Me datë 22 gusht, Dua Lipa festoi ditëlindjen dhe mbushi 25 vjet.
Urimet që pranoi ishin të panumërta nga fansat, ndjekësit, kolegët e saj të industrisë e të famshëm të tjerë.
Edhe blogerja e famshme italiane Chiara Ferragni, i dedikoi një postim në llogarinë e saj në Instagram. Dyshja gëzojnë një miqësi shumë të afërt, sa që Ferragni i kujdes të nderonte edhe rrënjët e saj shqiptare.
Në gjuhën shqipe ajo ndër të tjerash i shkruan, “U bëfsh 100 vjeçe zemër”.
Ndjekësit shqiptarë të blogeres italiane duartrokitën për urimin që i bëri ajo, por kishin edhe një pyetje – kush e ndihmoi atë të shkruante shqip?
Blogerja e ka zbuluar vetë se kush fshihet pas “shqipes së saj të rrjedhshme”… Është mikesha e saj shqiptare, e quajtur Linda, ajo që e ndihmoi të shkruante urimet. /Prive.al / KultPlus.com
Sigurisht se urimi i babit të saj, Dukagjin Lipa, nuk do të mungonte. Ai uroi Duan përmes një postimi në llogarinë e tij në rrjetin social Instagram.
Dukagjin Lipa shprehet se ndjehet i bekuar dhe me fat për Duan.
“25 vjet nga koha kur linde dhe unë jam i bekuar. Je rritur tani, por ti je akoma fëmija im i vogël. Unë jam aq mirënjohës që jam me ty në këtë udhëtim të mahnitshëm. Do më kesh gjithmonë duke u kujdesur për ty. Gëzuar ditëlindjen dashuria ime”, shkruan ai në mbishkrimin e fotografive të postuara. / KultPlus.com
Më 22 gusht të vitit 1995 do të lindte vajza shqiptare, e cila Kosovës do t’i mveshte një pasyqrë tjetër në të cilën bota do të mund të shihte se edhe nga ky vend i vogël, ekziston arti. Dua Lipa, një vazjë kosovare e cila tash e 5 vite karrierë ka rrëmbyer zemrat e miliona fansave në mbarë botën, shkruan KultPlus.
Kënga e parë e Duas ishte ‘New Love’, ndërkaq kënga me të cilën Dua i hapi shumë rrugë vetes ishte kënga ‘Be the one’.
Talenti i Duas nuk është i rastësishëm, pasiqë ajo është vajza e rokerit të njohur kosovar, Dukagjin Lipa, i cili poashtu edhe ai pas vetes la një mori këngësh që dëgjohen edhe sot e kësaj dite.
Dua ka kënduar qysh në vegjëli, ku në rrjete sociale nuk kanë qenë të rralla videot e publikuara ku shihet Dua duke kënduar nëpër evente të ndryshme shkollore, e potenciali i saj sigurisht se vërehet qysh atëherë.
Ndër të tjera, vlen të ceket se Dua ka fituar shumë çmime gjatë karrierës së saj, duke përfshirë dy çmime Grammy, tri çmime Brit dhe dy çmime MTV Europe Music. Ajo është nominuar edhe për tri çmime Billboard, një çmim American Music dhe katër çmime MTV Video Music. Ndërsa, sa i përket viti 2020, Dua veçse e ka rrëmbyer plotësisht këtë vit me sukseset e saj të njëpasnjëshme.
”Dua Lipa u lind në Westminster, Londër nga prindër shqiptarë nga Kosova të larguar nga Prishtina në vitin 1992. Në lidhje me emrin e saj, Lipa shtjelloi: “Tani jam krenare për të. Por kur isha e vogël, e gjitha që doja ishte të quhesha Hana, Sara, Ela… diçka normale. Sepse me emrin “Dua”, njerëzve duhet t’ua shpjegoj: Jam nga Kosova.” Babai i saj, Dukagjin Lipa është menaxher marketingu dhe vokalisti kryesor në një grup roku në Kosovë, Oda, ndërsa nëna e saj, Anesa Lipa (Rexha) punon në turizëm. Lipa ka edhe një motër më të re dhe një vëlla më të ri. Ajo, me gjysmë orari, ka ndjekur shkollën Sylvia Young Theatre School, një shkollë artistike teatrale, para se të zhvendosej me familjen e saj në Kosovë në vitin 2006, kur babai i saj gjeti një vend pune. Në Kosovë, ajo ndoqi shkollën “Mileniumi i Tretë” në Prishtinë dhe u bë fanse e artistëve hip hop, të cilët do të ndikonin në stilin e saj muzikor.
Në moshën 14-vjeçare, Lipa filloi të postojë në YouTube versionet e kënduara vetë, të këngëve të saj të preferuara nga artistë si: Pink, dhe Nelly Furtado. Pas një viti, ajo u rikthye në Londër me qëllimin që të bëhet këngëtare, jetoi me një shoqe dhe studioi në Parliament Hill School gjatë javës dhe në Silvya Young Theatre School të shtuneve. Për të fituar para për qëllimet e saj muzikore, Lipa pati profesione të ndryshme, si menaxhimi i restoranteve dhe klubeve të natës. Ajo punoi edhe si modele në katalogun online ASOS Marketplace kur ishte 16-vjeçe, me qëllimin e vetëm që të takonte njerëz që mund ta ndihmonin ta ndiqte karrierën e saj muzikore, por dha dorëheqje pasi një menaxher i tha të humbte peshë. Në vitin 2013, këngëtarja mori pjesë në një reklamë televizive për The X Factor”, është ky përshkrimi mbi fillimet e Dua Lipës, që i bëhet në mediet e huaja.
Ajo çfarë e bënë Duan tejet të dashur edhe për publikun shqipfolës, është fakti se ajo vazhdimisht shprehet krenare me rrënjët e saj, ka ndihmuar edhe në kauza të ndryshme që kishin të bënin me Kosovën, ku poashtu i ka sjellur vendit tonë edhe Festivalin më të madh të këtij vendi. / KultPlus.com
Dua Lipa ka arritur të thyej rekorde botërore me artin e saj, e sidomos këtë vit të cilin e ka rrëmbyer qysh në fillim, shkruan KultPlus.
E gjithë kjo karrierë e saj e bujshme, ka filluar para pesë viteve, kur ajo për herë të parë u paraqit para publikut botëror me këngën ‘New Love’, duke sjellur një frymë të re në tregun ndërkombëtar që mban, një fryme që tashmë mban emrin e Duas.
Dua ka shpërndarë një foto në rrjete sociale, ku tregon se sot është pesë vjetori i publikimit të kësaj këngë, dhe falenderon të gjithë ata që i qëndruan pas gjatë kësaj kohe. / KultPlus.com
Më 14 gusht Dua Lipa publikoi remiksin e parë nga mikstape “Club Future Nostalgia” – një version të ri të “Levitating” nga The Blessed Madonna, një bashkëpunim ky me Missy Elliottin e Madonnan.
Dua Lipa deri tani nuk kishte dhënë shumë informacione rreth mikstapet të ri që është remiks, përveç se Mark Ronson e Gwen Stefani do të paraqiten në remiksin e këngës “Physical”, transmeton KultPlus.
Por, sot ylli nga Prishtina vendosi që të publikojë listën e plotë të mikstapet që do të lansohet më 28 gusht, në të cilën paraqitet bashkëpunimi i saj i vitit 2018 me Blackpink “Kiss and Make Up”.
Ajo shprehet shumë e entuziazmuar për këtë projekt.
“Muajt e fundit kanë sureal. Ju kam shikuar duke vallëzuar në shtëpitë e juaja dhe festat në Zoom me ‘Future Nostalgia’ sikur të ishit në klub me mua. Më solli aq shumë kënaqësi në ditët që kalova në shtëpi, përkundër që më shumë do të doja t’i luaja këto këngë live për ju. Gjatë kësaj kohe kam vendosur ta çoj festën në një shkallë me të pakrahasueshmen ‘The Blessed Madonna’, që në mënyrë sekrete më ndihmoi ta krijojë mikstapen që do të bëhej ‘Club Future Nostalgia’. Ftuam disa miq dhe legjenda që të na bashkoheshin neve në këtë argëtim”, ka thënë ajo.
Lista e “Club Future Nostalgia”:
1. “Future Nostalgia” – Joe Goddard Remix
2. “Cool” – Jayda G Remix
3. “Good In Bed” – Gen Hoshino Remix and Zach Witness Remix (Sample: Neneh Cherry – “Buffalo Stance” Sample: Art Of Noise – “Moments In Love”)
4. “Pretty Please” – Midland Refix
5. “Pretty Please” – Masters At Work Remix (Sample: Cajmere – “Coffee Pot” (Percolator mix))
6. “Boys Will Be Boys” – Zach Witness Remix (Sample: Lyn Collins – “Think (About It)”)
7. “Love Again” – Horse Meat Disco Remix
8. “Break My Heart / Jamiroquai Cosmic Girl” (Sample: Jamiroquai – “Cosmic Girl” (Dimitri From Paris Dubwize Remix))
9. “Levitating (feat. Madonna and Missy Elliott)” – The Blessed Madonna Remix.
10. “Hallucinate” – Mr Fingers deep stripped mix (Sample: Gwen Stefani – “Hollaback Girl”Sample: Barbara Mason – “Another Man”)
11. “Hallucinate” – Paul Woolford Extended Remix (Sample: Larry Heard Presents Mr. White – “The Sun Can’t Compare”)
12. “Love Is Religion” – The Blessed Madonna Remix
13. “Don’t Start Now” – Yaeji Remix (Sample: Gaz – “Sing Sing”Sample: Fingers Inc & Robert Owens – “Bring Down The Walls”)
Ish-presidenti i Shteteve të Bashkuara të Amerikës ka shpalosur listën e këngëve që ai dhe familja e tij po dëgjojnë më së shumti këtë verë. E në mesin e këtyre këngëve është edhe një këngë nga Dua Lipa.
Siç bën secilin vit, Barack Obama edhe për këtë verë ka zbuluar listën e këngëve që ai ka dëgjuar më së shumti gjatë sezonës.
Obama me anë të një postimi ka treguar se gjatë muajve të fundit, ai ka kaluar shumë kohë duke dëgjuar muzikë me familjen e tij dhe ka dashur të ndajë disa nga më të preferuarat nga vera, përcjell Gazeta Express.
E në mesin e shumë hiteve dhe këngëve kryesisht të artistëve me ngjyrë, ish-presidenti i SHBA-së ka përfshirë edhe një artiste shqiptare.
Bëhet fjalë për Dua Lipën dhe bashkëpunimin e saj me artistët latinë, J Blavin e Bad Bunny dhe këngën e tyre ‘Un Dia’.
Over the past few months, I’ve spent a lot of time listening to music with my family. I wanted to share some of my favorites from the summer—including songs from some of the artists at this week’s @DemConvention. Hope you enjoy it. pic.twitter.com/2ZFwdN46jR
Dua Lipa së fundmi ka pozuar për kopertinën e “W Magazine”. Në një intervistë për revistën e mirënjohur ajo ka folur rreth largimit nga vendlindja, Kosova, si dhe sfidat e emigrimit në rrugëtimin e familjes së saj në Mbretërinë e Bashkuar.
Këngëtarja e njohur shqiptare, Dua Lipa, është aktive në industrinë e muzikës. Gjatë periudhës së izolimit, ajo publikoi albumin e saj “Future Nostalgia”, i cili ka rezultuar tepër i suksesshëm.
Ndërsa këtë muaj, Dua ka pushtuar kopertinën e revistës së famshme, W Magazine.
Ajo ka dhënë një intervistë, në të cilën është rrëfyer për karrierën dhe jetën si emigrante.
“Ajo vjen nga një familje “shumë liberale” e muzikantësh (babai i saj ishte këngëtar i grupit ODA, një grup kosovar i muzikës ‘rock’) dhe akademikë (gjyshi i saj ishte një historian), dhe u rrit kryesisht në Londër, por gjuha e saj e parë është shqipja, dhe ajo është vajzë e refugjatëve”, ka shkruar revista e njohur për këngëtaren.
“Në vitin 1992, tre vjet para lindjes së saj, familja e saj u dëbua nga qyteti i lindjes së tyre, Prishtinë, nga forcat nën drejtimin e presidentit serb Slobodan Milosevic. Në kohën kur familja Lipa u rikthye në vendlindje në vitin 2006, kur Dua ishte 11 vjeçare, Kosova kishte duruar një luftë që rezultoi me mijëra vdekje civile, shpërngulje masive të popullsisë dhe krime lufte, për të cilat u akuzuan më vonë një numër zyrtarësh, përfshirë Millosheviçin në Gjykatën Ndërkombëtare të Drejtësisë në Hagë”, vazhdon më tej shkrimin W Magazine.
“Prindërit e mi gjithmonë ëndërronin të ktheheshin në Kosovë”, ka thënë Dua Lipa.
“Unë mendoj se një gjë që njerëzit nuk e kuptojnë, veçanërisht me situatën e refugjatëve për momentin, është se thjeshtë askush nuk largohet nga vendlindja, përveç nëse dëshiron të kujdeset për familjen e tyre ose janë në kohë krize”, ka thënë më tej këngëtarja.
Kjo nuk është hera e parë që Dua flet për origjinën e saj, në intervista të ndryshme ajo është shprehur se ndjehet krenare për rrënjët e saj. /Albinfo.ch / KultPlus.com
Këngëtarja e njohur shqiptare me famë ndërkombëtare, Dua Lipa, së fundmi ka pushtuar kopertinën e revistës së famshme, W Magazine.
Ajo ka dhënë një intervistë për këtë revistë, duke treguar detaje nga karriera dhe jeta e saj.
Mes shumë sukseseve që po shijon këtë vit, nisur nga albumi i saj “Future Nostalgia” që doli në shitje në mars, revista i ka kushtuar Duas edhe një shkrim mbi periudhën kur ajo ishte një refugjate në Mbretërinë e Bashkuar.
“Ajo vjen nga një familje “shumë liberale” e muzikantësh (babai i saj ishte këngëtar i grupit ODA, një grup kosovar i muzikës ‘rock’) dhe akademikë (gjyshi i saj ishte një historian), dhe u rrit kryesisht në Londër, por gjuha e saj e parë është shqipja, dhe ajo është vajzë e refugjatëve”, shkruan W Magazine për artisten shqiptare.
“Në vitin 1992, tre vjet para lindjes së saj, familja e saj u dëbua nga qyteti i lindjes së tyre, Prishtinë, nga forcat nën drejtimin e presidentit serb Slobodan Milosevic. Në kohën kur familja Lipa u rikthye në vendlindje në vitin 2006, kur Dua ishte 11 vjeçare, Kosova kishte duruar një luftë që rezultoi me mijëra vdekje civile, shpërngulje masive të popullësisë dhe krime lufte, për të cilat u akuzuan më vonë një numër zyrtarësh, përfshirë Millosheviqin në Gjykatën Ndërkombëtare të Drejtësisë në Hagë”, vazhdon më tej shkrimin W Magazine.
“Prindërit e mi gjithmonë ëndërronin të ktheheshin në Kosovë”, ka thënë Dua Lipa për revistën në fjalë.
“Unë mendoj se një gjë që njerëzit nuk e kuptojnë, veçanërisht me situatën e refugjatëve për momentin, është se thjeshtë askush nuk largohet nga vendlindja, përveç nëse dëshiron të kujdeset për familjen e tyre ose janë në kohë krize”, ka thënë më tej këngëtarja kosovare.
Deklaratat politike janë të rrezikshme për yjet e muzikës pop, dhe Lipa nuk bën përjashtim. Në Instagram, që është platforma e saj e preferuar e rrjeteve, ajo tregoi mbështetjen për Bernie Sanders në ShBA dhe Partinë e Punës në Mbretërinë e Bashkuar, përcjell Telegrafi.
“Është një shuplakë e tillë në fytyrë kur lexoj komentet nën postimet e mia”, thotë Dua. “Pavarësisht nëse bëhet fjalë për të drejtat e abortit ose për të drejtat e grave, komentet gjithmonë kanë tendencë të jenë e kundërta e plotë e asaj që thashë, dhe jam çuditur, si psh, Pse këta njerëz më ndjekin nëse nuk e dinë se për çfarë unë kërkoj? Të gjithë e meritojnë mendimin e tyre, por thjesht mendoj se detyra ime është të flas për gjërat që janë me të vërtetë të rëndësishme për një botë më të drejtë. Unë dua një hapësirë të sigurt për të gjithë fansat dhe dëgjuesit e mi dhe për njerëzit në mbarë botën. Ne thjesht duam të jemi më të hapur dhe jo të gjykueshëm, dhe kështu mund të shohim një të ardhme më të ndritshme. Unë vërtet besoj në këtë”, ka thënë Dua Lipa përgjatë intervistës për W Magazine. / KultPlus.com
Dua këto ditë po shijon sukseset e këngëve më të reja si dhe të albumit të saj ”Future Nostalgia”.
Sëfundi, ajo ka realizuar një fotosesion shumë të veçantë për “W Magazine”, duke u dukur tejet atraktive në secilën prej tyre.
Ajo i publikoi për fansat e saj në Instagram disa nga fotografitë e këtij seti, duke thënë se ishte diçka vërtetë e veçantë për të, pozimi për këtë revistë.
Nxehtë nga i mrekullueshmi, argëtuesi dhe fotografi legjendar Tim Walker për ‘W Magazine’”, shkroi Dua në mbishkrimin e fotografive. / KultPlus.com
Vlen të ceket se sot Dua publikoi këngën e shumëpritur në bashkëpunim me Madonnen dhe Missy Elliot, e cila edhe pse vetëm pak orë pas publikimit po rezulton të jetë shumë e suksesshme pasiqë ka marrur shumë komente pozitive nga fansat e këngëtareve. / KultPlus.com
Bashkëpunimi i shumëpritur i këngëtares shqiptare Dua Lipa me yllin botëror Madonna dhe Missy Elliott, tashmë është lansuar, shkruan KultPlus.
E titulluar “Levitating”, kënga të merr me vete qysh në dëgjimin e parë. Videoklipi gjithashtu është mjaft interesat ku Dua shfaqet me disa skena, madje edhe përkrah të dashurit të saj Anwar Hadid.
Ky bashkëpunim për Dua është një ëndërr e realizuar, siç është shprehu ajo kjo ende i duket e pabesueshme.
“Gjithmonë ka qenë një ëndërr e imja që të punoj me Madonna dhe Missy Elliott dhe të sjellim një këngë bashkë. Kjo më duket se pabesueshme,” ka thënë Lipa gjatë një paraqitjeje në ‘Ash London Live’.
Kënga, e cila sapo është lasuar është krijuar bashkë me DJ dhe producentin “The Blessed Madonna”. / KultPlus.com
Këngëtarja shqiptare Dua Lipa ka treguar mbrëmë se është e zonja edhe në fushat tjera e jo vetëm në muzikë.
E ftuar mbrëmë si udhëheqëse në njërin nga emisionet më të shikuara “Jimmy Kimmel Live”, ajo shkëlqeu me natyralitetin e saj.
Fillimisht ajo flet për tatuazhet e saj, e tutje për “Dua Lipa Challenge” në TikTok ku ka ndarë disa momente me fansat. Ajo emisionin e vazhdon duke u lidhur drejtpërdrejt me disa të moshuar.
Duke mos treguar se kush është, ajo i pyet të moshuarit nëse e njohin Dua Lipën dhe çka mendojnë për të.
Të moshuarit nuk e njohin, madje njëra prej grave që u lidh në bisedë me të, i tha se veshja e saj në një fotografi “ishte e tmerrshme”.
Krejt në fund të bisedës, Lipa ju tregon që në fakt ajo vet është Dua Lipa.
Reagimet e tyre, mund t’i ndiqni në videon e mëposhtme. / KultPlus.com
Këngëtarja shqiptare Dua Lipa pas suksesve të njëpasnjëshme në fushën e muzikës, do ta provoj veten edhe si udhëheqëse shou në njërin nga emisionet më të shikuara “Jimmy Kimmel Live”, ku do ta intervistojë këngëtaren e mirënjohur Gwen Stefani, shkruan KultPlus.
Vet Dua e ka dhënë lajmin përmes rrjeteve sociale ku ka shkruar: “Unë jam mikëpritësja e Jimmy Kimmelit sonte! Duke e intervistuar mbretëreshën time, Gwen Stefani. Më uroni fat!”
Kujtojmë që Dua së fundmi ka arritur një sukses të madh duke bashkëpunuar me Madonën, yllin e muzikës pop. /KultPlus.com
Këngëtarja shqiptare, Dua Lipa, shpreh entuziazëm për bashkëpunimin me këngëtaret botërore Madonnën dhe Missy Elliot.
Lipa ka konfirmuar kohët e fundit se do të nxjerrë projektin e ri me dy këngëtaret, ndërsa thotë se bashkëpunimi me to i duket i pabesueshëm.
“Gjithmonë ka qenë një ëndërr e imja që të punoj me Madonna dhe Missy Elliott dhe që të jemi në gjendje të bëjmë një këngë. Duke e ditur se kënga do të dalë së shpejti, prapë kjo më duket se pabesueshme,” ka thënë Lipa gjatë një paraqitjeje në ‘Ash London Live’.
Kënga, e cila do të dalë në treg më 14 gusht, është krijuar bashkë me DJ dhe producentin “The Blessed Madonna”. / KultPlus.com
Rita Ora e Dua Lipa, dy këngëtaret kosovare, sukseset e të cilave po lënë vulë të madhe në historinë e muzikës ndërkombëtare dhe jovetëm. Ato të dyja janë shprehur gjithmonë krenare për prejardhjen e tyre, kanë përkrahur gjithmonë vendin e tyre duke e përmendur shpesh në intervista dhe duke iu bashkangjitur nismave të ndryshme për Kosovën, shkruan KultPlus.
Ky vit, ka qenë një vit ku të dy këngëtaret kanë qenë mjaft aktive, Dua në skenën muzikore kurse Rita në nisma të ndryshme humanitare.
Dua Lipa sëfundi u listua ndër dhjetë këngëtaret më të klikuara në platformën muzikore Spotify, ndërkaq pak javë më parë ajo u nominua për çmimin “Mercury Prize” të vitit 2020, që është pa dyshim çmimi më prestigjioz në muzikën pop britanike.
Këtë vit Dua publikoi edhe albumin e saj ‘Future Nostalgia’, album ky i cili i solli asaj suksese të jashtëzakonshme, duke u bërë albumi më i shitur në botë nga një artiste femër, në vetëm 4 muaj pas lansimit.
Ndërkaq, Rita Ora, në anën tjetër, këtë vit ka qenë më shumë e angazhuar në nisma humanitare, mirëpo ka premtuar edhe lansimin e këngëve të reja.
Sëfundi, Ora, u bë protagoniste kryesore në njërin ndër koncertet që konsiderohen si mbështetja më të mëdha në historinë e Mbretërisë së Bashkuar, të organizuar nga Unicef. Këngëtarja ndër të tjera është edhe ambasadorja e Unicefit për Mbretërinë e Bashkuar, ku si synim ka pasur mbledhjen e fondeve për mbrojtjen e fëmijëve nga Covid19.
Rita poashtu këtë vit ka mbështetur edhe nisma të ndryshme për gratë, duke mos hezituar së publikuari këtë mbështetje në rrjete sociale, ndërsa në intervista të ndryshme ka potencuar se gjatë jetës së saj është frymëzuar vazhdimisht nga gratë.
Gjatë kohës së pandemisë Rita Ora ka qenë edhe pjesë e ‘One World: Together at home’, performanca e së cilës që ka pasur për qëllim përkrahjen e punonjësëve të shëndetësisë në gjithë botën kundër luftës me Covid19.
Rita dhe Dua për një periudhë shumë të shkurtë kanë arritur të bëhen shumë të dashura për publikun ndërkombëtar edhe për atë shqiptar.
Kjo ishte vetëm një përmbledhje e shkurtë e disa prej sukseseve të Ritës e Duas, pasiqë ato me veprimtarinë e tyre këtë vit e sigurisht se edhe vitet tjera, u treguan tejet të suksesshme. / KultPlus.com
Ngjarja tragjike që ndodhi mbrëmë në Bejrut të Libanit, ka tronditur gjithë botën, indiferente nga kjo ngjarje nuk ka mbetur as këngëtarja shqiptare Dua Lipa, shkruan KultPlus.
Në rrjetin e saj social Instagram, Dua Lipa ka ndarë disa imazhe nga ky shpërthim teksa shprehet e tmerruar dhe zemërthyer nga kjo ngjarje.
Gjithashtu ajo shprehet e revoltuar me Presidentin e Shteteve të Bashkuara të Amerikës, Donald Trump.
Ajo ka ndarë edhe disa nga deklarata më qesharake dhe jo-serioze të presidentit.
Lipa ka bërë të ditur që nuk dëshiron që Trump të jetë më në krye të Amerikës dhe një gjë të tillë e ka kërkuar edhe nga fansat e saj.
“Ky njeri është një shaka, por çfarë ka të re? Votojeni atë të largohet”, shkruan Lipa. / KultPlus.com
Artistet shqiptare me famë botërore kanë arritur që shpesh herë të thyejnë rekorde muzikore, duke lënë nën hije edhe shumë emra të njohur në muzikën ndërkombëtare, shkruan KultPlus.
Spotify së fundmi ka publikuar listën e dhjetë këngëtareve më të klikuara në këtë platformë, ku në mesin e tyre janë edhe dy këngëtaret shqiptare, Dua Lipa dhe Ava Max.
Dua Lipa ka zënë vendin e tretë pas Taylor Swift dhe Billie Ellish, me gjithsej 14 milionë “Sreams”, ku ka lënë pas shumë emra të njohur të muzikës sikur Beyonce, Lady Gaga dhe Rihanna. Ndërkaq lista mbyllet nga Ava Max me më shumë se gjashtë milionë ‘Streams’. / KultPlus.com
Pop ylli botëror, Dua Lipa, është duke thyer rekorde me albumin e saj më të ri, Future Nostalgia, i cili ka marrë kritikat më pozitive nga të gjitha anët.
Dhe pikërisht për ta bërë promovimin global të albumit të ri, menaxhmenti i Duës ka ftuar kompani të ndryshme të bëjnë propozime kreative për krijimin e webfaqes së re për albumin e këngëtares.
Mirëpo fakti interesant në këtë proces është se uebfaqja e re https://dualipa.com është zgjedhur për t’u bërë në Prishtinë, nga ekipi i agjencisë së marketingut Republika Communications, e cila edhe pse është agjenci e themeluar nga Dukagjin Lipa, ishte propozimi fitues në mesin e propozimeve të shumta që janë bërë nga kompanitë e ndryshme nga Britania dhe SHBA-të.
Momentalisht, Dua Lipa është artistja më e dëgjuar femër në botë në Spotify. Pak ditë më parë Dua ka thyer një tjetër rekord duke u bërë artistja e parë femër me 4 këngë me mbi 1 miliard dëgjime në Spotify. / KultPlus.com
Alkent Pozhegu ka marrë tri certifikata nga libri i rekordeve Guinness, për artin e veçantë që bën.
Ai ka realizuar mozaikë për disa prej personaliteteve më të njohur, përfshirë edhe artisten shqiptare me famë botërore, Dua Lipa.
Mozaiku që Alkenti e bëri në Gjakovë për Dua Lipën, ka marrë jehonë edhe tek mediet ndërkombëtare.
Prestigjiozja “The Guardian” ka zgjedhur foton e tij si më të mirën, në artikullin ku përmbledh fotografitë më të mira të ditës së enjte.
“Artisti Alkent Pozhegu punon në prekjet e fundit të një mozaiku të bërë me kokrra dhe fara që përshkruan Dua Lipën, një pop-yll britanik me prejardhje kosovare. Fotografia: Armend Nimani / AFP / Getty Images”, është përshkrimi që iu bë mozaikut të punuar nga Pozhegu. / KultPlus.com
Dua Lipa e shënon suksesin e radhës. Këngëtarja me prejardhje kosovare me albumin e saj dytë muzikor, “Future Nostalgia”, ka arritur ta kap shifrën e 2 miliardë shkarkimeve online në platformën Spotify.
Kështu ajo u bë këngëtarja me albumin më të shkarkuar për vitin 2020, dhe me të drejtë e ka fituar nofkën “princesha e muzikës pop”. /KultPlus.com
Kosova është një shtet i pavarur, por nuk ekziston një kombësi “kosovare”. Kjo është një nga gjërat që të bën përshtypje thuajse në çdo rast, që kontaktojmë me vëllezërit tanë nga Kosova.
Por Dukagjin Lipa duket i mbushur me mllef me ata që thonë se janë “kosovarë”.
Ndërsa ishte i ftuar në “A Show” në SYRI TV, nuk ka nguruar të thotë me këmbëngulje se nuk është kosovar, por është shqiptar.
“Unë jam shqiptar, unë nuk jam kosovar, unë jam shqiptar nga Kosova. Dua Lipa është shqiptare që ka lindur në Britani”, u shpreh Dukagjin Lipa në lidhje me këtë çështje.
Këngëtarja shqiptare Dua Lipa po vazhdon me suksese. Së shpejti ajo ka paralajmëruar lansimin e një kënge bashkë me Madonën dhe rep këngëtaren e njohur, Missy Eliottin, shkruan KultPlus.
Ky padyshim do të jetë një sukses i madh nga ajo. Në Facebook ajo ka shkruar se ëndrra po i bëhet realitet, bashkëpunimi me këngëtaret që i kishte idolë.
14 gushti do të jetë data e lansimit të këtij projekti.
Së fundmi Dua doli në përkrahje të Kosovës pas largimit teksa nuk ngurroi të tregojë me krenari prejardhjen e saj para botës. /KultPlus.com
Dua Lipa, këngëtarja shqiptare me famë botërore që gjatë muajit mars të këtij viti ka lansuar albumin “Future Nostalgia”, ka thënë se është përballur me frikën e publikimit të këtij albumi pasi që pandemia coronavirus tashmë kishte filluar të kaplonte botën, shkruan Daily Mail, transmeton KultPlus.
Në një intervistë për “The Sunday Project”, 24 vjeçarja kishte treguar se ndihet e shqetësuar për suksesin e albumit.
“Isha shumë e frikësuar të publikojë këngët gjatë asaj kohe, të bëhem e sinqertë. Ka qenë mirë sepse krijova marrëdhënie të veçantë me fansat dhe dëgjuesit e ndryshëm”, është shprehur ajo përgjatë shfaqjes.
Dua Lipa gjithashtu ka shtuar se të njëjtën ndjenjë e ka pasur edhe për transmetimin e drejtpërdrejt të këngëve, të cilat i është dashur t’i bënte me patjetër.
Përballja me këtë frikë e dërgoi këngëtaren në atë që ajo e ka quajtur, ‘një lidhje edhe më personale’ me muzikën dhe me fansat e saj.
Albumi i këngëtares shqiptare, “Future Nostalgia” ka arritur që të bëhet albumi i vitit për 2020, në ‘Hyundai Mercury Prize’, ku fituesi do të shpallet gjatë muajit shtator. / KultPlus.com
Si duket vitin 2020 akoma pa mbaruar, e ka rrëmbyer fuqishëm këngëtarja shqiptare Dua Lipa, sukseset e së cilës nuk kanë të ndalur, shkruan KultPlus.
Lipa së fundi u bë edhe shqiptarja e parë e nominuar për çmimin prestigjioz ‘Mercury Prize’, që konsiderohet si çmimi më i rëndësishëm në muzikën pop britanike.
Ndërkaq, sot është bërë e ditur nga vetë këngëtarja, se kënga e saj ”Break my heart’ është vendosur e para në Us Top 40 Radio, që konsiderohet edhe si toplista më e rëndësishme në Amerikë.
Më poshtë keni linkun e këngës në fjalë, të cilën mund ta dëgjoni./ KultPlus.com
