Mbrëmë në Festivalin “Sunny Hill” performuan shumë të famshëm, ndër ta edhe Action Bronson.
Por as mbrëmë nuk mungoi e famshmja kosovare Dua Lipa, e cila natën e parë të festivalit bëri spektakël të paharruar. Mbrëmë Lipa ka qëndruar në një skenë ku është parë me flamurin kombëtar.
Ajo ka qëndruar në zonën VIP dhe ka përcjellë performancën e yjeve tjera shqiptare.
Festivali “Sunny Hill” vazhdon edhe sonte, ku ndër yjet e njohur që do të performoj është Martin Garrix.
Festivali “Sunny Hill”, është mbajtur edhe më 11 gusht, ku kjo natë i është kushtuar muzikës hip-hop. Emra të njohur të estradës kanë perfomruar në skenën e festivalit, për sigurinë e këtij festivali përkujdesen edhe Policia e Kosovës.
Në krahë të tyre është parë duke pozuar, ylli me famë botërore, Dua Lipa duke bërë shqiponjën. Këtë moment e kanë bërë publike vetë faqja e festivalit ku edhe kanë lënë një shkrim mbi foto: Heronjët tanë.
Këngëtarja kosovare Dua Lipa e cila në këto momente është duke mbajtë koncertin e saj në kuadër të Sunny Hill Festival, po shprehet tejet falënderuese për fansat e Kosovës, shkruan KultPlus.
Përgjatë përformancës ajo i është drejtuar publikut të shumtë në Gërmi, duke iu thënë se pikërisht fansat e Kosovës e kanë shtyrë atë drejt suksesit në botë. “Kjo është punë e juaj dhe bashkë e kemi arritë këtë. Faleminderit të gjithëve”, ka thënë Dua Lipa.
Ajo më pas ka thënë edhe këtë:
Prishtinë ju dua shumë, nuk po më besohet që kjo është e vërteë, ka thënë ajo duke ftuar krejt audiencën që të jetë në kërcim të ritmit. /KultPlus.com
Skena e Sunny Hill Festival pasi ka pritur një e nga një artistët e ftuar për të performuar në natën e parë të këtij festivali, në fund mirëpriti yllin e mbrëmjes, Dua Lipën, shkruan KultPlus.
Dalja e saj në skenë u prit me duartrokitje e brohoritma të shumta.
Deri më tani gjithçka ka shkuar në rregull, dhe festivali po konsiderohet tipik ndërkombëtarë. / KultPlus.com
Në skenën e ngritur në parkun “Gërmia” deri më tani janë prezantuar një numër i madh artistësh vendor por edhe të huaj.
Grupi Asgjë sikur Dielli janë ngjitur në skenë, duke performuar para publikut disa nga hitet e tyre, për të vazhduar pastaj me: Sytë, MTNJ, Kachinari, Genc Salihu, Gipsy Groove, Offchestra, Dren Abazi & Zig Zag Orchestra, Oda, Jericho dhe Grace Carter dhe Stanaj.
Ky i fundit këndoi për herë të parë para publikut prishtinas.
Dhe e fundit, ajo që të gjithë po e presin, artistja e madhe Dua Lipa, do të dalë në skenë rreth orës 12 pas mesnate.
Lipa do të këndojë dhe performojë para fansave hitet e saj më të fundit, ndërsa shquhet si ylli i mbrëmjes së sotme./ KultPlus.com
Ka nisur zyrtarisht nata e parë e festivalit “Sunny Hill 2018”.
Dyert e festivalit u hapën gjatë ditës në orën 14:00, ku qytetarë të shumtë kanë pasur mundësinë të shijojnë kampingun dhe hapësirat tjera kreative.
Skena e festivalit “Sunny Hill” është gati për të gjithë artistët që do të performojnë në të.
https://www.instagram.com/p/BmTmwJEBo0k/?taken-by=sunnyhillfestival
Në skenën e ngritur në parkun “Gërmia” ka filluar edhe prezantimi i artistëve.
Grupi Asgjë sikur Dielli janë ngjitur në skenë, duke performuar para publikut disa nga hitet e tyre.
Në vazhdim do të vijojë edhe paraqitje e artistëve të tjerë si: Sytë, MTNJ, Kachinari, Genc Salihu, Gipsy Groove, Offchestra, Dren Abazi & Zig Zag Orchestra, Oda, Jericho dhe Grace Carter.
Me përfundimin e këtyre performancave, vend do të zërë edhe artisti shqiptar shumë i suksesshëm në Amerikë, Albert Stanaj, i cili do të këndojë për herë të parë para publikut prishtinas.
Dhe e fundit, ajo që të gjithë presin – artistja e madhe Dua Lipa, do të dalë në skenë rreth orës 12 pas mesnate.
Lipa do të këndojë dhe performojë para fansave hitet e saj më të fundit, ndërsa shquhet si ylli i mbrëmjes së sotme./KultPlus.com
https://www.instagram.com/p/BmORPcuB8rH/?taken-by=sunnyhillfestival
Rita Ora, Dua Lipa dhe Bebe Rexha janë tri këngëtaret tona që do të marrin pjesë në mbrëmjen e madhe të ndarjes se çmimeve të MTV Video Music Awards në New York.
Mbrëmja mbahet me 20 gusht dhe tri emrat e mirënjohur presin të marrin çmime në këtë edicion të 35-të me radhë.
Dua është nominuar në kategorinë “Dance Video” me këngën One Kiss, ndërsa me me hitin IDGAF në kategorinë e ”Koreografisë”. Po ashtu ehde hiti tjetër i saj New Rules është nominuar në kategorinë e këngës më të mirë.
Rita është e nominuar në kategorinë “Dance Video” me këngën Lonely Together, dhe me po të njëjtin hit edhe për “Visual Effects”.
Teksa këngëtarja nga Shqipëria, Bebe Rexha, është e nominuar në kategorinë e “Bashkëpunimit më të mirë” me këngën “Meant to Be”, transmeton Klan Kosova./KultPlus.com
Këngëtarja shqiptare nga Prishtina Dua Lipa do të mbajë një koncert më 14 gusht në Antalia të Turqisë, një koncert i cili po pritet me shumë interes në këtë vend pasi është i pari që këngëtarja mban në Turqi.
Ajo që bie në sy sipas gazetës turke “Vaziyet” janë kërkesat e artistes shqiptare me famë botërore ku bien në sy ato për higjienën. Edhe pse do të jetë në një prej hoteleve më luksoze të Belekut, 23-vjeçarja ka kërkuar 50 peshqirë duarsh dhe 50 peshqirë dushi si dhe rimodelim të plotë të të gjithë dhomës, raporton “BalkanWeb”.
Një tjetër kërkesë është mjalti Manuka i freskët, vendosja e pasqyrave në të gjitha dhomat, lulet e freskëta dhe uji me arrë kokosi të cilën ajo e përdor në çdo moment të ditës. Po kështu ka kërkuar biskota të bëra me dorë, çokollatë të hidhur, mish dhe dhallë para koncertit .
Koncerti do të jetë një dhurate për fansat turq të këngëtares shqiptare të cilët në fund do të marrin edhe nga një filxhan me fotografinë e saj./KultPlus.com
Dua Lipa, emri më i madh në muzikën aktuale në Angli, ka ardhur në Kosovë për koncertin e saj në kuadër të Sunny Hill Festival.
Ajo është duke i shijuar këto ditë në Kosovë, ku mbrëmë kishte organizuar edhe një ndejë private me miq dhe familjarë.
Gjatë kësaj ndeje ajo ka kënduar e vallëzuar më këngë të ndryshme shqiptarë, përfshirë atë “Kuq e Zi” nga Elvana Gjata e Flori Mumajesi, me këngë nga Era Istrefi, Greta Koci e Bim Bimma.
Ky i fundit me të parë këtë video, e ka shpërndarë në facebook, i lumtur që artistja e famshme shqiptare ka kënduar këngën e tij bashkë me shoqet e saj.
“Tell em @dualipa Bless u! Keep shining “, ka shkruar Bim Bimma në facebook. / KultPlus.com
Dua Lipa e cila ka dy ditë që ka ardhur në Prishtinë, po vazhdon me aktivitetet e saj, për të në sjellë në mbrëmje një performancë që do të mbahet mend, shkruan KultPlus.
Dua Lipa sonte do të performojë në Festivalin Ndërkombëtar “Sunny Hill”, i cili është themeluar nga babai i këngëtares, Dukagjin Lipa. Dukagjin e Dua Lipa sot janë mirëpritur edhe nga i pari i komunës së Prishtinës, Shpend Ahmeti, i cili i ka dhuruar këngëtares së njohur “Çelësin e qytetit”.
Dua sapo ka shpërndarë disa fotografi nga ky moment ku poshtë tyre ajo shkruan që është e nderuar që i pari i Komunës Shpend Ahmeti i ka dhuruar “Çelësin e qytetit” dhe se ndihet krenare që mund të kontribuoj për ardhmërinë e rinisë, kulturës e arteve në Kosovë./ KultPlus.com
Ylli botëror, Dua Lipa ka dy ditë që po qëndron në Prishtinë, ndërsa publikun këtu e ndajnë edhe pak orë nga performanca e saj, shkruan KultPlus.
Dua Lipa është figura kyçe e Festivalit Ndërkombëtar “Sunny Hill”, i cili është themeluar nga babai i këngëtares, Dukagjin Lipa. Dukagjin e Dua Lipa sot janë mirëpritur edhe nga i pari i komunës së Prishtinës, Shpend Ahmeti, i cili i ka dhuruar këngëtares së njohur “Çelësin e qytetit”.
Ahmeti sapo ka postuar edhe një fotografi me Dua Lipën, ndërsa kanë krijuar simbolin e shqiponjës.
“Gati për sonte”, shkruhet në postimin e Ahmetit.
Kjo është hera e dytë që Dua Lipa performon para publikut prishtinas./ KultPlus.com
Na ndan vetëm një ditë nga festivali i madh “Sunny Hill”, i cili organizohet në Prishtinë.
Artistë të shumtë do të perfomrojnë për tre netë me radhë në datat 10, 11 dhe 12 gusht 2018.
Yjet ndërkombëtarë si të ftuar specialë këtë vit për këtë event janë: Dua Lipa,
Action Bronson dhe Martin Garrix.
Punimet për skenën e festivalit janë thuajse drejt fundit, dhe gjithçka pritet të jetë gati për natën e parë të festivalit.
Në rrjetet sociale, festivali ka publikuar fotografi të skenës gjigante, e cila është ngritur në parkun “Gërmia”, në Prishtinë.
https://www.instagram.com/p/BmQ6kEVBQKe/?taken-by=sunnyhillfestival
Sot ishte mundësia e fundit për gjithë adhuruesit që dëshironin të blinin biletat, pasi 2000 të fundit kanë qenë të disponueshme deri më sot.
Ky festival është cilësuar nga organizatori i tij, Dukagjin Lipa, si një ndër festivalet më të mëdha në Evropën Juglindore. /KultPlus.com
https://www.instagram.com/p/BmQPkgWBmPz/?taken-by=sunnyhillfestival
Dua Lipa po vazhdon qëndrimin e saj në kryeqytetin e Kosovës, në Prishtinë, shkuran KultPlus.
Ajo mbrëmë është paraqitur në një konferencë për media, para koncertit të saj para publikut prishtinas në kuadër te festivalit “Sunny Hill”, që fillon nesër e vazhdon deri te dielën.
Dua Lipa sot është shfaqur e veshur nga kreatorja kosovare, Krenare Rugova ndërsa duket se po ndihet mjaft elegante në fustanin ngjyrë të zezë.
“E punuar me dashuri nga Prishtina. Faleminderit Krenare Rugova”, ka shkruar Dua Lipa në postimin e saj në “Instagram”.
Kjo është hera e dytë që Dua Lipa vjen në Prishtinë për të performuar para publikut të Prishtinës./ KultPlus.com
Fondacioni Sunny Hill mbrëmë ka ndarë 100 mijë euro për organizata dhe festivale të ndryshme në Kosovë dhe të gjithë ata që kanë përkrahur fondacinin dhe festivalin “Sunny Hill”, shkruan KultPlus.
Shtatë organizata që punojnë me persona me aftësi të veçanta – përfshirë këtu Doën Syndrome Kosova, Hendikos, Atomi dhe Shoqata e Autizmit, janë në mesin e organizatave që kanë përfituar nga Fondacioni Sunny Hill, i formuar pas koncertit të para dy vitesh të këngëtares Dua Lipa.
Dua Lipa e cila bëri ndarjen e këtyre fonde, sot ka postuar fotografi nga konferenca e mbrëmshme me media ndërsa ka falënderuar të gjithë ata që kanë përkrahur Fondacionin dhe festivalin “Sunny Hill”.
“Faleminderit të gjithëve për perkrahjen e Sunny Hill Foundation dhe Sunny Hill Festivalit. Sunny Hill Foundation ka shpernda €100,000 për bamiresi, evente kulturore dhe shkolla të Muzikës në Kosovë. Ju falemnderojmë përzemersisht për ndihmën e juaj dhe urojmë një jete te gjate se bashku për përparimin e artit, kultures dhe rinise te Kosovë”, ka shkruar Dua Lipa në postimin e saj në instagram.
Fonde kanë marrë edhe DamFest, ChopinFest, Teatri Dodona e Siparantum Choir ndërsa këtu përshihen edhe pesë shkolla të muzikës në qytete të ndryshme të Kosovës.
Qëllimi i Fondacionit Sunny Hill është dhurimi i parave për ndihmë në artin dhe kulturën dhe mirëqenien në Kosovë./ KultPlus.com
Burime të emisionit Express Summer në KTV kanë bërë të ditur se këngëtarja e famshme Dua Lipa do të vijë në Kosovë për koncertin e saj me aeroplan privat.
Sipas burimeve, zëvendëskryeministri Behgjet Pacolli sërish ka ofruar aeroplanin e tij privat që të sjellë Duan në Kosovë dhe gjithë ekipin e saj që këtë herë vijnë në numër të madh.
Këngëtarja pritet të mbërrijë në aeroportin e Prishtinës “Adem Jashari” sot rreth orës 16:00./KultPlus.com 
Dua Lipa tashmë është nisur për Prishtinë, e cila do të jetë e pranishme në kuadër të Sunny Hill Festival dhe atij fondacion, shkruan KultPlus.
Dua Lipa tashmë ka njoftuar se është rrugës për Prishtinë, duke shkruar se ajo mezi që po pret të jetë pjesë e këtij festivali./KultPlus.com
Dua Lipa, ylli i muzikës ndërkombëtare talentin për muzikë e ka shfaqë qysh e vogël, shkruan KultPlus.
Ajo shihet si e vogël duke kënduar në Sallën e Kuqe, e cila bashkë me një vajzë tjetër këndon një këngë që i dedikohet mësueses.
Për më shumë mund ta shihyni videon./KultPlus.com
Këngëtarja kosovare e cila do të prezantohet me një koncert të madh në kuadër të Sunny Hill Festival, sot do të jetë në Kosovë, shkruan KultPlus.
Këngëtarja Dua Lipa e cila po konsiderohet si një ndër këngëtaret më të suksesshme në Angli e më gjerë, përpos koncertit të saj, do të shpërndajë edhe mjetet e siguruara nga Fonadacioni i saj, mjete këto që do të dedikohen kryesisht për fëmiëjt.
Kurse rreth këtyre zhvillimeve, Dua Lipa do ti bëj të ditura të gjitha aktivitetet nëpërmjet një konference për medie, që do të mbahet në mbrëmje./KultPlus.com
DJ i mirënjohur holandez Martin Garrix shumë shpejt do të udhëtojë për në Kosovë, kjo pasi ai do të performojë në festivalin Sunny Hill në Prishtinë, shkruan KultPlus.
Para ardhjes në Prishtinë, Garrix përmes një video shpreh emocionet e tij për performancën në Kosovë.
“Jam shumë i emocionuar që më në fund do ta vizitojë Prishtinën dhe mezi pres të ju shoh në Sunny Hill Festival”, shprehet Garrix në videon e postuar nga faqja zyrtare e Sunny Hill Festival.
Ylli i hitit “Animals” do të jetë njëri nga performuesit në festivalin e organizuar nga Dua Lipa “Sunny Hill Festival”, që do të mbahet më 10. 11 dhe 12 gusht.
Përveç Martin Garrixit në Prishtinë më 10, 11, dhe 12 gusht do të perfomojnë yjet e muzikës Action Bronson, Stanaj, Grace Carter, SG Lewis, Col3 Trane, Dafina Zeqiri e shumë artistë të tjerë vendorë. / KultPlus.com
Sunny Hill, festivali ndërkombëtar i muzikës që mbahet në Parkun e Gërmisë më 10, 11 dhe 12 gusht, do të mbledh shumë yje botërore e vendore.
Dukagjin Lipa, organizatori i këtij festivali për emisionin “Prite të Gjelbrën” ka dhënë më shumë detaje rreth këtij festivali.
Sipas tij, që nga dita e sotme fillon ardhja e mysafirëve ndër të cilët Action Bronson, reperi i njohur i cili arrin sot në Prishtinë, për t’iu bashkuar emrave të mëdhenj të muzikës, ku do të mbajë konferencë për media.
Lipa ka thënë se më 10 gusht, nga ora 12:30 fillojnë aktivitetet e shumta, të cilat ndahen në disa arena, fillimisht në pishinë, food court dhe sunny chill. Sipas tij fillojnë me performanca akustike dhe bende vendore, pjesa e heronjve lokalë përfundon me Jerichon dhe Oda, për të vazhduar pastaj me Grace Carter dhe Stanaj, dhe në fund me Dua Lipën që fillon nga ora 00:30.
Aktivitetet e natës së dytë, fillojnë me hiphop artistat në mainstage: si Ledri Vula, Dafina Zeqiri, Gjiko, Lyrical Son, Lumi B, Buta, pastaj Gashi dhe Col3trane. Nata e tretë do të ketë muzikë elektronike, ku do të performojnë Dj vendor dhe ndërkombëtar si: Bondax, SG Leëis.
Aktivitetet e natës së tretë përfundojnë me Martin Garrix, Dj e njohur ndërkombëtar i cili do të performojë 90 minuta vetëm në Prishtinë, gjë që sipas Lipës nuk ka ndodhur më herët në festivale tjera.
Dukagjin Lipa ka thënë se nuk ka financa prej shtetit dhe se përmes këtij festivali po promovohet shteti dhe rinia e Kosovës.
“Po mendoj qe jemi duke ia arritur qëllimit, për me mujt me e paraqit Kosovën dhe të gjithë ne që jetojmë këtu. Si popull që nuk jemi të interesuar për konflikte, si popull paqedashës, si popull që jemi të interesuar me ec përpara”, ka thënë Lipa.
Ai tregoi se kanë mbet edhe rreth 3 mijë deri 4 mijë bileta për shitje. Biletat për Sunny Hill Festival mund të blihen online, nga e gjithë bota në www.sunnyhillfestival.com, në Shqipëri në gjitha pikat e Easy Pay, në rrjetin e shitjes Ria / Vllesa Co në gjithë Kosovën, si dhe në pikat fizike të shitjes të festivalit sikurse ajo në sheshin Zahir Pajaziti, në Albi Mall dhe shumë vende tjera publike.
Çmimet e biletave për tre ditë të festivalit fillojnë prej 40 euro, ose me mesataren ditore prej 13.3 eurove. Festivali ka karakter humanitar, sepse 25 për qind e të hyrave neto që mbesin nga festivali do t’i dhurohen organizatave kosovare që kujdesen për zhvillimin e fëmijëve kosovarë, posaçërisht atyre me nevoja të veçanta./ KultPlus.com
The Guardian gjatë ditës së sotme i ka kushtuar një shkrim të veçantë festivalit “Sunny Hill” që do të mbahet në fund të javës së ardhshme në Prishtinë, shkruan KultPlus.
Duke theksuar se ky festival organizohet nga babai i Dua Lipës, Dukagjin Lipa, prestigjiozja britanike në këtë shkrim nuk ka anashkaluar as situatën politike në të cilën ndodhet Kosova dhe rëndësinë që ka ky festival për shqiptarët.
Në mesin e disa komenteve, ka të tillë që kanë reaguar se më mirë do të ishte sikur ky festival të gjente mbështetje nga shteti, ku lidhur me këtë ka reaguar edhe Ministri i Ekonomisë, Valdrin Lluka duke thënë se rasti i Dua Lipës dëshmon se ajo është më e fuqishme se shteti, veçmas kur flitet për promovimin e Kosovës.
Më poshtë po ju sjellim edhe fotografinë mes këtij debati të shkurtër virtual.
Prestigjiozja The Guardian, sot i ka kushtuar një shkrim mjaft të gjerë yjeve kosovare që po mahnitin botën, përcjell KultPlus.
Gjithçka nisin me babanë e Dua Lipës, Dukagjin Lipa i cili tash është në përfundim të përgatitjeve të fundit për festivalin Sunny Hill i cili do të sjellë në Kosovë yjet botërore duke përfshi këtu edhe vetë Dua Lipën.
The Guardian në këtë shkrim, nuk lë pa përmend edhe Rita Orën, Era Istrefin, Xherdan Shaqirin e Granit Xhakën.
“Me suksesin muzikor të këngëtareve si dhe me dhunti të futbollistëve me origjinë kosovare si Granit Xhaka dhe Xherdan Shaqiri gjatë Kupës së Botës, përceptimi ndërkombëtar i vendit po fillon të ndryshojë”, shkruan The Guardian.
The Guardian shkruan edhe për tensionet e fundit mes Kosovës e Serbisë në lidhje me kornizën e re për zonat me shumicë serbe që Prishtina duhet t’i bëjë.
“Familja Lipa shpreson që, për pak kohë, festivali të ndryshojë agjendën e lajmeve rreth Kosovës”, shkruan The Guardian. Ky është linku ku mund të lexoni shkrimin e plotë./ KultPlus.com
Kanë mbetur edhe shumë pak ditë që nga ardhja e yllit ndërkombëtar, Dua Lipës në Prishtinë, shkruan KultPlus.
Babai i këngëtares, Dukagjin Lipa ka postuar një video si paralajmërim për festivalin ndërkombëtar “Sunny Hill”. Këtë video e ka shpërndarë edhe këngëtarja që po pushton skenën ndërkombëtare, Dua Lipa.
‘Prishtinë, shihemi edhe disa ditë. Po kthehem në shtëpi”, ka shkruar Dua Lipa ndërkohë në postimin e saj ka vendosur edhe flamurin e Kosovës.
Dua Lipa do të performojë në Prishtinë, këtë të premte në kuadër të festivalit ‘Sunny Hill”, që do të mbahet për tri ditë në Parkun e “Germisë”, në Prishtinë.
Kjo është hera e dytë që Dua Lipa kthehet me koncert në vendlindje/ KultPlus.com
Kënga ‘In my feelings’ u bë hit ende pa u publikuar me klip.
Njerëzit e kthyen në sfidën Keke’ duke e bërë edhe hashtagun më të përdorur. Por tashmë këngëtari kanadez ka publikuar klipin e ‘In my feelings’ i cili ngjan me një film të shkurtër (8 minuta).
Sigurisht nuk mungon kërcimi, ritmi si dhe pjesë e tij janë bërë edhe disa persona që e kanë kërcyer këngën në rrjetet sociale.
Pjesë e tyre është edhe këngëtarja e njohur shqiptare, Dua Lipa e cila para pak kohësh publikoi një video në Instagramin e saj duke kërcyer ‘In my feelings’ (min 7:38). Ndërsa sot e sheh veten në klipin e Drake./KultPlus.com