Me rastin e promovimit të librit “Kosovo and the Eu- State of Play” të eurodeputetit Lukas Mandl që është mbajtur së fundi në Vjenë të Austrisë, është prezantuar edhe interpretimi i pianistes kosovare Lule Elezi, interpretim që është përzgjedhë nga vet eurodeputeti, shkruan KultPlus.
Me këtë rast, interpretimi që është prezantuar në këtë eveniment është nga veprat e Beethoven, ku pianistja Elezi ka një numër të konsiderueshëm të interpretimit të veprave të këtij kompozitori.
Lule Elezi ka njoftuar për këtë paraqitje e cila është shprehur të jetë mjaftë e nderuar për këtë prezantim. KultPlus ju sjell më poshtë statusin e plotë të Elezit, sikurse që sjell edhe interpretimin e pianistes Elezi që është promovuar në këtë ngjarje me karakter ndërkombëtar.
Jam shumë e lumtur të ju informoj që një nga interpretimet e mia solistike nga kompozitori L.v. Beethoven është pjesë e prezentimit online të librit
“ KOSOVO AND THE EU- STATE OF PLAY” mbajtur më 17 shkurt 2021 në Vjenë.
Autori, Mag. LUKAS MANDL , është i njohur si Eurodeputet i Parlamentit Evropian (MEP) dhe politikan austriak që aktivisht punon për interesat e Kosovës.
Në këtë video mund ta përcillni performancën e Lule Elezit, pjesa e pianistes kosovare është prej minutës 31
Ai është mik shumë i çmuar i Kosovës.
Jam vërtet shumë krenare që për këtë eveniment kaq të rëndësishëm , vet Eurodeputeti Mag. LUKAS MANDL ka përzgjedhur një interpretim timin nga Beethoven të albumit që kam incizuar në Shtëpinë e Mozartit “ Mozarthaus” në Vjenë.
Në videon më poshtë , që është shkëputur nga ky eveniment mund të shijoni interpretimin tim./ KultPlus.com
Tashmë janë bërë më shumë se pesë vite prej kur ‘MARShojmë S’festojmë’, çdo tetë mars, bëjnë thirrje për të drejtat e grave dhe vajzave, duke shënuar kështu Ditën Ndërkombëtare të Grave. Ndonëse në kohë pandemie, ‘MARShojmë S’festojmë’, këtë vit do të jehojë zërin e vet në të gjitha komunat e Kosovës, kurse marshin kryesor do ta ketë në sheshet e kryeqytetit, shkruan KultPlus.
‘MARShojmë s’festojmë kundër patriarkatit që vret’, është një nga thirrjet kryesore të marshit të sivjetmë. E një ndër arsyet më të mëdha që nxiti një thirrje të tillë ishte rritja e rasteve të dhunës dhe grave të vrara që nga fillimi i pandemisë, duke e bërë kështu edhe shtëpinë një vend të pasigurtë. Por, thirrja e këtij marshi nuk kufizohet vetëm në dhunën e vitit të fundit, ngase revolta, pakënaqësia kundrejt sistemit familjar, e atij të drejtësisë ka filluar që në kohën kur gratë vriteshin veç pse ishin gra.
Në një intervistë për KultPlus aktivistja e kolektivit të ‘MARShojmë S’festojmë’, Fjolla Muçaj ka thënë se pikërisht pandemia ishte ajo që zgjoi dhe një herë frikën dhe pasigurinë e grave në shtëpinë e tyre, prandaj dhe fokusi i këtij marshi do të jetë pikërisht mendësia e patriarkatit që vret.
“Këtë vit do të jetë temë vetëm kundër patriarkatit, sepse që nga fillimi i pandemisë në Kosovës është rritur numri i vrasjeve. Dhe me rritjen e numrit të vrasjeve krijohet një situatë e atillë ku dhe shtëpia ngjallë një frikë dhe pasiguri për jetën. Pikërisht për këtë marshi do të zgjerohet edhe në komunat e tjera”, pohoi Muçaj.
Tutje ajo ka shtuar se organizimi edhe në komunat e tjera është i rëndësishëm pikërisht për faktin që të shihet edhe nga njerëzit e tjerë, e të përjetohet edhe në vendet e tjera, njëlloj sikurse në kryeqytetin e vendit.
Madje Muçaj thotë se kësaj nisme është e rëndësishme ti bashkohen të gjithë qytetarët, burra, gra e të rijnë në mënyrë që të gjithë të kuptojnë se sa e rëndësishme është jeta e tjetrit.
‘Patriarkati vret’, ‘Poshtë patriarkati’, ‘Vrasja e grave është politike’, ’ Edhe sa jetë të humbura?’, janë vetëm disa nga thirrjet e shumta që do të marrin zë marsin e këtij viti, pikërisht me vendosjen e çarçafëve në ballkonet e shtëpive e zyreve tona.
Krejt në fund aktivistja nga Deçani ndonëse në një komunë të vogël siç është edhe vendi prej nga ajo vjen, shpreson se një nismë e tillë, do të mirëpritet, e përkrahet nga njerëz të shumtë, edhe pse ende ekziston një mendësi e atillë kolektive ku lufta kundrejt patriarkatit, dhunës ndaj grave, por edhe të drejtave të barabarta duhet të heshtet.
Marshi do mbahet në sheshin ‘Zahir Pajaziti’, në kryeqytetin e vendit me fillim ne orën 12:00. Ndërkaq po në të njëjtën orë thirrja ‘Patriarkati vret’, do te jetë e pranishme në tërë Kosovën./ KultPlus.com
Nga të gjitha krijesat e mrekullueshme e të çuditshme që mund të hasen në oqeane, një peshkaqen mutant me fytyrë njeriu nuk të shkon shpesh në mendje.
Por një peshkatar në brigjet e Indonezisë mbeti i habitur kur pa pikërisht këtë.
Bebja mutante peshkaqen u kap nga Abdullah Nuren, 48 vjeç, në ujërat e Rote Ndao në provincën lindore të Nusa Tenggara.
Peshkatari kishte kapur fillimisht një peshkaqen të rritur me rrjetën e tij dhe kur i hapi barkun gjeti tre këlyshë brenda.
Por një prej tyre kishte një paraqitje çuditërisht ‘njerëzore’, me dy sy të mëdhenj të rrumbullakët nën turirin e tij prej egersire.
“Fillimisht gjeta nënën peshkaqen në rrjetë”, shpjegon Nuren.
“Ditën tjetër hapa barkun e saj dhe gjeta tre këlyshë në stomak. Dy ngjanin si e ëma por njëri kishte një fytyrë si njerëzore”.
Nuren thotë se e çoi beben peshkaqen te familja e tij për ta ruajtur. Ai shton se finjët kishin ofruar ta blenin, por ai kishte refuzuar.
“Shtëpia ime është mbushur me njerëz që duan të blejnë peshkaqenin me fytyrë nejrëzore. Por unë do ta ruaj atë. Besoj se do të më sjellë fat”./ KultPlus.com
Me regji të Jasmila Zbanic, filmi “Quo Vadis, Aida” do të prezantohet në ‘Sofia International Film Festival’, e në të cilin luan edhe aktori shqiptar Alban Ukaj, shkruan KultPlus
Filmi “Quo Vadis, Aida”, është i bazuar në një ngjarje të vërtetë, të një përkthyeseje ndërkombëtare e cila ka shërbyer në atë periudhë në Bosnje dhe Hercegovinë.
Zbanic që është shpërblyer me filmin e saj “Grbavica”, ku edhe në vitin 2006 pat fituar Ariun e Artë në Berlin, duket se sërish ka kthyer vëmendjen e medieve dhe kritikëve të filmit.
Aktori shqiptar, Alban Ukaj që luan në këtë film ka rolin e përkthyesit Tarik./ KultPlus.com
Filmi i metrazhit të gjatë ‘Galaktika e Andromedës’ nga regjisorja More Raça po vazhdon të ketë suksese të njëpasnjëshme. Kësaj radhe, ky film do të marrë pjesë në Festivalin Ndërkombëtar të Filmit në Sofje, shkruan KultPlus.
Në faqen zyrtare të festivalit ndër të tjera shkruhet se ‘Galaktika e Andromedës’ është një film i ngrohtë i ndërtuar për marrëdhënien babë-bijë me një stil vizual krijues qët ë lë përshtypje dhe të tërheqë për talentin që posedon regjisorja.
Andromeda Galaxy is officially selected at Sofia International Film Festival.
“Awarded in San Sebastian and nominated…
Filmi Galaktika e Andromedës ka për subjekt Shpëtimin, një baba të vetëm, mbi të cilin rëndojnë problemet sociale dhe dilema të mbetet apo jo kujdestar i vajzës së tij./ KultPlus.com
Ndoshta nuk muj’ me ta kuptu merakun që ke sa herë që bie t’flejsh e nuk mundesh mem puth sepse nuk m’ke afër, edhe pse jam aq e sigurt që ti m’puth çdo natë me zemër. Ndoshta s’kam mujt me ta prek shpirtin e me pa si t’digjet sa herë që mbi krye m’ke qëndru kur jam sëmurë por e di që ke vlue përmrena. Unë nuk e di sa e lodhshme ásht për ty mem bërtit sa herë që i dorëzohena gabimeve t’jetës por di që çikën tande s’kishe dásht me ta prek as puplat e lene ma e keqja e njerëzve. Unë nuk t’i di t’dhimtat e lindjes kur m’ke pru në jetë por di që i kishe përjetu çdo ditë, çdo sekondë veç me pa evladin tánd dhe zemrën n’gjoksin tànd si i rreh. Ndoshta unë kurrë s’kam me u ba as sa gjysma jote, por di që gjysma jeme asht plot 24 vjet prej áshtit tánd. E unë kisha mujt me ken bija e çdo femne tjetër, por jam e jotja me plot bekime, e nje grueje trime, me zemër t’madhe që e thrras nanë. Ndoshta njëmij vjet me i pas n’kyt dyrnja unë kurrë s’kam me ta shlye borxhin, edhe pse ti kur e ndin këto fjalë ngulfatesh sesi unë nuk e kuptoj që për ty jam një dhuratë e Zotit.
Unë di veç me ngreh zanin e me qajt, at’herë kur jeta m’rrzon e ma jep shuplakë tuj harrue që edhe ti i ke, por që i sheshon se t’mijat të vrasin ma shumë se tuajat dhe gjithmonë aty je. Nanë, s’të dal kurrë hakut. Sa herë bota ka hedh hi mbi evladin “vajzë” ti ke ditë mem mbyll veshët mos me i ndëgjue e m’ke thanë se ty t’kam hapë dyer n’parajsë. Ke ditë me sheshu fjalt e hallkut përreth se pse kam lind çikë e para për ty nuk asht ken turp por gëzimi ma i madh në jetë. Nuk kam pse me ta dediku dashninë veç një herë si çikë se ti e ke hak me u gzue çdo t’lume ditë. E unë veç me falendëru që e mbaj gjakun tand, gjak që më jep jetë sa t’jetë jeta./ KultPlus.com
Profesoresha Sadete Tërnava Osmani ka botuar librin e saj më të ri ‘Përvetësimi i shkathtësisë së leximit dhe të dëgjimit në mësimin e gjuhës angleze në arsimin e mesëm të ulët’, shkruan KultPlus.
Kjo është bërë e ditur nga vetë Osmani e cila ka shkruar se ky libër është një monografi për mësimdhënësit e gjuhës angleze me një fokus në të lexuar dhe në të dëgjuar.
Më poshtë mund të lexoni postimin e saj të plotë:
Integrimi i katër shkathtësive gjuhësore në procesin e mësimdhënies se gjuhës angleze, është kriter i veçantë për përvetësim kompetent të saj.
Monografi për mësimdhënësit e gjuhës angleze, kësaj radhe me fokus në të dëgjuarit dhe të lexuarit./ KultPlus.com
Një shtëpi 139-vjeçare në San Francisko, Kaliforni, “mori” një adresë të re, gjashtë blloqe larg, falë një ekipi të gjerë inxhinierësh dhe punëtorësh ndërtimi.
Shtëpia u ngarkua në një kamion dhe u zhvendos.
Kureshtarët dhe ata që donin të bënin një fotografi ishin të shumtë teksa kryhej procesi i lëvizjes së shtëpisë prej 465 metra katrorë.
Kostoja e lëvizjes së shtëpisë me gjashtë dhoma gjumi shkoi rreth 400 mijë dollarë./voa/ KultPlus.com
Shpërthimet spektakolare të vullkanit në malin Etna e arritën kulmin të hënën në itali, duke krijuar pamje mahnitëse të lavës që rrodhi përgjatë 1.500 metrave.
Vullkani më aktiv i Evropës ka qenë edhe më aktiv javëve të fundit. Hiri që doli nga ky vullkan ka arritur deri në Catania, shkruan The Guardian, transmeton Gazeta Express.
“Etna po bën spektakël këto ditë”, tha Marco Neri, ekspert i vullkanologjisë dhe anëtar i Institutit Kombëtar për Gjeofizikë dhe Vullkanologji.
“Ky është qartazi shpërthimi më i fuqishëm në kraterin jugor që është zbuluar më 1971. Nuk kemi parë shpërthime kaq të mëdha për vite të tëra, por momentalisht nuk ka rrezik për popullsinë, përpos tymit që mund të shkaktojë vështirësi në frymëmarrje dhe hirit që mund t’i mbulojë rrugët dhe ndërtesat”, shtoi ai.
Shpërthimet e shpeshta të Etnas nganjëherë e kanë ndryshuar peizazhin e Sicilisë juglindore. Shpërthimi që ka zgjatur më së shumti në këtë vullkan ka ndodhur në korrik të vitit 1614, kur aktiviteti shpërthyes i vullkanit kishte zgjatur dhjetë vjet.
Shpërthimi më i njohur dhe më shkatërrues kishte ndodhur më 1669, kur lava dhe tërmetet kishin shkatërruar disa qyteza dhe kishin arritur deri në det. / KultPlus.com
Çka ndodh, djalosh, po u bâne ashik si unë – çdo ditë marrosje, çdo natë vajtim pa fund? Prej syve nuk të hiqet e Tija shëmbëlltyrë – dyqind drita në sytë e tuej, prej asaj fytyrë. Prej tanë miqve ishe shkëputë, prej dynjasë i kishe la duert: “Prej vetvetes krejt jam ndâ, plotësisht i Joti tash jam bâ. Kur përzihem me kët’ hallk, jam ujë e vaj, përjashta i bashkuem, përmrenda i ndamë.” I marrosun bâhesh po i le dëshirat mënjanë, po s’asht marrosje qi heqimi i gjen derman. Sikur heqimët për nji dekik kyt dert ta shijojshin, zinxhirët i kishin këputë, librat do t’i coptojshin. Boll! Leni tana mbrapa, lyp minierë sheqerit hak! Banu i tretun në at’ sheqer, si qumshti në kajmak!
Gjuhët kanë qenë gjithmonë “fibra” e njerëzimit. Guri i themelit të shoqërisë njerëzore, dhe forca që i hapi rrugën qytetërimit. Pa të, shoqëritë nuk mund të zhvilloheshin siç janë zhvilluar. Ndaj gjuhët janë “testament” mbi nevojën e madhe të species tonë për të ecur përpara.
Sigurisht që ato janë një forcë fluide, evoluojnë gjithmonë, në vërësi të kohës dhe ndikimeve të jashtme. Edhe sot, gjuhët zhduken dhe rishfaqen, në forma të reja dhe të ndryshme. Por cilat janë gjuhët më të vjetra në botë, që fliten ende sot?
Gjuha baske
Gjuha Baske ose Euskara siç njihet nga folësit e saj, është vërtetë një gjuhë e mahnitshme dhe unike në Evropë. Ajo flitet sot në rajonin Bask në Spanjë nga rreth 750.000 folës amtarë dhe rreth 1.185.000 folës të tjerë, që nuk e kanë gjuhën e tyre të origjinës.
Rajoni Bask është shtëpia e popullit bask, një zonë që shtrihet midis kufirit mes Spanjës dhe Francës, e përqendruar rreth Gjirit të Biskajës. Gjuha baske nuk ka asnjë lidhje me gjuhët fqinje. Një teori interesante, e lidh baskishten me gjuhët e maleve të Kaukazit, siç janë gjuha çeçene dhe ajo gjeorgjiane, që janë gjithashtu unike.
Gjuhët kartveliane
Banorët autoktonë të rajonit të Maleve të Kaukazit Jugor, gjuhët kartveliane janë padyshim ndër më të vjetrat në botë, dhe që fliten ende. Këtu futen gjuha gjeorgjiane, svan, zan, mingrelian dhe laz. Izolimi gjeografik i fiseve që jetonin këtu, lejoi zhvillimin e pashqetësuar të shoqërive unike, që më vonë do të sundonin rajonin.
Gjuha gjeorgjiane, ka formën e saj më të hershme të shkruar që daton në vitin 430 Pas Krishtit. Por vetë gjuha, është sigurisht shumë më e vjetër. Kjo familje gjuhësore, nuk është e lidhur me asnjë tjetër në botë, dhe ka rreth 5.2 milionë folës në të gjithë botën.
Gjuha tamile
Gjuha tamile është një pjesë e gjuhëve dravidiane, dhe flitet nga komuniteti etnik Tamil, që banon në pjesën më jugore të nënkontinentit Indian. Ajo është gjithashtu një nga gjuhët më të vjetra në botë që fliten ende sot.
Në shtetin indian Nadu, gjuha tamile është gjuha zyrtare. Ajo nuk ka asnjë lidhje “gjenetike” me gjuhën dominuese hindu në Indi. Ajo flitet nga rreth 75 milionë tamile, të shpërndarë në të gjithë botën. Forma e saj më e hershme e shkruar, daton në vitin 300 Para Krishtit.
Gjuhët paleo-siberiane
Ato u përkasin fiseve të largëta të Siberisë dhe Lindjes së Largët në Rusi. Këtu përfshihen gjuhët ket, çukotko-kamçatkane, nivk dhe hukagir. Nga ana tjetër, ato përbëhen nga shumë forma dhe dialekte rajonale. Është e sigurtë, që këto gjuhë i paraprijnë gjuhëve që janë sot dominuese në Siberinë e sotme, si gjuhët ruse, tunguze dhe turke. Këto fise nomade, nuk zhvilluan kurrë një sistem të shkruar të gjuhëve të tyre.
Gjuha ainu
Është gjuha e komunitetit etnik Ainu në Japoninë Veriore, dhe që i papaprin popullit modern japonez, që u vendos në këto ishujt. Ainu është një gjuhë e izoluar, pa asnjë lidhje me japonishten. Ekzistojnë disa lidhje të vogla të saj me gjuhët paleo-siberiane. Njerëzit e komunitetit ainu dhe gjuha e tyre janë sot të rrezikuar, teksa shfaqin tipare të dallueshme gjenetike dhe kulturore në krahasim me japonezët.
Gjuha arabe
I përket grupit të gjuhëve semite, dhe është ndër më të vjetrat ende në përdorim. Disa mbishkrime në arabisht, datojnë që nga viti 125 Pas Krishtit. Është një shembull i shkëlqyer se
si një gjuha e një kombi të fuqishëm pushtues, mund të vendoset në një zonë të gjerë, dhe të mbijetojë për shekuj në formën e saj origjinale.
Gjuha aramaike
Kjo gjuhë mburret me afro 3.100 vjet histori të shkruar. Ajo ishte në fillim gjuha e fisit aramean, që u përhap në rajonet e Levantit, Sirisë dhe Mesopotamisë në Lindjen e Mesme, dhe që kishte krijuar një mbretëri që rreth vitit 1000 Para Krishtit. Edhe në kohërat antike, ajo u përdor si një gjuhë mbretërore në disa nga oborret më të vjetra të botës.
Gjuha kineze
Gjuha kineze është shumë e vjetër, dhe një ndër më uniket në botë. Ajo është shumë komplekse – si në të shkruar, ashtu edhe në të folur – dhe sistemi i saj i shkrimit mund të përbëhet deri në 100 mijë simbole të ndryshme. Forma më e hershme e shkruar e kinezçes, daton që nga viti 1250 Para Krishtit.
Gjuha perse
Persishtja, e njohur edhe si farsi, është një gjuhë shumë e vjetër indo-evropiane, që i përket nënndarjes indo-iraniane. Ajo flitet nga rreth 70 milionë njerëz në të gjithë botën. Është e gjurmuar në formë të shkruar që në shekullin VI Para Krishtit, por historia e saj është më e vjetër. Persishtja e vjetër, ishte gjuha e Perandorisë Akamenidiane, e cila ekzistoi gjatë viteve 550-330 Para Krishtit, dhe më vonë edhe në Perandorinë Sasaniane. Shkrimi më i vjetër daton nga sundimi i Darit I.
Gjuha gaelike irlandeze
Është dega irlandeze e gjuhëve goidelike, një pjesë e familjes keltike të gjuhëve indo-evropiane. Shkrimet më të hershme në këtë gjuhë në Irlandë, datojnë nga shekulli IV Pas Krishtit. Pas disa shekujsh shtypje brutale nga pushtuesit anglezë, kjo gjuhë po përjeton sot një ringjallje. /ancietnorigins/ KultPlus.com
Pas përfundimit të javës së modës në New York, parada globale e modës vazhdon me destinacionin e radhës, Londrën.
Në kuadër të muajit të modës në kryeqytetin britanik, disenjatorë e shtëpi të njohura të modës po i prezantojnë koleksionet e reja të veshjeve, “Vjeshtë/Dimër 2021”.
Për shkak të pandemisë së vazhdueshme të koronavirusit dhe kërkesave të nevojshme të sigurisë, ngjarjet e këtilla të cilat janë mjaft të rëndësishme për industrinë e modës dhe ‘fashionistat’ anembanë globit, gjatë vitit 2020 dhe 2021, pësoi ndryshime të dukshme në organizim, me mungesën e dukshme të publikut nëpër sfilata dhe prezantimet vetëm me anë të modeleve në skenë.
Por përtej kësaj, shfaqja e zakonshme e krijimtarisë dhe inovacionit në fushën e modës, nuk ka munguar.
Me fillimin e mbajtjes së sfilatave evropiane, shumë koleksione kanë arritur të lënë gjurmë tek adhuruesit e modës sivjet. Në mesin e disenjatorëve dhe shtëpive të modës të cilët nuk kanë zhgënjyer me krijimet e tyre janë: “Belstaff”, Emilia Wickstead, Erdem, “Burberry”, Jenny Packham, Simone Rocha, Victoria Beckham, Vivienne Westwood dhe të tjerë.
Ua prezantojmë disa prej kreacioneve të preferuara të ekspertëve të modës nga koleksioni “Vjeshtë/Dimër 2021”, të cilat besohet se do t’i dominojnë trendet e modës sivjet:
Britanikja Jasmine Harrison, është bërë gruaja më e re që lundron vetëm përtej Oqeanit Atlantik, duke përfunduar një udhëtim prej 4800 kilometrash nga Spanja në Antigua.
21-vjeçarja Harrison përfundoi sfidën Atlantik Talisker ëhisky 2020, të shtunën në 70 ditë, 3 orë dhe 48 minuta, një rekord i ri botëror për femrën më të re në botë që lundron vetëm përtej çdo oqeani, përcjell KultPlus.
Harrison, nga qyteti i Thirsk në Yorkshire në Angli, shkroi në faqen e saj të internetit se ishte frymëzuar për të marrë pjesë në sfidë ndërsa po notonte në Karaibe.
Ajo thotë se shpreson të sjellë frymëzim për të rinjtë me shembullin e saj, sepse ndonjëherë është në rregull të ndjekësh gjërat vetëm. / KultPlus.com
Këngëtarja e njohur Liliana Çavolli, ishte në skenë për më shumë se 5 dekada me këngën e saj të lehtë qytetare.
Lili, siç e njihnin miqtë, kishte punuar edhe në redaksinë e muzikës në Radio Prishtinë, ndërsa pas luftës ajo ka qenë autore dhe moderatore e emisionin “Evergreen” në Radio Kosova, shkruan KultPlus.
Liliana Çavolli ka lënë gjurmë të pashlyeshme në historinë e muzikës shqiptare.
70 vjetorin e lindjes dhe pesë dekada karrierë në skenë ajo i kishte festuar me një megakoncert në Teatrin Kombëtar të Kosovës, në shkurt të vitit 2013. Ndërsa vdiq më 9 maj të vitit 2015.
Gjatë karrierës së saj, ajo diti të ngrohë shpirtin e publikut me këngë që edhe sot mbesin të pavdekshme.
KultPlus ju sjell sot këngën “Buzët” për të kujtuar një ndër artistet më të mira shqiptare. / KultPlus.com
Kjo parajsë në Tokë ndodhet në Holandë. Ky ishull i vogël i çuditshëm, Scheendijk, i cili duket si një çorape e shqyer sjell vetëm qetësi, përcjell KultPlus.
I gjithi i rrethuar me ujë të qetë midis grumbujve më të vegjël të Tokës në të cilin ka një shtëpizë, ky ishull duket i magjishëm. Ata që zgjohen në këtë vend thonë se këtu nuk mund të dëgjohet asgjë përveç cicërimave të zogjve.
Këtë ishull e quajnë parajsa në Tokë dhe është “i hapur” për turistët në pranverë, verë dhe vjeshtë, por jo edhe në dimër. Është e ndaluar të qëndrosh këtu në dimër. Vizitorët lëvizin ndërmjet shtëpive ekskluzivisht me varka, sepse nuk ka mundësi tjetër.
Anijet me motor nuk kanë vend këtu (sepse prishin qetësinë), kështu që do të merrni vetëm një kanoe ose një varkë me vela. Qentë dhe kafshët shtëpiake të tjera nuk lejohen këtu.
Shtëpitë e vendosura në këtë ishull të magjishëm shpesh nuk jepen me qira, sepse ato janë private. / KultPlus.com
Bashkia e qytetit bregdetar të Durrësit në bashkëpunim me Agjencinë Kombëtare të Bregdetit në kuadër të projektit Festivali Evropian i Turizmit dhe Peshkimit kanë organizuar festivalin “Blu European Festival”.
Ky festival i nisur në 22 shkurt mbaron në 28 shkurt, javë gjatë së cilës do të ketë panaire dhe një larmi aktivitetesh të fokusuara në fushën e peshkimit.
“Ky është një aktivitet i rëndësishëm që do të kthehet në një traditë për qytetin tonë” është shprehur në çeljen e këtij festivali kryetarja e Bashkisë së Durrësit Emiriana Sako.
Kryebashkiakja Sako deklaroi gjithashtu se “Turizmi dhe industria e peshkimit janë motorri ekonomik i qytetit të Durrësit dhe këta dy sektorë do të marrin një hov të madh zhvillimi nga investimet e rëndësishme për portin që nisin shumë shpejt”.
Ky festival organizohet në të gjithë vendet pjesëmarrëse në këtë projekt si Shqipëri, Itali, Spanjë, Greqi, Portugali dhe Mali i Zi duke krijuar një javë unike evropiane e turizmit të peshkimit.
Kreu i Agjencisë Kombëtare të Bregdetit Ledion Lako që gjithashtu ishte prezent në këtë event deklaroi se: “Ky festival synon të ktheje turizmin e peshkimit në një produkt inovativ në turizmin kombëtar dhe atë ndërkombëtar, duke u fokusuar në traditat evropiane të peshkimit dhe komunitetet bregdetare”.
Gjithashtu, ky festival kontribuon edhe në diversifikimin e paketave dhe ofertave turistike, si një mundësi apo alternativë e re për çdo turist apo vizitor si edhe duke promovuar kulturën e peshkimit dhe traditat e kulinarisë, aq më tepër për një qytet si Durrësi. /atsh / KultPlus.com
Filmi shqiptar “Bolero në vilën e pleqve” me regji nga Spartak Pecani merr një tjetër çmim, në “Toronto International Women Film Festival”.
Çmimi si skenaristja më e mirë femër me skenarin “Bolero në vilën e pleqve” erdhi nga puna e një stafi super solid dhe profesionist.
Pjesëmarrës deri më tani në festivale të ndryshme të filmit në botë, çmimi për skenarin në festivalin e filmit në Kanada shkoi për “Bolero në vilën e pleqve”.
Ky film është mbështetur në romanin e Fatos Kongolit, titullin e së cilës e ka të njëjtë edhe filmi. Skenari është i shkruar nga Linda Fejzaj, ndërkaq disa nga aktorët të cilët sjellin nëpërmjet interpretimeve artistike rolet filmike janë Robert Ndrenika e Margarita Xhepa.
Filmi është prodhim i shtëpisë kinematografike “Eclipse SA Film”. / KultPlus.com
Dy javë acari në Shtetet e Bashkuara nuk kanë kursyer as njërin prej vendeve më të vizituara nga turistët, ujëvarën e famshme të Niagarës, duke dhuruar një spektakël të jashtëzakonshëm të natyrës.
Ujëvara në kufi me Kanadanë ngriu pothuajse e gjitha, një pamje e jashtëzakonshme kjo që përsëritet thuajse çdo vit por këtë herë niveli i ngrirjes ishte edhe më i madh, duke i lënë pa frymë spektatorët fatlumë të cilët mundën të dëshmojnë skulpturat natyrale të akullta, malet e dëborës dhe forma që e bëjnë këtë një peisazh dimëror gati të pabesueshëm.
Këtë radhë, si për ta bërë këtë dhuratë të natyrën edhe më të paharrueshme, mbi ujëvarë u shfaq edhe një ylber.
Sakaq, në pjesën të Shteteve të Bashkuara, temperaturat kanë nisur të rriten duke sjellë ngrohtësi në zonat e go ditura rëndë nga moti i ashpër dimëror. / KultPlus.com
Water flows around ice, formed on the American Falls in Niagara Falls, New York, due to subzero temperatures, viewed from the Canadian side, in Niagara Falls, Ontario, Canada, January 22, 2019. REUTERS/Moe Doiron TPX IMAGES OF THE DAY The U.S. side of the Niagara Falls is pictured in Ontario, January 8, 2014. The frigid air and “polar vortex” that affected about 240 million people in the United States and southern Canada will depart during the second half of this week, and a far-reaching January thaw will begin, according to AccuWeather.com. REUTERS/Aaron Harris (CANADA – Tags: ENVIRONMENT TRAVEL) – GM1EA190JIM01Ice sits at the base of the American Falls due to cold temperatures in Niagara Falls, New York, U.S., February 21, 2021. REUTERS/Lindsay DeDario TPX IMAGES OF THE DAY – RC2GXL9Y16YSA partially frozen American Falls in sub freezing temperatures is seen in Niagara Falls, Ontario February 17, 2015. Temperature dropped to 6 degrees Fahrenheit (-14 Celsius) on Tuesday. The National Weather Service has issued Wind Chill Warning in Western New York from midnight Wednesday to Friday. REUTERS/Lindsay DeDario (CANADA – Tags: TRAVEL ENVIRONMENT) – TM3EB2H1HIY01
Tërë ditën Ditën e 23 shkurtit Rrobat më të shkurtra ndoshta Për ditëlindjen e pesëmbëdhjetë Bankënotën e fundit Petritit Në Murin e Kujtesës edhe një gërvishtje Konferenca e Rambujesë i takon të kaluarës apo Flini të rënët e mi Ka me u zgjue zëri i Dheut Jashtë rrethit të vdekjes Petriti fillon të 16-tat nesër Unë vazhdoj të grindem me zotëra Ç’ditë e shkurtër Më e shkurtër se shkurtkeqja.
Fjala çam është një evoluim i termit “t’chiam” dhe përkon me emrin e një lumi të vjetër që kalonte përmes krahinë së Çamërisë. Fjala “T’chamis” haset në shumë harta të vjetra romake dhe helene, duke na treguar se emri “Çamëri” është më i vjetër se Epiri dhe është përdorur vetëm nga popullsia shqiptare ndër shekuj. Ajo që është më e rëndësishme të thuhet këtu është se, popullsia çame ka një etnitet, traditë dhe zakone të mirëfillta shqiptare, shkruan KultPlus.
Gjuha shqipe e folur në Çamëri, mund të theksojmë se është pikëtakimi, apo pikëpjekja e dy dialekteve tona, gegë e toskë, me elemente të lashtësisë historiko-linguistike, si gërshetim dialektesh e nëndialektesh shqipe, si një gjuhë e ruajtur me elemente origjinale të rrënjëve ilirishte. Ndoshta, kjo formë e ruajtjes së origjinalitetit rrënjësor linguistik në të folur, u ruajt në vetvete, ngase nuk u bë kurrfarë aplikimi i gjuhës së njësuar shqipe, si ndalim arbitrar hegjemonist grek, për tu shprehur zyrtarisht si gjuhë amtare e arbanitëve. Nuk pati një zyrtarizim të Arbanishtës, ngase është bija e Pellgasishtes, së lashtë, prej së cilës rrodhi vet kjo greqishtja e lashtë, duke mbuluar rrënjët arbanishte me ato greqishte të reja me sufiksalet.
Kultura çame është shprehëse e vlerave të një popullsie me histori të lashtë, bart shtretësime të hershme, të formuara në epoka të ndryshme. Siç mund të jetë vënë në dukje nga studiuesit e ndryshëm, ajo është formuar nga elementë të lashtë parailirë (Pellazgë, Ilirë e që u trashëguan në mesjetën e hershme në kohën e formimit të kombësisë shqiptare. Nuk është e rastit një nga përfundimet e studiuesve gjermanë në librin “Këngët e çamëve“ se ky gjurmim muzikologjik dhe tekstologjik dhe botimi i materialit të mbledhur na tregon qartë se te këngët çame kemi të bëjmë me një shtresë arkaike të muzikës shqiptare. Atje nga trojet tona të braktisura, lëviz dhe gjallon shpirti i Çamërisë dhe i popullsisë së saj, gjalon bota e miteve, bota parapagane e pagane, bota e perëndive. Ato janë në shtëpinë e tyre dhe zot që nuk ka fuqi t’i shpërngulë.
Një tjetër vlerë të trashëgimisë kulturore të popullit çam e kemi edhe veshjen kombëtare për të cilën kanë folur studiues e shkrimtarë si nga vendi jonë po ashtu edhe ndërkombëtarë. Ndër të tjera, me interes të veçantë është dhe përshkrimin që i bën diplomati dhe shkrimtari François Pouqueville i cili në vitet 1820 kishte bërë një ekspeditë në viset shqiptare dhe ndër të tjerash kishte bërë një përshkrim rreth veshjes çame dhe elegancën që u jep ajo banorëve të asaj krahine: “…Udhëtari që do të shikojë ata çamë, që do të kenë shpëtuar nga sundimi feudal i sovranit të Janinës dhe një rënie mortaje, do të njohë me vështirësi ata burra të bukur, me ato qëndisma të bukura lara-lara të veshur me kostume të shkëlqyera dhe të ngarkuar me ar të çmueshëm, që ngjasin sikur të ishin një koloni ushtarësh të Pirros, të pasur me plaçka të Trojës, që kanë zbarkuar sërish në Epir…”.
Mjaft të bukura e të larmishme janë veshjet popullore të përdorura nga popullsia e krahinës së Çamërisë. Deri në fund të shek.XIX veshja më e përhapur për burra si tek ata të besimit mysliman dhe tek ortodoksët, ishte ajo me fustanellë e shoqëruar me stoli të qëndisur me fije argjendi me gjunjakë, xhamadan, mëngore, këmishë të shkurtër me mëngë të gjëra, qeleshja me majucë, opingat me xhufka të kuqe dhe çorapet e bardha. Pjesë tjetër shoqëruese e kësaj veshje konsideroheshin zbukurimorja e gjoksit e punuar nga argjendarët e qytetit të Janinës si dhe silahu i zbukuruar me fije argjendi i cili i vendosur mbi brez, shërbente për të mbajtur armët e brezit si dhe koburet.
Çamëria ka dhënë një trashëgimi të madhe kulturore për popullin shqiptar duke filluar nga gjuha, veshja, këngët e zakonet dhe të gjitha këto janë vlera të cilat populli shqiptarë duhet t’i ruajë dhe t’i mbrojë sepse përbëjnë një thesar të çmuar të eposit shqiptar. / KultPlus.com
Ylli i muzikës pop, Dua Lipa e ka ndarë gëzimin e saj me gjithë adhuruesit në rrjetet sociale, duke e bërë të ditur lajmin se albumi i saj “Future Nostalgia: The Moonlight Edition” i ka arritur më shumë se 4 miliardë shkarkime në Spotify.
Ky është version i tretë i albumit të dytë të incizuar në studio, i cili u publikua më 11 shkurt të këtij viti së bashku me këngën udhëheqëse, “We’re Good”.
Por lajmet e mia për këngëtaren me prejardhje nga Kosova nuk mbarojnë me kaq. Dua Lipa po ashtu e informoi publikun se version i parë i albumit, “Future Nostalgia”, këtë javë renditen e pozitën e parë të toplistës së albumeve më të mira globale, të platformës së njohur muzikore Spotify.
Ylli i hitit “Physical” po vazhdon ta vulos suksesin e saj në tregun e muzikës në Amerikë dhe anembanë botës, dhe dalëngadalë po shndërrohet në këngëtaren më të kërkuar për bashkëpunime, qoftë në muzikë apo modë. / KultPlus.com
Në Cineplexx dita e martë shënon Ditën e Kinemasë, e cila është ditë e rezervuar për çmime më të ulëta të biletave, ku çmimet e tyre fillojnë nga 2,80€.
Dita e martë është dita që kinemaja më e madhe në vend, Cineplexx, ka rezervuar për filmdashësit, duke ofruar çmime më të lira të biletave, duke filluar nga 2,80€ për filmat 2D, dhe 3,60€ për filmat 3D. Me zbritje në të dy kinematë, në Prizren dhe Prishtinë, sot mund t’i shikoni 10 filma të ndryshëm, të cilët shfaqen në orare të ndryshme nga ora 15:00 deri në ora 21:30 në kinemë në Prishtinë dhe në Prizren. Top 3 filmat të cilët mund t’i shikoni sot me çmime të zbritura në Cineplexx janë:
1) Tom and Jerry Dy personazhet më të dashur të fëmijërisë tonë, rikthehen në një film i cili zbulon se si Tom dhe Jerry takohen dhe formojnë rivalitetin e tyre.
2) Ava Një vrasëse bëhet shënjestër për vdekje nga organizata e saj e “black ops” pasi vuri në dyshim urdhrat dhe prishi protokollin.
3) The Little Things Filmi flet për dy police që gjurmojnë një vrasës serial. Në film luajnë tre aktorë shumë të njohur, dhe fitues të çmimit Oskar, Denzel Washington, Jared Leto, si dhe Rami Malek.
Përveç këtyre tre filmave, në të dy kinematë po shfaqen filmi aksion The Marksman, dramë/trilleri Night Shift, super horror Come Play, romancat The Wedding Unplanner dhe After We Collided, ndërsa nga filmat familjarë po shfaqet Fantastic Return to Oz si dhe Pele No Tail.
Kinemaja në Prishtinë dhe Prizren, nis punën nga ora 15:00, ndërsa për të gjithë filmat që po shfaqen dhe oraret e shfaqjeve mund t’i gjeni në linkun këtu (e lidhni me këtë link: https://www.cineplexx-ks.eu/filma/programi-i-filmave/)
Portali shtetëror i cilësisë së ajrit dhe aplikacioni për telefon të mençur ofrojnë informata mbi cilësinë e ajrit të siguruara në kohë reale nga 12 stacionet monitoruese të vendosura në tërë Kosovën, përcjellë KultPlus.
Tanimë, qytetarët e Kosovës do të kenë mundësi të kontrollojnë nivelin e cilësisë së ajrit në kohë reale, të ndjekin rekomandimet për mbrojtjen e shëndetit të tyre, si dhe të njoftohen me parashikimin e cilësisë së ajrit për ditët në vijim.
Të dhënat mbi cilësinë e ajrit do të jenë të qasshme përmes portalit të ri zyrtar të cilësisë së ajrit, aplikacionit mobil, uebfaqes zyrtare të Institutit Hidrometeorologjik të Kosovës (IHMK), dhe uebfaqes së Institutit Kombëtar të Shëndetësisë Publike (IKSHP), si dhe mediave elektronike, stacioneve televizive dhe radiove. Të gjitha këto burime të informatave janë zhvilluar për të komunikuar dhe vizualizuar cilësinë e ajrit në një gjuhë sa më të thjeshtë, të kuptueshme, të saktë dhe lehtë të qasshme në çdo kohë, vend dhe nga çdo qytetar.
Ashtu si portali shtetëror i cilësisë së ajrit, edhe aplikacioni mobil, ofrojnë informata mbi cilësinë e ajrit të siguruara në kohë reale nga 12 stacionet monitoruese të vendosura në tërë Kosovën.
Sistemi i ri informativ për kualitetin e ajrit ndihmon mediat, shoqërinë civile, sektorin privat të kenë informata të plota dhe iu mundëson atyre të bashkëpunojnë ngushtë me autoritetet qeveritare dhe të përdorin këto të dhëna të hapura për të zhvilluar politika dhe ndërmarrë vendime për përmirësimin e cilësisë së ajrit në Kosovë bazuar në këto të dhëna.
Sarah Olmstead, drejtoreshë e MCC-së për Kosovë, ndau shqetësimin e saj për cilësinë e dobët të ajrit si dhe pasojat shëndetësore që shkakton sidomos tek ata që vuajnë nga astma. “Ne po mbështesim Ministrinë e Ekonomisë dhe Mjedisit të përmirësojnë rrjetin monitorues të cilësisë së ajrit, si dhe të publikojnë të dhënat në mënyrë që nxisin analizë të politikave dhe ndërmarrje të hapave konkret për planifikim në të mirë të vendit dhe mirëqenies sonë”, shtoi znj. Olmstead.
Naser Ramadani, Drejtor Ekzekutiv i IKSHPK-së theksoi: “Ekspertët e Institutit Kombëtar të Shëndetësisë Publike kanë qenë pjesë aktive e grupeve punuese, trajnimeve dhe në hartimin e të gjitha dokumenteve dhe materialeve edukative që do të shpërndahen ne tërë Kosovën, në kuadër të këtij projekti. Komunikimi i saktë i cilësisë së ajrit dhe burimeve të ndotjes janë kyçe për shëndetin e qytetarëve andaj ne jemi të fokusuar në ngritjen e vetëdijes së qytetarëve për rreziqet nga ndotja e ajrit, në veçanti tek grupet specifike, si dhe ndryshimin e sjelljes me qëllim të mbrojtjes së shëndetit të tyre në varësi të nivelit të ndotjes.”
Letafete Latifi, Drejtore e IHMK-së u shpreh mirënjohëse për mbështetjen që ka marrë ky institucion nga MFK në përmirësimin e performancës dhe përmbushjen e obligimit të vet ligjor e institucional në monitorimin dhe informimin për cilësinë e ajrit në Kosovë. Më tutje ajo tha: “Zhvillimi i rrjetit të monitorimit të cilësisë së ajrit dhe rrjetit të komunikimit që ofron të dhëna për cilësinë e ajrit në kohë reale, përmes portalit të cilësisë së ajrit në Kosovë dhe aplikacionit për telefona të mençur janë instrumente kyçe për të informuar publikun për cilësinë e ajrit në vendin ku jetojnë.”
Petrit Selimi, drejtor i MFK ka deklaruar se investimi në dy institutet kombëtare të shëndetësisë dhe atij hidrometeorologjik krijon një urë të re dhe të qëndrueshme të informimit të publikut por edhe të krijimit të një burimi të besueshëm të të dhënave qe lehtëson identifikimin e zgjidhjeve për zvogëlimin e ndotjes.
Videot vetëdijësuese, broshura për cilësinë e ajrit, fletët me fakte për grupet e ndjeshme si fëmijët, gratë shtatzëna, personat e moshuar dhe ata me sëmundje kronike, si dhe posteri për cilësinë e ajrit janë disa nga materialet që kanë për qëllim informimin e publikut lidhur me ndotjen e ajrit dhe ndikimin e tij në shëndetin e tyre.
Projekti për Cilësinë e Ajrit, mbështetur nga Fondacioni i Mileniumit i Kosovës, ka për qëllim të ndihmojë Institutin Kombëtar të Shëndetit Publik (IKSHP) dhe Institutin Hidrometeorologjik të Kosovës (IHMK) në mbledhjen dhe shpërndarjen e informacioneve për cilësinë e ajrit, si dhe të informojë publikun në lidhje me rreziqet e shkaktuara nga ndotja e ajrit dhe masat që duhet t’i ndërmarrin për t’a mbrojtur veten. Projekti ka mundësuar investimin në stacionet e reja për kontrollin e ajrit, një bashkëinvestim në mes MCC dhe agjensionit zhvillimor japonez JICA, softuerit adekuat si dhe aplikacioneve përkatëse. Kjo nismë bën pjesë në vazhdën e përpjekjeve të MFK-së drejtë përmirësimit të disponueshmërisë publike dhe përdorimit analitik të të dhënave mjedisore nga bizneset, qeveria, shoqëria civile dhe OJQ-të, duke promovuar në këtë mënyrë vendimmarrjen e nxitur nga të dhënat. Aktiviteti për Mbledhjen e të Dhënave Mjedisore është projekt që implementohet nga Fondacioni i Mileniumit i Kosovës (MFK) që është subjekti zbatues i Programit “Threshold” me vlerë $49 milion i arritur midis Qeverisë së Republikës së Kosovës dhe Korporatës së Sfidave të Mileniumit (MCC), një agjenci e pavarur amerikane për ndihma të jashtme.
Programi “Threshold” i Kosovës i adreson dy çështje kryesore për zhvillimin ekonomik të Kosovës: furnizimi jo i qëndrueshëm me energji elektrike dhe sundimi i dobët i ligjit. / KultPlus.com
Ansambli Vokal i Filharmonisë së Kosovës këtë të mërkurë vjen me një koncert në Sallën Kamertale të Filharmonisë së Maqedonisë së Veriut, shkruan KultPlus.
Koncerti është pjesë e vazhdimit të sezonit 2020/2021.
Nën dirigjimin e Hajrullah Sylës, gjatë këtij koncerti në skenë do të ngjitet Ansambli Vokal i Filharmonisë së Kosovës me vepra nga: A. Scarlatti, E. Whitacre, H. Syla, J. Runestad, J. Busto, J. Douma, J. Elberdin, M. Mengjiqi, N. Cline, N. Brenner x M. Garbus, O. Gjeilo, S. Leek.
Koncerti mbahet nesër, më datë 24 shkurt duke filluar nga ora 19:00. / KultPlus.com
