Beyonce dhuron 6 milionë dollarë në luftën kundër Covid-19

Beyonce, ylli i muzikës, po jep ndihmën e saj në betejën kundër pandemisë.

Iniciativa “BeyGOOD” e këngëtares së “Love on Top” do të dhurojë 6 milionë dollarë për fondet e ndihmës për punonjësit dhe njerëzit e prekur nga shpërthimi i koronavirusit.

“Komunitetet me ngjyrë po vuajnë shumë për shkak të pandemisë COVID-19. Shumë familje jetojnë në zona të pamerituara, me shtëpi që e bëjnë të vështirë distancën sociale”, shkroi fondacioni në një deklaratë, transmeton ATSH raportimin e DPA-së.

“Komunitetet që kishin mungesa të fondeve për arsim, shëndetësi dhe strehim, tashmë i duhet të përballen dhe me nivele alarmante të infeksioneve dhe fatalitete. Këtyre komuniteteve i mungon aksesi në testime dhe kujdesi i barabartë shëndetësor”, thuhej në deklaratë.

Në partneritet me iniciativën “#startsmall” të shefit ekzekutiv të Twitter, Jack Dorsey, paratë do të shkojnë në organizata të ndryshme me bazë komunitare, si UCLA dhe Aleanca Kombëtare në Sëmundjet Mendore, për të ofruar nevoja thelbësore dhe shërbime të shëndetit mendor në Nju Jork, Detroit, Nju Orleans dhe Houston, qyteti i lindjes së Beyonce/ DPA. /KultPlus.com

Performancë emocionuese e Beyonce në ceremoninë përkujtimore të Kobe Bryant (VIDEO)

Beyonce performoi në hapjen e ceremonisë përkujtimore në nder të Kobe Bryant dhe vajzës së tij Gianna.

Në ceremoninë që u mbajt në Staples Center në Los Angeles këngëtarja filloi të performojë këngën “XO”, ndërsa më pas iu drejtua turmës.

“Unë jam këtu sepse e dua Kobe dhe kjo ishte një nga këngët e tij të preferuara. Kështu që unë dua ta filloj, por dua që ne t’i këndojmë së bashku. Unë dua që ta këndoni atë me zë të lartë, që të dëgjohet dashuria”, tha Beyonce.

Pas kësaj, ajo performoi një interpretim emocional të “Halo” e shoqëruar nga një orkester dhe kor i veshur tërësisht në të bardha. / KultPlus.com

https://twitter.com/ComplexMusic/status/1232014488330788864?ref_src=twsrc%5Etfw%7Ctwcamp%5Etweetembed%7Ctwterm%5E1232014488330788864&ref_url=https%3A%2F%2Fprive.al%2Fperformance-emocionuese-e-beyonce-ne-ceremonine-perkujtimore-te-kobe-bryant%2F

Blue Ivy fiton shpërblimin e parë në moshën 8-vjeçare

Vajza e çiftit Beyoncé dhe Jay-Z, e ka pranuar shpërblimin e saj të parë muzikor në ceremoninë e sivjetme të ndarjes së shpërblimeve “NAACP Image Awards”, e cila u mbajt gjatë fundjavës.

8-vjeçarja Blue Ivy Carter u nderua në kategorinë “Dyshja apo bashkëpunimi më i mirë” për hitin “Brown Skin Girl”, ku ajo ka performuar dhe i ka shkruar disa pjesë të saj. Kënga vjen në bashkëpunim me nënën e saj dhe artistët Saint Jhn dhe Wizkid si dhe është pjesë e albumit të vitit 2019, “The Lion King: The Gift”.

Ky sukses i 8-vjeçares së famshme ndërkombëtarisht vjen pasi në korrik të vitit të kaluar, kënga “Brown Skin Girl” kishte arritur të pozicionohet në vendin e 76-të të toplistës së 100 këngëve më të mira “Billboard”. Atëkohë, Blue Ivy ishte vetëm 7-vjeçare, transmeton Koha.net.

Gjyshja e saj, Tina Laëson, ishte ajo e cila me krenari e kishte ndarë lajmin në Instagramin e saj.

Nëna e këngëtareve, Beyoncé dhe Solange, kishte shkruar: “Artistja më e re që po fiton shpërblim të rëndësishëm muzikor. Gjyshja është shumë krenare me ty. Ti po iu dhuron zë të gjitha vajzave të vogla me ngjyrë ”.

Beyoncé, e cila po ashtu i ka dy binjak me reperin Jay-Z, Rumi dhe Sir, ishte ndër fitueset kryesore të ceremonisë “NAACP Image Awards”, duke i fituar gjashtë shpërblime gjithsej në kategori të rëndësishme si, “Artistja më e mirë femër” dhe “Kolonat zanore dhe kompilimet më të mira” për albumin “The Lion King: The Gift”. /koha.net/ KultPlus.com

Beyonce vishet nga Valdrin Sahiti në ‘Pre-Grammy Awards 2020’

Tashmë nuk janë të pakta rastet kur yjet me famë botërore zgjedhin dizajnerët nga vendi ynë – Kosova.

Dhe në dhjetor të vitit të kaluar bëri bujë të madhe në tabloidet e huaja e po ashtu edhe në ato vendore, kur u njoftua se diva e muzikës botërore, Beyonce, bashkëpunoi me kreatorët e njohur nga Kosova, Kujta dhe Meri.

Kanë qenë vetë çifti të cilët kanë ndarë me ndjekësit e tyre në rrjetet sociale disa fotografi të atyre që njihen si The Carters, çiftit Beyonce dhe Jay Z.

https://www.instagram.com/p/B7x6oZpJUBG/?utm_source=ig_web_copy_link

Dhe tani, Beyonce siç duket ka zgjedhur një tjetër kreator po ashtu nga Kosova, për të krijuar fustanin e saj në ‘Pre-Grammy Awards 2020’.

Natyrisht se mbretëresha e muzikës nuk mungoi në këtë ngjarje të rëndësishme, ndërsa u shfaq e mahnitshme në fustanin e kuq të punuar nga kreatori Valdrin Sahiti.

I lumtur për suksesin e radhës, dizenjatori kosovar ndau disa imazhe të divës në llogarinë zyrtare në Instagram, ku bashkë me të prezantoi edhe punën e tij.

Kjo veshje e Beyoncé Giselle Knowles-Carter veçse ka filluar të përmendet edhe në të gjitha tabloidet e njohura amerikane.

Përveç Beyonce, me Valdrinin kanë punuar edhe shumë yje të tjera ndërkombëtare përfshirë edhe reperen Cardi B. /telegrafi/ KultPlus.com

Beyonce dhe Adele, divat e muzikës po vijnë me një super bashkëpunim

Përderisa fansat e dy këngëtarëve më të mëdha të kohës sonë, po prisnin që ato të publikonin këngët e tyre ndaras, dyshja po vijnë me një këngë së bashku.

Tekstshkruesi dhe producenti i ”OneRepublic”, Ryan Tedder, një intervistë të realizuar tash së fundi në Neë York City, deklaroi se dy fituesit e Grammy nuk kanë regjistruar vetëm një këngë së bashku por, ato e kanë bërë një këngë që do të shfaqet në vazhdimin e plotë nga grupi pop, shkruan KultPlus.

Ai poashtu tha se kjo është këngë e grupit ‘One Republic’, në të cilën merr pjesë edhe Chris Martin i ‘Coldplay’ me piano.

Ryan Tedder, pohoi se kjo ndoshta edhe mund të jetë njëra ndër hitet më të mëdha të kohës./KultPlus.com

Linku i intervistës së plotë:

https://twitter.com/Z100NewYork/status/1178042690702921728?ref_src=twsrc%5Etfw%7Ctwcamp%5Etweetembed%7Ctwterm%5E1178042690702921728&ref_url=https%3A%2F%2Fwww.gazetaexpress.com%2Fdivat-e-muzikes-adele-dhe-beyonce-bashke-ne-nje-kenge%2F

Beyonce publikon ‘Spirit’, pjesë e videoklipit edhe vajza e saj (VIDEO)

Mbretëresha e muzikës Beyonce edhe këtë radhë pa paralajmërim, publikoi projektin e ri muzikor të titulluar “Spirit”, shkruan KultPlus.

Në videoklip, Beyonce shfaqet e mrekullueshme si gjithmonë, mirëpo befasia e vërtetë e këtij videoklipi ishte paraqitja e vajzës së saj, Blue Ivy.

Blue Ivy shfaqet në minutën e fundit e veshur si nëna e saj, Beyonce. ‘Spirit’ është pjesë e albumit Lion King. / KultPlus.com

Babai i Beyonce: Lëkura më e ndritshme e ndihmoi atë të bëhet superyll

Beyonce nuk do të ishte bërë superyll në qoftë se do të kishte lëkurë më të errët, sipas babait dhe ish-menaxherit të saj.

Mathew Knowles këmbëngul se vajza e tij nuk do t’i kishte arritur majat e top listave si udhëheqëse e Destiny’s Child dhe pastaj si një forcë solo nëse nuk do të kishte lëkurë më të ndritshme.

“Në industrinë e muzikës, ka ende segregacion,” tha Knowles për The Clay Cane Show” të SiriusXM të mërkurën. “Udhëheqësit e programeve, sidomos ata në pop radio, e kanë këtë imazh se si duket bukuria. Ata donin që ky imazh të jetë i njëjtë sikur këndimi i atyre këngëve, shkruan KOHA Ditore.

“Nëse shikoni prapa, madje edhe Whitney Houstonin, nëse i shikoni ato foto, se si e bënë atë të duket më e bardhë në lëkurë… ekziston një perceptim, kolorizëm, sa më i bardhë që je, aq më i mençur, më ekonomikisht… ekziston një perceptim në të gjithë botën për ngjyrën, madje edhe tek zezakët”.

Dhe kur u pyet nëse lëkura e errët do të kishte ndikuar në karrierën e Beyonce, Mathew shtoi, “Mendoj se do të kishte ndikuar në suksesin e saj.”

Duke e përdorur shembullin e anëtares së bendit “Destiny’s Child”, Kelly Rowland, ai pohoi se suksesi i saj solo në Amerikë ishte ndikuar nga ngjyra e lëkurës së saj, por deklaroi: “Gjëja e mirë është se Kelly pati arritje të jashtëzakonshme jashtë Amerikës, veçanërisht në Australi. Kelly i shiti mbi katër milionë albume. Ajo vetëm doli jashtë skenarit.”

Netflix dokumentar për Beyonce

Duket se një dokumentar i Beyonce mund të vijë nga Netflix javën e ardhshme. Në një postim gjiganti shkroi thjesht ‘”Homecoming” me shkronja greke. Projekti do jetë në dispozicion më 17 prill.

Netflix nuk tha në mënyrë specifike se “Homecoming” ka të bëjë me Beyonce. Por këngëtarja ka një koleksion mode të quajtur “Homecoming”, dhe gërmat janë të shkruara me shkronja greke, njësoj si në postimin e Netflix.

Gjithashtu Beyonce nisi programin e bursave vitin e kaluar “Homecoming Scholars Award Program” që i siguroi Historically Black Colleges and Universities (HBCUs) bursa 25 mijë dollarë  për studentët e përzgjedhur.

Fituesja e  Grammy bëri historinë në Coachella vitin e kaluar si gruaja e parë me ngjyrë që kryesoi festivalin vjetor. /a.a/ KultPlus.com

Beyonce dhe Jay Z pranojnë çmim nga GLAAD Media Awards

Ishte një mbrëmje për t’u festuar nga Beyonce dhe Jay-Z.

Superçifti u nderuan me çmimin prestigjioz për avokimin e të drejtave të komunitetit LGBTQ.

Çifti u ngjitën në skenë për ku bënë një fjalim para të pranishmëve.

“Ne nuk po prisnim ndonjë prej këtyre çmimeve dhe jemi super të nderuar e të entuziazmuar. Unë tashmë kam qarë”, deklaroi Beyonce dhe Jay Z.

“Who you make love to, and take that ass to Red Lobster, is your human right.” —Beyoncé #GLAADawards 👑🏳️‍🌈 pic.twitter.com/SgSGiYyHsU— BEYONCÉ LEGION (@BeyLegion) 29 March 2019

Beyonce falënderoi edhe Jay Z për kontributin e tij në komunitetin e hip hopit për eliminimin e paragjykimeve.

Bey dhe Jay gjithmonë ishin të zëshëm për të drejtat e komunitetit të diskriminuar LGBTQ. /Telegrafi/ KultPlus.com

Edhe Beyonce këndon në dasma

Duke iu përshtatur kulturës vendase, me nje fustan tipik festiv, i kuq me të verdhë, zbukuruar me bizhutë tradicionale, Beyonce ka performuar në dasmën më ekstravagante dhe më të kushtueshme të Indisë.

Isha Ambani, vajza e një prej personave më të pasur të Indisë dhe Anand Piramal, djali i një tjetër miliarderi indian, do të martohen të mërkurën, por festa ka nisur prej ditësh me pjesëmarrjen edhe të personaliteteve si Hillary Clinton.

Nuk ka informacione sa është paguar këngëtarja për performancën, por adhuruesit e saj shprehen të pakënaqur, pasi do të donin ta kishin parë yllin e muzikës pop të performonte në një koncert në Indi, dhe jo në një dasëm.

100 mijë dollarë bursë për një 17-vjeçar që ishte i pastrehë, dhuratë nga Beyonce e Jay Z

Khairi Perry është 17-vjeç që jeton në kushte të rënda, por diçka i ndryshoi jetën.

Që kur ishte 5-vjeç, jetonte me nënën e tij, vëllezërit e motrat në motele të vjetra e të përmbytura, madje herë pas here në veturën e tyre të vjetër, transmeton Koha.net.

Beyonce dhe burri i saj Jay Z, kishin dëgjuar për ta. I kishin ftuar në një takim. 17-vjeçarit, më i vogli në familje, i ofruan 100 mijë dollarë, një bursë për një ndër kolegjet më të mira në Amerikë.

Perry kishte deklaruar se ky çmim do t’i ndryshonte jetën. Disa herë, thotë ai, e kishte menduar edhe vetvrasjen nga kushtet e vështira që po kalonte.

Perry, kohët e fundit ishte vullnetar në një organizatë për t’i ndihmuar të varfrit, ndonëse se edhe vet ishte me kushte shumë të rënda.

Tani ai shpreson që në universitetin e Oregonit, të ndjekë fushën e inxhinierisë kimike ose shkenca kompjuterike./KultPlus.com

Beyonce sjellë prapaskenat e turit të saj me Jay-Z (VIDEO)

Njëri ndër çiftet më me nam në skenën muzikore Beyonce dhe Jay-Z janë duke e mbajtur turneun e tyre “On The Run II Tour”.

Beyonce në Instagram ka postuar një video në të cilën shihen ata në prapaskenë përgjatë këtij turneu, transmeton Koha.net.


Dyshja e famshme kishte nisur turneun në qershor në Britani të Madhe, dhe tani kanë vetëm edhe pesë shou të tjerë për t’i dhënë fund këtij turneu, shkruan Billboard.

Çifti ka fituar shumë të madhe parash nga ky turne deri më tani, shifrat që arrijnë mbi 150 milionë dollarë.

“On The Run II Tour” përfundon më 4 tetor në Seattle./KultPlus.com

Jay Z dhe Beyonce dhurojnë bursa për gjimnazistë, marrin “Çelësin e qytetit”

Ata dhuruan bursa 100 mijë dollarëshe për gjimnazistë në dhjetë qytete gjatë turit të tyre “On the Run II”.

Dhe kryebashkiakja e New Orleansit, LaToya Cantrell, befasoi Jay Z dhe Beyoncen me “Çelësin e qytetit”.

Motivi për të dy ishte angazhim i madh humanitar i çiftit, shkruhet në Instagramin e kryebashkiakes.

Beyonce është në fund të turit të përbashkët me të shoqin. Dhe një nga ndalesat ishte dhe vendi i saj i lindjes, Houston, Texas ku postoi një sërë fotosh nga koncerti.

“Dhe 9 koncerte! Houston, jam në shtëpi”./KultPlus.com
https://www.instagram.com/p/Bn177rfAFNM/?taken-by=mayorcantrell

Rita Ora uron Beyoncen për ditëlindje me një video

Këngëtarja e njohur me famë botërore, Beyonce sot feston ditëlindjen e saj të 37-të.

Për ditëlindjen e saj e uruan shumë personazhe publike e njëra ndër ta ishte edhe këngëtarja e njohur shqiptare me famë botërore, Rita Ora. Ora përmes një video të postuar në rrjetin social instagram, shihet duke pozuar para aparatit fotografik gjera në sfond dëgjohet njëra nga këngët e Beyonces.

Këngëtarja mbi video ka lënë mbishkrimin “Urime ditëlindja mbretëreshë! Ty të dëgjoj vetëm kur dëshiroj të disponohem!”, teksa shihet duke vallëzuar më këngën.

Beyonce gëzon respektin e të gjithë fytyrave publike dhe pothuajse të gjithë e thërrasin edhe si mbretëreshë./KultPlus.com

Today was fun, coming soon✨

A post shared by RITA ORA (@ritaora) on

Beyonce zbulon prejardhjen (FOTO)

Në një intervistë për revistën “Vogue”, ku ka folur ndër të tjera për racën, imazhin e linjat e trupit, fëmijët e saj dhe krijimtarinë, Beyonce ka bërë publik edhe një lajm të paditur më parë. Faktin që ajo rrjedh nga një ish-pronar skllevërish.

“Kam kërkuar për prejardhjen time dhe kam mësuar se vij nga një pronar skllevërish, i cili ra në dashuri dhe u martua me një skllave”, tha ylli amerikan i muzikës. “Zbulimin duhej ta thelloja edhe më tej me kalimin e kohës. Kam kërkuar se çfarë do të thotë kjo dhe jam përpjekur ta vendos këtë në perspektivë. Tashmë besoj se, është pikërisht kjo arsyeja përse Zoti më bekoi me binjakët e mi. Energjia mashkullore dhe femërore kanë mundur të bashkekzistojnë dhe të rriten në gjakun tim për herë të parë. Lutem që jam në gjendje të thyej mallkimet e brezave të tërë në familjen time dhe që fëmijët e mi të kenë një jetë më pak të komplikuar”, vijoi më tej ajo.

A post shared by Beyoncé (@beyonce) on


Beyonce tha se familja e saj ka një “lidhje të marrëdhënieve të prishura mashkull-femër, abuzimi me pushtetin dhe mosbesimi. Vetëm kur pashë këto, u binda se isha në gjendje të zgjidh këto konflikte në marrëdhënien time personale”, duke iu referuar kështu mosmarrëveshjeve martesore mes saj dhe bashkëshortit Jay Z, teksa është thënë se ai është i pabesë, transmeton tch.

Ajo e përshkroi atë “si një ushtar dhe një sistem mbështetjeje kaq i fuqishëm” për vet këngëtaren, në momentin kur solli në jetë binjakët Rumi dhe Sir.

Beyonce zbuloi gjithashtu se binjakët ishin sjellë në jetë përmes operacionit cezarian të detyrueshëm dhe se, ndryshe nga koha kur solli në jetë fëmijën e saj të parë, Blue Ivy, ajo i rezistoi presionit për të ndjekur “gjërat që shoqëria thoshte mbi pamjen e trupit të saj”, e për të përqafuar më pas “faktin e të qenit e kolme”.

A post shared by Beyoncé (@beyonce) on


Imazhet shoqëruese të intervistës janë bërë nga një fotograf 23-vjeçar, Tyler Mitchell, i cili bëhet i pari afrikano-amerikan që publikon një foto të tij në kopertinën e “Vogue”.

“Ekzistojnë shumë barriera social-kulturore mbi atë se çfarë më pëlqen të bëj, për të prezantuar një pikëpamje të ndryshme për njerëzit që mund të ndihen sikur zërat e tyre nuk kanë vlerë”, tha këngëtarja amerikane./KultPlus.com
https://www.instagram.com/p/BmI3AWyFVp7/?taken-by=beyonce

Barack dhe Michelle Obama mahnitin publikun me prezencën në koncertin e Beyonce dhe Jay-Z

Michelle dhe Barack Obama janë xhiruar në një koncert të Beyonce dhe Jay-Z në Landover të Marylandit në SHBA.

Ish-presidenti amerikan dhe Zonja e Parë e kanë shijuar në maksimum muzikën dhe kanë kërcyer gjatë gjithë kohës.

Derisa Beyonce po vallëzonte në skenë nën ritmet e hitit të Jay-Z nga viti 2011, “N**** in Paris”, publiku i kishte drejtuar telefonat e tyre të mençur në zonën VIP ku ndodhej çifti Obama.

“Nuk mund të besoj që kam qenë në të njëjtin vend me presidentin Obama, Michelle Obaman, Beyoncen dhe Jay-Z”, janë disa prej komenteve të publikuara në rrjetet sociale.

“E pashë edhe Beyoncen edhe çiftin Obama. Tash mund të vdes i lumtur”, ka shkruar një tjetër.

Laura Paussini kundër Beyonce: ’Nuk ke punë në muzeun tonë’

Kohët e fundit po përflitet mjaft për Koloseun e Romës dhe Beyonce-n në Itali, pasi këngëtarja amerikane ka kërkuar të xhirojë brenda amfiteatrit të famshëm një prej klipeve të saj.

Fillimisht, Beyonce hasi kundërshtimin e Ministrisë së Kulturës italiane, po më pas institucioni dha dritën jeshile. Ndërkohë, opinioni publik italian është i ndarë në dysh, ku një pjesë janë dakord që artistja të xhirojë në Kolose, kurse një pjesë jo.

CARDIFF, WALES – JUNE 06: Beyonce Knowles performs on stage during the “On the Run II” tour opener at Principality Stadium on June 6, 2018 in Cardiff, Wales. (Photo by Kevin Mazur/Getty Images For Parkwood Entertainment)

Grupit “kundër” i është bashkangjitur edhe këngëtarja e famshme, Laura Pausini. Në një intervistë të dhënë së fundmi, Pausini është shprehur:“Beyonce-s i kanë mohuar xhirimet në Kolose? Shumë mirë! Nuk na duhet! Unë jam 44 vjeç dhe duhet të luaj gurët e fundit në skenë. Dhe e dua unë Koloseun e para. Më mirë ta përdorin italianët sesa të huajt”.

Por, italiania nuk e ka lënë me kaq. Ajo këtë kundërshtim të saj e ka potencuar edhe gjatë koncertit të saj në “Circus Maximus”. /KultPlus.com

Mandatory Credit: Photo by PictureGroup/Shutterstock (9757464c)
Beyonce
Beyonce and Jay-Z in concert, ‘On The Run II Tour’, Barcelona, Spain – 11 Jul 2018

Beyonce blen një kishë të braktisur prej besimtarëve

Këngëtarja Beyonce tashmë është pronare e një kishe të mbaruar prej guri, 7,500 metra katror. Kisha në New Orleans – e cila është e vjetër më shumë se 100 vjeçare – kishte vlerë prej 850 dollarësh … por është e paqartë nëse ajo ka marrë një zbritje “hyjnore”.

Raportohet se kisha e Beyonces është ndërtuar në fillim të vitit 1900, por ka qenë jashtë shfrytëzimit për disa kohë për shkak të largimit të anëtarëve të saj.

Duket sikur mund të jetë koha e ringjalljes edhe pse 36-vjeçarja nuk duhet të ketë ndonjë problem për të gjetur njerëz që duan të formohen dhe të bashkohen me kongregacionin e saj gjersa motra e saj, Solange, jeton gjithashtu aty.

E gjithë kjo pasi që në një kishë në San Francisco, këngëtarja e mbajti një meshë javë më parë dhe kishte më shumë se 900 njerëz që morën pjesë me lutjet e tyre.

Ndryshe, këngëtarja është duke punuar në projekte të reja muzikore që do t’i publikojë gjatë muajve në vijim./ KultPlus.com

Beyonce kthen Destiny’s Child në Coachella (VIDEO)

Destiny’s Child kanë bërë një performancë të jashtëzakonshme në Coachella.

Këngëtarja e njohur Beyonce, ka kthyer për një natë Kelly Rowland dhe Michelle Williams, dhe të tria morën vëmendjen në festivalin e muzikës në Kaliforni, Coachella, shkruan BBC, transmeton Koha.net.

‘Trio’ hapi performancën e tyre me hitin e vitit 2004 “Lose My Breath”, më pas me “Say My Name” dhe “Soldier”.

Kjo ishte hera e parë që ato janë shfaqur bashkë që nga viti 2015 në “Stellar Gospel Music Awards”.

KultPlus ju përcjellë një video nga paraqitja e tyre atje:

Beyonce konfirmon zyrtarisht turneun “On The Run Tour 2” me Jay Z

Beyonce sapo është siguruar që sërish të gjithë në internet të flasin për të pasi ka konfirmuar edhe zyrtarisht turneun botëror “On The Run Tour II” me Jay Z.

Mbretëresha e pop muzikës ka shfrytëzuar rrjetin social Facebook për të konfirmuar turneun me bashkëshortin e saj.

Ajo e konfirmoi turneun me një klip bardh e zi që shfaqë dashurinë e madhe që mbretëresha ka për reperin.

Duke filluar nga e mërkurja e 6 qershorit, çifti do të ndalet në plot 15 qytete përreth Britanisë së Madhe dhe Evropës, e 21 qytete tjera të Amerikës së Veriut, shkruan Telegrafi.

Në verën e vitit 2014, Beyonce dhe Jay Z performuan gjasht ëjavë dhe arritën që të shesin biletat e të gjitha koncerteve.

Turneu u mbyll me dy koncerte ndërkombëtare në Paris ku u xhirua edhe një video nga rrjeti televiziv HBO që mori edhe nominim Emmy.

Shitja e biletave fillon nga 14 marsi në ora 10:00. /KultPlus.com

Festivali Coachella sjellë në skenë Beyoncén dhe Eminem

Festivali i muzikës në Kaliforni, tashmë ka publikuar listën e emrave pjesëmarrës, në të cilën përfshihen emra të njohur si Beyonce, Eminem, The Weekend dhe dhjetëra yje të tjerë të zhanrit pop dhe rap, përcjellë KultPlus.

Festivali i njohur, i cili do të mbahet në bazat e Empire Polo Club në Indio të Kalifornisë, do të zhvillohet gjatë dy fundjavave në muajin prill, në fundjavën e parë të festivalit që do të mbahet më 13 deri më 15 prill. Fundi i dytë i Coachella do të zgjasë nga 20 deri më 22 prill.

Beyoncé është tërhequr nga skena e festivaleve dhe performancat live nga turneu i saj i “Formation”, që nga viti 2016. Ylli i R & B u tërhoq nga performancat live vitin që shkoi, pas lindjes së binjakëve Rumi dhe Sir. Ajo po kthehet në këtë festival me performancë live pas një kohë të gjatë.

Dy emrat e tjerë të njohur janë Eminem, i cili do të prezantohet me albumin e tij të rikthimit “Revival” , me të cilin ka arritur të kryesoj listat si në SHBA dhe Britani të Madhe, ashtu edhe The Weekend, i cili gjithashtu mund të ketë projekte të reja që vijnë pas albumit të tij të suksesshëm të vitit 2016.

Coachella, i cili filloi në vitin 1999, është bërë një nga festivalet më të suksesshme të muzikës amerikane. I dashur nga kreatorët dhe yjet e famshme, tradicionalisht ka tërhequr rreth 250,000 njerëz gjatë dy fundjavave të saj në luginën e Indio pranë Palm Springs./ KultPlus.com

10 fotografitë më të pëlqyera të Instagramit për këtë vit përfshijnë vetëm tre emra (FOTO)

Postimi më i pëlqyer në Instagram-it gjatë vitit 2017 ishte konfirmimi i Beyoncé-it për shtatzëninë e saj, i cili mblodhi 11.2 milionë pëlqime dhe u dha miliona njerëzve frymëzim për kostumet e tyre të Halloween, shkruan Vogue, përcjellë KultPlus.

Duket befasuese pasi që 10 fotot më të pëlqyeshme të vitit 2017 lidhen me tre emra të njohur: Beyoncé, Cristiano Ronaldo dhe Selena Gomez (e cila në vitin 2016 pati fotografinë më të pëlqyer në këtë rrjet social). Katër postime të Ronaldos dhe Gomez, përfshihen në këtë listë, secila fotografi e tyre ka grumbulluar nga 7.3 milion pëlqime deri në 11.1 milion pëlqime.

Ronaldo mori shumë vëmendje dhe pëlqime me postimet që ishin të lidhura me familjen dhe foshnjat e tij, me përjashtim të një fotoje futbolli . Nga ana tjetër, postimrt më të pëlqyera nga Gomez përfshinin paraqitjen e saj me The Weeknd, dhe një fotografi kur ajo u shfaq me flokët e saj bionde. Posti i saj më i pëlqyeri, numër tre në listë, ishte shpjegimi i saj i gjatë për mungesën e saj në mediat sociale. Në këtë fotografi ajo paraqitet pasi kishte bërë transplantin e veshkës./KutPlus.com


Ed Sheeran dhe Beyonce në vendin e parë të Billboard Hot 100 me “Perfect Duet” (FOTO/VIDEO)

Ed Sheeran dhe Beyonce lansuan “Perfect Duet” për të rrëzuar nga froni hitin “Rockstar” nga Post Malone dhe 21 Savage.

Bashkëpunimi i tyre gjendet në krye të top listave në javën e parë të lansimit.

Edhe versioni paraprak i “Perfect” edhe remiksi me Beyoncen llogariten “një” në renditje duke arritur 63 për qind të shitjeve totale. Ky është vendi i parë për herë të dytë për Ed Sheeran këtë vit pas këngës “Shape of You”.

Vetëm Justin Bieber ka dy këngë në krye të Billboard Hot 100 brenda një viti. Ndërkohë për Beyoncen është hera e gjashtë që është në vendin e parë të Billboard Hot 100 dhe hera e 10-të me një artist tjetër.


Formula e bashkimit të një emri të madh në një këngë tashmë të suksesshme për të krijuar një këngë që kryeson top listën e kemi parë me “Despaciton” ku versioni fillëstar ishte në vendin e 44, por pas inkuadrimit të Bieber arriti vendin e parë për 16 javë.

Malone dhe Savage me “Rockstar” qëndruan për tetë javë në vendin e parë.

BILLBOARD HOT 100 TOP 10

1. Ed Sheeran feat. Beyoncé – “Perfect Duet”
2. Post Malone feat. 21 Savage – “rockstar”
3. Camila Cabello feat. Young Thug – “Havana”
4. Lil Pump – “Gucci Gang”
5. Imagine Dragons – “Thunder”
6. Sam Smith – “Too Good at Goodbyes”
7. G-Eazy feat. Cardi B & A$AP Rocky – “No Limit”
8. Halsey – “Bad at Love”
9. Cardi B – “Bodak Yellow (Money Moves)”
10. Marroon 5 feat. SZA – “What Lovers Do”

Dua Lipa e para në “Spotify”, lë prapa Beyoncen dhe Rihannan

Këngëtarja e shqiptare Dua Lipa, ka lënë prapa emra të mëdhenj si Beyonce dhe Taylor Swift, duke u bërë këngëtarja më e dëgjuar në platformën britanike Spotify, shkruan BBC, transmeton KultPlus.

Hitet e suksesshme të yllit të pop-it përfshijnë “New Rules”,e cila është dëgjuar për 464 milionë herë në mbarë botën. Kurse hiti i saj “Scared To Be Lonely”, është dëgjuar gjithsej 453 milionë herë në këtë platformë.

KultPlus ju përcjellë listën e pesë femrave më të dëgjuara në “Spotify”, në Britaninë e madhe:
1.Dua Lipa
2.Rihanna
3. Ariana Grande
4. Taylor Swift
5. Beyonce