Muaj: Mars 2018

Zyrtari i MASHT-it që lëshoi komunikatën me dhjetëra gabime drejtshkrimore, kërkon falje

Posted on by KultPlus

Zyrtari për komunikim publik në Ministrinë e Arsimit, Shkencës dhe Kulturës, Ismet Osdautaj, i cili ditë më parë lëshoi një komunikatë në emër të institucionit që përfaqëson me disa dhjetëra gabime në drejtshkrim, ka kërkuar falje për lëshimet e bëra.

Ai ka thënë se me të drejtë i janë potencuar në media gabimet, por thotë se “kam qenë duke punuar në kushte të jashtëzakonshme, në një kompjuter personal me defekte teknike”.

“Me anë të kësaj letre, dëshiroj të sqaroj edhe njëherë publikisht se komunikata e lartpërmendur, e cila doli me gabimet e përfolura në media (me të drejtë), për shkaqe teknike është dërguar me e-mail privat. Komunikata është përgatitur me kërkesën e Kabinetit të Ministrit, me qëllimin e ofrimit të sigurisë për studentët, lidhur me shqetësimet që ata kanë për njohjen apo jo të diplomave pas largimit (pezullimit ) të Agjencisë së Kosovës për Akreditim nga EQAR dhe si e tillë mendoj se ka përcjellë mesazh të qartë dhe kuptimplotë”, ka thënë Osdautaj.

Poezia fituese e KultStrofa “Po të due unë” vjen edhe me videoperformancë (VIDEO)

Posted on by KultPlus

Poezia fituese e edicionit të dytë të “KultStrofa”, që u mbajt së fundi në Prishtinë, nën organizimin e KultPlus, ka ardhë edhe nëpërmjet një videoperformance, shkruan KultPlus.

“Po të due unë”, është poezia fituese e autores Arjola Zadrima, por kjo poezi së fundi është sjellë edhe nëpërmjet videoperformancës. KultPlus ju sjellë edhe poezinë e plotë, por edhe videon, video që tashmë është lansuar edhe në YouTube. Kjo videoperformancë është realizuar në Scriptum n Sonus, kurse ideja për realizimin e kësaj videoje është nga Liridon Mulaj, sikurse që është lexuar poezia po nga ai, kurse koncepti i videos është realizuar nga Altin Sulaj.

Arjola Zadrima

Po të due unë

Ba me dashtë unë
pranvera zgjohet në mes të dimnit.
Andrrat jargaviten si lule kacavjerrese
ndër muret tuej të naltë.
Ba me dashtë unë liria jote
del prej guackës
e shndrit perlë në qafën teme
të bardhë.
Ba me të dashtë fort unë
jehona e stuhisë tonë
ndihet deri në agim.
Dielli lind në gojën tande
e vdes në gjinjtë e mi.
Por unë nuk due
se poetja në mue, fle nën borën e trishtimit
e të rrëshqet shpinës
veç kur ti e shkrin./KultPlus.com

Zbulojeni filmin që fitoi Oscarin atë vit kur ju keni lindur (FOTO)

Posted on by KultPlus

Filmat që fitojnë Oscar, janë kryesisht filma që lënë gjurmë në kinematografinë botërore, por që të lidheni edhe më shumë me këta filma, po sjellim listën e fituesve nëpër vite, ku mund ta bëni edhe filmin tuaj, pasi që do të lidhet me vitin kur edhe keni lindur, shkruan KultPlus.

1929: “Wings”
1929 (po në të njëjtin vit*): “The Broadway Melody”
1930: “All Quiet on the Western Front”
1931: “Cimarron”
1932: “Grand Hotel”
1933: “Cavalcade”
1934: “It Happened One Night”

1935: “Mutiny on the Bounty”
1936: “The Great Ziegfeld”
1937: “The Life of Emile Zola”
1938: “You Can’t Take It With You”

1939: “Gone with the Wind”
1940: “Rebecca”
1941: “How Green Was My Valley”
1942: “Mrs. Miniver”
1943: “Casablanca”
1944: “Going My Way”
1945: “The Lost Weekend”

1946: “The Best Years of Our Lives”
1947: “Gentleman’s Agreement”
1948: “Hamlet”
1949: “All the King’s Men”
1950: “All About Eve”
1951: “An American in Paris”
1952: “The Greatest Show on Earth”

1953: “From Here to Eternity”
1954: “On the Waterfront”
1955: “Marty”
1956: “Around the World in 80 Days”
1957: “The Bridge on the River Kwai”

1958: “Gigi”
1959: “Ben-Hur”
1960: “The Apartment”
1961: “West Side Story”

1962: “Lawrence of Arabia”
1963: “Tom Jones”
1964: “My Fair Lady”
1965: “The Sound of Music”
1966: “A Man for All Seasons”
1967: “In the Heat of the Night”

1968: “Oliver!”
1969: “Midnight Cowboy”
1970: “Patton”
1971: “The French Connection”
1972: “The Godfather”

1973: “The Sting”
1974: “The Godfather: Part II”
1975: “One Flew Over the Cuckoo’s Nest”
1976: “Rocky”
1977: “Annie Hall”

1978: “The Deer Hunter”
1979: “Kramer vs. Kramer”
1980: “Ordinary People”
1981: “Chariots of Fire”
1982: “Gandhi”

1983: “Terms of Endearment”
1984: “Amadeus”
1985: “Out of Africa”
1986: “Platoon”

1987: “The Last Emperor”
1988: “Rain Man”
1989: “Driving Miss Daisy”
1990: “Dances with Wolves”
1991: “The Silence of the Lambs”

1992: “Unforgiven”
1993: “Schindler’s List”
1994: “Forrest Gump”
1995: “Braveheart”

1996: “The English Patient”
1997: “Titanic”

1998: “Shakespeare in Love”
1999: “American Beauty”
2000: “Gladiator”
2001: “A Beautiful Mind”
2002: “Chicago”

2003: “The Lord of the Rings: Return of the King”
2004: “Million Dollar Baby”
2005: “Crash”
2006: “The Departed”

2007: “No Country for Old Men”
2008: “Slumdog Millionaire”
2009: “The Hurt Locker”
2010: “The King’s Speech”
2011: “The Artist”

2012: “Argo”
2013: “12 Years A Slave”
2014: “Birdman or (The Unexpected Virtue of Ignorance)”
2015: “Spotlight”

2017 Moonlight
2018 The Shape of Water

Akademia Serbe e Shkencave me libër prej 250 faqesh për zgjidhjen e çështjes së Kosovës

Posted on by KultPlus

Akademia Serbe e Shkencave dhe Arteve (SANU) ka paralajmëruar se shumë shpejt, ndoshta deri në fund të muajit mars, do të botojë librin me opinionet e anëtarëve të për Kosovën, që do të jetë kontributi i saj në dialogun mbi këtë temë.

Nënkryetari i SANU, Ljubomir Maksimoviq, sipas agjencisë serbe FoNet, ka thënë se libri, do të përmbajë tekste autoriale të disa prej anëtarëve të saj, të cilët me profesionin e tyre në mënyrë të veçantë janë të thirrur për të shprehur mendimin shkencor.

Ai tha se nuk do të ketë më shumë se dhjetë tekste autoriale, kurse si autorë të tyre përmendi akademikët Vuksanoviq, Varadi dhe Çavoski, përcjell Telegrafi. Në pjesën e dytë të librit, sipas tij, do të prezantohet se çka është thënë në diskutimet e organizuara nga Departamentet e SANU për Kosovën me emrat e pjesëmarrësve dhe çfarë kanë thënë.
Sipas tij, libri do të ketë rreth 250 faqe, kurse shtypja e tij do të fillojë më 12 mars me një numër të madh kopjesh.

“Akademia nuk është e korporative, as në aspektin politik, ekonomik e as në ndonjë kuptim tjetër. Ajo nuk nxjerr konkluzione në lidhje me çështjet e mëdha, të cilat do të votoheshin në kuvende të ndryshme dhe kjo do të ishte politika zyrtare e Akademisë”, tha Maksimoviq, duke shtuar se Akademia është një grup i artistëve të lirë .

Sipas Maksimoviq, shumica prej tyre merren, si pjesë kryesore të aktiviteteve të tyre, me metodat shkencore ose si artistë edhe me çështje të cilat janë të rëndësisë së përgjithshme shoqërore, dhe e tillë është çështja e Kosovës. Maksimoviq njoftoi se së shpejti do të publikohet një botim me një bibliografi të plotë të gjithçka që është shkruar dhe të thënë nën kulmin e SANU për Kosovën.

Rade Serbedzija luajti film për Azem Vllasin, këndoi për Bekim Fehmiun, tashti dëshiron të luaj rolin e Adem Jasharit (VIDEO)

Posted on by KultPlus

Aktori serbo-kroat Rade Serbedzija është një prej aktorëve më të njohur të ish Jugosllavisë, i cili ka luajtur edhe në shumë filma të huaj të cilët janë treguar shumë të suksesshëm, shkruan KultPlus.


Ai në mesin e shumë filma ka luajtur edhe te Harry Potter and the Deathly Hallows: Part 1, X-Men: First Class, The Saint, Mission: Impossible 2 , Taken 2…

Por, përpso filmave në nivel ndërkombëtar, ai ka kushtuar vëmendje edhe për figurat shqiptare, i cili ka luajtur një film, ku paraqitet në rolin e Azem Vllasit, sikurse ka kënduar edhe një këngë, me dedikim për aktorin e madh shqiptar Bekim Fehmiu.
https://www.youtube.com/watch?v=1gG-tYKTtu8

Filmi “Majstori mraka” që është bërë për Azem Vllasin është bërë me regji të Faruk Sokolovic, i cili kishte vendosur që historinë e funksionerit kosovar ta shndërrojë në film. Për rolin e Vllasit angazhohet njëri nga aktorët më të njohur jugosllav i njohur edhe për rolet e tij në filma të Hollywood’it, Rade Serbedzija. Filmi është punuar sipas skenarit të Azem Vllasit ndërkohë që flet për periudhën e kaluar në burg, raportet me të burgosurit tjerë dhe administratën e burgut.Filmi i zhanrit dramë fillon me pamjet e një mitingu masiv në Beograd ku turma e serbëve të mbledhur i kërkon Millosheviqit: “Arrestojeni Vllasin”.

Kurse krejt së fundi, po Rade Serbedzija, sipas regjisorit Luan Kryeziu, që është duke u përgatitur për realizimin e një filmi për Adem Jasharin, është interesuar që të luaj rolin e komandantit Jashari, deklaratë kjo që është përcjellë me bujë nga mediet shqiptare./KultPlus.com

Himni gjerman po konsiderohet seksist

Posted on by KultPlus

Gjermania po përballet me thirrje për të hequr fjalën “atdhe” nga himni i saj kombëtar – por jo për shkak të ndonjë percepsioni nacionalist apo për ndonjë lidhje me epokën naziste.

Janë feministet që po bëjnë thirrje që fjala të hiqet sepse thonë se është seksiste.

Në një letër të zbuluar nga mediat gjermane, komisionerja qeveritare për mundësi të barabarta ka bërë thirrje që himni të bëhet neutral ndaj gjinisë, raporton “The Telegraph”.

“Pse s’e bëjmë himnin tonë kombëtar të ndjeshëm ndaj gjinive”, ka thënë Kristin Rose-Möhring në një letër që ka rrjedhë në mediat gjermane. “S’do na bënte keq, apo jo?”.

Ajo ka propozuar që fjala “atdhe” të zëvendësohet me fjalën “vendlindje”, si dhe ka bërë thirrje që fjala “vëllazëror” të zëvendësohet me “guximtar”, transmeton Koha.net.

Por himni kombëtar gjerman vështirë se do të ndryshohet. Angela Merkel, e cila pavarësisht se është gruaja më e fuqishme në botë ka deklaruar publikisht se nuk është feministe, ka hedhur poshtë propozimin.

“Kancelarja është shumë e lumtur me himnin tonë të mirë siç është në formën e tij tradicionale dhe nuk sheh asnjë nevojë për ndryshim”, ka thënë zëdhënësi i saj.

Himni kombëtar gjerman veçse është himni më i ndryshuar në botë. Fjalët origjinale ishin shkruar nga poeti August Heinrich Hoffmann më 1841, por që nga viti 1945 vetëm strofa e tretë është kënduar, ndërsa dy të tjerat janë cilësuar si të papërshtatshme.

“Doja të ishe ajo, në një botë sikur kjo” (VIDEO)

Posted on by Kult Plus

Mentor Haziri është një nga vokalistët më të mirë të muzikës shqiptare. Dikur ka qenë pjesë e grupit “Kthjellu”, ndërsa tash po vazhdon karrierën e tij edhe si këngëtar solo, shkruan KultPlus.

Rok këngëtari përveç interpretimeve fantastike nëpër qytete të ndryshme në vend, në karrierën e tij ka edhe shumë këngë me të cilat është ngjitur në festivalet shqiptare.

KultPlus sot ju sjellë një këngë të Mentor Hazirit, sa ishte pjesë e grupit Kthjellu. Videoklipi është realizuar në ambient të mbyllur, ndërsa në shumë skena të këtij videoklipi paraqitet edhe aktorja Teuta Krasniqi, e cila më pas transformohet në rolin e Nexhmije Pagarushës, me fytyrën e së cilës edhe përfundon videoklipi i kësaj kënge

Kjo këngë numëron po thuajse një dekadë që kur është publikuar.

Atë ditë kur erdhe ti
Rrugë të gjatë kishe kaluar
Doja të thoja diçka
Dorën s’ta shtrëngoja dot
Ishim bërë aq të panjohur
Ajo ndjenjë nuk ekziston më
Ti në mendje udhëtoje
As vet nuk di qfar kërkoje

(Ref)
Doja të ishe ajo
T’më kuptoje si gjithmonë
Doja të ishe ajo
Në një botë sikur kjo

Më thanë se kishe qajtur edhe sonte
Kam frikë se mos është bërë vonë
A thua mori fund edhe kësaj here
E gjithë ajo që ne mendonim

(2x)
Doja të ishe ajo
T’më kuptoje si gjithmonë
Doja të ishe ajo
Në një botë sikur kjo

Fisnik Ismaili: Aktori me origjinë serbe duhet ta luaj Adem Jasharin

Posted on by KultPlus

Përderisa u ngjallën shumë reagime negative prej kur aktori serb u tha se do të duhej ta luante rolin e heroit Adem Jashari, është dikush tjetër që mendon se ky rol i përshtatet atij më së miri.

Është pikërisht deputeti i Kuvendit të Kosovës, Fisnik Ismaili që mendon se Rade Serbedzija është mirë ta marrë këtë rol, transmeton Indeksonline. Madje thotë se me këtë veprim do të “çarteshin” serbët e jo shqiptarët. Krejt këtë koment të gjatë ai e bëri në një faqe të Maniakëve të Filmave.

Lexojeni statusin e plotë të Fisnikut:

Prej komenteve që i lexova këtu, veç po e llogaris se serbëve ka me iu ardhë inat nëse Rade e pranon këtë rol nja 10,000 herë ma shumë.

Kur te shohin shypet sa shumë kanë me u qartë serbët, veç kur ti shihsh tuj e lutë Raden me e marrë rolin.

Personalisht, kam problem veç me ata artista që e kanë shprehë nacionalizmin e vet edhe e kanë përkrahë regjimin e gjenocidin serb në jetë të përditshme. Rade s’di që ka ba diçka të tillë.

Tuj ia dijtë cilësitë si aktor, hiç nuk dyshoj që e kish lue rolin mirë, pos akcentit që s’besoj se e kish nxjerrë tamon. Unë ma shumë e kam brengë se qysh ka me e portretizue skenaristi Ademin në film: a si hero, apo si personazh negativ.

Rade në këtë rol iu kish pengue veç serbëve edhe shqiptarëve, shkaku i prejardhjes së tij, se botës tybe n’i intereson i kahit është Rade. Prandej, për neve është shumë e vështirë me e pa kah e luen ky Ademin.

Në anën tjetër, me ba me dalë filmi shumë i mirë, e me u ba asi filmi epik, ndoshta edhe me potencial për Oscar, jam koxha i bindun se shypet e kishin harrue menjiherë prej kahi vjen Rade, e serbët ia kishin marrë inat përjetë.

Prandej, ma shumë e kam hallin se qysh del filmi, çfare e ka skenarin edhe qysh portretizohet Adem Jashari e lufta e tij. Kur qeto janë të shkrueme mirë, atëherë besoj se edhe naj aktor tjetër e kish lujtë mirë.

Rade përzgjidhet automatikisht prej Hollyëood-it sepse është i vetmi stereotip i ballkanasit për momentin atje. Kjo jo doemosdo e ban me e luejtë rolin e një shqiptari mirë, por në anën tjetër edhe i ka do përparësi.

Mendoj se ka aktorë të tjerë të atij kalibri që mujnë me e nxjerrë mirë. Kur mujtën Russel Croëe e Mel Gibson, dytë australianë, me e luejtë romakun në Gadiator e skocezin në Braveheart qaq mirë, respektivisht, çka ka Gerrard Butler, për shembull, që s’e luen Ademin perfekt, pak me dashtë?

Krejt është te produksioni, buxheti, regjisori edhe skenari për mue. Qato e bajnë filmin sukses apo dështim./KultPlus.com

90 vjet nga lindja e akademik Ali Hadrit

Posted on by Kult Plus

Nga Donika Hoti

“Aspak nuk do të shqetësohem nëse do të bëhem viktimë e sadizmit politik, sepse edhe në këtë mënyrë do të kem fatin tragjik të popullit tim” – tha akademik Ali Hadri. Vizioni i tij ishte për krijimin e një institucioni të lartë me rëndësi arsimore e shkencore për të promovuar historinë e një populli. Akademik Ali Hadri njihet si themelues dhe drejtor i parë i Institutit të Historisë së Kosovës dhe dekan i parë në departamentin e historisë në Fakultetin Filozofik. Dinte t’i parashikonte diferencimet dhe anamentimet e politikës komuniste të ish-Jugosllavisë. Ky argument tregon arsyen kryesore se si kjo figurë emblematike kishte guximin për të çuar përpara çështjen kombëtare dhe ishte ndikuesi më i lartë në botën akademike shqiptare në Kosovë.

Veprimtaria e tij në fushën shkencore, e sidomos në atë të historisë, e bën të veçohet për kohën mesjetare për arsye se, sipas mendimit të tij, në këtë periudhë kohore u formua shteti shqiptar si struktura më e lartë e vetëdijes shoqërore. Lëvizja Çlirimtare Kombëtare në epokën e Gjergj Kastriotit – Skënderbeut cilësohet si periudha më e lavdishme e historisë mesjetare shqiptare. Një argumentim tjetër i tij rreth kontributit të Lëvizjes Çlirimtare Kombëtare zgjati prej kohës së pushtuesit turk pas betejës së parë shqiptaro-turke në vitin 1371, e njohur si “Beteja e Maricës”. Pas kësaj bejete filloi depërtimi në territorin shqiptar deri te shpallja e Pavarësisë së Shqipërisë 28 nëntor 1912. Ndërsa, mendimi i tij rreth përdorimit të flamurit kombëtar ishte: “E drejta për flamurin kombëtar dhe për përdorimin e lirë dhe të barabartë të tij në një bashkësi shumëkombëshe siç është Republika Socialiste Federative e Jugosllavisë ka të bëjë me të drejtat elementare kombëtare”.

Figura e tij u përmend në librin “Një histori e shkurtër e Kosovës” i historianit të shquar anglez z.Noel Malcolm duke thënë se:“Intelektuali më prominent i Kosovës dhe viktima e parë e nacionalizmit serb” në spastrimet pas demonstratave të vitit 1981 ishte Ali Hadri.
Personaliteti i Ali Hadrit u vlerësua lart edhe nga Prof.Dr. Akademik Kristaq Prifti në konferencën e organizuar nga Instituti i Historisë kushtuar 80 vjetorit të lindjes së tij, duke potencuar se: “Ali Hadri në gjithë veprimtarinë e tij u angazhua në luftën për mbrojtjen e vlerave historike-kulturore të shqiptarëve të Kosovës dhe të kombit shqiptar në tërësi”.

Kontributi i tij rreth historigrafisë shqiptare vazhdoi me pasardhësin e tij z.Flamur Hadrin i cili pas viteve 90-ta me mbylljen e institucioneve të larta shtetërore të Kosovës nga regjimi i organeve shtetërore serbe, atëherë një pjesë të shtëpisë së tij u lëshua për të funksionuar “Instituti i Historisë së Kosovës”.
Cila ishte jeta e Ali Hadrit? Ali Hadri u lind me 3 mars 1928 në Lushnjë të Shqipërisë. Shkollimin parauniversitar e përfundoi në qytetin e Gjakovës. Në vitin 1956 u diplomua në degën e Historisë të Fakultetit Filozofik të Universitetit të Beogradit dhe pastaj magjistroi në vitin 1960. Fillesat e tij të karrierës janë si mësues, pastaj si profesor në Shkollën Normale të Prishtinës dhe vonë si Ligjërues në degën e Historisë në Universitetin e Prishtinës.
Më 26 dhjetor të vitit 1970 ai mbrojti në Fakultetin Filozofik të Universitetit të Prishtinës desertacionin e doktoratës me titull “Lëvizja nacionalçlirimtare në Kosovë 1941-1945”. Kjo ditë vlerësohet si ndër datat më të veçanta të arsimit dhe shkencës shqiptare në Kosovë për arsye se në këtë datë u mbrojt doktoratura e parë në Universitetin e Prishtinës. Ky argumentim vë në pah rëndësinë e punës profesionale, edukative dhe shkencore të figurës së Ali Hadrit.
Karrierën e tij në fushën profesionale dhe shkencore e filloi si profesor, vazhdoi si profesor ordinar dhe pastaj si dekan i departamentit të Historisë në Fakultetin Filozofik të Universitetit të Prishtinës, vazhdoi si drejtor i parë i Institutit të Historisë së Kosovës, ku vlerësohet si themeluesi i këtij instituti së bashku me nxënësin e tij të Shkollës Normale të Prishtinës, Mr.Halil Alidemën.
Ndihmesën në historiografinë shqiptare në Kosovë e vazhdoi duke drejtuar revistën“Përparimi” dhe njëkohësisht duke qenë kryeredaktor i dy revistave shkencore si: ”Gjurmimet Albanologjike” dhe “Kosova”.

Si drejtor i parë dhe themelues i Institutit të Historisë Ali Hadri punoi nga themelimi deri në vitin 1981, kështu menjëherë pas ngjarjeve të zhvilluara politike, sidomos me ngritjen e demonstratave studentore të vitit 1981, bëhet ndër të parët që do të ndeshet me pasojat e diferencimeve ideologjike dhe u përjashtua nga gjitha funksionet e tij, me largim nga Universiteti i Prishtinës, Instituti i Historisë, redaksitë e revistave të ndryshme shkencore dhe të botimeve shkencore, komisioneve të ndryshme, ndalimin e botimeve të vepra dhe moslejimin e pjesëmarrjeve në tubimet shkencore. Kjo nismë u mor nga organet e larta shtetërore për arsye të mbështetjes së kërkesave të studentëve në demonstratave e filluar me 11 mars të vitit 1981 dhe procesit gjyqësor të “Grupit të Intelektualëve”, të cilët i mbrojti me përkushtim të lartë, në bazë të forcës dhe argumentimit shkencor dhe guximit të tij atdhetar. Ndërroi jetë më 3 dhjetor 1987 në qytetin e Pejës.

Cili ishte roli i tij në fushën shkencore? Ali Hadri si themelues dhe kryetar i Shoqatës së Historianëve në Kosovë në kohën e ish-Jugosllavisë dhe njëkohësisht bashkëpunëtor i numri revistash historike, filloi të kontribuonte në fushën shkencore nga viti 1957, duke i publikuar shumë punime shkencore. Botoi dhjetëra vepra monografike dhe shumë tekste të historisë së popullit shqiptar për nivelin parauniversitar. Ka qenë pjesëmarrës i shumë konferencave dhe simpoziumeve shkencore. Në pjesën më të madhe të punimeve të tij shkencore trajtohet tema e historisë së popullit shqiptar, sidomos gjatë Lëvizjes Nacionalçlirimtare të Kosovës dhe të historisë së Kosovës në mes luftërave botërore.

Në theks të veçantë krijimtaria e shkencore e Ali Hadrit veçohet edhe me shkrimet e periudhës mesjetare shqiptare, ai dallohet me organizimin e Konferencës Shkencore, siç është rasti me Konferencën Shkencore, e cila është mbajtur me 9 deri 12 maj 1968, kushtuar 500 vjetorit të lindjes së heroit kombëtar Gjergj Kastrioti – Skënderbeut. Ndërsa, një kontribut tjetër i veçantë si drejtor i Institutit të Historisë është botimi i revistës shkencore “Kosova – Kosovo” e cila botohet në gjuhën shqipe dhe serbe. Gjatë udhëheqjes së tij në Institutin e Historisë u organizua edhe edicioni “Në flakën e Revolucionit” në kuadër kësaj u hartuan disa projekte si: studimet monografike dhe botime të përbashkëta të historisë shqiptare në periudha në ndryshme kohore, kryesisht që kanë të bëjnë me shekullin XIX dhe XX.

Cilat janë veprat e tij? Pasqyrë e historisë nacionale shqiptare në vitin 1960 me bashkautor Milan Perkaj, Provinca Autonome e Kosovës së bashku me Dushan Pejanoviq në vitin 1967, Gjergj Kastrioti – Skendërbeu dhe epoka e tij 1968, Lëvizja nacionalçlirimtare në Kosovë 1941-1945 në vitin 1971, Kritikë historiografike në viti 1973, Gjakova në Lëvizjen nacionalçlirimtarë në vitim 1974, Këshillat e nacionalçlirimtare në Kosovë 1941-1945 në vitin 1974, Ali Kelmendi (1900-1939) në vitin 1984, Marrëdhëniet shqiptaro-jugosllave e botuar nga Akademia e Shkencave dhe Arteve 2003.

Me çfarë çmime u dekorua figura e Ali Hadrit? Rreth veprimtarisë së tij patriotike dhe asaj shkencore u dekorua me këto çmime dy herë u dekoruar me “Çminin Krahinor të Dhjetorit” me “Urdhrin e Meritave për Popull” me “Rreze të Argjendta” dhe “Urdhin e Punës me Flamur të Kuq”.

Me 3 mars të vitit 2008 për nder të 80 vjetorit të tij të lindjes u organizua një Simpozium Shkencor kushtuar “Jetës dhe veprës së Ali Hadrit”, ky organizim u mbajt me bashkëpunimin e Akademisë së Shkencave dhe Arteve të Republikës së Kosovës, të departamentit të Historisë të Fakultetit Filozofik të Universitetit të Prishtinës “Hasan Prishtina”, me atë rast u shpalosën materialet e pasura me aparaturë shkencore dhe u botua libri me titullin “Jeta dhe Vepra e Ali Hadrit”. Vëllimi i këtij libri ka gjithsej 262 faqe dhe është i ndarë në dy pjesë. Pjesa e parë përmban materialet e Akademisë përkujtimore, e cila u organizua nën pantronazhin e Presidentit të Republikës së Kosovës Prof.Dr.Fatmir Sejdiu e mbajtur më 3 dhjetor 2007, me rastin e 20 vjetorit të vdekjes së Akademikut Ali Hadri. Në të janë fjalët përshëndetëse të z.Sejdiu dhe Drejtorit të atëhershëm z.Jusuf Bajraktari dhe dy fëmijëve të tij Lumi dhe Arbër Hadri.

Pjesa e dytë përmban materialet e Simpoziumit Shkencor me 3 fjalime përshëndetëse dhe 19 punime shkencore, një biografi e punimeve të veprimtarisë së zotit Hadrit si dhe fjalët mbyllëse. Pjesa e dytë e supoziumit shkencor u hap nga Kryetari i Akademisë së Shkencave dhe Arteve të Republikës së Kosovës z.Rexhep Ismaili, si dhe fjalë përshëndetëse nga Drejtori i Institutit të Historisë së Republikës së Shqipërisë Prof.Dr.Marengelen Verli. Pastaj vijuan punimet e 19 studiuesve nga Kosova dhe Shqipëria, të cilat shkrimet e tyre u trajtuan në mënyrë të gjithanshme në aspekte të ndryshme që kishin të bënin me veprimtarinë atdhetare dhe shkencore të akademikut Ali Hadri.
Për nder të 88 vjetorit të lindjes me 3 mars të vitit 2016 u përurua shtatorja e tij në kopshtin e ndërtesës së Institutit të Historisë. Në fjalimin e drejtorit aktual të këtij instituti figura e Ali Hadri u vlerësua shumë lart, duke theksuar se: “Ne e kemi obligim që jo vetëm Akademikun Hadri, po edhe njerëzve të tjerë t’iu ngrejmë shtatore, siç është akademik Fehmi Agani, akademik Gazmend Zajmin, akademik Esat Stavilecin etj., të cilët do të kujtohen përmes shtatoreve dhe do të mbahet gjallë fryma e veprës dhe kontributit të tyre shkencor”./ KultPlus.com

Pamje të rralla nga varrimi i familjes Jashari, më shumë të vrarë se pjesëmarrës (VIDEO)

Posted on by Kult Plus

Më shumë të vrarë se sa pjesëmarrës në varrim, kishte në ditën kur u varrosen 55 anëtarët e familjes Jashari.

Pas rënjes së familjes Jashari më 5,6 dhe 7 mars 1998, një grup i banorëve të fshatit Prekaz ishin mbledhur për ta kryer ceremoninë e varrimit, shkruan Gazeta Intro

Në pamje që shihen të para 20 viteve, vërehet se në ceremoninë e varrimit kishte më shumë të vrarë se sa pjesëmarrës në varrim, kjo për shkak të gjendjes së rëndë ku forcat serbe kishin luftuar për tri ditë në Prekaz me Jasharajt.
Për më shumë ju sjellim pamjet e rralla:

Me kërkove një varg për varr Drenice

Posted on by Kult Plus

Poezi e shkruar nga Jehona Hyseni.

Më kërkove një varg për varr Drenice,
U bënë njëzet e tetë
Unë vetëm lot te dhashë
E lotët s’mjaftojnë për ty
Me kërkove një varg për varr
Drenice
U bënë pesëdhjete
Mos qofsha kurrë më poet!
Me kërkove një varg për varr
Drenice
U bene njëqind
Mjaft
Ndal
Me këpute vargun Drenicë
Me këpute shpirtin
…Unë nuk kam poezi për ty
Se më vjen turp
Unë me pendë e ti me pushkë

Maj, 1998

Kompleksi “Adem Jashari” me mbi 12 milion vizitorë

Posted on by Kult Plus

Janë bërë njëzet vjet nga rënia heroike e familjes Jashari dhe për këto vite, Kompleksi Memorial “Adem Jashari”, ka pritur më shumë se 12 milionë vizitorë. Numri i vizitorëve, sipas ciceronëve të kompleksit, ka shkuar duke u rritur.

Në këtë vend është investuar, por kullat e qëndresës ende nuk janë konservuar dhe ato po shkojnë drejt shkatërrimit. Kompleksi memorial “Adem Jashari”, prej njëzet vjetësh është shndërruar në vendin më të vizituar në Kosovë. Miliona vizitorë e kanë prekur nga afër historinë e pashembullt të familjes Jashari. Ciceroni i këtij kompleksi, Xhevat Imeri tregon se shpeshherë brenda ditës, kanë qëndruar në Prekaz me mijëra vizitorë.

“Ne kemi thënë gjithherë një numër prej 12 milionësh, por kjo shifër është tejkaluar, duke pasë parasysh se është numër i madh i vizitorëve. Viteve të fundit njerëzit kanë menduar se ky numër ka shkuar duke rënë, por për mendimin tonë dhe nga ajo që kemi parë, ky numër ka shkuar duke u rritur”, tha për televizionin publik Xhevat Imeri.

Në raste festash dhe sidomos gjatë ditëve të Epopesë së UÇK-së me 5, 6 dhe 7 mars, numri i vizitorëve rritet. Por ka edhe të atillë që e vizitojnë edhe në ditë të rëndomta. Bekim Beqiri e Arsim Xhemajli janë dy prej vizitorëve më të shpeshtë të këtij kompleksi. Këta vendas nga rrethi i Skenderajt, thonë se pothuajse çdo javë qëndrojnë në kompleks.

“Vijmë shpesh, të paktën një herë në javë. Vijmë ta vizitojmë si dëshmi lufte, si kanë luftuar. Të ligështohet zemra e trupi kur vjen këtu”, thonë ata. Por, janë qytetarët e një tjetër komune të cilët, sipas ciceronit Xhevat Imeri, shënojnë rekord të vizitave në kompleks.

“Është e pamundur të kalohet një ditë dhe të mos ketë vizitorë nga komuna e Ferizajt. Që mund të them se është komuna numër 1 që e viziton këtë vend”, tha tutje Imeri.

Kullat e familjes Jashari, kanë ndër vendet për të cilat vizitorët tregojnë më shumë interesim të dinë, për vet faktin se kanë mbetur të njëjtat që nga beteja e lavdishme e 5, 6 dhe 7 marsit 1998. Por, kohëve të fundit këto kulla kanë nisur të dëmtohen në mungesë të konservimit.

Sefer Seferi një vizitor, thotë se është e dhimbshme se si po dëmtohet kjo histori. “Po të krahasohet me vitet e kaluara, kjo po shkon duke u dëmtuar. Institucionet e Kosovës duhet të shpejtojnë më shumë që të bëjnë diçka për këtë monument të lavdishëm historik”, thotë Sefer Spahiu.

Përveç qytetarëve, Prekazin e vizitojnë shpesh edhe personalitete të shumta nga jeta publike qoftë shqiptare, qoftë ndërkombëtare. Shumë prej tyre kanë lënë shënime në librin e përshtypjeve. Por ai që mbahet mend është shënimi i francezit Bernard Kushner, i cili thotë: “Po të kishte çmim nobel për liri, me siguri se do t’i takonte familjes Jashari”./ KultPlus.com

Bernad Kouchner: Sikur të kishte Çmim Nobel për Liri, atëherë ai do t’i takonte familjes Jashari (VIDEO)

Posted on by Kult Plus

Administratori i parë ndërkombëtar i Kosovës, Bernard Kouchner e kishte vizituar Kosovën, menjëherë pas luftës ku kishte shkuar edhe në odën e Familjes Jashari, shkruan KultPlus.

Atje ai ishte ulur këmbëkryq derisa po zhvillonte në një bisedë më Rifat Jasharin, e burrat e tjerë në odë. Ai kishte thënë se e vlerëson lart kontributin dhe sakrificën e familjes Jashari ndërkohë kishte shtuar se nëse do të kishte Çmim Nobel për sakrificë për liri, ai do t’i takonte Adem Jasharit dhe familjes së tij.
“Bota filloi lëvizjet pikërisht prej Prekazit. U bëmë të vetëdijshëm për një realitet të sakrificave dhe luftimeve që u bënë dhe sikur të ketë Çmim Nobel të Lirisë, ai i takon familjes tuaj”, kishte thënë Kouchner në Prekaz./KultPlus.com

Adem Jashari përmes 200 mijë plumbave (FOTO)

Posted on by Kult Plus

Për nder të 20-vjetorit të rënies së komandantit legjendar Adem Jashari dhe Epopesë së Ushtrisë Çlirimtare të Kosovës, në Prekaz është vendosur mozaiku i heroit i punuar me rreth 200 mijë gëzhoja plumbash.

Këtij punimi iu gëzua nipi i Ademit tash kryetar komune i Skenderajt, Bekim Jashari që thotë se kjo është nje simbolikë e mirë për sakrificën e komandanitit derisa sipas tij kjo tregon për dashurinë që kanë njerëzit për heronjtë, njofton Klan Kosova.

Mozaiku me 200 mijë gëzhoja plumbash është punuar nga Besart Gashi.

Këtu mund ta ndiqni performancën e plotë të Erza Muqollit me Inva Mulën (VIDEO)

Posted on by KultPlus

Erza Muqolli e cila është duke shkëlqyer në skenën franceze, ka zbritur në skenën e spektaklit garues “Virtuzoët”, e cila bashkë me sopranon e njohur shqiptare Inva Mula kanë kënduar “La Boheme”, shkruan KultPlus.

Kjo paraqitje është mirëpritur nga audienca, paraqitje kjo që është vlerësuar edhe me komente të shumta në rrjete sociale. Në videon më poshtë mund ta shikoni interpretimin e plotë të Erza Muqollit dhe Inva Mula./KultPlus.com

Emocionuese: Vajza e Hamëz Jasharit kujton sulmin e para 20 vjetëve në Prekaz

Posted on by Kult Plus

Mbesa e Komandantit Legjendar Adem Jasharit, e bija e Hamëz Jasharit, Besarta, ka rikthyer edhe njëherë rrëfimin e saj tronditës të aksionit ushtarak serb të vitit 1998 ndaj familjes së saj në Prekaz të Skënderajt.

Ajo pikërisht në 20 vjetorin e rënies heroike të familjes së saj me shumë dhimbje ka kujtuar momentet kur po sulmoheshin atë botë, natë e cila sipas saj do të ndryshonte gjithçka në jetën e saj.

Megjithatë pavarësisht tërë ngjarjes së dhimbshme, si e mbijetuar e betejës historike të 5,6 dhe 7 Marsit, ajo ndihet krenare si një vajzë e heroit kombëtar sic është Hamëz Jashari.

Për më shumë ja rrëfimi i plotë i Besarta Jasharit, të cilin e ka ndarë në llogarinë e saj në facebook:

”Sot në 20 vjetorin e Epopesë së Ushtrisë Çlirimtare të Kosovës, unë vajza e heroit të kombit Hamëz Jashari, e mbijetuara e betejës historike të 5,6 dhe 7 Marsit do të ndajë kujtime në këtë përvjetor – datë kjo që më ngjallë dhimbje, krenari dhe dashuri për vendin tim.

Një ditë para betejës së lavdishme, ishte çdo gjë zakonshme në jetën time… nuk e dija që ajo natë do të ndryshonte çdo gjë – ndoshta ishte më mire, sepse në vend se ta përqafoja përfundimisht nënën Feride e babën Hamëz dhe krejt familjarët e mi, unë si zakonisht me fëmijët e familjes shkuam në dhomën e gjumit për të fjetur si çdo natë tjetër.

Nuk e dija…

Sinqerisht, nuk e dija që ajo ishte nata e fundit që do të luaja me Blerinën e vogël, nuk e dija që ajo ishte nata e fundit që nëna Feride do më puthte ballin para gjumit.

Nuk e dija, se isha fëmijë.

E lindur dhe e rritur në kullën mësuesit të parë shqiptar në atë anë, më kishte krijuar bindjen se përpjekja e babës Shaban, babushit Hamëz dhe balit Adem për çlirimin e vendit ishte veçse obligim. Ne si fëmijë të Familjes Jashari, ishim mësuar ti shohim burrat tonë të armatosur dhe të përndjekur, ishim mësuar edhe me represionin e pushtetit të atëhershëm serb mbi shqiptarët e asaj ane – me theks të veçantë mbi familjen tonë.
Për këtë na kishte fol babushi e bali Adem, se pushtuesi duhet të largohet nga vendi jonë – për çdo çmim, ndërsa baba Shaban na tregonte historitë që ishin frymëzim për kombin. Andaj besoj që ne të gjithë fëmijët e Jasharëve ishim të përgatitur për betejën që po na priste.
Por, nuk e dija që mizoria e pushtuesit serb nuk do të kursente asgjë.
…
Para agimit, u zgjuam nga zhurmët e makinerisë së pushtuesit serb që kishin rrethuar kullën e babës Shaban, edhe atëherë nuk e dija se çfarë po na priste.
Derisa nëna më porositi të marr dru për zjarr, takova babushin i cili pranë odës ishte duke tymosur duhan me armë në brez e në krah – si asnjë herë më parë ndjeva dashurinë për babushin, si asnjë herë më parë pash bukurinë e tij.
E pyeta: “Babush, çka po bohet? Çka është kjo zhurmë?”
I buzëqeshur më tha: “Kurgjo, çika jem. Po nihen dikun shkijet, po nuk jon tu ardh te na”

Nuk e di pse, sa herë që fliste babushi ma qetësonte shpirtin. Ajo ishte hera e fundit që e pash të gjallë, por zërin ia kam dëgjuar deri në rënien e tij – duke kënduar këngën e mëmëdheut:

Për mëmëdhenë, për mëmëdhenë
vraponi burra se s’ka me prit
Të vdesim sot ne, me Besa Besë
pranë flamurit të kuq q’u ngrit…

Krahas babushit, e këndova edhe vet… e këndoj edhe sot, kënga që përbën mesazh për bashkëluftëtar, mesazh për bashkim, mesazh për obligimin që kemi para shqiponjës.

Nuk zgjati edhe shumë, zhurma e makinerisë së forcave serbe po afrohej, që në mëngjes po dëgjohej larg.
Natyrshëm u mobilizuam të gjithë anëtarët e familjes, këngës së babushit iu përgjigjëm me rradhë…
…
Betejës që u bë shkëndi e luftës çlirimtare, po i afrohej fundi… epilogu ishte i rëndë dhe i dhimbshëm për mua – babushi që me tha: “Kurgjo, qika jem” nuk e kishte pas njëmend, as nëna që më shtrëngonte e më thoshte ‘Mos u tut, qika jem” nuk e kishte pas njëmend…
Njëmend, paska qenë vendosmëria e Familjes time për çlirimin e atëdheut.

E gjitha që kishte ndodhë në betejën e Familjes Jashari, është në zemrën dhe mendjen time… do të mundohem që këtë përjetim dhe ngjarje ta ndajë me kombin tim – atëherë kur mundem.

Po e përmbylli këtë përkujtim për 20 vjetorin e Epopesë së UÇK-së me mesazhin e njejtë si të babushit “Për mëmëdhenë”, duke ftuar për bashkim dhe dashuri për Kosovën. Lavdi”./ KultPlus.com

Edhe një fotografi e rrallë e fëmijëve të familjes Jashari para marsit 1998

Posted on by Kult Plus

Është publikuar një fotografi e rrallë e fëmijëve të familjes së Jashari, që u vranë në luftën e fundit në Kosovë, dhe e vetmja e mbijeuar është Besarta Jashari.

Beteja nisi në mëngjesin e 5 marsit 1998, kur serbët mësynë në shtëpinë e Adem Jasharit në Prekaz. Sulmi mbi Jasharjt nisi rreth orës gjashtë të mëngjesit, kur forcat policore dhe ushtarake serbe në fillim sulmonin nga të gjitha drejtimet. I menjëhershëm dhe shumë i fuqishëm ishte edhe kundërpërgjigja e Komandantit të UÇK-së Adem Jashari dhe familjes së tij.

Në këtë Betejë, së bashku me Komandantin e UÇK-së Adem Jashari, nga familja e tij ranë heroikisht në mbrojtje të pragut të shtëpisë, atdheut dhe kombit 20 anëtarë, 10 prej të cilëve fëmijë./ KultPlus.com

Mbahet akademia letrare-artistike “Ora e Lirisë”, Ilir Shaqiri përuron poemën “Adem Jashari”

Posted on by Kult Plus

Lidhja e Shkrimtarëve të Kosovës organizoi sot akademinë letrare-artistike “Ora e lirisë për veprimtari tradicionale” në kuadër të Epopesë së UÇK-së.

Në kuadër të kësaj akademie, sot është përuruar edhe poema “Adem Jashari” e Ilir Shaqirit.

Kryetari i Lidhjes së Shkrimtarëve Shyqeri Galica ka vlerësuar lart veprën më të re të Ilir Shaqirit “Adem Jashari”.

Kjo poemë sipas tij promovohet në 20 vjetorin e rënies së komandantit Adem Jashari dhe përshkruan sakrificën dhe mundin e kësaj familje për lirinë tonë.

Gjeneral Kudusi Lame recensent i poemës “Adem Jashari” ka thënë se kjo poemë është e veçantë për shumë arsye.

Kjo vepër e madhe sipas tij përshkruan familjen Jashari dhe komandantin Adem Jashari të cilët dolën përballë makinerisë ushtarake serbe për lirinë e Kosovës.

Ai tha se autori i poemës ka përdorë një mjeshtri me fjalë të arta.

“Poema është një përmendore për komandantin gjithshqiptar Adem Jashari, për UÇK-në dhe mbarë popullin shqiptar”, tha Lame.

Arben Veselaj recensenti tjetër për poemën “Adem Jashari” ka thënë se kjo poemë bartë shenjat e një kryevepre./ KultPlus.com

‘Sot në Kosovë kanë lindur 1000 Adem Jashara’, si u kumtua lajmi për vdekjen e Adem Jasharit në Shqipëri (Video)

Posted on by Kult Plus

Lajmi për vrasjen e komandantit legjendar, Adem Jashari, ishte raportuar në pothuajse në të gjitha mediat botërore. Ky lajm kishte ngjallur mjaft pikëllim edhe në Shqipëri, shkruan KultPlus.

“Sot secili prej nesh është Adem Jashari”, ishte një nga fjalitë e moderatorit nga Shqipëria. Përmes lajmeve qendrore të Televizionit të Shqipërisë, moderatori Asllan Bajrami, ishe ai që kishte kumtuar lajmin për vdekjen e komandantit legjendar Adem Jashari duke thënë se ata që mendojnë se Adem Jashari nuk ekziston më, mashtrohet rëndë.

https://www.youtube.com/watch?time_continue=8&v=nZtdTiVPhTg

“Sot në Kosovë kanë lindur 1000 Adem Jashara. Sot secili prej nesh është Adem Jashari, çdokush që mendon që ai nuk ekziston mashtrohet rëndë. Liri dhe dritë në përjetësinë e Legjendës së Ushtrisë Çlirimtare të Kosovës. LAVDI!” , ishin fjalët e tij gjatë raportimit për vdekjen e Adem Jashari. / KultPlus.com

Sa kushton Tapeti i Kuq në Oscars

Posted on by Kult Plus

Parakalimi në Tapetin e Kuq, është edhe emblema e Çmimeve Oscars, që këtë vit zhvillon edicionin e 90 të tij.

Totali i buxhetit për organizimin e ceremonisë, është rreth 42 milionë dollarë, ndërsa Tapeti i Kuq, i gjatë rreth 150 metra, kushton rreth 360 mijë dollarë, transmeton tch.

Gjithashtu, vlen të përmendet se Dolby Theatre, në Hollywood, paguan rreth 2 milionë dollarë, për të pritur Çmimet Oscars. Edhe statuja Oscar, që jepet për fituesit, peshon disi më pak se 4 kg, ndërsa kushton rreth 500 mijë dollarë./ KultPlus.com

Fotografitë që dëshmojnë lidhjen e Kosovës me Amerikën (FOTO)

Posted on by Kult Plus

Kosova vazhdon të ketë lidhje emocionale, politike dhe ekonomike me vendin që 20 vjet më parë bëri një ndërhyrje perëndimore në luftën e saj me Republikën Federale të Jugosllavisë, duke çuar përfundimisht në shpalljen e pavarësisë së Kosovës, shkruan “The Guardian”, përcjellë KultPlus.

Në vitet 1990 Presidenti i parë i Kosovës, Ibrahim Rugova, çdo të premte mbyllte konferencën për media me fjalët “Zoti bekoftë Amerikën dhe miqtë tanë perëndimorë”. Kjo frazë u mishëruar me popullin dhe lidhshmëria vetëm u forcua kur Bill Klinton urdhëroi NATO-n që të bombardojë objektet serbe gjatë luftës në Kosovë në vitin 1999.

Në ditët e sotme është vështirë të gjendet ndonjë gjurmë fizike e luftës. Një brez tashmë është rritur në një ambient paqeje dhe stabiliteti relativ. Megjithatë, ndjenja pro-SHB-së është ende e pranishme, përcjellë KultPlus.

Një nga rrugët kryesore në Prishtinë, quhet Bulevardi Bill Klinton, në emër të presidentin amerikan në kohën e luftës së Kosovës. Rrugë të tjera, shkolla dhe qendra sportive, janë emëruar me emrin e ish-sekretares së shtetit, Madeleine Albright, po ashtu dhe me emrin e kongresmenit amerikan Eliot Engel, ish-presidentit George Bush dhe udhëheqësve të vendeve anëtare të NATO-s përfshirë Tony Blairin e Britanisë së Madhe, për të cilët Kosova është shumë e dashur.

Çdo 4 korrik, Dita e Pavarësisë së SHBA, festohet edhe në Prishtinë. Zjarrfikësit në Prishtinë pastrojnë statujën e Bill Klintonit në një shesh qendror dhe zëvendësojnë flamurin amerikan që fluturon aty pranë. Ceremonia organizohet nga Shoqata e Miqve të Amerikës në Kosovë dhe në të marrin pjesë zyrtarë publikë dhe ushtarakë si dhe përfaqësues të ambasadës amerikane./ KultPlus.com

Poradeci dhe Çabej në parkun e Grazit, tregimi i tyre në një lokal atje (FOTO)

Posted on by Kult Plus

Të veshur të dy me pallto, kapele në kokë, dhe një bastun në dorë Eqrem Çabej dhe Lasgush Poradeci duken kaq elegantë ndërsa shëtisin në një park në Graz. Fotoja është bërë publike nga vajza e Lasgushit Maria.

Është e njohur miqësia që dy njerëzit e njohur të letrave kanë pasur me njëri tjetrin. Ata kanë qenë të dy studentë në Graz. Janë dhjetëra letërkëmbime që kanë shkëmbyer me njeri-tjetrin mbi magjinë e poezisë, apo Shqipërinë. Herë pas here Maria bën publike detaje interesante nga jeta e poetit. Ne kemi parë dhe një portret të gjuhëtarit të madh vizatuar nga Lasgushi.

Pak kohë më parë Maria tregoi dhe një episod teksa dy personazhet e njohur të letrave shqipe ndodheshin në një lokal.

“Ishim me Eqrem Çabeun në Graz (Austri), ishim të dy studentë (vitet 1925-1926). Kishim gjetur për të ngrënë darkë një restorant të vogël, por shumë të mirë familjar. Në kuzhinë ishte gruaja, në banak ishte burri dhe vajza e tyre ishte kamarjere. Na pëlqente shumë ushqimi aty.

Një natë, po hanim si zakonisht dhe po bisedonim. Lokali ishte plot dhe të gjithë hanin dhe flisnin me njeri tjetrin dhe nuk ndiheshin. Ne, na kishte tërhequr aq shumë biseda sa nuk e kishim vënë re që po flisnim me zë të lartë. Po flisnim shqip. Dhe herë pas here aprovonim njeri-tjetrin duke thënë po po (ata që dinë gjermanisht do ta kuptojnë). E vumë re që klientët na shikonin si të habitur. Po ne, vazhdonim të flisnim me zë të lartë.

I zoti i lokalit (burri, që rrinte në banak), na u afrua dhe me zë të ulët dhe me shumë sjellje na tha që duhet ta ulnim zërin sepse po shqetësonim të tjerët që ishin duke ngrënë. Ne, nuk e konsideruam vërejtjen e tij dhe vazhduam duke folur me zë të lartë. Ata, klientët, dalëngadalë filluan të paguajë dhe e boshatisën lokalin duke na lënë vetëm. U turpëruam shumë dhe nuk shkelëm më kurrë në atë lokal”, tregonte Lasgushi./ KultPlus.com

Rita Moreno vesh fustanin që kishte veshur në ceremoninë e vitit 1962 të Oscars (FOTO)

Posted on by Kult Plus

Aktorja Rita Moreno dje ka shkelur tepetin e mbrëmjes së Oscar, ndërsa mbante të veshur fustanin që kishte veshur edhe gjysmë shekulli më herët, shkruan KultPlus.

Fustani i aktores Moreni është një kombinim mes të zezës dhe të artës. Aktorja mbrëmë ka treguar se këtë fustan e ka veshur në ceremoninë e ndarjes së çmimeve në vitin 1962, atëherë kur mori trofeun e Oscar, si aktorja më e mirë për rolin e saj në filmin “West Side Story”.

KultPlus ju sjellë dy fotografi të aktores se si dukej shumë vite më herët dhe tani./ KultPlus.com

Rita Ora shkëlqen në të kuqe në Vanity Fair Oscars 2018 (FOTO)

Posted on by Kult Plus

Këngëtarja shqiptare me famë botërore, Rita Ora ka magjepsur mbrëmë me dukjen e saj në Vanity Fair Oscars, shkruan KultPlus.


Rita Ora e cila këtë të shtunë ka publikuar edhe linjën e saj të modës, po vazhdon të shkëlqej me pamjen e saj nëpër eventet glamuroze. Me një pamje të tillë ajo është prezantuar edhe mbrëmë në ndejën e Vanity Fair Oscars 2018. Ajo mban të veshur një fustan me ngjyrë të kuqe dhe vezullues.

The Vanity Fair Oscars cilësohet si një nga mbrëmjet më të njohura të Hollywood-it, qe mbahet në Beverly Hills. /KultPlus.com