Festivali ‘Primavera Sound’ do të mbahet në Barcelonë në vitin 2022.
Ata kanë zbuluar disa nga personazhet që do të jenë pjesë në këtë garë të madhe.
Në fundjavën e parë (2-4 qershor), do të marrin pjesë Trotuarin , Strokes , Sulmin Masiv , Tame Impala , Nick Cave & The Bad Seeds , Gorillaz dhe Tyler.
Në javën e dytë do jenë: Lorde , Dua Lipa , Megan Thee Stallion , Interpol dhe Yeah Yeah Yeahspo luajnë, me Massive Attack, Tyler, Strokes, Tame Impala dhe Gorillaz.
Disa të tjerë që luajnë fundjavën e parë: Bikini Kill, Kacey Musgraves, Earl Sweatshirt, the National, Beck, Charli XCX, Caroline Polachek, Jorja Smith etj. / Indeksonline / KultPlus.com
Teksa Google dhe Apple po iu drejtohen zhvilluesve për aplikacione të reja për eventet e ardhshme, gjiganti tjetër teknologjik, Microsoft, po synon një tjetër rrugë – të sjellë versionin e ri të sistemit operativ të Windowsit.
Në një letër të shefit ekzekutiv, Satya Nadella, drejtuar zhvilluesve, nuk përmendet thuajse fare përditësimi i Windows 10, me fokusin që është në “gjeneratën e ardhshme të Windowsit”.
“… Së shpejti do të ndajmë një nga përditësimet më të mëdha të Windowsit në dekadën e fundit për të zhbllokuar mundësitë ekonomike për zhvilluesit dhe krijuesit. E kam mbajtur vetë qe disa muaj dhe jam shumë i lumtur për gjeneratën e ardhshme të Windowsit. Premtimi im për ju është ky: Do të krijojmë më shumë mundësi për çdo zhvillues të Windowsit sot dhe mirëpresim çdo krijues që synon diçka të re, inovative dhe të hapur. Mezi presim t’u tregojmë më shumë”, ka thënë ai.
Kur Microsofti e lansoi sistemin Windows 10, kompania premtoi se do të jetë përditësimi i fundit i rregullt. E “gjenerata e re” mund të jetë më shumë se çfarëdo përditësimi që ishte bërë që nga lansimi i versionit “10” më 2015. / KOHA.net / KultPlus.com
Dima Gilitukha është një fotograf i suksesshëm, i cili ndërthur sfondin e tij shkencor me ekspeditat e gjata në vendet ekzotike.
Seria e fotove të Gilitukhas, e cila ishte pjesë e kërkimit të tij mbi zjarret në pyje, e bëri atë të njohur.
Dima kohët e fundit kaloi 210 ditë në Azi, dhe kjo përfshinte një qëndrim 1-mujor në Vietnam. Ai mori aparatin fotografik me vete dhe memorizoi momente të veçanta të natyrës dhe njerëzve, në vendet që vizitoi dhe çdo imazh është i veçantë, me një mesazh të caktuar. / KOHA.net / KultPlus.com
Ministrja e Arsimit, Arbërie Nagavci ka folur në lidhje me testimin me shkrim të mësimdhënësve në Kosovë.
Nagavci ka deklaruar se testimi i mësimdhënësve nuk do të bëhet për t’i larguar ata nga puna.
“Punësimi dhe vlerësimin e mësimdhënësve janë dy çështje të ndara. Stafi që është aktual në proces, duhet të ofrohet mundësia për rikualifikim në mënyrë që të mos kemi tejkalim të nevojave apo edhe të tilla raste kur vihet në dyshim çështja e kursimit të buxhetit”, ka thënë Nagavci.
Ministrja e Arsimit ka thënë se përgjegjësia duhet të jetë e atyre që kanë punësuar pa kritere, për të cilët thotë se e kanë keqpërdorur buxhetin e ndarë.
“Vlerësimi i performancës është një çështje tjetër që ka të bëjë me tendencën për t’u përmirësuar cilësia dhe me obligimet që ne i kemi por ne nuk bëjmë vlerësime të tilla me qëllim që dikë ta largojmë prej punës dhe ta zvogëlojmë numrin e nxënësve. Përgjegjësia duhet të jetë e atyre që e kanë bërë punësimin pa kritere dhe shumë shpesh duke keqpërdorur buxhetin e ndarë, p.sh. kemi raste kur në disa komuna ka pasur buxhetin e ndarë për punësuar asistentë të fëmijëve me nevoja të veçanta por kanë punësuar persona të tjerë që as nuk e kanë pasur buxhetin e ndarë”, ka deklaruar Nagavci në Atv. / Gazeta Express / KultPlus.com
Tani, në mes të zhurmës që paraprin heshtjen mund të të them do gjëra që nuk të kam thënë në mes të heshtjes para zhurmës, se mund t’na kishin përgjuar dhe streha jonë të ish zbuluar.
Se ne mund të ishim fqinjë nën erën që fryn, kumbisur njëri-tjetrit në kamshinin e moçëm të Aram Naraimit*. Dhe se profetët e mbramë të mbretërisë së arterieve të mia kanë hedhur fall nën qiellin e mishit tënd.
Kohët na kishin me sy të mirë siç dhe në zemër, muskujt e diellit qenë fuqizuar me prarime në olimpiada ndjesish, mbi fytyrën e mijëra spektatorëve, me qëllim që ne të dinim, që ne të rrinim, që sërish retë të vinin.
Shiko, ne jemi takuar në vendodhje të mbrojtur, në qoshkun ku historia ka nisur zbritjen mbi tokë, e qetë dhe e strehuar nga veprime të ngutura. Zëri nisi të rrëfejë, natën, buzë krevatit të fëmijëve.
Tash është shumë herët për arkeologjinë e shumë vonë për të ndrequr atë që u bë. Vera do të vijë dhe zhurma e sandaleve të ngurta do të zhytet në rërën e butë njëherë e përgjithmonë.
*Kamishini është, sipas Biblës hebraike, era që fryn përgjatë trevave egjiptiane – ku gjendeshin të skllavëruar herbrejtë – e që sipas traditës ka prejardhje levantine nga zonat e Mesopotamisë së sipërmen, në brigjet e lumit Eufrat ku gjendeshin fiset aramaike (Aram Naraimi).
Përkthyer sipas versionit në frëngjishte të pranishëm në vëllimin:Yehuda Amichaï, Perdu danas la gráce, traduit de l’hébreu par Emmanuel Moses, 2006, Gallimard, fq. 71./ KultPlus.com
Një ‘bibliotekë e humbur’ e letërsisë britanike, duke përfshirë poezi të rralla të shkruara me dorë nga Emily Brontë dhe vepra të Robert Burns, do të dalë në ankand në Sotheby’s, shkruan BBC, transmeton KultPlus.
Përmbajtja e Bibliotekës Honresfield, e cila është rishfaqur pas gati 100 vjet qëndrimi në ‘errësirë’, do të dalë për shitje në tre ankande të veçanta.
Poezitë e Emily pritet të sjellin fitime diku midis 800,000 dhe 1,2 milion paund britanik.
Një botim i parë i romanit të saj të famshëm Wuthering Heights mund të arrij midis 200,000 dhe 300,000 paund britanik.
Një kopje familjare e Brontës e Historisë së Zogjve Britanikë të Bewick – referuar shumë në faqet e para të Jane Eyre nga motra e Emily Charlotte – mund të shkojë për mes 30,000 – 50,000 paund britanik, sugjerojnë vlerësimet.
Emily Brontë ishte kryesisht e panjohur si shkrimtare gjatë jetës së saj, por shkroi historinë e saj pasionante të dashurisë Wuthering Heights në 1847 para se të vdiste nga tuberkulozi një vit më vonë.
Publiku do të ketë shansin të shohë pikat kryesore nga biblioteka në ekspozitat në Londër, Edinburg dhe Nju Jork.
Pjesët e reja të rralla “hapin një dritare në jetën e shkurtër, por të mahnitshme” të vëllezërve dhe motrave Yorkshire, sipas Sotheby’s.
Biblioteka përfshin gjithashtu një përmbledhje me poezi, shënime, letra personale dhe ide të bashkuara nga bard skocezi Robert Burns, kur ai ishte një 24-vjeçar i panjohur.
Koleksioni u shit për herë të fundit në Sotheby’s në 1879, për 10 paund.
‘Një portret unik’
Biblioteka u përpilua fillimisht nga pronarët e mullinjve në Rochdale Alfred dhe William Law, të cilët u rritën më pak se 20 milje nga Haworth në Yorkshire ku jetonte familja Brontë.
Vëllezërit jetuan së bashku në Honresfield House afër Rochdale, e cila ishte ndërtuar për William në 1879.
“Duke shfaqur thellësinë e interesave letrare të Alfred dhe William Law, koleksioni në tërësi përshkruan një portret unik të pasioneve të një prej familjeve më të mëdha dhe më pak të njohura koleksionuese nga një epokë e artë e mbledhjes së librave”, tha Dr Gabriel Heaton , Specialist i letërsisë angleze dhe dorëshkrimeve historike të Sotheby.
Por biblioteka u zhduk në ‘errësirë’ pasi Alfred i ri vdiq në 1939.
“Kur biblioteka u zhduk nga shikimi i publikut në vitet 1930, shumë njerëz supozuan se ajo ishte zhdukur dhe tani të luash një rol në sjelljen e saj për një audiencë më të gjerë është një moment i vërtetë në karrierë”, tha Dr Heaton.
Mbledhja e më shumë se 500 artikujve do të dalë në shitje në tre ankande të ndara që do të zhvillohen në këtë vit dhe vitin tjetër.
Artikujt e tjerë në Bibliotekën Honresfield përfshijnë:
Edicionet e para të Jane Austen, përfshirë Emma, Northanger Abbey, Persuasion, Pride and Prejudice
Një kopje e Don Kishotit e shtypur në 1620 për botuesin e Shekspirit Edward Blounte
Një kopje e shënuar e poezive të Alfred Lord Tennyson që tregon ndryshimet e tij
Dorëshkrimi i plotë për romanin e Sir Walter Scott në shekullin e 19-të Rob Roy
Letra pak të shikuara nga dhe nga të ngjashmit e romancierit Elizabeth Gaskell, Hartley Coleridge (djali i poetit Samuel Taylor Coleridge) dhe George Smith – botues dhe kampion i Këmbanave, i cili ishte pseudonimi sekret i Bronte
Punime nga Homeri, Ovid, Grimm Brothers, Montaigne, Ann Radcliffe, Horace Walpole, Charles Dickens dhe Mary Wollstonecraft./ KultPlus.com
Edicioni i katërt i ‘Kosovo Theater Showcase’ do të mbahet në nëntor të këtij viti, shkruan KultPlus.
‘Kosovo Theater Showcase’ do filloj nga 2 nëntori dhe do të mbahet deri më 7 nëntor.
Në njoftimin e bërë nga Qendra Multimedia theksohet se në këtë vit do të ketë 10 shfaqje nga teatrot dhe kompanitë e ndryshme të Kosovës, si dhe 5 shfaqje nga rajoni dhe më gjerë.
Gjithashtu në njoftim tregohet se mbii 50 kritikë ndërkombëtarë të teatrit, programues të festivalit dhe gazetarë të tjerë të kulturës dhe adhurues të teatrit do të jenë në Prishtinë për një panair kulturor të drejtpërdrejtë që ngërthen bashkëpunimin, krijimtarinë dhe inovacionin.
‘Kosovo Theater Showcase 2021’ organizohet nga Qendra Multimedia, në bashkëpunim me Teatrin Kombëtar të Kosovës, Teatrin Oda në Prishtinë, Teatrin e Qytetit të Gjilanit, Teatrin e Qytetit të Ferizajt, Teatrin Dodona në Prishtinë dhe disa partnerë të tjerë vendas dhe ndërkombëtarë.
Anëtarët e familjes së George Floydit kanë biseduar me ligjvënësit amerikanë, duke iu bërë thirrje këtyre të fundit që të miratojnë legjislacionin për reforma në polici në emër të Floydit, në përvjetorin e parë të vdekjes së tij në Mineapolis.
Floyd, 46-vjeçar, afrikano-amerikan, është vrarë nga një zyrtar i bardhë policor, i cili i ka bërë presion me gju në qafë viktimës për më shumë se nëntë minuta.
Vdekja e tij ka nxitur protesta kundër racizmit dhe dhunës policore në një mori qytetesh në Shtetet e Bashkuara dhe më larg, si dhe ka shtyrë përpara përpjekjet për reforma policore në nivel kombëtar.
“Ne duhet të punojmë së bashku për t’u siguruar që nuk jetojmë më me frikë në Amerikë”, ka thënë Philonise Floyd, vëllai i George Floydit, para gazetarëve në Kongres, teksa ka qëndruar afër udhëheqëses së Dhomës së Përfaqësuesve Nancy Pelosi, demokrate dhe ligjvënësve që kanë premtuar se do të votojnë në të mirë të legjislacionit të bllokuar aktualisht në Kongres.
“Ne shpresojmë që mund të sjellim qetësi në familjen tuaj duke miratuar këtë projektligj shumë shpejt”, ka thënë Pelosi.
Familjarët e Floydit më pas janë nisur drejt Shtëpisë së Bardhë për ta takuar presidentin amerikan Joe Biden dhe nënpresidenten Kamala Harris.
Vajza e Floydit, nëna e saj, bashkë me motrat, vëllezërit e Floydit pritet të jenë në mesin e atyre që do të jenë pjesë e takimit.
Biden, demokrat, pritet të diskutojë me familjen, përparimin e arritur në legjislacionin në emër të Floydit.
Presidenti pati dëshiruar që ligjvënësit të përfundonin punën në legjislacionin që kërkon ndryshimin e praktikave të policisë, deri në përvjetorin e vdekjes së Floydit.
Një grup dypartiak në Dhomën e Përfaqësuesve dhe Senat, është duke punuar në atë drejtim./ KultPlus.com
Një diamant praktikisht i përsosur rozë 15,81 karat, i emërtuar “Sakura”, është vënë në shitje nga shtëpia e ankandeve “Christie’s” në Hong Kong.
Emërtimi i diamantit vjen nga ngjyrosja delikate si qershitë që lulëzojnë në Japoni: “Sakura” është termi japonez për lulet e qershisë që çelin në fillim të pranverës.
Diamanti është vlerësuar midis 25 dhe 38 milionë dollarë.
Sipas ekspertëve, ai është një pjesë unike e këtij lloji.
Diamanti “Sakura” është cilësuar si “I patëmetë në brendësi”, duke mishëruar rrallësinë e tij dhe qartësinë e tij të jashtëzakonshme optike./atsh/ KultPlus.com
Një histori epike që përfshin mijëra vjet, nga lindja e botës e deri më sot, me një grup heronjsh të pavdekshëm të bashkuar për të luftuar kundër armikut më të lashtë të njerëzimit: kjo është lufta midis së mirës dhe së keqes në qendër të “Eternals”, filmi i tretë në Fazën e Katërt të Universit Kinematografik Marvel.
I drejtuar nga regjisorja fituese e çmimit Oscar, Chloé Zhao (Nomadland), filmi i ri i Marvel Studios vë Eternals (Të përjetshmit) kundër Deviants (Divergjentët).
Në grupin e aktorëve emra të njohur, si Angelina Jolie, një bjonde platin, luan rolin e luftëtares së vrullshëm Thena; Richard Madden është Ikarius i plotfuqishëm; Gemma Chan, në rolin e Sersit, një adhuruese e njerëzimit; Kumail Nanjiani ose Kingo, i pajisur me fuqitë e kozmosit; Salma Hayek në rolin e lideres së mençur dhe shpirtërore Ajak; Don Lee, i cili luan Gilgameshin e fuqishëm, etj.
Në 24 orë, prezantimi i shkurtër i “Eternals” pati mbi 130 mijë shikime./atsh/ KultPlus.com
Shoqata e Botuesve të Kosovës ka njoftuar se Panairi i Librit në Prishtinë nuk do të mbahet gjatë muajt qershor, shkruan KultPlus.
Nëpërmjet një postimi në Facebook kjo shoqatë ka njoftuar se edicioni i 22-të do të shtyhet për shkak të situatës pandemike në vend.
Tutje ata kanë njoftuar se janë duke bërë përpjekje që panairin ta mbajnë në muajin shtator ose tetor, konform rregullave të miratuara nga qeveria.
Kujtojmë se Panairi i Librit nuk është mbajtur as vitin e kaluar për shkak të pandemisë Covid-19.
Më poshtë mund të lexoni njoftimin e tyre të plotë:
NJOFTIM I RËNDËSISHËM
Të dashur lexues,
U bënë pothuaj 24 muaj qëkur jemi mbledhur së bashku në ambientet e Pallatit të Rinisë në ngjarjen më të madhe të librit në Kosovë, Panairin e Librit…
Vitin e kaluar pllakosi virusi e goditi botën mbarë duke na mbajtur larg fizikisht e, megjithatë, librat ishin aty për të na mbajtur afër personazheve e historive të pafundme të cilat na e bënë dhimbjen më të lehtë e kohën më të çmuar. Mbi të gjitha na e bënë më të lehtë përballjen me rutinën e patëmirë që virusi solli. Na e ruajti shëndetin mendor.
Me keqardhje të madhe njoftuam vitin e kaluar se nuk takohemi dot siç bënim për vite e vite me radhë në fillim qershor. Na munguan pafund takimet mes botuesve, shkrimtarëve, lexuesve, përkthyesve e të gjithë dashamirësve të librit. Menduam se do e tejkalonim me vetëm një vit mungesë por shumë shpejt erdhi qershori i dytë e ne nuk mund të takohemi përsëri. Si rrjedhojë e gjendjes me pandeminë, panairi nuk mbahet dot as këtë qershor.
Urojmë që gjendja të përmirësohet fillimisht për shëndetin tonë, e pastaj edhe për të mundësuar mbajtjen e ngjarjeve kulturore që aq shumë na mungojnë.
Do të përpiqemi shumë që gjatë muajit shtator apo muajit tetor, gjithnjë konform vendimeve në fuqi të Ministrisë së Shëndetësisë, të organizojmë kryengjarjen e librit në Kosovë.
“Qytet-qytet” është ekspozita që u hap për publikun me punët e një grupi artistësh.
Kjo është ekspozita e tretë e organizuar nga “Argonaut Art Factory” në Tiranë me qëllim promovimin e artistëve. Kurimi i ekspozitës u bë nën drejtimin e Klajdi Krujës dhe artistit Kristian Zara, me mbështetjen e Bojken Lakos, Egi Xherijas dhe Enea Ziut.
Ekspozita u shoqërua në hapje të saj dhe me një performancë akustike të kantautorit Xhonatan Pilika. Artisti Kristian Zara si një nga kuratorët e ekspozitës “Qytet-qytet” shprehet se në ndërtimin e qytetërimeve, si në aspektin fizik por edhe në atë intelektual, artistët luajnë një rol të rëndësishëm në lidhje me nxitjen frymëzuese brenda trajektores ardhmëtare të një qytetërimi.
Në një tekst për ekspozitën, ai thotë se nisur nga kjo rëndësi vendosën si “Argonaut Art Factory” të trajtojnë temën qytet. “Mbase kjo temë është e shumëtrajtuar ndër vite, por rëndësia e (ri)sjelljes së saj herë-herë në kohë është gjithmonë e një dobishmërie kulturore përparuese. Ky mekanizëm i kulturës është ai, i cili lind dhe rritet brenda mjedisit shpirtëror të artistit dhe artit në përgjithësi. Po ashtu edhe arti lind e kultivohet brenda mjedisit qytetar në të cilin artisti kontribuon me aftësitë e tij filozofike, poetike, stilistike, muzikore etj”, shprehet Zara.
Qyteti është histori, kulturë është përjetim; qyteti mund të shihet si një energji e cila nis me njeriun dhe që nuk ndalon zgjatimin e saj ende sot; është pasqyrë e vetvetes, është vegimi së ardhmes. Kristian Zara si një nga kuratorët shprehet se qyteti mund të jetë një, por edhe mijëra numra; aty ku ndjehesh zhurmshëm mund të ndjehesh edhe bosh. “Në të mund të krijohen hapësira krejt të reja, por mund të gjesh të vjetrën kokë më kokë bashkë me risinë; bashkëjetesë, luftë, paradoks; mund të gjesh një lule të betonizuar, por edhe beton të lulëzuar. Mos vallë është qyteti metamorfoza e natyrës, apo natyrë njerëzore brenda vetë natyrës tokësore! Këto janë disa nga reflektimet mbi të cilat artistët e ekspozitës “Qytet-qytet” krijuan punimet e tyre të radhës”, shprehet mes të tjerave Zara.
Artistët pjesëmarrës
Kjo ekspozitë ndërtohet dhe merr trajtë nga punime të realizuara nga 19 piktorë të rinj vendas. Në ekspozitë janë prezantuar me punët e tyre në pikturë artistët Ajet Halili, Albi Yzo, Altin Hoxha, Anxhelo Gjonçi, Arnilda Kyçyku, Edinjo Jahja, Egi Xherija, Enea Ziu, Greta Hoxha, Irma Rexhepi, Kristi Bani, Kristian Zara, Marinos Milos, Melisa Boja, Niva Çekini, Resina Meçani, Stiven Petoshati dhe Tedi Braka. Tema “Qytet-qytet” ishte pikëtakimi i radhës për ekspozitë tek “Argonaut Art Factory” në Tiranë. Artisti Kristian Zara shprehet se synimi ishte të nxirrej në pah se si e shikon qytetin një artist; cilat aspekte të qytetit mund të zbulohen përgjatë një reflektimi artistik. “A mundet të arrihet, nëpërmjet artit pamor të nxisim dukuri problematike drejt ndryshimit për më mirë? A mundet që reflektimi artistik mbi temën “Qytet-qytet” të nis një proces ndërgjegjësimi, promovimi, vlerash dhe virtytesh njerëzore, histori, transformim tek njeriu qytetar por edhe tek vetë qyteti? Qyteti përparon/zhvillohet (evoluon) gjithmonë paralel me njeriun. Këto ishin disa nga pyetjet të cilat duam të nxisim brenda reflektimit të çdo artisti, që merr pjesë në ekspozitë”, shprehet Zara. Qëllimi sipas tij, ishte që reflektimet e çdo artisti mbi temën “Qytet-qytet” të instalohen brenda galerisë së “Argonaut Art Factory” dhe të krijohej kështu një dialog midis artit pamor dhe publikut si vizitues, për të nxitur pse jo një proces reflektimi edhe tek ata të cilët do të ndeshen me përqasjen artistike të secilit artist. Ekspozita u hap më datë 20 maj qëndron hapur deri më 1 qershor./Nga Julia Vrapi/sot/ KultPlus.com
Shkolla e mesme e ulët “Astrit Bytyqi’ në Ferizaj është shkolla e vetme e cila ka lëndën e “Edukimit Seksual”.
Kjo lëndë ligjërohet në shkollë në kuadër të lëndëve zgjedhore.
Këtë inciativë e nisi qysh para tre vitesh arsimtarja Sueda Jusufi-Hashani.
Ajo thotë se iniciativa është mirëpritur nga ana e prindërve dhe drejtorisë së shkollës.
“Qëllimi i kësaj lënde ka qenë që nxënësit të përgatiten për jetë. Ne e dimë se puberteti është një periudhë e pjekjeve të organeve seksuale dhe nxënësit e kalojnë këtë periudhë pa marrë informacione të sigurta. Duke mësuar këtë lëndë të rinjtë e kalojnë këtë fazë më lehtë dhe kanë njohuri për shqetësimet e tyre”, thotë për TV Liria, arsimtarja Sueda Jusufi-Hashani.
Arsimtarja e kësaj lënde thotë se nxënësit në disa raste janë ndjerë më të lirshëm me të për të diskutuar problemet e tyre që lidhen me infeksione të ndryshme.
Edhe nxënësit mirëpresin këtë lëndë mësimore që sipas tyre, kjo lëndë i ka aftësuar për jetë./ KultPlus.com
Komisioni Europian dhe Europa Nostra njoftuan sot fituesit e vitit 2021 e çmimit europian për Trashëgiminë.
Mes 24 arritjeve shembullore nga 18 vende të Europës një çmim ka shkuar për Fondacionin Gjirokastra nga Shqipëria. Juria deklaroi se: “Përpjekjet e fondacionit promovojnë një brez të ri arkitektësh, zejtarësh dhe profesionistësh të tjerë duke krijuar projekte të rijetëzimit, mbrojtjes dhe rigjallërimit të qytetit të Gjirokastrës”
Njëri prej ekspertëve kryesorë që loboi për dosjen e Gjirokastrës tha megjithatë se çmimi përveçse promocion për Gjirokastrën është edhe sfidë që imponon zgjidhje më të qëndrueshme në të ardhmen.
Duke folur online gjatë eventit komisionerja Europiane Mariya Gabriel tha se : “Fituesit e çmimeve Europiane të trashëgimisë janë ambasadorë të bukurisë së trashëgimisë europiane, qoftë kjo traditë apo dije, arkitekturë mbresëlënëse apo mënyrë sesi trashëgimia mund të bashkojë komunitete dhe breza”./diasporashqiptare/KultPlus.com
Ambasadori i Italisë në Tiranë, Fabrizio Bucci gjatë ditës së djeshme i ka dorëzuar Titullin e Nderit ‘Urdhëri i Yllit të Italisë’ në gradën Oficer, sopranos shqiptare, Inva Mula e cila ka një karrierë të vlerësuar në Shqipëri, Itali por edhe në botë, shkruan KultPlus.
Në njoftimi e bërë nga ambasada e Italisë në Tiranë theksohet se ky është një vlerësim i merituar për Inva Mulën, për aftësinë e saj për të përhapur muzikë, artin dhe kulturën nëpër teatro të rëndësishme të botës.
“Një vlerësim i merituar i Inva Mulës për aftësinë e saj për të përhapur muzikën, kulturën, artin dhe historinë italiane nëpërmjet veprave më të famshme të kompozitorëve italianë të interpretuara mrekullisht prej saj në teatrot më të rëndësishëm të botës”, thuhet ndër të tjera në njoftim./ KultPlus.com
Me rastin e 175-përvjetorit të lindjes së Poetit Kombëtar, Naim Frashërit, Presidenti i Republikës, Ilir Meta bëri sot homazhe duke u përkulur e nderim, si dhe duke vendosur tufa me lule në vendprehjen e atdhetarëve rilindas, vëllezërve Sami, Naim dhe Abdyl Frashëri në Parkun e Liqenit Artificial në Tiranë.
“Në përkujtim të 175-vjetorit të tij të lindjes, përulem sot me nderim dhe mirënjohjen më të thellë para veprës së ndritur të poetit, mendimtarit dhe atdhetarit të shquar të Rilindjes Kombëtare, Naim Frashëri, frymëzuesit të madh dhe të përhershëm të krenarisë, dinjitetit dhe të vetëdijes kombëtare të shqiptarëve, i cili gjithë jetën e Tij ja përkushtoi lirisë së popullit dhe Pavarësisë së Shqipërisë, duke mbrojtur gjuhën, kulturën dhe promovuar historinë e identitetin tonë evropian”, shprehet ai.
Po ashtu, Meta shton se “duke zgjedhur penën si armë për luftën e tij të jashtëzakonshme patriotike, vargjet e Naimit vijnë aktuale në çdo kohë si udhërrëfyes patriotik për mbarë kombin shqiptar në mbrojtje të Atdheut, gjuhës dhe trashëgimisë tonë kulturore e historike.Pavarësia e Shqipërisë është padyshim edhe fryt i angazhimit patriotik të plejadës së rilindësve shqiptarë, tre ndër më të shquarit e të cilëve kanë qenë padyshim Abdyli, Naimi dhe Sami Frashëri. Nuk ka provë më bindëse, se sa aktualiteti i veprës së tyre në rrugën tonë drejt integrimit evropian”, shprehet ai./ KultPlus.com
Dilemat, sfidat, pengesat, problemet, brengat, vështirësitë fizike dhe shpirtërore, emocionet e ndjenjat e ndryshme, përjetimet personale dhe jo vetëm, u shpalosën në formën e prozës poetike dhe rrëfimeve nga gjithsej 11 persona të verbër në librin e titulluar ‘Rreshtat e bardhë’, që sot u promovua në ambientin e KultPlus Caffe Gallery, shkruan KultPlus.
Libri ‘Rreshtat e bardhë’ vjen për herë të parë në Kosovë si rendiment i projektit ‘Vargu i bardhë’, i cili është duke u realizuar nga ‘Iniciativa e Pavarur e të Verbërve të Kosovës’ dhe njëkohësisht konsiderohet një vazhdimësi e projekteve të ndryshme në fusha të ndryshme të jetës së këtij komuniteti dhe shoqërisë në përgjithësi.
Në ambientin e ngrohtë të KultPlus Caffe Gallery, të pranishmit patën rastin të dëgjojnë nga afër disa nga rrëfimet e këtyre autorëve e po ashtu të takohen e të bisedojnë me ta rreth rrëfimeve dhe krijimeve të tyre.
Kurse, për të folur rreth librit, i pranishëm ishte edhe recensenti i librit Pajazit Krasniqi, i cili fjalimin e tij e ka titulluar me emrin ‘Në çdo varg nga një rrëfim’.
“Të shkruash një autobiografi, jo rrallëherë je në dilemë se çfarë të vendosësh në fillim e çka në fund të librit sepse jeta nuk të lejon të zgjedhësh më të mirën për vetën tënde pavarësisht sfidave. Andaj, pikërisht ky libër portretizon motivin e autorëve për të tejkaluar çdo sfidë pavarësisht vështirësive që ata i hasin çdo ditë”, thotë Krasniqi.
Sipas tij, është hera e parë që ai ka lexuar rrëfime të tilla të shprehura në një origjinalitet të rrallë ku përmes tregimeve autorët tregojnë se me zemrat e tyre të bardha shohin përtej asaj që ndonjëherë shihet me sy, prandaj edhe ai e titulloi kështu recensionin e librit.
“Një libër i mbushur me histori interesante ku autorët janë personazhe në shtjellimin e ngjarjeve të paraqitura ku gërshetohet dashuria për jetën dhe elementet që ndërlidhen me përditshmërinë e këtyre autorëve. Shprehja e tyre e ngrit më shumë emocionin e leximit duke na futur në përjetimin e situatave të tyre që japin porosinë se çdo gjë është e mundur”, përfundon Krasniqi.
Tutje, pas vlerësimit të librit nga Krasniqi, fjalën e morri edhe redaktorja e librit, Vera Pelaj e cila foli rreth përmbajtjes së librit dhe specifikat e rrëfimeve të autorëve.
“Në këtë libër me prozë poetike autorët kanë shprehur ëndrrat, shpresat dhe kërkesat e tyre siç i kemi edhe ne. Përveç që shprehin dashuri, vullnet dhe forcë, ata në rrëfimet e tyre përdorin edhe figura stilistike të cilat i shtojnë vlera rrëfimeve. Po ashtu, përdorin figurën krahasuese, metaforën, alegorinë e shumë figura të tjera. Secili rrëfim ka specifikat e veta por të gjitha të dërgojnë në një pikë, në motivim”, thotë Pelaj.
Sipas saj, ti lexosh rrëfimet e përmbledhjes ‘Rreshtat e bardhë’, vërehet se tek lexuesi përcillet bardhësia, dashuria dhe mesazhi për të mos u dorëzuar. Ndërkohë, të gjitha rrëfimet janë personale përmes të cilave rrëfehen peripecitë për të arritur atë se çfarë kërkohet, pavarësisht sakrificave.
Kështu krejt në fund, të pranishmit patën rastin ti dëgjojnë rrëfimet si: ‘’Ëndrra e përjetshme’’ nga Adelina Hajdinaj, ‘’Pritja e autobusit’’ nga Betim Bregovina, ‘’Pallati i zemrës’’ nga Fjolla Muhaxhiri-Agusholli, ‘’Punësimi dhe sprovat’’ nga Halil Kurmehaj, ‘’Sfida, kur djali i mbushi dy vjet’’ nga Hasime Ajdini-Pajaziti, ‘’Përdorimi i telefonave të mencur’’ nga Hashim Llumnica, ‘’Qoftë vetëm edhe një ditë’’ nga Mevlude Emini, ‘’Të punosh në dritën e shpirtit’’ nga Naim Lezi, ‘’Fjalët e syve të shprehura me zemër’’ nga Rinesa Azizi, ‘’Ndërrimi i figurave’’ nga Shkurta Bregovina si dhe ‘’Jeta është shkollë’’ nga Yllka Berisha.
Ky libër është sponsorizuar nga Drejtoria për Kulturë, Rini dhe Sport. / KultPlus.com
Akademia e Shkencave e Shqipërisë në bashkëpunim me Universitetin e Gjirokastrës “Eqrem Çabej” kanë zhvilluar sot më 25 maj në Gjirokastër “Konferencën shkencore në nderim të 175-vjetorit të lindjes së Naim Frashërit”.
Seanca e parë u drejtua nga Rektori i Universitetit të Gjirokastrës prof. Bektash Mema, akad. Pëllumb Xhufi-Kryetar i Seksionit të Shkencave Shoqërore dhe Albanologjike dhe prof. Merita Gjokutaj.
Në fjalën e përshëndetjes Kryetari i Akademisë së Shkencave, Skënder Gjinushi foli për rolin e madh të Naim Frashërit në rilindjen kombëtare dhe vendin që zë krijimtaria e tij në letërsinë shqipe.
Fjala e plotë e Kryetarit të Akademisë së Shkencave, Skënder Gjinushi
“I nderuar prof. dr. Bektash Mema, Rektor i Universitetit “Eqrem Çabej”,
Të dashur profesorë, akademikë, studiues pjesëmarrës nga vendet e rajonit, nga Kosova e Greqia,
Kjo konferencë shkencore që po çelim është e para në rendin e një vargu veprimtarish që Akademia e Shkencave ka parashikuar të zhvillojë këtë vit, në 175-vjetorin e lindjes së figurës emblematike të Rilindjes Kombëtare, Naim Frashërit e gjatë këtij viti do të ndiqet nga konferenca e botime të tjera, veprimtari nderimi dhe studimi.
Në historinë e popullit tonë ka pasur shumë personalitete që i kanë mbiquajtur Shqiptari, por vetëm njërit prej tyre populli i bashkoi edhe emrin e vendit të vet, dhe ky ishte Naim Shqipëria.
Siç pati shkruajtur Eqrem Çabej tutje tetë dekadave e ca, ideologjia kombëtare shqiptare lindi dhe u formësua si një zgjim sinkronik: dega lindore e saj, me Naim Frashërin në kryeqendër, që udhëhiqej nga idealet iluministe volteriane të Perëndimit, nga njëra anë; dhe dega europiane e saj, me Jeronim de Radën në qendër, e cila, bashkëvajtëse e rrjedhave të bajronizmit, kishte në përmbajtjen e vet ekzotikën e Lindjes: dhe jo vetëm të lindjes në këtë anë të Adriatikut, të “Motit të madh të arbërve”, por ekzotikën tipike perëndimore, që mbërrinte deri te mitet e kryemoçme sanskrite.
Naim Frashëri dhe Jeronim de Rada janë dy figurat më të rëndësishme të shekullit të formimit të vetëdijes kombëtare shqiptare. Rreth tyre bashkohen të gjithë: poetë, mendimtarë, publicistë, kryengritës.
Naim Frashëri është ndër figurat e rralla që nuk është kontestuar gjatë gjithë historisë së jetës dhe veprës së vet.
Naim Frashëri është poeti i historisë së letërsisë shqipe i gjithëpranuar si poet kombëtar e çdo përpjekje për të krijuar opozicione të gjithfarshme me figurën e tij: mbi baza lokale, gjuhësore, madje edhe fetare, s’ka patur jehonë e vetëm e kanë lartësuar figurën e tij. Vëreni me sa elegancë dhe fisnikëri shkruante Àt Gjergj Fishta për njërin prej trinisë së pandashme të Frashërllinjve pikërisht Àt Gjergj Fishta, në veprën e tij Lahuta e Malcìs, krejt sfidant ndaj ngucakeqasve që e bezdisnin dita me ditë duke e pyetur direkt e tërthorazi: pse të ketë një poet kombëtar, a nuk duhet të ketë një jugu e një veriu, një tosk e një gegë, një të krishterë e një mysliman:
Aj âsht trimi Frasher Begu,
Qi gjithkund, ku e qiti shtegu,
I la nâm aj Toskënìs,
Faqe t’ bardhë i la Shqypnìs.
Ka pasur Frashërllinj me emër edhe më parë. Frashërllinj ishin edhe Dalip e Shahin Frashëri, poetë bejtexhinj që shkruan poema të mëdha epike sipas modës së bejtit oriental. Dhe Naimi, siç thonë studiuesit, mësoi prej tyre rregulla dhe kode të vargëzimit. Por jo frymën. Frymën ai e mori nga shpirti i kombit.
Ndryshimi që ndodhi në kalimin prej Frashëllinjve bejtexhinj tek Frashërllinjtë e ideologjisë së Rilindjes ka qenë epokal. Me Naimin ndodhi kalimi prej vjershërisë perandorake otomane në vjershërinë kombëtare. Në rrethanat që u krijuan pas masakrës së Manastirit (1830) dhe zhdukjes me rrënjë të elitës së vjetër vendase, e vetmja shpresë shpëtimi për Shqipërinë ishte lindja e një elite të re. Dhe Naimi krijoi modelin si të ndihesh shqiptar. Ndoshta për këtë duhet t’i jemi më së shumti mirënjohës atij. Ky ndikim i tij, u ndje në tërë periudhat e mëvonta veçanërisht në momentet më të vështira për vendin e popullin siç ishte periudha e pushtimit nazifashist gjatë së cilës një prej batalioneve më aktive partizane mori emrin “Naim Frashëri”.
Naim Frashëri i erdhi Shqipërisë si një projekt ardhmërie. Dhe nuk erdhi nga boshi. Ajo u parapri nga ideologjia e shekullit të 18-të, që tek arbëreshët u quajt albanesità, gjatë së cilës emri Shqipëri dhe emri shqiptar u përgjithësuan ndër tërë bashkatdhetarët, për të kulmuar me shprehjen lapidar për vendin e tyre prej Naim Frashërit Ti Shqipëri më jep nder, më jep emrin shqipëtar.
Imazhi i Shqipërisë ekziston në shumë forma: ka një Shqipëri politike, ka një Shqipëri ekonomike, një Shqipëri zakonore, një Shqipëri gjuhësore. Por Shqipëria më e bukur është Shqipëria letrare dhe midis Shqipërive letrare ajo e Naimit është shkëndijuese, po aq shkëndijuese sa edhe Arbëria e lavdisë së epokës së Gjergj Kastriotit në poemat e De Radës.
Naim Frashëri i bëri bashkëkombësit e vet të besonin se vendi i tyre ishte po aq i denjë sa çdo komb tjetër i qytetëruar në botë. Qëllime të tilla mund t’i arrijnë vetëm poetët misionarë.
Naimi është nga ata poetë që doli jashtë kufijve të gjuhës së vet. Ai shkroi vepra origjinale në greqisht, turqisht dhe persisht, shkroi e botoi edhe arabisht. Ai studiohet si poet shqiptar i masnavive në historinë e letërsisë persiane. Hartoi gramatika të gjuhëve të Lindjes, të persishtes klasike dhe të osmanishtes; shkroi tekste shkollore për arsimin shtetëror të perandorisë, që u botuan edhe pasi u nda nga jeta. Lexonte iluministët francezë dhe përshtati vepra nga frëngjishtja.
Kur Samiu përkthente Të mjerët në turqisht, Naimi përkthente Iliadën shqip e turqisht. Vepra e tij u shtri nëpër kontinente. Shkruante Bagëti e Bujqësinë duke ndjekur gjurmën Virgjilit tek Gjerogjiket e Bukoliket, rikrijonte sipas modeleve dhe motiveve të më të madhit poet të humanizmit klasik pers Xhelaledin Rumiu, adhuronte Ruso e Volterë, përkthente atin e vjershërisë, Homerin. U shkruante europianëve dhe popujve të Ballkanit në gjuhët e tyre. Kanë kaluar 120 vjet nga ndarja e tij nga jeta dhe prapë ka vepra të reja që zbulohen.
Naim Frashëri është ndoshta i vetmi poet që nuk ka nevojë jo të përshtatet, po as të redaktohet – kaq e afërt dhe ekumenike është shqipja e tij për të gjithë folësit bashkëkohës. Në themelet e shqipes së sotme është verbi naimian. Kongresi i drejtshkrimit nuk do të merrte dot vendimet që mori pa veprën e Naimit. Poezia e Naimit u këndua madje edhe në mënyrë polifonike nga këngëtarët popullorë të Kosovës kur Kosova ishte ende Jugosllavi.
Ne do t’i jemi gjithnjë mirënjohës për idenë misionare që shqiptoi; për projektin e Rilindjes Kombëtare, që çoi në pavarësinë e Shqipërisë e të Kosovës; projekt i cili ka ende për të realizuar atë që sot quhet integrimi europian.
Figura e Naimit, vepra e tij, shërbejnë si qiriu për ta çuar deri në fund këtë projekt madhështor, që shprehej përmes vargjeve të tilla:
Jak’ o ditë e uruar, Që lind nga perëndon, At’ anë e ke ndrituar E ne pse na harron?” / KultPlus.com
Neser me 26 Maj Zyra e Karrieres ne bashkepunim me Zyren Nderkombetare te Kolegjit Universum organizojne Panairin e Karrires dhe Studimeve Jashte Vendit. Ky panair i ketij lloji, eshte duke u organizuar per te here ne Kosove nga nje Institucion i Arsimit te Larte.
Mbi 20 korporata, spitale, organizata, dhe Institucione tashme kane konfirmuar pjesemarrjen.
Mbi 10 Ambasada te huaja do te marrin pjese duke e perfshire: Ambasaden Amerikane, Japoneze, Franceze, Britaneze, Sllovene dhe Turke per te shpalosure mundesite e studimeve ne shtetet qe perfaqesojne.
Do te organizohen aktivitete dhe kuize te ndryshme gjate dites;
Poashtu do te keni kendin per Foto profesionale per LinkedIn profile.
Panairi do te percjellet edhe nga mediat vendore TV dhe ato te shkruara. Poashtu, Panairi do te shfaqet edhe livestream ne Facebook te Kolegjit Universum. Panairi do të mbahet neser me 26 Maj, e Merkure nga ora 10:30 në Kampusin e Kolegjit Universum (Lipjan).
Gjon Muharremaj, i njohur me emrin artistik Gjon’s Tears, ishte këngëtari shqiptar që përfaqësoi Zvicrën në Eurovision. Zëri brilant dhe performanca mbresëlënëse skenike bëri për vete audiencën, duke bërë që të renditej në vendin e tretë. Gjatë këtij kompeticioni, këngëtari nuk nguroi të tregonte me krenari edhe origjinën e tij shqiptare.
Gjatë një interviste që ka dhënë së fundmi, Gjoni ka treguar se është frymëzuar nga artistja shqiptare Aurela Gaçe për të marrë pjesë në “Eurovision”.
“Pashë Aurela Gaçen, këngëtare në Shqipëri që na përfaqësonte në “Eurovizion” vite më parë dhe po mendoja: çfarë dritash, çfarë shkëlqimi dhe kur e pashë po mendoja kjo është diçka shumë e madhe dhe fillova të ëndërroja. Por, bëra gjëra të tjera në muzikë dhe nuk mendova më për të deri këtë vit”, është shprehur ai.
Ndërsa Aurela Gace, pasi ka dëgjuar këtë intervistë, është shprehur e lumtur që është bërë shtysë që Gjon i të marrë këtë vendim të bukur.
“Auuu 🙈 E lumtur kur degjoj se bëhesh sadopak shtysë për të marre nje vendim të bukur 🥰🥰🥰🥰 @gjon.s_tears 🙏 te uroj shume sukses, në çdo hap tjetër e paç nje karrierë plot sukses”, shkruan Aurela. / KultPlus.com
Studentët e Dept. Dizajn Mode në Kolegjin Universum mahnitën publikun me kreacionet e tyre në Prishtina Fashion Night. Studentët ishin pjesë për herë të parë në evenimentin më të rëndësishëm të modës në vend. Ata u përfaqësuan denjësisht me koleksionin për fëmijë dhe për të rritur.
Kolegji Universum do të vazhdoj t’i ofroj studentëve mundësi të arta për t’u rritur në karrierë dhe shumë shpejt do të jetë pjesëmarrës edhe në evente të tjera të rëndësishme.
Duke prodhuar një koleksion të rrobave të modës, sintetizuar kërkimin dhe hartimin në vizatimet e punës, rezultatet përfundimtare, studentët po ndjekin ciklin e plotë të modelimit dhe prodhimit të modës.
E poashtu Kolegji Universum u ofron studentëve pajisje të specializuara në të dy kampuset. Kjo përfshin bibliotekën, laboratorin e dizajnit të modës, pajisje dhe mjete profesionale, makina qepëse, manikene etj.
Kolegji Universum është kolegji më inovativ në Kosovë, i renditur në Top 1000 shkollat më të mira të biznesit në botë nga Agjencia Eduniversal.
Për më shumë informata rreth projekteve dhe aktiviteteve që angazhohen studentët që nga viti i parë në Kolegjin Universum ndiqni në facebook & instagram, kontaktoni në [email protected] apo telefononi në +383 44 144 062.
