Muaj: Nëntor 2018

Mendoni se administrata publike në Shqipëri (sepse privati nuk lëshon pe kollaj) ka shumë ditë pushimi?! Epo, keni të drejtë nëse e krahasoni me vendet e botës si Sri Lanka, Kolumbia e Filipinet, por nëse bëhet fjalë për Europën, administrata dhe sektori privat në rastet kur e zbaton ligjin, i gëzohen më shumë ditëve pushimi në vit, si rrjedhojë e festave zyrtare.

Në një hartë të re të përpiluar nga WorldAtlas, rezulton se nga të gjitha vendet në botë, Kamboxhia kryeson listën e festave më të zakonshme me 28 festat publike të vërejtura çdo vit. Sri Lanka ndjek me 25, Indi dhe Kazakistan me 21, Kolumbi, Filipine dhe Trinidad dhe Tobago me 18, Kinë dhe Hong Kong me 17, dhe Tajlandë, Turqi dhe Pakistani me 16.

Shqipëria, sipas të dhënave të vitit 2018, ka 14 ditë pushimi zyrtare për shkak të një feste dhe bën pjesë në grupin më të zakonshëm në botë sa i përket ditëve pushim. (pra më me pak të tilla).

Në Europë, Shqipëria është ndër ato vende që ka më shumë ditë zyrtare pushimi. Greqia dhe Italia kanë përkatësisht nga 12 ditë. Mali i Zi gjithashtu ka të njëjtin numër ditësh pushimi zyrtare si Shqipëria në 14, ndërsa Kosova llogarit 12.

Një festë publike, një festë kombëtare ose një pushim ligjor janë terma që nënkuptojnë asgjë më shumë se një ditë në një vit që është lënë mënjanë të jetë një ditë joproduktive dhe që është vendosur nga sundimi i ligjit. Ka shumë vende anembanë globit që gëzojnë privilegjin për të pasur një numër të madh pushimesh. Këto festa në përgjithësi përbëjnë përvjetorin e një ngjarjeje të rëndësishme historike, ose feste fetare, ose një festë që bie në një ditë të caktuar të javës ose pas një sistemi kalendarik, si Kalendari kinez ose Lunar. Festimi i një dite të veçantë në një vend, si Dita e Fëmijëve në Turqi, gjithashtu mund të shënohet si një festë publike në një kohë tjetër se e njëjta ditë festohet diku tjetër.

Avantazhet e ditëve të pushimit kanë të bëjnë me faktin se njerëzve iu jepet më shumë kohë për të qenë me familjen si dhe për t’iu dedikuar argëtimit. Ekspertët e sjelljeve sociale thonë se ato gjithashtu shërbejnë për të rritur ndërveprimin social dhe produktivitetin. Punonjësit kanë mundësi që të çlodhen dhe më pas t’i dedikohen punës me një rendiment më të lartë.

Por, kanë edhe anën tjetër të medaljes, pasi ndikojnë në ngadalësimin e transaksioneve që mund të bëhen përmes bankave, si dhe për sektorin financiar. Financat duhet të presin për pak kohë për t’u vënë në lëvizje, megjithatë qeveritë gjejnë mënyra për të kompensuar këto ‘humbje’.

Administrata shqiptare, nga ana tjetër, që të premten e mbyll që në orën 2 punën dhe të shtunë e të diel është pushim ka një efektivitet shumë më të ulët përballë një biznesi që shpesh punon pa pushim (e shtuna për pjesën më të madhe të sipërmarrjeve private është punë) për të arritur objektivat dhe madje për të siguruar mbijetesën.

Kjo javë, që duke filluar nga e mërkuara është pushim për administratën deri në fund të javës (pasi data 30 është caktuar pushim) është një dëshmi e dy “botëve” të ndryshme ku jeton shteti dhe biznesi.

Ky është kalendari i festave zyrtare të 2018-ës në Shqipëri (i publikuar nga Banka e Shqipërisë):

1 dhe 2 Janar Festat e Vitit të Ri

25 Dhjetor Krishtlindjet

Në rastet kur festat zyrtare bie në ditët e pushimit javor (e shtunë ose e diel), dita e hënë është ditë pushimi.

Data e festave të Kurban Bajramit dhe Bajramit të Madh mund të ndryshojë sipas kalendarit hënor/Monitor/./ KultPlus.com

Ministri i Kulturës, Rinisë dhe Sporti, Kujtim Gashi, ka marrë pjesë në konferencën “Toleranca & Siguria Njerëzore e të Rinjve në Kosovë” e organizuar nga Ministria e Kulturës, Rinisë dhe Sportit në bashkëpunim me organizatën për Siguri dhe Bashkëpunim në Evropë (OSBE).

Qëllimi i kësaj konference është reflektimi mbi të arriturat e vitit 2018 nga ky sektor në përkrahjen dhe fuqizimin e të rinjve në fushën e sigurisë njerëzore si dhe rolin e OSBE-së në bashkëpunimin e mëtutjeshëm me MKRS-në në fushën e sigurisë për të rinj.

Me këtë rast ministri Kujtim Gashi tha se Ministria e Kulturës, Rinisë dhe Sportit mbetet edhe më tutje njëra nga institucionet kryesore për parandalimin e dukurive negative për të rinjtë, përfshirë këtu edhe luftimin e fenomenit të ekstremizmit të dhunshëm në Kosovë.

“Për realizimin e suksesshëm të misionit tonë në fushën e sigurisë ne këtë vit kemi mbështetur 28 organizata në fushën e sigurisë përfshirë këtu: parandalimin e trafikimit, delikuencës, kriminalitetit, dhunës ndëretnike, promovimin e tolerancës dhe mirëkuptimit, si dhe janë mbështetur 19 qendra dhe organizata rinore në parandalimin e ekstremizmit dhe radikalizmit që shpie në terrorizëm, 5 prej të cilave në partneritet me OSBE-në”, tha ministri Gashi.

“Si ministri pos mbështetjes financiare që po u bëjmë organizatave rinore e qendrave rinore, ne jemi në finalizim të strategjisë së re, e cila do të jetë e përkushtuar në mekanizmat e rinisë. Jam këtu për ta konfirmuar mbështetjen si ministër, si MKRS që asnjë i ri i joni të mos jetë i prekur nga këto tema që do të trajtohen sot”, ka thënë ministri Gashi.

Ai theksoi se “inkurajoj të gjithëve që të kontribuojmë sa më shumë në avancimin e mbrojtjes dhe promovimit të një mjedisi sa më të mirë dhe më të sigurt për të rinjtë tanë si dhe të synojmë që këto rezultate të arrihen gjithmonë brenda kornizave të legjislacioneve vendore dhe ndërkombëtare”.

Ndërkaq Xhevat Bajrami, drejtor i Departamentit të Rinisë në MKRS, tha se “Këtë vit kemi mbështetur disa OJQ, për të pasur qasje në ruajtjen e ambientit ku jetojmë. Përshëndes donatorët që kanë kontribuar në ruajtjen e sigurisë”.

Ganimete Gërboci nga Departamenti i Sigurisë Publike, në Ministrinë e Punëve të Brendshme, tha se siguria është një ndër shtyllat kryesore që e garantojnë kushtetutshmërinë e shtetit.

“Krahas boshteve tjera kryesore të një shteti, siguria mbetet shtylla kurrizore e ekzistencës fizike dhe garantimit të kushtetutshmërisë. Çelësi i suksesit për të rritur nivelin e sigurisë në vend është komunikimi midis institucioneve në nivel qendror dhe lokal. Bashkëpunimi ndërmjet ministrive është rritur dukshëm. MKRS-ja është ministri që ka pas vetes të gjithë rininë. ne jemi të gatshëm të ndihmojmë çdo ministri sepse qëllimet tona janë të njëjta”, ka thënë Gërboci./ KultPlus.com

Më 2019 është në plan të hapet një muze i ri për historikun e Statujës së Lirisë.

Muzeu me një sipërfaqe prej 2 mijë e 400 metrash katrore ka një panoramë të pakrahasueshme të këtij monumenti-ikonë, si dhe të lagjes së Manhatenit në New York. Muzeu, ende në procesin e ndërtimit, nderon konceptin universal të Lirisë dhe të Zonjës së Lirisë, që vizitohet çdo vit nga më tepër se 4 milionë vizitorë.

Gjatë një periudhe 62 vjeçare, nga viti 1892, deri më 1954, kjo dhuratë kolosale e Francës, e quajtur “Statuja e Lirisë që ndriçon botën”, ka mirëpritur më tepër se 12 milionë imigrantë, të cilët patën zbarkuar në ishullin pranë, Ellis Island.

Tani, atje është duke u ndërtuar muzeu i ri që nderon trashëgiminë e Zonjës së Lirisë, një vepër monumentale.

“Kur erdhëm fillimisht në ishull, u prekëm thellë. Pamë njerëz të gjunjëzuar duke qarë, për shkak të domethënies që ka ai vend për ta…Kjo na bëri të besojmë që ky është një vend me të vërtetë i veçantë, madje i shenjtë”, thotë njëri prej projektuesve të muzeut.

Çdo vit statujën e vizitojnë katër milionë e gjysmë turistë, por për shkak të kapacitetit të kufizuar, vetëm një e pesta e tyre hyjnë brenda monumentit. Me hapjen e muzeut të ri dhe kopshtit që e rrethon, të gjithë vizitorët e Ishullit të Lirisë ftohen për ta eksploruar atë. Përmes projektit që bazohet tek mjetet e reja dixhitale të komunikimit, vizitorëve do t’u jepet mundësia për dialog të hapur.

“Donim të theksonim idenë se kemi aftësinë për të ruajtur dhe mbrojtur idenë e lirisë”, thotë projektuesi kryesor i muzeut.

Secili nga vizitorët largohet me një interpretim të ndryshëm të muzeut.

“Përfaqëson përpjekjet për barazi dhe vëllazërim të të gjithë njerëzve që kanë ardhur këtu”, thotë një turiste nga Kosta Rika.

“Për t’u ndjerë të lirë, por gjithmonë duke respektuar lirinë e të tjerëve”, thotë një turist nga Spanja.

Pas një fluturimi virtual për në majën e statujës 93 metra të lartë, vizitorët hyjnë në studion e skulptorit të saj Frédéric Auguste Bartholdi, para variantit përfundimtar në Galerinë e Frymëzimit.

Atje, vizitorët mund të shohin nga afër pishtarin origjinal me peshë 1 mijë e 600 kile, që qëndroi në majë të statujës për rreth një shekull, deri në vitet 1980, kur u zëvendësua me një të ri.

Në majën e monumentit gjendesh para një panorame të horizontit të Manhatenit të Poshtëm, të Nju Jorkut. Kryearkitekti i muzeut thotë se ndërtesa dhe peizazhi që e rrethon rrezatojnë optimizëm.

“Nuk jemi përpjekur që me këtë projekt të shprehim nostalgji. Ai është konceptuar si një objekt i së ardhmes, jemi përpjekur të krijojmë një objekt frymëzues, një lloj ikone të re, gjithmonë duke respektuar ndërtesat ekzistuese”, thotë një nga projektuesit e muzeut, Nicholas Garrison.

Muzeu i Statujës së Lirisë pritet të hapet në maj të 2019-s./KultPlus.com

Dy ditë para 106 vjetorit të shpalljes së pavarësisë, në këtë vit të Skënderbeut dhe në 140 vjetorin e Lidhjes së Prizrenit, Lëvizja Vetëvendosje organizoi promovimin e librit “Publikja Shqiptare 3 – Fraza Politike”.

Kështu nis njoftimi i kësaj partie, për aktivitetin e djeshëm. Në njoftim thuhet se për rëndësinë e këtij botimi folën disa nga autorët e eseve të këtij libri, duke nisur nga studiuesi i filozofisë Elvis Hoxha, studiuesit e shkencave politike Enis Sulstarova, Hysamedin Feraj dhe Gent Carrabregu, shkrimtari dhe njëherësh botuesi i librit Krenar Zejno dhe studiuesi i historisë Durim Abdullahu. Po ashtu, mendimet e tyre për këtë punim kolektiv i ndanë me të pranishmit edhe kryetari i Lëvizjes Vetëvendosje, Albin Kurti, Avni Dehari dhe anëtari i Kryesisë së Lëvizjes, Arbër Zaimi.

“Publikja Shqiptare 3 – Fraza Politike” është realizuar nga Instituti Politik i Studimeve Humane në Tiranë dhe është botuar nga Shtëpia Botuese “ZENIT”. Sipas njoftimit, botimi synon riaktualizimin e mendimit politik të figurave qendrore të Rilindjes Kombëtare dhe të historisë së letrave shqipe.

“Nga Frang Bardhi deri tek Ukshin Hoti, mendimi politik shqiptar është i pandashëm nga projekti i bashkimit kombëtar në një shtet demokratik dhe anti-autoritar. Ky projekt është aktual për aq kohë sa gjendje e shqiptarëve nuk është në lartësinë e këtij vizioni politik”, thuhet në njoftim.

“Publikja Shqiptare 3 – Fraza Politike” është pjesë e një cikli të nisur në vitin 2012 me dy botime pararendëse “Publikja shqiptare 1: Ese kritike” dhe “Publikja shqiptare 2: Figurat e skandalit”. Kontribuuesit e këtij numri vijnë nga lëmitë politike, akademike dhe artistike të letrave shqipe.

“Fraza Politike” risjell mendimin e kondensuar në fraza nga disa prej figurave qëndrore në historinë e letrave shqipe përmes analizave eseistike të tyre. Si njëri nga kuratorët e këtij botimi dhe si kontribues në të, Elvis Hoxha, njëherësh anëtar i Kryesisë së Lëvizjes, u shpreh se përmes frazave politike ky botim nxjerr në pah publiken shqiptare dhe çfarë do të kishim qenë si komb në sytë e këtyre frazave.

Për Elvis Hoxhën problemi i shqiptarëve ka qenë gjithnjë mungesa e teorisë mbi historinë tonë kombëtare pasi nuk jemi mësuar ta regjistrojmë trashëgiminë e reflektimeve tonë historike. Ky botim është edhe një ftesë për projekte të tilla të ngjashme nga lëmi të ndryshme të letrave shqipe.

Në fjalën e tij, kryetari i Lëvizjes Albin Kurti theksoi rëndësinë e qasjes së këtij botimi duke thënë se ky libër është nga ata botime që i përndjek autorët dhe në të njëjtën kohë u paraprin autorëve.

“Tekstet e kësaj fraze politike nuk janë të lehta sepse janë të drejta, e duke qenë të drejta thërrasin në përgjegjësi publike për çështjen kombëtare. Të jesh shqiptar është përgjegjësi. Të qenit shqiptar është pjesë e jona, por është pjesë më e madhe se ne”, tha Kurti.

Përgjatë prezantimit, u vu në pah se ky libër është shenja e bashkimi historik të shqiptarëve për nga temat që trajton dhe shenja modeste e bashkimit gjeografik për nga autorët që kanë kontribuar në të. Autorët theksuan faktin se Shqipëria akoma nuk është plotësisht Shqipëri për sa kohë Kosova është e ndarë prej saj. Pikërisht, frazat politike janë ato që na i organizojnë marazet politike të ndarjes kombëtare. Shprehjet politike janë ato që na nxjerrin nga prehja e të qenit spektatorë të një historie që luan me fatin e shqiptarëve. Frazat politike janë ato që na hedhin në aksione politike.

“Publikja Shqiptare 3 – Fraza Politike” shënjon vazhdimësinë e mendimit politik të Rilindjes Kombëtare në funksion të bashkimit, çlirimit dhe organizimit demokratik të hapësirës tonë publike si shqiptarë; parakusht ky për stabilizimin e jetëve tona private.

Vizioni i Rilindjes Kombëtare është një projekt demokratik dhe anti-autokratik i cili mbetet për t’u përmbushur dhe që vazhdimisht thërret ndjekës bashkëkohor të tij. Shumica e Rilindasve ishin të përndjekur politik të cilët do të vazhdojnë të jenë të përndjekur deri sa projekti i tyre të realizohet në një bashkim politik dhe demokratik të shqiptarëve.

Për sa kohë projekti jonë kombëtar vazhdon të jetë i ndrydhur, pyetja nuk shtrohet se si duket Rilindja Kombëtare në sytë tanë, por se si dukemi ne në sytë e Rilindjes tonë Kombëtare./KultPlus.com

Presidenti i Serbisë, Aleksandar Vuçiq, ka komentuar mbledhjen e sotme mes Qeverisë së Kosovës dhe asaj të Shqipërisë.

Veç tjerash, në një intervistë për televizionin publik serb, ai foli edhe për fotografinë e delegacioneve qeveritare me simbolin e shqiponjës me duar, duke thënë se ai “më shumë më ngjan me një pulë sesa me shqiponjë”, transmeton Koha.net.

“Mua ashtu më duket, ku di unë. Po ta bënim ne atë, menjëherë do të shkonim në Hagë. Ata askund s’e mbajnë flamurin e Kosovës. A e keni parë diku në institucione të Kosovës. E kanë një Ditë të flamurit – të flamurit shqiptar”, tha Vuçiqi./ KultPlus.com