Rita Ora bëhet Ambasadore për mbrojtjen e elefantëve në Afrikë

Pas një udhëtimi disa ditor në Afrikë, Rita Ora sot ka lajmëruar se ka pranuar të jetë një Ambasadore për organizatën ‘Space for Giants’.

Organizata bamirëse merret me ruajtjen e elefantëve në këtë zonë të Afrikës.

“Pata një udhëtim që ma ndryshoi jetën. I pashë kafshët e egra dhe kafshët tjera dhe kushtet në të cilat jetonin, dhe mendova se do të jetë e rëndësishme të flasim për një çështje të tillë” tregon Rita Ora.

Ajo ka vizituar Keninë ndërsa në këtë projekt do të bashkohen edhe Uganda, Gaboni dhe Bostëana. Rita ka treguar për mediet e huaja se do të ndihmojë në këtë organizatë në çdo mënyrë të mundshme, shkruan KultPlus.

Rita do të udhëtojë edhe në të ardhmen në Afrikë.

Rita Ora vazhdimisht ka postuar fotografi nga udhëtimi i saj në këtë pjesë të botës, madje për ditëlindjen e saj të 27-të. / KultPlus.com

Rita Ora ndihmon nxënësit e Londrës

Rita Ora është bërë pjesë e kampanjës për të ndihmuar nxënësit e Londrës, përcjellë KultPlus.

Ajo përpos kësaj kampanje për nxënësit në Londër, të cilëve do tu ndihmohet për t’iu siguruar shujta në shkollë, është bërë pjesë edhe e kampanjës tjetër, për mbrojtjen e elefantëve në Afrikë. Mediet e huaja kanë potencuar faktin se Rita Ora ka lindur në Kosovë para se të vinte në Londër, duke potencuar poashtu edhe detajin tjetër se ajo bashkë me familjen e saj ishin refugjatë.

Bëhet e ditur se nga një euro që do të dhurohet në këtë kampanjë, do ti sigurojë fëmijëve londinezë,kryesisht në shkollat jo të favorizuara, nga një shujtë./KultPlus.com

“Gipsy Groove” me dy koncerte në Zvicër

Grupi “Gipsy Groove” nga Kosova, i njohur ndërkombëtarisht për interpretimin e muzikës me bazë rome të Ballkanit, së shpejti do të mbajë dy koncerte në Zvicër.

Kështu, ai, më 1 dhjetor do të jetë mysafir në Cyrih, në ambientin e njohur alternativ Photobastei, Sihlquai 125, 8005 Zürich, me fillim në orën 20.00, shkruan albinfo.ch.
Një ditë më vonë grupi i udhëhequr nga këngëtari dhe instrumentisti virtuoz Bajram Kinolli “Kafu”, prezantohet para publikut të Bernës. Në kuadër të mbrëmjes Balkanb&World Music Night, në Im Viento Sur, Lerchenweg 33, 3012 Bernë. Edhe këtu koncerti fillon në orën 20.00.

Bendi është i njohur për shkrirjen që i bën stileve të muzikës Funk, Ska, Reggae dhe xhaz me muzikën tradicionale rome të Ballkanit. Në këngët që interpreton, grupi i përbërë nga gjashtë veta tematizon edhe temën e të drejtave të njeriut, gjegjësisht të romëve në gjithë botën./KultPlus.com

Filmi që ka propozuar Shqipëria për çmimin Oscar edhe në Dokukino në Prizren (VIDEO)

Filmi artistik i metrazhit të gjatë “Dita zë fill”, me regji të Gentian Koçit që tashmë është i propozuar nga shteti shqiptar për çmimin Oscar, do të prezantohet edhe në Kosovë, shkruan KultPlus.

Ky film do të shfaqet në Dokukino prej 7 dhjetorit, në terminin e rregullt prej orës 19:30.
Filmi “Dita zë fill”, tashmë është edhe film i çmimeve, pasi që, aktorja e këtij filmi Ornela Kapetani ka fituar çmimin “Zemra e Sarajevës”, si aktorja më e mirë e festivalit, sikurse që ky film ka fituar edhe çmimin ‘Golden Sun’, filmi më i mirë në Cinedays Fest of European Film.

Ky film flet për një nënë e cila bashkë me foshnjën e saj vendosin të jetojnë me një grua të vjetër dhe të sëmurë. Kompromiset morale që njerëzit duhet ti bëjnë kur ballafaqohen me sfida ekonomike dhe ato të mbijetesës, sipas Koçit, janë të pranishme dhe trajtohen në filmin shqiptar që nuk ka shumë kohë lansimi në treg. Në film luajnë: Ornela Kapetani: Suzana Prifti, Hermes Kasimati, Adele Gjoka…/KultPlus.com

Mund të bleni punimet origjinale të 22 artistëve shqiptarë me vetëm 99 euro

Konsiderohet të jetë ekspozita e parë shitëse kushtuar festave të fundvitit, shkruan KultPlus.

Në këtë ekspzitë që do të hapet më 7 dhjetor, mund të bleni punime origjinale vetëm deri në 99 euro, ku 22 autorë do te ekspozojne punimet e tyre. KultPlus ju sjellë emrat e këtyre artistëve, punimet e të cilëve mund ti keni në shtëpitë, zyret, institucionet…

Artistët që ofrojnë punimet e tyre me këtë cmim janë: Veli Blakcori, Blerta Surroi, Eshref Qahili, Arif Lushi, Adriana Puleshi, Rron Qena, Zake Prelvukaj, Arlinda Hajrullahu, Lyra Zajmi, Bardha Buza, Besnik Xhemajli, Merita Maloku, Burim Myftiu, Ardiana Kika, Eliza Hoxha, Mjellma Goranci, Afrora Uka, Vlora Harjullahu, Engjëll Berisha, Vala Blakcori, Zana Ramdani e Shqipe Kamberi.
Ekspozita do të hapet në Galerinë “Monet”, në ora 19:00, më 7 dhjetor./KultPlus.com

Luiza Xhuvani luajti tragjedinë e saj tek “Lukrecia Borxhia”

Nga Frédérique Roussel

Në Maj Teatri Kombetar , një vend i pasur me histori do të shkatërrohet, Eric Vigner zgjodhi të ngjisë në skenë në shqip pjesën e Viktor Hugo-it falë jehonës së saj me traditat e këtij vendi. Ai i ka ofruar rolin kryesor aktores së njohur Luiza Xhuvani, djali i së cilës është aktualisht në burg. Gjashtë shkronja u sollën në skenë nga aktorët : B,O,R,G,I,A. Janë të mëdha dhe të bardha.

Në qendër qëndron kolona pa fund e Bankusit dhe këto përbëjnë thelbin e dekorit. Eric Vigner ka realizuar një skenografi fine dhe të stilizuar të veprës së Viktor Hygo-it.

Ai ka shfrytëzuar thellësinë brutale të skenës , duke patur parasysh përshtatjen e Antoine Vitez, në 1985 : nje skenë boshe, e pushtuar nga erresira, e skalitur nga zëri dhe lëvizjet e aktorëve. Çdo gjë luhet në tragjiken e brëndshme të personazheve , në veçanti të Lukrecias, nënë inçestuale, e cila do të donte të fshinte me dashurinë e saj krimet e klaneve tiranike dhe dekadente. Për herë të parë në datë 12 Maj, “Lukrecia Borxhia” , nje pjesë mbi pushtetin(repriza ne Nëntor në Festivalin Mettre en scene në Rennes) u soll në skenë në Tiranë.

Kjo nuk është hera e parë që e shohim Eric Vigner-n në Tiranë, drejtor i teatrit CCCB-Teatri i Lorient prej 1996 deri më 2015. Në 2007, ai vjen ne Shqipëri, me ftesë të drejtorit të Teatrit Kombetar në Tiranë, Kristaq Skrami me pjesën «Berberi i Seviljes» të Beaumarchais duke patur në vemendje historinë politike dhe kulturore të vendit. Asnjëherë më parë nje regjisor francez nuk kishte drejtuar një trupë shqiptare brenda mureve të saj dhe në gjuhën e saj.

Dhjetë vjet më vonë, është pikërisht «Lukrecia Borxhia » ,vepra e përkthyer për këtë rast, e cila shumëfishon ekot e situatës politike të këtij vendi në Ballkan. «Kisha marrë me vete në avion një pjesë të Koltès dhe Lukrecia Borxhia-n, tregon Eric Vigner. Kisha ruajtur një kujtim të vagët të pjesës të Viktor Hygos të cilën nuk e kisha lexuar më që prej njëzet e pesë vjetesh”.

Regjisori menjëherë pa një projekt që i përshatej kulturës shqiptare, e identifikuar ndër shekuj nga ligji sy për sy dhe dhembë për dhëmbë, «Kanuni » një lloj drejtësie e zakoneve , na drejton drejt formës së Vendeta(gjakmarrje) ende në jetë në malet e veriut të Shqipërisë.Hakmarrja dhe korrupsioni ushqejnë familjen Borxhia.

«Lukrecia mendon se dashuria do të heqë cenet e trashguara të familjes Borxhia, vazhdon artisti Breton. Është një pjesë e mbushur me paradokse dhe paradokset janë pjesë e kulturës shqiptare, e në të njëjtën kohë familja për ta është shumë e rëndësishme. » Karriera ndërkombëtare Një telefonatë Luiza Xhuvanit, aktores së njohur shqiptare e cila luante rolin e Rozinës te Berberi i Seviljës.

«Në shfaqjen Lukrecia Borxhia, është gjithmonë aktoria që jep një atmosferë të veçantë, shpjegon ajo. Është një heroinë tragjike. » Në interpretimin e Luiza Xhuvanit, 53 vjeç, është dhimbja e brendshme dhe brishtësia që të tërheq dhe jo histeria.

Roli i një nëne në dëshpërim kryqëzohet me historinë e saj personale; kanë kaluar disa vite që kur djali i saj është dënuar me 30 vite heqje lirie. Shqipëria, një shoqëri e vogël prej 3 million banorësh, 800 000 janë vetëm në kryeqytet, e ku të gjithë e njohin situatën tragjike në të cilën është përfshirë ajo dhe familja e saj, do të ngjallë dashamirësi për të.

Ndërkohë që Luiza është një figurë publike e njohur në Shqipëri, e cila ka ndërmarrë një karrierë ndërkombëtare dhe ku spikati në filmin « Slogani »(2011), një film franko-shqiptar nga Gjergj Xhuvani, i cili fitoi çmimin e të rinjve si filmi më i mirë i huaj në Festivalin e Kanës. Që prej tre vjetësh Luiza jeton në Greqi. «I thashë : « Lexoje pjesën » , thotë Eric Vigner. Ajo e lexoi në greqisht dhe e pranoi rolin pas dy ditësh.”

Ky projekt teatral, ku provat e të cilit zgjatën dy muaj e gjysëm, shënojnë hyrjen e Viktor Hugoit në repertorin e Teatrit Kombëtar shqipëtar, por edhe i bie këmbanës së një salle historike. Në fakt, ndërtesa me vendodhje në zemër të qytetit shumë afër me sheshin Skënderbeg, së shpejti do të shkatërrohet. Që atëherë nuk është ndërtuar që te rëzistojë shumë.

Inaguruar nga Musolini ne 1940, kjo sallë italiane(megjithëse me kënde të drejta)është përdorur në fillim si kinema para se të përdorej si teatër. «Topaze» nga Marcel Pagnol ishte premiera që mbështolli në gjirin e saj në 1945 dhe që iu destinua trupës si teatri i ushtrisë ruse ne Moskë. «Para kësaj, kishte vetëm teatro amatore në Shqipëri, shpjegon Hervin Çuli, 46 vjeç, drejtori aktual i teatrit. Historia e teatrit profesional i këtij vendi filloi në vitin 1945″.

Ai tregon. ashtu siç e tregon dhe historia, se vitet e arta që ka njohur teatri kanë qëne vitet 60 dhe 70 me aktorë të njohur si Kadri Roshi, Suljeman Pitrarka ose Violeta Manushi. Para se çensura dhe kërcënimet për burgim të pengonin zhvillimin e një kreativiteti më të madh. Gjithashtu u ndaluan të viheshin në skenë vepra të Çehovit, autor i konsideruar atëherë si pesimist dhe dekadent.

“Gjenerata ambicioze » Ky vend që deri dje ishte totalisht i mbyllur, u hap ne vitin 1991, bishti i bllokut lindor, ai ka pasur mundësi të eksperimentojë mjaft gjëra. Por edhe kultura ka marrë disa goditje.Teatri Kombëtar ekuivalent me Komedinë Franceze me një trupë artistike të përhershme, pa të ndryshonte numri i aktorëve të përhershëm prej 60 anëtarësh në periudhën e regjimit komunist, në 28 anëtarë, sot me kontrata afatshkurtër”.

Në fillim të viteve 90 politika ka dominuar ndjeshëm dhe shumë artistë u bënë pjesë të Parlamentit të Shqipërisë, tregon Hervin Çuli, i shkolluar në Rumani në fillim të viteve 90 i cili ka vënë në skenë vepra nga Çehovi dhe Goldoni. Kemi jetuar njëzet e pesë vjet tranzicioni dhe sot mund të themi se gjenerata e re është ambicioze”.

Tregues i një kohe inkurajuese , vendi po pëson një bum të teatrove dhe të kompanive teatrore. Publiku i Teatrit Kombëtar është shumëfishuar keto tre deri në pesë vite të fundit dhe numri i shfaqjeve ështe trefishuar. Në 2016, të gjitha biletat e shfaqjes “Zbutja e kryeneçes » nga Shakespeare-i, “Tri Motrat » nga Çehov dhe « Tartufi » nga Molieri janë shitur paraprakisht.Ministria e Kulturës Mirela Kumbaro, femër e letrave dhe përkthyese, është mbështetëse e artit. Që prej një viti, kryeministri, Edi Rama, ka shpallur hapjen e nje teatri të ri në një uzinë të vjetër të pashfrytëzuar, Turbina.

E megjitashtë ndërtesa e Teatrit Kombëtar, e destinuar për të qënë provizore, ka mbijetuar shtadhjetë vjet. Gjëndja e saj është degraduar në mënyrë të konsiderueshme, krisje, rrejdhje, shkallë që rrezikojnë të bien, mungesë ngrohje dhe ajri të kondicionuar. Edhe materialet brenda lënë për të dëshiruar , është dashur të sillen prozhektorë nga Franca për të ndriçuar ashtu si duhet « Lukrecia Borxhia-n.»

Në lozha, pas shfaqjes Luiza Xhuvani, që nuk kishte shkelur në këtë skenë që prej katër vitesh, na rrëfehet për rolin : «Më mundësoi të them gjëra që nuk do të kisha thënë dot kurrë » . Dhe shton : «Teatri është një katarsis, Eric Vigner është një regjisor që bën teater si të ishte film. Ai është një kineast» .Përfundon Luiza Xhuvani , e cila pritet të sjellë në Greqi, rolin e Medeas.

Kjo ishte Shkodra e bukur para 104 vitesh (FOTO)

Në vitin 1913, Auguste Leon dhe Jean Bunhes, njëri fotograf e kimist dhe i dyti një profesor i gjeografisë humane në College de France, erdhën në Ballkan për të fotografuar jetën, zakonet dhe njerëzit, zhdukja e të cilëve është vetëm “çështje kohe”.

Ishte e pamundur që ky udhëtim të mos kalonte nëpër Shkodër, një prej qyteteve më të bukura dhe me më shumë histori në mbarë shqiptarinë.

Leon dhe Bunhes nisën me njerëzit e Shkodrës, vazhduan me peizazhin dhe me zakonet, me bukurinë e natyrës dhe me atë që shkodranët e quajnë jetë, atëherë në vitin e largët 1913-të, shkruan KultPlus.

Fotografitë po realizoheshin për t`iu dërguar më pas Albert Kahn, bankier dhe filantropist francez i cili ruajti rreth 72 mijë fotografi me ngjyra në rreth 22 jete të mbledhjes së fotografive. / KultPlus.com

Filmi me Bekim Fehmiun fillon të shpërndahet nëpër Francë (VIDEO)

Filmi “I even met happy Gypsies”, me protagonist aktorin legjendar shqiptar Bekim Fehmiu, ka nisur të shfaqet në Francë.

Pasi këtë vit janë shënuar 50-të vite qëkur filmi u realizua, shteti francez ka marrë të drejtën e shpërndarjes së filmit në një version më të përpunuar vizuelisht.

Në titullin origjinal ‘Skupljaci perja’, filmi me Bekim Fehmiun dhe me Olivera Katarinan, me regji nga Aleksandar Petroviq, këtë vit u dha në Kanë të Francës, në festivalin ku kishte triumfuar para pesë dekadash.

Në frëngjisht, filmi merr titullin ‘J’ai même rencontré des Tziganes heureux’, shkruan KultPlus. Distributori francez i angazhuar për filmin është Malavida, ndërsa ky film vjen i restauruar.

Filmi këtë vit është rikthyer në garë edhe për Festival Lumiere, Festival d`Arras dhe Festival Cinemed, të tria këto festival të rëndësishme të filmit në Francë.

Filmi, në 94 minutat e tij, bazohet në jetën e popullatës rome në Vojvodinë, por merret edhe me temën e dashurisë, etnisë dhe lidhjeve mes klasave sociale. / KultPlus.com

Këtu s’do jem

Poezia e famshme e shkrimtarit të madh Dritëro Agolli.

Këtu s’do jem do jem larguar
Në tokë i tretur si të tjerët
Në kafenenë e preferuar
Nuk do më shohin kamerierët

Dhe nëpër udhët ku kam ecur
S’do ndihet kolla ime e thatë
Mbi varrin tim do të rrijë i heshtur
Një qipariz si murg i ngratë

Ti do trishtohesh atëherë
Se s’do me kesh në dhome të gjallë
Dhe kur në xham të fryje erë
Do qash me erën dalëngadalë

Por kur të jesh mërzitur shumë
Në raft të librave kërkomë
Aty do jem i fshehur unë
Në ndonjë fjalë a ndonjë shkronjë

Mjafton që librin pak ta heqësh
Dhe unë do të zbres do t’vi pranë teje
Ti si dikur me mall do qeshësh
Si një blerim pas një rëkeje.

Dokumentet osmane hapen për publikun (VIDEO)

Arkivi i Shtetit hap për publikun arkivat e 500 viteve histori dhe përkatësisht dokumentet osmane nga shekulli i 15-të do të bëhen shumë shpejt të aksesueshme.

Tashmë procesi i digjitalizimit ka nisur dhe sipas specialistëve do të vijojë për së paku 2 vjet. Deri më tani janë kaluar rreth 16 mijë dokumente që përfshijnë sheriate, vendime gjykatash, urdhëresa, tapi, fermane nga Stambolli…

Sipas osmanologut Rezart Mezani, hapja e 500 viteve dokumente ka një rëndësi jetike jo vetëm për historinë por edhe për dokumentimin e pronave dhe regjistrat e tapive nga Vlora, Elbasani, Tirana, Durrësi, Kavaja, Berati dhe krahina të tjera i shërbejnë këtij qëllimi. Momentalisht specialistët po punojnë mbi një urdhëresë të sulltanit mbi një prijës katolik si Bib Dod Pasha, shkruan RTSH.

Dokumentet osmane dhe paraosmane nga shekulli i 15-të pas digjitalizimit, do të jenë të aksesueshme si në Turqi ashtu dhe në Shqipëri duke hedhur dritë mbi 500 vite të gjata pushtimi por dhe të pasura në dokumente./ KultPlus.com

Fotografitë e rralla të Marilyn Monroe që zbulojnë jetën e saj para se ajo të bëhej e famshme (FOTO)

Me flokët e saj të bardha dhe me buzë të kuqe, Marilyn Monroe u bë një nga figurat më të njohur te të gjitha kohërave, megjithatë, vetëm pak e dinë se si është dukur aktorja para se të jetë e famshme.

Emri i saj i lindjes kishte qenë Norma Jeane Mortenson. Monroe, kishte kaluar një fëmijëri vërtetë të vështirë. Ajo u zhvendos nga një shtëpi kujdestare në një tjetër, duke kaluar nëpër përvoja traumatike në pothuajse të gjitha shtëpitë. Monroe u martua në moshën gjashtëmbëdhjetë vjeçare, por as kjo martesë nuk i solli asaj lumturinë.

Gjithçka ndryshoi në vitin 1944 kur Monroe po punonte në një fabrikë ushtarake ku edhe u njoftua me një fotograf. Kjo marrëdhënie nxiti karrierën e modelimit të Marilyn-it, dhe kjo punë i hapi asaj dyert në industrinë e filmit.

Brenda një periudhe të shkurtër ajo u shndërrua në një nga yjet më të njohur në Hollivud, por një vajzë e trazuar gjithnjë fshihej pas saj. Monroe, kreu vetëvrasje në vitin 1962 ndërsa edhe sot ajo mbahet mend si një ikonë e kulturës popullore dhe një simbol i bukurisë.

KultPlus ju përcjellë disa nga fotografitë e Norman Jeane Mortenson para se të bëhej Marilyn Monroe./ KultPlus.com

‘Evetari – Ringjallja e alfabetit të harruar Shqiptar’ nesër në Prishtinë

Në Galerinë Kombëtare të Kosovës nesër hapet ekspozita ‘Evetari – Ringjallja e alfabetit të harruar Shqiptar’ me Edon Muhaxherin, shkruan KultPlus.

Prezantimi do të mbahet nesër, më 1 dhjetor me fillim nga ora 18:00 në GKK.

Edon Muhaxheri është artist i diplomuar në RIT Kosova. Në Maj 2017, ai prezantoi temën e diplomës së Masterit në Artet e bukura. Evetari, i cili fokusohet në ringjalljen e alfabetit origjinal të harruar, nga libri i parë Shqipëtar ABC në vitin 1844.

Për mbrojtjen e temës së Edonit, MFA në Praktikën e Ilustrimit në Institutin e Maryland, Kolegji i artit aranzhoi prezencën e Ellen Rixford, një artist i mirënjohur dhe kontribues në botën e sotme të automatizuar. Puna e tij autentike i siguroi një intervistë me Steven Heller për Magazinën PRINT, e cila u pasua me shfaqjen në GDUSA, AIGA Eye on Design, Design Ëeek, Hoë Things Ëork, dhe media tjera lokale dhe ndërkombëtare, duke përfshirë AFP, KOHA, Prishtina Insight, Flatra dhe shume tjera. Së fundmi, programi
Fulbright ka shënuar punën e Edonit me një storje personale në blogun e tyre
zyrtar.

Puna e tij vazhdimisht ndiqet dhe vlerësohet publikisht nga Shkëlqesia e saj ambasadorja e Republikës së Kosovës në DC, Vlora Çitaku, dhe Shkëlqesia e tij ambasadori i Shteteve të Bashkuara të Amerikës në Kosovë, Greg Delaëie. Ai ka prezantuar punën e tij disa herë në MICA, Ambasadën e Shqipërisë në DC, dhe në Universitetin George Ëashington, gjatë ngjarjes së Fulbright. Këtë Nëntor Ministria e Punëve të Jashtme të Republikës së Kosovës dhe Ministria e Kulturës së Shqipërisë, së bashku kanë ftuar atë të prezantojë punën e tij në Korçë, vendlindja e Naum Bredhit, autorit të librit të parë Shqiptar ABC, në vitin 1844.

Edoni, është i angazhuar si mësim-dhënës në studimet postdiplomike MFA in
Illustration Practice, dhe ‘Eksperienca e vitit të parë’, niveli bachelor, në Maryland Institute, Kolegji i Artit në Baltimore./ KultPlus.com

Charles O’Rear, fotografi që shkrepi fotografinë më të famshme në botë (FOTO)

Është sfondi i parazgjedhur për Microsoft Windows XP, një nga pamjet e cila njihet nga pothuajse çdo përdorues i kompjuterit, përcjellë KultPlus.

Kjo fotografi e njohur me emrin “Bliss”, është shkrepur nga fotografi Chuck O’Rear.

21 vite më parë, O’Rear u pozicionua para një kodre të gjelbër të Sonama, ku kapi këtë pamje.

“Unë së shpejti po i mbush shtatëdhjetë e gjashtë vite jetë dhe çdo ditë e më tepër e kuptoj se sa shumë rëndësi ka pasur fotografia “Bliss” e Microsoft-it në jetën time. Si krijues i fotografisë më të shikuar në histori, unë kam gëzuar çdo minutë të famës”, ka thënë fotografi O’Rear.

Charles O’Rear fillimisht e kishte dërguar këtë fotografi në Corbis në vitin 1996, dhe më pas Microsoft kishte blerë të drejtat e fotografisë në vitin 2000. /KultPlus.com

Shqipëria në vitet e para pas çlirimit, fotografi të rralla (FOTO)

Koleksioni Wilfried Fiedler ka shkrepur disa fotografi mjaft domethënëse rreth vitit 1957 gjatë udhëtimit të tij në Shqipëri.

Flitet për një fond personal fotografik të koleksionistit gjatë harkut kohor nëntor-janar 1956-57 dhe maj-gusht 1957.

Në këtë koleksion, mund të shikojmë Shqipërinë, në vitet e para pas çlirimit./ KultPlus.com

Do të vijë vdekja dhe do t’i ketë sytë e tu

Poezi e shkruar nga Cesare Pavese
Përktheu: Orjela Apolloni

Do të vijë vdekja dhe do t’i ketë sytë e tu,
kjo vdekje që nuk na ndahet nga
mëngjesi deri në mbrëmje, e pagjumë,
e shurdhët, si një pendim i vjetër,
a një ves i pakuptimtë. Sytë e tu
do të jenë një fjalë e kotë,
një britmë e mbytur, një heshtje.
Të tillë i sheh çdo mëngjes
kur e vetme përkulesh
para pasqyre. O shpresë e dashur,
atë ditë do ta dimë edhe ne
që je jeta dhe asgjëja.
Për të gjithë vdekja ka një shikim.
Do të vijë vdekja dhe do t’i ketë sytë e tu.
Do të jetë si të heqësh dorë nga një ves,
si të shohësh një fytyrë të vdekur
tek rishfaqet në pasqyrë,
si të dëgjosh një buzë të mbyllur.
Të heshtur do të biem në humnerë.

Era e fuqishme hoqi kulmin e muzeut në Malishevë

Si pasojë e erërave të fuqishme në territorin e Komunës së Malishevës, janë shkaktuar disa dëme, sidomos në kulme. Më së keqi e ka pësuar muzeu i qytetit, ku rreth orës 10:10, era e fortë e hequr komplet kulmin e ndërtesës, njofton kumtesa komunale.

Për fat, nuk ka të lënduar, edhe pse në atë moment ka pasur kalimtarë të rastit përreth muzeut.

Të gjitha ekipet e sigurisë dhe të emergjencave, kanë dalë në vendin e ngjarjes dhe janë duke u marrë me eliminimin e këtij dëmi dhe krijimin e sigurisë për qytetarë. Dëmi është i konsiderueshëm. Masa të menjëhershme ka marrë edhe komuna.

Dëme më të vogla mund të shihen edhe në kulmet e ndërtesave tjera në qytet./ KultPlus.com

HAVEIT sonte te “Motrat”

Hapësira ekspozuese “Motrat” sonte më 30 nëntor, sjellë ekspozitën e radhës, shkruan KultPlus.

HAVEIT sonte do të prezantojnë ekspozitën e tyre të quajtur “Baby Blues”, me kurator Lulzim Zeqiri.

‘’Ma së pari laji flok’t, veç mos e le zdralin e kres me t’i ra trupit se sy e kam nuk t’ bahen nja’’

Beteja për drejtpeshimin e shpirtit dhe trupit në mes të një ‘’çmendunie’’ që pesha dhe gjatësia nuk i matet kurrë sakte, është një ‘’e ’bajsh me sh’net’’ e kahmotshme qe në krye i është dal veç me veten përgjysmë. I ndërtum si nji tansi inteligjente e mekanizmave mbrojtës të trupit n’gjendje të caktuar e mund mendjen dhe e refuzon atë që ta udhëheq plotësisht, në këtë ngatërrese frekuencash, ndërsa nga jashtë vie stigma.

HAVEIT (Alketa Sylaj, Hana Qena, Vesa Qena, Arbërore Sylaj) është një grup prej katër grave të cilat tentojnë të shkojnë përtej kënaqësive të përditshme, rregullave morale dhe refuzojnë të bien dakord me qështjet që po servohen.
Ato nuk bëjnë asgjë përpos se tregojnë historinë e tyre dhe të juajën! Grupi është themeluar në 2011, në Prishtinë.

Hapja e ekspozitës do të mbahet të Enjten, 30 Nëntor, nga 19:00 deri në 21:30 në (Rrugën Shaban Polluzha, pas Teatrit Kombëtar), dhe do të shoqërohet me një koktej të vogël.
Ekspozita do të jetë e hapur për publikun deri më 30 dhjetor, nga e hëna deri të premten, nga ora 09:00 deri në orën 18:00./ KultPlus.com

Dekorohet Shtëpia e Bardhë për Krishtlindje (FOTO)

Për Krishtlindjet e para si Zonja e Parë, Melania Trump ka zbukuruar Shtëpinë e Bardhë me shumë dekorime dhe detaje të veçanta, përcjellë KultPlus.

“Presidenti Barron dhe unë jemi shumë të ngazëllyer pasi që janë Krishtlindjet tona të para në Shtëpinë e Bardhë”, tha Zonja e Parë në një deklaratë. “Ashtu si për shumë familje të tjera anembanë vendit, traditat e festës janë shumë të rëndësishme edhe për ne. Shpresoj që gjatë vizitës në Shtëpinë e Popullit këtë vit, vizitorët do të kenë një ndjesinë e të qenit si në shtëpi për pushime “, ka thënë Melania Trump.

Sipas Shtëpisë së Bardhë, dekorimet përfshijnë një pemë si simbol për nderimin e familjeve ushtarake të Gold Star, po ashtu porcelanin e Presidentit Ronald Reagan, botimin i Presidentit Franklin D. Roosevelt “A Christmas Carol” , po ashtu është vendosur edhe një pemë e zbukuruar me stoli prej xhami të zbukuruara me vulën e çdo shteti dhe territori.

Shtëpia e Bardhë gjatë muajit dhjetor do të mbajë të hapura dyert e më shumë se 100 shtëpive dhe do të mirëpres më shumë se 25,000 vizitorë./ KultPlus.com

Fotografia e shtatzënisë së Beyoncé, më e pëlqyera në Instagram gjatë vitit 2017

Beyonce me fotografinë e saj të shtatzënisë ka grumbulluar më së shumti pëlqime në Instagram, duke u bërë kështu fotoja më e pëlqyer në platformën e mediave sociale të vitit 2017, përcjellë KultPlus.

Fotografia është një portret i realizuar nga fotografi Awol Erizku. Me këtë fotografi të postuar në shkurt të këtij viti këngëtarja kishte konfirmuar zyrtarisht shtatzëninë e saj kurse katër muaj më vonë, Beyoncé lindi binjakët Rumi dhe Sir Carter.

Pasi që fundi i vitit po afrohet, kjo fotografi deri tani ka arritur të marr 11 milion pëlqime, duke u shpallur si posti më i pëlqyer gjatë këtij viti. /KultPlus.com

Del Himni i panjohur i Flamurit, që shkroi Eqrem Çabej

Po ndajmë këtu me ju sot këtë “Himn të Flamurit” të panjohur, shkruar nga Eqrem Çabej më 1937, për ta paraqitur në konkursin e shpallur nga shteti shqiptar “për një himn të ri me frymë thjesht shqiptare”, shkruan GSH.

Çabej e tërhoqi këtë krijim nga konkursi, kur mori vesh se në të merrnin pjesë personalitete të cilët i nderonte e i çmonte lart e me të cilët nuk e quante veten të denjë të matej, bën me dije Shtëpia Botuese “Çabej”, që drejtohet nga e bija e dijetarit, Brikena.

Eqrem Çabej

HIMNI I FLAMURIT

Buzë valësh që rreh deti
Përmbi shkrepe mijvjeçare
Përmbi mal ku sundon shqipja
Edhe rrit gjini krenare,
Ku jep burri besa-besën
E ku vdes si vdiq qëmotit,
Po valon e lëshon hije
Flamuri i Kastriotit.
Ku rreh ti, atje po rrahin
Gjithë zemrat e bujarvet,
Ku valon, atje valon dhe
Gjaku i nxeht’ i Shqipëtarvet,
Atje lidhet besa e Zotit
Për liri dhe për Atdhe!
Se Shqipnia asht’ e jona!
Për at gjak e për kët dhe!
Te kështjell’ e bardh’ e Krujës
Rreth e qark e mbi bedena
U mblodh komb’ i fort’ i Arbrit
Rreth Shqiponjës me dy Krena.
U droth toka fort e vjetër
Kur i ranë kaq dëshmorë
Rreth flamurit të përgjakun
Si dhandurë me kunorë.
Ku rreh ti, atje po rrahin
Gjithë zemrat e bujarvet,
Ku valon, atje valon dhe
Gjaku i nxeht’ i Shqipëtarvet,
Atje lidhet besa e Zotit
Për liri dhe për Atdhe!
Se Shqipnia asht’ e jona!
Për at gjak e për kët dhe!
Ju Shqiptarë djemt e shqipes
Mos harroni se kush jemi.
Këtë flamur kurr të thyem,
Këtë gjak në dej që kemi,
Këtë truell që na dha Zoti,
Bani be se do t’i mbroni,
Dhe sa jet nji frym’e gjallë
Kurrëkuj s’do t’ia lëshoni.
Ku rreh ti, atje po rrahin
Gjithë zemrat e bujarvet,
Ku valon, atje valon dhe
Gjaku i nxeht’ i Shqipëtarvet,
Atje lidhet besa e Zotit
Për liri dhe për Atdhe!
Se Shqipnia asht’ e jona!
Për at gjak e për kët dhe!

“Kosovo Future Exhibition” sot në Muzeun e Kosovës

Sot më 30 nëntor, në Muzeun e Kosovës, prezantohet “Kosovo Future Exhibition”, shkruan KultPlus.

Kjo ekspozitë është projektuar për brezin e ri, ku përmes veprave artistike digjitale dhe interaktive do të diskutohet për shoqërinë e së ardhmes.

Pjesëmarrës në këtë aktivitet do të jenë nxënësit e shkollave fillore të Prishtinës ndërsa gjithçka nis me fillim nga ora 14:00 në Muzeun e Kosovës.

Agjenda

14:00 – 14:05 Hapja
14:05 – 14:15 Prezantimi i konceptit (English)
14:15 – 14:30 Prezantimi i konceptit (Shqip)
14:30 – 14:35 Si te participojme (Termokiss)
14:35 – 14:40 FAQ
14:40 – 14:45 Hapja dhe prezantimi i puntorise
14:45 – 15:30 Qyteti i se ardhmes, puntoria e femijeve (Ne bashkpunim me Muzeun e Kosoves)
15:30 – 16:00 Video ingjizimet (Femijet prezantojne punen e tyre)
16:00 – 16:05 Mbyllja

Sonte nis edicioni i dytë i “Kosova Brass Festival”

Sonte në Amfiteatrin e Bibliotekës Universitare të Prishtinës, vjen edicioni i dytë i festivalit “Kosova Brass”, shkruan KultPlus.

Ky edicion mbledh rreth vetës emra të njohur botërorë dhe sjellë aktivitete të ndryshme.

Instrumentistët pjesëmarrës sivjet në “Kosova Brass” vijnë nga Kosova, Shqipëria, Gjermania, Republika Çeke dhe Amerika.

Në mesin e tyre është dhe trumpetisti me renome botërore, gjermani Otto Sauter i cili do të prezantohet para publikut tonë me Piccolo Trumpetë i shoqëruar nga kuarteti i harqeve i udhëhequr nga violinisti jonë Visar Kuçi.

Festivali edhe këtë vit, rëndësi të veçantë do t’i kushtoj studentëve dhe nxënësve të tunxhit në vend. Në kuadër të festivalit do të organizohen gjatë gjithë kohës sa zgjatë festivali, masterklase për studentët me pjesëmarrës të festivalit.

Mbrëmja e parë e festivalit nis sonte më 30 nëntor me fillim në ora 19:00 në Amfiteatrin e Bibliotekës Universitare./ KultPlus.com

Emeli Sande mahnitë shqiptarët në sheshin ‘Skënderbej’, bën shqiponjën me duar (FOTO)

Këngëtarja me famë botërore Emeli Sande është ngjitur sonte (e mërkurë) në skenën e sheshit “Skënderbej” në Tiranë.

Ky koncert është organizuar nga bashkia e Tiranës, me rastin e festave të nëntorit. Emeli, e cila është e njohur për hitet në karrierën e saj, performoi mbrëmë para mijëra shqiptarëve të mbledhur në sheshin “Skënderbej”.

Një nga momentet më të veçanta gjatë mbrëmjes, duket të ketë qenë ai kur këngëtarja bëri shqiponjën me duar. Nga fotografitë e publikuara në rrjetet sociale, vërehet se atmosfera e krijuar ka qenë ‘e zjarrtë’ dhe shqiptarët e kanë shijuar në maksimum, shkruan Telegrafi./ KultPlus.com

“NET/RRJET”, sjellë edicionin e dhjetë me 13 artistë

Nesër më 1 dhjetor në Galerinë e Fakultetit të Arteve në UP, hapet edicioni i dhjetë i ekspozitës “NET/RRJET”, kuruar nga artistja Majlinda Kelmendi, shkruan KultPlus.

Kjo ekspozitë, mbledh rreth vetës gjithsej trembëdhjetë artist që janë: Agim Sulaj, Katerina Belkina, Irina Gabiani, Albana Ejupi, Erza Gjonbalaj, Kaltrina Vrajolli, Dean Tafaj, Bes Hoxha, Roland Kabashi,Frederik Berisha, Berna Blakqori, Naim Geci, Abetare Syla.

“Të lutem vërtetoje që s’je robot!”, titullohet ekspozita.

“Rritja e makinerive dhe inteligjenca artificiale është bërë kërcënim për botën në gjithë aspektet e saj. I njëjti skenar pasqyrohet dhe ne botën reale me sferat të cilat janë përgjegjëse për mirëqenien e njeriut por qe ne fakt dëmtojnë komunikimin dhe realizojnë veç funksionimin. Vërtetoje që s’je robot është vërtetimi që i përket një njeriu që premton shumë në botën online si një problem i madh për tu përmbushur në realitet. Përfshi këtu të gjithë aspektet e jetës, fekondimin artificial, mënyrën e sjelljes, komunikimin, mendimet kolektive pa identitet personal. Iluzioni dhe realiteti në deformimin ekstrem. Origjinale apo jo, ne boten e artit !?”, tregon koncepti i ekspozitës.

Ekspozita hapet më 1 dhjetor me fillim nga ora 19:00 në Galerinë e Fakultetit të Arteve në Prishtinë./ KultPlus.com