Pierre Curie, studioi fizikë dhe kimi në Universitetin e Parisit gjatë Luftës së Parë Botërore. Kur mbaroi studimet, ajo filloi të punonte si asistente për nënën e saj në Paris Radio Institute, i cili më vonë u njoh si Instituti Curie. Kërkimet e saj në fushën e fizikës bërthamore përfshinin strukturën e atomit, projeksionin e bërthamës dhe prodhimin artificial të elementeve radioaktive. Për Curie, të qenit vajza e 2 shkencëtarëve të njohur fitues të çmimeve të mëdha, ishte një nxitje për karrierën e saj. Në fakt, ajo gjithashtu fitoi çmimin Nobel në Kimi në vitin 1935. Irene-Joliot Curie vdiq nga leucemia për shkak të ekspozimit të tepër ndaj rrezatimit, informon abcnews.al.
9. Hedy Lamarr
Lindur në Vjenë në 1914, Hedy Lamarr ishte një aktore dhe shpikëse e filmit amerikan. Historia e Hedy-t është interesante sepse, pavarësisht nga fakti se pjesa më e madhe e jetës së saj i ishte kushtuar aktrimit në kinema, ajo ishte bashkëshpikëse e versionit të parë të një spektri të zgjeruar që lejonte komunikime pa tel në distanca të gjata që tani i njohim si “Wi-Fi”. Së bashku me muzikantin George Antheil, ata zhvilluan teknikën e kodimit të informacionit. Por, para se të ndodhte kjo zbulim, Hedy përjetoi një ngjarje të tmerrshme. Burri i saj, Friedrich Mandl, e mbajti atë peng në shtëpinë e saj nën kontroll të rreptë dhe e detyroi atë të largohej nga industria e filmit, informon abcnews.al. Në vitin 1937, ajo arriti të shpëtonte dhe të shkonte në Paris për të vazhduar karrierën e saj artistike. Atje ajo takoi Louis B. Mayer, president i Metro Goldwyn-Mayer, me të cilin nënshkroi një kontratë për Hollywood. Në vitin 1942, Hedy regjistroi patentën e saj të komunikimit sekret, që kërkonte të shmangte zbulimin e silurëve nga trupat aleate. Hedy argumentoi që nëse të dy transmetuesit dhe marrësi do të ishin në gjendje të hidheshin njëkohësisht nga frekuenca në frekuencë, atëherë kushdo që përpiqej ta ndërpriste atë sinjal nuk do ta dinte se ku ishte. Fatkeqësisht, Hedy nuk mori merita për shpikjen e saj./ KultPlus.com
Quhet Philis, sepse ky ishte emri i anijes që e çoi atë nga Afrika drejt perëndimit, në natën kur familja e braktisi. Ajo kishte lindur në Senegal, ndërkohë në Boston u ble nga dikush tjetër.
Wheatley ishte mbiemri i familjes që e bleu në Boston. Në moshën 7 vjeçare, ajo dëgjonte të thuhej përreth se ishte një blerje e mirë dhe se do u shërbente shumë në të ardhmen. Ndërkohë në moshën 13 vjeçare, shkruante poezi në një gjuhë, e cila nuk ishte gjuha e saj mëmë, dhe të tjerët nuk e besonin se ato ishin poezitë e saj.
Në moshën 20 vjeçare, Philis u pyet nga një grup prej 18 meshkujsh, të cilët dukeshin të kulturuar dhe tëveshur mirë. Iu desh të recitonte pjesë nga poezi të ndryshme që kishte lexuar, si dhe pjesë nga Bibla. U betua edhe me dorën në Bibël që poezitë e shkruara ishin të saj dhe nuk ishin plagjiatura nga dikush tjetër. Pas kësaj, iu nënshtrua një provimi të gjatë, orëve të tëra me intervistë dhe recitime, derisa juria i dha tëdrejtë dhe e pranoi se poezitë ishin të sajat.
Ishte femër. Ishte me ngjyrë. Ishte skllave. Ishte afrikane. Ama ishte edhe një poete e jashtëzakonshme. Philis Wheatley ishte shkrimtarja e parë afrikano-amerikane, e cila arriti të publikonte një libër në Shtetet e Bashkuara të Amerikës. Shembulli i kësaj femre dhe aktore të njohur amerikane, është një motivim për secilin nga ne, që edhe pse mund të na duket sikur nuk i kemi mundësitë për të ecur në një fushë tëcaktuar, përsëri ka shpresë dhe mund t’ia dalim. Mjafton të kemi vullnet dhe të punojmë fort për ta arritur diçka të caktuar, dhe fati do të bëjë pjesën e vet./ KultPlus.com
Sopranoja kosovare Elbenita Kajtazi është dukë shënuar një sukses të rrufeshëm me performanca të shfaqjeve operistike në teatro prestigjioze në vende të ndryshme të botës, shkruan KultPlus.
Kajtazi sonte do të ngjitet në skenën e Semperoper të Dresdenit të Gjermanisë, e cila do të shfaqet me rolin e Mimis.
Ajo ka ndarë një fotografi gjatë provave të fundit për këtë shfaqje, e cila në të njëjtën kohë ka falënderuar të gjithë ata që po e përkrahin
“Ndjehem e privilegjuar dhe me fat dhe mezi presë të ngjitem në skenë nesër dhe të realizoj edhe një ëndërr të madhe e cila do ma përmbush shpirtin me shumë lumtuni!
Ju uroj një ditë të bukur sot ”, ka shkruar Kajtazi gjatë ditës së djeshme, ku edhe ka paralajmëruar këtë debutim që do të ndodhë sonte./ KultPlus.com
Kryeministri i Shqipërisë Edi Rama ka marrë çmimin prestigjioz “Joan Ganz Cooney Global Leadership Award” gjatë qëndrimit të tij në New York. Në një darkë zyrtare, presidentja e Sesame Workshop, Sherrie Westin, e vlerësoi Ramën për mikpritjen e qytetarëve afganë.
Kreu i qeverisë shqiptare tha se është një nder i madh marrja e këtij, çmimi megjithatë shtoi se “nuk arrin ende të bëjë paqe me faktin që ajo çka duhej të ishte rregulli është përjashtim”.
“Më duhet t’ju them duke qenë se jemi këtu pas dyerve të mbyllura dhe nuk na dëgjon kurrkush se ajo çfarë ndjeva përballë kaq shumë hezitimi dhe kaq shumë refuzimesh që vinin nga vende mjaft më të pasura për t’iu hapur dyert afganëve ka vetëm një emër: Turp”, u shpreh Rama.
Rama shpjegoi para të ftuarve se pse Shqipëria e mori këtë vendim. Ai tha se vendimi për mikpritjen e afganëve u bë për nder të traditës së vendit tonë, të historisë sonë si refugjatë dhe për fëmijët tanë.
Shembulli më konkret i mikpritjes ishte artisja afgane Mansoura, e cila në fjalimin e saj, falënderoi kryeministrin Rama.
“Faleminderit zoti Rama që na mirëpritët në Shqipëri me krahëhapur. Nuk do mundemi kurrë ta falenderojmë mjaftueshëm për atë që ka bërë për ne. Për shkak të tij, ne kemi një të ardhme që fëmijët tanë kanë tani dhe askush nuk e meriton më shumë se ai. Dhe mund të them me vendosmëri se ai është heroi ynë”, u shpreh Rama.
Rama shoqërohej në këtë takim nga bashkëshortja Linda Rama dhe djali i vogël, Zaho./tvklan/ KultPlus.com
Sibel Halimi
(Variant)
Mos u tremb nga hijet kudo
Ato janë aktore n`teatrin e territ
Me i prekë s`mundesh, sall prapa të vijnë
Mos u tut, se trishtimi ma i madh ditën a`
Hera, mos u tut as prej insekteve që banue me neve kanë
Janë picirruke, të pickojnë sall për ta kujtue
Ndjesinë e t`voglit, që sherr të madhit s`mund i ban
Mos u tut, as kur njerëzit britma lëshojnë
Ata janë të trishtuem nga vetja
E frika jote i ban me mendue se bota e tyne asht
Madje, Hera, tutë aspak mos ki
As kur n`agun e mëngjesit
Psalme kushtue zotit dëgjon
Kot marrin mundin për t` lidhë me ta
Sepse ti veç nji gjaje që shihet i beson
Tuta mjet kontrolli e njerëzia gogolë
Hera ime, mos u tut as atëherë kur na s`jemi aty
Shiko vërdallë, ndiej, merr frymë…
N`bebëzat tua jemi
Mos u tut nga zhurma e hapave të tu
Krejt njisoj asht
Njerëzit janë gjeodetë
I masin rrugët sa t`gjata e ku t`çojnë
Ti marsho sigurt
Kryenaltë!
Mos u tut as nga mësueset
Dhe detyrat që t`i japin ato
Bani si të duesh, siç ma së miri i kupton
Se obligimet shpesh bajate janë
Por të tilla që duhet me i ba
Thithe gishtin si biberon, rrëshqit me gishta flokëve t`arta
Mendo qetë për gjanat që t`pëlqejnë
Vafshin n`djall
Krejt ata që duan tjetrit
T`i bahen busullë
Mos u tut nga frika
Se ethet n`bark hi i kanë
Gogol s`asht
Nga Libri “Qenia nuk banon këtu”./ KultPlus.com
Kopshti i ri Zoologjik do të hapë dyert të shtunën më 4 qershor, në mesditë, Hapja do të shoqërohet me një sërë surprizash për fëmijët, që do ta kthejnë vizitën në një eksperiencë të bukur për ta.
Vizitorët e sotëm të Kopshtit Zoologjik, pikërisht në Ditën e Fëmijëve, ishin fëmijët e familjeve frekuentuese të qendrave sociale dhe të Shtëpisë së Fëmijës “Zyber Hallulli”, të cilët së bashku me kryebashkiakun e Tiranës, Erion Veliaj, panë detajet e fundit, para hapjes së madhe në 4 Qershor. Gjatë vizitës së tyre, Veliaj u shpjegoi fëmijëve si do funksionojë Kopshti Zoologjik në përditshmëri.
“Në Kopshtin e ri Zoologjik do të kemi shumë aktivitete, madje mund të kaosh edhe natën në tenda, mes kafshëve; mund të festojmë ditëlindjet, kemi klasat mësimore që mund të rezervohen, si klasa e biologjisë, e diturisë së natyrës dhe e zoologjisë, mund të zhvillohen praktika studentore për Universitetin Bujqësor të Tiranës, e shumë të tjera. Do të jetë vërtet një eksperiencë e jashtëzakonshme për fëmijët, ndaj mezi po e pres ditën e shtunë, kur do të bëjmë hapjen e madhe. Qyteti ka fituar një xhevahir të jashtëzakonshëm! Shumica e kafshëve ka ardhur, po presim majmunët e racës lemur dhe kafshë të tjera që janë rrugës. Ndërkohë, dy luanë dhe një tigër tashmë kanë ardhur dhe ende po ambientohen me territorin, duke qenë se kanë ndryshuar habitatin”, tha Veliaj.
Ai ftoi fëmijët dhe prindërit që të vijnë ditën e shtunë në mesditë për hapjen e madhe sepse do të shohin një filozofi krejt tjetër, qoftë në hapësira, qoftë në trajtimin e kafshëve. Veliaj theksoi se ky investim i jep Tiranës jo thjesht një kopësht të denjë Zoologjik, aq të dashur për fëmijët, por i rrit edhe vlerën pronave përreth.
“Për ata që kundërshtojnë projektet e Tiranës, si Sheshi, Lodrat te Liqeni, Pazari i Ri, Kalaja, tani Kopshti Zoologjik, apo minorancën e vogël që kundërshton projektin e Kopshtit Botanik, thjesht duhet të vijnë ta shohin dhe të kuptojnë se është dita me natën. Që tani është rritur vlera e banesave në gjithë këtë zonë. Përfitimi nuk është i menjëhershëm, por vjen si rrathët koncentrikë, në fillim pasuron gjithë zonën. Me të mbaruar këtu, do të zgjidhim gjyqet dhe konfliktet me ata që na pengojnë tek Kopshti Botanik, pastaj do të vazhdojmë me pishinat te Diga e Liqenit, për t’i dhënë njëherë e mirë drejtim hapësirave më dinjitoze të Tiranës”, shtoi ai.
Veliaj tha se pranë kopshtit ndodhet parkim i ri nëntokësor, ndërsa thekson se çdo ditë të po i kushton rëndësi hapësirave për parkim.
“Në hyrje të Kopshtit Zoologjik kemi edhe një parking nëntokësor. E di që nuk do të ketë kurrë vend për 200 mijë makina, por nga një Tiranë pa asnjë parking nëntokësor, në një Tiranë me parkingje të tilla te “Sheshi Skenderbej”, “Bulevardi Ri”, “7 Xhuxhat” dhe “Sheshi Italia” – sa fituam një parking tjetër, e morëm nga zaptimi privat tek Garda, e njëjta gjë poshtë tek diga, tani dhe te Kopshti Zoologjik, – do të thotë se çdo ditë po japim më shumë hapësira për lagjen”, tha ai. /rtsh.al/ KultPlus.com
Sot, në mbarë botën shënohet 1 Qershori, dita ndërkombëtare e fëmijëve. Me këtë rast, presidentja e Vjosa Osmani ka uruar fëmijët në Kosovë por edhe në mbarë botën.
Osmani në një postim në Twitter ka shkruar se fëmijët janë dhurata më e madhe për të gjithë.
Presidentja tutje ka shkruar se fëmijët janë e ardhmja dhe pasuria jonë kombëtare, derisa ka bërë thirrje që ata të mbrohen e të edukohen.
“Gëzuar Ditën Ndërkombëtare të Fëmijëve, të gjithë fëmijëve në Kosovë dhe në mbarë botën. Ju vazhdoni të na frymëzoni çdo ditë dhe jeni dhurata më e madhe nga të gjitha. Ju jeni e ardhmja dhe pasuria jonë kombëtare. Të gjithë fëmijët duhet të mbrohen, të mbështeten, të edukohen dhe t’u jepet mundësia për të shkëlqyer”, ka shkruar Osmani.
Happy #InternationalChildrensDay to all the children in
and around the world. You keep inspiring us every day and you’re the greatest gift of all. You are our future & our national treasure.
All children must be safeguarded, supported, educated & given opportunities to shine. https://t.co/JSge0myKlB— Vjosa Osmani (@VjosaOsmaniPRKS) June 1, 2022
Analisti Fatos Lubonja, duke folur në lidhje me ngjarjen e rëndë të ndodhur në Librazhd, ka zbuluar se cili do të ishte reagimi i tij në rast se do të ishte babai i djalit, duke u shprehur se nuk do të guxonte kurrë të hynte në dhomën e nuses pavarësisht gjithçkaje, dhe nëse do të ishte baba i vajzës ka shtuar se do ta merrte menjëherë në mbrojtje.
Lubonja sqaroi se nëse do të ishte ai në vend të babait të vajzës as nuk do të kishte një situatë re tillë pasi as nuk e mendon dot që një vajzë të martohet në një moshë aq të re. Ai ka ndarë me dëgjuesit edhe një detaj nga marrëdhënia e tij me të bijën, të cilës para shumë vitesh i ka thënë se duhet të mendojë të martohet pasi të mbushë 30 vjeç.
“Babai duke respektuar kodin e duke u shtirur, duke pasur parasysh një shoqëri të dukjes, duhet të bëjë këto veprime.
Një gjë është kodi, dhe më tej është raporti natyror, dashuria që duhet të ketë për vajzën. Marrim rastin e Antigonës së Sofokliut, është pikërisht ky rast që varrosi vëllain pavarësisht ligjit, për shkak të ndjenjës që kishte për të. Babai është i tjetërsuar, duhet ta mbronte me çdo kusht vajzën e tij.
Në këtë shoqëri shihet si mall dhe kur e jep me shkuesi pa e pyetur vajzën, nis drama e vajzës dhe shoqërisë tonë. Më shqetëson se nuk dimë cili kod dominon në shoqërinë tonë. Normalisht, nëse do të isha babai i djalit që u tradhtua, nuk mund të hyja kurrë në dhomë, do i thoja djalit është puna jote duhet ta zgjidhësh ti, mund ta kesh ti ose ajo fajin, mund edhe të faleshin.
Po të isha babai vajzës do ta kisha marrë në mbrojtje, nuk do e lejoja kurrë të arrinte puna këtu sepse nuk do kisha menduar kurrë në atë moshë të martohej. Vajzës time i kam thënë shumë vite më parë që 30 vjeç mendo të martohesh, jo më tani. Tani ke kohën të bësh dashuri, të provosh, të takosh burra të ndryshëm të cilët mund të të pëlqejnë që më pas të martohesh.
Ky është kodi im por dua ta kuptoj edhe atë tjetrin, ndoshta ai e jeton si dramë atë, vërtetë e ndjen, sepse jemi produkt i kulturës sonë. Nderi është më i rëndësishëm sepse në atë kod, nëse ai do të merrte në mbrojtje vajzën do të quhej i degjeneruar”, është shprehur Lubonja, transmeton emisioni “Open” në Facebook./ KultPlus.com
Po bëhen përgatitjet e fundit për Karnavalet e Korçës, të cilat mbahen tradicionalisht në Korçë të Shqipërisë, shkruan KultPlus.
Organizatorët njoftojnë se kjo festë do të mbahet më 4 qershor, dhe duke u bazuar në vitet paraprake, pritet të jetë një festë madhështore.
Bashkia e Korçës ka dalë me një njoftim për këtë festë, duke porositë qytetarët se nëse kanë zgjedhë maskën.
“Festivali Ndërkombëtar i Karnavaleve po afron!
Në datë 4 QERSHOR vjen festa më e bukur që çel sezonin turistik!
KRÇA është gati për magjinë e karnavaleve!
Po ti e zgjodhe maskën tënde? ”, thuhet në njoftimin e Bashkisë së Korçës./ KultPlus.com
1. “Paratë nuk janë gjëja më e rëndësishme në botë. Dashuria është. Për fat të mirë, unë dua paratë”.
Jackie Mason
2. “Tek Perëndia besojmë. Të gjithë të tjerët duhet të paguajnë para në dorë”.
Thënie amerikane
3. “Paratë janë më mirë se varfëria, por vetëm për arsye financiare”. Woody Allen
4. “Koha është më e vlefshme se paratë. Paratë mund të shumohen, por për kohën themi të kundërtën”.
John Updike
5. “Nëse i detyrohesh bankës 100 dollarë, ky është problemi yt. Nëse i detyrohesh bankës 100 milionë dollarë, atëherë është problemi i bankës”.
JP Getty
6. “Nuk ka rëndësi a je i bardhë apo me ngjyrë … ngjyra e vetme që ka rëndësi është e gjelbra”.
Family Guy
7. “E vetmja mënyrë për të mos menduar për paratë … është të kesh shumë prej tyre”.
Edith Wharton
8. “Nëse doni të dini se çfarë mendon Zoti për paratë, mjafton të shihni njerëzit të cilëve ai ua jep”.
Thënie e vjetër irlandeze
9. “Jini të pasur për veten tuaj … dhe të varfër për miqtë”
Juvenal
10. “Nëse doni ta dini vlerën e parave, provoni të merrni hua disa”.
Benjamin Franklin
11. “Me 10 mijë dollarë do të ishim milionerë! Kështu do të blinim gjithë gjërat e nevojshme si … dashuria!
Homer Simpson
12. “Mënyra më e lehtë që fëmijët të mësojnë për paratë do të ishte kur ju të mos kishit”.
Katharine Whitehorn
13. “Financa është arti i kalimit të parave nga dora në dorë derisa më në fund të zhduket”.
Robert W. Sarnoff
14. “Gjithçka që kërkoj është një mundësi për të treguar se paratë nuk më bëjnë të lumtur”.
Spike Milligan
15. “E ç’vlerë ka lumturia? Ajo nuk t’i blen dot paratë”.
Henry Youngman
16. “Shumë njerëz shpenzojnë paratë që s’i kanë fituar, për të blerë gjëra që s’i duan, për t’i lënë mbresa njerëzve që s’i pëlqejnë”.
Will Smith
17. “Sikur vetëm Perëndia të më jepte një shenjë të qartë … si për shembull të më hapte një llogari të madhe në një bankë zvicerane”.
Woody Allen
18. “Ai që martohet për dashuri pa para kalon netë të mira dhe ditë të këqija”.
Thënie amerikane
19. “Mes punës dhe familjes, vërtet që s’po kaloj shumë kohë me paratë e mia”.
Thënie amerikane
20. “Ndryshimi mes një divorci dhe një ndarjeje ligjore është se ndarja ligjore i jep burrit kohë për të fshehur paratë e tij”
Johnny Carson
21. “Një bankë është një vend që do të të japë para nëse i vërteton se s’ke nevojë për to”.
Bob Hope
22. “Kushdo që thotë se paratë nuk e blejnë lumturinë, thjesht nuk dinë se ku të bëjnë pazar”.
Bo Derek
23. “Kur isha i ri mendoja se paratë ishin gjëja më e rëndësishme në jetë; tani që jam i rritur e di se janë vërtet”.
Oscar Wilde
24. “Monedha është e pavlefshme në ditët e sotme”.
Yogi Berra
25. “Çdo ditë ngrihet dhe shikoj listën e “Forbes” për njerëzit më të pasur në Amerikë. Nëse nuk jam atje, shkoj në punë”.
Robert Orben
26. “Gjithmonë merr para hua nga një pesimist … ai nuk pret që ti t’ia kthesh”.
Thënie amerikane
27. “Nëse mendon se askujt nuk i intereson nëse je gjallë, provo të mos paguash dy muaj fatura”.
Earl Wilson
28. “Mos më thoni se ku i keni prioritetet. Më tregoni për çfarë i shpenzoni paratë dhe unë do t’ju tregoj se çfarë janë”.
James W. Frick
29. “Arsimi formal do t’ju nxjerrë bukën e gojës; mësimet nga jeta do t’ju bëjnë të pasur”.
Jim Rohn
30. “Paratë janë realitetin, një tipar permanent i jetës së përditshme. Ato i japin jetës një ritëm të veçantë, një “tërheqje” të caktuar, një perceptim të pazakontë të botës dhe vendit tonë në të”.
31. “Paratë i krijojnë problemet atëherë kur nuk i kemi; na i shtojnë ato edhe kur i kemi. Por është vetëm një iluzion se ne jemi në kontroll të parave tona. E vërteta është se ne e dimë dhe e kuptojmë sa kontroll ushtrojnë mbi ne”.
32. “Paratë na bëjnë zotërinj dhe skllevër. Pushteti ynë mbi paratë është i vërtetë, por vetëm kur kuptojmë pushtetin e tyre mbi ne”.
Thënie franceze
33. “Shumë prej nesh i konsiderojnë amerikanët si ndjekës të parave. Kjo është një shpifje mizore, edhe pse është përsëritur nga vetë amerikanët”.
Albert Einstein
34. “Ai, opinioni i të cilit është se paratë mund të bëjnë gjithçka, mund të bëjë gjithçka për para”.
Benjamin Franklin
35. “Nëse do të ishit të pasur, mendoni edhe të kurseni”.
Benjamin Franklin
36. “Kush është i pasur? Ai që është i kënaqur. Kush është ai? Askushi.
Benjamin Franklin
37. “Pasuria mund të na aftësojë të bëjmë favore; por hirin pasuria s’na e jep”.
Charles Caleb Colton
38. “Të ardhurat vjetore njëzet paund; shpenzimet vjetore nëntëmbëdhjetë; rezultati, lumturi. Të ardhurat vjetore njëzet paund; shpenzimet vjetore njëzet e gjashtë paund; rezultati, mjerim”.
Charles Dickens
39. “Nëse të gjithë njerëzit e pasur në botë do ta ndanin
pasurinë mes tyre, nuk do të kishte mjaftueshëm për të tjerët”.
Christina Stead
40. “Paratë e tepërta janë delli i luftës”
Cicero
41. “Paratë nuk kanë qenë kurrë motivim i rëndësishëm për mua, përveçse për të shënuar pikë. Nxitja e vërtetë është loja”.
Donald Trump
42. “Paratë janë delli i dashurisë, si dhe i luftës”.
Doktor Thomas Fuller
43. “Po jetoj kaq larg të ardhurave të mia, sa mund të thuhet se po jetojmë të ndarë”.
Anonim
44. “Kurseni nga pak çdo muaj dhe në fund të vitit do të habiteni se sa pak që keni”.
Ernest Haskins
45. “Të pasurit janë shkuma e tokës në çdo shtet”.
G.K. Chesterton
46. “Mungesa e parave janë rrënja e gjithë të këqijave”.
George Bernard Show
47. “Njerëzit duhet të jenë të varfër për ta kuptuar luksin e të dhënit”.
George Eliot
48. “Paratë ju çlirojnë nga të bërit e çdo gjëje që s’pëlqeni. Meqë s’më pëlqen asgjë, paratë më hyjnë në punë”.
Groucho Marx
49. “Vlera kryesore e parave është në faktin se njerëzit jetojnë në një botë e cila mbivlerësohet”.
H.L. Mencken
50. “Bëjeni paratë perëndinë tuaj, dhe do t’ju shkatërrojë si djalli”Henry Fielding
51. “Nëse mund t’i numëroni paratë, nuk keni një miliardë dollarë”.
J. Paul Getty
52. “Kam aq para sa të më mbeten deri në fund të jetës, deri në momentin që do të blej diçka”.
Jackie Mason
53. “Një rrogë e mirë është receta më e mirë për lumturinë që kam dëgjuar ndonjëherë”.
Jane Austen
54. “Një njeri i zgjuar duhet ta ketë paranë në kokë, por jo në zemër”.
Jonathan Swift
55. “Mos u gënjeni duke besuar se një njeri i pasur është domosdo i zgjuar. Ka mjaft prova që vërtetojnë të kundërtën”.
Julius Rosenwald
56. “Kurrë s’e kam përfunduar gjimnazin, megjithatë jam i pasur dhe i suksesshëm”.
Këngëtar anglez
57. “Nëse doni të ndiheni të pasur, mjafton të numëroni gjërat që keni dhe që paratë s’i blejnë”.
58. “Paratë janë si shqisa e gjashtë, s’mund t’i përdorësh pesë të parat pa to”.
William Somerset Maugham
59. “Mund të bëheni të përkryer në diçka që doni. Mos i bëni paratë synimi juaj. Por, përkoni gjërat që doni të bëni, dhe atëherë bëjini ato aq mirë, sa të tjerët s’do t’jua ndajnë sytë”.
Maya Angelou
60. “Paratë ende s’e kanë bërë një njeri të lumtur. Sa më shumë të ketë, aq më shumë do të dojë. Në vend që të mbushë një vakum, krijon një tjetër”.
Benjamin Franklin
61. “Ju kujtoni se paratë janë rrënja e të këqijave. E keni pyetur veten se cila është rrënja e gjithë parave”?
Ayn Rand
62. “Intelekti ndërtohet paralelisht me ekonominë e parave”.
G. Simmel
63. “Paratë, nëse nuk të sjellin lumturi, të paktën të ndihmojë të jesh i mjerueshëm në luks”.
Helen Gurley Brown
64. “Arti nuk është në bërjen e parave, por në ruajtjen e tyre”.
Fjalë e urtë
65. “Paratë janë vetëm një mjet. Do të të çojnë ku të duash, por nuk do të të zëvendësojnë ty si shofer”.
Ayn Rand
66. “Paratë shpesh kushtojnë shumë”.
Ralph Waldo Emerson
67. “Nuk do të jetoni një ditë të lumtur, edhe sikur të keni fituar shumë para, nëse nuk bëni diçka për dikë që s’mund t’jua rikthejë”.
Ruth Smeltzer
68. “Dilni në botë dhe punoni sikur paratë mos kenë rëndësi, këndoni sikur askush s’ju dëgjon, dashuroni sikur kurrë mos jeni lënduar dhe kërceni sikur askush s’po ju sheh”
69. “Është mirë të keni para dhe gjërat që i keni blerë me para, por është mirë që ndonjëherë të bëni një kontroll se mos keni humbur ndonjë nga gjërat që s’i keni blerë me para”.
George Lorimer
70. “Me para mund të blini një qen të mirë, por vetëm dashuria do ta bëjë të tundë bishtin”.
Richard Friedman
71. “Paratë kurrë s’e krijojnë një ide. Është ideja që krijon paratë”.
Owen Laughlin
72. “Sa ndryshim bën sa shumë ke? Ajo që s’keni është edhe më e madhe”.
Seneca
73. “Paratë janë barometri i virtytit të shoqërisë”.
Ayn Rand
74. “Shumë njerëz nuk kujdesen për paratë e tyre, derisa ato përfundojnë, ndërsa të tjerë bëjnë të njëjtën gjë me kohën e tyre”.
Johann Wolfgang von Goethe
75. “Paratë dhe gratë janë më të kërkuarat”.
Will Rogers
76. “Paratë do të vinë kur bëni gjënë e duhur”.
Mike Phillips
77. “Shkëlqimi i një mendimi të ngrohtë vlen më shumë se paratë”.
Thomas Jefferson
78. “Nuk jap rroga të mira, pasi kam shumë para; kam shumë para, pasi jap rroga të mira”.
Robert Bosch
79. “Paratë zakonisht tërhiqen, nuk kërkohen”.
Jim Rohn
80. “Paratë nuk kërkohen për të blerë një nevojë të shpirtit”.
Henry David Thoreau
81. “Nëse paratë s’mund ta blejnë lumturinë, të paktën ju lejojnë të zgjidhni një formë mjerimi”.
82. “Një burrë ka njëqind dollarë dhe ju e lini me dy dollarë. Kjo është zbritja”.
Mae West
83. “Paratë nuk rriten në pemë”.
Fjalë e urtë
84. “Paratë janë si dashuria; vret me ngadalë atë që e mban dhe gjallëron atë që e jep”.
Kahlil Gibran
85. “Nuk kemi borxh një miliardë miliardë dollarë, pasi nuk kemi taksuar mjaftueshëm; kemi borxh një miliardë miliardë dollarë, pasi kemi shpenzuar shumë”.
Ronald Reagan
86. “Nuk më interesojnë shumë paratë, se paratë s’ma blejnë dashurinë”.
Tekst nga “Beatles”.
87. “Mënyra më e mirë për ta dyfishuar paranë është ta palosësh dhe ta fusësh në xhep”.
Frank Hubbard
88. “Ekziston një mënyrë e lehtë për t’u kthyer nga kazinoja me një shumë të vogël: të shkosh atje me një shumë të madhe”.
Jack Yelton
89. “Të përzierat e makinës të vijnë kur kalon afati i pagimit të faturave”.
90. “Inflacioni ka shkatërruar gjithçka. Një monedhë përdoret vetëm si kaçavidë”.
Jackson Brown
91. “I kundërshtoj milionerët, por do të ishte e rrezikshme sikur të ma jepnin mua atë post”.
Mark Twain
92. “S’mund ta përballoj të humbas kohën duke bërë para”.
Louis Agassiz
93. “Kur ka para në poezi, por nuk ka as poezi në para”.
Robert Graves
94. “Kur has në para e heq qafe shpejt, para se të më futet në zemër”.
John Wesley
95. “Një xhepmbushur shpesh rënkon më shumë se një stomakbosh”.
Franklin Delano Roosevelt
96. “Pas një vizite në plazh, vështirë të mendosh se jetojmë në një botë materiale”.
Pam Shaw
97. “Masa e vërtetë e pasurisë është sa shumë do të vlenit sikur t’i humbisnit paratë”.
98. “Kur pema e fundit të jetë fishkur dhe lumi i fundit të jetë helmuar dhe peshku i fundit të jetë zënë, atëherë do të kuptojmë se s’mund ta hamë paranë”.
Fjalë e urtë indiane
99. “Do të më pëlqente të jetoja si një njeri i varfër me shumë para”.
Pablo Picasso
100. “Filozofia e parave kontribuon në edukimin e njerëzimit dhe i ndihmon njerëzit të kujtojnë se “matësi i të gjitha gjërave” duhet të jetë gjithmonë njeriu”./KultPlus.com
Këshilltarja lokale e Bashkimit Evropian, Kati Schneeberger, ka filluar një peticion online me anë të të cilit kërkon liberalizimin e vizave për Kosovën.
Qëllimi i saj është t’i bind shtete skeptike të BE-së se qytetarët e shtetit më të ri të Evropës duhet të lëvizin pa viza sa më parë.
Në iniciativën që nisi më 27 maj, të dielën rreth orës 6 pasdite, ishin anëtarësuar mbi 6.500 persona.
E atë e mirëpresin njohësit e integrimeve Evropiane dhe besojnë se mund të influencojë tek zyrtarët vendimmarrës në Union.
“Adresat janë pak më konkrete, janë tek Franca, Holanda dhe do të varet shumë prej këtyre shteteve se a do të liberalizohen vizat apo jo, zyrtrarët e BE-së e kanë kaluar pjesën e tyre.” deklaroi profesoresha e Integrimeve Evropiane, Jehona Lushaku.
Një peticion të njëjtë me 5000 nënshkrime e kishte dërguar edhe Lushaku, në zyrën e BE-së në Kosovë, në Këshill të ministrave, e tek zyrtarë të UE-së.
“Por ka tri vite që kjo iniciativë veç ka marrë adresën e duhur por nuk ka pasur ndonjë ndikim të madh, tani që vije nga zyrtarë të BE-së shpresojmë të ketë ndikim më të madh” tha ajo tutje.
Megjithatë sipas Lushakut pika kyçe është tek shtete anëtare dhe aty Qeveria duhet të lobojë më shumë./Klankosova.tv/ KultPlus.com
Peshëngritësja shqiptare, Evangjeli Veli, është shpallur kampione Europe në stilin e shkëputjes për peshën deri në 55 kg, në Kampionatin Europian të Peshëngritjes që po zhvillohet në Tiranë.
Veli, ia doli të kalojë me sukses të treja provat, me 91, 93 dhe 95 kilogramë. Me realizimin e tre provave me sukses, peshëngritësja shqiptare, ia doli të marrë vendin e parë në podium, duke u shpallur Kampione Europe.
Pas Velit, u renditën peshëngritësja ukrainase Kamila Kontop dhe ajo nga Belgjika, Nina Streck. Peshëngritësja shqiptare merr kështu medaljen e arit, ndërsa vitin e kaluar shkoi deri te medalja e bronzit.
Pas kësaj arritje të madhe, emocioni dhe gëzimi te Evangjeli Veli ishte shumë i madh, teksa nuk i mbajti dot lotët./ KultPlus.com
Një çift shqiptar ka shënuar 65-të vjetorin e martesës, dhe jo e zakonshme për çiftet shqiptare në këtë moshë që të realizojnë edhe fotosesion, shkruan KultPlus.
Dhe për shënimin e kësaj feste duket se kanë shprehë gatishmëri edhe shumë brende të njohura të Kosovës që të kujdesen për dukjen e tyre, sikurse për grimin, veshjen dhe fotosesionin.
Ky set i fotografive është realizuar nga Marjan Komani, për veshjen është përkujdese Valdrin Sahiti, kurse për grimin dhe flokët Sellma e Kaci.
KultPlus ju sjell këtë fotosesion të shoqëruar edhe nga një video./ KultPlus.com
Kryeministri i Kosovës, Albin Kurti, ka thënë se Qeveria pret angazhim më të madh në ndjekjen e gjykimin e krimeve të luftës.
Ai ka thënë se Kodi i Procedurës Penale i Kosovës mundëson gjykimin në mungesë.
Në një postim në Facebook ai ka shkruar se para tri vjetësh, kërkesa e pashtershme për drejtësi për viktimat, ka sjellë deri te miratimi i një norme të këtillë juridike që mundëson mbarëvajtje të procesit gjyqësor pa praninë e të akuzuarit.
“Qeveria pret angazhim me të madh në ndjekjen e gjykimin e krimeve të luftës. Për këtë, brenda vitit të parë kemi shtuar buxhetin për rritjen e numrit të prokurorëve special dhe bashkëpunëtorëve profesionalë. Po ashtu, po punojmë në krijimin e Institutit që do dokumentojë krimet e kryera gjatë luftës, e po punojmë zellshëm në hartimin e strategjisë për drejtësinë tranzicionale”, ka shkruar ai.
Kurti ka shkruar se krimet e luftës nuk parashkruhen, por ditët e vitet ikin shpejtë. Me këto, ka shtuar ai, ikin edhe ata të cilëve shteti u ka borxh vënien e drejtësisë për familjarë të vrarë e për dhimbjen e papërballueshme e cila po mbetet pa përgjigje.
Ai ka thënë se kriminelët e luftës duhet dënuar dhe për këtë është e nevojshme dhe e domosdoshme përgjegjësia më e lartë institucionale, në radhë të parë e Prokurorisë Speciale e pastaj e tërë sistemit.
“Pesha e përgjegjësisë e organeve të drejtësisë tejkalon atë profesionale dhe imponon veprim efikas. Këtë e kemi borxh”, ka thënë ai./ KultPlus.com
Rexhep Hoxha
Deshi lepuroshi
t’bëjë një mrekulli,
të vishej me tesha
po sikur njeri.
Veshi pantollone
këpucë e jelekë,
n’Zvicërr porositi
sahat me qostek.
Mirë, porse të ngratit
i shkoi puna huq,
sepse veshët e gjatë
s’i ndejtën n’kapuç./ KultPlus.com
Elon Musk theu heshtjen për Amber Heard dhe Johnny Depp duke u shprehur me fjalë lavdëruese për të dy aktorët pasi avokatët e tyre dhanë argumentet përfundimtare në gjyqin për shpifje.
CEO i ‘Tesla’ dhe ‘SpaceX’, i cili ka qenë në lidhje me aktoren për disa muaj pas ndarjes së çiftit, fillimisht u konisderua si dëshmitar i mundshëm në këtë rast, por në fund nuk dëshmoi. Megjithatë në një status në Twitter ai shkroi: “Shpresoj që ata të dy të vazhdojnë përpara. Në më të mirën e tyre, ata janë të dy të pabesueshëm.”
Musk e bëri komentet e tij duke iu përgjigjur shkencëtarit të MIT Lex Fridman, i cili shkroi në Twitter: “Përfundimet e mia nga gjyqi Johnny Depp kundër Amber Heard: 1. Fama është një drogë e tmerrshme (për disa). 2. Psikiatrët dhe avokatë vijnë nga nivel drastike të ndryshme aftësish. 3. Të gënjesh miliona njerëz është diçka që njerëzit janë të aftë ta bëjnë. 4. Dashuria mund të jetë një rrëmujë. 5. Mega pint of wine.(referuar deklaratës së Amber për Johnnyn)”
Depp po e padit Heardin për 50 milionë dollarë për shpifje në një shkrim të ‘Washington Post’, në të cilin ajo shkroi, “Unë u bëra një figurë publike që përfaqëson abuzimin në familje”, pa përmendur emrin e aktorit. Heard ka kundërpaditur Depp për 100 milionë dollarë. Të dy akuzojnë njëri-tjetrin për dhunë në familje gjatë një viti të martesës së tyre, ku secili mohon abuzimin.
Në padinë e tij për shpifje, Depp akuzoi Heardin se kishte një lidhje jashtëmartesore me miliarderin. “Pa e ditur zotin Depp, jo më vonë se një muaj pas martesës së tij me zonjën Heard, ajo po kalonte kohë në një marrëdhënie të re me themeluesin e Tesla dhe Space X, Elon Musk”, thuhet në dosje. Megjithatë, një përfaqësues i Musk tha për E!News në 2019, “Elon dhe Amber nuk filluan të takoheshin deri në maj 2016, madje edhe atëherë takoheshin rrallë. Marrëdhënia e tyre nuk u bë romantike deri pak kohë më vonë.”
Heard dhe Musk ndezën thashethemet për romancë rreth korrikut 2016. Ata dolën publikisht së bashku për herë të parë dhe gjithashtu e bënë lidhjen zyrtare në Instagramit në prill 2017. Gushtin e ardhshëm ata u ndanë. insajderi / KultPlus.com
