Nën tingujt e ‘Rrjedhë në këngë e ligjërime’ nga zëri kumbues i Vaçe Zelës, në skenën e Teatrit Oda zuri vend një ngjarje që historisë së vendit tonë i dha kthesën më të madhe.
Bëhet fjalë për ngjarjet e vitit 1968, kur Kosova ishte pjesë e Jugosllavisë dhe disa të rinj patriot që ishin pjesë e Organizatës Ilegale për çlirimin e Kosovës nga okupimi Jugosllav po bëheshin bashkë kundër këtij sistemi që i kishte rrënjët thellë në Kosovë e që e vetmja mënyrë për t’i shkëputur ato rrënjë, ishte rezistenca, shkruan KultPlus.
‘Zjarri i ilegales’ nën regjinë dhe skenarin e Lirak Çelaj, solli para publikut një rrëfim të ndjeshëm e tejet të rëndësishëm që ndahej në tre periudha dhe jetësohej në tre gjenerata. Kosova si pjesë e Jugosllavisë, Kosova në demonstratat e vitit 1981, Kosova në luftën e saj të fundit dhe pas luftës. Ngjarje këto që ishin vendimtare në historinë e Kosovës dhe shqiptarëve.
Mirëpo, ajo çfarë e bënte më të fuqishëm mesazhin e kësaj shfaqjeje, ishte pyetja: Çka nëse?! Çka nëse rezistenca e shqiptarëve nuk do të ndodhte? -Çka do të ndodhte pa atë grup njerëzish që kanë mbajtur gjallë zjarrin e rezistencës?!
Regjisori Lirak Çelaj, ka treguar për KultPlus se komplet realizimi i kësaj shfaqjeje ka zgjatur pak më shumë se që është paraparë si pasojë e situatës pandemike dhe poashtu edhe për shkak të vdekjes së Ukshin Krasniqit, pasi ky i fundit ishte edhe kryetekniku në Teatrin Oda.
Kjo shfaqje fliste për një zjarr që brez pas brezi kishte qëndruar i ndezur. Një temë të cilën Çelaj e kishte trajtuar me delikatesë duke arritur kështu të ngjallë emocione të mëdha tek publiku.
“Brezat e rijnë edhe ne që e kemi përjetuar kemi filluar të harrojmë dhe nganjëherë po shfryjmë vrerë në shtetin tonë duke harruar për sakrificat dhe ato që kemi përjetuar në të kaluarën. Kam tentuar t’ua risjell në kujtesë të gjithëve se ku kemi qenë dhe ku jemi sot”, ka theksuar Çelaj për KultPlus.
‘Zjarri i ilegales’ që për këtë vit shënoi premierën e parë të Teatrit Oda, erdhi dhe si dedikim për dy humbjet e mëdha të këtij teatri. Atë të Ukshin Krasniqit dhe Etrit Mehmetit. Një humbje që preku të gjithë ata që i njohën, e veçanërisht ata që punuan në këtë shfaqje.
‘Vdekja e tij na ka prekë shumë, pasi ai ka qenë dashtë me qenë atje lart e të na ndriçoj neve këtu poshtë’, theksoi aktorja Blerta Gubetini për KultPlus. Gubetini ndër të tjera, deklaroi se për rolin e Dritës, ka punuar me shumë mund, vullnet e gëzim dhe se nga gjithë ato duartrokitje ajo ka përjetuar emocione të mëdha.
‘Zjarri i ilegales’ bëri bashkë aktorët si: Allmir Suhodolli, Blend Sadiku, Blerta Gubetini, Florent Salihu dhe Gentrit Shala, të cilët me një lojë të jashtëzakonshme të artit skenik, përçuan emocione të mëdha tek publiku, duke bërë që shumica prej tyre të linin sallën me lot në sy e me duartrokitje që nuk u ndalën për minuta të tërë. Një ngjarje që secilin e ktheu pas në kohë, duke rikujtuar kështu edhe njëherë se kush ishim ne si popull dhe sa shumë sakrifikuam e humbëm për të gëzuar lirinë.
‘Zjarri i ilegales’ do të jetë për një kohë të gjatë në repertorin e Teatrit Oda dhe do të shfaqet çdo të enjte, nga ora 19:00. / KultPlus.com
Këngëtari i famshëm i muzikës Jazz, Chick Corea ka vdekur në moshën 79 vjeçare, është bërë e ditur përmes një deklarate të lëshuar në uebsajtin e tij.
Fituesi i çmimit “Grammy” pati një karrierë prej më shumë se pesë dekadash në industrinë e muzikës.
Albumi i tij i fundit ishte publikuar në vitin 2020.
Corea është artisti i katërt me më së shumti nominime në historinë e çmimeve prestigjioze “Grammy” me gjithsej 65 nominime, prej të cilave ka dalë fitues 23 herë.
Ai ka vdekur pas një sëmundje me një kancer të rrallë i cili është diagnostikuar kohët e fundit. / KultPlus.com
Papa Kristo Negovani lindi në Negovan të Kolonjës (në anën lindore të Gramozit, sot Greqi). Arsimin fillor e mori në vendlindje dhe shkollën e mesme e vazhdoi në Athinë.
Papa Kristo Negovani u vendos për disa kohë në Rumani ku punoi duke ushtruar profesionin e drugdhendësit. Në atmosferën e shoqërive atdhetare shqiptare, ai u bë pjesë e shoqërisë së shqiptarëve “Shpresa” duke u angazhuar në veprimtaritë e saj. Më 1897, pasi u kthye në vendlindje iu kushtua tërësisht lëvrimit të gjuhës shqipe, lirisë e pavarësisë së vendit.
Me librat shqip, të sjellë në Negovan, hapi fshehtas shkollën e parë shqipe për bashkëfshatarët e tij dhe me interesimin e tij u dërguan vajzat e para nga Negovani në shkollën shqipe të vashave në Korçë.
Papa Kristo Negovani, më 10 shkurt 1905, organizoi një shërbesë kishtare në gjuhën shqipe. Dy ditë më vonë, më 12 shkurt 1905, Papa Kristo Negovani së bashku me të vëllain e tij, Papa Theodhosin, dhe tre bashkëfshatarë të tjerë u masakruan nga andartët grekë. Ai qe një ndër frymëzuesit e Kishës ortodokse autoqefale shqiptare, e cila do të bëhej realitet vetëm me Fan Nolin.
Ndër veprat letrare të Papa Kristo Negovanit vlen të përmenden: “Istori e dhjatës vjetërë”, botuar në Bukuresht në 1899; “Bënjatë e shënjtorëvet dërgimtarë”, në Sofje më 1903 etj, si dhe shkroi e përktheu në shqip edhe përralla e shumë vjersha me karakter didaktik. / KultPlus.com
Këngëtarja shqiptare me famë botërore, pas një pauze të gjatë është rikthyer fuqishëm, shkruan KultPlus.
Në kanalin e saj në Youtube, ajo ka publikuar këngët ‘The One’ dhe ‘Bang Bang’.
Lajmin për publikimin e këtyre dy këngëve e ka dhënë vetë këngëtarja në rrjetet e saj sociale, ku ka marrur kritika mjaft të mira nga fansat e saj, të cilët ka kohë që po presin që Rita të publikoj këngët e paralajmëruara. / KultPlus.com
Banorët e 25 shteteve evropiane duhet të posedojnë një test PCR-Negativ për të hyrë në Kosovë. Në rast se nuk e kanë një test të tillë, ata duhet të vetizolohen për shtatë ditë.
Qeveria në detyrë dje ka miratuar masat e reja për parandalimin e përhapjes së COVID-19.
Një prej masave që është miratuar sërish dje është edhe posedimi i testit PCR-Negativ jo më i vjetër se 72 orë për personat që vijnë në Kosovë nga shtetet me rrezik të lartë të infektimit, masë kjo që aplikohet prej tetorit të vitit të kaluar.
“Qytetarët e huaj që hyjnë në Kosovë, përfshirë edhe ata me leje qëndrim të përkohshëm ose përhershëm në Kosovë, që vijnë nga vendet me risk të lartë sipas listës zyrtare të ECDC-së, duhet të kenë test RT-PCR negativ për Covid-19 të bërë në 72 orët e fundit, në bazë të parimit të reciprocitetit”, thuhet në vendimin e Qeverisë.
Por, cilat janë shtetet që i konsideron Kosova me rrezikshmëri të lartë të infektimit?
Kosova vepron në bazë të listës së publikuar në web faqen e Qendrës Europiane për Parandalimin dhe Kontrollin e Sëmundjeve (ECDC).
Në bazë të kësaj liste, aktualisht shtete me rrezik të lartë të infekitimit janë: Franca, Spanja, Italia, Gjermania, Polonia, Çekia, Holanda, Portugalia, Rumania, Belgjika, Suedia, Austria, Hungaria, Sllovakia, Kroacia, Bullgaria, Irlanda, Lituania, Sllovenia, Latvia, Luksemburgu, Estonia, Qiproja, Malta dhe Lihtenshtajni.
Të gjitha këto shtete kanë mbi 120 raste të infektimeve në 100 mijë banorë, gjë që i bën të jenë pjesë e listës së shteteve me rrezik të lartë.
Më poshtë gjeni të gjitha masat anti-Covid, që aktualisht janë në fuqi:
MASAT PËR TËRË TERRITORIN E REPUBLIKËS SË KOSOVËS
Hyrjet e qytetarëve të huaj dhe vendorë në Kosovë
1. Qytetarët e huaj që hyjnë në Kosovë, përfshirë edhe ata me leje qëndrim të përkohshëm ose përhershëm në Kosovë, që vijnë nga vendet me risk të lartë sipas listës zyrtare të ECDC-së, duhet të kenë test RT-PCR negativ për Covid-19 të bërë në 72 orët e fundit, në bazë të parimit të reciprocitetit.
2. Përjashtim nga pika 1 më lartë bëjnë:
2.1. Nëse qytetari i huaj hynë në Kosovë përmes aeroportit apo përmes pikave kufitare tokësore dhe largohet nga Kosova brenda 3 ore përmes aeroportit ose pikave kufitare tokësore, me kusht që në hyrje të nënshkruajnë deklaratën se do ta lëshojë Kosovën brenda 3 ore;
2.2. Qytetarët e huaj që punojnë si transportues profesionistë (vozitësit), me kusht që të respektojnë protokollin për transport ndërkombëtarë për mbrojtje nga Covid-19;
2.3. Qytetarët e huaj që kalojnë nëpër Kosovë përmes transportit të organizuar me autobus ose me linjë të rregullt ndërkombëtare, transit, me kusht që të nënshkruhet deklarata se do ta lëshojnë territorin e Kosovës brenda 5 orësh;
2.4. Diplomatët e huaj të akredituar në Kosovë si dhe familjarët e tyre;
3. Të gjithë qytetarët e Kosovës (përfshirë edhe ata me vendbanim në një shtet tjetër), gjatë hyrjes në Kosovë duhet të paraqesin vërtetim për test RT-PCR negativ të bërë më së largu 72 orë para hyrjes në Kosovë, në të kundërtën duhet të vetë-izolohen për 7 ditë.
4. Përjashtim nga pika 3 më lartë bëjnë qytetarët e Kosovës (përfshirë edhe ata me vendbanim në një shtet tjetër) që kanë dalë jashtë Kosovës në 24 orët e fundit.
Organizimi i punës së institucioneve publike dhe organizatave/bizneseve private
5. Institucionet publike dhe organizatat/bizneset private pa përjashtim obligohen të mbikëqyrin në baza ditore shëndetin e stafit në përputhje me “Manualin për mbrojtje nga përhapja e Covid-19”, përfshirë matjen e detyrueshme të temperaturës për të gjithë gjatë hyrjes në objekte.
6. Me rekomandim të mjekut përkatës të lëmisë, punëtorët me sëmundje kronike (sipas qarkores zyrtare të lëshuar nga Ministria e Shëndetësisë e përgatitur për këtë qëllim), gratë shtatzëna dhe gratë gji dhënëse lirohen nga paraqitja në punë, si në institucionet publike ashtu edhe në ato private, ndërkaq punëdhënësit udhëzohen, për aq sa është e mundshme, të krijojnë kushtet për angazhimin e tyre në punë nga shtëpia.
7. Obligohen institucionet publike dhe private të mbajnë dezinfektues për duar dhe maska për fytyrë në vende të qasshme në hyrje të objektit, të cilat mund të shfrytëzohen nga punëtorët e institucioneve dhe vizitorët.
8. Obligohen institucionet publike dhe private që në hyrje të çdo objekti të vendosin shenja të dukshme të rregullave të sjelljes për mbrojtje nga Covid-19 (përfshirë shenjën e ndalimit të hyrjes në objekt pa maska, respektim të distancës etj.) në përputhje me “Manualin për mbrojtje nga përhapja e Covid-19”.
9. Obligohen përgjegjësit e institucioneve publike, ndërmarrjeve private dhe të çfarëdo subjekti tjetër, të ndërmarrin masa të rrepta për parandalimin e përhapjes së infeksionit brenda institucioneve të tyre, duke bërë dezinfektim të vazhdueshëm dhe duke ndërmarrë të gjitha masat e nevojshme në përputhje me “Manualin për mbrojtje nga përhapja e Covid-19”.
10. Të gjitha Institucionet publike (qendrore dhe lokale) si dhe organizatave, bizneseve dhe subjekteve private u lejohet të organizojnë ceremonitë festive me leje të veçantë nga MSH duke u bazuar në Manualin për mbrojtje nga përhapja e Covid 19.
Organizimi i procesit arsimor
11. Procesi arsimor në të gjitha institucionet e arsimit të lartë, publik dhe privat, si dhe provimet, punët praktike dhe laboratorike të organizohen sipas plan-programit të institucioneve përkatëse në përputhje me “Manualin për mbrojtje nga përhapja e Covid-19”.
12. Veprimtaria e çerdheve publike dhe private vazhdon sipas vlerësimit dhe mbikëqyrjes nga autoritetet komunale, bazuar në “Manualin për mbrojtje nga përhapja e Covid-19”, përfshirë matjen e temperaturës së fëmijëve dhe stafit në baza ditore gjatë hyrjes në objekte.
13. Konviktet dhe mensat punojnë duke respektuar manualin për mbrojtje dhe përhapjen nga Covid-19.
14. Të gjitha institucioneve arsimore në të gjitha nivelet e arsimit, publik dhe privat, iu ndalohet organizimi i aktiviteteve jashtë mësimore, siç janë ekskursionet, shëtitjet grupore, ahengjet e ndryshme të stafit mësimor dhe nxënësve-studentëve dhe të ngjashme.
Organizimi i shtabeve emergjente komunale dhe shërbimeve shëndetësore komunale
15. Komunave iu kërkohet të mbajnë të aktivizuar plotësisht shtabet emergjente komunale për të mbikëqyrë zbatimin e masave, gjendjen shëndetësore të qytetarëve të infektuar me Covid-19 dhe çështje të tjera, si dhe të koordinohen me nivelin qendror përkatës.
16. Shtabeve emergjente komunale, drejtorive për shëndetësi dhe QKMF-ve iu kërkohet të mbikëqyrin dhe ofrojnë shërbimet e nevojshme shëndetësore për së paku 2 javë për personat e infektuar me Covid-19 dhe do të raportojnë në baza ditore në QRSHP-IKSHPK.
17. Komunave iu kërkohet të ofrojnë shërbimet shëndetësore shtëpiake për të gjithë të sëmurët kronikë dhe për personat mbi moshën 65 vjeç.
Masat për personat mbi moshën 65 vjeç
18. Ministria e Punës dhe Mirëqenies Sociale, në përputhje me situatën e krijuar dhe sipas rekomandimeve të IKSHPK-së dhe MSH-së, udhëzohet të lirojë të gjithë përfituesit e skemave sociale dhe pensionale që menaxhohen nga MPMS-ja nga paraqitja e rregullt në zyrat përkatëse për qëllime të evidentimit siç kërkohet me ligjet përkatëse.
19. Qytetarëve që qëndrojnë në shtëpitë për të moshuar u ofrohen të gjitha shërbimet shëndetësore, sociale dhe vizitat e rregullta shëndetësore nga QKMF-të.
Masat për aktivitetet publike
20. Në hapësira të mbyllura ndalohet grumbullimi i qytetarëve në numër prej më shumë se 50 persona, ndërsa në sheshe publike, parqe, vende publike, qendra rekreative dimërore dhe të ngjashme, lejohet grumbullimi deri në 80 persona me përjashtim të rasteve të lejuara me këtë vendim.
21. Të gjitha tubimet publike të organizuara në hapësira publike të të gjitha formave, ndalohen në jo më shumë se 80 persona, me përjashtim të rasteve të lejuara me këtë vendim.
22. Seminaret dhe punëtoritë e të gjitha institucioneve publike dhe private, lejohen të organizohen sipas manualit për mbrojtjen nga përhapja e COVID19 dhe konform pikës 24 të këtij vendimi.
23. Ndalohet organizimi i dasmave dhe ahengjeve familjare.
24. Ndalohen ceremonitë dhe veprimtaritë fetare, përveç me pjesëmarrjen e familjes së ngushtë, përjashtim nga pika 24 më lartë bëjnë ceremonitë e veçanta fetare që organizohen me leje të veçantë të Ministrisë së Shëndetësisë bazuar në rekomandimet e IKSHPK-së.
Masat për aktivitetet biznesore
25. Lejohet veprimtaria e tregjeve publike të automjeteve dhe kafshëve deri në 40% të sipërfaqes së kapaciteteve të hapësirave.
26. Therja e kafshëve lejohet vetëm në ambientet e autorizuara për këtë qëllim.
27. Lejohet ushtrimi vetëm i veprimtarive si në vijim (sipas kodeve NACE të përcaktuara nga ARBK – Ministria e Tregtisë dhe Industrisë):
27.1. Sektori shëndetësisë,
27.2. Sektori i sigurisë dhe drejtësisë,
27.3. Sektori publik (administratë qendrore dhe komunale),
27.4. Sektori i prodhimit,
27.5. Sektori i bujqësisë dhe blegtorisë,
27.6. Sektori i ndërtimit,
27.7. Transporti i mallrave,
27.8. Sektori i produkteve ushqimore,
27.9. Sektori i shërbimit/distribuimit.
II. MASAT SPECIFIKE SIPAS KOMUNAVE
28. Komunat kategorizohen në tri grupe, bazuar në rrezikun nga përhapja e infeksionit:
28.1. Komunat me rrezik të ultë – deri në 75 persona të infektuar për 100,000 banorë brenda një jave (me ngjyrë të gjelbër),
28.2. Komunat me rrezik të mesëm – nga 76-150 persona të infektuar për 100,000 banorë brenda një jave (me ngjyrë të verdhë),
28.3. Komunat me rrezik të lartë – mbi 150 persona të infektuar për 100,000 banorë brenda një jave (me ngjyrë të kuqe).
29. Në baza javore, çdo të premte, IKSHP-ja dhe MSH-ja publikojnë shifrat e të infektuarve sipas komunave dhe bëjnë kategorizimin e komunave sipas nivelit të rrezikut të përshkruar në pikën më lartë.
30. Masat për komunat me rrezik të ulët (deri në 75 persona të infektuar për 100,000 banorë brenda javës):
30.1. Operatorët ekonomik lejohen të punojnë nga 05:00-22:00,
30.2. Qendrat tregtare lejohen të punojnë nga 05:00-22:00,
30.3. Shërbimet e hotelerisë dhe gastronomisë lejohen të punojnë nga 05:00-22:00, ndërkaq pas orës 22:00 punojnë me shërbim “merr me vete” dhe “porosi me dërgesë”,
30.4. Transporti publik lejohet të punoj duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”,
30.5. Taksitë lejohen të punojnë me një (1) pasagjer prapa ose deri në tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”,
30.6. Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë deri në orën 22:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,
30.7. Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,
30.8. Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”,
30.9. Pavarësisht pikave 35.6, 35.7 dhe 35.8 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.
31. Masat për komunat me rrezik të mesëm (prej 76-150 persona të infektuar për 100,000 banorë brenda javës):
31.1. Operatorët ekonomik lejohen të punojnë nga 05:00-22:00.
31.2. Qendrat tregtare lejohen të punojnë nga 05:00-22:00.
31.3. Shërbimet e hotelerisë dhe gastronomisë lejohen të punojnë nga ora 05:00 deri në ora 22:00, ndërkaq pas orës 22:00 punojnë me shërbim “merr me vete” dhe “porosi me dërgesë”.
31.4. Të gjitha institucionet publike dhe private këshillohet të reduktojnë stafin bazuar në specifikat e tyre dhe “Manualin për mbrojtjen nga përhapja e Covid-19”;
31.5. Transporti publik lejohet të punojë duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”;
31.6. Taksitë lejohen të punojnë me një (1) pasagjer prapa ose tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”;
31.7. Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë vetëm deri në orën 22:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,
31.8. Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,
31.9. Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”.
31.10. Pavarësisht pikave 34.7, 34.8 dhe 34.9 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.
32. Masat për komunat me rrezik të lartë (mbi 150 persona të infektuar për 100,000 banorë brenda javës:
32.1. Operatorët ekonomik lejohen të punojnë nga 05:00-22:00.
32.2. Qendrat tregtare lejohen të punojnë nga 05:00-22:00.
32.3. Shërbimet e hotelerisë dhe gastronomisë lejohen të punojnë nga 05:00-22:00, ndërkaq pas orës 22:00 punojnë vetëm me shërbim “porosi me dërgesë”.
32.4. Institucionet publike dhe private obligohen të punojnë vetëm me staf esencial, i cili staf përcaktohet me vendim të secilit institucion në veçanti;
32.5. Transporti publik lejohet të punojë duke shfrytëzuar deri në 50% të kapaciteteve, duke respektuar “Manualin për mbrojtjen nga përhapja e Covid-19”;
32.6. Taksitë lejohen të punojnë me një (1) pasagjer prapa ose tre (3) nëse janë anëtarë të familjes, duke respektuar “Manualin për mbrojtjen nga përhapja e Covid-19”;
32.7. Institucioneve vartëse të MKRS dhe komunave (siç janë teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), lejohet të punojnë vetëm deri në orën 21:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitetet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,
32.8. Lejohen aktivitetet sportive në hapësira të mbyllura dhe të hapura, ku gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave deri ne 50 persona, gjithmonë bazuar në protokolle vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e Covid-19”,
32.9. Lejohen fitneset dhe pishinat e mbyllura për aktivitete individuale rekreative duke shfrytëzuar deri në 40% të hapësirave/sipërfaqeve, duke respektuar “Manualin për mbrojtjen nga përhapja e Covid-19”.
32.10. Pavarësisht pikave 35.9, 35.10 dhe 35.11 më lartë, autorizohet Ministria e Shëndetësisë që bazuar në rekomandimet e IKSHP-së të nxjerrë vendime operacionale të ndalojë këto aktivitete.
III. OBLIGIMET E INSTITUCIONEVE PËR ZBATIMIN E MASAVE
33. Obligohet Ministri i Shëndetësisë që në rast nevojë të nxjerrë udhëzime për sqarimin e pikave të këtij vendimi.
34. Obligohet Ministri i Shëndetësisë, AUVK dhe Policia e Kosovës, që në bashkëpunim me shtabet emergjente të komunave, të mbikëqyrë zbatimin e këtij vendimi dhe të dorëzojnë në Zyrën e Kryeministrit raport javor (çdo të premte deri në orën 16:00).
35. Obligohet Ministri i Shëndetësisë, SHSKUK dhe IKSHP të dorëzojnë në Zyrën e Kryeministrit raportin javor (çdo të premte deri në orën 16:00) për zbatimin e masave, gjendjen në institucionet shëndetësore, gjendjen epidemiologjike si dhe parashikimet për dy javët në vijim.
36. Obligohet Ministri i Shëndetësisë që, bazuar në Ligjin nr. 07/L-006 për Parandalimin dhe luftimin e pandemisë Covid-19, të nxjerrë vendime operacionale varësisht prej situatës epidemiologjike dhe rekomandimeve të IKSHP-së.
37. Obligohet Policia e Kosovës dhe inspektoratet përgjegjëse të mbikëqyrin zbatimin e masave dhe vendimeve të tjera në zbatimit të Ligjit Nr.07/L-006 për Parandalimin dhe luftimin e pandemisë në territorin e Republikës së Kosovës.
38. Për shkelësit e masave, organet kompetente obligohen të shqiptojnë masat ndëshkimore sipas Ligjit nr. 07/l-006 për Parandalimin dhe luftimin e pandemisë Covid-19 në territorin e Republikës së Kosovës dhe ligjeve të tjera në fuqi.
39. I vetmi autoritet që mund të interpretojë këtë vendim është Ministria e Shëndetësisë, ndërkaq çdo institucion tjetër mund të ofrojë sqarime për grupet respektive që preken nga ky vendim vetëm pas miratimit të atij sqarimi nga ana e Ministrisë së Shëndetësisë.
40. Ministria e Shëndetësisë obligohet të publikojë në faqen zyrtare të saj Qarkoren lidhur me sëmundjet kronike, për të cilat sëmundje personat sipas pikës 8 të këtij vendimi lirohen nga paraqitja në punë.
41. Shfuqizohet vendimi i qeverisë nr. 09/58 i datës 14.01.2021.
42. Vendimi hyn në fuqi ditën e nënshkrimit dhe vlen deri në një vendim tjetër. / KultPlus.com
Këngëtarja nga Kosova Dua Lipa ka publikuar videoklipin e këngës së saj më të re të titulluar “We’re Good”.
Dua e ka paralajmëruar ditë më parë këtë videoklip duke shpërndarë vazhdimisht në rrjetet sociale informata të reja rreth tij.
Kënga pritet të jetë një hit i radhës i këngëtares tashmë me famë botërore, pas hiteve të saj të mëparshme si “Don’t Start Now” dhe “Levitating”. / KultPlus.com
Muajin e kaluar, Amsterdami tregtoi më shumë aksione, sesa Londra, duke e hequr kryeqytetin e Britanisë së Madhe nga vendi i parë si qendra më e madhe tregtare e Europës, sipas të dhënave më të reja të lëshuara sot nga CBOE Global Markets.
Sipas këtyre shifrave, një mesatare prej 9,2 miliardë eurosh (11,5 miliardë dollarë) u tregtuan në Euronext Amsterdam, si edhe në degët holandezë të CBOE Europe dhe Turquoise në janar, më shumë se katër herë sasia e tregtuar atje në dhjetor.
Ndërkohë, tregtia në Londër ra në 8,6 miliardë euro në janar, pasi BM u largua nga tregu i vetëm i Bashkimit Europian më 31 dhjetor.
Largimi i BM-së nga tregu i vetëm i BE-së u shoqërua me rreth 6,5 milionë euro aksione ditore të larguara nga Londra dhe të zhvendosura në Europë.
Kjo ndodhi për shkak të një mosmarrëveshjeje për shërbimet financiare midis Brukselit dhe Londrës, në marrëveshjen tregtare postBrexit.
Institucionet financiare të BE-së nuk mund të tregtojnë më aksione në Londër, pasi Brukseli nuk i njeh më bursat britanike dhe vendet e tregtimit./ata/ KultPlus.com
Tenori i famshëm shqiptarë, Ramë Lahaj ka realizuar një bashkëbisedim të drejtpërdrejtë në Instagram me kreun e Lëvizjes Vetëvendosje, Albin Kurtin, shkruan KultPlus.
E nisur mbi diskutimin se Kurti kishte qenë përgjatë ditës së sotme në Istog, në qytetin prej ku ka edhe prejardhjen Lahaj, biseda vazhdoi tutje mbi çështjet e artit dhe kulturës.
Tenori nuk harroi përgjatë diskutimit të përmend edhe diasporën, si përkrahës të pandashëm individual e shtetëror.
“Mërgimtarët unë i kam pikë të dobët sepse unë i kam ata investitorë të mi. Jam jashtëzakonisht i kënaqur që ata nuk janë lodhur me neve, dhe prej tekave që ne herë pas here mund t’i kemi. E falenderoj mërgatën për kontributin e madh që e ka pasur për Kosovën”, është shprehur Lahaj.
Në anën tjetër, edhe Kurti s’ka lënë pa folur për këtë pjesë.
“Kurrë nuk arrijmë ta kalkulojmë kontributin. Nganjëherë ju them se ju jeni fajtor edhe për luftën çlirimtare edhe për paqen sociale, sepse asnjërën s’do ta kishim pa ju. Sa më shumë që marin pjesë në votim mërgata aq më e shëndetshme është demokracia”, ka thënë kandidati për kryeministër nga LVV.
Lahaj përmendi se vetë ideja e kësaj lidhjeje direkte nga ana e tij, ishte diskutimi për artin dhe kulturën, gjendjen institucionale e kolektive të këtyre dy sferave.
“Viteve të fundit e kam pasur fatin të udhëtoj nëpër disa kontinente ku kam performuar në sallat më me nam në të gjithë botën. Meqë unë nënën e kam ende në Istog edhe vijë në baza mujore”, tha Ramë Lahaj.
“20 vite pas lufte, më vie turp t’iu tregoj kolegëve që s’kemi akoma një Teatër Opere apo Drame, apo një Sallë Koncentrale. Unë e kam thënë disa herë që Prishtina është shumë mirë, do të mund të kishte një sallë universale ku do të kishim Teatër Drame, Teatrin e Operas dhe sallën koncentrale”, u shpreh Lahaj.
Lahaj përmendi se shumë shpesh është kritikuar nga kolegët dhe opinioni publik se po përzihet në çështje politike, mirëpo tenori tha se këtë e bën për gjendjen e vendit të vet.
“Unë reagoj si qytetar i atij vendi ku jam rritur aty dhe në fatin tim të zhvillimit profesional, kur kthehem në vendlindje dhe e sheh që edhe 20 vite prapa hapi është prapa, është vërtetë zhgënjeyese”, theksoi tenori i njohur kosovar.
Lahaj kërkoi premtim nga Kurti, duke thënë se edhe kjo ka qenë arsyeja e pjesëmarrjes në këtë lidhje direkte.
“Talentet që i kemi ne, ata që e zbulojnë veten dhe ata që i zbulon procesi arsimor, do të dekurajohen nëse nuk e kanë infrastrukturën bazike. Kjo është arsyeja që ne kemi thënë që do ta themelojnë Teatrin e Operas dhe Baletit si institucione të vetqëndrueshëm. Gjithashtu do të ideojmë Teatrin e ri Kombëtar”, premtoi Kurti.
“Është shumë interesant propozimi për një sallë universale , e cila do të mund të shërbejë me mundësi multifunksionale për gjinitë e ndryshme të artit”, tha kreu i LVV-së.
“Ne do të përqendrohemi që institucionet e artit të kenë një buxhet vetjak dhe të qëndrueshëm, të mos jenë linja buxhetore në kuadër të Ministrisë së Kulturës, por të jenë taman institucione të kulturës”, u shpreh Albin Kurti.
Një ide tjetër e përmendur nga kandidati për kryeministër qe edhe rrjetëzimi arsimor i institucioneve kulturore.
“Institcionet kulturore t’i lidhim me sistemin arsimor, për shkak se shumë shfaqje, koncerte që jipen fatkeqësisht janë të shkëptura nga sistemi arsimor dhe është shumë dëm që studentët e fakulteteve të catuara, pse jo edhe nxënësit e gjimnazeve nuk janë të organizuar shikues dëgjues vizitorë aty”, u shpreh Kurti.
“Përndryshe të gjithë talentët do na ikin e s’do kenë ku të kthehen”, tha Albin Kurti.
Tutje, Kurti çmoi edhe rolin promovues të artit të Lahajt për Kosovën.
“Ju keni investuar në imazhin e shtetit tonë, duke qenë edhe më shumë se ambasdor, ndonëse i pashpallur, por në anën tjetër është më shumë se ata që ju takojnë e dëgjojnë juve mendojnë se kush e di çfarë sallash kemi këtu, është e pikëllueshme në çfarë gjendje jemi”, tha ai.
Lahaj përmendi që së fundmi ka marrë pjesë në një workshop me Apostollovën, në të cilën ka parë talente të shumta, por që në vendin tonë i kanë mundësitë e kufizuara.
“Akoma jemi një vend ku nuk mund të lëvizim për ta bërë një audicion”, u shpreh tenori.
“Nuk është investuar në aspektin shtetëror për të bërë një film për luftën, për historinë tonë. Në njëfar forme historia jonë keq transmetohet. Është e dhimbshme, zhgënjyese”, përmendi Ramë Lahaj.
Kurti përmendi që te filmat shqiptarë kemi një dominim të regjisoreve gra, teksa edhe trajtimi i luftës për nga aspekti tematik është më i veçantë.
“Te filmat ka një lloj dominimi të regjisoreve gra, një lloj trajtimi i luftës nga pasojat që nuk kalojnë, si “Zgjoi”, “Shpia e agës”, “Zana”, tha ai.
“Është një lloj filli që i lidh këta filmi, që mua më ka tronditur sepse është pikëpamja e pasluftës për pasojat që ngelin me neve, një luftë e pasluftës”, u shpreh Kurti.
“Ndoshta është tipike për regjisoret gra, sepse ato e kanë vuajtur luftën, ndërkohë që mirënjohja për burrat ka qenë gjithmonë më dominuese, kurse janë pikërisht gratë ato për të cilat s’ka përfunduar lufta”, vlerësoi Kurti.
“Një luftë që ska përfunduar, në psikikën dhe në pasojat materiale të jetës së tyre, por besoj që kur kemi parasysh se sa shumë ka munguar përkrahja, sukseset janë shumë më tepër”, konkludoi Albin Kurti
“Për aspektin e talenteve të reja, këtu duhet më së shumti edhe me institucionet e artit e kulturës edhe me sistemin arsimor të punojmë që këto workshope të mos jenë fascinim e pikëllim por të ushqehen pastaj”, tha kreu i LVV-së.
Në anën tjetër, Kurti foli edhe më tej për institucionet kulturore të cilat premtoi se gjatë qeverisjes së tij do të jetësohen.
“Siç e thashë ne do ta themelojmë si institucione të vetqëndrueshëm Teatrin e Operës dhe Baletit, këtë po e them si institucione por jo si infrastrukturë fizike e materiale. Nuk është mirë të ndërtojmë diçka nën mesatare, mund të jetë edhe një sallë muntifunksionale, por kur ta ndërtojmë le të jetë mirë”, u shpreh Kurti.
“Ne duhet të ulemi me komunitetin artistik, njerëzit e kulturës, ta kemi një konkurs meritor edhe për arkitekturën edhe për multifunksionalitetin e saj. Nuk e kemi ndërmend ta bëjmë edhe punën e inxhinierit, arkitektit, muzikologut si Qeveri por duhet ta fusim për buxhetin e vitit 2022”, premtoi Kurti.
“Në formë të pashmangshme arti është mjet i përditshmërisë, pavarësisht pse nuk shkojmë në teatrin e dramës, filmit. Është përgjegjësi institucionale për t’i krijuar ato, dhe për të rinjtë, që ata t’i çojnë ëndrrat për talentet e tyre”, tha tenori shqiptar.
“Unë kam filluar studimet në moshën 21 vjeçare kur nuk kisha as bazë të muzikës, po do të doja për të tjerët që të ta kenë një teatër ku prindi i çon fëmijët për ta përjetu artin”, shprehi dëshirën e tij Ramë Lahaj.
“Në vitin 2021 po shpresoj të kemi një teatër të mirëfilltë, e jo një ku ende rrihet me kova për të mbuluar pikat e shiu, po ku edhe prindi ndihet krenar për ta dërguar fëmiun në teatër”, u shpreh tenori.
“Do të insistoja një lloj institucionalizimi të kësaj, duke shkuar shkollat fillore e të mesme në teatër, koncert e kështu me radhë. Ka mundësi që përmes arsimtarëve e profesorëve ta bëjmë një pjesë të mirë të punës sepse nganjëherë prindërit nuk e bëjnë këtë”, përfundoi Kurti.
Biseda mes tenorit dhe Kurtit përfundoi me shpresën se Lahaj i ka thënë brengat e komunitetit artistik dhe se kandidati i LVV-së do t’i realizojë premtimet e dhëna. / KultPlus.com
Artan Imami është aktori i njohur shqiptar i cili feston sot 60-vjetorin tij të lindjes.
Artisti u lind në qytetin e Tiranës më 11 shkurt të vitit 1961. Në vitin 1983 aktori përfundoi studimet në degën e artit dramatik pranë “Akademisë së Arteve të Bukura” në Tiranë dhe për shkak të rezultateve teje të larta dhe falë talentit të tij të rrallë ai menjëherë emërohet si aktor pranë trupës profesioniste të “Teatrit Popullor” sot “TK”.
Shfaqja që i dha artistit edhe mundësinë e katapultimit në kategorinë e aktorëve më të vlerësuar, ishte pikërisht shfaqja e Shekspirit me titull “Zbutja e Kryeneçes”. Pak vite më vonë ai do të interpretonte në mënyrë të jashtëzakonshme rolin e Kostandinit në veprën shqiptare “Kush e solli Doruntinën”, rol me të cilin u evidentuan aftësitë e rralla pantomimike, botëkuptimi i personazhit dhe zbërthimi psiko-analitik i tij, të cilët bënë që edhe sot kjo vepër e rrallë të identifikohet me aktorin Artan Imami.
Në vitin 1996, Imami u tërhoq nga skena për arsye që edhe sot ngelen të paqarta, por gjithsesi vitet 2000 do ta rikthenin sërish në skenën e teatrit për të vazhduar edhe deri në ditët e sotme ku hera-herës e shohim të ngjitet në skenë për të interpretuar. Në këtë periudhë rikthimi Artan Imami ka qenë shpeshherë edhe në pozicionin e regjisorit të veprave të ndryshme ku ai ndonjëherë edhe interpreton si aktor.
Aktori Imami ka dhënë kontributin e tij edhe në kinematografi. Disa nga rolet e tij më të mira janë: “Me hapin e shokëve” 1979, “Nata e parë e lirisë” 1984, “Bardh e zi” 1991, “Zbutja e Kryeneçes”, “Kush e solli Doruntinën”, “Don Zhuani” etj. /ata/ KultPlus.com
Aktorja Yllka Gashi ka shprehur mendimin e saj rreth gjendjes aktuale në Kosovë, mes situatës pandemike dhe tubimeve politike përgjatë fushatës parazgjedhore, shkruan KultPlus.
“Mërgimtarëve po ju lypni teste PCR, e kta tjerët që po i mledhni masovikisht nëpër tubime a po i testoni?! As maskat nuk po i mani ju vet, shumica e politikanve që po lypni vota prej popullit, po prini me shembull t’keq, midis pandemisë”, ka thënë Gashi.
Ajo ka përmendur rastin e Biden, i cili edhe përgjatë fushatës ka respektuar vënien e maskës dhe distancën fizike.
“Ju që s’keni as jod e fasha sterile nëpër spitale i rrezikoni njerëzit nëpër tubime e po ua rononi gjendjen edhe ma shumë punëtorëve mjekësor veq për interesat e juja personale e apetitin politik”, ka thënë Yllka Gashi.
“Se për Kosovë që nuk ja u nin’ fort moti e kemi kuptu. Me kto standarde të dyfishta e me këtë paftyrësi jeni ba të gërditshëm. Marre!”, ka përfunduar aktorja. / KultPlus.com
Para 76 viteve, në 12 Shkurt 1945 në Prizren, nisi të dalë gazeta tradicionale Rilindja, histori Kosove që nga koha e Konferencës së Bujanit të Rezolutës për vetëvendosje e të drejtë bashkimi me Shqipërinë e deri në shpalljen e pavarësisë e njohjet ndërkombëtare.
Gazeta Rilindja, e vetmja në gjuhën shqipe në Kosovë, nisi të dalë me angazhimin e intelektualëve më të shquar të asaj kohe, me shkronja plumbi që u sollën me arka nga Tirana.
“Shkronja për Rilindjen dërgoi Tirana pasi në Shtypshkronjën e Rilindjes në Prizren nuk kishte shkronja të mjaftueshme të derdhura në plumb për shkrim në gjuhën shqipe”, kam shkruar në monografinë “Rilindja 60 vjet”, botuar shtojcë speciale e gazetës në 12 Shkurt 2005.
Në monografi theksohet se, “numri i parë i gazetës Rilindja, që kishte katër faqe, u radhit me dorë për rreth 72 orë dhe për këtë u deshtën katër arka shkronja shqipe të derdhura në plumb, që u sollën nga Tirana”.
“T’i përvishemi punës…”, ishte kryeartikulli në ballinë i numrit të parë të gazetës Rilindja, që mbanë datën 12 Fruer (Shkurt) 1945 e që kishte çmimin edhe 1 Lek, e që sipas shkrimeve Kosovën e përcaktonte si një vend të veçantë.
“Jehona e vendit” ishte rubrika, ku janë të botuara 6 lajme e informata nga Kosova, e të 4 lajmet e tjera janë të jashtë vendit nga fronte të ndryshme të Luftës së Dytë Botërore, që ende vazhdonte (Froni i Lindjes, i Perëndimit, i Jugosllavisë dhe ai i Italisë).
Numri i parë i gazetës Rilindja u shtyp në një tirazh prej mëse 3.000 ekzemplarësh dhe u shpërnda në gjithë Kosovën. Në fillimet e saj, në rrethanat e një shkalle të lartë të analfabetizmit të asaj kohe në Kosovë, gazeta Rilindja u përdor edhe për mësimin e shkronjave shqipe, shkrimit e leximit.
Gazeta Rilindja nuk u ndal edhe kur u ndalua dhunëshëm nga Serbia okupatore në vitin 1990, gazetarët dhe punonjësit tjerë të saj sfiduan ndalimin – revistën e përdymuajëshme “Bujku” e shëndërruan në gazetë të përditshme të rezistencës, pjesë e lëvizjes e luftës për liri e pavarësi, me orientim e përcaktim të fuqishëm properëndimor euroatlantik, kryeredaktor i parë – themelues i së cilës isha.
Gazeta e përditshme “Bujku” doli nga 18 Janari 1991 deri në prag të 1999-tës, të një viti tjetër të ri të luftës që po zhvillohej në Kosovë, derisa u dëbua me dhunë nga Pallati i Rilindjes nga administrata dhe forcat okupatore serbe.
Por, përsëri, gazetarët dhe punonjësit e tjerë të Rilindjes nuk u ndalën, në muajt e parë të vitit 1999, gjithnjë në kushtet e luftës, rikthyen dhe nxorën gazetën e përditshme me emrin Rilindja në Prishtinë, duke punar nëpër shtëpitë e tyre, dhe në këto rrethana përkundër rreziqeve të mëdha gazeta doli derisa gazetarët dhe punonësit e saj u dëbuan bashkë me popullin edhe nga shtëpitë e tyre dhe nga Kosova…
Ekipi i gazetës Rilindja hyri në Kosovë me tanket e para të NATO-s në 12 Qershorin historik 1999, dhe të nesërmen u shpërnda në Prishtinë dhe në zona të tjera, ku po ndodhte liria, gazeta numër special e botuar në Shkup.
“‘Me emrin ‘Bujku’, këtu dhjetë vite ka mbajur të gjallë informimin e brendshëm në Kosovë”, e vlerësonte gazetën e rezistencës Presidenti historik i Kosovës, Dr. Ibrahim Rugova në funddhjetorin 2002 në Rezidencën Presidenciale në Prishtinë në pritjen që më bëri si kryeredaktor i gazetës Rilindja, me ç’rast dha një intervistë ekskluzive, duke i dhënë kështu edhe mbështetjen e fuqishme institucionale krijimit të mundësive dhe kushteve për rifillimin e botimit të gazetës simbol i traditës së informimit në Kosovë, të cilën administrata e UNMIK e kishte dëbuar kundërligjshëm e padrejtësisht nga Pallati Rilindja në 21 Shkurt 2002.
Pas kësaj date gazeta Rilindja ka dalë me numra protestues të jashtëzakonshëm të kohëpaskohshëm dhe për festa.
Gazeta Rilindja, kronikë e zhvillimeve historike të Kosovës, pasi doli me botime speciale edhe për ngjarjen historike të shpalljes së pavarësisë në 17 Shkurt 2008 dhe njohjet ndërkombëtare që pasuan, ka përmbyllë daljet e afër 40 numrave të jashtëzakonshëm të kohëpaskohëshëm në 30 Dhjetor 2008, me numrin festiv të Vitit të Ri 2009, në ballinë me kryetitullin e ëndërres dhe të ardhëmes: Kosova shtet në OKB. Dhe me paralajmërimin: Duke besuar në sundimin e ligjit në shtetin e Kosovës presim që nga numri i ardhshëm Rilindja të dalë përditë.
Pas 10 vitesh, gazeta tradicionale e Kosovës Rilindja në ndërrim motesh – në mbrëmjen e 31 Dhjetorit 2018 të pritjes së 2019-tës, ridoli simbolikisht (botim digjital) për protestë dhe me kërkesën e përsëritur për t’u rikthyer e përditshme – për privatizim.
Zgjidhja për Rilindjen pritet e kërkohet nga Agjencia Kosovare e Privatizimit, e cila është autoritet mbi ndërmarrjet e pronat shoqërore. Për privatizimin e gazetës tradicionale të Kosovës, pa u ndërlidhur me objektin e saj të shpronësuar, që tash është ndërtesë qeveritare, është edhe shembulli i gazetave në rajon dhe në botë, që kishin statusin si të Rilindjes, e që janë privatizuar dhe kanë vazhduar të dalin.
Në arsyetimin e kërkesës për privatizim theksohet edhe se emri dhe tradita e gazetës Rilindja është një vlerë shumë e madhe, e krijuar gjatë mëse 70 viteve, është pasuri me vlerë më të madhe se e çdo pallati, dhe kjo duhet të vlerësohet edhe në procesin e privatizimit.
“Dhe, ai që do ta blejë gazetën Rilindja dhe natyrisht do e nxjerrë këtë të përditshme historike dhe tradicionale të Kosovës do jetë pronar i një pasurie të madhe mediale kombëtare, do të jetë trashëgimtar i ligjshëm i firmës-emrit, traditës. Rilindja ishte, është dhe mbetet edhe si një shenjë identiteti”, theksohet në kërkesën drejtuar Agjencisë Kosovare të Privatizimit në 12 Shkurt 2014.
Gazeta “Rilindja” e gjithë viteve të daljes ruhet në Arkivin Shtetëror të Kosovës dhe në Bibliotekën Kombëtare të Kosovës, si dhe në biblioteka tjera…
(Autori ka qenë kryeredaktor i gazetës Rilindja deri në numrin e fundit dhe në kohën e dëbimit nga Pallati i Rilindjes, kryeredaktor i parë-themelues i gazetës së rezistencës “Bujku”) / KultPlus.com
Artisti i këngëve të cilat janë kthyer në vulë të vlerave artistike, Naser Berisha, ka paralajmëruar publikimin e këngës së re, shkruan KultPlus.
Berisha ka ndarë në rrjete sociale një sekuencë nga kënga e tij në ardhje, e cila do të publikohet më 17 Shkurt, në Ditën e Pavarësisë së Kosovës.
Në këngën e cila është e para nga albumi i ri që do të vazhdoj rrugëtimin e publikimit përgjatë këtij viti, dëgjohet melodia e lehtë nga tre kitaret, gjersa protagonisti kryesor është Naser Berisha me vokalin e tij.
Naser Berisha i ka falur muzikës shqiptare këngët e njohura si “Do të doja”, “Ku më mbeti bjondina ime” dhe shumë të tjera. / KultPlus.com
Presidenti i Republikës, Ilir Meta festoi së bashku me drejtues dhe anëtarë të shoqatave “Tirana”, “Tirona Intelectum”, “Bashkësia Dibrane” si dhe përfaqësues të familjeve autoktone tiranase 101-vjetorin e shpalljes së Tiranës kryeqytet.
Në mjediset e Institucionit të Presidentit të Republikës, u mbajt edhe një veprimtari kulturore-historike “101-vjetori i Tiranës kryeqytet” ku pas ekzekutimit të himnit kombëtar dhe përshëndetjeve të personaliteteve dhe historianëve, u promovuan librat “Shqipëria politike” e “Atdhetarët Shtaku”, si dhe u zhvillua ekspozita me piktura të dy mjeshtreve tiranas të penelit, Sadik dhe Buron Kaceli.
Në fjalën e tij përshëndetëse, Presidenti i Republikës u shpreh se, “11 Shkurti i vitit 1920 është një ditë e veçantë për të gjithë ne, është një ditë e shënuar për qytetarët e Tiranës, të Shqipërisë dhe mbarë kombit tonë!
Ndaj në këtë atmosferë feste, pavarësisht nga situata e pazakontë për shkak të pandemisë, dua t’i uroj të gjithë qytetarët e Tiranës dhe të mbarë vendit: Gëzuar 101-vjetorin e shpalljes së Tiranës, kryeqendra e shqiptarëve! Ta ruajmë dhe ta mbrojmë Tiranën, që të mbetet jo vetëm kryeqyteti ynë, por edhe krenaria jonë dhe për këtë dua të falënderoj shoqatat tuaj dhe gjithë komunitetin, për përpjekjet që ka bërë deri tani, por sidomos për ato që do të bëjmë të gjithë së bashku në të ardhmen”, tha Meta.
Meta vlerëson arkeologun dhe politikanin e shquar, Neritan Ceka me Dekoratën “Nderi i Kombit”
Me rastin e 80-vjetorit të lindjes, Presidenti i Republikës, Ilir Meta vlerësoi arkeologun, politikanin dhe diplomatin e shquar Neritan Ceka me Dekoratën e lartë “Nderi i Kombit”, me motivacionin: “Në vlerësim të veprës së çmuar dhe punës së palodhur si shkencëtar dhe arkeolog i përkushtuar në ndriçimin, vënien në dukje, ruajtjen dhe promovimin e thesareve të rralla të trojeve tona, të historisë së lashtë, gërmimeve intensive e afatgjata të qytetërimit ilir.
Me mirënjohje të lartë shtetërore për kontributet e vyera e të pamohueshme, si politikan aktiv dhe diplomat, qysh në shembjen e diktaturës, vendosjen e sistemit pluripartiak si dhe më pas, në konsolidimin e institucioneve të reja demokratike në vendin tonë”.
Në fjalën e tij përshëndetëse drejtuar familjarëve, kolegëve dhe personaliteteve të pranishëm në ceremoni, Presidenti Meta u shpreh se, “është kënaqësi e madhe, që në ditën e 80-vjetorit të lindjes së tij, të vlerësoj një nga personalitetet më të rëndësishme të vendit tonë, arkeologun, politikanin dhe shkencëtarin e shquar, Neritan Ceka”.
“Duke vlerësuar profesor Cekën synoj t’i transmetoj atij detyrimin e respektin, që ne kemi dhe duhet të kemi për të gjithë ata, që ia kushtuan jetën e tyre konsolidimit dhe përparimit të institucioneve kulturore të vendit tonë por edhe atyre politike”, tha Meta.
“Profesor Neritani është një nga përfaqësuesit më emblematikë të atij brezi, që u quajt i Pasçlirimit, brez që i mbijetoi mungesave dhe padrejtësive të periudhës së diktaturës komuniste”, u shpreh Meta.
“Pavarësisht nga kushtet e vështira, ky brez diti të formohet me trashëgiminë e albanologëve më të mëdhenj të kombit, si Aleks Buda, Hasan Ceka, Eqrem Çabej, Skënder Luarasi, Selim Islami, Gani Strazimiri, e shumë të tjerë, ku do të jepte kontributin e tij të shquar në formimin e arkeologjisë shqiptare”, theksoi Meta. /ata/ KultPlus.com
Ava Max ka publikuar versionin akustik të këngës së saj të fundit “My head and heart”, shkruan KultPlus.
Me një stil të veçantë të flokëve dhe veshjes, artistja shqiptare i ka dhënë zë këngës së saj.
“My head and heart” si një këngë e dashurisë, që nga fillimi i publikimit pati sukses, duke u vlerësuar edhe nga platforma prestigjioze e muzikës, Spotify.
Versioni i parë pa videoklip ishte publikuar në vitin 2020, teksa i takon zhanrit pop. / KultPlus.com
Shoqata e Gastronomëve të Kosovës ka paralajmëruar protesta nëse Qeveria e Kosovës do të vendosë për rikthim të masave kufizuese pas zgjedhjeve të 14 shkurtit.
Të enjten, Qeveria në detyrë lehtësoi masat duke hequr kufizimin e lëvizjes për qytetarët dhe duke e zgjatur orarin e punës deri në 22:00 për gastronominë. Gastronomët e kanë cilësuar lajm të rëndësishëm dhe të mirë këtë vendim.
Megjithatë, duke pasur parasysh se gastronomisë nuk iu lejua puna qe disa muaj, por në sallat e dasmave u lejuan tubimet e partive politike, pa respektuar masat anti-COVID në kohë fushate, kjo shoqatë ka paralajmëruar protesta nëse ndryshohet vendimi i marrë të enjten.
“Sqarim: GASTRONOMËT JANË TË REVOLTUAR! Me rastin e shkeljes së masave Anti-Covid për arsye të organizimit të tubimeve politike, dhe shfrytëzimit të hapësirave tona për qëllime të fushatave zgjedhore nga çdo parti politike, është bërë padrejtësi e madhe dhe trajtim i pabarabartë në raport me ne, ekonominë, dhe rreth 100 mijë qytetarë që rrezikojnë të mbesin të papunë në çdo industri! Në rast se vendimi i sotëm ndryshon pas zgjedhjeve të 14 shkurtit, ju njoftojmë se do të ketë organizim të protestave nga gastronomët!”, thuhet në një reagim të gastronomeve. /express/ KultPlus.com
Ministria e Shëndetësisë ka dalur më një komunikatë zyrtare për të treguar se si është marrë vendimi për lirimin e masave kundër virusit Covid-19.
Infektologu Lul Raka tha më herët se Bordi për Këshilldhënës për COVID-19 nuk ka dhënë këshilla për largimin e orës policore dhe masave tjera të cilat u prezantuan gjatë ditës nga MSH.
Ndërkohë MSH thotë se vendimi është marrë bazuar në situatën epidemiologjike në Kosovë.
“Sqarim nga Ministria e Shëndetësisë. Ndërlidhur me interpretimet e ndryshme rreth masave të fundit anti covid-19 në Kosovë, Ministria e Shëndetësisë sqaron se vendimet e sotme të Qeverisë së Republikës së Kosovës janë marrë sipas propozimeve të MSh-së bazuar në situatën aktuale epidemiologjike, e cila gjatë këtij muaji ka rezultuar të jetë më e qetë”, thuhet në reagim.
Ndërkohë tutje thuhet se masat parimisht nuk janë ndryshuar, përvec largimit të orës policore në komunat që ishin cilësuar si “zonë e kuqe”
“Parimisht, mbesin në fuqi pothuajse masat e njëjta përveç heqjes së orës policore në komunat në “zonën e kuqe”, e cila tashmë si masë nuk ka ndonjë ndikim pozitiv si dhe kthimi i mësimit me prani fizike në fakultete, duke respektuar Manualin për parandalimin e përhapjes dhe luftimin e COVID-19. Sa i përket Bordit këshillëdhënës për Covid-19, sipas mandatit që ka, ky bord është trup këshillëdhënës që i përgjigjet Ministrit të Shëndetësisë dhe jep këshilla sipas kërkesave të ministrit për çështje të lidhura me COVID-19”, thuhet në komunikatë. /Gazeta Express/ KultPlus.com
Presidenti historik i Kosovës, Ibrahim Rugova, përgjatë periudhës komuniste në Shqipëri kishte bërë kërkesën për vizitë në vendin shqiptar, shkruan KultPlus.
Si gjithë vizitorët e tjerë, edhe Rugova duhej të plotësonte dokumentin, përmes së cilit tregohej nëse personi më parë kishte qenë në Shqipëri, arsyeja aktuale e vizitës dhe të dhënat personale.
Në dokumentin e vitit 1980, Rugova kishte kërkuar që ta vizitonte Shqipërinë për hulumtime shkencore, teksa profesioni i tij shihet të jetë punëtor shkencor. / KultPlus.com
Filmi shqiptar nga Blerta Basholli “Zgjoi”, i cili fitoi 3 çmime në festivalin prestigjioz “Sundance”, mori vëmendjen ndërkombëtare, shkruan KultPlus.
Një nga filmat me të kërkuar në seksionin e Kinemasë Botërore të konkursit Dramatik është “Zgjoi”, filmi debutues nga Blerta Basholli, shkruan Level K.
Frymëzuar nga një histori e vërtetë, “Zgjoi” është një vështrim fuqizues i një gruaje që ka probleme, por mbijeton pas zhdukjes së burrit të saj.
“Në një fshat në Kosovë, familjet përpiqen të sigurojnë jetesën ndërsa presin me padurim lajmet për burrat, baballarët dhe djemtë që u rrënuan nga lufta. Kur bletët e Fahrijes ndalojnë prodhimin e mjaltit, ajo merr patentën e saj të shoferit dhe sipërmarrjet në qytet për të shitur ajvar shtëpiak në një dyqan ushqimesh lokale”, vazhdon tutje platforma prestigjioze e filmit.
“Zgjuarsia dhe ambicia e Fahrijes sfidojnë banorët e qytetit konservator, të cilët janë të palëkundur në rolet tradicionale dhe pritjet patriarkale. Ajo shpërfill fyerjet, thashethemet, madje edhe sulmet fizike për të fuqizuar një komunitet të grave për të qenë të pavarur dhe të pavarur në mënyrë që të mbijetojnë së bashku”, thuhet nga Level K.
“Shfaqja e fortë e emocionuese e Yllka Gashit, debutimi magjepsës i shkrimtares / regjisores Blerta Basholli është dëshmuar me ndershmëri dhe vërtetësi. Kamera e saj natyraliste përqendrohet në ndërmarrjen e aksioneve të larta që Fahrije merr përsipër ndërsa vajton zhdukjen e burrit të saj, duke lundruar në një botë të re dhe duke befasuar veten dhe ata përreth saj. Bazuar në një histori të vërtetë, “Zgjoi” është një perlë e qetë, ngritëse që nxjerr në pah forcën në personazhet e saj pasi nuk provon se asgjë nuk mund t’i ndalojë gratë në një mision”, thuhet për filmin “Zgjoi”.
Filmi artistik “Zgjoi” ka bërë historinë duke fituar tre çmime në festivalin Sundance: Filmit më të mirë, regjsores më të mirë dhe çmimin e publikut. / KultPlus.com
Iniciativa “Marshojmë s’festojmë” do të vazhdoj edhe këtë vit aktivitetet për përçim të mesazhit në Ditën e Gruas, shkruan KultPlus.
Nën moton e sivjetme “Marshojmë kundër patriarkatit që vret”, do të kujtohen viktimat vajza dhe gra.
“Edhe ky 8 mars na gjen të revoltuara ndaj sistemeve shtypëse që kanë mundësuar përshkallëzimin e dhunës ndaj grave dhe vajzave gjatë viteve të fundit. Do të dalim nga shtëpitë, universitetet, shkollat, dhomat e gjumit, fabrikat, zyret, spitalet e do të qëndrojmë të bashkuara kundrejt patriarkatit që vret”, thuhet në njoftim.
Tutje, organizatorët theksojnë se edhe organizimi i këtij viti është një rezistencë në vete për patriarkatin, që sipas tyre, vazhdon t’ua marrë jetën grave në Kosovë.
Në anën tjetër, ata kanë bërë thirrje për t’u bashkuar në marshin e 8 Marsit duke filluar nga ora 12:00 në sheshin “Zahir Pajaziti”, teksa është menduar edhe një formë tjetër e ‘protestimit’.
“Ata/o që thirrjes duan t’i bashkohen nga shtëpitë, i ftojmë që në ballkonet e tyre të vendosin mbishkrime në çarçafë ku përshkruajnë luftën e tyre kundër shtypjes që ndodhë brenda dhe jashtë shtëpive”, bëjnë thirrje organizatorët.
“Marshojmë s’festojmë” tanimë është kthyer një revoltë për mbrojtje të të drejtave të grave, në ditën kur festohet dita e tyre. / KultPlus.com
Festivali Ndërkombëtar i Filmit në Berlin ka bërë të ditur sot se 15 filma do të jenë sivjet pjesë e garës e të cilët do të garojnë për çmimet “Top Golden” dhe “Silver Bear”.
Festivali do të mbahet më shumë në formë virtuale për shkak të pandemisë me koronavirus.
Përzgjedhja e filmave përfshinë disa filma nga Franca, Rumania, Hungaria, Meksika, Koreja Jugore, Japonia etj, shkruan AP.
Krah filmave gjermanë, në garë janë edhe primerat botërorë të filmave si “Fabian- Going to the Dogs” nga Dominik Graf, “I’m your man” nga Maria Schrader dhe “Next Door” nga Daniel Bruehl.
Festivali i filmit do të zhvillohet në një formë të riorganizuar për shkak të pandemisë. Organizatorët kanë bërë të ditur se “Berlinale” që tradicionalisht është festivali i parë evropian në çdo vit të ri, do të ndahet në dy pjesë për shkak të masave anti-COVID.
Një organizim online me jurinë e cila do të zgjedhë fituesit, do të mbahet nga 1-5 mars. Ndërkaq nga 9-20 mars, do të mbahet edicioni special veror përmes të cilit publiku do të ketë mundësinë të shohë fituesit. / KultPlus.com
Ka vdekur nga Covid-19, gazetarja e shquar nga Vlora, Zenepe Luka.
Zenepe Luka (Çekrezi), lindi në Librazhd, ku mori edhe arsimin tetëvjeçar. Pasi përfundoi shkollën e mesme “Luigj Gurakuqi” në Elbasan, kreu studimet e larta në Fakultetin e Shkencave Politiko-Juridike në Tiranë dhe në maj të vitit 1973, u diplomua gazetare.
Profesionin e gazetares e nisi në revistën “Shqiptarja e Re”, për të vijuar në gazetën lokale “Kukësi i Ri”, më pas në gazetat e përditshme “Bashkimi”, “Zëri i Rinisë” etj.
Është e para gazetare e RTSH në terren, që u vendos në Elbasan duke mbuluar edhe rrethet Gramsh e Librazhd. Kontribut të veçantë ka dhënë në qytetin e saj të lindjes, ku për shumë vite ka punuar si lektore, hulumtuese në Muzeun Etnografik dhe në të njejtën kohë edhe gazetare e gazetës “Bashkimi”.
Nga viti 1994 deri në vitin 2004, ka qenë gazetare e gazetës “Koha Jonë” për Vlorën, më pas në gazetat “Ballkan” dhe “Telegraf”. Ka vazhduar të punojë si gazetare e lirë në gazetat “Koha Jonë”, “Dita”, ”Shqiptarja.com” dhe organe të tjera në Diasporë.
Në maj të vitit 2020,mbushi 47 vjet karrierë si gazetare në terren me 12.000 shkrime të botuara, ku dominojnë zhanret e intervistës, reportazhit, kronikës,etj.
Një ngjarje që mbahet mend në karrierën e saj është venndosja e tritolit në banesë më 10 maj të vitit 1998, ku u shkatërrua banesa dhe u plagosën dy fëmijët.
Zenepe Luka është vlerësuar nga këngëtari i madh Italian Al Bano Karrisi,që i ka akorduar Premion” Zenepe Luka është Oriana Falasci shqiptare”.
1 vit më parë është vlerësuar nga Unioni i Gazetarëve me çmimin “Petro Marko” . / KultPlus.com
