Super ylli Akon u konfirmua dje si mysafiri ndërkombëtar i “Time Capsule II” që zhvillohet të premten në kryeqytet.
Lajmin e dha Capital T i cili bëri të ditur se Akon e ka pranuar ftesën e tij për të qenë me publikun kosovar në atë që po konsiderohet si ngjarja kulturore më e madhe në kryeqytet përgjatë kësaj vere.
E Akon ka pasur edhe një mesazh për shqiptarët.
Përmes një videoje, ai i ka ftuar të gjithë të jenë aty ditën e premte.
“Prishtina do jem aty me 11 gusht, live me Capital T. Do të performoj live dhe do jetë një çmenduri. Merrni biletat dhe shihemi atje”, thotë mes tjerash Akon. / KultPlus.com
Edhe pak ditë kanë mbetur nga koncerti i titulluar “Capsule 2”. Më datë 11 gusht në Prishtinë, Capital T ka premtuar që do t’i dhurojë fansave të tij një mbrëmje ndryshe, të mbushur me emocione dhe këngë të bukura.
Por reperi sot ka zbuluat që në koncertin e tij do të ketë edhe një të ftuar shumë special, yllin ndërkombëtar, Akon.
Në mesin e një prej toure-ve të tij legjendare në Europë, Akon pranoi ftesën për të ardhur në Prishtinë në Time Capsule II. Përpos faktit që është këngëtar i kalibrit botëror, Akon është një producent i shkëlqyer dhe filantrop i rrallë. Veprimtaria e tij për zhvillimin e Afrikës jehon fort në rrethet e punës zhvillimore të vendeve të botës së tretë.
“Më bën vërtet të lumtur të mirëpres një legjendë të gjallë në vendlindjen time, në koncertin tim”, ka shkruar Capital T.
Koncerti Time Capsule II pritet të sjellë shumë surpriza të bukura, me artistë vendas e të huaj. / KultPlus.com
Në mbrëmjen e tretë të “Festivalit të Këngës”, artistët pjesëmarrës kënduan në duete me artistë të tjerë të njohur. Elsa Lila riktheu pas 25 vitesh këngën e saj ikonike “Pyes Lotin”, fituese e çmimit të parë të Festivalit në RTSH në vitin 1996. Elsa Lila e këndoi këngën e saj në një duet me reperin Capital T. Mirëpo kjo gjë nuk është pritur aspak mirë nga kompozitori i këngës Valentin Veizi.
Ai shkroi më herët se kënga është rikënduar pa lejen e tij si autor dhe kompozitor i saj dhe sipas tij ky është një version i shëmtuar i këngës së tij.
Së fundmi, në një intervistë për “Euronew, kompozitori tregoi se nuk ka folur me Elsa Lilën, ndërkohë që ka ndjerë dhimbje kur ka parë këngën e tij “të deformuar”.
“Duhet të komunikonin ata me mua për këtë mendim që kishin. Nuk kam arsye të flas me këdo, nuk do e bëj pazar me muhabete telefoni. Shikoj në YouTube, në ekran këngën time, e dëgjoj me autor tjetër, një këngë që unë jam krenar për” Pyes Lotin “. Unë kam thënë mos ma bëni pis, në fakt është më tepër, është dhimbje. Më mirë mos e kisha dëgjuar në fakt, ka keqen jam ndjerë kur kam dëgjuar atë këngë në atë variant që u soll”, theksoi ai,
Pas ankesës së Veizit, YouTube i ka dhënë të drejtë duke fshirë këngën e versionit të ri. Pavarësisht kësaj, kompozitori tha se nuk është një luftë personale sesa me fenomenin e grabitjes dhe tjetërsimit të këngëve, pa lejen e autorëve.
”Pyes Lotin “e merr X-Y, pa leje dhe e bën si do vet. “Këputa një gjethe dafine” e merr një reper tjetër, “Për ty atdhe” e merr dikush tjetër. Çfarë mbetet? Po shndërrohet kultura e këngës shqiptare, dëmi është shumë i fuqishëm. Nuk jam kundra sjelljes në kohë, unë kam shumë këngë që janë sjellë ndryshe, por pa ndryshuar strukturën dhe duhet kujdes me këtë punë. Nuk preket, janë disa gjëra që nuk preken. Mos i prek se të djegin, mos e prek zjarrin. Ti mund te marrësh tokën e dikujt është ta nxjerrësh e nga shtëpia, por artin nuk e merr dot”, nënvizoi Veizi. / KultPlus.com
Elsa Lila dhe Capital T kënduan bashkë në natën e dueteve në Festivalin e Këngës, shkruan KultPlus.
Ata risollën një version të ri të këngës së njohur “Pyes Lotin”, të kompozuar nga Valentin Veizi.
Ky i fundit ka reaguar përmes një postimi në “Facebook”, duke shprehur gjithë mllefin e tij.
Ai i ka bërë thirrje RTSH ta heqë nga transmetimi këtë variant, të cilin e ka konsideruar të “shëmtuar”.
Postimi i plotë:
“MOS MA BENI PIS KENGEN ! Sot kam marre shume mesazhe e telefonata nga shoke e miq, dashamires e simpatizante te muzikes sime te indinjuar ne lidhje te nje varianti te kenges “Pyes Lotin” qe eshte kenduar nga Elsa Lila edhe Capital T ne naten e trete Festivali 61 i RTSHse, duke qene se skam patur mundesi te ndjek festivalin e kerkoj edhe e degjoj ne YouTube kengen, me ben pershtypje (indinjuan) dy gjera : e para nuk e di kush ka mare guximin e ka pasur kurajon te ma bej “pis” kengen time, mire qe nuk kane aftesine profesionale per te “rifreskuar” apo te sjellin ndryshe nje kenge ,por keta nuk kane as edukaten edhe as respektin te pakten te kontaktojne per te marre lejen e autorit . se dyti :Ti (kushdo)mund te rikendosh nje kenge, por nuk ke asnje te drejte te ndryshosh e te denigrosh kengen pa lejen e autorit ,(kompozitorit). Me lini tja u them troc edhe njehere Liles edhe Capitalit, modeli i kenges qe ju sollet eshte modeli se si mund te denigrosh ,shperfytyrosh nje kenge aq te bukur si kenga “Pyes Lotin” , prandaj do ti lutem Radio televizionit Shqiptar ta heqi nga cdo lloj transmetimi kete variant te shemtuar!”, thuhët në postimin e tij. /KultPlus.com
Reperi Capital T së fundmi ka bërë të ditur se do të jetë pjesë e filmit të titulluar “Jericho Ridge” të regjisorit Will Gilbey, fitues i çmimit Bafta, shkruan KultPlus.
Ai është shprehur të jetë tejet i emocionuar që po shkon drejt një rrugëtimi të ri përkrah aktorëve të njohur si Nikki Amuka Bird, që po ashtu janë nominuar në çmimet Bafta.
“Do të bëj më të mirën që ky projekt të jetë i pari nga shumë të tjerë që do të vijnë në radhë. Shumë faleminderit që më ftuat mua, Will dhe producentët: Harvey Ascott, Besnik Krapi, Mark O Sullivan dhe Alex Tate”, ka shkruar ai në rrjetet sociale.
Krejt në fund ai e cilësoi këtë ndodhi si një lajm tjetër i mirë për arsye se i gjithë ky film amerikan do të xhirohet në vendin e tij, në Prishtinë. / KultPlus.com
Capital T ishte i ftuar që të përformonte në hapjen e evenimentit të Festës së Birrës në Korçë, mirëpo për shkak të ftesës së artistit serb Goran Bregoviç, ai ka anuluar përformancën e tij.
Ai u kërkoi falje fansave të tij për anulimin e përformancës së tij.
Gjithashtu i bëri thirrje Bashkësisë së Korçës që ta anulojnë përformancën e artistit serb.
Vjosa Osmani dhe Capital T kanë diskutuar për industrinë muzikore në Instagram Live.
Vjosa Osmani tash e disa javë me radhë është duke realizuar intervista në mënyrë virtuale me personazhe të njohur.
Dje ishte i ftuar rep-artisti i njohur, Capital T, në një lidhje ‘live’ në rrjetin social Instagram.
Reperi dhe Vjosa diskutuan për problemet që shkaktoi pandemia COVID-19, gjatë bisedës ata prekën edhe disa nga ngecjet që industria muzikore ka si përgjithësi.
Capital T bëri kërkesën qe për shkak të kapacitetit të vogël që kanë lokalet e natës, sallat sportive të kthehen në vende ku mund të performohet.
Reperi i njohur filloi duke thënë, “Normalisht janë disa pika që mund të bëhen më mirë, sikur sallat sportive të rinovohen dhe të menaxhohen mirë, që artistët të kenë vend që të performojnë”,u shpreh Capital T.
Reperi gjithashtu nuk la pa përmendur Ligjin për Pirateri dhe këngët të cilat lëshohen në televizione pa marrë miratimin e artistit.
“Të tjera probleme janë sikur Ligji për Pirateri, televizionet që nuk paguajnë për këngë që lëshohen. Por, një shtëpi e madhe diskografike do të kishte qenë mirë të jetë në Kosovë”, përfundoi reperi./Lajmi.net/KultPlus.com
Futbollisti njohur shqiptar, Granit Xhaka dhe reperi Capital T, kanë pozuar së bashku me rastin e 28 Nëntorit.
Në profilet e tyre në rrjetet sociale, dy protagonistët e kanë publikuar fotografinë e njëjtë për të shprehur urimin e tyre.
“Urime Ditën e Flamurit gjithë shqiptarëve kudo që ndodhen, në çdo cep të botës. Të shpërndarë, por të bashkuar rreth një Flamuri, Gjuhe dhe të një Gjaku!”, shkruan në përshkrimin e tyre.
Reperi i njohur kosovar, Capital T, vazhdon të jetë shumë i angazhuar në muzikë.
Përveç projekteve të reja, ai është aktiv edhe me paraqitje në koncerte të shumta, duke u munduar të jetë sa më pranë fansave të tij. Së fundmi, ai ka bërë të ditur se do të performojë në “Electric Brixton”, e cila është një prej sallave koncertale më me nam në Londër. Ky koncert, siç ka bërë të ditur reperi, do të mbahet më 28 nëntor dhe në të do të performojnë edhe disa artistë të tjerë.
Taleb Kweli (Mos Def), Professor Green, Marco Carola, e Labyrinth – janë vetëm disa nga emrat që do t’i bashkëngjiten këtij koncerti.
Pjesë e mbrëmjes muzikore do të jetë edhe artistja e re Enisa, e cila është një emër i suksesshëm shqiptar në Shtetet e Bashkuara të Amerikës. Nisa është një këngëtare e re, e cila i ka kënduar këngët e saj kryesisht ‘cover’, teksa e njëjta ka gjetur përkrahje të platformat e njohura muzikore si iHeartRadio. /Telegrafi/ KultPlus.com
Capital T, ka publikuar sot këngën e re ‘Gucci’, shkruan KultPlus.
Kjo këngë vjen pak ditë pas publikimit të bashkëpunimit me Lyrical Sonin dhe Vig Poppan. ‘Gucci’ është lansuar në rrjetet sociale dhe në platformën muzikore Soundcloud./ KultPlus.com
Këngët e suksesshme, koncertet e shumta dhe gjithë dashuria që ka marrë, sidomos kohëve të fundit nga fansa e tij të cilët gjithmonë janë në rritje, kanë bërë që këngëtari Capital T të synojë më larg, shkruan KultPlus.
Përmes një postimi në Instagram, Capital T ka njoftuar që shumë shpejt do të nisë një turne botëror të koncerteve, por duke mos dhënë më shumë detaje. Ai ka shkruar që një gjë e tillë po vjen dhe së shumë shpejt do të njoftojë për detaje të tjera. Gjithashtu, këngëtari ka pyetur fansat se në cilat vende të botës dëshirojnë ta shohin.
Se çfarë përmasa do të marrë ky turne i koncerteve të Capital T dhe sa i suksesshëm do të jetë, kjo mbetet të shihet. / KultPlus.com
